27/08/2024
အရေးပေါ်ဆေးအိတ်ပြင်တဲ့အခါ ထည့်စဉ်းစားရမယ့် အချက်တွေ-
အရေးပေါ်အိတ်မှာ ဆေးအပါအဝင် ရေ၊ စားစရာ၊ တစ်ကိုယ်ရည်သုံးပစ္စည်းတွေ၊ စာရွက်စာတမ်းတွေ စတာတွေ က မဖြစ်မနေပါရမှာပါ။ ဒါတွေကို တတ်နိုင်သမျှ ကျစ်ကျစ်လျစ်လျစ်နဲ့ သယ်ရလွယ်အောင် ထည့်ထားဖို့ လိုပါတယ်။ အိမ်ရှိလူကုန် သုံးလို့ရအောင် လုံလောက်အောင်လည်း ထည့်ဖို့ လိုအပ်ပါတယ်။ 👌👌👌
ဒီမှာတော့ ဆေးပစ္စည်းနဲ့ ပတ်သက်ပြီး ထည့်ရမှာကို အဓိကထားပြီး ပြောပြပေးသွားပါမယ်။ 🫶🫶🫶
💼 အရေးပေါ် ဆေးအိတ်မှာ ဘာတွေပါမလဲ 💼
အရေးပေါ် ဆေးအိတ်မှာ နှစ်ပိုင်း ရှိပါတယ်။
1️⃣ စွဲသောက်နေကျဆေးတွေရယ်၊
2️⃣ အရေးပေါ် ဆောင်ထားသင့်တဲ့ ဆေးရယ်ပါ။
✴️ နှစ်ခုစလုံးကို လုံလောက်အောင် ထည့်ထားရပါမယ် ✴️
1️⃣ စွဲသောက်နေကျဆေးများ
🔘 ဆီးချိုဆေး၊ သွေးတိုးကျဆေးတွေနဲ့ တခြားရောဂါအတွက် ဆေးတွေ အားလုံးပါပါတယ်။ ဒီဆေးတွေကို အနည်းဆုံး ၁ ပတ်စာ ကနေ တတ်နိုင်ရင် ၁ လ စာလောက် စုထားပါ။
ဘေးအန္တရာယ်တွေ ပြီးပြီးချင်းမှာ ဆေးတွေ ရှာဝယ်ဖို့လွယ်ဦးမှာ မဟုတ်သေးတဲ့အတွက် ပိုဝယ်ထားတာမမှားပါဘူး။
🔘 ဆီးချို၊ သွေးတိုးဆေးတွေ ကြိုဆောင်ထားသင့်သလို ကူးစက်ရောဂါအတွက် ဆေးသောက်ရတဲ့သူတွေကလည်း ဆရာဝန်နဲ့ တိုင်ပင်ပြီး ဆေးပိုဝယ်ထားသင့်ပါတယ်။ ဥပမာ - တီဘီရောဂါရှိသူတွေဆို ဆေးသောက်တာ ရက် မပြည့်သေးရင် အပိုဆောင်သင့်၊မသင့် ဆရာဝန်နဲ့ တိုင်ပင်ပါ။
🔘 HIV၊ ဘီပိုး၊ စီပိုး ရှိသူတွေကျတော့ ဆေးကို မဖြစ်မနေ အပိုဆောင်ထားရမှာပါ။
🔘 နောက်တစ်ခုက တားဆေးပါ။ တားဆေးသောက်တဲ့ အမျိုးသမီးတွေအနေနဲ့ ဆေးကဒ်ကို အမြဲ အပိုဝယ်ထားပါ။ အနည်းဆုံး တစ်လစာ ပိုဝယ်ထားသင့်ပါတယ်။
🔘 နောက် အရေးပေါ်တားဆေး၊ ကွန်ဒုံးစတာတွေလည်း ဆောင်ထားပါ။ အရေးပေါ်ကာလဖြစ်ပေမယ့် လိင်မှုကိစ္စက ပြောရခက်ပါတယ်။ သဘာဝဘေးကာလမှာ တားဆေးသောက်ဖို့ မေ့တာဖြစ်ဖြစ်၊ ၃ လခံ တားဆေး ထိုးဖို့ ရက်ကျော်တာဖြစ်ဖြစ် အတူနေမိပြီဆိုရင် ဖြေရှင်းလို့ရပါတယ်။
2️⃣ အရေးပေါ်ဆောင်ထားသင့်တဲ့ဆေးများ
အရေးပေါ်ဆောင်ထားသင့်တဲ့ ဆေးတွေ၊ ပစ္စည်းကိရိယာတွေကတော့ -
💠 Allergies အလာဂျီဆေးတွေ
ဥပမာ - diphenhydramine (ဘာမီတွန်)၊ loratadine သို့ cetrizine၊ လိမ်းဆေးဆို ကလမင်း လိုးရှင်း
💠 အကိုက်အခဲပျောက်ဆေးတွေ (ဥပမာ ပါရာစီတမော၊ အိုင်ဗျူပရိုဖန်)
💠 ဝမ်းပိတ်ဆေးတွေ (ဥပမာ loperamide)
💠 အစာအိမ်ဆေးတွေ (ဥပမာ pantoprazole သို့ ranitidine)
💠 လေဆေးတွေ (ဥပမာ simethicone သို့ aluminium hydroxide)
💠 ချောင်းဆိုးပျောက်ဆေး (ဥပမာ Dextromethophan)
💠 ချွဲပျော်ဆေး (ဥပမာ Acetyl-cystine)
💠 အအန်ပျောက်ဆေး (ဥပမာ Domperidone)
💠 ဓာတ်ဆား
💠 အနာကပ် ပလာစတာ
💠 ဒဏ်ရာမှာ ထည့်တဲ့ လိမ်းဆေး၊ ဟိုက်ဒရိုကော်တီဆုန်း လိမ်းဆေး၊
💠 အပူလောင်နာပျောက်ဆေး (Silver sulfadiazine)
💠 ခြင်မကိုက် လိမ်းဆေးတွေ
💠 ရေသန့်ဆေးပြား စတာတွေ ထည့်ထားသင့်ပါတယ်။
ဒီဆေးတွေက တစ်ကဒ်စီဆို ရပါပြီ။
ဒါ့အပြင်
💢 ညှပ် (ဇာဂနာ)
💢 ဒစ်ဂျစ်တယ် သာမိုမီတာ
💢 ကတ်ကြေးအသေး
💢 ပတ်တီး (ရိုးရိုးပတ်တီး၊ တြိဂံပုံ ပတ်တီး၊ ကျုံ့ဆန့်ပတ်တီး)
💢 ဆေးခန်းသုံး လက်အိတ် ၂စုံ ၃စုံ
💢 ဆေးခန်းသုံးတိပ် (paper tape ၁လိပ်)
💢 သွေးတိတ်ပလာစတာ စတာတွေလည်း ဆောင်ထားဖို့ လိုပါတယ်။
💢 ကလေးမိဘတွေကတော့ ကလေးအတွက် သုံးနေကျဆေးရှိရင် ထည့်ထားပါ။
💢 နောက်ပြီး ရာသီတုပ်ကွေးကာလ ဖြစ်တဲ့အတွက် နှာခေါင်းစည်း၊ လက်သန့်ဆေးရည် စတာတွေကိုပါ ထည့်ထားဖို့ လိုပါတယ်။
ကြိုတင်ပြင်ဆင်ထားတာ မမှားပါဘူး
အားလုံးအဆင်ပြေကြပါစေ
Credit to original
ဆေးဝါး သို့မဟုတ် ကျန်းမာရေးနှင့်ဆိုင်သော အကြောင်းအရာများကို အခမဲ့ ဆွေးနွေးတိုင်ပင် မေးမြန်းနိုင်ပါသည်။
ဒေါက်တာဖြိုးမြတ်သိန်းကို
ကြွယ်ဖြိုးဆေးဆိုင်
104လမ်း 57*58 အကြား
ပြည်ကြီးတံခွန်မြို့နယ်၊မန်းလေးမြို့
09763227702
