31/05/2024
ဘိုးဘွားများအတွက် Physiotherapy အကြောအဆစ်ပိုင်းဆိုင်ရာစောင့်ရှောက်မှု
မင်္ဂလာပါ ဘိုးဘိုးဖွားဖွားတို့ရဲ့ သားသမီးများရှင် 🙏
ဒီနေ့ ကျွန်မတို့ အကြောအဆစ်ဆေးခန်းမှ မျှဝေပေးချင်တာလေးကတော့ အိမ်မှာရှိတဲ့ မိမိတို့ရဲ့ သက်ကြီး မိဘဘိုးဘွားများကို အကြောအဆစ်ပိုင်းဆိုင်ရာစောင့်ရှောက်မှုများပေးနိုင်စေဖို့ ကျွန်မတို့ဆေးခန်းမှ ပြုလုပ်ပေးနေပုံလေးတွေကို မျှဝေပေးမှာဖြစ်ပါတယ်ရှင်။
အဘိုးအဖွားများမှာ အသက်အရွယ်ကြီးရင့်လာသည်နှင့်အမျှ အရိုး အဆစ် ကြွက်သားများ နာကျင်လာကြပါတယ်။ ထိုသို့နာကျင်လာကြသောကြောင့် မလှုပ်ရှားချင် ငြိမ်ငြိမ်လေးနေလာကြပါတယ်။ ငြိမ်ငြိမ်လေးနေလေ ကြွက်သားများတင်းလေ အဆစ်တွေခိုင်လေ ပိုနာလေဖြစ်သည်မို့ ကျွန်မတို့ဘက်က ကြိုးစားပြီး (ဘ်ိုးဖွားများဆိုတော့ ချော့မော့ပြီး) လေ့ကျင့်ပေးရမှာဖြစ်ပါတယ်ရှင်။
အသက်အရွယ်အရမ်းကြီးသော ဘိုးဘိုးဖွားဖွားတို့အတွက် Maintenance Therapy ( ယခုလက်ရှိထက်ပိုဆိုးမသွားစေရန်)ကို အဓိကထားကြိုးစားကြရမှာဖြစ်ပါတယ်ရှင်။ ဘိုးဖွားများ၏ လက်ရှိအနေအထားပိုဆိုးမသွားစေဖို့ ဘိုးဖွားများ၏ ရောဂါအခံများနှင့် တစ်ဦးချင်းစီအလိုက် လိုက်နာရမည့်ဆောင်ရန် ရှောင်ရန်များကို သေချာဂရုစိုက်မှသာ မလိုလားအပ်သော နောက်ဆက်တွဲပြသနာများ ( အဆစ်ပိုယောင်ခြင်း၊ နာခြင်း၊ အရိုးကျိုးခြင်း စသည်တို့) မှ ကင်းဝေးမှာဖြစ်ပါတယ်ရှင်။
ထိုကြောင့်လေ့ကျင့်ပေးရာမှာလည်း Physiotherapist အကြောအဆစ်ပညာရှင်များနှင့် တိုင်ပင်ဆွေးနွေးသင်ယူပြီး စနစ်တကျလေ့ကျင့်စေချင်ပါတယ်ရှင်။ ယခုရိုက်ပြထားသော vedio လေးကတော့ ၉၂ အရွယ်အဖွားကို လက်လေ့ကျင့်ခန်းလေးတွေလုပ်ပေးနေပုံဖြစ်ပါတယ်ရှင်။ ဖွားဖွားက လက်မောင်းသိပ်မမြှောက်နိုင် ကိုင်လိုက်တာနဲ့ နာတယ်ဟု ပြောနေပေမဲ့လည်း ချော့မော့ပြီး အဖွားအတွက်သင့်တော်သော လေ့ကျင့်ခန်းများကို နည်းနည်းချင်းလုပ်ဆောင်ပေးရပါတယ်ရှင်။
ခုလိုဝေမျှနိုင်စေရန် ခွင့်ပြုချက်ပေးသော အဖွား၏သမီးကိုလည်း ကျေးဇူးအများကြီးတင်ရှိပါတယ်ရှင် 🙏
ဘိုးဘိုးဖွားဖွားတို့၏ သားသမီးများလည်း အိမ်၌ရှိကြကုန်သော ဘိုးဖွားသက်ကြီးရွယ်အိုများကို ကျန်းမာရေးစောင့်ရှောင်မှုကောင်းစွာပေးခြင်းဖြင့် ကျေးဇူးဆပ်နိုင်ကြပါစေရှင် 🙏🙏🙏
ကိုယ်လည်း တနေ့ အိုရမည်သာ
ဇာခြည်ဝင်း
Physiotherapist
အကြောအဆစ်နှင့်
ပြန်လည်သန်စွမ်းရေး
