26/11/2022
ခေါင်းလျှော်မှားလျှင်
လေဖြတ်နိုင်သည်
ဘာကြောင့်လဲဆိုတာ
ရှင်းပြထားပေးတယ်နော်..
အစားမှား ရေချိုးမှားရှိသကဲ့သို့ ခေါင်းလျှော်မှားသူလည်းရှိပါသည်။
လေဖြတ်ရောဂါသည် လူ၏ အမှားကိုစောင့်၍ အလစ်ဝင်ရောက်တတ်သော ရောဂါဖြစ်သည်။ ဖြစ်သည်က တစ်ခနခံစားရသည်က တစ် ဘဝဖြစ်သည်။
စာရေးသူသည် လေဖြတ်သည့် လူနာများစွာကို ကုသပေးခဲ့ပြီး ထူးဆန်းသောအဖြစ်အပျက်များကို လည်း စာရေးလေ့ရှိသဖြင့် စာရေးသူထံရောက်လာသောသူများမှာ လူနာများအပြင် တစ်ခါတစ်ရံစာဖတ်သူ အချို့လည်း ရောက်ရှိလာလေ့ရှိသည်။
တစ်နေ့ ကျွန်တော့်ထံသို့ ရောက်ရှိလာသူမှာ မကွေးတိုင်းဒေသကြီးရှီ မြို့တစ်မြို့မှ မြို့နယ်ပညာ ရေးမှူးဆရာကြီးတစ်ဦးဖြစ်သည်။ သူက သူ့ကိုယ်သူ လေဖြတ်နိုင်ခြင်းရှိမရှိ စစ်လိုပါသည်ဟု ပြော သည်။
လေဖြတ်နိုင်သည်ရှေ့ပြေးလက္ခဏာများ
( ဥပမာ)- ပစ္စည်းကိုင်းလျှင် မကြာခန လွတ်ကျခြင်း၊ ခြေ လက်တို့တွင် ထုံကျင်ခြင်း၊ မကြာခန ဝမ်းချုပ်ပြီး ဗိုက်တွင် လေပွနေခြင်း၊ ဦးခေါင်းနောက်စေ့တွင် ခေါင်း ကိုက်ခြင်း၊ လမ်းသွားလျှင် ဖိနပ်ကျွတ်ကျန်ခဲ့ခြင်း၊ ရေချိုးပြီးလျှင် မျက်စိများနီရဲခြင်း စသည်တို့ကို မေးမြန်း ပါသည်။ အားလုံးကင်းလွတ်ပါသည်။
သွေးပေါင်လည်း ချိန်ကြည့်ပါသည်။ ပုံမှန်နီးပါးကောင်းပါသည်။ သူ့ တွင် ကျွန်တော်၏ ပညာနှင့် စမ်းသပ်ရသလောက်တော့ လေဖြတ်မည့် ရှေ့ပြေးလက္ခဏာမရှိပါ။ ထို့ကြောင့် လတ်တလော အခြေအနေ စစ်ဆေးသုံးသပ်ချက်များ ကောင်းနေ၍ လေဖြတ်ခြင်း ရုက်တရက်တော့ မဖြစ် နိုင်ကြောင်း ပြောပြပါသည်။
ထိုကဲ့သို့ သုံးသပ်ချက် အဖြေကောင်းနေသည့် အကြောင်းပြောသော်လည်း ထိုဆရာကြီးမှာ ဘဝင် ကျသေးပုံမပေါ်ပဲ မေးခွန်းတစ်ခုထပ်မေးပါသည်။ ထိုမေးခွန်းမှာ လေဖြတ်တာ မျိုးရိုးလိုက်တတ်သလားဟု ဖြစ်ပါသည်။
အတော်ဖြေရကျပ်သော မေးခွန်းဖြစ်ပါသည်။ လေဖြတ်ခြင်းသည် မျိုးရိုးလိုက်ဖြစ်ကြသူများလည်း ရှိပါသည်။ သို့သော် တစ်ယောက်တလေသာ(အထူးသဖြင့် အရ.္က်မဆင်မခြင်သောက်၍) လေဖြတ်ပြီး ကျန် ညီအစ်ကိုမောင်နှမများ ဘာမှမဖြစ်သူများလည်း ရှိပါသည်။
သွေးတိုးနှင့် ဆီးချိုရောဂါ မျိုးရိုးလိုက်ရှိသူများ ပင် လူတိုင်းလေမဖြတ်ပါ။ အမှတ်တမဲ့ သွေးတိုး၊ ဆီးချိုတက်သွားခြင်းကြောင့် တစ်ဦးတစ်လေ လေဖြတ် သွားသော်လည်း အစားကိုပုံမှန်ဂရုတစိုက်စားသောက်ပြီး သွေးပေါင်ချိန်ကို အစဉ်ဂရုစိုက်နေသူများမှာသက် တမ်းစေ့နေပြီး လေမဖြတ်ပါ။ ထို့ကြောင့် မျိုးရိုးလိုက်သည်ဟူသော စကားသည် အမြဲတမ်းမမှန်ကန်ပါ။
ထိုဆရာကြီးက မျိုးရိုးလိုက်ခြင်းကို ဘာကြောင့်မေးသလဲ၊ သူဘာကို ကြောက်နေတာလဲဟု သွယ် ဝိုက်မေးမြန်းကြည့်မှ ---
သူ့မှာ အစ်ကိုတစ်ယောက်ရှိကြောင်း ယခုလေဖြတ်ထားပြီး သတိလစ်နေသည်မှာ တစ်လခွဲ နှစ်လခန့်ရှိပြီး ဆေးရုံပေါ်တွင်ပင် အသက်ဆက်ထားရကြောင်း COMA ရောဂါမျိုးဖြစ်နေကြောင်း ပြောပြပါသည်။
ဖြစ်ပုံမှာ သူ၏အစ်ကိုသည် သူကဲ့သို့ ပညာများစွာ မတက်သော်လည်း စီးပွားရေးလုပ်ငန်းများတွင် အောင်မြင်သူဖြစ်သည်။ တစ်ဆင့်ထက် တစ်ဆင့်မြင့်လာရာ နိုင်ငံခြားကုမ္ပဏီကြီးတစ်ခု၏ မြန်မာနိုင်ငံဆိုင် ရာ ကိုယ်စားလှယ်တော်ကြီးအဆင့်အထိ အောင်မြင်ပြီး သူ၏ သားသမီးနှစ်ဦးမှာလည်း အမေရိကားတွင် တစ်ယောက်၊ အင်္ဂလန်နိုင်ငံတွင်တစ်ယောက် ပညာသင်ပို့လွှတ်နိုင်ခဲ့ပြီး ဒေါက်တာဘွဲ့များပင် ရရှိပြီးကြ လေပြီ။ အလွန်အမင်းချမ်းသာသူများပင် ဖြစ်သည်။ ညီဖြစ်သူဆရာကြီးမှာကား မြို့နယ်ပညာရေးမှူး ဘဝ ဝန်ထန်းထမ်းလစာဖြင့် ရိုးရိုးနေထိုင်သူ၊ အေးချမ်းစွာနေထိုင်သူ ဖြစ်လေသည်။
ဆရာကြီး၏ အစ်ကိုဖြစ်သူသည် စီးပွားရေးလုပ်ငန်းရှင်ကြီးများနှင့်အတူ အားလပ်ရက်၊ အားလပ် ချိန်များတွင် ဂေါက်သီး ရိုက်လေ့ရှိသည်။ ဂေါက်သီးရိုက်ခြင်းသည် ကျန်းမာရေးအတွက် အလွန်ကောင်းမွန် ပြီး လေကောင်းလေသန့်၊ ရှု့မျှော်ခင်း စိတ်ချမ်းသာမှုပေးနိုင်သည့် ကစားနည်းဖြစ်သည်။
အချို့ဂေါက်ကွင်းများတွင် စားသောက်ရန်၊ Restaurant Bar နှင့် ခေါင်းလျှော်ရင်းအနှိပ်ခံသည့် ဆိုင်များပါ ရှိသည်ဟု သိရသည်။
ပြီးခဲ့သည့်နှစ်က မေလတွင် မိုးခေါင်ပြီး အပူလွန်ကဲချိန်
တွင် ဖြစ်သည်။ ဆရာကြီး၏ အစ်ကိုနှင့် မိတ်ဆွေတစ်စုသည် နေ့ ၂ နာရီခန့်တွင် အပူလွန်ကဲသည်ဟုဆိုကာ ဂေါက်ကွင်းထဲမဆင်းကြသေးဘဲ အချိန်စောင့်မည်ဆိုကာ အပန်းဖြေနားနေရာရှိ ခေါင်းလျှော်ဆိုင်သို့ အချိန်ဖြုန်းရန် ရောက်သွားကြသည်။
ခေါင်းလျှော်သူမိန်းကလေးများ၏ တာဝန်မှာ ခေါင်းလျှော်သူကို အိပ်ခိုင်းပြီး ခေါင်းကို ရှန်ပူများဖြင့် အကြိမ် ကြိမ်လျှော်သည့်အပြင် ဇက်၊ပုခုံးစသည်တို့ကို ပါနှိပ်ပြီး အကြောလျှော့ပေးတတ်ကြသည်။ ဂေါက်သီးကစား သူအားလုံး အချိန်ဖြုန်းရင်း နေပူလျှင် ခေါင်းလျှော်အနှိပ်ခံလေ့ရှိသည် ဆိုကြသော်လည်း ထိုဆရာကြီး၏ အစ်ကိုကတော့ ဒီတစ်ကြိမ်သာ ခေါင်းလျှော်စင်ပေါ်ရောက်ဖူးသည်။
သူသည် အသောက်အစားကင်းသူ လည်းဖြစ်သည်။ စီး.ကရက် တစ်နေ့တစ်ဘူးခန့် သောက်သည်ကလွဲ၍ အရ.္က်မသောက်တတ်ပါ။ ခေါင်း လျှော်စင်ပေါ်တွင် အိပ်လိုက်ပြီးနောက် ခေါင်းလျှော်ပေးမည့် မိန်းကလေးက သူ့လည်ပင်းကို ရေစိုခံသား ရေပတ်ဖြင့် ပတ်လိုက်သည်။ ထို့နောက် ဦးခေါင်းဆံပင်များကြားသို့ ရေပန်းဖြင့် ဖျန်းလိုက်သည်။
“အန်ကယ်အေးရင်ပြောနော်… ရရဲ့လား” ဟု မေးသည်။ ရုတ်တရက် နေပူထဲမျ လာသူဖြစ်သဖြင့် ခေါင်းထဲမှာတော့ အေးသွားသည်မှာ အမှန်ပင်။ သို့သော် “ရပါတယ်” ဟု ဖြေလိုက်ပြီး ငြိမ်ခံနေလိုက်ချိန် တွင် သူ့ခေါင်းပေါ်သို့ ရေအေးများဆက်တိုက်ကျလာပြီး ခေါင်းလျှော်ရည်များဖြင့် ပွတ်သပ်ပေးနေသည်ကို သိသည်။ ဆံပင်များကို ကုတ်လျှော်ပြီး နောက်တစ်ကြိမ်ရေအေးဖြင့် ဆေးကြောပြန်သည်။ သူ့ခေါင်းနောက် စေ့ထဲမှ ရုတ်တရက် ကျဉ်တက်သွားသလို ခံစားရသည်။ ထို့နောက် မိုက်ခနဲဖြစ်သွားသဖြင့် သူ့လက်ဖြင့် ခေါင်းကိုဆေနေသည့် ရေပိုက်ကို လှမ်းဖယ်လိုက်ရန် ကြိုးစားလိုက်စဉ်မှာပင် သူ့လက်ပြုတ်ကျသွားပြီး သတိလစ်သွားသည်။
(ထိုအဖြစ်အပျက်များ၏နောက်တွင် ------)
ဆရာကြီး၏ အစ်ကိုသည် ထိုနေ့မှာပင် ရန်ကုန်မြို့၏ နာမည်ကြီး အထူးကုဆေးရုံ ကြီးတစ်ခုသို့ ရောက်သွားသည်။ ဆေးရုံမှ ဓာတ်မှန်စစ်ဆေးချက်များအရ ဦးနှောက်သွေးကြောတစ်ခုပေါက် သွားကြောင်း တွေ့ရသည်။ သူ့တွင် ရန်ကုန်၌ ဆွေမျိုးသားချင်းမရှိ။ သူ့မိတ်ဆွေများကပင် ဆရာကြီးထံ အကြောင်းကြားသည်။ ဆရာကြီးရောက်သွားပြီးမှ အမေရိကားရှိ သူ့သမီးကြီးကို အကြောင်းကြားရသည်။ ရန်ကုန်မှ ဆရာဝန်ကြီးများ၏ စစ်ဆေးချက်အရ ဦးနှောက်ကို ခွဲစိတ်ကုသရမည်ဖြစ်သည်။
သားသမီးများ၏ ခွင့်ပြုချက်လိုသည်။ သားသမီးများကို ရန်ကုန်ကုမ္ပဏီရုံးချုပ်မှ လှမ်း၍ ခွင့်ပြုချက်တောင်းသည်။ သူ့တုိ့က ရန်ကုန်မှာ မခွဲစေချင်၍ ဘန်ကောက်ရှိ နာမည်ကြီးဆေးရုံတစ်ခုသို့ သယ်လာစေချင်သည်။ အမေရိကားမှ ဦးနှောက်ခွဲစိတ်ဆရာဝန်ကြီးတစ်ဦးကို ဘန်ကောက်အထိပင့်လာပြီး ဘန်ကောက်တွင် ခွဲစိတ်မည်ဟုပြော သည်။
ချမ်းသာပြီး နိုင်ငံခြားကုမ္ပဏီ၏ ကိုယ်စားလှယ်လဲဖြစ်သဖြင့် လေယာဉ်ကို စင်းလုံးငှားဖို့ရန် စီစဉ်ကြ သည်။ လေယာဉ်စရိတ်မှာ သိန်းရာချီ၍ ပေးရသည်ဟု ပြောသည်။ ဘန်ကောက်တွင် ဦးခေါင်းခွဲစိတ်မှုပြု လုပ်ပြီး ဦးနှောက်ထဲမှ သွေးခဲများကို ဖယ်ရှားလိုက်ကြသည်။
သို့သော် သတိတော့ ပြန်လည်မလာပါ။ အချိန် ၆ နာရီခန့် နောက်ကျသွားသည်။ ဦးနှောက်အစိတ်အပိုင်းအချို့ သေသွားသည်။ ဆက်၍လည်း Coma ရသွားနိုင်သည်ဟု အမေရိကားမှ ပါရဂူကြီးက ပြောသည်။
လက်မလျော့သေးဘဲ တန်ဖိုးကြီးဆေ များသွင်းပြီး ကြိုးစားကြသေးသည်။
ထူးမလာ။ တစ်လကျော်ကြာပြီးနောက် လေယာဉ်စင်းလုံးငှားပြီး ရန်ကုန်သို့ ပြန်တင်လာကြသည်။ အသက်မဆုံးသတိလည်း ပြန်မရနှင့် ယခုအထိ ၂ လကျော်နေပြီ ဖြစ် ကြောင်း ဆရာကြီးက ပြောပြပါသည်။
ထိုအဖြစ်အပျက်သည်.....
Heat Stroke ခေါ် အပူလျှပ်၍ လေဖြတ်ခြင်းသည် ရုတ်တရက် နေပူထဲမှလာပြီး ခေါင်းကို ရေအေး ဖြင့် လျှော်ခြင်းကြောင့်ဖြစ်ပြီး လေဖြတ်သည့် မျိုးရိုးရှိခြင်းကြောင်းမဟုတ်ပါ။ အပူအအေးဆန့်ကျင် ဘက် တိုက်ပွဲကြောင့် ရတ်တရက်လေဖြတ်ရခြင်းဖြစ်သည်။
ထို့ကြောင့် ဆရာကြီးကိုလည်း ရှင်းပြနှစ်သိမ့်လိုက်ရပါသည်။ မိမိတို့ဆွေမျိုးညီအစ်ကိုမောင်နှမ အတွင်းတွင် တစ်ဦးတစ်ယောက်လေဖြတ်သည်နှင့် မျိုးရိုးလိုက်ပြီး ဖြတ်နိုင်သည်ဟု စိတ်အစွဲမထားရန်နှင့် လေ ဖြတ်သူ လုပ်ဆောင် ခဲ့သည်များကိုဆန်းစစ်ရမည်ဖြစ်ပါသည်။ ဤသင်ခန်းစာတွင် ခေါင်းလျှော်ဆိုင်သွား၍ ဘာမှ မဖြစ်နိုင်ပါ။ ခေါင်းလျှော်ခြင်း၊ အနှိပ်ခံခြင်းသည် ကောင်းသော၊ ကိုယ်လက်ပေါ့ပါး၍စိတ်ကြည်လင်စေသောကိစ္စဖြစ်ပါသည်။သို့သော် နေပူပြင်းလွန်းသောအချိန်တွင်ကားဦးနှောက်သွေးကြောပေါက်သည်အထိဖြစ်နိုင်ပေသည်။
လေဖြတ်လျှင် ငွေကြေးကုန်ကျအလွန်များပြီး ရာနှုန်းပြည့် ပြန်ကောင်းသူ အလွန်ရှားပါးပါသည်။ မိမိရှာဖွေထားသော စည်းစိမ်ဥစ္စာများမှာ လေဖြတ်ခြင်းကြောင့် ကုန်သွားနိုင်သည်။ လေဖြတ်ပြီး အသက် မဆံုးဘဲ ဆယ်နှစ်ကျော် အသက်ရှည်နေသူများကို တွေ့ဖူးပါသည်။ ကြာတော့ ပြုစုသူ သားသမီးများကပင် ငြိုငြင်လာကြပါသည်ကို တွေ့ရပါသည်။ ခေါင်းလျှော်ခြင်းကဲ့သို့ အသေးအဖွဲကိစ္စလေးကြောင့်ပင် လေဖြတ် ဦးနှောက်သွေးကြောပြတ်နိုင်သဖြင့် သတိပြု ဆင်ခြင်ကြဖို့ ရေးသားလိုက်ရပါသည်
တစ်ဆင့်ပြန်လည်မျှဝေခြင်းဖြစ်ပါသည်
++++++++++++
စာဖတ်သူမိဘပြည်သူများအနေဖြင့် ကျွန်တော်တို့တင်ပြပေးထားသည်ကိုဖတ်၍
ဗဟုသုတအဖြစ်မှတ်သားစရာတစ်ခုခုကျန်ခဲ့မယ်ဆိုရင် အလွန်ဝမ်းမြောက်မိမှာပါ။
အခြားသူများလည်းသိစေရန်ပြန်လည်မျှဝေခြင်းဖြင့်ကျန်းမာရေး ကုသိုလ်ယူပေးကြပါရန် မေတ္တာရပ်ခံအပ်ပါသည်။
လေးစားစွာဖြင့်မူရင်းရေးသားသူကို
ေးပါတယ်
🙏🙏🙏
ကျန်းမာရေးဗဟုသုတများကိုနေ့စဉ်နှင့်အမျှတင်ဆက်ပေးနေတာကြောင့် page ကိုlikeလုပ်ထားဖို့အကြံပေးပါရစေ
