Z&T Gastro Intestinal Specialist Clinic Mandalay

Z&T Gastro Intestinal Specialist Clinic Mandalay Z&T Gastro Intestinal Specialist Clinic was founded by Dr.Moe Myat Aung M.B.,B.S, M.Med.Sc(Surgery),MRCS(UK).

မိမိ၏စိတ်အတွင်း ဖြစ်ပေါ်နေသော အညစ်အကြေးများအား ခွာချစေသော ၊ ခြစ်ထုတ်စေသော ၊ သန့်ရှင်းစေသော တရားတော်မှာ သလ္လေခသုတ်ဖြစ်ပါ...
21/01/2026

မိမိ၏စိတ်အတွင်း ဖြစ်ပေါ်နေသော အညစ်အကြေးများအား ခွာချစေသော ၊ ခြစ်ထုတ်စေသော ၊ သန့်ရှင်းစေသော တရားတော်မှာ
သလ္လေခသုတ်ဖြစ်ပါတယ် ၊ ပါမောက္ခချုပ် ဆရာတော်ဘုရားကြီး ဟောကြားတော်မူထားခဲ့တာကို Z& T အစာအိမ် အူလမ်းကြောင်း အထူးကုဆေးရုံ၏ နံရံမှာ ကပ်ထားပါတယ် ၊ ဆရာတော်ဘုရားကိုယ်တိုင် ကြွရောက်ပြီး တရားဟောချီးမြှင့်စဥ် ဆရာတော်ကြီးအား ပြသခဲ့ပါတယ် ၊ ယခု အရှင် ညဏဝရ ( ပါရမီ ) မှ ပြန်လည်ရေးသားဖော်ပြထားတာလေးတွေ့လို့ ခွင့်တောင်းပြီး ချစ်မိတ်ဆွေများထံ ထပ်ဆင့်မျှဝေပေးလိုက်ရပါသည် ၊ လိုက်နာကျင့်သုံးကြပါစို့လား 🙏🙏🙏

ပျော်ရွှင်အောင်မြင်တဲ့ဘဝကို တည်ဆောက်ဖို့ Skill တွေထက် ပိုအရေးကြီးတဲ့ အရည်အသွေး (၄၄) ချက် 🌟

ဒါကို "Mindset Detox" (စိတ်ဓာတ်သန့်စင်ခြင်း), "Spiritual development Guide" (သို့မဟုတ်) Spiritual Manifestation လို့ သဘောထားပြီး ဖတ်ကြည့်နိုင်ပါတယ်။

​လူငယ်တစ်ယောက်အနေနဲ့
ဘဝမှာ အောင်မြင်ချင်လို့ နည်းပညာတွေ၊ ဘာသာစကားတွေနဲ့ Skill တွေ အများကြီးကို ဦးဇင်းတို့ လေ့လာကြပါတယ်။ ဒါပေမဲ့ တကယ့်တကယ် ဘဝခရီးမှာ ခိုင်ခိုင်မာမာ ရပ်တည်နိုင်ဖို့ဆိုတာ "စိတ်ဓာတ်နဲ့ ကိုယ်ကျင့်တရား" အခြေခံကောင်းမှ ဖြစ်တာပါ။

#သလ္လေခသုတ်ဟာ မဇ္ဈိမနိကာယ်မှာ ပါရှိပြီး မြတ်စွာဘုရားရှင်က ရှင်မဟာစုန္ဒကို ဟောကြားတော်မူခဲ့တာဖြစ်ပါတယ်၊

🙏ပါချုပ်ဆရာတော်ကြီး ရဲ့ "သလ္လေခသုတ် အနှစ်ချုပ်" စာအုပ်ပါ လမ်းညွှန်ချက်တွေဟာ မိမိကိုယ်ကို ပြုပြင်ပြောင်းလဲချင်တဲ့ လူငယ်တွေအတွက် အလွန်တန်ဖိုးရှိတဲ့ "စိတ်ဓာတ်အဆင့်မြှင့်တင်ရေး" လမ်းပြမြေပုံတွေပဲ ဖြစ်ပါတယ်။ ဒါကို အခြေခံပြီး ဦးဇင်းက ပြန်ရေးပေးထားတာပါ။

လူတစ်ယောက်ရဲ့ တန်ဖိုးဆိုတာ သူဘာတွေ "လုပ်သလဲ" ဆိုတာနဲ့ တိုင်းတာသလို၊ သူဘာတွေကို "မလုပ်ဘူးလဲ" ဆိုတာနဲ့လည်း တိုင်းတာပါတယ်။ "သလ္လေခ" ဆိုတာ "ခြစ်ထုတ်ခြင်း/ ခွာချခြင်း" လို့ အဓိပ္ပာယ်ရပါတယ်။ ကိုယ့်စိတ်ထဲမှာ ကပ်ငြိနေတဲ့ အညစ်အကြေးတွေ၊ မကောင်းတဲ့ အကျင့်စရိုက်တွေကို ခြစ်ထုတ်ပြီး လူသစ်စိတ်သစ် မွေးမြူခြင်း (Mindset Detox) လုပ်တာပါ။ ကိုယ့်စိတ်ထဲက အညစ်အကြေးတွေကို ခြစ်ထုတ်ပြီး အရည်အချင်းကောင်းတွေကို အစားထိုး တည်ဆောက်တဲ့ နည်းလမ်းဟာ သလ္လေခသုတ်လာ ဘဝနေနည်း အနုပညာပါပဲ။
ဒီအချက် (၄၄) ချက်ကို နေ့စဉ် ရွတ်ဖတ်ပြီး ကိုယ့်ကိုယ်ကိုယ် ကတိပေး (Affirmation) လုပ်မယ်ဆိုရင် စိတ်ဓာတ်ခွန်အားတွေ တက်ကြွလာပြီး သူတော်ကောင်း စိတ်ဓာတ်တွေ ကိန်းဝပ်လာပါလိမ့်မယ်။
ဒီနေ့ကစပြီး ပိုကောင်းတဲ့ Version တစ်ခုဖြစ်လာဖို့ ဦးဇင်းတို့ အတူတူ အဓိဋ္ဌာန်ပြုကြရအောင်။

​✨ ကိုယ့်ဘဝကို အမြင့်ဆုံးမြှင့်တင်ပေးမယ့် သလ္လေခသုတ်လာ အဓိဋ္ဌာန်စကား (၄၄) ပါး 📜
Checklist 44 🌷🌷

၁။ ငါသည် ရက်စက်ကြမ်းကြုတ်သူ မဖြစ်စေရ။
✅ သနားကြင်နာတတ်သူ ဖြစ်ရမည်။

၂။ ငါသည် သူများအသက် သတ်ဖြတ်သူ မဖြစ်စေရ။
✅ သတ်ဖြတ်ခြင်းမှ ရှောင်ကြဉ်သူ ဖြစ်ရမည်။

၃။ ငါသည် သူများဥစ္စာ ခိုးယူသူ မဖြစ်စေရ။
✅ ခိုးယူခြင်းမှ ရှောင်ကြဉ်သူ ဖြစ်ရမည်။

၄။ ငါသည် မမြတ်သောအကျင့်ကို ကျင့်သူ မဖြစ်စေရ။
✅ မြတ်သောအကျင့်ကို ကျင့်သူသာ ဖြစ်ရမည်။

၅။ ငါသည် လိမ်ပြောတတ်သူ မဖြစ်စေရ။
✅ အမှန်အတိုင်း ပြောတတ်သူသာ ဖြစ်ရမည်။

၆။ ငါသည် ကုန်းတိုက်စကား ပြောတတ်သူ မဖြစ်စေရ။
✅ ညီညွတ်အောင် ပြောဆိုသူသာ ဖြစ်ရမည်။

၇။ ငါသည် ရိုင်းပျသောစကား ပြောတတ်သူ မဖြစ်စေရ။
✅ ယဉ်ကျေးစွာ ပြောတတ်သူသာ ဖြစ်ရမည်။

၈။ ငါသည် အကျိုးမရှိသောစကားမျိုး ပြောတတ်သူ မဖြစ်စေရ။
✅ အကျိုးရှိသောစကားကိုသာ ပြောဆိုသူ ဖြစ်ရမည်။

၉။ ငါသည် သူတစ်ပါးပစ္စည်းကို လိုချင်စိတ်ရှိသူ မဖြစ်စေရ။
✅ သူတစ်ပါးပစ္စည်း မလိုချင်သူ (ရောင့်ရဲသူ)သာ ဖြစ်ရမည်။

၁၀။ ငါသည် သူတစ်ပါးပျက်စီးအောင် လုပ်ချင်သူ မဖြစ်စေရ။
✅ သူတစ်ပါးအပေါ် မေတ္တာထားသူသာ ဖြစ်ရမည်။

၁၁။ ငါသည် မှားယွင်းသောအယူဝါဒရှိသူ မဖြစ်စေရ။
✅ မှန်ကန်သောအယူဝါဒရှိသူသာ ဖြစ်ရမည်။

၁၂။ ငါသည် မှားယွင်းသောစိတ်ကူးရှိသူ မဖြစ်စေရ။
✅ မှန်ကန်သော စိတ်ကူးရှိသူသာ ဖြစ်ရမည်။

၁၃။ ငါသည် စကားအရာ မှားယွင်းသူ မဖြစ်စေရ။
✅ စကားအရာ မှန်ကန်သူသာ ဖြစ်ရမည်။

၁၄။ ငါသည် ပြုလုပ်သည့်အရာ မှားယွင်းသူ မဖြစ်စေရ။
✅ ပြုလုပ်သည့်အရာ မှန်ကန်သူသာ ဖြစ်ရမည်။

၁၅။ ငါသည် အသက်မွေးဝမ်းကျောင်းအရာ မှားယွင်းသူ မဖြစ်စေရ။
✅ သမာအာဇီဝကျကျ အသက်မွေးသူသာ ဖြစ်ရမည်။

၁၆။ ငါသည် မှားယွင်းသောအားထုတ်မှုရှိသူ မဖြစ်စေရ။
✅ မှန်ကန်သော အားထုတ်မှုရှိသူသာ ဖြစ်ရမည်။

၁၇။ ငါသည် အကုသိုလ်မှု၌ သတိရသူ မဖြစ်စေရ။
✅ ကုသိုလ်မှု၌ သတိရသူသာ ဖြစ်ရမည်။

၁၈။ ငါသည် အကုသိုလ်၌ စိတ်စိုက်သူ မဖြစ်စေရ။
✅ ကုသိုလ်၌ စိတ်စိုက်သူသာ ဖြစ်ရမည်။

၁၉။ ငါသည် ဉာဏ်နီဉာဏ်နက်များသူ မဖြစ်စေရ။
✅ မှန်ကန်သော ဉာဏ်အမြင်ရှိသူသာ ဖြစ်ရမည်။

၂၀။ ငါသည် အတုအယောင် လွတ်မြောက်သူ မဖြစ်စေရ။
✅ အစစ်အမှန် လွတ်မြောက်သူသာ ဖြစ်ရမည်။

၂၁။ ငါသည် ပျင်းရိထိုင်းမှိုင်းသူ မဖြစ်စေရ။
✅ တက်ကြွလန်းဆန်းသူသာ ဖြစ်ရမည်။

၂၂။ ငါသည် စိတ်ပျံ့လွင့်နေသူ မဖြစ်စေရ။
✅ စိတ်တည်ငြိမ်သူသာ ဖြစ်ရမည်။

၂၃။ ငါသည် ချီတုံချတုံ မပြတ်သားသူ မဖြစ်စေရ။
✅ ဆုံးဖြတ်ချက် ပြတ်သားသူသာ ဖြစ်ရမည်။

၂၄။ ငါသည် စိတ်တိုတတ်သူ မဖြစ်စေရ။
✅ စိတ်ရှည်သည်းခံသူ ဖြစ်ရမည်။

၂၅။ ငါသည် ရန်ငြိုးထားတတ်သူ မဖြစ်စေရ။
✅ စွန့်လွှတ်ခွင့်လွှတ်တတ်သူသာ ဖြစ်ရမည်။

၂၆။ ငါသည် ကျေးဇူးကန်းတတ်သူ မဖြစ်စေရ။
✅ ကျေးဇူးသိတတ်သူသာ ဖြစ်ရမည်။

၂၇။ ငါသည် သူတစ်ပါး၏အရည်အချင်းကို အသိအမှတ်မပြုသူ မဖြစ်စေရ။
✅ အသိအမှတ်ပြုတတ်သူသာ ဖြစ်ရမည်။

၂၈။ ငါသည် သူတစ်ပါး၏အောင်မြင်မှုကို မနာလိုသူ မဖြစ်စေရ။
✅ ဝမ်းသာနိုင်သူ (မုဒိတာပွားသူ)သာ ဖြစ်ရမည်။

၂၉။ ငါသည် ကိုယ့်ဖို့သာကြည့်တတ်သူ တစ်ဖို့သမား မဖြစ်စေရ။
✅ သူတစ်ပါး၏အဖို့ကိုလည်း နားလည်သူ ဖြစ်ရမည်။

၃၀။ ငါသည် သူတော်ကောင်းယောင်ဆောင်သူ မဖြစ်စေရ။
✅ ရိုးသားဖြောင့်မတ်သူသာ ဖြစ်ရမည်။

၃၁။ ငါသည် လှည့်စားတတ်သူ မဖြစ်စေရ။
✅ ရိုးသားဖြောင့်မတ်သူသာ ဖြစ်ရမည်။

၃၂။ ငါသည် ခက်ထန်မာကျော သဘောထားတင်းမာသူ မဖြစ်စေရ။
✅ သဘောထား ပျော့ပျောင်းသူသာ ဖြစ်ရမည်။

၃၃။ ငါသည် ဘဝင်မြင့်သူ မဖြစ်စေရ။
✅ ဆက်ဆံရေး ပြေပြစ်သူ (နှိမ့်ချသူ)သာ ဖြစ်ရမည်။

၃၄။ ငါသည် ပြောရဆိုရ ခက်ခဲသူ မဖြစ်စေရ။
✅ ပြောရဆိုရ လွယ်ကူသူသာ ဖြစ်ရမည်။

၃၅။ ငါသည် မကောင်းသောအပေါင်းအသင်းရှိသူ မဖြစ်စေရ။
✅ မိတ်ကောင်းဆွေကောင်း ပေါင်းတတ်သူသာ ဖြစ်ရမည်။

၃၆။ ငါသည် ယစ်မူးမေ့လျော့သူ မဖြစ်စေရ။
✅ ကောင်းမှုရေးရာ သတိရှိသူသာ ဖြစ်ရမည်။

၃၇။ ငါသည် ကောင်းမှုအရာ ယုံကြည်မှုကင်းမဲ့သူ မဖြစ်စေရ။
✅ ယုံကြည်သူ စိတ်ဝင်စားသူသာ ဖြစ်ရမည်။

၃၈။ ငါသည် မကောင်းမှုဒုစရိုက်အရာ အရှက်မရှိသူ မဖြစ်စေရ။
✅ မကောင်းမှုဒုစရိုက် ရှက်တတ်သူသာ ဖြစ်ရမည်။

၃၉။ ငါသည် မကောင်းမှုကို မကြောက်သူ မဖြစ်စေရ။
✅ မဟုတ်တာလုပ်ရမှာ ကြောက်တတ်သူသာ ဖြစ်ရမည်။

၄၀။ ငါသည် အကြားအမြင်သုတကင်းမဲ့သူ မဖြစ်စေရ။
✅ အကြားအမြင်သုတများသူသာ ဖြစ်ရမည်။

၄၁။ ငါသည် ပျင်းရိသူ မဖြစ်စေရ။
✅ ထကြွလုံ့လ ဝီရိယရှိသောသူသာ ဖြစ်ရမည်။

၄၂။ ငါသည် သတိကင်းမဲ့သူ မဖြစ်စေရ။
✅ အစဉ်သတိရှိသူသာ ဖြစ်ရမည်။

၄၃။ ငါသည် ပညာကင်းမဲ့သူ မဖြစ်စေရ။
✅ အသိပညာ ကြွယ်ဝသူသာ ဖြစ်ရမည်။

၄၄။ ငါသည် မမှန်ကန်သည့် ကိုယ်ပိုင်အမြင်ကို ခိုင်မြဲစွာ ဆုပ်ကိုင်ထားသူ မဖြစ်စေရ။
✅ အမှားကို ဆုပ်ကိုင်မထားသူ၊ စွန့်လွှတ်ရန်လွယ်ကူသူသာ ဖြစ်ရမည်။

​အမှတ် (၄၄) ဖြစ်တဲ့ "အယူမှားကို ဆုပ်ကိုင်မထားဘဲ စွန့်လွှတ်နိုင်ခြင်း"ဟာ ဝိပဿနာဉာဏ်နှင့် နိဗ္ဗာန်ရောက်ကြောင်းအတွက် အလွန်အရေးကြီးတဲ့ နောက်ဆုံးအဆင့်ပဲ ဖြစ်ပါတယ်။ ရိုးရိုးကိုယ်ကျင့်တရား နဲ့ သမာဓိအဆင့်တင်မကဘဲ၊ မိမိရဲ့ အမြင်၊ မိမိရဲ့ အစွဲတွေကိုပါ စွန့်လွှတ်နိုင်တဲ့ ဝိပဿနာဉာဏ် အဆင့်ထိ ရည်ညွှန်းထားတာဖြစ်ပါတယ်။ 🍀🌷🍀

အဓိဋ္ဌာန်ပြုချက်လေးတွေကို နေ့တိုင်းနှလုံးသွင်းပြီး သူတော်ကောင်းစိတ်ဓာတ်တွေ ကိန်းဝပ်နိုင်ကြပါစေ။ 🙏
🪷🪷🪷🪷

​Modern Manifestation က အများအားဖြင့် "ရုပ်ဝတ္ထု ရယူပိုင်ဆိုင်ခြင်း" (To Have - ဥပမာ- ကား၊ တိုက်၊ ငွေ) ကို ဦးတည်လေ့ရှိပါတယ်။
​Buddhist Affirmation (သလ္လေခသုတ်) ကတော့ "နာမ်ပိုင်းဆိုင်ရာ မြင့်မြတ်သောဓာတ်များ ဖြစ်တည်ခြင်း" (To Be - ဥပမာ- ရိုးသားသူ၊ စိတ်ထားပြည့်ဝသူ) ကို ဦးတည်ပါတယ်။

​နိဂုံးချုပ်ရရင် -
ဒီ (၄၄) ချက်ကို ရွတ်ဖတ်နှလုံးသွင်းခြင်းဟာ "Spiritual Affirmation" လုပ်နေတာဖြစ်ပြီး ကိုယ့်ဘဝကို အဆင့်အတန်းမြင့်မားတဲ့ သူတော်ကောင်းဘဝရောက်အောင် "Manifest" လုပ်ယူနေခြင်းပဲ ဖြစ်ပါတယ်။

​သလ္လေခသုတ်ရဲ့ အနှစ်သာရမှာ "သူတစ်ပါးတို့သည် မကောင်းမှုကို ပြုချင်ပြုကြပါစေ၊ ငါတို့သည် မကောင်းမှုမှ ရှောင်ကြဉ်မည်" ဟူသော စိတ်ပိုင်းဖြတ်ချက် (Citta Uppada) ဖြင့် မိမိကိုယ်ကို ဖြူစင်အောင် ကျင့်ကြံခြင်းဖြစ်ပါတယ်။

​🍀နံနက်ခင်း ဖတ်ရှုခြင်း: တစ်နေ့တာ အလုပ်မစမီ ဤအချက်တွေကို ဖတ်ရှုပြီး မိမိအတွက် အလိုအပ်ဆုံးလို့ ထင်ရသော အချက် (၁) ချက်ကို ထုတ်ယူပြီး ထိုနေ့အတွက် အထူးသတိထား ကျင့်သုံးပါ။
🪷မိမိကိုယ်ကို ပြန်လည်ဆန်းစစ်ခြင်း: ညအိပ်ရာမဝင်မီ ဤစာရင်းကိုကြည့်ပြီး ယနေ့ မည်သည့်အချက်တွေကို လိုက်နာနိုင်ခဲ့သလဲ၊ မည်သည့်အချက်တွေ လိုအပ်နေသလဲဆိုသည်ကို ဆင်ခြင်ပါ။

🥰အထူးအရေးကြီးဆုံးက မေတ္တာနှင့် တွဲဖက်ပွားများခြင်းပါပဲ။ မိမိကိုယ်တိုင်သာမက အခြားသူများလည်း ဤကဲ့သို့ စိတ်ထားကောင်းများ ရှိပါစေ
ဆိုတဲ့ စိတ်လေးနဲ့ ရွတ်ဖတ်ပါ။ ဒါဆို ကိုယ်ချင်းစာစိတ်ရော မေတ္တာစိတ်ရော မုဒိတာတရားပါ ပွားများပြီးသားဖြစ်သွားပါတယ်။

🪷🪷🪷

ဦးဇင်း အကြံပြုချင်တာက
ဒီအချက် (၄၄) ချက်ဟာ ကိုယ့်ကိုယ်ကိုယ် Upgrade လုပ်ဖို့ အကောင်းဆုံး Checklist တွေပါပဲ။ ဖုန်းထဲမှာ Save ထားပြီး တစ်ပတ်ကို တစ်ချက်လောက်ပဲ ဖြစ်ဖြစ် သေချာလိုက်နာကြည့်မယ်ဆိုရင် ပိုကောင်းတဲ့ လူတစ်ယောက် ဖြစ်လာမှာ အသေအချာပါပဲ။

​ဒီအချက် ၄၄ ချက်ကို ဖတ်ကြည့်ပြီးရင် ကိုယ့်အတွက် အလိုအပ်ဆုံးလို့ ထင်တဲ့ အချက်လေးတွေက ဘာလဲ။ တွေးကြည့် ရေးကြည့် စစ်ဆေးကြည့်ပါ။ တစ်နေ့တစ်ချက်ပဲ ပြင်နိုင်ရင်တောင် (၆)လအတွင်းမှာ ကိုယ့်ကိုယ်ကို မယုံနိုင်လောက်အောင် ပြောင်းလဲသွားမှာပါ။

မေတ္တာဖြင့် - မေတ္တာခံယူလျက်
#အရှင်ဉာဏဝရ(ပါရမီ)









"ကုသိုလ်လုပ်ချင်စိတ် ဖြစ်ရင်ကိုပဲ အကျိုးများလှပါပြီ။
တကယ်လက်တွေ့လုပ်မယ်ဆိုရင် ဘာပြောစရာ လိုပါ့မလဲ။"
(အတိုင်းထက်အလွန် ပေါ့)
(မြတ်ဗုဒ္ဓ - သလ္လေခသုတ်)
🌷🌷🌷

မဟာသမယသုတ်လာ ဘဝသင်ခန်းစာ
https://www.facebook.com/share/17f8f6Hf9P/

နှစ်သစ်တစ်နှစ်ရဲ့ အစမှာ မိမိတို့ထိုနှစ်ကို ဘယ်လိုဖြတ်သန်းကြမည်လို့ သန္နိဌာန် ချကြရပါသည် ၊ New Year Resolution ပေါ့ ၊ ကျ...
03/01/2026

နှစ်သစ်တစ်နှစ်ရဲ့ အစမှာ မိမိတို့ထိုနှစ်ကို ဘယ်လိုဖြတ်သန်းကြမည်လို့ သန္နိဌာန် ချကြရပါသည် ၊ New Year Resolution ပေါ့ ၊ ကျွန်တော်ကတော့ အောက်ပါအတိုင်း သန္နိဌာန် ချထားပါသည် ။

၁ ။ I am Nothing မိမိသည် ဘာမှမဟုတ်ပါ ။

ပါမောက္ခချုပ်ဆရာတော်ဘုရားကြီး ဟောကြားဖူးပါသည်၊ လူတွေသည် ငယ်ရွယ်နုပျို ချောမောခြင်းကြောင့်၄င်း ၊ သက်ရှည်ကျန်းမာခြင်းကြောင့်၄င်း ၊ အောင်မြင်ခြင်းကြောင့်၄င်း ၊ ရာထူးဂုဏ်သိမ် စည်းစိမ်ဥစ္စာ ပြည့်စုံလာခြင်းကြောင့်၄င်း ၊ မာန်မာနများ တက်လာကြတတ်ပါသည် ၊ ယခုလည်း Z& T အစာအိမ်အူလမ်းကြောင်း အထူးကုဆေးခန်းလေး ၅နှစ်သားအရွယ်ရောက်လာတော့ အားကိုးလာကြသည့် လူနာတွေလည်း များလာကြသည် ၊ အတိုင်းအတာတစ်ခုထိလည်း နံမည်ရလာ အောင်မြင်လာသည် ၊ သွေးနထင်ရောက်စရာ ဘဝင်မြင့်စရာ အောက်ခြေလွတ်စရာပေါ့ ၊ မိမိကိုယ်ကို မိမိအမြဲပြန်ဆုံးမနေရပါသည် ၊ မိမိသည် ဘာမှမဟုတ်ပါ ၊ မိမိထက် ရာထောင် သောင်းမက ကြီးကျယ်ခမ်းနား အောင်မြင်ကျော်ကြားကြသူများလည်း တစ်နေ့ သင်္ခါရ သဘောတရားကို မရှောင်လွဲနိုင်ပါပဲ ဖြစ်ပြီးလျှင် ပျက်ကြရမှာဖြစ်သည် ၊ တက်ကြွားလွန်းလှ မာန်မာန လျှောကျနောက်ဆုံးရှိချေ၏ ကို အမြဲနှလုံးသွင်း ဆင်ခြင်ကာ I am Nothing မိမိသည် ဘာမှမဟုတ်ပါ ။

၂ ။ I am Something မိမိသည် တစ်ခုခုတော့ဖြစ်သည် ။

လောကကြီး သာယာလှပရန် ၊ ဖွံဖြိုးတိုးတက်ရန် ၊ ကုသိုလ်တရားများ ဖြစ်ပေါ်နေစေရန် ၊ကျရာတာဝန် ကျရာကဏ္ဍ မှ မိမိလုပ်နိုင်သော၊ ပြည်သူလူထုကို အကျိုးပေးနိုင်သောနေရာမှ တစ်တပ်တစ်အားပါဝင်နိုင်ရန် ၊ မိမိနိုင်သမျှကြိုးစားနေပါမည် ၊ မိမိပါတ်ဝန်းကျင်အား အကျိုးပြုနိုင်ရန် ၊ဝန်ဆောင်မူ့ကောင်းကောင်းပေးနိုင်ရန် I am Something မိမိသည် တစ်ခုခုတော့ဖြစ်ပါသည် ။

၃ ။ I am Everything မိမိသည် အားလုံးဖြစ်သည် ။

ဒီလိုလေးပြောမိတော့ ကြီးကျယ်သလို ဖြစ်သွားသည် ၊ Z& T အစာအိမ်အူလမ်းကြောင်း အထူးကုဆေးခန်းသို့ လာရောက်ပြသကြသော လူနာများအတွက်တော့ အစာအိမ်အူလမ်းကြောင်းဆိုင်ရာ ပါးစပ်ပေါက်မှ အစပြုကာ ဝမ်းသွားသည့်နေရာအထိ ခံစားရသော ဝေဒနာများကို ပျောက်ကင်းသက်သာစေရန် မိမိမှာ တာဝန်ရှိပါသည် ၊ မိမိတတ်ကျွမ်းသော ပညာရပ်ဖြင့် အစွမ်းကုန် မှန်ကန်သောရောဂါကို ရှာဖွေနိုင်ရေး ၊ အနာနှင့်ဆေးမှန်ကန်ရေး ၊ ဘာကြောင့်လူနာများ ဒီရောဂါတွေ ဖြစ်ပွားနေကြရသည် ၊ နောက်နောင်ထပ်မဖြစ်ရန် ဆောင်ရန်ရှောင်ရန်များနှင့် healthy life style နေထိုင်တတ်ရန်တို့ကို ကျန်းမာရေးအသိပညာများပါပေးနိုင်ရေး ၊ရောဂါဝေဒနာကြောင့် ကိုယ်ကာယဒုက္ခခံစားနေရသည်ကိုပင် ကုသခြင်းမဟုတ် ၊ရောဂါကြောင့် စိတ်ပိုင်းဆိုင်ရာ စိတ်ဖိစီးမူ့ ဒုက္ခများကိုပါ ဖြေလျှော့ပေးနိုင်ရေးအတွက်တော့ အထူးကြိုးစားနေပါမည် ၊ လူနာများအတွက်တော့ I am Everything မိမိသည် အားလုံးဖြစ်ပါသည် ။

Dr မိုးမြတ်အောင်
1.1.2026

21/12/2025

၅ နှစ်သားလေး Z& T
မိမိတို့၏ လူမူ့ပါတ်ဝန်းကျင်အား
ကျန်းမာရေးဆိုင်ရာများဖြင့် အလုပ်အကျွေးပြုစုမည် ။

5 years old Z& T will give best community service now and ever , forever ♥️ 🙏♥️

မန္တလေးမြို့ရှိ Z& T Gastrointestinal Specialist Clinic အစာအိမ်အူလမ်းကြောင်း အထူးကုဆေးခန်းမှာ ၅နှစ်သားလေး ဖြစ်ခဲ့ပါပြီ ၊ အခြားဆေးခန်းများနှင့်မတူသော နံမည်ဖြစ်နေရခြင်းမှာ မိမိတို့၏ ချစ်လှစွာသော သားလေး ရဲစွမ်းထက် ( ဇွဲဇွဲ Zwe = Z ) နှင့် သမီးလေး သွန်းမြတ်ဝတီ ( သွန်းသွန်း Thoon = T ) တို့၏ နံမည် အစလေးများကို မှည့်ခေါ်ထားလို့ ဖြစ်ပါသည် ။ အစပထမ ရင်းနှီးလွယ်သော ဆေးရုံ ဆေးခန်း နံမည်မဟုတ်၍ လူများမှတ်မိရန် ခက်ခဲသော်လည်း ယခု တစ်စနှင့်တစ်စ ၅ နှစ်သားအရွယ်အရောက်တွင် အထူးသဖြင့် မန္တလေးနှင့် ဆက်စပ်ရာ အထက်မြန်မာပြည် တစ်ခွင် လူသိများလာရခြင်းမှာ မိမိတို့၏ ရိုးသားကြိုးစား ကိုယ်ချင်းစာတရားအပြည့်ဖြင့် ဝန်ထမ်းအားလုံး၏ ဝန်ဆောင်မူ့ကြောင့် ဖြစ်ပါသည် ။

မြင်သာအောင် ဥပမာပေးရပါလျှင် လူတစ်ယောက် မုန့်ဟင်းခါးဆိုင်တစ်ဆိုင်ကို မှတ်မိနေစေခြင်းမှာ မုန့်ဟင်းခါးအရသာတစ်ခုတည်းကြောင့်ထက် ထိုဆိုင်၏ စားသုံးသူများအပေါ် ဝန်ဆောင်မူ့ကောင်းခြင်းတို့ ပေါင်းစည်းမူ့ကြောင့်ဖြစ်ပါသည် ၊ မုန့်ဟင်းခါးစားလျှင် ထိုဆိုင်၏ သန့်ရှင်းသပ်ရပ်မူ့ ၊ ဝန်ထမ်းများ၏ နွေးထွေးပျူဌာမူ့ ၊ အရသာလည်းရှိမူ့ ၊ ဟင်းရည်တောင်းလျှင် မျက်နှာရှစ်ခေါက်ချိုး စူပုပ်မနေပဲ ကြည်သာရွှင်ပျစွာဖြင့် ထည့်ပေးမူ့ ၊ စားသုံးသူအပေါ် လေးစားမူ့ ၊ ဂရုစိုက်မူ့ အစုစုတို့ကြောင့် ထိုမုန့်ဟင်းခါးဆိုင်လေးအား အမြဲသတိရ မုန့်ဟင်းခါးစားလိုသည့်အခါတိုင်း တကူးတက သွားရောက်စားသုံးကြခြင်းဖြစ်ပါသည် ။

နေမကောင်းဖြစ်၍ ဆေးရုံဆေးခန်းပြကြရခြင်းသည် မုန့်ဟင်းခါးစားသုံးကြခြင်းထက် အဆပေါင်းများစွာပိုပါသည် ၊စိတ်မဆိုးကြပါနှင့်၊ ပွင့်လင်းမြင်သာရန် လူနာများဖက်မှ ပြောပြလိုပါသည် ၊ လက်ရှိ မြန်မာပြည်တွင် ၇၅ % ခန့်မှာ မိမိပိုက်ဆံဖြင့် မျက်နှာငယ်ခံရတာ နေမကောင်းဖြစ်လို့ ဆေးရုံဆေးခန်းများ သွားရောက်ပြသရခြင်း ၊ ငွေလည်းကုန် ဆူလည်းဆူခံရခြင်းမှာ မျက်နှာထားတင်းမာသော အချို့ ၇၅ % သော ဆရာဝန်များ ၊ သူနာပြုများ ၊ ထိုဆေးရုံဆေးခန်းများမှ ဝန်ထမ်းများကြောင့်ဖြစ်ပါသည် ၊ မည်သူတစ်ဦးတစ်ယောက်မှ ဆေးရုံ ဆေးခန်းသို့ အပျော်သဘောဖြင့် မလာလည်ကြပါ ၊ တစ်ခုခု နေထိုင်မကောင်းလို့သာ မတတ်သာလို့ လာကြရခြင်းဖြစ်ပါသည် ၊ ရုပ်ပိုင်းဆိုင်ရာ ကာယိက ဝေဒနာ ခံစားနေရခြင်းကို စိတ်ပိုင်းဆိုင်ရာ စေတသိက ဒုက္ခ ထပ်ပေးလိုက်သလို ဖြစ်သွားကြရသည် ၊ ပြည်သူ့ဆေးရုံများလို အခမဲ့ ဝန်ဆောင်မူ့ပေးကြရလျှင်တောင် မိမိတို့စိတ်ထားလေးပြုပြင်လိုက်လျှင် ငွေတော့မရ ကုသိုလ်များရကြရဦးမှာပါ ၊ အချိန်နှင့်အမျှ လူနာအရေအတွက်ဖြင့်အမျှ အခကြေးငွေ ရရှိနေသော poly clinic များ ဆေးရုံများမှာ ထိုလူနာများက မိမိတို့ ကုသပေးလိုက်လို့ သူတို့ဝေဒနာများ သက်သာပျောက်ကင်းသွားလို့ သူတို့ဖက်က ကျေးဇူးရှင်များလို့ သတ်မှတ်ကြသလို မိမိတို့ကို ငွေများလာပေးနေလို့ လူနာများကလည်း ကျေးဇူးရှင်များအဖြစ် တစ်ဖက်တစ်လမ်းက ဖြစ်နေကြပါသည် ၊ အဘယ့်အတွက်ကြောင့် အချို့ ၅၀ % ခန့်သော ဆရာဝန် သူနာပြုများမှာ ဆိုးရွားစွာ မောက်မာစွာ မတူသလို မတန်သလို ဆက်ဆံနေကြရပါသနည်း ၊ ယခင်ဘဝ၏ ဘဝပေးကုသိုလ်ကောင်းမူ့ကြောင့် မြင့်မြတ်သော မွန်မြတ်သော ဆေးပညာကို ခက်ခဲစွာ သင်ယူခွင့် ရရှိထားကြရတာ မိမိတို့နှင့် တွေ့ထိဆက်ဆံရသော အသီးသီးသော ဝေဒနာရှင်များအပေါ် မြင့်မြတ်စွာ မွန်မြတ်စွာ ကုသိုလ်တရားများနှင့်သာ ဆက်ဆံသင့်ပါသည် ။

Z & T ဆေးခန်းတွင် အလုပ်လုပ်နေကြသော အလုပ်လာလျှောက်ကြသော ဝန်ထမ်းများကို ဦးစွာပထမရော ၊ အမြဲတန်းရော မကြာခဏ သတိပေးပြောကြားသည်မှာ မင်းတို့ရဲ့ ကြိုးကြိုးစားစား ရယူထားသော ဘွဲ့များ ပညာရပ်များကို လေးစားပါသည် ၊ ထိုပညာရပ်များကို ၂၅% သာလိုအပ်သည်၊ ကျန် ၇၅ % လိုချင်သည်မှာ ကိုယ်ချင်းစာတရား ဖြစ်ပါသည် ၊ လူနာတစ်ဦးအား စတွေ့သည်နှင့်ပင် မိမိအဖေအရွယ်ဆို မိမိအဖေများဖြစ်လျှင်သော်၄င်း ၊ အမေအရွယ်ဆို မိမိအမေများဖြစ်ရင်သော်၄င်း ၊ အသီးသီးသော လူနာများအား မိမိ၏ဆွေမျိုးများဖြစ်လျှင်သော်၄င်း ၊ နောက်ဆုံး မိမိကိုယ်တိုင်ဖြစ်လျှင်လို့ နှလုံးသွင်း ဆင်ခြင်ခိုင်းပါသည် ၊ မြန်မာပြည်မှာလည်း ယခင် ၁၀တန်း ယခု ၁၂ တန်းတွင် အမှတ်အမြင့်ဆုံးသူများကသာ ဆေးပညာကို သင်ယူခွင့်ရ၍ ဆရာဝန်တော်တော်များများက မာနကြီးကြသည် ဘဝင်မြင့်ကြသည် ၊ ဆင့်ကဲဆင့်ကဲ ဘွဲ့များထပ်မံရရှိလာလျှင် အဆင့်လွန်သွားပြီး မောက်မာတတ်ကြပြန်သည် ၊ သူနာပြုများမှ အော်ကြငေါက်ကြတာကတော့ လုံးဝမဖြစ်သင့်သော အရာပါ ၊ ထိုသို့ ဖော်ပြပါ ကိုယ်ချင်းစာတရား စိတ်ကလေးထည့်သွင်းပေးလိုက်လျှင် တော်ရုံတန်ရုံ လူနာများအပေါ် အော်ငေါက်ချင်သော စိတ်ကြမ်းများ ၊မာနများ ၊ အကုသိုလ်စိတ်များ လျှော့ကျသွားမှာ သေချာသည် ၊ အချို့လည်း ဆိုးသော လူနာများ လူနာရှင်များလည်း ရှိကြသည်ဆိုသော်လည်း ၀.၁ % လူ ၁၀၀၀ မှာ ၁ယောက်ပင်မရှိသော စုန်းပြူးများသာဖြစ်ပါသည် ၊ သဘောကောင်းသော်လည်း စည်းကမ်းကို သေချာရှင်းပြ ပြောပြလျှင် ထိုလူနာများလည်း နားလည်သွားတတ်ကြတာ များပါသည် ။

ပြီးပြည့်စုံသော ကျန်းမာရေးစောင့်ရှောက်မူ့တွင် ဆေးဝါးများ ပေးခြင်းမှာ ၅၀ % သာဖြစ်ပါသည် ၊ ၂၅ % မှာ လူနာက မိမိဘာရောဂါဖြစ်နေသည် ၊ ဘာကြောင့် ဤ ရောဂါဖြစ်နေရသည်ကို နားလည်သဘောပေါက်ရန် ရှင်းပြပေးနိုင်ခြင်းက ၂၅ % ၊ နောင်ထပ်မဖြစ်အောင်သောင်၄င်း ၊ ဖြစ်နေသောရောဂါ ပိုမဆိုးရန်အတွက် ဆောင်ရန်ရှောင်ရန်များကို ေသေသချာချာရှင်းပြပြောပြပေးခြင်းက ၂၅ % ဖြစ်ပါသည် ၊ အမှန်မှာ ကျန်းမာရေးအသိပညာပါ တစ်ခါတည်းပေးရတာ အချိန်ကုန် လူပင်ပန်းတာပေါ့ ၊ သို့သော် ပြန်လည်ရရှိလိုက်သည့်အကျိုးအမြတ်မှာ ငွေအဓိက မဟုတ်တော့ပါ ၊ ယခုခေတ်အခါ နိုင်ငံရေး စီးပွားရေးများ ခက်ခဲနေချိန်တွင် မကြာခဏ လူနာများ ဆေးရုံများ ဆေးခန်းများသို့ လာရန်မလိုတော့တိုင်း မိမိတို့မှာလည်း ကုသိုလ်တရားများ တိုးပွားနေမှာ အမှန်ပင်ဖြစ်ပါသည် ။

ကိုယ်ချင်းစာတရား လက်ကိုင်ထားသော ဆေးပဲကုသခြင်းမဟုတ်၊ ကျန်းမာရေးအသိပါ ကလေးများကို စာသင်လိုက်သလို အပင်ပန်းခံ သင်ကြားပေးလိုက်သော Z& T အစာအိမ် အူလမ်းကြောင်း အထူးကုဆေးခန်းလေး ၅နှစ်သားအရွယ် ဖြစ်ခဲ့ပါပြီ ၊ အချိန်ပိုကြာလာသည်နှင့်အမျှ လိုအပ်ချက်များကို ပိုပြီးဖြည့်ဆည်းနိုင်ရန် ပိုပြီးကြိုးစားကြပါမည် ၊ ယခုလိုအချိန်တိုအတွင်း မျှော်မှန်းထားသည်ထက် များစွာပိုသော အောင်မြင်မူ့များ ရရှိလာခြင်းအပေါ် မာနများကြီးခြင်း ၊ဘဝင်မြင့်ခြင်း ၊ အောက်ခြေလွတ်ခြင်း ၊ သွေးနားထင်ရောက်ခြင်းတို့အား မဖြစ်စေရန် အထူးသတိထားကြပါမည် ၊ စားလည်းကောင်းသော ဝန်ဆောင်မူ့လည်းကောင်းသော တစ်မနက်စာ မုန့်ဟင်းခါးဆိုင်လေးကိုတောင် ရင်ထဲစွဲကာ သတိများရတတ်ကြသေးလျှင် မိမိတို့ချစ်ခင်ကြရသော မိသားစုများ မိတ်ဆွေများကို ရောဂါလည်းအမှန်ပျောက်စေပြီး ကာယိက ဒုက္ခရော စေတသိကဒုက္ခများကိုပါ ဖယ်ရှားပေးနိုင်သည့် Z & T ဆေးခန်းလေးကို လူနာများအမှတ်ရကြ ၊ ရောဂါများဖြစ်လျှင်လည်း တကူးတကကိုလာပြကြ ၊ မိမိတို့မိတ်ဆွေများကိုလည်း ထပ်ညွှန်းပေးကြတာများကြောင့် လူနာများ ခု၊ ဆယ်၊ ရာ၊ ထောင်၊ သောင်း၊ သိန်း ဂဏန်းအထိ ကုသပေးနိုင်ခဲ့တာ ပါမောက္ခချုပ် ဆရာတော်ဘုရားကြီး ဆိုဆုံးမသလို ကုသိုလ်လည်းရ ဝမ်းလည်းဝနေခြင်းထက် သာလွန်ပြီး ကုသိုလ်ပိုရ ဝမ်းလည်းဝ နေကြရခြင်း ဖြစ်ပါသည် ။

၅နှစ်ပြည့်နှစ်ပါတ်လည်အား ဝန်ထမ်းများ မိသားစုများ မိမိနှင့်စပ်ဆပ်သော ဆေးကုမ္မဏီများမှ ဝန်ထမ်းများ ၊ ဇွဲနှင့် သွန်းတို့၏ သူငယ်ချင်းများ စုစုပေါင်း ၉၅ ယောက် Express ကားကြီး ၂စီးဖြင့် တစ်လမ်းလုံး သီချင်းတွေလည်း ဆိုကြကာ လူနာတစ်ဖြစ်လဲ ဆည်မြောင်းဦးစီးဌာနမှ မိတ်ဆွေကောင်းများ၏ ကျေးဇူးဖြင့် ကျောက်ဆည်ခရိုင် ဟန်မြင့်မိုရ် အရပ်ရှိ ရင်သပ်ရူ့မောဖွယ်ရာ သာယာလှပလွန်းသော မြို့ကြီးဆည်သို့ ပျော်ပွဲစား ထွက်ခဲ့ကြပါသည် ၊ ဒါန်ပေါက်ထမင်း သံပုရာရည် လက်ဆောင်ရသော နှစ်ပါတ်လည် ကိတ်မုန့်များ ပျော်ရွှင်စွာ စားသောက်ခဲ့ကြပါသည် ။

နေ့လည်ပိုင်း ၁နာရီခွဲတွင် နံမည်ကျော် သာယာလှပ အေးမြလှသည့် ရေများတသွင်သွင်စီးနေသော ဆင်ခေါင်းတောင်ရှိ ဇော်ဂျီချောင်း အတွင်း စက်လှေများစီးကြပြန်သည် ၊ သွန်းသွန်းလေး၏ သူငယ်ချင်းများ ပျော်ကြလွန်းလို့ ၂ခါပြန်စီးကြပါသည် ၊ ပန်းသီး လိမ္မော်သီး sunkists နှင့် ဌက်ပျောသီးများ စားကြပြန်ပါသည် Tic Tok cele များ Tic Tok များစွာ ရိုက်ကြသည် ။

ဟန်မြင့်မိုရ်အရပ်ရှိ ပေ ၁၅၀၀ ကျော်မြင့်သော အနော်ရထာမင်းလက်ထက်ကတည်းက တည်ထားခဲ့သော ရွှေမြင်မိ တောင်ပေါ်ဘုရားကိုလည်း မမောနိုင် မပန်းနိုင် အပြေးတက်ရောက်ခဲ့၊ သဘာဝရူ့ခင်းများကြည့်ခဲ့ကြပြီး တောင်ပေါ်ဘုရားများပြုပြင်ရန်လည်း တစ်ဖွဲ့လုံး၏ ကုသိုလ်များ ပါဝင်လှူဒါန်းခဲ့ကြပြန်သေးသည် ၊ ယခင်က internet တွင် တွေ့ဖူးသော နှစ်ပေါင်း သက်တမ်း ၇၅ နှစ်ကျော်ပြီဖြစ်သည့် တရုတ်စကားပင်များရှိရာ လှေကားစောင်းတန်းကြီးမှာ ထိုတောင်ပေါ်ဘုရားတက်လမ်းတွင်ဖြစ်ပါသည် ၊ ရိုးရာမပျက် ထုံးစံမပျက် ဓါတ်ပုံများရိုက်ခဲ့ကြပြန်သေးသည် ၊ တောင်ပေါ်မှအဆင်း ညနေ ၃ခွဲတွင် လဘက်သုတ်နှင့် ထမင်းဖြူကို အစပထမ စားနိုင်ကြပါတော့မလားလို့ စိတ်ပူနေရာမှ အိုးများပြောင်သလင်းခါသွားသည်အထိ အားပါးတရ သုံးဆောင်ခဲ့ကြပြန်ပါသည် ၊ အစာအိမ်အူလမ်းကြောင်း အထူးကုဆေးခန်း၏ ပွဲတိုင်း အချိန်တိုင်း အပြည့်အဝ ဝဝလင်လင် ကျွေးမွေးတတ်တာ လိုက်ပါဖူးသူတိုင်းအသိပါ ၊ video လေးက သက်သေပါ ။

၅ နှစ်သားလေး Z& T ၏ နှစ်ပတ်လည် ပျော်ရွှင်ပွဲကို ၁၅ မိနစ်စာ short video လေး ဖန်တီးထားပါသည် ၊ အမှန်တကယ် လိုက်ပါရန် အခွင့်မသာခဲ့သူများ ထို video လေးကိုကြည့်ရူ့ပြီး ထပ်မံ လိုက်ခဲ့ကြပါလို့ ဖိတ်ခေါ်ပါရစေ ၊
ကြည့်မိစဥ်အတွင်း ၁ကြိမ်ကျေနပ်လျှင် ပြုံးပါ ၊
၂ကြိမ်ကျေနပ်လျှင် ရယ်လိုက်ပါ ၊
၃ကြိမ်ကျေနပ်လျှင်တော့ Z& T အဖွဲ့သားများ မည်သို့မည်ပုံ စည်းလုံးညီညွတ်စွာ တက်ညီလက်ညီ ရှေ့သို့ချီတက်နေကြကြောင်းကို အများသူငှာ သိမြင်ကြစေရန် မုဒိတာ ပွားများနိုင်ကြစေရန် share ပေးကြပါခင်မျာ ။ 🙏🙏🙏

11/12/2025

S 10
Extremely Lucky to see 9 times Northern Lights during our marvelous Scandinavian trip 11. 12.2025

ထူးကဲလှစွာ ကံကောင်းလွန်းလို့ ဥတ္တရ အလင်းတန်း ကို ၉ကြိမ်တိတိမြင်တွေ့ခဲ့ရတာ ကျွန်တော်တို့ရဲ့ ထူးထူးခြားခြား ပျော်ရွှင်ဖွယ်ရာ မြောက်ဝန်ရိုးစွန်း ခရီးစဥ်မှာပါ ။

1st Northern Lights
at Lofoten Island , Norway 26.11.2025

2nd Northern Lights
on the way to Savoevir , by express car , Norway 27.11.2025

3rd Northern Lights
at the Malanger Resort , Tromso , Norway 28.11.2025

4th Northern Lights ( the strongest dancing Northern lights ) credit to Ko Nay Lin and Gu Gu for taking the best splendid video at the Ice Hotel Kiruna , Sweden 29.11.2025

5th Northern Lights
at the Santa 's Aurora Igloo Hotel , Lapland 30.11.2025

6th Northern Lights
on the way to airport at Stockholm on the express car , Sweden 3.12.2025

7th Northern Lights
Skogafoss Waterfall at Iceland 5.12.2025
Photo credit to Thoon Thonn to catch it the Northern Lights just in 20 seconds

8th Northern Lights
at the Vik apartments , Iceland 6.12.2025

9th Northern Lights
on the plane going to Sweden , 7.12.2025
Photo credit to Ko Ko Gyi to take from the window seat just in 10 seconds

ဖော်ပြပါ နေရာ ၉ နေရာတွင် ၉ ကြိမ်တိတိ ဥတ္တရ အလင်းတန်းများကို မြင်တွေ့ခွင့်ရခဲ့ပါသည် ၊ ထို ဥတ္တရ အလင်းတန်းများမှာ အချိန်တိုင်း နေရာတိုင်း ကြာရှည်စွာ မြင်တွေ့နေရခြင်း မဟုတ်ရပါ ၊ အချို့ Northern Lights သွားကြည့်ကြသူများ ခရီးစဥ်တွင် တစ်ခါမှ မမြင်ခဲ့ရသူများလည်း ရှိဖူးကြပါသည် ၊ အချို့လည်း မနက်ဖြန် သဘက်ခါ ခရီးစဥ် ပြီးဆုံးတော့မည်ကို မမြင်တွေ့ရသေး၍ ရင်တထိတ်ထိတ်နှင့် တစ်ညလုံး အလှည့်ကျ ကင်းစောင့်သလိုစောင့်ပြီး last minute မှ တွေ့ခွင့်ရကြသူများလည်း ရှိပါသည် ၊ တိမ်ထူသောနေ့များတွင်လည်း မတွေ့ရပါ ၊တစ်ညလုံးလည်း တွေ့နေရခြင်း မဟုတ်ပါ ၊ ဖျတ်ခနဲ ပျိုးပျိုးပျက်ပျက် တွေ့လိုက်ရလျှင်လည်း ၁၀စက္ကန့် မှ စက္ကန့် ၃၀လောက်သာ ၊ နဲနဲကြာလျှင်တော့ ၃မိနစ်မှ အလွန်ဆုံး ၅မိနစ် ၁၀ မိနစ်လောက်တွေ့ပြီး ထိုနေ့အဖို့ တစ်ညလုံးလည်း ထပ်တွေ့ချင်မှ တွေ့တော့တာပါ ၊ ၄ကြိမ်မြောက် နဂါးငွေ့တန်းကြီးကနေသလို မျက်စိဖြင့်ပင် ထင်ထင်ရှားရှား ကောင်းကင်တစ်ခွင် လင်းလက်လှပစွာ အလင်းရောင်တန်းများ ဖြာထွန်းပြီး နာရီဝက်လောက် ကခုန်နေကြတာ Dancing Northern lights ကို Ice Hotel Kiruna , Sweden မှာတွေ့ခဲ့ရတာကတော့ ဘဝတစ်သက်တာ အမှတ်ရစရာပါ ။

မြို့ကြီးပြကြီးပေါ်တွင်လည်း Northern Lights များတွေ့ရခဲလို့ အတွေ့အကြုံများလှသော customerများအပေါ် စိတ်ရင်းစေတနာကောင်းလှသော Gandawun Shwe Bagan Travel and tour မှ ပိုင်ရှင် အစ်မ စန္ဒာ Mya Sandar Aung မှ Northern Lights များကို အများဆုံး တွေ့ခွင့်ရမည့် ရွာငယ်လေးများမှ ( ရွာလို့သာခေါ်တာ ) မြို့ပြထက် ပိုစျေးကြီးသော အလွန်တရာ အဆင့်မြင့်သော Hotel များ resort များ apartment များတွင် စီစဥ်ပေးထားလို့ ယခုလို ၉ကြိမ်တိတိမြင်တွေ့ခွင့်ရခဲ့ကြတာပါ ၊ သူတို့ Gandawun Shwe Bagan Travel & Tours ၂လတစ်ခါ Northern Lights ရာသီ October မှ February အတွင်း Scandinavian trip များထွက်လာတာ နှစ်ပေါင်းများစွာ ကြာခဲ့ပါပြီ ၁၅ကြိမ်အထက် သွားခဲ့ကြပြီးတာ ယခု ဒီတစ်ခါ trip မှာ ၉ ကြိမ်တိတိတွေ့ခွင့်ရတာ ကံကောင်းလွန်းလှသော အဖွဲ့ဖြစ်သည်လို့ ပြောပါသည် ။

မန္တလေးမှ စပြီး ရန်ကုန် Scandinavian နိုင်ငံများ အပြန် မန္တလေးအရောက်ဆို နေရာ ၆၅ နေရာ လေယာဥ် ပြည်တွင်း ပြည်ပ ၁၄ ကြိမ် Express ကားဖြင့် အချို့နေ့များ ၆နာရီကြာ စီးခဲ့ရလို့ စုစုပေါင်း ခရီးမိုင် ၁သောင်းခွဲလောက်အထိ ရက်ပေါင်း ၂၀ ကြာ သွားခဲ့ကြတာ ရောက်သည့်နေရာ မပျင်းမရိရအောင် ဒေသန္တရ ဗဟုသုတစုံလင်စွာ သူ့ရဲ့အတွေ့အကြုံများကိုလည်း ပုံတိုပတ်စ ရယ်စရာများဖြင့် မျှဝေပေးသော tour leader ကိုအောင် Sai Dorasue ကြောင့်လည်း ခရီးစဥ်လေးက အသက်ဝင်လှပ မငြီးငွေ့ခဲ့ရပါ ။

သွားဖူးသမျှ trip တွေမှာ အစားအသောက်ကို အလျှံပယ် ကျွေးမွေးဧည့်ခံပေးတဲ့ Gandawun Shwe Bagan Travel and tour ရဲ့ နိုင်ငံတကာ အနောက်တိုင်းစာ Norwegians Salmon တော့ ၆လစာလောက် မစားလိုတော့ပါ ၊ တရုတ်စာ ၊ ဗီယက်နမ်စာ ၊ ယိုးဒယားစာ၊ အိန္ဒိယအစားအစာ၊ Scandinavian အစားအစာများ အချို့နေရာ တစ်ခါစားရင် အမျိုး ၅၀ ကျော် ၊ လူတစ်ယောက်ကို တစ်ခါစား ၃သိန်းဖိုး​လောက်ထိကျွေးတဲ့အပြင် မြန်မာပါးစပ် မြန်မာအရသာကို တောင်းတတ်ကြခြင်းအား အလိုက်သိစွာ ထို ရက်ပေါင်း ၂၀ ကြာမှာ မုန့်ဟင်းခါး ၊ ရခိုင်မုန့်တီ၊ မာလာရှမ်းကော၊ မုန့်ဖတ်သုတ်၊ ငါးရံ့ခြောက်သုတ် ၊ ငါးနီထူသုတ် ၊ မြန်မာထမင်း ၊ ငါးပိထောင်း ၊ လဘက်သုတ် ၊ ဂျင်းသုပ် ၊ စပါယ်ရှယ် အမဲခြောက်ကြော် ၊ ဝက်သားကြော် ၊ ငါးခြောက်ကြော် ၊ ချဥ်ပေါင်ကြော် ၊ ငါးပိကြော် ၊ သုံးထပ်သားဝက်သားချက် များကို luggage ပုံး ၃ပုံးစာ သယ်ယူလာခြင်းရော ရောက်သည့်နေရာ စျေးဝယ်ခြင်းများဖြင့် ခရီးသွား ၃၁ ယောက်စာအား မမောနိုင် မပန်းနိုင် လူအများ အနားယူချိန် အိပ်ကောင်းချိန် ည ၁၁ အထိ ပြင်ဆင်ခြင်းနှင့် မနက် ၅နာရီထကာ အဝတ်တောင်မကပ်နိုင် စွတ်ကျယ်ဖြင့် ချွေးတစ်လုံးလုံး ချက်ပြုတ်ပေးပါသော GSB ရဲ့ စတိုင်ကျကျ လှလှပပ model boy ဂုဏ်ဂုဏ် Myat Gon Yi ကိုလည်း အထူးကျေးဇူးတင်ရပါသည် ၊ ယခုကို ထိုအစားအစာများကိုသတိတွေရ သွားရည်များကျနေရပါပြီ ။

၁နာရီလောက်အတွင်း အမြန် အနီးကပ် Bangkok လေဆိပ်မှာ Capcut video တည်းဖြတ်မူ့ကို သင်ပေးခဲ့ပါသော ဆရာ မင်းသိမ်းခိုင် Min Thein Khine ကိုလည်း ကျေးဇူးအထူးပါ ။

ရေစက်ဆုံကြရလို့ မြန်မာပြည်အနှံ့ နေရာအသီးသီးမှ ယခုမှစတွေ့ကာ တစ်လှေတည်းစီး တစ်ခရီးတည်းသွားခဲ့ကြရသော စိတ်တူကိုယ်တူ ၃၁ ယောက်သော ချစ်မိတ်ဆွေ အပေါင်း ကိုလည်း နောက်နောင်ခရီးများ အတူသွားလိုချင်ပါသေးသည် ။

ဤ ထူးခြားသော ဆန်းပြားသော ၊ ခက်ခဲသော ၊ ကြာရှည်သော၊ စိတ်ဝင်စားစရာ များပြားလှသော၊ ပင်လည်းပင်ပန်းလှပါသော၊ အတွေ့အကြုံများစွာ ၊ပျော်ရွှင်စရာ ၊စားစရာများစွာဖြင့် ပြည့်စုံလှသော ၊ဘဝတစ်သက်တာ အမှတ်ရစရာ trip လေးကို ချစ်မိတ်ဆွေများ လူအများသိစေရန် မျှဝေပေးလိုက်ရပါသည် ၊

အမှန်တကယ်ကို customer service ကောင်းခဲ့သော Gandawun Shwe Bagan Travel and tour ကုမ္မဏီနှင့်သာ ခရီးများ ထွက်ကြရန်လည်း မေတ္တာစေတနာရှေ့ထားပြီး ကြော်ငြာပေးလိုက်ရပါသည် ။

ဇွဲ သွန်း ဖြိုး မိုး တို့၏ အမှတ်တရ ၅ မိနစ်စာ short video လေးကို ကြည့်ရူ့ပြီး Northern Lights ဥတ္တရ အလင်းတန်း ဆိုတာကို အခြားသူဌာများလည်း မြင်တွေ့ခွင့်ရရန် ထပ်ဆင့်မျှဝေပေးကြပါရန် တောင်းဆိုအပ်ပါသည် ။

Dr မိုးမြတ်အောင်
မန္တလေးမြို့
၁၁.၁၂.၂၀၂၅

01/12/2025

S 6 Sweet December

Zwe Thoon Phyo Moe love you par

1.12.2025

ဒီဇင်ဘာ ၁ ရက်နေ့ Sweet December အခါသမယမှာ
ဇွဲ သွန်း ဖြိုး မိုး တို့ Findland နိုင်ငံ Lapland ဒေသမှာ Artic Line အာတိတ်မိုးကုပ်စက်ဝိုင်းကြီးကို တည့်တည့်ခွကြကာ Santa Clause ရဲ့ ဇာတိရွာကို သွားလည်ဖြစ်ကြပြီး Reindeer လှည်းများစီးခဲ့ကြပါသည် ၊

Rudolph the red nose Reindeer သီချင်းလေး သီဆိုခဲ့ပါသည် ၊ ပျော်ရွှင်ခြင်းများ၊ ကံကောင်းခြင်းများ ၊ ကျန်းမာခြင်းများ နှင့် စိတ်ရောကိုယ်ပါ ချမ်းသာခြင်းများ ပြည့်ဝကြပါစေ 🙏🙏🙏

ယနေ့ ၅၄ နှစ်ပြည့် မွေးနေ့ကတော့ ထူးခြားလှပါသည် ၊ အမှန်မှာ ရည်မှန်းထားသည့် schedule အရ ရေခဲပြင်ထဲ ယနေ့ နေ့လည် ၁နာရီရောက်...
26/11/2025

ယနေ့ ၅၄ နှစ်ပြည့် မွေးနေ့ကတော့ ထူးခြားလှပါသည် ၊ အမှန်မှာ ရည်မှန်းထားသည့် schedule အရ ရေခဲပြင်ထဲ ယနေ့ နေ့လည် ၁နာရီရောက်ပြီး Happy birthdayအမှတ်တရ ရေခဲပြင်ပုံများရိုက်ကာ အလှဓါတ်ပုံတင်ရန်ပါ ၊ သို့သော် Mother Nature ၏ မညှာမတာ ရက်စက်မူ့ဖြင့် ရေခဲပြင်ကြီးရှိရာ လေဆိပ်သို့ လေယာဥ်ပျံမှာ ၂ခါတိတိကြိုးစားဆင်းသော်လည်း နှင်းမုန်တိုင်းကျနေလို့ ဆင်းမရ မနက် ၁၀ နာရီစထွက်ခဲ့သော နော်ဝေနိုင်ငံ Oslo မြို့ကို ပြန်ရောက်လာတာ ယခု သူတို့ဒေသစံတော်ချိန် ည ၇ နာရီ လေဆိပ်ထဲမှာပဲရှိသေးတာ ၊ ည ၁၀ နာရီမှ လေယာဥ်တစ်ခါပြန်စီး ရတော့မှာ ၊စိတ်လျှော့ပြီး မနက်ဖြန် ရေခဲပြင်ရောက်မှ ပုံများရိုက်ကာ Happy Birthday ပုံတင်မလို့စဥ်းစားမိသော်လည်း FB memory ပြန်တက်လာရင် ၂၅ ရက်နေ့ အနေနဲ့သာ ပေါ်စေချင်လို့ လေဆိပ်ထဲရှိ သိပ်မလှသော Christmas Tree တစ်ခုမှာပဲ Emergency ပုံရိုက်ကာ တင်လိုက်ရပါတယ် ။

ပါမောက္ခချုပ်ဆရာတော်ဘုရားကြီးမှလည်း viber မှတဆင့် မွေးနေ့ဆုတောင်းပေးလို့ ပြီးပြည့်စုံသွားရပါသည် ၊ ချစ်မိတ်ဆွေများစွာကလည်း မွေးနေ့ဆုတောင်းများစွာရေးပို့ကြတာလည်း ကျေးဇူးကမ္ဘာပါ၊ မွေးနေ့ဆုတောင်းအဖြစ် ရှေ့လျှောက် မိမိနှင့် စပ်ဆပ်မိသမျှ ပါတ်ဝန်းကျင်တွင် ကောင်းကျိုးအဖြာဖြာပြည့်စုံစွာဖြင့် ကုသိုလ်တရားများတိုးပွားခွင့်ကိုသာ ပေးနိုင်သောသူ ဖြစ်ရပါလို၏ ၊ ဆုတောင်းရုံသာမဟုတ် လက်တွေ့အမှန်လည်း ပြည့်စုံစေရန် အထူးကြိုးစားအားထုတ်ပါမည် ။

ဆရာဝန်တစ်ယောက်ဖြစ်လို့ မပြည့်စုံသူ၊ ချို့တဲ့သူ ၊ လိုအပ်သူများကို မွေးနေ့အထိမ်းအမှတ် ဇီဝိတဒါနအလှူများလည်း ယခုလအတွင်း များစွာလှူဖြစ်ခဲ့ပါသည် ။

ရေခဲပြင်ကြီးကို မနက်ဖြန်မှ ရောက်တော့မှာဖြစ်လို့ ရည်မှန်းထားသည့်အတိုင်း ရေခဲပြင်ပေါ်မှ Happy Birthday ကို back date အဖြစ် မနက်ဖြန် ထပ်မံထပ်တင်ရင် စိတ်ဆိုးကြမှာပါလား 😜

၆ နှစ်ပြည့်အလွမ်း 16.11.2025ကျေးဇူးရှင် ဖခင်ကြီး ဘဝတပါးသို့ပြောင်းသွားတာ ၆ နှစ်ပြည့်ခဲ့ပါပြီ ၊ လွမ်းပါတယ်ဆိုတာကို ပါးစပ်...
17/11/2025

၆ နှစ်ပြည့်အလွမ်း 16.11.2025

ကျေးဇူးရှင် ဖခင်ကြီး ဘဝတပါးသို့ပြောင်းသွားတာ ၆ နှစ်ပြည့်ခဲ့ပါပြီ ၊ လွမ်းပါတယ်ဆိုတာကို ပါးစပ်မှာပြောရတာ လွယ်တာပေါ့ ၊ တကယ်လွမ်းဆွတ်လျှင် တကယ်သတိရလျှင် တကယ်ကျေးဇူးသိတတ်ရင် ဘာလုပ်ရမည်နည်း ?

မိမိတို့အပေါ် ကောင်းရာကောင်းကျိုး သွန်သင်ဆုံးမပေးခဲ့မူ့လေးများကို အမြဲသတိရနေပြီး အမြဲလိုက်နာကျင့်သုံးနေခြင်းက ပါးစပ်မှလွယ်ကူစွာပြောနိုင်သော ချစ်လှပါသည် လွမ်းလှပါသည် ဆိုတာတွေထက် ပိုမိုထိရောက်ပါသည် ၊ Action speaks louder than words ပါ ။

နှစ်စဥ် လွန်လေပြီးသော နှစ်ပါတ်လည်တိုင်း Eulogy ဆိုသည့် အမှတ်တရ လွမ်းဆွတ်မူ့များကို ဖခင်ကြီး ချမှတ်ပေးခဲ့သော စနစ်ကောင်းများအား တစ်နှစ်လျှင် တစ်မျိုးစီ မျှဝေပေးခဲ့တာ ယခုဆို ၆ နှစ်မြောက် ၆ခုမြောက် အကြောင်း ပြောပြပါမည် ။

ဖခင်ကြီးမှာ နေ့စဥ် အဝင်အထွက် စာရင်းပြုလုပ်ပါသည် ၊ ရက်စွဲဖြင့် အတိအကျပါ ၊ ယနေ့ ဝင်ငွေ အမှတ်စဥ်များဖြင့် မှတ်ထားသည် ၊ ယနေ့ထွက်ငွေ အသေးစိတ်ကို ဥပမာ ကားဆီထည့်ခြင်း၊ တာယာလေထိုးခြင်း ၊ မုန့်ဝယ်စားခြင်း ၊ လှူဒါန်းခြင်း ၊ ကားဂိတ် pass ပေးရခြင်း ၊ ဆံပင်ညှပ်ခြင်း ၊ shampoo ဝယ်ခြင်း ၊ အစရှိသဖြင့် နေ့စဉ် income နှင့် outcome ရေးမှတ်ထားပါသည် ၊ သူတို့သူငယ်ချင်းများနှင့် Golf ရိုက်လျှင် ကြေးမများသော်လည်း အနိုင်အရူံးလောင်းကြေး ၊ Golf ကွင်းတွင် ကယ်ရီကြေး ဖျော်ရည် ဘီယာသောက်ခြင်းများအထိပါ ရေးမှတ်တတ်ပါသည် ၊ ကျွန်တော့်အားလည်း ထိုသို့ရေးမှတ်ရန် သွန်သင်ပြခဲ့သည် ၊ အသေးအဖွဲ ရာ ထောင် သောင်းဂဏန်းပင်ဖြစ်ပါစေ ၊ သေသေချာချာ မမှတ်ထားလျှင် အိတ်ပေါက်နှင့် ဖားကောက်ဖြစ်မည် ၊ ရေတိုင်ကီမှ ရေယိုနေတာ အမူ့မဲ့အမှတ်မဲ့ဖြစ်လျှင် ရေတိုင်ကီတစ်ခုလုံး ဆုံးရူံးသွားနိုင်သည် လို့ အမြဲဆုံးမခဲ့ပါသည် ၊ ထိုအကျင့်ကပါလာ၍ နေ့စဉ် ညအချိန် နေ့တစ်နေ့၏ အဝင်အထွက်စာရင်းအား နည်းသည်များသည်ဖြစ်စေ ၊ မမှတ်ထားမိလျှင် ၁ ရက် ၂ရက် အလုပ်တွေများနေလို့ ဒီအတိုင်းပဲနေမိလျှင် ( ငွေကုန်ခြင်း ကြီးကြီးမားမား မရှိတောင် ) နောက်ကျောမလုံပဲ ရေတိုင်ကီရေယိုနေပြီဟု ထင်မိပါသည် ၊ ထိုနေ့အဖို့ စုစုပေါင်း ထောင်ဂဏန်းလောက်ပဲ အထွက်ရှိတောင် ရေးမှတ်ထားလိုက်ရမှ ကိုယ့်ကိုကိုယ်လုံခြုံတော့သည် ၊ ရီစရာပြောရရင် ၂၀၀၆ ခုနှစ် NUS စင်္ကာပူအမျိုးသားတက္ကသိုလ်မှာ ပညာတော်သင်သွားစဥ် ဖြိုးက အလည်လိုက်လာရာ မြို့ထဲအလည်သွားပြီး ရေခဲချောင်းစားကြတာ ဖျော်ရည် သောက်ကြတာတွေ ရေခဲရေသောက်တာတွေ MRT smart card လုပ်ပြီး ငွေထပ်ဖြည့်ခြင်း top up လုပ်တာတွေ အသေးစိတ်စာရင်း ရေးထားလို့ ရေခဲချောင်း ၁ချောင်း ၁ဒေါ်လာ စားရတာတောင် နင်သွားသလို ဖြစ်သည်ဟု ပြောခဲ့ဖူးပါသည် ၊ ယခုတော့ သူက ပိုဆိုးသည် ၊ ဝင်ငွေ ထွက်ငွေကို Leger လယ်ဂျာစာအုပ်ဖြင့် စာရင်းကိုင် LCCI ကလည်းတတ်လို့ အသေးစိတ်ကို ဇယားများဖြင့်ရေးကာ မှတ်သူဖြစ်နေသည် ၊ အလေအလွင့်မရှိအောင် မိမိဘယ်လောက်ဝင်ပြီး ဘယ်လောက်သုံးခဲ့သည်ကို ဖခင်ကြီးအားအတုယူ နမူနာယူကာ လွမ်းသမျှ အလွမ်းဖြေနေရပါသည် ။

ဝဋ်ဆိုတာလည်း လည်တတ်သည့်သဘောရှိပါသည် ၊ ငယ်စဥ်က အဝတ်အစားအသစ်ဝယ်လိုလျှင် walking shoes အသစ်ဝယ်လိုလျှင် ဖခင်ကြီးက သူ့ထံရှိသော အင်္ကျီများ ဖိနပ်များကို ယူဝတ်ရန်ပြောပါသည် ၊ ဖေဖေ့အဝတ်တွေက date အောက်နေပြီ ၊ လူကြီးအဆင်များလို့ ပြောမိသည် ၊ မင်းကတော့ကွာ ငါငယ်ငယ်တုန်းက ဒါတွေမသိပေါင် မသုံးရက်ပါ မသုံးခဲ့နိုင်ပါလို့ပြောလျှင် သုံးခွမြို့နယ် ဖရုံကန်ကျေးရွာမှ လယ်သမားကြီး၏ သား ဖေဖေက ဒီလောက်ပဲသုံးနိုင်ခဲ့တာပေါ့ ၊ ယခု NDC ကျောင်းအုပ်ကြီးသားက ဒီလောက်တော့သုံးရတာပေါ့ ဖေဖေရေလို့ပြောလျှင် မေတ္တာစိတ်ဖြင့် အပြစ်မမြင် တဟားဟားရီပြီး မင်းတို့ခေတ်ပဲကွာ မင်းတို့ကံကောင်းတာလို့ ပြောခဲ့သည် ၊ ယခု သားဇွဲကလည်း ဗီဒိုထဲရှိ ဖေဖေ့အင်္ကျီများ ရေမွှေးများ ကြိုက်ရာသားယူသုံးပါဆိုတာကို လူကြီးအနံ့ ရေမွှေးတွေ ၊ လူကြီးအဆင်တွေ No No No လို့သာပြောပြန်သည် ၊ မင်းရေမွှေးတွေ မင်းအဝတ်တွေကလည်း စျေးကြီးလိုက်တာလို့ ပြောရင် သွန်းရော ဇွဲရော ဖေဖေကဆရာဝန်ကြီးပဲ နေ့စဥ်ဆေးခန်းမှာ ငွေတွေဝင်နေတာ သားကလည်း တစ်ဦးတည်းသောသား သမီးကလည်း တစ်ဦးတည်းသောသမီးဖြစ်လို့ ဖေဖေက ပေးသင့်တာပေါ့တဲ့လေ ၊ ယဥ်ယဥ်ကျေးကျေးလေးတော့ ပြောရှာပါသည် ၊ ဖေဖေ သားတို့ သမီးတို့ကို ကျေးဇူးပြုပြီး ဒါလေးများဝယ်ပေးလို့ရပါလား ၊ ဒီအစားအစာလေး သားတို့ မစားရတာကြာလို့ delivery မှာလိုက်မယ်နော်၊ သားတို့ စာကြိုးစားထားတယ် သမီး ဘယ်ဘာသာ ဘယ်နှစ်မှတ်ရတယ်လို့ပြောပြီး ခွင့်တောင်းကြရင်ဖြင့် မိမိငယ်စဥ်က ဂျီကျသမျှ ဖခင်ကြီးက ခေါင်းညှိတ်ခဲ့ရသလို ယခုမိမိလည်း ဝဋ်များလည်နေရပါပြီ ။

လွန်ခဲ့သော ၆နှစ်က ဘဝတပါးသို့ ပြောင်းသွားခဲ့ပြီးသော ဖခင်ကြီးအားရည်စူးပြီး ဇီဝိတဒါန ဆေးအလှူများလည်း Z& T အစာအိမ် အူလမ်းကြောင်းအထူးကုဆေးရုံတွင် ယခုလ များများပိုလှူဖြစ်ပါသည် ၊ အခြားလိုအပ်ရာ နေရာများတွင်လည်း များများပိုလှူမိပါသည် ၊ မြင့်မြတ်ရာ ဘုံဘဝမှ သာဓုခေါ်ဆိုနိုင်ပြီး သူတော်ကောင်းတရားများ ဆက်လက် ကျင့်ကြံကြိုးကုပ်အားထုတ်နိုင်ပါစေသတည်း 🙏🙏🙏

ကျေးဇူးရှင် ဖေဖေ့ကို သားသမီးများက လွမ်းဆွတ်သမျှ နူတ်ဖြင့်ပင် ပြောဆိုနေခြင်းသာမက ၊ဖေဖေချမှတ်ပေးခဲ့သော စည်းကမ်းကောင်းများကို လိုက်နာနေကြခြင်းဖြင့် အလွမ်းများဖြေနေကြပါကြောင်း ဖေဖေသာ သိခွင့်ရှိခဲ့ရင် သာဓုများစွာ ခေါ်ဆိုနိုင်ပါစေသတည်း 🙏🙏🙏

Address

Ma/15/9+16, 101(Theik Pan ) Street, Corner Of 56 Street, Ye Mon Taung, Mahar Aung Myae Township
Mandalay

Opening Hours

Monday 09:30 - 12:00
14:00 - 18:00
Tuesday 09:30 - 12:00
14:00 - 18:00
Wednesday 09:30 - 12:00
14:00 - 18:00
Thursday 09:30 - 12:00
19:00 - 18:00
Friday 09:30 - 12:00
13:00 - 18:00
Saturday 09:30 - 12:00
14:00 - 18:00

Website

Alerts

Be the first to know and let us send you an email when Z&T Gastro Intestinal Specialist Clinic Mandalay posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Z&T Gastro Intestinal Specialist Clinic Mandalay:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category