https://youtube.com/@whiteraysdivination?si=PjBPomn_h3ZbKlsq

White Rays - Divination, Mandalay (2026)

29/01/2026

🍀✨ ၂၀၂၆ မှာ ဘယ် Zodiac Signs တွေအတွက် ဘယ်လိုထူးခြားမှု‌တွေ၊ အခွင့်အလမ်းတွေရှိလာမလဲ ❓

🔥 Aries : အပေါ်ယံမဟုတ်ဘဲ တကယ်နားလည်မှုရှိတဲ့ လက်တွဲဖော်မျိုးနဲ့ ဆုံရမယ်။

🌱 Ta**us : ဘဝကို တစ်ဆစ်ချိုး ပြောင်းလဲပစ်မယ့် အခွင့်အရေးကောင်းတွေ ရလာမယ်။

💨 Gemini : အပေါ်ယံထက် ပိုနက်ရှိုင်းတဲ့ လူမှုဆက်ဆံရေးတွေ တည်ဆောက်နိုင်မယ်။

🌊 Cancer : ငယ်ဘဝက ရခဲ့တဲ့ စိတ်ဒဏ်ရာတွေကို အောင်အောင်မြင်မြင် ကုစားနိုင်မယ့်နှစ်ပါ။

🔥 Leo : ကိုယ့်ကို တကယ်ကျေနပ်မှုပေးမယ့် အလုပ်အကိုင် လမ်းကြောင်းသစ် ပွင့်လာမယ်။

🌱Virgo : ကိုယ့်ကိုယ်ကိုယ် အရှိကိုအရှိအတိုင်း လက်ခံနိုင်တဲ့ စိတ်ချမ်းသာမှုမျိုး ရလာမယ်။

💨 Libra : ကိုယ့်အတွက် မကောင်းတဲ့ ပတ်ဝန်းကျင်ကနေ ရဲရဲဝံ့ဝံ့ လှည့်ထွက်နိုင်တဲ့ သတ္တိမျိုး ရှိလာမယ်။

🌊 Scorpio : တကယ့်ကို ယုံကြည်ရတဲ့ သူငယ်ချင်းစစ်၊ မိတ်ဆွေစစ်တွေ ရလာမယ်။

🔥 Sagittarius: စိတ်ရောကိုယ်ပါ အနားယူလို့ရမယ့် အိမ် လို့ ခံစားရတဲ့ နေရာတစ်ခုကို ပိုင်ဆိုင်ရမယ်။

🌱 Capricorn : အလုပ်နဲ့ ဘဝကို မျှမျှတတ ဖြတ်သန်းနိုင်မယ့် Balance တစ်ခုကို ရှာတွေ့မယ်။

💨 Aquarius : ကိုယ့်ရဲ့ ဖြစ်တည်မှုကို အပြည့်အဝ နားလည်လက်ခံပေးမယ့် အသိုင်းအဝိုင်းထဲ ရောက်မယ်။

🌊 Pisces : စိတ်ကူးယဉ်သက်သက် မဟုတ်ဘဲ လက်တွေ့ကျကျ ခိုင်မြဲတဲ့ အချစ်မျိုးနဲ့ ဆုံရမယ်။

28/01/2026

💕 အချစ်ရေးမှာ ပြဿနာတက်လို့ ကျမဆီလာမေးကြတဲ့သူလေးတွေအတွက် ဒါကို သေချာဖတ်စေချင်တယ်။

🍓 အချစ်က အစပိုင်းမှာ ဘယ်လောက်ပဲ ကောင်းခဲ့ကောင်းခဲ့၊ အောက်က အချက်တွေကို သတိမထားမိရင်တော့ ရေရှည် လက်တွဲဖို့ ဖြစ်နိုင်မှာ မဟုတ်ဘူး။

🍓 ပထမဆုံးတစ်ခုက ကျေးဇူးတင်ဖို့ မေ့နေကြတာ။ တစ်ယောက်ရဲ့ ကြိုးစားအားထုတ်မှုကို "ဒါကတော့ သူလုပ်ပေးရမှာပဲ" ဆိုပြီး အမှုမဲ့အမှတ်မဲ့ မနေသင့်ဘူး။

🦋 နောက်ပြီး စူးစမ်းချင်စိတ် ပျောက်ဆုံးသွားတာ။ တွဲစတုန်းကလို အလေးအနက်ထား ဂရုစိုက်တာမျိုးနဲ့ သိချင်စိတ်ပြင်းပြပြပြ ချစ်ပြတာမျိုးတွေ မရှိတော့ဘူး။ ကိုယ့်အပေါ်သူအပေါ် အရင်က ရှိခဲ့တဲ့ sparkles လေးတွေ ပျောက်ကွယ်လာတာ။

🍂 နောက်တစ်ခုက နားထောင်ဖို့ထက် အနိုင်ရဖို့ပဲ ကြိုးစားတာ။ ပြဿနာတစ်ခုတက်ရင် ဘာကြောင့်လဲဆိုတာကို နားလည်အောင် နားထောင်ပေးမယ့်အစား ကိုယ်မှန်ကြောင်း ငြင်းခုံအနိုင်ယူဖို့ပဲ လုပ်လာတာ။

🍁 နောက်ပြီး မကျေနပ်ချက်တွေကို မြုံပြီး စုထားတာ။ကိုယ့်စိတ်ထဲမှာ မကျေနပ်တာရှိရင် ချက်ချင်းညှိနှိုင်းဖြေရှင်းမယ့်အစား တေးမှတ်ထားပြီး အာဃာတတွေ ဖြစ်လာတဲ့အထိ ထားလိုက်ကြတယ်။

🌱 ချစ်သူတွေဆိုတာ အမြဲ Team တစ်ခုတည်း‌နော်။ ဒါကို တစ်ဖက်တည်းသားတွေပါဆိုတာ မေ့ပြီး ပြိုင်ဘက်တွေလိုမျိုး အပြစ်တင်ဖို့ပဲ ချောင်းနေကြရင် ချစ်သူသက်တမ်း ကြာမှာ မဟုတ်ဘူး။

🍃 အချစ်က ခံစားချက်သက်သက် မဟုတ်ဘူး။ အချစ်ဆိုတာ နေ့တိုင်း ရွေးချယ်ရတဲ့ Choice တစ်ခုပါ။ ခံစားချက် (Feeling) သက်သက်ပဲလို့ ထင်နေရင် ခံစားချက်တွေ လျော့သွားတဲ့အခါ အချစ်လည်း ကုန်သွားလိမ့်မယ်။

🌸 အပေါ်ကလိုမျိုး ဖြစ်နေပြီဆိုရင် အချိန်မနှောင်းခင် အချင်းချင်း ပွင့်ပွင့်လင်းလင်း ပြန်တိုင်ပင်ကြဖို့ပဲ တိုက်တွန်းချင်ပါတယ်။

အဆင်ပြေကြပါစေနော် 🌹

25/01/2026

💕 လူအများကြားမှာ ကိုယ့်ရဲ့ ဆွဲဆောင်မှု (Vibe) က ဘာလဲ ❓

✨ General Reading ဖြစ်တာမလို့ Energy မကိုက်တာမျိုးလည်း ဖြစ်နိုင်ပါတယ်ရှင် 🍀

Pile 1 💕

လူအများစုက သင့်ကို မြင်လိုက်တာနဲ့ အရမ်းကို တက်ကြွပြီး စွမ်းအင်အပြည့် ရှိနေတဲ့သူလို့ ထင်ကြပါတယ်။ စွန့်စားရတာ ဝါသနာပါပြီး အမြဲတမ်း Idea အသစ်တွေ ရှိနေတတ်သူလို့မြင်ကြတယ်။
သင့်ရဲ့ ပွင့်လင်းရိုးသားမှုနဲ့ "ဘာမဆို စမ်းကြည့်မယ်" ဆိုတဲ့ စိတ်ဓာတ်က တခြားလူတွေအတွေးထဲမှာ ဆွဲဆောင်မှုရှိတယ်လို့ မြင်စေပါတယ်။ သင့်အနားမှာ ရှိ‌နေရင် ဘေးကသူငယ်ချင်းတွေပါ လန်းဆန်းတက်ကြွလာစေတဲ့ vibe မျိုး ရှိပါတယ်။

Pile 2 🪄

လူအများရဲ့ အမြင်မှာ သင်ဟာ လူတွေထဲမှာ အေးအေးဆေးဆေး နေတတ်ပြီး အခြေအနေတွေကို ထိန်းညှိပေးနိုင်သူလို့ အမြင်ခံရပါတယ်။ အရမ်း လောလောလောလော မရှိဘဲ စိတ်ရှည်တတ်တဲ့ ပုံစံမျိုးပါ။ သင့်ကို လူတွေက good listener, peace maker လို့မြင်ကြတယ်။ ဒါကြောင့်မို့ သင့်ဆီမှာရှိတဲ့ သူတစ်ပါးကို နားလည်ပေးနိုင်စွမ်း က အဓိက ဆွဲဆောင်မှုတစ်ခုပါ။ လူတွေက စိတ်ညစ်စရာရှိရင် သင့်ဆီလာပြီး ရင်ဖွင့်ချင်ကြပါတယ်။ သင်နဲ့ စကားပြောလိုက်ရင် စိတ်သက်သာရာ ရသွားစေတဲ့ Vibe မျိုး သင့်မှာ ရှိပါတယ်။

Pile 3 🔮

လူအများစုက သင့်ကို မြင်လိုက်တာနဲ့ ပျော်ရွှင်မှုဆိုတာကို တန်းမြင်ရပါတယ်။ အမှောင်ထဲမှာ လင်းနေတဲ့ မီးအိမ်လေးလိုပဲ လူအများကြားမှာ ထင်ရှားပြီး ပတ်ဝန်းကျင်ကို တောက်ပသွားစေနိုင်တဲ့သူမျိုးပါ။သင့်ရဲ့ ကလေးဆန်တဲ့ ပျော်ရွှင်မှုနဲ့ ယုံကြည်မှုရှိတဲ့ အပြုံးက လူတွေကို အဓိက ဆွဲဆောင်နေတာပါ။ သင့်မှာ ဘယ်သူနဲ့မဆို တည့်အောင် ပေါင်းနိုင်တဲ့ စွမ်းရည်ရှိပြီး လူချစ်လူခင် အင်မတန် ပေါများပါတယ်။

23/01/2026

Client Reviews ✨🍀

For Personal Reading 👇
Telegram Dm

23/01/2026

⚠️ ၂၀၂၆ ခုနှစ်၊ ဇန်နဝါရီ ၂၃ ရက်မှ ၃၁ ရက်အထိ ခုနစ်ရက်သားသမီးအတွက် ပညာရေးကံကြမ္မာဟောစာတမ်း 💯

🧿 တနင်္ဂနွေသား/သမီးများ ပညာရေးမှာ အာရုံစူးစိုက်မှု အားနည်းနေတတ်တဲ့ အပတ်ပါ။ ဘေးပတ်ဝန်းကျင် အနှောင့်အယှက်တွေကြောင့် စာကြည့်ရတာ အဆင်မပြေဖြစ်တတ်ပါတယ်။ ဒါကြောင့်မို့ စာကျက်တဲ့အခါ တစ်ယောက်တည်း ဆိတ်ငြိမ်တဲ့နေရာမှာ ကျက်ပါ။ သင်တန်းအသစ်တွေ တက်ဖို့ရှိရင် ဒီအပတ်မှာ စတင်တာ ကောင်းပါတယ်။

💝 တနင်္လာသား/သမီးများ အနေနဲ့ ပညာရေးကံ အလွန်ကောင်းနေပါတယ်။ ခက်ခဲတဲ့ ဘာသာရပ်တွေကို လွယ်လွယ်ကူကူ နားလည်သဘောပေါက်ပါလိမ့်မယ်။ စာမေးပွဲဖြေဆိုသူများ အောင်မြင်မှုရမယ့် အပတ်ပါ။ကံအ အထာက်အပံ့အားကောင်းနေတာမို့ ဆရာသမားတွေရဲ့ အကူအညီကို ရဲရဲဝံ့ဝံ့ တောင်းခံပါ။ ကိုယ့်ကို လမ်းပြပေးမယ့်သူ ပေါ်လာပါလိမ့်မယ်။

🎲 အင်္ဂါသား/သမီးတွေအနေနဲ့ ပညာရေးမှာ ပြိုင်ဆိုင်မှု ပြင်းထန်နေတတ်ပါတယ်။ ကိုယ့်ထက် တော်တဲ့သူတွေနဲ့ ယှဉ်ပြိုင်ရတာမျိုး ရှိပေမဲ့ ဇွဲရှိရင် အနိုင်ရပါလိမ့်မယ်။ အဓိကက စိတ်အားမငယ်ပါနဲ့။ စာမေးပွဲမှာ မေ့တတ်လို့ မှတ်စုတွေကို ထပ်ခါတလဲလဲ ပြန်ဖတ်ဖို့ လိုပါတယ်။

🍀 ဗုဒ္ဓဟူးသား/သမီးများ နိုင်ငံခြားပညာရေး ဒါမှမဟုတ် အဆင့်မြင့်ပညာရပ်တွေ လေ့လာဖို့ အခွင့်အလမ်းကောင်းတွေ ပေါ်လာတတ်ပါတယ်။ အင်တာဗျူးတွေဖြေဖို့ ရှိရင် အောင်မြင်ပါလိမ့်မယ်။ နည်းပညာနဲ့ ပတ်သက်တဲ့ ဗဟုသုတသစ်တွေကို ဒီအပတ်မှာ ပိုပြီး လေ့လာသင့်ပါတယ်။

💌 ကြာသပတေးသား/သမီးများ အနေနဲ့ သင်ယူမှုပိုင်းမှာ တိုးတက်မှု နှေးကွေးနေသလို ခံစားရတတ်ပါတယ်။ စိတ်ရှုပ်ထွေးမှုတွေ ရှိနေတာကြောင့် စာထဲ အာရုံမရောက် ဖြစ်နေပါလိမ့်မယ်။ အထူးသဖြင့် အနားယူချိန်နဲ့ စာကြည့်ချိန်ကို မျှတအောင် လုပ်ပါ။ သူငယ်ချင်းတွေနဲ့ စုပေါင်းစာကြည့်တာက ပိုပြီး ထိရောက်ပါလိမ့်မယ်။

🧿 သောကြာသား/သမီးများ ဒီအပတ်ထဲ ပညာရေးနဲ့ ပတ်သက်တဲ့ ထူးခြားတဲ့ သတင်းကောင်း ရတတ်ပါတယ်။ ဆုတံဆိပ်ရတာ ဒါမှမဟုတ် ဂုဏ်ပြုခံရတာမျိုး ကြုံရတတ်ပါတယ်။ ပညာရေးမှာ ကိုယ့်ရဲ့ အရည်အချင်းကို အပြည့်အဝ ထုတ်သုံးပါ။ ဒီအပတ်ထဲ ကိုယ့်ရဲ့ ဉာဏ်ရည်က အထွတ်အထိပ် ရောက်နေတတ်ပါတယ်။

🍀 စနေသား/သမီးများ စာမေးပွဲ ဒါမှမဟုတ် အလုပ်သင်ကိစ္စတွေမှာ အမှားအယွင်းလေးတွေ ဖြစ်တတ်ပါတယ်။ အထူးသဖြင့် စာရွက်စာတမ်းပိုင်းမှာ သတိထားဖို့ လိုပါတယ်။ ဒါကြောင့်မို့ စာမေးပွဲဖြေဆိုတဲ့အခါ မေးခွန်းကို သေချာဖတ်ပါ။ အလျင်စလို လုပ်တာက ကိုယ့်ကို ထိခိုက်စေနိုင်ပါတယ်။

22/01/2026

🐈‍⬛ ကြောင်မဲလေးတွေက တကယ်ပဲ ကံဆိုးစေတာလား ❓

🌀 လူအတော်များများက ကြောင်နက်လေးတွေကို မြင်ရင် ကံဆိုးတတ်တယ်လို့ ယူဆကြတယ်။ တကယ်တော့ ဒီအယူအဆက လွဲမှားနေတဲ့ အယူအဆတစ်ခုလို့ပဲ သုံးသပ်ပါတယ်။

🌟 တချို့ ရိုးရာ culture တွေမှာ ကြောင်နက်လေးတွေကို ကံကောင်းခြင်းနဲ့ ကြီးပွားချမ်းသာခြင်း ရဲ့ နိမိတ်လက္ခဏာအဖြစ် သတ်မှတ်ကြပါတယ်။

🐈‍⬛️ ကြောင်နက်လေးတွေက spiritual meaning အရဆိုကံကောင်းခြင်း၊ စွမ်းအားရှိခြင်း၊ အကာအကွယ်ပေးခြင်းနဲ့ ပညာရှိခြင်းတို့ကို ကိုယ်စားပြုပါတယ်။

✨ သူတို့ဟာ လျှို့ဝှက်ဆန်းကြယ်မှု၊ လွတ်လပ်မှုနဲ့ မိမိရဲ့ Intuition ကို ဖော်ဆောင်ပါတယ်။

🍀 နောက်ပြီး မမြင်ရတဲ့ စွမ်းအားတွေက ကိုယ့်ကို အမြဲကူညီနေတယ်ဆိုတာ သတိပေးနေသလိုမျိုး၊ ဘဝရဲ့ ခက်ခဲတဲ့ အခိုက်အတန့်တွေကို ယုံကြည်မှုရှိရှိ ကျော်ဖြတ်ဖို့ သူတို့က guide လုပ်ပေး နေတာပါ။

🔮 Witch တစ်ယောက်အတွက်ဆိုရင် ဒီလိုကြောင်နက်လေးတွေက မရှိမဖြစ်ပေါ့

🌀 မြန်မာနိူင်ငံမှာလည်း တချို့က ကြောင်နက်လေးတွေကို ကံဆိုးတယ်ကံခေတယ်လို့ သတ်မှတ်ကြပြီး တချို့ကျလည်း အိမ်ရဲ့ bad luck တွေကို စုပ်ယူကာကွယ်ပေးတယ်လို့ ယူဆကြပါတယ်

22/01/2026

Morning par ✨ 🌟

🍃 စာမေးပွဲဖိအား၊ အချစ်ရေး၊ လူမှုရေးတွေကြားမှာ ကိုယ့်ကိုယ်ကိုယ် မေ့လျော့နေပြီဆိုရင် ဒီစာလေးကို ဖတ်ကြည့်ပေးပါ။

🍀 ခန္ဓာကိုယ်ကျန်းမာဖို့ အာဟာရရှိတာတွေ စားသလိုမျိုး၊ စိတ်ဓာတ်ကျန်းမာဖို့အတွက်လည်း အကောင်းမြင်စိတ်လေးတွေကို ဖြည့်တင်းပေးပါ။ ကိုယ့်ကိုယ်ကိုယ် ဂရုစိုက်ပါ။

💕 တခြားသူတွေအတွက် အချိန်ပေးနေသလိုပဲ၊ တစ်နေ့တာရဲ့ အချိန်အနည်းငယ်ကိုတော့ ကိုယ့်အတွက်ကိုယ် သီးသန့်ပေးလိုက်ပါ။

🤍 နောက်ပြီး မင်းထင်ထားတာထက် မင်းက ပိုပြီး စွမ်းဆောင်နိုင်ရည်ရှိတယ်ဆိုတာ ဘယ်တော့မှမမေ့ပါနဲ့။
"ငါ ဒါကို လုပ်နိုင်တယ်" ဆိုတဲ့ ယုံကြည်ချက်နဲ့ ရှေ့ဆက်ပါ။

🐳 စိတ်ညစ်စရာတွေ ကြုံလာရင် အသက်ပြင်းပြင်းရှူသွင်းပြီး စိတ်အေးအေးထားပါ။ စိတ်ဖိစီးမှုတွေကို လွှတ်ချလိုက်ပါ။

🕊 မနက်ခင်း နိုးလာတဲ့အခါ ကိုယ့်မှာရှိနေတဲ့ ကောင်းမွန်တဲ့အရာလေးတွေအတွက် ကျေးဇူးတင်စိတ်နဲ့ နေ့သစ်ကို စတင်ပါ။

🌱 ပျော်ရွှင်မှုဆိုတာ ရွေးချယ်မှုတစ်ခုပဲရယ်။ ဘယ်လိုအခြေအနေမျိုးမှာမဆို ပျော်စရာလေးတွေကို ရှာဖွေကြည့်ပါ။

🍁 အရာရာတိုင်း ပြည့်စုံနေဖို့ထက်၊ မနေ့ကထက် ဒီနေ့ ပိုကောင်းလာဖို့က ပိုအရေးကြီးတယ်။

🌾 အရာရာကို တစ်ခါတည်းနဲ့ ပြီးပြည့်စုံအောင် လုပ်ဖို့ မကြိုးစားပါနဲ့။ ကိုယ့်ကိုယ်ကိုယ် ချစ်ပါ၊ အချိန်ပေးပါ။ ကိုယ့်ရဲ့ ကြိုးစားမှုတိုင်းက အရာထင်လာမှာပါ။

20/01/2026

🍀 ၂၀၂၆ ခုနှစ်၊ဇန်နဝါရီ ၂၀ ရက်မှ ၂၇ရက်အထိ ခုနစ်ရက်သားသမီးများအတွက် တစ်ပတ်စာ အချစ်ရေး ကံကြမ္မာ ဟောစာတမ်း ✨

💕 တနင်္ဂနွေသား/သမီးများ ဒီအပတ်မှာ အချစ်ရေးက တည်ငြိမ်နေပါမယ်။ ချစ်သူရှိပြီးသူများအနေနဲ့ တစ်ဦးနဲ့တစ်ဦး နားလည်မှု ပိုရလာမယ့် အချိန်ဖြစ်ပါတယ်။သတိထားရမှာက‌တော့ စကားအပြောအဆိုကြောင့် နှစိဦးနှစ်ဖက် စိတ်ကောက်တတ်ကြလို့ စနောက်တာမျိုးကို ဆင်ခြင်ပါ။ Single များ ကိုယ့်ကို စိတ်ဝင်စားသူ ပေါ်လာတတ်ပေမဲ့ ချက်ချင်း ဆုံးဖြတ်ချက်မချဘဲ စောင့်ကြည့်သင့်ပါတယ်။

🦋 တနင်္လာသား/သမီး တွေကတော့ အချစ်ရေးမှာ စိတ်လှုပ်ရှားစရာ တွေကြုံလာရလိမ့်မယ်။ အဝေးရောက်နေတဲ့ ချစ်သူနဲ့ ပြန်ဆုံရတာမျိုး ဒါမှမဟုတ် လက်ဆောင်ရတာမျိုး ကြုံရတတ်ပါတယ်။ တတိယလူရဲ့ ကြားဖြတ်ပြောဆိုမှုတွေကြောင့် အထင်အမြင်မလွဲအောင်တော့ သတိထားပါ။ လူလွတ်များ မထင်မှတ်ထားတဲ့ နေရာကနေ ချစ်သူရည်းစား စတင်တွေ့ရှိတတ်တယ်။

🌱 အင်္ဂါသား/သမီးတို့က‌တော့ အနည်းငယ် စိတ်ညစ်ရတတ်တဲ့ အပတ်ပါ။ အသေးအဖွဲကိစ္စလေးတွေကနေ အခြေအတင် ဖြစ်တတ်ပါတယ်။ စိတ်ရှည်ဖို့ အထူးလိုအပ်တယ်။ ကိုယ့်ဘက်က သတိပြုရမှာက ဒေါသရှေ့မထားပါနဲ့။ ကိုယ်က အလျှော့ပေးလိုက်တာက အကောင်းဆုံး ဖြေရှင်းနည်းပါ။
Single များ အချစ်သစ်ထက် အလုပ်နဲ့ ပညာရေးကို ပိုဦးစားပေးရမယ့် ကာလပါ။

🍁 ဗုဒ္ဓဟူးသား/သမီးများ အနေနဲ့ အချစ်ရေးက အရမ်းကို ကံကောင်းနေပါတယ်။ ချစ်သူနဲ့ ခရီးတိုလေးတွေ သွားရတာမျိုး၊ အနာဂတ်အတွက် တိုင်ပင်ဖြစ်တာမျိုး ရှိပါလိမ့်မယ်။ သို့သော် မိသားစုကိစ္စတွေကြားထဲမှာ အချစ်ရေးကို အချိန်ပေးဖို့ မမေ့ပါနဲ့။
Single များကိုယ်က စိတ်ဝင်စားနေသူဆီကနေ အဖြေကောင်း ပြန်ရတတ်ပါတယ်။

🍃 ကြာသပတေးသား/သမီးများကတော့ အေးအေးလူလူ ရှိနေမယ့် အချိန်ပါ။ တစ်ယောက်ကိုတစ်ယောက် ယုံကြည်မှု အပြည့်ရှိနေလို့ အနှောင့်အယှက်တွေ ရှိလည်း မတုန်လှုပ်ဘဲ နေနိုင်မယ့် ကာလပါ။ ဒီကာလထဲမှာ ကိုယ့်ချစ်သူရဲ့ ကျန်းမာရေးကို အနည်းငယ် ဂရုစိုက်ပေးဖို့ လိုပါလိမ့်မယ်။ Single များ မိတ်ဆွေအပေါင်းအသင်းထဲကနေ ချစ်သူအဖြစ် ပြောင်းပြီး အဆင့်တက်တာမျိုးလေးတွေမြင်ပါတယ်။

🌿 သောကြာသား/သမီးများက‌တော့ အချစ်ရေးမှာ အဆင်မပြေမှု တချို့ရှိနေရင်‌တောင် ပြေလည်သွားမယ့် အပတ်ပါ။ ကိုယ့်ချစ်သူက စိတ်ဆိုးနေတယ်ဆို ပြန်ချော့ဖို့ အကောင်းဆုံး အချိန်ပဲ ဖြစ်ပါတယ်။ သတိထားရမှာက အတိတ်ကကိစ္စဟောင်းတွေကို ပြန်မဖော်ပါနဲ့။ Single များက စန်းပွင့်နေတဲ့ အချိန်ဖြစ်လို့ ကိုယ့်ကို လာပတ်သက်သူတွေ များနေပါလိမ့်မယ်။

🍂 စနေသား/သမီးများက‌တော့ အချစ်ရေးမှာ ဝေခွဲမရ‌ မြေပဲမ ဖြစ်တာမျိုး ကြုံရနိုင်ပါတယ်။ နှစ်ယောက်ကြားမှာ အစိုးရိမ်လွန်တာမျိုးတွေ ဖြစ်တတ်လို့ ယုံကြည်မှု တည်ဆောက်ပါ။ ကိုယ့်ချစ်သူက ကိုယ့်ရဲ့ လွတ်လပ်ခွင့်ကို ချုပ်ချယ်နေတယ်၊ ထိန်းချုပ်နေတယ်လို့ ခံစားရတတ်တယ်။ Single များ အချစ်ရေးထက် ငွေရေးကြေးရေးကိစ္စတွေမှာ ပိုပြီး အာရုံရောက်နေပါလိမ့်မယ်။

18/01/2026

🧙‍♀Witch လို့ ပြောလိုက်ရင် Kitchen witch, solar witch, Divination witch, sea witch, cosmic witch, death witch

🍀 စသဖြင့် အများကြီးရှိတဲ့ထဲက ဒီနေ့ green witch တွေအကြောင်း ပြောပြမယ်

🌿 သဘာဝတရားကြီးရဲ့ စွမ်းအင်တွေကို အသုံးပြုပြီး မိမိကိုယ်ကိုနဲ့ ပတ်ဝန်းကျင်ကို healing လုပ်ပေးတတ်တဲ့သူတွေကို Green Witch လို့ ခေါ်ကြပါတယ်။

🦋 သူတို့က တောတောင်တွေ၊ အပင်တွေနဲ့ တိရစ္ဆာန်တွေကြားမှာ spiritually အရငြိမ်းချမ်းမှုကို ရှာဖွေသူတွေဖြစ်ပြီး အောက်က အချက်တွေတော်တော်များများနဲ့ ပြည့်စုံကြပါတယ်။

✨ Green Witch တစ်ယောက်မှာ ထူးခြားချက်တွေရှိတယ်။ သူတို့ရဲ့ ယုံကြည်မှုနဲ့ ကျင့်စဉ်တွေဟာ ကမ္ဘာမြေနဲ့ သဘာဝတရားပေါ်မှာပဲ အခြေခံပါတယ်။

🐾 သူတို့က အပင်တွေ၊ တိရစ္ဆာန်တွေနဲ့ သဘာဝလောကကြီးကြားမှာ strong connection တစ်ခုကို တည်ဆောက်ထားကြသူတွေပါ။

🍁 နောက်ပြီး သူတို့က Herbal Knowledge လည်းရှိကြတယ်။ ဆေးဘက်ဝင်အပင်တွေရဲ့ အာနိသင်ကို သိပြီး healing လုပ်ခြင်း၊ ချက်ပြုတ်ခြင်းနဲ့ မှော်အတတ်နဲ့ဆိုင်တဲ့ ကျင့်စဉ်တွေမှာ အသုံးပြုကြတယ်။

🍃 သဘာဝကပေးတဲ့ အရင်းအမြစ်တွေကို သုံးပြီး ဆေးအုံတာတွေ၊ တိုင်းရင်းဆေးဖော်တာတွေနဲ့ ကံကောင်းခြင်းတွေ ဆောင်ကြဉ်းပေးတဲ့ အဆောင် (Charms) တွေကို ကိုယ်တိုင် ပြုလုပ်တတ်ကြတယ်။

🌱 သူတို့ရဲ့နေထိုင်မှုပုံစံ (Lifestyle)ကလည်း ကမ္ဘာမြေကို ကာကွယ်ဖို့အတွက် အမှိုက်လျှော့ချခြင်း၊ ပြန်လည်အသုံးပြုခြင်း (Recycling) နဲ့ သဘာဝပတ်ဝန်းကျင်ကို မထိခိုက်စေတဲ့ နေထိုင်မှုပုံစံကို ပိုပြီး ဦးစားပေးတယ်။

🌱 ကိုယ်ပိုင်ဥယျာဉ်လေးလုပ်ပြီးစိုက်ပျိုးတတ်တယ်၊ ဆပ်ပြာနဲ့ ဖယောင်းတိုင်လိုမျိုး လူသုံးကုန်ပစ္စည်းတွေကို ကိုယ်တိုင်လုပ်ပြီး ကိုယ့်ခြေထောက်ပေါ်ကိုယ် ရပ်တည်တာကို တန်ဖိုးထားကြတယ်။

🐜 ပုရွက်ဆိတ်လေးကအစ အပင်တွေအထိ အသက်ရှိတဲ့အရာအားလုံးကို လေးစားကြပြီး တစ်ခုခုကို သဘာဝကြီးထဲက ရယူတဲ့အခါမှာလည်း Ethical foraging ရှိရှိ ရယူတတ်ကြတယ်။

🔮 သူတို့ tarot ဟောတဲ့အခါ guidebook စာအုပ်ထဲကထက် ပင်ကိုယ်သိစိတ် (Intuition) ကို ပိုပြီး အားကိုးကြပါတယ်။ ရာသီဥတု အပြောင်းအလဲနဲ့ သဘာဝတရားရဲ့ ဖြစ်စဉ်တွေကို စောင့်ကြည့်လေ့လာပြီး လမ်းညွှန်ချက်တွေ ရယူပါတယ်။

🐞 ကိုယ်က သဘာဝတရားကို ချစ်မြတ်နိုးတယ် အပင်တွေနဲ့ စကားပြောရတာကို နှစ်သက်တဲ့သူတစ်ယောက်ဆိုရင် ကိုယ်တိုင်လည်း Green Witch တစ်ယောက် ဖြစ်နေနိုင်ပါတယ်" 🌿✨

#

18/01/2026

💕 စိတ်ကို ငြိမ်ငြိမ်ထားပါမယ်။ အ‌သင်းပြင်းပြင်းရှူပြီး ဖြေးဖြေးချင်းပြန်ထုတ်ပါ 🍀

✨ ကိုယ်ရွေးချင်တဲ့ကဒ်လေးကို သေချာအာရုံစိုက်ပြီးရွေးပါ 💕

✨ General Reading ဖြစ်တာမလို့ Energy မကိုက်တာမျိုးလည်း ဖြစ်တတ်ပါတယ်ရှင် 🍀

Pile 1 ✨
နောက်အပတ်ထဲ small business လုပ်သူလေးတွေ အရှိန်ကောင်းပြီး ရောင်းအားတတ်လာနိုင်တယ်။ လူမှုရေးပိုင်းမှာတော့ ပြတ်ပြတ်သားသားပြောရတာ ဆဲဆိုအော်ငေါက်ရတာတွေရှိတတ်တယ်။ လူလိမ်ဆီက ပိုက်ဆံပြန်ရတတ်တယ်။ ရှုံးထားတဲ့ ပိုက်ဆံတွေ ပြန်ဝင်တတ်တယ်။ အချစ်ကြီးလို့ နာကျင်ခံစားရတာ ပိုတတ်တယ်။ Toxic, red flag ကိုမှ ချစ်မိတတ်တယ်။ ဆေးလိပ်၊အရက်တွေ လျော့သောက်ပါ။ အစားအသောက် ဂရုစိုက်ပါ။

Pile 2 🍀
နောက်အပတ်ထဲ အတိုက်အခိုက်ရှယ်ပေါပဲ။ ငွေကြေး၊အလုပ်အကိုင်တွေမှာ ရန်သူ၊ပြိုင်ဖက်တွေရှိတတ်တယ်။ အရှုံးပေးဖို့တော့စိတ်မကူးနဲ့။ ကိုယ်က ပြိုင်လေ နိုင်လေပဲ။ လူမှုရေးနဲ့ပတ်သက်ရင် "လုပ်ချို" လိုနေပါ။ တိတ်တခိုးကြိုက်နေတဲ့သူရှိရင်လည်း သတ္တိရှိရှိ ချစ်ကြောင်းပြောပါ။ ဘာပဲလုပ်လုပ် ဒူပေဒဏ်ပေခံနိုင်အောင်လုပ်ထားပါ။ ပျော့ညံ့ညံ့လုပ်နေရင် လောကဓံက တင်နင်းသွားလိမ့်မယ်။

Pile 3 💕
နောက်အပတ်ထဲ စိတ်မလောနဲ့။ ဘာလုပ်လုပ် ၊ဘာပြောပြော သေချာစဉ်းစားပြီးမှပြောပါလုပ်ပါ။ အရမ်းအစွန်းမရောက်နဲ့ ပိုက်ဆံစုမယ်ဆိုပြီး အစာငတ်ခံပြီးနေတဲ့ထိလည်း မလိုပါဘူး။ ‌ငါးပါးသီလ မြဲအောင်စောင့်ကြည့်ပါ။ ထူးခြားမှုတွေရှိလာလိမ့်မယ်။ လုပ်သင့်တာ၊ဖြစ်သင့်တာကို ပိုဦးစားပေးရင် နောင်အပတ်ထဲ အကျိုးအမြတ်များမယ်။

16/01/2026

🦋 Manifestation တွေ ကိုယ့်ရဲ့ real life မှာ တကယ်ဖြစ်လာဖို့ဆိုရင် faithful ဖြစ်ပါတဲ့

🌱 မျက်စိထဲမြင်အောင်ပြောရရင် Believe that you can get whatever you want like a child ... 🌟

🍀 ငယ်ရွယ်နုနယ်သေးတဲ့ ကလေးတစ်ယောက် ဒေဝေါကြီးဆိုတာ အပြင်မှာတကယ်ရှိတဲ့အကောင်ကြီးလို့ ထင်သလိုမျိုး 🦋

🍀 fairy tale ထဲက နတ်သမီးတွေနဲ့ Santa Claus တကယ်ရှိတယ်လို့ ယုံကြည်သလိုမျိုး ... ကိုယ်လိုချင်တာတွေ တကယ်ရလာမယ်ဆိုတာ ယုံကြည်ပါတဲ့ 💕✨

15/01/2026

🌙 ကျမတို့ အိပ်မက်မက်တယ်ဆိုတာဟာ ရိုးရိုးကြီးမဟုတ်ဘဲ တစ်ခါတလေမှာ စိတ်အာရုံ(Subconscious mind) ကနေ တစ်ခုခုကို သတိပေးနေတာမျိုး ဖြစ်တတ်ပါတယ် ✨

✨ မြန်မာမှာလည်း ရှေးယခင်ကတည်းက အိပ်မက်နိမိတ်ကောက်တာတွေရှိသလို အနောက်တိုင်းမှာလည်း အိပ်မက်နဲ့ပတ်သက်လာရင် နိမိတ်ကောက်ဝာာတွေရှိပါတယ်။ ဒါကြောင့် အခုပြောပြမယ့် အိပ်မက်မျိုးတွေကို မက်ခဲ့ရင် လျစ်လျူမရှုသင့်ပါဘူးနော် 🍀

🧿 တကယ်အပြင်မှာ ဖြစ်နေသလို ခံစားရတဲ့ အိပ်မက်
အိပ်မက်မက်ပြီး နိုးလာတဲ့အချိန်အထိ ရင်တုန်နေတုန်းပဲဆိုရင် ဒါဟာ ကိုယ့်စိတ်အာရုံက တစ်ခုခုကို အလေးအနက် ပြောချင်နေတာပါ။ သေချာနားစွင့်ဖို့ လိုပါလိမ့်မယ်။

🧿 ထပ်ခါတလဲလဲ မက်နေတဲ့ အိပ်မက်တွေကလည်းတိုက်ဆိုင်မှုမဟုတ်ပါဘူး။ ကိုယ့်ဘဝရဲ့ တစ်နေရာရာမှာ အာရုံစိုက် ဖြေရှင်းဖို့ လိုအပ်နေတဲ့အရာ ရှိနေလို့ စိတ်က ထပ်ခါတလဲလဲ ပြနေတာပါ။

🧿 အမြင့်က ပြုတ်ကျတဲ့ အိပ်မက်
လက်တွေ့ဘဝမှာ ကိုယ်က တစ်ခုခုကို ထိန်းချုပ်ရခက်နေတာ၊ ဒါမှမဟုတ် စိတ်ပိုင်းဆိုင်ရာအရ တစ်ခုခုကို လက်လွှတ်ဆုံးရှုံးမှာ ကြောက်နေတဲ့ နိမိတ်ပါ။

🧿 အလိုက်ခံရတဲ့ အိပ်မက်
ကိုယ်က လက်တွေ့ဘဝမှာ တစ်ခုခုကို ရှောင်လွှဲနေမိလား ❓ကြောက်ရွံ့မှု၊ past trauma ဒါမှမဟုတ် အမှန်တရားတစ်ခုခုကနေ လက်မခံပဲ ကိုယ်ထွက်ပြေးနေတာ မျိုးကို အိပ်မက်က ပြပါတယ်။ လက်တွေ့ဘဝမှာ ရင်ဆိုင်လိုက်မှသာ ဒီအိပ်မက် ရပ်တန့်သွားပါလိမ့်မယ်။

🧿 အပြင်မှာ မမြင်ဖူးပေမယ့် ရင်းနှီးနေသူနဲ့ တွေ့ရတဲ့ အိပ်မက်
တချို့ကတော့ ဒါကို သံသရာတစ်ကွေ့က ရေစက် ဒါမှမဟုတ် ကိုယ်နဲ့ ဆုံတွေ့ဖို့ ကံပါလာတဲ့သူလို့ ယုံကြည်ကြတယ်

🧿 ပျံသန်းနေရတဲ့ အိပ်မက်
ကိုယ့်စိတ်ဝိညာဉ်က လွတ်လပ်မှုကို တောင့်တနေတဲ့ အဓိပ္ပါယ်ပါ။ ကိုယ့်ကို ဝန်ထုပ်ဝန်ပိုး ဖြစ်စေတဲ့အရာတွေကို လွှတ်ချလိုက်ဖို့ အချိန်တန်ပြီလို့ ပြောနေတာပါ။

🧿 နိုးလာတဲ့အခါ ဝမ်းနည်း/စိတ်မကောင်းဖြစ်ခြင်း
အိပ်မက်ထဲက အကြောင်းအရာက မေ့သွားရင်တောင် ခံစားချက်က ကျန်နေခဲ့တယ်ဆိုရင် ဒါဟာ သာမန်အိပ်မက် မဟုတ်ပါဘူး။ ကိုယ့်စိတ်ထဲကပေးတဲ့ မက်ဆေ့ချ်တစ်ခုပါ။

🧿 မနက်အစော (၃) နာရီလောက်မှာ နိုးလာတာမျိုးကလည်း ဒီအချိန်ဟာ ကိုယ့်စိတ်ဝိညာဉ်နဲ့ Universe ကြား ဆက်သွယ်မှု အားအကောင်းဆုံး အချိန်မို့ပါ။ ခဏလောက် ငြိမ်ငြိမ်လေးနေပြီး ကိုယ့်ကိုယ်ကိုယ် reflect လုပ်ကြည့်ပါ၊ awareလုပ်ကြည့်ပါ။ တစ်ခုခု ပြောင်းလဲတော့မယ့် အရိပ်အယောင်ပါ။

⚔️ အနောက်တိုင်း အယူအဆအရ အိပ်မက်ဆိုတာ ကိုယ့်ရဲ့ စိတ်အခြေအနေကို ပြန်ကြည့်ဖို့ မှန်တစ်ချပ်ပါပဲ။

⚔️ အိပ်မက်တွေကို စိတ်ပူတာထက် ကိုယ့်ရဲ့ လက်ရှိ mental health နဲ့ ဘဝအခြေအနေကို ပြန်လည်ဆန်းစစ်ဖို့ အသုံးချကြည့်ပါနော် ✨

White Rays - Divination

29/01/2026

28/01/2026

25/01/2026

23/01/2026

23/01/2026

22/01/2026

22/01/2026

20/01/2026

18/01/2026

18/01/2026

16/01/2026

15/01/2026

Address

Telephone

Website

Alerts

Contact The Practice

Shortcuts

Share

Category