https://www.facebook.com/104195067812604/

Health Plus USA Products, No.54. 23st.82*83between, Mandalay (2025)

16/09/2025

☘️☘️Vitamin D3 အကြောင်း☘️☘️ အရမ်းလေးစားယုံကြည်ရတဲ့ ဆရာမကြီး video file လေးကို ထွေး ပြန်လည်မျှဝေပေးလိုက်ပါတယ်ရှင့် ဆရာမကြီးကို credit ပေးပါတယ်ရှင့်🙏🙏Htwe Htwe

12/09/2025

☘️☘️D3 Plus နဲနဲရောက်ပါတယ်ရှင့်☘️☘️

❤️❤️ဆေးအလုံးရေ အများကြီး မသောက်ချင်တဲ့ လူကြီးတွေအတွက်အရမ်းအဆင်ပြေတယ် ၂လုံးသောက်ရင်၅မျိုးရတယ် ❤️❤️ Probiotic လေးပါထည့်တိုက်ရင် ပိုပြည့်စုံသွားမယ်❤️❤️

အကြောင်းအမျိုးမျိုးကြောင့် နေ့စဉ် သောက်နေရတဲ့ ဆေးတွေကို အလှမ်းမမီနိုင်တော့ဘူးဆိုရင် —-

အဓိက အရေးကြီးတာ လောက်ကိုပဲ ဦးတည်ရမှာ ဖြစ်ပါတယ်။

လောလောဆယ်မှာတော့ ရောဂါ ပိုးမျိုးစုံနဲ့ စခန်းသွားနေကြရတာ လူတိုင်းသိပါတယ်။ ပိုးမျိုးစုံကိစ္စ ကလဲ မပြီးသေးတဲ့ အခြေအနေမှာ ရှိနေပြန်ပါတယ်။ ပိုးတစ်မျိုးပြီးပြန်ရင်လဲ နောက်လာနိုင်တဲ့ပိုးမျိုးစုံကလဲ ရှိနေတော့ အရေးကြီးတာကိုပဲ ဦးစားပေးရမှာ ဖြစ်ပါတယ်။

ဈေးကွက်ထဲမှာ ရှိနေတာတွေကို ပြန်ကြည့်လိုက်တဲ့အခါ အသင့်တော်ဆုံး တစ်မျိုးကို တွေ့မိပါတယ်။

💥Vitamin D3 5000IU
💥K2 80 mcg
💥Magnesium 120mg
💥Zinc 12mg
💥Boron 3mg
အားလုံးပါတဲ့ “D3 plus” ဆိုတာ ရှိပါတယ်။
“၂ လုံး” သောက်ရင် လုံလောက်နိုင်ပါတယ်။
D3 အပြင် သူလိုအပ်တဲ့ cofactors တွေပါ ပါပြီးသားပါ။
( D receptor problem ) ရှိနေသူများအတွက်လဲ ကောင်းသွားပြီပေါ့။

ဒါကိုလဲ အလှမ်းမမီနိုင်သေးဘူးဆိုရင် ဈေးချိုတဲ့ D3 တစ်မျိုးတည်း ပဲပေါ့။

ကျန်တာတွေကတော့ တတ်နိုင်ရင် အစားအသောက်နဲ့ ကြိုးစားပြီး ထိန်းပါ။
Time restricted eating ကိုပါ ထည့်သွင်းလိုက်နိုင်မယ်ဆိုရင် အတော်လေးကို ခရီးတွင် နိုင်ပါတယ်။

စောဒက တက်စရာလေးကတော့ ရှိတာကြောင့် ရှင်းပြပါဦးမယ်။
Vitamin D ဆိုတာ အဓိက အားဖြင့် နေရောင်ခြည်က ရတာဆိုတော့ သောက်စရာ လိုသလားဆိုတဲ့အချက်ပါပဲ။
မှန်ပါတယ်။ မြန်မာပြည်မှာ နေရောင်ခြည် ဟာ ကောင်းမွန်စွာ ရပါတယ်။
သို့ပါသော်လည်း ——
၁.Vitamin D ဖြစ်ဖို့ လိုအပ်တဲ့ UV ray B ဟာ အဝတ်အစားကို မဖောက်နိုင်ပါ။
မြန်မာနိုင်ငံမှာ ကလည်း အနောက်နိုင်ငံမှာလို အဝတ်အစားမပါဘဲ နေပူလှမ်းတယ်ဆိုတာ မရှိသလောက်ပါပဲ။

၂.အရေပြားမှာရှိနေတဲ့ cholesterol နဲ့ နေရောင်ခြည်ထိပြီး ပါသော်လည်း ခန္ဓာကိုယ်ထဲမှာ ဓာတုဖြစ်စဉ် အမျိုးမျိုးကို ထပ်မံ ဖြစ်ရပါသေးတယ်။
အသည်း ဟာအရေးကြီးတဲ့ အခန်းကနေ ပါဝင်နေပါတယ်။
မြန်မာပြည်မှာက အသည်းရောဂါ သည်တွေ ဘယ်လောက်များတယ်ဆိုတာ လူတိုင်းသိပါတယ်နော်။
အသည်းကောင်းကောင်းအလုပ်မလုပ်နိုင်ပြန်ရင်လည်း ကိုယ်လိုချင်တဲ့ result ကို မရနိုင်ပါ။

၃.အသည်း တစ်မျိုးတည်းနဲ့လဲ မပြီး ပြန်ပါ။
ကျောက်ကပ်ကိုလဲ အသုံးချရပြန်ပါတယ်။
မြန်မာပြည်မှာ ကျောက်ကပ် ရောဂါသည်/ ကျောက်ကပ် ကောင်းကောင်း အလုပ်မလုပ်နိုင်သူတွေကလည်း အများကြီးပါ။

၄.အကုန်လုံးကောင်းတယ်ထားပါဦး Receptor problem က ရှိနေတတ်ပါသေးတယ်။

ရှင်းပြနေခြင်း/ ထောက်ပြနေခြင်း/ဗဟုသုတပေးနေခြင်းသာဖြစ်ပါတယ်။
ကိုယ်နဲ့ အဆင်ပြေရာကို ကိုယ်လုပ်ပါ။
ကိုယ့်အကြောင်းကိုယ် အသိဆုံးပါ။

.Khin New Win

HtweHtwe

09/09/2025

လူအတော်များများ မေးလေ့ရှိသောမေးခွန်း

“Aspirin သောက်နေသူများ Vitamin K2 သောက်လို့ရပါသလား”
အရင်ကလဲ ပြောပြခဲ့ပြီးပါပြီ။ ထပ်မံ ရှင်းပြပါဦးမယ်။

အဖြေကတော့ သောက်လို့ ရပါတယ်။
ဘာဖြစ်လို့လဲဆိုတော့ Aspirin နဲ့ Vitamin K2 ရဲ့ ဆောင်ရွက်ပုံကိစ္စနည်းလမ်းတွေဟာ မတူကြလို့ ဖြစ်ပါတယ်။

Aspirin ကို လေ့လာကြည့်မယ်ဆိုရင် ——
သွေးဥမွှားတွေ ( platelets )နဲ့ သူတို့ရဲ့ သွေးခဲစေမှု အပေါ်မှာ ထိန်းချုပ်ထားလို့ ဖြစ်ပါတယ်။
ဆိုလိုချင်တာက သွေးဥမွှားတွေကြောင့် အလွယ်တကူ သွေးခဲတွေဖြစ်စေခြင်းမှ ကာကွယ်ပေးတာ ဖြစ်ပါတယ်။
Vitamin K dependent proteins တွေနဲ့ ဘာမှ မဆိုင်ပါ။

Vitamin K2 ကတော့ကော?
Vitamin K2 ဟာ Matrix Gla Protein ( MGP ) and osteocalcin ကို အသက်သွင်းလိုက်ပြီး calcium တွေကို သွေးကြောနံရံဆီ မသွားစေဘဲ အရိုးထဲသို့ ညွှန်ပေးတာ ဖြစ်ပါတယ်။
သွေးဥမွှားတွေအပေါ် သက်ရောက်မှု အကျိုးမရှိပါ။

“Warfarin ( Coumadin ) သောက်နေသူများတော့ Vitamin K မသောက်သင့်ပါ။
Warfarin ဟာ Vitamin K recycling ကို ပိတ်ပင်ပါတယ်”

K2 helps reduce vascular calcification K2ဟာ သွေးကြောနံရံ မှာ ရှိနေတဲ့ ထုံးကျောက်တွေကို လျော့နည်းစေပြီး
Aspirin lowers clotting risk Aspirin ဟာ သွေးခဲမှု အန္တရာယ်ကို လျော့ပါးစေပါတယ်။

နားလည်လောက်ပြီလို့ ထင်ပါတယ်။
တစ်ယောက်ချင်းစီ လိုက်မမေးကြနဲ့တော့နော်။

အစကတော့ Zoom မှာ ရှင်းပြမလို့ပါ။

Zoom မဝင်နိုင်သူတွေကလဲ ရှိနေတာမို့ တင်ပြလိုက်ရခြင်း ဖြစ်ပါတယ်။

Next Zoom session မှာ နှလုံးသွေးကြောပိတ်ကုန်တာတွေ လညိပင်းသွေးကြောပိတ်ကုန်တာတွေနဲ့ ပတ်သက်လို့ အကျယ် ရှင်းပြမယ်လို့ စိတ်ကူးထားပါတယ်

07/09/2025

★ အူလမ်းကြောင်း ပြန်လည်ကျန်းမာလာရေးအတွက်

၁. အရီုးပြုတ်ရည်သောက်ပါ ၊၊ (ထွေး ကတော့ ပြန်လုပ်သောက်နေပါပြီ)

၂. L glutamine powder ( ၁ ဇွန်းကို ရေနဲ့ ဖျော်ပြိး မှန်မှန် သောက်ပါ (သို့)Capsule

၃. အစာမစားမှိ နာရီဝက်အလို ပန်းသီးရှာလကာရည် သောက်ပါ ၊၊ ( tea ဇွန်း ၁-၂ ဇွန်းကို ရေ ၈ အောင်စနဲ့ဖျော်သောက်ပါ ၊၊)

၄. လက်လှမ်းမီနိုင်မယ်ဆိုရင် Betaine HCL with pepsin ကို ၂-၃ လုံး ထမင်းစားတဲ့ အချိန်မှာ သောက်ပါ၊၊

၅. Proteolyic enzymes or Digestive enzymes
အစာစားတဲ့အချိန်မှာ သောက်ပါ ၊၊

၆. Ox bile 500 mg အစာမစားခင် သောက်ပါ ၊၊

၇. Probiotic 20-60 billion count သောက်ပါ ၊၊

၈. Cod liver oil ကို ထမင်းစားဇွန်းနဲ့ ၁ ဇွန်းသောက်ပါ

၉. တစောင်းလက်ပတ် gel စားပါ ၊၊

Dr. Daw Khin Nwe Win
To A Better Health
အော်တိုအင်မြူး ရောဂါများ အကြောင်း
လက်ကမ်းစာစောင်မှ -

☘️အခုနောက်ပိုင်း Collagen နဲ့ glycine ပါထည့်သောက်ခိုင်းပါတယ်☘️
အူကျန်းမာရေး ကောင်းရအောင် ——-

၁.ပြုပြင်ပြီး အစားအသောက်ကို ရှောင်နိုင်ရင် ကောင်းပါတယ်။

၂.အစားအသောက် ရွေးချယ်သည့်အခါမှာလည်း အစာကျေနိုင်ခဲသည့် အစားအသောက်ကို ရှောင်နိုင်ရင် ကောင်းပါတယ်
Bioengineered foods
ဗီဇပြောင်း အစားအသောက်များ

၃.အစာချေရည် လုံလုံလောက်လောက် ရှိဖို့လိုပါတယ်။
Stomach acid လုံလုံလောက်လောက် ရှိပါမယ်
အခြားအစာချေ enzymes များလုံလုံလောက်လောက် ရှိပါမယ်။
မရှိရင် ဖြည့်ပေးပါ။

၅.အူလမ်းကြောင်းရှိပိုးများ ဟန်ချက်ညီနေဖို့ လိုပါတယ်။

၆.အူနံရံ သိပ်သိပ်သည်းသည်း ရှိနေရပါမယ်။
ယိုစိမ့်မှုများ မဖြစ်ရလေအောင် အထက်ဖော်ပြပါ အချက်များကို ဂရုပြုပါ။
ယိုစိမ့်မှု ဖြစ်နေရင် ပထဝီဓာတ်ဖြင့် ပြန်ပြင်ယူပါ။
Collagen/ Glycine

၇.အူလမ်းကြောင်း ရောင်ကိုင်းစေနိုင်မည့် အကြောင်းများကိုရှောင်ပါ။

အကြံကောင်းတစ်ခု

ဖြည့်စွက်စာတွေ ဈေးကြီးနေသည့်အခါမှာ ကိုယ်တွေ့အကြံလေး ပေးပါဦးမယ်။
အကြံပေးနေတာပါနော်။ မိမိတို့ သဘောအတိုင်းပါ။

အစာစားသည့်အခါ ကောင်းမွန်စွာ အစာချေဖို့ လိုအပ်တာကြောင့် အရင်ကဆိုရင် Ox bile/ digestive enzyme/ Betaine HCL with Pepsin ကို မှန်မှန်သောက်လေ့ ရှိပါတယ်။
ဈေးတွေကလဲ တရိပ်ရိပ်နဲ့ တက်လာတာကြောင့် ပြန်စဉ်းစားကြည့်မိပါတယ်။
ဘာကို မသောက်ဘဲနေရင် ရမလဲပေါ့။

အစာ မစားခင် ပန်းသီး ရှာလကာရည်ကို ရေနဲ့ရောပြီး “မှန်မှန်သောက်ကြည့်တာ” အခြားဘာမှ သောက်စရာ မလိုတော့တာကို တွေ့ရပါတယ်။
စမ်းသပ်ကြည့်တာပါ။

ရေ၈အောင်စ + ပန်းသီးရှာလကာရည် ထမင်းစား၂ ဇွန်း ဆိုရင် ရပါပြီ။
Organic apple cider vinegar with the mother ဖြစ်ရပါမယ်။

1 cup = 8 fluid oz = ရေတစ်ဖန်ခွက်

ကိုယ်တွေ့ စမ်းသပ်ကြည့်နေတာ တစ်လနီးပါး ရှိနေပါပြီ။
အတော်လေးကို အဆင်ပြေနေတာကို လက်တွေ့ကျကျ တွေ့နေရပါတယ်။
အစာကြေပြီး နေလို့ထိုင်လို့ အလွန်အဆင်ပြေနေပါတယ်။
မကုန်သင့်တဲ့နေရာမှာ မကုန်ရအောင်ပါ။

တစ်ယောက်နဲ့ တစ်ယောက်ဟာလဲ မတူကြတာမို့ မိမိတို့ အဆင်ပြေသလိုသာ —-

03/09/2025

ဆရာမကြီးပြောတဲ့ Calcium Citrate ခနခနလာမေးကြလို့ တင်ပေးလိုက်ပါတယ်ရှင့်

တတိယအရွယ်
The Golden Years

သက်ကြီးရွယ်အိုများမှာ အဖြစ်များတာက calcium ဓာတ် လျော့နည်းခြင်းဖြစ်ပါတယ်။

Calcium လျှော့နည်းလာတာနဲ့အမျှ ——-
သွားပိုးစား/သွားနဲ့/ သွားကျိုး
သွားဖုံးရောင်ကိုင်း
အောက်မေးရိုး ပါးလာသည်နှင့်အမျှ သွားရဲ့အမြစ်တွေလဲ ခိုင်ခန့်မှုမရှိတော့ပါ။

အရိုးပါး / အရိုးကျိုး
ကြွက်သားတွေ အားမရှိ/ ကြွက်တက်/ ကြွက်သားတွေ ကောင်းကောင်းအလုပ်မလုပ်နိုင်
နွမ်းလျနေ
အရေပြားတွေ ခြောက်သွေ့
လက်သည်းခြေသည်း ကျိုးလွယ်
ခြေလက်ထုံကျင် နေ
နှလုံးခုန် မမှန် စသည်ဖြင့် ဖြစ်နေတတ်ပါတယ်။

လျော့နည်းနေတဲ့ calcium ကို ခန္ဓာကိုယ်က ရနိုင်သည့်နေရာကနေ လိုအပ်သလို ဆွဲယူမှာဖြစ်ပါတယ်။
အရိုးတွေကနေဆွဲယူမယ် / သွားတွေကနေ ဆွဲယူမယ်ပေါ့။

များသောအားဖြင့် လွယ်လွယ်ကူကူပဲ ပြောလေ့ ရှိပါတယ်။
Calcium ဓာတ်ကြွယ်ဝသည့်အစားအသောက်တွေ စားပေးပေါ့တဲ့။
မှန်သင့်သလောက်တော့ မှန်ပါတယ်။

ဘာအစားအသောက်တွေပါလိမ့်?
၁.နွားနို့/ cheese/ ဒိန်ချဉ်
မြန်မာပြည်မှာ ပုံမှန် စားသောက်လေ့မရှိသည့် အစားအသောက်တွေဖြစ်ပါတယ်။
Cheese ကို မကြိုက်ကြတာ များပါတယ်။
နွားနို့ဆိုလဲ မှန်မှန် သောက်တာမဟုတ်ပြန်ပါဘူး။
ဒိန်ချဉ်ကလဲ တစ်ခါတလေတော့ စားပါလိမ့်မယ်။

အစိမ်းရောင် ဟင်းသီးဟင်းရွက်
Calcium ပါတာ မှန်ပါသော်လည်း ဟင်းသီးဟင်းရွက်မှာ သဘာဝအားဖြင့်ပါနေတဲ့ Oxalates/ lectins/ phytates တွေဟာ သဘာဝအားဖြင့် ပါနေတဲ့ calciumဓာတ်တွေကို အူမှစုတ်ယူခြင်းကို နှောင့်နှေးပိတ်ပင်ပြန်ပါတယ်။
များများစားရင် Oxalates / lectins / phytates ပြဿနာတွေကလဲ လိုက်လာပြန်ပါတယ်။
ကျောက်တည်တာတွေ မျိုးစုံပါပဲ။

Nuts / seeds / soy တွေကလဲ oxalate ပြဿနာက ရှိနေပြန်ပါတယ်။

Calcium ရနိုင်သည့် နောက်အစားအသောက်က
အရိုးပါစားလို့ရတဲ့ ငါးသေတ္တာ
Salmon
ဒါတွေလဲ စားလေ့ မရှိပြန်ပါဘူး။

အရေးကြီးသည့်နောက်တစ်ချက်က အသက်ကြီးလာတာနဲ့အမျှ အစာအိမ်ထဲမှာ အက်စစ်ဓာတ် လျာ့နည်းလာပါတယ်။
Calcium ကို အူမှစုတ်ယူနိုင်ဖို့ အက်စစ်ဓာတ် လိုပါတယ်။

Golden years မှာ သင့်တော်တာကတော့ calcium citrate ကို ဖြည့်စွက်စာအနေနဲ့ သောက်တာဖြစ်ပါတယ်။
ဘာကြောင့်လဲဆိုတော့ “calcium citrate ကို အူမှစုတ်ယူဖို့ အက်စစ် မလိုပါ”

ထုတ်သည့် ကုမ္ပဏီအလိုက် တစ်လုံးမှာ 500- 650 mg လောက် ပါပါတယ်။
အချိန်ခွဲပြီး တစ်နေ့ ၂ ကြိမ်လောက်သောက်ရင် လုံလောက်နိုင်ပါတယ်။

ဈေးလဲ မကြီးလှပါ။

ေါက်တာဒေါ်ခင်နွယ်ဝင်း

31/08/2025

ကျန်းမာရေးဗဟုသုတ ကဏ္ဍ ——

ခန္ဓာကိုယ်အတွက် အရေးကြီးသည့် သတ္တုဓာတ် Magnesium ဟာ အူကနေစုတ်ယူဖို့ အစာအိမ်ထဲရှိ အက်စစ်ဓာတ် လိုအပ်ပါတယ်။

Magnesium ကို အစားအသောက်ကနေဖြစ်စေ / ဖြည့်စွက်စာအနေနဲ့ဖြစ်စေ စားနေ သောက်နေပေမဲ့ အစာအိမ်ထဲမှာ အက်စစ်ဓာတ် လုံလုံလောက်လောက် မရှိပြန်ရင်လဲ Mgnesium ရဲ့ အကျိုးတွေကို ပြည့်ပြည့်ဝဝ ခံစားဖို့ ခက်ပြန်ပါတယ်။

စိတ်ဝင်စားဖို့ကောင်းတာက ကြွက်သားတွေကောင်းမွန်စွာအလုပ်လုပ်နိုင်ဖို့ လိုအပ်သည့် ဦးနှောက်နဲ့ အာရုံကြောအချက်ပြဓာတ် Dopamine ထုတ်လုပ်ရေးမှာ Magnesium က လိုပြန်ပါတယ်။

Dopamine ရဲ့ကုန်ကြမ်းတွေက ပရိုတင်းဓာတ် Tyrosine + Magnesium ဖြစ်နေပါတယ်။

ပရိုတင်း Tyrosine ကို စားနေပေမဲ့ အက်စစ်ဓာတ် မလုံလောက်ရင် အစာမချေနိုင် / အူကနေစုတ်မယူနိုင်ပြန်ပါ။
အက်စစ်ဓာတ် မလုံလောက်ရင် Magnesium ပါ ပြဿနာတက် ပြီ ဖြစ်ပါတယ်။

ဦးနှောက်နဲ့အာရုံကြော အချက်ပြဓာတ် neurotransmitter Dopamine ဟာ Protein Tyrosine + Magnesium ဖြစ်နေလို့ပါပဲ။

Neurotransmitter Dopamine ဟာ Parkinson ရောဂါအတွက် အလွန်အရေးကြီးပါတယ်။

ထိုနည်းတူစွာ ကြွက်သား အားယုတ်နေသူများ သတိပြုရမှာ ဖြစ်ပါတယ်။

☘️☘️မနေ့က Zoom session နားမထောင်လိုက်ရသူများအတွက် ——(30.8.2024)

အသက်ရှည်အောင် နေထိုင်စားသောက်ရေးဆိုင်ရာပညာရှင်၅ဦးကို မေးခွန်းတစ်ခု မေးလိုက်ပါတယ်။

ဖြည့်စွက်စွာ တစ်မျိုးကိုသာ ရွေးချယ်ခွင့်ပြုမယ်ဆိုရင် သင်တို့ ဘယ်ဖြည့်စွက်စာကို ရွေးမှာပါလဲ?

ညီတူညာတူ တစ်ပြိုင်တည်းထွက်လာတဲ့အသံကတော့ Magnesium ပါတဲ့။

ဘာကြောင့်ပါလဲ?
အသက်ရှင်နေရေးကိစ္စတွေမှာ အလွန်အရေးကြီးသည့်အခန်းကနေ ပါဝင်နေလို့ ဖြစ်ပါတယ်။

၁.ခန္ဓာကိုယ်တွင်းရှိ ရေဓာတ်ကို ဟန်ချက်ညီနေစေတယ်။

၂.pH ကို ဟန်ချက်ညီနေစေတယ်။

၃.ကလာပ်စည်းအတွင်းကို အာဟာရဓာတ်တွေ ပို့ဆောင်ပေးတယ်။

၄.ကလာပ်စည်းအတွင်းမှ အညစ်အကြေးတွေကို ထုတ်ယူပေးတယ်။

၅.ကြွက်သား/ အာရုံကြောတွေ ကောင်းမွန်စွာ အလုပ်လုပ်နိုင်စေရန် အထောက်အကူပြုတယ်။

၆.နှလုံးခုန်နှုံး ပုံမှန်ဖြစ်နေစေဖို့ / စည်းဝါးချက် မှန်ကန်နေစေဖို့

၇.သွေးပေါင်ချိန် ပုံမှန်ဖြစ်နေစေဖို့

၈.အရိုးနဲ့သွားတွေ ကျန်းမာသန်စွမ်းနေစေဖို့
( အရိုးဟာ calcium တစ်မျိုးတည်းနဲ့ တည်ဆောက်ထားတာမဟုတ်ဆိုတာကို သတိပြုရပါမယ် )
It actually is composed of many minerals in a balanced state.

သတ္တုဓာတ်တွေဟာ လျှပ်စစ်ဓာတ် အဖိုနဲ့ အမကိုသယ်ဆောင်နေပြီး လျှပ်စစ်သံလိုက်ဓာတ်ဖြစ်သည့် ခန္ဓာကိုယ်ထဲမှာ
၁.ရွေ့လျားခြင်းသတ္တိ movement
၂.ထောက်ကန်ခြင်းသတ္တိ / တွန်းကန်ခြင်းသတ္တိ ရှိနေသည့်ဓာတ်များဖြစ်ပါတယ်။
Repulsion
အဖိုဓာတ်နဲ့ အဖိုဓာတ်/ အမဓာတ်နဲ့အမဓာတ်ဟာ တွန်းကန်ခြင်းသတ္တိတွေ ရှိနေတာကြောင့်ပါ။

ဓာတ်ကြီးလေးပါးထဲမှ ဝါယောဓာတ်မှာ အကြုံးဝင်နေပါတယ်။

ခန္ဓာကိုယ်ထဲမှာ အသက်ရှင်နေဖို့ မရှိမဖြစ်ပါ။

☘️☘️ Magnesium အကြောင်း သိကောင်းစရာ ——-

Magnesium သတ္တုဓာတ် နည်းနေရင် တွေ့ရလေ့ရှိသည့် လက္ခဏာများ

၁.ခြေသလုံး ကြွက်တက်/ ကြွက်သားတွေ တောင့်တင်းနေခြင်း
၂ နွမ်းလျပြီး ခွန်အားတွေ ဆုတ်ယုတ်နေခြင်း
၃.အရိုးတွေ ချိနဲ့နေခြင်း
၄.အိပ်ပျော်ဖို့ ခက်ခဲခြင်း
၅.ဝမ်းချုပ်ခြင်း
၆.ခေါင်းကိုက်ခြင်း
၇မျက်ခွန် လှုပ်ခြင်း
၈.စိတ်ပူ စိတ်စော စိတ်ဆတ်နေတတ်ခြင်း
၈.အချို့ဆေးများဟာလည်း Magnesium လျော့နည်းစေသည်။
ဥပမာအချို့ ——
Acid blockers/ Antacids
၉.နှလုံးခုန် မမှန်ခြင်း (Arrhythmias)
၁၀.ကိုယ်ဝန်ဆိပ်တက်ခြင်း/ လ မစေ့သေးဘဲ မွေးခြင်း နဲ့လဲ ဆက်စပ်နေတတ်ပါတယ်။

၁၁.အရေးကြီးနဲ့ နောက်တစ်ချက်ကတော့ Vitamin D3 မှန်မှန် သောက်ပြီး တွဲဖက် Magnesium ပါ မသောက်ရင် Magnesium ဓာတ် ချို့တဲ့နေတတ်ပါတယ်”
Vitamin D3 ဟာ အလုပ်လုပ်နိုင်ဖို့ Magnesiumကို အသုံးချရပါတယ်။ ပြန် ဖြည့်မပေးနိုင်ရင် Magnesiumဓာတ် လျော့နည်းလာတတ်ပါတယ်။

ေါက်တာဒေါ်ခင်နွယ်ဝင်း

30/08/2025

ကျန်းမာရေး ပဟေဠိ

ဖြစ်ရပ်ကလေးတစ်ခုကို ဖတ်ကြည့်စေချင်ပါတယ်

၁.အိပ်မပျော်ခြင်း (တခါတရံ) ညလုံးပေါက်မအိပ်တာမျိုးတွေ ဖြစ်တတ်သည်။
၂။ ခန္ဓာကိုယ် အရမ်းပိန်လာသည်။
၃။ မှတ်ဉာဏ် အားနည်းလာသည်။
၄။ ဘယ်ခြေထောက် တစ်ချောင်းလုံး ထုံကျင်ကိုက်ခဲနေတာ ၁၀ နှစ်လောက်ရှိပြီ။
အဓိကဖြစ်တဲ့နေရာများ
(တင်ပါးဆုံ၊ ဒူးခေါင်း၊ ခြေဖြား)

အိပ်ယာဝင်တဲ့အခါ ခြေထောက်ကို အကြာကြီး ဆန့်ထားရတာ အဆင်မပြေသလို၊ ကြာကြာ ကွေးထားလည်း အဆင်မပြေဘူး။
ညောင်းပြီး ကိုက်နေသည်။
တစ်ခါတလေ ခြေထောက်တွေ ပူပြီး ကိုက်တဲ့အခါ ရေလောင်းမှ သက်သာသည်။

CBC Serum Chemistry
Ultrasound of abdomen
MRI of lumbo sacral spine and left knee.
Bone scan
Chest X ray
Doppler study of carotids
အဖြေတွေအားလုံး ကောင်းပါသည်။

2022- 2023
၂၀၂၃ ထိ ဆေးရုံကပေးတဲ့ ဆေးတွေ စားခဲ့ပါတယ်
မသက်သာတာကြောင့် ဆေးဖြတ်ပြီး နှိပ်လိုက် နင်းလိုက်နဲ့
နေလာတာ ၂-နှစ်ရှိပါပြီ။

ငွေကုန် ရောဂါ မသက်သာ သွေးအဖြေ ဓာတ်မှန်တွေ အကုန်ကောင်းတယ်။

ဒါဆိုရင် ဘာလုပ်ကြမလဲ?
အရိုးရှင်းဆုံးမေးခွန်းကို မေးကြည့်လိုက်ပါတယ်။

ဘာတွေစားနေပါသလဲလို့ ?
အဖြေ
အစားအသောက်ကတော့
“အသားငါး မစားဖြစ်တာ များပါတယ်”

ဒါဆိုရင် ဘာတွေကို အဓိက စားနေပါသလဲ?
အသီးအရွက်ကို များများ စားဖြစ်ပါတယ်
အများဆုံးစားဖြစ်တာက ငါးပိရည် တို့စရာ
သက်သတ်လွတ်စားတာမျိုးတော့ မရှိဘူး အများဆုံး စားဖြစ်တာက ငါးပိ၊ အသီး အရွက်ပဲ ဖြစ်
တယ်။
ကြက်သား ဝက်သား ငါးစတဲ့ အသားငါးတွေကိုတော့ တခါတရံမှ အနည်းငယ် စားဖြစ်တယ်။

ချိုတဲ့အစားအစာတွေကို မကြိုက်တဲ့အတွက်
နွားနို့၊ သကြား စတဲ့ အချိုမှန်သမျှလဲ မစားဖြစ်ပါဘူး
ရှောင်ရန် ဆောင်ရန်လေးတွေ ပြောပြပေးပါဆရာမ

ထိုင်းဆေးရုံတွေကလဲ ကုန်ကျစရိတ် အရမ်းများပြီး သက်သာမှု မရှိတာကြောင့်
ဆေးခန်းလောက်ပဲ သွားပြီး ဆေးထိုး ဆေးသောက် လုပ်ရင်း အနှိပ်ဆရာနဲ့ နှိပ်နေတာ ဆရာမ

အဓိက စားနေတာ ထမင်း / ငပိရည်/တို့စရာ
အသားကို တစ်ခါတရံ အနည်းငယ်သာစားတယ်။

No adequate protein
ပြီးပြည့်စုံသည့် ပရိုတင်းဓာတ် လုံလောက်မှု မရှိ
ပိန်လာပြီဖြစ်ပါတယ်။

Creatine Carnitine deficiency ဖြစ်နေတော့ မှတ်ဉာဏ်အားလဲ မကောင်းတော့ဘူးပေါ့။
ကြွက်သားတွေလည်း အားယုတ်

အသားစားအလွန်နည်းတော့ Vitamin B12 ချို့တဲ့ပါပြီ။ B12 က ဟင်းသီးဟင်းရွက်ကနေ မရနိုင်ပါ။
Vitamin b12 ချို့တဲ့ရင်
အိပ်လို့မပျော်
ထုံကျင်ကိုက်ခဲတတ်သည်
အမှတ်သတိတွေလဲ မကောင်းတော့ပါ။

ဘုန်းတော်ကြီးတွေဟာ သင်္ကန်းအမြဲရုံထားတော့ VitaminD လဲ ချို့ယွင်းနေတတ်ပါတယ်

ဟင်းသီးဟင်းရွက်တွေ စားနေပေမဲ့ oxalates Lectins phytates တွေဟာ သတ္တုဓာတ်တွေကို အူမှ စုတ်ယူနိုင်ခြင်းကို တားမြစ်ပြန်ပါတယ်
အထူးသဖြင့် တို့စရာဟာ အစိမ်းစားကြတာ များပါတယ်။
Magnesium ဓာတ်လဲ လျော့နည်းနေမှာ သေချာသလောက်ပါပဲ။
ခြေထောက် နေမထိ ထိုင်မထိ ဖြစ်နေတာ Restless leg syndrome ပါ
Magnesium deficiency ကို ညွှန်ပြနေပါတယ်။

အဓိက ပြင်ရမှာက အစားအသောက် ဖြစ်နေပါတယ်။
ပြီးပြည့်စုံသည့် ပရိုတင်းစားရမှာ ဖြစ်ပါတယ်။

ကြက်ဥ စားပါ။

ဖြည့်စွက်စာအနေနဲ့---
Vitamin B12
Vitamin D level စစ်ကြည့်ဖို့ သင့်ပါတယ်။
မစစ်နိုင်ရင် လဲ သောက်ပါ။
Magnesium citrate or malate or glycinate
400-600 mg a day.

Creatine/ Carnitine

သက်သာလာနိုင်ပါတယ်။

"သဗ္ဗေသတ္တာ အာဟာရဌိတိကာ"
သတ္တဝါများအား အာဟာရသာလျှင် ထောက်တည်ရာ ရှိကုန်၏

Zoom session မတက်နိုင်သူများအတွက် တင်ပြပေးလိုက်ပါတယ်။

27/08/2025

❤️ဆရာမကြီးဒေါ်ခင်နွယ်ဝင်းပြောကြားချက်ပါရှင့်❤️

ဝမ်းချုပ်သူများ ဓာတ်ကြီးလေးပါးကို ပြန်ညှိပေးချင်တယ်ဆိုရင် ——-

ပထဝီဓာတ် ပြုပြင်ရေး
ပထဝီဓာတ် ဖြစ်သည့် ကြွက်သားတွေ အားရှိရအောင် ပရိုတင်းဓာတ် နဲ့ ဖြည့်ဆည်းပေးရပါမယ်။
အသားစားပါ။ အစာအိမ်ထဲမှာ အက်စစ်ဓာတ် လုံလုံ လောက်လောက် ရှိနေပါစေ။
သက်သတ်လွတ်စားသူတွေဆိုရင် Collagen/ Creatine/ Carnitine ကို စဉ်းစားပေးပါ။
သက်သတ်လွတ် ဦးတည်ချက်နဲ့ ငြိနေမယ်ဆိုရင်တော့လည်း မတတ်နိုင်ပါ။
မိမိတို့ အယူအဆအတိုင်းပါ။

ဝမ်းအလွန်ချုပ်နေရင် အူလမ်းကြောင်းထဲမှာ အပိတ်အဆို့တွေ ရှိနေ/ မရှိနေ ဆိုတာကို သိရအောင် အစာလမ်းကြောင်း အပေါ် /အောက် ကြည့်ဖို့ လိုပါတယ်။
Endoscopy / Colonoscopy

၂.အာပေါဓာတ် ပြုပြင်ရေး
ရေကို လုံလုံလောက်လောက် သောက်ပါ။
တေဇောဓာတ် Thyroid ကို ပြုပြင်ဖို့လိုရင် ပြုပြင်ခြင်းဖြင့် အချွဲဓာတ် အာပေါဓာတ် ပြန်လျော့ကျသွားပါလိမ့်မယ်။
ကြွက်သားတွေ ညှစ်အားပြန်ကောင်းလာနိုင်ပါတယ်။

၃.တေဇောဓာတ် ပြုပြင်ရေး
Thyroid function စစ်ကြည့်ပါ။
လိုအပ်သလို ဆောင်ရွက်ပါ
တေဇောဓာတ်ကို ပြုပြင်ခြင်းဖြင့် ကမ္မဇဝမ်းမီးပါ အားရှိလာနိုင်ပါတယ်။

၄.ဝါယောဓာတ် ပြုပြင်ရေး
အဓိက က Magnesium ဖြစ်ပါတယ်။
Magnesium သောက်သည့်အခါ ပမာဏ လုံလောက်မှ ထိရောက်နိုင်ပါလိမ့်မယ်။
400-600 mg per day.

လူအတော်များများဟာ ပမာဏ ဘယ်လောက် ရှိတယ် ဆိုတာကို မသိကြတာ များပါတယ်။

Zoom session မှာ ထပ်ပြောပြပါဦးမယ်။

ကြွက်သားတွေအကြောင်း အပိုင်း၄

“အသက်ကြီးလာသည့်အခါ အိုခြင်းတရား အထင်ရှားဆုံးနေရာက ခြေထောက်ကကြွက်သားတွေ” ပါတဲ့။
သေးသိမ် အားယုတ် ချိနဲ့လာတာအမှန်ပါပဲ။

သိသာတယ်ဆိုတော့ တစ်မျိုးကောင်းတာက ပြန်ပြီး သန်စွမ်းလာအောင် အချိန်မီ လုပ်လို့ရတယ်လေ။

ကိုယ်မမြင်နိုင်/ မသိနိုင်တဲ့ ကြွက်သားတွေ အားယုတ် လာတာက ပိုဆိုးတာပေါ့။
ပြဿနာမျိုးစုံလိုက်လာပြီဖြစ်ပါတယ်။
အသက်ကြီးလို့ဆိုပြီး အသက်ကို အပြစ်ဖို့ကြတော့တာပါပဲ။

အစာမဝါးနိုင်ခြင်း
အစာ မျိုချရတာ ခက်ခဲလာခြင်း/ အစာသီးခြင်း
ဗိုက်ထဲမှာ လေတွေများနေခြင်း/ လေအန်ခြင်း
ရင်ပူခြင်း/ လေချဉ်တက်ခြင်း
ရင်ပြည့်နေခြင်း
ဝမ်းမှန်မှန် မသွားနိုင်ခြင်း / ဝမ်းချုပ်ခြင်း
နှလုံး ကောင်းစွာ အလုပ်မလုပ်နိုင်ခြင်း
အသက်ရှူရတာ ခက်ခဲလာခြင်း

Autoimmune အခြေခံနဲ့ နေရာမျိုးစုံက ကြွက်သားတွေ အားယုတ်လာသည့်အခါ သိသာထင်ရှားလှသည့် လက္ခ ဏာတွေ ဖြစ်ပါတယ်။
နောက်ဆုံးမှာ အစာမမျိုနိုင်/ အသက်မရှူနိုင်နဲ့ ဒုက္ခ ဖြစ်ကြတာ များပါတယ်။

စားသင့်သည့် “ပြီးပြည့်စုံသည့်ပရိုတင်းဓာတ်”ကို စား
အက်စစ်ဓာတ် လုံလုံလောက်လောက် ရှိနေပါစေ
လိုအပ်ရင် digestive enzymes/ ox bile ပါထည့်
Calcium/ Magnesium လုံလောက်နေပါစေ

ကြွက်သားတွေ သန်စွမ်းနေဖို့ ဖြည့်စွက်စာကို အလှမ်းမီရင် သောက်ရင် ပိုကောင်းပါတယ်။

ကြွက်သားတွေ / နာပ်ကြောတွေ ကောင်းမွန်စွာ အလုပ်မလုပ်နိုင်အောင် ပိတ်ပင်တတ်သည့် အစားအသောက်တွေကိုရှောင်
Calcium / magnesium/ iron စသည့် သတ္တုဓာတ်များ အူမှ စုတ်မယူနိုင်အောင် တားမြစ်တတ်သည့် အစား အသောက်တွေကို ရှောင်နိုင်ရင်ကောင်းပါတယ်။

ထူးခြားသည့် ပရိုတင်းဓာတ်တွေကို ကြည့်ကြပါမယ်

၁,ကြွက်သားတွေရဲ့ အဓိကမှီရာငြမ်းစင်အနေနဲ့ ဆောင် ရွက်နေတာက Collagen

၂.ကြွက်သားတွေ လုပ်ဆောင်မှုအတွက် အားရှိစေဖို့ စွမ်းအားတွေပေးနေတာက Creatine/ Carnitine

၃.ကြွက်သားတွေ ဆုတ်ယုတ်မသွားအောင် oxidative stress ကို တန်ပြန်ပေးနေတာက Carnosine.

၄.ကြွက်သားတွေ ကောင်းမွန်စွာ အလုပ်လုပ်နိုင်ဖို့ အချက်ပြပေးနေတဲ့ဓာတ်က
Neurotransmitter choline

Collagen/ Creatine/ Carnitine/ Carnosine/ Choline

24/08/2025

အူလမ်းကြောင်း ကောင်းဖို့အတွက် အရိုးပြုတ်ရည် ပြန်လုပ်သောက်နေပါပြီ
အရင်အိမ် မှာနေတုန်းက နေရာကျယ်တော့ မီးသွေး မီးဖိူနဲ့ ပြုတ်တယ် အခုတော့ Slow cooker နဲ့ပြုတ်ပါတယ် အမဲရိုးနဲ့ ကြက်ရိုးကို ရောပြုတ် ထားတာပါရှင့် ပန်းသီးရှာလကာရည်ထည့်ဖို့ မမေ့ကြပါနဲ့ရှင့် အူလမ်းကြောင်း မကောင်းသေးတော့ အစားအသောက်စားလဲ အာဟာရကို အပြည့်အဝ မစုပ် ယူနိုင်ဘူးဖြစ်နေတယ် ဖြည့်စွက်ဆေး တွေ ဘယ်လောက်သောက်သောက် အူလမ်းကြောင်း အဓိက အရေးကြီးဆုံးပါ ဖြည့်စွက်ဆေးတွေသောက်ပြီး မတည့်တဲ့ အစားအသောက်တွေရှောင်လိုက်တော့ လည်ပင်းအကျိတ်ကအယောင်နဲနဲ ပြန်ကျပါတယ်
အခုပြန်ပြီး ဂရုစိုက်နေပါပြီ

❤️❤️ဆရာမကြီးဒေါက်တာ ဒေါ်ခင်နွယ်ဝင်းပြောပြတဲ့❤️❤️
အရိုးပြုတ်ရည်အကြောင်း-

☘️ အဆစ်အမြစ်နာနေသူ
☘️ ဒူးနာနေသူ( အရိုးနုများပြန်ပြုပြင်ပေးတယ်)
☘️ harshimoto ဖြစ်နေသူ
☘️ ကျီးပေါင်းတက်နေသူ
☘️ allergy ဖြစ်နေသူ
☘️ autoimmune ဖြစ်ပြီး antibodies အရမ်းတက်နေသူ
☘️ အစာလမ်းကြောင်းပြဿနာဖြစ်နေသူ
☘️ ဦးနှောက်နဲ့ အာရုံကြောပြဿနာဖြစ်နေသူ
☘️ သွေး ၊ ကြွက်သား ၊ကလီစာများပြဿနာဖြစ်နေသူ
☘️ အရိုးပါးနေသူ
☘️ အရိုးအဆစ်ရောင်ကိုင်းသူ
☘️ leaky gut ဖြစ်နေသူ
☘️ ဆံပင်၊ လက်သည်း၊ ခြေသည်းပြဿနာဖြစ်နေသူ
☘️ နှာစေးချောင်းဆိုး ဖြစ်နေသူ
☘️ fasting လုပ်နေသူ
☘️ ကိုယ်ခံအားတက်လိုသူ
☘️ ကီမိုသွင်းထားပြီး ဘာမှအစားမဝင်သူ
☘️ ကီမိုသွင်းလိုက်လို့ အူကျန်းမာရေးပျက်သွားသူ
☘️ Autism ကလေးများတိုက်ရန်
☘️ ခန္ဓာကိုယ်ရောင်ကိုင်းနေသူများ သောက်ရန်...
ဆရာမကြီးက အကြံပေးထားပါတယ်ရှင်

🌱အရိုးပြုတ်ရည်၏အကျိုးအာနိသင်များ....

၁.အရိုးအဆစ်ရောင်အမ်းခြင်းမှ သက်သာစေခြင်း။

၂.နှာစေးချောင်းဆိုးကို ဖြစ်စေတတ်တဲ့ virus ပိုးများကိုတားမြစ်စေနိုင်ခြင်း။ခန္ဓာကိုယ်ခုခံအား ကောင်းစေပါတယ်။

၃.ခန္ဓာကိုယ်တွင်း‌ ယောင်ကိုင်းခြင်းမှ သက်သာစေပါတယ်။

၄.အရိုးတွေကိုခိုင်ခံ့ကျန်းမာစေပါတယ်။

၅.ဆံပင်နဲ့လက်သည်းခြေသည်း ကျန်းမာရေးတွက်လည်း ကောင်းပါတယ်။

၆.ဦးနှောက်နှင့်အာရုံကြော အတွက်လည်း အလွန်ကောင်းပါတယ်။Autism ကလေး တွေကိုလည်း တိုက်ကြည့်စေချင်ပါတယ်။

20/08/2025

❤️❤️ဆရာမကြီးရဲ့ အော်တိုအင်မြူးရောဂါအကြောင်း ❤️❤️

☘️☘️Autoimmune ရောဂါမျိုးစုံကို တစ်ခုချင်းစီ ပြောပြဖို့ လိုက်မေးနေကြသူများ သဘောပေါက်ကြစေရန်

ထင်ထင်ရှားရှား ဖြစ်နေသည့်နေရာအလိုက် ရောဂါလက္ခဏာတွေဟာ ကွဲပြားခြားနားသွားတာမို့ နာမည်အမျိုးမျိုးတပ်ပြီး ခေါ်နေပါသော်လည်း အခြေခံကတော့ အတူတူပါပဲ။

နေရာမျိုးစုံမှာ ပြိုင်တူဖြစ်လေ့ ရှိကြပါတယ်။
သိသာတဲ့နေရာနဲ့ မသိမသာ ဖြစ်နေတဲ့နေရာတွေလည်း ရှိနေပါတယ်။

ခန္ဓာကိုယ်ရောင်ကိုင်းနေခြင်းဖြစ်ပါတယ်။
Systemic inflammation
အဓိကအားဖြင့် အူလမ်းကြောင်း ယိုစိမ့်မှုပါ။
Leaky gut
ခုခံအားစစ်တပ် ကစဉ့်ကလျား ဖြစ်နေတာပါ။
Derangement of the autoimmune system.

ရောဂါနာမည်မျိုးစုံနဲ့ တစ်ခုချင်း လိုက်မေးနေကြမည့်အစား
အူနံရံယိုစ်ိမ့်မှုကို အစားအသောက်/ အနေအထိုင်/လိုအပ်သည့် ဖြည့်စွက်စာဖြင့် ရအောင် ပြင်ယူရမှာဖြစ်ပါတယ်။

When there is a will, there is a way.
ဆန္ဒ ရှိရင် ဘာမဆိုဖြစ်နိုင်ပါတယ်။
ဗဟုသုတတည်းဟူသော ပညာတော့လိုပါတယ်။
ဝီရိယလဲ ပါပါတယ်။

☘️☘️ယခုခေတ်ကာလမှာ Autoimmune ရောဂါ အမျိုးပေါင်း ရာကျော်ရှိနေပါတယ်။

ဖြစ်တဲ့နေရာက မတူကြတော့ ရောဂါလက္ခဏာတွေကလဲ မတူကြဘူးပေါ့။

ကုရိုးကုစဉ်အတိုင်းက အကျိုးတွေကို အဓိကထားပြီး ကုနေတာမို့ ဖြစ်သည့်နေရာတွေက မတူကြလေတော့ ကုသသည့်ဆေးတွေကလဲ မတူကြပေဘူးပေါ့။

သို့ပါသော်လည်း ရောဂါဖြစ်ကြောင်းကို ပြုပြင်ဖို့ဦးတည်ရာမှာတော့ အတူတူပါပဲ။
ဘယ်ရောဂါမဆို ဘယ်နာမည်နဲ့ပဲ ခေါ်ထားခေါ်ထား ဖြစ်လာရသည့်အကြောင်းကို ပြင်ဖို့က အတူတူပါပဲ။

Leaky gut ကို အဓိက ထားပြီးပြင် - အစားအသောက်/ ဖြည့်စွက်စာ

ရောင်ကိုင်းခြင်းကို ကျလာအောင် ကြိုးစား ——အစားအသောက် / ဖြည့်စွက်စာ

ခုခံအားကို ထိန်းညှိပေးနိုင်စွမ်း ရှိသည့် VitaminD level ကို optimum ဖြစ်နေပါစေ။
Immune modulation.

ရောဂါတစ်ခုစီကို ပြောပြရမယ်ဆိုရင် မလွယ်ပါ။
အခြေခံသဘောတရားကို သိရင် ရပါပြီ။

☘️☘️Autoimmune ရောဂါ ဖြစ်ကြရာဝယ် ——

ဖျက်စီးခံရသည့်နေရာပေါ် မူတည်ပြီး ရောဂါလက္ခဏာတွေဟာ မတူကြပါ။
ရောဂါအမည် အခေါ်အဝေါ်တွေလဲ ပြောင်းလဲသွားပါတယ်။
ယခုခေတ်မှာ Autoimmune ရောဂါပေါင်း ရာကျော် လောက် ရှိနေပါတယ်။

လူသိများတဲ့နာမည်တွေကတော့
Rheumatoid arthritis
SLE
Hashimoto Thyroiditis
Grave’s disease
Sjögren’s syndrome
Ulcerative colitis
Crohn’s disease. စသည်ဖြင့် အများအပြား ရှိပါတယ်။

ဖြစ်သည့်နေရာအလိုက် ဆိုင်ရာဆိုင်ရာ ဆေးကုသမှုကို ခံယူကြရပါတယ်။

အမှန်က အဓိကစစ်ပွဲ စစ်မြေပြင်က အစာလမ်းကြောင်း မှာပါ။

အူလမ်းကြောင်းမှာ ရှိနေသည့် ၈၀% သော ခုခံအားတွေရယ် အစာလမ်းကြောင်းထဲသို့ ဝင်လာသော အစား အသောက်တွေ ပိုးမွှားတွေ စသည်ဖြင့်ဟာ စစ်ခင်းနေကြတာ ဖြစ်ပါတယ်။

အဓိက စစ်ပွဲကို ထိန်းဖို့ဆိုတာကလဲ ကိုယ်ကိုယ်တိုင် လုပ်ရမည့်အလုပ် ဖြစ်နေပါတယ်။

အစားအသောက်ကို သတိကပ်ပြီး ဆင်ဆင်ခြင်ခြင်နဲ့ ရွေးပြီးစား

အစာခြေနိုင်အောင် (အထူးသဖြင့် ပရိုတင်းဓာတ်တွေ) အစာအိမ်ထဲမှာ အက်စစ် လုံလုံလောက်လောက် ရှိနေဖို့ အရေးကြီးပါတယ်။
အက်စစ်လုံလောက်နေရင် အခြားအစာခြေရည်တွေပါ လုံလုံလောက်လောက် ရှိနေပါလိမ့်မယ်။

ခုခံအား ကစဉ့်ကလျား ဖြစ်နေတာကို ထိန်းညှိပေးနိုင်စွမ်းရှိသည့် Vitamin D ပမာဏ ကောင်းနေရပါမယ်။

“ရောဂါ ဖြစ်နေသည့်အခါ” အစာလမ်းကြောင်းကလဲ ရောင်ကိုင်းနေတတ်တာကြောင့် အစာလမ်းကြောင်း အတွင်းနံရံကို နှိးဆွပေးတတ်သည့် ကြမ်းကြမ်းတမ်းတမ်း အမြှင််ဓာတ်များကို ယာယီဖြစ်ဖြစ် ရှောင်သင့်ပါတယ်။

အူနံရံ ယိုစိမ့်မှုအတွက် ကလာပ်စည်းတွေ ပြန်လည်တည်ဆောက်ဖို့ ငြမ်းစင်သဖွယ် ပထဝီဓာတ်တွေလိုပါတယ်။
Collagen ပါပဲ ။ အရိုးပြုတ်ရည် အသားပြုတ်ရည်တွေ ဖြစ်ပါတယ်။

အူလမ်းကြောင်းမှာ အကျိုးပြုပိုးတွေ လိုတယ်ဆိုတာကိုလည်း သတိပြုရင်းနဲ့ပေါ့။

ဒီလောက် သဘောပေါက်နိုင်မယ်ဆိုရင် အကျိုးများပါလိမ့်မယ်။

မိတ်ဆွေတစ်ဦး ၁၀နှစ်တာ ခံစားနေရတဲ့ အူလမ်းကြောင်း Autoimmune ရောဂါ ၆ လလောက် လိုက်နာလိုက်တာ ကောင်းသွားပါတယ်။

အခြေခံသဘောတရားကို နားလည်သွားရင် ရပါပြီ။

☘️☘️သတိပေးချင်တာတော့တစ်ခုရှိပါတယ်။

Autoimmune ရောဂါဆိုတာ ခုခံအားတွေကစဉ့်ကလျားဖြစ်ပြီး ရန်သူနဲ့ ပုံမှန်ခန္ဓာကိုယ်အစိတ်အပိုင်းတွေကို မခွဲခြားနိုင်တာဖြစ်ပါတယ်။
ခုခံအားတွေဟာရှုပ်ထွေးနေတဲ့အခြေအနေမှာရောက်နေတာဖြစ်ပါတယ်။
အပြင်က ရန်သူကို ခုခံရမှန်းမသိ၊ အတွင်းက ပုံမှန်ခန္ဓာကိုယ်အစိတ်အပိုင်းတွေကို ရန်သူထင်ပြီးဖျက်စီးနေတာဖြစ်ပါတယ်။

အခုလိုအချိန်မျိုးမှာသတိထားစေချင်ပါတယ်။ အထူးသဖြင့် antibody level သိပ်တက်နေတဲ့လူတွေ၊ ကြိုးစားလိုက်နာလို့ ပြန်ကျလာနေသော်လည်း
ပုံမှန်ပမာဏ မရောက်သေးသူတွေ၊ ဂရုစိုက်ကြစေချင်ပါတယ်။

အခြားနာတာရှည်ရောဂါသည်များအပါအဝင်ပေါ့။
နှလုံးရောဂါသည်၊ အဆုပ်ရောဂါသည်၊ ကင်ဆာရောဂါသည်တွေ၊ ခုခံအားကို ကျစေနိုင်တဲ့ဆေးတွေသောက်နေသူတွေ စသည်ဖြင့်ဖြစ်ပါတယ်။

အခုလိုပြောလိုက်တော့ လူအများစုဟာ ဒီအထဲမှာအကြုံးဝင်နေတယ်ထင်ပါရဲ

ေါက်တာဒေါ်ခင်နွယ်ဝင်း

17/08/2025

အပိုင်း ၁၁

Autoimmune ဖြစ်စဉ် နဲ့လက်တွဲသွားနေတာက leaky gut ခေါ် အူနံရံ မလုံခြုံခြင်း/ ယိုစိမ့်ခြင်း ဖြစ်ပါတယ်။
အူနံရံကို အခုလို အခြေအနေမျိုးကို ရောက်စေတဲ့ အကြောင်းတွေထဲမှာ အဓိက အကြောင်းကတော့ အစားအသောက်နဲ့ ပတ်သက်နေပါတယ်။

တစ်ကမ္ဘာလုံး အနေနဲ့ စိုက်ပျိုးရေး နည်းစနစ်တွေ/ ကောက်ရိပ်သိမ်းတဲ့ နည်းစနစ်တွေ/ သိုလှောင်တဲ့အခါ နည်းစနစ်တွေ ပြောင်းကုန်ပြီ ဖြစ်ပါတယ်။
ကမ္ဘာတစ်ဝှမ်းလုံးမှာ ခေတ်မီနည်း လို့ဆိုတဲ့ ပေါင်းသတ်ဆေး/
ပိုးသတ်ဆေး/ ဓာတ်မြေဩဇာ စ သည်တို့ကို တွင်တွင်ကြီး အသုံးပြုလာကြပါတယ်။
အချို့နိုင်ငံတွေမှာ ကောက်မရိပ်သိမ်းမီလဲ ပိုမိုလွယ်ကူပြီး မြန်မြန်ခြောက်သွေ့ရအောင် အပင်တွေကို ပေါင်းသတ်ဆေးနဲ့ ဖြန်းကြပြန်ပါတယ်။ သိုလှောင်တဲ့အခါမှာလည်း ပိုးမထိုးရအောင်/ မှိုမတက်ရအောင် ဆိုပြီး ပိုးသတ်ဆေး မျိုးစုံ ပါလာပြန်ပါတယ်။

ကမ္ဘာတစ်ဝှမ်းလုံးမှာ Autoimmune ရောဂါတွေဟာ ကြောက်စရာ ကောင်းလောက်အောင် များပြားလာနေတာ ဖြစ်ပါတယ်။
နာတာရှည်ရောဂါများဟာ အမည်နာမ မျိုးစုံ ပေးထားပါသော်လည်း Autoimmune အခြေခံ ဖြစ်နေတယ်ဆိုတာ သတိထားကြည့်ရင် မြင်နိုင်ပါတယ်။
အလွန်ရှားပါရလှတဲ့ Autoimmune ရောဂါတွေ ဟာ ယခုခေတ်မှာ ပိုပြီး တွေ့လာ များလာ နေတာ ဖြစ်ပါတယ်။
အချို့ ကင်ဆာတွေ အပါအဝင်ပေါ့။ Non Hodgkin lymphoma ဆိုတာ ပြန်ရည်ကြောကင်ဆာ တစ်မျိုးပါ။ အနောက်နိုင်ငံတွေမှာတော့ အမှုတွေ ဖြစ်နေကြပါတယ်။
သူကလဲ Autoimmune ရောဂါသည်တွေမှာ အဖြစ်များတတ်ပါတယ်။
ရှုထောင့်အမျိုးမျိုးကနေ ကြည့်တတ်ရင် မြင်ကွင်း ကျယ်လာတယ်နော်။

Organic စစ်စစ် ကို စားဖို့ဆိုတာကလည်း လက်တွေ့အားဖြင့် လူနည်းစုအတွက်သာ ဖြစ်နိုင်ပါလိမ့်မယ်။
လက်လှမ်းမမီနိုင်ကြပါ။
ဒီတော့ကာ ရောဂါတွေမှ ခံသာရအောင် ဘာတွေ လုပ်သင့်သလဲဆိုတာကို စဉ်းစားကြည့်ရပါတော့မယ်။

ပေါင်းသတ်ဆေးဟာ ခန္ဓာကိုယ်တွင်းရှိ Amino acid Glycine နဲ့ တည်ဆောက်ပုံခြင်း ( structure ) အတော်လေး ဆင်နေပါတယ်။
အချို့သုတေသနပညာရှင်တွေ အဆိုအရ ခန္ဓာကိုယ်ထဲမှာ သူဟာ Glycine ရဲ့နေရာကို ယူလိုက်တာကြောင့် Glycine ဟာ သူလုပ်နေကျအလုပ်တွေကို ကောင်းမွန်စွာ မလုပ်နိုင်တော့ပါ။
Glycine ဟာ အရိုးရှင်းဆုံး Amino acid ( ပရိုတင်းဓာတ် ) ဖြစ်ပါသော်လည်း သူဟာ ခန္ဓာကိုယ်ကြီး အတွက် အရေးကြီးတဲ့ လုပ်ဆောင်ချက်များ ရှိနေပါတယ်။

နောက်တစ်ချက် က ပေါင်းသတ်ဆေးဟာ အူလမ်းကြောင်းမှာရှိတဲ့ ပိုးတွေရဲ့ ဟန်ချက်ကို ပျက်ပြားစေပါတယ်။

သုတေသနပညာရှင်တွေဟာလဲ ဘက်စုံကနေ ရေးနေကြတာပါပဲ။
သို့ပါသော်လည်း နားလည်ထားရမဲ့အချက်က သူတို့တွေဟာ ပုထုဇဉ် ဆိုတဲ့ အချက်ပါပဲ။
လက်တွေ့အားဖြင့် ဘယ်သူမှန်တယ်ဆိုတာ ကိုယ်တိုင်စမ်းကြည့်လိုက်ရင် ခန့်မှန်းနိုင်သွားပါတယ်။
ကိုယ်ကလဲ ဒီလိုမျိုးခေတ်နဲ့ ကြုံနေရတာဖြစ်လို့ သုတတွေကို တတ်နိုင်သမျှ စုဆောင်းပြီး ဂရုစိုက်နေထိုင်သွားရမှာ ဖြစ်ပါတယ်။

Glycine ရဲ့ လုပ်ငန်းဆောင်တာ အကြောင်းကို ပြည့်ပြည့်စုံစုံ ရေးပေးထားပြီး ဖြစ်ပါတယ်။
Glycine အမှုံ့ဟာ ဖျော်သောက်ဖို့ လွယ်ကူပါတယ်။
လက်ဖက်ရည်ဇွန်းတစ်ဇွန်းဟာ အတော်လေး တာသွားပါတယ်။
ရေ/ကော်ဖီ စသည်ဖြင့်နဲ့ ရောသောက်လို့ရပါတယ်။

သူက ခန္ဓာကိုယ်ရဲ့ ငြမ်းအနေနဲ့ အသုံးပြုတဲ့ Collagen မှာ အဓိက ဇာတ်ကောင် ဖြစ်နေပါတယ်။
သူ့ရဲ့အရေးကြီးတဲ့လုပ်ဆောင်ချက်တွေဟာ အများကြီးပါ။

ဒါတွင်မကသေးပါ။
ဟန်ချက်ပျက်ပြားသွားတဲ့ ပိုးတွေကိုလဲ သတိပြုရပါဦးမယ်။
Probiotics/ Kefir/ ချဉ်ဖတ်/ ကင်ချီ စသည် တို့ကို ပြန်စားပေးသင့်ပါတယ်။

အစာကျေဖို့လဲ လိုတာမို့ အချိန်ရရင်တော့ အစာချေရည်တွေ အကြောင်းကို ပါ ရေးပေးပါဦးမယ်။

သုတနဲ့ ပညာကို အသုံးပြုပြီး မိမိကိုယ်ကို စောင့်ရှောက်နိုင်သူများ ဖြစ်ကြပါစေ။

ေါက်တာဒေါ်ခင်နွယ်ဝင်း

12/08/2025

💥💥Thyroid ရောဂါတိုင်းအတွက် Selenium က သောက်ရပါတယ် ဖြည့်စွက်ဆေးတွေက မတည့်တာလား မသိဘူး သောက်လိုက်တာနဲ့ ခေါင်းတွေချာချာလည်အောင် မူးလာတာ တကိုယ်လုံးလဲ နာကျင်နေပြီး လူကမထနိုင်ဖြစ်နေရင် သောက်နေတဲ့ အထဲ Selenium ပါရင် ခနရပ်ပေးပါ ကျန်တာ ဆက်သောက်ကြည့်ပါ
ဖြစ်တဲ့သူတော့ နည်းပါတယ် ဖြစ်ခဲတယ် ဒါပေမဲ့ မတည့် တဲ့သူလဲ ကြုံဖူးပါတယ် ရှင့်💥💥

☘️☘️Selenium☘️☘️
-----------
Selenium အကြောင်း အရေး ကြီး သော ဗဟုသုတ ကဏ္ဍ

၁ Hashimoto Thyroiditis ရောဂါ အလွန် အဖြစ် များ နေ တာ ကြောင့် ။ ဒီ ရောဂါ အတွက် selenium မှီဝဲ

ဖို့ အရေးကြီး ပုံ ကို တင် ပြ လို ပါ တယ်။

သဘာဝ အား ဖြင့် selenium ဟာ သဘာဝ အား ဖြင့် thyroid အကြိတ် မှာ အများ ဆုံး ရှိ နေ ပါ တယ်။

သူ့ ရဲ့ အလုပ် က တော့ ၊ thyroid gland ကို ကာကွယ် ပေး ဖို့ antioxidant လုပ်ငန်း အပြင်

Thyroid hormone ရဲ့ ဇီဝ ဓာတု ဖြစ်စဉ် မှာ လည်း ပါဝင် နေ တာ ဖြစ် ပါတယ်။

ထူးခြား တဲ့ အဓိက အချက် ကို ပဲ ပြော ပြ ပါ မယ်။

Autoimmune Thyroid ရောဂါ မှာ အထူး သဖြင့် antithyroid peroxidase antibody level တက် နေ သူ များ

မှာ ဒီ antibody level ပြန် ကျ လာ စေ တယ်၊

thyroid ultrasound အသွင် အပြင် လဲ ကောင်း လာ စေ တယ်၊

နေ လို့ ထိုင် လို့ ပို ကောင်း လာ စေ ပါ တယ်။

ဒီ နေ ရာ မှာ သိထားသင့် တဲ့၊ အရေး ကြီး တဲ့ အချက် က တော့၊ ဒီ antibodies တွေ များ နေ ခြင်း ဟာ

ရေ ရှည် မှာ thyroid cancer risk ရှိ တယ် ဆို တဲ့ အချက် ပဲ ဖြစ် ပါ တယ်။

ဒါ ကြောင့် လဲ ဒီ antibodies တေ ကို တတ် နိုင် တဲ့ နည်း နဲ့ ချ သင့် တယ် လို့ ထင် ပါ တယ်။

၂ Hyperthyroidism ( Grave’s disease ) မှာ ဖြစ် တတ် တဲ့ မျက်လုံး ပြူး ထွက် လာ ခြင်း ကို လဲ သက်သာ

လာ စေ ပြီး ရောဂါ ကို လဲ ပို မဆိုး တဲ့ ဘက် ရောက် မသွား ရ အောင် ကူ ညီ ပေး ပါ တယ်။

သောက် တော့ မယ် ဆို ပြီး စျေးကွက် ထဲ မှာ ရှာ တဲ့ အခါ organic form က ပို ပြီး ထိ ရောက် ပါ သ တဲ့။

၃. သဘာဝ ခုခံ အား တွေ ဖြစ် တဲ့ T cells, Natural killer cells တွေ ရဲ့ အာနိသင် ကို လဲ တက် စေ ပါ တယ်။

၄. ကင်ဆာ လူနာ တွေ မှာ လည်း selenium နည်း နေ တတ် ပါ သေး တယ်။

Selenium ဝယ် သောက် တဲ့ အခါ သတိ ပြု ရ မှာ က selenomethionine ပါ ရ မှာ ဖြစ် ပါ တယ်။

ကျွန်မ တို့ တ တွေ သောက် နေ ကြ တဲ့ Life Extension က Super selenium complex ထဲ မှာ ပါပါ တယ်။

Dosage 200 microgram daily.

Credit - To A Better Health
ေါက်တာဒေါ်ခင်နွယ်ဝင်း

Htwe Htwe

Health Plus USA Products

16/09/2025

12/09/2025

09/09/2025

07/09/2025

03/09/2025

31/08/2025

30/08/2025

27/08/2025

24/08/2025

20/08/2025

17/08/2025

12/08/2025

Address

Telephone

Website

Alerts

Contact The Practice

Shortcuts

Share