24/01/2024
🔶ဖေဖေမေမေတို့ရေ
ဒီနေ့ ဖေဖေမေမေတို့ရဲ့ မူကြိုအရွယ်ရင်သွေးလေးတွေ ထိခိုက်ဒဏ်ရာ တစုံတရာမရှိဘဲ နာတတ်တာမျိုးကို ရှင်းပြပေးမယ်နော်။
🔶🔶ကလေးငယ်လေးတွေက ဖေဖေမေမေတို့ရဲ့ ရင်နှစ်သည်းချာ ရတနာရွှေဥလေးတွေဆိုတော့ မျက်နှာတော် ညိုရင်တောင် ဖေဖေမေမေတို့ စိတ်ပူတတ်ကြတာဆိုတော့ ညနေဘက် ညဘက် ထိခိုက်ဒဏ်ရာ တစုံတရာမရှိ အကြောင်းတစုံတရာ မရှိဘဲ နာလို့ဆိုပြီး ငိုယိုဂျီကျတတ်တာမျိုး ကြုံခဲ့ဖူးမယ်ဆိုရင် ဆရာတို့ အောက်မှာ ရှင်းပြမယ့် အကြောင်းအရာလေးတွေ သေချာဖတ်ကြည့်ပေးပါဦး။▶️▶️
🟧1/ မူကြိုအရွယ် ရင်သွေးလေးတွေဟာ ထိခိုက်လဲကျဒဏ်ရာကြောင့် ပိုးဝင်အနာတွေကြောင့် နာကျင်ကိုက်ခဲတာမျိုး မဟုတ်ပဲ ညနေဘက် ညဘက်တွေမှာ ခြေထောက်နှစ်ဖက်လုံး နာလို့ဆိုပြီး မိဘတွေကို စိုးရိမ်ပူပန်မှု ဖြစ်စေတတ်ပါတယ်။
🟧2/ အဲ့ဒီလို ကြုံခဲ့ရပြီဆိုရင် ဖေဖေမေမေတို့အနေနဲ့ ခေတ္တခဏ အနာသက်သာအောင် ကလေးငယ်တို့ရဲ့ နာနေတဲ့ နေရာလေးကို ခပ်ဖွဖွ နှိပ်နယ်ပေးလို့ ရပါတယ်။ နောက်ထပ် ရေနွေးဝတ် ဒါမှမဟုတ် ရေအေးဝတ် ပတ်ပေးလို့ရပါတယ်။
ဆေးအနေနဲ့ကတော့ ပါရာစီတမောကို သင့်တော်သော ပမာဏ တိုက်ပြီး သက်သာအောင် လုပ်ပေးလို့ ရပါတယ်။
🟧3/ နောက်ထပ် ဖေဖေမေမေတို့ မိမိတို့ကလေးငယ်တွေအတွက် လုပ်ပေးလို့ရတာမျိုးတွေက
👉🏻🔰ကလေးငယ်တို့ အချိန်မှန်မှန် အိပ်စက်အနားယူဖို့ ကြီးကြပ်ပေးလို့ရပါတယ်။
🔰အလွန်အကျူး ပြေးလွှားခုန်ပေါက် ကစားနေတာမျိုးထက် ကစားချိန်ကစား နားချိန်နား သင့်တင့်မျှတအောင် စီမံပေးလို့ပါတယ်။
🔰ကျန်းမာရေးနဲ့ ညီညွတ်ပြီး ဗိုက်တာမင်နဲ့ သတ္တုဓာတ် သင့်တင့်မျှတစွာ ပါဝင်တဲ့ အစားအသောက် ကျွေးမွေးပေးခြင်းအားဖြင့်လည်း ကြွက်သားနာကျင်ခြင်းတွေ၊ ကလေးငယ်တို့ ကြီးထွားချိန် နာကျင်ခြင်း ခံစားရမှုတွေကို သက်သာကျော်လွှားနိုင်မှာ ဖြစ်ပါတယ်။
🟥ဆရာတို့ အထူးမှာချင်တာကတော့ အပေါ်မှာ ဆရာတို့ ပြောပြထားတဲ့ အချက်တွေ လိုက်နာဆောင်ရွက်ပေမယ့် မူကြိုအရွယ်ကလေးတို့ရဲ့ နာကျင်ခြင်းတွေက မသက်သာ၊ ရက်ရှည်လများ ခံစားနေရပြီဆိုရင်တော့ ဖေဖေမေမေတို့က နီးစပ်ရာဆေးရုံဆေးခန်းဆရာဝန်တွေနဲ့ ပြသကုသ ပေးသင့်တယ်လို့လဲ အကြံပေးပါရစေ။
References:
1. National Institute for Health and Care Excellence (NICE): Growing Pains in Children
2. American Academy of Pediatrics: Growing Pains
3. Royal College of Paediatrics and Child Health: Growing Pains
Photo credit(google)
pain
