Shwe Pyi Oo Clinic

01/09/2025

💧 ရေသောက်ခြင်း၏ အကျိုးကျေးဇူး နှင့် တစ်နေ့တာ ရေလိုအပ်ချက် 🫶

ကျန်းမာရေးကောင်းမွန်ဖို့ ရေသောက်ခြင်း က အရေးကြီးဆုံး အစိတ်အပိုင်းတစ်ခုပါ။
အများစုက မသိသေးတဲ့ ရေသောက်သင့်ကြောင်း အကြောင်းအရာလေးများ ကို မျှဝေပေးချင်ပါတယ်။

💙 ရေသောက်ခြင်း၏ အကျိုးကျေးဇူးများ
• 🫀 သွေးလည်ပတ်မှုကောင်းစေ
• 🧠 အာရုံစိုက်နိုင်မှု မြင့်တင်စေ
• 😌 ပင်ပန်းတာလျော့စေ
• 🌟 အသားအရေ တောက်ပစေ
• 🦠 အဆိပ်အတောက်များ ဖယ်ထုတ်ပေးနိုင်စွမ်း မြင့်တင်စေ
• 🏃 အာဟာရ စွမ်းအင်သွင်းပေးနိုင်စွမ်း ကောင်းမွန်စေ

💧 တစ်နေ့တာ ရေလိုအပ်ချက်
• ပုံမှန်လူကြီးတစ်ဦး – ၂–၃ လီတာ (အနည်းဆုံး ၈ခွက်)
• အားကစားလုပ်သူများ – ပိုများသော ၃–၄ လီတာ ခန့်
• အပူချိန်မြင့်သောနေ့များ – ရေများများ သောက်သင့်

💡 Tip: ရေလုံလုံလောက်လောက်မသောက်ခြင်းက မူးဝေခြင်း၊ ပင်ပန်းနွမ်းနယ်ခြင်း၊ သွားနာခြင်းတောင် ဖြစ်စေနိုင်ပါတယ်။

ကျန်းမာရေးကိုထိန်းသိမ်းဖို့
“နေ့စဉ် ရေသောက်ခြင်း” ကို သင့်အလေ့အထတွင် ထည့်သွင်းလိုက်ပါ 💧

30/08/2025

“လမ်းလျှောက်ခြင်း၏ အကျိုးကျေးဇူးများ”
🏃🏻‍♀️‍➡️🏃‍➡️🏃🏻‍♂️‍➡️🏃‍♀️🏃🏻🏃🏻‍♂️🏃🏻‍♀️‍➡️🏃‍➡️🏃🏻‍♂️‍➡️🏃‍♀️🏃🏻🏃🏻‍♂️🏃‍➡️🏃‍♀️

၁။ လမ်းလျှောက်ခြင်း၏ အကျိုးကျေးဇူးများ
• သွေးလည်ပတ်မှုကောင်းစေပြီး နှလုံးကျန်းမာရေးကို ကူညီပေးသည်။❤️‍🩹
• အချိန်မရွေး၊ နေရာမရွေး လေ့ကျင့်နိုင်ပြီး အဆင်ပြေမှု မြင့်မားသည်။😎
• စိတ်ဖိစီးမှု လျှော့ချပေးပြီး စိတ်ပူစိုးရိမ်မှုများကို သက်သာစေသည်။
• ကိုယ်အလေးချိန် ထိန်းချုပ်ရန် ကူညီနိုင်သည်။

⸻

၂။ တစ်ရက်ကို မည်မျှလျှောက်သင့်သလဲ
• နည်းနည်းဖြစ်စေ တစ်ရက်လျှင် ၃၀ မိနစ်၊ အနည်းဆုံး ၆,၀၀၀ – ၁၀,၀၀၀ လှမ်း လျှောက်ရန်အကြံပြုသည်။
• အချိန်မရှိသူများအတွက် ၁၀ မိနစ်စီ ဖြတ်တောက်၍ လျှောက်ခြင်း သည်လည်း အကျိုးရှိသည်။

⸻

၃။ ဆီးချိုရောဂါရှိသူများအတွက် အကျိုးကျေးဇူးများ
• သွေးချိုညှိနှိုင်းမှု ကောင်းမွန်စေပြီး အသည်းနှင့် အစာအိမ်လည်ပတ်မှုကို တိုးတက်စေသည်။
• ကိုယ်အလေးချိန်ထိန်းနိုင်သဖြင့် ဆီးချိုဆိုင်ရာ နောက်ဆက်တွဲ ရောဂါများ (နှလုံး၊ ကျောက်ကပ်၊ မျက်စိပြဿနာများ) အန္တရာယ် လျှော့ချနိုင်သည်။
• ဆေးမသောက်သေးသည့် လူနာများတွင် စောစီးစွာ ထိန်းချုပ်နိုင်ရန် ကူညီပေးသည်။

⸻

၄။ သွေးတိုးရောဂါရှိသူများအတွက် အကျိုးကျေးဇူးများ
• သွေးလည်ပတ်မှုနှင့် နှလုံးသန်မာမှုကို တိုးတက်စေ၍ သွေးဖိအားချိန်ညှိနိုင်သည်။
• စိတ်ဖိစီးမှုနှင့် စိတ်အပန်းများ လျှော့ချပြီး သွေးတိုးဆိုင်ရာ အန္တရာယ်များ လျော့နည်းစေသည်။
• ဆေးသောက်နည်းပေါ့သွားစေနိုင်သော်လည်း ဆရာဝန်ညွှန်ကြားချက်မရှိဘဲ ဆေးရပ်ခြင်း မလုပ်သင့်ပါ။

⸻

အကြံပြုချက်
• မနက်စောစော သို့မဟုတ် ညနေပိုင်း လေသန့်သန့်ရှိချိန်တွင် လျှောက်ပါ။
• လမ်းလျှောက်ချိန်တွင် အဆင်ပြေသည့် အပြေးဖိနပ် သုံးပါ။
• သွေးချို၊ သွေးတိုးရှိသူများသည် ဆရာဝန်နှင့်အတူ အဆင့်တိုင်း ကြိုတင်ညှိနှိုင်း၍ လေ့ကျင့်သင့်ပါသည်။

🏃‍➡️Shwe Pyi Oo Clinic 🏃‍♀️
📞09783335517

#ဆေးခန်း

29/08/2025

📌 သွေးတိုးရောဂါ (Hypertension) — မမြင်ရတဲ့ အန္တရာယ်

သွေးတိုးရောဂါဟာ မြန်မာနိုင်ငံမှာ အများဆုံး ဖြစ်ပွားနေတဲ့ ရောဂါတစ်ခုပါ။ သို့ပေမဲ့ လူအများစုက သွေးတိုးရှိတယ်ဆိုတာကို မသိကြပါဘူး။

🔍 အဓိကအကြောင်းရင်းများ
• အချို၊ အဆီများပြီး အာဟာရမညီမျှတဲ့အစားအစာ
• ဆားစားသုံးမှု များခြင်း
• စိတ်ဖိစီးမှု
• အလွန်အကျွံ အရက်သုံးခြင်း
• နေ့စဉ်လှုပ်ရှားမှု နည်းခြင်း

⚠️ သွေးတိုးကြောင့် ဖြစ်နိုင်သော နောက်ဆက်တွဲ ရောဂါများ
• နှလုံးရောဂါ
• လေဖြတ်ခြင်း (Stroke)
• ကျောက်ကပ်ပျက်ဆီးခြင်း
• မျက်စိအမြင်ကျဆင်းခြင်း

💡 သွေးတိုးကို ထိန်းချုပ်နိုင်ဖို့
✔ ဆားနည်းပြီး သဘာဝအစာ စားပါ
✔ နေ့စဉ် လေ့ကျင့်ခန်း 30 မိနစ်ခန့်လုပ်ပါ
✔ အရက်၊ ဆေးလိပ်ကို ရှောင်ပါ
✔ စိတ်ပူစရာအရာတွေကို ထိန်းချုပ်ဖို့ သတိထားပါ
✔ သွေးဖိအားကို နေ့စဉ်နေ့တိုင်း စမ်းသပ်စစ်ဆေးပါ
✔ ဆရာဝန်ညွှန်ကြားချက်အတိုင်း ဆေးသောက်ပါ

🩺 သွေးတိုးမရှိအောင် နေ့စဉ် စနစ်တကျ စစ်ဆေးခြင်းဟာ ကျန်းမာရေးအတွက် အရေးကြီးပါတယ်။

“ကျန်းမာရေးက ငွေထက်တန်ဖိုးကြီးပါတယ် — သွေးတိုးစစ်ပြီး အချိန်မီ ထိန်းချုပ်ကြပါ”
— Shwe Pyi Oo Clinic

21/07/2025

ကိုလက်စထရောကျစေသော စတက်တင်ဆေးများ (Statins) သည် ခန္ဓာကိုယ်မှ ကိုလက်စထရောထုတ်လုပ်ရန် လိုအပ်သော အင်ဇိုင်းတစ်မျိုးဖြစ်သည့် (HMG-CoA reductase) ကို ပိတ်ဆို့ခြင်းဖြင့် သွေးတွင်းကိုလက်စထရောကို လျှော့ချပေးနိုင်သော ဆေးများဖြစ်သည်။ သို့သော် စတက်တင်ဆေးများသောက်ခြင်းသည် ကိုလက်စထရောကို လျှော့ချပေးခြင်းသာမက နှလုံးရောဂါနှင့် လေဖြတ်ရောဂါဖြစ်နိုင်ခြေကိုလည်း လျှော့ချပေးနိုင်ကြောင်း တွေ့ရှိရသည်။ ထို့အပြင် စတက်တင်ဆေးများသည် အချို့သွေးခဲခြင်းများကို လျှော့ချရာတွင်လည်း ကူညီပေးနိုင်သည်။
စတက်တင်ဆေးအမျိုးအစားများစွာရှိသည်။ ၎င်းတို့မှာ _

Atorvastatin (Lipitor)
Fluvastatin (Lescol XL)
Lovastatin (Altoprev)
Pitavastatin (Livalo)
Pravastatin
Rosuvastatin (Crestor)
Simvastatin (Zocor) တို့ဖြစ်သည်။
သုံးစွဲပုံနည်းလမ်းများ

စတက်တင်ဆေးများကို ဆေးပြားများ (သို့မဟုတ်) ဆေးလုံးများအနေဖြင့် ထုတ်ပြီး တစ်နေ့ တစ်ကြိမ် အစာနှင့်ဖြစ်စေ၊ အစာမပါဘဲဖြစ်စေ နေ့စဉ် (သို့မဟုတ်) ညစဥ် အချိန်မှန်မှန်သောက်ရသော ဆေးဖြစ်သည်။ တစ်ခါတစ်ရံ စတက်တင်ဆေးကို သွေးကျဆေး၊ အခြားအဆီကျဆေးများနှင့် ပေါင်းစပ်အသုံးပြုသည်။ ဥပမာအားဖြင့် Atorvastatin-amlodipine (Caduet) နှင့် Ezetimibe-simvastatin (Vytorin) စသည်တို့ဖြစ်သည်။

သောက်သုံးရန်လိုအပ်သော အခြေအနေများ

စတက်တင်ဆေးကို ကိုလက်စထရောပမာဏသာမက နှလုံးရောဂါ၊ နှလုံးသွေးကြောပိတ်ခြင်းနှင့် လေဖြတ်ရောဂါဖြစ်နိုင်ခြေစသော အခြားအချက်အလက်များပေါ် မူတည်၍ သက်ဆိုင်ရာဆရာဝန်မှ ဆေးညွှန်းပေးမည်ဖြစ်သည်။
ကိုယ်ခန္ဓာအတွင်းရှိ ကိုလက်စထရောအမျိုးအစားပမာဏများမှာ အောက်ပါအတိုင်းဖြစ်သည်။

စုစုပေါင်း ကိုလက်စထရော (Total cholesterol)
ပုံမှန်အားဖြင့် စုစုပေါင်း ကိုလက်စထရောကို ၂၀၀ mg/dL (သို့မဟုတ်) ၅.၂ mmol/L အောက် လျော့နည်းအောင် ထားရသည်။
LDL cholesterol
သွေးကြောအဆီပိတ်ခြင်း၊ နှလုံးသွေးကြောပိတ်ခြင်း၊ လေဖြတ်ရောဂါတို့ကို အဓိကဖြစ်စေသည့် “မကောင်းသော” ကိုလက်စထရောဖြစ်သည်။ ၎င်းကိုလက်စထရောကို ၁၀၀ mg/dL (သို့မဟုတ်) ၂.၆ mmol/L အောက် လျော့နည်းအောင် ထားရန်လိုအပ်သည်။ ယခင်က နှလုံးသွေးကြောပိတ်ခြင်း၊ လေဖြတ်ရောဂါဖြစ်ခဲ့ဖူးပါက ၇၀ mg/dL (သို့မဟုတ်) ၁.၈ mmol/L အောက်အထိ နည်းအောင်ထားရန် လိုအပ်သည်။
အကယ်၍ နောင်တစ်ချိန် နှလုံးသွေးကြောပိတ်ခြင်း (သို့မဟုတ်) လေဖြတ်နိုင်ခြေအန္တရာယ် အလွန်နည်းပါက စတက်တင် (Statin) ဆေး သောက်သုံးရန် မလိုအပ်ပါ။ သို့သော် ယခင်က နှလုံးသွေးကြောပိတ်ဖူးပါက ကိုလက်စထရောမများသော်လည်း စတက်တင်ဆေး သောက်ထားခြင်းသည် သွေးကြောထပ်မပိတ်စေရန် ကာကွယ်ပေးနိုင်သည်။

ကိုလက်စထရောအပြင် နှလုံးရောဂါနှင့် လေဖြတ်နိုင်ခြေအတွက် အခြားအန္တရာယ်များမှာ _

ဆေးလိပ်သောက်ခြင်း
ကိုယ်လက်လေ့ကျင့်ခန်း မလုပ်ခြင်း
သွေးတိုးခြင်း
ဆီးချိုရောဂါရှိခြင်း
ကိုယ်အလေးချိန် များလွန်းခြင်း သို့မဟုတ် အဝလွန်ခြင်း
လည်ပင်း၊ လက် (သို့မဟုတ်) ခြေထောက်ရှိ သွေးကြောများ ကျဉ်းခြင်း
အထူးသဖြင့် မိသားစုထဲ၌ အမျိုးသားဆွေမျိုးများတွင် အသက် (၅၅) နှစ်မတိုင်မီ သို့မဟုတ် အမျိုးသမီးဆွေမျိုးများတွင် အသက် (၆၅) နှစ်မတိုင်မီ နှလုံးရောဂါရှိဖူးခြင်း
အသက်အရွယ်ကြီးရင့်ခြင်း စသည်တို့ဖြစ်သည်။
လူတစ်ဦးတွင် နောင်တစ်ချိန် နှလုံးရောဂါဖြစ်ပွါးနိုင်ခြေကို ပိုမိုသိရှိရန်နှင့် စတက်တင်ဆေးပေးရန် သင့်တော်မှု ရှိမရှိ ဆုံးဖြတ်ရန် ခန့်မှန်းတွက်ချက်မှုဖော်မြူလာ (သို့မဟုတ်) ဂဏန်းတွက်စက်ကို အွန်လိုင်းမှတစ်ဆင့် တွက်ချက်အသုံးပြုနိုင်သည်။ ထိုသို့တွက်ချက်ခြင်းဖြင့် နောင်လာမည့် (၁၀)နှစ် မှ (၃၀)နှစ်အတွင်း နှလုံးထိခိုက်နိုင်ခြေကို ခန့်မှန်းရာတွင် ကူညီပေးနိုင်သည်။ ထိုဖော်မြူလာများတွင် ကိုလက်စထရောပမာဏ၊ အသက်၊ လူမျိုး၊ ကျား မ၊ ဆေးလိပ်သောက်သည့် အလေ့အထနှင့် အခံရောဂါအခြေအနေများကို ထည့်သွင်းစဉ်းစားလေ့ရှိသည်။

စတက်တင်ဆေး သောက်ရမည့် ကိုလက်စထရောဆိုင်ရာ လမ်းညွှန်ချက်များ
နှလုံးရောဂါရှိသူတိုင်း စတက်တင်ဆေးကို အသုံးပြုရန် မလိုအပ်ပါ။ U.S. Preventive Services Task Force၊ American College of Cardiology နှင့် American Heart Association အဖွဲ့အစည်းများ၏ လမ်းညွှန်ချက်များအရ အောက်ပါ လူအမျိုးအစားလေးမျိုးသည် စတက်တင်သောက်ခြင်းဖြင့် အကျိုးကျေးဇူးများစွာ ရရှိနိုင်သည်။

နှလုံးသွေးကြောဆိုင်ရာရောဂါ ဖြစ်နိုင်ခြေရှိသောအချက်တစ်ခု (သို့မဟုတ်) တစ်ခုထက်ပို၍ရှိနေပြီး နောက် (၁၀) နှစ်အတွင်း နှလုံးသွေးကြောပိတ်နိုင်ခြေ မြင့်မားသူများ
ဤအုပ်စုတွင် ဆီးချိုရောဂါ၊ ကိုလက်စထရောများခြင်း (သို့မဟုတ်) သွေးတိုးခြင်းရှိသူများ (သို့မဟုတ်) ဆေးလိပ်သောက်သူများနှင့် နောက် (၁၀) နှစ်အတွင်း နှလုံးတိုက်ခိုက်ခံရနိုင်ခြေ (၁၀%) သို့မဟုတ် ထို့ထက်ပိုသောသူများ ပါဝင်သည်။
သွေးကြောကျဥ်းခြင်းနှင့် ဆက်စပ်သော နှလုံးသွေးကြောဆိုင်ရာရောဂါဖြစ်ဖူးသူများ
ဤအုပ်စုတွင် နှလုံးသွေးကြောပိတ်ဖူးသူများ၊ သွေးကြောပိတ်ဆို့ခြင်းကြောင့်ဖြစ်သော လေဖြတ်ခြင်း၊ လေဖြန်းခြင်း၊ ခြေထောက် (သို့မဟုတ်) လည်ပင်းရှိ သွေးကြောများပိတ်ဆို့ခြင်း သို့မဟုတ် နှလုံးသွေးကြောများကို ခွဲစိတ်ဖူးခြင်း သို့မဟုတ် အစားထိုးရန် ခွဲစိတ်ခြင်းခံဖူးသူများ ပါဝင်သည်။
LDL “မကောင်းသော” ကိုလက်စထရော အလွန်မြင့်မားသူများ
ဤအုပ်စုတွင် LDL ကိုလက်စထရောအဆင့် ၁၉၀ mg/dL (၄.၉၂ mmol/L) နှင့် အထက်မြင့်သောသူများ ပါဝင်သည်။ ထိုလူနာအများစုတွင် Familial hyperlipidemia ဟုခေါ်သော မျိုးရိုးလိုက်ရောဂါရှိပြီး နှလုံးသွေးကြောပိတ်ခြင်းနှင့် လေဖြတ်နိုင်ခြေ အလွန်မြင့်မားသည်။
ဆီးချိုရောဂါရှိသူများ
ဤအုပ်စုတွင် အသက် (၄၀) မှ (၇၅) နှစ်ကြားရှိသူများ ပါဝင်ပြီး ၎င်းတို့တွင် ဆီးချိုရောဂါနှင့် LDL ကိုလက်စထရောအဆင့် ၇၀ မှ ၁၈၉ mg/dL (၁.၈ နှင့် ၄.၉ mmol/L) ကြားရှိသူများ၊ အထူးသဖြင့် သွေးတိုးခြင်း သို့မဟုတ် ဆေးလိပ်သောက်ခြင်းကဲ့သို့သော နှလုံးရောဂါအတွက် အန္တရာယ်ဖြစ်စေသော အခြားအချက်ရှိသူများ ပါဝင်သည်။
ထိုအုပ်စု (၄) မျိုးအပြင် အသက် (၄၀) မှ (၇၅) နှစ်ကြားရှိသူများတွင် နှလုံးနှင့်သွေးကြောကျဥ်းရောဂါ ဖြစ်နိုင်ခြေများစေသော အချက်တစ်ခု (သို့မဟုတ်) တစ်ခုမက ရှိနေသည့်အပြင် နောင် (၁၀) နှစ်အတွင်း နှလုံးရောဂါဖြစ်ပွါးနိုင်ခြေ အနည်းဆုံး (၁၀%) ရှိပါက ပမာဏနည်းနည်းမှ အလယ်အလတ်ပမာဏရှိသော စတက်တင်ဆေးများကို သောက်ရန် လမ်းညွှန်ထားသည်။

ဆေးမသောက်သင့်သော သို့မဟုတ် သတိထားသင့်သော အခြေအနေများ

ကိုယ်ဝန်ဆောင်များနှင့် နို့တိုက်မိခင်များ၊ အသည်းပျက်စီးမှု နောက်ဆုံးအဆင့်လူနာများ၊ စတက်တင်ဆေးနှင့် ဓာတ်မတည့်သော လူနာများတွင် လုံးဝမသုံးစွဲရပါ
ထို့ပြင် အောက်ပါလူနာများတွင် စတက်တင်ဆေးကို သုံးစွဲရာတွင် သတိထားရန် လိုအပ်သည်။

ကိုလက်စထရောလျှော့ချရန် ဆေးအမျိုးမျိုး တစ်ပြိုင်တည်းသောက်သုံးနေခြင်း
စတက်တင်ဆေးများနှင့် ဓာတ်ပြုနိုင်သည့် အခြားဆေးဝါးများ သောက်သုံးနေခြင်း
စတက်တင်ဆေးများကို အများဆုံး ပမာဏဖြင့် သောက်သုံးနေခြင်း
အမျိုးသမီးများ
ခန္ဓာကိုယ်သေးသွယ်သူ ဖြစ်ခြင်း
အသက် (၈၀) နှင့်အထက် သက်ကြီးပိုင်းလူနာများ ဖြစ်ခြင်း
ကျောက်ကပ် (သို့မဟုတ်) အသည်းရောဂါရှိခြင်း
အရက်အလွန်အကျွံ သောက်ခြင်း
ဂရိတ်ဖရုသီးဖျော်ရည် အလွန်အကျွံသောက်သုံးခြင်း (အချို့ စတက်တင်ဆေးများနှင့် ဓာတ်ပြုခြင်းဖြစ်နိုင်သည်)
သိုင်းရွိုက်ဟော်မုန်းနည်းရောဂါ (Hypothyroidism)
အေအယ်လ်အက်စ် (ALS) အပါအဝင် အာရုံကြောနှင့် ကြွက်သားဆိုင်ရာ ရောဂါများ (neuromuscular conditions) ရှိခြင်း
စတက်တင်ဆေးများ၏ နောက်ဆက်တွဲဆိုးကျိုးများ

စတက်တင်ဆေးသောက်သူ အများစုတွင် ပြဿနာကြီးကြီးမားမားမရှိသော်လည်း တချို့တွင် နောက်ဆက်တွဲဆိုးကျိုးများ ရှိနိုင်သည်။ အချို့နောက်ဆက်တွဲလက္ခဏာများသည် ခန္ဓာကိုယ်နှင့်ဆေး လိုက်လျောညီထွေ ဖြစ်လာသည်နှင့်အမျှ တဖြည်းဖြည်း သက်သာသွားတတ်သည်။

သို့သော် စတက်တင်ဆေး စတင်သောက်ပြီးနောက် ခံစားရသော ပုံမှန်မဟုတ်သည့် မည်သည့် လက္ခဏာကိုမဆို မိမိဆရာဝန်အား ပြောပြရန် လိုအပ်သည်။ ဆရာဝန်မှ ဆေးပမာဏကို လျှော့ချရန် သို့မဟုတ် မတူညီသော စတက်တင်ဆေးကို ပြောင်းသုံးရန် လိုအပ်နိုင်သည်။

အများအားဖြင့်တွေ့ရသော စတက်တင်ဆေးများ၏ ဘေးထွက်ဆိုးကျိုးများမှာ_

ခေါင်းကိုက်ခြင်း၊ ခေါင်းမူးခြင်း
ပျို့အန်ခြင်း
ဗိုက်အောင့်ခြင်း၊ ဝမ်းလျှောခြင်း
ဝမ်းချုပ်ခြင်း
သွေးတွင်းသကြားဓာတ် အနည်းငယ်မြင့်တက်ခြင်း
ကြွက်သားနှင့် အဆစ်အမြစ်များ နာကျင်ခြင်းတို့ဖြစ်သည်။
သို့သော် လေ့လာမှုများအရ ကြွက်သားနာကျင်ခြင်းကို ခံစားရခြင်းသည် လူအနည်းစုတွင်သာ တွေ့ရကြောင်း သိရှိရသည်။
သွေးတွင်းသကြားဓာတ် မြင့်မားနေသူများတွင် စတက်တင်ဆေးသောက်ပြီးနောက် အမျိုးအစား (၂) ဆီးချိုရောဂါအဖြစ် ပြောင်းသွားနိုင်ခြေရှိသည်။ သို့သော် ထိုဘေးထွက်ဆိုးကျိုးထက် ဆေးသောက်ခြင်းကြောင့် ရသော အကျိုးကျေးဇူးမှာ ပိုများသည်။ စတက်တင်ဆေးသောက်နေသော ဆီးချိုရောဂါရှင်များသည် နှလုံးတိုက်ခိုက်ခံရနိုင်ခြေ အလွန်နည်းပါးသည်။
စတက်တင်ဆေးများသည် တစ်ခါတစ်ရံ ရှားပါး၍ ပြင်းထန်သော ဘေးထွက်ဆိုးကျိုးများ ဖြစ်စေနိုင်သည်။

ကြွက်သားဆဲလ်များ ပျက်စီးခြင်း
အလွန်ရှားပါးသော အခြေအနေဖြစ်ပြီး စတက်တင်ဆေးကို ပမာဏများများ အသုံးပြုသည့် လူနာများတွင် ကြွက်သားဆဲလ်များ ပြိုကွဲကာ Myoglobin ဟုခေါ်သော ပရိုတင်းဓာတ်ကို သွေးကြောထဲသို့ ပမာဏများစွာ ထုတ်လွှတ်သည်၊ ထိုမှတစ်ဆင့် ပြင်းထန်သော ကြွက်သားနာကျင်ခြင်းနှင့် ကျောက်ကပ်ပျက်စီးခြင်းကို ဖြစ်စေနိုင်သည်။
အသည်းပျက်စီးခြင်း
စတက်တင်ဆေးအသုံးပြုခြင်းသည် တစ်ခါတစ်ရံ အသည်းအင်ဇိုင်းများ မြင့်တက်စေသည်၊ အနည်းငယ်သာမြင့်တက်ပါက ဆေးကို ရပ်စရာမလိုဘဲ ဆက်လက်သောက်နိုင်သည်၊ စတက်တင်ဆေးများကို ပမာဏနည်းနည်း သို့မဟုတ် အလယ်အလတ်ပမာဏ ပေးထားသော လူနာများတွင် အသည်းအင်ဇိုင်းပမာဏကို ပြင်းထန်စွာ မြင့်တက်စေခြင်းမျိုး မရှိပါ။
ထို့အပြင် စတက်တင်ဆေးသည် အခြားဆေးများနှင့် ဓာတ်ပြုခြင်းများလည်း ရှိသည်။ အဆိုပါဆေးများတွင်

ကိုလက်စထရောလျှော့ချပေးသော အခြားဆေးများ – Fibrates (e.g., gemfibrozil, fenofibrate)
အချို့ ပိုးသတ်ဆေးများနှင့် မှိုရောဂါအတွက်ဆေးများ – (ဥပမာ – Erythromycin, Clarithromycin, Ketoconazole, Itraconazole, Fluconazole)
HIV ရောဂါအတွက်ဆေးများ (e.g., Ritonavir, Nelfinavir)
ကိုယ်အင်္ဂါ အစားထိုးခံယူထားသူများသောက်ရသောဆေးများ – (e.g., Cyclosporine, Tacrolimus)
ဂေါက်ရောဂါအတွက် သောက်သော Colchicine
နှလုံးရောဂါအတွက်သောက်ရသော ဆေးဝါးအချို့ – (e.g., Amiodarone, Amlodipine, Diltiazem, Verapamil, Digoxin)
Warfarin သွေ:ကျဲဆေး
ဟော်မုန်းဆေးများ – Oral Contraceptives
စိတ်ကျရောဂါအတွက် သုံးသောဆေး ဖြည့်စွက်စာ (St. John’s Wort)
စပျစ်သီးဖျော်ရည် စသည်တို့သည် စတက်တင်ဆေးများ၏ အာနိသင်ကို ထိခိုက်နိုင်သည်။
သတိပြုသင့်သည့်အချက်များ

စတက်တင်ဆေးများ၏ ဘေးထွက်ဆိုးကျိုးများနှင့် အကျိုးကျေးဇူးများကို ချိန်ဆခြင်း

စတက်တင်ဆေးကုသမှုနှင့် ပတ်သက်၍ ဆုံးဖြတ်ချက်မချမီ နှလုံးနှင့်သွေးကြောဆိုင်ရာရောဂါ ဖြစ်နိုင်ခြေနှင့် ဆေးသောက်ရမည့်ကာလ စသည်တို့ကို မိသားစုဆရာဝန်နှင့် ဆွေးနွေးတိုင်ပင်ပါ။ ကုသမှုကို ရွေးချယ်ရာတွင် ကျန်းမာရေးအခြေအနေများ၊ လူနေမှုပုံစံ ရွေးချယ်မှုများနှင့် မည်သည့် စိုးရိမ်ပူပန်မှုများကိုမဆို ထည့်သွင်းစဉ်းစားရန် အရေးကြီးသည်။ ထို့ပြင် စတက်တင်ဆေးမသောက်သင့်သော သို့မဟုတ် သတိထားသင့်သော အခြေအနေများ ရှိပါကလည်း ကိုလက်စထရောကို လျှော့ချနိုင်သော အခြားဆေးဝါးများဖြင့် ကုသနိုင်သည့် နည်းလမ်းများရှိသည်။

ကျန်းမာသောလူနေမှုပုံစံ

စတက်တင်သောက်ခြင်းအပြင် ကျန်းမာသောလူနေမှုပုံစံသို့ ပြောင်းလဲခြင်းသည် နှလုံးရောဂါကို ကာကွယ်ရန် အဓိကသော့ချက်ဖြစ်သည်။ နှလုံးရောဂါဖြစ်နိုင်ခြေကို လျှော့ချရန်

ဆေးလိပ်ဖြတ်ပြီး ဆေးလိပ်ငွေ့များနှင့် ထိတွေ့မိခြင်းမှ ရှောင်ကြဥ်ပါ
ဟင်းသီးဟင်းရွက်၊ သစ်သီးဝလံ၊ ပဲပင်၊ ငါးနှင့် အစေ့အဆန်များ ကြွယ်ဝသော ကျန်းမာရေးနှင့်ညီညွတ်သော အစားအစာကို စားပါ
ပြည့်ဝဆီ (Trans fat)၊ သန့်စင်ပြီး ကာဗိုဟိုက်ဒရိတ်နှင့် ဆားစားသုံးမှုကို ကန့်သတ်ပါ
ပိုမို၍ ကိုယ်လက်လှုပ်ရှားမှုများ ပြုလုပ်ပြီး အထိုင်များခြင်းကို လျှော့ချပါ
ကျန်းမာသော ကိုယ်အလေးချိန်ကို ထိန်းသိမ်းပါ။
ဆေးသောက်ရမည့် အချိန်ကာလနှင့် ဆေးရပ်ရန် လိုမလို

ကိုလက်စထရော ကျသွားပါက စတက်တင်ဆေးကို ဆက်သောက်ရန် မလိုအပ်တော့ဟု ယူဆကောင်း ယူဆနိုင်သည်။ သို့သော် ကိုလက်စထရောကို ထိန်းထားရန်အတွက် ရေရှည်တွင် ဆက်လက်သောက်ရန် လိုအပ်သည်။ မျှော်မှန်းထားသော ကိုလက်စထရော ပမာဏရောက်ရှိပြီးပါက ဆေးမပါဘဲ စားသောက်မှုပုံစံကို သိသိသာသာ ပြောင်းလဲခြင်း သို့မဟုတ် ကိုယ်အလေးချိန် သိသိသာသာလျှော့ချခြင်းတို့ဖြင့် ကိုလက်စထရောကို ထိန်းချုပ်နိုင်ခြင်း ရှိမရှိ မိမိဆရာဝန်နှင့် ဆွေးနွေးတိုင်ပင်ရန်လိုသည်။

19/07/2025

24/04/2025

ရွှေပြည်ဦး ဆေးခန်းတွင် တာဝန်ထမ်းဆောင်ရန်

-ဆေးခန်း အကူ/ သူနာပြု အကူ မ (၂) ဦး

-ပညာအရည်အချင်း - ၁၀ တန်းအောင်

-နံနက် ၈ နာရီမှ ၁၁ နာရီ အတွင်း
CV form နှင့် ကိုယ်တိုင် လာရောက်လျှောက်ထားနိုင်ပါသည်။

လိပ်စာ - ၆၁ လမ်း ၊ ၄၁-၄၂ ကြား၊ မန္တလေးမြို့

23/04/2025

ရာသီတုပ်ကွေး ကာကွယ်ဆေး ထိုးနိုင်ပါပြီ

09/03/2025

Shout out to my newest followers! Excited to have you onboard!

Aye Nandar Phyo, Ei Ei Phyoe

27/02/2025

**အသည်းရောင်အသားဝါ အေ (Hepatitis A) အကြောင်း သိထားသင့်သမျှ**

**အသည်းရောင်အသားဝါ အေ ဆိုတာဘာလဲ？**
အသည်းရောင်အသားဝါ အေ (Hepatitis A) သည် အသည်းကို ထိခိုက်စေသော ဗိုင်းရပ်စ်ပိုးကြောင့်ဖြစ်သည့် ရောဂါတစ်မျိုးဖြစ်ပါသည်။ ဤရောဂါသည် အများအားဖြင့် ပြင်းထန်မှုမရှိဘဲ ကုသ၍ပျောက်ကင်းနိုင်သော်လည်း ကိုယ်ခံအားနည်းသူများတွင် ဆိုးရွားနိုင်ပါသည်။

**ကူးစက်ပုံလမ်းကြောင်းများ**
- **အညစ်အကြေး-ပါးစပ်လမ်းကြောင်း (Fecal-Oral Route):** ဗိုင်းရပ်စ်ပါသော လက်များ၊ မသန့်ရှင်းသောရေ၊ အစားအစာ (အထူးသဖြင့် မကျက်တကျက်ချက်ထားသော စားစရာများ) မှတစ်ဆင့် ကူးစက်ပါသည်။
- **ပိုးရှိသူနှင့် နီးကပ်စွာထိတွေ့ခြင်း:** ဥပမာ - မိသားစုဝင်များ၊ ကလေးထိန်းကျောင်းများ။

**လက္ခဏာများ**
- အသားဝါခြင်း၊ မျက်လုံးဝါခြင်း
- ပျို့အန်ခြင်း၊ ဗိုက်အောင့်ခြင်း
- အဖျားတက်ခြင်း၊ မောပန်းလွယ်ခြင်း
- ဆီးအရောင်ရင့်ခြင်း၊ ဝမ်းအရောင်ဖျော့ခြင်း
- ခံတွင်းပျက်ခြင်း

**ကာကွယ်နည်းများ**
1. **ကာကွယ်ဆေးထိုးပါ:** Hepatitis A ကာကွယ်ဆေးသည် ထိရောက်မှုအမြင့်ဆုံးနည်းလမ်းဖြစ်ပြီး ကလေးများနှင့် ခရီးသွားများအတွက် အထူးအကြံပြုပါသည်။ (ဆေးနှစ်ကြိမ် ထိုးရန်)
2. **လက်ကို ဆပ်ပြာနှင့်စင်ကြယ်စွာဆေးပါ:** အထူးသဖြင့် အိမ်သာတက်ပြီးနှင့် အစာမစားမီ။
3. **စားသောက်ရာတွင် သန့်ရှင်းမှုကိုဂရုစိုက်ပါ:**
- ရေကို ကျိုချက်သောက်ပါ (သို့) ပုလင်းဖြင့်ဝယ်သောက်ပါ။
- သစ်သီး၊ ဟင်းသီးဟင်းရွက်များကို သေချာဆေးကြောပါ။
- ပင်လယ်စာကဲ့သို့ မကျက်တကျက်စားသောက်ခြင်းကို ရှောင်ပါ။

**ကုသမှု**
- ဤရောဂါအတွက် သီးသန့်ဆေးမရှိပါ။ လက္ခဏာများသက်သာရန် အောက်ပါနည်းလမ်းများကို အသုံးပြုပါသည်။
- အနားယူခြင်း၊ ရေဓာတ်ဖြည့်ခြင်း
- ဆရာဝန်ညွှန်ကြားသည့် အကိုက်အခဲပျောက်ဆေးများ
- ပြင်းထန်သောလက္ခဏာများတွင် ဆေးရုံတက်ကုသရန် လိုအပ်ပါသည်။

**အရေးကြီးသောအချက်များ**
- ဤရောဂါသည် **သွေး၊ လိင်မှတစ်ဆင့် မကူးစက်ပါ** (Hepatitis B/C နှင့်ကွာခြား)။
- တစ်ခါဖြစ်ပြီးပါက ခန္ဓာကိုယ်တွင် ကိုယ်ခံအားတည်သွားပြီး နောက်ထပ်မကူးနိုင်ပါ။

**ဘယ်အချိန်မှာ ဆရာဝန်နှင့်ပြမလဲ？**
အထက်ပါလက္ခဏာများ ခံစားရပါက နီးစပ်ရာကျန်းမာရေးဌာနသို့ အမြန်ဆုံးသွားရောက်ပါ။

**နိဂုံး**
Hepatitis A ကို ကာကွယ်ရန် ကာကွယ်ဆေးထိုးခြင်း၊ လက်ဆေးခြင်းနှင့် သန့်ရှင်းသောအစားအစာများစားသုံးခြင်းတို့သည် အထိရောက်ဆုံးနည်းလမ်းများဖြစ်ပါသည်။ မိမိနှင့် မိသားစုကို ဂရုစိုက်လိုက်ပါ။

**ကျန်းမာပျော်ရွှင်သော ဘဝတစ်ခုပိုင်ဆိုင်နိုင်ကြပါစေ။** 🌱💪

17/02/2025

ကျွန်တော်တို့ကို အိမ်မွေးတိရိစ္ဆာန်ခွေးလေးတွေကဖြစ်ဖြစ်၊လမ်းဘေးခွေးလေးတွေကဖြစ်ဖြစ် ကိုက်တာခံရရင် ခွေးရူးပြန်ရောဂါကာကွယ်ဆေးထိုးဖို့လိုအပ်တာကို အကြမ်းဖျဉ်းအားဖြင့် သိကြလေ့ရှိပါတယ်။ဒါဆိုရင် ကြောင်နဲ့ တခြားသတ္တဝါတွေ ကိုက်တာခံရရင်ရော ဘာဆေးထိုးကြမလဲ။

ခွေးရူးပြန်ရောဂါကာကွယ်ဆေးလို့ပြောပေမယ့် တကယ်တမ်း က ခွေးရူးပြန်ရောဂါဖြစ်နိုင်ခြေများတဲ့ ခွေး၊ ကြောင်၊လင်းနို့၊ဝံပုလွေ၊ မြေခွေး စတဲ့ သတ္တဝါတို့ရဲ့ ကိုက်ခံရရင် ထိုးရမယ့် ဆေးတခုလည်းဖြစ်ပါတယ်။တချို့ကတော့ အိမ်မွေးတိရိစ္ဆာန် အာဝုတို့ မြောင်တို့ ကို ကာကွယ်ဆေးထိုးပြီးသားဖြစ်လို့ အကိုက်ခံရမယ့်လူမှာ ထိုးစရာမလိုဘူးလို့ ထင်ကြပါတယ်။တကယ်တမ်းကတော့ ကိုက်တဲ့တိရိစ္ဆာန်မှာ ဆေးပုံမှန်ထိုးထားလည်း အကိုက်ခံရတဲ့လူအနေနဲ့ ၂၄ နာရီအတွင်း (နောက်အကျဆုံး ၇၂ နာရီ မကျော်စေဘဲ)ကာကွယ်ဆေးသွားထိုးထားမှ ရောဂါဖြစ်နှုန်းကို ၉၉ ရာခိုင်နှုန်းခန့် ကာကွယ်ပေးနိုင်မှာပဲဖြစ်ပါတယ်။

ခွေးရူးပြန်ရောဂါဆိုသည်မှာ ဦးနှောက်နဲ့အာရုံကြောများကို သေစေနိုင်တဲ့အထိ အဓိကတိုက်ခိုက်တဲ့ ဗိုင်းရပ်စ်ပိုးတမျိုးကြောင့်ဖြစ်ပါတယ်။တကယ်လို့ အကိုက်မခံရရင်တောင် တိရစ္ဆာန်တွေရဲ့ သွားရည်နဲ့ မိမိမှာ ရှိတဲ့ အနာဒဏ်ရာနဲ့ ထိမိရင်လည်း ရောဂါကူးစက်ခံရနိုင်ပါတယ်။ကာကွယ်ဆေး ကို ပါဝင်ပစ္စည်းပေါ်လိုက်ပြီး အမျိုးအစား(၃)မျိုး ခွဲခြားထားကာ မဖြစ်ခင်ထဲကထိုးရသော Pre-exposure prophylaxisနဲ့ အကိုက်ခံရပြီးပြီးချင်း ထိုးသော Post-exposure prophylaxis ဆိုပြီး ၂ မျိုးရှိပါတယိ။

တိရိစ္ဆာန်တွေနဲ့ လက်ပွန်းတတီးအလုပ်လုပ်ကိုင်ရသူတွေနဲ့ မုဆိုးတွေကတော့ ကြိုတင်ထိုးထားလေ့ရှိပါတယ်။ကျွန်မတို့ သာမန်လူတွေကတော့ အကိုက်ခံရတဲ့နေရာပေါ်မူတည်ပြီး ၃ ကြိမ်မှ ၄ ကြိမ် ထိုးရလေ့ရှိပါတယ်။ဒါ့အပြင် ကိုက်သွားတဲ့တိရိစ္ဆာန်ကို ၂ ပတ်စောင့်ကြည့်ပြီး ပိုးရှိလား၊မရှိလားလည်း ခွဲခြားကြပါသေးတယ်။ဒါပေမယ့် အကိုက်ခံရတဲ့သူအနေနဲ့ စောင့်ကြည့်တဲ့အချိန်ကျမှ ဆေးထိုးရင် မမှီတော့ပါဘူး။ခွေးရူးပြန်ရောဂါ က လေကိုကြောက်ခြင်း၊ရေကိုကြောက်ခြင်း၊အလင်းကိုကြောက်ခြင်းများနဲ့အတူ ကြွက်သားများတောင့်တင်းကာ အမြန်ဆုံးသေဆုံးနိုင်တဲ့အတွက် အကိုက်ခံရပြီးပြီးချင်း အကိုက်ခံရတဲ့နေရာကိုရေစင်အောင်ဆေးပြီး ဆေးသွားထိုးဖို့လိုပါတယ်။

ခွေးရူးပြန်ရောဂါ က လူ့ခန္ဓာကိုယ်၏ အာရုံကြောများကို အဓိကထားတိုက်ခိုက်ပြီး ကုသဆေး မရှိတဲ့အတွက်ကြောင့် အသက်သေဆုံးနိုင်ခြေ ၁၀၀% ရှိပါတယ်။ဒါကြောင့်မို့ အိမ်မွေးခွေးလေး၊ကြောင်လေးတွေကိုလည်း ကာကွယ်ဆေးပုံမှန်ထိုးပေးဖို့ လိုအပ်သလို ကိုယ်တိုင် အကိုက်ခံရရင်လည်း အချိန်ဆွဲမနေဘဲ ခွေးရူးပြန်ရောဂါကာကွယ်ဆေး အမြန်ထိုးသင့်ကြောင်း အသိပေးပါရစေ။

14/12/2024

*x

Chems*x ဆိုတာ ခုနောက်ပိုင်း
nightlife ပျော်မွေ့သူတွေကြားမှာ ခေတ်စားလာတဲ့အသုံးအနှုန်း Chemcial s*x ဆိုတာဖြစ်ပါတယ်။အထူးသဖြင့် အုပ်စုလိုက်
လိင်ဆက်ဆံသူတွေ၊လိင်တူ ချစ်သူတွေ နဲ့
လိင်စိတ်တိမ်းညွတ်မှု ၂ ခုရှိတဲ့သူတွေမှာ
ပိုသုံးတယ်လို့ လေ့လာတွေ့ရှိရပေမယ့်
တကယ်တမ်းတော့ လိင်တိမ်းညွှတ်မှု နဲ့ မဆိုင်ဘဲ လူတန်းစားပေါင်းစုံ အလွှာပေါင်းစုံက
လက်တည့်စမ်းချင်တဲ့အနေနဲ့ စသုံးဖြစ်ရာကနေ စွဲလမ်းသွားကြတဲ့ အနေအထားထိ ရောက်သွားတာ ဖြစ်ပါတယ်။

ဆေးမသုံးဘဲ လိင်ဆက်ဆံတာထက်စာရင် ဆေးသုံးပြီးမှ လိင်ဆက်ဆံတဲ့အခါ ခံစားချက်က ပိုပိုကောင်းလာတယ်၊အရှိန်တက်ပြီး ပိုသာယာလာတယ်။
အဓိကကတော့ club drugs တွေ၊Chems*x တွေမှာ သုံးတဲ့ items တွေဟာ
ဦးနှောက်က dopamine လို့ ခေါ်တဲ့ဓာတ်ထွက်အောင် လှုံ့ဆော်ပေးပါတယ်။ဒီတော့ ပျော်တာပေါ့လေ။
ရီဝေဝေလေးနဲ့ ပျော်၊အချိန်အကြာကြီးပျော်
၊စိတ်ညစ်မှူဆိုတာ လုံးဝမရှိ၊
လက်တွေ့ကြုံနေရတဲ့ ဒုက္ခတွေက ခဏထွက်ပြေးပြီး နတ်ပြည်ကို ရောက်သွားတဲ့ ခံစားမှုမျိုး….
ဒါကို Highfun လို့ တင်စားကြပါသတဲ့။

အဲလောက် တခမ်းတနားရေးနေရတဲ့
Chems*x ဆိုတာ ဘာများပါလိမ့်။
M**hamphetamine (Crystal M**h), Mephedrone (M**h), GHB and GBL (G) တို့လိုဆေးတွေကို ရှူတာ၊သောက်တာ၊သွေးကြောထဲထိုးသွင်းတာ မျိုး လုပ်ကြပြီးမှ လိင်ဆက်ဆံတာမျိုးကို ခေါ်တာပါ။
သူ့ရဲ့ high နှုန်းက အရမ်းကို ပြင်းထန်လွန်းတော့
လိင်ဆက်ဆံဖော်အများကြီးနဲ့ ၃ ယောက်လောက်
တရစပ် တူတူနေနေရင်တောင် action က မကျသွားဘူးလို့ ပြောကြပါတယ်။ဥပမာ TGIF ဖြစ်တဲ့ သောကြာည club မှာ စသုံး၊after party သွားပြီးရင်တောင် တနင်္လာမနက်မှာ အလုပ်သွားနိုင်တဲ့အထိလန်းလန်းဆန်းဆန်း
ဖြစ်နေတူန်းပါပဲတဲ့။

အဲတော့ မကောင်းဘူးလား???
ကြာလည်းကြာမယ်၊ဟိုင်းလည်းဟိုင်းမယ်၊
ပင်လည်းမပင်ပန်းဘူးလေ။

Chems*x ကို စွဲနေတဲ့သူတွေရဲ့
interview ကို ဖတ်ကြည့်ရသလောက် အထီးကျန်လို့ပါတဲ့။
အထီးကျန်တဲ့အချိန် Chems*x drugs ထဲက
တခုဖြစ်တဲ့ G ကို သုံးလိုက်ရင်
ကိုယ့်ဘာသာ ယုံကြည်မှူတွေ ပိုရှိလာတယ်။
လူတိုင်းကလည်း ကိုယ်နဲ့လိင်ဆက်ဆံချင်တယ်ဆိုတဲ့ အတွေးရှိလာသလို ပျော်ရွှင်မှုလည်း ပိုရတယ်လေတဲ့။
နောက်ရက်တွေ အလုပ်အေးဆေးတက်နိုင်ပြီး
နေ့စဉ်လုပ်နေကျ အလုပ်တွေကို လုပ်နိုင်လို့ Chems*x addiction ဖြစ်နေတာ နှစ်ချီနေပါပြီတဲ့။

ဒါပေမယ့် သုံးတဲ့သက်တမ်းကြာလာရင်
မသုံးရမနေနိုင်အထိဖြစ်လာပြီး
စိတ်ထင်ယောင်ထင်မှားဖြစ်တာ၊ကစဉ့်ကလျားဖြစ်တာ၊မှတ်ဉာဏ်ချို့ယွင်းလာတာ၊ခဏခဏမူးလဲတာမျိုးတို့အပြင် လိင်ဆက်ဆံနေချိန်အတွင်း ဘာဖြစ်ခဲ့တယ်ဆိုတာကိုပါ
မသိရှိနိုင်တော့အထိ ဖြစ်လာတတ်ပါတယ်။
ဒီလိုမျိုး ဆေးစွဲတဲ့ ပြဿနာကို ကြုံတွေ့လာရပြီဆိုရင်တော့ စိတ်ကျရောဂါနဲ့အတူ မိမိကိုယ်ကိုယ်နဲ့
အတူနေမိသားစုကိုသေကြောင်းကြံသည်တာအထိ ပါ
ဖြစ်နိုင်ပါတယ်။

နောက်ဆက်တွဲအနေနဲ့ကျန်းမာရေးအရကြည့်ရင်လည်း အဆုတ်လေပြွန်နဲ့ဆိုင်တဲ့ရောဂါတွေ၊နှလုံးရောဂါ၊အသည်းရောဂါ၊လိင်ဆက်ဆံချိန်သာမန်ထက်ပိုကြာတာတွေကြောင့် နာလို့နာမှန်းမသိတော့ဘဲ လိင်အင်္ဂါတွေမှာ
ဒဏ်ရာရတာမျိုး အများစုကြုံတွေ့ရပါတယ်။ဆေးထိုးအပ်မျှဝေသုံးစွဲခြင်းရယ်နဲ့
အကာအကွယ်မဲ့လိင်ဆက်ဆံမိတာရယ် ပုံမှန်မဟုတ်ဘဲ ပါးစပ်နဲ့ လိင်ဆက်ဆံမှူတွေရယ်ကြောင့် HIV, Hepatits B,Hepatits Cနဲ့ syphillis တို့လို ကူးစက်ရောဂါတွေလည်း အလွယ်တကူ ကူးနိုင်နိုင်ပါသေးတယ်။

အရင်တုန်းက နာမည်ကြီးခဲ့တဲ့
party drugs ကိုကိန်းတို့ ၊K( Ketamine)
E Ex**sy (M**A) တို့နဲ့ အဓိက
ကွာခြားသွားတဲ့အချက်ကတော့
စောစောကပြောထားတဲ့ Chems*x items တွေ သုံးထားတဲ့သူတစ်ယောက်ဟာ တစက်မှမသိတဲ့သူစိမ်းတစ်ယောက်နဲ့လည်း ရက်သတ္တပတ်တခုလုံး အသိစိတ်လွတ် ကောင်းကင်ဘုံပေါ်ရောက်တဲ့
feeling နဲ့ မျောပြီး
အချိန်အကြာကြီးလိင်ဆက်ဆံနေနိုင်တယ်ဆိုတာပါပဲ။

ဒါကြောင့် အပျော်တွေကနေ
အပျက်မဖြစ်ရလေအောင် ကိုယ်သုံးနေတဲ့ item ရဲ့ ဆေးနဲ့ဘေး ကို ယှဉ်လည်းသိရမယ်ဆိုတာရယ်၊
ဟိုင်းတိုင်းလည်းမကောင်းဘူးဆိုတာရယ်
၊အကာအကွယ်မဲ့လိင်ဆက်ဆံရာကတဆင့်ရောဂါတွေ
ကူးစက်တတ်တယ်ဆိုတာရယ်
သိသွားစေချင်လို့ ခုလိုဝေမျှပေးလိုက်ရပါတယ်

မနေ့က share ထားတဲ့ မူးယစ်ဆေးသုံးတဲ့လူငယ်တွေအကြောင်းမှာ ဆေးရုံမှာအလုပ်လုပ်တဲ့
ဆရာဝန်နဲ့သူနာပြုတွေရဲ့မန့်ကိုတွေ့တော့
အရမ်းအံ့ဩစရာတွေတွေ့ရတယ်။
ဆေးသုံးပြီးဆေးရုံကိုရောက်လာတာ
သူ့လျှာသူကိုက်ဖြတ်ပြီး
လျှာကိုရေခဲပုံးလေးနဲ့ယူလာတာတဲ့။
အာ့အထိလူက High နေတော့အေးဆေးပဲတဲ့။
နောက်တယောက်ကသူ့ရီးစားနဲ့ kissing ဆွဲရင်းရီးစားရဲ့အောက်နှုတ်ခမ်းကိုကိုက် ဖြတ်ထားတာ
ဟောင်းလာင်းကြီးတဲ့။
တချို့မန့်တွေမှာ မိန်းခလေးက
ကိုယ်ဝန်ရတာဘယ်သူနဲ့မှန်းမသိဘူးတဲ့
၂လလောက် မေ့နေတာတဲ့ သူဘာလုပ်ခဲ့လည်းမသိတာ။ နောက်ဆေးတွေသုံးပြီး
အဖွဲ့လိုက်လိင်ဆက်ဆံရင်းရောဂါတွေကူးလာတာမသိပဲဆေးစစ်မှသိတယ်တဲ့။
တချို့က ရူးသလိုဖြစ်သွားတာတွေ့ဖူးသလို
တချို့က အားကစားလုပ် gym ဆော့ ၊
ဘောလုံးကန်ရင်းနှလုံးဖောက်ဆုံးပါးသွားကြတာ
တွေ့ဖူးတယ်။ မကောင်းမှန်းသိသိကြီးနဲ့
သူငယ်ချင်းမိတ်ဆွေတွေရဲ့မြူစွယ်မှူ့ကြောင့်
ဆေးသမားတွေဖြစ်ကုန်တဲ့နှုန်းက ၄၈.၆၂%တဲ့
လူတရာမှာ ဆေးစွဲနေတာ ၄၈ယောက်လောက်ရှိနေပါပေါ့လား။ မြန်မာမှာအထွေထွေဗဟုသုတနည်းတာရယ် စိတ်ညစ်ညူးစရာကို သဘာဝအလှအပ
အပျော်အရွှင်နဲ့ မဖြေတတ်တာကြောင့်ပိုဆိုးလာတာ။
ကိုယ့်သူငယ်ချင်းကပြောဖူးတယ်
ဆေးတွေဒီလောက်ပေါများလူတွေပျက်ဆီးနေတာ
ဘယ်သူမှဘာမှမလုပ်ကြဘူးလားလို့ပြောတာကို
အစိုးရတောင်ဆေးရောင်းတဲ့လူတွေကို
ပျောက်ပျက်အောင်မလုပ်နိုင်သေးတာ
ငါတို့ကဘာလုပ်နိုင်မှာတဲ့လည်း။
အမှန်ပဲ ကိုယ့်အသက်အန္တရာယ်တောင်
ထိခိုက်နိုင်သေးတယ်။
သဗ္ဗေသတ္တာကမ္မသကာလို့ပဲဆိုရမှာပဲ။
ခုချိန်တော့ ကိုယ့်ကိုယ်ကိုယ်ဂရုစိုက်ပြီး
သူတို့နဲ့ဝေးဝေးရှောင်ဖို့လုပ်ကြရမှာပါ

CRD -Choo Khant Khant Zaw , Sai Kathit , TDMN