https://www.facebook.com/106482115628137/

မြတ်သီတာ တိုင်းရင်းဆေး, Mandalay (2026)

23/12/2025

#နှလုံးသွေးကြောကျဥ်းသူများစားရန်အစားစာ
#အဆီများသူများ

21/12/2025

#သတိမထားမိခင်မှာပဲ နှစ်နှစ်ခြိုက်ခြိုက်အိပ်ပျော်သွားစေမယ့် လျှို့ဝှက်ချက်!
နိုးလာရင် လန်းဆန်းပြီး ဝမ်းဗိုက်လည်းမတင်း၊ လေလည်းမတက်ဘူးနော်~

မအိပ်ခင် တစ်နေ့ ၁-၂ မွှာပဲ စားရုံပါပဲ။
ဒီရိုးရှင်းတဲ့ "ကြက်သွန်ဖြူ ပျားရည်စိမ်" ကပဲ တကယ်အကူအညီပေးနိုင်ပါတယ်!

ပထမတော့ ဘာမှသိပ်မျှော်လင့်မထားပါဘူး။
ဒါပေမဲ့ စိမ်ပြီးရက်အနည်းငယ်ဆက်တိုက်စားကြည့်လိုက်တဲ့အခါမှာတော့ သိသိသာသာခံစားမိလာတာတွေက........
* နှစ်နှစ်ခြိုက်ခြိုက် အိပ်ပျော်လာတယ်
* အသက်ရှူလို့ကောင်းပြီး လည်ချောင်းရှင်းလာတယ်
* မနက်ပိုင်း ဗိုက်မတင်းတော့ဘူး
* နေ့တိုင်း ဝမ်းမှန်လာတယ်
* သတိမထားမိဘဲ အသားအရေ ကြည်လင်လာတယ်
* သွေးတွင်းအဆီဓာတ်လည်း တဖြည်းဖြည်းမျှတလာတယ်
ဒီလိုရိုးရှင်းတဲ့ပစ္စည်းလေးကနေ... ပုံမှန်မဟုတ်တဲ့ရလဒ်တွေကို ရရှိစေနိုင်ပါတယ်။

🍯 ဆက်တိုက်စားပေးခြင်းက ခန္ဓာကိုယ်ကို မျှတအောင် ပြန်လည်ထိန်းညှိပေးနိုင်ပါတယ်။
* သွေးလေလည်ပတ်မှုကောင်းစေတယ်
* ဗိုက်ပူတာလျော့ပြီး ခန္ဓာကိုယ်မှာ ရေမဝပ်တော့ဘူး
* တချို့ဆိုရင် ခန္ဓာကိုယ်စစ်ဆေးတဲ့အခါ သွေးတွင်းအဆီ
ဓာတ်ကျသွားတာကိုတောင် တွေ့ရတတ်ပါတယ်။

ဒါ့အပြင် ခန္ဓာကိုယ်စနစ်တွေဟာ လွယ်လွယ်နဲ့ရောင်ရမ်းတာမျိုးမဖြစ်တော့တဲ့အတွက် အိုမင်းရင့်ရော်မှုကို နှေးကွေးစေသလိုမျိုးလည်း ခံစားရစေပါတယ်။ အိပ်ရေးဝပြီး အသားအရေလည်း မပျက်စီးတော့ပါဘူး။

ဘယ်သူတွေ...
* အိပ်မပျော်တာ
* ခန္ဓာကိုယ် ဖောရောင်တာ
* လေပွတာ
* ဗိုက်တင်းပြီး မာနေတာ၊ မအီမသာဖြစ်တာ
တွေရှိရင် မီးဖိုချောင်ထဲမှာ တစ်ပုလင်းလောက်လုပ်ထားကြည့်လိုက်ပါ၊ ဘာမှ ဆုံးရှုံးစရာမရှိပါဘူးနော် 🍯🧄

🧄✨ ကြက်သွန်ဖြူ ပျားရည်စိမ် လွယ်လွယ်ကူကူပြုလုပ်နည်း
ပါဝင်ပစ္စည်းများ......
* ကြက်သွန်ဖြူ ၁ ခွက်
* ပျားရည် (ကြက်သွန်ဖြူမြုပ်အောင်)

ပြုလုပ်နည်း......
* ကြက်သွန်ဖြူကို အခွံနွှာပြီး ညင်သာစွာဆေးကြောကာ
အခြောက်ခံပါ။
* ပိုးသန့်ထားတဲ့ပုလင်းထဲကိုထည့်ပြီး ကြက်သွန်ဖြူမြုပ်
အောင် ပျားရည်လောင်းထည့်ပါ။
* အဖုံးကိုလုံအောင်ပိတ်ပြီး ခြောက်သွေ့တဲ့နေရာမှာထားပါ။
* ၅-၇ ရက် (သို့) ဒီထက်ပိုပြီး စိမ်ထားပေးပါက မွှေးပြီးစား
လို့ကောင်းပါလိမ့်မယ်။

🍽 စားသုံးပုံ....
* တစ်နေ့ ၁-၂ မွှာကို အစာမစားမီ (သို့) အိပ်ရာမဝင်မီ
စားသုံးနိုင်ပါတယ်။
* စိမ်ထားတဲ့ပျားရည်ကိုလည်း လက်ဖက်ရည်ဇွန်း ၁ ဇွန်းခန့်
နဲ့ ရောစားနိုင်ပါတယ်။
ခန္ဓာကိုယ်အတွက် ဒီလောက်ကောင်းတာကို မစမ်းကြည့်လို့ မဖြစ်တော့ဘူးနော်~

Crd- MON SOUNG
#ရှင်ဘုရင်တိုင်းရင်းဆေး

02/11/2025

ခွေးတောက်

ခွေးတောက်ကို မြန်မာတို့သည် အရက်ချိုးချသောဆေးအဖြစ် သုံးစွဲကြသည်။ အရက် သောက်သုံးမှုများပြီး အရက်နာကျသူများ သက်သာပျောက်ကင်းစေရန်အတွက် ခွေးတောက်ရွက်ကို ကြက် ရိုးဖြင့် ချက်စားကြသည်။ ဟင်းခါးချက်သောက်ကြသည်။

အညောင်းများသူ၊ အထိုင်များသူ၊ ခါးနာရောဂါစွဲ နေသူများသည် ဆေးခါးကြီးအစား ခွေးတောက်ရွက်ကို ဟင်းချိုချက်သောက်၍လည်းရသည်။ မကြာခန ဆီးအောင့်တတ်သူ၊ အဝေးပြေးကားမောင်းသူများ ဆေးဖက်ဝင်အဖြစ် သုံးစွဲလေ့ရှိကြသည်။

ဆေးဖက်ဝင်အသုံးပြုပုံ

၁။ အနာစိမ်း၊ သွေးစုနာများပေါက်လျှင် ခွေးတောက်ရွက်ကို မီးကင်၍ ကပ်ပေးလျှင် နုသောအနာများပိန်၍ ရင့်သောအနာများ ပြည်ပေါက်စေနိုင်သည်။

၂။ လေထိုးလေအောင့်ရောဂါ၊ ဆီးအောင့်ဆီးချုပ်ရောဂါဖြစ်လျှင် ခွေးတောက်ရွက်ကို ကြော်စားခြင်း၊ အတို့ အမြှုပ်လုပ်စားခြင်းဖြင့် ပျောက်ကင်းစေနိုင်သည်။

၃။ ရေယုံပေါက်လျှင် ခွေးတောက်ရွက်ကို အရည်ညှစ်၍ လိမ်းပေးခြင်းဖြင့် သက်သာပျောက်ကင်းစေ နိုင်သည်။

၄။ ဥတုဖျား၊ တုတ်ကွေးဖျားများမှ ကာကွယ်ရန်အတွက် ခွေးတောက်ရွက်ကို ဘဲဥနှင့် ရော၍ ကြော်စားပါ။ အားရှိ၍ အဖျားမှ ကာကွယ်သည်။

၅။ အပူနာ၊ အကျိတ်အလုံးကြီးများထွက်လျှင် ခွေးတောက်ရွက်ကို ထောင်း၍ အုံစည်းပေးခြင်းဖြင့် သက် သာစေနိုင်သည်။

၆။ ဒူးနာရောဂါဖြစ်လျှင် ခွေးတောက်ရွက်များကို မီးကင်ပြီးကပ်၍ ပတ်တီးစည်းပေးခြင်းဖြင့် အကိုက်အခဲ သက်သာစေသည်။

၇။ အရက်၊ ထန်းရည်ချိုးကပ်အောင် သောက်သုံးသူများ အရက်ချိုးများအတွက် ခွေးတောက်ရွက်ကို ကြက်သားဖြင့် မကြာခန ချက်၍ စားပေးသင့်သည်။

၈။ ခွေးတောက်မြစ်ကို အဆိပ်အတောက်မိလျှင် အန်ဆေးအဖြစ် သွေးပြီးတိုက်လေ့ရှိသည်။ ခွေးရူးပြန် ဆေး၊ သလိပ်ကြေဆေးများတွင်လည်း ထည့်သွင်းအသုံးပြုသည်။

၉။ဆီးကျိတ်ကြီးရောဂါရှိသူများသည် ခွေးတောက်ရွက်ကို နေ့စဉ်စားသုံးပေးခြင်း။သို့မဟုတ် တစ်ပါတ်(၂)ကြိမ်စားသုံးပေးခြင်းဖြင့်သက်သာစေနိုင်သည်။

ကြည်လွင်မြင့်(မုဒြာ)
crd

04/10/2025

#ကိုယ်တွင်းအပူငြိမ်းစေတဲ့ကျောက်ဖရုံသီး

#ကျောက်ဖရုံသီး က အေးသောဓာတ်ဖြစ်သောကြောင့် မကြာခဏ စားပေးသင့်ပါတယ်။
အဓိကစားသုံးသင့်သူများကတော့ အားနည်းသူ၊ ခေါင်းမူးတတ်သူ၊ ဖြူဖပ်ဖြူရော်ဖြစ်နေသူ၊ မျက်လုံးအမြင်မှုန်ဝါးနေသူ၊ ကျောက်ကပ်ရောဂါရှိသူ၊ ဆီးရောဂါရှိသူ၊ နှလုံးအဆို့ရှင် ရောဂါရရှိသူတို့ စားသင့်ပါတယ်။
ကိုယ်ဝန်ဆောင်မိခင်များ ကျောက်ဖရုံသီးကို တစ်ကြိမ်တည်း ပမာဏများစွာ မစားသုံးသင့်ပါ။ ဟင်းချိုအဖြစ် ပြုလုပ်ပြီး အရည်ကိုသာ သောက်ပေးသင့်ပါတယ်။
ကျောက်ဖရုံသီးထဲတွင် ဆယ်လူလို့စ်ဓာတ်ပါတဲ့အတွက်ကြောင့် သွေးကြောမာခြင်းကို ကာကွယ်ပေးပါတယ်။ သွေးတွင်းအဆီများကို လျှော့ချပေးနိုင်ပါတယ်။

ကျောက်ဖရုံသီးကို သရက်ရွက်၊ အစာအိမ် အားနည်းသူ၊ အသည်းရောင် B ပိုးရှိသူတို့ မစားသင့်ပါဘူး။ ကျောက်ဖရုံသီးထဲတွင် ပရိုတင်းဓာတ်၊ ဗီတာမင်B1 ဗီတာမင် B2 ၊ ဗီတာမင် C ၊ ကြေးဓာတ်၊ ပိုတက်ဆီယမ်၊ ကယ်လ်ဆီယမ်ဓာတ်၊ ဆယ်လူလို့စ်ဓာတ်၊ မီးစုန်းနှင့် သံဓာတ်တို့ ပြည့်ဝစွာ ပါဝင်ပါတယ်။

ကျောက်ဖရုံသီးဟာ အအေးဓာတ်ဖြစ်တဲ့အတွက် ခန္ဓာကိုယ်အတွင်းရှိ အပူများကို စုပ်ယူပေးပါတယ်။ ကျောက်ဖရုံသီးစားပေးခြင်းဖြင့် အပူကျပြီး အပူများသူများ ပိုစားပေးသင့်ပါတယ်။ ကျောက်ဖရုံသီးထဲတွင် ဗီတာမင် C ဓာတ်ပါသောကြောင့် သွေးတိုးရောဂါ၊ ကျောက်ကပ်ရောဂါတို့ကို မဖြစ်စေရန် ကာကွယ်ပေးပါတယ်။

ဆီးသွားခြင်းကို ကောင်းကျိုးပြုပြီး အဆုတ်ကို စိုစွတ်စေပါတယ်။ အူမကြီးအတွင်းရှိ အဆိပ်များကို ရှင်းလင်းပေးနိုင်ပြီး ဝမ်းချုပ်ခြင်းကို မဖြစ်စေဘဲ အစာကြေရန် ကူညီပေးပါတယ်။

ကျောက်ဖရုံသီးစားပေးခြင်းဖြင့် ရေဖျဉ်းစွဲခြင်း၊ ရေငတ်ခြင်း၊ မျက်နှာပေါ်တွင် အမည်းစက်များ ပေါ်ထွက်လာခြင်း၊ ရင်ကျပ်ခြင်း၊ လိပ်ခေါင်းရောဂါ၊ ဝက်ခြံထွက်ခြင်း၊ စအိုကျွံခြင်း၊ ထုံနာကျဉ်နာတို့ မဖြစ်စေရန် ကာကွယ်ပေးနိုင်ပါတယ်။ ဆံပင်၊ သွေးရည်၊ အရေပြား၊ အရိုး၊ ဦးနှောက်၊ အသည်း၊ နှလုံးနှင့် ရောဂါခုခံစနစ်တို့ ဖွံ့ဖြိုးတိုးတက်ကောင်းမွန်စေရန် အထောက်အကူ ပြုပါတယ်။

ကျောက်ဖရုံသီးစားပေးခြင်းဖြင့် သလိပ်နှင့် ချောင်းဆိုးကို ပျောက်စေပါတယ်။ ဆံပင်ကို မပျက်စီးစေရန် ကာကွယ်ပေးပြီး ခန္ဓာကိုယ်တွင်းရှိ အဆီများကိုလည်း ချပေးပါတယ်။

အသားအရေနှင့် ကိုယ်ခန္ဓာကို လှပစေပါတယ်။ ကျောက်ဖရုံသီးသည် ဝသောသူများ အဓိကစားသုံးရန် သင့်လျော်ပါတယ်။

S.N ~Benicarsa cerifera
Crd

27/04/2025

#ထန်းသီး၊ ထန်းရည် ထန်းလျက်၏ ဆေးဘက်ဝင်ပုံနှင့် စားသုံးပုံအမျိုးမျိုး
============================

မြန်မာတွေရဲ့ သဘာဝလက်ဆောင်လို့ခေါ်ရလောက်တဲ့ အညာဒေသရဲ့ အမှတ်အသား ထန်းသီး၊ ထန်းရည်မှာ သဘာဝကပေးတဲ့ အန်တီဘိုင်ရောတစ်လို့ခေါ်တဲ့ ကိုယ်ခံအားကောင်းစေတဲ့ဓါတ်တွေ ဖော့စဖော့ရစ်လို့ခေါ်တဲ့ ပြာဓါတ်၊ ဖိုက်ဘာလို့ခေါ်တဲ့ အစာခြေအားကောင်းတဲ့ အမျှင်ဓါတ်တွေအပြင် လူ့ခန္ဓာကိုယ်ကို အကျိုးပြုစေတဲ့ ဓါတ်ပေါင်းများစွာပါဝင်လို့နေပါတယ်။

ထန်းသီး

=======
အသဲပုံထန်းသီးအနုလေးတွေကို မြို့ပြဈေးတွေထဲမှာအိပ်လေးတွေနဲ့ထုပ်ပြီး ရောင်းချကြတာတွေ့ရမှာပါ။ ရာသီစာဖြစ်တဲ့အတွက် အမြဲမြင်တွေ့ရမှာမဟုတ်ပါဘူး။
ထန်းသီးနုလေးတွေကိုစားရင်အူလမ်းကြောင်းကျန်းမာရေးကောင်းစေတဲ့အပြင် အစာခံတဲ့အတွက် ဝိတ်ချချင်တဲ့လူတွေအတွက် အကောင်းဆုံးအသီးပါ။
ရင့်မှဲ့သွားရင်တော့ စားသုံးဖို့မသင့်တော်ပါဘူး ရင်ပြည့်ရင်ကယ်ဖြစ်စေပါတယ်။ ပြီးတော့ သုတ်အားကိုပွားစေတဲ့အတွက် အိမ်ထောင်ရှင်အမျိုးသားများ စားသုံးရန် သင့်တော်ပါတယ်။

စားသုံးပုံ
=====

ထန်းသီးနုကို မုန့်ပဲသရေစာအဖြစ်စားကြပါတယ်။ သကြား၊ စားအနည်းငယ်နဲ့ ဖျော်ရည်အဖြစ်လည်း သောက်သုံးနိုင်ပါတယ်။
လေးစိတ်စိတ်ပြီး မုန့်နှစ်နဲ့နယ်ပြီး အကြော်ကြော်သလို ကြော်စားလို့ရတဲ့အပြင် ပါးပါးလှီးပြီး ထန်းသီးသုပ်သုတ်စားလို့ရပြန်ပါတယ်။
ထန်းသီးကို ဆန်ဆေးရည် နဲ့အချဉ်တည်ပြီး ထန်းသီးချဉ်ငါးပီချက်အဖြစ် အညာဒေသခံတွေက ချက်စားကြတဲ့အပြင် ထန်းသီးအမှဲ့ရဲ့အခွံ့ကိုသုံးပြီး ထန်းသီးမုန့်အဖြစ်လည်း ပြုလုပ်စားသုံးကြပါသေးတယ်။

ထန်းရည်
=======

ထန်းရည်ကတော့ အားလုံးသိကြပြီးတဲ့အတိုင်း လူကြီးလူငယ်ကြိုက် သောက်စရာတစ်မျိုးပါ။ ဆီးရွှင်စေတယ်၊ ရေဖျန်း၊ လေဖျန်းသမားတွေအတွက် မြန်မြန်သက်သာစေတယ်။ သကြားခပ်ပြီးသောက်သုံးမယ်ဆိုရင် ဆီးအောင့်ရော်ဂါ၊ ဆီးနည်းရောဂါကို သက်သာပျောက်ကင်းစေတယ်။
ဆီးနဲ့ ကျောက်ကပ်ရောဂါတွေကို သက်သာပျောက်ကင်းစေပါတယ်။ လေနိုင်အစာကြေစေလို့ အစာအိမ်ရောဂါ သမားတွေတောင် သောက်သုံးနိုင်ပါတယ်။

သောက်သုံးပုံ
==========

ထန်းမပင် ထနို့မှ ထန်းရည်ဟာ သကြားဓါတ်ပါဝင်မှုများတာကြောင့် ချိုလေးပြီး ထန်းညက်၊ သကာရည်အဖြစ် ပြုလုပ်စားသုံးနိုင်ပါတယ်။ ယစ်မူးစေတဲ့ထန်းရည်ခါးအဖြစ်လိုချင်ရင်တော့ လျှားခေါက်ခံပြီး ထန်းရည်ကို ခံယူရပါတယ်။ ထန်းရည်ခါးဟာ ကြာမြင့်ချိန်နဲ့အပူချိန်ပေါ်မူတည်ပြီး အလ်ကိုဟောပါဝင်မှုအချိုး ပြောင်းလဲစေပါတယ်။ နေမြင့်လေ မူးလေပါ

ထန်းလျက်
==========

ထန်းလျက်က အညိုရောင်အဆင်းရှိသည်။ ထန်းလျက်မှာ ပါဝင်သည့် အချိုဓာတ်သည် သကြားထက် ပိုများသည်။ ထန်းလျက်သည် အစာခြေစနစ်ကို ကောင်းမွန်စေသော အစွမ်းရှိပြီး အစာကြေလွယ်စေသည်။ ထို့ပြင် ထန်းလျက်ကို မန်ကျည်းသီးနှင့် ရောပြီး မန်ကျည်းဖျော်ရည် အဖြစ်လည်းသောက်သုံးကြသည်။ မန်ကျည်းသီးနှင့် ထန်းလျက်ကို ရေတစ်ဖန်ခွက်ထဲ ရောစိမ်ပြီး ဆားအနည်းငယ်ထည့်ကာ ခန္ဓာကိုယ်အတွင်းက အပူတွေ ကင်းစင်စေရန်အတွက် သောက်နိုင်သည်။ ထန်းလျက်ကို ချင်း နှင့် ရောပြုတ်ပြီး အအေးမိခြင်း၊ နှာစေးခြင်း ကာကွယ်ရန်အတွက် သောက်သုံးကြသည်။ ထန်းလျက်ကို စားသုံးခြင်းအားဖြင့် အသည်းတွင်စုနေသည့် အဆိပ်အတောက်များလည်းပျက်ပြယ်စေနိုင်သည်။ အစာအိမ်၊ အူ တွေထဲတွင် ရှိနေသော ခန္ဓာကိုယ်အတွက် မလိုအပ်သော အဆိပ်အတောက်များကိုလည်း ခြေဖျက်ပေးနိုင်သည်။

******************
ထန်းရေ ၊ထန်းသီး နှင့် ကျန်းမာရေးအကျိုးကျေးဇူးများ

မသိသူကျော်သွားသိသူဖော်စားတဲ့။
ထန်းသီး/ထန်းရည်/အညာထန်းသီးချဥ်ဟင်းဟာ ကျန်းမာရေးကိုအထူးကောင်းမွန်စေပါတယ်။ဒါ့ပြင် အညာဒေသက ထန်းသီးဆံဟင်း ဟာလည်း စားလို့ အတော်ကောင်းပါတယ်။

ထန်းပင်တစ်ပင်လုံးတွင် ဘဘာဝအလျောက် ပဉ္စဘူတဓာတ်ငါးပါးစုပေါင်းနေတာကြောင့် ထန်းပင်တစ်ပင်မှ ထွက်သော အစိတ်အပိုင်းများအားလုံး မတူညီသောကျန်းမာရေး အကျိုးကျေးဇူးအာနိသင်များစွာ ရှိကြပါတယ်။

၁။ ထန်းဖိုပွင့်က ချောင်းဆိုးသလိပ်ထခြင်းနှင့် အစာမကြေရောဂါတို့ ကိုနိုင်ပါတယ်။

၂။ ထန်းသီးစိမ်းက အေး၍ချိုဖန်သော အရသာရှိပြီး စိမ့်တိမ့်တိမ့်အရသာလေးနဲ့ အသီးနုလျှင် အစာ ကြေလွယ်ပြီး အသီးရင့်ပါက အစာကြေညက်ဖို့ ခက်ပါတယ်။ လေကိုချုပ်စေတယ်။ အနည်းငယ် လေးမူးယစ်စေတယ်။ဆီး၊ ဝမ်း ကိုရွှင်စေပါတယ်။ပန်းနာ၊ သွေးအန်၊ သွေးကျရောဂါများ ပျောက်ကင်းစေနိုင်ပါတယ်။ထန်းသီးမှည့်က လူကိုအား ဖြစ်စေပြီး ဝဖြိုးစေပါတယ်၊ သုတ်ကိုပွားစေတဲ့အတွက် ကလေးရရင်ခက်ခဲနေသောအိမ်ထောင်ရှင် အမျိုးသားများ အတွက်အထူးသင့်လျော်ပါတယ်။

၃။ ထန်းရည်ချိုချိုသောက်သုံးပါကလည်း လေနှင့်သည်းခြေကိုနိုင်ပြီး ဆီးရွှင်စေတယ်၊ ဆီးအိမ်ကို သန့်ရှင်းစေ ပြီး ရေဖျဉ်းရောဂါအတွက်လည်းကောင်းပါတယ်။အိပ်ပျော်စေပြီး မူးဝေဝေခံစားမှုရရှိန်ိုင်ပါတယ်။ ဆီးပူ၊ ဆီး အောင့်၊ ဆီးနည်းရောဂါများအတွက် လတ်လတ်ဆတ်ဆတ်ထန်းရည်ကို သကြားထည့်၍ သောက်ပါက အထူး ကောင်းမွန်ပါတယ်။

၄။ ထန်းရည်ချဉ်/ ထန်းရည်ခါးက ခန္ဓာကိုယ်တခုလုံးပျံ့နှံ့စေသည့်အပြင် သည်းခြေကိုအပူရှိန်များစေတတ်ပြီး သွေးကြွကာ ပို၍မူးဝေစေတတ်ပါတယ်။ ခံတွင်းရှင်းပြီး နှုတ်သွက်စေပါတယ်။လေနိုင်၍ အစာကြေစေပါတယ်။ ဆီးအောင့်၊ ဆီးပူရောဂါရှိသူများ သွေးလေး၊သွေးတတ်၊ အိပ်မပျော်တတ်သောရောဂါများအတွက် အထူးသင့် လျော်ပါတယ်။

ရုက္ခဗေဒအမည် borassusflabellifer Linn ဟုအမည်ရတဲ့ ထန်းပင်ကိုအင်္ဂလိပ်လို Palmyra palm ဟုခေါ်ပြီး မွန်နဲ့ရှမ်းတိုင်းရင်းသားဘာသာစကားအရ Tan လို့ခေါ်ပါတယ်။ထန်းပင်များကိုနေရာဒေသမရွေး မြေအမျိုးအ စားမရွေး စိုက်ပျိုးနိုင်ပြီး အပူပိုင်းဒေသများတွင် ပိုမိုစိုက်ပျိုးကြပါတယ်။

ထန်းပင်ဟာ အဖိုပင်နှင့်အမပင်ဟူ၍ နှစ်မျိုးရှိပြီး ၎င်းအပင်နှစ်မျိုးစလုံးမှ ထန်းရည်ထွက်ရှိပါတယ်။အမပင်များမှ သီးသောထန်းသီးများကိုသာ မျိုးအဖြစ်ရယူစိုက်ပျိုးနိုင်ပါတယ်။ခုနစ်နှစ်သားအရွယ် ထန်းအဖိုပင်များမှ ထန်းနို့ ခိုင်များထွက်ရှိပြီး အဲ့ဒီကနေထန်းရည်ရရှိပါတယ်။ ထန်းအမပင်များဟာ ၁၀ နှစ်သားတွင် ထန်းသီးများထွက်ရှိ လာပြီး ထိုအသီး၏အညှာမှ ထန်းရည်ထွက်ရှိပါတယ်။
crd

20/04/2025

ဆားရည် နဲ့ အာလုတ်ကျင်းတာက
လူတိုင်း ကြားဖူးမယ့် ကိစ္စတစ်ရပ်ပါ။ ဆားရည်ကို လည်ချောင်းနာတဲ့အခါမှာ အများဆုံး အသုံးပြုကြပါတယ်။ ဒီတစ်ခေါက်တော့ လည်ချောင်းနာတဲ့အခါ အာလုတ်ကျင်းကြတဲ့ ဆားရည်က ဘယ်လို အထောက်အကူပြုလည်းဆိုတာကို ပြောပြပေးပါမယ်။

ဆားရည် နဲ့ ပလုတ်ကျင်းတဲ့အခါ

ဆားရည်က အကုန်အကျ သက်သာပြီး လွယ်ကူတဲ့ ကုသနည်း တစ်ရပ်ပါ။ ဘာကြောင့် ဒီလိုပြောရတာလဲဆိုတော့ ရေနွေးနွေးထဲကို ဆားထည့်ပြီး ပလုတ်ကျင်းတဲ့အခါ အခုလို ကျန်းမာရေး အကျိုးကျေးဇူးလေးတွေကို ရရှိလို့ပါ။

pH ပမာဏကို ထိန်းညှိပေးတယ်

ဆားရည်က ဘက်တီးရီးယားကြောင့် လည်ချောင်းထဲက အက်ဆစ်တွေ မညီမမျှ ဖြစ်တာကို ထိန်းညှိပေးပါတယ်။ ကျန်းမာတဲ့ pH ပမာဏကို ထိန်းညှိပေးပါတယ်။ ခံတွင်းထဲမှာ ဘက်တီးရီးယားတွေ မပေါက်ဖွားစေဖို့ ကာကွယ်ပေးပါတယ်။

နှာခေါင်းပိတ်တာကို သက်သာစေတယ်

ဆားရည်နဲ့ ပလုတ်ကျင်းတာက အသက်ရှူလမ်းကြောင်းနဲ့ နှာခေါင်းထဲမှာ ရှိတဲ့ ချွဲတွေကို ဖယ်ရှားပေးနိုင်ပါတယ်။ နာကျင်မှုတွေကို သက်သာစေသလို ရောင်ရမ်းမှုကို လျော့ကျစေပါတယ်။ နှာခေါင်းထဲက ဘက်တီးရီးယား နဲ့ ဗိုင်းရပ်စ်တွေကို ဖယ်ရှားပေးနိုင်ပါတယ်။

အသက်ရှူလမ်းကြောင်း ပိုးဝင်ကူးစက်တာကို သက်သာစေတယ်

သုတေသနပြုချက်တွေအရ တစ်နေ့ကို ဆားရည်နွေးနွေးနဲ့ ၃ ကြိမ် ပလုတ်ကျင်းပေးတာက အသက်ရှူလမ်းကြောင်း အထက်ပိုင်းမှာ ပိုးဝင်ကူးစက်တာမျိုး မဖြစ်စေဖို့ ၄၀ ရာခိုင်နှုန်းအထိ ကာကွယ်ပေးနိုင်တယ်လို့ တွေ့ရပါတယ်။

အာသီးရောင်တာကို သက်သာစေပါတယ်

ဘက်တီးရီးယား၊ ဗိုင်းရပ်စ်တွေကြောင့် အာသီးရောင်နိုင်ပါတယ်။ အာသီးရောင်တဲ့အခါ အစာတွေ ရေတွေ မျိုချဖို့ ခက်ခဲနိုင်ပါတယ်။ ဒီနာကျင်မှုကို သက်သာစေဖို့ ဆားရည်နွေးနွေးလေးနဲ့ အာလုပ်ကျင်းပေးလို့ ရပါတယ်။

ခံတွင်း အနံ့ဆိုး သက်သာစေနိုင်တယ်

အစားကြောင့် ဖြစ်ဖြစ် အခြား အကြောင်းအရင်းကြောင့်ဖြစ်ဖြစ် ခံတွင်းနံ့ နံတာကို သက်သာစေဖို့ ခံတွင်းသန့်ဆေးရည်တွေ မသုံးချင်ဘူးဆိုရင် ဆားရည်နဲ့ အာလုပ်ကျင်းပေးလို့ ရပါတယ်။

သွားဖုံးနဲ့ သွားမှာ သွေးထွက်တာကို သက်သာစေနိုင်တယ်

ဆားရည်နွေးနွေးလေးနဲ့ ပလုတ်ကျင်းတာက သွားဖုံးရောင်တာ၊ သွားဖုံးသွေးထွက်တာတွေကို သက်သာစေနိုင်ပါတယ်။ ဆားရည်က ရောင်ရမ်းမှုကို သက်သာစေနိုင်သလို သွားဖုံးရောင်ရမ်းခြင်းကို ဖြစ်စေတဲ့ ဘက်တီးရီးယားတွေကို တိုက်ဖျက်ပေးနိုင်ပါတယ်။ သွားကိုက် သွားနာတာကိုလည်း သက်သာစေနိုင်ပါတယ်။

ခံတွင်း အနာကို သက်သာစေနိုင်တယ်

ပါးစပ်ထဲမှာ ဖြစ်တဲ့ အနာဖြူဖြူလေးတွေ သက်သာစေဖို့လည်း ဆားရည်နဲ့ ပလုပ်ကျင်းပေးလို့ ရပါတယ်။ အနာ သက်သာစေပြီး အနာကျက် မြန်စေနိုင်ပါတယ်။
crd
#မြတ်သီတာတိုင်းရင်းဆေး

24/03/2025

# အိုသောသူများ "အခါး" စားပါ

လူတို့တွင် အားနှစ်မျိုး လိုအပ်သည်။ အသက်ရှည်ရန် အတွက် အားရှိဖို့ လိုသည်။ ထိုအား နှစ်မျိုးမှာ ''သွေးအား'' နှင့် ''လေအား'' တို့ ဖြစ်သည်။ ဓာတ်သဘော အားဖြင့်ဆိုလျှင် သွေးသည် အာပေါဓာတ် ဖြစ်ပြီး လေသည် ဝါယောဓာတ် ဖြစ်သည်။

ဆန့်ကျင်ဘက် ဓာတ်နှစ်မျိုး ဖြစ်သည်။ သို့သော် ထို ဆန့်ကျင်ဘက် နှစ်မျိုး ပေါင်းစပ်ကာ သွေးဟူသော အာပေါဓာတ်ကို ခန္ဓာကိုယ် အနှံ့သို့ ရောက်အောင် ဝါယောဓာတ်က တွန်းပို့လျက် ရှိပေသည်။ ဆန့်ကျင်ဘက် နှစ်ခု ပေါင်းလျှင် အကျိုးရှိသည်ကို ခန္ဓာကိုယ် တွင်းက သက်သေပြလျက် ရှိပေသည်။
အသက်ကြီး လာသောအခါ သွေးအား ယုတ်လာသည် ဟု ပြောစမှတ် ပြုကြသည်။

အမှန်က သွေးက ခန္ဓာကိုယ် အတွင်းတွင် အပြည့်ရှိ လျက်ပင်။ သွေးကို တွန်းပို့ပေးမည့် ဝါယောဓာတ် က အားယုတ် လာခြင်းကြောင့် အားနည်း လာခြင်း ဖြစ်သည်။ သွေးထောက်ပံ့မှု မရောက်ရှိသော လက္ခဏာကို အစွန်အဖျား နေရာများမှ ပြသည်။ ဦးခေါင်းငယ် ထိပ်တွင် ဆံပင်များ ကျွတ်ပြီး ပြန်မပေါက် တော့သောကြောင့် ထိပ်ပြောင် လာသည်။

ခြေထောက်ရှိ ခြေသန်း၊ ခြေသူကြွယ် ခြေချောင်း ကလေးများတွင် ခြေသည်းများ အက်ကွဲ လာသည်။ ဖနောင့် အရေပြား များတွင် အက်ကွဲကြောင်းများ ဖြစ်ပေါ် လာသည်ကို တွေ့ရမည် ဖြစ်သည်။ လယ်များတွင် ပပ်ကြားအက် သကဲ့သို့ ကိုယ်ခန္ဓာ အရေပြားတွင် အက်ကွဲရာများ ပေါ်လာသည်ကို တွေ့ရမည် ဖြစ်သည်။
အသက်ကြီး လာလျှင် လေဆက် စေရန် အခါး စားပေးရမည် ဟု ရှေးလူကြီး များက ဆိုသည်။ အခါး ဟူရာတွင်လည်း နှစ်မျိုးရှိသည်။

''ပူခါး'' နှင့် ''အေးခါး'' ဟူ၍ အာယုဗေဒ ဆေးကျမ်း များတွင် တမာအခါး ကို လည်းကောင်း၊ မုရားကြီးရွက် အခါးကို လည်းကောင်း၊ တောင်မရိုး အခါး ကိုလည်းကောင်း ဝါး၍လျှာဖြင့် စမ်းသပ် ကြည့်သော အခါ ''အပူခါး'' အရသာကို တွေ့ရမည် ဖြစ်သည်။ တမာအခါး ကား ပိုးကို နိုင်သည်။ တောင်မရိုး အခါးကား အဖျားကို နိုင်သည်။ မုရားကြီးရွက် အခါးကား ပန်းနာချောင်းဆိုး နှင့် အဆုတ်နာ ရောဂါအမျိုးမျိုး တို့ကို နိုင်သည် ဟု ကျမ်းက ဆိုသည်။

ခွေးတောက်ရွက် သည်လည်း ပူခါးမျိုး ဖြစ်သည်။ လူကြီးများတွင် ဖြစ်သော အညောင်းများ သည့် ပါဒရက်ရောဂါ အမျိုးမျိုးကို နိုင်သဖြင့် ခွေးတောက်ရွက် ဟင်းချိုကို ကြက်ရိုးဖြင့် ချက်၍ ရှေးက ဆရာကြီးများ က ဓာတ်စာ ပေးသည်ကို တွေ့ရဖူးသည်။ စာရေးသူတို့ မိဘများသည် ကျေးဇူးရှင် ဗန်းမော် ဆရာတော်ကြီး စာဝါချ၍ အညောင်း အကိုက် များသည့် အခါတိုင်း ချက်၍ ဆက်ကပ် ရသည်ကို အမှတ်ရ ဖူးသည်။
ရှေးကလူကြီး များသည် လက်ဖက် စစ်စစ်ကို နှမ်းဆီဖြင့် စိမ်ပြီး နေ့လယ် ထမင်းစားပြီး တိုင်း နည်းနည်းစီ စားပေး ကြသည်။ လူကြီးများ အတွက် လေဆက်ပြီး အသက်ရှည် စေသော ဆေးဖြစ်သည် ဟု ဆိုသည်။ လက်ဖက်သည် အေးခါး အရသာ ဖြစ်သဖြင့် ပူခါး အရသာ ဖြစ်သွားအောင် နှမ်းဆီဖြင့် စိမ်စားခြင်း ဖြစ်သည်။ အသက် ရာကျော် ရှည်သော ဘိုးဘွားများသည် ဤ ဓာတ်စာကို စားခဲ့ကြ သည်ဟု မှတ်သားရ ဖူးသည်။

''လေမသက် အနေခက်၊ လေမစုန်ငွေကုန်'' ဟု ရှေးလူကြီးများ ပြောကြသည်။ လူကြီးများ အတွက် ကျန်းမာရေး မှာ လေ က အရေးအကြီးဆုံး ဖြစ်သည်ဟု ဆိုသည်။ လေလည်ခြင်းကို ရှက်စရာဟု ယူဆ ကြ သော်လည်း လေလည် နေသည့် လူကြီးများမှာ ကျန်းမာ နေသည်ကို တွေ့ရပေသည်။ ဆေးပညာ အရလည်း အသက် (၆၅) နှစ်ကျော်လျှင် လေအရွယ် ရောက်ပြီ ဖြစ်သဖြင့် လေဆက်မည့် ဓာတ်စာများ စားပေး သင့်ကြောင်း တင်ပြ လိုက်ရ ပေသည်။

ဆရာ ကြည်မြင့်လွင် (မုဒြာ)

19/03/2025

#တန်ဖိုးရှိတဲ့ ကန်စွန်းရိုးနီပြုတ်ရည်/ ဆေးဖက်ဝင် ကန်စွန်းရိုးနီ

ငွေကုန်သက်သာကာ ခန္ဓာကိုယ် အတွက် အကျိုးများစေတာ မသိကြတဲ့သူတွေများလို့ မျှဝေပေးချင်ပါတယ်။

သွေးသားသန့် ကိုယ်တွင်းအပူကင်း အသားအရည်ပါကြည်လင် လာစေတာပါ ကျားမ မရွေး သောက်လို့ရပါတယ်။

တပတ်အနည်းဆုံး ၂ ရက် ၃ရက် လောက်သောက်ပေးသင့်ပါတယ်။ နေ့တိုင်းသောက်နိုင်ရင်တော့ ပိုကောင်းတယ်

ကန်စွန်းရိုးနီကို ဆားရည်နဲ့ သေချာဆေး၊ မန်ကျည်းသီး၊ ဆား အနည်းငယ်၊ ထန်းလျက်ထည့်၊ အနည်းဆုံး ၂စီးလောက်ပြုတ်တယ် ရေမြုပ်အောင်ထည့် ဆူလာရင် ကန်စွန်းရိုးနီတွေ တဖက်ကို လှန်ပေး အနည်းဆုံး မိနစ် ၂၀လောက်တည်တယ်။ မနက် တခွက်၊ အိပ်ခါနီး အစာနဲ့ဝေးချိန် တခွက်သောက်ပေးပါ။

ကန်စွန်းရိုးနီ၏ အကျိုးအာနိသင်များ

၁။ ကန်စွန်းရွက်ရည်ကို မီးလောင်နာ၊ ရေငတ်နာ၊ ဆီးနှင့်ပက်သက်သည့် အဖျားရောဂါများ ပျောက်ရန်အတွက်လည်းကောင်း၊ အဆိပ်အတောက်ပြေစေရန် အတွက်လည်းကောင်း သုံး၏။

၂။ အရွက်ကို ဟင်းချက်စားသော် သွေးဝမ်းရောဂါပျောက်၏။

၃။ဆီးအိမ်တွင် ဆီးရှိပါလျက် ဆီးမထွက်ခြင်းနှင့် ဓမ္မတာလွန်ခြင်း ရောဂါအတွက် ကန်စွန်းရွက်ကို ဘူးရွက်၊ မန်ကျည်းရွက်တို့နှင့် အမျှကြိတ်၍ ဆန်မှုန့်ညက်ညက်နှင့်ဖျော်ပြီး ဆီးခုံပေါ်တင်ထားပါက ၁၅ မိနစ်အတွင် ဆီးကျဆင်း၏။ ဓမ္မတာလွန်ခြင်းလည်း ရပ်တန့်စေ၏။

၄။ ကန်စွန်းရွက်ကို ပြုတ်သောက်ပါက ရင်ပြည့်ဝမ်းကျရောဂါပျောက်၏။

၅။ ကန်စွန်းရွက်ကို ထန်းလျက်၊ မန်ကျည်းမှည့်နှင့် ဆားထည့်၍ ကျိုသောက်က ဆီးကျောက် တည်ခြင်းနှင့်တကွ ဆီးရောဂါ ဟူသမျှ ပျောက်၏။

၆။ ငန်းမန်းရှိသောအနာကို ဘူးရွက်များနှင့်ရောစပ်၍ ရေစိမ်ပြီးအနာကို ဆွတ်လိမ်းခြင်းအားဖြင့် ငန်းမန်းကျစေနိုင်၏။
crd
#မြတ်သီတာတိုင်းရင်းဆေး

18/03/2025

#ထမင်းစားပြီးနောက်မလုပ်သင့်သည့်အချက်၈ချက်

#သတိထားရမှာပါ

(၁) ဆေးလိပ် မသောက်ပါနဲ့။

ထမင်းစားပြီးနောက် ဆေးလိပ် ၁-လိပ်သောက်တာက သာမန်အချိန် ဆေးလိပ် ၁၀-လိပ်သောက်ခြင်းနှင့် ညီမျှပြီး၊ ကင်ဆာ ရောဂါဖြစ်နိုင်ချေ အလားအလာပိုများကြောင်း ဆေ:သိပ္ပံပညာရှင်များက သတိပေးထားပါတယ်။

(၂) သစ်သီးများ အလျင်စလို မစားပါနဲ့။

ထမင်စားပြီးနောက် အချိုပွဲ သစ်သီးစားခြင်းက မှားယွင်းသော အစဉ်အလာ တစ်ခုဖြစ်ပါတယ်။ အမှန်အားဖြင့် ထမင်းစားပြီးပြီးချင်း သစ်သီးစားခြင်းက လေပွစေပြီး၊ အစာအိမ် ကို ဘေးဥပါဒ်ဖြစ်‌စေပါတယ်။

ဒါကြောင့် ထမင်းစားပြီး အနည်းဆုံး နာရီ၀က်ခန့် ကြာမှ သာ သစ်သီး စားသင့်ပါတယ်။

(၃) လ္ဘက်ရည် မသောက်ပါနဲ့။

လ္ဘက်ရည် အချိုခြောက် ထဲတွင် အက်ဆစ်ဓာတ် အမြောက်အများ ပါရှိပြီး၊အဲ့ဒိအက်စစ်ဓာတ်တွေက ထမင်း၊ဟင်းထဲမှာ ပါရှိတဲ့ ပရိုတင်း‌တွေကို အနှောက်အယှက်ပေးပြီး အစာချေဖျက်မှု ကိုလည်း ဟန့်တားစေပါတယ်။

(၄) ခါးပတ်ကြိုး မလျော့ပါနဲ့။

ထမင်း စားပြီးပြီးချင်း ခါးပတ်ကြိုး (သို့မဟုတ်) ပုဆိုး၊ လုံချည်လျော့၀တ်ခြင်းက အူသိမ် အူမ တို့ကို လိမ်ခေါက်ပြ အူလမ်းကြောင်း ပိတ်ဆို့ခြင်းကို ဖြစ်စေပါတယ်။

(၅) ရေမချိုးပါနဲ့။

ထမင်းစားပြီးနောက် ရေချိုးခြင်းက လက်/ခြေထောက်
နှင့် ခန္ဓာကိုယ်တစ်ခုလုံးရှိ သွေ: လည်ပတ်စီးဆင်းမှု့ကို တိုးပွားလာပြီး၊ အစာအိမ်တဝိုက် သွေ:လည်ပတ် စီးဆင်းမှု့ကို လျော့ကျစေတာကြောင့် အစာအိမ်ကောင်းစွာ အလုပ် မလုပ်နိုင်တော့ပါဘူး။

(၅) ရေမချိုးပါနဲ့။

ထမင်းစားပြီးနောက် ရေချိုးခြင်းက လက်/ခြေထောက်နှင့် ခန္ဓာကိုယ်တစ်ခုလုံးရှိ သွေ: လည်ပတ်စီးဆင်းမှုကို တိုးပွားလာပြီး၊ အစာအိမ်တဝိုက် သွေ:လည်ပတ် စီးဆင်းမှု့ကို လျော့ကျစေတာကြောင့် အစာအိမ်ကောင်းစွာ အလုပ် မလုပ်နိုင်တော့ပါဘူး။

(၆) အမြန် လမ်းမလျှောက်ပါနှင့်။

ထမင်းစားပြီးချင်း ခပ်သွက်သွက် လမ်းလျှောက်ခြင်း က ဗိုက်အောင့်စေတတ်ပြီး၊ ထမင်း ဟင်း ထဲမှပါ၀င်သော အာဟာရ စုပ်ယူရန် အတွက် အစာချေ စနစ်ကို အနှောက်အယှက်ဖြစ်စေတတ်ပါတယ်။

(ထမင်းစားပြီး ငြိမ်ငြိမ် ထိုင်နေရမည်လို့တော့ မဆိုလိုပါဘူး) ကျန်းမာရေး နဲ့ ညီညွတ်စေဖို့အတွက် ထမင်းစားပြီး အနည်းဆုံး ၁၅-မိနစ်ခန့် မတ်တပ် ရပ်နေပါ (သို့မဟုတ်) ဖြည်းဖြည်း မှန်မှန်လမ်းလျှောက်ပါ။

(၇) မအိပ်ပါနဲ့။

ထမင်းစားပြီး ချက်ချင်း လှဲအိပ်ခြင်းက အစာကောင်းစွာ မကျေညက်စေတော့ဘဲ၊ အစာအိမ်ရောဂါဖြစ်စေတဲ့အပြင်၊ အူ တွေ ကို ကူးစက်ရောဂါပို ၀င်စေပါတယ်။

(၈) အားကစား မလုပ်ပါနဲ့။

အားကစား မလုပ်ခင် အနည်းဆုံး နာရီ၀က် မှ အများဆုံး ၂-နာရီ ခန့်ကြိုတင်၍ ထမင်းစားထားပါ။ထမင်းစားပြီးပြီးချင်း အကြောဆွဲခြင်း (သို့မဟုတ်) ရုတ်တရက်နှလုံးခုန် ရပ်တန့်ခြင်း (သို့မဟုတ်) အသက်‌သေ ဆုံးတဲ့အထိ ဖြစ်စေနိုင်ပါတယ်။
Crd
#မြတ်သီတာတိုင်းရင်းဆေး

08/03/2025

ဖြည့်စွက်စာတွေဝယ်မသောက်နိုင်လျှင်
သော်လည်းကောင်း/ကျောက်ကပ်ထိမှာစိုး၍
ဆေးအများကြီးမသောက်ချင်လျှင်သော်လည်းကောင်း…
ဆရာမကြီး ဒေါက်တာ ဒေါ်ခင်နွယ်ဝင်းက
(To A Better Health)
သဘာဝနည်းလေးတွေကို ဒီလို ပြောပြထားပါတယ်။
🍀🍀🍀🍀🍀🍀🍀🍀🍀🍀🍀

📍၁. Vitamin D အတွက် မနက်ခင်း နေရောင်ခြည်
ခံပေးပါ။ နေပူထဲမှာ နာရီဝက်လောက်နေပါ။
အိမ်အပြင်ထွက်ရမှာဖြစ်ပါတယ်။
အိမ်ထဲမှာနေပြီး လှမ်းမရပါ။
အိမ်ပြင်မှာ Ultra Violet B ray
ရနိုင်လို့ ဖြစ်ပါတယ်။
Vitamin D ရဖို့ B ray လိုပါတယ်။
အိမ်ထဲမှာ ပြတင်းပေါက်ကနေတဆင့် ရသော
နေရောင်ခြည်မှာ A ray သာ ဖြစ်ပါတယ်။
B ray က ပြတင်းပေါက်ကို မဖောက်နိုင်ပါ။
A ray က Vitamin D မလုပ်နိုင်ပါ။

📍၂. အပြင်ထွက်ရင်း တလက်စတည်း မြေကြီးဓာတ်ကိုပါ
ယူလိုက်ပါ။ မြေကြီးမှာ Electron ဓာတ်တွေ
အများကြီးရှိတာကတစ်ကြောင်း၊ သူတို့တွေက
ဝါယောဓာတ်တွေ ဖြစ်တာမို့ ရွေ့လျားနိုင်ပါတယ်။
များတဲ့နေရာကနေ နည်းတဲ့နေရာကို
ရွေ့လျားတတ်တာကြောင့် မြေကြီးကနေ
ခန္ဓာကိုယ်ထဲကိုဝင်နိုင်ပါတယ်။
စိုနေတဲ့မြက်ခင်းဆိုရင် အင်မတန်
သင့်တော်ပါတယ်။
အစိုဓာတ်ရှိရင် စီးဝင်ခြင်းဟာ ပိုပြီး
ထိရောက်ပါတယ်။
ဖိနပ် မစီးရပါ။ ဒီ Electron ဓာတ်ဟာ ခန္ဓာကိုယ်
ယောင်ကိုင်းခြင်းကို သက်သာစေနိုင်ပါတယ်။
သဘာဝ Antioxidants တွေ ဖြစ်ပြီး
သွေးကိုလည်း ကျဲစေတတ်တာကြောင့်
လေဖြတ်ထားသူများ၊
နှလုံးသွေးကြောပိတ်သူများ အတွက်
အလွန်သင့်တော်ပါတယ်။

📍၃. D3 နဲ့ အတူသောက်ခိုင်းတဲ့ Vitamin K2 ကို
သဘာဝနည်းနဲ့ အရယူကြရအောင်။
- ရှမ်းတို့ဖူး (Natto) (Plant based MK7)
- ကလီစာဟင်း (Animal based MK4 )
- ကြက်ဥအနှစ် (Animal Based MK4)

📍၄. Probiotics အလှမ်း မမှီနိုင်ရင်
- ချဉ်ဖတ် စားပါ။
- ဒိန်ချဉ် စားပါ။
- ဗမာအချဉ်ရော၊ ရှမ်းချဉ်ရော အလွန်
ကောင်းပါတယ်။

📍၅. နနွင်းကို ( အုန်းဆီ/သံလွင်ဆီ ) နဲ့ သောက်ပါ။

📍၆. အသီးအနှံနှင့်အစိမ်းရောင်အရွက် များများစားပါ။

📍၇. အရိုးပြုတ်ရည် သောက်ပါ။
( ကြက်ရိုး၊ အမဲရိုး၊ ဆိတ်ရိုး..)

📍၈. ရှားစောင်းလက်ပတ် စားပါ။
အူလမ်းကြောင်းပြုပြင်ရေးအတွက်
ကောင်းပါတယ်။

📍၉. အုန်းရည် သောက်ပါ။
သတ္တုဓာတ်မျိုးစုံရမှာဖြစ်ပါတယ်။

📍၁၀. နွယ်ချိုက အူကျန်းမာရေးအတွက်
ကောင်းပါတယ်။

📍၁၁. ဆားခါးရေ စိမ်ပါ။ Magnesium
အလှမ်းမမှီသူများအတွက်ပါ။

📍၁၂. သစ်ကြားသီး စားပါ။
Plant based Omega3 ရပါတယ်။

📍၁၃. တတ်နိုင်ရင် တစ်ခါတရံ
အဆီများသော ငါး စားပါ။

📍၁၄. အချဉ်ဓာတ် VitaminC ရစေရန် ငရုတ်ပွသီး၊
သံပုရာသီး၊ ရှောက်သီး၊ ဆီးဖြူသီး၊ လိမ္မော်သီး၊
ကျွဲကောသီး၊ မာလကာသီး၊ ကီဝီသီး၊
ဘယ်ရီသီးအမျိုးမျိုး၊ ပန်းဂေါ်ဖီစိမ်း၊
ကင်ပွန်း ချဉ်ချဉ်ပေါင်ရွက် အစရှိသည်
တို့ကို စားသုံအာလူးနဲ့ကန်စွန်းဥတို့မှာလည်း ဓာတ်တွေပါဝင်ပါတယ် )

📍၁၅. Zinc ဇင့်ဓာတ်ရရှိစေရန် ပင်လယ်စာနဲ့
အနီရောင်အသားများ၊ ကြက်ဥ၊ နို့နှင့်နို့ထွက်
ပစ္စည်းများ၊ အုတ်ဂျုံ၊ ပဲအမျိုးမျိုး၊ မှို၊ ကညွတ်၊
ကိုက်လန်၊ ရုံးပတီသီး၊ ပန်းပွင့်စိမ်း၊ ဟင်းနုနယ်၊
ပြောင်းဖူးစသောဟင်းသီးအရွက် များနှင့်ကွာစေ့၊
ဖရုံစေ့ ကဲ့သို့သော အစေ့အဆန်များ စားသုံးပါ။

📍၁၆. Anti-viral အနေဖြင့် ဂျင်း၊ ကြက်သွန်နီ၊
ကြက်သွန်ဖြူ၊ နနွင်း၊သစ်ကြံပိုးများစားသုံးပေး၍
ရေနွေးကြမ်း Green Tea သောက်ပါ။
ရေများများသောက်ပါ။
ကိုယ်လက်လှုပ်ရှား လေ့ကျင့်ခန်းများ နေ့စဉ်
အနည်းဆုံး ၁၅မိနစ် ပုံမှန် ပြုလုပ်ပါ။

crd

03/03/2025

"ခံတက်ပင် (ကတက်ပွင့်)ဆေးဖက်ဝင်ပုံ"

အိမ်ရှေ့တမာ အိမ်နောက်ခံတက် စီးပွားတက်

ဆေးဝင်ပုံ

ခံတက်ပင်ဟာ စားလို့ ရရုံတင်သာမက ဆေးဖက်လည်း၀ငျလှပါတယျ။ အရှင်နာဂသိမ်ဆေးကျမ်းမှာ သူ့ဆေး၀င်ပုံ
ရေးထားပုံက စိတ်၀င်စားစရာ..
အရသာနဲ့ အကျိုးသွား..ခါးသက်၏ ပူ၏ ဝိပါကစပ်၏ ဝမ်းမီးကိုတောက်စေ၏ အနည်းဝမ်းသက်၏၊

ဂုဏ်နဲ့စွမ်းရည်.. ပြေပြစ်၏ သည်းခြေကိုပြုတတ်၏ လေသလိပ်ကိုငြိမ်းစေ၏ ဆီးအောင့်ရောဂါကျောက်တည်
ရောဂါ၊ ဂူလုံး၊ ပါဒရက်၊ ပိုးရောဂါ ၊သွေးဖေါက်ပြန်ခြင်း စသည်တို့ကို ပျောက်စေတတ်၏။ ရောဂါအလိုက်အသုံး
ပြုပုံမှာ ကျပ်တီးနာ၊ သက်တန့်လျောက်နာ၊ အပြင်းဖျား၊ အကိုက်အခဲ အဆစ်ယောင် ဆီးချို ကျောက်တည်ရောဂါ ဆီးအိပ်ရောင် ရောဂါများကိုပျောက်စေတယ်လို့ ဆိုထား
ပါတယ်...

ထို့အပြင်...မြန်မာဆေးကျမ်းများ အလိုအရ ခံတက်သည် ခါးသက်သက်ရှိ၏၊ ပူသောဂုဏ်သတ္တိ ရှိ၏၊ ၀မျးမီး ကို
တောက်စေ၏၊ ၀မျးကိုအနညျးငယျ သက်စေ၏၊ လေနှင့်
သလိပ်ကို ကြေစေ၍ ဆီးအောင့်ရောဂါ၊ ကျောက်တည်
ရောဂါနှင့် သွေးဖောက်ပြန်ခြင်းကို ပျောက်ကင်းစေနိုင်
၏....

အခေါက်အသုံးပြုပုံ

၁။ သက်တန့်နှင့် အနာပေါက်နာတို့၌ အခေါက်ကို ပရန္နဝါ မြစ်နှင့် သွေးသောက်သော် လျင်မြန်စွာ ပျောက်၏...

အရွက်အသုံးပြုပုံ

၁။ အရွက်ကိုကြိတ်၍ ရေနှင့်ဖျော်ပြီး မီးဖြင့် နွေးအောင်
ပြု၍ ကိုက်ခဲနာကျင်ရာ၌ လိမ်းသော် အကိုက်အခဲများ ပျောက်၏...
၂။ ရွက်ကြိတ်ညှစ်ရေနှင့် ကွမ်းရွက်ကြိတ်ညှစ်ရေ ဆတူ
ယူ၍ ထောပတ်နှင့်ရောသောက်သော် အဆစ်ရောင်ရောဂါ ပျောက်၏...
၃။ ခံတက်ချဉ်ထည့်စားခြင်း ၊ သုပ်စားခြင်းဖြင့် လေထိုး
လေအောင့် ရောဂါပျောက်၏...

အမြစ်အသုံးပြုပုံ

၁။ အမြစ်ခေါက်ကို ၄ ခွက် တစ်ခွက်တင် ပြုတ်သောက်
သော် ဆီးချို ၊ ကျောက်တည်ရောဂါ ပျောက်၏... ယင်းပြုတ်ရည်တွင် ကြံသကာ ရောသောက်သော် ဆီးအိမ်
ရောင်ရောဂါနှင့် ကျောက်တည်ရောဂါ ပျောက်၏...
၂။ အမြစ်ကို အပြင်းဖျားရောဂါကုဆေး၌လည်း ထည့်
သွင်းအသုံးပြု၏...

ခံတက် ရွက်နုများကိုခူးပြီး ငါးပိရေကြိုနှင့် တို့ကာစားနိုင်သည်၊ အများစုက ခံတက်ချဉ်ကို သုပ်စားကြသည် အချို့
ကမူ ခံတက်ချဉ်ကို ဝက်သား ကြက်သားများနှင့် ရောကာ ချက်စားကြသည်၊ "စျေးမှာခံတက်ချဉ်ဆိုပြီးသင်္ဘော
လက်ပံ(လဲမှို့)ရွက်ကိုပုံမှားရိုက်ရောင်းတတ်တယ်" ဆိုတာကြောင့် ခံတက်ချဉ် စစ်စစ်ဟာ အညာရဲ့ဒေသအစာဆိုတာ
ထင်ရှားတယ်...

ခံတက်ပင်တွေရဲ့ မူရင်းဒေသများက India, China, Bangladesh, Sri Lanka, Burma, Thailand, Cambodia, Laos, Indonesia, နဲ့ Malaysia နိုင်ငံတို့ဖြစ်ကြပါတယ်..
crd

01/03/2025

#သွေးကြောအတွင်း ပိတ်ဆို့နေသော အဆီများ
ကျစေဖို့အတွက်...
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎

သွေးကြောထဲမှာပိတ်ဆို့နေတဲ့ အဆီတွေကို ဖြေရှင်းပေးတဲ့ နည်းလမ်းကို တစ်ပတ်လောက် သောက်သုံးပြီးတဲ့အခါမှာ ခန္ဓာကိုယ်က ပြောင်းလဲလာပါတယ်။ ကျန်းမာရေး ပိုမိုကောင်းမွန်လာတာကို သတိထားမိပြီး လမ်းလျှောက်ရတာ ပိုမိုလွယ်ကူလာပါတယ်။ ပြုလုပ်ရတာ လွယ်ကူပြီး အိမ်မှာရှိတဲ့ ပစ္စည်းတွေနဲ့ ပြုလုပ်နိုင်ပြီး ရှာဖွေရတာ မခက်ခဲပါဘူး။

ပါဝင်ပစ္စည်းများ

1. ဂျင်း 10 ချပ်
2. ကြက်သွန်ဖြူ 5 မွှာ
3. သံပရာ 1 လုံး
4. ပျားရည် 1 ဇွန်း
5. ဆိုဒါ 1 ပုလင်း

ပြုလုပ်နည်း

ဂျင်းနဲ့ ကြက်သွန်ဖြူကို ထောင်းပြီး (သို့) ကြိတ်ပါ။ ကြိတ်ပြီးသွားရင် ဖန်ခွက်ထဲထည့်ပါ။ သံပရာသီး 1 လုံးကို ညှစ်ထည့်ပါ။ ပျားရည် 1 ဇွန်းထည့်ပါ။ ပြီးရင် ဆိုဒါထည့်ပါ။ အားလုံးကို ကောင်းစွာမွှေပြီး 5 မိနစ်လောက် ထားထားပါ။ ပြီးရင် အရည်ကို စစ်ယူပါ (သို့) အရည်နဲ့အတူ အနှစ်ကိုပါ သောက်သုံးနိုင်ပါတယ်။

သောက်သုံးနည်း

တစ်နေ့ကို 1 ခွက် သောက်ပါ။ အစာမစားခင် (သို့) အစာစားပြီး သောက်နိုင်ပါတယ်။ တစ်ပတ်လောက် သောက်ပြီးရင် ကျန်းမာရေး ပိုမိုကောင်းမွန်လာတာကို သတိထားမိလာပါလိမ့်မယ်။ ဒီသဘာဝဆေးကို သောက်သုံးခြင်းဖြင့် သွေးထဲက အဆီဓာတ်ကို လျှော့ချပေးနိုင်ပါတယ်။ သွေးကြောပိတ်ဆို့နေသူတွေ၊ သွေးကြောကျဉ်းနေသူတွေ ဒီနည်းလမ်းကို သောက်သုံးပါက ကျန်းမာရေး ပိုမိုကောင်းမွန်လာပါလိမ့်မယ်။

ဒါ့အပြင် ကိုယ်ခံအားကို မြှင့်တင်ပေးပြီး ဗိုက်အောင့်ဗိုက်နာတာတွေ၊ အန်ချင်စိတ်တွေကို သက်သာစေနိုင်ပါတယ်။

လုပ်ပြီးစမ်းသောက်ကြည့်ပါ။
crd
#ကျန်းမာရေးဗဟုသုတ

မြတ်သီတာ တိုင်းရင်းဆေး

23/12/2025

21/12/2025

02/11/2025

04/10/2025

27/04/2025

20/04/2025

24/03/2025

19/03/2025

18/03/2025

08/03/2025

03/03/2025

01/03/2025

Address

Telephone

Website

Alerts

Shortcuts

Share

Category