What are the opening hours?

Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00 Saturday 09:00 - 17:00 Sunday 09:00 - 17:00

https://www.youtube.com/@Universe651

Han Thi Zin, Mandalay (2025)

31/07/2025

🌟 ကိုယ့်ရဲ့ဒဏ်ရာတွေကိုရှာဖွေ ပျော်ရွှင်ခြင်းသို့ ပြောင်းလဲနိုင်သူတွေ ထူးခြားမှုများ ရလိမ့်မယ် 🌟
🌟 မိမိကိုယ်ကို ကောင်းစွာ စောင့်ရှောက်ခြင်းသည် လောကကို အကျိုးပြုခြင်းတစ်မျိုးလို့ လက်ခံရှင်သန်နေသူတွေ အေးချမ်းရလိမ့်မယ် 🌟

So Soul
💖

30/07/2025

အခု လိုနေတဲ့ mesaage .....

💖 မေတ္တာတရားရဲ့ အေးမြနွေးထွေးမှုကို
ခံစားရမယ့်အချိန်ပါ
💖 မကောင်းတဲ့သူတွေရဲ့ ဝေးဝေးပြေးဖို့ထက်
သူတို့ကို ဘယ်လို ထိပ်တိုက်ရင်ဆိုင်ပြီး ကိုယ့်ရဲ့ ကောင်းတဲ့ energy ကို ကာကွယ်မလဲဆိုတာ
သင်ယူရလိမ့်မယ်
💖 သွေးသားတော်စပ်ခြင်း သံယောဇဉ်တွေထက် စိတ်နှလုံးသားတူသူတွေနှင့် ပိုနီးစပ် နေထိုင်ဖြစ်လိမ့်မယ်
💖 လူတွေရဲ့ အလိုမကျခြင်းဟာ ကိုယ့်တာဝန် မဟုတ်ဘူးဆိုတာကို ကိုယ့်ရဲ့ inner child လေးကို သေချာ ရှင်းပြပေးပါအုံး
💖 လူတော်လူကောင်း လို့ အမြင်ခံရဖို့ထက် ပျော်ရွှင်ရတဲ့သူ ဖြစ်ဖို့ အရေးကြီးတာလဲ မမေ့ပါနဲ့အုံး
💖 ခေါင်းအုံ ခေါင်းမူး ခေါင်းကိုက် တာတွေ ဖြစ်နေရင်
စပါးလင် (lemongrass) ဖျော်ရည်လေး သောက်ကြည့်ပါ
ရေမချိုးခင် ဆားနင်းကြည့်ပါ
အသက်ဝဝ ရှုပေးပါ
💖 ကိုယ့်ကို ပူလောင်စေသူတွေဟာ အရင်းနှီးဆုံးတွေ ဖြစ်နေပါစေ လွှတ်ချလိုက်ဖို့ ဝန်မလေးပါနဲ့လေ
💖 ကိုယ့်ကိုယ်ကို ဒီ့ထက်ပိုပြီး ထပ်ချစ်ပေးပါအုံး

So Soul
🌟

30/07/2025

🌟 ငွေ ကို ချစ်တဲ့အကြောင်းလေး ပြောပြီး ကောင်းသောဆွဲငင်အားတွေ ဖန်တီးကြရအောင် ✨
🌟 စိတ်ညစ်နေလည်း မထူးတဲ့ဘဝမှာ ပျော်အောင်နေကြည့်ကြပါလား ✨

So Soul
💸

29/07/2025

✨ ငွေကြေး အခက်အခဲများမှ လွတ်မြောက်ရတော့မယ် 🌟
🌟 ၁ကျပ်မှစလို့ ရှိနေသော ငွေလေးတွေကို ဒီနေ့ ကျေးဇူးတင်ကြမယ် ✨

So Soul
💛

28/07/2025

ဘယ်နေရာသွားသွား ဝတ်ချင်တာကို
ဘာအကြောင်းပြချက်မှ ပေးစရာမလိုဘဲ
ဝတ်ချင်သလိုဝတ်ပြီး သွားလာခွင့်ရတာကိုက
လွတ်လပ်ခြင်းရဲ့ အနှစ်သာရတစ်ခုပါပဲ

စပန့် is the best ပါပဲ !!
လုံခြုံတယ် စတိုင်ကျတယ် အေးမြတယ်
တစ်ကိုက်မှ ၆,၀၀၀ ကျပ်ပေးရတဲ့ စပန့်ကို ကြိုက်သလို ချုပ်ဝတ်ထားပြီး အင်မတန် သဘောကျ ယုံကြည်မှုတွေရှိ နှစ်သက် မြတ်နိုး ပေါ့ပါး လွတ်လပ် လွင့် ထွင့် ဟွင့် ပဲ

ကိုယ့်ကိုယ်ကို ယုံကြည်မှု ရှိဖို့ဆိုရင်
ကိုယ့်လုပ်နေသမျှကို ယုံကြည်စွာနှင့်
လုပ်နေဖို့ပဲ လိုတာပါလေ

So Soul
♥️

28/07/2025

🌟 အမုန်းမြို့ရဲ့ အဝေးမှာ ရှင်သန် ရတော့မှာ 🌟

✨ မေတ္တာစကားများ မျှဝေရင်း ဒီနေ့သစ်ကို မင်္ဂလာရှိစွာ စတင်လိုက်ကြရအောင်လား ✨

So Soul
🦋

27/07/2025

သို့ .... ချစ်လှစွာသောတို့ရေ
ကျွန်မ ကွဲစေ ပေါင်းစေ ရန်များနေစေ
ယတြာ အစီိအရင်များ မလုပ်ပေးပါရှင်

ကျွန်မ ဗေဒင်ဟောတဲ့အခါ
လူတွေ ပစ္စုပ္ပန်ကို အကျိုးရှိစွာအသုံးချပြီး
အနာဂတ်ကို လှပစွာ ကိုယ်တိုင် ဖန်တီးနိုင်ဖို့
ရည်ရွယ်ပြီး ဟောပါတယ်

ဗေဒင်မေးသူတွေ ဗေဒင်ပညာကို
အမှီပြုပြီး အခြား ပြင်ပအားကိုးရာရှာကြမှာ
ကျွန်မ မဖြစ်စေချင်ဆုံး အရာတစ်ခုပါ
သူ့ အားကိုးလို့ လာမေးခါမှ
" မိမိကိုယ်သာ ကိုးကွယ်ရာ" လို့
ဇွတ်ပြောနေတော့ မကြိုက်တာလဲ
ဖြစ်နိုင်တာကို နားလည်ပါတယ်

ဘယ်သူ့အတွက်မှ ကျွန်မသည်
ကယ်တင်ရှင် မဟုတ်နိုင်ပါ လုပ်လဲမလုပ်ပါ
ကိုယ့်အတွက် ကယ်တင်ရှင်ဟာ ကိုယ်ပဲ
ဆိုတာကို သိမြင်လာ လက်ခံနိုင်လာဖို့သာ
တတ်စွမ်းသရွေ့ သုံးသပ် အကြံပေး
မျှဝေဆွေးနွေးပါတယ်

လူတွေရဲ့ ကံအကြောင်းအမျိုးမျိုးကြောင့်
ဖြစ်လာသော ပေါင်းသင်းရခြင်း
ကွဲကွာရခြင်းတွေကို ဘယ်အားကိုမှ
သုံးပြီး ဝင်မစွက်ဖက်ပါ မပြောင်းလဲချင်ပါ
ဒါတွေဟာ ရလာလဲ ခဏပဲဆိုတာ
အတွေ့အကြုံရ မြင်လာရတာမို့ပါ

ဗေဒင် စဟောစဉ်ကတော့ လာမေးသူက
တရားဝင် ဇနီးမယား (မယားကြီး) ဆိုရင်
"ယောကျာ်း ပြန်လာစေ" "မယင ထွက်ပြေးစေ "
စသဖြင့် ယတြာလုပ်ပေး ကူညီပေးပါတယ်
စွမ်းခဲ့ပါတယ် မယင တွေလဲ ပြေးကြပါတယ်
ဒါပေမယ့် ကာယကံရှင်တွေရဲ့ကြားက
ကံအကြွေးတွေကို မှန်သောနည်းလမ်းနှင့်
ချေဖျက်တာမဟုတ်လို့ ဒီ မယင ပြေးရင်
နောက် မယင ထပ်ပေါ်လာပြန်ပါတယ်
အခုနောက်ပိုင်းတော့ ဒါမျိုးကိစ္စဆို
ဘယ်လို ရပ်တည်မှုမျိုးအတွက်မှ
မလုပ်ချင်တော့လို့ မလုပ်ပေးပါဘူး

ကိုယ်စီပါလာတဲ့ ကံအကြွေးတွေကို
ချေဖျက်နိုင်မယ့် နည်းလမ်းကိုပဲ
အကြံပေး လမ်းညွှန်ဖြစ်ပါတော့တယ်
ဒီနည်းက ကိုယ့်အားကိုယ်ကိုးရတာ ဖြစ်လို့
အများစုတော့ သိပ်မကြိုက်လှပါဘူး
လိုက်လုပ်နိုင်သူတွေတော့ တကယ်
အကျိုးထူး လက်တွေ့ခံစားကြရပါတယ်

လူတွေရဲ့ သံသရာအကြောင်းရင်းမြစ်တွေကို
ကိုယ် မှ အကုန်အစင် မသိမမြင်နိုင်ပဲလေ
ကိုယ့်ရဲ့ အမှန်ဆိုတာဟာလဲ
ဘယ်လောက် မှန်နိုင်မှာမို့လို့လဲ
ဆိုတာ တွေးလာမိတယ်

ကွဲဖို့ ပေါင်းဖို့ ခွာပြဲဖို့ ယတြာတွေ
ဆရာသမားများက သင်ပေးထားသလို
ကိုယ်တိုင်လဲ လေ့လာထားလို့ ကျွမ်းကျင်
တတ်မြောက်ပါတယ်
မလုပ်ပေးရင် ကိုယ့်ကို မတတ်ဘူးထင်မှာထက်
ကိုယ့်ကို ဗေဒင်ဟောသူအဖြစ်
မွေးထုတ်ပေးလိုက်တဲ့ ဆရာသမားကို
ပညာအစုံ မသင်ပေးလိုက်ဖူး ထင်မှာစိုးလို့
တခါတည်း ရှင်းပြလိုက်တာပါ

ဒီယတြာတွေဟာ ငွေ အင်မတန်ရတဲ့လမ်း
ဖြစ်တာလဲ ကောင်းစွာ သိပါတယ်
ဒါပေမယ့် ဒီလို ရလာတဲ့ငွေဟာ
သံသရာကြောကို ရှည်သထက်ရှည်စေပြီး
တမေ့တမောမျောပါ ကံအကြွေးတွေ ဆပ်ရဖို့
ဖြစ်စေနိုင်လို့ ဆန္ဒကို အကျင့် အသိ နှင့်
ထိန်းလိုက်ရတဲ့သဘောပါပဲ

ဗေဒင်တွေမေးလိုက်လို့
ကျန်းမာရေးအညံ့ရှိတယ်ဆိုရင်
သီလဆောက်တည်မှု များများ ပြုလုပ်ပေးပါ

ဥစ္စာ ဓန ပစ္စည်းတွေပျက်စီးဖို့
ကံဆိုးတွေ ကြုံဖို့ရှိနေတယ်ဆိုရင်
စင်ကြယ်သော ဒါနတွေ များများ ပြုလုပ်ပေးပါ

ချစ်ခြင်းမေတ္တာနှင့်ပတ်သတ်လို့
ကံအားနည်းတယ်ဆိုရင်
စစ်မှန်သောမေတ္တာများကို
ဖြန့်ဝေနိုင်သူဖြစ်အောင် ကြိုးစားပါ
မေတ္တာဘာဝနာပွားများပါ
ကျေးဇူးတရားနှင့် ရှင်သန်တတ်အောင်
ကြိုးစားပါ

ကံဆိုး၊ကံညံ့ အားများနေတယ်
လာဘ် လာဘ တွေပိတ်နေတယ်ဆိုရင်
ဥပုသ် သီလ ဆောက်တည်ခြင်း
ဝိပဿနာ ပွားများအားထုတ်ခြင်း
စိတ်နှလုံးသားစင်ကြယ်အောင်
သတိကပ်၍ နေထိုင်ခြင်း ကြိုးစား ပြုလုပ်ပါ

ဒါတွေကို အဓိက ပြုလုပ်ပြီးရင်တော့
တတ်ကျွမ်း နားလည်သော ပညာရပ်အရ
ညွှန်ကြားသော ယတြာပြုလုပ်လိုက ပြုလုပ်ပါ

လူတစ်ယောက်ရဲ့အတိတ် ကံ နှင့်
ယခုလက်ရှိ ပစ္စုပန်မှာ မိမိလုပ်နေသော
အလုပ်တွေရဲ့အားတွေ ပေါင်းစပ်ပြီးမှသာ
အနာဂတ်အကျိုးပေးဟာ ဖြစ်ပေါ်လာတယ်လို့
ကျွန်မကတော့ လက်ခံထားပါတယ်

ဗေဒင်မေးလို့ အခြေအနေ
အကြောင်းအကျိုး အဆိုးအကောင်း
သိလိုက်ပြီးတဲ့အခါမှာ အတိတ်မှာ
ပြုပြီးခဲ့သောအမှားတွေဟာ
ပြန်သွားပြုပြင်လို့ မရတော့ပါဘူး
ယခုလက်ရှိ ကိုယ်ပိုင်ဆိုင်ထားတဲ့ ပစ္စုပန်မှာ
အကောင်းဆုံးကြိုးစားရှင်သန်ခြင်းဖြင့်
ဆိုးနေသော အတိတ်ကံတွေကို ချေဖြတ်နိုင်ပြီး
မသေချာတဲ့ အနာဂတ်မှာ လှပတဲ့နေ့ရက်တွေ
ဖြစ်ပေါ်လာဖို့ အထောက်အပံ့ကောင်းတွေ
ရရှိစေမှာပဲဖြစ်ပါတယ်

ဗေဒင်ကို လက်ခံယုံကြည်ခြင်းဟာ ဘယ်အခါမှာ မှားယွင်းတဲ့ ယူဆချက် ဖြစ်သွားနိုင်လဲဆိုရင်
မိမိမှာ ကြုံတွေ့လာရတဲ့ လောကဓံ တရားတွေ
အဖြစ်အပျက် အကောင်းအဆိုးတွေ အားလုံးသည် ကောင်းကင်မှာရှိနေတဲ့ ဂြိုလ်တွေ နကွတ်တွေ
ကြယ်တွေကြောင့်လို့ မှတ်ယူလိုက်တဲ့ အချိန်ပဲဖြစ်ပါတယ်

မိမိမှာ ဖြစ်နေသော အဆိုး အကောင်းတွေသည်
သံသရာတလျှောက် မိမိပြုခဲ့သမျှအရာရာရဲ့
တန်ပြန်သက်ရောက်မှုဖြစ်ပြီး ဂြိုဟ် နက္ခတ်
ကြယ်တာရာများရဲ့ လည်ပတ်တည်ရှိနေမှုဟာ
ဒါတွေအတွက် အကြောင်းနိမိတ်အဖြစ်
အထောက်အပံ့ ပြုပေးတယ်လို့
ယုံကြည် လက်ခံထားပါတယ်

ဒါကြောင့် ကျွန်မ ဗေဒင်ဟောတဲ့အခါ
လူရယ် စကြာဝဠာရယ် ဂြိုဟ် နက္ခတ်တွေကြားက ဆက်စပ်မှုတွေကို ထုတ်ဖော်ပြပြီး အသုံးချတတ်ဖို့
ကိုယ့်ရဲ့ကံကို ကိုယ်တိုင် ပဲ့ကိုင် ဖန်တီးနိုင်ဖို့ ဆိုတဲ့
ရှုထောင့်ကနေ ဟောဖြစ်ပါတယ်

ကိုယ်တိုင်လဲ လူဖြစ်ရခြင်းဒုက္ခတွေကို
အင်မတန် ကြောက်နေလို့ လွတ်ချင်နေသလို
ဆုံလာရတဲ့ ကိုယ့်လူတွေကိုလဲ လွတ်စေချင်မိတာ
ကိုယ့်ရဲ့ ဉာဏ်မီသလောက် စေတနာပါ

အများရဲ့သောကကို အခြေတည်ပြီး
ကိုယ့်ဆီဝင်လာတဲ့ငွေမှာ ကိုယ့်ကြောင့်ဖြစ်တဲ့
သောကတွေ ထပ်မပါလာရအောင်
အတတ်နိုင်ဆုံး ကြိုးစားနေရတာပါပဲ

ဒီစာဟာ တနည်းအားဖြင့်တော့
personal branding လုပ်တဲ့ ကြေငြာစာပါပဲ
စာဖတ်ပြီး ကြိုက်ရင် လာမေးနိုင်ကြသလို
မကြိုက်ရင်လဲ ကြိုရှောင်သွားလို့ ရတာပေါ့

ဉာဏ်ပူဇော်ကြေးလွှဲပြီးမှ ဒီဆရာမက
ဟိုဟာလုပ်မပေး ဒီဟာလုပ်မပေးဆို
နှစ်ဖက်စလုံး အာရုံနောက်ရတယ်လေ
ပေးရတဲ့ငွေအတွက် စိတ်ကျေနပ်မှုတော့
လူတိုင်းကို ရစေချင်ပါတယ်

ဒါကြောင့် ကျွန်မရဲ့ရပ်ဝန်းထဲလာချင်သူများကို
ကျွန်မ မချိုးဖောက်တဲ့ ethic & rules လေးတွေ
ကြိုတင် ပြောပြထားတာပါ

"ကံ ကံ၏အကျိုး" ကိုနားလည်စွာ
သက်ဝင်ယုံကြည်ပြီး ဗေဒင်မေးခြင်းဖြင့်
သိလာသော ဆောင်ရန်၊ ရှောင်ရန်တွေကို
လိုအပ်သလို အသုံးချတတ်ခြင်းဖြင့်
အသိဉာဏ်အမြင်တွေ မှန်ကန်သောသူများ
ဗေဒင်ပညာရပ်ရဲ့ အနှစ်သာရကို ထိရောက်စွာ
အသုံးချနိုင်သောသူများ ဖြစ်ကြပါ‌စေရှင်

မေတ္တာများကို အစဉ်တန်ဖိုးထားလျက်

So Soul
♥️

27/07/2025

ကိုယ် အသက် (၆၀) လောက်မှာ ဖြစ်နေမယ့် appearance လို့ မြင်ယောင်လိုက်ရင် ဒီလိုမျိုး

သူမ ပုံတွေမြင်လိုက်ရလည်း ဒါ ကိုယ့်ရဲ့
Future Self လို့ပဲ ခံစားနေရတာမျိုး

ဘယ်လိုပဲဖြစ်ဖြစ် သဘောကျမိတဲ့
inspired ဖြစ်ရတဲ့ အမျိုးသမီး ပါပဲ

နေ့တဓူဝမှာ သေးသေးလေးကအစ
ကိုယ့်စိတ်ကို စွမ်းအင်ပြည့်စေတဲ့
အရာတွေ လူတွေကိုပဲ ကြည့်ဖြစ်တယ်

ဘဝကို အကောင်းဆုံး ကြိုးစားရှင်သန်တယ်
လောကဓံတွေကြုံရလဲ ကြေကွဲစရာတွေရှိလဲ
Public မှာ မူရာမာယာ ဒရမ်မာ မများပြဘူး
ကိုယ့် Professional ကို တန်ဖိုးထားပြီး ဒါနဲ့ပဲ
image ကို အဆင့်ရှိရှိ တည်ဆောက်တယ်
အရွယ်တိုင်းမှာ သူ့ အရွယ်အလိုက်
ကျန်းမာ လှပ ပျော်ရွှင်စွာ နေထိုင်တယ်
သူမကို မြင်လိုက်တာနဲ့ ဒီဓာတ်တွေဟာ
ကိုယ့်ဆီ ကူးစက်လာစေတယ်

ကိုယ့်စိတ်ထဲ ဘာတွေ ထည့်မိနေလဲဆိုတာ
အင်မတန် အရေးကြီးတယ်လေနော်

So Soul
♥️

27/07/2025

✨ ရွှေပြည်သစ်ဆီ အေးချမ်းစွာ လျှောက်လှမ်းရတော့မည် 🌟

So Soul
🦋

26/07/2025

" ကင်ဆာ နှင့်အတူ ရှင်သန်ခြင်း နေ့ရက်များ "
March 2023 ကျွန်မအသက် (၃၆)
ဆေးကုဖို့ ငွေ အဆင်ပြေသွားပြီဆိုတော့
ညသန်းခေါင်ကြီး အမေ့ကို နှိုးပြီးပြော
အမေလည်း ပျော်တာပေါ့ လေ
သူ တခါမှ မမြင်ဖူးတဲ့ ကျေးဇူးရှင်ကို
ကျေးဇူးတွေတင်နေလိုက်တာ

ဟန်ကိုယ်ဖို့ နဲ့ ကျွန်မ ငွေရှာရခက်နေလို့သာ
သူ ဆေးမကုဘဲ အသေခံမယ် ပြောနေပေမယ့်
သူလဲ လောကီလူသားမို့လေ
သေမယ့်အရေး တွေးကြောက်မှာပဲ
ဝေဒနာခံစားရမယ့်အရေး တွေးကြောက်မှာပဲ
ကိုယ့်မြေရောင်းပြီး ကုမယ်ဆိုတာတောင်
ခက်ခဲနေရင်းက ဒီလို အဆင်ပြေသွားတော့
အတိုင်းအဆမဲ့ ပျော်တာပေါ့လေ

ဒီမြေဟာ ကျွန်မတို့ ညီအစ်မ (၄) ယောက်ရဲ့
နောက်ဆုံးလက်ကျန် မိဘအမွေပါ
အမေ ဆေးကုဖို့အတွက် ရောင်းမှာကို
မကန့်ကွက်ကြဘဲ လက်ခံပေးကြတဲ့
ကျန် ညီအစ်မတတွေကိုလည်း
ကျေးဇူးတင်မိပါတယ်
သူတို့လည်း သူတို့အမေမို့
လုပ်ပေးသင့်တာ မှန်ပေမယ့်
ဒီခေတ်မှာ ကိုယ်ရမယ့်အမွေကို
မိဘအတွက် လက်လွှတ်ပေးနိုင်တာကလည်း
ကျွန်မ့ ဝန်းကျင်မှာ တွေ့ရခဲလှပါဘိ

အဲ့လိုနဲ့ "သီလရဲ့အစွမ်း" "ဥုံရဲ့အစွမ်း"
"အဓိဌာန်ရဲ့အစွမ်း" "စေတနာရဲ့အစွမ်း"
တွေကြောင့် မိုးကျရွှေကိုယ်လို ကူညီပေးမယ့်
သူ ပေါ်လာတာ ကြုံလိုက်ရတာပါပဲ
လောကမှာ လျှောက်ရမယ့်လမ်းတွေဟာ
ရွေးချယ်ဖို့ အများကြီးရှိနေတာပါ
ကိုယ့်လုပ်ရပ်အရ ကိုယ့်အတွက် လမ်းတွေဟာ
ပေါ်လာပြီး တံခါးတွေပွင့်သွားတာမျိုးပါပဲ

နောက်ရက်မှာ အဲ့ဒီ ပုဂ္ဂိုလ်က
ငွေ သိန်း (၂၀၀) OSC ဆေးရုံမှာ
ကိုယ်တိုင် လာပေးသွားတယ်
ငွေလက်ခံရရှိကြောင်း လက်မှတ်လည်း
ကျွန်မ မထိုးလိုက်ရဘူး
ဘယ်နားမှာ ရှိမှန်းပင်မသိတဲ့မြေကို
ကျွန်မ ပြောတဲ့ဈေးနှင့် ဈေးမဆစ်ဘဲဝယ်
နောက်နေ့ စရံကို ကိုယ်တိုင်လာချပေးပြီး
လက်မှတ်ဘာညာလဲ မထိုးခိုင်းလို့
အံ့ဩမှင်သက်နေတဲ့ ကျွန်မ့အဒေါ်ကို
အဲ့ဒီ့ ပုဂ္ဂိုလ်က ပြုံးပြီး ပြောသွားသေးတယ်
" ခိုင့်ကို ယုံကြည်လို့ ကူညီလိုက်တာပါ" တဲ့
မောပန်းနေရတဲ့ ဘဝနေ့ရက်တွေမှာ
တကယ့် စိမ့်စမ်းရေ သောက်ချလိုက်ရသလို
အမောလည်းပြေ ခွန်အားလည်းတက်
ကျေးဇူးလည်း ပြောမပြတတ်အောင်တင်
တနေ့ ငါလည်း ငါ့လို လိုအပ်နေတဲ့သူတွေကို
ဒီလို ကူညီနိုင်တဲ့သူ ဖြစ်အောင် လုပ်မယ် လို့
တွေးမိတယ် သံဓိဌာန်ချမိ မျက်ရည်ဝဲမိတယ်

( ဒီ ပုဂ္ဂိုလ် ဆိုပြီး အမည် မဖော်ပြတာက
တကယ်က လူသိများတဲ့သူ ဖြစ်ပေမယ့်
သူ့ကိုယ်သူတော့ နာမည်ကြီး ဘာညာမှလည်း
မဟုတ်နေလို့ အဲ့လိုတွေ အရေးခံရရင်
မနေတတ်လို့အမည်မဖော်ပါနဲ့ သမီးရယ်လို့
ပြောထားတာမို့ပါ )

ဓာတ်ရောင်ခြည် မပေးခင်
အမေ စားချင်တာတွေ အဝ ကျွေးဖြစ်တယ်
ဒူးရင်းသီး မင်းဂွတ်သီး အဲ့အချိန်က
သိန်းချီပေးနေရပေမယ့် ဝယ်ကျွေးခဲ့တယ်
ကျွန်မ သူငယ်ချင်းတွေကလည်း
အမေစားချင်တဲ့ ဈေးကြီးပေ့ဆိုတဲ့
အစားအစာတွေ ဝယ်ပို့ပေးကြတယ်
အမေလည်း ဝဖီးတုတ် နေတာပါပဲ

အဲ့လိုနဲ့ ဓာတ်ရောင်ခြည် ပေးဖို့
စတင် ပြင်ဆင်ကြတယ်
ဆေးဆက်သွင်းစရာ မလိုဘဲ
ဓာတ်ကင်ဖို့ပဲ လိုတာလို့
ဆရာဝန်ကြီးက ဆုံးဖြတ်လိုက်တာမို့
ဓာတ်ပဲ ကင်တော့မယ်ပေါ့

အမေ ဓာတ်ကင်ဖို့ စတဲ့ရက်မှာပဲ
ကျွန်မ ပြသနာကြီးတစ်ခုဖြေရှင်းဖို့
မဖြစ်မနေ ခရီးဖို့ ဖြစ်လာတယ်
အပူပေါ် အပူဆင့်တာဖြစ်ပေမယ့်
ဆေးကုဖို့ လုံလောက်တဲ့ငွေ ရှာပေးထားနိုင်ပြီ
အမေ့ပြုစုဖို့ အစ်မ နှင့် ညီမလေးတွေလဲ ရှိနေပြီ
ဒါ အဆိုးထဲက ကျေးဇူးတင်စရာ ပဲလို့
ရှာကြံ ဂရယ်တီကျူ့ရင်း လစ်ထွက်ခဲ့ရတယ်

စနေသက်ရောက် ဘုမ္မိနှစ်ထပ်
ဓာတ်လေးပါးလုံး မညီမမျှ
ဘင်္ဂ မှာ ဂြိုဟ်အိပ် နေပေမယ့်
" အို ဘယ်လောက် အဆိုးကြုံကြုံ "
" ငါ ခြေလက်ခန္ဓာတွေ အကောင်းတိုင်း
ရှိနေသေးတာ ကျေးဇူးတင်စရာပဲ " လို့
ရှာကြံတွေး ဂရယ်တီကျူ့ ရတာပဲ
တွေးတတ်ရင် ကျေနပ်စရာပါပဲ
ဒီလို တွေးလိုက်လို့ လက်ရှိ အခြေအနေတွေက
ပြောင်းလဲမသွားပေမယ့်
အနာဂတ် အနေအထားတွေတော့
ပြောင်းသွားနိုင်တာပဲလေ
သေချာတာကတော့ ပစ္စုပ္ပန်မှာလဲ
စိတ်သက်သာရာ ရတာပါပဲ

ဒီလိုနဲ့ ဓာတ်ကင်ခြင်း (၁၅) ရက်မြောက်မှာ
အမေ အစာမဝင်နိုင်တော့လို့
ဆေးရုံတင်လိုက်ရကြောင်း
အိမ်က အကြောင်းကြားလာတယ်
အဝေးကပဲ မေတ္တာပို့ပေးနိုင်တယ်
ကိုယ် လုပ်ပေးနိုင်တာ အားလုံး အကောင်းဆုံး
လုပ်ပေးပြီးပြီမို့ ကိုယ်ပြန်ရင် အခြားသူတွေပါ
ပိုဒုက္ခများနိုင်တာမို့ ကိုယ်လဲ ပြန်လို့မဖြစ်တဲ့
အခြေအနေမှာ ကိုယ်တတ်နိုင်တာ
ကိုယ်လုပ်ပေးနေရင်း
"သဗ္ဗေသတ္တာ ကမ္မသကာ" လို့
ရေရွတ်ရင်း ဘဝသံသရာကို ဆင်ခြင်နှလုံးသွင်း
လက်ခံနိုင်ဖို့ပဲ ကြိုးစားနေခဲ့တယ်

အမေ ဓာတ်ကင်တာ (၂၀) ရက်မြောက်မှာ
အိမ်ပြန်လို့ အဆင်ပြေနိုင်တာနဲ့ အမြန်
ပြန်လာခဲ့တော့တယ်

လူနာကုတင်ပေါ်မယ် အမေ့ကိုတွေ့တော့
စကားမပြောနိုင် အစာမမျိုချနိုင်
ရေ နှင့် Ensure ပဲသောက်နေရပြီး
လည်ပင်းတဝိုက် မီးလောင်ဒဏ်ရာလို
အနာ အမည်းတွေ အပြည့်
ဆေးတွေ နှင့် အသက်ဆက်ထားရတဲ့
ခပ်ဖျော့ဖျော့ အနေအထားနဲ့မို့
အမောတွေ ဆို့ရတာပါပဲ

ငါ ငွေတွေ အသည်းအသန်ရှာပြီး
ဓာတ်ကင်လိုက်တာ မှားသွားပြီလားလို့
တွေးမိရင်း ဘဝ ဆိုတာကြီးကို
စိတ်ပျက်မိသွားတယ်

ငါလည်း ကြိုမသိနိုင်တဲ့ အခြေအနေမှာ
အကောင်းဆုံး ဖြစ်မယ် ထင်တာကို
ရွေးချယ် လုပ်ပေးခဲ့တာပဲ လို့
ကိုယ့်နှလုံးသားနေရာကို လက်နှင့်ဖိပြီး
ကိုယ့်ကိုယ်ကို ပြန် ဖြေသိမ့်ရတယ်

ဘဝမှာ ကြုံလာရတဲ့ ဝန်တွေဟာ
ထမ်းပိုးသင့်သလောက် ထမ်းပိုးပြီး
လွှတ်ချသင့်တဲ့အချိန် လွှတ်ချတတ်ဖို့
အင်မတန် အရေးကြီးကြောင်း သင်ယူရတဲ့
နေ့ရက်တွေပါပဲ

အမေ့ကတော့ တရားတွေမှတ်ရင်း
ကျော်ဖြတ်နေတာမို့ အနည်းငယ်တော့
စိတ်ဖြေသာ ရပါတယ်
ဒါ အမေ့ နောက်ဆုံးထွက်သက်ဖြစ်ရင်တောင်
တရားအသိနှင့်ဆိုတော့ မဆိုးပါဘူးလေလို့
ကြံဖန်တွေး စိတ်ဖြေရတယ်

ဆေးရုံစရိတ်ကလည်း မှန်းထားတာထက်
(၃) ဆလောက် ပိုကုန်နေပြီ
နဂို အစီအစဉ်မှာ ဒီလိုဖြစ်လို့ ဆေးရုံတက်ပြီး
နေ့စဉ် ဈေးကြီးတဲ့ဆေးတွေ သွင်းရဖို့
မပါနေခဲ့တော့လေ
ငွေ ထပ်လို လို့ ကူညီပေးနေတဲ့ ပုဂ္ဂိုလ်ကို
အကြောင်းကြားလိုက်တာနဲ့
နောက်နေ့ ချက်ချင်း လာပို့ပေးတာပါပဲ

ဒီလိုနဲ့ ညဘက်တွေမှာ ခလူး ခလော နဲ့
အိပ်နေကြရင်း "အမေ အသက်ရှိသေးရဲ့လား" လို့
အမေ့နှာခေါင်းနား ထ,ထ စမ်းရတဲ့ညတွေရဲ့
အလွန်မှာတော့ အမေ သက်သာစပြုလာတယ်
ဒါပေသိ အရိုးပေါ်အရေတင် ပေါ့

ကူညီထားတဲ့ ပုဂ္ဂိုလ်က အမေ့ကို
ဆေးရုံသတင်းမေးလာတော့ အမေက
" ကျေးဇူးတင်လိုက်တာ
ဒီကျေးဇူးကို ဘယ်လို ပြန်ဆပ်ရမယ်
မသိတော့ပါဘူး "
လို့ ဆိုတော့ အဲ့ဒီ ပုဂ္ဂိုလ်က
"ကျွန်မကို ကျေးဇူးတင်ရင်
နေကောင်းအောင်နေပါ
တရားဘာဝနာ မပြတ် အားထုတ်ပါ "
" နောက် လိုအပ်သူများတွေ့ရင်
ကျွန်မက အခုကူညီပေးသလို
ပြန် ကူညီပေးလိုက်ပါ " လို့ ပြန်ဖြေတော့
ကျွန်မအမေရဲ့ အနှစ်နှစ်အလလ ရှိနေတဲ့
Ego ခေါ်မလား အကျင့်ဆိုး တစ်ခု ပျောက်ဖို့
အလင်းတစ်စက် ဖြစ်သွားဟန် တူပါတယ်

အမေက အင်မတန် ကူညီတတ်သူပါ
သူ ကူညီပေးဖူးတဲ့သူဆိုရင်
" ငါက ကူညီပေးထားတဲ့သူ "
" ငါက ပံ့ပိုးပေးထားတဲ့သူ " ဆိုပြီး
အဲ့ဒီလူတွေ အဆင်ပြေလာတဲ့အခါမှာ
သူ့ကို ကျေးဇူးပြန်ဆပ်တာမျိုး
သူ့ကို ကျေးဇူးရှင်လို ဦးထိပ်ပန်တာမျိုး
အင်မတန် လိုချင်တာ သတိထားမိတယ်

အခု ကျွန်မတို့ကို ကူညီပေးတဲ့သူဟာ
သူ့အပေါ် ကျွန်မတို့က ကျေးဇူးပြုဖူးတာလဲမရှိ
ကျွန်မတို့ကို ကူညီပေးတဲ့ ကျေးဇူးကိုလဲ
ပြန်ဆပ်စရာလို့ မတွေးဖို့ မှာနေတာမို့
အမေ လုံးဝ amazing ဖြစ် shock ရသွားတာ
တွေ့လိုက်ရတယ်

အမေ့ နှုတ်ဖျားက အခြားလူတစ်ယောက်ကို
လေးစားပြီး ထုတ်ဖော် ကျေးဇူးတင်တာ
အံ့ဩ ချီးကျူးတာ ဘဝမှာ တွေ့ဖူးတာ
ဒါ ပထမဆုံးပါပဲ

အဲ့နေ့က အမေ့ကို ဘေးနားကနေ ကြည့်နေရင်း
ကိုယ့်သားသမီးလေး အမြင်မှန်ရသွားလို့ ပီတိဖြစ်ရတဲ့ မိဘတစ်ယောက်လိုမျိုး ကျွန်မ ခံစားမိလိုက်ရတယ်
အမေ့ကို ကျွန်မရဲ့ သမီးလေးလို့ ပြောင်းတွေးလိုက်တိုင်း အမေနှင့်ပတ်သက်ပြီး ကျွန်မ လက်မခံနိုင်တဲ့အရာတွေဟာ လက်ခံဖို့ လွယ်ကူသွားတာမို့
အဲ့ဒီ့နောက်ပိုင်း အဲ့လိုပဲ တွေးမိတာ
များလာတော့တယ်

အရိုးပေါ်အရေတင်နဲ့ အမေက
မန္တလေး ပြန်ချင်တယ်ပဲ ပြောနေလို့
မွေးစားအဖေက သူ့ကားနဲ့ လာကြိုပေးခဲ့တယ်
မန္တလေးကလူတွေက အမေ့ကို ကြည့်ပြီး
သိပ်မနေရတော့ဘူးလို့ ထင်ခဲ့ကြတယ်
ကျွန်မတို့လဲ နေ့ည ရင်တမမ နဲ့ပါပဲ
အဲ့လိုနဲ့ ပင်ပန်းလိုက် အော်ဟစ်လိုက်
နားလည်ပေးလိုက် ဆုတောင်းလိုက် နဲ့
အမျိုးစုံကျော်ဖြတ်ရင်း အမေ ထူထောင်
ကျန်းမာစပြုလာပါတယ်

နေပြန်ကောင်းခါစမှာ လမ်းမလျှောက်နိုင်
တုန်ချိချိ ဖြစ်နေလို့ ဇီးခြံထဲမှာ သစ်ပင်ရိပ်
တဲထိုးပြီး မြေကြီးပေါ် တနေကုန် နေစေခဲ့တယ်
ညနေမှာ အတူတူ သဲမြေနင်းတယ်
အဲ့လိုနဲ့ ရက် (၃၀) လောက်ကြာတော့
အမေ တောင်ဝှေးမလိုတော့ဘဲ
ပြန် လမ်းလျှောက်နိုင်လာတယ်
မြေဓာတ်အစွမ်း အံ့မခန်းနော်
အခုဆို ကျွန်မထက်တောင် အမောခံနိုင်
ပိုဝေးဝေး လမ်းလျှောက်နိုင်ပါတယ်

ဆရာကြီး ဦးမင်းဒင်က မန္တလေးပြန်ရောက်ရင်
follow up ပြဖို့ ဆရာ ဦးအောင်ဆန်းဦးနှင့်
ချိတ်ပေးလို့ CBL မှာ ဆက်ပြခဲ့ကြတယ်
(၃)လ တစ်ခါ လိုအပ်ရင်တော့ ရန်ကုန်သွားပြတယ်

ဒီနှစ်တွေအတွင်း "အောင်သုခ" မှာ
ရိပ်သာလဲ အတူဝင် အားထုတ်ဖြစ်ခဲ့တယ်
"အောင်သုခ"မှာ ကိုယ်ဝင်ပြီးတော့ အမေ့ကိုလဲ
ဝင်ဖူးစေချင်လိုက်တာလို့ ဆန္ဒတွေပြင်းပြခဲ့တယ်
ကိုယ်က လုပ်ဆိုရင် မလုပ်ဘဲ အရွဲ့တိုက်တတ်သူမို့
နှုတ်ကတော့ " အမေ ဝင်ပါ " လို့ မပြောခဲ့ဘူး

ကျွန်မ တရားထိုင်ပြီးတိုင်း စိတ်ထဲကနေ
အမေ့ကို မေတ္တာပို့တယ် စိတ်နဲ့ဆွဲခေါ်ခဲ့တယ်
နောက်တခေါက် ကျွန်မရိပ်သာဝင်မယ် ဆိုတော့
" ရိပ်သာမကြိုက်တဲ့ အမေ " က
" ငါလဲ လိုက်ချင်တယ် " ပြောလို့ ခေါ်နိုင်ခဲ့တယ်
တကယ်လဲ တရားရဲ့စောင့်ရှောက်ပေးမှုတွေ
အမေ ပြန်ရခဲ့ပါတယ်

" ဒီလိုနဲ့ ဓာတ်ကင်ပြီးတာ (၂) နှစ်ကျော်မှာ
အခုတော့ ကင်ဆာဆဲလ်ပျံ့နှံ့နှုန်း ထိန်းချုပ်နိုင်လို့
တစ်နှစ်နေမှ ပြန်လာပြဖို့ ချိန်းလိုက်တော့
ဝမ်းသာကြရတာပေါ့လေ

နောက်တခါ ဓာတ်ကင်ရရင် ထပ်ကုန်မှာတွေ
ကုန်ဖို့ မရှိနေမှာတွေ ကြိုတွေးပြီး ပူလာတာနဲ့
အတွေးတွေကို သတိထားပြီး လက်ရှိအချိန်မှာ
" အမေ ကျန်းမာနေတာ ကျေးဇူးတင်တယ် "
" ပီတိဖြစ်တယ် ဘဝကိုကျေနပ်တယ် " လို့
ပြောင်းတွေးလိုက်တယ်

မဖြစ်လာသေးတဲ့ အဆိုးတွေကို
တွေးပူ ကြောင့်ကြများနေတာဟာ
အခုအချိန်မှာလဲ စိတ်ညစ်ရ
ဖြစ်လာတော့လဲ စိတ်ညစ်ရနဲ့
နှစ်ခါနာရတဲ့ အဖြစ်မျိုး မဟုတ်လား

ဘာပဲဖြစ်ဖြစ် ဖြစ်လာရင် ရင်ဆိုင်လိုက်မယ်
မဖြစ်လာသေးတဲ့အခါ ဖြစ်နေတာကို
သတိကပ်ပြီး နေပျော်အောင် ကြိုးစားမယ်
ဒီလိုဆိုတော့ ဘာမှ ကြောက်တာ ပူတာ မရှိတော့ဘူး
ကို သိမြင် ခံစားမိခဲ့ပြီ

ဒုက္ခတွေက သင်ပေးလိုက်လို့
ဘဝနေနည်း ပြောင်းလဲသွားခဲ့ရပြီ
အဆိုးတွေကိုသာ ကြိုတွေးပူတတ်တဲ့
ကောင်မလေးဟာ အခုတော့ ပစ္စုပ္ပန်ရဲ့
ကျေးဇူးတရားလေးတွေကိုပဲ တွေးပြီး နေတတ်ခဲ့ပြီ

လက်တွေ့ဘဝဟာ ဖြစ်လာတဲ့အခါ
ကိုယ်ထင်နေသလောက်လဲ ဆိုးမှမဆိုးတာ
ဆိုးမယ်လို့ထင်နေတဲ့ ကိုယ့်အတွေးတွေကသာ
ပိုဆိုးနေတတ်တာ သတိကပ် ဆင်ခြင်စရာပါ

May You be Your Hero 🌟

So Soul
🍀

#ကင်ဆာ_Cancer
#ကင်ဆာ_အနာရောဂါ_ဝိပဿနာ

26/07/2025

🌟 ချစ်ခြင်းမေတ္တာ ငွေကြေးရတနာ အဖြာဖြာ လိုရာရတော့မှာ ✨

So Soul
♥️

25/07/2025

" ကင်ဆာကုပေးဖို့ မိုးပေါ်က ငွေကျလာပြီ "
December 2022
မေမေက ဓာတ်လည်းကင်
ဆေးလည်းသွင်းရမယ်ဆိုတော့
ပိုက်ဆံကို ဘယ်လိုသုံး ကုရမယ်ဆိုတာ
တွက်ချက် စဉ်းစား စီစဉ်ရပြီ

ကိုယ်က ဦးဆောင် ရှာဖွေ
တာဝန်ယူ ကုသပြုစုနေပေမယ့်
အခြားမိသားစုဝင်တွေရဲ့သဘောထားကိုလည်း
လေးစားမှုထား အသိပေး သဘောတူညီမှုယူ

ကင်ဆာ ဆရာဝန် မှာမှ
ဓာတ်ရောင်ခြည်အပိုင်း
ဆေးသွင်းတဲ့အပိုင်း စသဖြင့်
အသီးသီး ကွဲပြားသေးတော့
အမေ့ရဲ့ ဆေးမှတ်တမ်းတွေက
Laggage အကြီး တစ်လုံးစာ
တပြိုင်တည်းပြရတဲ့ ဆရာဝန်က (၅) ယောက်
သွားရတဲ့ ဆေးရုံတွေဆိုတာ ရန်ကုန်မြို့ အနှံ့
စုံပလုံစေ့ ပြာတောက်နေရော

ဒါတောင် ကျွန်မက
Medical Field အတွေ့အကြုံရှိ
ဆေးရုံ ဆရာဝန်နှင့် ပတ်သက်ပြီး
အကြံကောင်းပေးနိုင်သော မိတ်ဆွေတွေရှိ
ဆေးနှင့်ပတ်သက်လို့ နားလည်တတ်ကျွမ်းမှုရှိ
ရန်ကုန်မှာ နေစရာအမျိုးအိမ်ရှိ သွားစရာကားရှိ
တာတောင် စဉ်းစား ချိန်ဆ ရတာတွေဟာ
အင်မတန် မူးချာလည် ရိုက်စရာတွေချည်းပဲ
တချို့တွေ ဒီ field အကြောင်းမသိ
ဘယ်ဆရာဝန်က ဘာအတွက် ပြရမှန်းမသိ
ဘယ်ဆေးရုံတွေ ဘယ်လိုသွားရမှန်းမသိတဲ့
လူနာရှင်တွေဆို အတော်ဒုက္ခများရှာမှာလို့
တွေးမိပြီး ရင်မောသလိုလို
စိတ်မကောင်းသလိိုလို

နောက်ဆို ရန်ကုန်မှာ ကင်ဆာရောဂါ
ဆေးလာကုသသူတွေအတွက်
ဘေးနားကနေ ဝိုင်းကူလိုက်ပြပေးတာ
လုပ်သင့်တာတွေကို အကြံပေးတာမျိုး
volunteer လုပ်ပေးချင်စိတ် ဖြစ်မိသွားခဲ့တယ်

ဒီလိုနဲ့ ရန်ကုန်ဆေးရုံကြီး ဓာတ်ရောင်ခြည်ဌာနမှာ
နံနက် (၅) နာရီလောက် တန်းစီပြီး ညီမလေးက
Booking သွားယူတော့ Booking အရ
ကိုယ့်အလှည့်ရောက်ဖို့ (၃) လ မှ (၆) လအထိ
စောင့်ရမယ် တဲ့
ကျွန်မတို့ရှေ့မှာ စောင့်နေကြသူတွေ
အင်မတန် များပါသတဲ့လေ
အရေးပေါ် ဓာတ်ကင်ဖို့ လိုနေသူတွေဆို
ဘယ်လို လုပ်ကြရပါ့မလဲ လို့တွေးမိတော့
ရင်လေး စိတ်မကောင်း ဖြစ်ရပြန်သေး

ဒါနဲ့ လိုရမယ်ရ ပြင်ပဆေးရုံမှာ
ဓာတ်ကင်ဖို့လည်း စုံစမ်း မေးမြန်းပေါ့

ပင်လုံ မိုးကောင်းရတနာ ဂရန်းဟန်သာ
ဖုန်းတွေဆက် ဈေးတွေမေး
ပျှမ်းမျှခန့်မှန်းချေက အနည်းဆုံး
သိန်း (၆၀) ကနေ (၁၀၀) အတွင်းပဲ
ဓာတ်ကင်ဖို့သီးသန့် စရိတ်ကချည်း
အဲ့လောက်လိုမှာ ဆိုတော့
အခြား နေထိုင် စားသောက်စရိတ်ရယ်
သူလုပ်ချင်/လှူချင်တာတွေ လုပ်ပေးဖို့ရယ်ဆို
သိန်း (၃၀၀) လောက် လိုနေခဲ့တယ်

ပြသဖို့ ဆရာဝန်ကိုလည်း စုံစမ်း
အတွေအကြုံရှိဖူးသော မိတ်ဆွေတွေ
ဆေးလောကထဲမှ မိတ်ဆွေတွေ
အကြံပြုတာတွေကို ခြုံငုံသုံးသပ်တော့
ပင်လုံဆေးရုံ ဓာတ်ရောင်ခြည် ဆရာကြီး
ဦးမင်းဒင် နှင့် ပြသဖို့ သင့်တော်ကြောင်းတွေ့ရှိ
ဒါ ဓာတ်ရောင်ခြည်အတွက် တဖျတ်ပေါ့
ရန်ကုန် ဆေးရုံကြီး က ခေါ်တာ စောင့်မယ်
ဒီကြားထဲ ငွေ အဆင်ပြေလာရင်
အပြင်မှာ ဓာတ်ကင်လိုက်မယ် လို့
ယာယီ စီစဉ် ဆုံးဖြတ်ထားလိုက်တယ်

နောက်တပိုင်းက ဆေးသွင်းတာ
ဆေးသွင်းတာကို ဝိတိုရိယမှာ လုပ်ဖို့
Booking တင်ထားလိုက်တယ်
အဲ့ဒီ့အချိန်မှာ ဆေးသွင်းတဲ့အပိုင်းအတွက်
ပြသရမယ့် ဆရာဝန်ကို မေးရ မြန်းရ
ဒီလိုနဲ့ ဒေါက်တာ ဒေါ် သိမ့်သိမ့်ဝင်းနှင့်
ပြကြည့်ဖို့ ရွေးလိုက်တယ်

ဆရာမကြီးက အင်မတန် သဘောကောင်း
လူနာအတွက်လည်း အင်မတန် စေတနာပါပြီး
ကိုယ်ချင်းစာ စဉ်းစားပေးတတ်တယ်

ဆရာမကြီး နှင့် တခါပြတုန်းက
ကျွန်မရဲ့အဒေါ် မေမေ့ရဲ့အစ်မက
" ဆရာမတို့ဟာက ဟိုစစ် ဒီဆေး နဲ့
အခုထိ ကုတဲ့ဆီ မရောက်သေးဘူး
မြေတစ်ကွက်က ကုန်ပြီ " လို့
ပြောချလိုက်တာ ငွေရှင်းတော့ Cashier က
"ဆရာမကြီးက သူ့ရဲ့စမ်းသပ်ခကို
FOC ပေးသွားတယ် " လို့ ပြောတော့
ကျွန်မမယ် အားနာလိုက်ရတာ

ဆရာမကြီးရဲ့ လမ်းညွှန်မှုနဲ့
မ/ဥက္ကလာဆေးရုံကြီး ကင်ဆာဌာနမှာ
ကင်ဆာဆေး (၁) ကြိမ် သွင်းဖြစ်လိုက်တယ်
အစစ အဆင်ပြေခဲ့ပါတယ်

ဆေးနောက်တစ်ကြိမ် မသွင်းမီ
အိန္ဒိယကို ပို့ထားတဲ့ အသားစ အဖြေ
ရလာတော့ အမေ့အခြေအနေက
အမြန် ဓာတ်ကင်မှ ရလိမ့်မယ်
မဟုတ်ရင်မျက်လုံးကွယ်နိုင်တယ်
ဖြစ်ပြန်ပါလေရော

ဓာတ်ကင်ဖို့ ရန်ကုန်ဆေးရုံကြီးမှာ
အလှည့်ကျတဲ့အထိ စောင့်လို့မရနိုင်တော့
ဓာတ်ကင်ဖို့ ပင်လုံဆေးရုံကိုပြေး
ဆရာကြီး ဦးမင်းဒင် နှင့် ပြ
Payment Plan တွေ ဆွေးနွေး
အညာကပါလာတဲ့ သိန်း (၇၀) က
ဆေးတွေစစ် ဟိုဒီပြန်ပြရတာနဲ့တင်
ခပ်ယဲ့ယဲ့ ရှိတော့တာမို့ ဓာတ်ကင်ဖို့
သိန်း (၁၀၀) ကို ရှာဖွေဖို့ စိုင်းပြင်း စိတ်မောပေါ့

အမေ့ရဲ့ အမျိုးအရင်းတစ်ယောက်
လွန်ခဲ့သော နှစ် (၂၀) ခန့်က ကျွန်မတို့ဆီမှ
သိန်း (၅၀) ချေးထားပြီး ပြန်မဆပ်သေးတဲ့သူ
အခု သူက အင်မတန် ချမ်းသာနေတာမို့
အမေ ဆေးကုဖို့ အရေးပေါ် ငွေလိုနေလို့
သူ့ဆီ ကျွန်မတို့ ရစရာရှိတဲ့အကြွေး
ကျွန်မ သွားတောင်းတာ
အရူးကွက်နင်း ရှောင်ပြေးသွားလေရဲ့
သူစီးနေတဲ့ကားက သိန်းထောင်ကျော်တန်
ရန်ကုန် မန္တလေးမှာ စီးပွားရေးတွေရှိ
အထပ်မြင့်တိုက် (၅) လုံးလောက်ပိုင်
ချမ်းသာနေပေမယ့် အကြွေးကို
မဆပ်ချင်တဲ့သူဟာ မဆပ်တာပါပဲ
ကြုံရ ဆုံရ ဘုံဘဝမှာ လူတွေဟာနော်
အဲ့လို ရှိသကွယ် ဆန်းပြားတယ်

ထူးဆန်းတာက အရင်စိတ်နဲ့ဆို
အင်မတန် နာကြည်း မုန်းတီးမိမယ့်
ဒီလူရဲ့ ဒီအပြုအမူကို အခု လုံးဝ
ဘာမှ မခံစားနေရတာပါပဲ
လူတွေအကြောင်း သင်ယူနေရတဲ့
သင်ခန်းစာလို့ပဲ တွေးမိနေတယ်
ပိုထူးဆန်းတာက ကိုယ့်ထက်
အဆများစွာ ချမ်းသာနေတဲ့
သူ့ကိုကြည့်ပြီး သနားမိသွားတာပါပဲ

ဘဝက ဒရမ်မာများချိန် မရနေပါဘူး
ဒါနဲ့ ငွေ ဆက်ရှာပေါ့
ကိုယ်ရစရာရှိတာတွေ လိုက်ပြန်တောင်း
ထူးခြားတာက ဘယ်ကမှ ပြန်မရပါဘူး

(၄၉) ရက် အဓိဌာန်ကလဲ မပျက်ဘဲ
လုပ်လာနိုင်တာ ပြီးလုနေပြီ
သားသတ်လွတ် ရက်ရှည်စားနေတာရယ်
ကိုယ် စိတ်ပင်ပန်းတာရယ်တွေကြောင့်
လူကတော့ ပိန်ညှောင် ဖြူဖျော့လေးဖြစ်

ဗေဒင်မေးလာသူတွေကလည်း
အဲ့ရက်တွေမှာ မပြတ်ဘူးရယ်
အဲ့ကာလမှာ ဗေဒင်ဟောဖြစ်တာ
ကျွန်မအတွက် အင်မတန် မှန်သွားတာပါပဲ
ကိုယ့်အပူတွေ ဘယ်လိုများများ
ဗေဒင်လာမေးသူတွေရဲ့ ဘဝတွေထဲ
စီးမျောသွားရင် ကိုယ့်သောကတွေဟာ
သူလို ကိုယ်လို ပုံမှန်ဖြစ်ပြီး ပျောက်သွားရော
ပါချုပ်ဆရာတော်ကြီး ဟောဖူးတဲ့
" တူရာစုရင် စိတ်သက်သာတယ် "
ဆိုတာကို နားလည်သွားတယ်
အများရဲ့ အပူတွေကြားနေရတော့
ကိုယ့်အပူတွေ သက်သာသွားစေတဲ့
ဖြေဆေးတစ်မျိုး ရလိုက်တာပါပဲ

ပင်လုံ ဆေးရုံကနေ မေမေ ဓာတ်ကင်ကြေး
ငွေ သွင်းဖို့ ရက်ကို မေးလာပါတယ်
မှတ်မှတ်ရရ ( ဒီဇင်ဘာ ၂၇) ရက်နေ့
ငွေ သွင်းမယ်လို့ ပြန်ဖြေလိုက်တယ်

တကယ်က အဲ့ချိန်မယ်
လက်ထဲမှာလဲ အဲ့ငွေ မရှိသလို
ဘယ်ကမှလဲ ရစရာ မရှိနေသေးဘူး
ဒါပေမယ့် နောက် (၇) ရက်နေရင်
ငွေလာသွင်းမယ်လို့ ပိုင်ပိုင်နိုင်နိုင်ပဲ
ပြောချလိုက်မိတာ
အဲ့တုန်းက လက်တွေ့ဘဝမှာက
ခက်ခဲနေပေမယ့် အတွင်းစိတ်ထဲမှာ
အချိန်မီ အဆင်ပြေသွားမယ်လို့
ယုံကြည်ချက်က ရှိနေတာ ပြန်တွေးမိရင်
ကိုယ့်ကိုယ်ကိုလဲ အံ့ဩမိရတယ်

ဒါ တခြားအားကိုးစရာ ကုန်သွားလို့
Manifestation ကို ရဲရဲကြီး သုံးလိုက်တာပါပဲ

ကိုယ်လုပ်ထားတဲ့ အလုပ်တွေ
မေမေ လုပ်ထားတဲ့ အလုပ်တွေပေါ်
ယုံကြည်နေခဲ့တာလဲ ဖြစ်မယ်
မေမေ က သူများ ခက်ခဲနေရင်
ကိုယ့် ရှိတာ အကုန်ထုတ်ပေးပြီး
ကူညီတတ်သူမို့ သူ့အတွက်လဲ
အဆင်ပြေသွားမှာလို့ စိတ်ကခံစားမိနေတာ

လောကမှာ ကျွန်မတို့သည်
ဘယ်သူသိသိ မသိသိ
ကိုယ့်ကိုယ်ကို သိတယ်နော်
တကယ့် အရေးအကြောင်းဆို
ကိုယ့်လိပ်ပြာ ကိုယ်လုံ
ကိုယ့်ကိုယ်ကို လေးစား
ကိုယ့်ကိုယ်ကို ယုံကြည်နေဖို့က
စိတ်ကွယ်ရာမှာပင် မကောင်းမှုကိုမပြုဘဲ
နေနိုင်အောင် ကြိုးစားမှ ရမှာပဲ
ဆိုတာ ပိုသဘောပေါက်သွားတယ်

"အရဟံ" ဂုဏ်တော်ရဲ့ အနှစ်သာရကို
ပိုခံစားမိပြီး ဗုဒ္ဓကို စိတ်နှလုံးသားထဲကနေ
ကြည်ညို လေးစားမိလာတယ်

အဲ့ရက်တွေမှာ ပြင်ပ အခြေအနေတွေဟာ
ဘယ်လောက် ခက်ခဲ ပင်ပန်းနေပါစေ
ကျွန်မ စိတ်ဓာတ်လဲမကျနေဘူး
အရင်ကထက်တောင် စိတ်တွေ
ပိုကြည်လင်လာသေးတယ်

ခက်ခဲကြပ်တည်းလေလေ
ဘဝက ငါ့ကို ဒီအခြေအနေကနေ
ဘာကို သင်ယူစေချင်နေတာလဲလို့ပဲ
တွေးမိပြီး အဖြေရှာလေလေ

ဟိုးအရင်ကလို
" ငါ့ဘဝက ဆိုးလိုက်တာ "
" ငါ့ကျမှ ဖြစ်ရတယ် "
" ငါပဲ တာဝန်ယူရတယ် "
ဆိုတာတွေ မရှိတော့ဘူး

ဒီလိုအချိန် မရောက်ခင်
အစ်မချော မ AY တို့နှင့် ဆုံခွင့်ရလိုက်ပြီး
စိတ်အလုပ်တွေ လုပ်ခွင့်ရလိုက်တာ
အင်မတန် ကုသိုလ်ကံကြီးတာပဲလို့
တွေးမိတယ်

မဟုတ်ရင်တော့ ဒီအခြေအနေမှာ
ပြိုလဲ ပျက်စီး တစစီ ကြေမွ နေမှာ
မတွေးရဲစရာပါပဲ

မြေရောင်းမရတော့ (၅) ကျပ်တိုး နဲ့
ပေါင်ဖို့ လုပ်သေးတယ်
ကိုယ်တောင်းသလောက်လဲမရ
(၃) လအတွင်း ပုံမှန်အတိုးမပေးရင်
မြေ အဆုံးဆိုတော့ အဆင်မပြေပြန်ဘူး
သူတို့ဘက်က ကြားကနေ အာမခံပေးသူကို
(၁၅) သိန်းကလဲ ပေးရအုံးမယ် ဆိုပဲ

ဒီလိုနဲ့ ဓာတ်ကင်ဖို့ ငွေရှာနေရင်း
(၄၉) ရက် အဓိဌာန် ပြီးသွားခဲ့တယ်
အဓိဌာန် ပြီးတဲ့နေ့ ည (၂) နာရီမှာ
OM အကြိမ် (၁၀၈၀) ရွတ်အပြီး
ကောင်းကင်ကို မော့ကြည့်နေရင်း
အသံ တစ်သံ ကြားလိုက်ရတယ်
ဝမ်းဗိုက်ထဲက လာတယ် ထင်တာပဲ

ဝမ်းဗိုက်ထဲက ပြောတယ်
ဒီ အခက်အခဲတွေ အတွက်
" ............... " ကို သွား အကူအညီတောင်း
တခါတည်းပြောရုံနဲ့ ရလိမ့်မယ် တဲ့

ဦးနှောက်က ပြန်ပြောတယ်
" မပြောချင်ဘူး ရနိုင်မှာ မဟုတ်ဘူး "
" သူ့မှာ ငါ့ကို အဲ့လို ကူညီစရာ အကြောင်းမရှိဘူး "
" အဆက်အသွယ်ပြတ်နေတာလဲ ကြာပြီ "
" ငါတို့ ကျေးဇူးရှိထားဖူး ရစရာအကြွေးရှိနေသူတွေတောင် ဒီလောက် နေနိုင်တာ သူက ဘာလို့ ပေးမှာလဲ "

ဒီလို GUT & BRAIN အပြန်အလှန်
ပြောဆို ငြင်းခုန်နေကြရင်း လက်ကနေ
အဲ့ဒီ့ ပုဂ္ဂိုလ်ဆီ စာပို့မိရက်သား ဖြစ်သွားခဲ့ပြီ

" အမေ ဆေးကုဖို့ လှူချင်တာလေးလှူဖို့
သမီး မြေလေး ရောင်းချင်လို့ပါ "

ဟိုဘက်က ချက်ချင်း စာပြန်လာတယ်
" သမီး ဘယ်လောက်နဲ့ ရောင်းချင်တာလဲ "
" အဲ့ဈေးနဲ့ ဝယ်ပေးမယ် " တဲ့
မြေအကျယ် တည်နေရာ
ပိုင်ဆိုင်မှုအထောက်အထား
ဘာမှမမေးဘဲနဲ့ တန်းဖြေပေးလိုက်တာ

ကျွန်မအတွက် တကယ့်
" မိုးကျ ရွှေကိုယ် " ဆိုတာမျိုးပါပဲ

နောက်နေ့ ဆက်ရေးမယ်နော် ~~~

So Soul
🦋

#ကင်ဆာ_Cancer
#ကင်ဆာ_အနာရောဂါ_ဝိပဿနာ

Han Thi Zin

31/07/2025

30/07/2025

30/07/2025

29/07/2025

28/07/2025

28/07/2025

27/07/2025

27/07/2025

27/07/2025

26/07/2025

26/07/2025

25/07/2025

Address

Opening Hours

Telephone

Website

Alerts

Contact The Practice

Shortcuts

Share

Category

Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00
Saturday	09:00 - 17:00
Sunday	09:00 - 17:00