Aye Mya Lann Sun - အေးမြလန်းဆန်း

21/08/2025

https://www.facebook.com/share/p/17C2ZiPeM1/?mibextid=wwXIfr

ဆွေမျိုးအချင်းချင်းသွေးမလှူသင့်ကြောင်းရှင်းလင်းချက်

အမျိုးသားသွေးဌာန၊ တာဝန်ခံ ဒေါက်တာသီတာအောင်နှင့် တွေ့ဆုံခြင်း
05-Mar-2018 tagged as ကျန်းမာရေး သွေးလှူရှင်

“အဓိကတော့ အမျိုးအချင်းချင်း သွေးမသွင်းတာအကောင်းဆုံးပဲ”

ဆွေမျိုးအချင်းချင်း သွေးလှူဒါန်းခြင်းကြောင့် သွေးလက်ခံသည့်သူသည် ရက်ပေါင်း ၃၀ အတွင်း အသက်သေဆုံးနိုင်သည်ဟုဆိုသည်။ ထိုအကြောင်းအရာနှင့် ပတ်သက်၍ ပြည်သူလူထု ဗဟုသုတရရှိစေရန်နှင့် သတိပြုမိစေရန်အတွက် အမျိုးသားသွေးဌာန၏ တာဝန်ခံဒေါက်တာသီတာအောင်နှင့် The Voice က မေးမြန်းဖြစ်သည်များကို ကောက်နုတ်ဖော်ပြအပ်ပါသည်။

Voice : အမျိုးအချင်းချင်း သွေးလှူဒါန်းလို့မရဘူးဆိုတာ ဟုတ်ပါသလား ဆရာမ။ ဒီအကြောင်းလေးကို ရှင်းပြပေးပါဦး။
Dr.TDA : အမျိုးအချင်းချင်း သွေးသွင်းရင်ဖြစ်တာကို ပြောတာပါ။ ဒါကို နည်းပညာပိုင်းအခေါ်အရတော့ Transfusion Associated Graft Vs Host Disease (TaGvHD) လို့ ခေါ်တယ်။ အဓိက ဘာဖြစ်တာလဲဆိုတော့ Host ဆိုတာက လူနာ၊ Graft ဆိုတာက သွင်းလိုက်တဲ့သွေး၊ သွေးလှူရှင်ဆီကသွေး။ ဒီတော့ လူနာထဲကို သွေးလှူရှင်ဆီက သွေးသွင်းလိုက်တယ်။ အဲဒီအချိန်မှာ လူနာရဲ့ကိုယ်ထဲမှာ သွေးလှူရှင်ရဲ့သွေးထဲက Mature T Lynphozytes ဆိုတဲ့ စစ်သားတွေရှိတယ်။ အဲဒါတွေက ပျံ့သွားတယ်။ အလှူရှင်ဆီကဟာက လူနာရဲ့ကိုယ်ထဲရောက်မှဖြစ်တာ။ T Lynphozytes ဆိုတာ ခန္ဓာကိုယ်မှာ ကိုယ်ခံအားနဲ့ပတ်သက်တဲ့ ဆဲလ်တွေရှိတယ်။ T၊ B၊ NK ဆိုတဲ့အထဲကမှ T ဆိုတဲ့ Lynphozytes က စထွက်ခါစမှာ မရင့်ကျက်ဘူး။ တစ်ခုနဲ့တစ်ခု မတူဘူးပေါ့။ ဒါတွေက တော်တော်ခက်ခဲနက်နဲတဲ့အရာပေါ့။ ခန္ဓာကိုယ်ကနေ ပြန်တိုက်ထုတ်ရမယ့် Lynphozytes ဆဲလ်တစ်မျိုးက လူနာကိုယ်ထဲရောက်ပြီးပျံ့တော့ လူနာမှာရှိနေတဲ့ ဆဲလ်တွေနဲ့ လိုက်တိုက်တာ။

Voice : အဲဒီဆဲလ်တွေကနေ လူနာကို ဘာတွေ ဆက်ဖြစ်စေနိုင်ပါသလဲ ဆရာမ။
Dr.TDA : ဒီတော့ ဘာတွေဖြစ်လဲဆိုတော့ သူ့ဘက်က စစ်သားနဲ့ လူနာထဲကစစ်သားနဲ့ တိုက်တာ။ တိုက်တဲ့အခါကျတော့ လူနာထဲမှာရှိနေတဲ့ ကိုယ်ခံအားကို စောင့်ရှောက်ပေးတဲ့သူတွေက အပြင်ကဝင်လာတဲ့ T Lynphozytes တွေက အမျိုးလို့ ထင်ထားတယ်။ ပုံစံတွေက မတိမ်းမယိမ်းဖြစ်နေတော့ လူနာက ဝင်လာတဲ့ဟာကို ကိုယ်နဲ့တော်တော်ညီတော့ (Self-ကိုယ်) လို့ပဲမှတ်တယ်။ ဒါပေမဲ့ ဝင်လာတဲ့ကောင်က စွမ်းအားများပြီးတော့ Self လို့မှတ်ထားတဲ့ဟာကို တိုက်ပစ်လိုက်တာ။ တိုက်လိုက်တော့ အဓိကထိတာက ခြင်ဆီကိုထိသွားတယ်။ ပြီးရင် အသည်းရဲ့ဆဲလ်တွေနဲ့ အစာအိမ်လမ်းကြောင်းကို ထိတယ်။ အပြင်ကနေ ရန်သူဝင်မှာကို ခန္ဓာကိုယ်က သဘာဝကြီးက တားထားတယ်။ အပြင်ကဝင်ရင် အရေပြားကကာရမယ်။ အစားကဝင်ရင် အူကကာရမယ်။ ထွက်လာတာမှန်သမျှကို ခြင်ဆီကနေပြီးတော့ ရန်သူကိုတိုက်ဖို့အတွက် စစ်သားထုတ်ပေးရတယ်။ တော်တော်များများက သွေးလည်ပတ်တာကနေ လည်သွားလို့ရှိရင် အသည်းထဲကျရင် စားပစ်တော့ စားတဲ့နေရာတွေမှန်သမျှကို တိုက်ပစ်တော့ အရေပြားမှာ ခြစ်ရာတွေပေါ်သွားတယ်။ လူက ဝလာတယ်။ ဝမ်းလျှောတယ်။ အဓိကက ၂၁ ရက်လောက်ဆိုရင် သေချာပေါက် ၉၉ ဒသမ ၉ ရာခိုင်နှုန်း အသက်ဆုံးရှုံးတယ်။ ဘာကြောင့်လဲဆိုတော့ သူ့မှာ ဘာမှအကာအကွယ်မရှိတော့ဘဲ ရောဂါပိုးတွေဝင်တယ်။ သွေးသွင်းခြင်းကို ကြောက်စေချင်တာပေါ့။ သွေးသွင်းခြင်းဆိုတာက သွေးဆိုတဲ့အနီလေးတွေမဟုတ်ဘဲနဲ့ အဲဒီသွေးထဲမှာ တစ်ယောက်နဲ့တစ်ယောက် အမြွှာချင်းတောင်မတူတဲ့ ကိုယ်ခံအားစနစ်တွေ အကုန်ပါသွားတယ်။ ဒါကြောင့် လူနာကနေ သွင်းလိုက်တဲ့သူနဲ့ မတိမ်းမယိမ်း အမျိုးဖြစ်နေတဲ့အတွက်ကြောင့် သူ့စိတ်ထဲမှာ လက်ခံလိုက်ပေမယ့် သူက ကိုယ်ခံအားနည်းနည်းကျနေတဲ့အချိန်မှာ ဝင်လာတဲ့ကောင်က သူ့ကိုပြန်တိုက်သွားတာပေါ့။ သွေးပေးတဲ့သူမှာ ရောဂါဘာညာရှိလို့ မဟုတ်ဘူး။ ဒါက သဘာဝပဲ။

Voice : အမျိုးအချင်းချင်း သွင်းလို့မရဘူးဆိုတာနဲ့ပတ်သက်ပြီး ရှင်းပြပေးပါဦး။
Dr.TDA : အဖေ၊ အမေအတူတူဆို မရဘူး။ ယောကျာ်းနဲ့ မိန်းမဆိုရတယ်။ အမျိုးဆိုတာက သွေးနှော (Blood Related) ဖြစ်ရမယ်။ ကိုယ့်အဖေဘက်က အမျိုးတွေနဲ့မရသလို ကိုယ့်အမေဘက်က အမျိုးတွေနဲ့လည်းမရဘူး။ အိမ်ထောင်သည် အချင်းချင်းရတယ်။ သူတို့က မွေးလာတဲ့ကလေးတွေမှာ အသားဝါတာဖြစ်တယ်။ ဝါရင် သွေးချိန်းတာတွေလုပ်ရတယ်။ အဲဒီလိုအချိန်ကျရင် သူ့အဖေရဲ့သွေးနဲ့ ချိန်းတာတွေမလုပ်သင့်ဘူး။ မဖြစ်လို့လုပ်ရမယ်ဆိုရင် ဝင်သွားမယ့် Lynphozytes တွေကို သတ်ရတယ်။ ဘာနဲ့သတ်ရသလဲဆိုတော့ Radiation (ဓာတ်ရောင်ခြည်) နဲ့ သတ်ရတယ်။ Gamma Irradiator ဆိုတဲ့စက်နဲ့ပါ။ Lynphozytes တွေ ပွားမယ့်ဟာကို Radiation က ဖြတ်ပစ်လိုက်တာ။ မဖြစ်လို့သွင်းရမယ်ဆိုရင် Irradiate လုပ်ပြီးမှ သွင်းရတယ်။

Voice : ဒီလိုအမျိုး အချင်းချင်း သွေးသွင်းလို့မရဘူးဆိုတာ အခုမှဖြစ်လာတာလား ဆရာမ။
Dr.TDA : ဟိုအရင်တုန်းကတော့ ဘာဖြစ်မှန်းမသိဘူး။ အခုတော့ အကြောင်းရှာနိုင်တာပေါ့။ စဖြစ်ကတည်းက ငါတို့ အခုမှဖြစ်တယ်လို့ ပြောတာမဟုတ်ဘူး။ သွေးသွင်းလိုက်တယ်။ တစ်ခုခုဖြစ်သွားတယ်။ ဒါပေမဲ့ သွေးသွင်းလို့ဖြစ်တာလား၊ မဖြစ်တာလားဆိုတာ မသိသေးဘူး။ နောက်ပိုင်းကျတော့ ဆရာမတို့က စုံစမ်းစစ်ဆေးနိုင်တဲ့နည်းလမ်းတွေ အရမ်းတိုးတက်လာတဲ့အခါကျတော့ သုတေသနတွေလုပ်ရင်းနဲ့ အကြောင်းရင်း အခုမှပေါ်တာပေါ့။ ဖြစ်တာက အရင်တုန်းကတည်းက ဖြစ်ချင်ဖြစ်မယ်။ သွေးသွင်းလိုက်တယ်။ ၂၁ ရက်၊ တစ်လလောက်ကြာမှ အသားတွေဝါတယ်။ ဝမ်းတွေလျှောပြီး ဆုံးသွားတတ်တယ်။ ဘယ်သူကမှ သွေးကြောင့်လို့ မထင်ခဲ့ဘူး။ ဒါကြောင့် တခြားတိုင်းပြည်တွေမှာ သွေးသွင်းပြီးတဲ့ လူနာတစ်ယောက်က ဘယ်အချိန်မှာ တစ်ခုခုပြန်ဖြစ်ဖြစ် Report ပြန်တင်ရတယ်။ ဒါကဘာကြောင့်ဖြစ်နိုင်သလဲဆိုတာကို ဖြစ်တဲ့လက္ခဏာတွေနဲ့ ထင်တဲ့အကြောင်းတွေကို စုံစမ်းပြီး Test တွေ လုပ်ရတယ်။ အခု Test တွေလုပ်တာပိုပြီး တိုးတက်လာတဲ့အတွက်ကြောင့် နောက်ပိုင်းမှာ ဒါကြောင့်ဖြစ်တာ သိသွားတဲ့အတွက် ဘယ်လိုကာကွယ်ရမလဲ၊ Radiation မသုံးနိုင်တဲ့အချိန်ကျရင်တော့ မသွင်းတာ အကောင်းဆုံးပဲ။

Voice : ဒီကိစ္စကို ဘယ်တုံးလောက်က စသိတာလဲ။
Dr.TDA : ဖွံ့ဖြိုးပြီးတိုင်းပြည်တွေ သိတာကတော့ ၂၀ ရာစုလောက်တည်းက စသိနေပါပြီ။ ဆရာမတို့ဆီမှာကတော့ ဒီလိုမျိုး နှစ်ယောက်လောက်ပဲ တွေ့သေးတယ်။ ဆရာမတို့က စုံစမ်းလေ့လာမှုတွေ မလုပ်နိုင်ဘူးလေ။ ဒါပေမဲ့ ဖြစ်တဲ့လက္ခဏာတွေနဲ့ ဒီကိစ္စရဲ့ လက္ခဏာတွေကိုပေါင်းပြီးတော့ သတိထားမိတာပေါ့။ သူတို့ဆီက ဗဟုသုတတွေရလာတယ်။ ၂၀၁၀ ခုနှစ်လောက်ကျော်တော့မှ ပိုပြီး Awareness ဖြစ်လာတာပေါ့။ တွေ့ခဲ့တဲ့လူနာနှစ်ယောက်လုံးကတော့ သေသွားတာပေါ့။ သွေးလှူလိုက်တဲ့သူကတော့ ဘာမှမဖြစ်ပါဘူး။ သွေးလက်ခံတဲ့သူမှာလည်း အမြဲတမ်းဖြစ်မယ်တော့ မဟုတ်ဘူးပေါ့။ သူက ကံတရားလို့ပြောသော်လည်း သွေးလက်ခံတဲ့သူရဲ့ ကိုယ်ခံအားပေါ် မူတည်တာပေါ့။ သူ့ကိုတိုက်တဲ့သူကို ပြန်တိုက်နိုင်ရင်တော့ ဘာမှမဖြစ်ဘူး။ သူက မတိုက်လိုက်မိလို့ဖြစ်သွားတာ။ အဓိကတော့ ကိုယ်ခံအားကျနေတဲ့သူတွေမှာ ပိုဖြစ်တတ်တာပဲ။

Voice : Radiation သုံးတယ်ဆိုတာကို ရှင်းပြပေးပါဦး။
Dr.TDA : ထည့်မယ့်သွေးအထုပ်ကို Gamma Irradiator ထဲ ထည့်လိုက်တာပေါ့။ ထည့်ပြီး Radiation ပေးရတယ်။ သုံးမိနစ်၊ လေးမိနစ်အတွင်းမှာ အကုန်သေသွားတာ။ ဒီလိုထည့်သတ်လိုက်မယ်ဆိုရင်တော့ သွေးကို အသုံးပြုလို့ရတယ်။

Voice : Gamma Irradiator နဲ့ ဆဲလ်ကို သတ်ပေးတာက မြန်မာနိုင်ငံမှာရော လုပ်ဆောင်ပေးနေပြီလား ဆရာမ။
Dr.TDA : ဆရာမတို့ဆီမှာ Irradiator မရှိဘူး။ သူက ဒေါ်လာငါးသိန်းလောက် တန်ဖိုးရှိတယ်။ ဆရာမတို့က အခုခြင်ဆီလဲတဲ့သူတွေအတွက်တော့ မြောက်ဥက္ကလာဆေးရုံမှာ တစ်လုံးဝယ်ထားတာတော့ ရှိပါတယ်။

Voice : အမျိုးအချင်းချင်း သွေးလှူလို့မရဘူးဆိုတော့ ဒီကိစ္စနဲ့ပတ်သက်ပြီး ဆရာမအနေနဲ့ သွေးလှူဒါန်းတဲ့အခါ သတိပြုနိုင်မှာတွေကို ပြောပြပေးပါဦး။
Dr.TDA : အဓိကတော့ ကိုယ့်အမျိုးလိုရင် ကိုယ့်အမျိုးပေးမှပဲရမယ်ဆိုတဲ့ အခြေအနေက ရိုးရိုးသာမန်လူတွေ မပေးထားလို့ပေါ့။ သူများတိုင်းပြည်မှာကတော့ ကလေးတွေပေးတယ်။ ကိုယ်ခံအားနည်းတဲ့သူတွေမှန်သမျှကို Irradiate Blood ပေးတယ်။ ဆရာမ တို့ဆီမှာ Irradiate Blood က မသုံးနိုင်ဘူး။ မသုံးနိုင်တဲ့အခြေအနေမှာ တကယ်လို့ လူနာသည် သူ့ရဲ့ကိုယ်ခံအား နည်းနည်းကျနေခဲ့မယ်ဆိုရင် ဖြစ်တတ်တယ်။ လူနာကိုယ်ခံအားကျရင် ဖြစ်နိုင်တဲ့တခြားအကြောင်းတွေလည်းရှိတယ်။ ဒါကြောင့် ဖြစ်နိုင်တယ်ဆိုရင်တော့ အမျိုးပေးမှရတော့မယ့် အခြေအနေမျိုးမဖြစ်အောင် သွေးလှူဘဏ်မှာ တခြားလူပေးထားတဲ့ သွေးတွေပြည့်နေမယ်ဆိုရင်တော့ မလိုတော့ဘူး။ ပေးခဲ့ရင်တော့ လွှဲပေးလို့ရတာပေါ့။ ကိုယ့်အမျိုးပေးမှ ရမယ်ဆိုတဲ့အခြေအနေမျိုး မဖြစ်အောင်လုပ်ရမှာပေါ့။ အဓိကကတော့ အမျိုးသွေးမှပေးရလောက်တဲ့ အခြေအနေမျိုးမဖြစ်အောင် စေတနာသွေးလှူရှင်တွေ ထောက်ပံ့ထားခဲ့မယ်ဆိုရင် ဆရာမတို့က ရှောင်လွှဲလို့ရသွားတာပေါ့။ ဒီကိစ္စက Irradiation မလုပ်သရွေ့ကတော့ ဘယ်သူဖြစ်မယ်ဆိုတာ ပြောလို့မရဘူး။ အဓိကတော့ အမျိုးအချင်းချင်း သွေးမသွင်းတာအကောင်းဆုံးပဲ။ အမျိုးအချင်းချင်းဆိုတာက Blood Related ကို ပြောတာပေါ့။

Voice : ဆရာမအနေနဲ့ ဒီကိစ္စနဲ့ပတ်သက်ပြီး လူထုကို သတင်းစကားပါးပေးပါဦး။
Dr.TDA : ဆရာမကတော့ လူငယ်လေးတွေကို ပြောချင်တာက ရက်ပေါင်း ၁၂၀ ကြာရင် ပိုနေမယ့်သွေးနဲ့ လူနာတွေ မလိုတဲ့အချိန်တည်းကကို လာရောက်ထောက်ပံ့ပေးခြင်းက ဒီလိုအမျိုးချင်း မဖြစ်မနေပေးရတဲ့အခြေအနေကို ကြုံလာမှာမဟုတ်ဘူး။ ဒါကြောင့် အခုကတည်းက စေတနာသွေးလှူရှင်စနစ်ကို လူငယ်တွေထဲမှာ မွေးမြူပြီး ထူထောင်လိုက်မယ်ဆိုရင်တော့ ဒါတွေအကုန်လုံးက ပပျောက်သွားမှာပါ။

Voice : ဟုတ်ကဲ့။ အခုလို ပြည့်ပြည့်စုံစုံဖြေကြားပေးတဲ့အတွက် ကျေးဇူးတင်ပါတယ်။

သီတာဆွေ

Crd # # #နေပြည်တော်ကုတင် ၁၀၀၀ ပြည်သူ့ဆေးရုံကြီး

Blood donation from a family member ဆွေမျိုးအချင်းချင်း သွေးလှူခြင်း

မေးတာတာ ၄-၅ ယောက်ရှိပြီ။ မီဒီယာမှာတင်ထားတဲ့ လင့်ပို့ပေးသူလည်းပါတယ်။ ဆွေမျိုးတွေဆီကသွေးသွင်းရင် သေတတ်တယ်လို့လည်းပါတယ်။ ခပ်တိုတို ဖြေခဲ့ပါတယ်။ အစိုးရိမ်မကြီးသင့်ပါ။ အခု နည်းနည်း ရေးပါရစေ။

ဒီစာရေးဘို့ အရင်ဆုံးသုတေသနလုပ်ပါတယ်။ Blood transfused from relatives can be fatal - TA GVHD သေနိုင်တယ်လို့ အိန္ဒိယဆရာဝန်တယောက်ရေးတာလည်းဖတ်ရတယ်။ အဲတာတခုသာ တွေ့သေးတယ်။ ၃-၁ဝ-၂ဝ၁၂ နေ့က ဆွေမျိုးရင်းဆီကနေသွေးရယူတဲ့လူနာတယောက် သေဆုံးတာရှိတယ်။ TA-GVHD ကြောင့်ဖြစ်တယ်။ Transfusion-associated graft-versus-host disease လို့ခေါ်တယ်။

ဆွေမျိုးတယောက်ဆီက ယူတဲ့သွေးဟာ အမည်မသိသူတယောက်ဆီကသွေးလောက် စိတ်မချရဘူးလို့ဆိုပါတယ်။ GVHD ခေါ်တဲ့ အလှူရှင်-လက်ခံသူကြားဖြစ်တတ်တဲ့ရောဂါကို သတိထားဘို့ရှိပါတယ်။ အဲလိုဖြစ်ရင် အလှူရှင့် သွေးဖြူဥတွေက လက်ခံသူရဲ့သွေးဥတွေကို တိုက်ခိုက်မယ်။ သေဆုံးတဲ့အထိ ဖြစ်နိုင်တယ်။ အဲလိုမဖြစ်အောင် ကာကွယ်လို့ရပါတယ်။ လှူတဲ့သွေးဖြူဥတွေကို အဲလိုမလုပ်စေအောင်နည်းရှိတယ်။ Blood irradiation လို့ခေါ်တယ်။

သွေးတိုက်ရိုက်ဖေါက်ယူသွင်းပေးနည်းဆိုတာရှိတယ်။ ဆွေမျိုးဆီကရော သူငယ်ချင်းဆီကနေပါ သွေးဖေါက်ယူပြီး လူနာကို သွေးသွင်းပေးနည်းဖြစ်တယ်။ ခွဲစိတ်လူနာကို လုပ်ရလေ့ရှိတယ်။ ဆေးသုတေသနစာတမ်းရဲ့ အကြံပြုချက်ကတော့ ဆွေမျိုးအရင်းဆီကနေ သွေးမလှူသင့်။ မဖြစ်မနေလှူရရင် Blood irradiation နည်းနဲ့ကာကွယ်ပါ။

အခြေခံအချက်ကတော့ ABO သွေးအုပ်စုတူမယ်၊ Rh အုပ်စုလည်းတူမယ်၊ သွေးထဲမှာ ကူးစက်ရောဂါပိုးလည်းမရှိရင် သွေးလှူနိုင်တယ်။

သွေးလှူရှင်တဦးမှာ ရှိရမယ့် အရည်အချင်းတွေ
• အသက် အနည်းဆုံး (၁၇) နှစ်ရှိရမယ်။
• ကိုယ်အလေးချန် အနည်းဆုံး 110lbs ပေါင်ရှိရမယ်။
• အနည်းဆုံးသွေးထုထည် 10 mls/kg လှူနိုင်တယ်။
• အနည်းဆုံး ဟီမိုဂလိုဘင် HGB 12.5 g/dL ရှိရမယ်။
• ကိုယ်ပူမနေရ၊ အအေးမိ၊ တုပ်ကွေး၊ လည်ချောင်းနာ၊ ပိုးတခုခုဝင်နေတာ မရှိစေရ။
• ပဋိဇီဝဆေးသောက်ထားသူ ဆေးသောက်ပြီးနောက် အနည်းဆုံး ၄၈ နာရီကွာခြားရမယ်။
• သွေးရယူသူဟာ သားသမီးရနိုင်တဲ့အရွယ်ရှိသူ လူနာအမျိုးသမီးဖြစ်ရင် သူ့ရဲ့ ခင်ပွန်း၊ ဘွိုင်းဖရင်း မဖြစ်စေရ။

ကိုယ်အင်္ဂါအစိတ်အပိုင်းလှူတာတွေကို သတိထားကြည့်ပါ။ ဥပမာ အသည်းအစားထိုးခြင်း။ အသည်းလှူသူတွေဟာ ဆွေမျိုးသားချင်းတွေဖြစ်တတ်တယ်။ အလှူခံသူနဲ့ လှူသူကို အမျိုးမျိုးစစ်ဆေးတယ်။ သွေးအုပ်စုကို အရင်ဆုံးဖြစ်တယ်။ လက်သင့်ခံနိုင်တဲ့အရည်အချင်းပြည့်နေရင် အသည်းလှူနိုင်တယ်။ လှူတဲ့သူက သားဖြစ်လို့၊ သမီးဖြစ်လို့ မလှူရ မရှိပါ။ မိသားစုဝင်တယောက်ယောက် သို့မဟုတ် လင်မယား သို့မဟုတ် သမီးရည်းစား မည်သူမဆို ကောင်းနေတဲ့ သူ့ရဲ့ အသည်းတခြမ်းကို လှူနိုင်ကြပါတယ်။

ကျန်းမာရေးနဲ့ ဆေးပညာသတင်းတွေကို နိုင်ငံရေးသတင်းတွေလို လူမှုရေးသတင်းတွေလို ဖတ်တဲ့သူတွေကို မျက်လုံးပြူးအောင်တော့ မရေးသင့်ဘူးထင်ပါတယ်။

ဒေါက်တာတင့်ဆွေ
၂၁-၆-၂ဝ၁၇

15/08/2025

03/08/2025

14/07/2025

#ဆီးချိုနှင့်ပဲပြုတ်

1. ပဲပြုတ်ထဲတွင် အဆီဓာတ် နှင့် ကယ်လိုရီပါဝင်မှု မရှိသလောက်လွန်စွာ နည်းပါးသော်လည်း၊ အာဟာရ ဓာတ်ကြွယ်ဝသောကြောင့် ကိုယ်ခန္ဓာအလေးချိန် ပုံမှန်ထိန်း သိမ်းလိုသူများ မှီဝဲစားသုံးသင့်ပါသည်။ဖင့

2. ပဲပြုတ်ထဲတွင်ချေဖျက်လွယ်သောအမျှင်ဓာတ် အမြောက်အများပါရှိ၏။ ထိုအမှျှင်ဓာတ်များသည် အစာခြေ လမ်းကြောင်းအတွင်း အစာကိုလှုပ်ရှားရွေ့လျားစေသည့် အလိုအလျောက်ကြွက် သားလှုပ်ရှားမှု ကို အားပေး သဖြင့် ဝမ်းမချုပ်စေပါဘူး။

3. စားတော်ပဲပြုတ်ထဲတွင် nicotinic အက်ဆစ် ပါရှိသဖြင့်၊ သွေးထဲရှိမကောင်းသော ကိုလက်စထရော ကို လျော့ချပေးနိုင်၏။

4. စားတော်ပဲသည် သံဓာတ်အရင်းအမြစ်ဖြစ်ခြင်းကြောင့် သွေးနီဥဆဲလ်များ ကို ကောင်းစွာ တည်ဆောက်စေ ကာ၊ သွေးအားနည်း ရောဂါ နှင့် အလွန်အမင်းမောပမ်းခြင်းတို ့မှ ကာကွယ်ပေးနိုင်ပြီး၊ ကိုယ်ခံစွမ်းအား ကိုတိုးတက်မြင့်မားလာစေပါသည်။ ထို့ပြင် အဆုတ်ထဲရှိ အောင်စီဂျင်ကို ခန္ဓာကိုယ် အနှံ့ပို့ဆောင်ပေး၏။

5. စားတော်ပဲထဲတွင် lutein နှင့် carotenoid တို့ပါရှိသဖြင့်၊ ပဲပြုတ်ကို ပုံမှန်စားသုံးသော သူများသည် အသက်အရွယ်ကြီးရင့် လာခြင်းကြောင့် မျက်စေ့ရောဂါအမျိုးမျိုးနှင့် မျက်စေ့ရေတိမ်ရောဂါ ဖြစ်နိုင်ချေ အလားအလာ ကို လျော့ချပေးနိုင်ကြောင်း
နိုင်ငံတကာ ဆေးသိပ္ပံပညာရှင်များက အကြံပြုထားကြပါသည်။

6. စားတော်ပဲပြုတ် တစ်ခွက်စာပမာဏထဲတွင် ဗီတာမင်ကေ ၄၄% ပါရှိသည့်ပြင်၊ ဗီတာမင်ဘီ လည်းပါရှိသဖြင့် အရိုးကိုကျန်းမာ သန်စွမ်းစေကာ၊ ဟိုမုန်းအပြောင်းအလဲကြောင့် အရိုးကြွတ်ဆတ်ခြင်း မှလည်း ကာကွယ်ပေးနိုင်၏။ ထို့ကြောင့် ကလေး/လူကြီး များသာမက၊ ကိုယ်ဝန်ဆောင်မိခင်လောင်းများပါ ပဲပြုတ်ကို စားပေးသင့်ပါသည်။

7. သွေးထဲရှိသကြားပမာဏကိုပုံမှန်ဖြစ်စေခြင်း၊ ခန္ဓာကိုယ်အတွက် လိုအပ်သောခွန်အားများကို ထုတ် လုပ်ပေးခြင်း၊ ကိုယ်တွင်းရှိ ဇီဝကမ္မဖြစ်စဉ်ကို တိုးတက်ကောင်းမွန်စေခြင်း စသည်ဖြင့် ကောင်း ကျိုးပြု ပါသည်။

8. Free radicals များသည် ခန္ဓာကိုယ်ထဲရှိ သွေးကြောနံရံများကို အနည်ကျပိတ်ဆို့စေ ကာ၊ သွေးကြောမများကို ပျက်စီးစေပြီး၊ အဆီပိတ်ရောဂါ၊ လေဖြတ်ခြင်း၊ အဆစ်ရောင်လေးဘက်နာရောဂါ များကို ဖြစ်စေ၏။ စားတော်ပဲထဲတွင် ပါရှိသော Flavonoids နှင့် phytonutrients များသည် ဓာတ်တိုးဆန် ့ကျင်ပစ္စည်းအဖြစ် စွမ်းဆောင်ပေးကာ၊ ထို Free radicals များကို တိုက်ထုတ် ပေးသဖြင့် အဆိုပါရောဂါများ ကို မဖြစ်စေနိုင်ပါ။ ဒါ့ပြင် သစ်ပင်ထဲတွင် ရှားရှားပါးပါးတွေ့ရသည့် lectins ဓာတ်ပါရှိသဖြင့်၊ သွေးနီဥဆဲလ်များပျော်ဝင်စေကာ၊ သွေးခဲခြင်းမှ ကာကွယ်ပေးပါသည်။

9. ဗီတာမင်ဘီဓာတ်ပေါင်းစုပါရှိကာ homocysteine ပမာဏကို လျော့ကျစေ သဖြင့် နှလုံးရောဂါ အမျိုးမျိုးကိုထိထိရောက်ရောက် ကာကွယ်ပေးသည့်အပြင် နှလုံးရောဂါနှင့်ပတ်သက်ဆက်စပ်လျက် ရှိသောလေဖြတ်ခြင်း တို ့ကိုလဲမဖြစ်စေပါ။ ထို့ကြောင့့် တစ်ပတ်လှျှင် အနဲဆုံးတစ်ကြိမ် စားပေး သင့်ကြောင်း ဆေးသိပ္ပံပညာရှင်များက အကြံပြုထားကြပါသည်။

10. စားတော်ပဲထဲတွင် ဗီတာမင် အေ-ဘီ-စီ-အီး၊ omega-3 တို့ပါရှိသည့်ပြင်၊ ဇင့်သတ္တုဓာတ် အလုံအလောက်ပါရှိ၏။ ထိုဓာတ်ပေါင်း စုများသည် လေပြွန်ဖောင်းပွသည့်ရောဂါ၊ မှက်ခရုရောဂါ၊ အယ်လ် ဇိုင်မား (ခေါ်) ဦးနှောက်အကြိုဇရာရောဂါ တို့ကို ကာကွယ်ပေး နိုင်ပါသည်။

11. စားတော်ပဲပြုတ်ထဲတွင် glycemic ဓာတ်ပါဝင်မှုနဲပါးပြီး၊ သွေးထဲရှိ သကြားပမာဏကို ထိန်းပေးနိုင်ြ ခင်းကြောင့် ဆီးချိုရောဂါ သည်များအတွက် ပဲပြုတ်ဟာ အကောင်းဆုံးအဖော်မွန်ဖြစ်ပါသည်။

12. မက္ကစီကိုနိုင်ငံတွင် မကြာသေးခင်က လေ့လာစမ်းစစ်ချက်အရ၊ စားတော်ပဲထဲတွင် polyphenol ဓာတ်ပါရှိသဖြင့်၊ နေ့စဉ် စားတော်ပဲပြုတ် ၂-မီလီဂရမ်မျှ စားပေးရုံဖြင့် အဆာအိမ်ကင်ဆာကို ကြိုတင်ကာကွယ်ပေးနိုင်ဟည်ဟု ဆိုရပါသည်။

13. မဂ္ဂနီစီယမ် သတ္တူဓာတ် ကြွယ်ဝစွာပါရှိ၍၊ သွေးတိုးရောဂါကိုမဖြစ်စေပါ။

14. ဖောလိပ်ဓာတ်အရင်းအမြစ်စုဝေးရာ စားတော်ပဲပြုတ်ကို ကိုယ်ဝန်ဆောင်မိခင်များ စားပေးြ ခင်းဖြင့် မွေး ဖွား လာသော ကလေးငယ် များတွင် မွေးရာပါ ဦးနှောက်နှင့်အာရုံကြောဝေ ဒနာများ ဖြစ်နိုင်ချေ အလားအလာ နဲပါးစေပါသည်။

15. အမျိုးသမီးများ သွေးဆုံးကိုင်မဖြစ်စေပါ။

#သတိပြုရန်။

#စားတော်ပဲထဲတွင် သဘာဝအလျောက်ပါရှိသော purines ဓာတ်က #ဂေါက်ရောဂါ သမားများနှင့် #ကျောက်ကပ်ဝေဒနာသည် များကို #ဘေးထွက်ဆိုးကျိုးဖြစ်စေနိုင်၍၊ အထူးရှောင် ရှားသင့်ပါသည်။

အာဟာရဓာတ် ကြွယ်ဝသော ပဲပြုတ် ကို ဈေးဈေးပေါပေါ နှင့် အလွယ်တကူရရှိနိုင်သဖြင့်၊ နိုင်ငံတိုင်းတွင် “a poor man’s meat (ဝါ) ဆင်းရဲချို့တဲ့သူများအတွက် အသားဟင်းလျာ” ဟု တင်စားခေါ်ဝေ ါ်လေ့ရှိကြ ပါသည်။ ဆေးသိပ္ပံပညာရှင်များကတော့ “powerfood” ဟု ခေါ်ကြ၏။ ထို ့ကြောင့် မိမိတို့ လက်တကမ်းတွင် အလွယ်တကူ ဈေးျနှုန်းချိုသာစွာ ရရှိနိုင်သော “စားတော်ပဲပြုတ်” လေးများကို နေ့စဉ် သုံးအစားအစာအဖြစ် စားသုံးသင့်ပါကြောင်း။

မူရင်းရေးသားသူ
ပေါက်ပေါက် တောင်သူကြီးဂျာနယ်
Credit to Original Writer ..

09/07/2025

📌မြန်မာနိုင်ငံဆီးချိုသွေးချိုရောဂါအသင်း ဥက္ကဋ္ဌ ပါမောက္ခ ဒေါက်တာသန်းသန်းအေး ရေးသားထားသော

📌DPP4 inhibitors ဆီးချိုသောက်ဆေး၏ နောက်ဆက်တွဲဆိုးကျိုးတစ်ခု ဆောင်းပါးကို တင်ဆက်ပေးလိုက်ပါတယ်…

🥰 ကျက်သရေအဖြာဖြာနဲ့ပြည့်စုံကာ ကျန်းမာပျော်ရွှင်သော နေ့ရက်များကို ပိုင်ဆိုင်နိုင်ပါစေကြောင်း မြန်မာနိုင်ငံဆီးချိုသွေးချိုရောဂါအသင်း (𝗠𝘆𝗮𝗻𝗺𝗮𝗿 𝗗𝗶𝗮𝗯𝗲𝘁𝗲𝘀 𝗔𝘀𝘀𝗼𝗰𝗶𝗮𝘁𝗶𝗼𝗻 𝗠𝗠𝗗𝗔) မှဆုမွန်ကောင်းတောင်းလိုက်ပါတယ်...

📌 𝗠𝘆𝗮𝗻𝗺𝗮𝗿 𝗗𝗶𝗮𝗯𝗲𝘁𝗲𝘀 𝗔𝘀𝘀𝗼𝗰𝗶𝗮𝘁𝗶𝗼𝗻 𝗬𝗼𝘂𝗧𝘂𝗯𝗲 𝗖𝗵𝗮𝗻𝗻𝗲𝗹 𝗟𝗶𝗻𝗸
https://www.youtube.com/channel/UC7rez19SPSdsQDfcbQNQ6SA

08/07/2025

#ဒညင်းသီး ထဲမှာ ပါတဲ့အက်ဆစ်ကို
လို့ ခေါ်ပါတယ်...

အရပ်ထဲမှာတော့
"ရေ၅ထပ်သွန်ပြီးပြုတ်တယ်"
"အဆိပ်ထုတ်ပြီးပြုတ်တယ်"တို့
"ထန်းလျှက်နဲ့ပြုတ်ရင်အဆိပ်ပြေတယ်"တို့
"ထိပ်ကအဆိပ်ဆံလေးထုတ်ပြီးပြုတ်ရင်
ဘာမှမဖြစ်ဘူး"တို့ စသဖြင့်
မျိုးစုံကြားရပါတယ်...

တကယ်တော့
အဆိပ်ဆံလို့သိနေတဲ့နေရာက
ဒညင်းအပင် ပေါက်မယ့်နေရာ ဖြစ်ပါတယ်

အဆိပ် နဲ့မဆိုင်ပါဘူး
အယူအဆ မှားနေတာပါ..

ဒညင်းသီး အသား တစ်ခုလုံးမှာ
အဆိပ်ဓာတ် Djenkolic acid တွေ
အပြည့် ပါပါတယ်

ဒညင်းသီးစားလိုက်တဲ့အခါမှာ
ဒီ အဆိပ်ဓာတ်က အစာအိမ် ကတဆင့်
အူ ထဲကို အရင်ရောက်ပါတယ်..

အူ ထဲကနေ စုပ်ယူပြီး
သွေး ထဲမှာရှိနေတုန်းမှာ
ပျော်ဝင်အဆင့် မှာပဲ ရှိနေပြီး
ပျောက်မသွားပါဘူး ...

ခန္ဓာကိုယ်ထဲက သွေးတွေ အားလုံးဟာ
ကျောက်ကပ် ကိုမဖြစ်မနေ
ဖြတ်သန်းရပါတယ်။

အဆိုပါအဆိပ်
ကျောက်ကပ်ထဲ ရောက်ချိန်၊
ဆီးဖြစ်လာတဲ့အချိန်၊
ဆီးက အက်ဆစ် pH ဘက်ကို
ရောက်တဲ့အချိန်မှာမှ
အချိုမှုန့်ချောင်းလေး တွေပုံစံ
Crystal အဖြစ်ပြောင်းပြီး
ကျောက်ကပ် ပြွန်သေးသေးလေးတွေ
ပေါ်မှာ စိုက်စူးစေပါတော့တယ်...

အဲဒီအချိန်မှာ
ပုံမှန်အလုပ်လုပ်နေရတဲ့ ပြွန်တွေ
ပျက်စီးပြီး
ဆီး ထဲ သွေးပါလာတာမျိုး
ကျောက်ကပ် ပျက်စီးတာမျိုး ဖြစ်လာပါတယ်။

ဘယ်နှစ်ရေ ပဲပြုတ်ပြုတ်
ဘာထည့်ပြီးပြုတ်ပြုတ်
အဆိပ်ဓာတ်ရှိနေတာ ပဲမို့
ဆီးချို သွေးတိုး ရှိပြီးသားသူများ
ရှောင်သင့်ပါတယ်။

စားကောင်းပေမယ့်
ဒညင်းသီးအစား အရသာတူတဲ့
မျောက်ငိုသီး လို
နှစ်တစ်ရာသီး
ပဲကော လို အသီးတွေကိ​ြ
အစားထိုးပြီး စားတာ
အကောင်းဆုံးပါ

ကျောက်ကပ်က လူ့အတွက်
တန်ဖိုး ကြီးပါတယ် ။

ကျောက်ကပ် ပျက်စီးရင်
အမြဲတမ်း ကျောက်ကပ်ဆေး နေရတာမျိုးကို
မသေမချင်း လုပ်သွားရမှာပါ

အခြေအနေပေါ် မူတည်ပြီး
နှစ်ပတ် တစ်ခါ သို့မဟုတ်
တစ်လ တစ်ခါ
ပုံမှန် ကျောက်ကပ်ဆေး ရပါတယ်၊
တစ်ခါ ဆေးရင် နှစ်သိန်းဝန်းကျင်
ကုန်ကျပါတယ်။

ကျောက်ကပ် အစားထိုး လဲဖို့ဆိုရင်လည်း
သိန်း ရာနဲ့ချီ ကုန်ပါတယ်။

မသိလို့ စားခဲ့တာကတော့
ပြင်လို့ မရတော့ပေမယ့်
ဒီအန္တရာယ်ကို သိလာတဲ့အခါ ဆင်ခြင်နိုင်ဖို့
တင်ပြလိုက်ရပါတယ်။

#မူရင်းရေးသားသူအားလေးစားစွာဖြင့်

27/06/2025

နောက်ဆုံးပေါ် Pfizer JN.1 ကိုဗစ်ကာကွယ်ဆေး ဘာကြောင့်ထိုးသင့်သလဲ?

🦠 ကိုဗစ်တွေ ပြန်ဖြစ်နေကြပြီလို့ အားလုံးသတိပြုမိချိန်မှာ ကိုဗစ်ကို ထိထိရောက်ရောက် ကာကွယ်နိုင်မယ့် နည်းလမ်းတွေကို ပြန်ပြီး စိိတ်ဝင်စားလာကြပါတယ်။ အထူးသဖြင့် ကမ္ဘာပေါ်မှာ ကိုဗစ်ဖြစ်ပွားမှုတွေ သိသိသာသာ လျှော့ချပေးတဲ့နေရာမှာ ကိုဗစ် ကာကွယ်ဆေးတွေဟာ အဓိကနေရာက ပါဝင်နေပါတယ်။ အခုဆိုရင်လည်း Pfizer ကနေ ထုတ်လုပ်ထားတဲ့ နောက်ဆုံးပေါ် ကိုဗစ်ကာကွယ်ဆေး JN.1 ကို ထိုးနှံလို့ ရနေပြီ ဖြစ်ပါတယ်။

ထုံးစံအတိုင်း ကိုဗစ်ဟာ မျိုးကွဲသစ်များစွာနဲ့ ကူးစက်ဖို့ ကြိုးစားနေချိန်မှာ Pfizer JN.1 COVID-19 ကာကွယ်ဆေးကတော့ ဒီ နောက်ဆုံးပေါ်ကိုဗစ်မျိုးကွဲတွေကို ကာကွယ်ဖို့အတွက် ဒီဇိုင်းပြုလုပ်ထားတာဖြစ်ပါတယ်။ ဘာကြောင့် ဒီ ကာကွယ်ဆေးကို ထိုးသင့်တာလဲ? တကယ်ရော ထိုးဖို့ လိုအပ်လားဆိုတာကို သိနိုင်ဖို့အတွက် Pfizer JN.1 Vaccine ကို ထိုးခြင်း အားဖြင့် ရနိုင်မယ့် အကျိုးကျေးဇူးတွေကို ပြောပြပေးချင်ပါတယ်။

(၁) နောက်ဆုံးပေါ်မျိုးကွဲတွေကို ပိုမိုကာကွယ်ပေးနိုင်မယ်

💉 Pfizer JN.1 ကာကွယ်ဆေးဟာ JN.1 မျိုးကွဲနဲ့ တခြားမျိုးကွဲတွေ ဖြစ်တဲ့ FLiRT (KP.1.1, KP.2, JN.1.7) နဲ့ FLuQE (KP.3) စတဲ့ လက်ရှိအဖြစ်များနေတဲ့ 🦠 မျိုးကွဲတွေကို ပိုမိုထိရောက်စွာ ကာကွယ်ပေးနိုင်ပါတယ်။ လေ့လာမှုတွေအရဆိုရင် ဒီ JN.1 ကို အခြေခံတဲ့ ကာကွယ်ဆေးတွေဟာ လက်ရှိမျိုးကွဲတွေကို 50-60% လောက် ကာကွယ်ပေးနိုင်ပြီး ပြင်းထန်တဲ့ရောဂါလက္ခဏာတွေကိုတော့ 80-90% အထိ ကာကွယ်ပေးနိုင်တယ်လို့ တွေ့ရှိထားပါတယ်။

(၂) ကိုယ်ခံအားစနစ်ကို မြှင့်တင်ပေးနိုင်တယ်

ကိုဗစ်ဟာ ကိုယ်ခံအားကျတဲ့အချိန်မှာ အဓိက ကူးစက်နိုင်တယ်ဆိုတာ အားလုံးသိပြီးသား ဖြစ်မှာပါ။ အများစုက ကိုဗစ်ကာကွယ်ဆေးတွေကို ထိုးနှံခဲ့ကြတာ အချိန်အတော်ကြာခဲ့ပြီ ဖြစ်တာကြောင့် အခုအချိန်မှာ ကိုယ်ခံအားကို ပြန်လည် မြှင့်တင်ဖို့ လိုနေပါပြီ။ အခု နောက်ဆုံးထုတ်ထားတဲ့ JN.1 ကာကွယ်ဆေးက ကိုယ်ခံအားစနစ်ကို ပြန်လည်အားဖြည့်ပေးပြီး ဗိုင်းရပ်စ်ကို တိုက်ထုတ်နိုင်ဖို့ ကူညီပေးနိုင်မှာ ဖြစ်ပါတယ်။

(၃) ရောဂါလက္ခဏာမပြင်းထန်အောင် ကာကွယ်ပေးနိုင်တယ်

နောက်ဆုံးပေါ် ကိုဗစ်ကာကွယ်ဆေးဟာ ကိုဗစ်ကူးစက်မှုကို ရာနှုန်းပြည့် မကာကွယ်နိုင်ရင်တောင် ရောဂါပြင်းထန်မှုကို သိသိသာသာ လျှော့ချပေးနိုင်ပါတယ်။ အဓိကအားဖြင့် ရောဂါကြောင့် နောက်ဆက်တွဲ ပြဿနာတွေ ဖြစ်ခြင်း၊ ဆေးရုံတက်ရောက်ရခြင်းနဲ့ သေဆုံးနိုင်ခြေကို လျှော့ချပေးနိုင်တာကို လေ့လာမှုတွေအရ တွေ့ရှိရပါတယ်။

(၄) ဘေးကင်းလုံခြုံမှုရှိတယ်

လေ့လာမှုနဲ့ စမ်းသပ်စစ်ဆေးမှုတွေအရ ၇၃ ရာခိုင်နှုန်းသော Pfizer JN.1 ကာကွယ်ဆေးထိုးပြီးသူ တွေဟာ ဘေးထွက်ဆိုးကျိုးတွေကို လုံးဝ မခံစားရကြောင်း တွေ့ရှိရပါတယ်။ ဒါ့အပြင် ဒီကာကွယ်ဆေးဟာ ပြင်းထန်တဲ့ ဘေးထွက်ဆိုးကျိုး မတွေ့ရပဲ ဆေးထိုးသည့်နေရာမှာ နာတာ၊ ပင်ပန်းနွမ်းနယ်တာ၊ ကြွက်သားနာကျင်တာနဲ့ ခေါင်းကိုက်တာ စတဲ့ သာမန်လက္ခဏာတွေသာ တွေ့ရှိရသလို ဒီ လက္ခဏာတွေကလည်း အချိန်တိုအတွင်း ပျောက်ကင်းသွားတာကို တွေ့ရပါတယ်။

(၅) ကိုယ့်မိသားစု ၊ ပတ်ဝန်းကျင်ကို ကာကွယ်ပေးနိုင်မယ်

ကိုဗစ်ကာကွယ်ဆေး ထိုးနှံထားခြင်းက ကိုယ်အပါအဝင် ကိုယ်နဲ့ ဆက်စပ်နေတဲ့ မိသားစု၊ ပတ်ဝန်းကျင်က လူတွေကို ပါ ကာကွယ်ပေးနိုင်ပါတယ်။ အထူးသဖြင့် ကျန်းမာရေး ဝန်ထမ်းတွေ၊ ကိုယ်ခံအားနည်းသူတွေ၊ နာတာရှည် ရောဂါသည်တွေ၊ ကလေးငယ်တွေနဲ့ အသက်ကြီးသူတွေကို ရောဂါက ကာကွယ်နိုင်ဖို့ ဆိုရင် ကာကွယ်ဆေးထိုးနှံထားဖို့ လိုအပ်ပါတယ်။

💉 ဒီကာကွယ်ဆေးကို အသက် (၆) လအထက်ကနေ ထိုးနှံနိုင်မှာ ဖြစ်ပြီး အသက်အရွယ်အလိုက် ဆေးရဲ့ ပမာဏ ကွဲပြားသွားနိုင်ပါတယ်။ အထူးသဖြင့် စိတ်ချရတဲ့ ဆေးရုံ၊ ဆေးခန်း ကျွမ်းကျင်တဲ့ ကျန်းမာရေး ဝန်ထမ်းတွေ ဆီမှာ ထိုးနှံဖို့ အရေးကြီးပါတယ်။ တကယ်လို့ ကိုယ့်မှာ ဆေးဓါတ်မတည့်တာ၊ ဖျားနာတွေ ရှိခဲ့ရင် ဆေးထိုးနှံပေးတဲ့ ဆရာဝန်ကို အကြောင်းကြားဖို့ လိုသလို ဆေးထိုးပြီးနောက် ထူးခြားတဲ့ လက္ခဏာတွေခံစားရရင်လည်း ပြန်လည် အသိပေးဖို့ အရေးကြီးပါတယ်။

🧑🏻‍⚕️ ဒါ့ကြောင့် Pfizer JN.1 ကိုဗစ်ကာကွယ်ဆေးဟာ လက်ရှိအဖြစ်များနေတဲ့ ကိုဗစ်မျိုးကွဲတွေကို ပိုမိုထိရောက်စွာ ကာကွယ်ပေးနိုင်ပြီး ဘေးကင်းလုံခြုံမှုရှိတဲ့ ကာကွယ်ဆေးဖြစ်ပါတယ်။ အခုလို ကိုဗစ်တွေ အဖြစ်များနေချိန်၊ ပြန်လည် ကူးစက်နေချိန်မှာ နောက်ဆုံးပေါ် ထိရောက်တဲ့ ကာကွယ်ဆေးထိုးနှံခြင်းဖြင့် ကိုယ်နဲ့ ကိုယ်ချစ်ရသူတွေကို ကာကွယ်သင့်ကြောင်း ဗဟုသုတ အနေနဲ့ မျှဝေလိုက်ရပါတယ်။







Reference

https://ausvaxsafety.org.au/new-jn1-covid-19-vaccines-well-tolerated-ausvaxsafety-data-show

https://labeling.pfizer.com/ShowLabeling.aspx?id=16319

Disclaimer: This post is intended for general awareness and educational purposes only. It does not promote, prescribe, or sell any form of medication or treatment. Please consult a qualified healthcare professional for personalized medical advice.

08/03/2025

ဝမ်းဟာ ပုံမှန်အတိုင်း အနည်းဆုံး တစ်ရက်တစ်ခါ
လောက်တော့သွားသင့်ပါတယ်။ ဝမ်းမသွားတာ ၇၂ နာရီ (၃) ရက်ထက်ကျော်ပြီ မကြာခဏလည်းဝမ်းအမြဲချုပ်နေတယ်ဆိုရင်တော့ သတိထားပါ...

ဝမ်းမသွားတာကြာရင် ဘာဖြစ်မလဲဆိုတော့..

ဝမ်းမသွားတာကြာတဲ့အခါ အူထဲမှာရှိနေတဲ့အစားဟောင်းတွေကို အူနံရံကစုပ်ယူပါတယ်။ အစာဟောင်းတွေထဲမှာ တာရှည်ခံတွေ ဥပမာ ခေါက်ဆွဲခြောက်၊ အားလူးကြော်၊ အခြားသော တာရှည်ခံ ဓာတုဆေးပါတဲ့မုန့်တွေ၊ ကော်ဖီ၊
အမြန်စားလို့ရတဲ့ ဝက်အူချောင်း ကြက်အူချောင်းလို့ ပြုပြင်ထားတဲ့အစားအစာတွေ၊ စမူဆာ အီကြာကွေး အစရှိတဲ့ဆီကြော်တွေ အကင်တွေ၊ အချိုရည်တွေ၊ မုန့်တွေ အစရှိတဲ့ သဘာဝအတိုင်းမဟုတ်ဘဲ ပြုပြင်ထားတဲ့အစား အသောက်တွေဟာ ရက်တွေကြာလာတဲ့အခါ အူနံရံထဲကိုစိမ့်ဝင်ပါတယ်။

အူနံရံမှာရှိတဲ့ ဆဲလ်တွေဟာ ပြုပြင်ထားတဲ့အစားအသောက်တွေ၊ ဓာတုဆေးဝါးတွေကြောင့် ဆဲလ်ဖွဲ့စည်းပုံ(Cellular Structure) တွေပျက်ပြီးတော့ ပုံမှန်မဟုတ်တော့ဘဲ ရှိသင့်တဲ့အရွယ်အစားထက်ပိုကြီးထွားလာပါတယ်။ အဲလိုကြီးထွားလာတာကို အကြိတ်အဖုတွေထွက်တယ်၊ အသားပိုဖြစ်တယ်၊ ကင်ဆာ ဖြစ်တယ်လို့ သတ်မှတ်ပါတယ်။

အသားငါးတွေကို ရေခဲသေတ္တာထဲမှာ ပလက်စတစ်နဲ့ ထုပ်ပိုးတာဟာ အရမ်းအန္တရာယ်များပါတယ်။
ရေခဲသေတ္တာထဲတွင် အစားအစာကို ပလပ်စတစ်နှင့်ထည့်ပြီး သိုလှောင်ထားတာဟာ အစားအသောက်ထဲကို ပလက်စတစ်ထဲက ကင်ဆာဖြစ်စေတဲ့ ဓာတုပစ္စည်းတွေ ပျော်ဝင်စေပါတယ်။ ပလပ်စတစ်တွင်ပါဝင်တဲ့ ကင်ဆာဖြစ်စေသည့် စတိုင်ရင်း(Styrene) ဓါတ်နဲ့ ဒိုင်အောက်ဇင်းဓါတ်တွေဟာ အသားငါးတွေ အစားအသောက်တွေထဲကို စိမ့်ဝင်ပါတယ်။ အဲဒါတွေကို အပူပေးချက်ပြုတ်တာ ဆီနဲ့ချက်ပြုတ်တာဟာ ရင်သားကင်ဆာနှင့် ကင်ဆာအမျိုးမျိုး ဟော်မုန်းအပြောင်းအလဲဖြစ်ခြင်း နှင့် မျိုးပွားမှုကိုလည်း ထိခိုက်စေပါတယ်။

ကင်ဆာအကြိတ်အဖုတွေက အူလမ်းကြောင်းရဲ့ ပုံမှန်းလုပ်ငန်းတွေကို မလုပ်နိုင်အောင်နှောင့်ယှက်ပါတယ်။ အူတွေလှုပ်တာတွေ၊ အကျိအချွဲထုတ်ပေးတာတွေ၊ အစာဟောင်းတွေကို တွန်းထုတ်တာတွေ အစားဟောင်းရဲ့အဟာရကို စုပ်ယူတာတွေ မလုပ်နိုင်တဲ့အခါ ဝမ်းပိုချုပ်တာတွေနဲ့ အခြားအူလမ်းကြောင်းကျန်းမာရေး မကောင်းတော့တာတွေ အာဟာရမပြည့်ဝတာတွေ ဖြစ်လာစေပါတယ်။

အလုံးအကြိတ်တွေပိုကြီးလာတော့ လူတစ်ယောက်ရဲ့ ကျန်းမာရေးကိုသာမကဘဲ အသက်ရှင်မှုအထိပါ အနှောင့်ယှက်ဖြစ်လာစေတော့တာပါပဲ။

အကြမ်းဖျဥ်းအားဖြင့် ကင်ဆာရောဂါလို့ ခေါ်ကြပါတယ်။

ကင်ဆာရောဂါဟာ အစားအသောက်အနေအထိုင်ကြောင့်ဖြစ်တာနဲ့ မျိုးရိုးဗီဇကြောင့်လည်း ဖြစ်တတ်ကြပါတယ်။

ဝမ်းမှန်ဖို့ ခါးအောက်ပိုင်းလေ့ကျင့်ခန်းများများလုပ်ပါ။ လမ်းလျှောက်ပါ၊ တတ်နိုင်ရင် GYM ကစားပါ၊ အားကစားလုပ်ပါ။ ရေကို တစ်နေ့ ၃ လီတာလောက် သတိထားပြီး ရအောင်သောက်ပါ။ အမျှင်ဓာတ်ပါတဲ့ အသီးအရွက်တွေ၊ အစိမ်းရောင် အရွက်တွေများများစားပါ။ အစိမ်းရောင်အရွက်တွေမှာ ကင်ဆာဖြစ်စေတဲ့၊ ဓာတ်တိုးစေတဲ့ Radical တွေကို တိုက်ဖျက်နိုင်တဲ့ ဓာတ်တိုးဆန့်ကျင် Antioxidant တွေ အများကြီးပါပါတယ်။ လေ့ကျင့်ခန်းလုပ်ရင်လည်း ခန္ဓာကိုယ်ရဲ့ Immuse System ကို မြှင့်တင်ပေးပါတယ်၊ ရောဂါကာကွယ်တဲ့စနစ်ကို မြင့်တက်စေပါတယ်။

ပြုပြင်ထားတဲ့ အသင့်စားလို့ရတဲ့ အစားအသောက်တွေရှောင်ပါ၊ ဆီကြော်တွေ၊ ကော်ဖီ၊ လက်ဖက်ရည်၊ အကင်တွေရှောင်ပါ၊ အသီးအရွက်များများစားပါ၊ ဒိန်ချဥ်သောက်ပါ။ အစားအသောက်တွေကို ဆီနဲ့ကြော်စားတာထက် ဆီးနည်းနည်းနဲ့ ရေနဲ့ချက်ပြုတ်စားပါ။

"ရသာရတနံ" လို့ခေါ်တဲ့ ပါးစပ်အလိုမလိုက်ပါနဲ့။

ကျန်းမာကြပါစေ။