What are the opening hours?

Monday 07:00 - 21:00 Tuesday 07:00 - 21:00 Wednesday 07:00 - 21:00 Thursday 07:00 - 21:00 Friday 09:00 - 21:00 Saturday 07:00 - 21:00 Sunday 07:00 - 21:00

https://www.facebook.com/kohtetblind

Ko Htet Blind Massage ဂျပန်မြန်မာအကြောပြင်, 118Aလမ်း 45*46ကြား မြရည်နန္ဒာအိမ်ရာ ချမ်းမြသာစည်မြို့နယ် မန္တလေးမြို့။, Mandalay (2026)

15/12/2024

#လေဖြတ်နိုင်တယ်လို့ ပြတဲ့ ရှေ့ပြေးလက္ခဏာ(၁၀)ချက်

၁။ ဦးခေါင်းနောက်စေ့ တွင် ခေါင်းကိုက် ခြင်း၊ မကြာ ခဏ မူးဝေခြင်း။

၂။ ခြေ လက် တို့တွင် မကြာခဏ ကျဉ်ခြင်း၊ ကိုယ်လက် လေးလံ ထိုင်းမှိုင်းခြင်း။

၃။ မျက်ခွံနှင့် မျက်နှာကြွက်သား တို့ ဆတ်ခနဲ လှုပ်ခြင်း၊ အသားကွက် ၍ တဆတ်ဆတ် လှုပ်ခြင်း။

၄။ မကြာ ခဏ ဝမ်းချုပ်ပြီး ဗိုက်တွင်လေပွနေခြင်း။

၅။ ညအိပ် ချိန် ကျဉ် ထုံခြင်း လန့်နိုးခြင်း။

၆။ ဆီး အနီရောင် သွားခြင်း။

၇။ ပစ္စည်းများ ကိုင်လျှင် မမြဲခြင်း၊ မကြာ ခဏ လွတ်ကျ တတ်ခြင်း။

၈။ ဘယ်ဘက် လက် ကိုက်ခဲပြီး လက်မ တွင် ထုံခြင်း၊ ဘယ်ခြေ ဆွဲခြင်း။

၉။ အမျိုးသား များ အသက် ၄၅-နှစ်ကျော် လျှင် ရက်ရှည် ခြေ,လက် ထုံ ကျဉ်ခြင်း။

အမျိုးသမီး များ သွေးဆုံးချိန် တွင် ခြေ,လက် များ ထုံကျဉ်ခြင်း။

လက်ညှိုး၊ လက်ခလယ် ကွေးရာ မှ ချက်ချင်း ဆန့် မရခြင်း။

၁၀။ ရေချိုးပြီး လျှင် မျက်စိ များ ကြာမြင့် စွာ နီရဲခြင်း။

ကြိုတင် သိရှိပြီး လူသားများ အားလုံး လေဖြတ်ခြင်းမှကာကွယ်နိုင်ကြပါစေ။

25/01/2024

ဆီးချိုနှင့်အာတာလွတ်ဥ
နှလုံးနဲ့ကျောက်ကပ်ကိုအားကောင်းစေတဲ့ အာတာလွတ်ဥ

(၁) နှစ်ခြိုက်စွာ အိပ်ပျော်စေတယ်

အာတာလွတ်ဥဟာ မဂ္ဂနီဆီယမ်ပါဝင်မှုမြင့်မားတာကြောင့်
နှစ်ခြိုက်စွာအိပ်ပျော်စေနိုင်ပါတယ်။ အိပ်မပျော်တာ၊
နှစ်ခြိုက်စွာ အိပ်မပျော်တာတွေအားလုံးကို ဖြေရှင်းပေးနိုင်ပါတယ်။

(၂) သွေးအားကို ထိန်းညှိပေးတယ်

အာတာလွတ်ဥမှာ ပိုတက်စီယမ်နဲ့ ဆိုဒီယမ် ပါဝင်မှုများတာကြောင့် သွေးအားကို ထိန်းညှိပေးနိုင်ပါတယ်။ သွေးတိုးရောဂါရှိတဲ့ သူတွေ မဖြစ်မနေ စားသုံးပေးသင့်တဲ့ အစားအစာ တစ်ခုဖြစ်ပါတယ်။

(၃) ကျောက်ကပ်အားကောင်းစေတယ်

အာတာလွတ်ဥမှာ ပိုတက်ဆီယမ်ဓာတ်ကြွယ်ဝစွာပါဝင်တာကြောင့် ကျောက်ကပ်ကို သန့်စင်ပေးပြီး ကျောက်ကပ်ထဲက
အဆိပ်အတောက်တွေကို ဖယ်ရှားပေးနိုင်ပါတယ်။

(၄) နှလုံးအားကောင်းစေတယ်

အာတာလွတ်ဥထဲမှာပါဝင်တဲ့ folate လို့ ခေါ်တဲ့ ဓာတ်ဟာ
နှလုံးရောဂါဖြစ်စေတဲ့ homocysteine ဓာတ်ကို
လျှော့ချပေး ပါတယ်။ မဂ္ဂနီဆီယမ်ပါဝင်မှုမြင့်မားပြီး သတ္တုဓာတ်
ကြွယ်ဝတာကြောင့် သွေးလည်ပတ်မှုကို အားကောင်းစေပါတယ်။

(၅) ဗီတာမင်ဘီအုပ်စု ကြွယ်ဝတယ်

အာတာလွတ်ဥမှာ ဗီတာမင်ဘီအုပ်စု ကြွယ်ဝစွာ ပါဝင်ပါတယ်။
ကောင်းမွန်တဲ့ ကိုလက်စရောတွေ ပါဝင်တာကြောင့်
နှလုံးသွေးကြောနဲ့ ပတ်သက်တဲ့ ရောဂါတွေကို
ကာကွယ်ပေးပါတယ်။ သွေးအားနည်းရောဂါအပြင်၊
မူးမော်တာတွေ မဖြစ်အောင်လည်း ကာကွယ်ပေးပါတယ်။

(၆) သွေးနီဥတိုးစေတယ်

Copper နဲ့ သံဓာတ်ဟာ သွေးနီဥ အသစ်တွေဖြစ်ပေါ်စေဖို့
မရှိမဖြစ် လိုအပ်တဲ့ ဓာတ်တွေဖြစ်ပါတယ်။ အာတာလွတ်ဥထဲမှာ
ဒီဓာတ်တွေကြွယ်ဝစွာ ပါဝင်တာကြောင့် သွေးအားကောင်းစေပါတယ်။

(၇) ဉာဏ်ရည်ထက်မြက်စေတယ်

အာတာလွတ်ဥထဲမှာ ပါဝင်တဲ့ သံဓာတ်ဟာ သွေးလည်ပတ်မှု
အားကောင်းစေတဲ့ ဦးနှောက်ထဲကို အောက်စီဂျင်လုံလောက်စွာ
ရောက်ရှိစေတဲ့အတွက် ဉာဏ်ကောင်းစေပါတယ်။
သတိမေ့ရောဂါ မဖြစ်အောင်လည်း ကာကွယ်ပေးနိုင်စွမ်းရှိပါတယ်။

မေတ္တာဖြင့်ပြန်လည်မျှဝေသည်

05/10/2023

လိပ်ခေါင်းရောဂါကာကွယ်နည်းနှင့်လိပ်ခေါင်းရောဂါ ရှိသူများ မဖြစ်မနေ သိထားသင့်သော အချက်များ

လိပ်ခေါင်းဆိုတာ တကယ်တော့ မစင်အိမ်နဲ့ စအိုနားက သွေးပြန်ကြောတွေ ဖောင်းလို့ဖြစ်လာတာပါ။ ဖြစ်တဲ့နေရာပေါ်မူတည်ပြီး အပြင်လိပ်နဲ့ အတွင်းလိပ်လို့လည်း ခွဲထားပါတယ်။ လိပ်ခေါင်းက ဘာလို့ဖြစ်တာလဲ။ မကုဘဲထားရင် ဘာဖြစ်မလဲ။ အသက်အန္တရာယ်စိုးရိမ်ရလား။ ကာကွယ်လို့ရလားဆိုတာကို ပြောပြပေးပါမယ်။

လိပ်ခေါင်းရောဂါ ဘာလက္ခဏာများ

👉အပြင်လိပ်
စအိုပတ်လည်က အရေပြားမှာတွေ့ရပါတယ်။ လက္ခဏာတွေကတော့

-စအိုနားတစ်ဝိုက်မှာယားပါမယ်။

-နာမယ်။ နေရတာ အဆင်မပြေပါဘူး။

-စအိုနားမှာ အလုံးစမ်းမိပါမယ်။

-သွေးထွက်ပါမယ်။

👉အတွင်းလိပ်
မစင်အိမ်ထဲမှာဖြစ်တာပါ။ မြင်လည်းမမြင်ရသလို စမ်းကြည့်လို့လည်း မရပါဘူး။ ဒါကြောင့် ရှိလို့ရှိမှန်းတောင်မသိပါဘူး။ ဝမ်းသွားလိုက်တဲ့အခါမှသာ

-သွေးပါလာမယ်။ မနာဘူး။ ဝမ်းသွားပြီးမှ အိမ်သာခွက်မှာ သွေးပေနေတာတွေ့မယ်။

-တစ်ခါတစ်လေ ဝမ်းညှစ်လိုက်မှ လိပ်ခေါင်းက အပြင်ကို ထွက်လာမယ်။ အဲ့တော့မှ နာလို့ သိတာမျိုးလည်းဖြစ်နိုင်ပါတယ်။

👉လိပ်ခဲ
အပြင်လိပ်မှာရှိတဲ့ သွေးတွေခဲလာတဲ့အခါ လိပ်ခဲဆိုတာဖြစ်လာပြီး

-ပြင်းပြင်းထန်ထန်နာတာ

-ဖောင်းလာတာ

-ရောင်ရမ်းတာ

-ခပ်မာမာအဖုဖြစ်လာတာမျိုး ဖြစ်နိုင်ပါတယ်။

ဘယ်အခါမှာ ဆရာဝန်နဲ့ ပြကြမလဲ။
အိမ်မှာနေရင်း တစ်ပတ်နေလို့မှ မသက်သာရင်ဆရာဝန်နဲ့ပြပါ။ ဒါ့ပြင် ဝမ်းသွားလို့ သွေးပါတိုင်း လိပ်ခေါင်း ဟုတ်ချင်မှ ဟုတ်မှာပါ။ တခြားရောဂါတွေလည်း ဖြစ်နိုင်ပါတယ်။ အထူးသဖြင့် ဝမ်းသွားတဲ့ပုံစံပြောင်းနေတယ်။ ဝမ်းအရောင်တွေ ပြောင်းနေတယ်ဆိုရင် သတိထားပါ။ အူမကြီးကင်ဆာနဲ့ စအိုကင်ဆာတို့လည်း ဖြစ်နိုင်ပါတယ်။ ဝမ်းထဲမှာ သွေးပါတာများလာတယ်၊ ခေါင်းမူးတယ်၊ အားနည်းလာတယ်၊ မိုက်ခနဲဖြစ်လာတယ်ဆိုရင်လည်း သတိထားပါ။ သွေးလန့် (shock) ရတတ်ပါတယ်။ ဒါတွေဖြစ်လာပြီဆိုရင်တော့ ဆေးရုံကို မြန်မြန်သွားပါ။

အသက်ကြီးလာတာနဲ့အမျှ လိပ်ခေါင်းဖြစ်နိုင်ချေပိုများပါတယ်။ အကြောင်းက တစ်ရှူးတွေ အားပျော့လာလို့ပါ။နောက်တစ်ခုက ကိုယ်ဝန်သည်တွေပါ။ ကိုယ်ဝန်ဆောင်ချိန်မှာ ကလေးက စအိုနားကိုဖိထားပါတယ်။ ဒါကြောင့် ဖိအားများပြီး လိပ်ခေါင်းဖြစ်တာပါ။

👉လိပ်ခေါင်းရောဂါ နောက်ဆက်တွဲဆိုးကျိုးများ

♦️သွေးအားနည်းခြင်း

ဖြစ်ခဲပေမယ့် နာတာရှည် လိပ်ခေါင်းရောဂါမှာဆိုရင်တော့ သွေးနီဥနည်းပြီး သွေးအားနည်းတတ်ပါတယ်။

♦️လိပ်ခေါင်းပုပ်ခြင်း

အတွင်းလိပ်ကို အကြောင်းအမျိုးမျိုးကြောင့် သွေးမလျှောက်တဲ့အခါ ပုပ်ပြီး ပြင်းပြင်းထန်ထန်နာတတ်ပါတယ်။

♦️လိပ်ခဲ

လိပ်ခေါင်းထဲမှာရှိတဲ့သွေးတွေက ခဲတတ်ပါတယ်။ အန္တရာယ်မရှိပေမယ့် အင်မတန်နာတာကြောင့် ဖောက်ထုတ်ရတတ်ပါတယ်။

✅ကာကွယ်နည်းများ✅

လိပ်ခေါင်းမဖြစ်ဖို့ အကောင်းဆုံးနည်းကတော့ ဝမ်းချုပ်မခံပါနဲ့။ လိပ်ခေါင်းမဖြစ်ဖို့နဲ့ လိပ်ခေါင်းရဲ့ လက္ခဏာကို သက်သာစေဖို့ဆိုရင်

(၁) အမျှင်ဓာတ်များများစားပါ။ အသီးအရွက်၊ အစေ့အဆန်များများစားပါ။

(၂) ရေများများသောက်ပါ။ တစ်နေ့ကို ရေ၆ဖန်ခွက်ကနေ ၈ဖန်ခွက်အထိသောက်ပေးပါ။

(၃) ဝမ်းမညှစ်ပါနဲ့။ ဝမ်းညှစ်ရင် အူအောက်ပိုင်းက သွေးပြန်ကြောတွေမှာ သွေးဖိအားများလာပါတယ်။

(၄) ဝမ်းမအောင့်ထားပါနဲ့။ ဝမ်းအောင့်ထားရင် ဝမ်းချုပ်တာ၊ စမြင်းခံတာတွေဖြစ်တတ်ပါတယ်။

(၅) လေ့ကျင့်ခန်းလုပ်ပါ။ လှုပ်လှုပ်ရှားရှားနေတာက ဝမ်းချုပ်တာကို ကာကွယ်ပေးပါတယ်။ ဒါ့ပြင် ကိုယ်အလေးချိန်ကိုလည်း ကျစေပါတယ်။

(၆) အကြာကြီးမထိုင်ပါနဲ့။ အထိုင်များရင် စအိုနားက သွေးပြန်ကြောတွေကို ဖိထားတာကြောင့် သွေးဖိအားများပြီး လိပ်ခေါင်းဖြစ်တတ်ပါတယ်။

; မူရင်း‌ေရးသားသူအား လေးစားလျက်
Crd

03/07/2023

🍀🍀 #လူသိနည်းတဲ့ ကြက်ဟင်းခါးသီးရဲ့အဖိုးမဖြတ်နိုင်တဲ့ အစွမ်းများ...🍀🍀

☑
ကြက်ဟင်းခါးသီး၏ စွမ်းပကား ခါးသက်သက် အရသာရှိတဲ့ ကြက်ဟင်းခါးသီးဟာ အပူပိုင်း စိုစွတ်တဲ့ရာသီမှာ ပေါက်လေ့ရှိပြီး အဓိကအားဖြင့် အာရှတိုင်းပြည်တွေနဲ့ တောင်အမေရိကတွေ မှာ တွေ့ရပါတယ်။ အရသာက ခါးသက်တယ်ဆိုပေမယ့် ကြက်ဟင်းခါးသီးမှာ ကျန်းမာရေး အကျိုးကျေးဇူးများစွာ ရှိပါတယ်။

☑ အာဟာရတန်ဖိုး🍀
..... ကြက်ဟင်းခါးသီးမှာ ကယ်လိုရီပါ ဝင်မှု အလွန်လျော့နည်းပါတယ်။ ဒါပေမဲ့ တန်ဖိုးရှိတဲ့ အာဟာရဓာတ်တွေ အများ အပြား ပါဝင်ပါတယ်။ ဗီတာမင် B1 ၊ B2 နဲ့ B3၊ ဗီတာမင် စီ၊ မဂ္ဂနီဆီယမ်၊ ဖော လစ်အက်စစ်၊ ဇင့်(သွပ်)၊ ဖော့စ်ဖရပ်စ်၊ မဂ္ဂနိစ်နဲ့ အမျှင်ဓာတ်တို့ ကောင်းစွာ ပါ ဝင်နေပါတယ်။ သံဓာတ်ပါဝင်မှု များပြီး ဘီတာကယ်ရိုတင်းပါဝင်မှုဟာ ပန်းဂေါ်ဖီ စိမ်းထက် နှစ်ဆ၊ ကယ်လ်စီယမ် ပါဝင် မှုက ဟင်းနုနယ်ရွက်ထက် နှစ်ဆနဲ့ ပို တက်စီယမ်ပါဝင်မှုက ငှက်ပျောသီးထက် နှစ်ဆ အသီးသီး ပါဝင်နေပါတယ်။ ကြက် ဟင်းခါးသီးမှာ သွေးတွင်း သကြားဓာတ် ကို ကျစေတဲ့ အာနိသင်ရှိသလို Polypeptide P လို့ခေါ်တဲ့ အင်ဆူလင်လို ဒြပ် ပေါင်းတစ်မျိုးလည်း ပါဝင်တာကြောင့် ဆီး ချိုရောဂါရှိသူတချို့အတွက် ကောင်းကျိုး ရှိကြောင်း လေ့လာသူတွေက ဆိုပါတယ်။

☑ ကျန်းမာရေး အကျိုးကျေးဇူးများ🍀

⃣ (၁) သွေးပြဿနာများ🍀

ကြက်ဟင်းခါးသီးအရည်ဟာ သွေး ဆိပ်သင့်တာကြောင့်ဖြစ်တဲ့ အနာနဲ့ ယား ယံမှုတွေကို ကုသရာမှာ အလွန်အကျိုး ကျေးဇူးများပါတယ်။ လတ်ဆတ်တဲ့ ကြက် ဟင်းခါးသီးအရည်ကို သံပရာရည်နဲ့ ရောကာ အစာမရှိချိန် ဖြည်းဖြည်းချင်း ငုံပြီး နေ့စဉ်သောက်ပေးရင် ၄-၆လ အကြာမှာ သိသာတဲ့ တိုးတက်မှုကို တွေ့ရပါ တယ်။

⃣ (၂) ကာလဝမ်းးရောဂါ 🍀

ကာလဝမ်းရောဂါ အစောပိုင်းအ ဆင့်မှာ ကြိတ်ခြေထားတဲ့ ကြက်ဟင်းခါး ရွက် လက်ဖက်စားဇွန်း နှစ်ဇွန်းနဲ့ ကြက် သွန်နီအရည် လက်ဖက်စားဇွန်း နှစ်ဇွန်း၊ သံပရာရည် လက်ဖက်စားဇွန်း တစ်ဇွန်း တို့ကို ဆတူရောပြီး နေ့စဉ် သောက်ပေး ပါ။

⃣ (၃) ဆီးးချိုရောဂါ 🍀

ကြက်ဟင်းခါးသီးမှာ ပါတဲ့ အပင် ထွက်အင်ဆူလင်ဟာ ဆီးနဲ့ သွေးထဲက သကြားဓာတ်ကို လျော့ကျစေတဲ့ အကျိုး ကျေးဇူး ရှိပါတယ်။ ကြက်ဟင်းခါးသီးဟာ သွေးတွင်း အင်ဆူ လင်အဆင့်ကို တိုးစေ တာမျိုး မရှိဘဲ ဂလူးကို့စ်ခံနိုင်ရည်ရှိမှုက ို သိသိသာသာ ကောင်းမွန်စေတာ ဖြစ်ပါ တယ်။

⃣ (၄) စွမ်းအင် ကြက်ဟင်းခါးသီး 🍀

အရည်ကို ပုံမှန် သောက်ပေးတာကြောင့် စွမ်းအင်နဲ့ သက် လုံကို ကောင်းမွန်စေပါတယ်။ နှစ်နှစ် ခြိုက်ခြိုက် အိပ်မောကျစေပါတယ်။

⃣ (၅) မျက်စိပြဿနာများ 🍀

ကြက်ဟင်းခါးသီးမှာ ဘီတာကယ်ရို တင်းနဲ့ တခြားအာနိသင်တွေ ပါဝင်မှု မြင့် မားတာကြောင့် မျက်စိပြဿနာတွေကို ကင်းဝေးစေပြီး အမြင်အာရုံကို တိုးတက် ကောင်း မွန်စေပါတယ်။

⃣ (၆) အရက်နာကျခြင်း 🍀

ကြက်ဟင်းခါးသီးအရည်ဟာ အ ရက်နာကျတဲ့ ဝေဒနာကို ကုသရာမှာ ကောင်းကျိုး ရှိပါတယ်။ အရက်သောက် တာကြောင့်ဖြစ်တဲ့ အသည်းဝေဒနာ တွေကို ပြုပြင်ပေးပြီး အသည်းကို သန့် စင်စေပါတယ်။

⃣ (၇) ကိုယ်ခံစွမ်းအား ကောင်းမွန်ခြင်း🍀

ကြက်ဟင်းခါးသီးအရည်ဟာ ကိုယ် ခံစွမ်းအားစနစ်ကို ကောင်းမွန်အောင် တည်ဆောက်ပေးပြီး ခန္ဓာကိုယ်ရဲ့ ရောဂါ တွန်းလှန်နိုင်စွမ်း ကို ကောင်းမွန်စေ ပါတယ်။

⃣ (၈) လိပ်ခေါင်း 🍀

ကြက်ဟင်းခါးရွက်ကရတဲ့ အရည် လက်ဖက်စားဇွန်း သုံးဇွန်းကို ထောပတ်၊ နို့ တစ်ဖန်ခွက်နဲ့ ရောကာ နံနက်တိုင်း အစာမရှိချိန်မှာ သောက်ပေးရင် တစ်လအကြာမှာ သက်သာသွား ပါလိမ့်မယ်။ လိပ်ခေါင်းက နာကျင်နေရင် ကြက်ဟင်းခါးပင်ရဲ့ အမြစ်ကို စေးပျစ်အောင် ကြိတ်ပြီး လိပ်ခေါင်းပေါ်မှာ အုပ်ပေးပါ။

⃣ (၉) ဆိုးရီးယေးစစ်အရေပြားအနာ 🍀

ကြက်ဟင်းခါးရွက်အရည်ကို ပုံမှန် သောက်ပေးရင် ဆိုးရီးယေးစစ်နဲ့ တခြား ဖန်းဂပ်စ်မှိုစွဲတဲ့ အရေပြားအနာတွေကို သက်သာစေပါတယ်။

⃣ (၁၀) အသက်ရှူလမ်းကြောင်း ပြဿနာများ 🍀

လတ်ဆတ်တဲ့ ကြက်ဟင်းခါးသီး အရည် နှစ်အောင်စနဲ့ ရေရောထားတဲ့ ပျားရည်တစ်ခွက်ကို ရောသောက်ပေးရင် ပန်းနာရင်ကျပ်၊ လေပြွန်ရောင်တာ စတဲ့ အသက်ရှူလမ်းကြောင်း ဝေဒနာတွေကို သက်သာစေပါတယ်။ သတိပြုရန် ဆီးချိုကုသဆေးသောက်နေတဲ့ ဆီးချိုရောဂါရှိသူတွေအနေနဲ့ ကြက်ဟင်းခါးအရည် မသောက်ခင် ဆရာဝန်နဲ့ တိုင်ပင်ပါ။

#ကိုယ်ဝန်ဆောင်တွေအနေနဲ့ ကြက်ဟင်းခါးသီးကို အလွန်အမင်း စားသောက်တာမျိုး ရှောင်သင့်ပါတယ်။

:

28/06/2023

#ဆီးချိုနဲ့ နှလုံးရောဂါကို ကာကွယ်ပေးတဲ့ မုန်ညှင်းဖြူရဲ့ အကျိုးကျေးဇူးများ
=====l====y====p=====
==================

မုန်ညှင်းဖြူက ကျန်းမာရေးကို အဓိက အထောက်အကူပြုတဲ့ ဟင်းသီးဟင်းရွက် အမျိုးအစားထဲမှာပါ၀င်ပါတယ်။

နှလုံးရောဂါကို ကာကွယ်ပေး

မုန်ညှင်းဖြူမှာ ဗီတာမင် B9 ဓာတ်တွေ ကြွယ်၀စွာပါ၀င်ပြီး နှလုံးလုပ်ဆောင်မှုကို အဓိက ပံ့ပိုးပေးတဲ့ ဓာတ်လည်းဖြစ်ပါတယ်။ အသက်ငယ်ငယ်ရွယ်ရွယ်နဲ့ နှလုံးရုတ်တရပ် ရပ်တန့်မှုကိုဖြစ်စေတဲ့ Homocysteine တွေကိုလည်း ဖယ်ရှားပေးပါတယ်။ နှလုံးသွေးကြောထဲမှာ ကိုလက်စထရောတွေ အနယ်ကျတာကိုလည်း ထိန်းချုပ်ပေးပါတယ်။

ဦးနှောက်ကျန်းမာရေးကိုလည်း ထောက်ပံ့ပေး

မုန်ညှင်းဖြူမှာ ကော့ပါးဓာတ်တွေ အများကြီးပါ၀င်တာကြောင့် ဦးနှောက်နဲ့ပတ်သက်တဲ့ လုပ်ငန်းဆောင်တာတွေကို ကာကွယ်ပေးပါတယ်။ မုန်ညှင်းဖြူကို ဦးနှောက်အတွက် အစားအစာလို့တောင် တင်စားခေါ်ဝေါ်ကြပါတယ်။ ဆင်ခြင် သုံးသပ်မှုနဲ့ ဆုံးဖြတ်နိုင်စွမ်းရှိတဲ့ ဘယ်ဘက်ဦးနှောက်ကျန်းမာရေးအတွက် အထူးကောင်းမွန်ပါတယ်။ ကော့ပါးဓာတ်တွေလျော့နည်းရင် ဦးနှောက်နဲ့ အာရုံကြော ဖွံ့ဖြိုးမှုကို ထိခိုက်နိုင်ပါတယ်။

ဆီးချိုရောဂါကို ကာကွယ်ပေး

အစာခြေတဲ့ အင်ဇိုင်းစနစ်ဖြစ်တဲ့ Gluconeogenesis ကို မုန်ညှင်းဖြူမှာပါ၀င်တဲ့ Manganese က အဓိက ထောက်ပံ့ပေးပါတယ်။ Gluconeogenesis က သွေးအတွင်း သကြားဓာတ်ကို ထိန်းညှိပေးပါတယ်။ ဒါကြောင့် ဆီးချိုရောဂါဖြစ်စေတဲ့ သွေးအတွင်း သကြားဓာတ်များခြင်းကို ထိန်းညှိပေးနိုင်တာကြောင့် ဆီးချိုရောဂါကို သက်သာ ကာကွယ်ပေးပါတယ်။

ဓမ္မတာမလာခင်နဲ့ လာချိန်မှာ နာကျင်တာတွေကို သက်သာစေ

မုန်ညှင်းဖြူမှာ သတ္တုဓာတ်တွေ အများကြီးပါ၀င်တာကြောင့် ဓမ္မတာမလာခင်နဲ့ လာချိန်မှာ ခံစားရတာတွေဖြစ်တဲ့ ခေါင်းမူး၊ စိတ်တို၊ စိတ်အပြောင်းအလဲမြန်တာတွေ ကို သက်သာစေပါတယ်။

ပန်းနာရင်ကျပ် ရောဂါကိုလည်းကာကွယ်ပေး

နာတာရှည် ပန်းနာရင်ကျပ် ရောဂါခံစားနေရသူတွေအနေနဲ့လည်း မုန်ညှင်းဖြူကို စားပေးသင့်ပါတယ်။ မုန်ညှင်းဖြူမှာ Magnesium ဓာတ်တွေပါ၀င်တာကြောင့် အသက်ရှည်လမ်းကြောင်း ကြွက်သားတွေကို အားကောင်းစေကာ သက်တောင့်သက်သာဖြစ်စေပြီး ပုံမှန်အသက်ရှူနိုင်အောင်ကူညီပေးပါတယ်။

Source: Health Benefits Times
LYP...
===========
..
MyFood Myanmar
ပြန်လည်မျှဝေပါသည်၊
သင့်ဘဝမှာ တကယ်ပဲ ကျန်းမာရေးက အရေးကြီးတယ်စိုရင်
သုခပိုသို့ အရောက်လာခဲ့ဖို့ ဖိတ်ခေါ်လိုက်ပါရစေနော်
၄၅လမ်းမပေါ်၁၁၁နှင်းဆီလမ်းဒေါင့်, Mandalay, Myanmar
09-400804950,09751895497

01/04/2023

မိတ်ဟောင်းမိတ်သစ်များအားလုံး ကျက်သ‌ရေမင်္ဂလာအဖြာဖြာနှင့်ပြည့်စုံကြပါစေခင်ဗျ...
ကျွန်တော်တို့ ဂျပန်မြန်မာအကြောပြင်ဆိုင်မှ 2023-4-5- ရက်နေ့မှ2023-4-21-စ်ရက် ကိုသင်္ကြန်င်ပိတ်ရက်များအဖြစ်ပိတ်ပြီး ဆိုင်ကို 2023-4-22- ရက်နေ့မှာပြန်ဖွင့်မှာဖြစ်တဲ့အကြောင်းခင်မင်လေးစားစွာဖြင့် အသိပေးအကြောင်းကြားအပ်ပါတယ်ခင်ဗျ.၁. ဂျပန်မြန်မာနည်းပညာဖြင့်တစ်ကိုယ်လုံး အနှိပ်ခံယူခြင်း= 1Session(1 Hour) တစ်နာရီကို 7000 Kyats (၇၀၀၀) ကျပ်။
၂. ကြီးပေါင်းဝေဒနာအမျိုးမျိုးခံစား‌နေရသူများအတွက်ဆေးကြပ်ထုပ်ထိုး၍ကုသခြင်း = မိနစ် (၃၀) ကို 10000 Kyat(၁၀၀၀၀) ကျပ်။
၃. Home service အိမ်အရောက်ဝန်ဆောင်မှုအနေဖြင့် = 1 Hour~ 10000 kyats တစ်နာရီကို (၁၀၀၀၀) ကျပ်။
Foreigner = 1 Hour~ 15000 kyats တစ်နာရီကို (၁၅၀၀၀) ကျပ်။ (အကြိုအပို့ဝန်ဆောင်ခထပ်ပေးရန်မလိုပါ)

💥10ကြိမ်ပြည့်လျှင် 1ကြိမ်Free 🆓လဲရှိပါတယ်။မိတ်ဟောင်းဆွေသစ်များပါ အရောက်လာဖို့ဖိတ်ခေါ်ပါတယ်။

ပေါ့ပါးလန်းဆန်းပြီးစိတ်‌ကျေနပ်မှုရရှိဖို့ ကျွန်တော်တို့ Fresh ဂျပန်-မြန်မာ မျက်မမြင်အကြောပြင်ဆိုင်မှ တာဝန်ယူကူညီပါရစေခင်ဗျ။
# ဆိုင်လိပ်စာ/ မမ28 တိုက်11 မြေညီထပ်၊118Aလမ်း၊ 45*46ကြား၊ မြရည်နန္ဒာအိမ်ရာ၊ ချမ်းမြသာစည်မြို့နယ်၊ မန္တလေးမြို့။
📞 09 763105313, ,

မှာလည်းဝင်ပြီးကြည့်ရှုလေ့လာနိုင်ပါတယ်

https://www.facebook.com/Fresh09763105313
Freshe Japan-Myanmar Blind massage
09 763 105313
https://maps.app.goo.gl/yFGRDSt6BWcDLRNw8

08/12/2022

#သွေးတိုး #ဆီးချိူ #အဆစ်နာ #ကင်ဆာ သမားများအတွက် သဘာဝဆေး #ရဲယို

သက်ကြီးရွယ်အိုတွေအတွက် အထူးသင့်တော်တဲ့ ဓာတ်စာတစ်ခုဖြစ်သည်

ရဲယိုရွက်၊ ရဲယိုသီးတို့မှာ ပရိုတင်း၊ အမျှင်ဓာတ်၊ အဆီဓါတ်၊ ဗီတာမင် A၊ ဗီတာမင် C နဲ့သွေးတိုးကျစေနိုင်တဲ့ ပိုတက်ဆီယမ်တို့ပါဝင်ပါတယ်။ ဒါတွေအပြင် ကင်ဆာ နဲ့ နှလုံးရောဂါတွေကို ကာကွယ်ပေးနိုင်တဲ့ ဖလေဗာနွိုက် ဓာတ်တိုးဆန့်ကျင်ပစ္စည်းတွေလည်း ပါဝင်နေပါတယ်

ကိုယ်ခံအားကောင်းစေတယ်
ကိုယ်ခံအားကောင်းစေဖို့ အထောက်အကူပြုပေးပါတယ်။ ဘက်တီးရီးယားတွေ အန္တရာယ်ကနေ ကာကွယ်ပေးသလို တုပ်ကွေးလိုမျိုး ကူးစက်တတ်တဲ့ ရောဂါတွေကနေ ကာကွယ်ပေးနိုင်ပါတယ်။

ကင်ဆာကာကွယ်ပေးနိုင်တယ်
ရဲယို ရွက် နဲ့ ရဲယိုသီးတွေက နိုက်ထရစ်အောက်ဆိုဒ် ထွက်ရှိအောင် လှုံ့ဆော်ပေးနိုင်စွမ်းရှိပါတယ်။ ခန္ဓာကိုယ်က ကင်ဆာဆဲလ်တွေကို တုံ့ပြန်တိုက်ခိုက်နိုင်အောင်လုပ်ဆောင်ပေးသလို ကင်ဆာကျိတ်တွေ ကြီးမလာအောင်လည်း ဟန့်တားပေးနိုင်ပါတယ်။

သွေးတိုးကျစေနိုင်တယ်

phytonutrients ပါဝင်နေသလို ဗီတာမင် C နဲ့ ဆီလီနီယမ်တို့ ပါဝင်နေတာကြောင့် သွေးကြောနံရံတွေကို Free Radicalတွေကြောင့် ထိခိုက်ပျက်စီးမှုကနေ ကာကွယ်ပေးပါတယ်။ ပိုတက်ဆီယမ်ပါဝင်မှုကြောင့် သွေးတိုးကျစေနိုင်ပါတယ်။ နောက်ထပ်အာနိသင်တစ်ခုက သွေးကြောတွေကို ပြေလျော့စေတာပါ။

အကိုက်အခဲပျောက်စေတယ်
ရဲယို ပင်ကို ခေါင်းကိုက်ပျောက်ပင်၊ အကိုက်အခဲပျောက်ပင်လို့တောင် ခေါ်ကြတာမျိုးရှိပါတယ်။ လေ့လာမှုတွေအရ ရဲယိုပင်က အကိုက်အခဲပျောက်စေနိုင်ပြီးလေးဖက်နာဝေဒနာနဲ့ အခြားအဆစ်အမြစ်တွေ နာကျင်ကိုက်ခဲတာကို သက်သာစေနိုင်ပါတယ်။

အိပ်ပျော်စေတယ်

ရဲယိုသီး နဲ့ ရဲယိုရွက်က ဆီရိုတိုနင်ဟော်မုန်းနဲ့ မယ်လ်လာတိုနင်ဟော်မုန်းတွေကို လှုံ့ဆော်ပေးပါတယ်။ စိတ်ခံစားမှု ကောင်းမွန်စေပြီး စိတ်ဓာတ်မကျစေဖို့နဲ့ အိပ်ပျော်စေဖို့အတွက် အရေးပါတဲ့ဟော်မုန်းတွေကို လှုံ့ဆော်ပေးမှတော့ စိတ်ဓာတ်ကျမှာ၊ အိပ်မပျော်မှာကို ပူစရာမလိုတော့ဘူးပေါ့။

အရေပြားနဲ့ ဆံသားကို ကျန်းမာစေနိုင်တယ်

ရဲယိုရွက်နဲ့ ရဲယို သီးမှာပါတဲ့ ဂုဏ်သတ္တိတွေက အသားအရေကို နုပျိုစေပြီး ဆံသားကို သန်စွမ်းစေနိုင်သလို ခြေသည်းလက်သည်းတွေကိုပါ ကျန်းမာစေနိုင်တာပါ။

သွေတွင်းကိုလက်စထရောကျဆင်းစေနိုင်စေတယ်

သွေးတွင်းက အကျိုးမပြုတဲ့ကိုလက်စထရောတွေကို ကျဆင်းစေပြီး သွေးကြောထဲမှာ အဆီတွေစုပုံတာမျိုးမဖြစ်အောင်ကာကွယ်ပေးနိုင်ပါတယ်။

မှတ်ဉာဏ်ကောင်းစေနိုင်တယ်

သွေးတွင်းကိုလက်စထရောကို ကျဆင်းစေနိုင်ပြီး သွေးကြောတွေထဲမှာ သွေးစီးဆင်းမှုကောင်းစေနိုင်တာကြောင့် ဦးနှောက်ထဲကို သွေးစီးဆင်းရောက်ရှိမှုကောင်းမွန်စေပြီး ဦးနှောက်ကို ကျန်းမာစေနိုင်သလို မှတ်ဉာဏ်လည်း ပိုကောင်းစေနိုင်ပါတယ်။

ဝမ်းမှန်စေနိုင်တယ်

ပျော်ဝင်လွယ်တဲ့ အမျှင်ဓာတ်များစွာ ပါဝင်နေတာကြောင့် အူတွေအတွင်းမှာ စီးဆင်းမှုကို ကောင်းမွန်စေနိုင်ပြီး ဝမ်းမှန်စေနိုင်ပါတယ်။ အူလမ်းကြောင်းကျန်းမာဖို့အတွက် လိုအပ်တဲ့ ဗီတာမင်နဲ့ သတ္တုဓာတ်တွေကိုထောက်ပံ့ပေးပါသေးတယ်။

ရဲယိုရွက်ကိုပြုတ်စားပါက လေချုပ် ဗိုက်အောင့် ဗိုက်နာ သွေးတိုးရောဂါတို့ကိုသက်သာစေသည်

ရဲယိုရွက်ကို ငါးမြွေထိုးနှင့်သုပ်စားပါက ပင်လယ်အူနာ ပျောက်စေသည်

ရဲယိုရွက်သုပ်စားပါက မိခင်များနို့ချောင်းပိတ် နို့ရည်ခမ်း ရောဂါ ဝမ်းကိုက်ရောဂါ နှာခေါင်းသွေးလျှံခြင်းတို့ပျောက်ကင်းစေသည်

သွေးတိုးရောဂါ ဆီချိုးရောဂါ နှလုံးရောဂါ သည်များအတွက် ရဲယိုရွက်နှင့် ဒန့်သလွန်ရွက်ဟင်းချိုသည် အကောင်းဆုံးဓါတ်စာတခုဖြစ်သည်

ရဲယိုသီးမှည့်ကိုထန်းလျက်နှင့် နယ်၍ တစ်ညဉ့်သိပ်ထားပြီးသည့်နောက် ကောင်းစွာ ခေါက်၍ ဆားအနည်းငယ် ထည့်ပြီးလျှင် သုံးဆောင်ပါက ချောင်းဆိုး ပန်းနာ ဝမ်းဖောဝမ်းရောင်၊ ရင်ကယ်ရောဂါများ ပျောက်ကင်း၍ ရင်ချောင်စေသည်။

ချောင်းဆိုးပါက ပျားရည် နှင့် ခေါက်၍ စားသုံးက လျင်မြန်စွာ ပျောက်စေသည်။

မြန်မာဆေးကျမ်းများအလိုမှာ ရဲယိုရွက်သည် ခါး၏။ စဉ်းငယ်ပူ၏။ လေကို ရွှင်စေတတ်၏။ သွေးကို တက်ကြွစေတတ်၏။ ဝမ်းကိုလည်း ရွှင်စေတတ်၏။ရဲယိုသီးသည် ပူစပ်သော အရသာ ရှိ၏။ စဉ်းငယ်လည်း ချဉ်၏။ သွေး သည်းခြေ လေသလိပ်တို့ကို နိုင်၏။ အစာ မကျေသောအနာ၊ လေလှိုက်တက်သောအနာ၊ လေပူနာ၊ သည်းခြေ လှုပ်ရှားထကြွသော အနာတို့ကို နိုင်၏။

အိန္ဒိယ ဆေးကျမ်းအလိုမှာ အရွက်ကို ပြာချပြီးလျှင် မုန်ညင်းစေ့အနည်းငယ်နှင့် ပြုတ်၍ တိုက်ပါက သူငယ်နာ ဝမ်းသက်ရောဂါ ပျောက်ကင်းနိုင်၏။

ဝမ်းကိုက်ရောဂါ ပျောက်လိုလျှင်လည်း ထိုအပြုတ်ရည်တွင် အမွှေးအကြိုင် အနည်းငယ်ထည့်၍ တိုက်ရသည်။

အသီးနှင့်အရွက်ပြုတ်ရည်သည် မိန်းမတို့ ဓမ္မတာချုပ်ခြင်းကို ဖယ်ရှားနိုင်၏။

ရဲယိုမြစ်သည်မူ ချုပ်စေသောသတ္တိ ရှိသည်ဟု ဆိုလေသည်။
Crd
#တိုင်းရင်းဆေးနှင့်ကျန်းမာရေး
#ရဲယို

07/12/2022

#အစာကြေလွယ်စေ
#ဆီးပူဆီးအောင့်သက်သာစေကာ #ဆီးချိုသမားများ စားသင့်တဲ့ #ပြည်ပန်းညိုရွက်🌿🌿

၁။ အရွက် ကြိတ်ညှစ်ရည် ကို နို့ရည် သကြားတို့နှင့် သောက်လျှင် ဆီးအောင့် ရောဂါ နှင့် ညောင်းကျ ရောဂါ ပျောက်စေ၏။

၂။အရွက် ပြုတ်၍ ပုစွန်ခြောက် ဖြင့် သုပ်စားက လေထိုး လေအောင့် ရောဂါ၊ လေလုံး ရောဂါ၊ အဖျား ရောဂါ ၊ဆီးချို ရောဂါ၊ ညောင်းကျ ရောဂါ ပျောက်၏။

၃။အမှုန်ကို့် ပြု၍ စားပါက လေရောဂါ၊ အပူရောဂါ၊ ဆီးအောင့် ရောဂါ များ ပျောက်၏။

၄။အရွက် ကို ဟင်းချို ချက်သောက် က ပိတ်ဝမ်း ရောဂါ၊ သွေးဝမ်း ရောဂါ၊ လေရောဂါ၊အစာ မကြေ ၊ သည်းခြေ ပျက် ရောဂါ များ ပျောက်၍ အားကို ဖြစ်စေ၏။

မြန်မာ ဆေးကျမ်း များ အလို အရ ပြည်ပန်းညို သည် အေး၏။ အရသာ ဖန်ခါး၏။ ဆီးကို များစေ၍ ညောင်းကျ ရောဂါကို ပျောက်ကင်း စေနိုင်သည်။

Ref:မြန်မာ့ဆေးဖက်ဝင်အပင်များ
#ပြည်ပန်းညိုရွက်
CRT

06/12/2022

ပင်စိမ်းရွက် နဲ့ ပျောက်စေမဲ့ ရောဂါ အမျိုးလေးဆယ်.......
🔴🔴🔴🔴🔴🔴🔴🔴🔴🔴🔴🔴🔴🔴🔴
ထားကြနော်။လိုအပ်ရင်အသုံး၀င်ပါတယ်။

ပင်စိမ်းပင် သည် မြန်မာနိုင်ငံ အနှံ့ အပြားတွင် ပေါက်ရောက်ပြီး အပူပိုင်း ဒေသ တွင် ပိုမို ၍ ပေါက်တတ် ကြသည်။ ပင်စိမ်းပင် သည် သဘာဝ အလျောက် ပေါက်ရောက်သော အပင်ဖြစ်သည်။
စိုက်ပျိုး၍ လည်း ရသည်။ မျိုးစေ့မှ တဆင့် အပင်စိုက်ရန် လွယ်ကူသော အပင် ဖြစ်သည်။ မြေသြဇာ အထူး မလိုအပ် လှပေ။

တနှစ်လျှင် နှစ်ကြိမ်၊ သုံးကြိမ် အရွက် ကို ရယူနိုင်၏။ နောက်ကျလျှင် အလိုလို ကြွေကျသွား သဖြင့် ဂရုပြုဖို့ လိုအပ် လှပေသည်။ အရွက်နှင့် အစေ့ကို ဆေးအဖြစ် အများဆုံး အသုံးပြုကြသည်။
၅၅
ပင်စိမ်းပင် သည် အပင်ငယ် မျိုးဖြစ်ပြီး အမြင့်နှစ်ပေမှ သုံးပေခန့် အထိ ရှိ၏။ အရွက်မှာ သေးပြီးစိမ်း လျက် နူးညံ့ ၏။ ရွက်နားမှာ လွှသွားပုံရှိသည်။ အပွင့်ဖြူကလေးများ ပွင့်တတ်ကာ ရနံ့မှာ အလွန်မွှေးသဖြင့် အချို့ သူများမှာ ယင်းချက် ရာတွင် အမွှေးနံ့ ရစေရန် ဟင်းခတ်၍ အုပ်ကာ ချက်စားကြသည်။

အပွင့်များ သည် အခိုင်လိုက် ပွင့်၍ ပွင်ချပ် များပေါ်တွင် အမွေးနု ကလေးများ ရှိသည်။ တပေါင်း တန်ခူးလ များ၌ ပွင့်တတ်ကြသည်။ အရသာ မှာ ပူစပ်သော အရသာဖြစ်ကာ ပင်စိမ်းမျိုး အနေဖြင့် ပင်စိမ်းဖြူ၊ ဟင်းစား ပင်စိမ်း၊ ပင်စိမ်း နက်၊ ပင်စိမ်းညို၊ ပင်စိမ်းကြီး၊ ဗလရှင် ကင်ဟူ၍ ပင်စိမ်း အမျိုးမျိုး ရှိကြသည်။

မြန်မာဆေးကျမ်း အလို အရ ပင်စိမ်းသည် ပူ၏၊ စပ်၏၊ အနည်းငယ် ခါး၏၊ လေသလိပ် ကို နိုင်၏၊ ဆီးကိုနိုင် ၏၊ လေကို သက်စေပြီး သွေးကို တက်စေ နိုင်သည်၊ ရင်ကျပ်နာ၊ အစာမကြေ၊ ချွဲကျပ်နာ တို့ကို နိုင် ၏၊ ချောင်းဆိုးနာ၊ ပိုးနာ၊ ထိုးကျင်သော အနာကို ပယ်နိုင်၏။

“အစာကြေ ခြင်း၊ ခံတွင်းကောင်းခြင်း၊ အနံ့ ကောင်းခြင်း၊ အသံသာခြင်း၊ အသက်ရှည်ခြင်း ကို ရရှိစေသည်။ လူကို အကျိုးပွားစေသည်။ ပင်စိမ်းရွက် ပင်စိမ်း အစေ့များကို မြန်မာ့ဆေးဝါး အဖြစ် အသုံးပြုပုံ များမှာ အောက်ပါ အတိုင်း ဖြစ်ပါသည်။

(၁) နားကိုက်= ပင်စိမ်းရွက် ကို မီးအုံးပြီး နားထဲ သို့ အရည် နှစ်စက်လောက် ကျအောင် ညှစ်ထည့်ပေးပါ။

(၂)သွားကိုက်= ပင်စိမ်း သတ္ထုရည်နှင့် ငရုတ်ကောင်း၊ ပရုတ် တို့ကို ကြိတ်ပြီး အလုံး ကလေးများ လုံး၍ သွားပိုး စားသည့် သွား အခေါင်းထဲသို့ ထည့်ပေးပါ။ ပျောက်ကင်း သွားပါမည်။

(၃) ကလေး ကျောပူ ခေါင်းပူ= ပင်စိမ်း ရွက်နဲ့ ကွမ်းရွက် ဆတူ ယူ၍ ကျပ်ခိုးနှင့် နနွင်းမှုန့် အနည်း ငယ်ဖြင့် ရောကြိတ်ပြီး လိမ်းပေးပါ။ (တကိုယ်လုံး ခပ်ပါးပါး လိမ်းပေးပါ)

(၄) ခေါင်းတစ် ခြမ်းကိုက်= ပင်စိမ်းရွက် သတ္ထုရည် လတ်လတ် ဆတ်ဆတ် ညှစ်ရည်ကို ယူ၍ နားထင်နှင့် နဖူး တွင် လိမ်းပေးပါ။

(၅) ဆီးချုပ်၊ ဆီးအောင့်၊ အသည်းရောင်၊ အသားဝါ= နှမ်းစေ့နှင့် ပင်စိမ်း စေ့ကို ဆတူ ကြိတ်ပြီး ထန်းလျက် နဲ့ တေ ၍ ဆီးကင်းလောက် အလုံးလေး များ လုံးထားပါ။ ခြောက်အောင် နေလှန်းပြီး နံနက်-ည တလုံးကျစီ စားပေးပါ။ ထိုသို့စားပေးခြင်းဖြင့် လိပ်ခေါင်းရောဂါ၊ မြင်းသရိုက်နာ ရောဂါများ ပျောက်၏။

(၆) သားသမီး ဝေးလိုသော်= ပင်စိမ်း ရွက် လက်တွင်း တဆုပ် ပြုတ်ရည် တစ်ပန်းကန် ကို ဥတုသွေး လာပြီး သည့် နောက်သုံးရက် ဆက်တိုက် သောက် ပေးပါ။

(၇) အဖျား နာတာရှည်= နံနက်စောစော ပင်စိမ်းရွက် သတ္ထုရည် ကြွေဇွန်း သတ္ထုရည် တဇွန်း ကျ သောက်ပေး ပါ၊ အဖျားကျ သွားပါမည်။

(၈) ငှက်ဖျား= ပင်စိမ်း လတ်လတ် ဆတ်ဆတ် လေး-ငါးရွက် မျှကို ငရုတ် ကောင်းစေ့ အနက် သုံးစေ့နှင့် တပတ် လျှင် နှစ်ကြိမ် မှန်မှန်သောက်ပေးပါ။

(၉) ပွေးနာ ၊ အရေပြား ယားနာ= ပင်စိမ်းရွက် ကို သံပုရာရည်နှင့် ရောပြီး ညက်နေအောင် ထောင်းပါ၊ ထိုထောင်းထား သည့် အရွက်ဖြင့် ပွတ်တိုက်ပေးပါ အုံပေးပါ။

(၁၀) အစာမကြေ ၊ ဝမ်းကိုက်= ပင်စိမ်းရွက် ပြုတ်ရည် ကို သောက်ပေးပါ။ သတ္ထုရည် သောက်ပေးပါ။

(၁၁) လည်ချောင်းနာ၊ အသံ ဝင်= ပင်စိမ်းစေ့ (ပင်ပွား)ကို ရေစိမ် ၍ ထိုရေကို သောက်ပေးပါ။

(၁၂) အိုင်းအနာ၊ အဖုအနာ= ပင်စိမ်းရွက်ပြုတ်ရည် ကို အဖုအနာ များနှင့် အိုင်းနာ များအပေါ် ဖန်ရည်ဆေးပေး ပါ။ အနာ ၌ ပိုးတွယ် ခဲ့လျှင် ပင်စိမ်းရွက် ခြောက်မှုန့် ကို ဖြူးပေးပါ။

(၁၃) အရေပြား အနာများ= (အရေပြား ရောဂါ ဟူသမျှ) ပင်စိမ်းရွက် သတ္ထုရည် (၅၀) ကျပ်သား၊ နှမ်းဆီ
(၁၅)ကျပ် သား ရော၍ မီးမျှဉ်းမျှဉ်းနှင့် ရေခန်း သည် အထိ ချက်ပေးပါ။ ထိုဆီဖြင့် အရေပြားနာ၊ ယားယံနာ ဟူသမျှ လိမ်းပေးပါ။

ယင်း ဆီသည် ရေနွေး အကြမ်းပန်းကန် တစ်လုံး ထဲသို့ ဆီနှစ်စက် သုံးစက် ချပေးပြီး ပူပူလေး မှုတ်၍ သောက်ပေး ပါက နှာစေး အအေးမိ ချောင်းဆိုး ရောဂါများ ကိုပင် ပျောက်စေပါသည်။ ထိုဆီဖြင့် လိမ်းထား ပါက မှက် ခြင်များ မကိုက်ပါ။

(၁၄) ဗိုက်ကြောပြတ်= (ကိုယ်ဝန်ဆောင်) ဗိုက်ကြောပြတ်ပြီး ယားယံနေပါက ပင်စိမ်းရွက် ခြောက် မှုန့် ဖြူးပြီး ပွတ်သပ်ပေးပါ။

(၁၅) ဝက်ခြံ၊ တင်းတိပ်၊ ညှင်း၊ အဖြူကွက်=ပင်စိမ်းရွက် သတ္ထုရည် ကို လိမ်းပေးပါ။

(၁၆) ကလေး သန်ကျ= ပင်စိမ်း သတ္ထုရည် ကို တိုက်ပေးပါ။

(၁၇) နားအူ၊ နားကိုက်၊ နားပြည်ယို= ပင်စိမ်းရွက် သတ္ထုရည် ကို ဇွန်းဖြင့် ထည့် ၍ မီးဖြင့် အပူပေးပါ။ ထို သတ္ထုရည် နွေးနွေး နှစ်စက် သုံးစက် ခန့် ထည့်ပါ။

(၁၈) နှာခေါင်းနှာပိတ်၊ နှာခေါင်း အတွင်းမြှေးရောင်= ပင်စိမ်းရွက် ကို အခြောက် လှန်းပြီး ညက်နေအောင် အမှုန့် ထောင်းပါ။ နှာဆေး အဖြစ် အသုံးပြုပါ။

(၁၉) ငှက်ဖျား တုန်ချမ်း= ပင်စိမ်း အမြစ်ကို ရေသုံးခွက် တခွက်တင် ကျိုပြီး သောက်ပေး ပါ။ ချွေးထွက် လာပြီး အဖျား ကျသွားပါမည်။

(၂၀) ပျား၊ ပုရွက်ဆိတ်၊ ကင်း အဆိပ်ရှိ အကောင် ကိုက်လျှင်=ပင်စိမ်းပင် ပဉ္စငါးပါး ကို ထုထောင်းပြီး အုံပေးပါ။

(၂၁) လည်ချောင်းနာ၊ ပန်းနာ၊ ချောင်းခြောက်ဆိုး= ပင်စိမ်း ပွင့် အတွဲလိုက် ကို ချင်းခြောက်၊ ကြက်သွန်နီနှင့် ထုထောင်း ၍ ပျားရည်နှင့် ရော၍ လျှက်ပေးပါ။ သလိပ်မရ သည့် ချောင်းဆိုးနာ များ ပျောက်ကင်း စေပါသည်။

(၂၂) သားသမီး ဝေးလိုသော် = အမျိုးသားများ ပင်စိမ်းရွက် ဆယ်ရွက် ကို နေ့စဉ် စားပေးပါ။ ကျန်းမာရေး ကို လုံးဝ မထိခိုက်စေ ဘဲ ပိုမို၍ သွက်လက် ထက်မြက်စေကြောင်း အိန္ဒိယ ဆေးသုတေသန မှ ထုတ်နုတ်ဖော်ပြ ခဲ့၏။

(၂၃) ချောင်းဆိုးပျောက်= ပင်စိမ်းရွက် သတ္ထုရည် ကို ပျားရည်နှင့် ဆတူ ရောပြီး တနေ့ သုံးကြိမ် သောက်ပေး ပါ ။ သလိပ်ရွှင်ပြီး ချောင်းဆိုးပျောက် စေ၏။

(၂၄) အစာအိမ် အချဉ်ပေ

05/12/2022

လေဖြတ် မည့် ရှေ့ပြေး လက္ခဏာ (၁၀)ချက်

၁။ ဦးခေါင်းနောက်စေ့ တွင် ခေါင်းကိုက် ခြင်း၊ မကြာ ခဏ မူးဝေခြင်း။
(Sub occipital headache)
၂။ ခြေ လက် တို့တွင် မကြာခဏ ကျဉ်ခြင်း၊ ကိုယ်လက် လေးလံ ထိုင်းမှိုင်းခြင်း။
(Tingling sensation of limbs)
၃။ မျက်ခွံနှင့် မျက်နှာကြွက်သား တို့ ဆတ်ခနဲ လှုပ်ခြင်း၊ အသားကွက် ၍ တဆတ်ဆတ် လှုပ်ခြင်း။
(Fluttering or Tic of eyelids and facial muscles)
၄။ မကြာ ခဏ ဝမ်းချုပ်ပြီး ဗိုက်တွင်လေပွနေခြင်း။
(Occassional constipation and fluctuation)

၅။ ညအိပ် ချိန် ကျဉ် ထုံခြင်း လန့်နိုးခြင်း။
(Tingling and numbress of limbs during sleep)
၆။ ဆီး အနီရောင် သွားခြင်း။
(Redness discolouration of urine)
၇။ ပစ္စည်းများ ကိုင်လျှင် မမြဲခြင်း၊ မကြာ ခဏ လွတ်ကျ တတ်ခြင်း။
(Freguent fall down of objects when bandling)
၈။ ဘယ်ဘက် လက် ကိုက်ခဲပြီး လက်မ တွင် ထုံခြင်း၊ ဘယ်ခြေ ဆွဲခြင်း။
(Tingling and aching sensation of left upper limbs, thumb and lower limbs)
၉။ အမျိုးသား များ အသက် ၄၅-နှစ်ကျော် လျှင် ရက်ရှည် ခြေ,လက် ထုံ ကျဉ်ခြင်း။
(Male over 45yrs,numbers sensation longtime)
အမျိုးသမီး များ သွေးဆုံးချိန် တွင် ခြေ,လက် များ ထုံကျဉ်ခြင်း။
လက်ညှိုး၊ လက်ခလယ် ကွေးရာ မှ ချက်ချင်း ဆန့် မရခြင်း။
(Numbness sensation during menolpasuse)
၁၀။ ရေချိုးပြီး လျှင် မျက်စိ များ ကြာမြင့် စွာ နီရဲခြင်း။
(Redness of eye after bath (or) Conjunctivities after bath)
ကြိုတင် သိရှိပြီး လူသားများ အားလုံး လေဖြတ်ခြင်း မှ ကာကွယ်နိုင်ကြပါစေ။
Ref; Zin Yaw News
Credit to ကျန်မာရေး ဆိုင်ရာ ဗဟုသုတများ

04/12/2022

ရောဂါပေါင်း ၆၁ မျိုးအတွက် ဆေးဘက်ဝင်တဲ့ ဆီးဖြူသီး ( တန်ဖိုးရှိတဲ့ ပို့လေးမို့သိမ်းထားလိုက်ပါ )

( ၁ ) ဒူလာသွေးဝမ်းပျက်ရောဂါအတွက် ဆီးဖြူသီးခြောက်ကို ငါးရှဥ့်နှင့် ချက်စားရသည် ၊

( ၂ ) အရေးပြားတွင် ဖြစ်တတ်သော ယားနာ၊ပွေး၊ညင်း၊တင်းတိပ်များအတွက်ဆီးဖြူသီးခြောက်(သို့)အစိုကိုသွေး၍ သံပုရာသီးအနည်းငယ်ထည့်ပြီးလိမ်းရသည် ။

( ၃ ) ဆီးချိုရောဂါအတွက် ဆီးဖြူ(သို့)မြေဆီးဖြူ ပဉ္စငါးပါးပြုတ်သောက်ရသည် ၊

( ၄ ) နှာခေါင်းသွေးလျုံလြင်းအတွက် ဆီးဖြူသီးကို ကြိတ်၍ထိပ်ကအုံပေးရသည် ။

( ၅ )ဆီးပုပ်ရောက်ဂါအတွက် ဆီးဖြူသီးခြောက်မှုန့်ကိုထန်းလျက်၊များရည်၊တကာနှင့်နယ်စားရသည် ။

( ၆ )သွေးဝမ်းသွားလျှင် ဆီးဖြူသီး အစိမ်းကိုထောင်း၍ အရည်ညစ်ယူပြီးသံပုရာရည်နှင့် သောက်ရသည် ။

( ၇ ) လျှာကွဲခြင်း၊ပါးစပ်ကွဲခြင်း၊ပေါက်ခြင်းနှင့်ရေစီးကမ်းပြိုခြင်းများအတွက် ဆီးဖြူသီးရွက်ကို ရေနှင့်သုံးခွက်တစ်ခွက်တင်ကျို၍ရသော အရည်ကို ပလုတ်ကျင်းပေးရသည် ။

( ၈ ) ဆီးဖြူသီးသည် ချောင်းဆိုး၊ ပန်းနာ၊လေနာ တို့ကို ပျောက်ကင်းစေသည် ၊

( ၉ ) မီးလှောင်နာ ၊ ရေနွေးပူလောင်နာ များအတွက် ဆီးဖြူရွက်ကို အကျွမ်းလှော်၍အမှုန့်ပြူပြီး ဖြူးပေးရသည် ၊

( ၁၀ ) ကလေးများတွင် ဖြစ်တတ်သော ကျဗဟုံးနာ အတွက် ဆီးဖြူရွက်ကို ကျွမ်းအောင် လှော်၍ လိမ်း ရသည် ၊

( ၁၁ ) ဝမ်းသက်ခြင်း ၊ အစာမကြေခြင်းများ အတွက် ဆီးဖြူရွက်နုများကိုပုန်းရည်နှင့် ကျွေးရသည် ။

( ၁၂ ) မျက်စိတွင်ဖြစ်တတ်သော ရောဂါများအတွက် အစေ့ကို ထုထောင်းချေပြီးရေနွေးနှင့်ပြုတ်၍မျက်စိကို ဆေးကြောပေးရသည် ။

( ၁၃ ) သွေးလွန်( ရာသီလွန်လျှင်) ဆီးဖြူသီးအလုံးကြီးကို စားရသည်။

( ၁၄ ) သွေးဒူလာ အတွက် ဆီးဖြူ၊ဖန်ခါး၊ကြစု၊သစ်သီးစိမ့်၊ နံသာဆီတုံးခွက်တစ်ခွက်တင်ပြု၍ အသင့်အတင့်သောက်သုံးပေးရသည်။

( ၁၅ ) ဒူလာသရောနာ(ဆီးသွားသော အခါ ခါးကိုက်ပြီးအဖြူဖတ်များပါသောရောဂါ)တွက် ဆီးဖြူသီး၊နနွမ်းစုကြီးတို့ကို ကြိတ်၍ စားပေးရသည်၊

( ၁၆ ) ဒူလာမုတ္တကိတ်ရောဂါအတွက် ဆီးဖြူသီးကို စားပေးရသည်။

( ၁၇ ) သွေးဝမ်းလွန်ရောဂါများ အတွက် ဆီးဖြူရွက်ပြုတ်အရည်ကိုထန်းလျက်(သို့)သကြားနှင့်ဖျော်သောက်ရသည်။

( ၁၈ ) ထုံကျင်နာအတွက် ဆီးဖြူသီးခြောက်၊ ဖန်ခါးသီးခြောက်၊ဆင်သမနွယ်၊ကန့်ချုပ်နီ၊နွားဖြေရင်း၊မာလာ၊အိပ်မွေ့သီး၊ ငရုတ်ကောင်း၊ ကံကော်ဝတ်ဆံနှင့် အတူ စု၍ သကြားနှင့်သုံးဆောင်ရသည်၊

( ၁၉ ) လျှာကွဲခြင်း အတွက် ဆီုးဖြူသီးကို ရေနှင့်သုံးခွက်တစ်ခွက်တင်ပြုတ်၍ပလုတ်ကျင်းပေးရသည်၊

( ၂၀ ) မက္ခရုရောဂါ အတွက် ဆီးဖြူသီးမီးဖုတ်၊ ယင်းပြာကို ဆီနှင့် ဖျော်၍ပွတ်ပေးရသည်။

( ၂၁ ) မီးယပ်ဖြူဆင်းခြင်း အတွက် ဆီးဖြူသီးစေ့ကို ရေနွေးနှင့်သွေး၍ ရေကိုစစ်ယူပြီး ပျားရည်၊ သကြားတို့နှင့် ရောသောက်ရသည်။

( ၂၂ )အညောင်း၊ခါးနာခါးကိုက်၊ အမောအပန်း၊ဒုလာရောဂါအတွက်ငါးရှဥ့်ပနီမီးကင်ခြောက်ကို ဆီးဖြူသီးခြောက်ထည့်ပြီး နူးအောင် ပြုတ်ရသည်။ကြက်သွန်၊ဆားခတ်၍ နှမ်းဆီနှင့်မကြာမကြာ ကြော်ချက်စားရသည်။

( တစ်နေ့တစ်ဇွန်းမှာ့နှစ်ဇွန်းထိမှီဝဲရသည် ။ )

( ၂၃ ) ဓါတ်ချူပ်ရောဂါအတွက် ဆီးဖြူသီးကို အခြောက်လှမ်း၍ အမှုန့်ပြုပြီးပျားရည်နှင့် ရောစားရသည်။ဓါတ်ကို ပျော့စေပါသည်။

( ၂၄ ) ဆီးဖြူသီးခြောက်ဆေးသည် အစာကိုကြေလွယ်စေသည်။ ယောကျာင်္ံးတို့၏ ခွန်အားကိုဖြစ်စေသည်။ကာမအားကို ဖြစ်စေပါသည်။

( ၂၅ ) အသက်ရှည်၊ အဆင်းလှစေရန် ဆီးဖြူသီးကို အခြောက်လှမ်း၍ အမှုန့်ပြုပြီးပျားရည်နှင့် ရောစားရသည်။

( ၂၆ )ဘင်ခြောက်ခြင်းကို ပြေစေရန် ၊ဓါတ်သွားစေရန် ဆီးဖြူသီး အစိမ်းကို စားရသည်။

( ၂၇ ) အသံသာစေရန် ဆီးဖြူသီးကို ဆားရည်စိမ်၍ ဟင်းလျှာများနှင့် ချက်စားရသည်။

( ၂၈ ) ချောင်းဆိုး၊မျက်စိနာ၊ကင်းပျောက်စေရန်၊ ပိုးများသေစေရန်ဆီးဖြူသီးကို ဆားရည်စိမ်၍ ဟင်းများတွင် ထည့်ချက်စားရသည်။

( ၂၉ ) လေတင်တုန်းရောဂါများအတွက် ဆီးဖြူသီးမှုန့်ကို ပျားရည်နှင့် ရောစားရသည်။

( ၃၀ ) အသားအရေတွန့်ခြင်းကို ကာကွယ်ရန်၊ အသံသာ အဆင်းလှရန်၊ ဓါတ်ချူပ်မူ့ကိုကာကွယ်၍ ဓါတ်ပျော့ရန် ဆီးဖြူသီးခြောက်မှုန့်ကို ရေချိုးပြီး ကိုယ်တိုက်ပေးရသည်။

( ၃၁ ) အတိသာရဝမ်းရောဂါ အတွက် ဆီးဖြူသီးကို မှုန့်ညက်နေအောင် ထောင်း၍ချက်နားတွင် အုံပေးရသည်။

( ၃၂ ) ကြို့ထိုးရောဂါအတွက် ဆီးဖြူသီးကို ကြိတ်ညစ်ရည်၊ပိတ်ချင်းမှုန့်၊ပျားရည်တို့ကို ရောကျွေးရသည်။အသက်ရှုပွန်ချောင်း နာကျင်ခြင်း ပါပျောက်ကင်းစေပါသည်။

( ၃၃ ) ပြည်တုလာသရော ရောဂါများတွက် ဆီးဖြူသီးကို အမြစ်ကြိတ်ညစ်ရည်၊ ပျားရည်နနွမ်းတို့ကိုရောကျွေးရသည်။

( ၃၄ ) ဝမ်းချူပ်၊နှလုံးထုံ၊ အစာမကြေ၊ သည်းခြေရောဂါများတွက် ဆီးဖြူသီးကို(၁၂) နာရီခန့် ရေစိမ်ရသည်။ရေသွန်ပြီး ရေထပ်ထည့်၍ (၃)နာရီခန့်ပြုတ်ရသည်။ အစေ့ထုတ်၍သကြား(၃)ဆ ထပ်ထည့်၍ယိုထုတ်ထား၇သည်။

( ၃၅ ) ဆီးအောင့်ရောဂါများ အတွက် ဆီးဖြူသီးကြိတ်ညစ်ရည်ကို ဖာလာမှုန့်ရော၍သောက်ရ၏။

( ၃၆ ) ဆီးလွန်ရောဂါအတွက် ဆီးဖြူသီးကြိတ်ညစ်ရည်၊ ငှက်ပျောသီးမှည့်၊ပျားရည်၊သကြားတို့ကို ရောပြီးလျှက်ရသည်။

( ၃၇ ) ပိတ်ဝမ်းကိုက်ခြင်း၊ဝမ်းသက်ခြင်း၊ သွေးလျှုံ၊ သွေးအန်၊သွေးကျရောဂါဖြစ်ခြင်း အတွက်ဆီးဖြူသီးခြောက်ကို ပြုတ်ပြီး သကြားခပ်၍ သောက်ရသည်။

( ၃၈ ) မီးယပ်ဖြူဆင်း ရောဂါများအတွက် ဆီးဖြူသီးခြောက်ကို ရေစိမ်၍တစ်နေ့(၂)ကြိမ်တိုက်ရသည်။

( ၃၉ ) သွေးဒူလာအတွက် ဆီးဖြူသီးခြောက်၊ဆားလှော်၊ စမုန်နက်လှော်၊ကြက်သွန်ဖြူ လှော်၊ကြောင်ပန်းရွက်ခြောက်၊ ဆေးပိုတီတို့ကို ညက်ညက်ထောင်းပြီးမန်ကျည်းစေ့ခန့်နေ့စဉ်စားရသည်။

( ၄၀ ) လူပျိုနာများ အတွက် ဆီးဖြူမြစ်၊ ထန်းမြစ်၊ဆူးရစ်မြစ်၊ကင်သလင်းမြစ်တို့ကို ခုတ်ဆင်း၍သုံးခွက်တစ်ခွက် တင်ကျိုရသည်။ အရည်စစ်ပြီး ရေတစ်ဝက်ရော၍သုံးခွက်တစ်ခွက်တင်ကျိုပြီးသုံးကြိမ်ပြုလုပ်ရသည်။တနေ့ အကြမ်းပန်းကန်တစ်လုံး သောက်ရသည်။

( ၄၁ ) ဆီးကြောင့် ဖြစ်သော မျက်စိမှုန်၊ မျက်စိနာနှင့် ဒူလာပါဒရက်ရောဂါအတွက်ဆီးဖြူသီး ကြိတ်ညစ်ရည်နှမ်းဆီစစ်စစ်၊ကြိတ်မှန်ရွက်ကြိတ်ညစ်ရည်၊ နွားနို့ နွယ်ချို၊တို့ကို သန့်စင်သော ကြေးအိုးတွင်ထည့်ချက်ရသည်။ ရသော အရည်ကို မျက်စိတွင် ခတ်ပေးရသည်။

( ၄၂ ) ဆီးဝမ်းလေမှန်၍ ကျန်းမာ ဝဖြိုးစေရန် ဆီးဖြူသီးခြောက် စမုန်နက် ၊ဆေးပိုးတီ ဆဝက်သာ၊ကြစု၊ပွေးကိုင်း၊သိန္ဓော၊ ကျောက်ချဉ်၊ဆားတို့ကိုညက်ညက်အမှုန့်ပြူပြီး လျှက်ပေးရသည်။

( ၄၃ ) ဆီးဖြူရွက်ပြုတ်ရည်သည် ခံတွင်း၌ ပေါက်သော အနာ ပျော

စောနွဲ့နေဆိုင်..ပူတာအို

03/12/2022

#ခါးနာရောဂါကြောက်စရာလား #

=============================

လူတိုင်းလိုလို ခါးနာဖူးကြမှာပါ။ အလေးအပင် မ,မိလို့ဖြစ်စေ၊ ချော်လဲ၍ဖြစ်စေ၊ ဝမ်းချုပ်၍ဖြစ်စေ၊ အထိုင်များ၍ဖြစ်စေ၊ ကျည်းပေါင်းကြောင့်ဖြစ်စေ အကြောင်းအမျိုးမျိုးကြောင့် ခါးနာဝေဒနာ ခံစားဖူးကြမှာပါ။

ကျွန်တော်လည်း ဆေးမသိခင်က မကြာခဏလိုလို ခါးနာတတ်တဲ့အကျင့် ရှိပါတယ်။ ခါးနာရောဂါအတွက် ဆေးနည်းရှာဖွေခဲ့ရာ ဆေးအမျိုးမျိုး နည်းအဖုံဖုံ မြင်တွေ့ခဲ့ရပါသည်။
တွေ့ရှိခဲ့တဲ့ ဆေးနည်းများစွာထဲက အသက် ၇၅ နှစ်အရွယ် အဘိုးကြီးတစ်ဦးထံမှ ရရှိခဲ့ဆေးဆေးသည် ကျွန်တော်သာမက ဝေဒနာရှင် ၂၀ ဦးမက လက်တွေ့ပျောက်ကင်းကြောင်း ကိုယ်တွေ့သိလိုက်ရပါတယ်။

ယခုအခါ ခါးနာဝေဒနာရှင်တွေ မကြာခဏ တွေ့နေ မြင်နေရ၍ စိတ်မချမ်းမြေ့ ဖြစ်ရပါတဟ်။ ဒါကြောင့် ပညာကိုမြေမမြှုတ်ချင်၍လည်းကောင်း ကုထုံးဆေးချက် တို့မဝှက်ဟူသည့် စကားအတိုင်း အများအကျိုးငှာ ဖေါ်ပြပေးလိုက်ပါသည်။
ကျွန်တော်တင်ပေးသမျှ ဆေးနည်းများသည် စာတွေ့မဟုတ် ငါတွေ့ လက်တွေ့ ဆေးနည်းများသာ ဖြစ်ပါသည်။ ထို့ကြောင့် မြန်မာဆေးစွမ်းတစ်လက်ကို ဖေါ်ထုတ်ပေးလိုက်ပါသည်။

ခါးနာပျောက်ဆေး

၁။ ကြက်သွန်ဖြူ = ၈ပဲသား

၂။ ငရုတ်ကောင်း =၈ပဲသား

၃။ စမုံနက် = ၈ ပဲသား

၄။ ရှိန်းခို =၈ပဲသား

၅။ မုတ်ခါး = ၁၀ ကျပ်သား

ဖေါ်ပြပါ ဆေး ၅ပါးကို အမှုန့်ပြု၍ ဆီးသီးကင်းခန့် အလုံးလေးများ လုံးပြီး နေလှန်းအခြောက်ခံထားပါ။ ဤဆေးသည် ဝမ်းကိုပျော့စေသည်။ စမြင်းခံခြင်းကိုပျောက်ကင်းစေသည်။ အညောင်းအကိုက်ပျောက်ကင်းစေသည်။ ဝမ်းကိုစင်ကြယ်စေပါသည်။ အကြောများကိုပြေစေသည်။ ခါးနာရောဂါကို အထူးပျောက်ကင်း သက်သာစေသော အစွမ်းသတ္တိရှိပါသည်။

အကြောင်းတစ်ခုခုကြောင့် ခါးနာပါက ထိုဆေးကို တစ်ခါသောက် တစ်လုံး။ တစ်နေ့ (၂ကြိမ်) သောက်ခြင်းဖြင့် ၃ ရက်အတွင်း ထူးထူးခြားခြား သက်သာပျောက်ကင်းစေပါသည်။ ပြောမယုံကြုံမှ သိကြမည့် ကျွန်တော့် မိတ်ဆွေများ လက်တွေ့သုံးပြီးမှ ကျေးဇူးတင်ပါ။
ဝေဒနာရှင်များကို တတ်နိုင်သမျှ မျှဝေပေးပါခင်ဗျာ။

ထိုဆေးသောက်နေစဉ်အတွင်း ခါးနာသောနေရာကို (ကန်စွန်းရွက်ကို ထောင်းပြီး ခါးမှာကပ်၍ စည်းပေးထားပါက အထူး အထူးပင် အမြန်ဆုံးပျောက်ကင်းပါကြောင်း လက်ဆောင်ပါးလိုက်ပါတယ်)

#ဆရာကျော်လင်းအောင်

Ko Htet Blind Massage ဂျပန်မြန်မာအကြောပြင်

15/12/2024

25/01/2024

05/10/2023

03/07/2023

28/06/2023

01/04/2023

08/12/2022

07/12/2022

06/12/2022

05/12/2022

04/12/2022

03/12/2022

Address

Opening Hours

Telephone

Website

Alerts

Contact The Practice

Shortcuts

Share

Category

Monday	07:00 - 21:00
Tuesday	07:00 - 21:00
Wednesday	07:00 - 21:00
Thursday	07:00 - 21:00
Friday	09:00 - 21:00
Saturday	07:00 - 21:00
Sunday	07:00 - 21:00