15/01/2024
‼️ဆီးပိုးဝင်တယ်ဆိုတာ ဘာလဲ⁉️
🤷♀️အမျိုးသမီးတွေက ဆီးလမ်းကြောင်း ပိုးဝင်တဲ့ဝေဒနာကို ပိုခံစားကြရပါတယ်။ အမျိုးသမီးတွေမှာ ဆီးလမ်းကြောင်းတိုတာရယ်၊ ဆီးလမ်းကြောင်းက အမျိုးသမီးလမ်းကြောင်း၊စအိုတို့နဲ့နီးတာရယ်ကြောင့် ဆီးပိုးဝင်တာ ပိုအဖြစ်များလေ့ရှိပါတယ်။အမျိုးသားတွေလည်း ဖြစ်နိုင်ပါတယ်။
👉ဘယ်လိုအခြေအနေတွေမှာ ဆီးပိုးဝင်တာ ပိုဖြစ်နိုင်သလဲ❓
📌ဆီးသွားရင်ကုန်အောင်မသွားတာ
📌ဆီးသွားချင်ပေမယ့် မသွားဘဲ ဆီးအောင့်ထားတတ်တာ
📌တစ်ကိုယ်ရေသန့်ရှင်းမှု အားနည်းတာ
📌ခုခံအားကျဆင်းတဲ့ ရောဂါဝေဒနာ ခံစားရသူတွေ(ဥပမာ- ဆီးချိုရောဂါရှိသူ၊ steroid ပါတဲ့ဆေးတွေ ရေရှည်သောက်နေရသူတွေ...)
📌လိင်မှတဆင့်ဖြစ်တတ်တဲ့ ကူးစက်ရောဂါဖြစ်တတ်သူတွေ
📌မွေးရာပါ ဆီးလမ်းကြောင်း ပုံမမှန်သူတွေ
📌အသက်အရွယ်ကြီးလာသူတွေမှာ အဖြစ်များ တတ်ပါတယ်။
👉ဆီးလမ်းကြောင်းပိုးဝင်ရင် ဘယ်လိုခံစားရသလဲ❓
📌ဆီးပူ ဆီးကျင်ဖြစ်နေမယ်
📌ဆီးသွားရင် ပူစပ်ပူလောင်ဖြစ်မယ်
📌ဆီးသွားပီးရင်လည်း မကုန်သလိုဖြစ်ပီး ခဏခဏ သွားချင်နေမယ်
📌ပိုဆိုးလာရင် ချမ်းတုန်ဖျားမယ်
📌ခါးတွေကိုက်ပီး ပင်ပန်းနွမ်းနယ်နေမယ်
👉ဘယ်လိုကာကွယ်မလဲ⁉️
✅ရေများများသောက်ပေးရပါမယ်
✅ဆီးသွားချင်ရင် အောင့်မထားပဲ သွားပေးပါ၊ ကုန်အောင်လည်းသွားပါ
✅အတွင်းခံမှ အစ တစ်ကိုယ်ရေ သန့်ရှင်းရေးဂရုစိုက်ပါ
✅အတွင်းခံကို ချောင်ချောင်လေးနဲ့ ချည်သားလေးဝတ်ပေးပါ
✅အလေးအပေါ့သွားပီးလို့ ရေဆေးရင် အရှေ့ကနေ အနောက်ကိုဆေးပေးပါ
✅ဒိုင်ပါဝတ်ထားရသူတွေ အကြာကြီးထုပ်မထားပါနဲ့
✅ဗီတာမင် စီ ပါတဲ့ အသီးအနှံများစားပါ
✅အပူအစပ်ပါတဲ့ အစားအစာများရှောင်ပါ
👉ဆီးလမ်းကြောင်းပိုးဝင်တာ ခဏခဏဖြစ်ရင် ဆီးအိမ်ရောင်တာ ကျောက်ကပ်ရောင်ရောဂါ၊ သွေးတိုးရောဂါ၊ ဆီးမထိမ်းနိုင်တာ စသဖြင့် နောက်ဆက်တွဲဝေဒနာတွေဖြစ်နိုင်တာမို့ ရောဂါလက္ခဏာတွေ ခံစားရရင် ဆေးရုံ ဆေးခန်းပြသပီး ဆေးကုသမှုခံယူသင့်ပါတယ်နော်။
#ချစ်ခင်စွာဖြင့်_MTZ
