https://www.facebook.com/119417743256459/

KBZ Center Mandalay, ၇၃ လမ်းနှင့် ၁၁၀ (မနော်ဟရီ) လမ်းထောင့်၊ ချမ်းမြသာစည်မြို့နယ်၊ မန္တလေးမြို့, Yangon (2026)

06/01/2026

KBZ Center Mandalay တွင် အခမဲ့ ကျောက်ကပ်သွေးသန့်စင် ကုသမှုများ မကြာမီ စတင်တော့မည် ဖြစ်ပါသဖြင့် ကုသမှုခံယူလိုသော လူနာများ အနေဖြင့် အောက်ပါအတိုင်း လျှောက်ထားနိုင်ပါသည်။

📝 လျှောက်လွှာပုံစံ ထုတ်ယူခြင်း

🏥 နေရာ - KBZ Center Mandalay၊ ၇၃ လမ်းနှင့် ၁၁၀ လမ်း (မနော်ဟရီလမ်းထောင့်)၊ ချမ်းမြသာစည်မြို့နယ်၊ မန္တလေးမြို့။

၂၀၂၆ ခုနှစ်၊ ဇန်နဝါရီလ ၈၊ ၉၊ ၁၀ ရက် အတွင်း နံနက် ၉:၀၀ နာရီ မှစတင်ပြီး စင်တာတွင် လျှောက်လွှာပုံစံများ လာရောက် ထုတ်ယူရပါမည်။

လျှောက်လွှာ လာရောက်ထုတ်ယူသည့်အခါ လူနာ မှတ်ပုံတင်မူရင်းကိုပါ တစ်ပါတည်း ယူဆောင်လာရန်လိုအပ်ပါသည်။

နေ့စဉ် သတ်မှတ်ထားသော လျှောက်လွှာအရေအတွက် အကန့်အသတ်ရှိပါသည်။

သတ်မှတ် လျှောက်လွှာ အရေအတွက် ပြည့်သွားပါက ဆက်လက်ရယူနိုင်မည်မဟုတ်ပါ။

📝 ဖြည့်စွက်ပြီး လျှောက်လွှာများတင်သွင်းခြင်း

📆 ရက်စွဲ - ၂၀၂၆ ခုနှစ်၊ ဇန်နဝါရီလ ၁၅ နှင့် ၁၆ ရက် (၂ ရက်သာ)
⏰အချိန် - နံနက် ၉:၀၀ နာရီမှ ညနေ ၄:၀၀ နာရီအတွင်း

လိုအပ်ချက် - ဖြည့်စွက်ပြီးသော လျှောက်လွှာများနှင့်အတူ လူနာ၏ နောက်ဆုံးကုသမှုဆိုင်ရာ ဆေးမှတ်တမ်း အထောက်အထားများ၊ ဆရာဝန်ထောက်ခံချက်များကို တစ်ပါတည်း တင်ပြရန် လိုအပ်ပါသည်။

📝 အတည်ပြု အကြောင်းကြားခြင်း

လက်ခံရရှိသော လျှောက်လွှာများကို တာဝန်ရှိ ဆရာဝန်ကြီးများက စနစ်တကျ စိစစ်သွားမည် ဖြစ်ပါသည်။

ကုသမှု ရယူနိုင်သော လူနာများကို ဇန်နဝါရီလ နောက်ဆုံးအပတ်အတွင်း တိုက်ရိုက်ဆက်သွယ်၍ အကြောင်းကြားပေးသွားမည် ဖြစ်ပါသည်။

06/01/2026

မြန်မာနိုင်ငံ လူမှုကယ်ဆယ်ရေးအဖွဲ့ (မန္တလေးတိုင်းဒေသကြီး ကော်မတီရုံး) နှင့် KBZ Bank၊ KBZ Center Mandalay တို့ ပူးပေါင်းဖွင့်လှစ်သည့် Emergency First Responder Training (Batch-1) ဖွင့်ပွဲကို ယနေ့ ဇန်နဝါရီလ (၆) ရက် မွန်းလွဲ ၁ နာရီက ၇၃ လမ်း၊ ၁၁၀ လမ်းထောင့်ရှိ KBZ Center Mandalay တွင် ကျင်းပခဲ့ပါသည်။

သင်တန်းဖွင့်ပွဲသို့ မြန်မာနိုင်ငံ လူမှုကယ်ဆယ်ရေးအဖွဲ့ (မန္တလေးတိုင်းဒေသကြီး ကော်မတီရုံး) ဥက္ကဌ ဦးလှိုင်မင်းဦးနှင့် ကော်မတီအဖွဲ့ဝင်များ၊ KBZ Center Mandalay မှ တာဝန်ရှိသူများ၊ သင်တန်းသားများ တက်ရောက်ခဲ့ကြပါသည်။

အဆိုပါသင်တန်းကို ဖြစ်ပေါ်ခဲ့ပြီးသော သဘာဝဘေးအန္တရာယ် ကာလများတွင် ပရဟိတ အသင်းများ၏ ကူညီမှုအခန်းကဏ္ဍများသည် လွန်စွာအရေးပါမှု ရှိခဲ့သဖြင့် ယင်းပရဟိတ အသင်းများအား သင်တန်းများ စနစ်တကျ ပို့ချပေးခြင်းဖြင့် နောက်နောင် မလွဲမသွေ ကြုံတွေလာနိုင်သည့် သဘာ၀ဘေးများတွင် ဘေးဒဏ်သင့်ပြည်သူများ၏ မဆုံးရှုံးသင့်သော အသက်အိုးအိမ် စည်းစိမ်များ ယခုထက်ပိုမို စနစ်တကျ ထိရောက်စွာ ကူညီ/ကယ်ဆယ်ပေးနိုင်ရန် ရည်ရွယ်၍ ဖွင့်လှစ်သင်ကြားပေးနေခြင်း ဖြစ်ပါသည်။

သင်တန်းသို့ မန္တလေးတိုင်း‌‌ဒေသကြီး၊ ကချင်ပြည်နယ်နှင့် စစ်ကိုင်းတိုင်းဒေသကြီးတို့ရှိ ပရဟိတအသင်းများမှ သင်တန်းသားဦးရေ (၄၀) ကျော် တက်ရောက်လျက်ရှိပြီး သင်တန်းကာလမှာ (၁၀) ရက်တာ ကြာမြင့်မည် ဖြစ်ပါသည်။

သင်တန်းတွင် ကယ်ဆယ်ရေးဆိုင်ရာ အခြေခံနည်းစနစ်များ (Basic Rescuer Methods)၊ အရေးပေါ် လူနာရွှေ့ပြောင်းနည်းများ (Patient Transportation Methods)၊ အရေးပေါ် လူနာပြုစုနည်းများ (Emergency First Aid & CPR)၊ ဆေးရုံမရောက်ခင် လူနာစောင့်ရှောက်ခြင်း (Pre Hospital Care)၊ ပစ္စည်းမဲ့ ကယ်ဆယ်ရေး သင်ခန်းစာများ (Rescue Course without equipment) နှင့် အဆင့်မြင့် ကယ်ဆယ်ရေး သင်ခန်းစာများ (အခြေခံ) Advanced Rescue Courses (Basic) တို့ကို ထည့်သွင်းပို့ချသွားမည် ဖြစ်ပါသည်။

06/01/2026

စဥ့်ကိုင်မြို့၊ ရွှေဆံနွယ် ရတနာဖြိုးဝေ ပရိယတ္တိစာသင်တိုက်မှ ရွှေဆံနွယ်ဆရာတော်‎ ဒေါက်တာအရှင်ဝါယာမာနန္ဒ အမှူးပြုသော ဆရာတော်ကြီးများထံမှ မုဒိတာပွားတရားတော်နှင့် အန္တရာယ်ကင်း ပရိတ်တရားတော် နာယူကြည်ညိုပွဲကို ယနေ့ ဇန်နဝါရီလ (၆) ရက် နံနက် ၁၀ နာရီက ၇၃ လမ်း၊ ၁၁၀ လမ်းထောင့်ရှိ KBZ Center Mandalay တွင် ကျင်းပခဲ့ပါသည်။

အခမ်းအနားတွင် ရွှေဆံနွယ်ဆရာတော်‎ ဒေါက်တာအရှင်ဝါယာမာနန္ဒက မုဒိတာပွားတရားတော်နှင့် အန္တရာယ်ကင်း ပရိတ်တရားတော်များ ဟောကြားချီးမြင့်ခဲ့ပြီး KBZ Center Mandalay မှ တာဝန်ရှိသူများက ရွှေဆံနွယ်ဆရာတော်ထံသို သံဃိကဒါနအဖြစ် ဝတ္ထုငွေနှင့် လှူဖွယ်ပစ္စည်းများ ဆက်ကပ်လှူဒါန်းကာ ဆရာတော်များအား နေ့ဆွမ်းဆပ်ကပ် လှူဒါန်းခဲ့ပါသည်။

ထိုနောက် ငလျင်ဒဏ်ကြောင့်ပျက်စီးခဲ့သည့် စဥ့်ကိုင်မြို့၊ ရွှေဆံနွယ် ရတနာဖြိုးဝေပရိယတ္တိ စာသင်တိုက်သို့ ဘိလပ်မြေအိတ် (၂၀၀) နှင့် အောင်မြေသာစံမြိုနယ်၊ (၁၈)လမ်း၊ (၈၆)လမ်းနှင့် (၈၇) လမ်းကြားရှိ မဟာဒီပဲယင်းကျောင်းတိုက်၊ ဝိသုတာရာမတိုက်ကျောင်းသို့ ဘိလပ်မြေအိတ် (၁၀၀) တို့ကို သွားရောက်လှူဒါန်းခဲ့ပါသည်။

31/12/2025

📌နှစ်သစ်ကူးပိတ်ရက် ကြေညာခြင်း 📌

၂၀၂၆ ခုနှစ်၊ နိုင်ငံတကာ နှစ်သစ်ကူး ရုံးပိတ်ရက်အဖြစ် KBZ Center Mandalay ကို အောက်ပါရက်များတွင် ပိတ်ထားမည်ဖြစ်ကြောင်း လေးစားစွာဖြင့် အသိပေးအပ်ပါသည်။

📍ဇန်နဝါရီလ (၁) ရက် (ကြာသပတေးနေ့) (နိုင်ငံတကာ နှစ်သစ်ကူးရုံးပိတ်ရက်)
📍ဇန်နဝါရီလ (၂) ရက် (သောကြာနေ့) (နိုင်ငံတကာ နှစ်သစ်ကူးရုံးပိတ်ရက်)
📍ဇန်နဝါရီလ (၃) ရက် (စနေနေ့) (ရုံးပိတ်ရက်)
📍ဇန်နဝါရီလ (၄) ရက် (တနင်္ဂနွေနေ့) (လွတ်လပ်ရေးနေ့ရုံးပိတ်ရက်)

၂၀၂၆ ခုနှစ်၊ ဇန်နဝါရီလ (၅) ရက် (တနင်္လာနေ့) တွင် KBZ Center Mandalay ကို ပုံမှန်အတိုင်း ပြန်လည်ဖွင့်လှစ်သွားမည် ဖြစ်ပါသည်။

17/12/2025

"ပိတ်ရက် အသိပေးကြေညာခြင်း"

၂၀၂၅ ခုနှစ်၊ ဒီဇင်ဘာလ (၁၉) ရက် “ကရင်နှစ်သစ်ကူးနေ့” နှင့် ဒီဇင်ဘာလ (၂၅) ရက် “ခရစ္စမတ်နေ့” သည် အများပြည်သူ ရုံးပိတ်ရက်များ ဖြစ်ပါသောကြောင့် KBZ Center Mandalay အား ပိတ်ထားမည်ဖြစ်ကြောင်း အသိပေး ကြေညာအပ်ပါသည်။

17/12/2025

အရိုး၊ အကြော၊ အဆစ်ဆိုင်ရာ ရောဂါဝေဒနာ ခံစားနေရသူများအတွက် အပတ်စဉ် ဗုဒ္ဓဟူးနေ့နှင့် သောကြာနေ့တို့တွင် KBZ Center Mandalay ၌ အရိုးအထူးကု ဆရာဝန်ကြီးများနှင့် အခမဲ့ ဆွေးနွေးကုသမှု ပြုလုပ်ရန် စီစဥ်ထားပါသည်။

လတ်တလောတွင် သောကြာနေ့တိုင်း ဆွေးနွေးကုသပေးနေသည့် အရိုးအထူးကုဆရာဝန်ကြီး ပါမောက္ခဒေါက်တာဦးဝင်းကိုသည် ဒီဇင်ဘာလ (၁၉) ရက်နေ့အစား ဒီဇင်ဘာလ (၁၇) ရက်နေ့ နံနက် (၁၀) နာရီသို့လည်းကောင်း၊ ဒီဇင်ဘာလ (၂၆) ရက်နေ့အစား ဒီဇင်ဘာလ (၂၄) ရက်နေ့ နံနက် (၁၀) နာရီသို့လည်းကောင်း၊ ၂၀ ၂၆ ခုနှစ် ဇန်နဝါရီလ (၂) ရက်နေ့အစား ၂၀၂၅ ခုနှစ် ဒီဇင်ဘာလ ၃၁ ရက်နေ့ နံနက် (၁၀) နာရီသို့လည်းကောင်း ရက်ပြောင်းလဲ ကုသပေးသွားမည် ဖြစ်ပါကြောင်း အသိပေး အပ်ပါသည်။

အရိုးအထူးကု ဆရာဝန်ကြီးများနှင့် အခမဲ့ ဆွေးနွေးကုသမှု အစီအစဉ်တွင် စင်တာရှိ သက်ဆိုင်ရာ ဆရာဝန်များနှင့် ရှေးဦးပဏာမ ဆွေးနွေးတိုင်ပင်မှု (Consultation) ပြုလုပ်ပြီးမှသာလျှင် အရိုးအထူးကု ဆရာဝန်ကြီးများ၏ ကုသမှုကို ဆက်လက်ခံယူရမည် ဖြစ်ပါသည်။

သို့ဖြစ်ပါ၍ ရှေးဦးပဏာမ ဆွေးနွေးတိုင်ပင်မှု ပြုလုပ်လိုသူများ အနေဖြင့် အင်္ဂါနေ့နှင့် ကြာသပတေးနေ့ နံနက် ၉ နာရီမှ နေ့လည် ၁၁ နာရီအတွင်း Call Center ဖုန်း (၀၉ ၉၄၁ ၆၀၀ ၉၉၉) သို့မဟုတ် U9 ဖုန်း ကိုင်ဆောင်သူများအတွက် Short Code ၁၀၁၀ မှတစ်ဆင့် ကြိုတင်ရက်ချိန်းရယူပြီး သက်ဆိုင်ရာ ဆရာဝန်များနှင့် ရှေးဦးပဏာမ ဆွေးနွေးတိုင်ပင်မှု ပြုလုပ်ပြီးစီးပါက ဗုဒ္ဓဟူးနေ့နှင့် သောကြာနေ့တို့တွင် အရိုးအထူးကု ဆရာဝန်ကြီးများနှင့် ဆက်လက်ပြသနိုင်ရန် ရက်ချိန်းကို တစ်ပါတည်း သတ်မှတ်ပေးသွားမည် ဖြစ်ပါသည်။

17/12/2025

မန္တလေးမြို့၊ ချမ်းမြသာစည်မြို့နယ်၊ ၇၃ လမ်းနှင့် ၁၁၀ (မနော်ဟရီ) လမ်းထောင့်ရှိ KBZ Center Mandalay တွင် လူမျိုးဘာသာမရွေး အခြေခံကျန်းမာရေး အထွေထွေရောဂါ ကုသမှုများ၊ X-Rays ရိုက်ကူးခြင်းများ၊ အရိုးအထူးကု ဆရာဝန်ကြီးများနှင့် ကုသနိုင်မည့် ဝန်ဆောင်မှုများကို ဒီဇင်ဘာလ (၁၇) ရက်နေ့က အခမဲ့ ဆောင်ရွက်ပေးခဲ့ပါသည်။

အရိုးအကြောအဆစ် ရောဂါဝေဒနာ စမ်းသပ်စစ်ဆေး ကုသပေးခြင်းကို အရိုးအကြောအထူးကု ဆရာဝန်ကြီး ဒေါက်တာဦးဌေးကြွယ်မှ စမ်းသပ်စစ်ဆေး ကုသပေးခဲ့ပြီး အခမဲ့အခြေခံကျန်းမာရေး အထွေထွေရောဂါ ကုသပေးခြင်းကို စင်တာမှ ဆရာဝန်များနှင့် ဆေးဘက်ဆိုင်ရာ အထောက်အကူပြု အဖွဲ့တို့က စမ်းသပ်စစ်ဆေး ဆောင်ရွက်ပေးခဲ့ပါသည်။

အရိုးအထူးကု ဆရာဝန်ကြီးများနှင့် အခမဲ့ ဆွေးနွေးကုသမှု အစီအစဥ်အတွက် စင်တာရှိ သက်ဆိုင်ရာ ဆရာဝန်များနှင့် ရှေးဦးစွာ ဆွေးနွေးတိုင်ပင်မှု (Consultation) ပြုလုပ်ပြီးမှသာ အရိုးအထူးကု ဆရာဝန်ကြီးများ၏ ကုသမှုကို ဆက်လက်ခံယူရမည် ဖြစ်ပါသည်။

ထိုကြောင့် ရှေးဦးစွာ ဆွေးနွေးတိုင်ပင်မှု ပြုလုပ်လိုသူများ အနေဖြင့် အင်္ဂါနေ့နှင့် ကြာသပတေးနေ့ နံနက် ၉ နာရီမှ နေ့လည် ၁၁ နာရီအတွင်း Call Center ဖုန်း (၀၉ ၉၄၁ ၆၀၀ ၉၉၉) သိုမဟုတ် U9 ဖုန်း ကိုင်ဆောင်သူများအတွက် Short Code ၁၀၁၀ မှတစ်ဆင့် ကြိုတင်ရက်ချိန်းရယူပြီး သက်ဆိုင်ရာ ဆရာဝန်များနှင့် ရှေးဦးစွာ ဆွေးနွေးတိုင်ပင်မှု ပြုလုပ်ပြီးစီးပါက ဗုဒ္ဓဟူးနေ့နှင့် သောကြာနေ့တိုတွင် အရိုးအထူးကု ဆရာဝန်ကြီးများနှင့် ဆက်လက်ပြသနိုင်ရန် ရက်ချိန်းကို တစ်ပါတည်း သတ်မှတ်ပေးသွားမည် ဖြစ်ပါသည်။

17/12/2025

အမရပူရမြို့၊ မဟာဂန္ဓာရုံကျောင်းတိုက်ရှိ နာယကဆရာတော်ကြီးများထံမှ မုဒိတာပွားတရားတော်နှင့် အန္တရာယ်ကင်း ပရိတ်တရားတော်နာယူကြည်ညိုပွဲကို ယနေ့ (ဒီဇင်ဘာလ ၁၆ ရက်) နံနက် ၁၀ နာရီက ၇၃ လမ်း၊ ၁၁၀ လမ်းထောင့်ရှိ KBZ Center Mandalay တွင် ကျင်းပခဲ့ပါသည်။

အခမ်းအနားတွင် မဟာဂန္ဓာရုံကျောင်းတိုက်ရှိ နာယကဆရာတော်များအနက် ဆရာတော်ဥူးဉာဏဝံသက မုဒိတာပွားတရားတော်နှင့် အန္တရာယ်ကင်း ပရိတ်တရားတော်များ ဟောကြားချီးမြင့်ခဲ့ပြီး KBZ Center Mandalay မှ တာဝန်ရှိသူများက နာယကဆရာတော်များထံသို သံဃိကဒါနအဖြစ် ဝတ္ထုငွေနှင့် လှူဖွယ်ပစ္စည်းများ ဆက်ကပ်လှူဒါန်းခဲ့ပါသည်။

ထို့နောက် နာယကဆရာတော်များအား KBZ Center Mandalayမှ တာဝန်ရှိသူများက နေ့ဆွမ်းဆပ်ကပ် လှူဒါန်းခဲ့ပါသည်။

03/12/2025

KBZ Center Mandalay၊ ရှမ်းတောင်ပရဟိတ ညီနောင်များ ကွန်ရက်နှင့် Rotary Club of Metro Yangon တို့ ပူးပေါင်းစီစဉ်သည့် သဘာဝဘေးအန္တရာယ် ကြုံတွေ့မှုများအတွက် စိတ်လူမှု ထောက်ပံ့ရေး သင်တန်း (Psychological First Aid Training) ကို ဒီဇင်ဘာလ ၁ ရက်နေ့မှ ၂ ရက်နေ့ထိ သင်ကြားပို့ချ ပေးခဲ့ပါသည်။

သင်တန်းသို့ ကျန်းမာရေးဌာနဆိုင်ရာ ပုဂ္ဂိုလ်များ၊ Rotary Club of Metro Yangon မှ စိတ်ပိုင်းဆိုင်ရာ ပညာပေးသူများ၊ မန္တလေးမြို့ရှိ လူမှုကူညီရေးအသင်းများနှင့် ပရဟိတအသင်းများ တက်ရောက် ခဲ့ကြပါသည်။

KBZ Center Mandalay တွင် သဘာဝဘေးအန္တရာယ် ကြုံတွေ့မှုများအတွက် စိတ်လူမှု ထောက်ပံ့ရေး သင်တန်း (Psychological First Aid Training) ကို ၂၀၂၅ ခုနှစ်၊ ဇူလိုင်လ ၁၂ ရက်နေ့မှ စတင်၍ သင်ကြားပို့ချ ပေးခဲ့သည်။

26/11/2025

မန္တလေးမြို့၊ ချမ်းမြသာစည်မြို့နယ်၊ ၇၃ လမ်းနှင့် ၁၁၀ (မနော်ဟရီ) လမ်းထောင့်ရှိ KBZ Center Mandalay တွင် လက်ရက်ကန်းဒီဇိုင်း တီထွင်ဆန်းသစ်မှုနည်းပညာသင်တန်း ဖွင့်လှစ်ခြင်း အခမ်းအနားကို နိုဝင်ဘာလ (၂၆) ရက် နံနက်ပိုင်းက ကျင်းပခဲ့သည်။

အခမ်းအနားကို မြန်မာစီးပွားရေးလုပ်ငန်းရှင် အမျိုးသမီးကွန်ယက်၊ သုဇာတာဖောင်ဒေးရှင်း၊ ရက်ကန်းလုပ်ငန်းရှင်များအသင်းနှင့် ဆောင်းဒါးရက်ကန်းကျောင်းတို့ ပူးပေါင်းပြီး ဆောင်ရွက်ခဲ့ခြင်း ဖြစ်သည်။

အခမ်းအနားတွင် မြန်မာစီးပွားရေးလုပ်ငန်းရှင် အမျိုးသမီးကွန်ယက် ဒုတိယဥက္ကဌ ဒေါ်လင်းလင်းထွန်းမှ သင်တန်းဖွင့်လှစ်ရခြင်းနှင့် ပတ်သက်သည့် အဓိက ရည်ရွယ်ချက်များကို ရှင်းလင်းပြောကြားပြီးနောက် ဆောင်းဒါးရက်ကန်းကျောင်း ကျောင်းအုပ်ဆရာမကြီး ဒေါ်ခင်ဝင်းကြည်မှ ဖွင့်လှစ်ခဲ့သည့် သင်တန်းအကြောင်းအရာများကို ပြောကြားခဲ့သည်။

ဆက်လက်၍ သင်တန်းသူတစ်ဦးဖြစ်သည့် မညိမ်းညိမ်းဌေးမှ သင်တန်းဖွင့်လှစ်ပေးခဲ့ခြင်းအပေါ် ကျေးဇူးတင်စကား ပြောကြားပြီးနောက် မြန်မာစီးပွားရေးလုပ်ငန်းရှင် အမျိုးသမီးကွန်ယက် ဒုတိယဥက္ကဌ တစ်ဦးဖြစ်သည့် ဒေါ်မွှေးသီတာသိန်းမှ သင်တန်းဖွင့်လှစ် နိုင်ခဲ့ခြင်းအပေါ် အမှတ်တရ ကျေးဇူးတင်စကား ပြောကြားကာ အခမ်းအနားကို ရုပ်သိမ်းခဲ့သည်။

26/11/2025

မန္တလေးမြို့၊ ချမ်းမြသာစည်မြို့နယ်၊ ၇၃ လမ်းနှင့် ၁၁၀ (မနော်ဟရီ) လမ်းထောင့်ရှိ KBZ Center Mandalay တွင် Rotary Club of Yadanabon Myanmarမှ ဦးစီးကျင်းပသည့် မူးယစ်ဆေးဝါးအကြောင်း သိကောင်းစရာများ ဟောပြောပွဲကို နိုဝင်ဘာလ (၂၅) ရက်နေ့က ပြုလုပ်ခဲ့သည်။

"Better Community, Better Future Mandalay ကို စနစ်တကျ ဖွံ့ဖြိုးတိုးတက်စေနိုင်မယ့် Youth Development, Education, Health & Water Sanitation, Disaster Relief တို့အပေါ် အခြေခံပြီး တည်ငြိမ်ပြီး ကြာရှည်တည်မြဲသော လူမှုဖွံ့ဖြိုးမှုကို ရည်ရွယ်ထားပါတယ်" ဟု Rotary Club of Yadanabon Myanmar ၏ President ဦးမျိုးဝင်းအောင်မှ ပြောကြားခဲ့သည်။

ဟောပြောပွဲတွင် Rotary Club of Yadanabon Myanmar ၏ President ဦးမျိုးဝင်းအောင်မှ အဖွင့်အမှာစကား ပြောကြားပြီးနောက် Rotary Club အကြောင်းကို ကိုရှနုမှ ရှင်းလင်းပြောကြားခဲ့သည်။

ဆက်လက်၍ မူးယစ်ဆေးဝါးအကြောင်း သိကောင်းစရာများအား ဆရာဦးဇော်သူလင်းမှ ဆွေးနွေးကြပြီးနောက် ဟောပြောပွဲသို့ တက်ရောက်လာသူများမှ သိလိုသည်များ မေးမြန်းလာမှုအပေါ် ဆရာဦးဇော်သူလင်းမှ ပြန်လည်ရှင်းလင်း ဖြေကြားပေးခဲ့သည်။

ထို့နောက် Rotary Club of Yadanabon Myanmar ၏ Community Service Chair ဆရာမပိုပိုဘိုမှ ကျေးဇူးတင်စကား ပြောကြားပြီး ဟောပြောပွဲ အစီအစဥ်ကို ရုပ်သိမ်းခဲ့ပါသည်။

KBZ Center Mandalay

06/01/2026

06/01/2026

06/01/2026

31/12/2025

17/12/2025

17/12/2025

17/12/2025

17/12/2025

03/12/2025

26/11/2025

26/11/2025

Address

Website

Alerts

Shortcuts

Share