06/04/2026
မင်္ဂလာပါရှင်…ကလေးတွေရဲ့စိတ်ကျန်းမာရေးပံ့ပိုးပေးမှုကို စိတ်ဝင်စားတဲ့ မန္တလေးကလူတွေအတွက် အခမဲ့တက်ရောက်နိုင်မယ့် Training အခွင့်အရေးကောင်းလေးတစ်ခုကို ADORE ကနေ ဝေမျှပေးချင်ပါတယ်။🤍
ကျွန်မတို့ ADORE Mental Wellbeing & Care ကနေ ဂျာမန်အဖွဲ့အစည်းတစ်ခုနဲ့ပူးပေါင်းပြီး မန္တလေးမှာ In-person “Emergency Pedagogy Training” ကိုပြုလုပ်ပေးသွားဖို့ရှိပါတယ်။ 🍃
ဒီသင်တန်းက အရေးပေါ်ကလေးပြုစုပျိုးထောင်ရေး နယ်ပယ်မှာ လုပ်ကိုင်နေတဲ့ ဂျာမန်အဖွဲ့အစည်းတစ်ခုကနေ ကိုယ်တိုင်ကိုယ်ကျ လာရောက်ပို့ချပေးမယ့် သင်တန်းတစ်ခု ဖြစ်ပါတယ်။ 🍃
သင်တန်းကို ဦးဆောင်မယ့် ဂျာမန်ပညာရှင်အဖွဲ့မှာ စိတ်ပညာရှင်တွေ၊ စိတ်ကုထုံးပညာရှင်တွေ၊ အတွေ့အကြုံရင့် ဆရာ/ဆရာမတွေနဲ့ အနုပညာနဲ့ လှုပ်ရှားမှုအခြေခံ ပံ့ပိုးမှုနည်းလမ်းတွေကို ကျွမ်းကျင်သူတွေ ပါဝင်ပါတယ်။ ဒါကြောင့် နယ်ပယ်အသီးသီးက ကျွမ်းကျင်သူတွေဆီက သင်ယူရင်း ပါဝင်သူအချင်းချင်းလည်း အသိပညာချင်း ဖလှယ်ခွင့်ရမယ့် အခွင့်အရေးတစ်ခု ဖြစ်ပါတယ်ရှင်။ 🍃
သူတိုရဲ့ လုပ်ငန်းစဉ်တွေအကြောင်းကို ဒီလင့်ခ်မှာ လေ့လာနိုင်ပါတယ် - (https://www.freunde-waldorf.de/en/emergency-pedagogy/) https://www.freunde-waldorf.de/en/emergency-pedagogy/ (https://www.freunde-waldorf.de/en/emergency-pedagogy/)
Emergency Pedagogy ဆိုတာက စိတ်ဖိစီးမှု၊ စိတ်ဒဏ်ရာ၊ သဘာဝဘေးအန္တရာယ် ဒါမှမဟုတ် ခက်ခဲတဲ့ လူမှုဘဝအခြေအနေတွေကို ရင်ဆိုင်ခဲ့ရတဲ့ ကလေးတွေအတွက် psychosocial support များ ပံ့ပိုးပေးတာဖြစ်ပါတယ်။ 🍃
ဒီသင်တန်းမှာ စာတွေ့နဲ့ လက်တွေ့ နှစ်မျိုးလုံး ပါဝင်မှာဖြစ်ပါတယ်ရှင်။
စာတွေ့အပိုင်းမှာတော့ -
▪️ကလေးများတွင် ဖြစ်တတ်သော စိတ်ဖိစီးမှုနှင့် စိတ်ဒဏ်ရာများ၊
▪️အကျပ်အတည်းများအပြီး ကလေးများ၏ စိတ်ခံစားမှုဆိုင်ရာ တုံပြန်မှုများကို နားလည်ခြင်း၊
▪️ခက်ခဲသော အပြုအမူရှိသည့် ကလေးများကိုကိုင်တွယ်ထိန်းညှိပေးခြင်း၊
▪️ကျောင်းများ၊အဖွဲ့အစည်းများနှင့် ပတ်ဝန်းကျင်တွင် အသုံးပြုနိုင်မည့် psychosocial supportချဉ်းကပ်မှုများ စတာတွေကို ဆွေးနွေးသွားမှာ ဖြစ်ပါတယ်။
Practical session တွေမှာဆိုလည်း ကလေးတွေနဲ့တိုက်ရိုက်လက်တွေ့လေ့ကျင့်ရမှာပါ။ 🌿
အထူးသဖြင့် လွန်ခဲ့တဲ့နှစ်က ဖြစ်ပွားခဲ့တဲ့ ငလျင်လိုမျိုး သဘာဝဘေးအန္တရာယ်တွေ၊ မိသားစုအခြေအနေတွေနဲ့ ကျောင်းတွင်းစိန်ခေါ်မှုတွေကြောင့် ကလေးအများစုဟာ စိတ်ဖိစီးမှုနဲ့ စိတ်ဒဏ်ရာတွေကို ခံစားနေရတတ်ပါတယ်။ ဒီလိုအချိန်မှာ ကလေးတွေရဲ့ စိတ်ပိုင်းဆိုင်ရာ ကောင်းမွန်ဖို့က အရမ်းအရေးကြီးတာကြောင့် ဒီသင်တန်းကနေ ရရှိမယ့် အသိပညာတွေနဲ့အတွေ့အကြုံတွေက ကလေးတွေကို ပိုမိုကောင်းမွန်စွာ ကူညီပေးနိုင်ဖို့ အထောက်အကူဖြစ်စေမှာပါ။ 🌿
သင်တန်းအသေးစိတ် -
ရက်စွဲ။ ။ ဧပြီလ ၂၁၊ ၂၂၊ ၂၃ နှင့် ၂၄ ရက် (၄ ရက်)
ကြာချိန်။ ။ တစ်နေ့တာ အပြည့်အဝ မနက်၉နာရီမှ ၄နာရီထိ (၂၃ နှင့် ၂၄ ရက်နေ့မှာတော့ မနက်ရှစ်နာရီခွဲမှ ညနေလေးနာရီခွဲအထိ
နေရာ။ ။ ၃၁လမ်း၊၆၉၊၇၀ ကြား၊ တော်ဝင်ဆေးရုံ၊မန္တလေးမြို့။
သတ်မှတ်ချက်။ ။ သင်တန်းရက် ၄ ရက်စလုံးကို မပျက်မကွက် တက်ရောက်ရပါမည်။
သင်တန်းအတွက် သင်တန်းကြေး ပေးဆောင်ရန် မလိုပါ။ ADOREဘက်မှ နေ့လယ်စာ၊ အဆာပြေ မုန့်နှင့် သင်တန်းသုံး ပစ္စည်းများကို စီစဉ်ပေးသွားမှာ ဖြစ်သလို ဘာသာပြန်ပေးမယ့်သူလည်း ပါဝင်မှာ ဖြစ်ပါတယ်။
ဒီtraining ကိုလွန်ခဲ့တဲ့နှစ် အောက်တိုဘာမှာ ADORE အတွက် internal training အဖြစ် ပထမအကြိမ်ပါဝင်နိုင်ခဲ့ပြီး အခုဒုတိယအကြိမ်မှာတော့ အဖွဲ့အစည်းပြင်ပကသူတွေအတွက်ကိုလည်း ပါဝင်နိုင်အောင်စီစဉ်ပေးခြင်းဖြစ်ပါတယ်။
အမှန်တစ်ကယ် လိုအပ်သူများရရှိနိုင်ဖို့ရာရည်ရွယ်ပြီး ဒီသင်တန်းကို တက်ရောက်ဖို့ register လုပ်ထားသူများထဲမှ သင့်တော်သူ ၈-၁၀ယောက်ခန့်ကို ကျွန်မတို့ADORE ဘက်မှ ရွေးချယ်ပေးသွားမှာဖြစ်ပါတယ်။ စိတ်ဝင်စားသူများ register လုပ်နိုင်ပြီး ရွေးချယ်ခံရသူများကို email နှင့် ဖုန်းမှ တစ်ဆင့် ဆက်သွယ်ပေးမှာဖြစ်ပါတယ်။
အကယ်၍ စိတ်ပါဝင်စားပါက အောက်ပါ Google Form လင့်ခ်မှတစ်ဆင့် စာရင်းပေးသွင်းနိုင်ပါတယ် -https://forms.gle/7QW1V2Bhrqpm9Hdy7
(Deadline- April 9,2026- 12:00Pm)
အောက်တိုဘာtraining မှ ပုံလေးတွေကိုလည်း ဝေမျှပေးလိုက်ပါတယ်။
🦋 Contact Us 🦋
Address: Room 222, No. 47, 31st Street,69x70 Street, Royal Hospital (တော်ဝင်ဆေးရုံ), Mandalay.
Phone: 09 761 393 131
Email: admin@adorementalwellbeingandcare.com
Telegram Channel Link: https://t.me/adorementalwellbeingandcare
•we ADORE you unconditionally•
