23/03/2025
တစ်ချို့ တစ်ချို့သော
ကံကြမ္မာ အလှည့်အပြောင်းတွေက
ထူးဆန်းလွန်းပါတယ်။
အဖြူနဲ့ အမည်း၊
အမှန်နဲ့ အမှား၊
ပျော်ရွှင်ခြင်း နဲ့ ဝမ်းနည်းခြင်း၊
မွေးဖွားခြင်း နဲ့ သေဆုံးခြင်း၊ အစရှိတဲ့
ဆန့်ကျင်ဘက်ပေမယ့် ဒွန်တွဲနေတဲ့ အခြေနေတွေဟာ
ဒွန်တွဲနေရင်းနဲ့၊
ဆန့်ကျင်နေရင်းနဲ့၊ အပြောင်းအလဲ ဖြစ်ရင်းနဲ့ပဲ
မိမိအတွက်
ပိုကောင်းမွန်တဲ့ အခြေအနေတစ်ခုဆီကို
ကူးပြောင်းဖို့ရာ လုပ်နိုင်တဲ့
အခြေအနေကောင်းဆီ ရောက်သွားနိုင်တာပါပဲ။
အဲ
တစ်ချို့တလေအတွက်ကျ
ပိုမိုကောင်းမွန်တဲ့ အခြေအနေ တစ်ခုဆီကို
ကူးပြောင်းဖို့ရာ လုပ်နိုင်တဲ့
လမ်းစ တစ်ခု မဟုတ်ပါပဲ
သဘာဝတရားရဲ့ အပြောင်းအလဲမှာ
အခြေအနေဆိုးဘက်သို့
ပြောင်းလဲ သွားတဲ့ သူတွေလည်း ဒုနဲ့ဒေး ရှိကြမှာပါပဲ။
မြေပြင်ပေါ်ကျနေတဲ့ သရဖူ။
မြေပြင်မှာ လဲကျ6သဆုံးနေတဲ့ ဘုရင်။
တောင်ဝှေးကို ပစ်ချပြီး တစ်စုံတစ်ခုကို တောင်းဆိုနေပုံရတဲ့ ဘာသာရေး ခေါင်းဆောင်ကြီး။
ဒူးထောက်ကာနေရင်း
မော့ကြည့်နေတဲ့ ကလေးငယ်နဲ့
ဝမ်းနည်းပက်လက် စိတ်ပျက်နေတဲ့ မိခင်။
ကျွန်တော်တို့ဟာ
ဘယ်သူတွေပဲ ဖြစ်ဖြစ်
6သမင်းဆီက ဘာများ ပြန်တောင်းလို့ ရနိုင်ပါ့မလဲ။
သူလည်း
သူ့သဘာဝ၊
သူ့သဘောအတိုင်း၊
သူ့အလုပ်ကို သူ လုပ်နေတာမို့၊
ကိုယ်လည်း
ကိုယ့်သဘာဝ ကိုယ့်သဘောအတိုင်း
ဒါမှမဟုတ်၊
လောကသဘာဝ လောကသဘောအတိုင်း၊
အဆုံးသတ်ခြင်း၊
အသစ်စတင်ခြင်း၊
သို့မဟုတ် ပြောင်းလဲ ကူးပြောင်းခြင်းဖြစ်စဉ်တွေမှာ
ပါဝင်ကြရမှာ မလွဲ မသွေပါပဲပေါ့။
သို့ပေမယ့်
ဘယ်လို သွားမှာလဲ၊ ဘယ်ကို သွားမှာလဲ၊
ဘယ်လို ပြောင်းမှာလဲ၊ ဘယ်ကို ပြောင်းမှာလဲ၊
ဒါမှမဟုတ်
တစ်ဘက်ကမ်းကို သွားနေတဲ့ ရွက်လေပေါ်မှ နေ၍
အလင်းတခါးရှိတာ
တာဝါဆီများ သွားနှင့်လေသလား၊
မြင်းဖြူရှင် ကတော့
သူ့အလုပ်ကိုသူ ဘက်မလိုက်ပဲ လုပ်နေတာမို့၊
မိမိသည်လည်း၊
ကျွန်တော်တို့တွေ၊ သင်တို့တွေလည်း၊
ဘယ်လိုများ ပြောင်းလဲ ပြီး နေကြမလဲ။
တစ်ချို့ အဆုံးသတ်တွေဟာ
အဆုံးသတ်တွေလို့ ထင်ရပေမယ့် အသစ်ဖြစ်သွားသလို။
တစ်ချို့ အသစ်ဖြစ်မှုတွေဟာလည်း
အစပြုတယ်လို့ ထင်ရပေမယ့်
အဆုံးသတ်နေတတ်သော လောကသဘာဝ
ယန္တရားကြီးမယ်
ကျွန်ုပ်တို့ ဘယ်လို ခရီးဆက်ကြမလဲ ......
တွေးရင်း တွေးရင်း တွေးရင်းနဲ့ ....။
မိတ်ဆွေတို့လည်း
ကိုယ့်အတွက်
ကောင်းမွန်သော ရွေးခြယ်မှုများ ပြုလုပ်နိုင်ပါစေလို့
ဆန္ဒပြုပါတယ်။
အားလုံး ဘေးကင်း ရန်ကင်း အန္တရာယ်ကင်းကြပါစေ။
#ဆရာပြည့်မောင်မောင်
#တဲရော့
