Tain Sin Kyal - Pharmacy

29/09/2025

အသည်းကောင်းမကောင်းကို အရက် ဘီယာအချိန်အကြာကြီးသောက်ခဲ့တဲ့သူတွေ နာတာရှည်အသည်းရောဂါဖြစ်တဲ့ ဘီပိုး စီပိုးကူးဆက်ခံထားရသူတွေ မိမိအသည်းကိုစိတ်မချရတဲ့စိတ်ရှိသူတွေအနေနဲ့ ရော ဆီးချို သွေးတိုး ရောဂါရှိနေသူတွေအနေနဲ့ စစ်ဆေးသင့်ပါတယ်
ဘာတွေစစ်ရတာလဲမေးရင် အသည်းကထွက်လာတဲ့ အင်ဇိုင်းတွေ ဘီလီရူဘင် ( Bilirubin ) လို့ခေါ်တဲ့ ဓာတ်တခုစစ်တယ် ပရိုတင်းလို့ခေါ်တဲ့ဓာတ်တခု အဲ့ဒါတွေစစ်တယ် အဲ့ဒါတွေစစ်ပြီးအသည်းကောင်းမကောင်းဆုံးဖြတ်ကြပါတယ် ချက်ခြင်းလဲသိနိုင်ပါတယ် ဘာလို့ချက်ခြင်းသိရတာလဲဆိုတော့ ဒီအင်ဇိုင်းတွေဟာ အသည်းပျက်စီးမှထွက်လာတာမို့ အသည်းပျက်စီးရင် အင်ဇိုင်းတွေထွက်လာမယ် ပရိုတင်းတွေလျော့လာမယ် ဘီရူဘင်တွေတက်လာမယ် #ဒါပေမဲ့တခုတော့ပြောပြမယ်ဗျ ဒီကောင်တွေတက်လာတာနဲ့ အသည်းပျက်စီးသွားပီလို့ အတိအကျပြောလို့မရပါဘူး

ရန်ကုန်တာမွေဖက်က
သူကညဖက်အိပ်မပျော်ဘူး ဆီးကလဲဝါတယ် ဝမ်းဗိုက်ကတင်းသလိုရှိတော့ ဆေးခန်းသွားတဲ့အခါ အသည်းလို့သံသယရှိတာပေါ့ အသည်းအင်ဇိုင်းသုံးမျိုးစစ်လိုက်တယ် အဖြေရတော့ စစ်ခိုင်းထာတဲ့ဆရာကိုသွားပြတယ် သုံးမျိုးလုံးက 800 / 900 / 1000 ကျော်ဆိုတော့ သူဖြစ်နေတဲ့ လက္ခဏာအရရော စစ်ထားတဲ့အဖြေအရရော
အသည်းကင်ဆာလို့ ပြောပါလေရော
လူနာလည်းကြောက်သွားတော့ လိုင်းပေါ်မှာလိုက်ရှာတော့ ကျနော့ဖုန်းနံပါတ်ကိုရသွားပီး ရန်ကုန်မှာတွေ့ရအောင်ပေါ့ဗျာ
တလတခါ ရန်ကုန်သွားနေကြမို့ လကုန်ပိုင်းချိန်းလိုက်တယ် အသည်းနဲ့ပတ်သက်တဲ့အင်ဇိုင်းသုံးမျိုးကို နောက်တနေရာ ဓာတ်ခွဲခန်းတခုမှာစစ်ခိုင်းထားလိုက်တယ် ငါးရက်ဘဲကွာပါတယ်
သွေးအဖြေနှစ်ခုက မတူဘူး အဲ့ဒါနဲ့ ကျနော်ရောက်တဲ့နေ့မှာ နောက်တနေရာမှာထပ်စစ်ပြန်တယ် သုံးနေရာစစ်တာအဖြေ သုံးမျိုးထွက်ပါတယ် လူနာကိုသေချာစမ်းသပ်လိုအပ်တာမေး အသည်းကင်ဆာမဟုတ်ကြောင်းရှင်းပြလိုက်ပါတယ် အသည်းလို့ပြောလိုက်တဲ့အတွက် အသည်းရောဂါမဟုတ်သော်လည်း အသည်းဖက်ကနာနေသလို တင်းနေသလို စိတ်ကအဓိကပိုကျပါတယ် စိတ်ကကြောက်စိတ်ပေါ့ဗျာ ကြောက်စိတ်ကပိုနာတာ နောက်လေးငါးရက် ဖုန်းဆက်မေးကြည့်လိုက်တော့
ဘာဆေးမှမသောက်ရဘဲ အသည်းဖက်ကနာလား မနာလားတောင် မသိတော့ဘူး သတိမထားမိတော့ဘူး ။ ဗဟုသုတရစေဖို့ပါ ။
အသည်းအင်ဇိုင်းတွေတက်နေလို့ အသည်းရောဂါလို့ပြောလို့ရပေမဲ့ တခြားရောဂါတွေကြောင့်လည်း အင်ဇိုင်းတွေတက်နေတတ်ပါတယ် ကိုယ်ပြနေတဲ့ဆရာရဲ့ဆုံးဖြတ်ချက်အရေးကြီးပါတယ် အသည်းရောဂါလူနာတွေအနေနဲ့ ဒီအင်ဇိုင်းတွေမြင့်တက်နေရင်တော့ အသည်းပျက်စီးပီလို့ပြောလို့ရပါတယ်
Liver Enzyme Test
အသည်းအင်ဇိုင်းတွေစစ်တဲ့အခါ
ALT ( SGPT )
AST ( SGOT )
ALP
GGT
အဲ့ဒီအင်ဇိုင်း ၄ မျိုးကိုစစ်တာပါ
ဒီအင်ဇိုင်းလေးမျိုးဟာ အသည်းပျက်စီးမှထွက်လာတာပါ သွေးစစ်တဲ့အခါမှာ အင်ဇိုင်းလေးမျိုးသာတက်နေရင် ( အသည်းဆဲလ်ပျက်စီးမှထွက်လာတဲ့အင်ဇိုင်းတွေမို့ ) အသည်းပျက်စီးပီလို့ ရေဘူယအားဖြင့် ပြောလို့ရပါတယ်
နောက်တခုကကတော့ ပရိုတိန်းတွေ
Protein C အဓိကစစ်တာက အယ်လ်ဗျူမင် Albumin စစ်တယ် Globulin စစ်တယ် အသည်းကအယ်လ်ဗျူမင်ဆိုတဲ့ ပရိုတိန်းကိုထုတ်ဖို့ အဓိကတာဝန်ထမ်းဆောင်ပေးတာပါ ဒါကြောင့်မို့ အသည်းပျက်စီးသွားတဲ့အခါ သွေးထဲမှာ အယ်ဗျူမင်ဓာတ်တွေလျော့နည်းသွားမယ်

နောက်တခုက Bilirubin ဘီလီရူဘင် သူကတော့ အသည်းကနေထွက်လာတဲ့ အဝါရောင်ဓာတ် သူကသွေးကတဆင့်သယ်ယူပြီး သည်းခြေကနေတဆင့်စွန့်ထုတ်တယ် စွန့်ထုတ်ပြီးဝမ်းသွားတဲ့အခါ ဝမ်းအရောင်ကဝါနေတာ သူ့ကြောင့်ပါ
တကယ်လို့အသည်းပျက်စီးသွားပြီ သည်းခြေလမ်းကြောင်းကလည်းပိတ်သွားပီဆိုရင် ဆီးတွေဝါထိန်နေမယ် အသားတွေဝါမယ် မျက်လုံးတွေဝါမယ်
ခန္ဓာကိုယ်တခုလုံးဝါနေမယ် သွေးထဲမှာ Bilirubin ဓာတ်တွေများနေလို့ သည်းခြေလမ်းကြောင်းမှာတခုခုပိတ်ဆို့နေတာဖြစ်နိုင်သလို ဉပမာ - သည်းခြေကျောက်
ဒါမှမဟုတ်ရင် အသည်းဆဲလ်ပျက်စီးနေလို့ပါ
အင်ဇိုင်း Enzyme ကိုစစ်တယ် ပရိုတိန်း Protein C ကိုစစ်တယ် ဘီလီရူဘင် Bilirubin ကိုစစ်တယ် ချက်ခြင်းအဖြေရတဲ့အတွက် အသည်းအနေအထားကိုသိခွင့်ရပါတယ်

မျက်လုံးဝါမယ် အသားဝါမယ် ဆီးဝါမယ် ဝမ်းချုပ်မယ် ဝမ်းဗိုက်ရဲ့ညာဖက်နံရိုးအောင့်တာ
အစားစားပီးအစာမကျေချင်သလို ရင်ခေါင်းကတင်းနေသလို ပျို့အန်ချင်သလို အစားအသောက်ပျက်မယ် နုံးနေသလိုဖြစ်မယ် ညဖက်အိပ်ပျော်သလိုဖြစ်မယ် အကြောတက်မယ် ကိုယ်အလေးချိန်ကျမယ် အရေပြားယားယံတာတွေဖြစ်မယ် အသည်းကိုသတိထားရမှာပါ နောက်တချက်က ဆီးချိုသွေးတိုးလူနာတွေအနေနဲ့လည်း အသည်းကိုဂရုစိုက်ရပါမယ်

#အသည်းနဲ့ဆီးချိုသွေးတိုးတွဲနေတတ်ပါတယ်
အကိုက်ခဲပျောက်ဆေးတွေအကြာကြီးသောက်နေရတဲ့သူတွေ ပဠီဇီဝပိုးသတ်ဆေးသောက်နေရသူတွေ တီဗီဆေးသောက်နေတဲ့သူတွေ သွေးတွင်းအဆီကျဆေးသောက်နေရသူတွေ နှလုံးငြိမ်ဆေးသောက်နေရသူတွေ အော်တိုအင်မြူးခေါ်တဲ့ ခုခံအားချတဲ့ဆေးသောက်နေတဲ့သူတွေ အသည်းရောင်အသားဝါပိုးရှိသူတွေအနေနဲ့ အသည်းကိုစစ်သင့်ပါတယ် ဆီးချိုသွေးတိုးသမားတွေလဲ အသည်းကိုစစ်သင့်ပါတယ်
အရက်ဘီယာ အလွန်အမင်းသောက်သုံးသူတွေ အန်ထွာဆောင်းရိုက်ရင်းကနေ အသည်းအဆီဖုံးတာသိခွင့်ရသူတွေ သည်းခြေရောင်နေသူတွေ သည်းခြေမှာကျောက်ရှိနေသူတွေ မိဘမျိုးရိုးမှာ ကင်ဆာရောဂါ အသည်းရောရှိထားသူတွေ အသည်းကိုစစ်ကို စစ်ရပါမယ်

အသည်းအင်ဇိုင်းနှစ်ခုဖြစ်တဲ့ AST နဲ့ ALT တက်နေသော်လည်း အသည်းပျက်စီးပြီလို့ သေသေချာချာပြောမရပါဘူး သူတို့နှစ်ခုကတခြားသောရောဂါတွေကြောင့်လည်းတက်နေတတ်တယ် အသည်းရောင်အသားဝါ A B C ဗိုပိုးတွေကြောင့်လည်းအသည်းရောင်နေလို့ AST & ALT မြင့်တက်နေတတ်ပါတယ် ဘက်တီးရီးယားကြောင့်လဲတက်နေနိုင်သလို ငှက်ဖျားပိုး ဝမ်းကိုက်ပိုး အသည်းမှာရေအိတ်တည်တာတွေ အကျိတ်တွေကြောင့်လည်း မြင့်တက်နေတတ်ပါတယ် အရက်ကြောင့်အသည်းရောင်တာ ဆေးအလွန်အကျွံသောက်သုံးတဲ့အခါ အသည်းကိုထိသွားလို့လဲ မြင့်တက်နေတတ်ပါတယ် ပါရာစီတမော အလုံး ၂၀ / ၃၀ သောက်လိုက်သူတွေမှာလည်း AST / ALT မြင့်တက်နေတတ်ပါတယ် အော်တိုအင်မြူးလို့ခေါ်တဲ့ ကိုယ်ခံအားတွေလွန်ပီးမှ အသည်းထိသွားသူတွေ အသည်းခြောက်လူနာတွေ နှလုံးမှာညှစ်အားကျပြီး အသည်းမှာသွေးလာအိုင်နေသူတွေ မြင့်တက်နေတတ်ပါတယ်

ALP ( Alkaline phosphate ) မြင့်တက်နေရင်တော့ သည်းခြေပြွန်နဲ့ သည်းခြေအိတ်နဲ့ဆက်စပ်တဲ့ရောဂါတွေကြောင့်ပါဘဲ ။ ALP က အရိုးရောဂါသမားတွေ ကိုယ်ဝန်ဆောင်တွေနဲ့ ခလေးတွေမှာလည်းတက်နေနိုင်တယ်

Bilirubin ကတော့ အသည်းပျက်စီးမှသွေးထဲမှာ Bilirubin ဓာတ်တွေတက်လာမယ် အသားဝါလာမယ် ခြေ/လက်တွေဝါလာတာပေါ့ မျက်လုံးတွေဝါလာမယ် ဆီးတွေဝါထိန်နေမယ် အသည်းပျက်စီးတာအပြင် သွေးနီဉတွေပျက်စီးရင်လည်းသူကများနေတတ်တယ် သွေးရောဂါလူနာတွေမှာလည်းများနေတတ်ပါတယ်

Protein အယ်လ်ဗျူမင် Albumin
သူကအသည်းကထုတ်ပေးတဲ့ဓာတ် အသည်းရောင်နေသူတွေ အသားစားနည်းသူတွေ နှလုံးညှစ်အားကျတာတွေ နာတာရှည်ဝမ်းပျက်ဝမ်းလျှောဖြစ်သူတွေ ကျောက်ကပ်ရောင်သူတွေ ။ အသည်းခြောက်လူနာတွေ ရေဖျင်းလူနာတွေ အသည်းရောဂါရှိသူတွေမှာ အယ်လ်ဗျူမင် သေချာပေါက်နည်းပါတယ် အယ်လ်ဗျူမင်နည်းလို့ လေး ငါးလုံး ချိတ်ပေးကြပါတယ်

အသည်းအင်ဇိုင်းတွေစစ်ပီး ထောင်ကျော်တဲ့ဂဏန်းတွေတက်နေရင်တော့ နားလည်တတ်ကျွမ်းတဲ့ဆရာနဲ့တိုင်ပင်ရမှာပါ
မနေ့တယောက်ဆိုရင် အသည်းအင်ဇိုင်း 88 လောက်ဘဲတက်နေတာ သူကစိုးရိမ်နေတယ် အကြောင်းအမျိုးမျိုးကြောင့် 50 / 60 လောက်တက်တာ စိတ်ပူစရာမရှိပါဘူး မကြောက်ကြပါနဲ့

အသည်းရောင်အသားဝါ ဘီပိုး နဲ့ စီပိုးလက်ခံရှိနေတယ် အသည်းကလည်ခြောက်နေတယ် သွေးကလည်းအန်ထားသူဆိုပီးမေးထားတာတွေရှိပါတယ်
သွေးအန်တာအများစုက အစာအိမ်ကြောင့် အစာအိမ်သွေးကြောတွေက သွေးယိုစိမ့်မူ့ကြောင့်ဖြစ်တတ်သလို အဓိကတရားခံကတော့ အသည်းကြောင့်လို့ပြောလို့ရပါတယ် သရေကွင်းပစ်ရတဲ့အကြောင်းက ‌အစာအိမ်သွေးကြောတွေ ပေါက်မှာကြောင့်ပါ
အသည်းကြောင့် အစာအိမ်သွေးကြောတွေဖောင်းနေတတ်တယ် တင်းနေတတ်တယ် ကိုယ်သောက်တဲ့ဆေးသောက်မဲ့ဆေးက ဆေးပြင်းတဲ့အခါ ထိသွားတဲ့သဘောပါ ဝမ်းသွားတဲ့အခါ ဝမ်းအမဲရောင်သွားသလို သွေးပါလာတတ်ပါတယ် သိလိုတာ နားမလည်တာကို
09793201990 ကျနော့ဖုန်းပါ ဖုန်းဆက်မေးကြပါလို့

ဒီလောက်ဆိုရင်
အသည်းအင်ဇိုင်းအကြောင်း နားလည်သလောက်တော့ရှိပြီထင်ပါတယ်
တခြားသူများလည်း သိရှိနားလည်နိုင်စေရန် ပြန်လည်မျှဝေခြင်းဖြင့် ကုသိုလ်ယူကြပါရန် မေတ္တာရပ်ခံပါတယ်
ကျန်းမာရေးနဲ့ပတ်သက်တဲ့ ဗဟုသုတတွေကို အချိန်ရရင် ရသလိုတင်ပေးမှာမို့ ကျနော့ post & page လေးကို like & share လေးလုပ်သွားဖို့ မမေ့ပါနဲ့လို့......

ဆရာဦးမိုးထက်
09793201990
ပုသိမ်မြို့

26/09/2025

#

အိပ်မ​ပျော်ဘူးလား -မဂ္ဂနီဆီယမ် လိုအပ်နေတယ်
ဟင်းနုနွယ် ထောပတ်သီး အရွက်စိမ်းများ
စားပေးမယ်

အိပ်ယာထပင်ပန်းနေလား-ပိုတက်စီယမ်လိုအပ်နေတယ်
ဌက်ပျောသီးစားမယ်. အုန်းရည်သောက်မယ်

အားနည်းတယ်ခံစားနေရလား-သံဓါတ်လိုအပ်နေတယ်
စပျစ်သီး ပဲနီလေး အနီရောင်အသားစားမယ်

ခေါင်းကိုက်နေလား-ဆိုဒီယမ် လိုအပ်နေတယ်
သခွားသီးဖျော်ရည်သောက်မယ်

ဝမ်းနည်းမှူ ခံစားနေရလား-ဗီတာမင်ဒီလိုအပ်နေတယ်
နေရောင်ခြည်ခံမယ် ဆယ်မွန်ငါးစားမယ်

ကြွက်သားကြွက်တက်နေလား-ကယ်လစီယမ်လိုအပ်နေတယ်
ဒိန်ချဥ် အစွက်စိမ်းစားမယ်

အသားအရည်မွဲခြောက်နေလား-ဗီတညမင်စီ
လိုအပ်နေတယိ
လိမ္မော်သီး ကီဝီသီး ခြောက်သီးစားပေးမယ်

to owner with respect

ကေခိုင် # credit

12/09/2025

https://www.facebook.com/share/p/1CanUdF83D/

G6PD (glucose-6-phosphatedehydrogenase)💡

💊ဆေးဆိုင်တွေမှာ တစ်ခါတစ်လေ G6PD ရှိလို့ G6PDနဲ့တည့်တဲ့ဆေးလေးပေးပါဆိုပီးလာဝယ်တတ်ကြပါတယ် 🤔

အဲ့တာကြောင့်
G6PD(Glucose-6-PhosphateDehydrogenase) ချို့တဲ့သူတွေတွေ ရှောင်ရမဲ့ ဆေးဝါးများကို ဗဟုသုတအနေနဲ့တင်ပေးလိုက်ပါတယ် 📚💡

🔎G6PD ဆိုတာက လူ့ခန္ဓာကိုယ်ထဲမှာ ရှိတဲ့ အင်ဇိုင်း တစ်မျိုးဖြစ်ပါတယ်။ ဒီအင်ဇိုင်းရဲ့ အဓိကလုပ်ငန်းက သွေးနီဥ တွေကို ပုံမှန်အခြေအနေမှာ ထိန်းသိမ်းပေးပြီး၊ မလိုလားအပ်တဲ့ ဓာတ်တိုးပစ္စည်းတွေကြောင့် သွေးနီဥတွေ ပျက်စီးမသွားအောင် ကာကွယ်ပေးဖို့ပါ
G6PD ချို့တဲ့ခြင်း (G6PD deficiency) ဆိုတာကတော့ ဒီအင်ဇိုင်း ပမာဏ မလုံလောက်တာ ဒါမှမဟုတ် အလုပ်မလုပ်နိုင်တာကို ဆိုလိုပါတယ် ✅

G6PD ချို့တဲ့သူတွေ ရှောင်သင့်တဲ့ ဆေးအမျိုးအစားတွေကတော့ 👇

💊 Sulfonamides (ဆာလဖိုနမိုက်ဆေးများ)
ဥပမာ - sulfamethoxazole, sulfadiazine စတဲ့ ပဋိဇီဝဆေးများ။

💊 Antimalarials (ငှက်ဖျားဆေးများ)
ဥပမာ - primaquine, chloroquine, quinacrine စတာတွေ

💊Non-Steroidal Anti-Inflammatory Drugs (NSAIDs)
ဥပမာ - aspirin (အက်စ်ပရင်) ဆေးကို အလွန်အကျွံ သုံးစွဲရင် သွေးအားနည်းစေနိုင်ပါတယ်။

💊Certain Antibiotics (အချို့ပဋိဇီဝဆေးများ) ဥပမာ - nitrofurantoin, dapsone စတာတွေပဲဖြစ်ပါတယ်။

💊Other Drugs (အခြားဆေးများ)
ဥပမာ - naphthalene (ပိုးသတ်ဆေး), methylene blue စတာတွေလည်း ပါဝင်ပါတယ်။

G6PD ချို့တဲ့သူတစ်ဦးချင်းစီရဲ့ ခန္ဓာကိုယ်အခြေအနေပေါ်မူတည်ပြီး ဆေးရဲ့သက်ရောက်မှုက ကွာခြားနိုင်ပါတယ်။ ဒါကြောင့် ဆေးသောက်တော့မယ်ဆိုရင် ဆရာဝန် ဒါမှမဟုတ် ဆေးဝါးကျွမ်းကျင်သူနဲ့ တိုင်ပင်ပြီးမှ သောက်သုံးသင့်ပါတယ် 🧑‍⚕️

⚠️အထက်ဖော်ပြပါ ဆေးအမည်တွေက နမူနာတွေပဲ ဖြစ်ပြီး ဆရာဝန်ရဲ့ ညွှန်ကြားချက်မပါဘဲ ဆေးဝါးတွေကို မိမိသဘောနဲ့ သောက်သုံးတာမျိုး မလုပ်သင့်ပါဘူး ❌

G6PD ချို့တဲ့သူတွေ ရှောင်သင့်တဲ့ အစားအစာနဲ့အရာဝတ္ထုတွေကတော့ 🚫
​ပဲကြီး 🫘
ပဲတီစိမ်း 🟢
ကြက်ဟင်းခါးသီး 🥒
အချဉ်လွန်ကဲသာအစားအစာ 🍋
Blueberry သီး 🫐
Menthol ပါသောအစားအစာ 🧊
ပရုပ်လုံး ⚪
ဆံပင်ဆိုးဆေး 💇‍♀️
ဆေးခြယ်တဲ့ပစ္စည်းများ 🎨
ရေပူစမ်း ♨️ စတာတွေပဲဖြစ်ပါတယ်
​ဒီထဲမှာမပါတဲ့ တခြားအရာတွေရှိရင်လဲဗဟုသုတရအောင် cmt မှာဖြေပေးခဲ့ပါဦးနော် 👇

09/02/2025

အသည်းခြောက်ခြင်း နှင့် အသားဓာတ် (ပရိုတင်းဓာတ်) ၏ အရေးကြီးပုံ ‼️‼️

နာတာရှည် အသည်းလူနာတွေဖြစ်တဲ့ အသည်းခြောက်လူနာတွေ၊ အသည်းကင်ဆာ လူနာတွေမှာ လက်ခံထားကြတဲ့ အယူအဆ အမှားတခုနဲ့ ပတ်သက်ပြီး ဒီနေ့ မျှဝေပေးပါ့မယ်။
အသည်းလူနာတွေအများစု သိနေကြတာက အသားများများစားရင် ကင်ဆာပိုဖြစ်စေတယ် … ဒါ့ကြောင့် အသားတွေကို လျော့စားရမယ် … အထူးသဖြင့် နီသောအသား (Red meat) တွေကို ရှောင်ရမယ် လို့ ထင်နေကြပါတယ်။ လုံးဝ (လုံးဝ) မှားပါတယ်။ ❌❌

နာတာရှည် အသည်းလူနာတွေဖြစ်တဲ့ အသည်းခြောက်ရောဂါရှိသူတွေ သိသင့်တဲ့ အသားဓာတ် (ပရိုတင်းဓာတ်) နဲ့ ဆိုင်သော မှန်ကန်သည့် ဆေးပညာဆိုင်ရာ ဗဟုသုတများကို ပြောပြပေးပါ့မယ်။

✅ ပရိုတင်းဓာတ်သည် အသည်းလူနာတွေအတွက် အရေးကြီးပြီး အန္တရာယ်မဖြစ်စေပါ။
- အသည်းခြောက်ရောဂါရှိသူများတွင် ပရိုတင်းဓာတ်ကို ကန့်သတ်သင့်သည်ဟု အများစုက မှားယွင်းစွာ ယုံကြည်နေကြပါတယ်။ ပရိုတင်းများများစားခြင်းဖြင့် အမိုနီယမ်ဓာတ်များလာပြီး အသည်းကြောင့် ဦးနှောက်ထိခိုက်ခြင်း (hepatic encephalopathy) ဖြစ်နိုင်သည်ဟု စိုးရိမ်ကြသောကြောင့်ဖြစ်ပါတယ်။ သို့သော် သုတေသန လေ့လာမှုများအရ ပရိုတင်းဓာတ်စားခြင်းသည် hepatic encephalopathy ဖြစ်နိုင်ခြေကို မတိုးစေတဲ့အပြင် ကြွက်သားဆုံးရှုံးမှုနှင့် အားနည်းမှုကို ကာကွယ်ပေးကြောင်း သိလာရပါတယ်။

✅ အသည်းခြောက်ရောဂါရှိသူများသည် ပရိုတင်းဓာတ်ကို ပိုမိုလိုအပ်ပါတယ်။
- အသည်းရောဂါရှိသူများတွင် ဇီဝဖြစ်စဉ်နှုန်း ပိုမြန်သောကြောင့် ခန္ဓာကိုယ်ရှိ အာဟာရများကို ပိုမိုလျင်မြန်စွာ လောင်ကျွမ်းစေပါတယ်။
- ထိုကဲ့သို့ အာဟာရချို့တဲ့မှုကို ကာကွယ်ရန်အတွက် လမ်းညွှန်ချက်များအရ ကိုယ်အလေးချိန်တစ်ကီလိုဂရမ်လျှင် ပရိုတင်း ၁.၂ မှ ၁.၅ ဂရမ်အထိ နေ့စဉ်စားသုံးသင့်ပါတယ်။
- ပရိုတင်းဓာတ်ကို ကန့်သတ်ခြင်းသည် ကျန်းမာရေးကို ပိုမိုဆိုးရွားစေပြီး ရောဂါပိုးဝင်ခြင်း၊ အားနည်းခြင်းနှင့် ဆေးရုံတက်ရောက်ကုသရခြင်းများကို ပိုမိုဖြစ်စေနိုင်ပါတယ်။

✅ ကြွက်သားဆုံးရှုံးမှု (Sarcopenia) သည် အသည်းခြောက်ရောဂါတွင် အဓိကပြဿနာတစ်ခုဖြစ်ပါတယ်။
- အသည်းခြောက်ရောဂါရှိသူ ၇၀% ခန့်သည် Sarcopenia (ပြင်းထန်သော ကြွက်သားဆုံးရှုံးမှု) ကို ခံစားရပြီး အားနည်းခြင်း နှင့် သက်တမ်းစေ့မနေရခြင်းတို့ကို ဖြစ်စေနိုင်ပါတယ်။
- ဤပြဿနာကို ဖြစ်စေသော အဓိကအကြောင်းရင်းများထဲမှ တစ်ခုမှာ ပရိုတင်းဓာတ် လုံလောက်စွာ မစားသုံးခြင်းဖြစ်သောကြောင့် ကြွက်သားထုထည်ကို ထိန်းသိမ်းရန်အတွက် ပရိုတင်းဓာတ်ကို ပိုမိုစားသုံးရန် လိုအပ်ပါတယ်။

✅ အနီရောင်အသား (red meat) သည် ရန်သူမဟုတ်ပါ။
- အသည်းခြောက်ရောဂါရှိသူများအတွက် အပင်ထွက်ပရိုတင်းများ သို့မဟုတ် နို့ထွက်ပရိုတင်းများက အနီရောင်အသားထက် ပိုကောင်းသည်ဟု အများစုက ယုံကြည်နေကြပါတယ်။
- သို့သော် တိရစ္ဆာန်ထွက်ပရိုတင်းများသည် အန္တရာယ်ဖြစ်စေသည်ဟု သက်သေပြထားသော သုတေသနတွေ့ရှိချက် မရှိပါ။
- အနီရောင်အသားကို ရှောင်ကြဉ်ခြင်းသည် ပရိုတင်းဓာတ်ချို့တဲ့မှုကို ဖြစ်စေပြီး ကျန်းမာရေးကို ပိုမိုဆိုးရွားစေနိုင်ပါတယ်။ ထို့ကြောင့် နာတာရှည်အသည်းရောဂါရှိသူများတွင် အနီရောင်အသားများရှောင်ကြဉ်ရန် မလိုအပ်ပါ။

✅ အာဟာရချို့တဲ့ခြင်းသည် အသည်းလုပ်ဆောင်မှုကို ပိုမိုဆိုးရွားစေပါတယ်။
- အသည်းခြောက်ရောဂါရှိသူများသည် ပရိုတင်းဓာတ်နှင့် ကယ်လိုရီများ လုံလောက်စွာ မရရှိဘဲကြွက်သားနှင့် အဆီများကို ချေဖျက် အသုံးပြုရပါတယ်။
- ထိုအခြေအနေသည် အသည်းရောဂါကို ပိုမိုဆိုးရွားစေပြီး ရောဂါပိုးဝင်နိုင်ခြေကို မြင့်တက်စေကာ ရောဂါကိုပိုဆိုးစေပါတယ်။

လူနာများအကြားတွင် ခေတ်နောက်ကျနေသော၊ လက်တွေ့သုတေသနအရ မှန်ကန်မှု မရှိတော့သည့် အယူအဆများဆက်လက်ရှိနေပါတယ်။ ဒါ့ကြောင့် လူနာများအနေနဲ့ အသည်းရောဂါ အတွက် အာဟာရဆိုင်ရာ နောက်ဆုံးသုတေသနများအကြောင်း သိရှိစေနိုင်ရန် ပညာပေးနေခြင်း ဖြစ်ပါတယ်။
သို့ဖြစ်ပါ၍ ခေတ်နောက်ကျနေသော အယူအဆများကို လက်ခံကျင့်သုံးခြင်းမလုပ်ဘဲ၊ ခေတ်မီပြီး သိပ္ပံနည်းကျသုတေသနအရ တွေ့ရှိချက်များ (ခြေမြစ်ခိုင်မာ ဆေးပညာ အသိများ) ကိုလိုက်နာသင့်ပါတယ်။

မှန်ကန်သော ကျန်းမာရေးအသိရှိကာ မိမိရဲ့ အသည်းကို စောင့်ရှောက်နိုင်ကြပါစေရန် စေတနာဖြင့် မျှဝေပေးလိုက်ရပါတယ်။

ဒေါက်တာစိုးသီဟမောင်
M.B.,B.S (Ygn.), MRCP (UK), MBA
M.Sc. Clinical Sciences (Hepatology)
Doctoral Fellow of Hepatology at Division of Gastroenterology, King Chulalongkorn Memorial Hospital, Bangkok, Thailand

ကျွန်တော်ရေးပေးနေသော ဆေးပညာဆောင်းပါးများသည် ဖတ်ရှုသူများ ဗဟုသုတရစေရန် အဓိကရည်ရွယ်ပါသည်။ လူနာတဦးချင်းစီ၏ သွေးအဖြေများ၊ စစ်ဆေးချက်များ၊ သိလိုသည်များကို Page ၏ Messenger (သို့) Post ရဲ့ Comments များမှတဆင့် ဖြေကြားပေးခြင်း မရှိပါ။

*** ဖတ်ရှုပြီးလို့ အသိတစ်စုံတစ်ရာ ရခဲ့ရင် တခြားမိမိ သူငယ်ချင်း/ မိတ်ဆွေ များလည်း သိရအောင် Share လုပ်ပေးနိုင်ပါတယ်။
မည်သည့် Account၊ မည်သည့် Page ကမှတဆင့် ကျွန်တော့ဆောင်းပါးများကို Copy and Paste လုပ်ပြီး ပြန်လည်ကူးယူဖော်ပြခွင့်မပြုပါ။




မှတ်ချက် - အသည်းရောဂါများ နဲ့ ပတ်သက်ပြီး လူနာတဦးချင်းစီအနေဖြင့် Online မှတဆင့် “ဒေါက်တာစိုးသီဟမောင်” နှင့် တိုင်ပင်ဆွေးနွေးပြသလိုပါက Teleconsultation (Messenger Video Call) ဖြင့် လူနာကြည့်ရှုဆွေးနွေးပေးလျက်ရှိပါတယ်။
Appointment ကို “ဒေါက်တာစိုးသီဟမောင် - အသည်းဆေးပညာ” Page ၏ Messenger (သို့မဟုတ်) 09770732636 (Viber) မှတဆင့် ဆက်သွယ်ကာ ရက်ချိန်းရယူနိုင်ပါတယ်။

07/01/2025

“အသည်းခြောက်ခြင်း အဆင့်ဆင့်” နှင့် “ပိုမိုဆိုးရွားလာနိုင်ခြင်း”

အသည်းခြောက်ခြင်း နဲ့ ပတ်သက်ပြီး လူနာတွေကြားမှာရော၊ လူနာရှင်တွေ အနေနဲ့ရော သိချင်ကြတဲ့ မေးခွန်းအချို့ရှိပါတယ်။ ထို့အပြင် သိထားကြတာတွေထဲ မှားယွင်းနေတဲ့ အချက်တွေလည်း ရှိနေပါတယ်။
- အသည်းခြောက်ပြီဆို ဘာလက္ခဏာတွေ ပြမှာလဲ?
- အသည်းခြောက်တာ ဘယ်အဆင့်လောက် ရောက်နေပြီလဲ?
- အသည်းခြောက်ပြီဆို သက်တမ်းစေ့ နေရပါ့မလား?
စတဲ့ မေးခွန်းတွေကို လူနာအများစု သိချင်ကြမယ်ထင်ပါတယ်။

အဲ့ဒီ့မေးခွန်းတွေကို ဖြေနိုင်ဖို့အတွက် “အသည်းခြောက်ခြင်း အဆင့်များ” နဲ့ “ပိုဆိုးလာပုံ” အကြောင်း သိနိုင်ဖို့ မျှဝေပေးချင်ပါတယ်။

(၁) မည်သည့် ရောဂါလက္ခဏာမျှ မပြဘဲ သွေးအဖြေတွေ အကုန်ကောင်းပြီး အသည်းလုပ်ငန်းများ ကောင်းနေဆဲ အသည်းခြောက်ခြင်း (Well Compensated Cirrhosis/ Chronic Liver Disease)
- ဒီအဆင့်ကို ကနဦး အသည်းခြောက်ခြင်း အဆင့်လို့ ပြောရပါမယ်။
- အာတရာဆောင်း (ultrasound) ရိုက်လို့ အသည်းရဲ့ မျက်နှာပြင်မှာ မညီမညာ ဖြစ်နေပြီး အသည်းခြောက်ခြင်းရဲ့ သွင်ပြင်တွေရှိနေတာကလွဲရင် သွေးအဖြေတွေလည်းကောင်း၊ အသည်းရဲ့ လုပ်ငန်းဆောင်တာများ ဘာမှ ထိခိုက်မှုမရှိသေးတဲ့ အဆင့်ဖြစ်ပါတယ်။
- ဒါ့ကြောင့် ဒီအဆင့်မှာ ရောဂါလက္ခဏာ လုံးဝမရှိပါဘူး။ လူကောင်းတယောက်လို သွားလာနေထိုင်နိုင်မှာ ဖြစ်ပါတယ်။
- သို့သော် အသည်းစပြီး ခြောက်နေပြီ / နာတာရှည် အသည်းရောဂါ ဖြစ်လို့ အသည်းကိုတော့ စောင့်ကြည့်ရပါမယ်။
- အချို့သော လူနာအနည်းစုမှာ ဒီအဆင့်ကနေ အသည်းမာနှုန်း ပြန်လျော့သွားဖို့ အခွင့်အရေးရှိသေးတဲ့ အနေအထားပါ။
(၂) ရောဂါလက္ခဏာများတော့ မပြသေးပေမယ့် အန္တရာယ်ရှိနိုင်တဲ့ အနေအထားတခုရောက်နေနိုင်တဲ့ အသည်းခြောက်ခြင်း (Compensated Advanced Chronic Liver Disease)
- ဒီအဆင့်ကတော့ အသည်းခြောက်တဲ့အဆင့် ပိုများလာတဲ့ သဘောပါ။
- ဒီအဆင့်မှာ အသည်းကလုပ်ငန်းဆောင်တာတွေကို တတ်နိုင်သမျှလုပ်နေနိုင်ပါသေးတယ်။
- သို့သော် အချို့သောလူနာတွေမှာ ရောဂါလက္ခဏာ စပြီး ပြနေတာမျိုးလည်း ရှိနိုင်ပါတယ်။ ဒါ့အပြင် ဒီအဆင့်လောက် အသည်းခြောက်ပြီဆိုရင်တော့ နောက်ဆက်တွဲပြဿနာတွေ ပေါ်မလာအောင် ကာကွယ်သင့်တာလည်း ကာကွယ်ဖို့ လိုသလို၊ နောက်ဆက်တွဲ ပြဿနာတွေစပြီး ရှိနေပြီလားလို့ သေချာစစ်ဆေးဖို့ပါ လိုအပ်ပါတယ်။
- ဒါပေမယ့် အသက်အန္တရာယ် ဖြစ်လောက်အောင် ဆိုးဆိုးရွားရွား အသည်းက ထိခိုက်နေတာမျိုးတော့ မဟုတ်ပါဘူး။
- ဒီအဆင့်မှာ သေချာကုသမယ်ဆိုရင် နောက်ဆက်တွဲပြဿနာတွေ ဖြစ်မလာအောင် ကာကွယ်နိုင်ဦးမယ့် အဆင့်ဖြစ်ပါတယ်။
(၃) အသည်းခြောက်ခြင်းကြောင့် “ပေါ်တယ်” သွေးပြန်ကြောအတွင်း ဖိအားများခြင်းအထိ ဖြစ်နေသော အသည်းခြောက်ခြင်း (Clinically Significant Portal Hypertension)
- ဒီအဆင့်ကတော့ အသည်းခြောက်တာ တော်တော်ဆိုးနေပြီလို့ ပြောရပါမယ်။
- အသည်းခြောက်ပြီး အသည်းကကျုံ့လာတဲ့အခါ “ပေါ်တယ်” သွေးပြန်ကြောကို ဖိပြီး ပေါ်တယ်သွေးပြန်ကြော ဖိအားတက်လာခြင်းကြောင့် နောက်ဆက်တွဲပြဿနာတွေ ပေါ်လာမယ့် အဆင့် ဖြစ်ပါတယ်။
- ဒီအဆင့်မှာ ရောဂါလက္ခဏာတွေရှိနေဖို့ များပါတယ်။ ဒါ့အပြင် ရောဂါလက္ခဏာမရှိသေးရင်တောင် ရှိလာနိုင်မယ့် အခြေအနေတွေ လူနာမှာ ရှိနေပြီလို့ ဆိုရပါမယ်။
- အချို့သော လူနာတွေမှာ သွေးအန်ခြင်း၊ ဝမ်းမည်းမည်းသွားခြင်း၊ ဘေလုံးကြီးလာခြင်း နဲ့ ဝမ်းဗိုက်တွင်း ရေဖျဉ်းစွဲခြင်း တို့ စပြီး ဖြစ်နိုင်ပါတယ်။ လူနာတိုင်းတော့ လက္ခဏာပြမှာ မဟုတ်သေးပါဘူး။
- ဒါ့ကြောင့် ဒီအဆင့်အထိ အသည်းခြောက်ပြီဆိုရင် ပေါ်တယ်သွေးပြန်ကြော ဖိအားများခြင်းရဲ့ နောက်ဆက်တွဲဆိုးကျိုးတွေ ရှိနေလားသိနိုင်ဖို့ သေချာစစ်ဆေးရမယ့် အဆင့်ဖြစ်ပါတယ်။ စစ်ဆေးလို့ ရှိနေပါက စနစ်တကျကုသရင် အသက်အန္တရာယ်ကို ကာကွယ်နိုင်မှာဖြစ်ပါတယ်။ ဒီအဆင့်မှာ သေချာကုရင် ရောဂါလက္ခဏာတွေ ပြန်လည် သက်သာလာနိုင်ပါသေးတယ်။
- ဒီအဆင့်လို့ သတ်မှတ်ခံရတဲ့ လူနာတွေမှာ သေချာပေါက် အစာအိမ် နှင့် အပေါ်ပိုင်းအူလမ်းကြောင်း မှန်ပြောင်း ကြည့်ပြီး သွေးကြောထုံးတွေ ရှိ/မရှိ စစ်ဆေးဖို့ လိုပါတယ်။
(၄) အသည်းပျက်ဆီး (အလုပ်မလုပ်နိုင်) ကာ ရောဂါလက္ခဏာများကြောင့် အသက်အန္တရာယ်ရှိသောအသည်းခြောက်ခြင်း (Decompensated Cirrhosis)
- ဒါကို နောက်ဆုံးအဆင့် အသည်းခြောက်ခြင်း - End Stage Liver Disease လို့ သတ်မှတ်ပါတယ်။
- ရောဂါလက္ခဏာတွေ အများစုပေါ်လာပြီး ပြန်ကောင်းဖို့ ခက်တဲ့ အသည်းခြောက်ခြင်း အဆင့်ပါ။ ဆေးသောက်နေပေမယ့် ရေဖျဉ်းကလည်း ပြန်လျော့ဖို့ ခက်လာမယ်၊ အသားတွေ/မျက်လုံးတွေ ဝါလာမယ်၊ ကျောက်ကပ်တွေထိခိုက်လာမယ်၊ ဦးနှောက်ကို ထိခိုက်လာမယ်။ ဒါ့အပြင် သွေးအန်ပြီး ဝမ်းမည်းမည်းသွားခြင်းကြောင့်လည်း အသက်ဆုံးရှုံးသည် အထိ ဖြစ်နိုင်ပါတယ်။
- ဒီအခြေအနေဆိုရင်တော့ ကုသဖို့လည်း ခက်ပြီး လုံးဝပျောက်ကင်းဖို့ရာကတော့ “အသည်းအစားထိုးခြင်း” သာ ဆောင်ရွက်ရမည့် အဆင့်ဖြစ်ပါတယ်။

“အသည်းခြောက်ခြင်း” ဆိုတဲ့ ရောဂါစုအောက်မှာ လူနာတွေ တဦး နဲ့ တဦး အခြေအနေချင်းလည်း မတူသလို ကုသမှုလည်း ကွဲပြားပါတယ်။ ဒါ့ကြောင့် သက်ဆိုင်ရာ အသည်းဆရာဝန်များက ဘယ်အဆင့်လောက်ထိ အသည်းခြောက်ပြီလဲဆိုတာကို စစ်ဆေးဖို့ ညွှန်ကြားလေ့ရှိကြပါတယ်။ ဒါမှသာ လူနာတဦးချင်းစီရဲ့ အသည်းခြောက်ခြင်းအဆင့်တွေကို မူတည်ပြီး ကုသမှုတွေကို သေချာစနစ်တကျပေးနိုင်မှာ ဖြစ်ပါတယ်။ အသည်းခြောက်ခြင်း အဆင့်စောစောမှာ ကုသခြင်းသည် အသည်းခြောက်ခြင်း ပိုဆိုးမလာအောင် ကာကွယ်ရာရောက်လို့ သက်တမ်းစေ့နေနိုင်ရေးအတွက် ကုသမှုခံယူတယ်လို့ နားလည်ရပါမယ်။

ဖတ်ရှုပြီးနောက် အသည်းခြောက်တိုင်း စိတ်ဓာတ်ကျဖို့မလိုဘဲ အဆင့်အလိုက် စနစ်တကျ ကုသမှုခံယူရန်လိုအပ်ကြောင်း မျှဝေပေးလိုက်ရပါတယ်။

ဒေါက်တာစိုးသီဟမောင်
M.B.,B.S (Ygn.), MRCP (UK), MBA
M.Sc. Clinical Sciences (Hepatology)
Doctoral Fellow of Hepatology at Division of Gastroenterology, King Chulalongkorn Memorial Hospital, Bangkok, Thailand

*** ဖတ်ရှုပြီးလို့ အသိတစ်စုံတစ်ရာ ရခဲ့ရင် တခြားမိမိ သူငယ်ချင်း/ မိတ်ဆွေ များလည်း သိရအောင် Share လုပ်ပေးနိုင်ပါတယ်။
မည်သည့် Account၊ မည်သည့် Page ကမှတဆင့် ကျွန်တော့ဆောင်းပါးများကို Copy and Paste လုပ်ပြီး ပြန်လည်ကူးယူဖော်ပြခွင့်မပြုပါ။




မှတ်ချက် - အသည်းရောဂါများ နဲ့ ပတ်သက်ပြီး လူနာတဦးချင်းစီအနေဖြင့် Online မှတဆင့် “ဒေါက်တာစိုးသီဟမောင်” နှင့် တိုင်ပင်ဆွေးနွေးပြသလိုပါက Teleconsultation (Messenger Video Call) ဖြင့် လူနာကြည့်ရှုဆွေးနွေးပေးလျက်ရှိပါတယ်။
Appointment ကို “ဒေါက်တာစိုးသီဟမောင် - အသည်းဆေးပညာ” Page ၏ Messenger (သို့မဟုတ်) 09770732636 (Viber) မှတဆင့် ဆက်သွယ်ကာ ရက်ချိန်းရယူနိုင်ပါတယ်။

15/12/2024

13/12/2024

#အိမ်နီးချင်းနိုင်ငံမှာဗိုင်းရပ်စ်တစ်မျိုးပျံ့နေတယ်လို့ကြားပါတယ်
#စိုးရိမ်ရပါသလား ❓


NoroVirus ဆိုတာ အလွယ်ပြောရရင် အစာအိမ်နဲ့အူလမ်းကြောင်းကို ဒုက္ခပေးတာပါ
- ဗိုက်အောင့်တယ်
- ပျို့တယ် အန်တယ်
- ဝမ်းပျက်တယ်ပေါ့
- ငွေ့ငွေ့ဖျားတာ ချမ်းတုန်တာ
- ခေါင်းကိုက်တာ
- ကိုယ်လက်ကိုက်တာ
- နုံးချိနေတာ မျိုးတွေဖြစ်တတ်ပါတယ်
အထက်လန်အောက်လျှောရောဂါ တစ်မျိုးပါပဲ ၊ ကူးစက်နှုန်းအရမ်းမြင့်ပါတယ် ၊
ဘယ်လိုကူးစက်တာလဲ
အူလမ်းကြောင်းကို ဒုက္ခပေးတဲ့အကောင်ဖြစ်တာကြောင့် ပါးစပ်ကနေတဆင့်ဝင်ပါတယ်
👉 လက်သေချာမဆေးတဲ့အခါ
👉 အစာတွေကို သေချာကျက်အောင်ချက်ပြုတ်မထားတဲ့အခါ
👉 ရေမသန့်တဲ့အခါ
👉 ယင်နားစာတွေ စားတဲ့အခါ ကူးစက်တတ်ပါတယ်

ရောဂါပိုးဝင်ပြီး ၁၂ နာရီကနေ ၄၈ နာရီ (၂ ရက်အတွင်း) ရောဂါလက္ခဏာပြပါတယ်

ပုံမှန်အားဖြင့်တော့ (၃) ရက် အတွင်းပြန်ကောင်းသွားကြပါတယ်

ဒါပေမယ့် Virus ဖြစ်တဲ့အတွက် ကိုယ်ခံအားမကောင်းတဲ့ (ကိုယ်ခံအားကောင်းစွာမဖွံ့ဖြိုးသေးတဲ့)
- ကလေးသူငယ်များ
- သက်ကြီးရွယ်အိုများ
- နာတာရှည်ရောဂါရှင်များ
- ကိုယ်ခံအားကျဆင်းမှုရောဂါရှင်များ
- ကိုယ်ခံအားထိန်းညှိဆေးသောက်နေရသူများ
- ကိုယ်အင်္ဂါအစားထိုးထားသူများ မှာ ဆိုးဝါးပြင်းထန်ပါတယ်

#ပြင်းထန်ကာလဝမ်းရောဂါ ကို ရင်ဆိုင်တိုက်ခိုက်ထားတာ မကြာသေးတဲ့ ကျွန်တော်တို့အတွက် NoroVirus အတွက် ရင်ဆိုင်ဖို့ #ကျန်းမာရေးအသိရှိနေပြီလို့ပြောလို့ရပါတယ်

✅ ဝမ်းပျက်လျှင် ဝမ်းသွားသလောက် ဓာတ်ဆားရည် သောက်ရပါမယ်
✳️ ဘာအရည်မှ မဝင်အောင်အန်နေတဲ့အခါမျိုးမှာတော့ ဆေးရုံ/ဆေးခန်း သွားပြီး ကုသမှုခံယူဖို့လိုအပ်ပါတယ်
✳️ မိမိ သဘောနဲ့ မိမိ ပိုးသတ်ဆေး ဝမ်းပိတ်ဆေး မသောက်ကြပါနဲ့

ဝမ်းပျက်ခြင်းရဲ့ ဆိုးကျိုးက အရည်ပြန်မဖြည့်နိုင်လျှင်
🚨 သွေးပေါင်ပြုတ်ကျတာ
🚨 Shock ရတာ
🚨 ကျောက်ကပ်ပျက်တာက စလို့ အသက်အန္တရာယ်အထိရှိတတ်ပါတယ်

အဲ့ဒါကြောင့် အရမ်းကြီးအဓိပ္ပာယ်မဲ့ကြောက်နေဖို့ မလိုသလို မပေါ့ဆသင့်ပါဘူး။

ဝမ်းပျက်အန်တာ အပြင် #အရေးကြီးတဲ့လက္ခဏာတွေက 🚨🚨🚨
* အာခေါင်တွေအရမ်းခြောက်လာတယ်
* ဆီးအရောင်အရမ်းရင့်ပြီး အရမ်းနည်းလာတယ်
* တစ်နှစ်အောက်ကလေးတွေမှာ ၈ နာရီကြာတဲ့အထိ ဆီးမသွားဘူး
* ကလေးတွေမှာ ၁၂ ကြာတဲ့အထိ ဆီးမသွားဘူး
* မျက်တွင်းဟောက်ပက်ဖြစ်လာတယ်
* မလှုပ်မရှားချင်နဲ့အိပ်ငိုက်လာတယ်
* အထိုင်အထမူးပြီး ရိပ်ရိပ် ရိပ်ရိပ်ဖြစ်လာတယ်
* ရင်အရမ်းတုန်လာမယ်
* ကယောင်ကတမ်းတွေပြောပြီး သတိလစ်သွားမယ်
_________
အကောင်းဆုံးက #မဖြစ်ရအောင်ကာကွယ်ကြတာပေါ့

1. အစာမစားမီလက်ကို ဆပ်ပြာနဲ့ အနည်းဆုံး စက္ကန့် ၂၀ ကြာအောင် သေသေချာချာ ဆေးပါ
(***ပေါ်ပင် Hand Spray နဲ့ မလုပ်ပါနဲ့ အခုပျံ့နေတဲ့ Virus က Alcohol resistant ပါတဲ့)
2. အစားအစာတွေကို ယင်မနားရအောင် သေသေချာချာ ဖုံးအုပ်ထားပါ
3. အစားအစာများကို သေသေချာချာ ကျက်အောင်ချက်ပြုတ်ပြင်ဆင်ပါ
4. တကယ့်ရေသန့်သောက်ပါ (ရေကို သေချာစွာ ကျိုချက်သောက်သုံးပါ)
5. မချက်ပြုတ်ပဲ အစိမ်းစားသောက်တာမျိုးတွေမလုပ်ပါနဲ့
6. အပြင်စာတွေ အသုပ်စုံတွေ လမ်းဘေးယင်နားစာတွေ လုံးဝ ရှောင်ရပါမယ်

ဝမ်းပျက်ရောဂါအတွက် ထိရောက်တာက ဓာတ်ဆားရည်ပါ ဒီလို သတင်းလေးနည်းနည်းထွက်တာနဲ့ ဓာတ်ဆားစျေးတွေ ၊ သိပ်လိုတာမဟုတ်တဲ့ Probiotic စျေးတွေ မိုးအထိရောက်ကုန်တတ်ပါတယ် (တချို့က စိတ်ပူပြီး ဝယ်စုတော့ ပစ္စည်းပြတ်ကုန်တာလည်း ပါတာပေါ့)
“ဓာတ်ဆားရည်ဝယ်မရပါက
ရေတစ်လီတာ ကို သကြားလက်ဖက်ရည်ဇွန်း (၆) ဇွန်း
ဆားလက်ဖက်ရည်ဇွန်း (၁/၂) ထည့်ပြီး သမအောင်မွှေပြီး အသုံးပြုလို့ရပါတယ်”

ဝမ်းသွားသလောက် အမြန်ဆုံးပြန်ဖြည့်ရမှာဖြစ်ပါတယ်
❌ ဓာတ်ဆားသောက်ရင် ဝမ်းသွားနေလို့ မသောက်ဘူး ဆိုတာတို့
❌ သွေးတိုးရှိလို့ သွေးတက်မှာစိုးပြီး ဓာတ်ဆားမသောက်ဘူး
❌ ဆီးချိုရှိလို့ ဆီးချိုတက်မှာ စိုးပြီး ဓာတ်ဆားမသောက်ဘူး စတဲ့ လွဲမှားတဲ့အတွေးတွေက ကျောက်ကပ်ပျက်ခြင်းမှသည် အသက်အန္တရာယ်အထိရှိနိုင်ပါတယ်။

နိဂုံးချုပ်ပြောရရင်
NoroVirus ဟာ Virus အသစ်မဟုတ်ပါဘူး
ကမ္ဘာအနှံ့ ဝမ်းပျက်ဝမ်းလျှောဖြစ်တဲ့ တရားခံပါ
Outbreak က အခုမှ ထရတာ မဟုတ်ပါဘူး သူ့ရာသီအလိုက် ထ ထ ဖြစ်တတ်ပါတယ်။

နောက်တစ်ကြိမ်ထပ်ပြောရရင်
“ #အရမ်းကြီးအဓိပ္ပာယ်မဲ့ကြောက်နေဖို့မလိုသလို_ပေါ့ပေါ့ဆဆလည်းမနေသင့်ပါဘူး”

(Photo credit; MedicalNewsToday)
ကျန်းမာရေးဗဟုသုတတိုးပြီး
သက်ရှည်ကျန်းမာ စိတ်ချမ်းသာကြပါစေ
Dr. ဘုန်းစည်သူလွင်
00:30 am/13.12.24
(ကျန်းမာရေးဆောင်းပါးများ နေ့စဉ်တင်ပေးနေသောကြောင့် #ကျွန်တော့_Pageကို_Like လုပ်ထားခြင်းဖြင့် ကျန်းမာရေးဗဟုသုတတိုးပွား လာပါလိမ့်မယ် 💕💕💕 )

28/11/2024

14/11/2024

နှစ်သစ်ကစပြီးခေါင်းရင်း​ပြောင်းအိပ်ကြပါစို့

လူတ​ယောက်ရဲ့​နေထိုင်​ကောင်းခြင်း၊ကျန်းမာခြင်း၊သန်စွမ်းခြင်း၊လုပ်ရည်ကိုင်ရည်​ကောင်းခြင်း၊စိတ်ချမ်းသာခြင်း၊အသက်ရှည်ခြင်းစသည်ဖြင့်ဘဝအ​ရည်အ​သွေး​တွေဟာသူဘယ်အရပ်ကို​ခေါင်းထားပြီးအိပ်လဲဆိုတဲ့အ​ပေါ်မူတည်ပါတယ်။

အခုတ​လောမှာဆိုရင်​လေဖြတ်တဲ့သူ​တွေ၊ဦး​နှောက်​သွေး​ကြော​ပေါက်တဲ့သူ​တွေအရုံကြော​ရောဂါဖြစ်ကြတဲ့သူ​တွေအ​တော်များပါတယ်။ကျ​နော့် FB friend ထဲက​တောင်မိတ်​ဆွေ၂​ယောက်​သေဆုံးသွားတယ်။၂​ယောက်လုံးကသွက်သွက်လက်လက်နဲ့သက်လတ်ပိုင်းအရွယ်​ချော​ချောကြီး​တွေ။ဘယ်လိုမှ​သေမယ်လို့ကိုမထင်ထားတာ။လူဆိုတာတ​နေ့​သေကြရမှာဖြစ်​ပေမဲ့သက်တမ်း​စေ့လို့​သေသွားရင်​တော့လက်ခံရမှာပါ။ဒါ​ပေမဲ့သက်တမ်းမ​စေ့ခင်​သေသွားရ​တော့ကိုယ့်ကိုအားကိုး​နေရတဲ့ကျန်ရစ်သူမိသားစုက​လေးသူငယ်​တွေသိပ်သနားစရာ​ကောင်းတယ်။ဘယ်သူမှ​တော့မ​သေချင်ဘူး​ပေါ့။ဒါ​ပေမဲ့အသက်ဥာဏ်​စောင့်ဆိုတာကိုသတိလွတ်သွားပြီး​စောစီးစွာ​သေဆုံးသွားရသူ​တွေအများကြီးပဲ။ဒါ​ကြောင့်မို့ဒီက​နေ့အသက်ဥာဏ်​စောင့်ဖို့အ​ရေးကြီးတာတခုကို​ပြောပြပါမယ်။

ကျ​နော်တို့ဟိမဝန္တာ​တောင်ကြီး​တွေကိုကြည့်ရ​အောင်။ဟိမဝန္တာ​တောင်ကြီး​တွေဟာတဖြည်းဖြည့်မြင့်သထက်မြင့်လို့လာ​နေပါတယ်။၁နှစ်ကို၁.၅စင်တီမီတာ​လောက်မြင့်မြင့်လာ​နေပါတယ်။ထူးဆန်းတာကအဲဒီ​တောင်​ပေါ်မှာကျ​နော်တို့အခုသုံး​နေတဲ့ပန်း​ရောင်​ကျောက်ဆား​တွေရှိ​နေတယ်။အဲဒီအပြင်လိပ်​ကျောကုန်း၊ခရုခွံ၊ငါးအရိုးစတဲ့ပင်လယ်အ​ကောင်ရုပ်ကြွင်း​တွေကိုပါ​တွေ့​နေရပါတယ်။ဘယ်လိုဖြစ်တာလဲ​ပေါ့။

တခါကမ္ဘာကြီးကို​လေ့လာကြရ​အောင်။ကမ္ဘာကြီးမှာသံလိုက်စက်ကွင်း​တွေရှိတယ်။ကမ္ဘာ့​မြောက်ဝင်ရိုးစွန်းဟာဆွဲအားအပြင်းထန်ဆုံးဗဟိုချက်ဖြစ်ပါတယ်။ဘယ်​လောက်​တောင်ဆွဲအားပြင်းသလဲဆိုရင်ကမ္ဘာ့တိုက်ကြီး​တွေကို​တောင်သူ့ဖက်ကို​ရွေ့​အောင်ဆွဲနိုင်တယ်။

ကမ္ဘာ့​မြောက်ဘက်အခြမ်းကဟိမဝန္တာ​တောင်တွေမြင့်မြင့်လာရခြင်းဟာသူ့​တောင်ဘက်မှာရှိ​နေတဲ့အိန္ဒိယတိုက်ကြီးကိုဆွဲယူ​နေလို့ဖြစ်ပါတယ်။​တောင်ဘက်ခြမ်းက​ကျောက်လွှာ​မြေလွှာ​တွေဟာဟိမဝန္တာရဲ့​အောက်ခြေကိုတိုးဝင်​နေကြတယ်။တချိန်ကsea levelဖြစ်တဲ့အိန္ဒိယသမုဒ္ဒရာဟာလည်းအခု​ပေတစ်​သောင်းခွဲအထက်ကို​ရောက်​နေလို့ပင်လယ်ရုပ်ကြွင်း​တွေကို​တွေ့​နေရခြင်းဖြစ်ပါတယ်။​ရှေးနှစ်သန်းချီတုန်းကပင်လယ်​တွေဟာအခု​တောင်ထိပ်ကို​ရောက်​နေကြပြီ။အဲဒီလိုကမ္ဘာ့တိုက်ကြီး​တွေသမုဒ္ဒရာကြီး​တွေကို​တောင်ဆွဲယူနိုင်တဲ့ပြင်းထန်ကြီးမားတဲ့ဆွဲအားကြီးဟာဒီကမ္ဘာ​ပေါ်မှာ​နေတဲ့ကျ​နော်တို့သက်ရှိသတ္တဝါ​တွေအ​ပေါ်​ကောသက်​ရောက်မှုမရှိနိုင်ဘူးလား။​သေချာ​ပေါက်သက်​ရောက်မှုရှိတာ​ပေါ့ဗျ။ဒီစက်ကွင်းကိုဘယ်လိုလုပ်လွတ်နိုင်မှာလဲ။

ဒီတခါ​တော့ကျ​နော်တို့ရဲ့ခန္ဓါကိုယ်ကြီးကိုပြန်ကြည့်ရ​အောင်။ကျ​နော်တို့ခန္ဓါကိုယ်ကြီးထဲမှာ​သွေး​တွေလည်ပတ်​နေကြတယ်။​သွေးကိုအဓိကဖွဲ့စည်းထားတာက iron လို့​ခေါ်တဲ့သံဓါတ်ဖြစ်ပါတယ်။ခြင်​တွေဘာ​တွေအကိုက်ခံရလို့ခြင်ရိုက်မိရင်အဲဒီ​သွေးကိုနမ်းကြည့်ပါ။သံနံ့လိုလိုသံ​ချေးနံ့လိုလိုအနံ့ရလိမ့်မယ်။​သွေးကိုသံဓါတ်နဲ့အဓိကဖွဲ့စည်းထားတာသက်​သေပဲ။အင်မတန်အား​ကောင်းတဲ့သံလိုက်တုံးကြီးတခုကို​ခေါင်း​ပေါ်တင်ကြည့်လိုက်ရင်ဘာဖြစ်လာမလဲ။​သွေး​တွေဟာဦး​ခေါင်းဆီကိုတဖြည်းဖြည်း​ချည်းကပ်ရောက်ရှိလာပါလိမ့်မယ်။​သွေးထဲမှာသံဓါတ်ရှိ​နေတဲ့အတွက်သံလိုက်တုံးရှိရာဦး​ခေါင်းဆီသို့​သွေးများ​ရောက်လာခြင်းဖြစ်ပါတယ်။

ကျ​နော်တို့ရင်ချိုင့်မှာအမြဲခုန်​နေတဲ့နှလုံးရှိတယ်။ကမ္ဘာ့ဆွဲအားရှိ​နေတဲ့အတွက်ခန္ဓါကိုယ်​အောက်ပိုင်းကို​သွေးအလွယ်တကူ​ရောက်​ပေမဲ့ခန္ဓါကိုယ်အ​ပေါ်ပိုင်းကို​တော့​သွေး​ရောက်ဖို့ခက်ခဲတယ်။ဒါ​ကြောင့်သဘာဝကြီးကလူ့ခန္ဓါကိုယ်​အောက်ပိုင်းက​သွေး​ကြော​တွေကိုကြီး​အောင်လုပ်​ပေးပြီးအ​ပေါ်ပိုင်းက​သွေး​ကြော​တွေကို​သေး​အောင်လုပ်​ပေးထားတယ်။ဦး​ခေါင်းပိုင်းမှာရှိတဲ့​သွေး​ကြော​လေး​တွေကအ​သေးဆုံးပဲ။ဦး​နှောက်​သွေး​ကြော​လေး​တွေဆိုဆံချည်မျှင်​သွေး​ကြော​လေး​တွေဖြစ်ပါတယ်။အဲဒီ​လောက်​သေးငယ်တဲ့ဆံချည်မျှင်​သွေး​ကြော​လေး​တွေဆီကို​သွေးအင်အားအလုံးအရင်းနဲ့ဝင်လာမယ်ဆိုရင်ဘာဖြစ်သွားနိုင်လဲ။​သွေးအပို၂စက်၃စက်​လောက်ဝင်လာရင်​တောင်အဲဒီဆံချည်မျှင်​သွေး​ကြော​လေး​တွေ​ပေါက်သွားနိုင်ပါတယ်။​သွေး​ကြောပေါက်သွားရင်ဦး​နှောက်ထဲ​သွေးယိုစီးမှုဖြစ်ပြီး​လေဖြတ်သွားမယ်၊ဦး​နှောက်​သွေး​ကြောပြတ်ပြီးတခါတည်း​သေသွားတာမျိုးလည်းဖြစ်သွားမယ်၊ကိုယ်တခြမ်း​သေတာ၊တကိုယ်လုံး​လေဖြတ်တာ၊​အောက်ပိုင်း​သေတာမျိုး​တွေလည်းဖြစ်သွားနိုင်ပါတယ်။

​နေ့ခင်းဘက်မှာ​တော့ကျ​နော်တို့သွားသွားလာလာ​နေတာထိုင်တာက​မတ်တပ်ဒေါင်လိုက်ပဲမဟုတ်လား။အဲဒီအချိန်မှာနှလုံးခုန်တာ​တွေ​သွေးလည်ပတ်မှု​တွေကကမ္ဘာ့ဆွဲအားကိုတွက်ချက်ပြီးသူ့နှုန်းနဲ့သူသွား​နေတာ။
ဒါ​ပေမဲ့ညဘက်အိပ်ဖို့လဲ​လျောင်းလိုက်တာနဲ့​သွေးခုန်စနစ်ကကမ္ဘာ့ဆွဲအားနဲ့ပုံစံ​ပြောင်းသွားပြီ။အဲဒီအချိန်မှာ​မြောက်ဘက်အရပ်ကို​ခေါင်းပြုအိပ်ရင်ဘယ်လို​နေမလဲ။အိပ်ရင်းနဲ့ဦး​ခေါင်းဘက်ကိုတစ်ကိုယ်လုံးက​သွေး​တွေတဖြည်းဖြည်းတိုးဝင်လာမှာဖြစ်ပါတယ်။

ကျ​နော်တို့တခါမဟုတ်တခါကြုံဖူးကြလိမ့်မယ်။ညဘက်အိပ်မ​ပျော်တာ၊အိမ်မက်ဆိုးတွေမက်တာ၊တ​ရေးနိုးလန့်နိုးတာ၊အိပ်​ကောင်းခြင်းမအိပ်ရတာ၊ထမင်းလုံးသဆေခြောက်တာ၊ထ​ယောင်တာ​တွေဟာ​မြောက်ဘက်ကို​ခေါင်းပြုအိပ်သူ​တွေမှာပို​တွေ့ရ​လေ့ရှိတယ်။တချို့ဆိုရင်စိတ္တဇဖြစ်သွားတာ၊ရူးနှမ်းသွားတာမျိုးဖြစ်သွားတယ်။အဲဒီထက်ဆိုးတာက​တော့ဦး​နှောက်​သွေး​ကြော​ပေါက်တာ​တွေပိတ်တာ​တွေ၊​လေဖြတ်သွားတာ​တွေ၊အိပ်ရင်းနဲ့​သေသွားတာ​တွေပဲ​ပေါ့။

ဒါ​ကြောင့်ဦး​ခေါင်းထဲကို​သွေး​တွေများများဝင်တာမ​ကောင်းဘူး။​ရှေးကတည်းကလူ​တွေအိပ်ရင်​ခေါင်းအုံးမြင့်မြင့်နဲ့အိပ်ခဲ့ကြတာလည်းအ​ကြောင်းမဲ့မဟုတ်ဘူး။

ဟိုးအရင်တုန်းကကျ​နော်တို့လမ်း​လျှောက်ကွင်းမှာလမ်းလာ​လျှောက်တဲ့လူတ​ယောက်ရှိတယ်။​မြေကြီးကို​ခေါင်းစိုက်ပြီးကင်းမြီး​ကောက်​ထောင်​ထောင်​နေတာ။ခင်ဗျာ့အဲ့လိုမျိုးမလုပ်နဲ့သဘာဝနဲ့ဆန့်ကျင်ဘက်ကြီးလို့ပြောတာနားမ​ထောင်ဘူး။​နောက်ပိုင်းအဲ့လူမ​တွေ့​တော့လို့​မေးကြည့်တာသွားရှာပြီတဲ့။

ကဲ...ဒီ​တော့ကျ​နော်တို့ဘယ်လိုအိပ်ကြမလဲ။ကမ္ဘာ့လျှပ်စစ်သံလိုက်စက်ကွင်းက​မြောက်ဘက်က​နေထွက်ပြီး​တောင်ဘက်ကိုဝင်တယ်။ဒါ​ကြောင့်သိပ္ပံပညာရှင်​တွေကလူ​တွေ
လျှပ်စစ်သံလိုက်ဓါတ်ရ​အောင်​တောင်ဘက်ကို​ခေါင်းပြုပြီးအိပ်ခိုင်းတယ်။

အိန္ဒိယကပညာရှိဆာဒ်ဂုရုကြီးက​တော့Esat is the best အ​ရှေ့ဘက်ကို​ခေါင်းပြုတာအ​ကောင်းဆုံးတဲ့။

အဲဒီ၂ခုမှာကျ​နော်က၂ခုလုံးကိုမပယ်ဘူး။ဆာ့ဒ်ဂုရုကြီး​ပြောသလိုအ​ရှေ့ဘက်ကို​ခေါင်းပြုအိပ်တယ်။Body ကို charging သွင်းဖို့အတွက်​မြေကြီး​ပေါ်မှာ​တောင်ဘက်​ခေါင်းပြုပြီးနာရီဝက်​လောက်လဲ​လျောင်း​ပေးတယ်။

သိပ္ပံပညာရှင်​တွေ​ပြောသလို​တောင်ဘက်ကို​ခေါင်းပြုပြီးဘာ​ကြောင့်ညမအိပ်ရတာလဲ။​တောင်ဘက်ကို​ခေါင်းပြုရင်​​​မြောက်ဘက်ကဆွဲအား​ကြောင့်ခြေ​ထောက်ပိုင်းမှာ​သွေးစုတယ်။ညအချိန်မှာ​ဝမ်းဗိုက်ထဲကကလီစာ​တွေအလုပ်အများကြီးလုပ်ကြတယ်။သူတို့အလုပ်လုပ်ဖို့​သွေးလိုတယ်။အဲ့အချိန်​သွေးက​ခြေ​ထောက်​ရောက်​နေရင်ကလီစာ​တွေ​ကောင်း​ကောင်းအလုပ်မလုပ်နိုင်ဘူး။သူတို့​ကောင်း​ကောင်းအလုပ်လုပ်မှကျန်းမာမယ်၊အသက်ရှည်မယ်မဟုတ်လား။

ဒါ​ကြောင့်ဆာဒ်ဂုရုကြီး​ပြောသလိုအ​ရှေ့အရပ်ကို​ခေါင်းပြုအိပ်တာအ​ကောင်းဆုံးဖြစ်ပါတယ်။​သွေးလှည့်ပတ်မှုမျှတပြီး​နေ​ကောင်းကျန်းမာအိပ်​ပျော်စားဝင်မယ်။

​ရှေးတုန်းကကမ္ဘာမှာ​တော်​တော်တိုးတက်တဲ့​ခေတ်တခုရှိခဲ့တယ်။အဲ့​ခေတ်မှာသံလိုက်အိမ်​မြောင်သုံးကြတယ်။သူတို့သံလိုက်အိမ်​မြောင်သုံးတာကခရီးသွားလမ်းညွှန်တခုတည်းအတွက်မဟုတ်ခဲ့ဘူး။ညအိပ်ရင်​မြောက်အရပ်ဘယ်မှာလဲဆိုတာသိဖို့လည်းပါတယ်လို့ဆိုတယ်။​မြောက်အရပ်ကို​ရှောင်ပြီး​ခေါင်းပြုအိပ်ဖို့​လေ။
ကျ​နော်ခရီးသွားရင်လည်း compass တခုပါတယ်။ဟိုတယ်တည်းရင်ကုတင်အ​ရှေ့ဘက်ခေါင်းရင်းထားတဲ့အခန်းမှာအိပ်တယ်။မြက်ခင်း​ပေါ်မှာ​တောင်ဘက်​ခေါင်းပြုပြီးခဏRestလုပ်တယ်။

ကဲ...မိတ်​ဆွေများ....ကိုယ့်အိပ်ယာကိုယ်ပြန်ကြည့်ကြပါ။လူကြီးမိဘများဆရာသမားများဘယ်လိုအိပ်​နေလဲဆိုတာလည်းကြည့်​ပေးပါ။အ​ကောင်းဆုံး​ခေါင်းပြုအိပ်ရမယ့်အ​ရှေ့ဘက်ကို​ခေါင်းရင်းထားပါ။လိုအပ်ရင်အခန်းဖွဲစည်းပုံကို​ပြောင်းပြီး​နေရာပြန်ချပါ။
East is the best.

လူတ​ယောက်ရဲ့​နေထိုင်​ကောင်းခြင်း၊ကျန်းမာခြင်း၊သန်စွမ်းခြင်း၊လုပ်ရည်ကိုင်ရည်ရှိခြင်း၊စိတ်ချမ်းသာခြင်း၊အသက်ရှည်ခြင်းစတဲ့ဘဝအရည်အ​သွေး​ကောင်းမှု​တွေဟာသူဘယ်အရပ်ကို​ခေါင်းပြုပြီးအိပ်သလဲဆိုတဲ့အ​ပေါ်မှာလည်းမူတည်​နေပါတယ်။

ချစ်ခင်​လေးစားလျှက်......

မင်း​ကျော်ဝင်း



(sharing is caring)

14/11/2024

-
ခြေအိတ်စွပ်လျက် ညအိပ်တာ ကောင်းလား။

©ဒေါက်တာ မြင့်သိန်း

ငယ်ငယ်က တောင်ကြီး တခေါက်ရောက်တော့ နယ်ခံ လူကြီးက ညဘက်
ခြေအိတ်စွပ်မအိပ်နဲ့မျက်စိထိခိုက်တယ်လို့ပြောပါတယ်။

အသက်ငယ်သေးလို့ အအေးဒါဏ် ခံနိုင်တာက တကြောင်းခြေအိတ်စွပ်လေ့မရှိတာက
တကြောင်း အထူးတလည်ရှောင်စရာ မရှိခဲ့ပါ။

ဒါပေမယ့် အေးတဲ့ဒေသမှာ ညဘက် ခြေအိတ် စွပ် မအိပ်ရဘူး ဆိုတဲ့သတိပေး
စကားကို အမှတ် အသား ပြုလာခဲ့ပါတယ်။

အသက်ကြီးတဲ့ အခါကျတော့လည်း ခြေအိပ်စွပ်တတ်တဲ့ အလေ့အကျင့် မရှိတာကြောင့် ...

ဆောင်းရာသီ ရောက်လည်း အနွေးထည် ထူထူဝတ် စောင် လုံအောင်ခြုံ ဒီလိုနဲ့ပဲ
ည အအေး ကို အံတုခဲ့တာကြာလှပါပြီ။

တနေ့က အသက် ၈၅ နှစ် ရှိတဲ့လူနာ တစ်ယောက် ခြေကျင်းဝတ် ယားလွန်းလို့
ကပ်ကျေးနဲ့ ခြစ်ပစ်တာ အသားတွေ ပွန်းပဲ့ ရောင်ရမ်းကုန်လို့
ဆေးခန်း ရောက်လာပါတယ်။

လူနာက သူ့အနာ ဒါဏ်ရာတွေ ပြမယ်ဆိုပြီး ခြေထောက် ခုတင်ပေါ် တင်လိုက်တော့ ခြေအိတ်စွပ်ထားတာ သတိပြုမိတယ်။

ညအိပ်တဲ့အခါ ခြေအိတ် စွပ်အိတ်သလား မေးတဲ့အခါ စွပ်အိပ်တယ်တဲ့ -

ခြေအိတ် စွပ် ခြင်းနဲ့ ပတ်သက်တဲ့ ငယ်ငယ်က အသိက စိတ်ထဲမှာ ပြူထွက် လာတယ်။

အသက် ၈၅ နှစ် လူကြီး တစ်ယောက် အရွယ်နဲ့ မမျှ သန်သန် မာမာ ရှိနေတာကို သဘောကျ နေတာ ဆိုတော့..

ခြေအိတ် စွပ်အိပ်တဲ့ အလေ့အကျင့်ကြောင့် မျက်စိများ ထိခိုက်သွားခဲ့သော် ဆိုတဲ့
စိုးရိမ် ပူပန်မူက စိတ်ထဲရောက်လာပါတယ်။

ညဘက် ခြေအိတ် စွပ်အိပ်ခြင်းက အန္တရာယ် ကင်း မကင်းသိချင် လာပါတယ်။

အင်တာနက်က ကျန်းမာရေး ဆိုက်တွေထဲ လိုက်ရှာကြည့်
တော့ တွေ့ပါတယ်။

အပြစ်ရယ်လို ဖော်ပြတာ မတွေ့ရပဲ ကောင်းကျိုး တွေ ဖော်ပြတာပဲ တွေ့ရပါတယ်။

● မြန်မြန် အိပ်ပျော်စေတယ်

● လေ့လာမူများအရ ခြေအိတ်စွပ်လျှက် အိပ်ခြင်းက အိပ်ပျော်ဖို့ အထောက်အကူ
ပြုတာ တွေ့ရပါတယ်။

●အိပ်ရာထဲ ခြေအိတ် စွပ်လျှက် အိပ်ရင် ပူလှောင် နေလိမ့်မည်ဟု ထင်စရာရှိပါသည်။

● အမှန်က ဒီလို ခြေအိတ် စွပ်ထားခြင်းက ကိုယ်တွင်း အပူချိန် ထိန်းသိမ်းမူကို
အထောက်အကူ ပြုတာ တွေ့ရပါသည်။

●၂၀၀၇ ခုနှစ်က စမ်းသပ်မူ တစ်ခုက ရိုးရိုးခြေအိတ် စွပ်ထားသည် ဖြစ်ဖြစ် , အပူပေး
ထားတဲ့ခြေအိတ် စွပ်ထားသည်ဖြစ်စေ လျှင်မြန်စွာအိပ်ပျော်စေတာကိုတွေ့ရှိခဲ့ပါတယ်။

■ရှင်းပြချက် •••

●ကိုယ်တွင်း အပူ ဓာတ်က ညဖက်မှာ ကျဆင်းသွားပါတယ်
မနက် ၄ နာရီ လောက်မှာ အနိမ့်ဆုံး ကိုရောက်ရှိပါတယ်။

●ပုံမှန် ကိုယ်အပူချိန်က 98.6F ဖာရင်ဟိုက် ဖြစ်ပါတယ်
၂၄ နာရီတလျှောက်မှာ ၁. ၂ ဒီဂရီ အပြောင်းအလဲရှိပါတယ်။

●ခြေအိတ်စွပ်ထားလို့ ခြေထောက် နွေးလာခြင်းက သွေးကြော များ ကျယ်လာ
စေပါတယ်။

သွေးကြောကျယ်လာပြီး အရေပြားမှတဆင့် အပူစွန့်ထုတ်ပါတယ် -
အရေပြား ပူနွေး လာပါတယ်။

● ဒီနည်းနဲ့ ခန္ဓာကိုယ်တွင်း အပူချိန်..
core body temperature ကျဆင်းစေပါတယ်

●အပူချိန် ကျဆင်းခြင်းက ဦးနှောက်ကို ည အချိန်ရောက်ပြီ
လို့သတင်း ပို့ပါတယ်။
အရေပြား ပူနွေး လာခြင်းက မြန်မြန် အိပ်စေပါတယ်။

●လူ ခန္ဓာမှာ ဇီဝနာရီ biological clock ရှိပါတယ်

ကိုယ်တွင်း အပူချိန် core body temperature ကbiological clock
နဲ့ ဆက်စပ်ပါတယ်။

၄င်းတို့ရဲ့ စည်းချက်ကျ လုပ်ဆောင်မူကို circadian rhythm လို့ခေါ်ပါတယ်။

circadian rhythm က အိပ်ချိန်ကို သတ်မှတ်ပါတယ်။
သူ့ကြောင့် လူဟာ ညရောက်လျှင် အိပ်ချင်ပြီး , မနက်ကျနိုးလာတာ ဖြစ်ပါတယ်။

● ကိုယ်အပူချိန်က မနက်ကစပြီး တဖြည့်ဖြည်းတက်လာတာနေ့လည် နောက်ပိုင်း
အချိန်မှာ အမြင့်ဆုံး ရောက်လာပါတယ် -

ဒီ အချိန်တွေမှာ လူက နိုးကြားပြီး ဖျတ်လတ်နေပါတယ်။

● လူ အိပ်သွားပြီ ဆိုလျှင် ကိုယ်အပူချိန် ၁.၂ ဒီဂရီ လောက်ကျဆင်းသွားပါပြီ ..
ဒါဟာ ကိုယ်တွင်းအဂါင်္တွေအတွက် အပူကို ထိန်းသိမ်းထားလိုက်လို့ ဖြစ်ပါတယ်။

● ခြေအိတ်စွပ်ပြီး အိပ်တဲ့အခါ ဒီ အပူ ထိန်းခြင်းအတွက် အထောက်အကူ ဖြစ်စေပါတယ်။

■ ရေးနော့လက္ခဏာ လျော့ပါးစေတယ်
( Reducing Raynaud's Symptoms )

အလွန်အေးတဲ့အခါ အလွန်ဖိစီးနေတဲ့အခါ ခြေဖျားလက်ဖျားမှာ သွေးကြောတွေ
ကျဉ်းကုန်ပြီး သွေးလျှောက် နည်းသွားလို့ ခြေ လက်တွေ ပြာလာပြီး ထုံ ကျဉ် လာတာကို ရေနောရောဂါ ရခြင်း လို့ခေါ်ပါတယ်။

ခြေအိတ် စွပ်အိပ်မယ်ဆိုရင် ဒီလို ရေနော လက္ခဏာ ခံစား ရမူ လျော့စေမှာ ဖြစ်ပါတယ်။

■ အပူပြန်ခြင်းကို ကာကွယ်ပါတယ်( Preventing hot flushes )

●သွေးဆုံးချိန်မှာအမျိုးသမီးများက ချွေးထွက်လွန်ခြင်း ရင်တုန်ခြင်းနဲ့အတူမျက်နှာမှာ
အပူတွေထွက်နေတတ်ပါတယ်
ခြေအိတ် စွပ်ပေးခြင်းက ကာကွယ်ပါတယ်။

• ခြေအိတ်က ချောင်ချောင်လည်လည် ဖြစ်ဖို့ လိုပါတယ်။
ချောင်လည်တာ ရွေးချယ် ဝယ်သင့်ပါတယ်။

ခြေအိတ်က တင်းကျပ်နေရင် သွေးလျောက်ခြင်းကိုအနှောက်အရှက် ဖြစ်စေပါတယ်
ထူထဲ နွေးထွေးတဲ့ ခြေအိတ်မှန်သမျှအသုံးပြုနိုင်ပါတယ်။

++++++++++++

Sleeping With Socks On: Can It Help You Sleep? - Amerisleep https://amerisleep.com/blog/sleeping-with-socks-on/