Prana Healing Myanmar

01/01/2026

01/01/2026

ချစ်သော Parana Healing (မြတ်သောဒါန) မိသားစုဝင်များရှင့် 💙

🎗Prana Healing (မြတ်သောဒါန)၏ပဲ့ကိုင်ရှင် ဆရာ Ashwin အားအမှူးထား၍

ရန်ကုန်ဧရိယာအတွင်း၌

🌸 Healing Center - 7
(Mayangone Township )
Healing ကုသိုလ် ပြုခြင်း

🌺 Healing ခံယူလိုသော Clients များနှင့် မေတ္တာ Energy များကို ဖြန့်ဝေလိုပါသော Healers များကိုနွေးထွေးစွာဖြင့်ကြိုဆိုပါရစေရှင့်

🌺 ( 4. 1. 2026 ) တနင်္ဂနွေနေ့တွင်

🌺 ဆရာ့မေတ္တာများအားခံယူ၍ Healers များ စုပေါင်း Chakra meditation & Energy work ဆောင်ရွက်ခြင်း

🌺 မေတ္တာ Healing ခံယူလိုသူများအတွက် မေတ္တာ Healing ပေးခြင်းတို့ကို ကုသိုလ်ပြုလုပ်ဆောင်ရွက် မည်ဖြစ်ပါသည်။

🌷✨ သို့ပါ၍ Healing ခံယူလိုသူများမှာ

Ma Tha Zin , Ma Zin May Htett -
09 402730023, 09 262108736

Ma Wai - 09 255934651

ထံသို့ ဆက်သွယ်စာရင်းပေးနိုင်ပါတယ်ရှင့် 🙏

✅ စာရင်းကို ( 3. 1. 2026 ) နောက်ဆုံး ကြိုတင်စာရင်းပေးခြင်းဖြင့် ထပ်ဆင့်မေတ္တာရယူလိုက်ပါရှင့်....

Address for Location 👇

https://maps.app.goo.gl/FnE6fuiEmxRerw727?g_st=it

No.234, 4လွှာ, 12 လမ်း, 1 ရပ်ကွက်, မရမ်းကုန်းမြို့နယ် ( ဘုရင့်နောင်လမ်းဆုံအနီး)
ခိုင်ကောင်း ကားဝပ်ရှော့ဘေး

🚌 Bus Line -
( 19, 40, 55, 61, 79, 82, 83, 89, 130, 132, 137, 141, 142, 143 )

🌼မှတ်တိုင်- စျေးဘူတာမှတ်တိုင်၊ ဘုရင့်နောင်လမ်းဆုံမှတ်တိုင်၊ ဓမ္မာရုံမှတ်တိုင်၊ စျေးပွဲရုံမှတ်တိုင်

မှတ်ချက်။ ။ Bus ဖြင့် လာမည့်သူများ ဆင်းရမည့်မှတ်တိုင်အတွက် ဖုန်းကြိုဆက်ပေးပါရန်

Namaste 🙏
Admin
Religion to Responsibility

31/12/2025

Happy New Year ပါ
2026 New Year Affirmation နှင့်အတူ Prana Healing Myanmar မှ ဆုတောင်းမေတ္တာပို့သလိုက်ပါတယ်၊
Namastae 🙏🌹
Ashwin Kumar

💠🔹️🔹️🔹️🔹️🔹️💠

အားလုံး မင်္ဂလာပါခင်ဗျာ။ 🙏🌹

အခုဆိုရင် 2026 နှစ်သစ်ကို ကူးပြောင်းလာပြီဖြစ်ပါတယ်။ အခု ဒီ 2026 Affirmation ကို ကျွန်တော်တို့ မကြာသေးမီက သွားရောက် ဖူးမြော်ပူဇော်ခဲ့တဲ့ မြတ်စွာဘုရားရှင်အဆူဆူတို့ ပွင့်တော်မူရာ ဗုဒ္ဓဂါယာ မဟာမြေမြတ်မှာ ထိုမဟာမြေမြတ်မှာ ကျွန်တော်တို့ ပြုလုပ်ဆောက်တည်ခဲ့တဲ့ ဒါန သီလ ဘာဝနာ ကုသိုလ်အစုစုတို့ကို တိုင်တည် အာရုံပြုပြီးတော့ ရွတ်ဆိုထားပါတယ်။

ကျွန်တော်တို့ မိသားစုဝင်များက ကျွန်တော်နှင့်အတူ မဟာမြေမြတ်ဆီသို့ အာရုံပြုရင်း အတူတကွ လိုက်ဆိုကြရအောင်နော်။

ကျန်တဲ့မိသားစုဝင်များကလည်း မိမိတို့ကိုးကွယ်အားထားရာ ဘုရားသခင်များနဲ့ အထွဋ်အမြတ်ထားရာ နေရာဒေသများဆီသို့ စိတ်ညွှတ်ရင်း ရွတ်ဆိုနိူင်ကြပါတယ်ခင်ဗျာ။ စုပေါင်းအားနဲ့ မေတ္တာလှိုင်းတွေဖြန့်ဝေပြီးတော့ ရွတ်ဆိုကြရအောင်နော်။

💠🔹️🔹️🔹️🔹️🔹️💠

ရှေးဦးစွာ တိတ်ဆိတ်ငြိမ်သက်သောနေရာမှာထိုင်ပြီးတော့ ဘုရားရှင်ကိုယ်တော်မြတ်ကြီးရဲ့ အေးမြလှတဲ့ မေတ္တာတော်နဲ့ ကောင်းချီးမင်္ဂလာ Blessings များကို ရိုသေစွာ လက်ခံရယူကြမယ်နော်။

မြတ်စွာဘုရားရှင်ရဲ့ မေတ္တာတော် ဂရုဏာတော် ဂုဏ်ကျေးဇူးတော် စွမ်းအားသတ္တိများသည် မိမိတို့ရဲ့ ဦးခေါင်းထက်ကနေ မိုးဖွဲလေးများရွာချနေသကဲ့သို့ ခန္ဓာကိုယ်တစ်ခုလုံးကို အဆက်မပြတ် တဖြည်းဖြည်းချင်း စီးဝင်ပျံ့နံ့သွားတာကို အာရုံပြုပါမယ်။ အာရုံပြုပါ။ ဖြည်းဖြည်း...ဖြည်းဖြည်းချင်း... cells အတွင်းပိုင်းတွေထဲအထိ အသေးစိတ် စီးဝင်ပျံ့နှံ့လာနေပြီ....စီးဝင်ပျံ့နှံ့လာနေပြီ။

ဘုရားရှင်ရဲ့အေးမြလှတဲ့ မေတ္တာဓါတ်နဲ့ ဂုဏ်ကျေးဇူးတော် စွမ်းအားသတ္တိများက မိမိတို့ရဲ့သဏ္ဌာန်မှာရှိနေတဲ့ လောဘ ဒေါသ မာန်မာန စိုးရိမ်သောက အစရှိတဲ့ စိတ်အညစ်အကြေး အပူဓါတ် အလောင်ဓါတ်တွေ၊ ရောဂါဝေဒနာတွေ အားလုံးကို ဖယ်ရှားပြီးတော့ အစားထိုးဝင်ရောက်နေပါပြီ။ အေးမြလှတဲ့ မေတ္တာတွေ အစားထိုး ဝင်ရောက်နေပါပြီ။

အခုဆိုရင် မိမိတို့ရဲ့ စိတ်နဲ့ ခန္ဓာဟာ သန့်ရှင်းစင်ကြယ်ပြီး လင်းလက်တောက်ပနေပါပြီ၊ ပေါ့ပါးလန်းဆန်းနေပါပြီ။

အေးမြလှတဲ့မေတ္တာဓါတ်တွေဟာ မိမိတို့ရဲ့ နှလုံးအိမ်ကနေ တစ်စတစ်စ လျှံ​ကျလာနေပါပြီ။

ဒီ မေတ္တာအအေးလှိုင်းတွေကို မိမိတို့ရဲ့ အရှေ့အနောက်ဝဲယာ အပေါ်အောက်ကနေ ဖြန့်ထုတ်ပါမယ်နော်။ မေတ္တာလှိုင်းတွေဟာ ရေမြေတောတောင် မြို့ရွာတွေကို ဖြတ်သန်းပြီး ၃၁ ဘုံထိ ပျံနှံသွားအောင် ပို့လွှတ်ပေးပါမယ်။ အားလုံးသတ္တဝါတွေ (ဘေးရန်ကင်းကြပါစေ။ အေးချမ်းကြပါစေ။) × 3 ကြိမ်

အခု Affirmation ရွတ်ဖို့ အကောင်းဆုံး အနေအထားကို ရောက်နေပြီနော်။

💠🔹️🔹️🔹️🔹️🔹️💠
အခုစမယ်နော်။

🦋 ငါဟာ တည်ငြိမ်အေးချမ်းတဲ့သူ၊ မေတ္တာ တရားကြီးမားတဲ့သူဖြစ်တယ်။ ငါ့ရဲ့စိတ်နှလုံးဟာ ဖြူစင်သန့်ရှင်းတယ်၊ အေးချမ်းငြိမ်သက်တယ်၊ သတိ သမာဓိနဲ့ တည်ကြည်နေတယ်။ (ငါ့ရဲ့ ခန္တီစွမ်းအားဟာ အလွန်မြင့်မားတယ်နော်။)

🦋 ငါ့ရဲ့အတွေးအမြင်တွေက ရှင်းလင်းပြတ်သားတယ်။ ငါဟာ အကောင်းအဆိုး၊ အကြောင်းအကျိုးနဲ့အတူ အမှန်တရားတွေကို သေချာသိမြင်တယ်။ ငါ့ရဲ့ ဝမ်းတွင်းသိစိတ်၊ ကြိုတင်သိစိတ်က အလွန်ထက်မြက်တယ်နော်။ (ငါ ဘယ်ကိစ္စကိုမဆို ကြည်လင်ပြတ်သားစွာနဲ့ ဆုံးဖြတ်ချက်ချနိူင်တဲ့သူဖြစ်တယ်နော်။)

🦋 ငါသည် ငါ့ကို နာကြည်းအောင် ပြုလုပ်ခဲ့တဲ့သူတွေ၊ ငါ့ကို ကျရှုံးအောင် ပြုလုပ်ခဲ့တဲ့သူတွေ၊ ငါ့ကိုပျက်စီးအောင် ပြုကျင့်ခဲ့သူတွေအားလုံးကို ငါဒီနေ့ ခွင့်လွှတ်လိုက်တယ်နော်။ ငါကလည်း ဘဝသံသရာအဆက်ဆက်မှာ ငါကိုယ်တိုင် ကာယကံ ဝစီကံ မနောကံနဲ့ ကျူးလွန်ခဲ့တဲ့သူများအားလုံးကို ငါတောင်းပန်ပါတယ်။ ငါတောင်းပန်တယ် ငါတောင်းပန်တယ်နော်။ ငါ့ကို ခွင့်လွှတ်ပါ ခွင့်လွှတ်ပါ ခွင့်လွှတ်ပါ။ (ငါ့မှာ ပေးဆပ်စရာတွေ ရစရာတွေ ကျေသွားပြီနော်။)

🦋 ဒီနေ့ဟာဆိုရင် ငါဟာ ဒေါသကင်းတဲ့သူ၊ စိတ်ပူပန်မှုကင်းတဲ့သူ၊ ရိုးသားတဲ့သူ၊ ကျေးဇူးတရားကိုသိတတ်တဲ့သူ၊ သတ္တဝါအားလုံးတို့အပေါ်မှာ သနားကြင်နာတဲ့သူ ဖြစ်တယ်နော်။ (ငါဟာ Reiki ရဲ့ 5 principles နဲ့ ကိုက်ညီနေတဲ့သူဖြစ်တယ်နော်။ ငါ့မေတ္တာကြီးမားတယ်နော်။)

🦋 ငါဟာ ချိုသာယဥ်ကျေးတယ်၊ ဟုတ်မှန်တဲ့ အကျိုးရှိတဲ့ ကောင်းသောစကားများကိုသာ ရွေးချယ်ပြောဆိုတတ်တယ်နော်။ မည်သူ့ကိုမဆို ကိုယ်ချင်းစာနာ တန်ဖိုးထား ဆက်ဆံတဲ့သူဖြစ်တယ်။ ငါ့ရဲ့ ကာယကံ၊ ဝစီကံ၊ မနောကံမှန်သမျှဟာ ငါအပါအဝင် ခုနှစ်ရက်သားသမီး အားလုံးကို ကိုယ်စိတ်နှလုံး ချမ်းသာရေးအတွက် အမြဲဦးတည်ထားတယ်နော်။ (ငါ ဗြဟ္မာစိုရ်တရားလေးပါးအညီ ပြောဆိုဆက်ဆံတယ်နော်။)

🦋 ငါ့မှာ ရှေးဘဝအဆက်ဆက်မှစပြီး ယခုအချိန်ထိ ပြုလုပ်စုဆောင်းထားတဲ့ ဒါန သီလ ဘာဝနာ၊ ဝေယျာဝစ္စ၊ Healing ပေးခြင်း အစရှိတဲ့ ကုသိုလ်တွေ အများကြီးရှိတယ်။ ဒီကုသိုလ်တွေကို ငါအမြဲယုံကြည်အားထားတယ်။ ဒီကုသိုလ်တွေကို တနေ့ထက်တနေ့ ပိုပိုတိုးပြီး ငါလုပ်နေတယ်။ (ငါ့မှာ အားကိုးရမယ့် တရားဓမ္မနဲ့ ကုသိုလ်တွေ အများကြီးရှိတယ်နော်။)

🦋 ဒီ 2026 ဟာဆိုရင် ငါ့ရဲ့ အလုပ်အကိုင် အခွင့်အလမ်းတွေ၊ အဆက်အသွယ်တွေ၊ ဝင်ငွေလမ်းကြောင်းတွေ ပွင့်လန်း ပေါ်ပေါက်လာတဲ့နှစ်ဖြစ်တယ်။ များပြားလှတဲ့ ဝင်ငွေတွေဟာ နေရာအမျိုးမျိုးဆီကနေ ငါ့ဆီကို လွယ်ကူချောမွေ့ စွာနဲ့ စီးဝင်လာနေပြီဖြစ်တယ်နော်။ (ငါ့​ရဲ့စည်းစိမ်ဥစ္စာဓနတွေ ဆပွားတိုးတက်လာတဲ့ နှစ်ဖြစ်တယ်နော်။)

🦋 ဒီ 2026 ဟာ ငါ့ရဲ့ကျန်းမာရေးအခြေအနေတွေ ဟာ တိုးတက်ကောင်းမွန်လာတယ်။ ငါ့ရဲ့ ခန္ဓာကိုယ်က ပေါ့ပါးလန်းဆန်းပြီးတော့ အားအင်တွေပြည့်ဝနေတယ်။ ငါဟာ ငါ့ခန္ဓာကိုယ်အတွက် အကျိုးရှိတဲ့ အစာအာဟာရတွေကို ရွေးချယ်စားသုံးတယ်။ ငါ့ရဲ့ အလုပ်လုပ်ချိန်နဲ့ အိပ်ချိန်၊ အနားယူချိန်တွေကို စနစ်တကျနဲ့ ညီညွှတ်မျှတစေတယ်။ ငါ့အတွက် လိုအပ်တဲ့ ဆေးဝါးနဲ့ ဆရာသခင်ကျေးဇူးရှင်တွေရဲ့ စောင့်ရှောက်မှုကို ငါ ကောင်းမွန်စွာ လက်ခံရတယ်။ (ငါ့ကိုယ်ငါ ချစ်တယ်။ ငါ ကြင်နာစွာနဲ့ ငါ့ကိုယ်ငါ စောင့်ရှောက်နိူင်တယ်နော်။)

🦋 ငါဟာ အချိန်တိုင်း အချိန်တိုင်းမှာ ကောင်းချီးမင်္ဂလာတွေကို မြင်တွေ့ခံစားနိူင်တဲ့သူဖြစ်တယ်။ ငါ့ ကျေးဇူးတရားကို ငါ သိတယ်နော်။ အကောင်းမြင်စိတ်ရှိတယ်။ ဒါ့ကြောင့် ငါ့မှာ စိုးရိမ်ပူပန်မှုနဲ့ စိတ်ဖိစိးမှုတွေ ကင်းဝေးတယ်။ ငါ့ရဲ့ကိုယ်နဲ့ စိတ်ဟာ ကလေးငယ်လေးတစ်ယောက်လို ပေါ့ပါးလွတ်လပ်တယ်။ (ငါ ပျော်ရွှင်ကျေနပ်တယ်နော်။)

🦋 ဒီ 2026 မှာဆိုရင် ငါဟာ ငါ့မိဘ ငါ့မိသားစု ငါချစ်ရတဲ့သူတွေနဲ့ အရင်ကထက်ပိုပြီး ခိုင်မာညီညွှတ်တဲ့၊ ပျော်ရွှင်စရာကောင်းတဲ့ ဆက်ဆံရေးကို ရရှိတယ်နော်။ (ငါ အရမ်း ကြင်နာတဲ့သူဖြစ်တယ်နော်။)

🦋 ဒီနှစ်ဟာဆိုရင် ငါရဲ့ ချစ်ခင်ကြင်နာပေးတဲ့၊ စာနာနားလည်ပေးတဲ့၊ တန်ဖိုးထားလေးစားပေးတဲ့၊ ဥာဏ်ရည် ဥာဏ်သွေးမြင့်မားပြီး ရိုးသားပွင့်လင်းတဲ့ မိတ်ဆွေသစ်တွေ အများကြီး ရရှိလာပြီဖြစ်တယ်နော်။ ငါတို့ဟာ တစ်ဦးနဲ့တစ်ဦး အပြန်အလှန် ပံ့ပိုးပေးကြတယ်၊ မြှင့်တင်ပေးကြတယ်။ (ငါ့ရဲ့အသိုင်းအဝန်းလေးက ငါ နွေးထွေးတယ် ငါ လုံခြုံတယ်နော်။)

🦋 ငါဟာ ငါ့ရဲ့ဘဝခရီး ငါ့ရဲ့ သံသရာခရီးတစ်လျှောက်မှာ ငါ အမှန်တကယ်လိုအပ်နေတဲ့ ဆရာကောင်း၊ မိတ်ဆွေကောင်းတွေနဲ့ ငါ ဆုံတွေ့နေရပြီနော်။

🦋 ငါ့ရဲ့ ဘုရားရှင်နဲ့ ဆရာသခင်ကျေးဇူးရှင်တွေရဲ့ တရားဓမ္မ အဆုံးအမ လမ်းညွှန်ပြသမှုတွေကို ငါ ရိုသေစွာ လက်ခံရရှိတယ်။ မိတ်ဆွေကောင်းများနဲ့ သမာဒေဝနတ်ကောင်းနတ်မြတ်များရဲ့ ကူညီစောင့်ရှောက်မှုတွေကိုလည်း ကောင်းမွန်စွာ လက်ခံရရှိတယ်။ (ငါ့ရဲ့ ဘုရားရှင်နဲ့ ငါ့မိဘဆွေမျိုး ဆရာသမားအားလုံးကို ငါ ဓမ္မနဲ့ ကျေးဇူးဆပ်ခွင့်ရနေပြီနော်။)

🦋 ငါဟာ ဘာကိုပဲလုပ်လုပ် ငါ ပြီးမြောက်အောင် လုပ်နိူင်တယ်။ ဘာအခက်အခဲပဲကြုံကြုံ ငါ့ရဲ့ ရည်မှန်းချက် ပန်းတိုင်ဆီကို ငါ တစိုက်မတ်မတ်နဲ့ အာရုံစိုက်တယ်နော်။ ငါဟာ ဇွဲရှိတယ်၊ ခိုင်မာတယ်၊ ခံနိူင်ရည်စွမ်းအား ကြီးတယ်၊ ဥာဏ်ရည် ဥာဏ်သွေးလည်းကောင်းတယ်နော်။ ငါ့ရဲ့ တီထွင်ဖန်တီးနိူင်မှုစွမ်းအားလည်းမြင့်မားတယ်။ ငါအောင်မြင်တယ်။ (ငါ အောင်မြင်ရေးအတွက် အကြောင်းတရားတွေ ပြည့်စုံနေပြီနော်။)

🦋 အခု 2026 မှာ ထပ်မံရရှိလာမယ့် ကောင်းခြင်းမင်္ဂလာတွေ၊ အောင်မြင်ပျော်ရွှင်မှုတွေ၊ စိတ်ချ​မ်းမြေ့မှုတွေကို လက်ခံရရှိဖို့အတွက် ငါ အဆင်သင့်ဖြစ်နေပြီနော်။ ငါထိုက်တန်တယ်နော်။ ငါယုံကြည်တယ်၊ ငါအောင်မြင်ပြီနော်။

🦋 ငါဟာ Universe ရဲ့ ရွေးချယ်ခံရတဲ့သူတစ်ဦးဖြစ်တယ်။ လောကသားတို့ရဲ့ ကောင်းကျိုးချမ်းသာအတွက် ငါ မွေးဖွားလာတာဖြစ်တယ်နော်။ ငါ့ရဲ့ နှလုံးသားနဲ့ ငါ အေးချမ်းစေမယ်။ ငါ့ရဲ့လက်နဲ့ ငါ ကုစားပေးမယ်။ ငါ့ရဲ့ဥာဏ်အလင်းနဲ့ တောက်ပစေမယ်။ ငါ့ရဲ့ပညာတွေကို အကျိုးရှိရှိနဲ့ ပြန်လည်မျှဝေပေးမယ့်သူဖြစ်တယ်။ (ငါဟာ လောကကြီးအတွက် တန်ဖိုးရှိတဲ့သူ အရေးပါတဲ့သူဖြစ်တယ်နော်။)

🦋 ငါ အားလုံးကိုချစ်တယ်။ သတ္တဝါအားလုံးကိုချစ်ပါတယ်။ သတ္တဝါအားလုံးရဲ့ မေတ္တာတွေကို ငါခံယူပါတယ်။ ငါ အားလုံးကိုကျေးဇူးတင်ပါတယ်။

🕉 x 3 ကြိမ်

မြတ်စွာဘုရားရှင်နဲ့ မဟာမြေမြတ်ဆိုသို့ ရိုသေစွာဖြင့် ဦးချကန်တော့လိုက်ပါတယ်ဘုရား။ 🙏🙏🙏

ဒီ Affirmation ကို ကြားနာသူ ရွတ်ဖတ်ဆိုကြသူအားလုံး Affirmation က ပေးထားတဲ့ အကျိုးကျေးဇူးအားလုံးတို့နဲ့ ပြည့်ဝအောင်မြင်နိူင်ကြပါစေ။ မိမိတို့ကိုယ်စီရည်မှန်းထားတဲ့ ကောင်းကျိုးလိုအင်ဆန္ဒများကိုလည်း ပြည့်ဝနိူင်ကြပါစေ။

Namastae ပါ 🙏🌹
Ashwin Kumar

💠🔹️🔹️🔹️🔹️🔹️💠

https://youtu.be/K9E0tewUuxE?si=u74gyJIIOisA_NUb

31/12/2025

🍂🌼 ၂၀၂၅ မြတ်သောဒါန အစုစု 🍂🌼

ကျွန်ုပ်တို့ Prana Healing မိသားစုသည် စိတ်ရောကိုယ်ပါ ကျန်းမာစေသည့် Healing ပညာဒါနများအပြင်၊ သာသနာပြုကုသိုလ်၊ ပရဟိတကုသိုလ်နှင့် ဇီဝိတဒါန ကုသိုလ်များကို ၂၀၂၅ တနှစ်တာအတွင်း စုဆောင်းရရှိခဲ့ပါသည်။

"မိမိနှလုံးသားဖြင့် သတ္တဝါအပေါင်းကို အေးချမ်းစေရန်နှင့် မိမိလက်ဖြင့် ဝေဒနာရှင်များကို ကုစွမ်းပေးနိုင်သော Healer ကောင်းများဖြစ်ကြစေရန်" ဟူသော မွန်မြတ်သော ရည်ရွယ်ချက်ဖြင့် Prana Healing မိသားစု၏ ၂၀၂၅ ခုနှစ်အတွင်း စုပေါင်းအားထုတ်ခဲ့ကြသော ကုသိုလ်ဒါနများ ဖြစ်ပါသည်။

🙏 Prana Healing မိသားစု၏ ၂၀၂၅ တစ်နှစ်တာ မေတ္တာ ဒါနကုသိုလ် အလင်းတန်းများ ✨

၁) ဗဟန်းမြို့ကုက္ကိုင်းလမ်းဆုံ ကမ္ဘာအေးဘုရားလမ်းပေါ်ရှိ တေဇိန္ဒာရာမ ပရဟိတကျောင်း မိဘမဲ့ကလေးများအတွက် တစ်ရက်စာ အာဟာရအလှူ၊ သံဃာတော်တို့အတွက် ဆွမ်းနှင့်နဝကမ္မအလှူ

၂) ဗဟန်းမြို့နယ်၊ မိဘမဲ့ပရဟိတကျောင်း တေဇိန္ဒာရာမကျောင်းတိုက်မှ ရှင်အပါး (၁၀၀)စာ ဆွမ်းတစ်ရက်စာနှင့်မေတ္တာ healing ကုသိုလ်

၃) မန္တလေးမြို့မစိုးရိမ်တိုက်သစ် သံဃာတော်အပါး၂၀၀ အတွက် ယာနဒါန ဖိနပ်အလှူတော်

၄) သဘာဝ‌ဘေးရန် ကာလဒါနအလှူ
ငလျင်ဘေး ~
Prana Healing နှင့် မုဒိတာမေတ္တာ ကျန်းမာရေးစောင့်ရှောက်မှု၊ စိတ်ကျန်းမာရေးစောင့်ရှောက်မှု၊
ရေအလှူ၊ ဆေးဝါးအလှူ၊ အာဟာရအလှူ ၊ နေအိမ်အလှူ၊ toilet အလှူ

၅) ကျန်းမာရေးအတွက် အောက်စီဂျင်စက်များငှားရမ်းခြင်းအလှူ

၆) ကဆုန်လပြည့်နေ့
မှော်ဘီမြို့ ဆရာတော် ဦးကုသလကျောင်း နေ့ဆွမ်းကပ်ခြင်းအလှူ

၇) မန္တလေး အောင်ချမ်းသာပရိယတ္တိစာသင်တိုက်၌ သီတင်းသုံးသော သံဃာအပါး (၁၀၀)ကျော်တို့အား ကြံ‌ရည်အအေးအလှူ (ကဆုန်လပြည့် ညနေချမ်း)

၈) မန္တလေး ကန်တော်ကြီး ဓမ္မဓရဝါဆိုကျောင်း တိုက်၌ သီတင်းသုံးနေထိုင်ကြသော စာသင်သံဃာအပါး (၂၂၀)ကျော်တို့အတွက် ငလျင်ဘေးဘက်စုံအလှူငွေနှင့် သစ်သီးရေခဲမုန့်၊ ကိတ်မုန့်အလှူ

၉) မန္တလေးမြို့ ဓမ္မဓရဘာသန္တရကောလိပ်
စာသင်သား သံဃာအပါး (၂၀၀)ကျော်အတွက် ဝါဆိုသင်္ကန်းနှင့် နေ့ဆွမ်းဆက်ကပ်ခြင်းအလှူ

၁၀) မှော်ဘီမြို့ဆရာတော်ဦးကုသလကျောင်း ဝါဆိုသင်္ကန်းနှင့်‌ ကျောင်းအတွက် နဝကမ္မအလှူ

၁၁) မြို့မဂုဏ်သီလရှင်စာသင်တိုက်အတွက်
နေ့ဆွမ်းနှင့် နဝကမ္မအလှူ
ဗုဒ္ဓဂယာဘုရားဖူးခရီးစဉ်အတွက် ဆရာကြီးတစ်ပါးစာအလှူ

၁၂) အလင်းရောင်ဂေဟာရှိ ကြောင်၊ခွေး တိလေးများအတွက် အစာအာဟာရအလှူ

၁၃) မန္တလေးမြို့ ရတနာပုံကျောင်းတိုက်၌ သီတင်း သုံးနေထိုင်သော သံဃာတော်အရှင်မြတ်တို့အား ဝါဆိုသင်္ကန်းနှင့် စာရေးတံမဲအလှူ

၁၄) ဆည်းဆာရိပ် ဘိုးဘွားရိပ်သာ အဘိုးအဘွားများအတွက် တရက်စာ အာဟာရအလှူတော်

၁၅) ဗောဓိအေးငြိမ်းရိပ်သာ မြေဇင်းဝိပဿနာ တရားစခန်းအတွက် တစ်နေ့တာ အာဟာရဆွမ်းနှင့် ရေမီးအလှူတော်၊ ဝါဆိုသင်္ကန်းနှင့် တရားထိုင်ခုံများအလှူ၊ ပစ္စည်းလေးပါး လိုအပ်ရာသုံး နဝကမ္မအလှူ

၁၆) လှိုင်သာယာ (၈)ရပ်ကွက် သုဓမ္မာလမ်းတွင်ပြုလုပ်သော နိဗ္ဗာန်ဈေး‌ အလှူတော်

၁၇) ပသုံးလုံးဆရာတော်နှင့် မြေဇင်းဆရာတော်
နှစ်ပါးတို့အတွက် ဗုဒ္ဓဂယာဘုရားဖူးခရီးစဉ် အလှူ

၁၈) ဗုဒ္ဓဂါယာတွင် ဘုရားဖူးခရီးစဉ်တစ်လျှောက်ကုသိုလ်ပြု အလှူတော်များ

၁၉) မဟာမုနိဘုရားကြီးဘက်စုံပြုပြင်မွမ်းမံရေးအလှူတော်

၂၀) မစိုးရိမ်တိုက်သစ် ဓမ္မာစရိယ စာအောင်ဆုအလှူတော် (ဝါတွင်း ဝါပ လစဉ်စာ‌ဖြေကာလများ)

၂၁) ညစဉ် မေတ္တာ healing အာစိဏ္ဏကံ ကုသိုလ်

🙏 ယခုပြုပြုသမျှ တနှစ်တာ စုပေါင်းကုသိုလ်ကောင်းမှု အစုစုတို့၏ အဖို့ဘာဂကို နတ်လူအပေါင်းတို့အား အမျှပေးဝေပါသည်။

ဤအလှူမှတ်တမ်းကို မြင်တွေ့ရသူ အပေါင်းတို့သည်လည်း စိတ်နှလုံးရွှင်ပြုံးကာ "သာဓု" အကြိမ်ကြိမ် ခေါ်ဆိုနိုင်ကြပါစေသတည်း 🙏

"ဝသုန္ဒရေ ဤမြေပန်သု၊ သိလာထုလည်း၊ သက်သေအမှု တည်ပါစေသော်"

ကုသိုလ် ~ အမျှ အမျှ အမျှ ယူတော်မူကြပါ 🙏
သာဓု .... သာဓု ... သာဓု 🙏

#မြတ်သောဒါန

25/12/2025

🕊 Awakening Breath Healing Session with Ashwin

"မည်သူမဆို လွတ်လပ်စွာတက်ရောက်နိုင်ပါသည်"

ဆရာ Ashwin လမ်းညွှန်ပြသပေးမည့် စိတ်နှင့်ခန္ဓာကိုယ် အသက်ရှူခြင်းအတတ်ပညာဖြင့် မိမိကိုယ်ကို လေ့ကျင့်သင်ယူနိုင်ရန် Awakening Breathwork အစီအစဉ်မှ ကြိုဆိုပါတယ်။

ဤအစီအစဉ်သည် ဆရာ Ashwin ကိုယ်တိုင် ကျင့်ကြံအားထုတ်ထားသော Healing Method နှင့် အသက်ရှူခြင်းအတတ်ပညာ (Breathwork) ကို အသုံးပြုကာ စိတ်နှင့်ခန္ဓာကို ပြန်လည်ကုသပေးမည့် အထူးအစီအစဉ် ဖြစ်ပါသည်။

Sugato Healing Session :
"သုဂတော" ဂုဏ်တော်ဖြင့် Healing ပြုလုပ်ခြင်း

🗓 ဒီဇင်ဘာ ၂၇ _ စနေနေ့ နှင့်
ဒီဇင်ဘာ ၂၈ _ တနင်္ဂနွေနေ့

🧘‍♂️ နံနက် ၆:၃၀ မှ ၈:၃၀ နာရီ

🌿 နံနက် ( ၆:၃၀ မှ ၇:၁၅ )
Breath work session

🌿 နံနက် ( ၇:၁၅ မှ ၈:၀၀ )
"သုဂတော" ဂုဏ်တော် healing

🌿 နံနက် ( ၈:၀၀ မှ ၈:၃၀ )
Question & Answer

🌈 ကြိုတင်ပြင်ဆင်ရန် အချက်များ

အစီအစဉ်မှ အကောင်းဆုံး ရလဒ်ရရှိစေရန် ကြိုတင်ပြင်ဆင်ထားပေးပါ။

🔹နားကြပ် (Headphones/AirPods):
အသံကို ပိုမိုအာရုံစိုက်နိုင်ရန်။

🔹မျက်လုံးပိတ်ရန် အဝတ် (Eyemask): ပတ်ဝန်းကျင်အလင်းကြောင့် အာရုံမပျံ့လွင့်စေရန်။

🔹Mat / ယောဂဖျာ (Yoga Mat): လှဲအိပ်ရန် သို့မဟုတ် ထိုင်ရန် အဆင်ပြေစေမည့် အခင်း။

🔹ရေဘူးနှင့် တဘက် : ရေကို သီးသန့်ရေဘူးဖြင့် အနားတွင် အသင့်ထားရှိပါ။

⚠️ အထူးသတိပြုရန်နှင့် လိုက်နာရန်

✨ကျန်းမာရေးအရ အမောမခံနိုင်သူများ၊သွေးတိုး/နှလုံးရောဂါရှိသူများအနေဖြင့် Zoom မစတင်မီ မိမိတို့ Group တွင် ကြိုတင်အသိပေးပါ။

(အသက်ရှူအောင့်ခိုင်းချိန်တွင် မိမိအခြေအနေအရ မအောင့်နိုင်ပါက မအောင့်ပါနှင့်၊ အသက်ရှူခြင်းကိုသာ ပုံမှန်ဆက်လုပ်ပေးပါ။)

✨ မိသားစု သို့မဟုတ် ပတ်ဝန်းကျင် ပြင်ပလူများ၏ အနှောင့်အယှက်ကင်းပြီး Privacy ရှိသော နေရာတွင် တက်ရောက်ပါ။

✨ ထိုင်ကြည့်ရုံ (သို့မဟုတ်) လမ်းသွားရင်း တက်ရောက်ခွင့်မပြုပါ။

✨ အခြားသူများ၏ Privacy အရ Activities တွင် မပါဝင်ပါက Zoom Meeting မှ ဖယ်ရှား (Remove) ပြုလုပ်ခြင်း ခံရနိုင်ပါသည်။

✅ Session မစတင်မီ ဆောင်ရွက်ရန်

🌱 အစာမစားဘဲ တက်ရောက်ပါ။
(ဗိုက်ထဲတွင် ပေါ့ပါးနေစေရန်)

🌱 ဖြစ်နိုင်ပါက ရေချိုးပြီး လန်းဆန်းစွာ ပြင်ဆင်ပါ။

🌱 ဖြူစင်၍ ပေါ့ပါးလွတ်လပ်သော အဝတ်အစားများ ဝတ်ဆင်ပေးပါ။ အဖြူရောင်ဝတ်ဆင်နိုင်လျှင် ပိုမိုကောင်းမွန်ပါ သည်။

🌱 Outdoor (အိမ်ပြင်) တွင်လည်း တက်ရောက်နိုင်သော်လည်း နေပူလာပါက အရိပ်အောက်သို့ လွတ်လပ်စွာ ရွှေ့ပြောင်းနိုင်ပါသည်။

Please join the Awakening Breath Session:

Meeting ID: 832 7001 7013

Passcode: 476030

Namastae 🙏🌹

Prana Healing Myanmar
Religion to Responsibility

20/12/2025

🏵 မစိုးရိမ်တိုက်သစ် - မန္တလေး ၊ ဓမ္မာစရိယ ကျမ်းရင်းသုံးကျမ်း၊ ဝါပ အပတ်စဉ် စာမေးပွဲ၊ အပတ်စဉ် (၃) စာအောင်ပွဲ အလှူတော် 🙏

https://www.facebook.com/share/p/1Auf5MPRvK/

🙏 ပူဇော်အလှူ မြတ်‌သောဒါနကုသိုလ်

🍂 မန္တလေးမြို့၊ မစိုးရိမ်တိုက်သစ်၌ ကျင်းပ ပြုလုပ်သော ဓမ္မာစရိယ ကျမ်းရင်းသုံးကျမ်း၊
ဝါပအပတ်စဉ် စာမေးပွဲ၊ အပတ်စဉ် (၃) တွင်
စာဖြေသံဃာ (၁၀၀၀) ကျော်အနက်မှ -

ပထမ၊ ဒုတိယ၊ တတိယ ဂုဏ်ထူးတို့ဖြင့် ထူးချွန်စွာ အောင်မြင်တော်မူကြသည့် အရှင်မြတ် (၁၀) ပါးတို့အား

ဆရာ Ashwin နှင့် Prana Healing Myanmar မိသားစုဝင်များမှ

🔸 စာအောင်ထူးချွန်ဆုများ

🙏 လိုအပ်ရာသုံး နဝကမ္မအလှူ‌တော်ငွေနှင့်
🙏 ယာနဒါန ဖိနပ်အလှူကို ဆက်ကပ်လှူဒါန်းပူဇော်‌ခဲ့ကြပါသည်။

မိသားစုဝင်များလှူဒါန်းသော ဤပူဇော်အလှူဒါန ကုသိုလ်အစုစုတို့သည် သာသနာတော်အတွက် အလွန်မွန်မြတ်သော အကျိုးတရားများကို ဖြစ်ထွန်းစေပါသည်။

ဤ မွန်မြတ်သော ကုသိုလ်အဖို့ဘာဂကို မိသားစုဝင် အပေါင်းတို့အား အမျှကုသိုလ် ပေးဝေပါသည်။

"ဝသုန္ဒရေ ဤမြေပန်သု၊ သိလာထုလည်း၊ သက်သေအမှု တည်ပါစေသော်"

ကုသိုလ် ~ အမျှ အမျှ အမျှ ယူတော်မူကြပါ 🙏
သာဓု .... သာဓု ... သာဓု 🙏

🙏 မိသားစုဝင်များအားလုံးသည် ~

တရားထူး တရားမြတ်များကို လွယ်ကူသောအသိ၊ လျင်မြန်သောဉာဏ်တို့ဖြင့် အကျိုးထူးကိုရရှိခံစားနိုင်ကြပါစေ

မဂ်ဉာဏ်၊ ဖိုလ်ဉာဏ်၊ မြတ်နိဗ္ဗာန်သို့ ရောက်ရာအထောက်အပံ့ကောင်း ပညာပါရမီ ကုသိုလ်များ ဖြစ်နိုင်ကြပါစေ 🙏🙏🙏

"သံဃသဒ္ဓါယ နိဗ္ဗာနဿ ပစ္စယော ဟောတု" 🙏

အပတ်စဉ်(၁) အလှူတော်
https://www.facebook.com/share/p/16eiFVDXXR/

အပတ်စဉ်(၂) အလှူတော်
https://www.facebook.com/share/p/1GvbSmz9dP/

Prana Healing Myanmar
Religion to Responsibility

#မြတ်သောဒါန
#မစိုးရိမ်

17/12/2025

2025 Year End Gratitude Affirmation

https://youtu.be/2ZHyazNtY7M?si=Z5uKCHq9yCR4WLiF

16/12/2025

မဟာမုနိဘုရားကြီး ငလျင်ဒဏ် ဘက်စုံပြုပြင်မွမ်းမံရေးအတွက် စုပေါင်းလှူဒါန်းမှု

​မင်္ဂလာပါခင်ဗျာ🙏🌹

​မန္တလေးမြို့ရဲ့ကျက်သရေဆောင်၊ ကိုးကွယ်ရာအထွတ်အမြတ်ဖြစ်သော‌ မဟာမုနိဘုရားကြီး ငလျင်ဒဏ် ပြုပြင်မွမ်းမံရေးအတွက် ကျွန်တော်တို့ "Prana Healing မိသားစု နှင့် စေတနာရှင်များ" မှ စုပေါင်း၍ (၃,၃၅၀,၀၀၀) ကျပ်တိတိကို ပါဝင်လှူဒါန်း ကုသိုလ်ယူခဲ့ကြပါတယ်။

ယခုလို မွန်မြတ်လှတဲ့ "ဘက်စုံပြုပြင်မွမ်းမံရေး" ကုသိုလ်ကြီးမှာ ပါဝင်ခွင့်ရတဲ့အတွက် အလှူရှင်တစ်ဦးချင်းစီအစား အထူးပင် ဝမ်းသာပီတိဖြစ်ရပါတယ်။

​ဒီကောင်းမှုကုသိုလ်‌စေတနာတွေကြောင့် ပါဝင်လှူဒါန်းကြတဲ့ အလှူရှင်မိသားစုများအားလုံး ကိုယ်စိတ်နှစ်ပါး ကျန်းမာချမ်းသာပြီး ကောင်းကျိုးလိုရာဆန္ဒများ ပြည့်ဝကြပါစေကြောင်း ဆုတောင်းမေတ္တာ ပို့သအပ်ပါတယ်။

​ပြုပြုသမျှ ကုသိုလ်ကောင်းမှု အစုစုတို့ကိုလည်း ထပ်တူထပ်မျှ ရရှိခံစားနိုင်ကြပါရန် အလှူရှင်များအားလုံးနှင့်တကွ (၃၁) ဘုံသားအားလုံးကို ကုသိုလ်အမျှ ပေးဝေပါတယ်ခင်ဗျာ။

​(၃၁)ဘုံသားများ အားလုံး၊ အနန္တစကြာဝဠာတွင်
ရှိကြကုန်သော အနန္တ သတ္တဝါအားလုံး၊ ပုဂ္ဂိုလ်၊ သတ္တဝါ အားလုံးတို့အား၊ ထပ်တူ ထပ်မျှ အမျှ... အမျှ... အမျှ... ပေးဝေငှပါကုန်၏။

​"ဝသုန္ဒရေ ဤမြေပန်သု၊ သိလာထုလည်း၊ သက်သေအမှု တည်ပါစေသော်"

​အားလုံး ကုသိုလ် အမျှ... အမျှ... အမျှ...
သာဓု... သာဓု... သာဓု...။

Prana Healing Myanmar
Religion to Responsibility

https://www.facebook.com/share/p/1AMAEscATv/

#မဟာမုနိ #ဘုရားကြီး

14/12/2025

🍂🌼 စုပေါင်းကုသိုလ်ပြုရန် ဖိတ်ကြားလွှာ 🍂🌼

🍁 အလှူရှင်များအတွက် စုပေါင်းအလှူထည့်ဝင် လှူဒါန်းနိုင်ရန် ဖိတ်မဏ္ဍကပြုအပ်ပါသည်။

​၁၆-၁၂-၂၀၂၅ ရက် (အင်္ဂါနေ့)တွင် မန္တလေးမြို့ ကျက်သရေဆောင် " မဟာမုနိဘုရားကြီး " ၏ ဘက်စုံမွမ်းမံပြင်ဆင်ရေးလုပ်ငန်းများ၌ ပါဝင်ကုသိုလ်ယူနိုင်ရန်အတွက်

​ကျွန်‌တော်တို့၏ Prana Healing Myanmar မိသားစုဝင်များမှ စုပေါင်းအလှူငွေများ ထည့်ဝင်လှူဒါန်းကြမည်ဖြစ်ပါသည်။

သို့ဖြစ်ပါ၍ ဤမွန်မြတ်သော ကုသိုလ်ပြုပွဲသို့ အတူတကွ ပူးပေါင်းပါဝင် ကုသိုလ်ယူကြပါရန် လေးစားစွာ ဖိတ်ကြားအပ်ပါသည်။

📋 အစီအစဉ်အသေးစိတ်

🗓️ နေ့ရက်: ၁၆-၁၂-၂၀၂၅ ရက် (အင်္ဂါနေ့)

⏰ အချိန်: နေ့လည် (၂:၀၀) နာရီ

📍 လှူဒါန်းမည့်နေရာ: မန္တလေး မဟာမုနိဘုရားကြီး

🚩 စုရပ်: ဘုရားကြီးရင်ပြင်တော်အရှေ့ဘက်မုခ်ဦး (ရောက်ရှိပါက Admin ထံ ဆက်သွယ်ပေးပါရန်)

​ဝတ်စုံ (Dress Code): မြန်မာဝတ်စုံ (သို့) ယဉ်ကျေးသော ဝတ်စုံ (Ethnic Wear)

ကုသိုလ်ရှင် မိသားစုဝင်များအနေဖြင့် သတ်မှတ်ထားသောအချိန်တွင် စုရပ်၌ စုံညီစွာ စောင့်ဆိုင်းပေးကြပါရန် မေတ္တာရပ်ခံအပ်ပါသည်။

​Ashwin Kumar

Prana Healing Myanmar

ဆက်သွယ်ရန် :
မခင်မြတ်ကြွယ်အောင်
09 403764424

Prana Healing Myanmar
#မန္တလေး #ကုသိုလ်

14/12/2025

🌻 Prana Healing Singapore မိသားစုမှ နွေးထွေးစွာ ကြိုဆိုပါတယ်ရှင် 🌻

🍂 ဆရာ Ashwin အား ဂါရဝပြုကျေးဇူးဆပ်သောအားဖြင့် ဆရာ့ထံမှ ပညာသင်ယူခဲ့ကြသော Healer များမှ

🍂 စင်ကာပူရောက် မြန်မာမိသားစုဝင်များ စိတ်ရောကိုယ်ပါ ကျန်းမာရွှင်လန်းစေဖို့အတွက် Prana Healing ကုသိုလ်ပြု အစီအစဉ်လေးကို လစဉ် (၂) ကြိမ် ပြုလုပ်ပေးနေပါပြီ။

🍂 Singapore Healing Center အနေဖြင့် ပုံသေရက်မရှိဘဲ Client များ အဆင်ပြေဆုံးဖြစ်မည့် စနေ သို့မဟုတ် တနင်္ဂနွေ ရက်များကို ညှိနှိုင်းစီစဉ်ပေးသွားမှာ ဖြစ်ပါတယ်။

🔸ပြုလုပ်မည့်နေရာနှင့် အချိန်စာရင်း

➖➖➖➖➖➖➖➖➖➖➖➖
🗓️ စနေနေ့ ( Saturday )
➖➖➖➖➖➖➖➖➖➖➖➖
⏰ အချိန် ။ ။ 2:00 PM - 4:00 PM
🚇 MRT ။ ။ City Hall MRT
📍 နေရာ ။ ။ Shwe AKARI, Peninsula Plaza #05-41

➖➖➖➖➖➖➖➖➖➖➖➖
🗓️ တနင်္ဂနွေနေ့ ( Sunday )
➖➖➖➖➖➖➖➖➖➖➖➖
⏰ အချိန် ။ ။ 2:00 PM - 4:00 PM
🚇 MRT ။ ။ Pioneer MRT
📍 နေရာ ။ ။ Blk 649B

🍂 မိမိအဆင်ပြေမည့်ရက်ကို ကြိုတင်စာရင်းပေးသွင်းခြင်းဖြင့် Healer များနှင့် အချိန်ညှိနှိုင်းကာ စနစ် တကျ ကုသိုလ်ပြု Healing ပေးသွားမှာဖြစ်ပါ၍

အောက်ပါဖုန်း နံပါတ်များ သို့မဟုတ် Page Messenger မှတဆင့် ဆက်သွယ်၍ ကြိုတင် Booking ပြုလုပ်စာရင်းပေးသွင်းနိုင်ပါတယ်ရှင်။

📩 Booking ပြုလုပ်ရန်

Page Messenger (သို့မဟုတ်)

📞 Contact Persons:

🔹 Ma Chaw Su - 91087364
🔹 Thein Tun Aung - 93961662

💞 Healing ခံယူလိုသူများနှင့် ပါဝင်အားဖြည့်ကူညီလိုသော Healer များကိုလည်း လေးစားစွာဖြင့် ဖိတ်ခေါ်အပ်ပါတယ်ရှင် 💞

Namaste 🙏

Admin Team
Prana Healing Singapore
Religion to Responsibility

11/12/2025

🥀🌹 ဗုဒ္ဓဂါယာ (၂၀) ကြိမ်မြောက် နိုင်ငံတကာ ပိဋကတ်သုံးပုံ ရွတ်ဖတ်ပူဇော်ပွဲနှင့် Prana Healing Myanmar မိသားစုတို့၏ ကုသိုလ်ထူး

🥀🥀 ကမ္ဘာ့အမွေအနှစ်ဖြစ်သည့် အိန္ဒိယနိုင်ငံ ၊
ဗီဟာပြည်နယ်၊ ဗုဒ္ဓဂါယာရှိ မဟာဗောဓိပင်ရှိရာ ဗောဓိစေတီတော်ကြီးအတွင်း

၂၀၂၅ ခုနှစ်၊ ဒီဇင်ဘာလ (၂) ရက်နေ့မှ (၁၂) ရက်နေ့အထိကျင်းပသည့်

"International Tipitaka Chanting ,
Bodhgaya India 2025 "

နိုင်ငံတကာ ပိဋကတ်သုံးပုံ (ဝိနည်းပိဋက၊ သုတ္တန်ပိဋက၊ အဘိဓမ္မာပိဋက) တို့ကို စုပေါင်း ရွတ်ဖတ်ပူဇော်ပွဲတွင် နိုင်ငံပေါင်းစုံမှ သံဃာတော်များ၊ သီလရှင်များ၊ လူပုဂ္ဂိုလ်များ စုပေါင်းပါဝင်ခဲ့ပါသည်။

🥀 အိန္ဒိယနိုင်ငံ၊ မဟာဗောဓိလူမှုအဖွဲ့အစည်း (Mahabodhi Society of India) မှ ဦးဆောင်ကျင်းပပါသည်။

ဗုဒ္ဓသာသနာတော် သန့်ရှင်း တည်တံ့ပြန့်ပွားစေရန်နှင့် ကမ္ဘာသူ ကမ္ဘာသားအပေါင်း ငြိမ်းချမ်းစေရန်

ကမ္ဘာ့နိုင်ငံအသီးသီးမှ သံဃာတော်အရှင်သူမြတ်များနှင့် ဗုဒ္ဓဘာသာဝင် ထောင်ပေါင်းများစွာ ပါဝင်ပူဇော်‌ခဲ့ကြပါသည်။

🥀🌹 Prana Healing Myanmar မိသားစု၏ ကုသိုလ်ထူးအနေဖြင့်~

ယခုနှစ် (၂၀) ကြိမ်မြောက် နိုင်ငံတကာ ပိဋကတ်သုံးပုံ ရွတ်ဖတ်ပူဇော်ပွဲကြီးတွင် Prana Healing Myanmar မိသားစုသည် ဗုဒ္ဓဂါယာသို့ ဘုရားဖူးခရီးဖြင့် ရောက်ရှိခဲ့ရာ ပွဲတော်ကြီးနှင့် ဆုံစည်းကြုံကြိုက်၍ မွန်မြတ်သည့် ကုသိုလ်ထူးကို ရယူပူဇော်ခွင့် ရရှိခဲ့ပါသည်။

ပူဇော်ပွဲတော်ကြီး၌ ရွတ်ဆိုပါဝင်ကုသိုလ်ပြုနေကြသည့် သံဃာတော်အရှင်သူမြတ်များ၊ ယောဂီများအား နဝကမ္မ လိုအပ်ရာ ပစ္စည်းလေးပါးတို့ကို စုပေါင်းထောက်ပံ့ လှူဒါန်းခြင်းဖြင့် ကြီးမြတ်သည့် မဟာပူဇာကို ဆောင်ရွက်ခွင့်ရခဲ့ကြပါသည်။

မဟာဗောဓိပင်ရင်း၌ ပြုရသည့် ဤကောင်းမှုထူးသည် ကမ္ဘာသူ ကမ္ဘာသားအပေါင်း ကိုယ်စိတ်နှစ်ဖြာ ကျန်းမာ ချမ်းသာစေရန်နှင့် သာသနာတော်ကြီး ထာဝရ တည်တံ့ပြန့်ပွားစေရန် အဓိဋ္ဌာန်ပြု ဆုတောင်းမေတ္တာပို့သခဲ့ကြပါသည်။

ဤအလှူထမြောက်အောင်မြင်စေရန် ဦးဆောင်ပြု ပို့ဆောင်ပေး၍ ကုသိုလ် ပါရမီများ ဖြည့်ဆည်းပေးပါသော ‌ဖခင်ဆရာ Ashwin Kumar အား အထူးကျေးဇူးတင် ဂါရဝပြုအပ်ပါသည်🙏

အကြိမ် (၂၀) မြောက် နိုင်ငံတကာ ပိဋကတ်သုံးပုံ ရွတ်ဖတ်ပူဇော်ပွဲကြီး၌ ပါဝင်လှူဒါန်းခဲ့ကြသည့် Prana Healing Myanmar မိသားစုတို့၏ မွန်မြတ်လှစွာသော မဟာကုသိုလ်တော် အစုစုတို့အတွက်လည်း ကုသိုလ်အမျှပေးဝေပါသည် 🙏

(၃၁)ဘုံသားများ အားလုံး၊ အနန္တစကြာဝဠာတွင် ရှိကြကုန်သော အနန္တ သတ္တဝါအားလုံး ...

ပုဂ္ဂိုလ်၊ သတ္တဝါ အားလုံးတို့အား၊ ထပ်တူ ထပ်မျှ အမျှ အမျှ အမျှ ပေးဝေငှပါကုန်၏။

🙏🙏🙏 ဝသုန္ဒရေ ဤမြေပံသု သီလာထုလည်း သက်သေအမှု တည်ပါစေသော် ~

အားလုံး ကုသိုလ် အမျှ အမျှ အမျှ ယူတော်မူကြပါ
ဝမ်းမြောက်စွာဖြင့်...
သာဓု... သာဓု... သာဓု...🙏🙏🙏

Namaste 🌹🙏
Prana Healing Myanmar
Religion to Responsibility

#ဗုဒ္ဓဂါယာ #ပိဋိကတ် #မြတ်သောဒါန Chanting