ရွှေပြည်တန် ဆေးခန်း - Shwe Pyi Tan Clinic

07/07/2025

🛑🛑🛑🛑🛑🛑🛑🛑🛑🛑🛑🛑🛑🛑

🎯 ဗီဇပြောင်း ကိုဗစ် ၁၉ ရောဂါလက္ခဏာများ

ကိုဗစ် ၁၉ ရောဂါပိုးကူးစက်ခံရပြီး ရက်အလိုက် အောက်ပါရောဂါလက္ခဏာများခံစားရနိုင်ပါတယ်။

📣 ၁ ရက်မှ ၃ ရက်
 သာမန်အအေးမိအဖျားနှင့်ဆင်တူသည်။
 လည်ချောင်းအနည်းငယ်နာသည်။
 ဖျားနာကိုက်ခဲ ပင်ပန်းနွမ်းနယ်ခြင်းမရှိ။
 ပုံမှန်အတိုင်း အစားအသောက်မပျက်။

📣 ၄ ရက်မြောက်နေ့
 အာသီးအနည်းငယ်ယောင်သည်။
 စကားပြောလျှင် လည်ချောင်း နာလာသည်။ အစားသောက်မြိုချရာတွင် အခက်အခဲရှိသည်။
 ကိုယ်အပူအချိန်မှာ ပုံမှန်အပူချိန် 37°C ဖြစ်သည်။
 ခေါင်းအနည်းငယ်ကိုက်မည်။
 အစာအိမ်လေထမည်။ အရက်မူးသကဲ့သို့ အနည်းငယ် မူးဝေနေမည်။

📣 ၅ ရက်မြောက်နေ့
 လည်ချောင်းနာနေမည်။ ပင်ပန်းနွမ်းနယ်နေမည်။
 ကိုယ်အပူချိန် 36.5-36.7C တွင်ရှိမည်
 အဆစ်အမြစ် ကိုက်ခဲနာကျင်မည်။

📣 ၆ ရက်မြောက်နေ့
 ကိုယ်အပူချိန် 37°C အထက်ရောက်လာသည်။
 သလိပ်မထွက်သည့် ချောင်းခြောက်ဆိုးသည်။
 စကားပြောတိုင်း အစာစားတိုင်း လည်ချောင်း နာကျင်နေမည်။
 အားအင်ကုန်ခမ်းပြီး မောပန်းနွမ်းနယ်နေမည်။
 ရံဖန်ရံခါတွင် အသက်ရှူရန် အခက်အခဲဖြစ်လာမည်။
 ခြေချောင်းများ နာကျင်လာမည်။
 ဝမ်းလျှော၍ အော့အန်မည်။

📣 ၇ ရက်မြောက်နေ့
 ကိုယ်အပူချိန် 37°C အထက် ရှိလာသည်။
 ချောင်းအဆက်မပြတ်ဆိုးပြီး သလိပ်ပျစ်ပျစ်များ ထွက်နေမည်။
 ခေါင်းကိုက်ပြီး ခန္ဓာကိုယ်တစ်ခုလုံး ကိုက်ခဲနာကျင်နေမည်။
 အပြင်းအထန် ဝမ်းလျှောမည်။
 အော့အန်မည်။

📣 ၈ ရက်မြောက်နေ့
 ကိုယ်အပူချိန် 38°C အထက်ထိရောက်လာပြီး အပြင်းအထန်ဖျားလာမည်။
 အသက်ရှူရန် အခက်အခဲဖြစ်လာသည်။
 ချောင်းအဆက်မပြတ်ဆိုးမည်။
 ခေါင်းကိုက်ပြီး အဆစ်အမြစ်နှင့် ကြွက်သားများ နာကျင်မည်။
 ခြေထောက်နှင့် ခန္ဓာကိုယ်အောက်ပိုင်းတစ်ခုလုံး ကိုက်ခဲနာကျင်မည်။

📣 ၉ ရက်မြောက်နေ့
 ရောဂါအခြေအနေ အတိုးအလျော့မရှိပါ။
 အပြင်းအထန် အဖျားတက်လာမည်။
 အချို့ရောဂါလက္ခဏာများ သက်သာလာမည်။
 သို့သော် အသက်ရှူရန်အတွက် အပြင်းအထန် ကြိုးစားလာရမည်ဖြစ်သည်။

🛑 အကြံပြုချက်များ
 အပြင်သွားလျှင် မတ်(စ်)တပ်ပါ၊ လက်အိတ်ဝတ်ပါ။
 လက်ကို ဆပ်ပြာဖြင့် စက္ကန့် (၂၀) ဆေးပါ။
 တစ်ဦးနှင့်တစ်ဦး ၆ ပေအကွာနေပါ။
 ထိတွေ့ပြီးတိုင်း ပိုးသတ်ဆေးဖြင့် ဖြန်းပါ။
 လက်ဆွဲနှုတ်ဆက်ခြင်းမှ ရှောင်ကြင်ပါ။
 ထပ်ဆောင်းကာကွယ်ဆေးထိုးပါ။

📌 Pfizer Comirnaty JN1 ကိုဗစ်ကာကွယ်ဆေးအကြောင်း

💉အမေရိကန်နိုင်ငံ Pfizer Co. မှ ထုတ်လုပ်ထားသော Comirnaty JN1 ကိုဗစ်ကာကွယ်ဆေးသစ်သည် ကမ္ဘာ့ကျန်းမာရေးအဖွဲ့အစည်းကြီးမှ ၂၀၂၄- ၂၀၂၅ ခုနှစ်တွင် ထိုးနှံရန် အကြံပြုထားသော ကာကွယ်ဆေး ဖြစ်ပါတယ်။
💉လက်ရှိဖြစ်ပွားနေတဲ့ မျိုးကွဲများဖြစ်တဲ့ JN 1 မျိုးကွဲနှင့် FLiRT မျိုးကွဲတွေကို ထိရောက်စွာ ကာကွယ်ပေး နိုင်ပါတယ်။
💉အခုနောက်ဆုံးထုတ်လုပ်လိုက်တဲ့ Comirnaty JN1 ကိုဗစ်ကာကွယ်ဆေးသည် ကိုယ်ခံအားစံနစ်ကို ပြန်လည်အားဖြည့် ပေးပြီး ကိုဗစ်ဗိုင်းရပ်စ်ပိုးကို တိုက်ထုတ်ရန် ကူညီပေးနိုင်မှာ ဖြစ်ပါတယ်။ ကိုဗစ်ရောဂါ ပြင်းထန်မှုကို သိသိသာသာလျော့ချပေးနိုင်မှာ ဖြစ်ပါတယ်။
💉အသက် (၆) လနှင့်အထက် အားလုံးထိုးနှံနိုင်မှာ ဖြစ်ပြီး အသက်အရွယ်အလိုက် ဆေးရဲ့ပမာဏ ကွဲပြား သွားနိုင်ပါတယ်။
💉ကိုဗစ် ၁၉ ကာကွယ်ဆေးနောက်ဆုံးအကြိမ် ထိုးနှံပြီးစီးမှု ၃ လ (သို့) ၆ လ ပြည့်သောသူများသည် Comirnaty JN1 ကို ထပ်ဆောင်းကာကွယ်ဆေးအဖြစ် (၁) ကြိမ်ထိုးနှံနိုင်ပါတယ်။

ထိုင်းနိုင်ငံ ချူလာလောင်ကောင်ဆေးရုံနှင့် Pfizer Co. တို့၏ ထုတ်ပြန်ချက်များကို မှီငြမ်းထားပါသည်။

28/06/2025

📣 လက်မောင်းအရေပြားအောက် သန္ဓေတားပစ္စည်း "အခမဲ့" ထည့်ပေးခြင်းအစီအစဉ် 📣

📍ရပ်ရွာလူထုအသိပညာပေးလှုပ်ရှားမှု (Community Outreach Activity) အဖြစ် ၂၀၂၅ ခုနှစ် ဇွန်လ ၂၆- ၂၇ ရက်နေ့တွင် "ရွှေပြည်တန်ဆေးခန်း" နှင့် "Lydia Myanmar" တို့၏ ပူးပေါင်းစီစဉ်သော အမျိုးသမီးများအတွက် “လက်မောင်းအရေပြားအောက် သန္ဓေတားပစ္စည်း ထည့်ခြင်း” ကို အမျိုးသမီး (၁၅) ဦးအား “ရွှေပြည်တန်ဆေးခန်း” တွင် “အခမဲ့” ဆောင်ရွက်ပေးခဲ့ပါတယ်။

🏠 ဆေးခန်းလိပ်စာ - ရွှေပြည်တန်‌ဆေးခန်း၊ ၅၈ (C) လမ်း၊ ၁၉ x ၂၂ လမ်းကြား၊ နန်းရှေ့၊ အောင်မြေသာစံမြို့နယ်၊ မန္တလေးမြို့။

🤳🏼 ဖုန်း - 09-977844634, 09-2038769



#ရွှေပြည်တန်_ဆေးခန်း

10/06/2025

📣 လက်မောင်းအရေပြားအောက် သန္ဓေတားပစ္စည်း "အခမဲ့" ထည့်ပေးခြင်းအစီအစဉ် 📣 ကို ၂၀၂၅ ခုနှစ်၊ ဇွန်လ (၂၆) ရက်နေ့တွင် ဆောင်ရွက်ပေးသွားပါမည်။

📍"လက်မောင်းအရေပြားအောက် သန္ဓေတားပစ္စည်းထည့်ခြင်း" ဝန်ဆောင်မှုရယူလိုသော အမျိုးသမီးများသည် "ရွှေပြည်တန်ဆေးခန်း"သို့ လူကိုယ်တိုင်ဖြစ်စေ (သို့) ဖုန်းဖြင့်ဖြစ်စေ စာရင်းပေးသွင်းနိုင်ပါတယ်။

🏠 ဆေးခန်းလိပ်စာ - ရွှေပြည်တန်‌ဆေးခန်း၊ ၅၈ (C) လမ်း၊ ၁၉ x ၂၂ လမ်းကြား၊ နန်းရှေ့၊ အောင်မြေသာစံမြို့နယ်၊ မန္တလေးမြို့။

🤳🏼 ဖုန်း - 09-977844634, 09-2038769



#ရွှေပြည်တန်_ဆေးခန်း

📣 လက်မောင်းအရေပြားအောက် သန္ဓေတားပစ္စည်း "အခမဲ့" ထည့်ပေးခြင်းအစီအစဉ် 📣

📍ရပ်ရွာလူထုအသိပညာပေးလှုပ်ရှားမှု (Community Outreach Activity) အဖြစ် "ရွှေပြည်တန်ဆေးခန်း" နှင့် "Lydia Myanmar" တို့၏ ပူးပေါင်းစီစဉ်သော အမျိုးသမီးများအတွက် “လက်မောင်းအရေပြားအောက် သန္ဓေတားပစ္စည်း ထည့်ခြင်း” ကို ၂၀၂၅ ခုနှစ် ဇွန်လအတွင်း “ရွှေပြည်တန်ဆေးခန်း” တွင် “အခမဲ့” ဆောင်ရွက်ပေးသွားမည် ဖြစ်ပါတယ်။

📍"လက်မောင်းအရေပြားအောက် သန္ဓေတားပစ္စည်းထည့်ခြင်း" ဝန်ဆောင်မှုရယူလိုသော အမျိုးသမီးများသည် "ရွှေပြည်တန်ဆေးခန်း"သို့ လူကိုယ်တိုင်ဖြစ်စေ (သို့) ဖုန်းဖြင့်ဖြစ်စေ စာရင်းပေးသွင်းနိုင်ပါတယ်။

🏠 ဆေးခန်းလိပ်စာ - ရွှေပြည်တန်‌ဆေးခန်း၊ ၅၈ (C) လမ်း၊ ၁၉ x ၂၂ လမ်းကြား၊ နန်းရှေ့၊ အောင်မြေသာစံမြို့နယ်၊ မန္တလေးမြို့။

🤳🏼 ဖုန်း - 09-977844634, 09-2038769



#ရွှေပြည်တန်_ဆေးခန်း

09/06/2025

Shwe Pyi Tan Clinic proudly provided the flu vaccination services to staffs from MPG Mandalay Office at workplace in Mandalay on 6-6-2025.

ရွှေပြည်တန်ဆေးခန်းသည် 6-6-2025 ရက်နေ့တွင် ပြည်တွင်းကျန်းမာရေးအဖွဲ့အစည်းတစ်ခုဖြစ်သော MPG Mandalay ရုံးမှ ဝန်ထမ်းများအား လုပ်ငန်းခွင်တွင် တုပ်ကွေးကာကွယ်ဆေးထိုးပေးခြင်းကို ဂုဏ်ယူစွာဖြင့် ဆောင်ရွက်ပေးခဲ့ပါသည်။

#ရွှေပြည်တန်ဆေးခန်း

30/05/2025

📣📣📣📣📣📣📣📣📣📣📣

ကိုဗစ်ကာကွယ်ဆေး Comirnaty JN1သည်
Pfizer-BioNTechကုမ္ပဏီမှ ထုတ်လုပ်ထားသော
အိုမီခရွန်မျိုးကွဲ JN.1အတွက် အထူးပြုလုပ်ထားသည့် နောက်ဆုံးပေါ် mRNA ကာကွယ်ဆေးဖြစ်ပါသည်။

COVID-19 ဗိုင်းရပ်စ်၏ JN.1 မျိုးကွဲနှင့် အခြားအိုမီခရွန်မျိုးကွဲများကို ကာကွယ်ရန် ထုတ်လုပ်ထားပြီး ၂၀၂၃-၂၀၂၄ ခုနှစ်များအတွင်း ကမ္ဘာတစ်ဝှမ်းတွင် ပျံ့နှံ့ခဲ့သော မျိုးကွဲများကို တိုက်ထုတ်ရန် ရည်ရွယ်ပါသည်။

Comirnaty JN1 ဆေးအကြောင်း အချက်အလက်များ

1. ဆေးအမျိုးအစား
- mRNA ကာကွယ်ဆေး(Pfizer-BioNTech ၏ နည်းပညာဖြင့် ထုတ်လုပ်ထားသည်)။
- JN.1 နှင့် XBB မျိုးကွဲများအတွက် အဆင့်မြှင့်ထားသော ဆေး (updated booster)။

2. ဘယ်သူတွေ ထိုးနှံနိုင်သလဲ
- အသက် ၆ လနှင့်အထက် လူကြီး၊ ကလေးများ (နိုင်ငံအလိုက် လမ်းညွှန်ချက်ကွဲပြားပါသည်)။
- ယခင်က COVID-19 ကာကွယ်ဆေး ထိုးပြီးသူများ (booster အဖြစ်)။
- COVID-19 ပြန်ဖြစ်နိုင်ခြေမြင့်သူများ(ဥပမာ - သက်ကြီးရွယ်အို၊ နာတာရှည်ရောဂါရှိသူများ)။

3. ထိုးနှံရမည့်အကြိမ်ရေ
- Booster doseအဖြစ် **တစ်ကြိမ်** ထိုးရန် အကြံပြုထားသည် (ယခင်က ကာကွယ်ဆေး ပြည့်စုံစွာ ထိုးထားပါက)။
- ကလေးငယ်များအတွက်ကွဲပြားသော ပမာဏနှင့် အကြိမ်ရေ လိုအပ်နိုင်သည်။

4. ထိရောက်မှု
- JN.1 နှင့် XBB မျိုးကွဲများကို ကာကွယ်နိုင်မှု ပိုမိုကောင်းမွန်ကြောင်း လေ့လာချက်များအရ သိရသည်။
- ပြင်းထန်သော ရောဂါလက္ခဏာများနှင့် ဆေးရုံတက်ရောက်မှုကို လျှော့ချနိုင်သည်။

5. ဘေးထွက်ဆိုးကျိုးများ
- အခြား mRNA ကာကွယ်ဆေးများနှင့် ဆင်တူသည် (ဥပမာ - ထိုးသည့်နေရာနာခြင်း၊ မောပန်းခြင်း၊ ခေါင်းကိုက်ခြင်း၊ ဖျားခြင်း)။
- ပြင်းထန်သော ဓာတ်မတည့်မှု (allergic reaction) ရှားပါးစွာ ဖြစ်နိုင်သည်။

6. အရေးကြီးသော သတိပြုရန်အချက်များ
- ကိုယ်ဝန်ဆောင်နှင့် နို့တိုက်မိခင်များသည်ဆရာဝန်နှင့် တိုင်ပင်ပြီးမှ ထိုးသင့်သည်။
- ယခင်က COVID-19 ဆေးထိုးပြီးပါက ဤဆေးကို အနည်းဆုံး ၃-၆ လအကြာတွင် Booster အဖြစ် ထိုးနိုင်ပါသည်။

ဘာကြောင့် JN.1 အတွက် အဆင့်မြှင့်ဆေး လိုအပ်သလဲ
- JN.1 မျိုးကွဲသည် ပိုမိုလျင်မြန်စွာ ကူးစက်နိုင်ပြီးယခင်ကာကွယ်ဆေးများ၏ ထိရောက်မှုကို အနည်းငယ် ကျော်လွန်နိုင်သောကြောင့်၊ ဤအဆင့်မြှင့်ဆေးကို ထုတ်လုပ်ခဲ့ခြင်းဖြစ်သည်။

ဘယ်နေရာမှာ ရနိုင်မလဲ
-ကျန်းမာရေးဌာနများ၊ ဆေးခန်းများနှင့် ကာကွယ်ဆေးစင်တာများတွင် ရနိုင်ပါသည် (နိုင်ငံအလိုက် ဖြန့်ဖြူးမှု ကွာခြားနိုင်သည်)။

ဤဆေးသည် COVID-19 ကို 100% မကာကွယ်နိုင်သော်လည်း**၊ **ပြင်းထန်သော ရောဂါအခြေအနေများကို ကာကွယ်ရန်အထောက်အကူဖြစ်စေပါသည်။ သင့်တော်သော ကာကွယ်ဆေးထိုးနှံမှုဖြင့် မိမိကိုယ်ကိုနှင့် ပတ်ဝန်းကျင်ကို ကာကွယ်ပါ။

သတိပြုရန်
ကာကွယ်ဆေးထိုးပြီးသည့်နောက်ပိုင်းတွင်ပါ လက်ဆေးခြင်း၊ နှာခေါင်းစည်းတပ်ခြင်း၊ လူစုလူဝေးရှောင်ခြင်း** စသော ကာကွယ်ရေးနည်းလမ်းများကို ဆက်လက်ကျင့်သုံးသင့်ပါသည်။

ပိုမိုသိရှိလိုပါက သက်ဆိုင်ရာ ကျန်းမာရေးဝန်ထမ်းများနှင့် တိုင်ပင်ပါ။

ကာကွယ်ဆေးထိုးနှံခြင်းသာမက ကာကွယ်ရန်နည်းလမ်းများဖြစ်သော
✅ Mask တပ်ခြင်း
✅လက်ဆေးခြင်း
✅လူထူထူရှောင်ခြင်း
✅အဟာရပြည့်ဝစွာစား၍ အိပ်စက်အနားယူခြင်း
စသည့်လိုက်နာရန်များ လုပ်ဆောင်ရန်
တိုက်တွန်းနှိုးဆော်အပ်ပါသည်။

Credit: GP Medical Supplies

22/05/2025

📣 လက်မောင်းအရေပြားအောက် သန္ဓေတားပစ္စည်း "အခမဲ့" ထည့်ပေးခြင်းအစီအစဉ် 📣

📍ရပ်ရွာလူထုအသိပညာပေးလှုပ်ရှားမှု (Community Outreach Activity) အဖြစ် "ရွှေပြည်တန်ဆေးခန်း" နှင့် "Lydia Myanmar" တို့၏ ပူးပေါင်းစီစဉ်သော အမျိုးသမီးများအတွက် “လက်မောင်းအရေပြားအောက် သန္ဓေတားပစ္စည်း ထည့်ခြင်း” ကို ၂၀၂၅ ခုနှစ် ဇွန်လအတွင်း “ရွှေပြည်တန်ဆေးခန်း” တွင် “အခမဲ့” ဆောင်ရွက်ပေးသွားမည် ဖြစ်ပါတယ်။

📍"လက်မောင်းအရေပြားအောက် သန္ဓေတားပစ္စည်းထည့်ခြင်း" ဝန်ဆောင်မှုရယူလိုသော အမျိုးသမီးများသည် "ရွှေပြည်တန်ဆေးခန်း"သို့ လူကိုယ်တိုင်ဖြစ်စေ (သို့) ဖုန်းဖြင့်ဖြစ်စေ စာရင်းပေးသွင်းနိုင်ပါတယ်။

🏠 ဆေးခန်းလိပ်စာ - ရွှေပြည်တန်‌ဆေးခန်း၊ ၅၈ (C) လမ်း၊ ၁၉ x ၂၂ လမ်းကြား၊ နန်းရှေ့၊ အောင်မြေသာစံမြို့နယ်၊ မန္တလေးမြို့။

🤳🏼 ဖုန်း - 09-977844634, 09-2038769



#ရွှေပြည်တန်_ဆေးခန်း

09/05/2025

အောက်ပါ တီဘီရောဂါလက္ခဏာများ ခံစားနေရပါသလား❓️

🫁 ချောင်းဆိုးခြင်း
🫁 သလိပ်ထွက်ခြင်း
🫁 ကျောရင်အောင့်ခြင်း
🫁 တငွေ့ငွေ့ဖျားခြင်း
🫁 ကိုယ်အလေးချိန်လျော့ကျခြင်း
🫁 မောပန်းခြင်း

#ရွှေပြည်တန်ဆေးခန်း
#တီဘီရောဂါ

28/04/2025

🔷 Migraine ခေါင်းတခြမ်းကိုက်ခြင်း ဆိုတာဘာလဲ❓

Migraine ခေါင်းတခြမ်းကိုက်ခြင်းဆိုတာ အများအားဖြင့် ဦးခေါင်းထဲတွင် တစ်ခုခုဖြင့်ထိုးထားသလိုမျိုး ပြင်းထန်စွာ ခေါင်းတခြမ်းကိုက်ခြင်းဖြစ်ပါတယ်။ မူးဝေခြင်း၊ ပျို့အန်ခြင်း၊ အလင်းရောင်နှင့် ဆူညံသံများအား အလွန်အမင်း မခံစားနိုင်ခြင်းတို့နှင့်အတူ တွဲဖက်ဖြစ်တတ်ပါတယ်။ Migraine ခေါင်းတခြမ်းကိုက်ခြင်းသည် နာရီပေါင်းများစွာ ကြာနိုင်ပြီး သင်ရဲ့ နေ့စဉ်လုပ်ဆောင်မှုတွေကို အနှောင့်အယှက် ဖြစ်စေနိုင်ပါတယ်။

🔷 Migraine ခေါင်းတခြမ်းကိုက်ခြင်း ရောဂါလက္ခဏာတွေက ဘာ‌တွေလဲ❓

Migraine ခေါင်းတခြမ်းကိုက်ခြင်းသည် ကလေးများနှင့် ဆယ်ကျော်သက်များအပြင် အရွယ်ရောင်ပြီးသူများ တွင်လည်း ဖြစ်နိုင်ပါတယ်။ Migraine ခေါင်းတခြမ်းကိုက်ခြင်းရောဂါလက္ခဏာတွင် အဆင့် 4️⃣ ဆင့်ရှိပါတယ်။ ခေါင်းတစ်ခြမ်းကိုက်ရောဂါရှိသူတိုင်းသည် အဆင့်အားလုံး မဖြစ်နိုင်ပါ။

1️⃣ Prodrome (ပထမအဆင့်)
ခေါင်းတစ်ခြမ်းကိုက်ခြင်းမဖြစ်မီ တစ်ရက်၊ နှစ်ရက်အလိုတွင် အောက်ပါလက္ခဏာများကို သတိပြုမိနိုင်ပါတယ်။
📍ဝမ်းချုပ်ခြင်း
📍စိတ်အပြောင်းအလဲဖြစ်ခြင်း (စိတ်ဓာတ်ကျခြင်း၊ စိတ်ပျော်ရွှင်ခြင်း)
📍အစာစားချင်စိတ်ဖြစ်ပေါ်ခြင်း
📍လည်ပင်းတောင့်တင်းခြင်း
📍ဆီးသွားများခြင်း
📍မကြာခဏသမ်းခြင်း

2️⃣ Aura (ဒုတိယအဆင့်)
အချို့သူများတွင် ခေါင်းတစ်ခြမ်း မကိုက်မီ (သို့) ကိုက်နေစဉ်အတွင်း ဤအဆင့်ဖြစ်ပေါ်နိုင်ပါတယ်။ အများအားဖြင့် အမြင်အာရုံနှင့်ဆိုင်သောလက္ခဏာနှင့် အာရုံကြောလက္ခဏာများအပါအဝင် အောက်ပါလက္ခဏာများ ခံစားရနိုင် ပါတယ်။ အောက်ပါရောဂါလက္ခဏာများသည် ဖြည်းဖြည်းချင်းပေါ်လာတတ်ပြီး မိနစ်များစွာမှ တစ်နာရီခန့်အထိ ကြာနိုင်ပါတယ်။
📍မျက်လုံးအမြင်အာရုံတွင် တောက်ပသော အလင်းရောင်၊ အစက်အပျောက်များ တွေ့မြင်ရခြင်း
📍အမြင်အာရုံ မကောင်းခြင်း
📍လက် (သို့) ခြေထောက်တို့တွင် အပ်စူးသလို ခံစားရခြင်း
📍မျက်နှာ (သို့) ခန္ဓာကိုယ်တစ်ခြမ်းတွင် အားနည်းခြင်း (သို့) ထုံကျင်ခြင်း
📍စကားပြောရခက်ခြင်း

3️⃣ Attack (တတိယအဆင့်)
ခေါင်းတစ်ခြမ်းကိုက်ခြင်းသည် မကုသဘဲထားလျှင် ၄ နာရီမှ ၇၂ နာရီအထိ ကြာတတ်ပါတယ်။ လူတစ်ဦးနှင့်တစ်ဦး ခံစားရသောလက္ခဏာများ မတူညီနိုင်ပါ။ ခေါင်းတစ်ခြမ်းကိုက်ခြင်းသည် တစ်လအတွင်း အကြိမ်အနည်းငယ်မှ အကြိမ်များစွာအထိ ဖြစ်ပွားနိုင်ပါတယ်။ ခေါင်းတစ်ခြမ်းကိုက်နေစဉ် အောက်ပါအတိုင်းခံစားရနိုင်ပါတယ်။
📍အများအားဖြင့် ခေါင်းတစ်ခြမ်း နာကျင်လေ့ရှိပြီး ရံဖာရံခါ နှစ်ဖက်စလုံးနာကျင်ခြင်း
📍ခေါင်းထဲတွင်တစ်ခုခုနှင့် ထိုးထားသလို နာကျင်ခြင်း
📍အလင်း၊ အသံနှင့် တခါတရံ အနံ့နှင့် အထိအတွေ့ကို အာရုံမခံနိုင်ခြင်း
📍ပျို့အန်ခြင်း

4️⃣ Post-drome (စတုတ္ထအဆင့်)
ခေါင်းတစ်ခြမ်းကိုက်ရောဂါ ခံစားရပြီးနောက် စိတ်ရှုပ်ထွေးခြင်း ခံစားရနိုင်ပါတယ်။ တစ်ချို့သူတွေမှာ စိတ်ကြည်နူးမှုကို ခံစားရတယ်လို့ဆိုပါတယ်။ ရုတ်တရတ် ခေါင်းလှုပ်ရှားမှုကြောင့် ခဏတာ နာကျင်မှုကို ပြန်ခံစား ရနိုင်ပါတယ်။

🔷 Migraine ခေါင်းတခြမ်းကိုက်ခြင်းကို ဆိုးရွားနိုင်စေသောအကြောင်းအရင်းတွေက ဘာတွေလဲ❓

📍အမျိုးသမီးများ ဟော်မုန်းပြောင်းလဲချိန်၊ ရာသီမပေါ်မီ (သို့) ရာသီလာချိန်၊ ကိုယ်ဝန်ရှိချိန်နှင့် သွေးဆုံးချိန်၊ သန္ဓေတားသောက်ဆေးများသောက်သုံးခြင်း
📍အရည်များ - အရက်၊ ဝိုင်နှင့် ကော်ဖီကဲ့သို့သော ကဖိန်းဓာတ်များလွန်သောအရည်များ သောက်ခြင်း
📍စိတ်ဖိစီးမှု - အလုပ်တွင်ဖြစ်စေ အိမ်တွင်ဖြစ်စေ စိတ်ဖိစီးမှုများခြင်း
📍အာရုံခံစားလှုံ့ဆော်မှု - တောက်ပစူးရှသောအလင်းရောင်များ၊ ကျယ်လောင်သောအသံများ၊ ပြင်းထန်သော အနံ့များ (ရေမွှေး၊ အိမ်သုတ်ဆေး စသဖြင့်)
📍အိပ်ချိန်အပြောင်းအလဲများ - အိပ်ရေးပျက်ခြင်း (သို့) အိပ်ရေးဝဝအိပ်ခြင်း
📍ရုပ်ပိုင်းဆိုင်ရာပင်ပန်းခြင်း - လိင်ပိုင်းဆိုင်ရာလှုပ်ရှားမှုအပါအဝင် ပြင်းထန်သောကိုယ်လက်လှုပ်ရှားမှုများ
📍ရာသီဥတုပြောင်းလဲမှု - ရာသီဥတုပြောင်းလဲမှု (သို့) လေဖိအားပြောင်းလဲမှု
📍ဆေးဝါးများ - သန္ဓေတားသောက်ဆေးနှင့် သွေးကြောချဲ့ဆေးများ သောက်သုံးခြင်း
📍အစားအစာများ - ဒိန်ခဲ၊ အငံ၊ အချို လွန်ကဲသော အစားအစာများနှင့် ဟင်းချိုမှုန့် စားသုံးခြင်း

🔷 ဘယ်သူတွေမှာ Migraine ခေါင်းတခြမ်းကိုက်ခြင်းကို ပိုမိုဖြစ်စေနိုင်ပါသလဲ❓

📍 မိသားစုရာဇဝင်ရှိသောသူများ
📍အသက်အရွယ် - Migraine သည် ဆယ်ကျော်သက်အရွယ်တွင် ပထမဆုံးဖြစ်တတ်သော်လည်း အသက်အရွယ်မရွေး စတင်နိုင်ပါတယ်။ အသက် ၃၀ ပတ်ဝန်းကျင်တွင် အများဆုံးဖြစ်နိုင်ပါတယ်။
📍လိင် - အမျိုးသမီးများသည် အမျိုးသားများထက် ခေါင်းတစ်ခြမ်းကိုက်နိုင်ခြေ သုံးဆ ပိုများပါတယ်။

👩🏼‍⚕️ သင့်မိသားစုဆရာဝန်နှင့် တိုင်ပင်ပါ

သင့်တွင် ခေါင်းတခြမ်းကိုက်ခြင်းကို ပိုမိုဆိုးရွားစေနိုင်သော အကြောင်းအရင်းများနှင့် ခေါင်းတခြမ်းကိုက် လက္ခဏာများခံစားနေရပါက သင့်မိသားစုဆရာဝန်နှင့် တိုင်ပင်ပါ။

#ရွှေပြည်တန်ဆေးခန်း

22/04/2025

Shwe Pyi Tan Clinic proudly provided the flu vaccination services to staffs and family members from one of the FMCG company at workplace in Mandalay on 22-4-2025.

ရွှေပြည်တန်ဆေးခန်းသည် 22-4-2025 ရက်နေ့တွင် မန္တလေးမြို့ရှိ FMCG ကုမ္ပဏီတစ်ခုမှ ဝန်ထမ်းများနှင့် မိသားစုဝင်များအား လုပ်ငန်းခွင်တွင် တုပ်ကွေးကာကွယ်ဆေးထိုးပေးခြင်းကို ဂုဏ်ယူစွာဖြင့် ဆောင်ရွက်ပေးခဲ့ပါသည်။

#ရွှေပြည်တန်ဆေးခန်း

21/04/2025

တုပ်ကွေး (Influenza) ဆိုတာဘာလဲ ❓

တုပ်ကွေးသည် တုပ်ကွေးဗိုင်းရပ်စ်ပိုးကြောင့်ဖြစ်သော အသက်ရှူလမ်းကြောင်းဆိုင်ရာ ရောဂါတစ်မျိုးဖြစ်ပါတယ်။ ရောဂါလက္ခဏာများမှာ အဖျားတက်ခြင်း၊ ခေါင်းနှင့် ခန္ဓာကိုယ် ကိုက်ခဲခြင်း၊ ချောင်းဆိုးခြင်း၊ လည်ချောင်းနာခြင်းနှင့် နှာရည်ယိုခြင်းတို့ ဖြစ်ပါတယ်။ သင့်တွင် ကျန်းမာရေးပြဿနာတစ်ခုခုရှိနေခြင်း (သို့မဟုတ်) ကိုယ်ဝန်ရှိနေပါက ပြင်းထန်သော နောက်ဆက်တွဲပြဿနာများ ဖြစ်နိုင်ချေပိုများနိုင်ပါတယ်။ တုပ်ကွေးသည် မိုးရာသီနှင့် ဆောင်းရာသီတွင် အဖြစ်အများဆုံးဖြစ်ပြီး ကပ်ရောဂါအသွင် လူများစွာကို ဖြစ်စေနိုင်ပါတယ်။ နှစ်စဉ် တုပ်ကွေးကာကွယ်ဆေး ထိုးခြင်းသည် တုပ်ကွေးဖျားနာခြင်းကို ရှောင်ရှားရန် အကောင်းဆုံးနည်းလမ်း ဖြစ်ပါတယ်။

တုပ်ကွေးဗိုင်းရပ်စ်ပိုးဆိုတာဘာလဲ❓

Influenza ဗိုင်းရပ်စ်ပိုး က တုပ်ကွေးဖြစ်စေပါတယ်။ Influenza A, B နှင့် C သည် လူကိုကူးစက်နိုင်သော အဖြစ်အများဆုံးအမျိုးအစားများ ဖြစ်ပါတယ်။ Influenza A နှင့် B သည် ရာသီအလိုက်ဖြစ်သည့် ရာသီတုပ်ကွေး ဖြစ်စေနိုင်ပြီး ပိုမိုပြင်းထန်သောလက္ခဏာများ ဖြစ်ပေါ်နိုင်ပါတယ်။ Influenza C သည် တစ်နှစ်ပတ်လုံး ဖြစ်စေနိုင်ပြီး ပြင်းထန်သော လက္ခဏာများ ဖြစ်ပေါ်ခြင်းမရှိနိုင်ပါ။ H1N1 (ဝက်တုပ်ကွေး) နှင့် ကြက်ငှက်တုပ်ကွေး နှစ်မျိုးလုံးသည် Influenza A ၏ အမျိုးအစားခွဲများ ဖြစ်ပါတယ်။

တုပ်ကွေးက ဘယ်လိုကူးစက်ပျံ့နှံ့နိုင်ပါသလဲ❓

တုပ်ကွေးဗိုင်းရပ်စ်ပိုးသည် အလွန်ကူးစက်မြန်သောရောဂါပိုးဖြစ်ပါတယ်။ တုပ်ကွေးဗိုင်းရပ်စ်ပိုးသည် လူတစ်ဦးမှ တစ်ဦးသို့ အောက်ပါနည်းလမ်းများအတိုင်း လျင်မြန်စွာကူးစက်ပျံ့နှံ့နိုင်ပါတယ်။
(၁) တုပ်ကွေးရောဂါရှိသူက ချောင်းဆိုးခြင်း၊ နှာချေခြင်း (သို့) စကားပြောခြင်းတို့ကြောင့် ထွက်လာသော အမှုန်အမွှားများကို ရှူရှိက်မိခြင်း။
(၂) တုပ်ကွေးဗိုင်းရပ်စ်ပိုးရှိနေသော မသန့်ရှင်းသော မျက်နှာပြင်များ၊ တံခါးလက်ကိုင်များ၊ စားပွဲများ၊ ကွန်ပျူတာနှင့် ဖုန်းများကိုကိုင်တွယ်မိပြီး သင့်မျက်နှာ၊ နှာခေါင်း၊ ပါးစပ် (သို့) မျက်လုံးများကိုကိုယ်တွယ်မိခြင်း။
(၃) တုပ်ကွေးရောဂါရှိသူ၏ မျက်နှာ၊ နှာခေါင်း၊ ပါးစပ် (သို့) မျက်လုံးတို့ကို ထိတွေ့ကိုင်တွယ်မိခြင်း။

တုပ်ကွေးနှင့် သာမန်အအေးမိခြင်း ကွာခြားချက်ကဘာလဲ ❓

တုပ်ကွေးနှင့် သာမန်အအေးမိခြင်းတွင် တူညီသော ရောဂါလက္ခဏာများ ရှိနိုင်ပါတယ်။ သို့သော် အအေးမိရောဂါလက္ခဏာများသည် အများအားဖြင့် ပျော့ပျောင်းပြီး တုပ်ကွေးလက္ခဏာများသည် ပြင်းထန်နိုင်ပြီး ပြင်းထန်သော နောက်ဆက်တွဲပြဿနာများအထိ ဖြစ်နိုင်ပါတယ်။

တုပ်ကွေးရဲ့လက္ခဏာတွေက ဘာတွေလဲ❓

တုပ်ကွေး၏ အောက်ပါလက္ခဏာများသည် အများအားဖြင့် လျင်မြန်စွာပေါ်လာတတ်ပါတယ်။
(၁) ကိုယ်ပူဖျားခြင်း။
(၂) ချမ်းတုန်ခြင်း။
(၃) ခန္ဓာကိုယ်ကိုက်ခဲခြင်း။
(၄) ခေါင်းကိုက်ခြင်း။
(၅) ချောင်းဆိုးခြင်း။
(၆) လည်ချောင်းနာခြင်း။
(၇)နှာရည်ယိုခြင်း (သို့) နှာပိတ်ခြင်း။
(၈) ပင်ပန်းနွမ်းနယ်ခြင်း။
(၉) ဝမ်းလျှောခြင်း (သို့) အော့အန်ခြင်း။ (အများအားဖြင့် ကလေးများတွင်သာ)

တုပ်ကွေးရောဂါလက္ခဏာတွေကို သက်သာအောင်ဘာလုပ်သင့်သလဲ❓

အောက်ပါနည်းလမ်းများဖြင့် တုပ်ကွေးရောဂါလက္ခဏာများကို သက်သာအောင်လုပ်ဆောင်နိုင်ပါတယ်။
(၁) လုံလောက်စွာ အနားယူပါ။
(၂) ရေဓာတ်ခန်းခြောက်ခြင်းကိုကာကွယ်ရန် ဓာတ်ဆားရည်၊ ရေနှင့် ဟင်းရည်ကဲ့သို့ အရည်များသောက်ပါ။
(၃) ဖျားနာခြင်း၊ ခေါင်းကိုက်ခြင်းနှင့် ခန္ဓာကိုယ်ကိုက်ခဲခြင်းကို သက်သာစေရန် ပါရာစီတမော (Paracetamol) သောက်သုံးနိုင်ပါတယ်။
(၄) နှာရည်ယိုခြင်း (သို့) နှာစေးခြင်းတို့ကို သက်သာစေရန် Cetirixine ကဲ့သို့ ဆေးမျိုးသောက်နိုင်ပါတယ်။
(၅) ချောင်းဆိုးပျောက်ဆေးနှင့် ချွဲပျော်ဆေးများသည် သင့်ရောဂါလက္ခဏာများကို သက်သာစေနိုင်ပါတယ်။ အချို့သောဆေးဝါးများသည် လူတိုင်းအတွက် မသင့်တော်သဖြင့် နားလည်တတ်ကျွမ်းသော ကျန်းမာရေးဝန်ထမ်း (သို့) ဆရာဝန်နှင့် တိုင်ပင်ပါ။

တုပ်ကွေးရောဂါကို ဘယ်လိုကာကွယ်နိုင်မလဲ ❓

တုပ်ကွေးရောဂါကာကွယ်ရန် အကောင်းဆုံးနည်းလမ်းမှာ တုပ်ကွေးကာကွယ်ဆေးကို နှစ်စဉ်ထိုးပေးရန် ဖြစ်ပါတယ်။ တုပ်ကွေးဗိုင်းရပ်စ်ပိုးသည် အချိန်နှင့်အမျှ ပြောင်းလဲနိုင်သောကြောင့် နှစ်စဉ်ကာကွယ်ဆေးထိုးရန် လိုအပ်ပါတယ်။

ကာကွယ်ဆေးထိုးခြင်းအပြင် အောက်ပါနည်းလမ်းများလိုက်နာခြင်းဖြင့် တုပ်ကွေးဖြစ်နိုင်ခြေကို လျော့ချနိုင်မှာ ဖြစ်ပါတယ်။
(၁) လက်ကို ဆပ်ပြာနှင့်ရေ အသုံးပြု၍ မကြာခဏဆေးပါ။ အရက်ပျံပါသော လက်သန့်ဆေးကို သုံးနိုင်ပါတယ်။
(၂) နှာချေ ချောင်းဆိုးသည့်အခါတိုင်း နှာခေါင်းနှင့် ပါးစပ်ကို ဖုံးအုပ်ထားပါ။ တံတောင်ဆစ်ကွေး (သို့) တစ်ရှူးထဲကို ချောင်းဆိုး၊ နှာချေပါ။
(၃) တုပ်ကွေး (သို့) အခြားကူးစက်ရောဂါများ ဖျားနာနေချိန်တွင် လူစုလူဝေး ရှောင်ကြဉ်ပါ။
(၄) အကယ်၍ သင်သည် နေမကောင်းဖြစ်ပြီး အခြားသူများနှင့် မရှောင်နိုင်ပါက Mask တပ်ပါ။
(၅) သင့်မျက်နှာ၊ မျက်လုံး၊ နှာခေါင်းနှင့် ပါးစပ်တို့ကို သင့်လက်နဲ့ မထိမိပါစေနှင့်။
(၆) အစားအစာ (သို့) စားသုံးရန် အသုံးအဆောင်များ (ခက်ရင်း၊ ဇွန်း၊ ခွက်) ကို အခြားသူများနှင့် မမျှဝေပါနှင့်။

💉💉💉💉💉💉💉💉💉💉💉💉💉
ရာသီတုပ်ကွေး ကာကွယ်ဆေးဆိုတာ ဘာလဲ❓

ကမ္ဘာ့ကျန်းမာရေးအဖွဲ့ (WHO) က နှစ်စဉ်ကမ္ဘာ့‌‌‌ဒေသအသီးသီးတွင် ဖြစ်ပွားနိုင်သော တုပ်ကွေးရောဂါဗိုင်းရပ်စ်ပိုး မျိုးကွဲများကိုသတ်မှတ်၍ ယင်းမျိုးကွဲများကို ကာကွယ်နိုင်သော ကာကွယ်ဆေးကို ဆိုလိုပါတယ်။

တုပ်ကွေးကာကွယ်ဆေးထိုးခြင်းဖြင့် မည်သည့်အကျိုးကျေးဇူးများရနိုင်ပါသလဲ❓

မြန်မာနိုင်ငံတွင် မိုးဦးနှင့် မိုးတွင်းကာလ (ဧပြီလမှ စက်တင်ဘာလ) တွင် ရာသီတုပ်ကွေးအဖြစ်များပြီး၊ တုပ်ကွေးကြောင့် ပြင်းထန်အဆုတ်ရောင်ဂါဖြစ်ပွားခြင်း၊ အသက်သေဆုံးခြင်းများ ဖြစ်ပေါ်နိုင်ပါတယ်။ တုပ်ကွေးကာကွယ်ဆေးထိုးခြင်းသည် တုပ်ကွေးရောဂါဖြစ်ပွားနိုင်ခြေကို လျှော့ချခြင်း၊ ဆေးရုံတက်ကုသခြင်းနှင့် တုပ်ကွေးဆက်စပ်သေဆုံးနိုင်ခြေကိုပင်လျှော့ချပေးခြင်းအပါအဝင် အကျိုးကျေးဇူးများစွာရှိကြောင်း တွေ့ရှိရပါတယ်။

မြန်မာနိုင်ငံတွင် ထိုးနှံသင့်သော တုပ်ကွေးကာကွယ်ဆေးအမျိုးအစားက ဘာလဲ❓

မြန်မာနိုင်ငံပါဝင်သော ကမ္ဘာ့တောင်ဘက်ခြမ်း တုပ်ကွေးရာသီသည် ယေဘူယျအားဖြင့် ဧပြီလမှ စက်တင်ဘာလအထိဖြစ်ပါတယ်။ အောက်ပါတုပ်ကွေးမျိုးစိတ် 4️⃣ မျိုးကို ကာကွယ်နိုင်သော ကမ္ဘာ့တောင်ဘက်ခြမ်း တုပ်ကွေးကာကွယ်ဆေး (Influenza vaccine SH2025) ကို ထိုးနှံရမှာ ဖြစ်ပါတယ်။
1️⃣ A/Victoria/4897/2022 (H1N1) pdm09-like strain
2️⃣ A/Croatia/10136RV/2023 (H3N2)-like strain
3️⃣ B/Austria/1359417/2021 like strain
4️⃣ B/Phuket/3073/2013 like strain

တုပ်ကွေးကာကွယ်ဆေးကို ဘယ်အချိန်မှာ ထိုးသင့်ပါသလဲ❓

မြန်မာနိုင်ငံတွင် တုပ်ကွေးရာသီသည် ဧပြီလမှ စက်တင်ဘာလအထိ ဖြစ်သော‌ကြောင့် ယင်းကာလမတိုင်မှီ ထိုးနှံထားသင့်ပါတယ်။

တုပ်ကွေးကာကွယ်ဆေးကို ဘယ်နှစ်ကြိမ် ထိုးနှံဖို့လိုပါသလဲ❓

နှစ်စဉ်တုပ်ကွေးရာသီမတိုင်ခင် တစ်ကြိမ်ထိုးနှံရပါမည်။ အသက် (၉)နှစ်အောက်ကလေးများတွင် ယခင်နှစ်က ထိုးနှံခဲ့ဖူးပါက တစ်ကြိမ်သာထိုးနှံရန်လိုအပ်ပါတယ်။ ယခင်ထိုးနှံခဲ့ဖူးခြင်းမရှိပါက ပထမအကြိမ်ထိုးပြီး တစ်လအကြာတွင် ဒုတိယအကြိမ်ထိုးနှံရန်လိုအပ်ပါတယ်။ အသက် (၉)နှစ်အထက်ဆိုပါက တစ်ကြိမ်သာ ထိုးနှံရန်လိုအပ်ပါတယ်။

တုပ်ကွေးကာကွယ်ဆေးကို ဘယ်သူတွေထိုးနှံသင့်ပါသလဲ❓

တုပ်ကွေးကာကွယ်ဆေးကို အသက် (၆) လအထက်မှစ၍ လူတိုင်းထိုးနှံသင့်ပါတယ်။ မဖြစ်မနေထိုးသင့်သူများက
(၁) အသက် (၆၅)နှစ်အထက်လူကြီးများ
(၂) ကိုယ်ဝန်ဆောင်မိခင်များ
(၃) အသက် (၆) လအထက် ကလေးသူငယ်များ
(၄) နာတာရှည်ရောဂါရှိသူများ (ကျောက်ကပ်၊ သွေးတိုး၊ ဆီးချို‌၊ နှလုံးရောဂါ)
(၅) COVID ရောဂါဖြစ်ပွားထားပြီး အဆုတ်မကောင်းသူများ
📍(အသက် ၆ လအောက်ကလေးငယ်များ တုပ်ကွေးကာကွယ်ဆေးထိုးနှံရန် မလိုအပ်ပါ)📍

ဘယ်သူတွေမှာ မထိုးနှံသင့်ပါသလဲ❓

အရင်နှစ်ကာကွယ်ဆေးထိုးချိန်တွင် ဆေးဓါတ်မတည့်ခြင်းဖြစ်ပေါ်ခဲ့ဖူးသူများမှာ တုပ်ကွေးကာကွယ်ဆေး မထိုးနှံသင့်ပါ။

#ရွှေပြည်တန်ဆေးခန်း

General Practitioner & Public Health Consultant

18/04/2025

မြန်မာသက္ကရာဇ် ၁၃၈၇ ခုနှစ် နှစ်သစ်မှစ၍ မြန်မာပြည်သူအပေါင်း ဘေးအန္တရာယ်အသွယ်သွယ် ကင်းဝေးပါစေကြောင်း ဆုမွန်ကောင်းတောင်းလိုက်ပါတယ်။ ရွှေပြည်တန်ဆေးခန်းမိသားစုရဲ့ ဒီနေ့ ၁၈-၄-၂၀၂၅ မှာ ပြုလုပ်ခဲ့တဲ့ နှစ်သစ်မျှဝေခြင်းပုံရိပ်လေးတွေပါ။

#ရွှေပြည်တန်ဆေးခန်း

12/04/2025

Announcement 📢

#ရွှေပြည်တန်ဆေးခန်း