14/10/2025
မျက်လုံးကျန်းမာရေးဆိုတာ မျက်စိအားဆေးတွေ၊ ဖြည့်စွက်စာတွေသောက်ရုံနဲ့ ပြည့်စုံလုံလောက်တာမျိုး မဟုတ်ပါဘူး။ နေ့စဉ်ဘဝမှာ မှန်ကန်တဲ့အလေ့အကျင့်ကောင်းတွေကို တည်ဆောက်မှသာ ရေရှည်အတွက် အကျိုးရှိမှာပါ။ ဒါကြောင့် မျက်လုံးကိုကာကွယ်စောင့်ရှောက်ဖို့ မဖြစ်မနေ လိုက်နာသင့်တဲ့အချက်တွေကို ဖော်ပြပေးလိုက်ပါတယ်။ 👇
၁။ မျက်စိစစ်ဆေးမှု ပုံမှန်ပြုလုပ်ပါ
မျက်လုံးနဲ့ပတ်သက်တဲ့ ပြဿနာအများစုဟာ အစောပိုင်းမှာဘာလက္ခဏာမှမပြဘဲ ရှိနေတတ်ပါတယ်။ မျက်စိဆရာဝန်နဲ့ပုံမှန်ပြသပြီး စစ်ဆေးခြင်းက ရောဂါမဆိုးခင်ကြိုတင်သိရှိပြီး ကုသနိုင်ဖို့ အရေးကြီးပါတယ်။
၂။ အာဟာရပြည့်စုံအောင် ဂရုစိုက်ပါ
ဟင်းသီးဟင်းရွက်နဲ့ သစ်သီးဝလံတွေမှာ ပါဝင်တဲ့ Lutein, Zeaxanthin, Omega-3s, ဗီတာမင် A/C/E စတဲ့ အာဟာရဓာတ်တွေဟာ မျက်လုံးအတွက် အကောင်းဆုံးပါပဲ။ အထူးသဖြင့် အစိမ်းရောင်ဟင်းရွက်၊ အသီးအနှံ၊ ကြက်ဥ၊ ငါးနဲ့ အစေ့အဆန်တွေကို အဓိကထားစားသုံးပါ။
၃။ ခန္ဓာကိုယ်ကျန်းမာရေးကို ဂရုစိုက်ပါ
မျက်လုံးဆိုတာ ခန္ဓာကိုယ်အတွင်းပိုင်းကျန်းမာရေးနဲ့ ပတ်သက်ဆက်နွယ်နေပါတယ်။ သွေးတွင်းသကြားဓာတ် ၊ သွေးပေါင်ချိန် ၊ ကိုလက်စထရောတွေကို ထိန်းသိမ်းပါ။ ဆေးလိပ်ဖြတ်ပါ။
၄။ စနစ်တကျ Screen ကြည့်ပါ
ဖုန်း၊ ကွန်ပျူတာစတဲ့ Screen တွေကို ကြည့်တဲ့အခါ ၂၀-၂၀-၂၀ စည်းမျဉ်း (မိနစ် ၂၀ ကြာတိုင်း ပေ ၂၀ အကွာအဝေးကို စက္ကန့် ၂၀ ကြာ ကြည့်ခြင်း) ကိုလိုက်နာပါ။ အလင်းအမှောင် ချိန်ညှိပါ၊ စာလုံးအရွယ်အစားကြီးပါ၊ မျက်တောင်ခဏခဏ ခတ်ပေးပါ။
၅။ ခရမ်းလွန်ရောင်ခြည်နဲ့ ထိခိုက်ဒဏ်ရာကနေ ကာကွယ်ပါ
အပြင်ထွက်တဲ့အခါ UVA/UVB ကို ၉၉–၁၀၀% ကာကွယ်မှုပေးနိုင်တဲ့ နေကာမျက်မှန်ကို တပ်ဆင်ပါ။ ၊ အားကစားလုပ်တဲ့အခါ၊ မျက်လုံးခိုက်မိနိုင်တဲ့အလုပ် လုပ်တဲ့အခါ အကာအကွယ်မျက်မှန် အသုံးပြုပါ။
အခုပြောခဲ့သလိုမျိုး ဂရုစိုက်နေထိုင်ခြင်းက မျက်စိကျန်းမာရေးအတွက် အမှန်တကယ်ထိရောက်တဲ့နည်းလမ်းတွေပဲဖြစ်လို့ မျက်စိအားဆေးသောက်တာတစ်ခုတည်းနဲ့ မလုံလောက်ပါကြောင်း သတိပြုနိုင်အောင်မျှဝေလိုက်ပါတယ်။
🏨- ရွှေအလင်းရောင် (ရိုတို) မျက်စိအထူးကုဆေးရုံ
၆၂လမ်း နှင့် ၁၀၂လမ်း (ပိတောက်လမ်း)ထောင့်၊
မြို့သစ်(၁)ရပ်ကွက်၊ချမ်းမြသာစည်မြို့နယ်၊မန္တလေးမြို့။
☎️ - 09-424118808, 09-766566815
09-944458885 , 09-944468886
#ရွှေအလင်းရောင်ရိုတိုမျက်စိအထူးကုဆေးရုံ
