https://www.facebook.com/690438461102615/

Community Center-Mandalay, Mandalay (2025)

16/05/2021

မန္တလေးလူထုနေရာ ( Mandalay Community Center)
ဖျက်သိမ်းကြောင်း အသိပေးကြေညာခြင်း
=========================
၅.၂.၂၀၂၁

၁။မန္တလေးလူထုနေရာ (Mandalay Community Center) သည် ၂၀၁၅ ခုနှစ်မှ စတင်ဖွင့်လှစ်ခဲ့ပြီး လူမှုဖွံ့ဖြိုးရေးလုပ်ငန်းများကို လုပ်ဆောင်နေသော လူမှုအဖွဲ့အစည်းများ အတွက် စုံရပ်နေရာ၊ ကျောင်းသားလူငယ်များအတွက် အပြန်အလှန်မျှဝေသင်ယူနိုင်သော နေရာအဖြစ်(၆) နှစ်တာ အကောင်ထည်ဖော်ဖွင့်လှစ်ခဲ့ပါသည်။

၂။ ၂၀၂၀ ခုနှစ် ဧပြီလမှစတင်၍ Covid 19 ကူးစက်ရောဂါ ကြောင့် မန္တလေးလူထုနေရာကို ခေတ္တပိတ်ထားခဲ့ရပါသည်။ ယခုအခါ နိုင်ငံရေးမတည်ငြိမ်မှုများကြောင့် ဆက်လက်ဖွင့်လှစ်နိုင်ရန် အခက်အခဲများစွာ ရှိနေပါသည်။ သို့ဖြစ်ပါသောကြောင့် မန္တလေး လူထုနေရာ (Mandalay Community Center) ကို အပြီးတိုင် ဖျက်သိမ်းလိုက်ကြောင်း အသိပေး ကြေငြာအပ်ပါသည်။

မန္တလေးလူထုနေရာ

28/01/2021

မင်္ဂလာပါခင်ဗျ
လူငယ်များအတွက် လေ့လာသင်ယူခြင်းနှင့်
မျှဝေခြင်း အစီအစဉ်ကနေ ကြိုဆိုပါတယ်

ဒီတစ်ပတ်မှာတော့ ပြည်ပနိုင်ငံများကို ပညာသင်သွားဖို့ စဉ်းစားထားတဲ့ လူငယ်တွေအတွက် နောက်ထပ် အကျိုးရှိစေမယ့် စကားဝိုင်းတစ်ခုဖြစ်မှာပါ။ ဒီတစ်ခေါက်စကား ဝိုင်းလေးမှာတော့ စင်ကပူနိုင်ငံမှာ ပညာသင်ကြား ရတဲ့အတွေ့အကြုံတွေနဲ့ လူမှုပတ်ဝန်းကျင်မှာ မိမိ နိုင်ငံနဲ့ မတူဘဲ ကြုံတွေ့ရ အတွေ့အကြုံလေးတွေကို မျှဝေပေးသွားမှာဖြစ်သလို လူငယ်တွေအနေနဲ့ ကြိုတင်ပြီး ပြုပြင်ပြောင်းလဲသင့်တဲ့ အရာတွေကိုလဲ အတွေ့အကြုံ နဲ့ယှဉ်ပြီး
မျှဝေပေးသွားမှာ ဖြစ်ပါတယ်။
ဒီတစ်ခေါက် အစီအစဉ်မှာ ဦးဆောင်မျှဝေပေးသွားမဲ့ သူကတော့ မဇူးဇူးစန္ဒီကျော်ဘဲဖြစ်ပါတယ်။
မဇူးဇူးစန္ဒီကျော် ဟာဆိုရင် Singapore Psb Institute ရှိ Coventry University (UK) မှာ Business & Marketing Bachelor Degree တို့ကို နောက်ဆုံးနှစ်ကျောင်းသူအဖြစ် တက်ရောက်လေ့လာနေတဲ့သူတစ်ယောက်လည်း ဖြစ်ပါတယ်။

ဒါကြောင့် အတွေ့အကြုံရှိသူ လူငယ်တစ်ယောက်မှ မျှဝေပေးသွားမှာ ဖြစ်တဲ့အတွက် သူငယ်ချင်းတို့အတွက်သင်ယူမှု အသစ်တွေရလိမ့်မယ်လို့ မျှော်လင့်ပါတယ်။

ဒီစကားဝိုင်းလေးကို စိတ်ဝင်စားရင်ဖြင့် မည်သူမဆို ဝင်ရောက် ဆွေးနွေးနိုင်ပါတယ်။ စကားဝိုင်းလေးကိုတော့ အွန်လိုင်း အက်ပလီကေးရှင်းဖြစ်တဲ့ Zoom ကနေ အောက်ပါအစဉ်အတိုင်းပြုလုပ်သွားမှာဖြစ်ပါတယ်။

ဦးဆောင်ဆွေးနွေးမည့်သူ - မဇူးဇူးစန္ဒီကျော်
အချိန် - ည (၇) နာရီမှ (၈) နာရီခွဲအထိ
နေ့ရက် - ၃၀.၁.၂၀၂၁
နေရာ - Zoom Application only

တိုက်ရိုက်ဝင်ရောက်ရန်လင့် -

Join Zoom Meeting
https://us02web.zoom.us/j/89169628179?pwd=RytRY04vR3YxNXBtbDlGc202YUFpZz09

Meeting ID: 891 6962 8179
Passcode: 482755

28/01/2021

ရပ်/ကျေး အုပ်ချုပ်ရေးမူးများအဖြစ် ရွေးချယ်ခံပိုင်ခွင့်မရှိသောသူများ
========================

၂၀၁၂/၂၀၁၃ ခုနှစ်မှ စတင်၍ ရပ်/ကျေး အုပ်ချုပ်ရေးမှူးအဖြစ်တာဝန်ယူခဲ့သူများနှင့် ၂၀၁၇ ခုနှစ် ရပ်ကျေးအုပ်ချုပ်ရေးမှူးများဟာ တာဝန်ယူခဲ့သူများ ဆက်တိုက်(၂)ကြိမ် တာဝန်ယူခဲ့သူများဖြစ်သောကြောင့် ၊ ၂၀၂၁ ခုနှစ်တွင် ပြုလုပ်မည် ရပ်/ကျေးအုပ်ချုပ်ရေးမှူးများရွေးချယ်ပွဲတွင် ဝင်ရောက်ရွေးချယ်ခံခွင့်မရတော့ပါ ။

(((ရပ်ကျေးရွေးကောက်ပွဲ၊ ဥပဒေနှင့်ဆက်စပ်သည့် အချက်အလက်များကို သိလိုပါက Action Committee for Democracy Development Page ကို like/follow လုပ်ထားကြဖို့ ပန်ကြားပါတယ်)))

တတိယအကြိမ် ပြင်ဆင်ပြဌာန်းလိုက်သည့် ရပ်ကွက် သို့မဟုတ် ကျေးရွာအုပ်စု အုပ်ချုပ်ရေးမှူး ဥပဒေ အခန်း(၄) ပုဒ်မ ၉(က) အရ

"ရပ်ကွက်သို့မဟုတ်ကျေးရွာအုပ်စုအုပ်ချုပ်ရေးမှူး၏သက်တမ်းသည် သာမန်အားဖြင့် နိုင်ငံတော်သမ္မတ၏ ရာထူးသက်တမ်းအတိုင်းဖြစ်သည် ။
ယင်းသက်တမ်းသည် တစ်ဆက်တည်း နှစ်ကြိမ်ထက်မပိုစေရ။
သို့ရာတွင်အုပ်ချုပ်ရေးမှူးသက်တမ်း၏ထက်ဝက်ထက်မပိုသောကြားဖြတ်တာဝန်ယူသည့်ကာလကို ရာထူးသက်တမ်းတစ်ခုဟု မသတ်မှတ်ရ"

လို့ ပြဌာန်းထားသည့်အတွက် တာဝန်ယူထားဆဲ ရပ်/ကျေးအုပ်ချုပ်ရေးမှူးမှ အကြောင်းတစ်ခုခုကြောင့် မရှိ / နား / ထုတ်/သေ သောအခါ ကြားဖြတ်တာဝန်ယူလိုက်ရသော အုပ်ချုပ်ရေးမှူးသည် ရွေးချယ်ပွဲလုပ်သည့် ခုနှစ်ကို မရေတွက်ရဘဲ နိုင်ငံတော်သမ္မတ၏ စတင်တာဝန်ယူသည့် ခုနှစ်ကို ဘဲ ရေတွက်ရမှာဖြစ်ပါတယ် ။

နိုင်ငံတော်သမ္မတ ဦးသိန်းစိန် ၂၀၁၁ ခုနှစ် မတ်လ(၃၀)ရက်မှ စတင်တာဝန်ယူပါတယ် ၊ နိုင်ငံတော်သမ္မတ ဦးထင်ကျော်ဟာ၂၀၁၆ မတ်လ(၃၀)မှာ တာဝန်ယူပါတယ် ၊ ရပ်ကျေးအုပ်ချုပ်ရေးမှူးများကိုတော့ ၂၀၁၂ / ၂၀၁၃ နှစ်မှာ တစ်ကြိမ် ၂၀၁၅ ခုနှစ်မှာ တစ်ကြိမ် ၊ ၂၀၁၇ ခုနှစ်မှာ တစ်ကြိမ် စုစုပေါင်း ၃ ကြိမ် ရွေးချယ်ခဲ့ပါတယ် ။

အကျဉ်းချုပ်ပြောရရင် ၂၀၁၁ ခုနှစ်မှ ၂၀၂၁ မတ်လထိ ဆက်တိုက် တာဝန်ယူခဲ့သော ရပ်ကျေးအုပ်ချုပ်ရေးမှူးများဟာ ၂၀၂၁ ခုနှစ် အုပ်ချုပ်ရေးမှူးအဖြစ် ရွေးချယ်ခံခွင့် ဥပဒေအရ မဖြစ်နိုင်တော့ပါဘူး ။

ဒါပေမဲ့ “အုပ်ချုပ်ရေးမှူးသက်တမ်း၏ ထက်ဝက်ထက်မပိုသော ကြားဖြတ်တာဝန်ယူသည့်ကာလကို ရာထူးသက်တမ်းတစ်ခုဟု မသတ်မှတ်ရ”လို့ ပါရှိသည့်အတွက် ၂၀၁၁ ခုနှစ် မတ်လ(၃၀)ရက် မှ ၂၀၁၆ ခုနှစ် မတ်လ(၃၀)ရက် သမ္မတတစ်ဦး သက်တမ်းကာလဖြစ်တဲ့အတွက် အကြမ်းအားဖြင့် ၂၀၁၃ ခုနှစ် ဩဂုတ်လ(၃၀)ရက်နေ့ဟာ သမ္မတတစ်ဦး၏ သက်တမ်းတစ်ဝက်ကာလ ဆိုရမှာဖြစ်ပါတယ်။ အကြောင်းတစ်ခုခုကြောင့် ၂၀၁၃ ခုနှစ် စက်တင်ဘာလနှင့် နောက်ပိုင်းကာလများမှာ တာဝန်ယူလိုက်ရတဲ့ ရပ်/ကျေးအုပ်ချုပ်ရေးမှူးများဟာ ဆက်လက်ရွေးချယ်ခံခွင့်ရှိပါတယ် ။

ရပ်/ကျေး ဥပဒေ အခန်း(၈) နှုတ်ထွက်ခွင့်ပြုခြင်း ၊ တာဝန်မှယာယီရပ်ဆိုင်းခြင်း ၊ သို့မဟုတ် ရပ်ဆဲခြင်းနှင့်အစားထိုးခန့်အပ်ခြင်း ပုဒ်မ ၁၆ (က) တွင် ရပ်ကွက်သို့မဟုတ် ကျေးရွာအုပ်စုအုပ်ချုပ်ရေးမှူးတစ်ဦးဦးသည် ပုဒ် ၁၅ ပုဒ်မခွဲ(ခ) (ဂ) နှင့် (စ) ပါ ပြဌာန်းချက်အရ တာဝန်မှ ရပ်ဆဲခံရပါက တစ်ဆက် တစ်စပ်တည်းဖြစ်သော သက်တမ်းနှစ်ကြိမ်တွင် ပါဝင်ရွေးချယ်ခံခွင့်မရရှိစေရ ဟုပြဌာန်းထားသည်ကို တွေ့ရှိရပါတယ် ။

ပုဒ်မ ၁၅ (ခ) အခန်း(၅)ပါ စောင့်ထိန်းရမည့်ကျင့်ဝတ် တစ်ရပ်ရပ်ကို ဖောက်ဖျက်ခြင်း ။

အခန်း(၅) စောင့်ထိန်းရမည့်ကျင့်ဝတ်များ
=========================

ပုဒ်မ ၁၁ ရပ်ကွက် သို့မဟုတ် ကျေးရွာအုပ်စု အုပ်ချုပ်ရေးမှူးသည် လုပ်ငန်းတာဝန်များကို ဆောင်ရွက်ရာတွင် အောက်ပါကျင့်ဝတ်များနှင့်အညီ ကျင့်သုံးဆောင်ရွက်ရမည် ။

(ခ) လုပ်ပိုင်ခွင့်ကို အလွှဲသုံးစားပြုခြင်း ၊ အရှိန်အဝါကိုအသုံးပြုခြင်း မသမာမှုပြုခြင်းနှင့်မလျော်ဩဇာသုံးခြင်းတို့မှရှောင်ကြဉ်ခြင်း ၊

(ဂ) ဥပဒေနှင့်အညီပေးအပ်သောလုပ်ငန်းတာဝန်များကို ကြေပွန်စွာထမ်းဆောင်ခြင်း ။

ပုဒ်မ ၁၅ (စ) ဤဥပဒေ အခန်း(၃)တွင် ပြဌာန်းထားသော ရပ်ကွက်သို့မဟုတ် ကျေးရွာအုပ်စု အုပ်ချုပ်ရေးမှူး၏အရည်အချင်းပျက်ယွင်းခြင်း ။

အခန်း ၃ ရပ်ကွက်သို့မဟုတ် ကျေးရွာအုပ်စု အုပ်ချုပ်ရေးမှူး၏အရည်အချင်းများ
===========================
(က) နိုင်ငံသားမိဘမှမွေးဖွားသော နိုင်ငံသားဖြစ်ခြင်း ။ (ဧည့်/ပြု နိုင်ငံသားများ မပါ)
(ခ) အသက် ၂၅ နှစ်ပြည့်ပြီးသူဖြစ်ခြင်း ။
(ဂ) သက်ဆိုင်ရာရပ်ကွက်သို့မဟုတ်ကျေးရွာအုပ်စုအတွင် တစ်ဆက်တည်း အနည်းဆုံး ၅ နှစ် နေထိုင်လျက်ရှိသူဖြစ်ပြီး လက်ရှိတာဝန်ထမ်းဆောင်ချိန်တွင် သက်ဆိုင်ရာရပ်ကွက်သို့မဟုတ်ကျေးရွာအုပ်စုအတွင်
အမှန်တကယ်နေထိုင်သူဖြစ်ခြင်း ။
မှတ်ချက် ။ အငြိမ်းစားဝန်ထမ်းဖြစ်ပါက သက်ဆိုင်ရာရပ်ကွက်သို့မဟုတ်ကျေးရွာအုပ်စုအတွင် တစ်ဆက်တည်း (၂)နှစ် နေထိုင်သူကို ထည့်သွင်းစဉ်းစားနိုင်သည် ။
(ဃ) ရပ်ရွာက ကြည်ညိုလေးစားပြီး သိက္ခာသမာဓိရှိသူဖြစ်ခြင်း ။
(င) ပေးအပ်သည့်တာဝန်ကို ထမ်းဆောင်နိုင်သူဖြစ်ခြင်း ။
(စ) နိုင်ငံတော်နှင့်ရပ်ရွာ၏အကျိုးကို ထက်သန်စွာဖြင့်ထမ်းဆောင်ရန် ဆန္ဒရှိသူဖြစ်ခြင်း ။
(ဆ) အတူနေမိသားစုဝင်များလည်း အကျင့်စာရိတ္တကောင်းမွန်ပြီး ရိုးသားဖြောင့်မတ်သူများဖြစ်ခြင်း ။
(ဇ) တာဝန်ထမ်းဆောင်ဆဲ နိုင်ငံ့ဝန်ထမ်းမဟုတ်ခြင်း ။
(ဈ) လက်နက်ကိုင်အဖွဲ့အစည်းဝင်မဟုတ်ခြင်း ၊ မတရားအသင်းအဖွဲ့များ၌ ပါဝင်သူ ဆက်သွယ်သူမဟုတ်ခြင်း ။
တို့ဖြစ်ပါတယ် ။

ပုဒ်မ ၁၆ (က) အရ ရပ်/ကျေး အုပ်ချုပ်ရေးမှူးများ တာဝန်ယူထားဆဲ သက်တမ်းတစ်ခု၏ ကျန်ကာလအတွက် အရေးယူအပြစ်ပေးခံရပါက လက်ကျန်သက်တမ်းကာလ တစ်ခုနှင့် နောက်သက်တမ်း(၅)နှစ်တွင် ရွေးချယ်ခံခွင့်မရှိဘူးဆိုတာ တွေ့ရှိရပါတယ် ။

28/01/2021

20/01/2021

အမျိုးတို့ရေ..🙌

ရပ်/ကျေး ဥပဒေ ၊ နည်းဥပဒေပါ ပြဌာန်းချက်တွေနဲ့ လက်ရှိ ရပ်ကျေးရွေးကောက်ပွဲအခြေအနေတွေအကြောင်း သိကောင်းစရာတွေကို

🔰⏰ မနက်ဖြန် နေ့လည် (၁) နာရီ အွန်လိုင်းပေါ်ကနေ မျှ‌ေ၀ပေးသွားပါမယ်။

စိတ်၀င်စားသူတွေ၊ မေးမြန်းလိုသူတွေ ၀င်ရောက် Join ပြီး သိချင်တာ မေးပါ၊ ဆွေးနွေးပါ၊ အဖြေရှာပါ စို့လား၊

Topic: ရပ်ကျေးရွေးကောက်ပွဲ သိကောင်းစရာ အဖြေရှာ
Time: Jan 21, 2021 01:00 PM Rangoon

Join Zoom Meeting
https://us02web.zoom.us/j/84739426387

Meeting ID: 847 3942 6387

Action Committee for Democracy Development နှင့် Ayeyarwady Youth Network တို့ ပူးပေါင်းစီစဥ် တင်ဆက်ပါတယ်။ 😊

18/01/2021

အရပ်ဘက်လူမှုအဖွဲ့အစည်းများအတွက်
အားယူစရာ ဆင်ချင်စရာ

18/01/2021

ရပ်ကွက် (သို့မဟုတ်) ကျေးရွာအုပ်စု အုပ်ချုပ်ရေးမှူးများ ရွေးချယ်မှု စံလုပ်ငန်းလမ်းညွှန် (SOP)

18/01/2021

17/01/2021

ခြေလှမ်းသစ်မြန်မာ သုတေသနစစ်တမ်း အစီရင်ခံစာမိတ်ဆက်ပွဲ (http://bit.ly/nextstepslaunch)

နေ့ရက် - ၂၀၂၁ ဇန်နဝါရီလ ၂၂ ရက်
အချိန် - ညနေ ၄ နာရီ (မြန်မာစံတော်ချိန်)

မြန်မာနိုင်ငံရဲ့ လှုမှုရေးနဲ့ နိုင်ငံရေး ဖွံ့ဖြိုးတိုးတက်မှုကဏ္ဍတွေမှာ ကျောင်းသား လူငယ်မျိုးဆက်တိုင်းဟာ သိသာထင်ရှားတဲ့ ပါ၀င်လှုပ်ရှားမှုတွေ ရှိခဲ့ပါတယ်။ ဒီလိုပါ၀င်မှုတွေဟာ ဒီနေ့အချိန်ထိ ရှိနေပါသေးသလား?
လူမှုဘ၀ပြောင်းလဲရေးတွေမှာ ပါ၀င်လှုပ်ရှားဖို့အတွက် ဘယ်လိုအကြောင်းအရာတွေက လူငယ်တွေအပေါ် လွှမ်းမိုးလှုံ့ဆော်နေပါသလဲ?
ဘယ်လို ပြုပြင်ပြောင်းလဲမှုတွေကို လူငယ်ထုက မျှော်လင့်ပါသလဲ?

ဒီလိုအကြောင်းအရာတွေအပါအ၀င် မြန်မာနိုင်ငံလူငယ်ထုရဲ့ အသံ၊ အမြင်သဘောထားတွေနဲ့ပတ်သက်ပြီး ပိုမိုသိရှိလိုတယ်ဆိုရင်တော့ ဇန်နဝါရီ ၂၂ ရက်နေ့မှာ ကျင်းပပြုလုပ်မယ့် ခြေလှမ်းသစ်မြန်မာ သုတေသနစစ်တမ်း အစီရင်ခံစာမိတ်ဆက်ပွဲကို တက်ရောက်ဖို့ ဖိတ်ခေါ်လိုက်ပါတယ်။

မိတ်ဆက်ပွဲကို မြန်မာဘာသာစကားဖြင့် ပြုလုပ်မှာဖြစ်ပါတယ်။

📌 ပိုမိုသိရှိရန်နဲဲ့ တက်ရောက်ရန်ဆန္ဒရှိပါက ဤလင့်ခ် (http://bit.ly/nextstepslaunch) တွင် ဇန်နဝါရီလ ၂၁ ရက်နေ့ မနက် ၉ နာရီ နောက်ဆုံးထား၍ စာရင်းသွင်းပါ။

ခြေလှမ်းသစ်မြန်မာသည် မျိုးဆက်သစ် မြန်မာ သုတေသနစာတမ်း မှရရှိလာသော တွေ့ရှိချက်များကို အခြေခံ၍ "ပိုမိုနက်နဲသော လေ့လာမှု" ပြုလုပ်မည့်စာစဉ်များထဲမှ ပထမဆုံးသောသုတသေနဖြစ်ပါသည်။ ခြေလှမ်းသစ်မြန်မာ သည် လူငယ်တို့၏ လူမှုလှုပ်ရှားမှုနှင့် နိုင်ငံရေးတွင်ပါ၀င်မှုတို့တွင် ၎င်းတို့၏ ပြောင်းလဲနေသော ပတ်သက်ဆက်နွယ်မှု ကိုပိုမို နားလည်စေရန် ရည်ရွယ်ပြီး လူငယ်များနိုင်ငံရေးနှင့် လူမှုပြောင်းလဲရေးများ လုပ်ဆောင်ရာတွင် မည်သို့ ချဥ်းကပ်ဆောင်ရွက်နေသည်ကို စမ်းစစ်လေ့လာထားပါသည်။

မျိုးဆက်သစ်မြန်မာ သုတေသနအရ လူငယ်တို့ နိုင်ငံရေး တွင် ပါဝင်ရန် စိတ်အား ထက်သန်မှုရှိသော်လည်း အသက်အရွယ်အပိုင်းအခြား၊ ကိုယ်ပိုင် စိစစ်ဆုံးဖြတ်မှု တို့အပေါ် မိဘတို့၏ လွှမ်းမိုးမှုနှင့် လုပ်ရိုးလုပ်စဉ်များ သည် လူငယ်များအတွက် ကျော်လွှားရခက်သော အခက်အခဲများ ဖြစ်နေကြောင်း တွေရှိခဲ့ပါသည်။ သို့သော်လည်း မြန်မာနိုင်ငံတွင် ပြောင်းလဲနေသော လူမှုရေး နှင့် နိုင်ငံရေး လှုပ်ရှားမှုများ၊ တိုးတက်လာသောနည်းပညာအသစ်များ၊ ပြင်ပ လွှမ်းမိုးမှုများ နှင့် ဝိသေသလက္ခဏာအသစ် ပေါ်ပေါက်လာမှုများသည် လူငယ်တို့၏ လူမှုရေး နှင့် နိုင်ငံရေးပါဝင်လှုပ်ရှားမှုများကို ပြန်လည် ပုံသွင်း ပြောင်းလဲပေးလျက်ရှိပါသည်။
ခြေလှမ်းသစ် မြန်မာ လေ့လာချက်သည် ထိုပြောင်းလဲမှုကို လူငယ်တစ်ဦးချင်းစီ၏ အတွေ့အကြုံများကို အခြေခံပြီး Gender ၊ လူမှုရေးရာအခြေအနေ၊ ကိုးကွယ်ယုံကြည်မှု၊ ဇာတိမျိုးနွယ် နှင့်ပက်သက်သော ကိစ္စရပ်များ သာမက မြန်မာနိုင်ငံအတွက်လူငယ်တို့ တွေ့မြင်လိုသည့် တိုးတက်ပြောင်းလဲမှုမျိုး အပေါ်အလေးအနက်ထား၍ အားလုံးပါဝင် ကိုယ်စားပြုသောနည်းလမ်းများ ဖြင့် စူးစမ်းလေ့လာထားပါသည်။

ဗြိတိသျှကောင်စီနှင့် VSO မြန်မာ တို့မှ UK Foreign, Commonwealth and Development office ၏ ကူညီပံ့ပိုးမှုဖြင့် ခြေလှမ်းသစ် မြန်မာအစီရင်ခံစာကို မိတ်ဆက်ပေးခွင့်ရရှိသည့်အတွက် အလွန် ဝမ်းမြောက်မိပါသည်။ ဤအစီရင်ခံစာကို မြန်မာနိုင်ငံတစ်ဝှမ်းမှလူငယ်များ၏ အနီးကပ်အကြံဉာဏ်ပေးခြင်းများနှင့်အတူ Conflict Management Consulting အဖွဲ့ မှ ပြုလုပ်ခဲ့ပါသည်။

------------------------------------------

Next Steps Myanmar Report Launch
Date: 22 January 2021
Time: 4 p.m. (Myanmar time)

Youth participation in social change in Myanmar

For generations, students and young people have made a significant and lasting contribution to Myanmar’s social and political development. But is this still true today? Which factors motivate young people to get involved in social change? What kinds of transformation do they want to see?

Join us at the Next Steps Myanmar report launch on 22 January to explore the findings and insights into young people working for positive social change in Myanmar.

The launch will be held in Myanmar language.

📌 To find out more, please register here - http://bit.ly/nextstepslaunch by 9 a.m. on 21 January.

Next Steps Myanmar is the first in a series of ‘deep dive’ enquiries into issues raised by the Next Generation research. The study examines how young people organise in their pursuit of social and political change and aims to better understand young individuals’ relation to social activism and political participation.

Next Generation found that parental influence, conventions around age and self-censorship were stubborn constraints on young people’s political participation, despite their enthusiasm to take part. However, changing social and political practices, new technologies, outside influence and the emergence of new identities are reshaping youth social and political participation in Myanmar.

The Next Steps study explores this change in an inclusive and representative way, grounded in the specific experiences of individuals and paying attention to issues of gender, social status, religion and ethnicity, and to the type of change they want to see in Myanmar.

British Council and VSO Myanmar are delighted to introduce Next Steps Myanmar, with the support of the UK Foreign, Commonwealth and Development office. Research was undertaken by Conflict Management Consulting, in close consultation with a task force of young people from across Myanmar.

16/01/2021

Australia Awards Scholarships 2022😍

နှစ်စဉ် နိုင်ငံတကာ ကျောင်းသားများကို 100% ပညာသင်ဆု ပေးအပ်တဲ့ Australia Awards Scholarships 2022 ခုနှစ်အတွက် လာမည့် February 1 ရက်နေ့မှ စတင်ပြီး လျှောက်ထားနိုင်ပါပြီ။AAS လျှောက်ထားဖို့ သိထားသင့်သော စည်းမျဉ်းစည်းကမ်း တစ်ချို့

၁. လျှောက်ထားသူသည် မြန်မာနိုင်ငံသား ဖြစ်ရပါမည်။

၂. April 30 မတိုင်ခင် အသက် ၂၅ နှစ် ပြည့်ပြီးသူ ဖြစ်ရပါမည်။

၃. အလုပ်အတွေ့အကြုံ ၂ နှစ် ရှိထားရပါမည်။

၄. Post Graduate Program များသာ လျှောက်ထားနိုင်ပါသည်။ Undergraduate Program များ လျှောက်ထားလို့ မရသေးပါ။

၅. လျှောက်ထားသည့် အချိန်တွင် IELTS/ TOEFL/ PTE တို့ မလိုအပ်သေးသော်လည်း

လျှောက်ထားပြီး ရရှိပါက University ၀င်ခွင့်အတွက် လိုအပ်ပါမည်။

၆. မိမိ လေ့လာခဲ့သော ဘာသာရပ် အလုပ်အတွေ့အကြုံနှင့် နီးစပ်သော ဘာသာရပ်ကို လျှောက်ထားပါက ရရှိနိုင်ခြေ များပါသည်။

၇. အင်တာဗျူး အတွက်ရွေးချယ် ခံရသူသည် IELTS မရှိလည်း အင်တာဗျူးကို ဖြေရမည်ဖြစ်ပြီး အကယ်၍ မိမိမှာ စကောလားရှစ်အတွက် ရွေးချယ်ခံရပါသော်လည်း အင်္ဂလိပ်စာ အားနည်းနေပါက ၆ လ သင်တန်းကို အခမဲ့ ထားပေးပါသည်။

၈. လျှောက်ထားရမည့် Deadline မှာ April 30, 2021 ဖြစ်ပါသည်။

စကောလားရှစ်နှင့် ပတ်သက်ပြီး အသေးစိတ် သိရှိလိုပါက အောက်ပါလင့်ခ်မှတစ်ဆင့် လေ့လာနိုင်ပါသည်။

Scholarship Link - [https://www.dfat.gov.au/.../myanmar-information-for-intake](https://www.dfat.gov.au/about-us/publications/myanmar-information-for-intake?fbclid=IwAR0-WJJK2snYfFLeyqzqRM459S6zTB5DgX8o44Eex-c7GPz1iYTbGIMYBAQ)

Official Website - [https://www.dfat.gov.au/.../australia-awards-scholarships](https://www.dfat.gov.au/people-to-people/australia-awards/Pages/australia-awards-scholarships?fbclid=IwAR3kfmjoq9SY5rIp2MhQtGn3B2-H7M_rLM2xa8lX5CxclqF6H9OI1vtjbN4)

How to apply - [http://dfat.gov.au/.../how-to-apply-for-an-australia...](https://l.facebook.com/l.php?u=http%3A%2F%2Fdfat.gov.au%2Fpeople-to-people%2Faustralia-awards%2FPages%2Fhow-to-apply-for-an-australia-awards-scholarship.aspx%3Ffbclid%3DIwAR0rYnsKJQdcPaiC6BhSBkBNVw2agzmkA6OVoubOj_CB8ufBuWYV5IR9lZg&h=AT3BQioWUBneqF5380SKYBd0ar6vdtvgeJXmwkfIXkcmxQOum8zUXFmxPlUeY6efa619BhNDPKD7evI7HBlvmsVBKMMrF6MJYyoV7T1gtx3uLh7y07YvdkxaMS26zS266A&__tn__=-UK-R&c[0]=AT2zcMJd0UojMD3l6LyncTjrTQuV6qzH8c52DPbU8DgUlHCqFm-4b4uw78VR7PgTBit9br5vtska2zOVhTHLnxMsWebYKOp0SAUb8Cr_3jd1zZMbyzd-FYRsCnfpLCRuuD_WQzs9BatZrkmFu59cQSaT3T7rhuJXSVtcZdkMTdJlQ3KEk3N8lCc)

လျှောက်ထားနိုင်သော ဘာသာရပ်များ

🔹 Education and Training

🔹 Education Management

🔹 Human Resources Development

🔹 Peace, Humanitarian Support

🔹 Disaster Management

🔹 Development Studies

🔹 Public Policy

🔹 International Relations

🔹 Economics

🔹 Business

🔹 Agriculture, Governance and Natural Resource Management

🔹 Mining

🔹 Gender equity

🔹 Climate Change

• Education (education policy, quality assurance and statistics, student learning assessment, education economics, technical and vocational education and training (TVET), curriculum studies)

• Human resource development (public administration, human resource management, labour market economics, information management)

• Trade and private sector development (economics, financial analysis, international business, infrastructure, trade policy, public policy, tax, energy engineering, mining)

• Gender equality, social inclusion and human rights (gender, disability, development, international human rights law, peace/conflict)

• Regional stability (international relations, diplomacy, transnational crime)

• Environment and natural resources (natural resource management, water resources, climate change, disaster risk management, environment, conservation)

• Public Health (epidemiology, public health,

health security, health economics, disease control, bio

security)

PS : အေဂျင်စီများမှ တစ်ဆင့် လျှောက်ထားလို့ မရပါ။ မိမိကိုယ်တိုင် လျှောက်ထားရပါမည်။

Credit: original uploader

15/01/2021

မိတ်ဆွေများရှင့်

ကချင်ဒေသရှိ ပညာရေး နယ်ပယ်များမှ မိတ်ဆွေများစုပေါင်းစီစဉ်သည့် "၂၀၂၀ အလွန်တွင် ပြည်သူများ သိရှိနားလည်သင့်သည့် အကြောင်းအရာများကို ဖလှယ်ခြင်း" အစီအစဉ်၏ ဆဌမအကြိမ်အဖြစ် အောက်ပါ အတိုင်း ပြုလုပ်မည်ဖြစ်ပါ၍ မည်သူမဆို ပါဝင်နိုင်ကြောင်း လေးစားစွာဖိတ်ကြားအပ်ပါသည်။

ခေါင်းစဉ်။ ။ "ကိုဗစ်ကပ်ရောဂါ ကာလအတွင်း / အလွန် ဒေသအခြေပြုပညာရေးနည်းစနစ်များအပေါ်သက်ရောက်မှုများ နှင့် သင်ယူလေ့လာခြင်းနည်းလမ်းများကို ရှာဖွေခြင်း"

နေ့စွဲ။ ။၁၆ ရက် ဇန္နဝါရီလ ၂၀၂၁ (စနေနေ့)
အချိန်။ ။ညနေ ၇ - ၉ နာရီ

ပါဝင်ဆွေးနွေးမည့်သူများ

၁။ Naw Aung (ကိုပီတိ) သဘာ၀ပတ်၀န်းကျင်ချစ်မြတ်နိုးသူ

၂။ Thant Zin Soe ကလေးစာရေးဆရာနှင့် ပုံပြောသူ

၃။ Nhkum Seng Hkawn -Principal, Naushawng Community School(NCS)

၄။ Shae Pa - Program Manager (Education), Ningshawng Social Institute (NSI)

၅။ Nhkum Lazing Zau Seng - Education Consultant

Zoom Link
https://us02web.zoom.us/j/5138919415?pwd=dFdPZW56bW83RWlSRDQ2NkxmTHZlQT09
Meeting ID: 513 891 9415
Passcode: 2468

Facebook Live:
https://www.facebook.com/KachinPeaceNetwork
https://www.facebook.com/cccIDPsNOW

15/01/2021

Mandalay Community Center မှ လူထုအသိပညာပေးခြင်းအစီအစဉ်များအားအကြောင်းအရာအမျိုးမျိုးဖြင့် ပြုလုပ်ပေးလေ့ရှိရာ ယခုတစ်ပတ်တွင် လူငယ်များအတွက်ရည်ရွယ်သော Knowledge Sharing Session အား လူငယ်များနှင့်အတူ ပြုလုပ်သွားမည်ဖြစ်ပါတယ်ရှင်။

✔ သင်ဟာ နိူင်ငံရပ်ခြားမှာသွားရောက်ပညာသင်ကြားရန် ရည်ရွယ်ထားပါသလား။
✔ Scholarship များရရှိနိူင်ရန် ကြိုးစားနေသူတစ်ဦး ဖြစ်ပါသလား။
✔ အထူးသဖြင့် Australia နိူင်ငံသို့သွားရောက်ပညာသင်ကြားလိုပြီး Australia နိူင်ငံ၏ ပညာရေးကို စိတ်ဝင်စားသူတစ်ယောက်လား။
ဒါဆိုရင်တော့ ဒီတစ်ပတ်မှာ ပြုလုပ်မည့် Knowledge Sharing Session လေးအား ဝင်ရောက်လေ့လာဆွေးနွေးပါရန် ဖိတ်ခေါ်ပါတယ်ရှင်။

🎤 ဦးဆောင်ဆွေးနွေးမည့်သူ - မထက်ယမုံအောင်

မထက်ယမုံအောင်သည် ယခုလက်ရှိအချိန်တွင် Australia နိူင်ငံ Melbourne မြို့ရှိ University of Melbourne ၌ Linguists and Applied Linguistic အား Major subject, Environmental Studies အား Minor Subject အနေဖြင့် သင်ယူနေသူဖြစ်ပါတယ်။

ယခုအစီအစဉ်တွင်- မထက်ယမုံမှ Scholarship ရရှိရန်ပြင်ဆင်ခဲ့ပုံများ ၊မသွားရောက်မီ ကြုံတွေ့ခဲ့ရသောအခက်အခဲများ၊ ပညာသင်ကြားနေစဉ်ကြုံတွေ့ရသော အခက်အခဲများ၊ စိန်ခေါ်မှုများ ၊ပြင်ဆင်ထားသင့်သည်များကို ဝေမျှပေးသွားမှာဖြစ်ပြီး မိမိတို့ သိရှိလိုသော မေးခွန်းများအားလည်း မေးမြန်းဆွေးနွေးနိူင်မှာ ဖြစ်ပါတယ်ရှင်။

Date – 16.1.2021
Time – 4:00 – 5:30 P.M ( Yangon Time )
Place – Zoom
တိုက်ရိုက်ဝင်ရောက်နိူင်ရန်လင့် - https://us02web.zoom.us/j/83085003132?pwd=aFlTOFh6WjJzaUs2WGFBYjcwNndOQT09 1

14/01/2021

Educational Initiatives’ Leadership Academy

ခေါင်းဆောင်မှုအကယ်ဒမီ (Leadership Academy) ကို တက်ရောက်နိုင်ဖို့ လျှောက်လွှာတင်ရန် ၄ ရက်တာ ကျန်ပါတေ့ာသည်။ ဇန်နဝါရီလ (၁၈) သည် လျှောက်လွှာတင်ဖို့ နောက်ဆုံးရက်ဖြစ်ပါသည်။

ယခုသင်တန်းသည် အလွန်စိတ်ဝင်စားဖွယ်ကောင်းပြီး လူငယ်များအတွက် အလွန်အသုံးဝင်သော သင်တန်းဖြစ်ပါသည်။

ရွေးချယ်ခံရသူများအနေဖြင့် အောက်ပါအရည်အချင်းနှင့် စွမ်းရည်များ သင်ယူရရှိမည်ဖြစ်ပါသည်။

- မိမိ၏ ခေါင်းဆောင်မှုစွမ်းရည်များကို မြင့်တင်နိုင်မည်

- ကမ္ဘာ့နိုင်ငံရေး ခေတ်ရေစီးကြောင်းများ၊ ကမ္ဘာ့စီးပွားရေးနှင့် လူထုအခြေပြုလှုပ်ရှားမှုများကို နိုင်ငံတကာ ကျွမ်းကျင်ပညာရှင်များဖြင့် လေ့လာဆည်းပူးနိုင်မည်။

- မိမိ အင်္ဂလိပ်စာ စွမ်းရည်ကို မြင့်တင်နိုင်မည်။

- မြန်မာ့နိုင်ငံရေးနှင့် လူအဖွဲ့အစည်းဆိုင်ရာ အရေးကြီးသော ဆွေးနွေးမှုများကို မြန်မာ့အရေးကျွမ်းကျင်သူများနှင့် ပညာရှင်များဖြင့် လေ့လာဆည်းပူးခွင့်ရမည်ဖြစ်ပါသည်။

နောက်ဆုံးရက်ထိ မစောင့်ဘဲ အမြန်ဆုံးလျှောက်လွှာတင်ကြဖို့ တိုက်တွန်းလိုပါသည်။

အသေးစိတ် သတင်းအချက်အလက်များ အောက်ပါ လင့်မှ ဖတ်ရှုရန် (အသေးစိတ် ဖတ်ရှုဖို့ တိုက်တွန်းလိုပါသည်) - https://drive.google.com/file/d/1K6bdPWKp8c7Sl6ghqwWgPPH9OmB_zsg-/view?usp=sharing

လျှောက်လွှာကို ယခုလင့်မှ ဖြည့်စွက်ရန် - https://forms.gle/DXce4isjyNt3MJ129

There are five more days to apply for the Leadership Academy. Deadline is on Monday, Jan 18. It will be very interesting and useful course.

Participants will have opportunity to practice several important leadership skills, with help of mentors and course teacher to develop their social impact & community organizing project ideas, to learn and practice English and to have a very serious lectures and discussion about global trends in politics and economy, as well as important lectures and discussions about Myanmar politics and society.

Google form: apply with this link: https://forms.gle/DXce4isjyNt3MJ129

Details information: https://drive.google.com/file/d/1K6bdPWKp8c7Sl6ghqwWgPPH9OmB_zsg-/view?usp=sharing

08/01/2021

#ယုံကြည်ရာ_ဝိုင်းတော်သားရှာဖွေခြင်း

၁။ ကျနော်တို့ ယုံကြည်ရာဟာ “ငြိမ်းချမ်း၍ သာယာဝပြောသော ဒီမိုကရေစီ မြန်မာနိုင်ငံတော်” ဆိုတဲ့ အန္တိမမျှော်မှန်းချက်ချမှတ်ကာ မန္တလေးမြို့မှာ အခြေစိုက် ဆောင်ရွက်နေတဲ့ အရပ်ဖက်လူ့အဖွဲ့အစည်းတစ်ရပ် ဖြစ်တယ်။ (ယုံကြည်ရာအကြောင်း အသေးစိတ်ကို အသင်း Website ဖြစ်တဲ့ www.yonekyiyar.org နဲ့ Facebook စာမျက်နှာ https://www.facebook.com/YoneKyiYarKnowledgePropagationSociety တို့မှာ လေ့လာကြည့်ရှုနိုင်ပါတယ်)

၂။ ယခု ကျနော်တို့နဲ့ အတူလက်တွဲဆောင်ရွက်ဖို့ အောက်ဖော်ပြပါ ဝိုင်းတော်သားများ ရှာဖွေနေပါတယ်။

❏ စီမံချက်အရာရှိ (Project Officer) - ၁ ဦး

❏ အိုင်စီတီအရာရှိ (ICT Officer) - ၁ ဦး

▬▬▬▬▬▬

စီမံချက်အရာရှိ (Project Officer)

(က) ဝန်ထမ်းအမျိုးအစား။ စီမံချက်ဝန်ထမ်း

(ခ) အစီအစဉ်/စီမံချက်။ အုပ်ချုပ်မှုနှင့် စီးပွားရေးဖွံ့ဖြိုးတိုးတက်မှု အစီအစဉ် (Program of Governance and Economic Development)

(ဂ) လုပ်ငန်းသဘောသဘာဝ။ ယုံကြည်ရာ၏ ပင်မအစီအစဉ်တစ်ရပ်ဖြစ်သော “အုပ်ချုပ်မှုနှင့် စီးပွားရေးဖွံ့ဖြိုးတိုးတက်မှု အစီအစဉ်” အောက်တွင် ဆောင်ရွက်မည့် စီမံချက်လုပ်ငန်းများတွင် ပါဝင်ဆောင်ရွက်ရမည်။ စီမံချက်အရာရှိသည် မိမိတာဝန်ယူဆောင်ရွက်ရမည့် စီမံချက်ကို ပြင်ဆင်ရေးဆွဲရာတွင် စီမံချက်မန်နေဂျာကို ပံ့ပိုးကူညီရမည်။ စီမံချက်ကို သတ်မှတ်ကာလအတွင်း ပြီးမြောက်ပြီး ချမှတ်ထားသော ရည်မှန်းချက်များကို အရည်အသွေးရှိရှိ ပြည့်မီအောင် အကောင်အထည်ဖော်ဆောင်ရွက်ရန် တာဝန်ရှိသည်။

(ဃ) အရည်အချင်း။ အနိမ့်ဆုံးအားဖြင့် တက္ကသိုလ်အဆင့်ပညာရေး ရောက်ရှိသူဖြစ်ရမည်။

(င) ကြီးကြပ်သူ။ အစီအစဉ်မန်နေဂျာ/စီမံချက်မန်နေဂျာ

(စ) လစာကို လူတွေ့အင်တာဗျူးအဆင့်တွင် ညှိနှိုင်းဆွေးနွေးမည်။

▬▬▬▬▬▬

အိုင်စီတီအရာရှိ (ICT Officer)

(က) ဝန်ထမ်းအမျိုးအစား။ အမြဲတမ်းဝန်ထမ်း

(ခ) လုပ်ငန်းသဘောသဘာဝ။ ယုံကြည်ရာ၏ အိုင်စီတီဌာနတွင် တာဝန်ထမ်းဆောင်ရမည်။ ကွန်ပြူတာ၊ အင်တာနက်နည်းပညာနှင့် ဆက်သွယ်ရေးဆိုင်ရာ ကိစ္စရပ်များ၊ အချက်အလက်ထိန်းသိမ်းခြင်းနှင့် စီမံခြင်းကိစ္စရပ်များ ဆောင်ရွက်ရမည်။ Photoshop, Excel စသည်တို့ကို ကျွမ်းဝင်လိမ္မာရမည်။

(ဂ) အရည်အချင်း။ အနိမ့်ဆုံးအားဖြင့် တက္ကသိုလ်အဆင့်ပညာရေး ရောက်ရှိသူဖြစ်ရမည်။

(ဃ) ကြီးကြပ်သူ။ လုပ်ငန်းမန်နေဂျာ

(င) လစာကို လူတွေ့အင်တာဗျူးအဆင့်တွင် ညှိနှိုင်းဆွေးနွေးမည်။

▬▬▬▬▬▬

၃။ ယုံကြည်ရာဟာ “လွတ်လပ်မှု၊ နိုင်ငံသားကောင်းစိတ်ဓာတ်၊ အသိပညာ” တို့ကို နှုန်းစံတန်ဖိုးများအဖြစ် စွဲကိုင်ထားပြီး ယုံကြည်ရာ ဝိုင်းတော်သားဖြစ်ဖို့ဆို အဖွဲ့နဲ့ ခံယူချက် ရင်ဘတ်ချင်း နီးဖို့က အရေးကြီးလှတဲ့ လိုအပ်ချက်ဖြစ်ပါတယ်။

၄။ ဒီအလုပ်တာဝန်များကို စိတ်ပါဝင်စားရင် အောက်ပါ Google Form Link ကနေ လျှောက်ထားပါ။ ရုံးအီးမေးလ်ကို ပေးပို့ လျှောက်ထားလို့လည်း ရပါတယ်။ အီးမေးလ်ကတစ်ဆင့် လျှောက်တဲ့အခါ လိုအပ်ချက်တွေကတော့-

(က) ပတ်စပို့ ဓာတ်ပုံ တစ်ပုံ

(ခ) မိမိ ကိုယ်ရေးအကျဉ်း (Curriculum Vitae)

(ဂ) မိမိ ဘာကြောင့် ဒီအလုပ်ကို လျှောက်ထားရတယ်၊ ဘာ့ကြောင့် ခန့်အပ်သင့်တယ် စတာတွေကို ဖော်ပြရေးသားထားတဲ့ စာတစ်စောင် (Cover Letter)။

Google Form Links–

စီမံချက်အရာရှိ။ {https://forms.gle/t2unr5zBNdiKYQB99}

အိုင်စီတီအရာရှိ။ {https://forms.gle/6K7hn5RzoAAWSy66A}

Email Address – info@yonekyiyar.org, tayzarsan@yonekyiyar.org

၅။ လျှောက်ထားလာသူတွေထဲက ပဏာမအဆင့် ရွေးချယ်ခံရသူတွေကိုပဲ လူတွေ့အင်တာဗျူးအတွက် ဖုန်းဆက်ပါမယ်။ ဒါ့ကြောင့် ဖုန်းဆက်မလာပါက ဒီတစ်ခေါက် မပါသေးဘူးလို့ပဲ သဘောရပါ။

၆။ ပဏာမအဆင့် ရွေးချယ်ခံရသူများနဲ့ ရက်ညှိနှိုင်းကာ အင်တာဗျူးကို အပြင်မှာ လူချင်းတွေ့ပုံစံဖြစ်စေ၊ အွန်လိုင်းကနေဖြစ်စေ (In-person physically or Virtually) ဆောင်ရွက်ပါမယ်။

၇။ အသေးစိတ် ထပ်မံသိရှိလိုတာရှိပါက အောက်ပါဖုန်းတွေကို ရုံးချိန်အတွင်း ဆက်သွယ်မေးမြန်းနိုင်ပါတယ်။

- ၀၉ ၉၇ ၄၈၅ ၄၇ ၄၄၊ ၀၉ ၉၇၇ ၂၄၀ ၉၇၇

🏛️ - ယုံကြည်ရာ အသိပညာပြန့်ပွားရေးအသင်းနှင့် အခမဲ့စာကြည့်တိုက်၊ အမှတ် (I - ၆)၊ ၆၅ ဘီလမ်း၊ ၁၀၆ လမ်း × ၁၀၇ လမ်းကြား၊ မြို့သစ် (၁) ရပ်ကွက်၊ ချမ်းမြသာစည်မြို့နယ်၊ မန္တလေးမြို့။

info@yonekyiyar.org

Website: www.yonekyiyar.org

Facebook: https://www.facebook.com/YoneKyiYarKnowledgePropagationSociety

02/01/2021

30/12/2020

အခြေခံ လက်သင်္ကေတ ဘာသာစကား ကိုလေ့လာလိုသူများအတွက် အခြေခံဗွီဒီယို အပိုင်း(၃)လေးကို တင်ပေးလိုက်ပါတယ်

30/12/2020

အခြေခံ လက်သင်္ကေတ ဘာသာစကား ကိုလေ့လာလိုသူများအတွက် အခြေခံဗွီဒီယိုအပိုင်း(၂) လေးကို တင်ပေးလိုက်ပါတယ်

30/12/2020

အခြေခံ လက်သင်္ကေတ ဘာသာစကား ကိုလေ့လာလိုသူများအတွက် အခြေခံဗွီဒီယိုအပိုင်း(၁)လေးကို တင်ပေးလိုက်ပါတယ်

Community Center-Mandalay

16/05/2021

28/01/2021

28/01/2021

28/01/2021

20/01/2021

18/01/2021

18/01/2021

18/01/2021

17/01/2021

16/01/2021

15/01/2021

15/01/2021

14/01/2021

08/01/2021

02/01/2021

30/12/2020

30/12/2020

30/12/2020

Address

Website

Alerts

Contact The Practice

Shortcuts

Share

Learning Platform for Youth