နေလ စိတ်ကျန်းမာရေး အထူးကုဆေးခန်း

11/06/2025

သတင်းတွေဖတ်ပြီး လိုက်လုပ်ချင်စိတ်ပေါက်လို့တဲ့၊

လူနာတစ်ယောက် ကပြောပြတယ်။

အဲလို မိမိကိုယ်ကို ထိခိုက်မိအောင် ပြုလုပ်တဲ့ သတင်းတွေ မရှဲကြပါနဲ့နော်၊ ထပ်မတင်ကြပါနဲ့၊

ထွက်ပေါက်ပိတ်နေသလို ခံစားရရင် သို့ မိမိကိုယ်ကို အန္တရာယ်ပြုချင်စိတ် ပေါ်လာရင်၊

တစ်ခုခုဆို မိမိနဲ့ နီးစပ်ရာ ဆရာဝန်နဲ့ ဆွေးနွေးကြည့်ပါ။

စိတ်ကျန်းမာရေးဆရာဝန်ဆီမှာလည်း လာရောက်ဆွေးနွေး ရင်ဖွင့်နိုင်ပါတယ်။

စိတ်ဆရာဝန်နဲ့ မပြနိုင်သေးရင်လည်း ဒါတွေ လုပ်ကြည့်ထားပါနော်။

၁။ ချစ်ခင်ရသူ၊ မိသားစု၊ ရင်ဖွင့်ဖော်သူငယ်ချင်း တဦးဦးဆီကို ဖုန်းဆက်ပြီး ကိုယ့်ခံစားချက်တွေကို ရင်ဖွင့်ပါ။ ချစ်ခင်ရသူ​တွေနဲ့ အဆက်အသွယ် မပြတ်ပါစေနဲ့၊ ခဏခဏ ဆက်သွယ်ပါ။

၂။ ကိုယ်လက်လှုပ်ရှား လေ့ကျင့်ခန်းလုပ်ပါ။ လမ်းလျှောက်ပါ။ အသက်ရှူ လေ့ကျင့်ခန်း လုပ်ပါ။

၃။ အစားအသောက်ကို အာဟာရဖြစ်အောင်စားပါ။ စားချင်စိတ်မရှိလည်း ကြိုးစားစားပါ။ အိပ်ချိန်လည်း မှန်ပါစေ။

၄။ Social media တွေကြည့်ချိန် ကန့်သတ်ပါ။ Negative news တွေကနေ ဝေးဝေးနေပါ။ စာအုပ်ဖတ်ပါ။

၅။ ဆုတောင်းပါ။ တရားထိုင်ပါ။

ဒီအဆင့်တွေလုပ်ကြည့်ပြီး ကျော်ဖြတ်နိုင်မယ်လို့ မျှော်လင့်ပါတယ်။

ဆေးအကူညီ လိုတယ်လို့ ခံစားရရင်လည်း စိတ်မပူပါနဲ့၊ ဆေးခန်း လာပြပြီး ဆေးသောက်လို့လည်း ရပါသေးတယ်။

09/06/2025

နေလ စိတ်ကျန်းမာရေး အထူးကုဆေးခန်း ရဲ့ ဝန်ဆောင်မှုများ

၁။ စိတ်ကျန်းမာရေး ဆရာဝန်နှင့်ပြသခြင်း
- အခြား ဆရာဝန်၏ လွှဲစာနှင့် ပြသခြင်း၊
- မိမိကိုယ်တိုင် ပြသခြင်း၊
- မိသားစုမှ ခေါ်လာပြသခြင်း၊
- Online မှ ချိန်းဆို ပြသခြင်း၊
- ပြန်လည် ပြသခြင်း ( follow-up )

၂။ ဆေးရုံတက် ကုသခြင်း
- နေလ စိတ်ကျန်းမာရေး ဆရာဝန်၏ ညွှန်ကြားမှုဖြင့် တက်ရောက်နိုင်သော ဆေးရုံများတွင် တက်ရောက်ကုသခြင်း။
- အရက်စွဲ၊ အရက်ဖြတ်၊ မူယစ်ဆေးစွဲဖြတ်နှင့် စိတ်ကျန်းမာရေး ရောဂါ လူနာများ။

၃။ စိတ်ကျန်းမာရေး ဆွေးနွေးခြင်း
- Brief psychotherapy
- Talk therapy
- Psycho education

၄။ လူနာကို လွှဲပို့ခြင်း
- စိတ်ကျန်းမာရေး သာမက ရုပ်ပိုင်းဆိုင်ရာ ရောဂါ ရှိသူများ၊ သို့ ရောဂါ ဖြစ်နိုင်ခြေများသူများကို လိုအပ်သော ဆေးစစ်မှုများ ပြုလုပ်ပေးခြင်း၊ ရောဂါနှင့်သက်ဆိုင်ရာ အထူးကု ဆရာဝန်ထံသို့ ဆေးစာဖြင့် လွှဲပို့ခြင်း၊ သက်ဆိုင်ရာ အထူးကု ဆရာဝန်နှင့်အတူ ဆက်လက် ကြည့်ရှုပေးခြင်း။
- စိတ်ကျန်းမာရေး ဆရာဝန်ထံသို့ လွှဲပို့လာသော လူနာများအား တက်ရောက်နေသော ဆေးရုံတွင် ကြည့်ရှုပေးခြင်း၊ ပြင်ပလူနာ ကြည့်ရှုရာသို့ လာရောက်ပြသနိုင်ခြင်း။

၅။ စိတ်ကျန်းမာရေး စစ်တမ်းများ ဖြေဆိုခြင်း
- စိတ်ကျန်းမာရေး စစ်တမ်းများ ဖြေဆိုလိုပါက online ဖြင့် ပို့ပေးခြင်း၊ အဖြေကို ပြန်လည် ပို့ဆောင်ပေးခြင်း။

06/05/2025

နေလ စိတ်ကျန်းမာရေး ဆေးခန်းရဲ့ စိတ်ဆရာဝန်သည်လည်း မန္တလေး ငလျှင်ဒဏ်သင့် ပြည်သူ တစ်ဦး ဖြစ်ပါတယ်။

ငလျှင်တွေ ရပ်သွားပြီးတော့ ကျနော်တို့ ရုပ်ပိုင်းဆိုင်ရာတွေ ပြန်လည်တည်ဆောက် ပြုပြင်လာကြသလို စိတ်ကျန်းမာရေးအတွက်လည်း စောင့်ရှောက်ဖို့ သတိမူကြရပါမယ်။

မြေကြီးက ထပ်မလှုပ်တော့ပေမယ့် စိတ်အတွင်းပိုင်းကတော့ ဆက်လှုပ်နေနိုင်သေးတယ်နော်။

ကြောက်စိတ်၊ မသေချာ မရေတဲ့ စိတ်၊ ဝမ်းနည်းတဲ့စိတ် နဲ့ နောက်ဆုံး ဘာမှ မခံစားရသလို ထုံပေပေစိတ်တွေက ပေါ်လိုက် ပျောက်လိုက် ဖြစ်နေတတ်တယ်နော်။

ဒီလိုတွေ ဖြစ်တာက မမျှော်လင့်ထားတဲ့ ဖြစ်ရပ်ဆိုးကြီးအတွက် ခန္ဓာကိုယ်ရဲ့ အလိုအလျှောက် တုန့်ပြန်မှုလို့ အသိအမှတ်ပြု နားလည်ပေးပါ။

ပြန်လည်ကုစားခြင်း (healing) ဆိုတာ တစ်ဆင့်ခြင်း သွားရတာမျိုး မဟုတ်ပါ၊ အချိန် တစ်ခု လိုပါတယ်၊ မိမိကိုယ်မိမိ ကရုဏာ ထားရပါတယ်၊ ပြီးတော့
လူမှုအသိုင်းအဝိုင်းရဲ့ ပံ့ပိုးကူညီမှုတို့ လိုအပ်ပါတယ်။

ပြန်လည်ထူထောင်ရေးဆီသို့ သေးငယ်သော ခြေလှမ်းတိုင်းသည် အောင်ပွဲဖြစ်ကြောင်း သတိရပါ။ ချစ်ရသူများထံ ဆက်သွယ်ပါ၊ အဆက်သွယ် မပြတ်ပါစေနဲ့၊ သင့်အတွေ့အကြုံကို မျှဝေပါ၊ သို့မဟုတ် လိုအပ်ပါက ကျွမ်းကျင်သော ပံ့ပိုးကူညီမှု ရယူပါ။

ခိုင်ခံ့သော အဆောက်အဦများသာမက ခံနိုင်ရည်ရှိသော စိတ်ဓာတ်များကို အတူတကွ တည်ဆောက်နိုင်ပါတယ်။

ကျွန်တော်တို့ရဲ့ စည်းလုံးညီညွတ်မှုမှာ ခွန်အားရှိနေကြောင်း ကျွန်တော်တို့ အချင်းချင်း သတိပေးပြီးတော့ မျှော်လင့်ချက်ဖြင့် ရှေ့ဆက်ကြပါစို့။

23/04/2025

ကလေးတွေ အတွက် ခက်ခဲတဲ့ အချိန်တွေမှာ ဘာတွေ လုပ်ပေးနိုင်မလဲဆိုတော့၊ ပုံလေးကိုကြည့်ပေးလိုက်ပါ။

23/04/2025

လူကိုယ်တိုင် ဆရာဝန်နဲ့ တိုက်ရိုက် တွေ့ဆုံ ဆွေးနွေးချင်တဲ့ client များအတွက် နေလစိတ်ကျန်းမာရေး ဝန်ဆောင်မှုရဲ့ in person consultation ကို ပြန်လည် ပြသနိုင်ပါပြီ။

ယခင် ဆေးခန်းများတွင် အချိန် အနည်းငယ် အပြောင်းလဲ ရှိပါတယ်။

23/04/2025

နေလ စိတ်ကျန်းမာရေး ဝန်ဆောင်မှုရဲ့ online consultation with psychiatrist program ကို ပြန်လည် ဝန်ဆောင်မှု ပေးနေပါပြီ။ Viber မှ ဆွေးနွေးနိုင်ပြီး၊ ပြသလိုသော လူနာ၏ နာမည်၊ အသက်၊ ဆက်သွယ်ရန် လိပ်စာနှင့် ဖုန်းနံပါတ် ပေးပို့ပြီး ပြသနိုငိပါပြီ။

တနင်္လာ၊ ဗုဒ္ဓဟူး၊ သောကြာနေ့များတွင် နေ့လည် ၁ နာရီမှ ၃ နာရီ အတွင်း ကြိုတင် စာရင်းသွင်းပြီး ပြသနိုင်ပါပြီ။

17/04/2025

စိတ်ကျန်းမာ ကိုယ်ချမ်းသာသော နှစ်သစ် ဖြစ်ပါစေ။

16/04/2025

အခုဆို ငလျှင်ဒဏ်ခံ မန္တလေးသူ/ သား တို့ရဲ့ တုန့်ပြန်မှု အစုံစုံကို မြင်တွေ့ကြရမှာပါ။

ဒီလိုကွဲပြားစွာ မြင်တွေ့နေရတာကတော့ တစ်ဦး တစ်ယောက်ချင်းစီရဲ့ ရွေးချယ်မှု မတူညီကြလို့ပါ။ ဒီလို မတူညီတာကိုက ပုံမှန်ဖြစ်ပါတယ်။

တချို့လူတွေက ရေသဘင်ပွဲမှာ ဆင်နွှဲပြီး ပျော်ကြတယ်၊ တချို့တွေက အလုပ်တွေ ဖိလုပ်ပြီး နေကြတယ်၊ တချို့တွေကတော့ ဆေးရုံဆေးခန်းတွေနဲ့ အချိန် ကုန်ကြရတယ်၊ တချို့တွေကတော့ ဘာမှ မလုပ်နိုင်ဘဲ နေနေကြရပါတယ်။

တချို့အတွက် ပွဲတက်ခြင်းက ပုံမှန်ခံစားမှုကို ပြန်ရရှိစေနိုင်သလို၊ တချို့အတွက်တော့ အေးဆေး နေထိုင်ခြင်းသာ လိုအပ်နိုင်ပါတယ်။

စိတ်ဖိစီးမှုဖြေရှင်းမှုအတွက် မျိုးစုံသော လမ်းကြောင်းများရှိပါတယ်။ ကိုယ်တွင်းထဲက ခံစားမှုကို ချပြနိုင်ခြင်း၊ မိသားစုနဲ့ ချစ်ခင်သူတွေကို ယုံကြည်မှုဖြင့် ဝိုင်းဝန်းနေထိုင်နိုင်ခြင်းက တစ်စုံတစ်ယောက်အတွက် အကျိုးရှိနိုင်သလို၊ တစ်ဦးတည်း ပြန်လည် ဆင်ခြင်နိုင်ခြင်းဟာလည်း တစ်စုံတစ်ယောက်အတွက် လိုအပ်နိုင်ပါတယ်။

ဘယ်လိုတွေ ကွဲပြားနေပေမယ့် ဒီဖြစ်ရပ်ဆိုးကြီးကနေ အတူတူ ကျော်ဖြတ်ကြရအောင်ပါ။ တစ်ဦးချင်းစီ ရွေးချယ်မှု ကွဲပြားနေတာကိုက ပုံမှန်ပါ။ တစ်ဦးချင်းစီ မတူနိုင်တာကို သိနားလည်ရင်း မိမိတို့ရဲ့ စိတ်တွေ ကျန်းမာစွာ ကျော်ဖြတ်နိုင်ကြပါစေ။

မန္တလေးသူ/သား တို့ ငလျှင်ဒဏ်ခံပြီး စိတ်ပိုင်းဆိုင်ရာပြန်လည်ထူထောင်မှု ကောင်းမွန်စွာကျော်ဖြတ်နိုင်ကြပါစေ။

06/04/2025

Free online consultation

မြေငလျှင်ဒဏ်ကြောင့် စိတ်ပိုင်းဆိုင်ရာ ကုသစောင့်ရှောက်မှု လိုသောသူများ၊ ဆေးခန်းကို ပြန်လည် ပြသရန် ခက်ခဲနေသူများ၊ စိတ်ကျန်းမာရေး စစ်ဆေး လိုသူများအတွက် နေလ စိတ်ကျန်းမာရေး ဆေးခန်းမှ စိတ်ကျန်းမာရေး အထူးကု ဆရာဝန်မှ အခမဲ့ online consultation (Viber) ပြုလုပ်ပါမည်။

မန္တလေး ငလျှင်ဒဏ်ခံ ဒေသမှ လူများကို ဦးစားပေးသော်လည်း မည်သူမဆို စာရင်းပေး စစ်ဆေးကုသပေးပါမည်။

အစီအစဉ်

တနင်္လာ၊ ဗုဒ္ဓဟူး၊ သောကြာ

အချိန် ၊ နေ့လည် ၁-၃ နာရီ
ကြာချိန်၊ တစ်ဦးလျှင် ၁၅ မိနစ်စီ
Platform: Viber
Consultation doctor- Psychiatrist
Duration: 7.4.2025 - 18.4.2025

စာရင်းပေးရန် page messenger or google link

ပြသလိုသောသူ နာမည်၊ အသက်၊ နေရပ်လိပ်စာ၊ ဖုန်းနံပါတ် (Viber) ပို့ပေးရပါမည်။

https://forms.gle/EoeLzLvTbbdum1Qk8

06/04/2025

Free online consultation

မြေငလျှင်ဒဏ်ကြောင့် စိတ်ပိုင်းဆိုင်ရာ ကုသစောင့်ရှောက်မှု လိုသောသူများ၊ ဆေးခန်းကို ပြန်လည် ပြသရန် ခက်ခဲနေသူများ၊ စိတ်ကျန်းမာရေး စစ်ဆေး လိုသူများအတွက် နေလ စိတ်ကျန်းမာရေး ဆေးခန်းမှ စိတ်ကျန်းမာရေး အထူးကု ဆရာဝန်မှ အခမဲ့ online consultation (Viber) ပြုလုပ်ပါမည်။

မန္တလေး ငလျှင်ဒဏ်ခံ ဒေသမှ လူများကို ဦးစားပေးသော်လည်း မည်သူမဆို စာရင်းပေး စစ်ဆေးကုသပေးပါမည်။

အစီအစဉ်

တနင်္လာ၊ ဗုဒ္ဓဟူး၊ သောကြာ

အချိန် ၊ နေ့လည် ၁-၃ နာရီ
ကြာချိန်၊ တစ်ဦးလျှင် ၁၅ မိနစ်စီ
Platform: Viber
Consultation doctor- Psychiatrist
Duration: 7.4.2025 - 18.4.2025

စာရင်းပေးရန် page messenger or google link

ပြသလိုသောသူ နာမည်၊ အသက်၊ နေရပ်လိပ်စာ၊ ဖုန်းနံပါတ် (Viber) ပို့ပေးရပါမည်။

စိတ်ကျန်းမာရေး အခမဲ့ online consultation လုပ်ပေးပါမည်။ Consultation doctor မှာ Dr. Htein Lin ဖြစ်ပါသည်။ ဆက်သွယ်ရမည့် ဖုန်းနံပါတ်မှာ 09768421824

01/04/2025

လတ်တလော မြေငလျှင်ဘေးဒဏ်ကြောင့် နေလ စိတ်ကျန်းမာရေး ဝန်ဆောင်မှု များကို ခေတ္တ ရပ်နားထားရပါတယ်။

ငလျှင်ဒဏ်ခံ ပြည်သူများ ဘေးကင်းကြပါစေလို့ ဆုတောင်းပေးနေပါတယ်။

စိတ်ကျန်းမာ ကိုယ်ချမ်းသာကြပါစေ။

ဘေးဒုက္ခ ကနေ အတူတူ ဖြတ်ကျော်ကြပါစို့။

06/03/2025

စိတ်အတွက်လိုအပ်တဲ့ကုသမှု့ခံယူချင်တယ်ဆိုရင်ရောဘာတွေလိုအပ်လဲခင်ဗျ

စိတ်ကျန်းမာရေးအတွက် ကုသမှုခံယူနိုင်ရန်အတွက်

၁။ ဆေးခန်း ရွေးချယ်ပါ။
အထူးကုဆေးခန်းလား၊ အထူးကုဆေးရုံလား ရွေးပါ။ ကိုယ်နေတဲ့နေရာနဲ့ သွားဖို့ အဆင်ပြေလား။ စောင့်ရမယ်ဆို စောင့်ဖို့ အဆင်ပြေနိုင်လား၊ ဝန်ဆောင်မှု ကောင်း/မကောင်း စဉ်းစားပါ။

၂။ ဆရာဝန်ကို ရွေးချယ်ပါ။
ကိုယ့်ကို ညွှန်းလိုက်တဲ့ ဆရာဝန် ရှိရင်ပြပါ။ မရှိပါက သင့်တော်မယ် ထင်တဲ့ စိတ်ကျန်းမာရေး အထူးကုဆရာဝန် နဲ့ပြပါ။
စိတ်ကျန်းမာရေး အတွက် ဝန်ဆောင်မှု ပေးနေသော ဆရာဝန် ၂ မျိုး ရှိပါတယ်။ စိတ်ကျန်းမာရေး အထူးကု ဆရာဝန်နှင့် ကုခန်း စိတ်ပညာရှင်ပါ။ Psychiatrist vs Clinical Psychologist ပါ။
မှားယွင်း ရွေးချယ်မိရင်ကော၊ နောက်ရက်ချိန်းမှာ ဆရာဝန်ပြောင်းပြဖို့တောင်းဆိုပါ။

၃။ ပြင်ဆင်ပါ။
ဆရာဝန်နှင့်ပြသည့်အခါ မိမိခံစားနေရသည်များကို ပြောနိုင်ဖို့ ပြင်ဆင်ထားပါ။ မေ့တတ်ပါက စာရေးပြီး noted လုပ်ထားပါ။ ကြည့်ပြောလို့လည်း အဆင်ပြေပါတယ်။
ဆရာဝန်က လိုအပ်သည့် မေးခွန်းများ မေးသည့်အခါ ဖြေပေးပါ။ နားမလည်ပါက ပြန်မေးပါ။
ဆေးကုသဖို့ အစီအစဉ်ကို ဆရာဝန်နှင့် သေချာ တိုင်ပင်ပါ။
ဆေးကုသမှု မှတ်တမ်းဟောင်းများ ရှိပါက ယူသွားပေးပါ။ ဆေးမတည့်တာ များ ရှိပါက ဆေးမပေးမီ ကြိုပြောပါ။

၄။ ဆေးပစ္စည်း ပြင်ဆင်ပါ။
တခါတလေ ဆေးခန်းကနေ လိုအပ်တဲ့ သောက်ဆေး ဝယ်ယူရနိုင်ပေမယ့် တခါတလေ အပြင်ဆေးဆိုင်တွေမှာ ရှာဖွေ ဝယ်ရတတ်ပါတယ်။

၅။ ပြန်ပြရမယ့် ရက်ကို မှတ်သားထားပါ။
ပြန်လည်ပြသရမယ့် ရက်ကို မှတ်သားထားပြီး ရက်ချိန်း မှန်မှန် ပြန်ပြပါ။ ပြန်ပြမှသာ သက်သာမှု ရှိ/မရှိ ပြန်ပြောနိုင်လို့ ဆေး အတိုးလျှော့ လုပ်နိုင်ပါတယ်။ လိုအပ်ပါက လိုတဲ့ ဆေးထပ်ဖြည့်လို့ ရပါမယ်။ ဆေးရဲ့ ဘေးထွက်ဆိုးကျိုးတွေ ရှိ/မရှိ ဆရာဝန်က ပြန်လည်ကြည့်ပေးနိုင်ပါမယ်။