Your Health

05/07/2021

COVID 19 ရဲ့Delta မျိုးစိတ် ကိုကာကွယ်ဖို့ သင့်ရဲ့ နေ့စဥ်အသုံးပြုနေတဲ့ Mask က တကယ်ကာကွယ်ပေးမယ့် Quality ကောင်းဖို့လိုသလို အသုံးပြုမှန်ကန်ဖို့လဲလိုပါတယ်...အသုံးပြုမှန်ကန်စေရန်ကတော့ ကျွန်တော်တို့ Your Health မှ Mask အသုံးပြုပုံကိုဖော်ပြပေးသွားမှာဖြစ်ပြီး...Mask ကိုလဲ Japan မှာ အသုံးအများဆုံးဖြစ်တဲ့ KN-95 လေးကိုလဲရောင်းချပေးချင်ပါတယ်ခင်ဗျ..

KN-95 1 ဘူး 25pcs ပါ
(၁ ခု200Ks) သာကျသင့်မှာပါခင်ဗျ..
(ခွဲမရောင်းပါ)

Call 09-964008592

ဆိုင်လာမဝယ်ချင်တဲ့ လူကြီးမင်းတို့အတွက်
MDY မြို့တွင်း Deli ရှိပါတယ်...(1000Ks)
5 ဘူးအထက်ဝယ်ယူပါက Deli Free

31/12/2020

၂၀၂၁ နှစ်သစ်မှာ မိတ်​ဆွေများအားလုံး ​ကပ်​ရောဂါ​ဘေးမှကင်း​ဝေးပြီး စိတ်ချမ်းသာကိုယ်ကျန်းမာ၍ စီးပွားလာဘ်လာဘများတိုးပွားကာ ​ပျော်ရွှင်စရာဘဝများပိုင်ဆိုင်နိုင်ကြပါ​စေ​ကြောင်း Your Health မိသားစုမှ ဆုမွန်​ကောင်း​တောင်းအပ်ပါသည်ခင်ဗျာ။

31/10/2020

ယ​နေ့တွင် ကျွန်​တော်တို့မြန်မာနိုင်ငံ၌ သီတင်းကျွတ် မီးထွန်းပွဲဆင်နွုဲကြသကဲ့သို့ ထိုင်းနိုင်ငံတွင်လည်း ဆီမီး​မျှောပွဲကိုဆင်နွဲကြပါသည်။ ထိုင်းနိုင်ငံ၏ ဆီမီး​​​မျောသောပွဲကို လွိုင်ကထုံ (Loi Krathong) ပွဲဟု လူသိများကြပါသည်။ လွိုင်ဆိုတာ​ဒီ​နေရာမှာမျှောတာလို့ဆိုလိုပြီး ကထုံဆိုတာက​တော့ ​ရေ​ပေါ်မှာ​ပေါ်နိုင်တဲ့ ကြာပွင့်ပုံအလှဆင်ထားတဲ့ အရာကို​ပြောတာဖြစ်ပါတယ်။ အရင်က​တော့ ​ဖော့ကိုအသုံးပြုခဲ့ကြ​​သော်လည်း ယခုအခါတွင် သဘာဝပတ်ဝန်းကျင် ညစ်ညမ်းမှု​​​​လျှော့ချ​စေရန် အရွက်များ၊ ငှက်​ပျောတုံးများ၊ အစရှိ​သော ငါးများ၊ လိပ်များ စားနိုင်မည့် သဘာဝပစ္စည်းများနှင့် ​ပြောင်းလဲပြုလုပ်လာကြပါသည်။

လွိုင်ကထုံပွဲဆင်နွုဲရခြင်း အ​​ကြောင်းအမျိုးမျိုးရှိပါတယ်။ မိုးရာသီကုန်ဆုံးလို့ စိုက်ပျိုး​ရေးရာသီကုန်တာလည်းဖြစ်တာ​ကြောင့် မိုးနတ်သမီး ကို​ကျေးဇူးတင်တဲ့​သ​ဘောအရကျင်းပခြင်းလည်းဖြစ်ပါတယ်။ ထို့အပြင် မြတ်စွာဘုရားက မယ်တော်မိနတ်သားကို ကျေးဇူးဆပ်တဲ့ အနေနဲ့ နတ်ပြည်တက်ပြီး တရားဟောရာမှ လူပြည့်သို့ပြန်လာသည်ကို ဆီမီးထွန်းညှိပူ​ဇော်ကာ ကြိုဆိုကြခြင်းလည်းဖြစ်ပါသည်။

ယ​နေ့တွင် ထိုင်းနိုင်ငံသားများသည် လွိုင်ကထုံများကို ​ထိုင်းနိုင်ငံ၏ မြစ်များ၊ ​ချောင်းများ၊ အင်းအိုင်​ရေကန်များ အစရှိသည့် မိမိနှင့် နီးစပ်ရာ​နေရာများတွင် သွားရောက်ကာ​​​မျောကြပါသည်။ တစ်ချို့ကလည်း မိမိ၏ ​ဒေါသများ၊ ရန်ညှိုးများ၊ မိမိ၏ စိတ်ဆိုး စိတ်ညစ်များကို "ကထုံ" နှင့် အတူ​​​မျောလိုက်သည်ဟု အယုံအကြည်ရှိကြပါသည်။ " ကထုံ " အ​​ပေါ်တွင်ထွန်းညှိထား​သော ဖ​ယောင်းတိုင်မီးသည် မိမိမျက်စိတစ်ဆုံး​မျောသွားသည်အထိ မီးမငြိမ်းပါက ကံ​ကောင်းသည့်နှစ်ဖြစ်သည် ဟုလည်း ယုံကြည်ကြပါသည်။

ကျွန်​တော်တို့ Your Health မိသားစုမှလည်း လူကြီးမင်းများအားလုံးကို ​​ရောဂါ​ဘေးအန္တရာယ်အမျိုးမျိုးမှ ကင်း​ဝေးကြပြီး ပျော်ရွှင်စရာ သီတင်းကျွတ်ပွဲ​တော်ဖြစ်ပါ​စေ​ကြောင်း ဆုမွန်​ကောင်း​တောင်းအပ်ပါသည်။

03/08/2020

ဝါဆိုလပြည့်နေ့ကား သန္ဓေ၊ တောထွက်၊ ဓမ္မစက်၊ တချက်ပြာဋိဟာ ဆိုသည့်အတိုင်း ဂေါတမမြတ်စွာဘုရားရှင် ပဋိသန္ဓေ နေတော်မူခြင်း။ တောထွက်တော်မူခြင်း။ တရားဦးဓမ္မစကြာကို ဟောကြားတော်မူခြင်း။ ရေအစုံ မီးအစုံ တန်ခိုးပြာဋိဟာကို ပြသတော်မူခြင်းဟူသော ထူးခြားသည့် ဘာသာရေးမှတ်တိုင်ကြီးများကို စိုက်ထူခဲ့သောနေ့ ဖြစ်သည်။ ထို့ပြင် ဝါဆိုလပြည့်နေ့သည် ဘုရားအဖြစ်ကို ဝန်ခံတော်မူသောနေ့လည်း ဖြစ်သည်။ တရားရတနာ စတင်ပေါ်ပေါက်ရာနေ့လည်း ဖြစ်သည်။ သံဃာရတနာ စတင်ပေါ်ထွန်းသောနေ့လည်း ဖြစ်သည်။ ပုထုဇဉ်ခရီးမှ အရိယာခရီးသို့ စတင်ကူးပြောင်းခွင့် ကြုံသောနေ့လည်း ဖြစ်သည်။ ဧဟိဘိက္ခူ ဟူသော စကားကို စတင်ကြားရသော နေ့လည်း ဖြစ်သည်။ ထိုမျှသာမက သံဃာတော်များသည် ဝါဆိုလပြည့်ကျော် ၁-ရက်မှစ၍ ဝါတွင်းသုံးလ ကာလပတ်လုံး ဝါဆိုဝါကပ်သော အခါထူး အခါမြတ်လည်း ဖြစ်သည်။ ထို့ကြောင့် ဗုဒ္ဓဘာသာဝင် မြန်မာတို့သည် စားနပ်ရိက္ခာအတွက် လယ်ယာလုပ်ငန်းကို ကြိုးစားလုပ်ကိုင်ရင်း တဖက်ကလည်း ဝါဆိုလပြည့်နေ့၌ ကျောင်းကန်ဘုရားများသို့ သွားရောက်၍ ဝါဆိုပန်းများ ကပ်လှူခြင်း၊ ဓမ္မစကြာတရားတော်များကို ရွတ်ဖတ်သရဇ္ဈာယ်ခြင်းများ ပြုကြသည်။ ဝါတွင်းသုံးလတွင် အခြားကာလများထက်ပို၍ အလှူဒါနများ ပြုခြင်း၊ သီလဆောက်တည်ခြင်း၊ တရားဘာဝနာများ ကျင့်ကြံအားထုတ်ခြင်းလည်း ပြုကြသည်။

ဗုဒ္ဓအယူဝါဒကို သက်ဝင်ယုံကြည်ကြသူများအဖို့ ဝါဆိုလပြည့်နေ့သည် အယူဝါဒရေးဆိုင်ရာ နေ့ထူးနေ့မြတ်ဖြစ်ပေသည်။ ထူးခြားပုံမှာ ဂေါတမမြတ်စွာဘုရား အလောင်းတော်သည် အထက် တုသိတာနတ်ပြည်မှ သက်ဆင်း၍ လူ့ပြည်၌ ပဋိသန္ဓေတည်သောနေ့၊ သူအို၊ သူနာ၊ သူသေ ရဟန်းဟူသော နိမိတ်ကြီးလေးပါးကို နတ်များဖန်ဆင်းပြရာတွင် သံဝေဂရ၍ တောထွက်တော်မူသောနေ့၊ ဘုရားအဖြစ်သို့ရောက်ပြီး နောက် ဓမ္မစကြာတရားဦး ဟောတော်မူသောနေ့၊ သာဝတ္ထိပြည် သရက်ဖြူ ပင်ရင်း၌ တိတ္တိသင်းကိုနှိမ်နင်း၍ တန်းခိုးပြာဋိဟာ ပြသောနေ့တို့ ဖြစ်သော ကြောင့်တည်း။

ဂေါတမမြတ်စွာဘုရားသည် ဘုရားအဖြစ်သို့ ရောက်တော်မှုပြီး နောက် ရှေးဦးစွာဖြစ်သော ဓမ္မစကြာဒေသနာတော်ကို ပဉ္စဝဂ္ဂီငါးဦးတို့အား ဝါဆိုလပြည့်နေ့တွင် မိဂဒါဝုန်တော၌ ဟောကြားတော်မူသည်။ ထို့ကြောင့် ဝါဆိုလပြည့်ကို ဓမ္မစကြာအခါတော်နေ့ဟူ၍ နိုင်ငံအစိုးရတို့က သတ်မှတ်ထားသည် ။

ဘုရားရှင်သာသနာတော်ရှိ ရဟန်းတို့သည် ဤဝါဆိုလပြည့်နေ့တွင် ဝါတွင်းသုံးလပတ်လုံး မိမိတို့၏ ကျောင်းအာရမ်အတွင်းမှ အရပ် တစ်ပါးသို့ ရွှေ့ပြောင်းသွားလာခြင်း မပြုပါဟူသော ပဋိညာဉ်ဖြင့် ဝါဆို ဝါကပ်မှုများကိုပြုကြသည်။

ထိုကဲ့သို့ ရဟန်းသံဃာတော်တို့သည် ဝါတွင်းသုံးလပတ်လုံး ငြိမ်သက်စွာ တရားအားထုတ်လျက်ရှိစဉ် လူတို့သည်လည်း ထိုဝါတွင်းသုံးလတွင် ရဟန်းတို့၏ သိက္ခာပုဒ်တော်များကို ကြည်ညိုခြင်းဖြစ်လျက် ရှစ်ရက် လပြည့်လကွယ်နေ့များတွင် သီတင်းသီလဆောက်တည်၍ သူတော်ကောင်း တရား ပွားများအားထုတ်ကြခြင်း၊ ကုသိုလ်ဒါနမှုများကို ပြုကြခြင်းဖြင့် ဝါကပ်သော ရဟန်းတို့အား ချမ်းမြေ့စေရန် ထောက်ပံ့ကြ၏။ ဤသို့ ရဟန်းရှင်လူတို့ သုံးလပတ်လုံး ဒါန၊ သီလ ၊ ဘာဝနာ အစရှိသော သူတော်ကောင်းတရားများကို ငြိမ်သက်စွာအားထုတ်ရန် အစပြုသော ဝါဆိုလပြည့်နေ့များတွင် လူတို့သည် ဝါကပ်ခြင်းအမှုကို ပြုကြကုန်သော ရဟန်း သံဃာတို့အား ပန်း၊ ဆီမီးတို့ဖြင့် ပူဇော်ကြကုန်သည်။ ဝါဆို ဝါကပ်ကို အစွဲပြု၍ ဝါဆိုပန်း၊ ဝါဆိုဖယောင်းတိုင် စသည့်ဝေါဟာရများ ပေါ်ပေါက်လာသည်။

မြန်မာမင်းများ လက်ထက်တော်တွင် တစ်လလျှင် ပွဲတော်တစ်မျိုးကျ ကျင်းပလေ့ရှိရာ ဤဝါဆိုလအခါတွင် ပဉ္စင်းတော်ခံပွဲများ ကျင်းပမြဲဖြစ် ၏။ ပဉ္စင်းတော်ခံပွဲမှာ ရဟန်းအဖြစ်သို့ ဝင်ခွင့်ရှိ၍ ဝင်လိုသူ ရှင်လူရဟန်း လောင်းတို့အား ရဟန်းဘောင်သို့အခမ်းအနားနှင့် သွတ်သွင်းချီးမြှင့်ခြင်းပင် ဖြစ်လေရာ ဘုရင်မင်းများကိုယ်တော်တိုင် အလေးအမြတ်ပြုလျက် ကျင်းပသောပွဲတော်ဖြစ်လေသည်။

မြန်မာ့စွယ်စုံကျမ်း၊ အတွဲ - ၁၂ ။

" ဝါဆိုလပြည့်အခါသမယတွင် ​ကောင်းမှုကုသိုလ်များပွားများပြီး ကိုယ်၊စိတ်၊နှလုံး ​အေးချမ်းသာယာ နိုင်ကြပါ​စေကြောင်း Your Heatlh မိသားစုမှ ဆုမွန်​ကောင်းတောင်းအပ်ပါသည်။ " 🙏🙏🙏

19/07/2020

ကျဆုံး​လေပြီး​သောအာဇာနည်​ခေါင်း​ဆောင်ကြီးများအားဦးညွှတ်အ​လေးပြုပါသည်။

photo credit:

12/05/2020

WHO Guide Line Formula နဲ့ဖျော်စပ်ထားတဲ့ ရေမလိုလက်သန့်ဆေးရည်ရပြီ

Covid-19 ကူးစက်​​မြန်ကပ်ရောဂါအခြေအနေတွင်နေ့စဉ်လူတိုင်းထိတွေ့ကိုင်တွယ်နေရသောအရာဝတ္ထုများ၊ လူသုံးပစ္စည်းများနှင့် စားပွဲ၊ထိုင်ခုံ၊ တံခါးလက်ကိုင် အစရှိသောနေရာများတွင်
ပိုးသတ်ရန်ပက်ဖြန်းနိုင်သော စေးကပ်ခြင်းမရှိသည့် ဆေးရည်အမျိုးအစားဖြစ်ပြီး

WHO guildline နှင့်အညီ ပြည်တွင်း၌ ထုတ်လုပ်ထားသည့် အယ်ကိုဟော(အရက်ပြန်) 75%အထက်ပါဝင်သော ရေမလိုလက်သန့်ဆေးရည်ဖြစ်သောကြောင့် Virusပိုးများသေရန် အာမခံချက်အပြည့်အဝပေးပါတယ်

အရည်၏ဖြန့်ကျက်မှု့နှုန်းအရာဝတ္ထုအပေါ် သက်ရောက်မှု့နှုန်းကောင်းစေရန် Quality အရည်အသွေးမြင့် ဖြန်းခေါင်းပါဝင်သောဘူးဖြင့် ထည့်သွင်းပေးထားပါတယ်ခင်ဗျာ

ဈေးကွက်အတွင်း လူအများ သုံးစွဲနိုင်သော သက်သာသည့် ဈေးနှုန်းများ
၅၅၀မီလီ ၃၅၀၀ကျပ် (နေရာစုံသုံး အိမ်သုံးဘူးကြီး)
၁၀၀မီလီ ၁၅၀၀ကျပ် (အိမ်ပြင်သွား အိတ်ဆောင်ဘူးသေး )

ရန်ကုန်မြို့တွင်း ပုဇွန်တောင် ၊ ဗိုလ်တတောင် ၊ ကျောက်တံတား ၊ ပန်းဘဲတန်း ၊ လသာ ၊ လမ်းမတော် ၊ ဒေါပုံ ။ သာကေတ ၊ မင်္ဂလာတောင်ညွန့် မြို့နယ်များသို့
ပို့ဆောင်ခ ၁၅၀၀ကျပ်ဖြင့် ဝန်ဆောင်မှုပေးလျက်ရှိပါသည်။

🔆လက်ကားဖြန့်ချိလိုသူများနှင့် ပရဟိတအဖွဲ့အစည်းများအ တွက်သင့်တော်သောဈေးနှုန်းဖြင့်ဆောင်ရွက်ပေးပါမည်။🔆📌

လက်လီ/လက်က္ကားဆက်သွယ်ရန်


📱09 2587 92585
📱09 772233 123


📱09-444008592
📱09-798811044
MDY ရှိမိတ်ဆွေများ Your Health တွင်လာရောက်လေ့လာဝယ်ယူနိုင်ပါသည်

06/05/2020

ထိုင်းနိုင်ငံမှာ​တော့ ကဆုန်လပြည့်​နေ့ကျင်းပကြတဲ့အခါမှာ ကျွန်​တော်တို့မြန်မာနိုင်ငံလို ​ညောင်​ရေသွန်း​လောင်းတာမျိုးမရှိပါဘူး။ များ​သောအားဖြင့် မနက်ပိုင်းမှာ ဘုန်းကြီး​ကျောင်းသွားပြီး ဆွမ်းကပ်ခြင်း ငါးလွှတ်ခြင်း၊ ငှက်လွှတ်ခြင်း၊ ဥပုတ်သီလ ​ဆောက်တည်ခြင်းများကို ​အနယ်နယ်အရပ်ရပ်မှာ လုပ်​ဆောင်ကြပါတယ်။ အဲတာ​ကြောင့် ယခုလို ကဆုန်လပြည့်​နေ့​တွေမှာ ထိုင်းနိုင်ငံအနှံ့အပြားမှာရှိတဲ့ ​စေတီ ပုထိုးနဲ့ ဘုန်းကြီး​ကျောင်း​တွေမှာ အလှူအတန်း​ပေးသူများနှင့် စည်ကား​နေတတ်ပါတယ်။ ည​နေပိုင်းမှာ​တော့ ဆီမီးပူ​ဇော်ခြင်း ပရိတ်ရွတ်ဆိုခြင်းများပြုလုပ်ကြပါတယ်။ ထို့​နောက် ဆီမီးတိုင်များထွန်းငြှိကိုင်​ဆောင်ကာ ​စေတီ ပုထိုး များ ဘုန်ကြီး​ကျောင်းများ စသည်ဖြင့် လက်ယာရစ် သုံးပတ် လှည့်ပတ် ပူ​ဇော်ကြပါတယ်။ ဒီနှစ်မှာ​တော့ ယခုလို ကိုဗစ်​ကပ်ရောဂါနဲ့ ရင်ဆိုင်​နေရ​သော​ကြောင့် တစ်ခြားနှစ်​တွေလို ကဆုန်လပြည့်​နေ့ကို မကျင်းပနိုင်​တော့ပါဘူး။ ​အောက်ကပုံ​လေး​တွေက​တော့ အရင်နှစ်​တွေကကျင်းပခဲ့​တဲ့ ဓါတ်ပုံအချို့ဖြစ်ပါတယ်။ ကမ္ဘာသူကမ္ဘာသားအားလုံး ကိုယ်စိတ်နှစ်ဖြာကျန်းမာချမ်းသာကြပါ​စေ​ကြောင်း Your Health မိသားစုမှ ကဆုန်လပြည့်​နေမှာ ဆုမွန်ကောင်း​တောင်းအပ်ပါတယ်။

01/05/2020

အလုပ်သမားများ၏ ဂုဏ်ရည်နှင့်ကြိုးစားမှုကို မမေ့အပ်သော ကမ္ဘာ့အလုပ်သမားနေ့

ဒေါက်တာမောင်ဖြေ

ကမ္ဘာ့နိုင်ငံအသီးသီးရှိ လူသားအလုပ်သမားများကို အမျိုးအစားခွဲခြားကြည့်လျှင် ကာယအလုပ်သမားနှင့် ဥာဏအလုပ်သမားဟူ၍ နှစ်မျိုးနှစ်စားတွေ့ရမည်ဖြစ်သည်။
ကိုယ်ပိုင်အလုပ်ကို ကိုယ်တိုင်လုပ်ခြင်းနှင့် သူတစ်ပါးအလုပ်ကို လုပ်အားခယူ၍ လုပ်ခြင်းစသော အလုပ်နှစ်မျိုးရှိပေသည်။ မည်သို့ပင်ဖြစ်စေ၊ ကာယ၊ ဥာဏ အလုပ်သမားများသည် မိမိတို့ဘဝရပ်တည်ရှင်သန်ရေးအတွက် ကာယအား၊ ဥာဏအားများကိုရင်းကာ ဇွဲ၊ လုံ့လ၊ ဝီရိယ၊ စေတနာတို့ဖြင့် လုပ်ငန်းရှင်တို့အား လုပ်အားကိုပေးဆပ်နေသူများဖြစ်သည်ဟု ဆိုနိုင်သည်။ အလုပ်သမားဟူသည် "မိမိအသက်မွေးမှုအတွက် ကာယအား၊ ဥာဏအားကို အသုံးပြု၍ အလုပ်လုပ်သူ'' ဟူ၍ မြန်မာအဘိဓာန်က ဆိုထားပါသည်။ စက်မှုတိုးတက်သည့်နိုင်ငံဖြစ်စေ၊ ဖွံ့ဖြိုးဆဲနိုင်ငံများ၌ပင်ဖြစ်စေ၊ စီးပွားရေး၊ ကြီးပွားရေး၊ နိုင်ငံရေးရာစသည်တို့ လုပ်ဆောင်ကြရာတွင် ကာယ၊ ဥာဏအလုပ်သမားဖြစ်သော အခြေခံလူတန်းစားသည် အဓိကပါဝင်လျက်ရှိနေသည်။ ခေတ်မီဖွံ့ဖြိုးတိုးတက်သော နိုင်ငံများတွင် ခေတ်မီ ဆန်းသစ်တီထွင်ထားသောလူသားတို့၏ လုပ်အားမပါဘဲ ဆောင်ရွက်နိုင်မည့် စက်ကိရိယာများကိုလည်း လူသားများက ဖန်တီးတည်ဆောက်ထားလာခြင်းပင်ဖြစ်သည်။ ထို့နည်းတူ တိုးတက်ပြောင်းလဲလာသည်နှင့်အမျှ တိုးတက်လာသော ခေတ်မီနည်းပညာများအပေါ်တွင် လူ့စွမ်းအားအရင်းအမြစ်များကို အသုံးပြုမှသာ လုပ်ငန်းတစ်ခု၊ ယန္တရားတစ်ရပ်လည်ပတ်နိုင်မည်ဖြစ်သည်။ လူဟူသော အလုပ်သမားများ၏ ချွေးစက်ဖြင့်သာ ကမ္ဘာကြီးရှင်သန်ရပ်တည်နေနိုင်သည်ဟု ဆိုလိုပါသည်။

ရှေးအခါက ကမ္ဘာပေါ်ရှိ အလုပ်သမားများသည် မိမိတို့ပေးဆပ်ရသော လုပ်အားအတွက်ရသင့်ရထိုက် သော လုပ်အားခရပိုင်ခွင့်များကို မရကြသည့်အတွက် ကျွန်လူတန်းစားဘဝဖြင့် အရင်းရှင်တို့၏ အဖိနှိပ် ကိုခံရသည်။ မြန်မာနိုင်ငံ အင်္ဂလိပ်လက်အောက်တွင် ကျရောက်စဉ်အခါက အလုပ်သမားများအား အဖိနှိပ် ခံကြရကာ လူတန်းစားခွဲခြားခြင်း၊ မျှတသည့်လုပ်ခလစာမရရှိခြင်းစသည့် အရင်းရှင်များက အဆီကိုစား၊ အသားကိုမြိုသည့် အနိုင်ကျင့်မှုများ တစ်ခန်းရပ်စေရန် ၁၉၃၈ ခုနှစ်တွင် ချောက်ရေနံမြေအလုပ်သမား သပိတ်ကြီး ပေါ်ပေါက်လာလေသည်။ မြန်မာနိုင်ငံ၏အလုပ်သမားလှုပ်ရှားမှုသမိုင်းကို ၁၃ဝဝ ပြည့်အရေးတော်ပုံ ဟု မှတ်တမ်းရေးထိုးခဲ့ကြသည်။ ထို့အတူ ရုရှားနိုင်ငံ၏ အောက်တိုဘာတော်လှန်ရေး၊ အိန္ဒိယနိုင်ငံ၏ အခွန်မပေးရေးတိုက်ပွဲ၊ တရုတ်နိုင်ငံ၏ လက်သီးပုန်း တော်လှန်ရေးများသည်လည်း ထင်ရှားသော အလုပ်သမား သမိုင်းမှတ်တမ်းရှိသကဲ့သို့ မြန်မာနိုင်ငံတွင်လည်း အလုပ်သမားလူတန်းစားများ၏ သမိုင်းဝင်မှတ်တမ်းဖြစ်သော ၁၃ဝဝ ပြည့်အရေးတော်ပုံရှိခဲ့သည်။
အင်အားကြီးနိုင်ငံများဖြစ်သော အင်္ဂလန်၊ အမေရိကန်နိုင်ငံတို့၏ စက်မှုနိုင်ငံကြီးများတွင် ခရစ်နှစ် ၁၈၈ဝ ဝန်းကျင်ခန့်က အလုပ်သမားတို့ကို နံနက် ၅ နာရီမှ ည ၈ နာရီအထိ တစ်နေ့လျှင် ၁၅ နာရီမျှ အလုပ်ခိုင်းခဲ့ကြသည်။ အလုပ်သမားများ ထိခိုက်ဒဏ်ရာရလျှင်လည်း လစ်လျူရှုကာ ဆေးကုသမပေးဘဲ လုပ်ခကိုပင် ဖြတ်ယူခဲ့ကြသည်။ ထိုမှတစ်ဖန်တီထွင်ဆန်းသစ်မှုများ စက်မှုထွန်းကားခဲ့
သည့်အခါ စက်များကို အစဉ်မပြတ် လည်ပတ်နေစေရန် လူသားများကို အသုံးပြု၍ ခိုင်းစေပြန်သည်။ သက္ကရာဇ် ၁၈ဝ၆ ခုနှစ်ခန့်တွင် အရင်းရှင်လူတန်းစားများက အလုပ်သမားများကို တစ်နေ့လျှင် နာရီ ၂ဝ လုပ်ရန် စေခိုင်းခဲ့ကြသည်။ ၁၈၄ဝ ပြည့်နှစ်တွင် အမေရိကန် ပြည်ထောင်စုအစိုးရက တစ်နေ့လျှင် ၁ဝ နာရီသာ လုပ်ရမည်ဟု သတ်မှတ်ပေးခဲ့သော်လည်း အလုပ်သမားများသည် ဖိနှိပ်ခံရသော ခံစားရမှုများကြောင့် မခံမရပ်နိုင်ရှိရာမှ အလုပ်ချိန်သည် တစ်နေ့လျှင် ၈ နာရီသာ သတ်မှတ်ပေးရန် တောင်းဆိုခဲ့ကြသည်။ ထိုတောင်းဆိုချက်များအတိုင်းတိုက်ပွဲဝင်ခဲ့ကြသည်။ ယင်းသို့သော တိုက်ပွဲများကြောင့် ၁၈၈၄ ခုနှစ် အောက်တိုဘာလတွင် ကျင်းပသော အမေရိကန် အလုပ်သမား ညီလာခံကြီးက ယင်းတောင်းဆိုချက်ကို လိုက်လျောဆုံးဖြတ်ခဲ့သည်။ ယင်းဆုံးဖြတ်ချက်သည် ကမ္ဘာ့အလုပ်သမားနေ့ဖြစ်ပေါ်စေရန် ရှေ့ပြေးနိမိတ်ဟု ဆိုနိုင်သည်။ ၁၈၈၆ ခုနှစ် မေလ ၁ ရက်နေ့တွင် အလုပ်သမားတို့သည် အလုပ်ရှင်၊ အရင်းရှင်များကို မတရားဖိနှိပ်မှုများ၊ မတရားခိုင်းစေမှုများအတွက် သပိတ်မှောက်ခဲ့ကြသည်။ အလုပ်ရုံများသည်လည် ရပ်ဆိုင်းခဲ့သည်။ ထိုဆန္ဒပြပွဲကြီးသည် ကမ္ဘာအရပ်ရပ်သို့ ပျံ့နှံ့သွားခဲ့သည်။ ကမ္ဘာအရပ်ရပ်ရှိ အလုပ်သမားများနှင့် အရင်းရှင်များ၏ ပဋိပက္ခသည် မတရားဖိနှိပ်စေခိုင်းမှု များကြောင့် ဖြစ်ပေါ်လာခြင်း ဖြစ်ပွားခြင်းဖြစ်သည်။ မေလ ၃ ရက်နေ့၌ အမေရိကန်ပြည်ထောင်စု၊ ချီကာဂိုမြို့၌ အလုပ်သမားများ၏ ဆန္ဒပြမှုကို ပုလိပ်များက အကြမ်းဖက်နှိပ်နင်းခဲ့သဖြင့် အလုပ်သမားများ၏ သွေး များသည် မြေကျခဲ့ရသည်။

အမေရိကန်ပြည်ထောင်စုတွင် အလုပ်သမားအရေးတော်ပုံကြီးဖြစ်ပွားခဲ့ပြီးနောက် ၁၈၈၉ ခုနှစ်တွင် ပြင်သစ် ပြည် ပါရီမြို့တွင် ကမ္ဘာ့အလုပ်သမားအသင်းချုပ်ကြီးကို ဒုတိယအကြိမ်အဖြစ် အစည်းအဝေးကျင်းပခဲ့သည်။ ယင်းအစည်းအဝေးကြီးတွင် ၁၈၈၆ ခုနှစ်၊ အလုပ်သမားအရေးတော်ပုံကြီးက အသက်ပေးကာ စတေးခံခဲ့ရသော အလုပ်သမားများအတွက် ဂုဏ်ပြုသောအားဖြင့် တိုက်ပွဲစတင်ဝင်ခဲ့သော မေ ၁ ရက်နေ့ကိုကမ္ဘာ့အလုပ်သမားနေ့အဖြစ် သတ်မှတ်ပေးခဲ့သည်။ ထိုနေ့မှစ၍ ယနေ့ထက်တိုင် အလုပ်သမားနေ့ကို ကမ္ဘာနှင့်အဝန်းဆင်နွှဲနေ၍ အောင်ပွဲခံလျက်ရှိသည်။ အမေရိကန်ပြည်ထောင်စုမှအစပြုခဲ့သော အလုပ်သမားများနှင့် အရင်းရှင်တို့၏တိုက်ပွဲသည် ကမ္ဘာ့နေရာအနှံ့အပြားသို့ပင်ရောက်ရှိခဲ့လေသည်။ထိုအချိန်ကာလ မြန်မာနိုင်ငံတွင် အင်္ဂလိပ်နယ်ချဲ့တို့၏ လက်အောက်တွင် အဖိနှိပ်ခံနေရသော ကာလဖြစ်သည်။ ၁၉၃၈ ခုနှစ် မေလတွင် ရေနံချောင်းမြို့၌ အလုပ်သမားကြီးများက ရေနံပိုင်သပိတ်စတင်မှောက် ခဲ့ကြသည်။

သပိတ်မှောက်ရခြင်းကား ကုမ္ပဏီကြီးများက မြန်မာလူမျိုးအလုပ်သမားများကို မတရားခိုင်းစေခြင်း၊ ရေနံတူးဖော်သော အလုပ်သမားကြီးများ နေပူဒဏ်လည်းခံစားရခြင်း၊ ခြေထောက်များကလည်း ပူလောင်ခြင်း၊ အလုပ်သမားဇနီးမောင်နှံနှင့် သားသမီးများကို အခန်းကျဉ်းထဲတွင် ထားကာ နေထိုင်စားကြရခြင်းစႁသော ဒဏ်တို့ကို မခံမရပ်နိုင်၍ဖြစ်သည်။ရေနံအခိုးအငွေ့များ၊ အဆိပ်ငွေ့များကြားတွင် အလုပ်လုပ်နေကြရသည်။ ရေနံများအထွက်ကောင်း၍ နယ်ချဲ့များသည် အဆီယစ်ဇိမ်ကျနေသော်လည်း မြန်မာရေနံအလုပ်သမားများ ဘဝသည် အဘက်ဘက်မှ ယိုယွင်းပျက်စီးနေခဲ့သည်ကို တွေ့ကြရမည်ဖြစ်သည်။ ထိုသို့ အဖိနှိပ်ခံဘဝကို မခံမရပ်နိုင်ဖြစ်နေကြ၍ အလုပ်သမားအုံကြွမှုကြီး ကလည်း ကြီးထွားပေါ်ပေါက်လာစေသည်။ ၁၉၃၈ ခုနှစ် မေလတွင် မြန်မာနိုင်ငံ၌ ရေနံမြေသပိတ်ကြီးစတင်ခဲ့သည်။
ယင်းသပိတ်ကြီးသည် ဖိလေ ထလေ၊နှိပ်လေ ကြွလေဆိုသကဲ့သို့ နောက်ဆုံး၌ သပိတ်မှောက်သော အလုပ်သမား တို့သည် နိုင်ငံတစ်ဝန်းတွင် ''လှည်းနေလှေအောင်း မြင်းဇောင်းမကျန်'' အနှံ့အပြားဖြစ်ပွားခဲ့ပေသည်။ ချောက်မြို့တွင် အင်္ဂလိပ်အာဏာပိုင်များ၏ ဖိနှိပ်ချုပ်ချယ်ရေး ဥပဒေအမိန့်များနှင့် လွတ်ကင်းသည့်တိုက်ကွက်တစ်ခု ဖြစ်သော ပန်းကပ်ဆုတောင်းပွဲတွင် အမျိုးသမီး ၃ဝဝ
ကျော်က ဦးဆောင်ခဲ့သည်။ အင်္ဂလိပ်တို့က တားမြစ်သောအခါ ပြောင်မြောက်စွာ ဆန့်ကျင်ခဲ့ပေသည်။
ရေနံမြေသပိတ်တပ်ကြီးချီတက်ရာလမ်းကြောင်းတွင် နယ်ချဲ့လက်ပါးစေ မြင်းစီးပလိပ်များကို ခဲ၊ ပုလင်း၊ တုတ်များဖြင့် လမ်းတစ်လျှောက်ရှိ မြို့သူ မြို့သားများက ပစ်ခတ်ကြသည်။ ရေနံချောင်း၊ မကွေး၊ အောင်လံ၊ပြည်၊ ရွှေတောင်၊ နတ်တလင်း၊ ဇီးကုန်း၊ ကြို့ပင်ကောက်၊ အုတ်ဖို၊ စစ်ကွင်း၊ လက်ပံတန်း၊ ဥက္ကံ၊ တိုက်ကြီး၊ မြောင်းတကာ၊မှော်ဘီ၊ အင်းစိန်၊ ရန်ကုန်မြို့များမှ ဆီးကြိုဂုဏ်ပြုခဲ့ကြသည်။ ဆရာကြီး သခင်ကိုယ်တော်မှိုင်းလည်း သပိတ်တပ်ကြီးအား အားပေးကူညီခဲ့သည်။ ခြေကျင်ခရီးရှည်ခရီးဆက်၍ ဆင်နွှဲလာခဲ့ကြသော ၁၃ဝဝ ပြည့်ရေနံမြေ အရေးတော်ပုံတပ်သားများအား မကွေးမြို့တွင် သပိတ်တားဆီးခြင်းခံခဲ့ကြသေးသည်။ ရေနံမြေသပိတ်မှောက် ကိစ္စကြီးစတင်ဖြစ်ပွားခဲ့သည့် အချိန်မှစ၍ တစ်တိုင်းတစ်ပြည်လုံး မခံမရပ်နိုင်အောင်ဖြစ်ပြီး စစ်ကူသပိတ်များနှင့်ပင် ရေနံမြေအလုပ်သမားတို့ကို ကူညီရန် လှုပ်လှုပ်ရွရွဖြစ်နေခဲ့သည်။ ရေနံမြေရှိ အလုပ်သမားတို့သည် မိမိတို့ရသင့်ရထိုက်သော အခွင့်အရေးများကိုရရှိရန် တစ်နှစ်ကျော်ကျော်ဇွဲသတ္တိနှင့်တိုက်လာခဲ့ကြသည်။မိုင်ပေါင်း ၄ဝဝ ကျော်မျှ ချီတက်လာခဲ့ကြပြီးနောက် ရန်ကုန်တွင် မိမိတို့ တောင်းဆိုချက်များရရန် ထောင်ကျခံ၊ အရိုက်ခံရသည်။

၁၃ဝဝ ပြည့်အရေးတော်ပုံကြီးက ညီညွတ်မှုရရှိလာသည်။ ညွန့်ပေါင်းအစိုးရပြုတ်ကျခဲ့ရသည်။ ၁၃ဝဝ ပြည့်နှစ် အရေးတော်ပုံကြီးကြောင့် ရေနံမြေတွင် အခွင့်အရေးများတိုးတက်ရရှိခဲ့သည်။ လုပ်ခတိုးတက်ရကြသည်။ နေအိမ် တန်းလျားများနှစ်ထပ်တိုးချဲ့ ဆောက်လုပ်ပေးသည်။
အလုပ်သမားများနှင့်တကွ ယင်းတို့ကိုမှီခိုနေသူများအား ဆေးဝါးအခမဲ့ကုသပေးသည်။ ၁၃ဝဝ ပြည့်အရေးတော် ပုံမှ အင်္ဂလိပ်နယ်ချဲ့တို့ကိုလည်းကောင်း၊ ဖက်ဆစ်ဂျပန်တို့ကိုလည်းကောင်း မြန်မာပြည်မှ မောင်းနှင်ထုတ်နိုင်သည်အထိ ထိုမှလွတ်လပ်ရေးတိုက်ပွဲအထိ မျိုးချစ်စိတ်၊ ဇာတိသွေး၊ဇာတိမာန်ကို ကိန်းအောင်းရင့်မာစေခဲ့သည်။
၁၃ဝဝ ပြည့်အရေးတော်ပုံကြီးတွင် အလုပ်သမားလူတန်းစား၏ ပြတ်သားမှု၊ စွန့်လွှတ်မှု၊ နယ်ချဲ့ဆန့်ကျင်မှု စသော လှုပ်ရှားမှုတို့သည် မြန်မာနိုင်ငံနယ်ချဲ့ဆန့်ကျင်ရေးဖြစ်စဉ်အား ကြီးမားစွာ တိုးတက်ပြောင်းလဲစေခဲ့ပေသည်။
၁၃ဝဝ ပြည့်အရေးတော်ပုံကြီး၏ သင်ခန်းစာရရှိသည်မှာ ညီညွတ်ရေးသည်သာ အင်အားဖြစ်ကြောင်း ကိုလိုနီနယ်ချဲ့သမားများအား တိုက်ပွဲမဆင်နွှဲဘဲ အောင်ပွဲမခံနိုင်ကြောင်း၊လွတ်မြောက်ရေးတိုက်ပွဲနှင့် လူတန်းစားတိုက်ပွဲ ခွဲခြား၍ မရနိုင်ကြောင်း တို့ကို လေးနက်စွာပြောဆိုခဲ့ခြင်းဖြစ်ပေတော့သည်။မြန်မာနိုင်ငံတွင် အလုပ်သမားနေ့ဖြစ်ပေါ်လာခဲ့သည်။ အကြောင်းရင်းဖြစ်သည့် ကမ္ဘာ့သမိုင်းကြောင်းကို ပြန်ကြည့်လျှင်လည်း အခက်အခဲပေါင်းများစွာနှင့် တိုက်ပွဲဝင် အဆင့်ဆင့်ကို ဖြတ်ကျော်လာခဲ့ရသည်ကို တွေ့ကြရမည်ဖြစ်သည်။ မြန်မာနိုင်ငံအတွက် အလုပ်သမားများတို့၏ အသက်ပေါင်းများစွာဖြင့် ရင်းခဲ့၍ ရခဲ့သောနေ့တစ်နေ့ပင်ဖြစ် သည်။

ယခုအခါတွင် အလုပ်သမားနေ့ဟူ၍ ကမ္ဘာ့အလုပ်သမားထုကြီး ပူးပေါင်းပါဝင်ကြလျက် အလုပ်သမားတို့ကို ဂုဏ်ပြုချီးမြှင့်ပွဲများကို ကျင်းပလျက်ရှိလာခဲ့သည်ကို တွေ့ရှိရပေသည်။ ထိုစဉ်အခါက ကမ္ဘာ့အလုပ်သမားထုကြီး၏ ကာယ၊ ဥာဏအင်အားများဖြင့် လူ့အဖွဲ့အစည်းကြီး၏ မျက်နှာစာအချို့တွင် တရှိန်ရှိန်တိုးတက်နေပုံကို အသိအမှတ်ပြု၍ အလုပ်သမားများအား ထိုက်ထိုက်တန်တန်ဂုဏ်ပြုရန်၊ ယနေ့ ကမ္ဘာတစ်လွှား၌ တွေ့ကြုံနေရသော စားဝတ်နေရေးဆိုင်ရာ အခက်အခဲများ၊ လူမှုရေးအခက်အခဲများကို အလုပ်သမားတို့၏ စွမ်းပကားဖြင့် ဖြေရှင်းရာ၌ ပိုမိုလွယ်ကူ ချောမွေ့စေရန်၊ စီးပွားရေးတိုးတက်မှုတွင် အလုပ်သမားများသည်သာ အဓိကကျသော အစိတ်အပိုင်းဖြစ်ရာ ထိုအလုပ်သမားတို့၏ ဘဝအာမခံချက်ရရှိရေး၊ လုပ်ငန်းခွင်သာယာရေး၊ ဥပဒေစည်းမျဉ်းစည်းကမ်းနှင့်အညီ အလုပ်လုပ်နိုင်ရေးတို့ကို မျက်ခြည်ပြတ်မခံ သတိပြုမိပြီး အလုပ်သမားဘဝသာယာရေးကို နိုင်ငံတကာပူးပေါင်းဆောင်ရွက်မှုဖြင့် မြှင့်တင်ကြိုးပမ်းနိုင်ရန်စသော အဓိကရည်ရွယ်ချက်တို့ဖြင့် ဦးတည်၍ လူ့အဖွဲ့အစည်းကြီး၏ စာမျက်နှာကို ဖွင့်ခဲ့ကြသည်။ အတိတ်သမိုင်း၏ ဖြစ်စဉ်များကို သမိုင်းသက်သေတည်လျက် မေလ ၁ရက်(မေဒေး)နေ့တွင် မမေ့အပ်သော သင်ခန်းစာအဖြစ် ခံယူပြီး ကိုယ်စွမ်းရှိသမျှ၊ ဥာဏ်စွမ်းရှိသမျှ ဆင်ခြင်တုံတရားများထားကြ၍ အေးချမ်းသာယာသော ဘဝတည်ဆောက်နိုင်ရန် စွမ်းဆောင်ကြရမည်ဖြစ်ပေသည်။

သို့ဖြစ်ပါသောကြောင့် အလုပ်ရှင်များသည် အလုပ်သမားများ၏ လုပ်အားများကြောင့် မိမိတို့ တိုးတက်ကြီးပွားလာရသည်ကို သတိပြုကာ အလုပ်သမားတို့အပေါ်တွင် ကျေးဇူးတရားများ၊ စာနာစိတ်များဖြင့် ထိုက်တန်သော လုပ်အားခများကိုပေးခြင်း၊ မိသားစုစိတ်ဓာတ်မွေးကြခြင်းဖြင့် အလုပ်သမားတို့၏ ကြိုးစားအားထုတ်မှုများကို ဂုဏ်ပြုသင့်ပါကြောင်း တိုက်တွန်းလိုက်ရပေသည်။ ။


photo credit:

29/04/2020

17/04/2020

အရမ်းကောင်းမွန်တဲ့သတင်းကောင်းပါခင်ဗျာ...မျှဝေလိုက်ပါတယ်

အားလုံးမျှော်လင့် စောင့်စားနေတဲ့ သတင်း တခုကိုတော့ CNN သတင်းဌာနက ထုတ်ပြန်ကြေညာလိုက်ပါပြီ
COVID-19 အတွက်ကုသရာမှာ အလားအလာ အကောင်းဆုံး ဆေးဖြစ်တဲ့ Remdesivir ဆေးကို Chicago အခြေစိုက် Gilead ဆေးကုမ္မဏီက ယနေ့မှာကြေငြာသွားပါတယ်

COVID-19လူနာ ၁၃၅ ​​ယောက် ကို စမ်းသပ်တာ ၁၃၃ ယောက် ပျောက်ကင်းသွားပြီး အချို့လူနာများ က ၄ ရက်ကြာပြီးတော့ အချို့ က ၇ ရက် နဲ့ ပျောက်ပါတယ် လို့လဲပြောပါတယ်…

Google မှာ Remdesivirလို့ရိုက်လိုက်တာ နဲ့တင် ပေါ်လာမှာလဲ ဖြစ်ပါတယ် ဒီသတင်းက ဘာလို့ပိုတိကျလဲဆိုရင် ဒီသတင်းတက်လာပြီးပြီးချင်းပဲ နိုင်ငံတကာရဲ့
စတော့ စျေးကွက် တွေလည်း ပြန် တတ်လာတာ တွေ့ ရခြင်း အားဖြင့် ကျွန်တော်တို့ကမ္ဘာကြီး ပြန်လည် အရှိန်ယူပြီ လို့ ထင်ရပါတယ်…

မူရင်း Dailymail Link
👉https://trib.al/wG7I4B6

မှတ်ချက်👉တရုတ်ကိုတော့ U.S ကနေ ထိုဆေးကိုရောင်းချ မျှဝေ ခြင်းပြုမှာမဟုတ်ဟု အတိအလင်းပြောကြားထားပါသေးတယ်

15/04/2020

''နှစ်ဦးမင်္ဂလာ''

နှစ်ဦး သစ်မြူး၊ ခေတ်ဦးကောဇာ
ဆန်းစ ချမ်းမြ၊ စန်းလသော်တာ။
မြိုင်အောက်ကြိုင်လှောက်၊ ပိတောက်ပမာ
ကျန်းရွှင်ကြောင်း သွန်းလောင်းရေသီတာ။ ။

မင်းသုဝဏ်

Photo: Credit.

14/04/2020

သတင်းကောင်းပါခင်ဗျာ...

နောက်ဆုံး တော့လဲ မင်းကြီးတာ မှာ ဘူတာပြန်စိုက်ပါပြီ ...တရုတ်နိုင်ငံမှာ COVID-19 ကာကွယ်ဆေး Vero ကို လူမှာစတင်ထိုးနှံခွင့်ပြုလိုက်ပြီလို့ ယနေ့ ဆင်းဟွာသတင်းဌာန ကနေအတည်ပြုပေးထားပါတယ် ...

မူရင်းလင့်-https://www.facebook.com/422671591235160/posts/1541200372715604/?d=n