နေသူရိန်ဆေးခန်းနှင့်ဆေးဆိုင်-Nay Thu Rein Clinic

24/01/2026

ဖြစ်နေတာကတော့ India မှာပါ
သတိတော့ထားမှ

Crd AI info team
🔴 နီပါဗိုင်းရပ်စ် (Nipah Virus)၏ ရှေ့ပြေး
လက္ခဏာများနှင့် စစ်ဆေးအတည်ပြုခြင်း

အိန္ဒိယနိုင်ငံ၊ အနောက်ဘင်္ဂလားပြည်နယ်အတွင်း နီပါးဗိုင်းရပ်စ် ပြန်လည်ခေါင်းထောင်လာခြင်းကြောင့် လူထုအတွင်း စိုးရိမ်ပူပန်မှုများ ရှိနေပါသည်။ ကာကွယ်ဆေးမရှိသေးသော ဗိုင်းရပ်စ်အကြောင်း ကြားရသည့်အခါ ကြောက်ရွံ့ခြင်းမှာ သဘာဝဖြစ်သော်လည်း၊ ကြိုတင်သိရှိနားလည်
ထားခြင်းဖြင့် ဤအန္တရာယ်ကို ကာကွယ်နိုင်မည်
ဖြစ်သည်။

⚠️ အဓိကမှတ်သားရန်အချက်များ

▫️ နီပါးဗိုင်းရပ်စ်၏ ရှေ့ပြေးလက္ခဏာများသည် သာမန်တုပ်ကွေးနှင့် ဆင်တူသော်လည်း လျင်မြန်စွာပင် ပြင်းထန်သော ဦးနှောက်ရောင်ခြင်း (Encephalitis) အဆင့်သို့ ရောက်ရှိသွားနိုင်သည်။

▫️ ရောဂါပိုးကို စစ်ဆေးရာတွင် သာမန်သွေးစစ်ချက်ဖြင့် မရနိုင်ဘဲ အထူးပြုလုပ်ထားသော RT-PCR စစ်ဆေးမှုများ လိုအပ်သည်။

▫️လက်ရှိတွင် သီးသန့်ကုသဆေး မရှိသေးသဖြင့် ရောဂါလက္ခဏာပြသည်နှင့် ချက်ချင်းသီးသန့်ခွဲထားပြီး လိုအပ်သော ထောက်ပံ့ကုသမှုများ (Supportive Care) ကို ပေးရမည်ဖြစ်သည်။

⚠️ ရောဂါဖြစ်စဉ် အဆင့်ဆင့်ကို နားလည်ခြင်း

▫️နီပါးဗိုင်းရပ်စ်သည် ခန္ဓာကိုယ်ထဲသို့ ရောက်ရှိပြီးနောက် ချက်ချင်းလက္ခဏာမပြတတ်ပါ။ ရောဂါပျိုးချိန် (Incubation Period) မှာ ပုံမှန်အားဖြင့် ၄ ရက်မှ ၁၄ ရက် အတွင်း ဖြစ်သော်လည်း၊ အချို့ဖြစ်ရပ်များတွင် ၄၅ ရက် အထိ ကြာမြင့်နိုင်သည်။

▪️အဆင့် (၁) - တုပ်ကွေးကဲ့သို့ လက္ခဏာပြခြင်း (Flu-like Stage)
ကနဦးတွင် သာမန်ဖျားနာခြင်းနှင့် မှားယွင်းနိုင်သဖြင့် အောက်ပါလက္ခဏာများကို ဂရုပြုပါ:
- ရုတ်တရက် အပြင်းဖျားခြင်း၊
- ပြင်းထန်စွာ ခေါင်းကိုက်ခြင်း၊
- ကြွက်သားများ နာကျင်ကိုက်ခဲခြင်း၊
- လည်ချောင်းနာခြင်းနှင့် ပျို့အန်ခြင်း၊

▪️ အဆင့် (၂) - အန္တရာယ်ရှိ အာရုံကြောလက္ခဏာများ (Neurological Signs)
ဤအဆင့်တွင် ဗိုင်းရပ်စ်သည် ဦးနှောက်ကို စတင်တိုက်ခိုက်လာသည်။
- မူးဝေခြင်းနှင့် အလွန်အမင်း အိပ်ငိုက်ခြင်း၊
- သတိလစ်ခြင်း သို့မဟုတ် လူ၊ နေရာ၊ အချိန်တို့ကို ဝေခွဲမရဘဲ စိတ်ရှုပ်ထွေးခြင်း၊
- အသက်ရှူရ ခက်ခဲလာခြင်း၊
- အကြောဆွဲခြင်း သို့မဟုတ် အတက်ရောဂါကဲ့သို့ ဖြစ်ခြင်း၊
- ပြင်းထန်ပါက ၂၄ နာရီမှ ၄၈ နာရီအတွင်း သတိမေ့မြောခြင်း (Coma) ဖြစ်သွားနိုင်သည်။

⚠️ ရောဂါပိုးကို မည်သို့ စစ်ဆေးသနည်း?

နီပါးဗိုင်းရပ်စ်ကို -
အိမ်သုံးစစ်ဆေးကိရိယာ သို့မဟုတ် သာမန်သွေးစစ်
ချက်ဖြင့် မသိနိုင်ပါ။

• ရောဂါဖြစ်ပွားနေစဉ်
နှာခေါင်း၊ လည်ချောင်း သို့မဟုတ် ဆီးနှင့် သွေးနမူ
နာများကိုယူ၍ RT-PCR နည်းဖြင့် စစ်ဆေးသည်။

• ပြန်လည်ကျန်းမာလာချိန်
ခန္ဓာကိုယ်အတွင်းရှိ ခုခံအား (Antibodies) ကို
ELISA နည်းဖြင့် စစ်ဆေး၍ ယခင်က ကူးစက်ခံ
ခဲ့ရခြင်း ရှိ၊ မရှိ အတည်ပြုသည်။

🩺 ကာကွယ်ရေးလမ်းညွှန်ချက်များ (Do's and Don'ts)
ကုသဆေးမရှိသေးသဖြင့် ကာကွယ်ခြင်းသည်
အကောင်းဆုံးဖြစ်သည်။

• ထန်းရည်အစိမ်း မသောက်ပါနှင့်
လင်းနို့များ ကိုယ်တွင်းအရည်များဖြင့် ညစ်ညမ်း
နေနိုင်သဖြင့် မသောက်မီ သေချာကျိုချက်ပါ။

• သစ်သီးများကို သေချာဆေးပါ
လင်းနို့ကိုက်ရာပါသော အသီးများကို လုံးဝမစား
ပါနှင့်။ အသီးများကို အခွံနွှာစားပါ။

• တိရစ္ဆာန်များနှင့် ကင်းကင်းနေပါ
အထူးသဖြင့် လင်းနို့နှင့် ဝက်များကို တိုက်ရိုက်ထိ
တွေ့ခြင်း ရှောင်ပါ။

• လူနာပြုစုသူများ သတိထားပါ
Mask တပ်ပါ၊ လက်ကို မကြာခဏဆေးပါ။ လူအ
ချင်းချင်း ခန္ဓာကိုယ်ထွက်ရည်များမှတဆင့် ကူးစက်
နိုင်သည်။

အနောက်ဘင်္ဂလားပြည်နယ် နောက်ဆုံးရသတင်း
၂၀၂၆ ဇန်နဝါရီ အစီရင်ခံစာအရ မြောက်ပိုင်း (North 24 Parganas) အပါအဝင် နယ်စပ်ခရိုင်များတွင် သံသယဖြစ်ဖွယ် ကူးစက်မှုများရှိနေသဖြင့် ကျန်းမာရေးဌာနများက အမြင့်ဆုံး သတိပေးချက် ထုတ်ပြန်ထားသည်။

ပြင်းထန်သော တုပ်ကွေးလက္ခဏာနှင့်အတူ စိတ်ရှုပ်ထွေးခြင်း သို့မဟုတ် အသက်ရှူရခက်ခဲခြင်းတို့ တွဲဖြစ်လာပါက လုံးဝမပေါ့ဆပါနှင့်။ အချိန်မီ ဆေးရုံတက်ရောက် ကုသခြင်းဖြင့် အသက်အန္တရာယ်မှ ကယ်တင်နိုင်ပါသည်။

🇲🇲 မြန်မာနိုင်ငံသားများအတွက် အကြံပြုချက်

အကယ်၍ အိန္ဒိယနိုင်ငံ (အထူးသဖြင့် ကာလကတ္တားနှင့် အနီးတဝိုက်) သို့ သွားရောက်ရန်ရှိပါက အထက်ပါအချက်များကို အထူးဂရုပြု လိုက်နာကြပါရန် တိုက်တွန်းအပ်ပါသည်။

🌿 AI Info Team 🌿
23 JAN 2026 | NIPAH VIRUS

24/12/2025

#အခမဲ့ လက်မောင်းပိုက်ထည့်ခြင်း #
စာရင်းပေးသွင်းနိုင်ပါသည်
#နေသူရိန်၂၄ နာရီ ဆေးခန်းနှင့်ဆေးဆိုင် #

08/12/2025

ဆီးချိုရှိသူတွေ ထမင်းစားပြီးတိုင်း ဒီ (၃) ချက်ကို လုပ်ဖို့ မေ့နေတယ် 💡
(သွေးတွင်းသကြားကောင်းကောင်း ထိန်းချင်ရင် မဖြစ်မနေ လုပ်ပါ) ✅
-------------------------------------
🕐 ထမင်းစားပြီးချိန် (Postprandial Period) ဟာ ဆီးချိုထိန်းချုပ်ရေးမှာ အရေးအကြီးဆုံး အချိန်တစ်ခု ဖြစ်ပါတယ်။
အစာစားပြီး ၂ နာရီအတွင်း သွေးတွင်းသကြားဓာတ် မတက်အောင် နေ့စဉ် အလေ့အကျင့်လေးတွေ လုပ်ပေးဖို့ လိုပါတယ်။
1️⃣ ရေတစ်ခွက် သောက်ပါ 💧 (အရမ်းအရေးကြီးတယ်)...................................
ရေက သွေးတွင်းသကြားဓာတ်ကို စုပ်ယူမှုနှေးစေပါတယ်။
ကျောက်ကပ်ကို သကြားဓာတ်တွေ စွန့်ထုတ်ဖို့ ကူညီပေးတယ်။
📌 ဘယ်လိုသောက်မလဲ?
ထမင်းစားပြီး ၁၅ မိနစ်အတွင်း ရေ (၁) ခွက် (သို့) (၂) ခွက် သောက်ပေးပါ။
❄️ ရေခဲရေမဟုတ်၊ ရိုးရိုးရေနွေး (သို့) အခန်းတွင်းအပူချိန်ရေ က ပိုကောင်းတယ်။
2️⃣ လွယ်ကူတဲ့ လှုပ်ရှားမှု လုပ်ပါ 🚶‍♂️🧹......................................
အစာစားပြီး ၁၀ မိနစ်ကနေ ၁၅ မိနစ်အတွင်း စလှုပ်ရှားပါ။
(ဥပမာ - အိမ်သန့်ရှင်းရေး၊ တီဗီကြည့်ရင်း မတ်တပ်ရပ်လေ့ကျင့်ခန်း၊ လမ်းလျှောက်)
🔬 ဘာကြောင့်လုပ်သင့်လဲ?
ကြွက်သားတွေက သကြားဓာတ်ကို စွမ်းအင်အဖြစ် ပိုသုံးလာစေတယ်။
အင်ဆူလင်တုံ့ပြန်မှု (Insulin Sensitivity) ကို ပိုကောင်းစေတယ်။
3️⃣ အစာချေဖျက်မှုကို ကူညီမယ့် လက်ဖက်ရည်ကြမ်း ☕
🍵 ဂျင်းလက်ဖက်ရည်.....................................
ဂျင်းက သွေးတွင်းသကြားကျစေတယ်
🌿 ဒါမှမဟုတ် Green Tea (လက်ဖက်စိမ်းရည်)
( လွယ်လွယ်ရနိုင်ပြီး Antioxidants ကြွယ်ဝ)
⏰ သောက်ချိန်: ထမင်းစားပြီး ၂၀ မိနစ်ခန့်အကြာ။
⚠️ သတိထားရန်: သကြား၊ နို့၊ ခရင်မ် လုံးဝမထည့်ရ။
ဒါတွေကိုတော့ ရှောင်ပါ ⚠️
------------------------
❌အချိုရည်/လက်ဖက်ရည်ချို သောက်ခြင်း 🥤
❌ချက်ချင်း အိပ်စက်ခြင်း (သို့) လှဲနေခြင်း 😴
❌စားပြီးချက်ချင်း စိတ်ဖိစီးစရာ အလုပ်တွေ လုပ်ခြင်း 😰
(စိတ်ဖိစီးမှုဟော်မုန်းတွေက သွေးသကြားတက်စေတယ်)
📝 အနှစ်ချုပ်:
------------
💧 ရေ သောက်
🚶‍♂️ လှုပ်လှုပ်ရှားရှား နေ
☕ ဂျင်းလက်ဖက်ရည် (သို့) Green Tea သောက်
ဒီအလေ့အကျင့် (၃) ခုကို အနည်းဆုံး ၁ ပတ်လောက် ပုံမှန်လုပ်ကြည့်ပါ။
သွေးတွင်းသကြားဓာတ် ဘယ်လောက် တည်ငြိမ်လာသလဲ ဆိုတာ သိသာလာပါလိမ့်မယ် 📊
🙏 ကျေးဇူးတင်ပါတယ်။ ကျန်းမာပျော်ရွှင်ပါစေ။
(သင့်ဆရာဝန်၏ အကြံပြုချက်များနှင့် ညှိနှိုင်းပါ) 👨‍⚕️👩‍⚕️
#ဆီးချို #ထမင်းစားပြီးအလေ့အကျင့် #ဆီးချိုထိန်းနည်း

13/11/2025

အသက်(၄၅)ကနေ
(၆၀) သမားများ
အထူးသတိ ထားဖို့ပါ ။
အဲဒီအတွင်းကို
ဂရုစိုက်နေထိုင်ရင်...
ကျန်းမာအသက်ရှည်ပါတယ် တဲ့၊
အလေ့ကျင့်ကောင်းသွားရင်
ရောဂါကြီးကြီးမား ...
မရှိရင်အသက် ရာကျော်အထိ
အသက်ရှည်
ကျန်းမာပါတယ်လို့ ဆိုကြတယ်။

၁။ ကိုယ်အလေးချိန်ကို
အမြဲထိမ်းပါ။
(weightချိန် ပါ )...

၂။ အိပ်ရေးဝအောင် အိပ်ပါ....

၃။ အစာအိမ်ကို ဂရုစိုက်ပါ။
ဖြေးဖြေးနဲ့ နည်းနည်းပဲစားပါ။
၇၀% ပြည့်အောင်ပဲစားပါ။
အလွန်အကျွံ မစားပါနဲ့။
ပျော့တဲ့အစားစာရွေးစားပါ။
အဆီ,အငန်,အချို,
အပူစာတွေလျော့စားပါ။

၄။ အရိုးအဆစ်ကိုဂရုစိုက်ပါ။

၅။ vitamin D ရအောင်
နွားနို့,ငါး,ပဲ စားတဲ့အပြင်
မနက်(သို့) ညနေခင်း
နေရောင်ခြည်ကို
10min လောက်
အနည်းဆုံး ခံယူပါ။
vitamin Dအားဆေးလည်း
တခါတလေ စားပေးပါ။

၆။ လမ်းလျှောက် လေ့ကျင့်ခန်း
လုပ်ပေးပါ။
ကြွက်သားအားကောင်းအောင်
လေ့ကျင့်ပေးပါ။
ခြေသလုံးကြွက်သား
အားကောင်းရင်
နှလုံးရောဂါမဖြစ်နိုင်ပါဘူး။
ကခုန်ခြင်းဖြင့်လည်း
ကိုယ်လက် လှုပ်ရှား
လေ့ကျင့်ခန်းတမျိုးပါပဲ။

၇။ ရေချိုးချိန်၊
ကိုယ် အဆင်ပြေချိန်တွင်
သီချင်းအော်ဆိုပေးခြင်း ဖြင့်
အဆုတ်အားကောင်းအောင်
လုပ်ပေးပါ။
လက်ခုပ်တီးပေးပါ။

၈။ pressure ,stress လျော့ပေးပါ၊
စိတ်ပျော်ရွှင်အောင်နေပါ၊
ပြသနာအကြီးကို
သေးအောင်လုပ်၊
အသေးကိုပျောက်အောင်လုပ်။
တော်ရုံ အရေးမကြီးတာတွေနဲ့
ရန်မဖြစ်နဲ့။
စိတ်ထဲ မထားကြပါနဲ့။

၉။ စိတ်အေးချမ်းတည်ငြိမ်အောင်
တရားထိုင်ပေးပါ၊
ဝင်လေထွက်လေမှတ်ပေးပါ။
၁၀။ သန့်ရှင်းမှုကို
အလေးထားပါ၊
တကိုယ်ရည် သန့်ရှင်းမှုနဲ့
အိမ်တွင်းအိမ်ပြင်
ပတ်ဝန်းကျင် သန့်ရှင်းရေးကို
ဂရုစိုက်ပါ။
၁၁။ ပိုးဟပ်၊ကြွက်၊ခြင်၊ယင်၊
ပရွက်ဆိတ်စတဲ့
အင်းဆက်ပိုးတွေကို
ကိုယ့်အိမ်တွင်း
အိမ်ပြင်မရှိအောင်ဂရုစိုက်ပါ။

၁၂။ ဦးနှောက်ကို
တခုခုလုပ်နေရင်းအသုံးချပါ။
စီးပွါးလုပ်ငန်း၊
အလုပ်၊ပညာ တခုခု
ကိုယ်ဝါသနာပါရာကို
အမြဲ လေ့လာရင်း
လုပ်နေရင်းနဲ့
ဦးနှောက်ကို အသုံးချပေးပါ။
ဦးခါင်းကိုအသုံးချခြင်းဖြင့်
အယ်ဇိုင်းမားရောဂါ
မဖြစ်အောင်
ကာကွယ် ပေးနိုင်ပါတယ်။

၁၃။ ဝမ်းမှန်အောင် လုပ်ပါ၊
အညစ်အကြေး စွန့်ခြင်းဖြင့်
ကိုယ်ထဲက
အဆိပ် အတောက်ကို
ဖယ်ပေးနိုင်ပါတယ်။
ရေများများသောက်ခြင်းဖြင့်
သွေးကြောပိတ်ခြင်း၊
အပူကြီးခြင်းကို
ကာကွယ်ပေးနိုင်ပါတယ်။
ကျောက်ကပ်
ကျောက်တည်ခြင်းကို
ကာကွယ်ပေးနိုင်တယ်။

၁၄။ မနက်အစာမစားခင်
ပုံမှန်ရေတခွက်
ရေနွေး၂ခွက်
သောက်ပေးခြင်းဖြင့်
အူလမ်းကြောင်းက
အညစ်အကြေးတွေ
ထုတ်ပေးနိုင်ပါတယ်။
အိပ်ကာနီး
ရေတခွက်သောက်ခြင်းဖြင့်
မနက်ဆီးသွားပြီး
ကိုယ်တွင်းက အပူကို
ကျစေပါတယ်။
အသက်၃ဝကျော်ရင်
သွေးကြောတွေက
တဖြေးဖြေးအဆီပိတ်ပြီး
ကျဉ်းလာပါတယ်။
တချို့ကသွေးပျစ်ပီး
ကျဉ်းလာပါတယ်။

ဒါ့ကြောင့်
အဆီအကြော်စာတွေ
လျော့စားပါ
ရေနွေးရေသောက်ပေးခြင်း
လေ့ကျင့်ခန်းလုပ်ပေးခြင်းဖြင့် သွေးကြောပိတ်ခြင်းကို
ကာကွယ်နိုင်ပါတယ်။

တရုတ်ဆေးပညာ ကနေ
ဘာသာပြန် ရေးပေးတာပါ။
မိတ်ဆွေသူငယ်ချင်းများအားလုံး
ကျန်းမာအသက်ရှည်ပါစေ...

26/10/2025

#ဒီရာသီကတော့ ိုင်းရပ်စ် ထကြွတဲ့ ရာသီ ပါပဲ

ဒီ RSV တုပ်‌ကွေးကတော့ အဓိကက အဆုတ်ပိုးဝင်ပြီး အဖျားမကျ ညဆိုပြန်ပြန်ဖျားကြ ချောင်းတွေအရမ်းဆိုး အသက်ရှူမြန် မောနေတဲ့ ကလေးလူနာတွေ အတော်လေး လာပြကြတယ် အများစု ၁၀ယောက်မှာ ၈ယောက်က သောက်ဆေးနဲ့ အဆင်ပြေသွားကြတယ် ၂ယောက်လောက်ကတော့ သောက်ဆေးနဲ့ မရလို့ သွေးစစ် ဓါတ်မှန်ရိုက်ကြည့်တော့
အများစုကတော့ သွေးဖြူဥတွေကျနေတာ သွေးမွှားတွေ နည်းနေတာတွေ့ရပြီး တချို့တွေကတော့ သွေးတွင်းပိုးတွေများ သွေးဖြူဉတွေများနေတာတွေ တွေ့နေရပါတယ်
ဓါတ်မှန်မှာတော့ အဆုတ်ပိုးဝင် အဆုတ်ရောင်ရောဂါ Pneumonia နှင့် အဆုတ်ခဲ Consolidation ဖြစ်နေတဲ့ ကလေးလူနာတွေခပ်စိတ်စိတ်ပြန်တွေ့နေရတယ်😯😯😯

အဆုတ်ခဲနေရင်တော့ ဆေးရုံတက် ဆေးထိုးရတယ် အငွေ့ရှူရတယ် လိုအပ်ရင် အောက်ဆီဂျင်တွေပေးရတယ်

သွေးတွင်းအောက်စီဂျင် ၉၂ % အောက်ဆိုရင်တော့ ချက်ချင်းဆေးရုံတင် ကုသမူ့ခံယူဖို့လိုပါတယ် (တချို့မိဘတွေက ကလေးကမောပြီး ရင်ဘတ်အောက်ပိုင်းချိုင့်
အသက်ရှူတွေ မြန်နေတာ သွေးတွင်းအောက်စီဂျင် ၉၂% အောက်ကျနေတာတောင် ဆေးရုံမတက်ချင်ကြဘူး
သောက်ဆေးပဲလိုချင်ကြတာ အာပေါက်မတက်သေချာလေး ရှင်းပြပြီး ဆေးရုံတက်ပြီး ကုသမု့ခံယူစေပါတယ် )

ထပ်မဖြစ်အောင်လို့ လက်ကို ဆပ်ပြာနဲ့သေချာဆေးပါ၊ အဟာရဖြစ်အောင်ကျွေးပါ၊ ကလေးတွေက်ို ချစ်ရင်
လုံးဝမနမ်းဖို့ လူထူထပ်တဲ့ နေရာတွေ မသွားဖို့ တရစပ်ပြောနေရတယ် 😛😛😜

အခုတလော ချောင်းဆိုး မရပ်မနားဆိုးတဲ့ ချောင်းဆိုးသံကြီးတွေနဲ့ ကလေးတော်တော်များများလာပြနေကြတယ် လိုက်လာပြတဲ့ ဖေဖေမေမေတွေ ကိုယ်တိုင်ကလည်း ချောင်းတွေဆိုးနေကြတာ 😱😱😱
မိဘတွေကို ရောဂါအကြောင်းသေချာနားလည်အောင်ရှင်းပြရ အန္တရာယ်ရှိတဲ့ လက္ခဏာတွေ ပြောထားမှာထားရ ထပ်မဖြစ်အောင် ကာကွယ်မူ့တွေ ‌ပြောရ ဆေးကို ဆေးပတ်လည်အောင်တိုက်ဖို့‌ပြောရနဲ့ ဟူးးးးးး မောလိုက်တာ ဆိုတာလေ 🥺🥺🥺 တချို့မိဘတွေက ဆေးပတ်လည်အောင် မတိုက်ကျဘူး သက်သာပြီဆိုတာနဲ့ ဆေးတွေ အကုန်ရပ်လိုက်ကြတာ နောက် ၇
ရက်လောက်နေရော ပြန်ဖျား ချောင်းပြန်ဆိုးပြီး ပြန်လာပြရပါလေရော

အခု RSV ကုထုံးမှာတော့ ဖျားပြီး ချောင်းဆိုး နှာစေးလာတဲ့ကလေးလူနာ အကုန်လုံးကို ဆေးသေချာပေးပြီး သေချာရှင်းပြပြီး ၂ရက်စောင့်ကြည့်ခိုင်းရတယ်
၃ရက် မြောက်နေ့မှာ မသက်သာရင် ချောင်းပိုဆိုးလာရင်
အဖျားမကျရင် မောလာတာ အသက်ရှုမြန်လာတာ ရင်ဘတ်အောက်ပိုင်းချိုင့်လာတာ နို့စို့နည်းတာ အစာမစားတာ မှိန်းနေတာ မလန်းတာ တခုခုရှိနေတာနဲ့ သွေးစစ် ဓာတ်မှန်ရိုက် ခိုင်းလိုက်တော့တယ်

စောစော အဆုတ်ခဲတာ တွေရင် ဆေးရုံတက် ဆေးထိုး ရှူဆေးရှူခိုင်း ၂ရက် ပြည့်လို့ ကောင်းရင် ဆေးရုံက ဆင်းပြီး ထိုးဆေး ရက်ပြည့်အောင် ထိုးခိုင်း အာပန်းဆေးရှူခိုင်းလိုက်ရင်တော့ အတော်လေး အဆင်ပြေသွားကြတယ် အသက်အန္တရာယ်ဖြစ်တဲ့ အထိ မထားပဲနဲ့ စောစောသိ စောစောကုထုံးပေးလိုက်တာ လူနာ့အတွက်ရော ကုရတဲ့ ဆရာဝန်အတွက်ရော အတော်လေး အဆင်ပြေသွားတယ် 😊😊😊
နောက်ကျမှ လာကြ ကလေးက မောပြီး အသက်ရှုရခက်နေ ဟောဟဲစိုက်နေပြီ သွေးတွင်း အောက်စီဂျင်တွေ ထိုးကျနေပြီ ကလေးက နို့မဝင် အစာမဝင်တာ ၄ရက်လောက်ရှိပြီး အရမ်းပျော့ခွေနေတဲ့ ကလေးတွေ
အသက်အန္တရာယ်ရှိတဲ့ ကလေးတွေလာရင် ဆေးရုံ
အမြန်တင် အရေးပေါ် ကုသမူ့တွေ အသက်ကယ်တာတွေ လုပ်ရတာတွေ အောက်စီဂျင်ဖြုတ်မရလို့ ဆေးရုံမှာ ၁ပတ် လောက် တက်ရတဲ့ ကလေးတွေ ထိုးဆေးတွေ
အမြင့်တွေ ပေးနေရတာတွေ ဟာ တကယ်ကို လူနာရော လူနာရှင်ရော တာဝန်ယူကုသပေးရတဲ့ ဆရာဝန်ရော အတော်လေးကို စိတ်ပင်ပန်း လူပင်ပန်းရပါတယ် 🥵🥵🥵

အဲ့ဒါကြောင့် စောစောသိ စောစောကုသမူ့ခံယူတာက အကောင်းဆုံးပါပဲ 👍👍👍

ဒီထက် ကောင်းတာကတော့ ရောဂါ မဖြစ်အောင် ကြိုတင်ကာကွယ်ခြင်းပါပဲ 👍👍👍

#လက်ကိုခဏခဏဆေးပါ ၊ ကလေးကို ချစ်ရင် လုံးဝ
မနမ်းပါနဲ့ ၊ လူစုလူဝေးထဲ ကလေးခေါ်သွားခြင်းကို ခဏရှောင်လိုက်ပါ ၊ ချောင်းဆိုး နှာချေ ဖျားနေတဲ့ ကလေးကြီး လူကြီးတွေနဲ့ အနေမနီးပါစေနဲ့
#ဒီRSV က ထပ်ဖြစ်တတ်ပါတယ် 😌😌😌

RSV respiratory syncutial virus သည် သေချာကုသမူ့ မခံယူလျှင် အသက်အန္တရာယ်ကို ခြိမ်းခြောက်သော
ဗိုင်းရပ်စ်တစ်မျိုးဖြစ်ပါတယ်

RSV (Respiratory Syncytial Virus) သည် အသက်ရှူလမ်းကြောင်း အပေါ်ပိုင်း နှင့် အောက်ပိုင်းတွေကို
ရောဂါဖြစ်စေနိုင်သော ဗိုင်းရပ်စ် အမျိုးအစား တမျိုးဖြစ်ပါတယ်

မွေးကင်းစ ကလေးကစ​ပြီး အသက် ၆လအောက် ကလေးတွေရော အသက်၁နှစ် အထက် ကလေးတွေရော
အသက် ၅နှစ်အထက် ကလေးတွေရော လူလတ်ပိုင်းတွေရော လူကြီး​တွေပါ ရောဂါပိုး ကူးစက်နိုင်ပါတယ်

ကလေးအသက် ၅ နှစ်အောက် များတွင် အဖြစ်များပြီး မိုးရာသီ သို့မဟုတ် မိုးရာသီကုန်နှင့် ဆောင်းရာသီအစတွင် ဖြစ်ပွားလေ့ရှိပါတယ်

RSV ပိုးက ချောင်းဆိုးခြင်း၊ နှာချေခြင်းမှ ထွက်လာသော အစက် အပြောက်များ ၊ တံတွေးများ၊ ချွဲများ၊ တံတွေးများ မှတဆင့် ကူးစက်ခံရပါတယ်
ရောဂါပိုးရှိသူက နမ်းလိုက်တာဖြစ်စေ စသည်ကနေကူးစက်တတ်ပါတယ်

RSV ဗိုင်းရပ်စ်ပိုးသည် အရာဝတ္ထုပစ္စည်းတွေ ၊မျက်နှာပြင်တွေ၊ ကလေးကစားစရာ ပစ္စည်းတွေ၊ ကြမ်းပြင်တွေ ၊ စားပွဲ မျက်နှာပြင်တွေ ပေါ်မှာ
နာရီအတော်ကြာအသက်ရှင်နိုင်ပါတယ်
ဒါကြောင့်လည်း ကူးစက်နှုန်းက မြန်နေတာပါ

ရောဂါပေါက်ဖွားသည့်ကာလမှာ ၅ ရက်ခန့်ဖြစ်ပြီး
ပထမ ၂ ရက်မှ ၄ ရက် အတွင်း

၁။ဖျားနာခြင်း၊ ချောင်းဆိုးခြင်း၊ နှာချေခြင်းနှင့် နှာရည်ယိုခြင်း စသည့် လက္ခဏာများ ခံစားရတတ်ပါတယ်

၂။အာသီး tonsils ရောင်ပြီး လည်ချောင်းနာခြင်း
အစာမျိုရခက်ခြင်း

၃။အသံအိုးရောင်ခြင်း အသံဝင် အသံ မထွက်ခြင်းများ

၄။နမိုးနီးယား သို့မဟုတ် အဆုတ်ရောင်ရောဂါ ဖြစ်ခြင်း

၅။ အဖျားကြီးခြင်း၊

၆။ တရစပ် ချောင်းဆိုးခြင်း ၊ မနားမနေ ချောင်းဆိုးခြင်း

၇။အသက်ရှူမဝခြင်း

၈။အသက်ရှူကြပ်ခြင်း

၉။လည်ချောင်းထဲမှာ ချွဲတွေ များပြီး ချွဲတစ်သလိုဖြစ်ပြီး မျက်နှာကြီးနီရဲလာခြင်း

၁၀။ ချောင်းဆိုးအရမ်းဆိုးပြီး အော့အန်ခြင်း

၁၁။အသက်ရှူမြန်ခြင်း

၁၂။ နံရိုးများ သို့မဟုတ် ရင်ဘတ်များ နစ်သွားသည်အထိ အသက်ရှူရခက်နေခြင်း

၁၃။မိခင်နို့ မစို့ခြင်း ၊ အစာလုံးဝမစားခြင်း ၊ ရေဓာတ်ဆုံးရှုံးပြီး ပျော့ခွေနေခြင်း

၁၄။ နှုတ်ခမ်းများပြာလာပြီး အသက်ရှူ အရမ်းခက်ခဲ
သွေးတွင်း အောက်စီဂျင်ကျပြီး သေဆုံးနိုင်ခြေ မြင့်မားပါတယ်

လက်ရှိတွင် RSV ရောဂါပိုးကို တိုက်ရိုက်ကုသနိုင်သော ကုသနည်းမရှိသေးပါ
ဖြစ်ပေါ်လာသော ရောဂါလက္ခဏာများကိုသာ ကုသမူ့ပေးနေရပါတယ် ဖျားလျှင် အဖျားကျဆေး ကလေးပေါင်ချိန်နဲ့ တွက်ပြီး သေချာတိုက်ခိုင်းရတာ
ချောင်းဆိုးချွဲကြပ်လျှင် ချောင်းဆိုးပျောက်ဆေး၊ သလိပ်ပျော်ဆေးတွေပေးနေရတာ
လေပြွန်ကျဥ်းပြီး ကျပ်လာလျှင် လေပြွန်ကျယ်တဲ့ဆေးငွေ့ ရှူခိုင်းရတာ အောက်စီဂျင် ကျနေလျှင် အောက်စီဂျင်ပေးရတာတွေ ရေဓာတ်ခမ်းခြောက်နေလျှင်​ ရေဓာတ်ပြန်ဖြည့်ပေးရတာတွေ လုပ်ပေးရပါတယ်


RSV ဗိုင်းရပ်စ် ကူးစက်ခံရခြင်းမှ ပြန်လည်ကောင်းမွန်ရန် ၁ပတ်မှ ၂ ပတ်ခန့်ကြာနိုင်ပါတယ်
သာမန်အအေးမိခြင်းမှ အဆုတ်ရောင်ခြင်း၊
အဆုတ်ခဲခြင်း ၊ အဆုတ်လေပြွန်ရောင်ရမ်းခြင်း နှင့် အသက်အန္တရာယ်ဖြစ်စေနိုင်သည်အထိ ဖြစ်တတ်ပါတယ်

ကိုယ်ခံအားကျနေတဲ့ အချိန်မှာ RSV ဗိုင်းရပ်စ်ပိုးသည် နောက်တစ်ကြိမ် ပြန်ဖြစ်နိုင်ချေရှိပါတယ် ဒါကြောင်​့
လူစုလူဝေးနေရာတွေ ပွဲလမ်းသဘင်တွေ ကစားကွင်းတွေသွားလည်ခြင်းတွေကို ရှောင်ရှားသင့်ပါတယ်

မိဘများအနေဖြင့် သန့်ရှင်းမှုကို အထူးဂရုစိုက်သင့်ပါတယ်
၁။လက်ကို မကြာခဏဆေးကြောခြင်းသည်
ရောဂါပိုးမွှားများကို ၇၀ ရာခိုင်နှုန်းအထိ လျှော့ချနိုင်ပါတယ်
၂။ သန့်ရှင်းသော အစားအစာများကို ကျွေးသင့်ပါတယ်
မိခင်နို့ကို သေချာတိုက်ပေးရပါ့မယ်
၃။ အနားယူမှုပေးရပါမယ်
၄။လေ၀င်လေထွက်ကောင်းအောင် ထားပေးရပါမယ်
၅။လက်ကို သေချာမဆေးရင် လူကြီးတွေဆီကနေ ကလေးတွေကို ကူးစက်နိုင်ပါတယ် ဒါကြောင့် ဘယ်ကပြန်လာလာ လက်ကို ဆပ်ပြာနဲ့ သေချာဆေးဖို့ အမြဲပြောနေရပါတယ်
၆။မူကြို၊ ကျောင်းတွေ ၊ လူထူထပ်တဲ့ ​နေရာတွေ သွားတဲ့အခါ နှာခေါင်းစည်း mask တပ်ထားသင့်ပါတယ်
၇။ကလေးတွေကို ချစ်ရင် လုံးဝမနမ်းပါနဲ့
၈။ဖျားပြီး ချောင်းဆိုးနေတဲ့ ကလေးကြီးတွေ
လူကြီးတွေအနေနဲ့ ကလေးငယ်တွေနားသွားတဲ့ အခါမှာ နှာခေါင်းစည်း mask သေချာတပ်ပါ
၉။ပတ်ဝန်းကျင်မှာ မီးခိုးနံ့ ၊ဆေးလိပ်အနံ့၊ ခြင်ဆေးခွေ​
ငွေ့အနံ၊ ခြင်မလာအောင် စနွင်းမှိုင်းတိုက်ခြင်း ၊ ရေမွှေးနံ စူးစူးတွေ အမှုန်အမွှားတွေ မရှိအောင် သေချာဂရုစိုက်ရပါမယ်
၁၀။ ၆လ အထက် ကလေးများ နှစ်စဥ်ရာသီတုပ်ကွေးကာကွယ်ဆေးထိုးသင့်ပါတယ်

ကလေးများအားလုံး ကျန်းမာချမ်းသာကြပြီး ရောဂါကပ်ဆိုးကြီးမှ ကင်းဝေးကြပါစေ လို့ ဆုတောင်းမေတ္တာပို့သအပ်ပါတယ် 🙏🙏🙏
crd to original uploader

ေါက်တာနီနီ ကလေးအထူးကု ( အေးမေတ္တာကလေးအထူးကုဆေးခန်း မန္တလေးမြို့ )

05/10/2025

#မောတယ်_မူးတယ်_ရင်တုန်တယ်_ဖြူဖတ်ဖြူရော်ဖြစ်နေတယ်
#ခွန်အားမရှိဘူး_နုံးနေတယ်_လှုပ်လှုပ်ရှားရှားမလုပ်ချင်ဘူး
#တစ်ချိန်လုံး_ပင်ပန်းနွမ်းနယ်နေတယ်

#သံဓာတ်ချို့တဲ့_တဲ့သွေးအားနည်းရောဂါ (Iron Deficiency Anaemia)

သွေးအားနည်းရောဂါ အကြောင်းပြောဖို့ က သွေးအားနည်းတယ် ဆိုတာနဲ့ သွေးပေါင်ချိန်ကျတာကို ကွဲကွဲပြားပြား သိ ဖို့လိုပါတယ်။

သွေးပေါင်ချိန်ဆိုတာ လက်မောင်းကနေသွေးပေါင်ချိန်တိုင်းကိရိယာ နဲ့ တိုင်းရတာ ဖြစ်ပြီး သွေးအားနည်းတယ်ဆိုတာကတော့ သွေးနီဥပမာဏနည်းတာကို ဆိုလိုတာပါ။

သွေးနီဥ ကို Red Blood Cell လို့ခေါ်ပါတယ်။
သူရဲ့ အဓိကလုပ်ငန်း က Oxygen နဲ့ အာဟာရတွေကို ခန္ဓာကိုယ်တစ်ခုလုံးက Cells တွေဆီပို့ပေးပြီး ၊ Cells တွေဆီက Carbon dioxide နဲ့ စွန့်ပစ်ပစ္စည်းတွေကို ပြန်လည်သယ်ဆောင်ပေးပါတယ်။

သွေးနီဥမှာ အဓိက အလုပ်လုပ်တာက Haemoglobin ပေါ့၊ အဲ့ဒီ Haemoglobin မှာ သံဓာတ် Iron (Fe) တွေနဲ့ ဖွဲ့စည်းထားပါတယ်။

အဲ့တော့ သွေးနီဥတွေ အလုပ်ကောင်းကောင်းလုပ်ဖို့ က သံဓာတ်က အလွန်အရေးကြီးပါတယ်။

သံဓာတ်ချို့တဲ့ တဲ့ အခါ သွေးနီဥတွေ ကောင်းကောင်း မတည်ဆောက်နိုင်တော့ သွေးနီဥ ပမာဏ နည်းတာကို သွေးအားနည်း တယ်လို့ခေါ်ပါတယ်။

Oxygen ကို ခန္ဓာကိုယ်က Cells တွေက လုံလုံလောက်လောက် မရတဲ့အတွက်

#သွေးအားနည်းရင်_ဘာတွေခံစားရမလဲ ❓

- မောတယ်၊ မူးတယ်၊ ရင်တုန်တယ်၊ ဖြူဖတ်ဖြူရော်ဖြစ်တယ်
- ခွန်အားမရှိဘူး၊ နုံးနေတယ်၊ လှုပ်လှုပ်ရှားရှားမလုပ်ချင်ဘူး၊
- တစ်ချိန်လုံး ပင်ပန်းနွမ်းနယ်နေတတ်ပါတယ်။

👉 ပုံမှန် Hb က အမျိုးသားဆို 14 ကျော် ၊ အမျိုးသမီးဆို 12.3 ကျော်ပေါ့။
အဲ့ထက်နည်းရင်တော့ သွေးအားနည်းတယ် ခေါ်ပါတယ်။
_________

Hb က ၁၂ အောက်ရောက်တာနဲ့ အဲ့လိုဖြစ်လားဆိုတော့ မဟုတ်ပါဘူး။ လက္ခဏာတွေ ခံစားလာရရင် Hb က 10 အောက်ရောက်နေတတ်ပါတယ်။

သွေးအားနည်းရောဂါ ကိုသိဖို့ကတော့ သွေးစစ်ဆေးဖို့လိုပါတယ်။
__________
သံဓာတ်ဘာလို့ ချို့တဲ့တာလဲ ❓

1. ဆုံးရှုံးမှုများရင် ချို့တဲ့နိုင်သလို
2. စားသောက်တဲ့ အထဲလိုသလောက်မပါရင် လည်း ချို့တဲ့ပါတယ်

နံပါတ် (၁) အချက် #ဆုံးရှုံးမှုများတယ်

#သွေးထွက်တာပေါ့
ခန္ဓာကိုယ်ကနေ သွေးတွေ ဝေါခနဲ ထွက်သွားကို ကျွန်တော်တို့က သတိထားမိပြီး ကြောက်ကြပေမယ့်
ပုံမှန်နည်းနည်း နည်းနည်းထွက်နေတာကို သိပ်ပြီး ဂရုမစိုက်ဖြစ်ကြပါဘူး
အဓိက ကတော့ အမျိုးသမီးတွေ #ဓမ္မတာလာတာပါ။
လတိုင်း ဖြစ်နေတာဆိုတော့ ဂရုမစိုက်ဖြစ်ကြဘူးပေါ့။
( ဓမ္မတာလာရင် သွေးက 30 to 40 ml လောက် ဆုံးရှုံးတတ်ပါတယ်။
သွေး 10 ml မှာ သံဓာတ်က 5 mg ရှိတာမို့ သံဓာတ် 20mg လောက်ဆုံးရှုံးတာပေါ့)

​အမျိုးသမီးတွေ သွေးပေါ်တာအပြင်
- လိပ်ခေါင်းရောဂါ ရှိပြီး ဝမ်းသွားရင် သွေးပါ ပါနေတယ်
- ဗိုက်ထဲမှာ သန်ကောင်တွေ ရှိတယ်
- အစာအိမ်အနာရှိပြီး သွေးထွက်ထွက်နေတယ် စတာတွေကလည်း သံဓာတ်ချို့တဲ့ စေတဲ့ အကြောင်းတွေပါပဲ။

နံပါတ် (၂) အချက် #စားသောက်ထဲအထဲလိုသလောက်မပါဘူး

ကျွန်တော်တို့ရဲ့ သံဓာတ် နေ့စဉ်လိုအပ်ချက်က (အသက်အရွယ် ယောကျ်ား/မိန်းမ စတာပေါ် မူတည်ပြီး) 8 - 18 mg/day ရှိပါတယ်။

စားတဲ့သောက်တဲ့ အထဲ လုံလုံလောက်လောက် မပါရင်လည်း (သံဓာတ်ချို့တဲ့ရာကနေ သွေးအားနည်းရောဂါ ရတတ်ပါတယ်)

အစားအသောက်လည်း အစုံမစားဘူး ရွေးစားတယ် ချေးများတယ်၊ ဆုံးရှုံးမှုလည်း ရှိတယ် ဆိုရင်တော့

ကျိန်းသေသံဓာတ်ချို့တဲ့ပါပြီ၊ သွေးအားနည်းရောဂါရပါပြီ။

_________
#သွေးအားနည်းနေပြီ_ဘာလုပ်ရမလဲ ❓

နှစ်ပိုင်းရှိပါတယ်။
ပထမ အပိုင်းက #သွေးအားနည်းစေတဲ့_အကြောင်းရင်း ကိုရှာပြီး ကုရမှာပေါ့။

- သွေးဆင်းတာများရင် အမျိုးသမီးရောဂါအထူးကုဆရာဝန် (OG) ပြသပြီး လိုအပ်တဲ့ စစ်ဆေးကုသမှု ပြုလုပ်ရပါမယ်
- လိပ်ခေါင်းရှိရင် ခွဲစိတ်အထူးကုဆရာဝန်ပြသပြီး လိုအပ်တဲ့ စစ်ဆေးကုသမှု ပြုလုပ်ရပါမယ်
- အစာအိမ်ရောဂါရှိရင် သေသေချာချာ ကုသမှုခံယူရမယ်
- ဖိနပ်မစီးပဲ လျှောက်သွားတတ်တယ်၊ အပြင်စာတွေ လျှောက်စားတတ်ရင် သန်ချဆေး သောက်ရမယ်ပေါ့

ဒုတိယအပိုင်းက ပြန်ဖြည့်တာပါ

- အသား၊ ငါး ၊ ပင်လယ်စာ (ခရု၊ကမာ) ၊ဝမ်းတွင်းသားကလီစာ၊ ပဲအမျိုးမျိုး၊ အစိမ်းရင့်ရောင်ရှိသော အရွက်များ (ဟင်းနုနွယ်) စတဲ့ သံဓာတ်ပြည့်ဝ တဲ့အစားတွေ များများစားပေါ့
- ကိုယ်စားတဲ့ အစားထဲမှာ ပမာဏ ဘယ်လောက်ပါလဲ တိတိကျကျ မသိတော့ အဲ့ထက်သေချာတာကတော့ #သံဓာတ်အားဆေးတွေ သောက်ရပါမယ်။

သံဓာတ်အားဆေး သောက်ပြီး လိုအပ်နေတဲ့ သံဓာတ်တွေ ပြန်လည်ပြည့်ဝလာရင် ခန္ဓာကိုယ်က သွေးနီဥတွေ ပြန်လည်တည်ဆောက်ပြီး သွေးအားနည်းရောဂါ ကနေ ပျောက်ကင်းသက်သာ လာပါလိမ့်မယ်။

ဒီနေရာမှာ ထပ်ပြီးပြောလိုတာက ခန္ဓာကိုယ်က အသစ်တည်ဆောက်လိုက်တဲ့ သွေးနီဥတွေက (ဥပမာ ပြောရရင် အလုပ်သမားအသစ်တွေပေါ့ ၊ အလုပ်ကောင်းကောင်း လုပ်နိုင်ဖို့က ကျွမ်းကျင်မှု နဲ့ အတွေ့အကြုံ လိုပါတယ်)
သွေးနီဥအသစ်တွေ ခန္ဓာကိုယ်အတွက် အလုပ်ကောင်းကောင်းလုပ်ပေးဖို့ က Vitamin B12 နဲ့ Folic acid လိုပါတယ် (Maturation factors တွေလို့ခေါ်ပါတယ်)

ပြန်ချုပ်ရရင်

သံဓာတ်ချို့တဲ့ တဲ့သွေးအားနည်းရောဂါ (Iron Deficiency Anaemia) ဖြစ်နေရင်

1. အကြောင်းရင်းကို ရှာဖွေကုသဖိုလိုပါတယ်
2. လိုအပ်နေတဲ့ သံဓာတ်ကို ပြန်လည်ဖြည့်ဆည်းပေးရပါမယ်
3. သွေးနီဥအသစ်တွေ ဖြစ်လာပြီး အလုပ်ကောင်းကောင်းလုပ်နိုင် ဖို့ကလည်း Vitamin B12 နဲ့ Folic acid လိုပါတယ်။
4. သံဓာတ်အားဆေးသောက်ရင် ဝမ်းမည်းတတ်ပါတယ်။
5. နောက်ဆုံးအချက်ကတော့ သံဓာတ်အားဆေးတွေက ဝမ်းချုပ်တတ်ပါတယ် ရေများများသောက်ပါ၊ အသီးအရွက်များများစားပါ။

ကျန်းမာရေးဗဟုသုတတိုးပြီး
သက်ရှည်ကျန်းမာ စိတ်ချမ်းသာကြပါစေ

Dr. ဘုန်းစည်သူလွင်

#

24/08/2025

#ကလေးငယ်မှာHpyloriဘက်တီးရီးယား ရှိနေပေမယ့်ဘာလက္ခဏာမှ မပြရင်(Asymptomatic) ဆေးကုသဖို့ မလိုအပ်ပါဘူး။

#အကြောင်းရင်းများမှာ -

1. ကုသမှုရဲ့ ကုန်ကျစရိတ်နဲ့ ဘေးထွက်ဆိုးကျိုးများ: H. pylori ကုသဖို့ဆိုရင် ပဋိဇီဝဆေး (antibiotics) နှစ်မျိုး၊ သုံးမျိုးကို ရက်သတ္တပတ်ကြာ (၁၀ ရက်မှ ၁၄ ရက်အထိ) သောက်ရပါတယ်။ ဒီဆေးတွေရဲ့ ဘေးထွက်ဆိုးကျိုးတွေ (ဥပမာ - ပျို့အန်ခြင်း၊ ဝမ်းလျှောခြင်း၊ အစာအိမ်အောင့်ခြင်း) က ကလေးအတွက် မလိုလားအပ်တဲ့ ဒုက္ခဖြစ်စေနိုင်ပါတယ်။

2. ပြန်ဖြစ်နိုင်ခြေ (Re-infection Risk): H. pylori ဟာ မိသားစုအတွင်း ကူးစက်တတ်တဲ့အတွက် ကလေးကို ကုသနိုင်ပေမယ့် မိသားစုထဲက တစ်ယောက်ယောက်ဆီကနေ ပြန်ကူးစက်နိုင်ခြေ များပါတယ်။

3. လမ်းညွှန်ချက်များ (Medical Guidelines): ကမ္ဘာ့ဆေးပညာအဖွဲ့အစည်းအများစုရဲ့ လမ်းညွှန်ချက်တွေအရ H. pylori ကို အောက်ပါလက္ခဏာတွေ မရှိဘူးဆိုရင် ကုသဖို့ မထောက်ခံပါဘူး။
· ဗိုက်အောင့်ဗိုက်နာခြင်း
· ရင်ပူခြင်း
· မကြာခဏ အန်ခြင်း
· အစာစားချင်စိတ်မရှိခြင်း၊ ကိုယ်အလေးချိန်မတက်ခြင်း

#ဘာလုပ်သင့်လဲ?

· ကလေးကို ပုံမှန် ကျန်းမာရေး စောင့်ရှောက်မှုပေးပါ။
· ဗိုက်အောင့်တာ၊ အန်တာ၊ ဝမ်းပျက်ဝမ်းလျှောဖြစ်တာ စတဲ့ လက္ခဏာတွေ ပေါ်လာမှသာ ဆရာဝန်နဲ့ ပြန်ပြီး တိုင်ပင်ပါ။
· မိသားစုဝင်တွေထဲမှာ အစာအိမ်နာရောဂါ သို့မဟုတ် H. pylori ရောဂါဖြစ်ဖူးသူရှိရင် ဆရာဝန်ကို ပြောပြထားပါ။

အတိုချုပ်ပြောရရင် - ကလေးမှာ ဘာမှမနာဘူး၊ ကျန်းမာနေရင် H. pylori အတွက် ဆေးကုသစရာ မလိုပါဘူး။

:

· ESPGHAN (European Society for Paediatric Gastroenterology, Hepatology and Nutrition)
· NASPGHAN (North American Society for Pediatric Gastroenterology, Hepatology and Nutrition)

Title: "Helicobacter pylori in Children and Adolescents: A Systematic Review and Meta-Analysis on Management"* or more commonly known as the "ESPGHAN/NASPGHAN Joint Guideline."

:

· Journal: Journal of Pediatric Gastroenterology and Nutrition (JPGN)
· Year: 2017 (A 2011 version also exists, but the 2017 update is the current standard).
· Key Authors: Jones NL, Koletzko S, Goodman K, et al.

:

1. "Do not test for H. pylori infection in children with functional abdominal pain." (Functional abdominal pain is pain without an underlying organic cause, meaning the child is otherwise well).
2. "The primary goal of testing for H. pylori is to identify the cause of symptoms and signs and not simply to detect the presence of the bacterium."
3. The guideline emphasizes that since H. pylori infection in children rarely causes severe outcomes (like cancer) during childhood, the goal of treatment is to resolve current symptoms (e.g., from an ulcer) and not for long-term prevention.
4. It highlights the challenges of treatment, including side effects and the promotion of antibiotic resistance, which outweigh the benefits in a child who is not suffering from any symptoms.

:
The principles in the ESPGHAN/NASPGHAN guideline are supported by other major health bodies:
The Maastricht V / Florence Consensus Report (2016): While focused on adults, it acknowledges the different approach required for children and defers to pediatric-specific guidelines like the one above.
· Various national pediatric societies around the world have adopted similar stances based on the evidence reviewed by ESPGHAN and NASPGHAN.
: These guidelines always stress that the decision must be made by a healthcare professional who can assess the individual child. There are rare exceptions (e.g., a child with a strong family history of gastric cancer), which is why consultation with a pediatrician or pediatric gastroenterologist is essential.

Prof Thein Myint-GI 24.8.2025

03/08/2025

နေသူရိန်အထွေထွေရောဂါကုဆေးခန်း Mandalay

တွင် တာဝန်ထမ်းဆောင်ရန်

Clinic assistant -male/female အလိုရှိပါသည်။

ဆေးခန်းအတွေ့အကြုံရှိ၍IV /IM ကျွမ်းကျင်စွာ ထိုး

တတ်သူကိုဦးစားပေးမည်

အလုပ်ချိန် 7:00 am to 7:00 pm or ညှိုနှိုင်း

လစာကျွမ်းကျင်မှု့ပေါ်မူတည်၍ညှိနှိုင်းနိုင်ပါတယ်

ဆက်သွယ်ရန် 09 750630337 viber

male ဆိုရင် ဆေးခန်းတွင် နေလို့ရပါတယ်

01/08/2025

CV form တင်နိုင်ပါတယ်

နေသူရိန်အထွေထွေရောဂါကုဆေးခန်း Mandalay

တွင် တာဝန်ထမ်းဆောင်ရန်

Clinic assistant -male/female အလိုရှိပါသည်။

ဆေးခန်းအတွေ့အကြုံရှိ၍IV /IM ကျွမ်းကျင်စွာ ထိုး

တတ်သူကိုဦးစားပေးမည်

အလုပ်ချိန် 7:00 am to 7:00 pm or ညှိုနှိုင်း

လစာကျွမ်းကျင်မှု့ပေါ်မူတည်၍ညှိနှိုင်းနိုင်ပါတယ်

ဆက်သွယ်ရန် 09 750630337 viber

male ဆိုရင် ဆေးခန်းတွင် နေလို့ရပါတယ်

27/07/2025

22/07/2025

သံဓာတ်အားနည်းနေတာကို ဘယ်လက္ခဏာက သင့်ကိုသိစေခဲ့သလဲ။

ခန္ဓာကိုယ်က သံဓာတ်အားနည်းတဲ့ အခါမျိုးမှာ တစ်ယောက်နဲ့ တစ်ယောက် ခံစားရတဲ့ လက္ခဏာတွေဟာ မတူညီကြပါဘူး။

💁သံဓာတ်အားနည်းတဲ့အခါ အဖြစ်များတဲ့ လက္ခဏာတွေက
(၁)အလွယ်တကူ မောပန်းနွမ်းနယ်ခြင်း
(၂)ဖြူဖတ်ဖြူရော်ဖြစ်ခြင်း
(၃)အသက်ရှူမဝခြင်း
(၄)နှလုံးခုန်မြန်ခြင်း
(၅)ဆံပင်ကျွတ်ခြင်း
(၆)လက်သည်းပျက်စီးခြင်း
(၇)ခေါင်းကိုက်ခြင်း၊ မူးဝေခြင်း
(၈)ခြေဖျားလက်ဖျားများ အေးစက်ခြင်း
(၉)ကိုယ်ခံအားကျဆင်း‌‌သောကြောင့် ပိုမိုဖျားနာလွယ်ခြင်း စတဲ့ လက္ခဏာတွေပဲ ဖြစ်ပါတယ်။

✅သံဓာတ်အားနည်းခြင်းက ကျန်းမာရေးကို ထိခိုက်စေနိုင်တာကြောင့် သံဓာတ်အားနည်းတဲ့ လက္ခဏာတွေ ခံစားရတဲ့အခါ သံဓာတ်ပြည့်ဝစေတဲ့ အစားအစာတွေအပြင် စိတ်ချရတဲ့ သံဓာတ်အားဖြည့်ဆေး ကိုလည်း နေ့စဉ် သောက်သုံးပေးဖို့ မမေ့နဲ့နော်။

သင့်မှာ သံဓာတ်အားနည်းနေတာကို ဘယ်လက္ခဏာက သတိထားမိစေခဲ့တာလဲ ဆိုတာ Comment မှာ ဖြေပေးခဲ့အုံးနော်👇👇

❤️ယုံကြည်စိတ်ချရဆုံးသံဓာတ်အားဆေး ❤️
#
#နေသူရိန်ဆေးဆိုင် တွင်ဝယ်ယူနိုင်ပါပီ #