https://www.facebook.com/111482722013643/

Htun Lynn Myit Tar -ထွန်းလင်းမေတ္တာ ဆေးခန်း, ပတ္တမြားသိဂ်ီလမ်း, ထွန်းဆေးခန်းနောက်ကျောပြည်သူ့ဆေးရုံကြီးရှေ့, Maubin (2025)

16/09/2023

#ကျောက်ကပ်မှာပြဿနာရှိကြောင်း သိနိုင်တဲ့လက္ခဏာ (၁၀) ခုပြောပြမယ် အရေးကြီးတယ်
++++++++++++++++
(၁) အရမ်းပင်ပန်း၊ အားကုန်နေတာဒါမှမဟုတ် အာရုံစူးစိုက်လို့မရတာ

ကျောက်ကပ်လုပ်ဆောင်ချက်ကျဆင်းမှုပြင်းထန်ရင် သွေ:ထဲမှာအဆိ-ပ်အတောက်တွေစုပုံလာစေနိုင်ပြီး သွေ:ညစ်စေပါတယ်။ အဲဒီအခါ လူတွေကပင်ပန်းအားနည်းလာပြီး အာရုံစိုက်မရတာတွေဖြစ်လာနိုင်ပါတယ်။ နောက်ဆက်တွဲပြဿနာနောက်တစ်ခုကတော့ သွေ:အားနည်းတာပဲဖြစ်ပါတယ်။

(၂) အိပ်မပျော်တာ

ကျောက်ကပ်က ကောင်းကောင်းစစ်မထုတ်နိုင်တော့ ဆီးထဲကိုစွန့်ထုတ်မယ့်အစား သွေ:ထဲမှာအဆိ-ပ်အတောက်တွေကျန်နေတာပေါ့။ ဒီလိုဖြစ်လာရင် အိပ်စက်မှုပြဿနာရှိလာနိုင်ပါတယ်။ အဝလွန်ခြင်းနဲ့ နာတာရှည်ကျောက်ကပ်ရောဂါကဆက်နွှယ်မှုလည်းရှိနေပြီးကျောက်ကပ်ရောဂါရှိသူတွေမှာအိပ်စက်မှုပြဿနာတွေပိုအဖြစ်များတာတွေ့ရပါတယ်။

(၃) အသားခြောက်ပြီးယားတာ

ကျန်းမာတဲ့ကျောက်ကပ်ရဲ့လုပ်ဆောင်ချက်တွေကကဏ္ဍအတော်များများမှာအရေးပါပါတယ်။ ကျောက်ကပ်က ခန္ဓာကိုယ်ထဲကအရည်ပိုတွေနဲ့အညစ်အကြေးတွေကိုဖယ်ရှားစွန့်ထုတ်ပေးတယ်၊ သွေ:နီဥဆဲလ်တွေဖြစ်လာအောင်ကူညီပေးတယ်၊ အရိုးတွေကြံ့ခိုင်ဖို့ ထောက်ပံ့တယ်၊ သတေ:ထဲမှာသတ္တုဓာတ်ပမာဏတွေ ထိုက်သင့်သလောက်ထိန်းထားနိုင်အောင်လုပ်ဆောင်တယ်။ အသားအရေခြောက်သွေ့ပြီးယားယံနေတာက ကျောက်ကပ်ရောဂါနဲ့ဆက်နွှယ်နေတဲ့ သတ္တုဓာတ်ချို့တဲ့မှု သို့မဟုတ် အရိုးရောဂါရဲ့လက္ခဏာတစ်ခုဖြစ်နေနိုင်ပါတယ်။

(၄) ဆီးခဏခဏသွားချင်နေတာ

အထူးသဖြင့် ညဘက်မှာ ဆီးခဏခဏသွားချင်တာ ကျောက်ကပ်မှာ ပြဿနာတစ်ခုခုရှိနေတာဖြစ်နိုင်ပါတယ်။ ကျောက်ကပ်ရဲ့စစ်ထုတ်စနစ်မှာထိခိုက်နေတဲ့အခါ ဆီးခဏခဏသွားချင်လာနိုင်ပါတယ်။ တစ်ခါတလေဒီလိုဖြစ်တာဟာဆီးလမ်းကြောင်းပိုးဝင်တာဒါမှမဟုတ် အမျိုးသားတွေမှာဆီးကျိတ်ရောင်တာရဲ့ လက္ခဏာဖြစ်နိုင်ပါတယ်။
ပကအနတတတမနတနနနနနနနဥနနင
(၅) ဆီးထဲမှာသွေ:ပါတာ

ကျောက်ကပ်ကျန်းမာနေရင် သွေ:ထဲကအညစ်အကြေးတွေကိုဆီးအဖြစ်နဲ့စွန့်ထုတ်လိုက်တဲ့အခါ ခန္ဓာကိုယ်ထဲက သွေ:ကလာပ်စည်းတွေကိုထိန်းသိမ်းကာကွယ်ပေးပါတယ်။ ဒါပေမယ့် ကျောက်ကပ်ရဲ့စစ်ထုတ်မှုစနစ်ကယိုယွင်းနေတဲ့အခါ သွေ:ကလာပ်စည်းတွေကဆီးထဲကိုစတင်ယိုစိမ့်လာနိုင်ပါတယ်။ ဆီးထဲသွေးပါတာဟာကျောက်ကပ်ရောဂါရှိတယ်လို့အချက်ပြတာဖြစ်နိုင်သလို အကျိတ်ရှိနေတာ၊ ကျောက်ကပ်ကျောက်တည်တာ၊ ရောဂါပိုးဝင်တာတစ်ခုခုရဲ့လက္ခဏာဖြစ်နိုင်ပါတယ်။

(၆) ဆီးကအမြှုပ်တွေထတာ

ဆီးခွက်နဲ့သွားရင် အမြှုပ်ထတာအနည်းငယ်ရှိတာပုံမှန်ဖြစ်ပေမယ့် အမြှုပ်ကသိပ်များနေတယ်ဆိုရင် ၊ အထူးသဖြင့် ဆီးသွားပြီး ရေအခါခါလောင်းချနေရတယ်ဆိုရင် ဆီးထဲမှာပရိုတင်းတွေရှိတာကိုဖော်ပြပါတယ်။ ဒါဟာဆီးထဲမှာ albumin လို့ခေါ်တဲ့ပရိုတင်းတစ်မျိုးရှိနေတာကို ဖော်ပြတာဖြစ်ပါတယ်။
ကုငငနငမမတတတမဆမဆမဆနနဆတ
(၇) မျက်လုံးမို့အစ်နေတာ

ဆီးထဲမှာပရိုတင်းရှိနေတာဟာ ကျောက်ကပ်ရဲ့စစ်ထုတ်မှုစနစ်မကောင်းတဲ့ အစောပိုင်းလက္ခဏာဖြစ်ပါတယ်။ ပရိုတင်းတွေကို ခန္ဓာကိုယ်ထဲမှာထိန်းပေးရမယ့်အစားကျောက်ကပ်ကဆီးထဲကိုပရိုတင်းတွေအများကြီးစွန့်ထုတ်ပေးတာကြောင့် မျက်လုံးမို့အစ်နေတာဖြစ်ပါတယ်။

(၈) ခြေကျင်းဝတ်နဲ့ခြေထောက်တွေရောင်ရမ်းတာ

ကျောက်ကပ်လုပ်ဆောင်ချက်ကျဆင်းတဲ့အခါ ဆိုဒီယမ်တွေစုနေစေပြီး ခြေကျင်းဝတ်နဲ့ခြေထောက်ကိုရောင်ရမ်းစေပါတယ်။ ခြေထောက်အောက်ပိုင်းအဖျားတွေမှာရောင်ရမ်းတာက နှလုံးရောဂါ၊ အသည်းရောဂါနဲ့ နာတာရှည်ခြေထောက်သွေ:ပြန်ကြောရောဂါတွေရဲ့ လက္ခဏာလည်း ဖြစ်နိုင်ပါတယ်။

(၉) အစာစားချင်စိတ်နည်းတာ

ဒါကတော့ အကြောင်းကြောင်းကြောင့် အဖြစ်များကြတဲ့ပြဿနာဆိုပေမယ့် တစ်ခါတလေတော့ ကျောက်ကပ်ကြောင့် ဖြစ်လာနိုင်ပါတယ်။ ကျောက်ကပ်ကစစ်ထုတ်ဖယ်ရှားမပေးတဲ့ အဆိ-ပ်အတောက်ဓာတ်တွေစုပုံလာတာကအကြောင်းရင်းတစ်ခုဖြစ်နိုင်ပါတယ်။

(၁၀) ကြွက်တက်တာ

ကျောက်ကပ်လုပ်ဆောင်ချက်တွေ ယိုယွင်းတဲ့အခါ Electrolyte တွေမညီမျှတော့ပါဘူး။ ဥပမာ – ကယ်လ်စီယမ်ပမာဏချို့တဲ့ပြီး ဖော့စဖရပ်စ်ဓာတ်ထိန်းချုပ်မှုအားနည်းတာတွေကြောင့် ကြွက်တက်လာနိုင်ပါတယ်။

#စွယ်တော်ဆေးခန်း
ေးပါတယ်
🙏🙏🙏
ကျန်းမာရေးဗဟုသုတများကိုနေ့စဉ်နှင့်အမျှတင်ဆက်ပေးနေတာကြောင့် page ကိုlikeလုပ်ထားဖို့အကြံပေးပါရစေpageထဲလဲဝင်ရောက်လေ့လာဖို့ဖိတ်ခေါ်ပါတယ်ခင်ဗျာ...

16/09/2023

✅ ထွန်းလင်းမေတ္တာဆေးခန်းအား ယခင်ရေလဲလမ်းမကြီးဘေး ဝင်းမေတ္တာအိမ်ယာဝန်းအတွင်းသို့
📌 #စွယ်တော်ဆေးခန်း အမည်ဖြင့် ပြောင်းရွှေ့ဖွင့်လှစ်ထားပါတယ်🙏🙏🙏
#ဒေါက်တာ_စိုးရန်အောင်ဌေး
#ကျန်းမာရေး

07/09/2023

မအူပင်မြို့ဘိုးဘွားရိပ်သာရှိ စောင့်ရှောက်ခံဘိုးဘွားများနှင့် ဝန်ထမ်းများအား
ပရဟိတဆေးကုသပေးမှု့ ပုံရိပ်လေးတချို့💉💊

#ဒေါက်တာ_စိုးရန်အောင်ဌေး #ထွန်းလင်းမေတ္တာအထွေထွေရောဂါကုနှင့်အရိုးအကြောခွဲစိတ်အထူးကုဆေးခန်း
#မအူပင်ဘိုးဘွားရိပ်သာ

05/09/2023

‼ #ကျောက်ကပ်ပိုးဝင်ခြင်းရဲ့ လက္ခဏာများ‼

ကျောက်ကပ်တွေက လူ့ခန္ဓာကိုယ်အတွက် အရေးပါတဲ့ အစိတ်အပိုင်း တစ်ခုပေါ့။ ကျောက်ကပ်က ကိုယ်တွင်းက အဆိပ်အတောက်တွေကို ဖယ်ရှားပေးတဲ့ အစိတ်အပိုင်းပါ။ ကျောက်ကပ်က ခန္ဓာကိုယ်အတွက် လိုအပ်တဲ့ သွေးနီဥဆဲလ်လေးတွေကို ထုတ်ပေးပါတယ်။ ခန္ဓာကိုယ်အတွက် အရေးပါတဲ့ ကျောက်ကပ်က မရပ်မနား ခန္ဓာကိုယ်အတွက် အလုပ်လုပ်ပေးနေရင်း တစ်ခါတစ်လေမှာ ပိုးဝင်တာမျိုး ခံစားရနိုင်ပါတယ်။ ကျောက်ကပ် ပိုးဝင်တာက အစပိုင်းမှာ လက္ခဏာ သိသိသာသာ မပြတာမျိုး ရှိနေနိုင်တာကြောင့် လက္ခဏာ ပြင်းထန်မှ သိတာမျိုးလည်း ရှိနိုင်ပါတယ်။ ဒါကြောင့် ဒီတစ်ခေါက်တော့ ကျောက်ကပ်ပိုးဝင်ခြင်းရဲ့ လက္ခဏာများ ကို သိရှိနိုင်စေဖို့ ဒီဆောင်းပါးလေးကနေတဆင့် ပြောပြပေးလိုက်ပါတယ်။

ဘာတွေကများ ကျောက်ကပ်ပိုးဝင် တာကို ဖြစ်စေတာလဲ!
ကျောက်ကပ်ပိုးဝင်တာက ဘက်တီးရီးယားကြောင့် ဖြစ်နိုင်သလို ဗိုင်းရပ်စ်ကြောင့်လည်း ဖြစ်နိုင်ပါတယ်။ သုတေသီတွေကတော့ ကျောက်ကပ်ပိုးဝင်တာက ဆီးလမ်းကြောင်းတစ်နေရာမှာ ပိုးဝင်ကူးစက်တာကြောင့်ပါတဲ့။ အစာဟောင်းအိမ်ထဲမှာ ရှိတဲ့ ဘက်တီးရီးယားတွေက ဆီးလမ်းကြောင်းထဲကို ဝင်လာတာကြောင့်လည်း ကျောက်ကပ်မှာ ပိုးဝင်ကူးစက်တာမျိုး ဖြစ်နိုင်ပါတယ်။

တစ်ခါတလေမှာလည်း ခန္ဓာကိုယ်ရဲ့ တစ်နေရာမှာ ပိုးဝင်ပြီး ပိုးတွေက သွေးကနေတဆင့် ကျောက်ကပ်ကို ရောက်လာပြီး ကျောက်ကပ်ပိုးဝင်တာမျိုးလည်း ဖြစ်တတ်ပါတယ်။

ကျောက်ကပ်ပိုးဝင်ခြင်းရဲ့ လက္ခဏာများ ကတော့ -

ဆီးသွားတဲ့ အလေ့အထ ပြောင်းလဲလာတာ။

ကျောက်ကပ် ပိုးဝင်တာ အပါအဝင် ကျောက်ကပ်ထိခိုက်တဲ့အခါ အရင်ဆုံး မြင်သာတဲ့ လက္ခဏာ တစ်ခုက ဆီးသွားတဲ့ အလေ့အထ ပြောင်းလဲသွားတာပါ။ မကြာခဏ ဆီးသွားတာမျိုး၊ ဆီးသွားတဲ့အခါ ဆီးနည်းသွားတာမျိုး၊ ဆီးသွားရ ခက်တာမျိုးတွေကို ခံစားရနိုင်ပါတယ်။

များသောအားဖြင့်ကတော့ ဆီးမှာ သွေးပါလာတာမျိုးကို တွေ့ရနိုင်ပါတယ်။ ဆီးသွားတဲ့အခါ ပူစပ်စပ် ခံစားရတာမျိုးလည်း ခံစားရနိုင်ပါတယ်။ ဒီအခြေအနေတွေမျိုး ဖြစ်လာပြီဆိုရင် လျစ်လျူရှုတာမျိုး မလုပ်ဘဲ ဆရာဝန်နဲ့ ချက်ချင်းပြသပေးပါ။

ဖောရောင်တာ။

ကျောက်ကပ်ရဲ့ တာဝန်က ခန္ဓာကိုယ်ရဲ့ စနစ်ထဲကနေ အညစ်အကြေးတွေကို ဖယ်ရှားပေးတာပါ။ ဒီလုပ်ငန်းစဉ်က ခရီးမတွင်တော့တဲ့အခါ ကိုယ်တွင်းမှာ အညစ်အကြေးတွေ စုပုံလာပြီး ခန္ဓာကိုယ်မှာ ပုံမှန်မဟုတ်တဲ့ ရောင်ရမ်းမှုတွေကို ခံစားရစေနိုင်ပါတယ်။ အထူးသဖြင့် မျက်နှာ၊ လက်တွေ၊ ခြေထောက်တွေ နဲ့ ဝမ်းဗိုက်ပိုင်းလို နေရာမျိုးတွေမှာပါ။

ဒီလို ရောင်ရမ်းတာနဲ့အတူ ဗိုက်ထဲက အောင့်တာ၊ ကျောက်ကပ် ရှိတဲ့နေရာက နာတာမျိုးတွေ ခံစားရနိုင်ပါတယ်။ ရောင်ရမ်းတာနဲ့အတူ နာကျင်တာကို ခံစားရတာမျိုး ရှိမယ်ဆိုရင်တော့ ချက်ချင်း ဆရာဝန်နဲ့ ပြသပေးပါ။

ဆီးနံ့ပြင်းလွန်းတာ။

ကျောက်ကပ်ပိုးဝင်တဲ့အခါ အညစ်အကြေးတွေ၊ ပြည်တွေက ဆီးနဲ့ အတူပါလာပြီး ဆီးနံ့ဆိုးလွန်းတာ ဖြစ်တတ်ပါတယ်။ ဆီးက သာမန်အနံ့မဟုတ်ဘဲ သတိထားမိလောက်အောင် အနံ့ပြင်းနေရင်၊ ဆီးအရောင်ကလည်း နောက်နေရင် ကျောက်ကပ်ပိုးဝင်တာကို သတိထားသင့်ပါတယ်။

ခါးနာတာ။

အကြောင်းအရင်း ရေရေရာရာမရှိဘဲ ခါးနာတာ အထူးသဖြင့် ခါးဘေးဘက်ခြမ်းက အောင့်နေတာမျိုး ခံစားနေရတာက ကျောက်ကပ် ပိုးဝင်နေတာပါ။

ကျောက်ကပ်က လုပ်ငန်းဆောင်တာတွေကို ကောင်းကောင်း မလုပ်ဆောင်နိုင်တော့ဘူးဆိုရင် အဆစ်တွေ တောင့်တင်း နာကျင်လာနိုင်ပါတယ်။ အရည်တွေစုပုံနေတာကလည်း ဝန်ပိစေပြီး ခါးနာတာကို ပိုဆိုးစေနိုင်ပါတယ်။ ကျောက်ကပ်မှာ ကျောက်တည်တာ ဆိုရင်တော့ ဗိုက်အောက်ဖက်နားကပါ အောင့်တာမျိုး ခံစားရနိုင်ပါတယ်။ ဗိုက်ထဲက တဆစ်ဆစ် နာကျင်နေတယ်ဆိုရင်တော့ ချက်ချင်း ကုသမှု ခံယူဖို့ လိုမှာပါ။

ခြေကုန်လက်ပမ်းကျတာ။

ကျောက်ကပ်က အလုပ်တွေ ကောင်းကောင်း မလုပ်နိုင်တော့ဘူးဆိုရင်တော့ ကိုယ်ထဲမှာ အဆိပ်အတောက်တွေ စုပုံလာပြီး ခြေကုန်လက်ပမ်းကျတာကို ခံစားရနိုင်ပါတယ်။ ကိုယ်ထဲမှာ အဆိပ်အတောက်တွေ များလာလေလေ လူက ခြေကုန်လက်ပမ်း ကျလာလေလေပါ။ ဒါကြောင့် ကိုယ်ထဲမှာ အားမရှိသလို ခံစားနေရပြီဆိုရင်တော့ လိုအပ်တဲ့ စစ်ဆေးမှုတွေကို ခံယူဖို့ ပြောချင်ပါတယ်။

အသားတွေ ယားတာ။

ကိုယ်ထဲမှာ အဆိပ်အတောက်တွေ များနေတာက အသားယားတာကို ဖြစ်စေနိုင်ပါတယ်။ အရေပြားမှာ ပြင်းထန်တဲ့ ယားယံမှုကို ခံစားနေရပြီ။ ဒီလို အသားယားတာကလည်း ရုတ်တရက်ကြီး ဖြစ်လာမယ်ဆိုရင်တော့ ကျောက်ကပ်ကို ထိခိုက်မှု ရှိနေပြီ ဆိုတာပါ။ ဒါကြောင့် အသားမှာ အနီရောင် အကွက်တွေထလာပြီး အသားတွေ ယားလာပြီဆိုရင်တော့ ကျောက်ကပ်ရောဂါကို သတိထားသင့်ပါတယ်။

အခုပြောတဲ့ လက္ခဏာတွေကို ခံစားနေရပြီဆိုရင်တော့ ကျောက်ကပ် ကျန်းမာရေးကို လိုအပ်တဲ့ စစ်ဆေးမှုကို ခံယူဖို့ လိုပါမယ်။

# အမှာစကား
လူတော်တော်များများက ကျောက်ကပ် ပိုးဝင်တာကို လက္ခဏာ ပြင်းပြင်းထန်ထန် မပြမချင်း မသိကြတာမျိုး ရှိပါတယ်။ ဘဝနေထိုင်မှုပုံစံ၊ ဆေးလိပ်သောက်တတ်တာ၊ သွေးပေါင်ချိန်တက်တာလိုမျိုး အခြေအနေတွေကလည်း ကျောက်ကပ် ပိုးဝင်တာကို ဖြစ်စေနိုင်ပါတယ်။ အဝလွန်တာကလည်း ကျောက်ကပ်ကို ထိခိုက်စေနိုင်တဲ့ အခြေအနေတစ်ခုပါ။ ဒါကြောင့် အပေါ်မှာ ပြောသလို လက္ခဏာတွေ တွေ့ခဲ့မယ်ဆိုရင်တော့ ဆရာဝန်နဲ့ အမြန်ဆုံး ပြသဖို့ တိုက်တွန်းချင်ပါတယ်။

(Credit)
#ထွန်းလင်းမေတ္တာအထွေထွေရောဂါကုနှင့်အရိုးအကြောခွဲစိတ်အထူးကုဆေးခန်း
#ဒေါက်တာ_စိုးရန်အောင်ဌေး

31/08/2023

#လေးဖက်နာရောဂါ (Rheumatic fever)

လေးဖက်နာ ရောဂါသည် Streptococcus ဟုခေါ်သည့် ဘက်တီရီးယား ပိုးကြောင့် ဖြစ်ရသော ရောဂါ ဖြစ်ပါသည်။ကလေးငယ်တွေမှာ အသက်၆ နှစ်မှ ၂၀ နှစ်အောက်အထိ ထိုပိုးကြောင့် အာသီးရောင်တာမျိုး ဖြစ်တတ်ပါတယ်။ အာသီးရောင်ပိုး ခန္ဓာကိုယ်ထဲ ဝင်တဲ့အခါ ခန္ဓာကိုယ် ခုခံအားတိုက်ထုတ်မှု့(immune system)ကြောင့် အပြင်ကဝင်လာတဲ့ ပိုးတင်မကပဲ အဆစ်တွေကိုပါ ထိခိုက်မိလို့ ရောင်ရမ်းလာတာဖြစ်ပါတယ်..ပိုးလေးဖက်နာလို့ခေါ်ပါတယ်။

လေးဖက်နာအမျိုးအစားတွေ အများကြီးရှိပါတယ်….
အဖြစ်များဆုံးတွေကတော့
-ပိုးလေးဖက်နာ (နှလုံးလေးဖက်နာ)
-သွေးလေးဖက်နာ
-အရေပြားလေးဖက်နာတွေ အဖြစ်များပါတယ်။

လေးဖက်နာ ရောဂါတွေက တခုခုနဲ့တခုက ဆက်စပ်မှုမရှိပါဖူး။ခန္ဓာကိုယ်ရဲ့ immune ထွက်တဲ့ပေါ်မူတည်ပြီး သက်ဆိုင်ရာနေရာတွေ အလိုက် ဖြစ်ပါတယ်။

ရောဂါလက္ခဏာတွေအနေနဲ့ ကိုယ်လက်ကိုက်ခဲခြင်း၊ အဆစ်အမြစ်ကိုက်ခဲခြင်းနဲ့ ဖျားနာခြင်းတို့ အဖြစ်မြင်တွေ့ရနိုင်ပါတယ်။မည်ကဲ့သို့သော လေးဖက်နာရောဂါမဆို အဓိကက အဆစ်အဖုံးမြှေးရောင်ရမ်းခြင်းကို ဖြစ်ပေါ်စေပြီး အဆစ်မြစ် ရောင်ရမ်း နာကျင်ကိုက်ခဲခြင်းတွေကတော့ အတူတူပဲ ဖြစ်တတ်ပါတယ်..

လေးဖက်နာရောဂါရှိမရှိကို Antistreptolysin O (A*O test ) စစ်ကြည်ရုံနဲ့ သိနိုင်ပြီး A*O test range 200 ကျော်နေမယ်ဆိုရင် ရောဂါရှိနေပါပြီ။
#နှလုံးလေးဖက်နာ

#ထွန်းလင်းမေတ္တာအထွေထွေရောဂါကုနှင့်အရိုးအကြောခွဲစိတ်အထူးကုဆေးခန်း

30/08/2023

‼ #အရိုးပွရောဂါဆိုတာဘာလဲ ‼
👇👇👇👇👇👇👇👇👇👇👇👇👇
အရိုးပွရောဂါသည် လူတိုင်းတွင် ဖြစ်နိုင်ပါတယ်။ အရိုးပွရောဂါဆိုတာ အရိုးများကို အားနည်းစေပြီး ကြွပ်ဆတ်စေတဲ့ အတွက်ကြောင့် အလွယ်တကူ အရိုးကျိုးခြင်းကို ဖြစ်စေနိုင်ပါတယ်။ ပုံမှန်အားဖြင့် ခန္ဓာကိုယ်က ဟောင်းသွားသော အရိုးများကို ဆဲလ်အသစ်များဖြင့် သဘာ၀အလျှောက် အစားထိုးပြီး လည်ပတ်ပါတယ်။ ဆဲလ်အသစ်များဖြင့် လုံလောက်စွာ အစားမထိုးနိုင်တဲ့အခါ အရိုးပွခြင်း ဖြစ်လာပါတယ်။ အရိုးပွခြင်းက တင်ပဆုံ၊ လက်ကောက်ဝတ် (သို့) ကျောရိုးတို့တွင် အဖြစ်များပါတယ်။

ရောဂါလက္ခဏာများ⚠⚠

အများအားဖြင့် အရိုးပွရောဂါသည် အစောပိုင်းတွင် လက္ခဏာ မပြပါ။ အချိန်ကြာလာတာနှင့် အမျှ အရိုးတွေ အားနည်းသွားတဲ့အခါမှသာ ခါးနာခြင်း၊ အရပ်ပုလာခြင်း၊ ခါးကုန်းလာခြင်း၊ အရိုးကျိုးလွယ်ခြင်းများ ဖြစ်လာနိုင်ပါတယ်။

ဖြစ်နိုင်ချေများသူများ👬💁‍♂️

-အမျိုးသမီးများ
-အသက်အရွယ် ကြီးရင့်သူများ
-မျိုးရိုးရှိသူများ
-သိုင်းရွိုက်ဟော်မုန်း များနေသူများ
-ကယ်လ်ဆီယမ် ချို့တဲ့သူများ၊ အစာအာဟာရချို့တဲ့သူများ
-စတီးရွိုက်ဆေးများ ရေရှည်သောက်သုံးနေရသူများ
-လှုပ်ရှားမှုနည်းပါးသူများ
-အရက် ဆေးလိပ် အလွန်အကျွံသောက်သုံးသူများ
အစာအိမ်နှင့်အူလမ်းကြောင်း ခွဲစိတ်မှုပြုလုပ်ဖူးသူများတွင် အဖြစ်များပါတယ်။

အရိုးပွရောဂါကို ဘယ်လိုကာကွယ်မလဲ ⁉

✅အသားဓာတ် ပါသောအစာများ စားသုံးခြင်း
✅လေ့ကျင့်ခန်း ပုံမှန်လုပ်ခြင်း
✅ကယ်လ်ဆီယမ် ကြွယ်ဝသော အစားအစားများ (နို့နှင့်နို့ထွက်ပစ္စည်း) စားသုံးခြင်း
✅လေ့ကျင့်ခန်းပုံမှန်လုပ်ခြင်းတို့ဖြင့် အရိုးဆုံးရှုံးမှုကို ကာကွယ်ပေးပြီး အားနည်းနေသော အရိုးများကိုလည်း သန်မာစေပါတယ်။

ဘယ်လိုကုသနိုင်လဲ ⁉

အရိုးပွနေလျှင် ဆေးဝါးများသောက်သုံးရသလို နေထိုင်မှုပုံစံကိုလည်း ပြောင်းလဲပေးသင့်ပါတယ်။ ကယ်လ်ဆီယမ်နဲ့ ဗီတာမင် D တွေကို ဆရာဝန်ညွှန်ကြားချက်အတိုင်း သုံးစွဲရမယ့်အပြင် လေ့ကျင့်ခန်းလဲ ပုံမှန်လုပ်ပေးရပါမယ်။

တကယ်ဆိုရင် အရိုးပွခြင်းကို လုံးဝပျောက်ကင်းအောင် ကုသလို့ မရပါဘူး။ အရိုးများကို သန်စွမ်းအောင်၊ ပျက်စီးခြင်းနည်းအောင်လောက်ပဲ ကာကွယ်ပေးနိုင်ပါတယ်။ ဒါကြောင့် ငယ်ရွယ်စဉ်အခါတည်းက အရိုးများ သန်မာအောင် ဂရုစိုက်သင့်ပါတယ်။

အာဟာရပြည့်ဝတဲ့ အစားအသောက်များကိုလည်း စားသုံးဖို့ အရေးကြီးပါတယ်။ ကဖိန်းနှင့် အရက် ဆေးလိပ် လွန်အကျွံသောက်သုံးခြင်းတို့ကို မဖြစ်မနေ ရှောင်ကြဉ်ဖို့လို့ပါတယ်။ ချော်မလဲအောင်လည်း အထူးသတိထားပါ။

ကျန်းမာရေးဗဟုသုတများကို နေ့စဉ်နဲ့အမျှတင်ပေးနေတာမို့pageထဲကိုဝင်ရောက်လေ့လာဖို့ဖိတ်ခေါ်ပါရစေ🙏🙏🙏
#ထွန်းလင်းမေတ္တာအထွေထွေရောဂါကုနှင့်အရိုးအကြောခွဲစိတ်အထူးကုဆေးခန်း
#ဒေါက်တာ_စိုးရန်အောင်ဌေး

28/08/2023

🍄🍄🍄 #လိပ်ခေါင်း🍄🍄🍄
လိပ်ခေါင်းရောဂါဆိုတာ ကျား၊ မ မရွေး အဖြစ်များတဲ့ ရောဂါတစ်မျိုးပါ။ အသက်ကြီးရင် ပိုအဖြစ်များတတ်ပါတယ်။ အသက် ၄၅ နှစ်နဲ့ ၆၅ နှစ်ကြားဟာ လိပ်ခေါင်းရောဂါ အဖြစ်အများဆုံး အသက်အရွယ်ပါ။ ဒီလိုပြောလိုက်လို့ လူငယ်တွေနဲ့ ကလေးတွေမှာ မဖြစ်နိုင်ဘူးလို့တော့ မယူဆသင့်ပါဘူး။ လိပ်ခေါင်းရောဂါဆိုတာ ဘယ်အသက်အရွယ်မှာမဆို ဖြစ်နိုင်ပါတယ်။
👉လိပ်ခေါင်းရောဂါဆိုတာ အစာဟောင်းအိမ်အောက်ပိုင်းနဲ့ စအိုတစ်လျှောက်မှာရှိတဲ့ သွေးပြန်ကြောတွေ ဖောင်းလာခြင်းကို ခေါ်တာပါ။ အတွင်းလိပ်နဲ့ အပြင်လိပ်ဆိုပြီး နှစ်မျိုးနှစ်စားရှိပါတယ်။ အစာဟောင်းအိမ်ထဲမှာဖြစ်ရင် အတွင်းလိပ်လို့ခေါ်ပြီး စအိုဝပတ်ပတ်လည်မှာဖြစ်ရင်တော့ အပြင်လိပ်လို့ ခေါ်ပါတယ်။
🔺ဘယ်သူတွေမှာ လိပ်ခေါင်း ရောဂါ ဖြစ်နိုင်ချေရှိသလဲ ?
လိပ်ခေါင်းရောဂါ ဖြစ်နိူင်ချေကို ပိုမြင့်တက်စေတဲ့ အရာတွေကတော့ _
● ကိုယ်ဝန်ဆောင်ခြင်း
● အသက်ကြီးလာခြင်း
● နာတာရှည် ဝမ်းချုပ်ခြင်း (သို့) ဝမ်းလျှောခြင်း
● အထိုင်များခြင်း (အထူးသဖြင့် ဘိုထိုင်အိမ်သာအသုံးပြုပြီး ဝမ်းသွားရာတွင် အချိန်ကြာကြာနေခြင်း)
● အလေးအပင်များကို ထပ်ခါထပ်ခါ မ,ရခြင်း
● စအိုမှတစ်ဆင့် လိင်ဆက်ဆံခြင်း
● အဝလွန်ခြင်း
● မျိုးရိုးထဲတွင် လိပ်ခေါင်းရောဂါဖြစ်ဖူးသူရှိခြင်း စတာတွေပဲ ဖြစ်ပါတယ်။
🔺လိပ်ခေါင်းရောဂါရှိရင် နောက်ဆက်တွဲ ဆိုးကျိုးတွေ ခံစားရနိုင်သလား ?
လိပ်ခေါင်းရောဂါရှိပြီဆိုရင် ဝမ်းသွားသွေးပါခြင်း၊ စအိုနားတစ်ဝိုက် ယားယံခြင်း၊ ရောင်ရမ်းနာကျင်ခြင်း၊ စအိုဝမှာ အလုံးစမ်းမိခြင်း စတဲ့ လက္ခဏာတွေ ခံစားရနိုင်ပါတယ်။ ရောဂါလက္ခဏာတွေဟာ မနှစ်မြို့ဖွယ်ကောင်းပေမယ့် များသောအားဖြင့် စိုးရိမ်စရာမလိုပါဘူး။ ဒါပေမဲ့ ရောဂါတို့ရဲ့ထုံးစံအတိုင်း သေချာကုသမှုမခံယူခဲ့ရင် နောက်ဆက်တွဲဆိုးကျိုးတွေ ဖြစ်လာနိုင်ပါတယ်။

#ကျန်းမာရေး

27/08/2023

A pilgrimage with my family🙏🙏🙏

#ဒေါက်တာ_စိုးရန်အောင်ဌေး

#ထွန်းလင်းမေတ္တာအထွေထွေရောဂါကုနှင့်အရိုးအကြောခွဲစိတ်အထူးကုဆေးခန်း

26/08/2023

#ဗိုက်ရွဲနေရင် ဘယ်လိုလုပ်မလဲ?✨

ဗိုက်ရွှဲတဲ့ ပြဿနာ ကတော့ သူသူ ကိုယ်ကိုယ် အခုခေတ်ကြီး မှာ ကြုံတွေ့လာကြပါတယ် ဗိုပ်ချပ်ဖို့ အတွက် က မှန်ကန်တဲ့ အစားအသောက် စားပေးဖို့လိုတဲ့ အပြင် တိကျတဲ့ လေ့ကျင့်ခန်း နှစ်ခုတွဲလုပ်မှ ကျနိုင်ပါတယ်နော်

အစားအသောက် ဘက်ကနေ ဆောင်ရန် ရှောင်ရန်တွေ ကတော့ -

1. အသင့်သောက် အချိုရည်တွေ ကို ရှောင်ပါ။ အသင့်သောက် အချိုရည် တွေ မှာပါတဲ့ သကြားဓါတ် တမျိုးဖြစ်တဲ့ fructose ဟာ ကျွန်တော်တို့ ခန္ဓာကိုယ်ရဲ့ အသည်းမှ ဖြိုခွဲ ပြီး နောက် ပိုလျှံနေတဲ့ fructose တွေ ကို အသည်းက အဆီ အနေနဲ့ ပြောင်းလဲ စေပြီး ဗိုက်မှာ အဆီစု စေပါတယ်။ ဒါကြောင့် ဗိုက်ချပ်အောင် ကြိုးစားနေသူများ အနေနဲ့ အသင့်သောက် အချိုရည် တွေ သောက်မယ့် အစား အသီးတစ်မျိုးမျိုး ဒီတိုင်းစားပေးတာမျိုး၊ အသီးဖျော်ရည် ကို သကြား မထည့်ပဲ ဖျော်သောက်တာ မျိုးလုပ်ပေးသင့်ပါတယ်

2. အသားဓါတ် ပြည့်ဝအောင်စားပါ။ လူတစ်ဦး လိုအပ်ချက် လူ့ခန္ဓာကိုယ်ပေါ် မူတည်ပြီး အသားဓါတ် လိုအပ်ချက် မတူညီပါနော် protein(အသားဓါတ်) ကို ဘယ်လောက် စားလို့ရလဲ?

မိမိရဲ့ ကိုယ် အလေးချိန်kilo ကို နှစ် နှင့် မြှောက်× ပြီး ထွက်လာတဲ့ အဖြေ ကို gram တပ်လိုက်တဲ့ ပမာဏ ထက်ပို မစားသင့်ပါ

ဥပမာ... အလေးချိန် 60 ကီလိုဂရမ် ရှိတဲ့သူဆို ၆၀*၂ = ၁၂၀ g ထက် ပိုပြီး အသားဓါတ် ကိုဂပိုပြီးမစားသင့်ပါဘူး..
ဒါက Gym ကို အပြင်းအထန် ကစားပြီး six pack ထွက်အောင် ကြိုးစားနေတဲ့ သူတွေ အတွက်ပါ..

သာမန်လူတွေ အတွက်ကတော့ တစ်နေ့ကို အသားဓါတ် ပမာဏ ပာာ မိမိရဲ့ ကိုယ်အလေးချိန် ကို 0.8 မှ 1.2 နဲ့ မြှောက်ပြီး ထွက်လာတဲ့ ပမာဏ ထက် ပိုပြီး မစားသင့်ပါဘူး..

ဥပမာ - အလေးချိန် ၆၀ ကီလိုဂရမ် ရှိတဲ့ သာမန် လူတစ်ယောက် အတွက် ဆိုရင် အသားဓါတ် ပမာဏ 60*0.8 = 48 g မှ 60*1.2= 72 g အတွင်းသာ စားသင့်ပါတယ်..

Supplement တွေ မှာတော့ အမှုန့်တစ်ခွက်ထည့်ရင် protein ပမာဏ ဘယ်လောက် ဂရမ် ပါလဲဆိုတာ ကတော့ ဘူးပေါ် အိတ်ပေါ် မှာ ရေးထားပါတယ်.. supplement တစ်ခုတည်း ကနေ ပရိုးဓါတ် ရတာမပာုတ်ပါဘူး
ကျွန်တော်တို့ နေ့စဉ်စားနေတဲ့ အသား ငါး ဥအမျိုးမျိုး ကနေလည်း protein ဓါတ်တွေ ရပါသေးတယ်.

3. ကစီဓါတ် ပါဝင်တဲ့ starchy အသားအစာတွေ လျှော့ပါ..လျှော့ရုံ လျှော့ပါ လုံးဝ မစားခိုင်းတာမဟုတ်ပါ..ကစီဓါတ် ပါဝင်တဲ့ အစားအစာတွေ ဆိုတာကတော့ ထမင်း ကောက်ညှင်း ဂျုံ ခေါက်ဆွဲ ကြာဇံ ပဲကြာဇံ အာလူး ကန်စွန်းဥ. အီတလီခေါက်ဆွဲ ပါစတာတွေ ကို လျှော့စားပါ၊း လုံးဝ မစားပဲ နေစရာ မလိုပါ

4. ချိုလွန်းတဲ့ အစားအစာတွေ ကို ရှောင်ပါ အချိုဓါတ် သကြားဓါတ်တွေ က ခန္ဓာကိုယ်ထဲရောက်လာရင် လိုအပ်တဲ့နေရာတွေ မှာ သုံးပြီး ပိုနေရင် အဆီ အဖြစ်သို့ပြောင်းလဲ ကာ ဗိုက်မှာ အဆီ ပြန်စု စေပါတယ်

5. အမျှင်ဓါတ် များများစားပါ အမျှင်ဓါတ်များများ စားပေးခြင်း ဖြင့် အခြားသောက် ကစီဓါတ် ကြွယ်ဝတဲ့ အစားအစာ နှင့် အချို လွန်ကဲ တဲ့ အစားအစာများကို သိပ်မစား ဖြစ်တော့ဘဲ ကယ်လိုရီနည်းနည်း ပဲ စားဖြစ်တဲ့ အတွက် ပိုလျှံနေတဲ့ ဗိုက်က အဆီတွေ ကို လောင်ကျွမ်း သွားစေပါတယ် ထို့အပြင် အမျှင်ဓါတ် က သွေးတွင်း ကိုလက်စထရော ဓါတ်ကို လည်း လျှော့ချပေးနိုင်ပါတယ်.. အမျှင်ဓါတ် ကြွယ်ဝတဲ့ အစားအစာတွေ ကတော့ ပာင်းသီးဟင်းရွက်များ....သစ်သီးဝလံများ... နှင့် whole grains အစားအစာတွေ ကနေ ရရှိနိုင်ပါတယ်

6. ကောင်းတဲ့ အဆီဓါတ် ကိုရွေးစားပါ. ကောင်းဓါတ် အဆီဓါတ် ကို စားပြီး လေ့ကျင့်ခန်းသေချာ လုပ်ပေးမယ် ဆိုရင် ဗိုက်ချပ်စေသည့် အပြင် သွေးတွင်းကိုလက်စထရော ကို ပါ ကျစေပါတယ်. ဥပမာ ထောပတ်သီးသံလွင်ဆ canola oil ဖွဲနုဆီ flaxseed oil တွေ ကို စားပေးလို့ရပါတယ် အရေခွံ ဆီဗူး အခေါက်၊ သုံးထပ်သား တောင်ပံ ခြေထောက် ဆီကြော်မုန့် ဝမ်းတွင်းကလီစာ စတာတွေ ကို ရှောင်ရ ပါမယ်

7. တစ်နေ့တာ စားသမျှ ကို ချမှတ်ပြီး ကယ်လိုရီ တွက်စားတတ်တဲ့ အကျင့် လုပ်ပါ ဒါမှ မိမိတနေ့တာ ဘယ်လောက် ကယ်လိုရီ စားလိုက်တယ်ဆိုတာ သိပြီး လိုတိုး ပိုလျှော့ လုပ်စား မှသာ ကယ်လိုရီ အပို မရှိမှာဖြစ်ပါတယ် ကယ်လိုရီ အပို မရှိမှ ဗိုက်မှာ အဆီ မစု မှာဖြစ်ပါတယ်နော်

ကျန်းမာရေးဗဟုသုတများကို နေ့စဉ်နဲ့အမျှတင်ပေးနေတာမို့pageထဲကိုဝင်ရောက်လေ့လာဖို့ဖိတ်ခေါ်ပါရစေ🙏
#ထွန်းလင်းမေတ္တာအထွေထွေရောဂါကုနှင့်အရိုးအကြောခွဲစိတ်အထူးကုဆေးခန်း

25/08/2023

📌 #ထွန်းလင်းမေတ္တာအထွေထွေရောဂါကုနှင့်အရိုးအကြောခွဲစိတ်အထူးကုဆေးခန်း

ဆေးခန်းဖွင့်ချိန် မနက် ၇နာရီ - ၉နာရီခွဲအထိ
ညနေ ၃နာရီ - ၇နာရီ အထိ

📌ပိတ်ရက်မရှိပါ
📌အဝေးမှလာရောက်ပြသမည့်သူများ တစ်ရက်. ဖုန်းကြိုဆက်ပေးပါရှင်
#ထွန်းလင်းမေတ္တာ_အရိုးနှင့်အကြောအထူးကုနှင့်အထွေထွေကုဆေးခန်း

#မအူပင်မြို့အရိုးအကြောအထူးကုဆရာဝန်

24/08/2023

#ရာသီတုပ်ကွေးကြိုတင်ကာကွယ်

ယခုလိုမိုးဦးကျကာလဟာ ရာသီတုပ်ကွေးအဖြစ်များကြပါတယ်

ရာသီတုပ်ကွေးဆိုတာ

ယခုလို ရာသီအကူးအပြောင်းမှာ ဖြစ်တဲ့ seasonal influenza ခေါ် ရာသီတုပ်ကွေးဖြစ်တတ်ပါတယ်။ရာသီတုပ်ကွေးဟာ ရာသီ အကူးအပြောင်းကာလ ( ဥပမာ- နွေရာသီမှ မိုးရာသီ) မှာ အဖြစ်များပါတယ် ။ flu virus 🦠 ကူးစက်ခံရခြင်းကြောင့် ရာသီတုပ်ကွေး ဖြစ်တာပါ။ ရောဂါပိုး🦠ရှိနေသူမှ ချောင်းဆိုးတဲ့အခါ နှာချေတဲ့အခါ သလိပ်၊နှာရည်၊ တံတွေးမှ တဆင့် အခြားတစ်ယောက်စီ ရောဂါပိုးကူးနိုင်ပါတယ်။

ရောဂါလက္ခဏာများကတော့

📌 အေးမိ၊ ချမ်းတုန်ခြင်း
📌 ခေါင်းကိုက်ခြင်း
📌 ပင်ပန်းနွမ်းနယ်ခြင်း/အားမရှိခြင်း
📌 ကိုယ်လက်နာကျင်ကိုက်ခဲခြင်း
📌 နှာစေးခြင်း
📌 ချောင်းခြောက်ဆိုးခြင်း ( သလိပ်မပါ)
📌 လည်ချောင်းနာခြင်း
📌 ပျို့အန်ခြင်း/ ဝမ်းလျှောခြင်း
📌 မျက်ရည်ကျ/ မျက်လုံးနီခြင်း စတဲ့လက္ခဏာတွေဖြစ်တက်ပါတယ်။

ရောဂါလက္ခဏာတွေက ၃/၄ရက်မှ ၁ပတ်အတွင်း ပြန်လည်သက်သာလာနိုင်ပါတယ်။

အရမ်းပြင်းထန်ပါက ဦးနှောက်အမြှေးပါးရောင်ခြင်း၊ နှလုံးကြွက်သားရောင်ခြင်းတို့ဖြစ်နိုင်တာမလို့ မပေါ့ဆသင့်ပါဘူး။

ကြိုတင်ကာကွယ်နည်းများကတော့

ဆေးရုံ ဆေးခန်းတွေမှာ seasonal influenza vaccine 💉 ထိုးလို့ရပါတယ်။ vaccine ကြိုထိုးထားခြင်းဖြင့်လဲ ရာသီတုပ်ကွေး ကာကွယ်နိုင်ပါတယ်။

ရာသီတုပ်ကွေးရောဂါဖြစ်လျှင်

1️⃣ ရေများများသောက်ပါ။

2️⃣ ကြက်သားစွတ်ပြုတ် သို့မဟုတ် ပျော့ပြီးနူးညံ့သော အစာခြေလွယ်သော အစာများကို အာဟာရပြည့်ဝအောင်စားသုံးပေးသင့်ပါတယ်။

3️⃣ တနေ့ ၇နာရီ အိပ်ရေးဝအောင်အိပ်ပြီး လုံလောက်စွာအနားယူသင့်ပါတယ်။

4️⃣ အကိုက်ခဲပျောက်ဆေး 💊 လိုအပ်ပါက ဆရာဝန်အညွှန်းအတိုင်း သောက်နိုင်ပါတယ်။
(antibiotics - paracetamol နှင့် မတည့်သူများ ဆရာဝန်နှင့်ပြတဲ့အခါ သေချာစွာပြောပါ)

လိုအပ်လာလျှင် ဆေးခန်း သို့မဟုတ် ဆေးရုံဆီသွားရောက်ကုသမှု ခံယူသင့်ပါတယ်။
Crd to original uploder

အခြားမိတ်ဆွေသူငယ်ချင်းတွေလည်း သိအောင်
Share လုပ်ပြီမျှဝေပေးလိုက်ပါဦးနော်

ကျန်းမာရေးနဲ့ပတ်သတ်တဲ့အသိသုတလေးတွေ အမြဲတင်ပေးနေမှာမို့ page လေးကို like , Share & Favorite လေးလုပ်ထားပေးကြဖို့ တိုက်တွန်းအပ်ပါတယ်🙏🙏🙏
#ထွန်းလင်းမေတ္တာ_အရိုးနှင့်အကြောအထူးကုနှင့်အထွေထွေကုဆေးခန်း #ရာသီတုပ်ကွေး

Htun Lynn Myit Tar -ထွန်းလင်းမေတ္တာ ဆေးခန်း

16/09/2023

16/09/2023

07/09/2023

05/09/2023

31/08/2023

30/08/2023

28/08/2023

27/08/2023

26/08/2023

25/08/2023

24/08/2023

Address

Telephone

Website

Alerts

Shortcuts

Share

Category