https://www.facebook.com/106917358486212/

Linn Online Clinic, အမှတ်၄၃၊သီရိမြိုင် ၇ လမ်းထိပ်၊ ရွှေလမ်းမကြီး၊ မော်လမြိုင်မြို့ ၊ မွန်ပြည်နယ်, Mawlamyine (2025)

11/09/2023

လင်းဆေးခန်း ခရေပင်လမ်းခွဲမှာ ဖွင့်ထားပါပြီရှင့်😀

14/08/2022

#မင်္ဂလာပါရှင့်😍😍😍ယနေ့ကျွန်မတို့"လင်း Online Clinic"မှ လူကြီးမင်းတို့အတွက် လူတော်တော်များများခံစားနေရသည့် "ဆီးချိုရောဂါနှင့်ပတ်သက်၍ သိကောင်းစရာများ"ကို ဆွေးနွေးပေးသွားမှာ ဖြစ်ပါတယ်ရှင့်။

#ဆီးချိုရောဂါဟာ သွေးထဲက သကြားဓာတ်ကို လိုအပ်တဲ့နေရာမပို့ပေးနိုင်ပဲ သွေးထဲမှာပဲများနေတဲ့အခါ ဖြစ်တတ်ပါတယ်၊၊ အရင်ဆုံးသွေးထဲကပိုလျှံလာတဲ့ သကြားဓာတ်တွေကို ကျောက်ကပ်ကပြန်လည်စုပ်ယူပြီး သွေးထဲပြန်ထည့်ပေးတယ်။ ကျောက်ကပ်ကစုပ်ယူနိုင်တဲ့ ပမာဏကျော်သွားရင် ဆီးထဲကိုရောက်လာတာပါ။ ထို့ကြောင့် ဆီးချို၊ သွေးချိုရောဂါဟု ခေါ်ကြခြင်းဖြစ်ပါတယ်ရှင့်
#ဆီးချိုရောဂါ အမျိုးအစား ၂မျိုးရှိပါတယ်။ Type 1 နှင့် Type 2အမျိုးအစားဖြစ်ပါတယ်။ Type 1 အမျိုးအစားက အသက်ငယ်ငယ်ရွယ်ရွယ်နှင့်ဖြစ်တတ်ပြီး ကိုယ်ခံအားက အင်ဆူလင်ထုတ်တဲ့ဆဲလ်တွေကိုဖျက်စီးလို့အင်ဆူလင်မထုတ်နိုင်တာကြောင့်ဖြစ်ရပါတယ်။ Type 2 အမျိုးအစားကတော့ အသက် ၄၀ ကျော်လောက်မှ စဖြစ်တတ်ပါတယ်။ ခန္ဓာကိုယ်က အင်ဆူလင်အလုံအလောက် မထုတ်နိုင်တောတာ၊ ဒါမှမဟုတ် ဆဲလ်တွေကအင်ဆူလင်ကို ကောင်းကောင်းမတုန့်ပြန်နိုင်တော့တာတွေကြောင့် ဖြစ်ရပါတယ်။ အခုကစပြီး ဆီးချိုရောဂါနှင့်ပတ်သက်၍ လူအများ ထင်ယောင်ထင်မှားဖြစ်နေတာတွေကို ဆွေးနွေးသွားပါမယ်။

(၁)မျိုးရိုးလိုက်တတ်လား???
👉မျိုးရိုးလိုက်တတ်ပါတယ်။ အမျိုးထဲမှာ ဆီးချိုရောဂါရှိနေရင် ၅၀% ပိုဖြစ်နိုင်ပါတယ်။ Healthy diet & exercise လုပ်ပြီး Lifestyle ကို ပြုပြင်ပြောင်းလဲမယ်ဆိုရင် ဆီးချိုရောဂါကို ကာကွယ်ပြီးသားဖြစ်သွားမှာပါ။

(၂)အချိုတွေအများကြီးစားရင် ဆီးချိုဖြစ်လား???
👉အချိုတွေ အများကြီးစားတာ တစ်ခုတည်းတော့မဖြစ်ပါဘူး။ Added Sugar ပါတဲ့ အချိုရည်တွေ၊ သရေစာတွေစားတတ်တဲ့လူက ဆီးချိုဖြစ်နိုင်ချေ ပိုများပါတယ်။

(၃)ဆီးထဲမှာ ပုရွက်ဆိတ်တက်နေရင် ဆီးချိုရောဂါရှိနေပြီလား???
👉 ကျောက်ကပ်ကစုပ်ယူနိုင်တဲ့ ပမာဏကျော်သွားရင် ဆီးထဲမှာ သကြားဓာတ်ပါလာပါတယ်။ သကြားပါလို့ချိုနေရင် ပုရွက်ဆိတ်တက်မှာပဲ။

(၄)ဝတဲ့လူတွေ ပိုဖြစ်နိုင်လား???
👉 ဝတဲ့လူတွေမှာ ပိုဖြစ်နိုင်ပါတယ်။ အမျိုးသမီး၊ အသက် ၄၀ ကျော်၊ ဝတယ်၊ အစားအသောက်မဆင်ခြင်ဘူး၊ ကိုယ်လက်လှုပ်ရှားမှုမရှိဘူးဆိုရင် ဆီးချိုရောဂါဖြစ်နိုင်ချေ ပိုများပါတယ်။

(၅)ပိန်တဲ့လူတွေရော မဖြစ်နိုင်ဘူးလား???
👉 ကိုယ်အလေးချိန်တစ်ခုတည်းက ဆီးချိုဖြစ်စေတဲ့ အချက်မဟုတ်ပါဘူး။ ပိန်တဲ့လူတွေလည်း ဖြစ်နိုင်ပါတယ်။

(၆)အင်ဆူလင်ထိုးနေရပြီဆိုရင် အခြေအနေဆိုးနေပြီလား???
👉 Type 1 က အင်ဆူလင်မထုတ်နိုင်တော့တာမလို့ ရောဂါစဖြစ်ကတည်းက အင်ဆူလင်ထိုးရပါတယ်။
Type 2 မှာအရင်ဆုံး သောက်ဆေးပေးပါတယ်။ သောက်ဆေးနဲ့ထိန်းလို့မရမှ အင်ဆူလင်ထိုးရပါတယ်။

(၇)ဆီးချိုရောဂါက ကုလို့ပျောက်လား???
👉 မပျောက်ပါဘူးရှင့်။ သွေးတွင်းသကြားဓာတ်ကို Range တစ်ခုအတွင်း တစ်သက်လုံး ထိန်းထားရမှာမလို့ တစ်သက်လုံး Treatment တစ်ခုခု လုပ်နေရမှာပါ။

(၈)အချိုလုံးဝစားလို့ မရဘူးလား???
👉 ရပါတယ်။ Monitor ကောင်းကောင်းလုပ်နိုင်ရင် မိမိတနေ့တာ စားမယ့် အစားအသောက်ကို ချိန်ဆပြီး စားနိုင်ပါတယ်။

#ဆီးချိုရောဂါနှင့်ပတ်သက်ပြီး ကျန်ရှိသည့်အကြောင်းအရာများကိုလည်း နောက်ရက်တွေမှာ ဆက်လက်ဆွေးနွေးပေးသွားမှာဖြစ်ပါတယ်ရှင့်😘😘😘

#ကျန်းမာရေးအတွက် သိလိုသည်များကို မေးမြန်းဆွေးနွေးလိုလျှင် ကျွန်မတို့ "လင်း Online Clinic "တွင် မေးမြန်းဆွေးနွေးလို့ရပါတယ်ရှင့်။😍😍😍

05/08/2022

" လည်ပင်းဆစ်အရိုးလေးများပျက်စီးသောအခါ"

#ယနေ့ကျွန်မတို့ "လင်း Online Clinic"မှ လူကြီးမင်းတို့အတွက် လည်ပင်းဆစ်အရိုးလေးများပျက်စီးသောအခါ ခံစားရမည့် လည်ပင်းကျီးပေါင်းရောဂါ(Cervical Spondylosis)အကြောင်း ဆွေးနွေးသွားမှာဖြစ်ပါတယ်
ရှင့်။

#လည်ပင်းကျီးပေါင်းရောဂါဟာ ဘယ်လောက်တောင်အဖြစ်များသလဲဆိုရင် အသက်(၃၀)လောက်ကစပြီး ပျက်စီးလာလိုက်တာ အသက်(၆၀)မှာ လူ(၁၀)ယောက်မှာ (၉)ယောက်လောက်က ကျီးပေါင်းဝေဒနါ ခံစားရတတ်ပါတယ်။
-မျိုးရိုးလည်းလိုက်တတ်ပါတယ်။
-ဆေးလိပ်သောက်သူတွေမှာ ပိုအဖြစ်များပါတယ်။
-လည်ပင်းအနေအထားမမှန်ပဲ အချိန်အကြာကြီး အာရုံစိုက်ပြီး အလုပ်လုပ်ရတဲ့လူတွေ(ဥပမာ-ကွန်ပျူတာသုံးတဲ့သူ ၊ စက်ချုပ်သူ)မှာ ပိုဖြစ်တတ်ပါတယ်။
-အလေးအပင်မရတဲ့လူတွေ၊ ကားအချိန်အကြာကြီးမောင်းရတဲ့လူတွေ၊Accident တစ်ခုခုကြောင့် လည်ပင်းဒဏ်ရာ ရဖူးတဲ့လူတွေမှာ ပိုလို့ဖြစ်တတ်ပါတယ်။

#ဘာကြောင်းကျီးပေါင်းဖြစ်ရတာလဲ???
-ဦးခေါင်းခွံကနေဆက်ပြီးဆင်းလာတဲ့ ကျောရိုးဟာ အဆစ်ပေါင်း ၂၄ခုနဲ့ တည်ဆောက်ထားပါတယ်။ အဲ့ထဲမှာမှ လည်ပင်းမှာ အဆစ်၇ခုရှိတယ်။ အဲ့အဆစ်တွေထဲကနေမှ Spinal Cordလို့ခေါ်တဲ့ပင်မအာရုံကြောကြီး ဖြတ်သွားတာပေါ့။ အဲ့အဆစ်တွေတစ်ခုနှင့်တစ်ခု ဆက်ထားတဲ့နေရာမှာ Disc ပြားလေးတွေ ဆက်ထားတယ်။
-အဆစ်တွေဆက်ထားတဲ့နေရာက Discတွေပျက်စီးနေလို့ အသက်ကြီးလာတာနဲ့အမျှ Discတွေပါးလာမယ်။ ဆက်ထားတဲ့ Elastic tissues တွေ ဆွဲဆန့်နိုင်တဲ့ Properties တွေကျလာတာကြောင့် Disc တွေပျက်စီးလာတာနဲ့အမျှ ပေါက်ပြဲလာတဲ့အခါ Disc ကကျွံထွက်လာတာကြောင့် အရိုးတွေတစ်ခုနဲ့တစ်ခု ပွတ်တိုက်လို့ပဲဖြစ်ဖြစ် အခြား Deposit တွေ အဆစ်မှာ လာပုံပြီးတော့ ပုံမှန်မဟုတ်တဲ့ အရိုးအဆစ်တွေ ထွက်လာတာကြောင့် ပုံမှန်လှုပ်ရှားမှုကို သွားပြီး အနှောင့်အယှက်ဖြစ်စေတဲ့အခါတွေမှာ အရိုးကျီးပေါင်းဖြစ်ရပါတယ်။

#ဘယ်လိုကုသရမလဲ???
👉Physical therapy- လည်ပင်းကြွက်သားတွေ သန်မာအောင် ဂုတ်လေ့ကျင့်ခန်းတွေလုပ်ပေးခြင်း(လိုအပ်ပါက Physiotherapist ညွှန်ကြားချက်အတိုင်း လုပ်ဆောင်ပါ)
👉မာဆက်-လည်ပင်းကို ရေနွေးအပူအနေတော်လေးနဲ့ ကပ်တာဖြစ်ဖြစ်၊ Icepack ရေခဲနဲ့ကပ်ပြီးတော့ဖြစ်ဖြစ် မိမိနဲ့သင့်တော်တာကိုရွေးချယ်ပါ။
👉သောက်ဆေး-အရမ်းနာကျင်ကိုက်ခဲနေလျှင် အကိုက်အခဲပျောက်ဆေးသောက်နိုင်ပါတယ်။ Muscle Relexants တွေ ၊ နာ့ဗ်ကြောတွေကို ဖိမိနေလို့ လက်တွေကျဥ်တာမျိုးဖြစ်နေလျှင် ဆရာဝန်နဲ့တိုင်ပင်ပြီး အနာသက်သာတဲ့ဆေးတွေသောက်သုံးနိုင်ပါတယ်ရှင့်။
👉Soft Collar-လည်ပင်းပတ်တဲ့အပတ်တွေ ပတ်ဖို့လိုအပ်ရင် ဆရာဝန်က ညွှန်ကြားပါလိမ့်မယ်။
👉ထိုးဆေး- ဒါကတော့ နာနေတဲ့အဆစ်ထဲကို အနာသက်သာစေတဲ့ ဆေးထိုးပြီးကုသခြင်း ဖြစ်ပါတယ်။

#ဘယ်လိုကာကွယ်ရမလဲ???
👉လည်ပင်းအနေအထားမမှန်တဲ့အလုပ်တွေကို တတ်နိုင်သလောက်သတိထားပြီးလုပ်ပါ။
👉ခေါင်းအုံးအမြင့်ကြီးတွေနဲ့ အိပ်တာမျိုးရှောင်ပါ။ အိပ်တဲ့ပုံမမှန်ရင်လည်း ဖြစ်တတ်ပါတယ်၊၊
👉လည်ပင်းကြွက်သားတွေ သန်မာအောင် လေ့ကျင့်ခန်းပုံမှန်လုပ်ပါ။ ရေနွေး၊ ရေခဲ ခဏကပ်ပြီး ကြွက်သားဖြေလျှော့စေတဲ့ အနှိပ်ခံတာမျိုး လုပ်ပေးလို့ရပါတယ်။

#ဘယ်လိုအချိန်မှာ ဆရာဝန်နဲ့ ပြသသင့်သလဲ???
👉ကျီးပေါင်းက မခံစားနိုင်အောင် နာကျင်နေပြီဆိုရင်
👉လက်တွေ၊ လက်ချောင်းတွေမှာ ထုံပြီး အပ်စူးသလို
ကျဥ်နေပြီဆိုရင်
👉ခြေတွေ၊ လက်တွေအားမရှိတော့သလို ခံစားနေရရင်(သို့)လမ်းလျှောက်ရတာပုံမှန်မဟုတ်ဘူးလို့ ခံစားနေရရင်
👉ဆီးလုံးဝထိန်းလို့ မရတော့ဘူးဆိုရင်
ဒီအချက်တွေ ခံစားနေရပြီဆိုရင်တော့ ဆရာဝန်နဲ့ တိုင်ပင်ပြသဖို့ လိုအပ်နေပါပြီ။
#လည်ပင်းကျီးပေါင်းရောဂါနှင့်ပတ်သက်ပြီး ဆောင်ရန်၊ ရှောင်ရန်များကိုလည်း ဆက်လက်တင်ပြသွားပါမယ်နော်။
#ကျန်းမာရေးနှင့်ပတ်သက်ပြီး မေးမြန်းဆွေးနွေးလိုလျှင် ကျွန်မတို့"လင်း Online Clinic"မှ ၂၄နာရီ ဝန်ဆောင်မှုပေးနေပါတယ်ရှင့်။

20/07/2022

#အခုလိုတုပ်ကွေးရာသီမှာ အစစအရာရာဂရုစိုက်ကြပါနော်😍😍😍
#လူကြီးမင်းတို့အတွက် ကျွန်မတို့ "လင်း Online Clinic"မှ ကျန်းမာရေးဝန်ဆောင်မှုများပေးရန် ၂၄နာရီအသင့်ရှိနေပါတယ်ရှင့်။
#ကျန်းမာရေးနှင့်ပတ်သက်သည့်ဗဟုသုတများကိုလည်း တင်ပြပေးသွားမှာဖြစ်သည့်အတွက် Page လေးကို like&follow လုပ်ထားပေးကြပါရှင့်😘😘😘

27/06/2022

#မင်္ဂလာပါရှင် ယနေ့ကျွန်မတို့ "လင်း Online Clinic"မှ လူကြီးမင်းတို့အတွက် "အသည်းရောင်အသားဝါ ဗိုင်းရပ်စ်ပိုးများအကြောင်း"ဆွေးနွေးသွားမှာ ဖြစ်ပါတယ်ရှင့်။

#"အသည်းရောင်အသားဝါ ဗိုင်းရပ်စ်ပိုးများ"

#အသည်းရောင်အသားဝါ (Hepatitis)ဗိုင်းရပ်စ်ပိုးများ(၅)မျိုးရှိပါတယ်။
-Hapatitis A
-Hepatitis B
-Hepatitis C
-Hepatitis D
-Hepatitis E တို့ဖြစ်ပါတယ်ရှင့်။

A(အသည်းရောင် အေ)
-အသည်းရောင် အေ ပိုးက မသန့်ရှင်းတဲ့ အစားအသောက်တွေ၊ ရေတွေကတစ်ဆင့် ကူးစက်နိုင်ပါတယ်။ ကလေးတွေမှာ ပိုအဖြစ်များပါတယ်။

B(အသည်းရောင် ဘီ)
-အသည်းရောင်ဘီပိုးက သွေးကတစ်ဆင့် ကူးစက်နိုင်ပါတယ်။ ရောဂါပိုးရှိတဲ့ သွေးသွင်းမိတာ၊ ရောဂါပိုးရှိတဲ့လူ အသုံးပြုထားသည့် အပ်ကို မျှသုံးတာ၊ ပိုးမသတ်ထားသောအပ်နှင့် တက်တူးထိုးရာမှ ကူးစက်နိုင်ပါတယ်။ အကာအကွယ်မဲ့ လိင်ဆက်ဆံခြင်းမှလည်း ကူးစက်နိုင်ပါတယ်။ ခန္ဓာကိုယ်ကထွက်တဲ့ အရည်ကနေလည်း ကူးစက်နိုင်ပါတယ်။ မိခင်ဝမ်းထဲရှိချိန်မှာ ကလေးကို အချင်းသွေးကနေတစ်ဆင့် ကူးစက်နိုင်ပါတယ်။ အသုံးအဆောင်ပစ္စည်းအတူတူ သုံးစွဲလို့ မကူးစက်နိုင်ပါဘူး။

C(အသည်းရောင် စီ)
-အသည်းရောင် စီပိုးက ရောဂါပိုးရှိသော သွေးကနေတစ်ဆင့် ကူးစက်နိုင်ပါတယ်။ အသည်းရောင်ဘီပိုးလိုပဲ ရောဂါပိုးရှိတဲ့ သွေးကတစ်ဆင့်၊ အပ်ကတစ်ဆင့်၊ မိခင်ကနေ ကလေးကိုအချင်းသွေးကနေတစ်ဆင့် ကူးစက်နိုင်ပါတယ်။ အကာအကွယ်မဲ့ လိင်ဆက်ဆံရာက တစ်ဆင့်လည်း ကူးစက်နိုင်ပါတယ်။အသည်းရောင်စီပိုးက အသည်းကင်ဆာရောဂါ ဖြစ်နိုင်ချေ ပိုရှိပါတယ်။

D (အသည်းရောင် ဒီ)
-အသည်းရောင် ဒီပိုးက သွေးကတစ်ဆင့် ကူးစက်တာပါ။ ဘီပိုးရှိသူတွေမှာဒီပိုးပါ ကူးစက်နေနိုင်ပါတယ်။ ဒါပေမယ့် ဖြစ်တာနည်းပါတယ်။

E(အသည်းရောင် အီ)
-အသည်းရောင်အီးပိုးက အသည်းရောင်အေပိုးလိုပဲ မသန့်ရှင်းတဲ့ အစားအသောက်တွေ၊ ရေတွေက တစ်ဆင့် ကူးစက်နိုင်ပါတယ်။ များသောအားဖြင့် ဖွံဖြိုးဆဲနိုင်ငံတွေမှာ ဖြစ်တာပိုများပါတယ်။

#အသည်းရောင်အသားဝါဗိုင်းရပ်စ်ပိုးများထဲမှ အချို့ဗိုင်းရပ်စ်ပိုးများသည် ကင်ဆာရောဂါအထိ ပြောင်းနိုင်ချေရှိသည့်အတွက် ရောဂါခံစားရပါက မပေါ့ဆသင့်ပဲ ဆရာဝန်နှင့်တိုင်ပင်ပြီး ဆေးကုသမှုခံယူသင့်ပါတယ်ရှင့်။

#ကျန်းမာရေးနှင့်ပတ်သက်သည့် အကြောင်းအရာများကို အမြဲဆွေးနွေးပေးသွားမှာဖြစ်သည့်အတွက် ကျွန်မတို့၏ "လင်း Online Clinic Page"လေးကို like & follow လေး လုပ်ပေးကြပါဦးနော်၊၊

#ကျန်းမာရေးအခက်အခဲများနှင့် ပတ်သက်၍ မေးမြန်းဆွေးနွေးလိုပါက ကျွန်မတို့၏ "လင်း Online Clinic "၏
ဖုန်း(သို့) Chat boxမှ တစ်ဆင့် မေးမြန်းဆွေးနွေးနိုင်ပါတယ်ရှင့်။

25/06/2022

#ကျွန်မတို့"လင်း Online Clinic"မှ လူကြီးမင်းတို့အတွက် "အစာဖြည့်စွက်စာ အကြောင်း သိကောင်းစရာများ"နှင့် "Monda Koso Fermentation" ဖြည့်စွက်စာအားဆေး တို့နှင့် ပတ်သက်၍ ဆွေးနွေးသွားမှာ ဖြစ်ပါတယ်ရှင့်။

#"အစာဖြည့်စွက်စာ(Nutrition or Dietary Supplement)"

#ကျွန်မတို့နေ့စဥ်စားသောက်နေသည့် အစားအသောက်နှင့် မလုံလောက်သည့်အခါ လိုအပ်သည့် အစာအာဟာရကို
ဖြည့်ဆည်းပေးနိုင်ဖို့ အစာဖြည့်စွက်စာများကို အသုံးပြုကြရပါတယ်။
-ယခုအခါ အစာဖြည့်စွက်စာများသည် ဆေးပြားများ၊ ဆေးတောင့်များ၊ လူကြီးများသောက်ရလွယ်ကူရန် အရည်များ စသဖြင့် ပုံစံအမျိုးမျိုးနှင့် ဈေးကွက်တွင်ရောင်းချနေကြပါတယ်။
-အချို့အာဟာရဓာတ်တွေဟာ ခန္ဓာကိုယ်ထဲမှာ ပိုလျှံနေလျှင် အပြင်ကိုပြန်မစွန့်ထုတ်နိုင်တဲ့အပြင် ကိုယ်ထဲမှာစုပုံလာလျှင် အဆိပ်အတောက်ဖြစ်လာနိုင်ပါတယ်။
#ထို့ကြောင့် ဖြည့်စွက်စာများကို ဆရာဝန်နှင့်တိုင်ပင်ပြီးမှသာ သောက်သုံးသင့်ပါတယ်ရှင့်။

#ဖြည့်စွက်စာအားဆေး သောက်ဖို့ လိုအပ်သူများက ဘယ်သူတွေ ဖြစ်နိုင်မလဲ❓❓❓
-အသက် ၅၀ နှင့်အထက် လူကြီးတွေ
-အစာစားလို့မရတဲ့လူနာတွေ
-သတ်သတ်လွတ် စားတဲ့လူတွေ
-အရက်ကိုအလွန်အကျွံသောက်ပြီး အစာမစားတဲ့သူတွေ
-အခြားရောဂါအခံရှိသူတွေ
-ကိုယ်ဝန်ဆောင်မိခင်တွေ

#ထို့ကြောင့် ဖြည့်စွက်စာအားဆေး သောက်တော့မည်ဆိုလျှင် မိမိသဘောအတိုင်း စိတ်ထင်ရာ မသောက်ပါနှင့်။ ဆရာဝန်နှင့်တိုင်ပင်ဆွေးနွေးပြီးမှ သောက်သင့်ပါတယ်ဟု အကြံပေးပါရစေ။

#ဖြည့်စွက်စာအားဆေး သောက်တော့မယ်ဆိုလျှင် သစ်သီးဝလံများကို ကုန်ကြမ်းအဖြစ် အသုံးပြုထားသည့် Manda Koso Fermentation ဖြည့်စွက်စာအားဆေးလေး မိတ်ဆက်ပေးပါရစေရှင့်😍😍😍

Koso Fermentation ဖြည့်စွက်စာအားဆေး သောက်သုံးခြင်းဖြင့် ရရှိနိုင်သော အကျိုးကျေးဇူးများ
-စိတ်သောကများသော နေထိုင်မှုဘဝမှ ကင်းဝေးပြီး စိတ်ပျော်ရွှင်မှုရရှိစေနိုင်ခြင်း
-မနက်အိပ်ရာထချိန်တွင်စိတ်ကြည်လင်မှုရှိခြင်း
-အိုမင်းရင့်ရော်မှုကို အကာအကွယ်ဖြစ်စေခြင်း
-အာဟာရမျှတမှုရှိခြင်း
-ကိုယ်ဝန်ဆောင်ချိန်အာဟာရ ဖြည့်စွက်ပေးခြင်း
-ကျန်းမာသန်စွမ်းစွာ အလုပ်လုပ်နိုင်ခြင်း
-အရက်သောက်သုံးသူများ အသည်းခြောက်ခြင်းမှ ကာကွယ်ပေးခြင်း စသည့် အကျိုးကျေးဇူးများ ရရှိနိုင်ပါတယ်ရှင့်။

Koso Fermentation ဖြည့်စွက်စာအားဆေးဝယ်ယူသောက်သုံးချင်ပါက ကျွန်မတို့ "လင်း Online Clinic "၏ Chat box (သို့)ဖုန်းဖြင့် မှာယူနိုင်ပါတယ်ရှင့်။

#လူကြီးမင်းတို့၏ ကျန်းမာရေးအခက်အခဲများအတွက် ကျွန်မတို့ "လင်း Online Clinic # မှ ၂၄နာရီ အသင့်ရှိနေပါတယ်ရှင့်။

24/06/2022

#ယနေ့ ကျွန်မတို့ "လင်း Online Clinic"မှ လူကြီးမင်းတို့အတွက် ယခုခေတ်ကာလအရ လူအများစုကြုံတွေ့နေရတဲ့ "ဖုန်းအသုံးများနေလို့ ဇက်ကြောတက်တာတွေ သက်သာစေရန် လုပ်ဆောင်သင့်သည့် အကြောင်းအရာများကို အကြံပေးသွားမှာဖြစ်ပါတယ်ရှင့်။

#"ဖုန်းအသုံးများနေလို့ ဇက်ကြောတက်နေရင်"

-ဖုန်းသုံးတဲ့အခါ ခေါင်းက ရှေ့ကို ငိုက်နေတဲ့အတွက် ဇက်ကြောတက်လွယ်ပါတယ်။ရှေ့ကိုငိုက်လေလေ၊ ဇက်ပိုးကသယ်ထားရတာ ဝန်ပိလေလေ၊ ဇက်ကြောတက်လေလေပဲဖြစ်ပါတယ်။အကြောတွေကလဲတက် ပျို့ချင်အန်ချင်စိတ်တွေကလည်းဖြစ်နဲ့ တော်တော်ကိုအဆင်မပြေ ဖြစ်ရပါတယ်။

#ဖုန်းအသုံးများတဲ့အခါ ဇက်ကြောတက်တာအပြင်
-လည်ပင်းကြွက်သားတောင့်တင်းခြင်း၊ ခိုင်ခြင်း၊ အကြောတက်ခြင်း၊ တစ်ဖက်ဖက်ကိုလှည့်ရင် လည်ပင်းနာခြင်း။
-ပုခုံးနဲ့ဇက်မှာ စူးခနဲနာတာ
-ခဏခဏခေါင်းကိုက်တာ၊ ခေါင်းမူးတာ၊ ပျို့ချင်အန်ချင်တာ
-လက်ချောင်းလေးတွေမှာ ထုံတာ၊ကျင်တာ ခံစားရတာ
-မျက်လုံးအောင့်တာ စတာတွေ ခံစားရတတ်ပါတယ်။

#ဖုန်းအသုံးများတာကြောင့် ဇက်ကြောတက်တာ သက်သာစေဖို့ ဘယ်လိုတွေလုပ်ဆောင်ရမလဲ❓❓❓
-၁၅မိနစ် ဖုန်းသုံးပြီးတိုင်း ခဏနားပါ။(အစိမ်းရောင်ရှိတဲ့ အရောင်မျိုးတွေကို ကြည့်ပေးပါ။)
-Social media ပေါ်မှာ အချိန်ကုန်နေခြင်းကို လျှော့ချပါ။
-ဖုန်းကို မျက်လုံးနှင့် တစ်တန်းတည်းထားသုံးပါ။
-ဖုန်းသုံးပြီးတိုင်း ဇက်ကြောလျှော့ပါ။
-ဖုန်းသုံးတဲ့ပုံစံကို မကြာခဏပြောင်းပါ။(အထိုင်အထ၊ လှဲပြီးသုံးတာ)
-အရိုးအဆစ်သန်မာကောင်းမွန်အောင် အရိုးအားဆေးသောက်ပါ။
-ရေများများသောက်ပါ။ကိုယ်အလေးချိန်ထိန်းပါ။ ကောင်းစွာအနားယူပါ။
-လိုအပ်လျှင် အကိုက်အခဲပျောက်ဆေးသောက်ပါ။
-ဇက်ကြောတက်လို့ဆိုပြီး နှိပ်နယ်တာတွေကိုရှောင်ပါ။
-မျက်မှန်တပ်ထားလျှင် ပါဝါ မကြာခဏစစ်ပေးပါ။

#ဇက်ကြောတက်ခြင်းကို မကုသပဲ ထားမယ်ဆိုလျှင် အချိန်ကြာလာတဲ့အခါ ကျီးပေါင်းရောဂါအထိဖြစ်လာနိုင်သည့်အတွက် သတိထားဆင်ခြင်ရန်လိုအပ်ပါတယ်ဟု အကြံပေးပါရစေ။

#လူကြီးမင်းတို့၏ ကျန်းမာရေးအခက်အခဲများကို အကုန်အကျသက်သာစွာနှင့် ဝန်ဆောင်မှုပေးရန် ကျွန်မတို့ "လင်း Online Clinic "မှ ၂၄နာရီ အဆင်သင့်ရှိနေပါတယ်ရှင့်။

23/06/2022

#ကျွန်မတို့ "လင်း Online Clinic "မှ လူကြီးမင်းတို့အတွက် အရက်နှင့်ပတ်သက်သည့်ဆိုးကျိုးများထဲမှ "အရက်နာကျခြင်း(hangover)အကြောင်း သိကောင်းစရာ"များကို ဆွေးနွေးသွားမှာ ဖြစ်ပါတယ်ရှင့်။

"အရက်နာကျခြင်း(hangover)")🍺🍾🍺🍾

#အရက်ကို နည်းနည်းဖြစ်စေ၊ များများဖြစ်စေ၊ ခဏဖြစ်စေ၊ ရေရှည်ဖြစ်စေ ဘယ်လိုပဲသောက်သောက် မိမိ၏ကျန်းမာရေး ထိခိုက်မှုရှိလာနိုင်ပါတယ်။နေ့စဥ်ရက်ဆက် အရက်သောက်နေလျှင် အချိန်ကြာလာတာနှင့်အမျှ ကျန်းမာရေးထိခိုက်လာမှာဖြစ်ပါတယ်။
#အကြောင်းပြချက် အမျိုးမျိုးနှင့် အရက်သောက်ပြီးရင်တော့ အရက်နာကျတယ်ဆိုတဲ့ ကိုယ်လက်စိတ်မအီမသာဖြစ်တာတွေကို ဘယ်လိုကာကွယ်မလဲ❓❓❓ဘယ်လိုအကြောင်းအရာတွေက အရက်နာကျတာကို ပိုဆိုးရွားစေလည်းဆိုတာ ယနေ့ဆွေးနွေးတင်ပြသွားမှာဖြစ်ပါတယ်။

#အရက်နာကျတယ်ဆိုတာဘာလဲ❓❓❓🍺🍺🍺
-အရက်နာကျတယ်ဆိုတာ လက်တလော အရက်အလွန်အကျွံသောက်သုံးခြင်းကြောင့် ဖြစ်တတ်တဲ့ ရောဂါလက္ခဏာတွေစုပေါင်းထားတာကို ဆိုလိုပါတယ်။အများအားဖြင့် ခေါင်းကိုက်ခြင်း၊မူးဝေခြင်း၊ အိပ်ငိုက်ခြင်း၊ အစာမစားချင်ဖြစ်ခြင်းနှင့် ရေငတ်ခြင်းတို့ အဖြစ်များလေ့ရှိပါတယ်။
-အရက်နာကျခြင်းက ဘယ်အချိန်မဆို ဖြစ်နိုင်သော်လည်း အများအားဖြင့် ညမှာသောက်ပြီး မနက်တွင်ဖြစ်တာ ပိုများပါတယ်။
-အိပ်ရေးဝဝမအိပ်ထားတဲ့နေ့၊ ပင်ပန်းနေတဲ့နေ့တွေမှာ သောက်ရင် ဖြစ်ဖို့ ပိုလွယ်ကူပါတယ်ရှင့်။

#အရက်နာကျရင် ဘယ်လိုတွေခံစားရမလဲ❓❓❓
-ခေါင်းမူးခြင်း/ခေါင်းကိုက်ခြင်း။
-နုံးခြင်း၊ မအီမသာဖြစ်ခြင်း။
-စိတ်ဓာတ်ကျခြင်း။
-အစာအိမ်နာခြင်း။
-လေပွခြင်း။
-အန်ခြင်း။
-ဝမ်းလျှောခြင်း။
-ရေဆာခြင်း။
-ခြေလက်တုန်ခြင်း။
-နှလုံးခုန်မြန်လာခြင်း။
-ကိုယ်လက်နာကျင်ကိုက်ခဲခြင်း။
-နှစ်နှစ်ခြိုက်ခြိုက် အိပ်မပျော်ခြင်း စသည့် လက္ခဏာများ ခံစားရနိုင်ပါတယ်ရှင့်။

#အရက်အလွန်အကျွံ သောက်မိရင်လည်း အရက်အဆိပ်တက်ခြင်း ဖြစ်နိုင်ပြီး အရေးပေါ်ဆေးကုသမှုခံယူသင့်ပါတယ်ရှင့်။
-အရက်အဆိပ်တက်ခြင်းလက္ခဏာများမှာ-
-တက်ခြင်း။
-သတိလစ်ခြင်း။
-တွေဝေခြင်း။
-ကိုယ်အပူချိန် အလွန်အမင်းကျဆင်းခြင်း။
-တစ်မိနစ်တွင် ၈ကြိမ်အောက်အထိ အသက်ရှုနှုန်းကျဆင်းခြင်း။
-အသားဖြူဖျော့လာပြီး မရပ်မနားအန်ခြင်းတို့ ဖြစ်ပါတယ်။

#အရက်နာခြင်းကို သက်သာအောင် ဘယ်လိုတွေလုပ်ဆောင်မလဲ❓❓❓
-အရက်နာခြင်းအတွက် တိကျသောကုသမှု မရှိပါ။ဒါပေမယ့် အောက်ပါအချက်များက အရက်နာကျခြင်းကို သက်သာအောင် လုပ်ဆောင်ပေးပါလိမ့်မယ်။
(၁)ရေသောက်ခြင်း
-ရေများများသောက်ခြင်းဖြင့် ရေဓာတ်ခမ်းခြောက်ခြင်းကို ကာကွယ်ပါလိမ့်မယ်။တစ်နေကုန် ရေနည်းနည်းစီ ခဏခဏသောက်သင့်ပါတယ်။ဒါ့အပြင် အရက်သောက်နေစဥ်အတွင်းလည်း ရေသောက်သင့်ပါတယ်။အိပ်ရာဘေးတွင် ရေကိုအဆင်သင့်ထား၍ အိပ်ပါ။
(၂)အစာစားခြင်း
-အမြည်းမစားပဲ အရက်သောက်ခြင်းလည်း မပြုလုပ်သင့်ပါ။မသောက်ခင်လည်း အစာစားထားသင့်ပါတယ်။ကော်ဖီနှင့် လက်ဖက်ရည်မှာ ပါဝင်တဲ့ ကဖိန်းဓာတ်ဟာ နှိုးဆွပစ္စည်းဖြစ်တာကြောင့် ကတုန်ကယင်ဖြစ်ခြင်းကို ပိုမိုဆိုးရွားစေသည့်အတွက် ရှောင်ကြဥ်ပါ။
(၃)ဆေးသောက်ခြင်း
-အိပ်ယာမဝင်ခင် Ibuprofen သောက်အိပ်ကာ နိုးလျှင် နောက်၁လုံး သောက်ခြင်းဖြင့် ခေါင်းကိုက်ခြင်းကို သက်သာစေနိုင်ပါတယ်။ပါရာစီတမောမှာ အချို့သောလူများတွင် ပြင်းထန်သော အသည်းပျက်စီးမှုဖြစ်နိုင်သောကြောင့် ရှောင်ရှားသင့်ပါတယ်။
(၄)အနားယူခြင်း
-အိပ်ရေးဝဝအိပ်သင့်ပါတယ်။ကောင်းကောင်းအနားယူခြင်းဖြင့် အရက်နာကျခြင်းကို မြန်မြန်သက်သာစေနိုင်ပါတယ်။
(၅)Glucose Powder သောက်သုံးခြင်း
-အရက်နာကျခြင်းကြောင့် ခန္ဓာကိုယ် အတွင်းရှိ အချိုဓာတ်ဆုံးရှုံးနိုင်သောကြောင့် ဆီးချိုရောဂါမရှိသူများတွင် Glucose Powder သောက်သုံးနိုင်ပါတယ်။
(၆)ဓာတ်ဆားသောက်ခြင်း
-ဓာတ်ဆားသောက်ခြင်းဖြင့် ရေဓာတ်ကို ပြန်ဖြည့်စေသည့်အပြင် ချွေးထွက်ခြင်းနှင့် ဆီးများများသွားခြင်းကြောင့် ဆုံးရှုံးသွားသောဓာတ်များကို ပြန်လည်ဖြည့်ဆည်းပေးနိုင်ပါတယ်။

#အရက်နာကျပါက ဆက်တိုက်သောက်လျှင် ဝေဒနါကို ပိုဆိုးစေနိုင်ပါတယ်။
#အကောင်းဆုံးက "မိမိခံနိုင်ရည်ထက် ပိုမသောက်ရန်" အကြံပေးလိုက်ပါရစေရှင့်။

#ကျွန်မတို့ "လင်း Online Clinic"မှ လူကြီးမင်းတို့အတွက် ကျန်းမာရေးအခက်အခဲများကို မိမိအိမ်တွင်နေရုံနှင့် Service Fees သက်သာစွာနှင့် ဝန်ဆောင်မှုပေးမှာဖြစ်ပါတယ်ရှင့်။

#ကျန်းမာရေးနှင့်ပတ်သက်လာလျှင် "လင်း Online Clinic"ကို သတိရလိုက်ပါရှင့်။

22/06/2022

#ယနေ့ ကျွန်မတို့ "လင်း Online Clinic" မှ လူကြီးမင်းတို့အတွက် သတိထားရမည့် "Metabolic Syndrome"
အကြောင်း ဆွေးနွေးသွားမှာ ဖြစ်ပါတယ်ရှင့်။

#"Metabolic Syndrome ကို သတိထားစေလို"

Syndrome ဆိုတာ ဘာလဲ❓❓❓
-ခန္ဓာကိုယ်အတွင်းက ပုံမှန် ဇီဝကမ္မဖြစ်စဥ်တွေ ဖောက်ပြန်လာလို့ ခံစားရတဲ့ လက္ခဏာတွေ စုဝေးထားတဲ့ ရောဂါလက္ခဏာစုကို Metabolic Syndrome ဟု ခေါ်ဆိုခြင်းဖြစ်ပါတယ်။
-နောက်ဆက်တွဲရောဂါအနေနှင့် သွေးတိုးရောဂါ၊ ဆီးချိုရောဂါ၊ နှလုံးသွေးကြောကျဥ်းရောဂါ၊ လေဖြတ်ခြင်း နှင့် ကျောက်ကပ်ရောဂါတွေ ဆက်တိုက် ဖြစ်လာနိုင်ပါတယ်။

Syndrome ခံစားနေရပြီဆိုတာ ဘယ်လိုသိနိုင်မလဲ❓❓❓
-(၁)ဗိုက်မှာ အဆီတွေစုနေတာ(အမျိုးသားတွေဆို ခါးဆိုဒ် ၄၀လက်မအထက်၊ အမျိုးသမီးတွေဆို ၃၅လက်မအထက်)
-(၂)Triglycerides ဟု ခေါ်သည့် သွေးတွင်းအဆီက
၁၅၀ mg/dl နှင့် အထက်များနေတာ
-(၃)ကောင်းတဲ့ ကိုလက်စထရော(HDL ကိုလက်စထရော) က အမျိုးသားတွေမှာ ၄၀ mg/dl အောက်၊ အမျိုးသမီးတွေမှာ ၅၀ mg/dl အောက် နည်းနေတာ
-(၄)သွေးပေါင်ချိန်က ၁၃၀/၈၅ mmhg ထက် များနေတာ
-(၅)သွေးတွင်း အချိုဓာတ် ၁၀၀ mg/dl ထက် များနေတာ

-ဒီအချက်(၅)ချက်ထဲမှ (၃)ချက်နှင့် ကိုက်ညီတယ်ဆိုရင် Metabolic Syndrome ဟု ခေါ်ဆိုလို့ရပါတယ်ရှင့်။

-ဒီအချက်များထဲမှ ကိုက်ညီချက်တွေများလေလေ၊ Metabolic Syndrome ဖြစ်နိုင်ချေများလေလေ၊ နောက်ဆက်တွဲ ရောဂါဖြစ်နှုန်းတွေ လိုက်တက်လာလေဖြစ်ပါတယ်။

Syndrome မဖြစ်အောင် ဘယ်လိုနေထိုင် စားသောက်မလဲ❓❓❓

-(၁)အဝလွန်နေလျှင် ဝိတ်ချပါ။
-(၂)ချိုလွန်း၊ ငန်လွန်း၊ အဆီများလွန်းတာတွေကို လျှော့စားပါ။ အသီးအရွက်နှင့် သစ်သီးတွေ ပိုစားပါ။
-(၃)ဆေးလိပ်ဖြတ်ပါ။
-(၄)အရက်ဖြတ်ပါ။
-(၅)တစ်နေ့ နာရီဝက်လောက် လှုပ်လှုပ်ရှားရှားနေပါ။ ကိုယ်လက်လှုပ်ရှားမှု လေ့ကျင့်ခန်း ပုံမှန်ပြုလုပ်ပါ။
-(၆)စိတ်ဖိစီးမှုနည်းအောင် အတတ်နိုင်ဆုံး နေထိုင်ပါ။

#လူကြီးမင်းတို့၏ ကျန်းမာရေးဆိုင်ရာ အခက်အခဲများကို ယခုလိုမိုးရာသီတွင် အပြင်ထွက်စရာမလိုပဲ အိမ်မှာနေရင်းနှင့် ဆွေးနွေးတိုင်ပင်လိုလျှင် "လင်း Online Clinic"ကို ဆက်သွယ်လိုက်ပါရှင့်။

#"လင်း Online Clinic"မှ လူကြီးမင်းတို့အတွက် ၂၄နာရီ အဆင်သင့်ရှိနေပါတယ်ရှင့်။

21/06/2022

ကျွန်မတို့လင်း Online Clinic မှ လူကြီးမင်းတို့အတွက် အပြည်ပြည်ဆိုင်ရာယောဂနေ့ကို ကြိုဆိုဂုဏ်ပြုသောအားဖြင့် ယောဂလေ့ကျင့်ခြင်းနှင့် စပ်လျဥ်း၍ ကျန်းမာရေးအတွက် ကောင်းကျိုးများကို တင်ပြပေးသွားမှာဖြစ်ပါတယ်ရှင့်။😍😍😍

#ယောဂလေ့ကျင့်ခြင်းနှင့် ကျန်းမာရေးအတွက် အကျိုးကျေးဇူးများ🤷‍♂️🤷‍♀️

-ယနေ့ ဇွန်လ ၂၁ရက်နေ့သည် အပြည်ပြည်ဆိုင်ရာ ယောဂနေ့ဖြစ်ပါတယ်ရှင့်။ယောဂလေ့ကျင့်ခန်းဟာ ကျန်းမာရေးအတွက် ကောင်းကျိုးရှိစေသလို စိတ်အေးလက်အေးနှင့် လေ့ကျင့်ခန်းလုပ်လိုသည့်သူများအတွက် အကောင်းဆုံးဖြစ်ပါတယ်။
-ယခုနှစ်အတွက် ဆောင်ပုဒ်မှာ "Yoga for Humanity"
ဖြစ်ပါတယ်ရှင့်။

-ယောဂပြုလုပ်ခြင်းရဲ့ အကျိုးကျေးဇူးများကို ပြောပြရမယ်ဆိုလျှင်
#စိတ်ဖိစီးမှု၊ စိုးရိမ်လွန်ခြင်း၊ အတွေးများခြင်း၊ စိတ်ဓာတ်ကျခြင်းတို့ကို တိုက်ထုတ်ပေးပြီး စိတ်ကို ကြည်လင်အေးချမ်းစေပါတယ်ရှင့်။ဦးနှောက်ကနေ ပျော်ရွှင်ခြင်းဟော်မုန်းထုတ်လုပ်ခြင်းကို မြန်စေပြီး အကောင်းမြင်စိတ် ပိုဖြစ်လာအောင် ကူညီပေးပါတယ်။ယောဂပုံမှန်ပြုလုပ်ခြင်းအားဖြင့် အာရုံစူးစိုက်နိုင်သည့် အကျိုးကျေးဇူးကိုပါ ရရှိပါမယ်ရှင့်။

#ယောဂဟာ နှလုံးကို အားကောင်းစေပြီး နှလုံးသွေးလည်ပတ်မှုကို အားကောင်းစေပါတယ်။ခန္ဓာကိုယ်အတွက်လိုအပ်သော အချိုဓာတ်ပမာဏကို ထိန်းသိမ်းပေးနိုင်ပါတယ်။ယောဂလေ့ကျင့်ခန်း ပုံမှန်လုပ်ဆောင်ခြင်းဖြင့် နှလုံးသွေးကြောကျဥ်းရောဂါများ၊ သွေးတိုးနှင့် ဆီးချိုရောဂါများအပြင် အချို့သော ကင်ဆာရောဂါများ ဖြစ်နိုင်ချေကိုလည်း လျှော့ချပေးပါတယ်ရှင့်။

#ယောဂကျင့်ခြင်းဟာ ကြွက်သားနှင့် အရိုးအကြောတွေ တင်းမာတာကို ပြေလျော့စေပြီး ခန္ဓာကိုယ်ကို ပေါ့ပါးသွက်လက်စေပါတယ်။ညောင်းညာကိုက်ခဲတာကို သက်သာစေပါတယ်။ လူအများစုယောဂကျင့်ရတဲ့ အကြောင်းရင်းကတော့ ခန္ဓာကိုယ် ပျော့ပျောင်းစေဖို့ ဖြစ်ပါတယ်ရှင့်။

#တစ်နေကုန်ထိုင်ပြီး အလုပ်လုပ်နေသူတွေ၊ ကိုယ်နေဟန်ထားမမှန်သူတွေမှာ အဖြစ်များတဲ့ ကျောနာ၊ခါးနာ၊ ဇက်ကြောတတ်ခြင်း၊ လက်ပြင်ကုန်းခြင်း အစရှိသည့် ပြဿနာတွေအတွက် ယောဂလေ့ကျင့်ခန်းကို ပုံမှန်ပြုလုပ်ခြင်းအားဖြင့် အရိုးများကို ပျော့ပျောင်းသန်မာစေပြီး အရိုးကျန်းမာရေးအတွက် အကူအညီပေးနိုင်ပါတယ်။အဆစ်အမြစ်ရောင် ရောဂါကြောင့်ဖြစ်သည့် နာကျင်ကိုက်ခဲမှုကိုလည်း သက်သာစေပါတယ်ရှင့်။

#ယောဂကျင့်ခြင်းအားဖြင့် သွေးထဲက သကြားဓာတ်ကို ဖြိုခွဲပေးပြီး ပိုလျှံနေတဲ့ ကယ်လိုရီတွေကို လျင်မြန်စွာ လောင်ကျွမ်းစေပါတယ်။ကိုယ်အလေးချိန်ကို ထိန်းညှိပေးပြီး ခန္ဓာကိုယ်သွယ်လျစေပါတယ်ရှင့်။တင်းမာနေသည့် ကြွက်သားများကို အိပ်စက်ခြင်းနှင့် နိုးကြားမှုကို ထိန်းညှိပေးသည့်(Melatonin)ဟော်မုန်းထွက်ရှိမှုကို မြင့်တက်စေသောကြောင့် ညဘက်တွေမှာ ကောင်းစွာအိပ်ပျော်နိုင်ဖို့ အကူအညီပေးပါတယ်ရှင့်။

#ယောဂကျင့်စဥ်သည် အသက်ရှုလေ့ကျင့်ခန်း၊ တရားထိုင်ခြင်းနှင့် ကိုယ်ဟန်အနေအထားတို့ကို ပေါင်းစပ်ထားသောကြောင့် အဆုတ်စွမ်းရည်ကို တိုးတက်စေရန်အတွက် တိကျသော ထွက်သက်ဝင်သက်ကို ထိန်းချုပ်ရန် အာရုံစိုက်စေပါတယ်။အသက်ရှုခြင်းကို ပိုမိုကောင်းမွန်စေသည့်အတွက် အဆုတ်ရောဂါ၊နှလုံးရောဂါနှင့် ပန်းနာရင်ကျပ်ရှိသူများအတွက် အထောက်အကူပြုစေပါတယ်
ရှင့်။

#ယောဂကျင့်ခြင်းဖြင့် လိင်စိတ်ဆန္ဒကို မြှင့်တင်ပေးပြီး အမျိုးသားတွေရော အမျိုးသမီးများအတွက်ပါ လိင်ပိုင်းဆိုင်ရာ စွမ်းဆောင်ရည်ကို တက်လာစေပါတယ်ရှင့်။

👬👯‍♂️ယောဂလေ့ကျင့်ခန်းဟာ အသက်အရွယ်မရွေး၊ ကျားမ မရွေးအတွက် ကျန်းမာသော ခန္ဓာကိုယ်ပိုင်ဆိုင်ဖို့ အကျိုးကျေးဇူးများ ပေးသည့်အတွက် လူကြီးမင်းတို့၏ တစ်နေ့တာ လေ့ကျင့်ခန်းလုပ်ဖို့ အစီအစဥ်ထဲမှာ ယောဂကိုပါ ထည့်သွင်းကြပါလို့ အကြံပေးပါရစေရှင့်။

#လူကြီးမင်းတို့၏ကျန်းမာရေးနှင့်ပတ်သက်သော အခက်အခဲများကို မေးမြန်းဆွေးနွေးရန် "လင်း Online Clinic"၏ Chat box မှတစ်ဆင့် ဆက်သွယ်မေးမြန်းနိုင်ပါတယ်ရှင့်။

#လူကြီးမင်းတို့အတွက် "လင်း Online Clinic"မှ ၂၄နာရီ အသင့်ရှိနေပါတယ်ရှင့်။

20/06/2022

#မင်္ဂလာပါရှင့်...ကျွန်မတို့ လင်း Online Clinic မှ လူကြီးမင်းတို့အတွက် Non-communicable Disease (NCD)မကူးစက်နိုင်သောရောဂါများတွင် ပါဝင်သည့် သွေးတိုးရောဂါနှင့်ပတ်သက်၍ သိကောင်းစရာများကို ဆွေးနွေးသွားမှာဖြစ်ပါတယ်ရှင့်။

#"သွေးတိုးရောဂါအကြောင်း သိကောင်းစရာများ"

-"သွေးတိုးရောဂါ"ကို အများအားဖြင့် လက္ခဏာမပြသည့် အသံတိတ်လူသတ်သမားဟု ခေါ်တတ်ကြတယ်။ဘာဖြစ်လို့လဲဆိုရင် လေဖြတ်၊ ဦးနှောက်သွေးကြောပေါက်ပြီး ဆေးရုံရောက်တော့မှ သွေးတိုးရှိနေမှန်း သိကြလို့ပါပဲ။
-သွေးတိုးရောဂါမှန်းသိပြီး ဆေးခန်းလာပြသူတွေ တော်တော်ရှားပါတယ်။
-သွေးတိုးရင် ခေါင်းမူးတာ၊ ဇက်ကြောထိုးတာတွေ ခံစားကြရပေမယ့် သွေးပေါင်ချိန် အပေါ်သွေး ၁၈၀၊ ၂၀၀. တို့နှင့် ဘာလက္ခဏာမှ မခံစားရပဲ နေနေတဲ့သူတွေ အများကြီး ရှိပါတယ်။

-သွေးတိုး၊ မတိုးဆိုတာ တစ်ခါတည်း သွေးပေါင်ချိန်ရုံနှင့် မသိနိုင်ပါဘူးရှင့်။ လူတစ်ချို့က Anxiety ဟုခေါ်သည့် စိတ်ဖိစီးမှုကြောင့် သွေးတိုးနေတာ ဖြစ်နိုင်ပါတယ်။ ဒီအခြေအနေမှာ ခေါင်းမူးသက်သာသွားလျှင်၊ စိတ်ဖိစီးမှု သက်သာသွားလျှင် သွေးကျဆေးမပေးပဲနဲ့ကို သွေးပေါင်ချိန်ပုံမှန်ဖြစ်လာပါတယ်။ အမှန်တကယ် သွေးတိုးတဲ့သူတွေမှာ သွေးကျဆေးမပေးရင် သွေးပေါင်ချိန်က တိုးမြဲတိုးနေပါမယ်။

-ထို့ကြောင့် သွေးတိုးရှိလား၊ မရှိဘူးလားဆိုတာ တစ်ခါလောက် သွေးပေါင်ချိန်တိုင်းပြီး ဆုံးဖြတ်၍မရပါ။ သွေးတိုးတယ်ဟု ယူဆလျှင် ဆရာဝန်နှင့် ဆွေးနွေးတိုင်ပင်ပါ။ မိမိဘာသာ ဆေးဝယ်မသောက်ပါနှင့်ဟု အကြံပေးပါရစေ။

-ခေါင်းမူးမှ သွေးပေါင်ချိန်မယ်၊ ဆေးသောက်မယ်တို့မလုပ်ပါနှင့်။ ကိုယ်မသိလိုက်သည့် အချိန်မှာ နောက်ဆက်တွဲရောဂါလက္ခဏာများ ဖြစ်လာနိုင်ပါတယ်။

#သွေးတိုးရောဂါကိုသေချာမကုသလျှင် ဘာတွေဖြစ်လာနိုင်မလဲ❓❓❓
သွေးတိုးကို သေချာမထိန်းပဲ ပေါ့ဆစွာနေထိုင်ပါက
-နှလုံးနှင့်ဆိုင်သော ရောဂါများ(နှလုံးသွေးကြောကျဥ်းခြင်း၊ နှလုံးသွေးကြောပိတ်ခြင်း)
-ကျောက်ကပ်ထိခိုက်ပျက်စီးခြင်း
-လေဖြတ်ခြင်း(ဦးနှောက်သွေးကြောပေါက်ခြင်း၊ ဦးနှောက်သွေးကြောပိတ်ခြင်း)
-အမြင်လွှာထိခိုက်ကာ အမြင်အာရုံချို့ယွင်းခြင်း တို့
ဖြစ်ပွားနိုင်သဖြင့် စနစ်တကျကုသမှုခံယူရန် လိုအပ်ပါတယ်ရှင့်။

#သွေးတိုးရောဂါနှင့် ပတ်သက်ပြီး မေးမြန်းဆွေးနွေးတိုင်ပင်လိုပါက လင်း Online Clinic ကိုသတိရလိုက်ပါ။

#လူကြီးမင်းတို့အတွက် လင်းOnline Clinic မှ ၂၄နာရီ အသင့်ရှိနေပါတယ်ရှင့်။

Linn Online Clinic

11/09/2023

14/08/2022

05/08/2022

20/07/2022

27/06/2022

25/06/2022

24/06/2022

23/06/2022

22/06/2022

21/06/2022

20/06/2022

Address

Telephone

Website

Alerts

Contact The Practice

Shortcuts

Share

Category