ARE YAW JAN Pharmacy -1, Mawlamyine.

ARE YAW JAN Pharmacy -1, Mawlamyine. Contact information, map and directions, contact form, opening hours, services, ratings, photos, videos and announcements from ARE YAW JAN Pharmacy -1, Mawlamyine., Doctor, 664, Lower Main Road, Maunggan Quarter, Mawlamyine.

30/04/2020

အော်တိုအင်မြူးရောဂါ များ ( Autoimmune Diseases) - ၆

Celiac disease ဆိုတာ gluten ( ဂလူတန် ) စားလို့မရတဲ့ အော်တိုအင်မြူးရောဂါတစ်ခုပါ။ Celiac disease ရှိတဲ့သူတစ်ယောက် ဂလူတန်ပါတဲ့ အစားအစာကို စားလိုက်တဲ့အခါ အူသိမ်မှာရှိတဲ့ ဆဲလ်တွေ အတိုက်အခိုက် ခံရပါတယ်။ အူသိမ်ဆိုတာ အစာလမ်းကြောင်းမှာရှိတဲ့ အရေးကြီးတဲ့ အစိတ်အပိုင်းတစ်ခုဖြစ်ပြီး အူသိမ် တိုက်ခိုက်ခံရတဲ့အခါ အစာစုပ်ယူမှု ပြုလုပ်ပေးမည့် microvilli လေးတွေ ပျက်စီးသွားပါတယ်။ Microvilli လေးတွေ မရှိတော့တဲ့အခါ စားလိုက်တဲ့အစားအစာတွေမှာ ပါလာမည့် အဟာရတွေကို မစုပ်ယူနိုင်ဘူး လို့ဆိုပါတယ်။ လူပေါင်း ၁၃၃ ယောက်မှာ celiac disease ရှိတဲ့လူနာ တစ်ယောက်ရှိတယ် ဆိုပါတယ်။

Celiac disease ရှိတဲ့ လူနာတွေက ဂလူတန်ကို ရှောင်ရပါတယ်။ Celiac disease ရှိတဲ့လူနာတွေ သာမက သာမန်လူတွေပါ ကျန်းမာရေးအတွက် ဂလူတန်ကို ရှောင်သင့်ပါတယ်ဆိုတဲ့ ယုံကြည်မှုတွေက အခုနှစ်ပိုင်းအတော်လေး လူပြောများပါတယ်။ လိုက်နာကျင့်သုံးတဲ့သူတွေလည်းရှိပါတယ်။ ဂလူတန်ဆိုတာ ပရိုတိန်းအုပ်စု တစ်မျိုးပါ။ ဂလူတန်မှာ gliadin နှင့် glutenin ဆိုပြီး အစိတ်အပိုင်းနှစ်ခုပါဝင်ပါတယ်။ ဂျုံ၊ ဂျုံကြမ်း၊ မုယောစပါးလို အစေ့အဆန်တွေမှာ ဂလူတန် ပရိုတိန်းကို တွေ့နိုင်ပါတယ်။ ဂလူတန်နဲ့ ပတ်သတ်တယ်လို့ ယူဆရတဲ့ ရောဂါ ၅၅ ခု ရှိပါတယ်။ နှစ် ၅၀ အတွင်း celiac disease ဖြစ်တဲ့ လူနာအရေအတွက်လည်း ၄၀၀% လောက်တိုးလာတယ်လို့ပြောပါတယ်။

Gluten ( ဂလူတန် ) စားခြင်းက အူလမ်းကြောင်းကျန်းမာရေးအတွက် မကောင်းဘူးလို့ ဒေါက်တာ William Davis နှင့် ဒေါက်တာ David Perlmutter စပြောခဲ့ပါတယ်။ ဂလူတန် နှင့် အူနံရံယိုစိမ့်ခြင်း(Leaky gut) က အဆက်အသွယ်ရှိပါတယ်လို့ ဒေါက်တာ Alessio Fasano က ဖော်ထုတ်တွေ့ရှိထားပါတယ်။ Dr. Fasano တွေ့ရှိချက်အရ ဂလူတန် ပရိုတိန်းက " zonulin " ဆိုတဲ့ ဓာတုပစ္စည်းတစ်မျိုးကို ထွက်လာစေပြီး အူလမ်းကြောင်းမှာရှိတဲ့ tight junction တွေ ရဲ့ ခိုင်မာမှုကို ပျက်သွားစေပါတယ်။ Tight junction တွေ ရဲ့ ခိုင်မာမှု ပျက်သွားတဲ့ အစာလမ်းကြောင်းနံရံကနေ မကျေညက်တဲ့ အစားအစာတွေ ကိုယ်ခန္ဓာထဲကို ဝင်လာမည်။ ခန္ဓာကိုယ်ရဲ့ ခုခံအားဆဲလ်တွေက ကျူးကျော်သူအမှတ်နဲ့ မကျေညက်တဲ့အစားအစာတွေကို တိုက်မည်။ တိုက်ခိုက်မှုမှာ ရောင်ရမ်းခြင်းဖြစ်စဥ်တွေ ဖြစ်မည်။ ခုခံအားစနစ်က အနားမရတဲ့အခါ အားလျော့သွားတာ။ ကမောက်ကမဖြစ်သွားတာတွေဖြစ်မည်။ ဒါကြောင့် အော်တိုအင်မြူး ဝေဒနာသည်တွေ ဂလူတန်ကို ရှောင်ပါလို့ပြောကြတယ်။

တစ်ချို့လူတွေက Celiac disease မရှိလျှင် ဂလူတန်ရှောင်ဖို့ မလိုဘူးလို့ပြောကြပါတယ်။ Allergy ( ( ဓာတ်မတည့်ခြင်း)က ဖြစ်တာမြန်တယ်။ ဓာတ်မတည့်တဲ့ ပစ္စည်းနဲ့ ထိတွေ့လိုက်တာနဲ့ သေလောက်တဲ့အထိ ပြင်းထန်ခက်ခဲတဲ့ ဝေဒနာကို ခံစားရမည်။ ဓာတ်မတည့်ခြင်းကို စစ်တာက Ig E reaction (Ig E ဓာတ်ပြုမှု )ကို စစ်တာပါ။ လူဦးရေရဲ့ ၁% လောက်မှာပဲ ဂလူတန် ဓာတ်မတည့်ခြင်း ရှိပါတယ်။ ဒါပြင် "" Gluten sensitivity spectrum "" ကိုလည်း နားလည်ထားရမည်လို့ ဒေါက်တာ Amy Myers က ပြောပါတယ်။

Sensitivity ( ထိခိုက်လွယ်ခြင်း) ဆိုတာ IgG reaction ( IgG ဓာတ်ပြုမှု ) ကို တိုင်းတာတာပါ။ IgG ဓာတ်ပြုမှုတွေက ဝေဒနာပြချိန် ကြာပါတယ်။ တစ်ခါတစ်ရံ မတည့်တဲ့ ပစ္စည်းနဲ့ ထိတွေ့ပြီး ၇၂ နာရီလောက်မှ ဝေဒနာပြတတ်တယ်။ စနေနေ့ ညက ပင်လယ်ငါး နှင့် ပဲ စားပြီး ဗုဒ္ဓဟူးနေ့မနက်မှာ ဖြစ်လာတဲ့ ခေါင်းကိုက်ခြင်း၊ အဆစ်နာခြင်း၊ လေပွခြင်းတွေက food sensitivity ကြောင့်ဖြစ်နိုင်တယ်။ ဒီလို အကြာကြီးနေမှ ဝေဒနာပေါ်တတ်တာကြောင့် ပြသနာတွေပိုဆိုးသွားနိုင်ပါတယ်။ ဂလူတန် sensitivity အတွက် 33-mer ဆိုတဲ့ test စစ်ကြပါတယ်။ ဒီ 33-mer တစ်ခုတည်းနဲ့လည်း ဂလူတန် sensitivity ကို မဆုံးဖြတ်နိုင်ဘူးပြောပါတယ်။ Cyrex laboratory ( ဓာတ်ခွဲခန်း) တွေမှာတော့ ဂလူတန် sensitivity test တွေကို ပိုပြည့်ပြည့်စုံစုံ စစ်နိုင်တယ်လို့ ရေးတယ်။

Cyrex Lab ဆိုတာ မြန်မာနိုင်ငံအတွက် လက်လှမ်းမမှီတဲ့ ဓာတ်ခွဲခန်းတွေပါ။ အကောင်းဆုံးနည်းက ဂလူတန်ပါတဲ့ ပေါင်မုန့်၊ ကိတ်မုန့်၊ ကွတ်ကီး၊ ပန်ကိတ်၊ ပါစတာ၊ ဝေဖာတွေကို တစ်လလောက်ရှောင်ကြည့်ပါ။ ရှောင်ပြီး ပြန်စားကြည့်ပါ။ စားပြီးနောက် မကောင်းတဲ့ ထူးခြားမှုတွေ့လျှင်တော့ အမြဲရှောင်ဖို့ပြောပါရစေ။ အော်တိုအင်မြူးရောဂါဖြစ်နေသူတွေကိုတော့ ဂလူတန် လုံးဝရှောင်ဖို့ ဒေါက်တာ Amy Myers က ပြောပါတယ်။ အော်တိုအင်မြူးရောဂါအရမ်းဆိုးနေချိန်မှာ ဂလူတန် သာမက ဆန်၊ ဂျုံကြမ်း ၊မုယောစပါး၊ အုတ်စပါး လို အစေ့အဆန်တွေ၊ ပြောင်း နှင့် quinoa လို pseudo-cereal တွေ နှင့် ပဲအမျိုးမျိုးကိုပါ ၁၀၀% ရှောင်ဖို့လိုပါလိမ့်မည်။

Dr.PHYO MAUNG MAUNG

30/04/2020

အော်တိုအင်မြူးရောဂါ များ ( Autoimmune Diseases) - ၅

The gut is the gateway to your health. - Part-2 >>> https://www.facebook.com/138837760103342/posts/541914476462333/

The gut is the gateway to your health. - Part-2

ပေ ၂၀ လောက်ရှည်ပြီး အစာခြေဖျက်စုပ်ယူမည့် မျက်နှာပြင်ပမာဏ တင်းနစ်ကွင်းတစ်ကွင်းစာလောက်ရှိတဲ့ Small intestine ( အူသိမ် ) မှာ အစာခြေဖျက်ခြင်း နှင့် အစာစုပ်ယူခြင်း အဓိကဖြစ်ပါတယ်။ အူအိမ်ရဲ့ အတွင်းနံရံဟာ brush လို လက်ချောင်းရှည်ရှည်ပုံစံ villi နှင့် microvilli လို့ခေါ်တဲ့ အစာစုပ်ယူပေးမည့် အစိတ်အပိုင်းတွေပါတယ်။ အစာစုပ်ယူမည့် မျက်နှာပြင်ကျယ်တဲ့အခါ အစာအဟာရကိုပိုစုပ်ယူနိုင်တဲ့အတွက်ကြောင့် အူအိမ်ကို အရေးပါတဲ့ အစာလမ်းကြောင်းရဲ့ အစိတ်အပိုင်းအနေ နဲ့ သဘာဝဆေးပညာရှင်တွေက ယူဆကြတယ်။

အစာလမ်းကြောင်းကျန်းမာတဲ့အခါ အစာစုပ်ယူမှုက စနစ်တကျဖြစ်မည်။ အန္တရာယ်ကင်းကင်းလည်းဖြစ်မည်။ အူနံရံတွေက လုံခြုံပြီး ရောဂါဖြစ်စေမည့် ကျူးကျော်သူတွေကို တားနိုင်မည်။ ပရိုဘိုင်အိုတစ်တွေနဲ့အတူ ခုခံအားစနစ်က စောင့်ရှောက်လိမ့်မည်။ ကျန်းမာတဲ့ အစာလမ်းကြောင်းက ငြိမ်းချမ်းတဲ့ နိုင်ငံ နဲ့ တူပါတယ်။ အပြင်ကလာတဲ့ ကုန်စည်စီးဆင်းမှုရှိနေမည်။ ကျူးကျော်သူတွေမဝင်နိုင်အောင် နယ်စပ်ဂိတ်နံရံတွေက ခိုင်မာခြုံလုံပြီး စစ်သားတွေက စောင့်ရှောက်ထားတယ်။ တိုက်ပွဲတွေမရှိဘဲ နိုင်ငံတော်တွင်းက စစ်တပ်က အနားရနေမည်။ နောက်လာမည့် တိုက်ပွဲကို မှန်မှန်ကန်ကန်တိုက်ဖို့ အားပြည့်နေမည်။

နိုင်ငံတော်ကြီး မအေးချမ်းတဲ့အခါ ကုန်စည်စီးဆင်းမှု နှေးသွားမည်။ ခက်ခဲသွားမည်။ နယ်စပ်ဂိတ်နံရံတွေက ကျူးကျော်သူတွေ ဝင်လာဖို့ လွယ်သွားမည်။ စစ်သားတွေ နဲ့ တူတဲ့ ခုခံအားစနစ်လည်း အလုပ်များလာလိမ့်မည်။ နယ်စပ်နံရံ တစ်လျှောက် နှင့် နိုင်ငံတော်တွင်းမှာ တိုက်ပွဲတွေဖြစ်လာလိမ့်မည်။ အစာလမ်းကြောင်းမကျန်းမာတဲ့အခါ အစာစုပ်ယူပေးမည့် villi နှင့် microvilli တွေ ပျက်စီးသွားပြီး အစာစုပ်ယူနိုင်တဲ့ မျက်နှာပြင် လျော့နည်းသွားလိမ့်မည်။ အူနံရံရဲ့ tight junction တွေ ပျက်ကုန်ပြီး အစာလမ်းကြောင်းအတွင်းက ရောဂါဖြစ်စေတဲ့ ကျူးကျော်သူတွေ အူနံရံကတစ်ဆင့် ဝင်ရောက်လာလိမ့်မည်။ ကျူးကျော်သူရှိလာတဲ့အခါ ရောင်ရမ်းခြင်း ဖြစ်စဥ်စတင်လိမ့်မည်။ ခန္ဓာကိုယ်က ရောင်ရမ်းခြင်းရဲ့ နောက်ဆက်တွဲ ဆိုးကျိုးကို ခံစားရပြီး ခုခံစွမ်းအားကျဆင်းလာလိမ့်မည်။ ရောဂါကူးစက်မှုလည်း ပိုခံရမည်။ အစာကို ကောင်းစွာမချေဖျက်နိုင်တဲ့အခါ glucose နှင့် အမိုင်နိုအက်ဆစ် အစား ကြီးမားတဲ့အစားအစာတွေ သွေးတွင်းဝင်ရောက်လာလိမ့်မည်။ ဒီအခြေအနေကို အူနံရံယိုစိမ့်ခြင်း(Leaky gut) လို့ ခေါ်တယ်။

✅ အစာအိမ် ပြည်တည်နာ
✅ အိုင်ဘီအက်စ် ( Irritable Bowel Syndrome )
✅ အူရောင်ရမ်းမှုကြောင့်ဖြစ်သော Crohn’s disease နှင့် ulcerative colitis
✅ ဂျုံမတည့်သော အော်တိုအင်မြူးအူရောင်ရောဂါ ( Celiac disease )
✅ အစာရေမျိုကင်ဆာ နှင့် အူမကြီးကင်ဆာ
✅ ဓာတ်မတည့်ခြင်းများ
✅ အဆစ်ရောင်ရောဂါ
✅ အဝလွန်ခြင်း နှင့် အသည်းအဆီဖုံးခြင်း
✅ ဆီးချိုရောဂါ နှင့် နှလုံးရောဂါများ
✅ ပါကင်ဆန်ရောဂါ နှင့်
✅ နာတာရှည် ပင်ပန်းနွမ်းနယ်မှု ရောဂါစု( Chronic Fatigue Syndrome ) တွေက leaky gut နှင့် ဆက်စပ်နေတယ်ရေးတယ်။

ဆန်၊ဂျုံ နှင့် ပဲ တွေမှာပါတဲ့ phytate နဲ့ လပ်စ်တင်၊ မျိုးရိုးဗီဇပြုပြင်ထားတဲ့အစာ(GMO)၊ ဂျုံမှာပါတဲ့ ဂလူတန်၊ A1 casein ပရိုတိန်းပါတဲ့ စျေးကွက်မှာရောင်းတဲ့ နို့၊ သကြားများစွာပါသော အစားအစာများ၊ ခရမ်းချဥ်သီး၊ ငရုတ်သီးစတဲ့ nightshade အသီးအရွက်များ၊ အရက် နှင့် ဘီယာများ၊ ( တစ်ခါတစ်ရံ ကြက်ဥအကာပါပါတယ်။ ) ပိုးသတ်ဆေးများ၊အကိုက်အခဲပျောက်ဆေးများ၊ တားဆေးများ၊ စတီးရွိုက်များ၊ အူလမ်းကြောင်းအတွင်း ပရိုဘိုင်အိုတစ်လို့ခေါ်တဲ့ ဇီဝအကာအကွယ်ပျက်စီးခြင်း၊ နှစ်ရှည်စိတ်ဖိစီးမှုများခြင်း က leaky gut ကို ဖြစ်စေတယ်ရေးပါတယ်။

Leaky gut ကို ကုသရာမှာ

1. အစာလမ်းကြောင်းကို ပျက်စီးစေသော အပေါ်မှာရေးပေးထားတဲ့ အစားအစာတွေကို လျော့စားရမည်။ ရှောင်ရမည်။ ရောဂါကုချိန်မှာ လုံးဝဖြတ်ထားရမည်။
2. အူနံရံကို ပြန်လည်ကောင်းမွန်စေတဲ့ အစားအစာတွေစားပေးရမည်။ အမိုင်နိုအက်ဆစ် proline နှင့် အမိုင်နိုအက်ဆစ် glycine တွေအပြင် ကော်လဂျင်တွေ ပါဝင်တဲ့ ( ကြက်၊ ဝက်၊ အမဲ၊ ဆိတ်) အရိုးပြုတ်ရည်သောက်လို့ရတယ်။ အုန်းသီးထွက်ပစ္စည်းတွေကလည်း အူကျန်းမာရေးအတွက်ကောင်းပါတယ်။ Leaky gut လူနာတွေဟာ အစာချေဖို့ခက်တာကြောင့် အစာခြေ အင်ဇိုင်းတွေသောက်နိုင်တယ်။
3. အကျိုးပြု ပရိုဘိုင်အိုတစ်တွေအပြင် အူတွင်းအနာတွေကို အကျက်မြန်စေတဲ့ short chain fatty acid ပါဝင်တဲ့ ကီဖာ၊ ဒိန်ချဉ်တို့လို အချဉ်ဖောက်ထားတဲ့ နို့ထွက်ပစ္စည်းတွေသောက်ပေးနိုင်တယ်။ အူလမ်းကြောင်းက pH ကို ထိန်းညှိပေးနိုင်သော အော်ဂဲနစ်အက်စစ်တစ်မျိုးပါတဲ့ ကင်ချီ၊ဂျာမန် ဂေါ်ဖီချဉ် နဲ့ ရုရှား ချဉ်ဖတ်တွေစားပေးလို့ရတယ်။
4. အူနံရံပြုပြင်ပြီး အနာကျက်မြန်စေတဲ့ L glutamine လို အမိုင်နိုအက်ဆစ်တွေလည်းသောက်လို့ရတယ်။ အူနံရံအပေါက်လေးတွေကို ပြန်ကောင်းလာစေတဲ့ အပင်တွေရဲ့ ရောင်ခြယ်တွေကိုစုပေါင်းထုတ်ထားတဲ့ Quercetin ဖြည့်စွက်စာကိုလည်း သုံးနိုင်တယ်။ နွယ်ချိုနှင့်ထုတ်ထားတဲ့ဆေးတွေက စိတ်ဖိစီးမှုကြောင့်ဖြစ်တဲ့ အူနံရံယိုစိမ့်မှုအတွက်ကောင်းပါတယ်။

အပေါ်ကလေးချက်ကို လိုက်နာလေ့ကျင့်မည်ဆိုလျှင် leaky gut ကြောင့်ဖြစ်လာတဲ့ အစာလမ်းကြောင်းပြသနာကို ဖြေရှင်းနိုင်တယ်ဆိုပါတယ်။

Dr.PHYO MAUNG MAUNG

30/04/2020

အော်တိုအင်မြူးရောဂါ များ ( Autoimmune Diseases) - ၄

The gut is the gateway to your health. - Part-1

သဘာဝဆေးပညာရှင်တွေက ခုခံအားရဲ့ ၈၀ % က အစာလမ်းကြောင်းပေါ် မှီခိုတယ်လို့ ယူဆကြတယ်။ ဒီယူဆချက်အရ အော်တိုအင်မြူးရောဂါရဲ့ ခုခံအား ကမောက်ကမ ဖြစ်ခြင်းကို ကုသဖို့ အစာလမ်းကြောင်းကို အရင်ပြင်ရမည်လို့ဆိုပါတယ်။ အော်တိုအင်မြူးရောဂါရဲ့ ဝေဒနာတွေက ခက်ခဲပြင်းထန်တာမှန်ပါတယ်။ ဒါပေမည့် ခံစားရတဲ့ ဝေဒနာတစ်ဝက်ကျော်က အစာလမ်းကြောင်းကြောင့် ဖြစ်တယ်လို့ သဘာဝကုထုံးပညာရှင်တွေက ယူဆတယ်။ နောက်တစ်ချက်က အစာလမ်းကြောင်းမှာ ရှိနေတဲ့ဆဲလ်တွေဟာ အသစ်ဖြစ်ဖို့ မြန်တယ်။ ဒါကြောင့် ခံစားရတဲ့ဝေဒနာကို မြန်မြန်လျော့ချဖို့ အစာလမ်းကြောင်းကို အရင်ပြင်ရမည်လို့ ရေးတယ်။

အစာလမ်းကြောင်းဆိုတာ ပါးစပ်က စတယ်။ ပါးစပ်အပြင် အစာရေမျို ( oesophagus ) အစာအိမ် ( stomach )၊ အူသိမ် ( small intestine )၊ အူမကြီး ( large intestine ) ၊ စအို ( a**s ) အသည်း ( liver )၊ သည်းခြေအိတ် ( gall bladder ) နှင့် မုန့်ချိုအိတ် ( pancreas ) တွေပါဝင်ပါတယ်။ ဒီလိုကိုယ်အင်္ဂါအစိတ်အပိုင်းတွေအပြင် အလိုအလျှောက်အာရုံကြောအဖွဲ့အစည်း ၊ ခုံခံအားအဖွဲ့အစည်း နှင့် အစာလမ်းကြောင်းက ကုဋေနှင့်ချီတဲ့ မြောက်များစွာပိုးမွှားအဖွဲ့အစည်းကိုပါ အစာလမ်းကြောင်းလုပ်ငန်းမှာ ထည့်တွက်ရလိမ့်မည်။

အစာအကြောင်းတွေးတဲ့အခါ၊ အစာကို မြင်တဲ့အခါ၊ အစာ အနံ့ရတဲ့အခါ၊ တံတွေးတွေထွက်လာလိမ့်မည်။ ပါးစပ်မှာ ထွက်လာတဲ့ တံတွေးက ကဆီဓာတ်အချို့ကိုချေဖျက်နိုင်တယ်။ သွားနဲ့ သေချာဝါးတဲ့အခါ အစာကြီးတွေက ချေဖျက်ရလွယ်တဲ့ အစာသေးသေးလေးတွေဖြစ်လာမည်။ အစာအိမ်ကထွက်တဲ့ အစာခြေရည်မှာ HCl အက်ဆစ်ပါပြီး အသားဓာတ်တွေကို ခြေဖျက်မည်။ အစာနှင့်အတူပါလာတဲ့ ရောဂါပိုးတွေ၊ကပ်ပါးကောင်တွေကိုသတ်ပေးမည်။

အစာခြေဖျက်ခြင်း နှင့် အစာစုပ်ယူခြင်း အူသိမ်မှာ အဓိကဖြစ်ပါတယ်။ Small intestine ( အူသိမ် ) လို့ခေါ်ပေမည့် အူသိမ်အရှည်ဟာ ပေ ၂၀ လောက်ရှိပြီး အစာခြေဖျက်စုပ်ယူမည့် ပမာဏက တင်းနစ်ကွင်းတစ်ကွင်း စာလောက်ရှိမည်။ အူအိမ်ရဲ့ အတွင်းနံရံဟာ brush လိုပဲ လက်ချောင်းရှည်ရှည်ပုံစံ villi ဆိုတဲ့ အစာစုပ်ယူပေးမည့် အစိတ်အပိုင်းတွေပါတယ်။ အူသိမ်ကထုတ်ပေးတဲ့ ဟိုမုန်းတွေက အသည်း၊ သည်းခြေအိတ် နှင့် မုန့်ချိုအိတ်တွေကို လှုံ့ဆော်ပြီး အစာခြေခြင်းကို ကူညီစေတယ်။ အူမကြီးမှာ အစာစုပ်ယူမှုအဆုံးသတ်မည်။ မကြေညက်တဲ့အစားအစာတွေက မစင်အဖြစ် စအိုက ထွက်လာလိမ့်မည်။

အစာလမ်းကြောင်း ကျန်းမာတယ်ဆိုတာ

✅ အစာစားပြီးချိန် နေလို့ကောင်းရမည်။
✅ တစ်နေ့ကို ဝမ်း ၁ ကြိမ် ကနေ ၃ ကြိမ်ထိသွားနိုင်တယ်။
✅ ဝမ်းသွားတဲ့အခါ မစင်ဟာ အခဲဖြစ်ရမည်၊ ပုံစံလည်း မှန်ကန်ရမည်။
✅ အစာစားပြီးတဲ့အခါ ဗိုက်ထဲလေပွခြင်း၊ ဗိုက်ကယ်ခြင်း၊ ဗိုက်အောင့်ခြင်း မဖြစ်ရဘူး။
✅ မစင်မှာ မကြေညက်တဲ့ အစာဖတ်တွေ မပါလာရဘူး။
✅ အစာကြေဖို့အတွက် အစာကြေဆေးကူစရာမလိုရဘူး။
✅ အစာအိမ်အချဥ်ဓာတ် အန်ထွက်ခြင်း ( GERD or acid reflux disease ) မရှိရဘူး။

​အစာလမ်းကြောင်း မကျန်းမာခြင်းအကြောင်းပြောတဲ့အခါ အစာအိမ်အက်ဆစ် ကနေ စပြောရပါမည်။ အစာအိမ်ကထွက်တဲ့ အစာအိမ်အက်ဆစ်က အစာနှင့်အတူပါလာတဲ့ ရောဂါပိုးတွေ၊ ကပ်ပါးကောင်တွေ၊ ရောဂါဖြစ်စေတဲ့ မှိုတွေကိုလည်းသတ်ပစ်နိုင်တယ်။ အစားအသောက်ထဲပါတဲ့ အသားတွေကို အမိုင်နိုအက်ဆစ်ဖြစ်အောင် ချေဖျက်ပေးတယ်။ အမိုင်နိုအက်ဆစ်ကို အူသိမ်က စုပ်ယူတယ်။ စုပ်ယူထားတဲ့ အမိုင်နိုအက်ဆစ်တွေကို အင်ဇိုင်းအသွင်ဖြင့် အစာစုပ်ယူခြင်း နှင့် အစာခြေခြင်းမှာလည်း ကူညီတယ်။ ကြွက်သားဖန်တီးခြင်း၊ antibody ဖန်တီးပြီး ခုံခံအားစနစ်ပြုလုပ်ခြင်း ၊ အာရုံကြောတွင်း သတင်းအချက်အလက် ပို့ပေးတဲ့ neurotransmitter ပြုလုပ်ခြင်း အပြင် ခန္ဓာကိုယ်ရဲ့ ဇီဝလုပ်ငန်းအများအပြားမှာအသုံးပြုတယ်။

Gastroesophageal Reflux Disease (GERD) နဲ့ ပတ်သတ်လို့ ဒေါက်တာ Amy Myers ရဲ့ ပြောဆိုချက်ကို ရေးပါရစေ။ အစာအိမ်မှာ အစာအိမ်အက်ဆစ် လုံလုံလောက်လောက် မရှိတဲ့အခါ စားလိုက်တဲ့အသားတွေကို ကောင်းကောင်းမခြေဖျက်နိုင်ဘူးပြောပါတယ်။ အစာအိမ်ရဲ့ ချေဖျက်ခြင်းလုပ်ငန်းပြီးတဲ့အခါ ကျေညက်ပြီး အစာတွေက အူအိမ်ကို ဆက်သွားရပါတယ်။ မကြေညက်တဲ့ အသားပါတဲ့အစာတွေက အူသိမ်ကို ဆက်မသွားနိုင်ဘဲ အစာအိမ်ထဲမှာ အကြာကြီးနေလိမ့်မည်။ တစ်ခါတစ်ရံ မကျေညက်တဲ့ အစားအစာတွေနဲ့ အစာအိမ်အက်ဆစ်အချို့က အစာရေမျိုကတစ်ဆင့် အပေါ်ပြန်တက်တတ်တယ်။ ဒါဆို ရင်ပူခြင်း နှင့် စာအိမ်အချဥ်ဖောက်ခြင်းလို GERD ရဲ့ ရောဂါလက္ခဏာတွေဖြစ်လာမည်။

အစာအိမ်အက်ဆစ်လုပ်ပေးတဲ့လုပ်ငန်းတွေချို့တဲ့လာတဲ့အခါ သတိမေ့ခြင်း၊ စိတ်ဓာတ်ကျခြင်း၊ အစာမကြေခြင်း၊ ဝမ်းသွားခြင်း၊ ဝမ်းချုပ်ခြင်း၊ မကြေညက်သောအစာများ မစင်မှာပါလာခြင်း၊ ဝက်ခြံထွက်ခြင်း၊ စအိုယားယံခြင်း၊ အမျိုးသမီးများ ဆံပင်ကျွတ်ခြင်း၊ အဖြူဆင်းခြင်းကဲ့သို့ မှိုရောဂါများရခြင်း၊ အရေပြားခြောက်ခြင်း နှင့် မောပန်းခြင်းတွေ ဖြစ်တတ်တယ်လို့ Dr. Axe က ဆိုပါတယ်။ အစာအိမ်အက်ဆစ်နည်းလို့လည်း အစာမကြေခြင်းဖြစ်နေတဲ့အခါ အစာအိမ်အက်ဆစ်လျော့ကျတဲ့ဆေးတွေ သောက်လိုက်ခြင်းဖြင့် ခံစားနေရတဲ့ ရောဂါလက္ခဏာ ပိုဆိုးသွားတတ်ပါတယ်။

သဘာဝဆေးပညာရှင်တွေရေးတဲ့ ဆောင်းပါးတွေမှာ အစာအိမ်အက်ဆစ်ကောင်းမွန်စေရန်

1. အစားမစားခင်မှာ နာရီဝက်အလိုမှာ ရေသောက်ပေးခြင်းအားဖြင့် အစာအိမ်တွင်း အက်ဆစ်ထွက်ရှိမှုကိုကောင်းလာစေတယ်ဆိုပါတယ်။
2. အစားမစားခင် အစာခြေအင်ဇိုင်းလည်း ကြိုသောက်နိုင်ပါတယ်။ အသက်ကြီးတဲ့သူတွေကို အစာမစားခင် အစာခြေအင်ဇိုင်း အမြဲတိုက်ဖို့ ရေးထားတဲ့ စာအုပ်တွေ ရှိတယ်။
3. အစာကို ကြေညက်အောင်ဝါးဖို့ နှင့် အစာနည်းနည်းနဲ့ အကြိမ်များများခွဲစားဖို့လည်း လမ်းညွှန်တယ်။
4. အစာစားပြီး betaine HCL with pepsin ဆိုတဲ့ ဖြည့်စွက်စာကို ဆရာဝန်ညွှန်ကြားချက် နှင့် သောက်နိုင်တယ်လို့ အကြံပေးတယ်။

Dr.PHYO MAUNG MAUNG

30/04/2020

အော်တိုအင်မြူးရောဂါ များ ( Autoimmune Diseases) -၃

အပိုင်း - ( ၁ )

https://www.facebook.com/138837760103342/posts/530142760972838/

အပိုင်း - ( ၂ )

https://www.facebook.com/138837760103342/posts/540775339909580/

အပိုင်း - ( ၃ )

ရောင်ရမ်းခြင်းဖြစ်စဥ်တိုင်းကို အဆိုးမြင်လို့ မရတာတော့ အမှန်ပဲ။ လက်မတူထုခံရလို့ ကွဲသွားတဲ့အခါ ရောင်လာမည်။ နာလာမည်၊ ရက်အတန်ကြာတော့ပျောက်သွားမည်။ ဒါကို ကာလတို ရောင်ရမ်းခြင်း (acute inflammation ) လို့ ခေါ်တယ်။ လက်မကွဲသွားတဲ့အခါ အပြင်ဘက်က ရောဂါပိုးတွေဝင်နိုင်တာကြောင့် ရောင်ရမ်းခြင်းဆိုတဲ့ အကာအကွယ်ယူပြီး ခန္ဓာကိုယ် ဝင်လာတဲ့ကျူးကျော်လာသူကို ချေမှုန်းတာပါ။ ကျူးကျော်သူကို ချေမုန်းပြီးတဲ့အခါ ရောင်ရမ်းခြင်းဖြစ်စဥ်လည်း အဆုံးသတ်သွားမည်။ တိုက်ပွဲပြီးတဲ့အခါ စစ်သားတွေနောက်တန်းပြန်အနားယူသလို ကာလတို ရောင်ရမ်းခြင်းအဆုံးသတ်သွားလျှင် သဘာဝခုခံအားစနစ်ရဲ့ အနားယူချိန်ရောက်လာတယ်။ နောက်ကျူးကျော်မှုကို မှန်မှန်ကန်ကန်တိုက်ဖို့ အသင့်အနေအထားမှာရှိမည်။

ကာလတိုရောင်ရမ်းခြင်းဆိုတာ သဘာဝခုခံအားစနစ်ရဲ့ ကောင်းမွန်တဲ့ အစိတ်အပိုင်းတစ်ခုလည်းဖြစ်တယ်။ အချိန်အတိုင်းအတာ သတ်သတ်မှတ်မှတ်ဖြစ်မည်။ ရောင်ရမ်းတဲ့နေရာ နီလာတာ ( rubor )၊ ပူလာတာ ( calor ) ၊ ယောင်ပြီးဖုလာတာ ( tumor ) ၊ နာလာတာ ( dolor ) ဆိုတဲ့ ရောင်ရမ်းခြင်းလက္ခဏာတွေကိုသာမန်မျက်စိနဲ့မြင်နိုင်မည်။

ပထမကျူးကျော်လာသူကို အနိုင်မရသေးခင်မှာ နောက်ထပ်ကျူးကျော်လာသူရောက်လာတယ်။ ပထမတိုက်ပွဲ နှင့် ဒုတိယတိုက်ပွဲမဆုံးခင်မှာ တတိယတိုက်ပွဲထပ်ဖြစ်တယ်။ တိုက်ပွဲဆိုတဲ့ ( ဝန် ) က သဘာဝခုခံ ( အား) ကို ကျော်လွန်သွားတယ်။ မဆုံးနိုင်တဲ့ တိုက်ပွဲတွေထပ်ခါထပ်ခါဖြစ်တယ်။ ရောင်ရမ်းခြင်း အချိန်အကြာကြီးဖြစ်လာတယ်။ ကိုယ်ခန္ဓာကို တိုက်ခိုက်တဲ့ ဓာတုပစ္စည်းတွေကို ထုတ်ပေးပြီး ဆဲလ်တွေကိုနာမကျန်းဖြစ်စေတယ်။ ဒီဖြစ်စဥ်ကို chronic inflammation ( နာတာရှည် ရောင်ရမ်းခြင်း) လို့ခေါ်တယ်။

နာတာရှည်ရောင်ရမ်းခြင်းက ဖွဲမီးလိုတမြေ့မြေ့လောင်ပြီး လူကိုဒုက္ခပေးပါတယ်။ နာတာရှည်ရောင်ရမ်းခြင်းနှင့် အော်တိုအင်မြူးရောဂါတွေက အဆက်အသွယ်ရှိတယ်လို့ ရေးကြတယ်။ နာတာရှည်ရောင်ရမ်းခြင်းကနေ အော်တိုအင်မြူးရောဂါတွေကို ဘယ်လိုဆက်သွယ်နေလည်းဆိုတာတော့ ပြောနိုင်တဲ့သူ မရှိသေးဘူး။ နာတာရှည် ရောင်ရမ်းခြင်း နှင့် အော်တိုအင်မြူးအဆက်အစပ်နှင့် ပတ်သက်တဲ့ ထင်မြင်ချက်ကို Amy Myer က သူရဲ့ The autoimmune solution စာအုပ်ထဲမှာ ရေးတယ်။ ဒေါက်တာ Amy Myer ရဲ့ ဥပမာကို ကျွန်တော်က ဒီဆောင်းပါးမှာ အများနားလည်အောင်ပြန်ရေးပေးမည်။

သဘာဝခုခံအားစနစ်ရဲ့ စစ်တပ်မှာရှိတဲ့ စစ်သားတွေက ကျုးကျော်သူတွေကို တိုက်ထုတ်ရမည်။ တိုက်ပွဲပြီးတဲ့အခါ အားဖြည့်ရမည်။ အနားယူရမည်။ နောက်ကျူးကျော်သူကို စောင့်ကြည့်ရမည်။ စားလိုက်တဲ့အစားအစာတွေထဲပါတဲ့ ဂလူတန်တွေ၊ ဆိုးဆေးလို အဆိပ်တွေ၊ သဘာဝမဟုတ်တဲ့ တာရှည်ခံဆေးတွေ၊ ပတ်ဝန်းကျင်မှာရှိတဲ့ ဆေးလိပ်ငွေ့တွေ၊ ပိုးသတ်ဆေးတွေ၊ ခန္ဓာကိုယ်ထဲမှာ လိုအပ်တာထက်ပိုနေတဲ့ သကြားဓာတ်တွေ၊ ဝမ်းဗိုက်ကအဆီပိုတွေက ကျုးကျော်လာသူတွေပဲ။ ကျူးကျော်သူတွေများလာတဲ့အခါ စစ်သားတွေ တိုက်ပွဲမှာ လက်ပန်းကျကုန်တယ်။ အနားမရတဲ့အခါ ရန်သူ၊ မိတ်ဆွေခွဲခြားနိုင်စွမ်းပျောက်လာတယ်။ မိတ်ဆွေကို ရန်သူအမှတ်နဲ့ အားအလွန်အကျွံသုံးတာတွေ၊ ဖျက်စီးတာတွေ လုပ်လာလိမ့်မည်။ ဒီလိုဖြစ်စဥ်ကြောင့်ဖြစ်တဲ့ရောဂါကို အော်တိုအင်မြူးရောဂါတွေလို့ ခေါ်တယ်။

ဒေါက်တာ Amy Myers ပြောတာက ပင်ပန်းလို့အနားမရလို့ ခွဲခြားနိုင်စွမ်းလျော့နည်းပြီး နိုင်ငံသားကို မှားပစ်တာကြောင့် စစ်တပ်ကို လက်နက်စွန့်ခိုင်းတာ သဘာဝမကျဘူးလို့ပြောပါတယ်။ စစ်သားတွေဆီက လက်နက်သိမ်းလိုက်တဲ့အခါ အချင်းချင်း ပြန်မတိုက်ခိုက်တာဖြစ်ကောင်းဖြစ်မည်။ ဒါပြင် ကျူးကျော်လာသူကို ခုခံနိုင်စွမ်းလည်းလျော့သွားနိုင်တယ်လို့ ဒေါက်တာ Amy Myers က ပြောပါတယ်။ အော်တိုအင်မြူးရောဂါတွေမှာ steroid လို ခုခံအားလျော့ကျစေတဲ့ဆေးပေးတာ ဒီဥပမာနဲ့ အတူတူပဲလို့ ဒေါက်တာ Amy Myers ကသုံးသပ်တယ်။

ဒေါက်တာ Amy Myers တင်ပြတဲ့ နည်းလမ်းကတော့ ပြုပြင်ထားတဲ့ အသင့်စားတွေ၊ ဂလူတန်တွေ၊ အချိုများတဲ့အစားအစာတွေ၊ ဆိုးဆေးပါတဲ့ အစားအစာတွေမစားဘဲ၊ ပိုးသတ်ဆေးတွေ နှင့် ဆေးလိပ်ငွေ့တွေမထိစေဘဲ ကျူးကျော်လာတဲ့သူတွေ နည်းအောင်လုပ်မည်။ ဗိုက်တာမင်တွေ၊ သတ္တုဓာတ်တွေသုံးပြီး ခုခံအားစနစ်ကို အနားပေးအားဖြည့်မည်။ တိုက်ပွဲလက်ကျန်အဆိပ်တွေကို ရှင်းထုတ်တဲ့ detoxification လုပ်မည်။ အနားယူပြီးတဲ့ ခုခံအားစနစ်က ပြန်လာကျန်းမာလာပြီး ရောဂါလက္ခဏာတွေ အဆုံးသတ်နိုင်မည်လို့ ဒေါက်တာ Amy Myers တင်ပြထားတယ်။

ဒေါက်တာ Amy Myers ရဲ့ နည်းလမ်းအတိုင်း ကောင်းလာသူတွေ အများအပြားရှိတယ်လို့လည်း ဆိုပါတယ်။ ကျွန်တော်က ဒေါက်တာ Amy Myers ရဲ့စာအုပ်ကို ဖတ်တယ်။ ဖတ်မိတာကို ရေးပေးတယ်။ တစ်ယောက်ယောက်ကဖတ်ပြီး သူ့အတွက်အသုံးဝင်ပါတယ်ဆိုလျှင်တောင် ကျေနပ်ပါတယ်။ အထီးကျန်ခြင်း၊ လူမုန်းများခြင်းဆိုတာ ကျွန်တော်နဲ့ အတူမွေးလာတဲ့ ညီအစ်ကိုတွေဗျ။ နောက်ပိုင်း အော်တိုအင်မြူးအကြောင်းရေးတဲ့အခါ အမြင်မတူတာကြောင့် လူမုန်းများခြင်းကို လက်ခံရမည်ဆိုတာကို ကြိုတွက်ထားပြီးဖြစ်ပါတယ်။ နားလည်မှုလွဲလို့ မုန်းမုန်း၊ ကျွန်တော်အနေအထိုင်ကြည့်မရလို့ မုန်းမုန်း ကျွန်တော်အတွက် ကိစ္စတော့မရှိပါ။

Dr. PHYO MAUNG MAUNG

30/04/2020

အော်တိုအင်မြူးရောဂါ များ ( Autoimmune Diseases) -၂

အပိုင်း - ( ၁ )

https://www.facebook.com/138837760103342/posts/530142760972838/

အပိုင်း - ( ၂ )

ကိုယ်ဝန်ဆောင်နေစဉ်မှာ သန္ဓေသား နှင့် မိခင်နှစ်ဦးလုံးရဲ့ ကိုယ်ခံအား နိမ်းပါးနေအောင် သဘာဝတရားကြီးက ပြုလုပ်ထားတယ်ဆိုပါတယ်။ ကိုယ်ဝန်ဆောင်စဉ်မှာ ခုခံအားနိမ့်ပါးနေမှ မိခင်ရဲ့ ခုခံစနစ်က ကလေးကို မတိုက်ပဲ ကလေးတည်မြဲနေနိုင်တာပါ။ ဒါပြင် ကလေးရဲ့ခုခံစနစ်ကလည်း မိခင်ကို မတိုက်ခိုက်မှာ ဖြစ်ပါတယ်။ မွေးပြီးတဲ့အခါ ကလေးရဲ့ ကိုယ်ခံအားစနစ်ရင့်ကျက်ဖွံ့ဖြိုးဖို့လိုပါတယ်။ ခုခံအားစနစ်က ရောဂါပိုးကို ဘယ်လိုတိုက်မလဲဆိုတာ သင်ယူရပါတယ်။

သာမန်အိမ်တွေမှာတွေ့ရတဲ့ ဘက်တီးရီးယားတွေကထုတ်တဲ့ အဆိပ်တစ်မျိုးဖြစ်တဲ့(bacterial lipopolysaccharide / LPS) က ကလေးများရဲ့ ကိုယ်ခံအားကို တိုးတက်ရင့်ကျက်စေပါတယ်။ ဘက်တီးရီးယားတွေကထုတ်တဲ့ အဆိပ်တွေက ကလေးတွေရဲ့ခုံခံအားစနစ်ရဲ့ ပါဝါခလုတ်နဲ့တူတဲ့TLR4 ကိုဖွင့်လိုက်တယ်လို့ ဆိုပါတယ်။ TLR4 နှိုးဆော်ခံလိုက်ရတဲ့ ကလေးက ရင်ကျပ်ရောဂါဖြစ်စေတဲ့ ဗိုင်းရပ်တစ်မျိုးဖြစ်တဲ့ respiratory syncytial virus (RSV) ဗိုင်းရပ်ကူးစက်တာကို ခံနိုင်ရည်ရှိသွားပါတယ်။ရင်ကျပ်ဖြစ်တဲ့ရာခိုင်နှုန်းလည်းကျသွားပါတယ်။

ဖွံ့ဖြိုးပြီး နိုင်ငံတွေမှာ ရင်ကျပ်ရောဂါလူနာ သိပ်များတယ်လို့ဆိုပါတယ်။ Hygiene Hypothesis သီအိုရီအရ ကလေးတွေရဲ့ ပတ်ဝန်းကျင်သန့်ရှင်းလွန်းတာဟာ ကလေးများ၏ ကိုယ်ခံအားစနစ် ကောင်းစွာ မဖွံ့ဖြိုးစေတဲ့အကြောင်းတစ်ခုဖြစ်တယ်လို့ ဆိုပါတယ်။ ဂရုစိုက်ခံရတဲ့ကလေးတွေက သိပ်ပြီးရောဂါထူလေ့ရှိပါတယ်။ အစမ်းစာမေးပွဲ လုံးဝ မဖြေဖူးတဲ့သူဟာ နောက်ဆုံးစာမေးပွဲဖြေလျှင် ကျရှုံးဖို့များသလို ပတ်ဝန်းကျင်က သာမန်ရောဂါပိုးတွေကို ကောင်းကောင်းမတိုက်တတ်တဲ့ ကိုယ်ခံအားက ရောဂါပိုးကြီးကြီးမားမားကို မတိုက်ခိုက်နိုင်လို့ဆိုပါတယ်။ COVID ကူးစက်မှုအတွက် Hygiene Hypothesis သီအိုရီကို သုံးလို့ရပါ့မလား။ COVID က ရောဂါအသစ်ဆိုတော့ ပြောဖို့တော့ စောပါသေးတယ်။

အော်တိုအင်မြူးရောဂါတွေအကြောင်း ရှင်းပြပြောဆိုရာမှာ ဒီ Hygiene Hypothesis သီအိုရီကို လည်း သုံးလေ့ရှိပါတယ်။ သဘာဝအတိုင်း မမွေးဘဲ ခွဲမွေးတာ၊ ကလေးတွေကို မိခင်နို့ မတိုက်ဘဲ နို့ဘူးတိုက်တာ၊ ဘက်စုံသုံး ပိုးသတ်ဆေး ( broad spectrum antibiotic ) တွေကို လွဲမှားစွာအသုံးပြုခြင်းတွေက ခုခံအားချိနဲ့သွားစေပြီး အော်တိုအင်မြူးရောဂါတွေကို ဖြစ်စေတယ်လို့ ရေးထားတဲ့ ဆောင်းပါးတွေရှိတယ်။

သဘာဝအတိုင်း မွေးဖွားတဲ့အခါ မိခင်ရဲ့ မွေးလမ်းကြောင်းမှာရှိတဲ့ Lactobacillus လို့ခေါ်တဲ့ ပရိုဘိုင်အိုတစ် ( probiotics ) ပါတဲ့ အရည်များကို သောက်မိ ၊ထိမိခြင်းဖြင့် မိခင်ဆီမှ ပရိုဘိုင်အိုတစ်အစုအဝေးကို ဆက်ခံပါတယ်။ ပရိုဘိုင်အိုတစ်တွေက မွေးဖွားလာတဲ့ ကလေးမှာရှိတဲ့ သွေးဖြူဥ တို့ရဲ့ ရောဂါကာကွယ်သော လုပ်ငန်းကို တိုးတက်စေပြီး ခုခံအားစနစ်ကို တိုးတက်ပြည်စုံရင့်ကျက်သွားစေတယ်။

ခွဲမွေးခြင်းဖြင့် မွေးစကလေးကြုံရတဲ့ ပတ်ဝန်းကျင်သည် ဆေးရုံခွဲခန်းကဲ့သို ရောဂါပိုးထောင်ချီနေသော ပတ်ဝန်းကျင်၊မိခင်၏ အရေပြား၊ဆရာဝန်၊သူနာပြုများ နှင့် ဆေးရုံဝန်ထမ်းများ၏ ကိုယ်မှပိုးမွှားများနှင့် ရှေးဦးစွာထိတွေ့ရတာကြောင့် ထိုကလေးရဲ့ ခုခံအားစနစ်သည် ကောင်းမွန်ဖို့ခက်ခဲလှပါတယ်။ ခွဲမွေးထားသောကလေးများသည် ပန်းနာရင်ကြပ်၊ဓာတ်မတည့်ခြင်း နှင့် အဝလွန်ခြင်းတို့ အဖြစ်များပါတယ်လို့ စစ်တမ်းတွေက ဆိုပါတယ်။

သုသေတနတွေအရ မိခင်ရဲ့ နို့ဦးရည်ကြည်မှာ သားသမီးအတွက်လိုအပ်တဲ့အဟာရတွေမက ကိုယ်ခံအားကောင်းစေသော ရောဂါကာကွယ်ပစ္စည်းတွေဖြစ်တဲ့ Ig G ,Ig M,Ig A တို့ပါဝင်ပါတယ်။ကိုယ်ခံအား မဖွံ့ဖြိုးသေးတဲ့ ကလေးအတွက် မိခင်ဆီကရတဲ့ ဒီဇီဝအကာအကွယ်က ရောဂါပိုးတွေ တိုက်ထုတ်ဖို့လုံလောက်ပါတယ်။ မိခင်နို့မှာပါတဲ့ Oligosaccharides လို့ခေါ်တဲ့ လူရဲ့အူလမ်းကြောင်း အစာမခြေနိုင်တဲ့ သကြားတစ်မျိုးကို Bifidobacterium infantis လို့ခေါ်တဲ့ပရိုဘိုင်အိုတစ်က စားသုံးပြီးကလေးရဲ့ အူလမ်းကြောင်းကျန်းမာပြီးကိုယ်ခံအားကောင်းအောင်လုပ်ပေးနိုင်ပါတယ်။ နို့မှုန်သောက်တဲ့ ကလေးအတွက် ဒီလိုမျိုး လက်ဆောင်ရဖို့ခက်ပါတယ်။

ဆရာဝန်နဲ့ မတိုင်ပင်ဘဲ ပိုးသတ်ဆေးတွေသောက်တာက အစာလမ်းကြောင်းအတွင်းက လူသားတွေအတွက် အသုံးဝင်နိုင်မည့် ပရိုဘိုင်အိုတစ်တွေ ဆုံးရှုံးသွားနိုင်တယ်။ ခုခံအား ၈၀% လောက်က အစာလမ်းကြောင်းက ပရိုဘိုင်အိုတစ်တွေပေါ်တည်မှီတယ်ပြောတယ်။ ပရိုဘိုင်အိုတစ်တွေ လုံလောက်မရှိတဲ့ အစာလမ်းကြောင်းနဲ့ လူတစ်ယောက်အတွက် ခုခံအားစနစ်မလုံလောက်တာ၊ ကမောက်ကမတွေဖြစ်တာတွေ ရှိနိုင်တယ်လို့ ရေးကြတယ်။

Dr. PHYO MAUNG MAUNG

Reference

✅ https://www.fda.gov/BiologicsBloodVaccines/ResourcesforYou/Consumers/ucm167471.htm
✅ https://www.ncbi.nlm.nih.gov/pmc/articles/PMC2528425/
✅ https://www.ncbi.nlm.nih.gov/pubmed/11339161/
✅ https://www.ncbi.nlm.nih.gov/pubmed/11079190/
✅ https://www.ncbi.nlm.nih.gov/pmc/articles/PMC3566755/
✅ https://www.ncbi.nlm.nih.gov/pubmed/26909852/
✅ https://www.ncbi.nlm.nih.gov/pmc/articles/PMC1721790/
✅https://n.neurology.org/content/89/6/563
✅ Gut Crisis by Robert Keith Wallace,PhD and Samantha Wallace

30/04/2020

အော်တိုအင်မြူးရောဂါ များ ( Autoimmune Diseases)

ခန္ဓာကိုယ်ရဲ့ ခုခံအားစနစ်က ကူးစက်ရောဂါကိုဖြစ်စေတဲ့ ဘက်တီးရီးယား နှင့် ဗိုင်းရပ်ကို တိုက်ခိုက်နိုင်ပါတယ်။ ခန္ဓာကိုယ်အပြင်ကတစ်စုံတစ်ခု ခန္ဓာကိုယ်တွင်း ထိုးဖောက်ဝင်လာတဲ့အခါ ခန္ဓာကိုယ်ရဲ့ ခုခံအားစနစ်က ကျူးကျော်လာသူကို တိုက်ခိုက်ဖျက်ဆီးပါတယ်။ ပုံမှန်အားဖြင့် ခန္ဓာကိုယ်ရဲ့ ခုခံအားစနစ်က ဘယ်အရာကကျူးကျော်လာသူ၊ ဘယ်အရာက မိမိရဲ့ ကိုယ်ပိုင်ဆဲလ် ဆိုတာ ကွဲကွဲပြားပြားသိပါတယ်။

အော်တိုအင်မြူးရောဂါဖြစ်လာတဲ့အခါ ခန္ဓာကိုယ်ရဲ့ ခုခံအားစနစ်က ခွဲခြားနိုင်စွမ်းမရှိတော့ဘဲ မိမိခန္ဓာကိုယ်ကို ရန်သူလို့အမှတ်မှားပြီး စတင်တိုက်ခိုက်ပါလိမ့်မည်။ အော်တိုအင်မြူးရောဂါဖြစ်လာတဲ့အခါ ခုခံအားစနစ်က autoantibodies လို့ခေါ်တဲ့ ပရိုတိန်းတစ်မျိုးထုတ်ပြီး ခန္ဓာကိုယ်က အစိတ်အပိုင်းတွေကို တိုက်ခိုက်ဖျက်ဆီးတတ်ပါတယ်။ ဆီးချို့အမှတ် ၁ လို တစ်ချို့အော်တိုအင်မြူးရောဂါတွေမှာ ခန္ဓာကိုယ်ရဲ့ အစိတ်အပိုင်းတစ်ခုကို ဖျက်စီးတတ်ပေမယ့် systemic lupus erythematosus (SLE) လို တစ်ချို့အော်တိုအင်မြူးရောဂါတွေက ခန္ဓာကိုယ်အစိတ်အပိုင်းတော်တော်များများကို ဖျက်စီးခံရပါလိမ့်မည်။

အော်တိုအင်မြူးရောဂါ 100 ကျော်ရှိတယ်ရေးပါတယ်။ အဖြစ်များတဲ့ အော်တိုအင်မြူးရောဂါတွေက

၁။ အင်ဆူလင်ထုတ်ပေးတဲ့ မုန့်ချိုအိတ်အဖျက်ဆီးခံရတဲ့ ဆီးချိုအမှတ်-၁

၂။ အဆစ်တွေအတိုက်ခံရတဲ့ rheumatoid arthritis (RA)

၃။ အရေပြားအော်တိုအင်မြူးရောဂါတစ်ခုဖြစ်တဲ့ ဆိုရီရေးစစ် ( psoriasis) နှင့် ဆိုရီရေးစစ် နှင့် ဆက်စပ်နေတဲ့ ဆိုရီရေးစစ် အဆစ်ရောင်ရောဂါ (psoriatics arthritis)

၄။ အာရုံကြောဆဲလ်ရဲ့ အကာကွယ်လွှာကိုဖျက်ဆီးပြီး လမ်းလျှောက်ဖို့တောင်ခက်သွားတဲ့အထိ ဒုက္ခပေးနိုင်တဲ့ multiple sclerosis နှင့် အာရုံကြောသတင်းအချက်အလက်စီးဆင်းမှုကို ဖျက်ဆီးတဲ့ Myasthenia gravis ရောဂါ

၅။ အရေပြားလေးဖက်နာလို့ လူသိများတဲ့ Systemic lupus erythematosus (SLE)

၆။ အူလမ်းကြောင်းကို ဖျက်ဆီးတဲ့ အော်တိုအင်မြူးရောဂါတွေဖြစ်တဲ့ Inflammatory bowel disease တွေဖြစ်တဲ့ Crohn's disease , Ulcerative colitis နှင့် ဂလူတန်နဲ့ မတည့်တဲ့ Celiac disease

၇။ အက်ဒရီဂရင်းအဖျက်စီးခံရပြီးဖြစ်တဲ့ Addison’s disease

၈။ သိုင်းရွိုက်ဂရင်းအဖျက်စီးခံရတဲ့ Graves’ disease နှင့် Hashimoto's thyrioditis

၉။ အရည်ထွက်တဲ့ ဂရင်းတွေတိုက်ခိုက်ခံရပြီး မျက်လုံးခြောက်၊ အာခေါင်တွေခြောက်သွားစေတဲ့ Sjögren’s syndrome

၁၀။ သွေးကြောတွေအတိုက်ခိုက်ခံရတဲ့ အော်တိုအင်မြူးရောဂါတစ်ခုဖြစ်တဲ့ autoimmune vasculitis

၁၁။ အော်တိုအင်မြူးရောဂါတစ်ခုဖြစ်တဲ့ pernicious anemia ဆိုတဲ့ သွေးအားနည်းရောဂါမှာ အစာအိမ်နံရံကထုတ်ပေးတဲ့ intrinsic factors လို့ခေါ်တဲ့ ပရိုတိန်းတစ်ခုအဖျက်စီးခံရမည်။ ဗိုက်တာမင် B12 ချို့တဲ့သွားပြီး သွေးအားနည်းရောဂါရပါမည်။

အော်တိုအင်မြူးရောဂါဘာကြောင့်ဖြစ်လဲ ဘယ်သူမှ သေချာမသိဘူး။ အမျိုးသမီးတွေမှာ အမျိုးသားတွေထက် အော်တိုအင်မြူးရောဂါပိုဖြစ်တယ်။ (ref-https://www.sciencedirect.com/science/article/abs/pii/S1568997212000225) တစ်ချို့အော်တိုအင်မြူးရောဂါက မျိုးရိုးလိုက်တယ်။ ပတ်ဝန်းကျင်ကြောင့်လည်းဖြစ်နိုင်တယ်လို့ ယူဆချက်တွေလည်းရှိတယ်။ တစ်ချို့ကလည်း hygiene hypothesis နှင့် ဆိုင်တယ်လို့ရေးတာလည်းရှိတယ်။ (ref- https://www.dovepress.com/the-hygiene-hypothesis-current-perspectives-and-future-therapies-peer-reviewed-fulltext-article-ITT) အစားအသောက်နဲ့ ဆိုင်တယ်ရေးတာလည်းရှိတယ်။

အောါတိုအင်မြူးရောဂါလို့ အ​ဖြေထုတ်ဖို့ စမ်းသပ်မှုတော်တော်များများလိုမည်။ အော်တိုအင်မြူးထင်တဲ့အခါ ဆရာဝန်အများစုက ANA test စစ်ခိုင်းတတ်တယ်။ ANA test မှာ (+)ve ဖြစ်တဲ့အခါ အော်တိုအင်မြူးလို့ ​ပြောနိုင်ပေမည့် ရောဂါနာမည်တတ်ဖို့ အခြားစမ်းသပ်မှုတွေ လိုပါအုန်းမည်။ အော်တိုအင်မြူးရောဂါကို ကုသလို့မရဘူးလို့ ဆိုပါတယ်။ အကိုက်အခဲပျောက်ဆေး NSAIDs နှင့် ခုခံအားကျစေတဲ့ ဆေးတွေကို ရောဂါဝေဒနာသက်သာဖို့ပေးတတ်တယ်။အခုဆောင်းပါးကတော့ အော်တိုအင်မြူးရောဂါတွေအကြောင်း အကြမ်းပြောပြတာပါ။ ဆက်ပြီးရေးပေးပါအုန်းမည်။

Dr.PHYO MAUNG MAUNG

ရေးပြီးဆောင်းပါးများ

SLE -https://www.facebook.com/138837760103342/posts/221023238551460/
RA - https://www.facebook.com/138837760103342/posts/486115065375608/

ေအာ္တိုအင္ျမဴးေရာဂါ မ်ား ( Autoimmune Diseases)

ခႏၶာကိုယ္ရဲ့ ခုခံအားစနစ္က ကူးစက္ေရာဂါကိုျဖစ္ေစတဲ့ ဘက္တီးရီးယား ႏွင့္ ဗိုင္းရပ္ကို တိုက္ခိုက္နိုင္ပါတယ္။ ခႏၶာကိုယ္အျပင္ကတစ္စုံတစ္ခု ခႏၶာကိုယ္တြင္း ထိုးေဖာက္ဝင္လာတဲ့အခါ ခႏၶာကိုယ္ရဲ့ ခုခံအားစနစ္က က်ဴးေက်ာ္လာသူကို တိုက္ခိုက္ဖ်က္ဆီးပါတယ္။ ပုံမွန္အားျဖင့္ ခႏၶာကိုယ္ရဲ့ ခုခံအားစနစ္က ဘယ္အရာကက်ဴးေက်ာ္လာသူ၊ ဘယ္အရာက မိမိရဲ့ ကိုယ္ပိုင္ဆဲလ္ ဆိုတာ ကြဲကြဲျပားျပားသိပါတယ္။

ေအာ္တိုအင္ျမဴးေရာဂါျဖစ္လာတဲ့အခါ ခႏၶာကိုယ္ရဲ့ ခုခံအားစနစ္က ခြဲျခားနိုင္စြမ္းမရွိေတာ့ဘဲ မိမိခႏၶာကိုယ္ကို ရန္သူလို႔အမွတ္မွားၿပီး စတင္တိုက္ခိုက္ပါလိမ့္မည္။ ေအာ္တိုအင္ျမဴးေရာဂါျဖစ္လာတဲ့အခါ ခုခံအားစနစ္က autoantibodies လို႔ေခၚတဲ့ ပရိုတိန္းတစ္မ်ိဳးထုတ္ၿပီး ခႏၶာကိုယ္က အစိတ္အပိုင္းေတြကို တိုက္ခိုက္ဖ်က္ဆီးတတ္ပါတယ္။ ဆီးခ်ိဳ႕အမွတ္ ၁ လို တစ္ခ်ိဳ႕ေအာ္တိုအင္ျမဴးေရာဂါေတြမွာ ခႏၶာကိုယ္ရဲ့ အစိတ္အပိုင္းတစ္ခုကို ဖ်က္စီးတတ္ေပမယ့္ systemic lupus erythematosus (SLE) လို တစ္ခ်ိဳ႕ေအာ္တိုအင္ျမဴးေရာဂါေတြက ခႏၶာကိုယ္အစိတ္အပိုင္းေတာ္ေတာ္မ်ားမ်ားကို ဖ်က္စီးခံရပါလိမ့္မည္။

ေအာ္တိုအင္ျမဴးေရာဂါ 100 ေက်ာ္ရွိတယ္ေရးပါတယ္။ အျဖစ္မ်ားတဲ့ ေအာ္တိုအင္ျမဴးေရာဂါေတြက

၁။ အင္ဆူလင္ထုတ္ေပးတဲ့ မုန႔္ခ်ိဳအိတ္အဖ်က္ဆီးခံရတဲ့ ဆီးခ်ိဳအမွတ္-၁

၂။ အဆစ္ေတြအတိုက္ခံရတဲ့ rheumatoid arthritis (RA)

၃။ အေရျပားေအာ္တိုအင္ျမဴးေရာဂါတစ္ခုျဖစ္တဲ့ ဆိုရီေရးစစ္ ( psoriasis) ႏွင့္ ဆိုရီေရးစစ္ ႏွင့္ ဆက္စပ္ေနတဲ့ ဆိုရီေရးစစ္ အဆစ္ေရာင္ေရာဂါ (psoriatics arthritis)

၄။ အာ႐ုံေၾကာဆဲလ္ရဲ့ အကာကြယ္လႊာကိုဖ်က္ဆီးၿပီး လမ္းေလၽွာက္ဖို႔ေတာင္ခက္သြားတဲ့အထိ ဒုကၡေပးနိုင္တဲ့ multiple sclerosis ႏွင့္ အာ႐ုံေၾကာသတင္းအခ်က္အလက္စီးဆင္းမွုကို ဖ်က္ဆီးတဲ့ Myasthenia gravis ေရာဂါ

၅။ အေရျပားေလးဖက္နာလို႔ လူသိမ်ားတဲ့ Systemic lupus erythematosus (SLE)

၆။ အူလမ္းေၾကာင္းကို ဖ်က္ဆီးတဲ့ ေအာ္တိုအင္ျမဴးေရာဂါေတြျဖစ္တဲ့ Inflammatory bowel disease ေတြျဖစ္တဲ့ Crohn's disease , Ulcerative colitis ႏွင့္ ဂလူတန္နဲ႔ မတည့္တဲ့ Celiac disease

၇။ အက္ဒရီဂရင္းအဖ်က္စီးခံရၿပီးျဖစ္တဲ့ Addison’s disease

၈။ သိုင္းရြိဳက္ဂရင္းအဖ်က္စီးခံရတဲ့ Graves’ disease ႏွင့္ Hashimoto's thyrioditis

၉။ အရည္ထြက္တဲ့ ဂရင္းေတြတိုက္ခိုက္ခံရၿပီး မ်က္လုံးေျခာက္၊ အာေခါင္ေတြေျခာက္သြားေစတဲ့ Sjögren’s syndrome

၁၀။ ေသြးေၾကာေတြအတိုက္ခိုက္ခံရတဲ့ ေအာ္တိုအင္ျမဴးေရာဂါတစ္ခုျဖစ္တဲ့ autoimmune vasculitis

၁၁။ ေအာ္တိုအင္ျမဴးေရာဂါတစ္ခုျဖစ္တဲ့ pernicious anemia ဆိုတဲ့ ေသြးအားနည္းေရာဂါမွာ အစာအိမ္နံရံကထုတ္ေပးတဲ့ intrinsic factors လို႔ေခၚတဲ့ ပရိုတိန္းတစ္ခုအဖ်က္စီးခံရမည္။ ဗိုက္တာမင္ B12 ခ်ိဳ႕တဲ့သြားၿပီး ေသြးအားနည္းေရာဂါရပါမည္။

ေအာ္တိုအင္ျမဴးေရာဂါဘာေၾကာင့္ျဖစ္လဲ ဘယ္သူမွ ေသခ်ာမသိဘူး။ အမ်ိဳးသမီးေတြမွာ အမ်ိဳးသားေတြထက္ ေအာ္တိုအင္ျမဴးေရာဂါပိုျဖစ္တယ္။ (ref-https://www.sciencedirect.com/science/article/abs/pii/S1568997212000225) တစ္ခ်ိဳ႕ေအာ္တိုအင္ျမဴးေရာဂါက မ်ိဳးရိုးလိုက္တယ္။ ပတ္ဝန္းက်င္ေၾကာင့္လည္းျဖစ္နိုင္တယ္လို႔ ယူဆခ်က္ေတြလည္းရွိတယ္။ တစ္ခ်ိဳ႕ကလည္း hygiene hypothesis ႏွင့္ ဆိုင္တယ္လို႔ေရးတာလည္းရွိတယ္။ (ref- https://www.dovepress.com/the-hygiene-hypothesis-current-perspectives-and-future-therapies-peer-reviewed-fulltext-article-ITT) အစားအေသာက္နဲ႔ ဆိုင္တယ္ေရးတာလည္းရွိတယ္။

ေအာါတိုအင္ျမဴးေရာဂါလို႔ အ​ေျဖထုတ္ဖို႔ စမ္းသပ္မွုေတာ္ေတာ္မ်ားမ်ားလိုမည္။ ေအာ္တိုအင္ျမဴးထင္တဲ့အခါ ဆရာဝန္အမ်ားစုက ANA test စစ္ခိုင္းတတ္တယ္။ ANA test မွာ (+)ve ျဖစ္တဲ့အခါ ေအာ္တိုအင္ျမဴးလို႔ ​ေျပာနိုင္ေပမည့္ ေရာဂါနာမည္တတ္ဖို႔ အျခားစမ္းသပ္မွုေတြ လိုပါအုန္းမည္။ ေအာ္တိုအင္ျမဴးေရာဂါကို ကုသလို႔မရဘူးလို႔ ဆိုပါတယ္။ အကိုက္အခဲေပ်ာက္ေဆး NSAIDs ႏွင့္ ခုခံအားက်ေစတဲ့ ေဆးေတြကို ေရာဂါေဝဒနာသက္သာဖို႔ေပးတတ္တယ္။အခုေဆာင္းပါးကေတာ့ ေအာ္တိုအင္ျမဴးေရာဂါေတြအေၾကာင္း အၾကမ္းေျပာျပတာပါ။ ဆက္ၿပီးေရးေပးပါအုန္းမည္။

Dr.PHYO MAUNG MAUNG

ေရးၿပီးေဆာင္းပါးမ်ား

SLE -https://www.facebook.com/138837760103342/posts/221023238551460/
RA - https://www.facebook.com/138837760103342/posts/486115065375608/

04/04/2020

All members of a household with a person with suspected or confirmed COVID-19 should:
✅ Wash hands 🙌 with soap and water regularly, especially:
• After coughing or sneezing
• Before during and after you prepare food
• Before eating
• After using the toilet
• Before and after caring for the ill person
• When hands are visibly dirty
✅ Avoid unnecessary exposure to the ill person and avoid sharing items, such as eating utensils 🍽, dishes, drinks and towels.
✅ When coughing or sneezing, cover mouth and nose with flexed elbow or use a disposable tissue 🤧 and discard immediately after use.
✅ Monitor everyone’s health for symptoms such as fever, cough and if difficult breathing appear, call 📞 your health care facility immediately.

04/04/2020

Home caregivers for people with suspected or confirmed COVID-19 should:
✅ Ensure the ill persons rests 🛌 , drinks plenty of fluids and eats nutritious food.
✅ Wear a medical mask when in the same room with an ill person. Do not touch the mask 😷 or face during use and discard it afterward.
✅ Frequently clean hands 🙌 with soap and water or alcohol-based rub, especially:
• after any type of contact with the ill person or their surroundings
• before, during and after preparing food
• before eating
• after using the toilet
✅ Use dedicated dishes 🍽, cups, eating utensils, towels and bedlinens for the ill person. Wash dishes, cups, eating utensils, towels, or bedlinens used by the ill person with soap and water.
✅ Identify frequently touched surfaces by the ill person and clean and disinfect them daily.
✅ Call 📞 your health care facility immediately if the ill person worsens or experiences difficulty breathing.

မဂ်လာပါဆောင်းရာသီကုန်နွေရာသိီရောက်ပြီဆိုပါကခန္ဓာကိုယ်မှာယားယံတဲ့နေရာတွေကိုကုတ်ချင်စိတ်ကြောင့်ကုတ်မိပြီလား၊သင့်ခန္ဓာကိုယ်...
09/02/2020

မဂ်လာပါ
ဆောင်းရာသီကုန်နွေရာသိီရောက်ပြီဆိုပါက
ခန္ဓာကိုယ်မှာယားယံတဲ့နေရာတွေကိုကုတ်ချင်စိတ်ကြောင့်ကုတ်မိပြီလား၊
သင့်ခန္ဓာကိုယ်မှာ
အနီစက်လေးတွေဖြစ်နေပြီလား
ယားယားနာနာဖြစ်နေပြီလား
အနာစက်တွေဖြစ်နေပြီလား
အရေပြားတွေအထပ်ထပ်လန်ပြီးယားနာဖုတွေထွက်နေပြီလား၊
ပွေးကွက်တွေဖြစ်နေပြီလား
ရေဝဲစားသကဲ့သို့ဖြူဖွေးပြီးစပ်ဖျင်းဖျင်းနဲ့
မှိုတက်ရောဂါ၊အရေပြားရောဂါ(skin disease)၊
အရေပြားပိုးဝင်ရောဂါ(psoriasis)
နှင်းခူ(eczema)
ခြေကွဲနာ(soles of foot)

ခန္ဓာကိုယ်အလှအပအတွက်
သင်လျစ်လျှူရှုမထားပါနဲ့

GANODERMAအမှုန့်ကိုသံလွင်ဆီ၊အုန်းဆီနဲ့ဖျော်လိမ်းရုံနဲ့ထူးခြားမှုကိုတွေ့မှာပါ၊

နောက်ထပ်လိုအပ်တဲ့ကုသမှုတွေနဲ့ပေါင်းစပ်လိုက်ပါက

သင့်ဘဝလှပမှုအတွက်
စိတ်ညစ်စရာဝေဒနါတွေ
ယူပစ်သလိုကောင်းသွားဖို့ဝန်ဆောင်မှုရယူလိုက်ပါ၊

အာရောဂျံဆေးဆိုင်
09445511615

Address

664, Lower Main Road, Maunggan Quarter
Mawlamyine

Telephone

+959790160718

Website

Alerts

Be the first to know and let us send you an email when ARE YAW JAN Pharmacy -1, Mawlamyine. posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to ARE YAW JAN Pharmacy -1, Mawlamyine.:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category