https://www.facebook.com/yin.nwayoo.10

K & YNO Company Limited, No. Cc 230, Thazin Street, Block 21, Moegyo, Maymyo (2025)

24/10/2025

ဆွဲခေါ်ပေးမဲ့သူကို တွန်းထုတ်ဖူးလား❓

လူ့ဘဝခရီးတစ်လျှောက်မှာ တန်ဖိုးအရှိဆုံး လက်ဆောင်တွေထဲက တစ်ခုကတော့ ကိုယ့်အပေါ် စေတနာအရင်းခံနဲ့ ဝေဖန်ထောက်ပြပေးမယ့်သူ၊ အမုန်းခံပြီး သတိပေးစကားပြောပေးရဲတဲ့သူတွေ ရှိနေခြင်းပါပဲ။

ဒီလိုပုဂ္ဂိုလ်မျိုးတွေက ကိုယ့်ရဲ့မှားလုဆဲဆဲ ခြေလှမ်းတွေကို တားဆီးပေးတတ်ကြသလို ကိုယ်ရဲ့မဆင်မခြင် လွတ်ထွက်ပေါက်ကွဲတတ်တဲ့ စိတ်တွေကိုလည်း လှမ်းပြီးထိန်းချုပ်ပေးတတ်ကြတယ်။ သူတို့တွေက ကိုယ့်ရဲ့ ချို့ယွင်းချက်တွေ၊ အမှားအယွင်းတွေကို ရဲရဲတင်းတင်း ထောက်ပြရဲကြပါတယ်။

တစ်ခါတစ်လေမှာတော့ သူတို့ရဲ့ စကားတွေက နားထောင်ရ ခါးတော့ အဝင်ဆိုးတဲ့ ဆေးခါးတစ်ခွက်လိုပါပဲ ။ ကောင်းစေချင်တဲ့ စိတ်တွေကို အခြေခံထားပြီး ကြိုပြော ကြိုတားနေတာမို့ ကိုယ့်ရဲ့ ပျက်စီးဆုံးရှုံးမှုတွေကို ကြိုတင် ကာကွယ်ပေးတဲ့ ကာကွယ်ဆေးတစ်ခွက်လို မှတ်ယူနိုင်ရင်တော့ အဆိုးမြင်တဲ့ဘက်ဆီကို မရောက်တော့ဘူးပေါ့ ။

သူတို့ရဲ့ အကူအညီလေးပေးလာတာက စကားတစ်ခွန်းပဲ ဖြစ်ကောင်းဖြစ်ပေမယ့် ကိုယ့်ဘဝကို မှန်ကန်တဲ့လမ်းကြောင်းပေါ် ပြန်လည် ရောက်ရှိစေဖို့ တွန်းပို့ပေးတဲ့ တွန်းအားကြီးတစ်ခုလည်း ကိုယ့်အတွက် ဖြစ်သွားတတ်ပါတယ်။

ဒါပေမယ့်လည်း လူ့သဘောသဘာဝအရ ကိုယ့်ကိုကိုယ် အမြဲမှန်တယ်ထင်မိကြပါတယ်။ ကိုယ့်ကိုယ်ကို ချို့ယွင်းချက်မရှိ အကုန်ပြည့်စုံတယ်လို့ ထင်နေမိတတ်ကြတယ်။ ဒါကြောင့် ကိုယ့်ရဲ့အားနည်းချက်ကို ထောက်ပြလာပြီဆိုရင်၊ မေတ္တာနဲ့သတိပေးတာ ဖြစ်ပါစေဦးတော့၊ လက်ခံရတာ ခက်ခဲကြပြန်ပါတယ်။ ကိုယ့်ကို ဆရာလုပ်လာတယ်လို့ ထင်မြင်ယူဆမိတတ်လာကြတယ်။

တကယ်တော့ ဒီလို သတိပေးစကားတွေဟာ ကိုယ့်အမှားကို လာထောက်သလိုဖြစ်နေပေမယ့် ရေရှည်မှာတော့ ကိုယ့်အတွက် ကြီးမားတဲ့ ကောင်းကျိုးတစ်ခု ပြန်ရစေတတ်ပါတယ် ။ ပြုတ်ကျဖို့ တွန်းချနေသူ အများကြီးကြားက ကိုယ့်ပြုတ်ကျမသွားအောင် ကြိုသတိပေးနေတဲ့သူတော့ သေချာပါတယ် သူ့မှာယုတ်မာတဲ့စိတ်ကတော့ မရှိပါဘူး။

ယူသင့်တာကို ယူ ၊ ပယ်သင့်တာကို ပယ်ပြီး ၊ ပြင်သင့်တာကိုပြင်မှ ဒလိမ့်ခေါက်ကွေး အကျမနာစေရတာပါ။

Yin Nway Oo
ဆက်သွယ်ရန်..

☎️ - 09 260 699 810

🏠- Pyin Oo Lwin.

22/10/2025

မနက်ခင်းလေး သာယာပါစေ 🌿🍀

မနက်ခင်းလေး မှာ
အတွေးပူတွေ မတွေးနဲ့ဦးနော်

ဦးနှောက်ကို အနားခဏပေး
အသက်လေးဖြည်းဖြည်းရှူ
စိတ်ကြည်စေတာလေးတွေးပြီး
ကိုယ့်အတွက် အချိန် ၅မိနစ်လောက်ယူပါနော် 🍀🌿🌿🌳🍃

တနေ့တာကို အဆင်ပြေစွာ ဖြတ်သန်းနိုင်မှာပါ 🍀🌿

Yin Nway Oo

20/10/2025

❝ ဆီမီးထိန်ညီ ဒီပါဝလီ .. ❞
ဟိန္ဒူဘာသာဝင်တွေရဲ့ နေ့ထူးနေ့မြတ်ဖြစ်တဲ့ ဒီပါဝလီ (ခေါ်) ဒီဝါလီနေ့မှာ ထွန်းညှိလိုက်တဲ့ ဆီမီးအလင်းရောင်တွေနဲ့အတူ မိတ်ဆွေတို့မှာရှိနေတဲ့ အဆိုးတွေအညံ့တွေ၊ အဆင်မပြေစရာတွေ အားလုံးကင်းဝေးသွားပြီးတော့ ကောင်းခြင်းတွေအပြည့်နဲ့ စိတ်ချမ်းသာစရာတွေပဲ ကြုံတွေ့ရပါစေလို့ K & YNO မိသားစုမှ ဆုမွန်ကောင်းတောင်းလိုက်ပါတယ်ရှင်။

K & YNO စတင်ခဲ့တဲ့ အချိန်မှစပြီး ယခုအချိန်တိုင်အောင် ကျွန်မတို့ Company ကို အားပေးကူညီခဲ့ကြသော Loyal Customers များကို ကျေးဇူးအထူး တင်ရှိပါတယ်ရှင် 😍

Yin Nway Oo

ဆက်သွယ်ရန်..

☎️ - 09 260 699 810

🏠- Pyin Oo Lwin.

#ဒီပါဝလီ

19/10/2025

ဗီတာမင် D အကြောင်းသိကောင်းစရာ📣📣

✍️✍️ဗီတာမင် D ဟာ ခန္ဓာကိုယ်အတွက် အလွန်အရေးပါတဲ့ ဗီတာမင်တစ်မျိုးဖြစ်ပါတယ်။

🔹သူ့ရဲ့အဓိကလုပ်ဆောင်ချက်ကတော့ ကယ်လ်စီယမ်နဲ့ ဖော့စဖရပ်စ်ဓာတ်တွေကို ခန္ဓာကိုယ်က စုပ်ယူအသုံးချနိုင်ဖို့ ကူညီပေးတာဖြစ်ပြီး အရိုးနဲ့သွားတွေကို သန်မာစေပါတယ်။ 🔹ဒါ့အပြင် ကိုယ်ခံအားစနစ်ကိုလည်း ကောင်းမွန်စေပါတယ်။

✍️✍️ဗီတာမင် D ကို ဘယ်ကနေ ရနိုင်သလဲ❓

ဗီတာမင် D ကို အဓိကအားဖြင့် နည်းလမ်း (၃) ခုကနေ ရနိုင်ပါတယ်။

1️⃣နေရောင်ခြည်

🔹အရေပြားက နေရောင်ခြည် (အထူးသဖြင့် ခရမ်းလွန်ရောင်ခြည် B - UVB) နဲ့ ထိတွေ့တဲ့အခါ ဗီတာမင် D ကို ထုတ်လုပ်ပေးပါတယ်။ ဒါဟာ အဓိကအရင်းအမြစ်ပါပဲ။

2️⃣အစားအစာ

🔹ဗီတာမင် D ပါဝင်တဲ့ အစားအစာတွေဖြစ်တဲ့ ဆော်လမွန်ငါး၊ တူနာငါး၊ မက်ကရယ်ငါးလိုမျိုး အဆီများတဲ့ငါးတွေ၊ ငါးကြီးဆီ၊ အသည်း၊ ကြက်ဥအနှစ်နဲ့ ဗီတာမင် D ဖြည့်စွက်ထားတဲ့ နို့ထွက်ပစ္စည်း၊ ကောက်နှံစာနဲ့ မှိုအချို့တို့ကနေ ရနိုင်ပါတယ်။

3️⃣ဗီတာမင်ဖြည့်စွက်ဆေးများ

🔹နေ့စဉ်လိုအပ်တဲ့ ဗီတာမင် D ပမာဏ မရရှိတဲ့အခါ သို့မဟုတ် ချို့တဲ့နေတဲ့အခါ ဖြည့်စွက်ဆေးတွေ သောက်သုံးနိုင်ပါတယ်။

✍️✍️ဗီတာမင် D နည်းတဲ့အခါ ဖြစ်တတ်တဲ့ လက္ခဏာများ📣📣

ဗီတာမင် D လိုအပ်ချက် နည်းပါးရင် အောက်ပါပြဿနာတွေ ဖြစ်နိုင်ပါတယ်။

1️⃣အရိုးပျော့ရောဂါ (Rickets)

🔹ကလေးတွေမှာ ဖြစ်တတ်ပြီး အရိုးတွေ ပျော့လာကာ ပုံသဏ္ဍာန်ပြောင်းသွားနိုင်ပါတယ်။

2️⃣အရိုးပွရောဂါ (Osteomalacia / Osteoporosis)

🔹လူကြီးတွေမှာ ဖြစ်တတ်ပြီး အရိုးတွေ ပျော့လာပြီး အားနည်းလွယ်ကာ ကျိုးလွယ်ပါတယ်။

3️⃣ကိုယ်ခံအားနည်းခြင်း

🔹မကြာခဏ ဖျားနာလွယ်ခြင်း။

4️⃣စိတ်ဓာတ်ကျဆင်းခြင်း

🔹စိတ်ခံစားမှု မတည်ငြိမ်ခြင်း၊ အားအင်ကုန်ခမ်းသလို ခံစားရခြင်း။

5️⃣ကြွက်သား နာကျင်ကိုက်ခဲခြင်း

🔹ကိုယ်လက်မအီမသာ ဖြစ်ခြင်း။

✍️✍️ဗီတာမင် D များတဲ့အခါ ဖြစ်တတ်တဲ့ လက္ခဏာများ

🔹ဗီတာမင် D ဟာ အဆီမှာပျော်ဝင်တဲ့ ဗီတာမင်ဖြစ်တာကြောင့် အလွန်အကျွံ သောက်သုံးမိရင် ခန္ဓာကိုယ်ထဲမှာ စုပုံလာနိုင်ပါတယ်။
🔹ဒါပေမဲ့ အစားအစာနဲ့ နေရောင်ခြည်ကနေ အလွန်အကျွံရဖို့ဆိုတာ မရှိသလောက်ရှားပါတယ်။
🔹အများအားဖြင့် ဗီတာမင်ဖြည့်စွက်ဆေးတွေကို လိုအပ်တာထက် ပိုသောက်မိတဲ့အခါ ဖြစ်တတ်ပါတယ်။

✍️✍️ဖြစ်တတ်တဲ့ ဘေးထွက်ဆိုးကျိုးများ

1️⃣သွေးထဲမှာ ကယ်လ်စီယမ်ဓာတ် အလွန်အကျွံများလာခြင်း (Hypercalcemia)

🔹ပျို့အန်ခြင်း၊ ဝမ်းချုပ်ခြင်း၊ အစားအသောက်ပျက်ခြင်း၊ ဗိုက်နာခြင်း၊ ခေါင်းမူးခြင်းနဲ့ အလွန်အမင်း ရေငတ်ခြင်းတို့ ဖြစ်နိုင်ပါတယ်။

2️⃣ကျောက်ကပ်ကို ထိခိုက်စေခြင်း

🔹ကျောက်ကပ်ကျောက်တည်ခြင်း သို့မဟုတ် ကျောက်ကပ်လုပ်ဆောင် ချက်များ ထိခိုက်ခြင်း။

3️⃣နှလုံးခုန်မမှန်ခြင်း

✍️✍️နေ့စဉ် လိုအပ်တဲ့ ပမာဏ

လူတစ်ဦးရဲ့ နေ့စဉ် ဗီတာမင် D လိုအပ်ချက်ဟာ အသက်၊ ကျား-မနဲ့ ကျန်းမာရေးအခြေအနေပေါ် မူတည်ပြီး ကွာခြားနိုင်ပါတယ်။ ယေဘုယျအားဖြင့် အကြံပြုထားတဲ့ ပမာဏကတော့

➡️၁ နှစ်အောက် ကလေးများ
💊 ၄၀၀ IU (International Units)

➡️၁ နှစ်မှ ၇၀ နှစ်အထိ လူကြီးများ

💊 ၆၀၀ IU

➡️၇၀ နှစ်အထက် လူကြီးများ
💊 ၈၀၀ IU

➡️ကိုယ်ဝန်ဆောင်မိခင်တွေ၊ နို့တိုက်မိခင်တွေနဲ့ ကျန်းမာရေးပြဿနာရှိသူတွေအတွက် ပိုမိုလိုအပ်နိုင်ပါတယ်။

✅မိမိအတွက် သင့်တော်တဲ့ပမာဏကို သိရှိဖို့ ဆရာဝန်နဲ့ တိုင်ပင်တာ အကောင်းဆုံးပါပဲ။

✍️✍️ဆောင်ရန်/ရှောင်ရန်များ

၁ ။ ဆောင်ရန်

1️⃣နေရောင်ခြည်နဲ့ ထိတွေ့ပါ

🔹မနက်ခင်း (၉ နာရီမတိုင်ခင်) သို့မဟုတ် ညနေပိုင်း (၄ နာရီနောက်ပိုင်း) နေရောင်ခြည်ကို တစ်ပတ်ကို အနည်းဆုံး ၂-၃ ကြိမ်၊ ၁၅-၂၀ မိနစ်ခန့် ခံယူပါ။
🔹နေလောင်ဒဏ်မှ ကာကွယ်ဖို့ နေရောင်ခြည်ပြင်းတဲ့အချိန်ကို ရှောင်ပါ။

2️⃣ဗီတာမင် D ကြွယ်ဝတဲ့ အစားအစာတွေ စားသုံးပါ

🔹အဆီများတဲ့ငါး၊ ကြက်ဥအနှစ်နဲ့ ဗီတာမင် D ဖြည့်စွက်ထားတဲ့ အစားအစာတွေ ပုံမှန်စားပေးပါ။

3️⃣လိုအပ်ပါက ဖြည့်စွက်ဆေး သောက်သုံးပါ

🔹ဆရာဝန်ညွှန်ကြားချက်နဲ့အညီ ဖြည့်စွက်ဆေး သောက်သုံးနိုင်ပါတယ်။

၂ ။ ရှောင်ရန်

1️⃣ဗီတာမင် D ဖြည့်စွက်ဆေးကို ဆရာဝန်နဲ့ မတိုင်ပင်ဘဲ အလွန်အကျွံ မသောက်သုံးပါနဲ့။

2️⃣နေရောင်ခြည် အလွန်အကျွံနဲ့ ထိတွေ့ခြင်းကို ရှောင်ပါ။အထူးသဖြင့် နေရောင်ပြင်းတဲ့အချိန်တွေမှာ နေရောင်ခြည်ခံခြင်းဟာ အရေပြားကင်ဆာဖြစ်နိုင်ခြေကို မြင့်တက်စေပါတယ်။

K & YNO စတင်ခဲ့တဲ့ အချိန်မှစပြီး ယခုအချိန်တိုင်အောင် ကျွန်မတို့ Company ကို အားပေးကူညီခဲ့ကြသော Loyal Customers များကို ကျေးဇူးအထူး တင်ရှိပါတယ်ရှင် 😍

Yin Nway Oo

ဆက်သွယ်ရန်..

☎️ - 09 260 699 810

🏠- Pyin Oo Lwin.

15/10/2025

ဘ၀ဆိုတာ စိတ်နဲ့တန်သလို ဖြစ်ပါတယ်။

ကိုယ့်စိတ်ထား မကောင်းရင်
နိမ့်ကျတဲ့ဘ၀ကို ရောက်သွားနိုင်တယ်။

ဘယ်သူ့ကိုမှ ဂုဏ်သိက္ခာကျအောင်
မပြောတဲ့စိတ်ထားဟာ
သိက္ခာရှိတဲ့ စိတ်ထား၊
ရင့်ကျက် ပြည့်၀တဲ့ စိတ်ထားဖြစ်တယ်။

ဒါကြောင့်
သူများကို အဆင့်အတန်းခွဲပြီး၊ ရှုံ့ချတဲ့အပြောမျိုးကို
မပြောမိအောင် သတိထားသင့်တယ်။

စိတ်ကြည်လင် သာယာပါစေ 🌿🌿

အရာရာ အဆင်ပြေသောလေးနေ့လေးဖြစ်ပါစေ 🌿🌿

K & YNO စတင်ခဲ့တဲ့ အချိန်မှစပြီး ယခုအချိန်တိုင်အောင် ကျွန်မတို့ Company ကို အားပေးကူညီခဲ့ကြသော Loyal Customers များကို ကျေးဇူးအထူး တင်ရှိပါတယ်ရှင် 😍

Yin Nway Oo
ဆက်သွယ်ရန်..

☎️ - 09 260 699 810

🏠- Pyin Oo Lwin.

11/10/2025

Today Activity

Save Date💓💓
11.10.2025

Our Founder Yin Nway Oo ❤️❤️

10/10/2025

💭 World Mental Health Day 2025 (ကမ္ဘာ့စိတ်ကျန်းမာရေးနေ့) 🌍

နှစ်စဉ်အောက်တိုဘာလ (၁၀) ရက်နေ့ကို World Mental Health Day အဖြစ် ကမ္ဘာတစ်ဝှမ်း ပြုလုပ်ကျင်းပကြပါတယ်။

စိတ်ကျန်းမာရေးနဲ့ ပတ်သက်ပြီး အသိပညာများတိုးပွါးစေရန်နှင့် လူတိုင်းရဲ့စိတ်ကျန်းမာရေးအတွက် ပိုမိုဂရုပြုမိစေရန် ရည်ရွယ်၍ ကျင်းပကြခြင်း ဖြစ်ပါတယ်။

🌍 ယခုနှစ် World Mental Health Day ရဲ့ ဆောင်ပုဒ်ကတော့ 'Mental health in humanitarian emergencies' ဖြစ်ပါတယ်။

စစ်ပွဲ၊ သဘာဝဘေးအန္တရာယ်၊ ဒုက္ခသည်အကျပ်အတည်းတွေမှာ စိတ်ဖိစီးမှု၊ စိတ်ဒဏ်ရာတွေနဲ့ ရင်ဆိုင်နေရသူတွေ ကမ္ဘာတဝှမ်းမှာ အများကြီးရှိပါတယ်။ 😔

ဒီလူတွေရဲ့ စိတ်ကျန်းမာရေးကို ဂရုစိုက်ဖို့ အချိန်တန်ပါပြီ! 💪

❗ဘာကြောင့် အရေးကြီးလဲ❓

အရေးပေါ်အခြေအနေတွေမှာ လူတစ်ဦးချင်းစီဟာ
‼️စိတ်ကျရောဂါ
‼️စိုးရိမ်ပူပန်မှု ဒါမှမဟုတ်
‼️စိတ်ဒဏ်ရာ (trauma) နဲ့ ရင်ဆိုင်ရနိုင်ခြေ ၅ယောက်မှာ ၁ ယောက် ရှိတယ်လို့ WHO က ဆိုပါတယ်။

ဒါပေမယ့် စိတ်ကျန်းမာရေးပံ့ပိုးမှုနဲ့ အားပေးစကားတစ်ခွန်းကတောင် သူတို့ရဲ့ ဘဝတစ်ခုလုံးကို ပြောင်းလဲပေးနိုင်ပါတယ်! 🌟

💡 ဘယ်လိုကူညီနိုင်မလဲ❓

✅ နားထောင်ပါ၊ ဂရုစိုက်ပါ၊ အားပေးပါ။
✅ “ကိုယ်ခံစားရတာကို ပြောပြလို့ရတယ်နော်” ဆိုတဲ့ စကားလေးကို ပြောကြည့်ပါ။
✅ စိတ်ကျန်းမာရေးဆိုင်ရာ အသိပညာပေးတဲ့
လှုပ်ရှားမှုတွေမှာ ပါဝင်ပါ။

💬 အခုပဲ လုပ်ကြည့်ရအောင်❤️

ဒီနေ့ပဲ သင်ချစ်ရတဲ့သူတစ်ယောက်ကို ဒီစကားလေးတွေ ပြောကြည့်ပါ။
🌟 “မင်းတစ်ယောက်တည်း မဟုတ်ဘူးနော်၊ ငါဒီမှာ ရှိတယ်။”
🌟 “မင်းခံစားရတာကို ငါနဲ့ အတူပြောပြလို့ရတယ်။”
🌟 “မင်းအဆင်ပြေဖို့ ငါအမြဲအားပေးနေမယ်။”

🌿 အတူတူ လူသားချင်းစာနာမှုအကျပ်အတည်းတွေမှာ စိတ်ကျန်းမာရေးကို အလေးထားပြီး ပိုမိုသန်မာတဲ့ လူမှုအသိုင်းအဝိုင်းကို တည်ဆောက်ကြရအောင်နော်😘😘

ဆက်သွယ်ရန်..

☎️ - 09 260 699 810

🏠- Pyin Oo Lwin.

10/10/2025

Morning ❤️❤️

Yin Nway Oo

09/10/2025

မီးပိုးကောင် သတိပြုပါ‼️‼️

မီးပိုးကောင် (သို့မဟုတ်) Rove beetle ဟု လူသိများသော အင်းဆက်တစ်မျိုး ဖြစ်ပါတယ်။

သတိပြုရမည့် မီးပိုးကောင် (Rove Beetle) အကြောင်း

မီးပိုးကောင် လို့ ခေါ်တဲ့ အင်းဆက်တစ်မျိုး ဖြစ်ပြီး၊ သူဟာ ကိုက်တာ သို့မဟုတ် တုပ်တာ မလုပ်ပေမယ့်၊ အရေပြားပေါ်မှာ မတော်တဆ ချေမိ၊ ဖိမိ သွားရင် အဆိပ်ပြင်းတဲ့ ဓာတုပစ္စည်းတစ်မျိုးကို ထုတ်လွှတ်ပြီး အရေပြားကို ဒဏ်ရာရစေနိုင်ပါတယ်။

ဘယ်လိုအန္တရာယ်ဖြစ်စေတာလဲ❓

မီးပိုးကောင်ကို အရေပြားပေါ်မှာ ပွတ်သပ်မိခြင်း၊ ညှပ်မိခြင်း သို့မဟုတ် ချေမိခြင်း တို့ကြောင့် ၎င်းရဲ့ ခန္ဓာကိုယ်ထဲက Pederin လို့ခေါ်တဲ့ အဆိပ်ဓာတ်တစ်မျိုးပါတဲ့ အရည်တွေ ထွက်လာပါတယ်။

အရေပြားလောင်ကျွမ်းခြင်း (Paederus Dermatitis)- ဒီအဆိပ်ဓာတ်က အရေပြားကို ပြင်းထန်စွာ ရောင်ရမ်းစေပြီး၊ မီးလောင်သလို စပ်ဖျဉ်းဖျဉ်းနာကျင်ခြင်း၊ နီရဲခြင်းနဲ့ အရည်ကြည်ဖုတွေ (ရေကြည်ဖု၊ အပူလောင်ဖု) ပေါက်ခြင်းတို့ကို ဖြစ်စေပါတယ်။ တစ်ခါတလေ အရေပြားပေါ်မှာ လိုင်းလိုက် အနာပုံစံမျိုး တွေ့ရတတ်ပါတယ်။

• အနာပေါ်ခြင်း- ပိုးကောင်ကို ခြေမိပြီး ၁၂ နာရီမှ ၃၆ နာရီအတွင်း အနီစက်များ စတင်ပေါ်လာပြီး၊ နောက်ပိုင်းတွင် အရည်ကြည်ဖုများ ဖြစ်ပေါ်လာပါတယ်။

နောက်ဆက်တွဲဆိုးကျိုး- မျက်လုံးနဲ့ ထိမိရင် မျက်စိနီရဲ ယောင်ယမ်းခြင်း (Nairobi Eye) ဖြစ်နိုင်ပါတယ်။ အနာကျက်သွားရင်လည်း အမာရွတ် သို့မဟုတ် အညိုအမည်းစွဲ တာမျိုးတွေ ကျန်ခဲ့နိုင်ပါတယ်။

🛡️ မီးပိုးကောင် အန္တရာယ်မှ ကာကွယ်ရန် နည်းလမ်းများ‼️‼️

၁။ မချေမိပါစေနဲ့- ကိုယ့်ခန္ဓာကိုယ်ပေါ်မှာ ပိုးကောင်တွေ့ရင် လုံးဝမချေမိဖို့ အရေးကြီးပါတယ်။ လေမှုတ်ထုတ်တာ သို့မဟုတ် စက္ကူစ၊ အဝတ်စ တစ်ခုခုနဲ့ သတိထားပြီး ဖယ်ထုတ်ပစ်ပါ။

၂။ မီးရောင်လျှော့ချပါ- ညဘက်မှာ မီးပိုးကောင်တွေဟာ အလင်းရောင် (အထူးသဖြင့် မီးချောင်းလို အဖြူရောင်မီး) ကို နှစ်သက်ပြီး အိမ်ထဲကို ဝင်ရောက်တတ်တာကြောင့် အိပ်တဲ့နေရာ၊ အိပ်ခန်းနားမှာ အလင်းရောင် လျှော့ချထားပါ။

၃။ ခြင်ထောင်သုံးပါ- အိပ်စက်တဲ့အခါ ခြင်ထောင် သုံးပြီး အိပ်စက်ပါ။

၄။ အိမ်ပတ်ဝန်းကျင် သန့်ရှင်းပါ- ပိုးမွှားတွေ ခိုအောင်းနိုင်တဲ့ စိုစွတ်တဲ့ နေရာတွေ၊ ချုံနွယ်ပိတ်ပေါင်းတွေကို ရှင်းလင်းပါ။

ထိမိပြီဆိုလျှင် ချက်ချင်းလုပ်ဆောင်ရန်‼️‼️

အဆိပ်ဖြေဖို့ အရေးအကြီးဆုံးပါ!

၁။ ချက်ချင်းဆေးပါ- ပိုးကောင်ထိမိတဲ့ နေရာကို ချက်ချင်း ဆပ်ပြာနဲ့ ရေသန့် သုံးပြီး ဖွဖွလေး အသာအယာ ဆေးကြောပါ။ ၅ မိနစ်ခန့်ကြာအောင် ဆေးပေးပါ။

၂။ ရေခဲကပ်ပါ- ပူလောင်ခြင်းကို သက်သာစေရန် အအေး သို့မဟုတ် ရေခဲဝတ် ကပ်ပေးပါ။

၃။ အရက်ပြန် မသုံးရ- အရက်ပြန် (Alcohol) လုံးဝ မသုံးသင့်ပါဘူး။ အရက်ပြန်က အဆိပ်ကို ပိုပျံ့စေပြီး အနာကို ပိုဆိုးစေနိုင်ပါတယ်။

၄။ ဆရာဝန်နှင့် ပြသပါ- အနာဖြစ်လာပြီဆိုရင် ကိုယ့်ဖာသာ ဆေးလိမ်းတာ၊ ကုတာမျိုး မလုပ်ဘဲ အရေပြားအထူးကု ဆရာဝန် နဲ့ အမြန်ဆုံးပြသပြီး သင့်တော်တဲ့ ဆေးဝါး (ဥပမာ- စတီးရွိုက်လိမ်းဆေး၊ ပိုးသတ်လိမ်းဆေး) တွေကို ညွှန်ကြားချက်အတိုင်း ကုသမှုခံယူပါ။

K & YNO စတင်ခဲ့တဲ့ အချိန်မှစပြီး ယခုအချိန်တိုင်အောင် ကျွန်မတို့ Company ကို အားပေးကူညီခဲ့ကြသော Loyal Customers များကို ကျေးဇူးအထူး တင်ရှိပါတယ်ရှင် 😍

Yin Nway Oo
ဆက်သွယ်ရန်..

☎️ - 09 260 699 810

🏠- Pyin Oo Lwin.

06/10/2025

“သီတင်းကျွတ်လပြည့်နေ့ ဆုတောင်း"

သီတင်းကျွတ် အခါသမယမှ မြန်မာနိုင်ငံသူ၊ နိုင်ငံသားများအားလုံး စိတ်ချမ်းသာ ကိုယ်ကျန်းမာစွာဖြင့် ဘေးအန္တရာယ်ကင်းဝေးပြီး လိုအင်ဆန္ဒများပြည့်ဝပါစေကြောင်း K & YNO မိသားစုမှ ဆုတောင်းမေတ္တာပို့သလိုက်ပါတယ်ရှင်။

Yin Nway Oo

သီတင်းကျွတ်လပြည့်နေ့ သိကောင်းစရာ
============================

သီတင်းကျွတ် လပြည့်နေ့ကို- ဝါကျွတ်ပွဲတော်နေ့၊ အဘိဓမ္မာအခါတော်နေ့၊ မီးထွန်းပွဲတော်နေ့၊ မဟာပဝါရဏာနေ့ဆိုပြီးခေါ်ကြပါတယ်...

◾ ဝါတွင်း ၃-လ ဥပုသ်သီတင်းသီလ စောင့်ထိန်းမှုကနေ ပြီးဆုံးကျွတ်လွတ်တဲ့နေ့ဖြစ်တာကြောင့် သီတင်းကျွတ်လပြည့်နေ့...

◾ ဝါဆို၊ ဝါခေါင်၊ တော်သလင်းဆိုတဲ့ ဝါတွင်း ၃-လကနေ ကျွတ်လွတ်တဲ့နေ့ဖြစ်လို့ ဝါကျွတ်ပွဲတော်နေ့...

◾ မြတ်စွာဘုရားရှင်က မယ်တော်ဖြစ်ခဲ့ဖူးတဲ့ သန္တုဿိတနတ်သားအမှူးပြုတဲ့ နတ်ဗြဟ္မာတွေကို ဝါတွင်းသုံးလပတ်လုံး အဘိဓမ္မာတရားဟောကြားမှု ပြီးဆုံးတဲ့နေ့ဖြစ်လို့ အဘိဓမ္မာအခါတော်နေ့...

◾ တာဝတိံသာနတ်ပြည်ကနေ လူ့ပြည်ကို ပြန်ကြွတော်မူလာတဲ့ မြတ်စွာဘုရားရှင်ကို ဆီမီးတွေနဲ့ ထွန်းညှိပူဇော်တဲ့ နေ့ဖြစ်လို့ မီးထွန်းပွဲတော်နေ့...

◾ သံဃာတော်တွေ တစ်ပါးနဲ့တစ်ပါးပြောဆိုဆုံးမနိုင်ဖို့အတွက် အပြန်အလှန်ဖိတ်ခေါ်လက်ကမ်းကြိုဆိုတဲ့ အနေနဲ့ ပဝါရဏာပြုတဲ့နေ့ ဖြစ်လို့ မဟာပဝါရဏာနေ့...

မြတ်ဗုဒ္ဓဟာ (ဘီစီ ၅၈၉-ခုနှစ်) မဟာသက္ကရာဇ် ၁၀၃-ခု ကဆုန်လပြည့်နေ့ ညဉ့်ကုန်ဆုံးချိန်မှာ ဗုဒ္ဓဘုရားရှင်အဖြစ်ကိုရောက်တော်မူခဲ့ပါတယ်။

ဘုရားရှင်အဖြစ်ကို ရောက်တော်မူပြီးနောက် ၇-ဝါမြောက်မှာ တာဝတိံသာနတ်ပြည်ရှိ ပင်လယ်ကသစ်ပင်ရင်းက ပဏ္ဍုကမ္ဗလာ မြကျောက်ဖျာထက်မှာ မယ်တော်ဖြစ်ခဲ့ဖူးတဲ့ သန္တုဿိတနတ်သားအမှူးပြုတဲ့ နတ်ဗြဟ္မာ ပရိသတ်တို့ကို ဝါတွင်းသုံးလပတ်လုံး အဘိဓမ္မာတရားဟောကြားတော်မူခဲ့ပါတယ်။

သီတင်းကျွတ်လပြည့်နေ့မှာ အဘိဓမ္မာတရားပွဲ ပြီးဆုံးခဲ့ပါတယ်။ မယ်တော်ဖြစ်ခဲ့ဖူးတဲ့သန္တုဿိတနတ်သားလည်း တရားနာယူအပြီး သောတာပန်တည်ပါတယ်။

မြတ်စွာဘုရားရှင်လူ့ပြည်ကို ပြန်ကြွမယ့်ခရီးစဉ်မှာ ရွှေစောင်းတန်း ၊ ငွေစောင်းတန်း ၊ ပတ္တမြားစောင်းတန်း ဆိုပြီး စောင်းတန်းကြီးသုံးသွယ်ကို သိကြားမင်းက ဖန်ဆင်းပူဇော်ပါတယ်။

မြတ်စွာဘုရားက ပတ္တမြားစောင်းတန်းကနေ ရောင်ခြည်တော်‌ခြောက်သွယ်ကွန့်မြူးပြီး ကြွချီတဲ့အခါ ဗြဟ္မာအပေါင်းက ရွှေစောင်းတန်း ၊ နတ်သိကြားတို့က ငွေစောင်းတန်းတို့မှ ထီးတော်မိုး ဆင်းသက်ကြပါတယ်။ အဲဒီမြင်ကွင်းကို ဖူးမြင်ရသူအပေါင်းတို့ဟာ သပ္ပါယ်ကြည်ညိုလွန်းလှတာကြောင့် ဘုရားဆုပန်ကြတယ် ဘုရားဖြစ်ချင်သူချည်းဖြစ်ကုန်ကြတယ်လို့ ဆိုပါတယ်။

ဘုရားရှင်ကြွဆင်းလာတာကို သင်္ကဿနဂိုရ် ၊ သာဝတ္ထိ ၊ ဝေသာလီ ၊ ရာဇဂြိုလ်၊ ဗာရာဏသီစတဲ့မြို့ ပြည်သူတွေက ဆီမီး ၊ ပန်း ၊ နံ့သာ ၊ မီးရှူး ၊ မီးပန်းတွေနဲ့ ပူဇော်ပြီးကြိုဆိုခဲ့ကြပါတယ်။ အဲဒီအစဉ်အလာကိုယူပြီး နှစ်စဉ် သီတင်းကျွတ်လပြည့်နေ့ရောက်တိုင်းမှာ ဆီမီးထွန်းပြီး ပူဇော်ကြ၊ မီပုံးတွေလွှတ်တင်ကြတာဖြစ်ပါတယ်။ ဒါကိုပဲ သီတင်းကျွတ် မီးထွန်းပွဲတော်လို့ခေါ်ဝေါ်ကြပါတယ်။

မြတ်စွာဘုရား နတ်ပြည်ကြွပြီး မယ်တော်နတ်သားကို ကျေးဇူးဆပ်တရား ဟောကြားခဲ့တာကို အကြောင်းပြုပြီးတော့ သီတင်းကျွတ်လပြည့်နေ့မှာ မိဘ၊ ဘိုးဘွား၊ ဆရာသမား၊ သက်ကြီးဝါကြီးတွေကို ကန်တော့ကြတဲ့ အစဉ်အလာလည်း ဖြစ်ထွန်းခဲ့ပါတယ်။ သီတင်းကျွတ်ကာလမှာ မီးပုံးပျံတွေလွှတ်တင်ကြတဲ့ ဓလေ့လည်း ရှိပါတယ်။ ဒါဟာ နတ်ပြည်မှာရှိတဲ့“စူဠာမဏိစေတီတော်” ကို မီးပူဇော်တဲ့အနေနဲ့ လွှတ်တင်ကြတာဖြစ်ပါတယ်။

သီတင်းကျွတ်လပြည့်နေ့ဟာ ဝါတွင်းသုံးလရဲ့ နောက်ဆုံးနေ့ ဖြစ်တာကြောင့် ဝါဆိုတော်မူကြတဲ့ သံဃာတော်အရှင်သူမြတ်တို့ လွတ်လွတ်ကျွတ်ကျွတ် သွားလာသီတင်း သုံးနိုင်တဲ့အခွင့်အရေးကိုရရှိကြပါတယ်။ ဝါဆိုကြတဲ့ သံဃာတော်တွေဟာ ကထိန်အလှူကို ခံယူထိုက်တဲ့ အခွင့်အရေးရရှိကြပါတယ်။ လောကီအနေနဲ့ ဗုဒ္ဓဘာသာဝင်တို့ရဲ့ ယဉ်ကျေးမှုထုံးတမ်းစဉ်လာတွေအရလည်း အိမ်ရာထောင်ခြင်းပြုနိုင်ကြပြီဖြစ်လို့ အတားအဆီး အပိတ်အပင် အချုပ်အချယ်တို့မှ စတင်ကျွတ်လွတ်တဲ့နေ့လို့ဆိုရမှာပါ။

သီတင်းကျွတ်လဟာ နက္ခတ်ပညာအရ (မိဿ၊ ပြိဿ၊ မေထုန်၊ ကရကဋ်၊ သိဟ်၊ ကန်၊ တူ၊ ဗြိစ္ဆာ၊ ဓနု၊မကာရ၊ ကုမ်၊ မိန်) ရာသီ ၁၂-ခွင်မှာ တူရာသီ အတွင်းကျရောက်ပါတယ်။ အဿဝဏီနက္ခတ်နဲ့ စန်းယှဉ်တယ်လို့ရေးသားကြသလို ပတ်ဝန်းကျင် ရေ မြေ တော တောင် သစ်ပင် ရှုခင်းအမြင်နဲ့ ကြာဖြူ ကြာနီ ကြာညို ကြာပဒုမ္မာ ကြာပုဏ္ဍရိက်လို့ခေါ်တဲ့ ကြာမျိုး ငါးပါးပွင့်တဲ့အချိန်အခါဆိုပြီးလည်း ဖွဲ့ဆို ရေးသားကြပါတယ်။

#သီတင်းကျွတ်

04/10/2025

သီတင်းကျွတ်အချိန်အခါသမယ❤️

နှုတ်ဆက်သဝဏ်လွှာ😍

K & YNO စတင်ခဲ့တဲ့ အချိန်မှစပြီး ယခုအချိန်တိုင်အောင် ကျွန်မတို့ Company ကို အားပေးကူညီခဲ့ကြသော Loyal Customers များကို ကျေးဇူးအထူး တင်ရှိပါတယ်ရှင် 😍

Yin Nway Oo
ဆက်သွယ်ရန်..

☎️ - 09 260 699 810

🏠- Pyin Oo Lwin.

01/10/2025

Hello October❤️❤️

Octoberလကနေကြိုဆိုပါတယ်ရှင်❤️

ပင်ပန်းမှုတွေ စိတ်ဓာတ်ကျမှုတွေ ၀မ်းနည်းစရာတွေကို အရှူံးမပေးပဲရှင်သန်နိုင်ခဲ့လို့ဂုဏ်ယူပါတယ်။မင်းအကောင်းဆုံးဖြတ်ကျော်နိုင်ခဲ့လို့၀မ်းသာပါတယ်။

ပျော်ရွှင်စရာကိစ္စတွေရော ၀မ်းနည်းစရာတွေကို မနေ့ကအထိ ဖြစ်ကျော်လာတဲ့မင်းက အခု မနေ့ကထက်ပိုပြီး သန်မာလာတာတွေ့လို့ဂုဏ်ယူပါတယ်။

မင်းရဲ့သန်မာမှုကို မင်းသတိထားမိရဲ့လား။သတိမထားမိဘူးဆိုရင် ခဏလောက်လေးအချိန်ပေးပြီးပြန်ကြည့်ပါအုံး ကြုံတွေ့မှုတိုင်းက မင်းတို့ရဲ့စိတ်ပိုင်းဆိုင်ရာ ရုပ်ပိုင်းဆိုင်ရာရော သန်မာဖို့ ဖြစ်တည်လာတယ်ဆိုတာအမြဲတွေးထားပါ။

မနေ့ကတိုင်းမှာ ဖြစ်တဲ့ကိစ္စတွေ အတိတ်တိုင်းမှာဖြစ်တဲ့ကိစ္စတွေက မင်းအတွက် ဘာတွေတိုးတတ်လာစေခဲ့သလဲ သတိထားမိရဲ့လား။ သတိမထားမိရင် အချိန်ပေးပြီးတွေးကြည့်ဖို့လိုနေပြီနော်။ ဒါပေမဲ့ အခုချိန်ထိ ကောင်းကောင်းမွန်မွန် ဖြတ်ကျော်လာနိုင်ပြီး ကောင်းကောင်းမွန်မွန်ဖြစ်တည်လာလို့ ၀မ်းသာပါတယ်။

အတိတ်မှာဖြစ်ခဲ့အရာတွေကိုလွှတ်ချလိုက်ပါနော်။မလွှတ်ချနိုင်ရင်လည်းတစ်ဖြည်းဖြည်းလွှတ်ချနိုင်ဖို့သင်ယူရမယ်။ပျော်ရွှင်စရာတွေကို အနာဂါတ်တွေ မနက်ဖြန်တိုင်းအတွက် အမှတ်တရတစ်ခုအနေနဲ့သယ်ဆောင်ပြီး မကောင်းမွန်တဲ့အရာတွေကိုတော့ အမှိုက်တစ်ခုလိုလွှတ်ပစ်ပါ။

အမှိုက်ကကြီးမားနေရင်တော့ ဖြည်းဖြည်းချင်းလွှတ်ပစ်ရမှာပေါ့။ ပင်ပန်းသမျှတွေကို ဒီနေ့လအစမှာ လုံး၀ healingယူပြီး နားပစ်လိုက်ပါ။

October လမှာလဲ မင်းတို့အတွက် ကံကောင်းခြင်းတွေ စောင့်ကြိုနေတာကိုမမေ့ပါနဲ့။ကိုယ်နဲ့ထိုက်တန်တဲ့အရာတွေကိုလက်ခံပြီး ဖြစ်ပေါ်လာတဲ့ကိစ္စတိုင်းကိုကျေးဇူးတင်ပါ။

😍မနေ့ကအထိ ကြိုးစားပြီးရှင်သန်လာတဲ့မင်းကိုမင်းကျေးဇူးတင်ပါ။

😍 မနေ့ကအထိ မင်းရဲ့ဘေးနားမှာအတူဖြတ်ကျော်လာခဲ့တဲ့ အတူတည်ရှိနေတဲ့ချစ်ရသူတွေကိုကျေးဇူးတင်ပါ။

😍အရာအားလုံးအတွက်Universeကိုကျေးဇူးတင်ပါ။

😍သက်ရှိသက်မဲ့အားလုံးကိုကျေးဇူးတင်ပါ။

မနေ့ကအထိ ပင်ပန်းခဲ့ရတဲ့ပင်ပန်းမှုတွေကို သဘာ၀တရားနဲ့ထိတွေ့ပြီး healingယူပါ။

အေးချမ်းခြင်း ကံကောင်းခြင်းတွေကိုလက်ခံပြီး Octoberလကိုဖြတ်ကျော်ကြရအောင်။

K & YNO စတင်ခဲ့တဲ့ အချိန်မှစပြီး ယခုအချိန်တိုင်အောင် ကျွန်မတို့ Company ကို အားပေးကူညီခဲ့ကြသော Loyal Customers များကို ကျေးဇူးအထူး တင်ရှိပါတယ်ရှင် 😍

Yin Nway Oo

ဆက်သွယ်ရန်..

☎️ - 09 260 699 810

🏠- Pyin Oo Lwin.

K & YNO Company Limited

24/10/2025

22/10/2025

20/10/2025

19/10/2025

15/10/2025

11/10/2025

10/10/2025

10/10/2025

09/10/2025

06/10/2025

04/10/2025

01/10/2025

Address

Telephone

Website

Alerts

Contact The Practice

Shortcuts

Share

Category