အရိုး၊အကြော၊အဆစ် နှင့် ပြန်လည်သန်စွမ်းရေး - Physiotherapy

20/04/2023

#သင့်ခါးဘာကြောင့်နာရသလဲ ?

ခါးနာရခြင်း အကြောင်းအရင်းများစွားရှိတဲ့ အနက်
အဖြစ်များသော ခါးနာခြင်း အကြောင်းအရင်းများမှာ

1. Muscle Strain and Sprain
ကြွက်သားဒဏ်ဖြစ်ပြီးနာကျင်ခြင်း
ကျောအောင့် ကျောနာခြင်းသည် တစ်သျူးတွင် အနာတရ ဖြစ်ခြင်းပဲ ဖြစ်ပါတယ်။ အဓိကအားဖြင့် အပေါ်ယံ ကြွက်သား အရွတ်လေးများမှာ ထိခိုက်ဒဏ်ရာ ရခြင်းပဲဖြစ်ပါတယ်။ မိမိတို့၏ နိစ္စဒူဝ အလုပ်များ လုပ်ရင်းလည်းကောင်း ၊ ရုပ်တစ်ရက် ထိခိုက်မှု့တို့ကြောင့်လည်း ဖြစ်ပေါ်တတ်သည်။

2. Lumber Spondylosisခါးကျီးပေါင်းဖြစ်ခြင်း။
ခါးကျီးပေါင်းဖြစ်ခြင်းသည်း ခါးရိုးဆစ်လေးတွေမှာ အရိုးအဆစ်လေးများ ပုံသဏ္ဌာန်မမှန်ဖြစ်ပေါ်လာခြင်းပဲ ဖြစ်ပါတယ်။ ခါးကျီးပေါင်း ဖြစ်ခြင်းကြောင့် ခါးကြွက်သားလေးများ ရောင်ရမ်းခြင်း၊ ခါးအာရုံကြောလေးများ ရောင်ရမ်းသည်အထိ ဖြစ်ပေါ်တတ်သည်။

3.A Herniated Disc ခါးရိုးဆစ်ချပ်ပြားဝိုင်းလေးများကျွံခြင်း။
ခါးရိုးဆစ်လေးများ အတွင်းမှာ ဝါရှာကဲ့သော ခံထားသော ခါးရိုးဆစ်လေးများ ရှိသည်။ ခါးရိုးဆစ်အတွင်မှ ထိုချပ်ပြားဝိုင်းလေးများ ကျွံကျသောအခါ ခါးနာ ခါးအောင့်ခြင်း ဝေဒနာကို ခံစားရလေ့ရှိသည်။ ချပ်ပြားဝိုင်းလေးများကျွံကျခြင်းက ခါးအာရုံကြောလေးများကိုခည်း ဖိမိစေပါတယ်။ Sciatica Pain ဟုခေါ်သော တင်ပါးခွက် မှ ခြေသလုံးအထိ ဖြာထွက်နာကျင်ခြင်းကိုလည်း ဖြစ်ပေါ်စေသည်။

4.Trauma to the Spine
ကားအက်စီးဒင့် သို့ ခါးကို ကြီးကြီးမားမား ထိခိုက်မိသောအခါ ခါးအတွင်းရှိ အာရုံကြောမကြီးကို ထိခိုက်စေသည်။ ခါးအာရုံကြောမကြီးထိခိုက်မိပါက ခြေထောက်လှုပ်ရှားမှု့များအထိ ထိခိုက်စေနိုင်သောကြောင့် စောစီးစွာ စနစ်တကျ ကုသရန်လည်း လိုအပ်ပါသည်။

5.Osteoarthritis ခါးရိုးဆစ်လေးများ ယိုးယွင်းရောင်ရမ်းနာကျင်ခြင်း။
အသက်အရွယ် ကြီးလာတာနဲ့အမျှ ခါးနာဝေဒနာရဖို့ အခွင့်ရေး များလေးပဲ ဖြစ်ပါတယ်။ အသက်အရွက်အရ အရိုးအဆစ်တွင်းမှ အရည်များ ဆုံးရှုံးခြင်း၊ ခါးရိုးဆစ်ယိုယွင်းခြင်း၊ ချပ်ပြားဝိုင်းပျက်စီး ခြင်း စတာတွေကြောင့် ခါးနာဝေဒနာကို ခံစားရလေ့ရှိပါတယ်။

6.Compression Fracture အလေးချိန်ပိ၍ အရိုးကျိုးပဲ့ခြင်း။
ထိခိုက်မိ၍ သော်လည်းကောင်း ၊ Osteoporosis ဟုခေါ်သော အရိုးပွခြင်း အရိုးပါးခြင်းကြောင့်လည်းကြောင့် ခါးရိုးဆစ်လေးများ ပြားသောအခါ ခံစားရသော ခါးနာ ခြင်းတစ်မျိုးဘဲဖြစ်ပါတယ်။

7.Spinal Stenosis ကျောရိုး သွေးကြောဝကျဉ်းခြင်း။ ခါးပိုင်း ကျောရိုးပိုင်းတွင်း ယိုးယွင်းလာသော အခြေအနေ ရပ်များ ပြောင်းလဲမှုများကြောင့် ကျောရိုးပြွန်ကျဉ်းသွားရာမှ ဖြစ်ပေါ်လာသော ခါးနာခြင်းပဲ ဖြစ်ပါတယ်။ ကျောရိုး နဗ်ကြောမနှင့် အာရုံကြောကို ထိခိုက်စေသောကြောင့် တင်ပါးခွက် ခြေထောက်တို့အထိ နာကျင်စေပါတယ်။

8.Piriformis Syndrome
တင်ပါးခွက် တင်ပါးဆုံ ကြွက်သားရောင်ရမ်းနာကျင်ရာမှ ဖြစ်ပေါ်လာသော ခါးနာခြင်းပဲ ဖြစ်ပါတယ်။ ရောင်ရမ်းနေသော ကြွက်သားမှ အာရုံကြောလေးတွေကို ဖိမိတဲ့အခါ တင်ပါးခွက် ပေါင် ခြေသလုံးထိသွားသော အာရုံကြော နာ့ဗ်ကြောမကို ဖိမိသည်အထိ ဖြစ်စေပါတယ်။

credit.

31/03/2023

23/02/2023

ရောဂါ တစ်ခုဟာ အကြောင်းတရားတွေနဲ့ အများကြီးသက်ဆိုင်သလို မဖြစ်ခင်ထဲက ကြိုတင်သတိထား ကာကွယ်ခြင်းဟာလည်း အများကြီးကာကွယ်ပြီးသားဖြစ်ပါတယ်
#သတိထား ဆင်ခြင်နိုင်စေရန်

08/02/2023

လူတို့ကို ဒုက္ခပေးတတ်သော ဂေါက်ရောဂါ (gout)

📓📓 Gout ဆိုတာ အဆစ်ရောင်ခြင်း ( Arthritis) တစ်မျိုးဖြစ်ပြီး ဘာလက္ခဏာမှ ရေရေရာရာ မပြပဲ ညသန်းခေါင်လောက်မှာမှ အသည်းအသန် နာကျင်မှု ဝေဒနာကို ထပြီးခံစားရတဲ့ ပုံစံမျိုးပါ။ အများဆုံးဖြစ်တဲ့ နေရာတွေကတော့ ခြေမ ဖြစ်ပြီး အခြားသောအဆစ်များ၊ ဒူးဆစ်၊ ခြေကျင်းဝတ်၊ တံတောင်ဆစ်၊ လက်မ စတဲ့ နေရာတွေမှာလဲ ဖြစ်ပွားတတ်ပါတယ်။ Gout ရောဂါဟာ ယောကျာ်းတွေမှာ ပိုမိုအဖြစ်များပြီး သူရဲ့နာကျင်မှုဟာ အတော်လေးဆိုးဝါးပါတယ်။ (ဆွဲဖြဲသလိုခံစားရတယ်လို့ ဆိုပါတယ်)။

📕📕(၁) Gout ရောဂါက ဘာကြောင့်ဖြစ်တာလဲ။

အဓိကတရားခံကတော့ အကြောင်းအမျိုးမျိုးကြောင့် သွေးထဲမှာ ယူရစ်အက်စစ် (uric acid) များပြား လာခြင်းက Gout ရောဂါကို ဖြစ်စေပါတယ်။ Uric acid ကို ကျွန်တော်တို့ ကိုယ်ခန္ဒာကလဲ ထုတ်သလို အစားအသောက်ကလဲ ရရှိပါတယ်။ ပုံမှန်အားဖြင့် ကျွန်တော်တို့ ကိုယ်ခန္ဒာမှ ထုတ်လုပ်သော uric acid ကို ကျောက်ကပ်မှ ဆီးထဲကို စွန့်ထုတ်ပေးပါတယ်။ ဒါပေမယ့် အကြောင်းအမျိုးမျိုးကြောင့် သွေးထဲမှာ uric acid တွေ အလွန်များလာတဲ့ အခါမှတော့ ကျောက်ကပ်က မစွန့်ထုတ်ပေးနိုင်တော့ပဲ ယင်း uric acid များဟာ ကျောက်များ (crystal) များအဖြစ် အဆစ်တွေ၊ အရွတ်တွေမှာ အနည်ကျပြီး အလွန်တရာ ရောင်ရမ်းနာကျင် ခြင်းကို ခံစားရပါတော့တယ်။ Gout ရောဂါကို ဖြစ်ပွားစေတဲ့အရာများစွာရှိပေမယ့် ဘီယာအလွန် အကျွံသောက်သုံးသူများ၊ အဝလွန်သူများ၊ အစားကြူးသူများ၊ သွေးတိုးဆီးချိုရှိသူများ၊ မိဘမျိုးရိုးရှိသူတွေမှာ ပိုမိုဖြစ်ပွားလေ့ရှိပါတယ်။

📗📗(၂) ကျွန်တော်တို့ နေ့စဉ်စားနေတဲ့ ဘယ်အစားအသောက်တွေမှာ uric acid တွေ များစွာပါဝင်လဲ။

အသားများ၊၊ ကြက်သား၊ ဘဲသားများ၊ ပင်လယ်စာများ၊ အရက်ဘီယာ၊ အဆီများသော အစားအစာများ၊ အချို့သော အသီးအနှံများ (ဥပမာ မှို၊ ပဲတီစိမ်း၊ ဂေါ်ဖီပန်း၊ ဟင်းနုနွယ်၊ ငှက်ပျောသီး၊ ထောပတ်သီး၊ ပန်းသီး) စတဲ့ အသီးအနှံတွေမှာ purine ဆိုတဲ့ ဓာတ်ပါဝင်မှုနှုန်းမြင့်မားပြီး ဒီဓာတ်ကနေ uric acid ကို ဖြစ်ပွားစေ ပါတယ်။ ဒီလိုပြောလို့ ဒါတွေသာ ရှောင်ရင် ဘာမှစားစရာမရှိတော့ဘူးလို့ ပြောစရာရှိပါတယ်။ ပြောချင်တာက ရှောင်တာမဟုတ်ပဲ အတိုင်းအတာနဲ့ ဆင်ခြင်စားသုံးဖို့ဖြစ်ပါတယ်။

📘📘(၃) Gout ရောဂါလက္ခဏာတွေကဘာတွေလဲ။

• ညသန်းခေါင် (သို့) မနက်မိုးလင်းခါနီးမှာ အဆစ်တစ်ခုခုမှ ရုတ်တရက် အလွန်တရာ ကိုက်ခဲနာ ကျင်ခြင်း
• နာနေသည့် အဆစ်ကို ကြည့်လျှင် နီမြန်နေခြင်း၊ ကိုင်ကြည့်လျှင် အခြားနေရာထက်နွေးနေခြင်း
• လှုပ်ရှားရန်ခက်ခဲခြင်း စတာတွေကတော့ Gout ရောဂါမှာ တွေ့ရအများဆုံး လက္ခဏာတွေ ပဲဖြစ်ပါတယ်။

📒📒(၄) Gout ရောဂါရှိပြီလို့ ဘယ်အချိန်မှာ သတ်မှတ်မလဲ။

Gout ရောဂါကတော့ အများအားဖြင့် ၃ ရက်ကနေ ၁၀ ရက်ကြာရင် Gouty attack လို့ခေါ်တဲ့ နာကျင်မှု ဝေဒနာကတော့ သက်သာသွားလေ့ရှိပါတယ်။ နောက်အချိန်တစ်ခုကြာမှ ပြန်ဖြစ်တာပေါ့လေ။ ဒါပေမယ့် နောက်တစ်ခါ နာကျင်မှု လျော့နည်းအောင်၊ နောက်ဆက်တွဲပြဿနာတွေ မဖြစ်အောင် ဆရာဝန်နဲ့ ပြသင့်ပြီး အောက်ပါတို့ကို စစ်ဆေးသင့်ပါတယ်။

🚩(၁) Joint fluid test - နာကျင်ရောင်ရမ်းနေသော အဆစ်အတွင်းမှ အရည်ကို အပ်နဲ့စုတ်ပြီး စမ်းသပ်စစ်ဆေး ကာ ကျောက်များ (crystal) ပါမပါ ကြည့်ခြင်းဖြစ်ပါတယ်။
🚩(၂) Blood test - သွေးဖောက်ပြီး သွေးတွင်း uric acid ကို စစ်ဆေးတာဖြစ်ပါတယ်။ ဒါပေမယ့် သွေးထဲမှာ uric acid်များနေတာနဲ့ gout လို့ သတ်မှတ်လို့တော့မရသေးပါဘူး။
🚩(၃) X ray - အဆစ်တွေကို ဓာတ်မှန်ရိုက်ကြည့်ခြင်းဖြင့် ပုံမှန်မဟုတ်သော ပြောင်းလဲမှု တွေကို ကြည့်ရှုလို့ရပါတယ်။

📖📖(၅) Gout ရောဂါ မဖြစ်အောင် ဘယ်လို ကာကွယ်ရမလဲ။

အရက်ဘီယာ လျော့သောက်ခြင်း၊ uric acid များစေသော အစားအစာများကို ရှောင်ကြဉ်ခြင်း၊ အဆီနည်းသော အစားအစာများကိုသာ စားသုံးခြင်း၊ ကိုယ်လက်လှုပ်ရှားမှု ပုံမှန်ပြုလုပ်ခြင်း စတာတွေပြုလုပ်ခြင်းဖြင့် Gout ရောဂါ မဖြစ်ပွားအောင် ကာကွယ်နိုင်ပါတယ်။

ထပ်ဆောင်းအနေနဲ့ ပြောချင်တာကတော့ gout ရောဂါဟာ အနာသက်သာအောင် လုပ်လို့ရရုံသာ မက ကုသနိုင်တဲ့ ရောဂါ၊ ဆေးနဲ့ ထိန်းထားလို့ရတဲ့ ရောဂါဖြစ်တာကြောင့် အရမ်းမဆိုးဝါးခင် ကုသမှု ခံယူဖို့ တိုက်တွန်းပါတယ်။ Gout ရောဂါကို မကုသပဲ ထားရင် ၁၀ နှစ်ကျော်ကြာတဲ့ အခါမှာ Chronic tophaceous gout အဖြစ်ပြောင်းလဲ သွားနိုင်ပါတယ်။ ဒီအမျိုးအစားမှာဆိုရင်တော့ tophi လို့ခေါ်တဲ့ မာကြောသော အတက်အလက်တွေဟာ သင့်အဆစ်အမြစ်တွေ၊ အရေပြားနဲ့ တစ်ရှူးတွေကြားမှာ ကြီးထွားလာကာ အဆိုပါ အဆစ်ဟာ ရာသက်ပန် ဆုံးရှုံးသွားနိုင်ပါတယ်။

27/01/2023

Sciatica pain (​ခါးနာခြင်းနှင့် ပေါင်တန်းနာ) အကြောင်း

Sciatic nerve ဟာ လူ့ခန္ဓာကိုယ်​မှာ အကြီးဆုံး
အာရုံ​ကြော ဖြစ်​ပါတယ်​။ ၎င်းအာရုံ​ကြောဟာ ခါးဆစ်​ရိုး L4-L5 ​နေရာက စထွက်​ပြီး တင်​ပခွက်​နဲ့ ​ပေါင်​​နောက်​
တ​လျှောက်​မှ ဒူးဆစ်​အ​နောက်​တ​လျှောက်​ supply လုပ်​​ပေးပါတယ်​။
ဒါကြောင့် ခါးရိုးအတက်​ထွက်​သူ၊ ခါးဆစ်​ပြားကျွံသူ နဲ့ ခါးဆစ်​ရိုးကျဉ်​းသွားတဲ့သူ​တွေမှာ sciatica pain (​ပေါင်​တန်​းနာ) ရတတ်​ပါတယ်​။

လက္ခဏာ ​တွေက​တော့ ​ခြေ​ထောက်​တ​ချောင်​း ထုံတာ ကျဉ်​တာ နာတာ ဖြစ်​ပါတယ်​။

အသက်​အရွယ်​ကြီးသူ၊ အဝလွန်​သူ၊ အထိုင်​များတဲ့
အ​လေ့အကျင်​့ရှိသူ နဲ့ ဆီးချိုရှိတဲ့သူ​တွေမှာ ဖြစ်​နိုင်​ပါ
တယ်​။ အချိန်​ကြာမြင်​့စွာထိုင်​ရတဲ့အလုပ်​မျိုး လုပ်​ရသူ (ဥပမာ- စာရင်​းတွက်​ရသူ၊ ကား​မောင်​းသမား) ​တွေမှာ ခန္ဓာကိုယ်​ပုံစံအ​နေအထားမှားယွင်​းမှု​ကြောင်​့ ခါးနာရာမှတဆင်​့ sciatica pain (​ပေါင်​တန်​းနာ) ရတတ်​ပါတယ်​။

​နောက်​ဆက်​တွဲပြသနာများ

ခါးနာပြီး sciatica pain ရ​နေတဲ့သူ​တွေဟာ ​ရောဂါကို​သေချာမကုသဖြစ်​ပါက ​နောက်​ဆက်
တွဲဆိုးကျိုးများစွာကိုခံစားတတ်​ရပါတယ်​။
-တချို့​သောသူ​တွေမှာ ​ခြေ​ထောက်​တ​လျှောက်​လုံးကို​ထောက်​ပံ့​ပေးထားတဲ့ sciatic nerve အာရုံ​ကြော ဖိမိတဲ့ (သို့) ပျက်​စီးတဲ့​နေရာ​ပေါ်မူတည်​ပြီး ​ခြေ​ထောက်​ရှိ
ကြွက်​သားများအားနည်​းတတ်​ပါတယ်​။ များ​သောအားဖြင်​့ ​ခြေကျင်​းဝတ်​​မ​ကော့နိုင်​ခြင်​း၊ ​ခြေမ မ​ကော့နိုင်​ခြင်​းစသည်​့ ကြွက်​သားများလှုပ်​ရှားမှုအားနည်​းနိုင်​ပါတယ်​။
-လမ်​း​လျှောက်​တဲ့​နေရာမှာအ​ရေးကြီးတဲ့ကြွက်​သား​တွေအားနည်​းသွားပါက ​ခြေ​ထောက်​ကြွလမ်​းမ​လျှောက်​နိုင်​​တော့ဘဲ ​ခြေတရွတ်​ဆွဲ​သွားတတ်​ပါတယ်​။
-တချို့​သောသူ​တွေမှာ​တော့ ဆီးဝမ်​းထိန်​းတဲ့ကြွက်​သား​တွေပါ အားနည်​းသွားတတ်​ပါတယ်​။

Physiotherapy treatment

- ပုံမှန် ဂရုတစိုက် ကုသမှုခံယူပြီး အ​ကြောအဆစ်​
ကျွမ်​းကျင်​ပညာရှင်​ (Physiotherapist) နှင့်ပြသ၍
လိုအပ်တဲ့ ခါးကြွက်​သားလေ့ကျင့်ခန်းများ၊ ​ပေါင်​နောက်​ကြွက်​​သားများဆွဲဆန်​့​သော​လေ့ကျင်​့ခန်​းများ၊ အ​နေအထိုင်​ပုံစံ ​ဆောင်​ရန်​​ရှောင်​ရန်​များဖြင်​့ကုသနိုင်​ပါ
တယ်​။
- ​ခြေ​ထောက်​ကြွက်​သားအားနည်​းသူများအတွက်​လည်​း Electrical Stimulation စက်ဖြင့် ကြွက်ကြွက်သားများပြန်လည်သန်စွမ်းလာ စေရန် ​ကုသနိုင်​ပါတယ်​။

Crd #နိုင်သုခ အကြောအဆစ် ဆေးခန်း

18/01/2023

#အိပ်ယာပေါ်မှာမလှုပ်မယှက်ကြာရှည်စွာနေရသူများသတိပြုရန်
အခု ပြောပြမယ့်အကြောင်းအရာကတော့
👤 အခြေအနေအရပ်ရပ်ကြောင့် အချိန်အတော်ကြာ မလှုပ်ရှားဘဲ နေရတဲ့သူတွေ၊ ဥပမာ- ခွဲစိတ်မှုကြောင့်သော်လည်းကောင်း၊ ထိခိုက်မှုကြောင့်သော်လည်းကောင်း အချိန်ကြာ အိပ်ရာထဲ လဲနေသူတွေ စသည်တို့မှာ ဖြစ်တတ်တဲ့ ရောဂါတစ်ခုကိုပြောပြပေးပါမယ်။
သွေးပြန်ကြောထဲမှာ သွေးခဲပိတ်ခြင်း (Deep Vein Thrombosis) ဖြစ်ပါတယ်။
သွေးပြန်ကြော (Veins)မှာ အရေပြားနဲ့နီးတဲ့ သွေးပြန်ကြော (Superficial Veins)၊ ခန္ဓာကိုယ် အတွင်းပိုင်းသွေး‌ပြန်ကြော (Deep Veins) ဆိုပြီး နှစ်မျိုး ခွဲခြားတယ်။ ဒါကြောင့် သွေးပြန်ကြောရောဂါ (Disease of veins) မှာလည်း
1️⃣ Superficial Venous Thrombosis (phlebitis or thrombophlebitis)
2️⃣ Deep Venous Thrombosis ဆိုပြီး နှစ်မျိုးရှိလာတယ်။

❓အတွင်းပိုင်း သွေးပြန်ကြော သွေးခဲခြင်း (Deep Vein Thrombosis)က ဘာလဲ။
🅰️ နာမည်အတိုင်းပဲ သွေးပြန်ကြောထဲမှာ သွေးခဲလေးဖြစ်လာပြီး ပိတ်စို့တာပေါ့။ အများအားဖြင့် ခြေထောက် (ခြေသလုံး) သွေးပြန်ကြောမှာ အဖြစ်များတယ်။

❓ ဘယ်လိုကြောင့် သွေးခဲဖြစ်လဲ။
🅰️ အလွယ်ရှင်းပြရရင် ရေပိုက်လိုပေါ့၊ ရေစီးကြောင်းမကောင်းရင် အနည်ထိုင်သလိုပဲ၊ သွေးပြန်ကြောမှာ သွေးတွေ စီးဆင်းမှုနှောင့်နှေးစေလာရင် ‌အနည်ထိုင်ပြီး သွေးခဲဖြစ်လာတတ်တယ်။ ထိခိုက်မှုကြောင့် သွေးကြောနံရံပျက်စီးရင်လည်း သွေးခဲဖြစ်တတ်တယ်။ သွေးခဲတဲ့နှုန်းမြန်တာ(hypercoagulability)ကြောင့်လည်း ဖြစ်တတ်တယ်။ ဒါတင်မကသေးဘူး၊ အခြားထည့်စဉ်းစားရတဲ့ အချက်တွေလည်းကျန်သေးတယ်။ အကြမ်းဖျင်းတော့ ‌လှုပ်ရှားမှုမရှိရင် DVT ဖြစ်နိုင်ချေများတယ်။
🍁 ခြေသလုံးဆိုတာ Second Heart (ဒုတိယ နှလုံး) လို့ခေါ်ဆိုနိုင်တယ်။ ခြေထောက်မှာ ရှိတဲ့ သွေးတွေကို နှလုံးဆီ ပို့ဆောင်ဖို့ရာ ခြေသလုံးကြွက်သားတွေက ညစ်ပေးရတယ်။ ကြွက်သားတွေ အလုပ်လုပ်တဲ့အခါ သွေးကြော (သွေးပြန်ကြော)အတွင်းမှာရှိတဲ့ အဆို့ရှင် (valve)က ပွင့်ပြီး အထက်ကို သွေးတွေဆန်တက်စေတယ်။
❗ခြေထောက်လှုပ်ရှားမှုမရှိဘူး၊ လမ်းမလျှောက်ဘူး၊ ပေါ့ပါးတဲ့ လေ့ကျင့်ခန်း မလုပ်ဘူးဆိုရင် ခြေသလုံးကြွက်သားဟာ နေမြဲအတိုင်း သူလည်း အလုပ်မလုပ်ပါဘူး။ အဲ့ဒါဆို သွေးပြန်ကြောတွင်းက အဆို့ရှင်ဟာလည်း လွတ်လပ်စွာ မပွင့်ပါဘူး။ ထိုအခါ သွေးစီးဆင်းမှု အရှိန်နည်းပြီး သွေးထဲမှာပါတဲ့ အရာလေးတွေဟာ အနည်ထိုင်ရင်း များပြားလာတဲ့အခါ အခဲဖြစ်လာတော့တယ်။
(ခြေထောက်မှာ ဖြစ်တတ်တဲ့ DVTကိုသာ နမူနာပြ ရေးသားထားခြင်းဖြစ်ပါသည်။)

❓ ဘယ်အရာတွေက DVT ဖြစ်ဖို့ အားပေးသေးလဲ။
🅰️ Constitutional Factors (ကိုယ်လက် ကြံ့ခိုင်မှုနဲ့ဆိုင်သော အချက်များ- အဝလွန်သူ‌တွေ၊ ကိုယ်ဝန်ရှိသူတွေ၊ အသက်ရွယ်ကြီးတဲ့သူတွေ၊ ခွဲစိတ်ပြီးတဲ့သူတွေ စတာတွေ) နဲ့လည်းသက်ဆိုင်ပါတယ်။ ဆေးလိပ်သောက်သူတွေ (စီးကရက်က သွေးစီးဆင်းမှုကို နှေးစေ)၊ ဆီးချိုရှိသူတွေ၊ သွေးတိုးရှိသူ၊ ကင်ဆာသမားများနှင့် ကင်ဆာကုထုံးခံယူနေသူများ၊ နှလုံးရောဂါရှိသူ‌၊ မွေးရာပါ သွေးခဲခြင်းရောဂါရှိသူတွေ၊ တားဆေးကဲ့သို့ ဟော်မုန်းဆေးသောက်သူတွေ စသည့် လူများမှာ DVTသတိထားသင့်တယ်။ (ဖော်ပြပါ အချက်များနဲ့ DVTဖြစ်နိုင်သည်ကို ထည့်သွင်း စဉ်းစားရသည်။)

❓သွေးပြန်ကြောတွင်း သွေးခဲခြင်း(Deep Venous Thrombosis)က အန္တရာယ်ရှိလား။
🅰️ အလွန်ပဲ အန္တရာယ်ရှိပါတယ်။ သွေးကြောနဲ့ဆိုင်တဲ့ ရောဂါတွေထဲမှာ တတိယမြောက် သေနှုန်းအဆင့်ရှိတယ်။ DVTကြောင့် သေစေတာတော့ မဟုတ်ဘဲ နောက်ဆက်တွဲ ရောဂါက ပိုကြောက်စရာကောင်းတာပဲဖြစ်တယ်။
🍁 သွေးပြန်ကြောတွင်း သွေးခဲလေးက တွယ်ကပ်နေရာမှ ပြုတ်ထွက်သွားပြီး သွေးကြောတလျှောက် စီးဆင်းသွားရင်း ‌အဆုတ်ရဲ့ သွေးကြောမှာ ပိတ်ရင် 'အဆုတ်ရဲ့သွေးကြော သွေးခဲပိတ်ခြင်း' (Pulmonary Embolism)ဖြစ်ကာ အရေးပေါ်အခြေအနေနဲ့ကြုံရနိုင်ပါတယ်။
🍁 Pulmonary Embolism ကြောင့် United Statesမှာ နှစ်စဉ် လူပေါင်း (၃၀၀,၀၀၀)လောက် သေဆုံးကြပါတယ်။

❓ DVT ရဲ့ လက္ခဏာတွေက ဘာလဲ။
🅰️ မလှုပ်ရှားတာ ကြာတဲ့အခါ ခြေ‌ထောက်မှာ (70% )သော လူနာတွေသည် ယောင်‌နေမယ်၊ တင်းနေမယ်။ (50%)သော လူနာတွေမှာ နာတာကိုခံစားရမယ်။ အ‌ရေပြားမှာ နီတာကို‌တွေ့ရနိုင်တယ်။ စမ်းကြည့်ရင် ပူနေတာမျိုး ရှိမယ်။ ခြေကျင်းဝတ် ကော့မိတဲ့အခါ ပိုပြီး နာတတ်တယ်။ နှလုံးခုန်မြန်တာ၊ မကြာခဏဖျားတာ၊ အသက်ရှူကြပ်တာ၊ ရှော့ခ်ရတာမျိုးလည်း သတိထားသင့်တယ်။
❗တစ်ခါတရံ ဘာလက္ခဏာမှ မပြဘဲနဲ့လည်း မလှုပ်ရှားတာကြာနေတဲ့အခါ DVTရှိနေနိုင်ပါတယ်။
❗ခြေထောက်နှစ်ဖက်လုံး DVT ဖြစ်နိုင်ချေရှိသော်လည်း တစ်ဖက်တည်းတွင်ဖြစ်တာပိုများတယ်။

❓ သွေးပြန်ကြောတွင်း သွေးခဲတာ(DVT) သံသယရှိပြီဆိုရင် ဘယ်လိုလုပ်ရမလဲ။
🅰️ DVT သံသယရှိတယ်ဆိုရင် သေချာအောင်
➡️ Contrast Venogram
➡️ Doppler probe
➡️ Impedance plethysmography စတာတွေနဲ့ စစ်ဆေးလို့ရပါတယ်။

➡️Wells Clinical Prediction Rule လို့ခေါ်တဲ့ diagnostic tool ကိုသုံးပြီးလည်း စစ်ဆေးနိုင်တယ်။

🏅 Prevention is better than cure (ကာကွယ်ခြင်းသည် ကုသခြင်းထက်ပို၍ ကောင်းသည်) ဆိုတဲ့ စကားအတိုင်း DVTဆိုတာ မဖြစ်အောင် ကာကွယ်ဖို့က ကုသခြင်းထက် ပိုပြီးစိတ်ချရပါတယ်။🏅

⭕ ကာကွယ်ရမယ့် နည်းလမ်းတွေက (အထူးသဖြင့် အိပ်ရာပေါ်မှာ အကြောင်းတစ်ခုခု‌ကြောင့်ဖြစ်စေ (သို့) ထိခိုက်မိ၍ဖြစ်စေ မလှုပ်ရှားဘဲ ကြာကြာနေရသူတွေ)-
⏩ ခြေထောက်ရှိရာ ကုတင်အစွန်းကို ခေါင်းအုံးများနဲ့သော်လည်းကောင်း နှလုံးlevel ထက် မြှင့်ထားပေးရပါမယ်။
⏩ အပေါ့စားလေ့ကျင့်ခန်းတွေဖြစ်တဲ့ ခြေချောင်း၊ ခြေကျင်းဝတ်အစရှိတဲ့ လေ့ကျင့်ခန်းတွေကို ကိုယ်တိုင်ဖြစ်စေ၊ ကိုယ်တိုင်မလုပ်နိုင်ရင် ဘေးလူကဖြစ်စေ လုပ်ပေးရပါတယ်။ (လေ့ကျင့်ခန်းများကို Physiotherapistများထံတွင် စနစ်တကျ သင်ယူပါ။)
⏩ Thrombo-embolic deterrent (TED) Stockings ကိုတော့ ခွဲစိတ်ပြီးလို့ ကုတင်မှာနေရဦးမယ့်သူတွေ ဝတ်ဆင်သင့်ပါတယ်။
⏩ Compression Stockings ကိုတော့ မတ်တပ်ရပ်နိုင်ပြီး အနည်းငယ်လှုပ်ရှားနိုင်သူတွေ DVTမဖြစ်အောင် ကာကွယ်တဲ့အနေနဲ့ ဝတ်ဆင်သင့်ပါတယ်။
⏩ လမ်းလျှောက်နိုင်တဲ့သူများကတော့ ကုတင်မှာ အနေမကြာဘဲ စောစော လမ်းလျှောက်သင့်ပါတယ်။ ကြွက်သားများလှုပ်ရှားမှုရှိတဲ့အခါ သွေးလည်ပတ်မှုကောင်းပြီး သွေးပြန်ကြောတွင်း သွေးခဲတာကို ကာကွယ်နိုင်တယ်။

⭕ Travel-related DVT လို့ ခေါ်တဲ့ ခရီးအဝေးကို ကား၊ လေယာဉ်၊ ရထားတို့နဲ့ သွားတဲ့အခါ နာရီနဲ့ချီပြီး အချိန်ကြာ ထိုင်ရသူတွေမှာလည်း DVTသတိထားသင့်တယ်။ မလှုပ်ရှားတာ ကြာရင် သွေးစီးဆင်းမှုနှေးတာရယ်၊ DVTကို အားပေးတဲ့ အချက်တွေ မိမိမှာရှိနေတာရယ် ကြုံကြိုက်မိတာမျိုးဖြစ်တတ်ပါတယ်။ ဒါကြောင့်..
⏩ခရီးဝေးသွားသူတွေအနေနဲ့ တင်းကြပ်တဲ့ အဝတ်များ မဝတ်သင့်ပါ။
⏩ ခြေထောက်လေ့ကျင့်ခန်းကို အလျင်းသင့်သလို လုပ်ပါ။
⏩ Stockings ဝတ်သင့်ရင် ဝတ်ပါ။
⏩ အခွင့်ရရင် မကြာမကြာ လမ်းလျှောက်ပါ။
⏩ ရေလုံလုံ‌လောက်လောက် သောက်ပါ။

⭕ လူနာမဟုတ်ဘဲ ပုံမှန်လူတွေအတွက် ကာကွယ်ရမယ့် နည်းလမ်းတွေက-
⏩ တစ်နေရာထဲမှာ အချိန်ကြာကြာ ထိုင်တာကို ရှောင်ပါ။
⏩ ဆေးလိပ်ဖြတ်ပါ။
⏩ ဝိတ်လျှော့ပါ။
⏩ ဆီးချို၊ သွေးတိုးထိန်းပါ။
⏩ ကိုယ်လက် လေ့ကျင့်ခန်းပုံမှန် ပြုလုပ်ပါ။

👨🏻‍⚕️Deep Vein Thrombosisလို့ခေါ်တဲ့ သွေးပြန်ကြောတွင်း သွေးခဲခြင်းက ကြောက်စရာကောင်းတဲ့ နောက်ဆက်တွဲ ရောဂါတွေကို ဖြစ်စေတာကြောင့် ကြိုတင်ကာကွယ်တာက အကောင်းဆုံးပါပဲ။
👨🏻‍⚕️ အကယ်၍ DVTဖြစ်ခဲ့ပြီဆိုရင်လည်း အလွန်အကျွံ စိုးရိမ်စရာတော့ မလိုပါဘူး။ တတ်ကျွမ်းတဲ့ ဆရာဝန်များ၊ Physiotherapistများ၊ ပညာရှင်များရဲ့ လမ်းညွှန်ချက်နှင့် ကုသမှုတွေကို စနစ်တကျလိုက်နာမယ်၊ ခံယူမယ်ဆိုရင်တော့ ‌ပျောက်ကင်းမှာ အသေအချာပါပဲ။
👨🏻‍⚕️ အထက်ဖော်ပြပါ လက္ခဏာတွေကို ဖတ်ရှုမိပြီး DVT သံသယရှိရင် နှိပ်ခြင်း(massage)ကဲ့သို့သော သွေးကြောတွင်း တွယ်ကပ်နေတဲ့ သွေးခဲပြုတ်ထွက်သွားစေတဲ့ မည်သည့်အရာကိုမှ မပြုလုပ်သင့်ပါဘူး။ နီးစပ်ရာ ဆေးရုံ၊ ဆေးခန်းကို အချိန်မီ ပြသရပါမယ်။

ဒီနေ့ရဲ့ Awareness topicမှာ မှတ်သားစရာကောင်းတဲ့ သွေးပြန်ကြောတွင်း သွေးခဲခြင်း နှင့် ပတ်သက်လို့ ဗဟုသုတရမယ်ထင်ပါတယ်။ မိမိအနေနဲ့ ထိုသို့လက္ခဏာမျိုး မကြုံရသော်လည်း နီးစပ်ရာများ၊ ဆွေမျိုးများ ဆေးရုံမှာ၊ အိပ်ရာထဲမှာ အတန်ကြာ လဲလျောင်းနေတာရှိခဲ့ရင် DVTအကြောင်း ဆောင်ရန်၊ ရှောင်ရန်များကို လက်ဆင့်ကမ်းပေးမယ်ဆို Pageအနေနဲ့ မျှဝေရကျိုးလည်း နပ်ပါတယ်။

နောက်Topicတွေမှာ သိသင့်တာတွေ ဝေမျှပေးသွားဦးမှာမို့လို့ Pageကို Like and share လုပ်ထားပေးကြပါဦးနော်🙌

💢စာများကို ပြန်ကူးတင်တာမျိုးထက် မူရင်း post ကိုသာ share လုပ်စေချင်ပါတယ်။ ကူးယူတဲ့အခါလည်း မူလစာများကို မ‌ဖြတ်တောက်ဖို့နှင့် Page၏ နာမည်ကို creditပေးဖို့ လိုအပ်ပါတယ်။💢

👪ကောင်းမွန်တဲ့လူနေမှုဘဝကို ပိုင်ဆိုင်ဖို့ Physiotherapist များနဲ့ စောစီးစွာ တိုင်ပင်ကြပါစို့👪

⚕️Consult with a Physiotherapist if you need to promote your health⚕️

Thank you🍀
Crd : Physiotherapy Care & Consultation

16/01/2023

ခြေဖဝါး ခြေဖနောင့် နာတတ်သူများ အတွက်

❓ခြေဖဝါးနာတာ ဘာကြောင့်လဲ။
🅰️ ခြေဖဝါးနာရင် အဖြစ်များတာ (၂)မျိုးရှိပါတယ်။ ခြေဖဝါး အရွတ်ပြားယောင်တာ (plantar fasciitis) နှင့် ဖနောင့်အတက်ထွက်တာ (calcaneal spur) တို့ဖြစ်ပါတယ်။ လမ်းလျှောက်တဲ့အခါ ဖနောင့်နားမှာ နာတတ်ပါတယ်။

❓Plantar fasciitis ဆိုတာ ဘာလဲ။
🅰️ ခြေဖဝါးမှာ ခြေချောင်းလေးတွေကနေ အပြားလိုက်ရှိနေတဲ့ အရွတ်ပြားဟာ ခြေဖနောင့်နားမှာ တွယ်ဆက်ပါတယ်။ ထိုအရွတ်ပြားအပေါ်သို့ ခန္ဓာကိုယ်တစ်ခုလုံးရဲ့အလေးချိန်နှင့် ထိန်းထားနိုင်တဲ့ပမာဏကိုကျော်သော အလေးချိန်မျိုးပိမိတာကြာလာရင် အရွတ်ပြားယောင်လာတတ်ပါတယ်။ ဖနောင့်နာတာ၊ ခြေဖဝါးနာတာမျိုးခံစားရစေပါတယ်။ အသက်အရွယ်မရွေးဖြစ်တတ်ပြီး
✳️ဝတဲ့သူတွေ၊
✳️အမျိုးသမီးတွေ (ဒေါက်ဖိနပ်အမြင့်စီးခြင်း၊ ဖိနပ်အမာစီးခြင်း)၊
✳️ကိုယ်ဝန်ဆောင်အမျိုးသမီးတွေ၊
✳️လမ်းလျှောက်များသူတွေ၊
✳️မတ်တပ်အရပ်ကြာသူတွေ၊
✳️ခြေဖဝါးမျက်နှာပြင်ပြားသူတွေ၊
✳️အားကစားလုပ်သူတွေ (ပြေးခြင်း၊ ခုန်ခြင်း) စသည်တို့တွင်လည်း ခြေဖဝါးအရွတ်ယောင်တာ‌မျိုးဖြစ်ကြပါတယ်။

❓ဖနောင့်အတက်ထွက်ခြင်း (Calcaneal Spur) ဆိုတာကရော ဘာလဲ။
🅰️ အရွတ်ပြားယောင်တာကြာရှည်လာတဲ့အခါ အရွတ်ပြားဟာ ဖနောင့်ရိုးနဲ့တွယ်ဆက်ထားတဲ့နေရာမှာပြဲလာ၊ပါးလာတာမျိုးဖြစ်ရာကနေ ထိုနေရာကို အရိုးအမှုန်လေးတွေ အစားထိုးစုပုံလာတယ်။ စုပုံလာတာများလာတဲ့အခါ အရိုးအသေးလေးပုံစံက ဖနောင့်ရိုးမှာထင်ထင်ရှားရှား ပေါ်လာတော့တယ်။ အဲ့ဒါကို ဖနောင့်မှာ အတက်ထွက်တယ်လို့ခေါ်ပါတယ်။ အတက်ထွက်နေတဲ့နေရာတည့်တည့်ကို လက်နဲ့ဖိကြည့်လိုက်ရင် ဆူးအောင့်ပြီး နာတာမျိုး ခံစားရပါတယ်။ လမ်းလျှောက်တဲ့အခါ အတက်ပေါ်ကို ခန္ဓာကိုယ်တစ်ခုလုံးရဲ့ အလေးချိန်ကျတာကြောင့် ဆူးပြီးအောင့်ကာ နာလာတယ်၊ ဒါဆို သေချာပါပြီ ဖနောင့်အတက်ထွက်တာပါ။

❓သက်သာအောင် ဘယ်လိုလုပ်လို့ရမလဲ။
🅰️ အကောင်းဆုံးနည်းလမ်းကတော့ ခြေဖဝါးမှာ နာလာပြီဆိုတာနဲ့
☑️နားပါ။ လမ်းလျှောက်တာ၊ မတ်တပ်အကြာကြီးရပ်တာကနေ အတတ်နိုင်ဆုံး နားပါ။
အကယ်၍ နားလို့ မရဘူးဆိုရင်
☑️စီးနေကျ ဖိနပ်ကို ပြောင်းပါ။ ကိုယ်စီးနေကျဖိနပ်က မျက်နှာပြင်မာမယ်၊ အမြင့်ဖြစ်နေမယ်စသည်တို့လိုဖိနပ်မျိုးကို မဝတ်ဆင်ဘဲ ပျော့တဲ့ဖိနပ်မျိုးကို ပြောင်းစီးပါ။
ဖိနပ်ပြောင်းစီးလို့ မရဘူးဆိုရင်
☑️ဖိနပ်မှာ တပ်ဆင်လို့ရတဲ့ ခြေဖဝါးအထောက်အကူပြုပစ္စည်းများနဲ့နေပါ။ ရှူးဖိနပ်တို့လို ဖိနပ်မျိုးနဲ့ဆို ပိုသင့်တော်ပါတယ်။ ဥပမာ ခြေဖဝါးအလယ်က အခွက်လေးကို ထောက်ပံ့ပေးသော ပစ္စည်း (Medial arch support)၊ ဖနောင့်အောက်မှာခံရတဲ့ စီလီကွန်လို ပစ္စည်း (soft heel pad) စသည်တို့ရှိပါတယ်။ ထိုပစ္စည်းတွေ အောက်မှာခံစီးတာကြောင့် လမ်းလျှောက်တဲ့အခါ၊ မတ်တပ်ရပ်တဲ့အခါ နာတာ တော်တော်သက်သာမှာပါ။

❓အခြား ဘာလုပ်လို့ရသေးလဲ။
🅰️ အိမ်တွင်းကုသမှုအနေနဲ့
☑️ခြေဖဝါးက နာခါစလည်းဖြစ်မယ်၊ ယောင်လည်းယောင်နေမယ်ဆိုရင် ရေခဲကပ်လို့ရပါတယ်။
☑️မယောင်လည်းမယောင်ဘူး၊ နာတာလည်း ကြာပြီဆိုရင်တော့ ‌ရေနွေးစိမ်ပေးလို့ရပါတယ်။ ရေနွေးစိမ်ထားရင်း လေ့ကျင့်ခန်းတွေ(Physiotherapist များသင်ပြသည့်အတိုင်း) လုပ်ရင် ပိုကောင်းပါတယ်။

❓ ဖီဆီအိုသရပီ ကုသမှုခံယူသင့်သလား။
🅰️ အပေါ်မှာပြောခဲ့တဲ့ နည်းလမ်းတွေအတိုင်း မသက်သာဘူး၊ မြန်မြန်လည်းသက်သာချင်တယ်ဆိုရင်တော့ ကုသမှုခံယူသင့်ပါတယ်။ Physiotherapist များက
✳️Electrotherapy(စက်ဖြင့်လေ့ကျင့်ကုသခြင်း)
✳️Exercise therapy (လေ့ကျင့်ခန်းကုထုံး)
✳️Advice (ဆောင်ရန်၊ ရှောင်ရန် အကြံဉာဏ်များ) စသည်တို့ ပေးစွမ်းနိုင်မှာဖြစ်ပါတယ်။

ဒီနေ့ရဲ့ Awareness topic မှာ ဖနောင့်နာတာနဲ့ ပတ်သက်ပြီး အနည်းအကျဉ်းတော့ သိလောက်ပါပြီ။ ဖနောင့်အတက်ထွက်ခြင်းက နောက်အကြိမ်ကြိမ်ပြန်ဖြစ်၊ ပြန်နာနိုင်တဲ့အတွက် ခြေဖဝါးမှာ နာခြင်းတစ်စုံတစ်ရာ ခံစားရပြီဆိုတာနဲ့ မပေါ့ဆဘဲ သတိထားသင့်ပါတယ်။

👪ကောင်းမွန်တဲ့လူနေမှုဘဝကို ပိုင်ဆိုင်ဖို့ Physiotherapist များနဲ့ စောစီးစွာ တိုင်ပင်ကြပါစို့👪

⚕️Consult with a Physiotherapist if you need to promote your health⚕️

Thank you🍀
Physiotherapy Care & Consultation

12/01/2023

🧑‍⚕️လည်ပင်းကျီးပေါင်းတက်ခြင်းအတွက် သိထားသင့်သောဆောင်ရန်ရှောင်ရန်ကျန်းမာရေး ဗဟုသုတများ။

🌿အရိုးကျီးပေါင်းတက်ခြင်းသည် အသက်အရွယ်ကြီးလာသော လည်ပင်းတွင် ရှိသော အရိုးများ ကြားရှိ အရိုးနုများပါး သောကြောင့် လှုပ်ရှားရခက်ခဲခြင်း၊ လှုပ်ရှားလျှင်နာခြင်း စသော ရောဂါ လက္ခဏာများ ဖြစ်ပေါ် ခြင်းဖြစ်ပါသည်။ တစ်ခါတစ်ရံတွင် ထို အရိုးနုများပါးပြီး အရိုးအတက်ထွက် ခြင်းကြောင့် လည်းဖြစ်ပေါ်တတ်ပါသည်။ ထိုထွက်လာသော အရိုးအတက်များသည် ကျော်ရိုးမကြီးမှ ထွက်လာသော အာရုံကြောများအား ဖိမိသည့်အခါတွင် ကျီးပေါင်းလက္ခဏာများ ခံစားရလေ့ရှိပါသည်။ ဆိုးဆိုးရွားရွားဖြစ်သော ဝေဒနာရှင်များတွင် နာတာ၊ ကျင်တာ ၊ ကောင်းကောင်း မလှုပ်ရှားနိုင်တာတို့ ဖြစ်စေပါတယ်။ တချို့သော ကျီးပေါင်းဝေဒနာရှင်များတွင် ရောဂါလက္ခဏာများ ဆိုးရွားစွာ မပြသော်လည်း အချို့သော ဝေဒနာရှင်များတွင် အာရုံကြောမကြီးညှပ်ခြင်းကြောင့် ဖြစ်ပေါ်သော ရောဂါလက္ခဏာများဖြစ်သော ထုံကျင်ခြင်း၊ နာကျင်ခြင်း၊ မူးဝေခြင်း စသည့် လက္ခဏာများပင်ဖြစ်တတ်သောကြောင့် လည်ပင်းကျီးပေါင်းတက်လျှင် ပိုဆိုးမသွားခင် ကတည်းက စောလျင်စွာကုသမှုခံယူသင့်ပါသည်။

🌴အရိုးကျီးပေါင်းတက်ခြင်းသည် လည်ပင်းတွင် အများဆုံးဖြစ်ပေါ်တတ်သောကြောင့် လည်ပင်းကျီးပေါင်း တက်ခြင်းဟုခေါ်ဆိုကြခြင်းဖြစ်ပါသည်။

🌿လည်ပင်းတွင်သာမက ခန္ဓာကိုယ်၏ ကျောရိုးမကြီး တလျောက် ဖြစ်ပေါ်တတ်ပါသည်။ ကျောရိုးမကြီးတွင် အဆစ်ပေါင်း ၃၃ ဆစ်ရှိပါသည်။ လည်ပင်းတွင် ၇ ဆစ်၊ ရင်ခေါင်းတွင် ၁၂ ဆစ်၊ ခါးတွင် ၅ ဆစ်၊ တင်ပါးတွင် ၅ ဆစ်နှင့် အမြီးပိုင်းဟုခေါ်သော နေရာတွင် ၄ ဆစ်ဟူ၍ စုစုပေါင်း ၃၃ ဆစ်ရှိပါသည်။ ထို နေရာများတွင် ကျီးပေါင်း အဖြစ်များဆုံး ဖြစ်ပေါ်ပြီး ခါးနာခြင်း၊ လည်ပင်းဇက်ကြောတက်ခြင်း၊ မူးဝေခြင်း တို့သည် ကျီးပေါင်းဖြစ်ခြင်းကြောင့် ခံစားရသော ရောဂါ လက္ခဏာများ ဖြစ်ပါသည်။ လည်ပင်းမှာဖြစ်လျှင် Cervical Spondylosis ဟုခေါ်ဆိုပြီး ခါးတွင် ဖြစ်လျှင် Lower Back Spondylosis ဟုခေါ်ဆိုပါသည်။

🌿ဘယ်လိုအကြောင်းအရာတွေက လည်ပင်းအရိုးကျီးပေါင်း တက်ခြင်းအား ပိုမိုဖြစ်စေသလဲ။🌿

၁။အထိုင်များခြင်း။ ရုံးအလုပ်စသော ကွန်ပျူတာ အကြည့်များခြင်း။
၂။လှုပ်ရှားမှုနည်းခြင်း။ လေ့ကျင့်ခန်း လုပ်နည်းခြင်း။
၃။အဝလွန်ခြင်း။
၄။လည်ပင်းအား ယခင်က ထိခိုက်ခဲ့ဖူးခြင်း။
၅။အလေးအပင်များ အမများခြင်း။
၆။အသက်အရွက်ကြီးလာသောကြောင့် အရိုးနုများပါးလာခြင်း။

🌿လည်ပင်းအရိုးကျီးပေါင်းရောဂါ တွင်ခံစားရတတ်သောလက္ခဏာများ🌿
များသောအားဖြင့် လည်ပင်းကျီးပေါင်း တက်ခြင်း လက္ခဏာများသည် တစ်ဖြည်းဖြည်း အစပျိုးဖြစ်ပြီး ဂရုမစိုက်ပဲ နေပါက ပိုမိုဆိုးရွားကာ လည်ပင်းကျောရိုးမှ အာရုံကြောများညှပ်ပြီး မူးဝေခြင်း၊ လက်ထုံကျင်ခြင်း၊ ကိုက်ခဲခြင်းများ ခံစားရတတ်ပါသည်။ ထို့ကြောင့် အောက်ပါ လည်ပင်းအရိုးကျီးပေါင်း ရောဂါလက္ခဏာ ခံစားရသည်နှင့် ပို၍ မဆိုးရွားခင် ကတည်းက ကုသမှုခံယူကာ ပျောက်ကင်းအောင် ကုသသင့်ပါသည်။

✅လည်ပင်း အရိုးကျီးပေါင်းတက်လျှင် ခံစားရသော လက္ခဏာများမှာ အောက်ပါအတိုင်းဖြစ်ပါသည်။
၁။လည်ပင်းလှုပ်ရှားလျှင် နာကျင်ခြင်း။ လှုပ်ရှားရခက်ခဲခြင်း။
၂။ဇတ်ခိုင်နေခြင်း။
၃။ခေါင်းကိုက်ခြင်း။
၄။မူးဝေခြင်း။
၅။လက်များ လှုပ်ရှားလျှင် ကျင်ခြင်း၊ နာခြင်း။
၆။ခေါင်းအား ဘေးဘက်သို့ ကောင်းမွန်စွာ မလှည့်နိုင်ခြင်း။
၇။ခေါင်းလှုပ်ရှားသောအခါတွင် လည်ပင်း အဆစ်များမှ အသံမြည်ခြင်း။
၈။လက်တလျှောက် အပ်နှင့် အထိုးခံရသလို ခံစားရခြင်း။
၉။လည်ပင်းတွင် Cervical Spondylosis ဖြစ်ခြင်းကြောင့် အာရုံကြောကို ဖိခြင်းကြောင့် ကိုယ်ခန္ဓာ အောက်ပိုင်းတစ်ခုလုံးအားနည်းခြင်း၊ လမ်းသွားရာတွင် ပုံမမှန်ခြင်း။
၁၀။ဆီးဝမ်းမမှန်ခြင်း။
ရောဂါ လက္ခဏာများသည် မနက်ပိုင်း အိပ်ရာထထခြင်းတွင် အဆိုးဆုံးဖြစ်ပြီး ညနေပိုင်းသို့ရောက်သော အခါတွင် တဖြည်းဖြည်းသက်သာသွားခြင်း။

အထက်ပါရောဂါလက္ခဏာများ ခံစားနေရလျှင် အရိုးကျီးပေါင်းဖြစ်နေသည်ဟု အကြမ်းဖျင်းပြောလို့ ရပါတယ်။ ထိုကဲ့သို့ ကျီးပေါင်းဖြစ်နေသည့်အခါတွင် အရင်ဆုံး မည်သည့်အဆစ်တွင် ကျီးပေါင်းဖြစ်နေသည်အား အရင်ဆုံးသိရှိအောင် ပြုလုပ်ရပါသည်။ ကျီးပေါင်းလက္ခဏာ ခံစားနေရသည့် ကိုယ်ခန္ဓာ အစိတ်အပိုင်းအား အရင်ဆုံး X Ray ရိုက်ကူးပြီး အရိုးတွင် ကျီးပေါင်းဖြစ်နေသည့် အခြေအနေအား သေချာစွာ ကြည့်ရှုရပါသည်။ ကျီးပေါင်းဖြစ်နေသည့် အရိုးအဆစ် တိတိကျကျ၊ ကျဉ်းနေသော ပါးနေသော အရိုးနု၏ အခြေအနေ၊ အရိုးအတက် ထွက်ခြင်း အခြေအနေ စသည်တို့အား အသေးစိတ်ကြည့် ရှုပြီး ကုသခြင်းအား ဆုံးဖြတ်ပါသည်။

အရိုးကျီးပေါင်းဖြစ်နေသည့် အခါတွင် ခံစားရသော လက္ခဏာများသည် ဆိုးသည့်အတွက် နားလည်တတ်ကျွမ်းသော အရိုး၊အကြော၊ အဆစ် အထူးကုဆရာဝန်နှင့် သေချာပြသပြီး တိုင်ပင်ကုသ သင့်ပါတယ်။ အကိုက်အခဲပျောက်ဆေးသည် ကုသခြင်းဆေး သက်သက်မဟုတ်ပဲ အခြားသော နည်းလမ်းအများအပြားရှိပါသည်။ ကျီးပေါင်းတက်ခြင်းအတွက် အရိုးနုများပြန်လည်အားကောင်းစေသော အရိုးနုအားဆေးများလည်း သောက်သုံးသင့်လျှင် သောက်သုံးရနိုင်ပါသည်။ ထိုမျှသာမက အခြားသော အရိုးကျီးပေါင်းတက်ခြင်းအတွက် ခံစားနေရာသော ကျင်ခြင်း၊ မူးဝေခြင်း နှင့် အခြားသော ရောဂါ လက္ခဏာများ အတွက် ဆေးများအား သောက်သုံးသင့်ပါသည်။ လေ့ကျင့်ခန်းအား လည်း လုပ်ပေးရမည်ဖြစ်ပြီး တစ်ယောက်နှင့် တစ်ယောက် အရိုးကျီးပေါင်းဖြစ်နေသော နေရာနှင့် ရောဂါ အဆိုးအကောင်း အခြေအနေ အပေါ်မူတည်ပြီး လုပ်ရမည့်လေ့ကျင့်ခန်းများ သည် တူညီမည်မဟုတ်ပါ။ အရိုးကျီးပေါင်းသည် ဖြစ်ဖြစ်ချင်း စောလျှင်စွာသိရှိကုသလျှင် ပို၍ ဆိုးရွားမလာအောင် ထိန်းသိမ်းကုသ၍ ရသော ရောဂါဖြစ်သောကြောင့် မိဘပြည်သူများအနေဖြင့် အရိုးကျီးပေါင်း ခံစားနေရပါက တတ်ကျွမ်းနားလည်သော အရိုး၊ အကြော၊ အဆစ် အထူးကုဆရာဝန် နှင့် သင့်ပါသည်။

♻️အရိုးကျီးပေါင်းတက်ရောဂါ ဖြစ်နေသော ဝေဒနာရှင်များအတွက် ဆောင်ရန် ရှောင်ရန် များ မှာ အောက်ပါအတိုင်းဖြစ်ပါသည်။🌿

၁။အရိုးကျီးပေါင်းတက်နေသော လည်ပင်းနေရာအား တတ်နိုင်သလောက် အနားပေးသင့်ပါသည်။ အရိုးအား တတ်နိုင်သလောက် လှုပ်ရှားမှုနည်းရန် အတွက် "အရိုးကျီးပေါင်းအတွက် အထူးထုတ်ထားသော လည်ပတ်များ " ပတ်ထားသင့်ပါသည်။ထိုသို့ပတ်ထားခြင်းဖြင့် ဝေဒနာအားအမြန်ဆုံး သက်သာ ပျောက်ကင်းရန် များစွာအထောက်ကူဖြစ်စေပါသည် ။

၂။စာကြည့်သည့် အခါ၊ Computer ကြည့်သည့် အခါတွင်လည်း ခေါင်းကိုငုံ့မကြည့်ပဲ လည်ပင်းအား ပုံမှန်ဖြစ်စေသော အနေအထားဖြင့် သတိထား၍ ကြည့်သင့်ပါသည်၊ (Cervical Collar လည်ပင်းပတ် ပတ်ထား စာကြည့်ပါက သတိလက်လွှတ်ဖြစ်မှုကိုကာကွယ်ပေးနိုင်ပါတယ်။ )ကော်လာတပ်ဆင်ထားခြင်းသည် လည်ပင်းရိုး Cervical ကို စနစ်တကျ ထောက်ပံပေးထားမှု‌ကြောင့် လှုပ်ရှားသွားလာနေစဉ်၌ပင် တ‌ဖြေးဖြေးမှုလအတိုင်းပြန်လည်သက်သာလာနိူင်ပါသည်။

၃။နာကျင်သည့်အခါတွင် အကိုက်အခဲ ပျောက်ဆေးသောက်နိုင်ပါသည်။ သို့ရာတွင် ထိုကဲ့သို့ ကျီးပေါင်းရောဂါ ဖြစ်ပေါ်ပါက အရိုးအထူးကု ဆရာဝန်နှင့် တိုင်ပင်ပြီးမှသာ ထိုအကိုက်အခဲသောက်ဆေးများ သောက်သင့်ပါသည်။ အကိုက်အခဲပျောက်ဆေးများအား အစာနှင့် သောက်ရန် အရေးကြီးပါသည်။

၄။လည်ပင်းအား ထိခိုက်မှုမရှိသော၊ သက်ရောက်မှုမရှိသော လေ့ကျင့်ခန်းများ ပြုလုပ်နိုင်ပါသည်။ ဥပမာ - လမ်းလျှောက်ခြင်း။

၅။ညအိပ်သည့်အခါတွင် ခေါင်းအုံးအမြင့်များနှင့် မအိပ်ပဲ မိမိ လည်ပင်းအား သက်တောင့်သက်သာ အဖြစ်ဆုံးသော အနေတော်ခေါင်းအုံးဖြင့် သာ အိပ်စက်သင့်ပါသည်။

၆။နာကျင်သောအခါတွင် နာနေသော နေရာအား ရေနွေးအိတ်ကပ်ခြင်းအား ပြုလုပ်နိုင်ပါသည်။

၇။ရောဂါ လက္ခဏာများ မသက်သာပဲ အလွန်အမင်းနာကျင်သောအခါတွင် အရိုးအထူးကုဆရာဝန်များ၊ သက်ဆိုင်ရာအရိုး၊ အကြော၊အဆစ် အထူးကု ပညာရှင်များ အခြားသော သက်သာစေမည့် ကုသမှုများအား ပြုလုပ်ရန် တိုင်ပင်ကုသသင့်ပါသည်။

လိုအပ်သော မိဘပြည်သူများအတွက်ဆက်လက် Share လုပ်၍ကျန်းမာရေး ဗဟုသုတများဖြင့်ကုသိုလ်ယူကြပါစို့။🤗

Credit.dr

20/12/2022

ရောဂါ တစ်ခုဆိုတာ မဖြစ်ခင်ထဲက ကြိုတင်ကာကွယ် အကောင်းဆုံးနည်းလမ်းပါ
ခေါင်းအုံးဆိုတာ မြင့်လွန်းနေရင်လည်းမကောင်းသလို
နိမ့်လွန်းနေရင်လည်းမကောင်းပါဘူး
ယခုပုံ ထဲ ကအတိုင်းစနစ်တကျ သတိထားနေမယ်ဆိုရင်ကာကွယ်ပြီးသားဖြစ်နေမှာပါ
အနေအထိုင်တစ်ခုမှ သည် ကြိုတင်ကာကွယ်ကြပါစို့

09/12/2022

လူတော်တော်များများက ခြေကျင်ဝတ်လည်တာ ခေါက်တာတို့ဆို ဆေးပူတွေလိမ်းကြတယ်
အခုဖော်ပြတဲ့ အဆင့်လေးအတိုင် လုပ်ဆောင် ရင်ပိုသက်သာပါလိမ့်မယ်

27/10/2022

လက်ပြင်နှစ်ခုကြားမှာ အောင့်ခြင်း
muscle pain
(အရပ်ခေါ် လက်ပြင်ကြောကျခြင်း)

အများအားဖြင့်လူနာတွေပြောလေ့ရှိတာက လက်ပြင်ကြားမှာ အောင့်တယ်ဆရာ၊ညဘက်အိပ်လို့တောင်မရအောင်ကိုက်တယ်၊လက်မောင်းထိအောင်ကျဥ်တယ်၊ကိုက်တယ်။

အဓိကအားဖြင့် သန်တဲ့လက်ဘက်မှာအဖြစ်များတယ်၊ လက်ပြင်နဲ့ပုခုံးအလုပ်အရမ်းလုပ်ရတဲ့ ငါးခုတ်တဲ့သူ၊ကြက်သားခုတ်တဲ့သူ၊လှေထိုးရတဲ့သူတွေမှာဖြစ်တက်သလို၊ဘာမှမလုပ်ဘဲနဲ့လည်းအိပ်တဲ့ပုံစံမှားတာကနေလည်းနာတက်တယ်။ တော်ရုံအကိုက်ခဲပျောက်ဆေးသောက်လို့လဲမသက်သာတက်ဖူး။ အရပ်အခေါ်တော့ လက်ပြင်ကြောငုတ်တယ်လို့ခေါ်ပါတယ်။ အရပ်လက်သည်နဲ့ လက်ပြင်ကြောဖေါ်တယ်ဆိုပြီး နှိပ်လိုက်လို့ ပိုဆိုးသွားတာတွေ အတွေ့ရများပါတယ်။

Scapulo-thoracic joint လို့ခေါ်တဲ့ လက်ပြင်ရိုး scapula နဲ့ ကြောရိုးဆစ်တို့တွယ်ဆက်ထားရာ ကြွက်သားများ ဟန်ချက်မညီဘဲအလုပ်လုပ်ရလို့ ဖြစ်ရတာပါ။ အောင့်မြင်းမြင်းနဲ့ လက်တွေထိအောင်ကျဥ်တက်လို့ လည်ပင်းကျီးပေါင်းတို့၊ဘာတို့နဲ့မှားပြီးရောဂါနဲ့ဆေးလွဲတက်တဲ့ထဲမှာ ပါပါတယ်။ ဓာတ်မှန်ရိုက်လည်း လည်ပင်းရော၊ပုခုံးပါအကောင်းဖြစ်လို့ ရောဂါရှာရခက်တဲ့ထဲမှာပါပါတယ်။

အကြောအဆစ်ပိုင်းဆိုင်ရာ ဆရာဝန်များနဲ့စနစ်တကျ ပြသပြီးကုသမှုခံယူသင့်ပါတယ်။

#နိုင်သုခအကြောအဆစ်ဆေးခန်း