Swan Htet Physiotherapy

22/09/2024

02/06/2024

🔴ခါးနာခြင်း ၊ ခါးကိုက်ခြင်း ( Backpain)

ဒီနေ့ခေတ်မှာ ကျွန်မတို့တွေဟာ နေ့စဉ်နဲ့အမျှ သွားလာလှုပ်ရှား အလုပ်လုပ်နေကြရပါတယ်။ ဒီလိုအလုပ် လုပ်တဲ့အခါ ပုံစံမမှန်တဲ့ ကိုယ်အနေအထားနဲ့ လုပ်ခဲ့ရင်
( ဒါမှမဟုတ် ) ကိုယ်ခန္ဓာ ပုံစံအနေအထားတစ်မျိုးတည်းကို အချိန်အကြာကြီးလုပ်နေခဲ့ရရင် ကိုယ်ခန္ဓာမှာရှိတဲ့ ခြေလက် ၊ ကျောခါးများ နာကျင်လာတတ်ပါတယ်။

👩‍⚕ ခါးနာခြင်း၊ ခါးကိုက်ခြင်း ( Backpain ) ဆိုတာ

- ကျောဘက်ရှိ ကြွက်သားများ၊ အရွတ်များ အနည်းငယ်ဒဏ်
ဖြစ်တဲ့အခါ
ခါးနာခြင်း၊ ခါးကိုက်ခြင်း တို့ကို
ဖြစ်စေပါတယ် ။
- ဒါပေမယ့် တချို့သောအခြေအနေမှာ ခါးအရမ်းနာတယ်ဆိုရင် တခြားရောဂါကြောင့် (သို့မဟုတ်) ခါးရိုးဆစ်မှာ ပြဿနာတစ်ခုခုကြောင့်လည်း ဖြစ်​နိုင်ပါတယ်။
- ခါးရိုးဆစ်တွေ ပုံမှန်မဟုတ်တဲ့အခါ အနီးအနားရှိ အာရုံကြောတွေ တစ်ရှူးတွေကို သွားဖိမိပြီး နာကျင်တဲ့ဝေဒနာကို ခံစားရနိုင်ပါတယ် ။
- ဘယ်လိုအခြေအနေတွေမှာ
ခံစားနိုင်ရမလဲဆိုတော့ ခါးကွေးတဲ့အခါနဲ့ အလေးအပင်တစ်ခုခု ဆွဲမလိုက်တဲ့အခြေအနေမျိုးမှာ ခါးနာခြင်းကို သိသိသာသာ ခံစားရနိုင်ပါတယ် ။

👩‍⚕ ဘယ်လို သက်သာအောင်လုပ်မလဲ ၊ ဘယ်လိုကာကွယ်မလဲ?

- ပထမဆုံး ခါးနာတာကို သက်သာအောင်လုပ်ဖို့အတွက်ဆိုရင် ကျွန်မတို့ရဲ့ ခန္ဓာကိုယ်ပုံစံ အနေအထားကို
အရင်ဆုံး ပြင်ရမှာဖြစ်ပါတယ် ။

👩‍⚕သက်သာအောင်ဘာတွေလုပ်မလဲ

(၁) အားကစားလုပ်ခြင်း✅
- လမ်းလျှောက်ခြင်း၊ ရေကူးခြင်းတို့ဟာ ကျွန်တော်တို့ ခါးနဲ့ ဝမ်းဗိုက်ရှိကြွက်သားများကို တောင့်တောင့်တင်းတင်းဖြစ်စေတဲ့အတွက် အချိန်ရတဲ့အခါ လုပ်သင့်တဲ့ အားကစားမျိုးဖြစ်ပါတယ် ။
- ရုတ်တရက် ကြွက်သားတွေကို လှုပ်ရှားရတဲ့အားကစားများဖြစ်တဲ့ ကြက်တောင်ရိုက်ခြင်း၊ ဘက်တံရိုက်ခြင်း၊ ဂေါက်ရိုက်ခြင်း ၊ ကလေးများ ဖားခုန်တမ်းဆော့ကစားခြင်း နဲ့ အလေးအပင်များကို ရုတ်တရက်မခြင်းတို့က ကြွက်သားတွေကို ဒဏ်ဖြစ်စေတဲ့အတွက် ရှောင်ရှားသင့်ပါတယ် ။

(၂) ထိုင်တဲ့အခါ - ✅
- ပုံစံ အနေအထားတစ်မျိုးတည်းကိုပဲ အချိန်အတော်ကြာထိုင်ခြင်းကို လျော့ပါ ။ ဥပမာ - ကားမောင်းခြင်း
- လိုအပ်ပါက ခေတ္တအနားယူပြီးမှသာ ပြန်လုပ်သင့်ပါတယ် ။
- ထိုင်တဲ့အခါမှာလည်း ခါးကိုမကွေးစေပဲ ခါးမတ်မတ်ထားဖို့လိုပါတယ် ။

(၃) အိပ်စက်တဲ့အခါ - ✅
- ခေါင်းအုံများဆင့်၍ အိပ်ခြင်းကို ရှောင့်ကျဉ်သင့်ပါတယ်။
( ပျော့ပြီး နိမ့်တဲ့ ခေါင်းအုံးတွေကိုသာ ရွေးချယ်ပါ )
- အိပ်တဲ့အခါမှာလည်း မှောက်လျက်၊ ပက်လက် အိပ်ခြင်းထက် တစ်ဘက်ကိုစောင်းပြီးအိပ်ခြင်းက ခါးနာခြင်းတို့ကို သက်သာစေပါတယ် ။
- ကိုယ်အိပ်တဲ့မွေ့ရာကိုလည်း ပျော့ပြီး သက်တောင့်သက်သာရှိသည့် မွေ့ရာကိုသာ ရွေးချယ်စေလိုပါတယ် ။

(၄) အလေးအပင်မခြင်း ✅
- အလေးချိန် ၁၀ ကီလိုဂရမ် ထက်လေးတဲ့ အရာတွေကို မခြင်းမှ ရှောင်ကျဉ်သင့်ပါတယ် ။
- ပစ္စည်းတစ်ခုခု မတော့မယ် ဆိုရင် မမယ့်ပစ္စည်းအနီးမှာ အရင်ထိုင်ပါ။ ခါးကို တဖြောင့်တည်း ထားထားပါ။ ပြီးမှ မ ပါ ။
- မတ်တပ်ရပ်အနေအထားနဲ့ ခါးကိုကွေးပြီး ပစ္စည်းမခြင်းက ခါးကို ထိခိုက်စေပါတယ် ။

(၅) ကိုယ်အလေးချိန် ✅
- ကိုယ့်ရဲ့ကိုယ်အလေးချိန်ကို ထိန်းစေချင်ပါတယ်။
- ကိုယ်အလေးချိန်များတဲ့သူတွေဟာ
သာမာန် ကိုယ်အလေးချိန်ရှိတဲ့လူတွေထက် ခါးကိုဒဏ်ပိုဖြစ်စေပါတယ်။
- ကိုယ်အလေးချိန်ထိန်းတဲ့အခါမှာလည်း အစားအစာနဲ့သော်လည်းကောင်း၊ အားကစားလုပ်၍သော်လည်းကောင်း ထိန်းပေးခြင်းက အကောင်းဆုံးပဲဖြစ်ပါတယ်။

(၆) ရုတ်တရက် နာလာရင် ဘာလုပ်မလဲ ?✅
- ရုတ်တရက် အောင့်ရုံပဲအောင့်တယ်ဆိုရင် မိနစ်အနည်းငယ်နားပြီးမှ ပြန်လုပ်သင့်ပါတယ် ။
- ဒါပေမယ့် အရမ်းခါးအောင့်လာတယ်ဆိုရင် လုပ်လက်စ အလုပ်ကိုနားပြီး သက်တောင့်သက်သာ ရှိတဲ့ နေရာမှာ ခဏလဲလျောင်းလိုက်ခြင်းက ခါးအောင့်ခြင်းကို သက်သာစေပါတယ် ။

(၇) ထိုင်လျက် အလုပ်လုပ်တဲ့အခါ ✅

- အလုပ်တစ်ခုကို ထိုင်လျက်လုပ်သည့်အခါ ခါးကိုမတ်မတ်ထားစေချင်ပါတယ်။
- ခါးကို မတ်မတ်ထားဖို့အတွက် ကိုယ့်လက်တစ်ကမ်းအကွာမှာရှိတဲ့ အရာကိုပဲလုပ်ပါ။
- အကယ်၍ ကိုယ့်လက်တစ်ကမ်းထက်ဝေးပါက ထိုအနီးအနားသို့နေရာရွှေ့ပြီးမှ လုပ်ပါ ။

(၈) ခါးကွေးခြင်းကို တတ်နိုင်သမျှ ရှောင်ကြဉ်ပါ။ ✅

- တစ်ချို့အခြေအနေတွေဖြစ်တဲ့ ဖိနပ်ကြိုးချည်ခြင်း၊ ခြေအိတ်ဝတ်ခြင်း၊ စတော့ကင် ဝတ်ခြင်း စသည်တို့ပြုလုပ်ရာမှာ ခါးမကုန်းစေရန်ဖို့ ကိုယ့်ခြေထောက်ကို ခုံပေါ်မှာဖြစ်စေ၊ ကိုယ့်ဒူးလောက် အမြင့်ရှိတဲ့ သေတ္တာတစ်ခုခုပေါ်မှာဖြစ်စေ တင်ပြီးမှသာ ပြုလုပ်သင့်ပါတယ် ။
- ဒါမှသာ ခါးကွေးစရာမလိုတော့ဘဲ ခါးနာခြင်းကိုသက်သာစေပါတယ် ။

👩‍⚕ ခါးအောင့်၊ ခါးနာတဲ့အခါ နာတာ သက်သာအောင် ဘာလုပ်သင့်သလဲ

💯 ကျွမ်းကျင်သော အကြောအဆစ်
အထူးကု ဆရာဝန် ၊အကြောအဆစ်
ကျွမ်းကျင် ပညာရှင်များနှင့်
လိုအပ်သော ကုသမှုခံယူခြင်း
💯 ခါးအောင့်၊ ခါးနာဖြစ်တဲ့အခါ ပါရာစီတမော သို့မဟုတ် ဆရာဝန် ညွှန်ကြားတဲ့အကိုက်အခဲပျောက်ဆေးကိုသာ သောက်သုံးသင့်ပါတယ်
💯 ရောဂါ အခံရှိသောသူများ အထူးသဖြင့် အစာအိမ်ရောဂါရှိသူ ၊ အသည်းမကောင်းတဲ့သူ ၊ ကျောက်ကပ်မကောင်းတဲ့သူတွေဟာ ဆရာဝန်နဲ့တိုင်ပင်ပြီးမှသာ အကိုက်အခဲပျောက်ဆေးကို သောက်သုံးသင့်ပါတယ် ။

02/04/2024

ဆေးခန်းပိတ်ခါနီးလေး
ခါးနာလို့ လာပြတဲ့ လူနာ👩‍⚕

11/03/2024

ကုသိုလ်လေးနဲ့အစ🙏🙏🙏