Shwe Latt ရွှေလက် ဂျပန်မြန်မာ အကြောပြင် အနှိပ်

28/04/2025

ရွှေလက်တွင် အိမ်အရောက်ဝန်ဆောင်မှုများ လိုက်ပို့ပေးရန်အတွက် ဆိုင်ကယ် ကျွမ်းကျွမ်းကျင်ကျင်စီးနိုင်တဲ့ အမျိုးသမီးဝန်ထမ်းတစ်ဦး အလိုရှိပါတယ်။
အသက် ၃၅ အောက် မည်သည့် အမျိုးသမီးမဆို လျှောက်ထားနိုင်ပါတယ်။
အသေးစိတ် စုံစမ်း မေးမြန်းလိုပါက phone 09400410231,
09400413754,
09427600100 ကို ဆက်သွယ်နိုင်ပါတယ်

28/04/2025

အကြောနှင့် ပတ်သက်တဲ့ ဝေဒနာများ ခံစားနေရလို့ပဲဖြစ်ဖြစ်၊ ကိုယ်ရောစိတ်ပါ ပင်ပန်း နွမ်းနယ်မှုများကြောင့် လာရောက် အနားယူချင်လို့ပဲဖြစ်ဖြစ်၊ ရာသီဥတု အပူဒဏ်ကို ရှောင်ရှားချင်လို့ပဲဖြစ်ဖြစ် သန့်ရှင်း သပ်ရပ်ပြီး အေးမြလန်းဆန်းသော နေရာထိုင်ခင်းများဖြင့် သက်သောင့်သက်သာနဲ့ အကြောပြင်နိုင်အောင် ရွှေလက်အဖွဲ့သားများက အထူးကြိုးစားဆောင်ရွက်ထားလို့ မရောက်ဖူးသေးတဲ့ customer များကိုရော ရောက်ဖူးပြီးသား customer များကိုပါ အလေးအနက် ဖိတ်ခေါ်ပါတယ်။

https://www.facebook.com/share/p/kzF7FSUrP4DuQosS/?mibextid=oFDknk

17/04/2025

နှစ်သစ်မှာ ကိုယ်စိတ်နှစ်ပါး ကျန်းမာ ချမ်းသာပြီး ကပ်ကြီးသုံးပါးနှင့် ကင်းဝေးကြပါစေလို့ ရွှေလက်အဖွဲ့သားများ အားလုံးက စုတောင်းမေတ္တာပို့သပါတယ်

01/04/2025

ရွှေလက်ရဲ့ ၃ နှစ်ပြည့်အမှတ်တရ
1/4/2025 ရက်နေ့, စတုဒီသာကျွေးမွေးလှူ့တမ်းပါသည်

31/03/2025

ရွှေလက်ရဲ့ customer များကို ကျေးဇူး တုန့်ပြန်တဲ့အနေနဲ့
1/4/2025 ရက်နေ့, နေ့လယ် 12 နာရီမှာ စတုဒီသာအလှူလေး ပြုလုပ်ပါမည်..

07/03/2025

နွေရာသီရဲ့ အရေးပေါ် အပူ ပြဿနာများ
နွေရာသီကို ရောက်လာပြီဆိုရင် အပူချိန်ပြဿနာက စလာပါပြီ။ ကမ္ဘာကြီးပူနွေးလာတာကြောင့် တစ်နှစ်ထက် တစ်နှစ် နွေက ပိုပူလာပါပြီ။ မြန်မာနိုင်ငံမှာလည်း ဒီလိုပဲ နှစ်တိုင်း အပူ လျှပ်တဲ့သူတွေ ပိုများလာပါပြီ။ ကလေးငယ်တွေ၊ သက်ကြီးရွယ်အိုတွေက ပိုခံရပါတယ်။ အပူမလျှပ်ရင်တောင်မှ တခြား ချွေးထွက်လွန်တာ၊ ကြွက်တက်တာတွေ ဖြစ်ကြပါတယ်။ မြန်မာနိုင်ငံအလယ်ပိုင်းက သူတွေက ပိုခံရပါတယ်။ ဒီတော့ ဒီနှစ်နွေကို ဘယ်လိုကျော်ဖြတ်ကြမလဲ။ နွေရာသီရဲ့ အရေးပေါ် အပူ ပြဿနာများ ကို ဘယ်လိုရင်ဆိုင်ကြမလဲဆိုတာ ကြည့်ကြည့်ရအောင်။
အရေးပေါ် အပူပြဿနာလို့ ပြောရင် ၃ခုရှိပါတယ်။ အပူကြောင့် ကြွက်တက်တာရယ်၊ အပူကြောင့် အားအင်ကုန်ခမ်းတာရယ်၊ အပူလျှပ်တာရယ်ပါ။ ၃ခုလုံးက အရေးပေါ်အခြေအနေဖြစ်လို့ အရေးကြီးပါတယ်။
အပူချိန်များတဲ့ နေရာမှာ နေတယ်။ ဒါမှမဟုတ် နေပူထဲမှာ အလုပ်လုပ်တဲ့သူဖြစ်တယ် ဆိုရင် ဒီအခြေအနေ၃ခုအကြောင်းကို သိကို သိထားသင့်ပါတယ်။ ဒီအရေးပေါ်ပြဿနာတွေက စောစောသိပြီး စောစောကုနိုင်မယ်ဆိုရင် အသက်ရှင်နိုင်ချေ များပါတယ်။ အထူးသဖြင့် ကြွက်တက်တဲ့ အဆင့်၊ အားအင်ကုန်ခမ်းတဲ့အဆင့်မှာ သိမယ်ဆိုရင် အပူလျှပ်တဲ့အထိ မဖြစ်အောင် ကာကွယ်နိုင်ပါတယ်။
အပူ လျှပ်တာရဲ့ အဆင့်တွေကို ဆက်ကြည့်ရအောင်။
အပူကြောင့် ကြွက်တက်ခြင်း
ကြွက်တက်တာက အပူလျှပ်တာရဲ့ ပထမဆုံးအဆင့်ပါ။ နေပူထဲမှာ လှုပ်လှုပ်ရှားရှားနေတဲ့ သူတွေက ပိုဖြစ်ပါတယ်။ လှုပ်လှုပ်ရှားရှားမနေလည်း ဖြစ်တတ်ပါတယ်။
အပူကြောင့် ကြွက်တက်တာက သက်ကြီးရွယ်အိုတွေ၊ ကလေးငယ်တွေ၊ အဝလွန်တဲ့သူတွေ၊ အရက်သောက်တဲ့သူတွေမှာ ပိုဖြစ်တတ်ပါတယ်။ ကြွက်သားတွေ နာကျင်တာ၊ ကြွက်တက်တာတွေက အဓိက လက္ခဏာပါပဲ။
အပူကြောင့် အားအင်ကုန်ခမ်းခြင်း
အပူချိန် လွန်ကဲတဲ့အခါ ချွေးထွက်လွန်ပြီး ရေနဲ့ ဓာတ်ဆားတွေ ဆုံးရှုံးလာပါတယ်။ ဒါ့ပြင် ခန္ဓာကိုယ်မှာ ရေဓာတ်တွေ အလွန်အမင်းဆုံးရှုံးတာကြောင့် နုံးလာပါတယ်။ လက္ခဏာတွေကတော့
ကြွက်တက်တာ
မူးတာ
သတိမကောင်းတာ
နှလုံးခုန်မြန်တာ၊ အသက်ရှူမြန်တာ
ခေါင်းကိုက်တာ
စိတ်ဆတ်တာ
အလွန်အမင်း ရေဆာတာ
ပျို့အန်တာ
ဖြူဖတ်ဖြူရော်ဖြစ်တာ
ချွေးထွက်လွန်တာ
သတိလစ်တာ စတာတွေ ဖြစ်လာပါတယ်။
အပူလျှပ်ခြင်း
ဒါက အပြင်းထန်ဆုံးပါပဲ။ အပူချိန်များတဲ့ နေရာမှာ အကြာကြီးအလုပ်လုပ်ရင် ကြာလာတဲ့အခါ ဦးနှောက်ရဲ့ အပူချိန်ထိန်းတဲ့ နေရာက အလုပ်မလုပ်နိုင်တော့ပါဘူး။ ပုံမှန်က ပူလာရင် အပူကို လျှော့ချတဲ့အနေနဲ့ ခန္ဓာကိုယ်က ချွေးထွက်ရပါတယ်။ ဒီလိုအချိန်မှာတော့ ခန္ဓာကိုယ်က ချွေးမထွက်တဲ့အတွက် ကိုယ်မှာ အပူတွေ စုလာပါတယ်။ လက္ခဏာတွေအနေနဲ့ကတော့
အပူချိန်က ၁၀၀ ဒီဂရီ ဖာရင်ဟိုက် ကျော်ပါတယ်။
မသင့်တော်တဲ့ အပြုအမူတွေလုပ်တာ၊ မရှိတာတွေကို မြင်တာ
ကယောင်ကတမ်းဖြစ်တာ
အသက်ရှူမြန်တာ
သွေးခုန်နှုန်းမြန်တာ
တက်တာ
သတိလစ်တာ
အသားအရေ ပူပြီး ခြောက်သွေ့တာ
အပူလျှပ်တဲ့ သူတွေက တစ်ခါတစ်လေ ချွေးထွက်တာမျိုးလည်း ရှိနိုင်ပါတယ်။ များသောအားဖြင့်တော့ ရေဓာတ်ဆုံးရှုံးတဲ့အတွက် အသားအရေက ခြောက်ပြီး ကိုင်ကြည့်ရင် ပူခြစ်နေမှာပါ။
ဘယ်သူတွေမှာ အပူ ပြဿနာများ ပိုဖြစ်နိုင်လဲ
အဖြစ်များတဲ့ သူတွေကတော့ အပူချိန်များတဲ့နေရာမှာ အကြာကြီး အလုပ်လုပ်တဲ့ သူတွေပါ။ ပူလွန်းတဲ့ နေရာမှာ အကြာကြီးပိတ်မိတဲ့သူတွေ (ဥပမာ ကားထဲမှာ) ကလည်း ဖြစ်နိုင်ခြေ ရှိပါတယ်။ ပိုဖြစ်နိုင်တဲ့ သူတွေကတော့
အဝလွန်တဲ့ သူတွေ
အရက်သောက်တဲ့သူတွေ
သက်ကြီးရွယ်အိုတွေ
ကလေးငယ်တွေပဲ ဖြစ်ပါတယ်။
အကြောင်းကတော့ ခန္ဓာကိုယ်အပူချိန်ကို ထိန်းသိမ်းရာမှာ ပိုခက်လို့ပါ။
အပူ ချိန်လွန်ကဲတဲ့ သူတွေကို ဘယ်လို ပြုစုကြမလဲ။
ကိုယ်ပဲဖြစ်ဖြစ် သူများပဲဖြစ်ဖြစ် အပူဒဏ်တွေ ခံနေရပြီဆိုရင် အောက်ကအတိုင်း လုပ်ပါ။
အရေးပေါ်အခြေအနေဖြစ်လို့ ဆေးရုံကားခေါ်တာဖြစ်ဖြစ် ဆေးရုံသွားတာဖြစ်ဖြစ် လုပ်ပါ။
သတိမကောင်းတဲ့သူ၊ အန်နေတဲ့သူကို ဘာမှမတိုက်ပါနဲ့။
အရက်တွေ ကော်ဖီတွေလည်း မတိုက်ပါနဲ့။
အရင်ဆုံး အရေးပေါ်ပြုစုနိုင်တဲ့ နည်းလမ်းတွေကတော့
အပူကြောင့် ကြွက်တက်ရင်
အရင်ဆုံး အေးတဲ့ နေရာကို ရွေ့ပေးပါ။
ကြွက်တက်တဲ့ နေရာကို အသာအယာနှိပ်ပေးပါ။
ဖြည်းဖြည်းချင်း အကြောလျှော့ပေးပါ။
၁၅မိနစ်တစ်ခါ ရေအေးအေးဖြစ်ဖြစ် ဓာတ်ဆားဖြစ်ဖြစ် တိုက်ပေးပါ။
အပူကြောင့် အားအင်ကုန်ခမ်းရင်
အရင်ဆုံး အေးတဲ့ နေရာကို ရွေ့ပါ။
ပွပွချောင်ချောင် အဝတ်အစားကို ဝတ်ပါ။
တစ်ကိုယ်လုံးကို ရေပတ်ဝတ်တိုက်ပါ။
ပန်ကာလေခံပါ။ အဲကွန်းခံပါ။
၁၅မိနစ်တစ်ခါ ရေအေးအေးဖြစ်ဖြစ် ဓာတ်ဆားဖြစ်ဖြစ် တိုက်ပေးပါ။
မြန်မြန်မသောက်ပါနဲ့။
အပူလျှပ်ခဲ့ရင်
ဒါကတော့ အသက်အန္တရာယ် ထိခိုက်နိုင်တဲ့အတွက် ဆေးရုံကို မြန်မြန်သွားရမှာပါ။ ဒီအချိန်အတွင်းလေးမှာတော့
အရင်ဆုံး အေးတဲ့ နေရာကို ရွေ့ပါ။
ပွပွချောင်ချောင် အဝတ်အစားကို ဝတ်ပါ။
ချွေးစိုနေတဲ့ အဝတ်အစားတွေကို လဲပါ။
ပန်ကာလေခံပါ။ အဲကွန်းခံပါ။
မျက်နှာသုတ်ပဝါအရွယ် အဝတ်၆ခုကို ရေစိုအောင် စွတ်ပါ။ ပြီးရင် လည်ပင်းနှစ်ဖက်မှာ တစ်ခုစီ၊ ချိုင်းအောက်မှာ တစ်ခုစီ၊ ပေါင်ခြံမှာ တစ်ခုစီ စုစုပေါင်း ၆ခု ကပ်ပေးပါ။ ဒီနေရာတွေမှာ သွေးကြောမကြီးတွေရှိလို့ အပူကို မြန်မြန်သက်သာစေပါတယ်။
သတိကောင်းရင် ၁၅မိနစ်တစ်ခါ ရေအေးအေးဖြစ်ဖြစ် ဓာတ်ဆားဖြစ်ဖြစ် တိုက်ပေးပါ။ မြန်မြန်မသောက်ပါနဲ့။
နောက်ဆက်တွဲ ဘာဖြစ်နိုင်လဲ။
တော်တော်များများကတော့ အပူလျှပ်ပြီး ရက်အနည်းငယ် အတွင်းမှာ သက်သာလာပါတယ်။ ဒါပေမယ့် အခန့်မသင့်ရင် အပူလျှပ်တဲ့အချိန်မှာ ဦးနှောက်က ရောင်ရမ်းလာပါတယ်။ ဒါက ဦးနှောက်ကို ပျက်စီးစေပါတယ်။ ကိုယ်တွင်းအင်္ဂါတွေ ပျက်စီးတာမျိုးလည်း ဖြစ်နိုင်ပါတယ်။
အပူ ပြဿနာများ ကနေ ဘယ်လိုကာကွယ်ကြမလဲ။
ပွပွချောင်ချောင် အဝတ်အစားတွေ ဝတ်ပါ။ အရောင်ဖျော့တာလေးတွေ ရွေးဝတ်ပါ။ အဝတ်တွေကို အထူကြီး ဝတ်တာက ခန္ဓာကိုယ်ကို အပူတွေ စုစေပါတယ်။
နေလောင်မခံပါနဲ့။ နေလောင်တာခံရရင် ခန္ဓာကိုယ်က ကိုယ့်ကိုယ်ကို အေးအောင်မလုပ်နိုင်ပါဘူး။ ဒါကြောင့် အပြင်သွားရင် ထီး ဒါမှမဟုတ် ဦးထုပ်ဆောင်းပါ။ နေရောင်ကာ ကရင်မ် လိမ်းပါ။ နေကာမျက်မှန်တပ်ပါ။
ရေများများသောက်ပါ။ ရေဓာတ်ပြည့်ဝနေမှ ခန္ဓာကိုယ်က ချွေးထွက်ပြီး အပူချိန်ကို ထိန်းနိုင်မှာပါ။
ကားပေါ်မှာ အလုံပိတ်ပြီး မနေပါနဲ့။ သူများကိုလည်း မထားပါနဲ့။ အလုံပိတ်ကားထဲမှာဆိုရင် ၁၀မိနစ်အတွင်းမှာ အပူချိန်က ၂၀ဒီဂရီ ဖာရင်ဟိုက်ထိ တက်သွားနိုင်ပါတယ်။
အပူချိန်ကြောင့် ကလေးတွေ သေဆုံးရတဲ့ အထဲမှာ ကားထဲမှာ အလုံပိတ်ထားခဲ့လို့ အပူလျှပ်ပြီး သေရတာက ထိပ်ဆုံးမှာပါ။ ကားကို အရိပ်ထဲမှာ ရပ်ထားရင်တောင် စိတ်မချရပါဘူး။ ဒါကြောင့် နွေရာသီမှာ ကလေးတွေ၊ အိမ်မွေးတိရစ္ဆာန်လေးတွေကို ကားထဲမှာ ပိတ်မထားခဲ့ပါနဲ့။
တတ်နိုင်ရင် အရက်မသောက်ပါနဲ့။ မရှောင်နိုင်ရင် လျှော့သောက်ပါ။
ကိုယ်က နေပူထဲမှာ အလုပ်လုပ်ရတဲ့သူဆိုရင် နေပြင်းတဲ့ အချိန်မှာ ရေများများသောက်ပါ။ အရိပ်ထဲမှာ နေပါ။ လေ့ကျင့်ခန်းလုပ်ဖို့ စဥ်းစားထားရင်လည်း အပူသက်သာတဲ့ မနက်စောစော ဒါမှမဟုတ် ညနေစောင်းမှ လုပ်ပါ။
အပူထဲမှာ နေသားမကျတဲ့သူဆိုရင် အပူဒဏ်ကို ပိုပြီးခံရနိုင်ပါတယ်။ ဒါကြောင့် နေရာအသစ်ကို ပြောင်းလုပ်တဲ့သူဆိုရင် ရာသီဥတုဒဏ်ကို မခံနိုင်သေးချိန်မှာ ပင်ပင်ပန်းပန်းအလုပ်တွေကို မလုပ်နိုင်သေးပါဘူး။
ဖြစ်နိုင်ခြေရှိတဲ့သူဆိုရင် ပိုပြီးသတိထားပါ။ ဆေးတွေ သောက်နေတယ်။ အပူဒဏ်ကို မခံနိုင်တဲ့ ကျန်းမာရေးပြဿနာတစ်ခုခု ရှိနေတယ်ဆိုရင် (ဥပမာ အရင်ကလည်း အပူလျှပ်ဖူးတယ်ဆိုရင်) သတိထားပါ။ နွေရာသီမှ အားကစားပြိုင်ပွဲတွေမှာ ပါမယ်ဆိုရင်လည်း အပူဒဏ်မခံရအောင် သတိထားဖို့ လိုပါတယ်။
Hello Sayarwon.

https://www.facebook.com/share/p/1H44Wa6GQW/

22/02/2025

လည်ပင်းကျီးပေါင်းဖြစ်စေနိုင်တဲ့ အလေ့အထတွေက ဘာတွေဖြစ်မလဲ!
အသက်ကြီးလာတာနဲ့အမျှ လည်ပင်းကျီးပေါင်းရောဂါ ဖြစ်နိုင်ခြေ ရှိပါတယ်။ ဒါပေမယ့် ခုနောက်ပိုင်းမှာ နေထိုင်မှုပုံစံပြောင်းလဲလာတာကြောင့် လူငယ်တွေမှာပါ ဖြစ်လာပါပြီ။ ဒါကြောင့် လူငယ်တွေမှာ လည်ပင်းကျီးပေါင်းဖြစ်စေနိုင်တဲ့ အလေ့အထတွေက ဘာတွေဖြစ်မလဲ ဆိုတာကို သတိထားနိုင်စေဖို့ ဖော်ပြပေးလိုက်ပါတယ်။

လည်ပင်းကျီးပေါင်းတက်တယ်ဆိုတာက အသက်အရွယ်ရလာတာကြောင့် ဇက်ကြော တလျှောက်မှာရှိတဲ့ ကျောရိုးဆစ်တွေကြားထဲက အဆစ်ပြားလေးတွေ စုတ်ပြဲလာတာကြောင့်ဖြစ်တဲ့ ကျန်းမာရေး ပြဿနာ တစ်ခုပါ။ တစ်ခါတလေမှာ ကျီးပေါင်းတက်တာက ကျောရိုးဆစ်ကြားထဲက အဆစ်ပြားလေးတွေမှာ ရေဓာတ်နည်းတာကြောင့် ဖြစ်နိုင်သလို အဆစ်ပြားကျွံတာ၊ အရိုးအတက်ထွက်တာ၊ ဘေးနားက အရွတ်တွေ တောင့်တင်းလာတာကြောင့်လည်း ဖြစ်လာပါတယ်။

အရိုးကျီးပေါင်းဖြစ်တာဟာ အရိုးအဆစ်ရောင်တာရဲ့ အစပျိုးလက္ခဏာ ဖြစ်နိုင်သလို အရိုးအစွန်းတွေကြားမှာ အုပ်ထားတဲ့ အရိုးနု အစွပ်လေးတွေ ပျက်စီးလာတာကြောင့်လည်း ဖြစ်ပါတယ်။

လည်ပင်းကျီးပေါင်း ဖြစ်တာက တော်တော်လေး အဖြစ်များပြီး အသက် ၄၀ နောက်ပိုင်းအရွယ်တွေမှာ ပိုတွေ့ရတတ်ပါတယ်။ အသက်ကြီးလာလေလေ ပိုဆိုးလာလေလေ ဖြစ်နိုင်ပါတယ်။ အသက် ၆၀ အထက် ဘိုးဘိုးဘွားဘွား အယောက် ၁၀၀ မှာ ၈၅ ဦးလောက်က လည်ပင်းကျီးပေါင်းကို ခံစားကြရပါတယ်။ ခုနောက်ပိုင်းမှာတော့ လူငယ်တွေမှာလည်း တွေ့လာရပါပြီ။

လည်ပင်းကျီးပေါင်းက တော်တော်များများမှာ လက္ခဏာ မပြဘဲ ရှိနေတတ်ပါတယ်။ ဒီတော့ ဖြစ်နိုင်ခြေကို လျှော့ချဖို့အတွက် လည်ပင်းကျီးပေါင်းဖြစ်စေနိုင်တဲ့ အလေ့အထတွေက ဘာတွေဖြစ်မလဲ ဆိုတာကို အတူတူ ဆက်လေ့လာလိုက်ရအောင်နော်။
တစ်နေ့တာမှာ ကိုယ်တိုင်တောင် မသိဘဲ လုပ်လိုက်မိတဲ့ ဒီအလေ့အထတွေက လည်ပင်းကျီးပေါင်း တက်တာကို ဖြစ်စေနိုင်တာမို့ သတိထားနိုင်စေဖို့ ဖော်ပြပေးလိုက်ပါတယ်။

ကိုယ်နေဟန်ထား မမှန်တာ
အထူးသဖြင့် ဦးခေါင်းနဲ့ လည်ပင်းက အနေအထား မမှန်တာ၊ ဇက်ကို အသုံးပြုပြီး အလေးအပင်မတာ၊ လှုပ်ရှားမှု တစ်ခုတည်းကိုပဲ ထပ်ကာထပ်ကာ လုပ်တာ (ဥပမာ ခေါင်းမော့တာ၊ ခေါင်းငုံ့တာ) စတာတွေကြောင့် လည်ပင်းကျီးပေါင်း ဖြစ်တတ်ပါတယ်။

ဗီတာမင် လုံလောက်အောင် မရတာ
တစ်နေ့တာမှာ အစားတွေတော့ စားနေပါရဲ့။ စားတဲ့ အစားအစာတွေထဲမှာ ခန္ဓာကိုယ်အတွက် လိုအပ်တဲ့ ဗီတာမင်တွေကတော့ လုံလောက်အောင် မပါဘူးဆိုရင်လည်း ကျီးပေါင်း ဖြစ်စေနိုင်ပါသတဲ့။ အထူးသဖြင့် ဗီတာမင် D နဲ့ ဗီတာမင် B12 လုံလောက်စွာ မရရှိခြင်းက အရိုးတွေကို ပျက်စီးစေပြီး ပြန်လည်ပြုပြင်နိုင်စွမ်းကိုလည်း လျော့ကျစေနိုင်ပါတယ်။

သတ္တုဓာတ်တွေ လုံလုံလောက်လောက် မရတာ
အရိုးတွေ သန်မာစေဖို့ လိုအပ်တဲ့ သတ္တုဓာတ်တွေ ဖြစ်ကြတဲ့ ကယ်လ်ဆီယမ် နဲ့ ပရိုတင်းတွေ ပြည့်ဝအောင် မစားဘဲ အသင့်စား အစားအစာတွေ၊ အမြန်စား အစားအစာတွေကို စားတာက ခန္ဓာကိုယ်ရဲ့ ကယ်လ်ဆီယမ် စုပ်ယူနိုင်စွမ်းကို ကျဆင်းစေနိုင်သလို ပရိုတင်း လုံလောက်အောင် ရရှိမှုကိုလည်း အနှောင့်အယှက်ဖြစ်စေနိုင်ပါတယ်။
ကိုယ်လက်လှုပ်ရှားမှု နည်းတာ
အလုပ်ထဲမှာလည်း တစ်နေကုန် ထိုင်ပြီး အလုပ်လုပ်ရတယ်။ အိမ်ရောက်တော့လည်း ပင်ပန်းလို့ဆိုပြီး လှုပ်ရှားမှု မလုပ်ဘဲ ထိုင်နားရင်းနဲ့ အိပ်ရာဝင်တယ်ဆိုရင်တော့ ကြာလာရင် ကျန်းမာရေးကို ထိခိုက်လာမှာ ဖြစ်သလို အရိုးတွေလည်း ပျက်စီးလာမှာပါ။ ဒါ့ပြင် အဝပါ လွန်လာတဲ့အတွက် ကျီးပေါင်းဖြစ်ဖို့ အခွင့်အလမ်းပိုများလာနိုင်ပါတယ်။

ဆေးလိပ်သောက်တာ
ဆေးလိပ်သောက်တာက အရိုးတွေကို အားနည်းစေပြီး အရိုးထဲက ကယ်လ်ဆီယမ်ပမာဏကို ကျဆင်းစေနိုင်ပါတယ်။ နောက်တစ်ချက်အနေနဲ့ ခန္ဓာကိုယ် အစိတ်အပိုင်းတွေဆီ သွေးစီးဆင်းရောက်ရှိမှုကို အဟန့်အတားဖြစ်စေပြီး အရိုးကျီးပေါင်း ခံစားရနိုင်ခြေကို များစေပါတယ်။ အရိုးကျီးပေါင်းကြောင့် နာကျင်မှုကိုလည်း ပိုဆိုးစေပါတယ်။

ရေသောက်နည်းတာ
အပေါ်မှာ ပြောခဲ့သလိုပဲ ကျောရိုးဆစ်တွေကြားထဲက အဆစ်ပြားလေးတွေက အရိုးတစ်ခုနဲ့တစ်ခု ပွတ်တိုက်မိတာမျိုးမဖြစ်စေဖို့ ဖော့ချပ်လေးတွေလို လုပ်ဆောင်ပေးတာပါ။ ဒီအဆစ်ပြားလေးတွေက ရေဓာတ်ပြည့်ဝနေမှသာ သူတို့ရဲ့ တာဝန်ကို ကောင်းကောင်း လုပ်ဆောင်နိုင်မှာဖြစ်ပြီး ရေဓာတ်ခမ်းခြောက်လာတဲ့အခါ အရိုးတွေ ထိခိုက်ပြီး ရေရှည်မှာ ကျီးပေါင်းဖြစ်လာစေဖို့ တွန်းအားပေးလာနိုင်ပါတယ်။

ကိုယ်အလေးချိန် များနေတာ
ကိုယ်အလေးချိန် များနေတာက ကျောရိုးအဆစ်တွေမှာ ဝန်ပိုထမ်းထားရသလို ဖြစ်နေပြီး အရိုးတွေ ဝန်ပိတာ၊ ပျက်စီးတာတွေ ဖြစ်စေပါတယ်။ ပျက်စီးတဲ့ အရိုးကို ပြန်အစားထိုးဖို့ လုပ်ရင်း အရိုးအတက်လေးတွေ ထွက်လာတာကြောင့် ကျီးပေါင်း ဖြစ်လာပါတယ်။ အထူးသဖြင့် ခါးကျီးပေါင်း ပိုဖြစ်တတ်ပါတယ်။

ဘယ်လို ကာကွယ်မလဲ
လည်ပင်းကျီးပေါင်း ဖြစ်တာကို ကာကွယ်ဖို့ဆိုရင်

ကွန်ပျူတာရှေ့မှာ အလုပ်လုပ်တာ့အခါ ၂ နာရီလောက် ကြာသွားတိုင်း ၁၀ မိနစ် – ၁၅ မိနစ်လောက် မတ်မတ်ကလေးထိုင်ရင်း ခါးကြောတွေ၊ ခြေထောက်က အကြောတွေကို ပြေလျော့အောင် လုပ်ဆောင်ပါ။ အထူးသဖြင့် ဇက်ကြောတွေကို လျှော့ပေးပါ။
အခါအားလျော်စွာ မတ်တတ်ရပ်ပေးပါ။ လမ်းလေးပတ်လျှောက်တာမျိုး လုပ်ပေးပါ။ ဒီလို လုပ်ပေးတာက ကျောရိုးနဲ့ ခါးကြောပေါ်က သက်ရောက်မှုတွေကို ပြေလျော့စေနိုင်ပါတယ်။
ကိုယ်နေဟန်ထား မှန်မှန်လေး ထိုင်ပြီး ကွန်ပျူတာ စခရင်မ်ကို မျက်လုံးနဲ့ တစ်တန်းတည်း ထားပေးပါ။
အိပ်တဲ့အခါ ခါးကို မတ်မတ် ဆန့်ဆန့်လေး ထားပေးပါ။ ပခုံးတွေကိုလည်း အနေအထား မှန်မှန်လေး ထားပေးပါ။
ကဲ ….. ဘယ်အပြုအမူတွေကို လုပ်မိနေလဲဆိုတာ ကိုယ်တိုင် သုံးသပ်ပြီး အခုပဲ ပြင်ဆင်လိုက်တော့နော်။

hello sayawon

https://www.facebook.com/share/p/18LqxwDgDC/

02/02/2025

19/01/2025

နေရာတွေ ဘယ်လောက်ပဲပြောင်းပြောင်း ရွှေလက်ကိုပဲ အစဉ်တစိုက် လိုက်လံ အားပေးခဲ့ကြသော ကျေးဇူးရှင် customer များကို ကျွန်တော်/ကျွန်မတို့ ရွှေလက်အဖွဲ့သားများအားလုံးက ❤️❤️❤️❤️နှလုံးသားထဲကနေ လှိုက်လှိုက်လှဲလှဲ ကျေးဇူးတင်ရှိပါတယ်..အခြားအခြားသော မရောက်ဖူးသေးတဲ့ အသိမိတ်ဆွေများကိုလည်း ရွှေလက်ဂျပန်မြန်မာအကြောပြင်ကို လာရောက်အကြောပြင်ဖို့ လမ်းညွှန် ဖိတ်ခေါ်ပေးပါဦးနော်..
လိပ်စာ ===== နေဇာလမ်း
လမ်းသွယ် (၃)
ချမ်းမြသာစည်ရပ်ကွက်..
ဖုန်း ====
09420477566
09797976534
အကြောပြင်ဖို့ လိုအပ်နေရင် ရွှေလက်ကိုပဲ သတိရစေချင်

16/01/2025

ရွှေလက်ရဲ့ မိတ်ဟောင်းမိတ်သစ်များအားလုံး မင်္ဂလာပါနော်. 16/1/2025 ရက်နေ့ ကနေ စပြီး
နေဇာလမ်း
လမ်းသွယ် (၃)
ချမ်းမြသာစည်ရပ်ကွက်ကို ပြောင်းရွှေ့ဖွင့်လှစ်ထားပါကြောင်း အသိပေးအပ်ပါတယ်. အကြောပြင်ဖို့ လိုအပ်နေရင် ရွှေလက်ကိုပဲ သတိရစေချင်.
09420477566
09797976534

30/11/2024

နောက်ကျောတက် ဇက်ကြောတက် လက်ပြင်ငုတ် အုံးလွဲနေသူများ အတွက် နာရီပိုင်းအတွင်း ပျောက်တဲ့ နည်းလေးပါ။
_______________

အဆင့် (၁)

ခြေစုံရပ် ခါးကို မတ်မတ်ထား လက်နှစ်ဖက်ကို နဖူးပေါ်တင် ခေါင်းကို နောက်လှန်နိုင်သလောက် လှန်ဖိထားပါ။ ခါးမပါသွားပါစေနဲ့။ ၁၀ စက္ကန့်ရေပြီး ပြည့်ရင် ဖြည်းဖြည်း လွှတ်ပါ။

အဆင့် (၂)
&&&&&&&&
ခြေစုံရပ် ခါးကို မတ်မတ်ထား လက်နှစ်ဖက်ကို နောက်စေ့မှာကပ်ပြီး ခေါင်းကို ရှေ့ဖိနိုင်သလောက် ဖိပါ။ ခါးကုန်းမသွားပါစေနဲ့။ ၁၀ စက္ကန့်ရေပြီး ပြည့်ရင် ဖြည်းဖြည်း လွှတ်ပါ။

အဆင့် (၃)
&&&&&&&&
ခြေစုံရပ် ခါးကို မတ်မတ်ထား ဘယ်ဘက်လက်ကို ခါးထောက်ထားပြီး ညာဘက်လက်က ဦးခေါင်းကို အပေါ်ကနေ ညာဘက်ပါနိုင်သလောက် ဆွဲဖိထားပါ။ ခါးမပါစေနဲ့။ ၁၀ စက္ကန့်ရေပြီး ပြည့်ရင် ဖြည်းဖြည်း လွှတ်ပါ
အဆင့် (၄)
&&&&&
ခြေစုံရပ် ခါးကို မတ်မတ်ထား ညာဘက်လက်ကို ခါးထောက်ထားပြီး ဘယ်ဘက်လက်က ဦးခေါင်းကို အပေါ်ကနေ ဘယ်ဘက်ပါနိုင်သလောက် ဆွဲဖိထားပါ။ ခါးမပါစေနဲ့။ ၁၀ စက္ကန့်ရေပြီး ပြည့်ရင် ဖြည်းဖြည်း လွှတ်ပါ။

အဆင့် (၅)
&&&&&&
ခြေစုံရပ် ခါးကို မတ်မတ်ထား ဘယ်ဘက်လက်ကိုခါးထောက်ထားပြီး ညာဘက်လက်က မေးစေ့ကို ဘယ်ဘက်ပုခုံးနဲ့ ထိနိုင်သလောက်ထိ တွန်းလှည့်ထားပါ။

ဘယ်ဘက်ပုခုံးက ရှေ့ကို တိုးမလာပါစေနဲ့ မေးစေ့ကပဲ ပုခုံးပေါ်ရောက်နိုင်သလောက် ရောက်အောင် လှည့်တင်ထားပါ။ စက္ကန့်ရေပြီး ပြည့်ရင် ဖြည်းဖြည်း လွှတ်ပါ။
ppoooorirooffl
အဆင့် (၆)
&&&&&&&&
ခြေစုံရပ် ခါးကို မတ်မတ်ထား ညာဘက်လက်ကို ခါးထောက်ထားပြီး ဘယ်ဘက်လက်က မေးစေ့ကို ညာဘက်ပုခုံးနဲ့ ထိနိုင်သလောက်ထိ တွန်းလှည့်ထားပါ။

ညာဘက်ပုခုံးက ရှေ့ကို တိုးမလာပါစေနဲ့ မေးစေ့ကပဲ ပုခုံးပေါ်ရောက်နိုင်သလောက် ရောက်အောင် လှည့်တင်ထားပါ။ စက္ကန့်ရေပြီး ပြည့်ရင် ဖြည်းဖြည်း လွှတ်ပါ။

ဒီနည်းအတိုင်း အကြိမ်ရေ အကန့်အသတ်မရှိ နားနားပြီး လုပ်ပေးပါ။ များများလုပ်ပေးနိုင်လေ မြန်မြန်ပျောက်ကင်းလေပါ။
ကိုယ်တိုင် လက်တွေ့ ပျောက်ကင်းသွားလို့ တစ်ဆင့်ပြန်လည်မျှဝေခြင်းဖြစ်ပါသည်
++++++++++++
အခြားသူများလည်းသိစေရန်ပြန်လည်မျှဝေခြင်းဖြင့်ကျန်းမာရေး ကုသိုလ်ယူပေးကြပါရန် မေတ္တာရပ်ခံအပ်ပါသည်။

လေးစားစွာဖြင့်မူရင်းရေးသားသူကို
ေးပါတယ်
🙏🙏