19/04/2023
🌞🌞ရာသီဥတု အရမ်းပူလာတော့ အပူလွန်ကဲခြင်းကြောင့် ဖြစ်တဲ့လက္ခဏာတွေနဲ့ လူနာတွေ ဆေးရုံဆေးခန်းတွေမှာ များလာပါတယ်။
အသက်သေဆုံးသည်ထိ အန္တရာယ်များတာမို့ အပူချိန်လွန်ကဲခြင်းရဲ့ နောက်ဆက်တွဲလက္ခဏာတွေအကြောင်း ပြောပြချင်ပါတယ်။
⚛️ပထမတော့ လူက ချွေးတွေထွက်မယ်။
ရေနဲ့ ဓာတ်ဆား ဆုံးရှုံးမှုများလာတဲ့အခါ နုံးချိလာမယ်။ ကြွက်တက်နိုင်မယ် ။
⚛️ပိုဆိုးလာရင် Heat Exhausation (အပူကြောင့် ခြေကုန်လက်ပန်းကျခြင်း )ဖြစ်နိုင်ပါတယ်။
ပင်ပန်းနွမ်းနယ်ခြင်း
မူးဝေခြင်း
နေထိုင်မကောင်းခြင်း
ချွေးအလွန်အမင်းထွက်ပြီး အေးစက်ခြင်း
အသက်ရှူနှုန်းမြန်ခြင်း နဲ့ နှလုံးခုန်နှုန်းမြန်ခြင်းတွေ ခံစားရနိုင်ပါတယ်။
⚛️အဆိုးဆုံးကတော့ Heat Stroke လို့ခေါ်တဲ့ အပူလျှပ်ခြင်းပါ။
အသက်သေဆုံးတဲ့အထိ ဖြစ်နိုင်လို့ အင်မတန် အရေးကြီးပါတယ် ။
ဘယ်သူတွေ Heat stroke ဖြစ်နိုင်လဲ❓
✅သက်ကြီးရွယ်အိုများနဲ့ ကလေးငယ်တွေ
✅အရက်ဘီယာ အလွန်ကျွံသောက်သုံးသူတွေ
✅အားကစားပြင်းပြင်းထန်ထန်လုပ်သောသူတွေ၊
✅နာတာရှည် ရောဂါအခံရှိသူတွေ(ဥပမာ လည်ပင်းဟိုမုန်းများသောရောဂါ )
✅လေဝင်လေထွက်မရှိဘဲ အလုံပိတ်အခန်းထဲမှာ နေထိုင်သူတွေ
✅ပူပြင်းသောနေရောင်အောက်တွင် ကြာရှည်စွာ သွားလာလုပ်ကိုင်နေသူတွေ မှာ ပိုအဖြစ်များပါတယ်။
🚨ရောဂါလက္ခဏာတွေက
နုံးချိခြင်း,အားမရှိခြင်း , ခေါင်းကိုက်ခြင်း
ပျို့အန် ခြင်း တွေ ဖြစ်နိုင်တယ်
🚨ချွေးလုံး၀မထွက်တော့ဘဲ ခန္ဓာကိုယ်က ပူကျစ်လာမယ်
🚨အပူချိန် >40'C ကျော်ပြီး ကယောက်ကတမ်းဖြစ်တာ သတိလစ်တာတွေ ဖြစ်ပြီး အသက်ဆုံးရှုံးသည်အထိ ဖြစ်နိုင်ပါတယ်
ဒီလိုတွေ ဖြစ်လာပြီဆို အရေးပေါ်ပြုစုနည်းအနေနဲ့ လူနာကို အရင်ဆုံး
✅ အရိပ်ရပြီး အေးမြတဲ့နေရာကိုရွှေ့ပါ
✅ ရေအေးအေး များများတိုက်ပေးပါ။ ဓာတ်ဆားရည်တိုက်ပါ
✅အင်္ကျီလက်ရှည် အဝတ်ထူထူများ ၀တ်ထားပါကချွတ်ပေးပါ
✅ခန္ဓာကိုယ်နဲ့ အရေပြားတွေအေးစေရန် ရေပတ်တိုက်ပေးပါ ယပ်ခပ်ပေးပါ ပန်ကာအောက်မှာထားပေးပါ
✅ လူနာကို ပက်လက်အနေအထား ထားပြီး ခြေရင်းဘက်ကို မြှင့်ထားပါ
🚨အရေးပေါ်ပြုစုပြီးရင်တော့ နီးစပ်ရာဆေးရုံ ဆေးခန်းကို ပို့ပေးပါနော်
ကျန်းမာကြစေကြောင်း မေတ္တာဖြင့်
Dr Khaing Thandar Soe
သုခဆေးခန်း မုံရွာမြို့
ဘိုးဘွားရိပ်သာအနီး
မြတ်လေးလမ်း စက်မှုဇုံ
☎️09892237899
#အပူချိန်လွန်ကဲခြင်း
