13/11/2025
“ မေမေ နှင့် ရင်သွေးလေးအတွက် Ultrasound ၏ အရေးပါမှု “
📇 Ultrasound (အယ်လ်ထရာဆောင်း) ဆိုတာ အသံလှိုင်းကိုအသုံးပြုပြီး ကိုယ်ဝန်ဆောင်မိခင်နဲ့ မိခင်ရဲ့၀မ်းတွင်းသန္ဓေထဲက ကလေးအခြေအနေကို စစ်ဆေးခြင်းဖြစ်ပါတယ် ။
မိခင်နှင့်ကလေး အတွက် အန္တရာယ် နဲ့ ကျန်းမာရေးအခြေအနေများကို သိနိုင်ဖို့ မွေးဖွားမှုမတိုင်ခင် ကြိုတင်ပြင်ဆင်နိုင်ဖို့အတွက် Ultrasound က အရေးကြီးဆုံး စစ်ဆေးမှုတစ်ခု လည်းဖြစ်ပါတယ် ။
👶 Ultrasound ကို ဘယ်အချိန်တွေမှာ လုပ်သင့်သလဲ?
1. ပထမအကြိမ် (ကိုယ်၀န် 8 ပတ် မှ 12 ပတ်အတွင်း)
⁃ ကိုယ်ဝန်ရှိကြောင်း အတည်ပြုခြင်း ၊
⁃ ကလေး၏နှလုံးခုန်သံ ကြားနိုင်ခြင်း ၊
⁃ ကလေးတစ်ဦးတည်းလား (သို့) အမြွှာလား စစ်ဆေးနိုင်ခြင်း ၊
⁃ ပထမ 3 လမှာ Ultrasound ရိုက်ခြင်းဖြင့် မွေးဖွားသည့်ရက်ကို အနီးစပ်ဆုံး ခန့်မှန်းနိုင်ပါတယ် ။
2. ဒုတိယအကြိမ် (ကိုယ်၀န် 18 ပတ်မှ 20 ပတ်အတွင်း)
⁃ ကလေး၏ ကြီးထွားဖွံ့ဖြိုးမှု စစ်ဆေးခြင်း ၊
⁃ အချင်း၏ တည်နေရာ နှင့် ရေမြွှာရေ အနည်းအများ စစ်ဆေးခြင်း ၊
⁃ ကလေးကိုလည်း ယောကျာ်းလေးလား ၊ မိန်းကလေးလား ခွဲခြားနိုင်ခြင်း ။
3. တတိယအကြိမ် (32 မှ 36 ပတ်အတွင်း)
⁃ ကလေး၏ ကြီးထွားမှု နှင့် အနေအထားကိုစစ်ဆေးခြင်း ၊
⁃ အချင်း နှင့် ရေမြွှာရေ ပမာဏကို စစ်ဆေးခြင်း ၊
⁃ သင့်လျော်သောမွေးဖွားနည်း ရွေးချယ်ရန်အတွက် အချက်အလက်များ ရရှိနိုင်ခြင်း ။
4. 4 D Ultrasound (26 ပတ်မှ 32 ပတ်အတွင်း) ***
⁃ ကလေးရဲ့ လှုပ်ရှားမှုအသေးစိတ်ကို ကြည့်လို့ရတဲ့အတွက် ကြီးထွားဖွံ့ဖြိုးမှုကို စစ်ဆေးနိုင်ခြင်း ၊
⁃ ကလေးလေးရဲ့ ခန္ဓာကိုယ်ပေါ်ရှိ ကိုယ်လက်အင်္ဂါ အသေးစိတ်ကို ရှင်းလင်းစွာ မြင်ရနိုင်ခြင်း ၊
⁃ နှုတ်ခမ်းကွဲ ၊ အာခေါင်ကွဲ နှင့် မွေးရာပါနှလုံးရောဂါ စသည်တို့ကို စစ်ဆေးနိုင်ခြင်း ။
🌷 Ultrasound အကြောင်း မှားယွင်းသည့် ယုံကြည်ချက်တွေလည်း ရှိပါတယ်
❌ “ Ultrasound များများလုပ်ရင် ကလေးအန္တရာယ်ရှိတယ် ”
အမှန် _ Ultrasound သည် radiation ဓာတ်ရောင်ခြည်မပါသော အသံလှိုင်းကိုပဲ အသုံးပြုတာဖြစ်လို့ ဓာတ်ရောင်ခြည်အန္တရာယ် မရှိပါဘူး ။
❌ “Ultrasound ကိုတစ်ကြိမ်ပဲ လုပ်ရင်လုံလောက်တယ်”
အမှန်_ ကိုယ်၀န်ဆောင်ချိန်မှာ ultrasound ကိုအနည်းဆုံး နှစ်ကြိမ် မှ သုံးကြိမ် စစ်ဆေးပေးခြင်းက မိခင်နှင့်ကလေးအတွက် ပိုမိုအကျိုးရှိစေပါတယ် ။
ဒါ့အပြင် Ultrasound ကို လိုအပ်တဲ့အချိန်မှာစစ်ဆေးခြင်းက မိခင်နဲ့ရင်သွေးလေးအတွက် ဘေးကင်းစိတ်ချရတဲ့မွေးဖွားမှုရရှိအောင် များစွာအထောက်အကူ ဖြစ်စေပါတယ် ။
✔ ကျွန်တော်တို့ Royal Family ဆေးရုံမှာ ကိုယ်ဝန်ဆောင်မိခင်တို့အတွက် ခေတ်မှီ Ultrasound နဲ့ 4D Ultrasound ပါစစ်ဆေးကြည့်ရှုနိုင်လို့ရပါတယ် ။
“ နွေးထွေးကြင်နာ ကျန်းမာစေမှာ Royal Family ပါ “
Phone ☎️ : 09 77 5678 555 , 09 88 111 555 6
Address 🏩 : မူဆယ်မြို့ ၊ ဟိုမွန် ရပ်ကွက် ၊ သိန်းသန်းချီ ကားကြီးဝင်း အထွက်လမ်း ။
