စာမျက်နှာ ၏ အခြား တစ်ဖက်

26/11/2023

#ကယား

25/11/2023

#မြစ်ဆုံ
#ကချင်
#ဧရာဝတီ

24/11/2023

22/11/2023

#ပုပ္ပါးတောင်

22/11/2023

Different Version of Bagan

22/11/2023

AI နဲ့ Generate လုပ်ထားတဲ့ Emilia Clarke

20/11/2023

#ပုပ္ပါးတောင်

20/11/2023

#စစ်ကိုင်းတံတား

20/11/2023

#အညာမြေ
#မြန်မာမိန်းကလေး
#နွားလှည်း

20/11/2023

#ရှမ်းမြောက်

19/11/2023

#အညာမြေ

24/08/2022

လွန်ခဲ့တဲ့ ရက်အနည်းငယ်လောက်က သူငယ်ချင်းတွေ အဖွဲ့လိုက် နဲ့ စကားပြောကြတယ်ပေါ့။ ပြောတာကတော့ ခုမှ မဟုတ်ဘူး မကြာခဏပါပဲ။ ပြောကြရင်လည်း တလရ အကြောင်းပေါ့။ 😁😁😁 ပြီးတော့ ပြောတဲ့ အဖွဲ့ ကလည်း တကယ်လုပ်တဲ့ သူတွေပဲ စုပြောဖြစ်ကြတာပါ။😎😎😎

ပြောရင်းပြောရင်း နဲ့ တလရ ကြီး နှေးနေတဲ့ အကြောင်း က အလိုလို ပါလာရော။ အဲ့တာနဲ့ တစ်ယောက်က စပြောရော နှေးတာက အရေးမကြီးဘူး စီဒီအမ် လုပ်ပြီး စောင့်နေရတဲ သူတွေ က မလွယ်တဲ့ အကြောင်း ကုန်စျေးနှုန်းတွေ၊ ဒေါ်လာတွေ ရဲ့ အခက်အခဲ ပေါ့။😔😔😔 ရှေ့ဆက်ပြီး ဒီလိုဆိုရင် မလွယ်ကြောင်း နဲ့ ကရင်တွေ က မိုးကုန်သွား ပေမယ့် ဘာလို့ မတိုက်သေးလဲ မသိဘူး။ ဘာဘူးပေါ့။ ပြီးတော့ တောင်ပိုင်း ကရင်တွေ ဖက်က အဖွဲ့တွေ ကွဲနေပြီး၊ တောင်ပိုင်းတိုင်း စစ်ဦးစီးချုပ်ပေးတာ ကိုလည်း မယူရဲ ဘူးပေါ့ ။ သူတို့ နယ်ထဲက pdf တွေကိုလည်း ပေးမတိုက်ဘူး။ ဘာလုပ်မှာလည်းပေါ့။ ဦးရေမွေ တို့ကလည်း ဘာမှ မလုပ်နိုင်ဘူးလား ပေါ့။ အဆဲပဲ ခံနေတာပေါ့။ လေပျံ နှစ်စင်း လောက်ကိုပြစ်ချ နိုင်ဖို့ လိုပြီ။ strategy ဆွဲသင့်ပြီပေါ့။😂😂😂

အဲ့တာ နဲ့ ကရင် တောင်ပိုင်းပြီး သွားတော့၊ နောက်တစ်ယောက်က အလယ်ပိုင်း ဗိုလ်နဂါး ဘာညာ ဆီရောက်သွားကြပြန်ရော။ ဗိုလ်နဂါး က အငြိမ်း ကိုလက်ခံ တွေ့တာ စိုးရိမ်စရာ မလိုကြောင်းပေါ့။ ဘာလို့လဲ ဆိုရင် သူတို့တွေက တူရာတူရာ စုနေလို့သာ တွေ့ရဲ တာဖြစ်ကြောင်း ပေါ့။ တကယ်ဆို နုဂျီရဲ့ ထောက်ပံ့မှု အများဆုံး ရထားတာ ဗိုလ်နဂါးဖြစ်ပြီး၊ ဗိုလ်နဂါး ဆီမှာ လန ထောင်ချီပြီး ရှိနေပေမယ့်၊ personal branding ကိုပဲ လုပ်ပြီး တကယ်မတိုက်ကြောင်း၊ ယင်းမာပင် နဲ့ အလယ်ပိုင်း စစ်ကိုင်းဖက်မှာ စကစ နဲ့ ထိတွေ့မှုတွေ ဖြစ်တိုင်း ဘယ်တော့မှာ ဗိုလ်နဂါး၊ မကူကြောင်း၊ မလာကြောင်း ပေါ့၊ နုဂျီအနေ နဲ့ ကလည်း သူ့ကို ထောက်ပံ့ ထားပေမယ့်၊ အငြိမ်းနဲ့အင်တာဗျူးပြီး ပေါက်တကရ ပြောတာ ကို မဖြေရှင်း ကြောင်း၊ ဘာကြောင့် မဖြေရှင်းတာလဲပေါ့၊ ခပ်စွာစွာ ၊ ဆရာ လွင်ကိုလတ်တို့ ဘာလုပ်နေလည်း ဘာညာပေါ့။😝😝😝

အဲ့တာနဲ့ နောက်တစ်ယောက်ဆီ ရောက်သွားပြီး၊ ကချင် တွေကလည်း မြောက်ပိုင်း စစ်ဥိးစီးချုပ်ပေးတာကို မယူကြောင်း၊ ဒီတိုင်းပဲ လိမ်ဖယ်လိမ်ဖယ်တိုက်နေကြောင်း၊ တိုက်ပွဲဖော်ဆောင်မှုကို အမြန်လုပ်သင့်ကြောင်း၊ ဆရာဂွမ်းကို နုဂျီ အနေ နဲ့ သေချာ စည်းရုံးသင့်ကြောင်းပေါ့။ နောက်ထပ် 6 လ နေလို့မှ တစ်ခုခု လုပ်မပြနိုင်ရင် မလွယ်ကြောင်းပေါ့။ တကယ်လည်း မလွယ်ဘူး။

ဒါနဲ့ပြီးတော့ နောက်တစ်ယောက်ကလည်း NUCC က နာမည် ယူထားပေမယ့်၊ တာဝန် ယူမှုတာဝန်ခံမှု အင်မတန် နည်းကြောင်း၊ တစ်ခါမှ လူရှေ့မထွက်ကြောင်း၊ ဘာလာလာ နုဂျီကိုပဲ ထိုးချထားကြောင်း။ လူတွေ အများစု ကလည်း NUCC ဆိုတာ ဘာမှန်းကို မသိကြောင်းပေါ့။ ကိုမင်းကိုနိုင် ကလည်း တိုင်းရင်းသား အားလုံးလေးစားမှု ရထားပေမယ့်၊ တာဝန်မယူရဲကြောင်း ပေါ့ အစရှိသဖြင့်၊ အစရှိသဖြင့်ပေါ့။

အကုန်လုံး ကိုယ်သိတာ ကိုယ်ပြောပြီးလို့၊ တစ်ယောက် အသံ၊တစ်ယောက်ပြန် နားထောင် ကြည့်လိုက်တော့ အချို့ ကလည်း စီဒီအမ် ထားတဲ့ အရာရှိတွေ၊ အချို့ ကလည်း ပြည်ပကနေ ထောက်ပို့နေတဲ့ သူတွေ၊ ကျန်တဲ့သူတွေ ကလည်း စီးပွားရေး သမားပေမယ့်၊ ရရင် ရသလို စကစ ကိုတွန်းလှန်နေသူတွေ ဆိုတော့ ကိုယ့်ဟာ ကိုယ်တော့ အတော်လုပ်လှပြီ၊ တာဝန်ကျေနေပြီလို့ ထင်တဲ့ သူတွေချည်းပဲ။

ဒါပေမယ့် ကဲ ပြသနာတွေက တော့သိနေပြီ၊ အဲ့လိုနှေးနေတာတွေ ဘယ်လို အဖြေရှာမလဲ ဆိုပြီး ဆက်တွေးတော့ အဖြေက မထင်မှတ်ပဲ၊ လွယ်လွယ်လေးထွက်လာတယ်။

ခုနက ပြောနေတဲ့ သူအများစုက ဦးရေမွေ ထက် တော်ကောင်းတော်လိမ့်မယ်။ ပိုပြီးလုပ်ရေကိုင်ရေ ရှိကောင်းရှိပါလိမ့်မယ်။ အကွက်ပိုမြင်ပြီး စီးရုံးနိုင်ကောင်းလည်း စီးရုံး နိုင်လိမ့်မယ်။ ဒါပေမယ့် ရှေ့ထွက်မလာပါဘူး။ နောက်ပြီး အချို့က လည်း နဂါးထက် နိုင်ငံရေး အပေါ်ဖြစ်စေ၊ အခြားသော ကိစ္စ တွေ အပေါ်မှာ ပိုပြီး ရိုးသားကောင်း ရိုးသားလိမ့်မယ်။ ဆရာဂွမ်းတိုထက်လည်း တိုင်းရင်းသား ပေါင်းစည်းရေး ဘာညာ ကိုပိုပြီး သိကောင်းသိကြပါလိမ့်မယ်။ ဒါပေမယ့် ပြသနာက ကျတော်တို့ အထဲက ဘယ်သူမှ တောထဲတောင်ထဲ မှာ မနေချင်ကြပါဘူး။ တောထဲတောင်ထဲ မှာပြေးရင်လွှားရင်း နဲ့ မတိုက်ချင်ကြပါဘူး။ မိသားစု ရှိသေးလို့၊ ကလေးရှိသေးလို့ နဲ့။ စိတ်ရော ကိုယ်ရော အဆင်းရဲ မခံချင်ကြဘူး။

နိင်သလောက်ကူပြီး၊ ကျတော်တို့ရဲ့ reference line က ဘာမှမလုပ်တဲ့၊ အခါအခွင့်ကို အမြဲချောင်းနေတဲ့ သူဌေးတွေ၊ လာဘ်လာဘ ယူနေတဲ့ non တွေ နဲ့ ယှဥ်ပြီး သာ ကိုယ့်ကိုယ်ကို လုပ်လှပြီလို့ ထင်နေကြတာပါ။ တကယ်က ကျတော်တို့ ရဲ reference၊ ညွန်းကိန်းကို တိုင်းတဲ့ ပေတံက မှားနေတာပါ။ မလုံလောက်သေးပါဘူး။ ဘာမှ မလုပ်တဲ့ သူတွေ နဲယှဥ်ပြီး၊ ကိုယ့်ကို ကိုယ့် အဟုတ်ကြီး ထင်နေကြ တာပါ။

ကျတော်တို့ မလုပ်ချင်တဲ့ အလုပ်ကို လုပ်ပေးနေသူတွေ အတွက် ဘာလို့ မလုပ်သေးလဲလို့ မေးနေ မယ့် အစား၊ ဘာလုပ်ပေးရင် မြန်မလဲလို့စဥ်းစားရမှာပါ။ သူတို့လည်း ကိုယ်တွေလို့ နိုင်ငံထဲက နိုင်ငံ သားတွေပါပဲ။ သူတို့ရွေးချယ် မှုကြောင့် အရှေ့ရောက်လာသူတွေကို ဘာလို့နှေးနေလဲဆိုပြီး၊ ဆဲနေလို့၊ ပိုပြီး မြန်မလာ နိုင်တာကို သုံးသပ်သင့်ပါပြီ။

တကယ်က နှေးနေတာ နုဂျီကြောင့်လည်း မဟုတ်ဘူး၊ နဂါးကြောင့်လည်း မဟုတ်ဘူး၊ တတ်သလောက် မှတ်သလောက် လုပ်နေတဲ့ သူတွေကို နှစ်ပဲ တစ်ပြားဖိုးကူပြီး၊ reference မှားပြီး ဝေဖန်နေတဲ့ ကျတော်တို့ အားလုံးကြောင့် နှေးနေသေးတာပါပဲ။ ကျတော်တို့ ဘာကြောင့် နှေးနေသေးတာလဲ လို့ မေးပြီး တစ်ယောက် နဲ့ တစ်ယောက် blame နေကြမယ့် အစား၊ ငါ့က စပြီး၊ နှေးနေသေးတယ် လို့ စတွေး၊ မြန်အောင် ငါဘာထပ်လုပ်မလဲ ဆိုတာကို တွေးပြီး ဆက်လုပ်သင့်ကြပါပြီ။

အတွေးတူက

ေးစရာမလိုပဲကူးယူဖော်ပြနိုင်ပါသည်။

22/08/2022

ဒီပိုစ့်ကတော့ 10 တန်းအောင်ပြီးစ နဲ့ တစ်ချို့လမ်း အနည်းငယ် ပျောက်ပြီး၊ ဒီကာလ မှာ ဘာလုပ်ရမလဲ မသိတဲ့ လူငယ်လူလတ်တွေ အတွက် Professional တစ်ခုကို လမ်းညွန်ပေးချင်လို့ပါ။ လမ်းမညွန်ခင်မှာ ဘာကြောင့် ဆိုတာနဲ့ ဘာလို့ ရွေးသင့်တာတွေ လည်းဆိုတာကို အနည်းငယ်လေး ထပ်ရှင်းပြပေးချင်ပါတယ်။ အနည်းငယ်ဆိုပေမယ့် ရှင်းပြရတာ မနည်းပါဘူး တကယ်ကတော့ 😁။

ကျတော်တို့ ဆယ်တန်း အောင်ပြီးခါစ 2000 ခုနစ် အစောပိုင်း ကာလာ အချိန်တွေ မှာ အမြဲတမ်း အမေးအများဆုံး နဲ့ မိဘတွေ အတွက် ခေါင်းအကိုက်ရဆုံး မေးခွန်းက ကျောင်းပြီးရင် ကလေးက ဘာလုပ်မှာလဲ၊ ဘာ မေဂျာ(နိုင်ငံတကာ မှာတော့ course လို့သုံးပါတယ်) တက်မှာလဲ ဆိုတာပါပဲ။

ကျတော်တို့ ငယ်စဥ်အချိန်က Private University တွေ၊ International School တွေ က မြန်မာ နိုင်ငံ မှာ အများကြီး မရှိသေးသလို၊ ရွေးချယ်စရာ ကလည်း ခေတ်စနစ်ပေါ် မူတည်ပြီး၊ အင်မတန် ကို နည်းလှပါတယ်။ နည်းပါးတဲ့ အထဲမှာ မှာ ယောက်ျားလေး နဲ့ မိန်းကလေး ယှဥ်ရင် မိန်းကလေး တွေအတွက်က ရွေးချယ်စရာ ပိုပြီး နည်းပါးပါတယ်။ ဘာလို့လဲ ဆိုတာ ကို ကျတော် ဆက်ပြီး ရှင်းပြပေးပါမယ်။

ဆယ်တန်းအောင်စာရင်းတစ်ခုတည်းရဲ့ ဆုံးဖြတ်ချက်အရ အမှတ်အများဆုံး လူက ဆရာဝန် လိုင်းလိုက်ကြတာများပါတယ်။ ဆရာဝန်ကတော့ မိန်းကလေးရော ယောက်ျားလေး ရော လက်ခံပါတယ်။ ဘာကြောင့် ဆရာဝန်လိုင်း လိုက်တဲ့ သူများ လည်းဆို အဲ့ဒီ အချိန်၊ အဲ့ဒီ ခေတ်က ဆရာဝန် လောက် ဝင်ငွေများ တဲ့၊ တစ်ခြား အလုပ်(သို့) ကုမ္မဏီ အလုပ် တွေကလည်း နည်းပါးပါ သေးတယ်။ (အခုလည်း နည်းလာပါပြီ 😁)။

နောက်တစ်ခုက 1998 ခုနစ် မတိုင်မှီ ( ခုနှစ် သေချာမမှတ်မိ၊ ခုနစ် အနည်းငယ်လွဲနိုင်) အချိန်မှာသာ BE ဘွဲ့လို့ ခေါ်တဲ့ Bachelor of Engineer က တိုက်ရိုက်မပေးတော့ပဲ၊ GTI, B.Tech အစရှိတဲ့ အဆင့်ဆင့် ကို ကျော်ဖြတ်ပြီးမှ 5 နှစ်လောက်တက်ရတဲ့ B.E ဘွဲ့ ​ရတဲ့စနစ် ဆိုတာ ရှိလာပါတယ်။ 1998 မတိုင်ခင် နှစ်တွေ မှာ B.E လိုင်းက အမှတ် ဒုတိယ အများဆုံး လောက်လိုက်ခဲ့ပေမယ့်၊ ဘွဲ့ရဖို့ အဆင့်ဆင့် ကျော်ဖြတ်ရတဲ့ B.E အင်ဂျင်နီယာ လိုင်း စနစ်ကို ကျောင်းသား အချို့ က လက်ရှောင်ခဲ့ကြပါတယ်။

နောက်ပြီး အဲ့ဒိအချိန်က တစ်ခုတည်းသော Dollar ဝင်ငွေ ရှိတဲ့ အလုပ်လို့ဆိုရင်တောင် မမှာဘူးပြောရမယ့် ရေကြောင်း သိပ္ပံ ကလည်း အမှတ်များတဲ့ ယောက်ျားလေး များ ကြားတဲ့ ရေပန်းစား တဲ့ အသက်မွေးဝမ်းကြောင်း တစ်ခုဖြစ်ခဲ့ပါတယ်။ နောက်ပြီး တော့ စစ်အင်ဂျင်နီယာ၊ စစ်ဆေးဆိုပြီး ထပ်ရှိခဲ့ပါတယ်။ ဒါကလည်း ယောက်ျားလေး သီးသန့်ပါပဲ။

အဲ့ဒိနောက်မှာ (math+eng) နှစ်ဘာသာပေါင်းပြီး 150 ရရင် လျှောက်လို့ရတဲ့ ဝန်ကြီး ဦးသောင်း အကောင်အထည်ဖော်ခဲ့တဲ့ B.E တိုက်ရိုက်ပေးတဲ့ ဆရာဖြစ်သင်တန်း (အဲ့ဒီကျောင်း မှာတော့ မိန်းကလေး တွေလည်း အနည်းဆုံး 155 မှတ်ရရင် လျှောက်လို့ရပါတယ်) ဆိုပြီးပေါ်ပေါက်ခဲ့ပါတယ်။ အများစုကတော့ 150 တန်း (သို့) တစ်ကျပ်ခွဲတန်းလို့ ခေါ်ကြပါတယ်။ စုစုပေါင်း အမှတ်အလယ်အလတ် နဲ့ above average လောက် မိန်းကလေးရော၊ ယောကျ်ားလေး တစ်ချို့ ကလည်း စီးပွားရေး တက္ကသိုလ် နဲ့ computer science တက္ကသိုလ် တစ်ချို့ကို ရွေးချယ်ကြပါတယ်။ တခြား အနည်းငယ် သော အသက်မွေးဝမ်းကြောင်း ဥပမာ၊ တိမွေးကု၊ စိုက်ပျိုးရေး၊သစ်တော ဆိုပြီး အနည်းငယ်ရှိခဲ့ပေမယ့် ကျတော် အားလုံးကို၊အကျယ်မရှင်းပြ တော့ပါဘူး။

အဲ့ဒီ အထဲ မှာမှ ကျောင်းပြီးသွားရင်၊ 2000 ခုနှစ် နဲ့ 2010 ဝန်းကျင်တွေမှာ ပြည်တွင်းမှာ အလုပ်အကိုင် အခွင့်အလမ်း အနည်းဆုံး နဲ့ အလုပ်အကိုင် ရှာမရ သလောက် နည်းပါး ရှားပါး ခဲ့တာ​တွေထဲက တစ်ခုက B.E (IT) နဲ့ Computer Science မေဂျာတွေ ဖြစ်ခဲ့ပါတယ်။

IT နည်းပညာ ဟာ ဖွံဖြိုးပြီး နဲ့ တကယ့် ဖွံဖြိုးဆဲ (အတုဖွံဖြိုးဆဲ နိုင်ငံများမပါ 😁) နိုင်ငံ တွေ အတွက်အရေးပါခဲ့ပေမယ့်၊ 2000 ခုနှစ် ပတ်ချာလည်၊ မြန်မာနိုင်ငံ ရဲ့ ဖွံဖြိုးမှု နည်းတဲ့ အခြေအနေ မှာ တက်ခဲ့မိတာ မှားပြီလား မသိဘူးလို့ ကျောင်းပြီးခါစ လူငယ်တိုင်းက ခံစားခဲ့ကြရပါတယ်။

အဲ့ဒီ အချိန်မှာ အချို့လည်း ရသလောက် အတွေ့အကြုံယူပြီး၊ အနီးစပ်ဆုံး မလေးရှား နဲ့ စင်ကာပူ နိုင်ငံကို ထွက်လာကြတဲ့ ကျောင်းပြီး IT
လူငယ် အများစု က အလုပ်အတွေ့အကြုံ မရှိသည့်တိုင်အောင်၊ အလုပ်ရကြပါတယ်။ ​မြန်မာ နိုင်ငံ က ဘွဲ့က ဘယ်နိုင်ငံ က မှ အသိအမှတ်မပြုဘူးလို့ အောင်နေခဲ့ကြပေမယ့်၊ အချို့ IT နဲ့ ပြည်တွင်းက ဘွဲ့ရခဲ့တဲ့ လူငယ်အချို့က ပြည်ပက (Poly Diploma) ရထားတဲ့ ကျောင်းပြီး တစ်ချို့ထက် လစာ ပိုမိုကောင်းမွန်တာ ရှိခဲ့ပါတယ်။ နောက်ပြီးတော့ IT သို့မဟုတ် Computer Science က တစ်ခြား အလုပ်တွေလို Gender အကန့်အသတ် ပိုင်းခြားကန့်သန့် ထားဖို့မလိုတဲ့ အသက်မွေးဝမ်းကြောင်း လည်းဖြစ်ပါတယ်။

နောက်ပြီးတော့ IT အသက်မွေးဝမ်းကြောင်း ရဲ့ အသားချက် က အလုပ်တစ်ခုရရှိဖို့၊ ဘယ်နိုင်ငံ ဘယ်တက္ကသိုလ် က ကျောင်းဆင်းလို့ အလုပ်ရဖို့ ပိုဦးစားပေးတယ် ဆိုတဲ့ ကန့်သတ်ချက် အင်မတန်နည်းပါးပါတယ်။ ကျောင်းပြီး နောက်ပိုင်းမှာ ကိုယ်ဝါသနာပါတဲ့ IT ဘာသာရပ် (အဲ့ဒီအပိုင်း အသေးစိတ်ကို နောက် post တွေ မှာ ဆက်လက်ရှင်းပြပေးပါမယ်) ကို ဆက်လိုက်ဖို့ အခွင့်အလမ်း များစွာရှိပါတယ်။

အဲ့တော့ နောက်ဆက်တွဲ မေးလာနိုင်မယ့် မေးခွန်းက၊ ကျောင်းပြီးရင် IT နဲ့ ပြည်တွင်းမှာ အလုပ်ရနိုင်လား ဆိုတာပါ။ ကျတော် တစ်ဦးတည်း အမြင်အရဖြေပေးချင်တာက လက်ရှိအခြေအနေ နဲ့ရော နောက်ဖြစ်လာနိုင်တဲ့ အခြေအနေ တွေအရရော ဆိုရင် ပြည်တွင်းမှာ အလုပ်ရဖို့ ခက်ခဲ နိုင်ပါတယ်။

နောက်ထပ်မေးခွန်း အနေ နဲ့ ပြည်ပမှာ အလုပ်ရနိုင်လားလို့ မေးစရာ ရှိပါတယ်။ အလိုဆိုရင်တော့ covid ကြောင့် ဖွင့်ဖြိုးပြီး နိုင်ငံတိုင်းက လူနဲ့ထိတွေ့မှု နည်းတဲ့ platform ကိုပြောင်းလဲတာနဲ့ရော၊ နိင်ငံတကာ မှာ border ပိတ်ဆို့မှုများ တဲ့ အတွက် ကြောင့် IT skill shortage တွေဖြစ်နေပြီး၊ နောက်လာမယ့် နှစ်အတော်များများ အထိ IT Major က အလုပ်ရဖို့ အဆင်ပြေနေအုံးမယ်လို့ ထင်ပါတယ်။

နောက်ထပ် အမေးများတဲ့ မေးခွန်းတွေ ထဲက နောက်တစ်ခုက တစ်ချို့တက္ကသိုလ်တွေ ဥပမာ၊ မြန်မာပြည် က Computer Science တက္ကသိုလ် တွေ နဲ့ B.E (IT) ဘယ်လိုကွာလဲ လို့မေးကြပါတယ်။ ကျတော့် အမြင်အရ သင်ရိုးမှာ ကွာတာ ရှိပေမယ့်၊ နိုင်ငံတကာ အမြင်အရ computer တစ်ချို့တက္ကသိုလ် တွေက 3နှစ်ပဲ တက်ရပြီး၊ B.E က 5 နှစ်တက်ရပါတယ်။ စင်ကာပူလို နိုင်ငံ မျိုးမှာ အလုပ်ဝင်ဖို့အတွက်ဆိုရင်တော့ ကွာခြားချက် နည်းပါတယ်။ ဘာမှ မကွာပါဘူး။ ဒါပေမယ့် အချို့နိုင်ငံတွေ မှာ Bachelor ကို 5နှစ်တက်ထား မှ professional အနေ နဲ့ သတ်မှတ်ပေးပြီး၊ လုပ်သက်ထဲက PR တင်တဲ့ အချိန်မျိုး၊ Professional Body ကို Assessment လုပ်တဲ့အချိန်မျိုး မှာ လုပ်သက် ထဲက နှစ်အနည်းကို နှုတ်လေ့ရှိပါတယ်။ လုပ်သက် မရှိသေးတဲ့ ကျောင်းပြီးခါစ တွေ အတွက် Assessment လုပ်တဲ့ အခြေအနေ မျိုးမှာ point system ကို Diploma ရဲ့ point အနေ နဲ့ စဥ်းစား လိုက်တာမျိုးတွေ ရှိပါတယ်။ ဒါကလည်း သွားတဲ့နိုင်ငံ၊ အလုပ်လုပ်လုပ်တဲ့ နိုင်ငံ တွေပေါ် မှာမူတည်လို့ အသေးစိတ်ပြောဖို့ခက်ပါတယ်။

နောက်ထပ်မေးလေ့ရှိကြတဲ့ မေးခွန်းက၊ တစ်ခြား ဘွဲ့တစ်ခုခု နဲ့ ဘွဲ့ရထားတယ်၊ IT လိုင်းကို ပြောင်းလာလို့ ဖြစ်နိင်မလား ဆိုတာပါ။ ကျတော့် အနေနဲ့ ပြောရရင် လုံးဝဖြစ်နိုင် သလို ပြောင်းလာတဲ့ လူတွေ လည်း အများ အပြားရှိပါတယ်။ အဲ့ဒီအပိုင်း ကိုပြောရရင် နှစ်ပိုင်း ရှိပါတယ်။ တစ်ချို့က အဝေးသင်လိုမျိုး science ဘွဲ့ (physics၊ maths) လိုမျိုး ပြီးရင် IT professional ပြောင်းလာတာ အထူးအဆန်းအနေနဲ့ နိုင်ငံ တကာမှာ မခံစားကြပါဘူး။ သူတို့ နိုင်ငံတွေ မှာ Applied Science (သို့မဟုတ်) Math နဲ့ ပြီးတဲ့ သူတွေ AI လောကထဲမှာ အများကြီးပါ။ အဲ့ဒါအတွက် ကိုယ်ကလည်း စိတ်ဝင်စားတယ်၊ IT နဲ့ ပတ်သက်တဲ့ Degree တစ်ခုလိုချင်တယ် ဆိုရင်၊ Graduate Diploma သို့မဟုတ် Post Graduate Diploma တစ်ခုခုကို တက်ပြီး၊ ပြောင်းလာဖို့ကို အားပေးပါတယ်။ အဲ့ဒီ Diploma တွေ က အနည်းဆုံး ဘွဲ့တစ်ခု ရပြီးမှာ တက်လို့ပြီး၊ Semester 2-3ခုပဲတက်စရာ လိုတဲ့ အတွက်ကြောင့် အချိန် တစ်နှစ်ခွဲပဲ အများဆုံး လိုတာပြီး၊ Bachelor ပြန်တက် ရတာမျိုးထက်စရင် အချိန်ရော ငွေရော အများကြီး သက်သာ ပါတယ်။ တခြား Art နဲ့ဆိုင်တဲ့ ဘွဲ့ (Eco) လိုဟာမျိုး နဲ့ပြီးရင်တော့ Business IT လိုဟာမျိုး ဘက်ကို သွားတာ ပိုသင့်တော်ပါတယ်။ (အဲ့ဒီ အကြောင်းအရာ ကို သိချင်တဲ့ လို့ တောင်းဆိုသူများရင်တော့ နောက်ပိုစ် မှာ အကျယ်ထက်ပြောပြပေးပါ့မယ်)။

အချုပ်အနေ နဲ့ အဓိကပြော ရရင် IT လောကထဲ ကို ရောက်လာရင် မြန်မာ အချင်းချင်း ရှိုင်းပင်းဖို့ပါ။ IT လောက က သိုင်းလောက မဟုတ်ပါဘူး။ IT နယ်ပယ်ထဲကို ရောက်လာသူတွေ ထဲမှာ B.E တွေ၊ Computer Science တွေ၊ Science Major ၊ Art Major ကပြောင်းပြီး လေ့လာသူတွေ အများကြီးပါပါတယ်။ ကိုယ့်နိုင်ငံ မကောင်းလို့ သဘောမှောက်ပြီး၊ လက်ပစ်ကူး လာကြရသူတွေ များပါတယ်။ အချင်းချင်း ကို ငါက သင်ဘော ပထမတန်းက လက်ပစ်ကူးလာတဲ့ သူ၊ မင်းက ရိုးရိုးတန်းက စီးပြီး လက်ပစ်ကူးလာတဲ့ သူဆိုတာ မျိုး အချင်းချင်း ထိုးမချ သင့်ကြပါဘူး။ ကိုယ့် community ကြီးလာအောင်အချင်းချင်း ဖေးမပြီး၊ သိထားတာလေးတွေကို ဖြန့်ဝေနိုင်ကြ ဖို့လိုပါတယ်။

ကျတော့် အနေနဲ့ ကတော့၊ လက်ရှိအတွေ့အကြုံ၊ ပတ်ဝန်းကျင်နိုင်ငံတွေ နဲ့ လက်ရှိနိုင်ငံရေး အခြေအနေ တွေအရ 2022 နောက်ပိုင်း မှာ နိုင်ငံတကာ အတွက် စဥ်းစားရင် IT က ထိပ်တန်းရွေးချယ်သင့်တဲ့ Professional တွေထဲမှာ တစ်ခုပါဝင်ပါတယ်။ လူကြီးတွေရော၊ လူငယ်တွေရော ဘဝ အတွက် Professional ရွေးချယ်တာမှာ ကံကောင်းကြပါစေ။

21/08/2022

ဒီပိုစ်က ကျတော်ကြားသိထား သလို တစ်ချို့လည်း ကြားပြီးဖြစ်မှာပါ။ ဒါပေမယ့် ကိုယ်အပါအဝင် ကိုယ့်ပတ်ဝန်းကျင်က လူတွေ သိရှိပြီး၊ ဘာဆက်လုပ်သင့်လဲ ဆိုတာ ကို ကြိုတွေးထားနိုင်ဖို့ မျှဝေခြင်းဖြစ်ပါတယ်။

ဇော်မဲလုံး က social media ကို အစားထိုးဖို့ platform တည်ဆောက် နေတယ် လို့ ပြောတာ ကို အများစုက လှောင်ပြောင် နေကြတာ တွေ့တော့၊ ကျတော့် အနေ နဲ့ ကတော့ သူပြောတဲ့ စကား တွေ အရ၊ serious ထားပြီး ဘာဆက်လုပ်မယ်လို့ စဥ်းစားထားသင့်တယ် လို့ မြင်ပါတယ်ယ

ဘာလို့လဲ ဆိုရင် ခုချိန်မှာ facebook ရဲ့ သတင်းစီးဆင်း မှု နဲ့ media plaform က နေ organize လုပ်ပြီး တော်လှန်နေတာ ကို အခုချိန်ထိ သူတို့တွေ၊ မရပ်တန့် နိုင်သေးပါဘူး။

အာဏာသိမ်းပြီးခါစ 2021 April, May လောက်ကတည်း က china နည်းပညာ Great Firewall လိုမျိုး၊ ကိုမအလ အဖွဲ က စတင်ဆောင်ရွက်နေတယ် ဆိုတာ သတင်းသဲ့သဲ့ ကြားခဲ့ပါတယ်။ သူတို့တွေ ရဲ့အခု လုပ်ဆောင်မှုတွေက တရုတ်နည်းပညာ နဲ့ တရုတ်ရဲ့ နိုင်ငံ လုပ်ဆောင်ချက် တွေ ကို နမုနာယူပြီး သွားနေတယ် လို့ယူဆရပါတယ်။ တရုတ် နိုင်ငံ မှာ တချို့ foreign website တွေ ကို filter လုပ် ပေးကြည့်ပြီး၊ သူတို့ရဲ legislation အတွက် wechat,weibo,youku တို့ကို ပဲပေးသုံးပြီး၊ သတင်း စီးဆင်းမှု ကို လုံးဝ မှောင်ချ ထားတာပါ။ ငွေကြေးစီးဆင်း မှု ကိုလည်း လုံးဝ ချုပ်ကိုင် ထားပါတယ်။

သူတို့ရဲ့ အယူအဆ နဲ့ အတွေ့အကြုံ အရ လူတွေက နောက်ပိုင်း သုံးစရာ မရှိရင် ဒါတွေ ကိုပဲ သုံးရမှာပဲ ဆိုတာမျိုးကို တွေးထားပုံ ပေါ်ပါတယ်။ တရုတ်ပြည်မှာ လည်း စျေးရောင်းစျေးဝယ်၊ ငွေပေးချေတာတွေက အစ wechat ကိုပဲ အများစု သုံးရတာ ကိုကြားဖူးပါတယ်။ အဲ့ဒီ သတင်း က တကယ်လုပ်ဆောင်နေတာ မှန်တယ် ဆိုရင် အချိန်မကြာခင် အတွင်း မှာ facebook ပေါ်က digital marketing လုပ်နေတဲ့ သူတွေ၊ social influencer တွေ၊ စာသင်၊ စျေးရောင်း၊ travel blogger၊ food blogger လုပ်နေတဲ့ သူတွေ ရဲ့ ဘဝ ဟာ နေ့ချင်းညချင်း အပြောင်းအလဲ အကြီးကြီး၊ ဖြစ်သွား နိုင်ပါတယ်။

ဒါတင်ပဲလား ဆိုတော့ မကသေးပါဘူး။ သေချာခိုင်မာ တဲ့ သတင်းတွေ အရ နဲ့ လွန်ခဲ့တဲ့ ရက်အနည်းငယ်က eleven မှာပါလာ တဲ့ သတင်းတွေအရ ဆိုရင် မအလ က telecom တွေ၊ fintech တွေ နဲ့ ဘဏ်တွေ အတွက် central database တစ်ခုကို တည်ဆောက်နေပါပြီ။ နည်းပညာ နဲ့ပညာရှင်တွေ ကို တစ်ခြားကခေါ်ထားပါတယ်။ သူက တစ်ဦးချင်း တစ်ယောက်ချင်း ဆီ နောက်ပိုင်းမှာ kpay တို့၊ wave တို့လိုမျိုး ငွေလွှဲရင်တောင်၊ လူရော ၊id ရောကို ဓာတ်ပုံ ရိုက်ပြီး မှ လွှဲလို့ ရဖို့ စနေပါပြီ။ transaction တိုင်းက အရမ်းနှေးကွေး သွားမှာ ဖြစ်ပြီး၊ တစ်ဦးချင်း တစ်ယောက်ချင်းဆီ ရဲ့ ငွေ အဝင်အထွက်တွေ၊ ကုမ္မဏီ တစ်ခုချင်းဆီရဲ ငွေ အဝင်အထွက်တွေ ကို လိုက်ကျပ်ဖို့ ဖြစ်ပါတယ်။ အရင်လို့ ကို ကုမ္မဏီ အတွင်း ဘယ်လောက်ဝင်ဝင်ထွက်ထွက်၊ ကိုယ့်personal အကောင့် ဘယ်လောက်ဝင်ဝင်ထွက်ထွက်၊ ကို လိုက်ကြည့်ပြီး မထင်ရင်မထင်သလို လုပ်လာမယ့် အနေအထားမှာရှိနေပါတယ်။ kpay နဲ့ wave တွေရဲ့ level 1 အကောင့် တွေကိုလဲ ပိတ်ဖို့ ညွန်ကြားထားပြီးပြီ လို့လဲ သိရပါတယ်။ သူတို့က telecom တွေ ရဲ့ sim card၊ ဘဏ်တွေ မှာ နောက်ပိုင်း id, face recognition မလုပ်ရသေး တဲ့ အကောင့်တွေ ကို မကြာခင် မှာ လည်းပိတ်သွား​တော့ မယ်လိုကြားပါတယ်။

လောလောဆယ် အနေအထား အရ telecom တွေ၊ ဘဏ်တွေ ကို သုံးလ အတွင်း data တွေကို ပေးဖို့ လည်း ညွန်ကြားထားတယ်လို့ သိထားရပါတယ်။

အဲ့တော့ နောက်ထပ်မေးစရာက ဒီလောက်နှေးကွေးသွားရင်၊ ဘဏ်တွေ ဘယ်လို အလုပ်လုပ်မလဲ၊ telecom တွေ subscriber တွေ ကျလာရင် ဘယ်လိုရပ်တည် မလဲ ဆိုတာမျိုးကို မေးနိုင်ပါတယ်။ ဒါပေမယ့် အဲ့ဒီ အကြိုးဆက်ကို အဓိက ခံစား ရမှာ က ပြည်သူတွေ ပဲ ဖြစ်တဲ့ အတွက် သူတို့က လုံးဝ လုံးဝ ဂရုမစိုက်ပါဘူး။

အဲ့တော် ကျတော်ကြားသိထားရသလောက် သတင်းတွေ အရ ဒီကိစ္စ တွေဟာ သုံးလအတွင်း၊ ဖြစ်လာနိုင်ဖို့ ခက်ခဲပေမယ့်၊ မအလ အနေ နဲ့ လုပ်ဆောင်နေပြီး လမ်းပေါ်ရောက်နေပြီဆိုတာ သေချာပါတယ်။ ခေတ်စနစ် ဟာ လွန်ခဲ့တဲ့ နှစ်သုံးဆယ်လောက် က ထက် ဆိုးတဲ့ အခြေအနေ ကို ပြန်သွားနေပါပြီ။

နောက်ဆုံး ပြောရရင် ဒီပွဲရှုံးရင် ဆိုတာထက်ပိုပြီး၊ ကြောက်စရာကောင်းတဲ့ အရာ (တကယ်) မရှိတော့ ပါဘူး။

credit ပေးစရာမလိုပါ။

ကိုယ့်ပတ်ဝန်းကျင်က လူတွေသိရှိမျှဝေရန် copy ကူးယူမျှဝေနိုင်ပါသည်။