20/11/2023
ကလေးနှင့်သွားကျန်းမာရေး (အပိုင်း-၁)
ဒီနေ့ကလေးငယ်လေးတွေရှိတဲ့ မိဘတွေအတွက် သွားနှင့်ခံတွင်းသန့်ရှင်းရေးလုပ်နည်းလေး မျှဝေပေးသွားမှာပါ။ ပထမဆုံး ၂နှစ်အောက်ကလေးငယ်သွားကျန်းမာစေဖို့သန့်ရှင်းရေးလုပ်နည်းပြောပြပေးပါမယ်။
ကလေးငယ်လေးတွေက အသက်၆လကနေ ၁၀လအတွင်းမှာ ပထမဆုံးသွားကလေးစပေါက်ပါမယ်။ အသက်၃လကျော် သွားမပေါက်ခင်အချိန်လေးမှာ နူးညံ့တဲ့အဝတ်သန့်လေးရေစွတ်ပြီး သွားဖုံးနဲ့လျှာလေးကိုသန့်စင်ပေးတာ မျိုးလုပ်ပေးရပါမယ်။ လျှာကိုသန့်ရှင်းပေးတဲ့အခါမှာ ဖြည်းဖြည်းလေး စက်ဝိုင်းပုံပွတ်တိုက် သန့်ရှင်းပေးရပါမယ်နော်။
***သွားကလေးတွေစပေါက်လာတဲ့အခါမှတော့ (ရေလေးသီးသန့်သုံးပြီး) ကလေးအသက်အလိုက်ထုတ်ထားတဲ့ သွားတိုက်ဆေးလေးသုံးပြီး *** နူးညံ့တဲ့သွားတိုက်တံသေးသေးလေးနဲ့ တရက်နှစ်ကြိမ်စပြီး သန့်ရှင်းပေးနိုင်ပါပြီ။
စစချင်းသွားတိုက်တံနဲ့ ကျင့်သားမရခင်မှာ သွားမပေါက်သေးခင်ကလိုဖဲ အဝတ်လေးနဲ့သန့်ရှင်းပေးနိုင်ပါတယ်။ အသက်၂နှစ်ကျော် သွားစုံသလောက်ဖြစ်လာတဲ့အခါမှာတော့ fluoride ပါတဲ့သွားတိုက်ဆေးကို ပဲစေ့လောက်ပမာဏ သုံးပြီး သွားတိုက်ပေးလို့ရပါပြီ။ သွားတိုက်ပေးတဲ့အခါမှာ သေချာစနစ်တကျ အတွင်းမျက်နှာပြင် အပြင်မျက်နှာပြင် တိုက်ပေးရပါမယ်။ သွားတိုက်ပြီးတိုင်းလျှာကိုပါတစ်ခါထဲ သန့်ရှင်းပေးရပါမယ်။ တရက်နှစ်ခါပုံမှန်သွားတိုက်ပေးဖို့နဲ့ ၆လတစ်ခါ သွားတိုက်တံအသစ်လဲပေးဖို့အတွက်တော့မမေ့ပါနဲ့နော်။ ဆ်ိုတော့ ဒီနေ့ postလေးကတော့ဒီလောက်ပါဖဲနော် နောက်postမှာတော့ ကလေးအသက်အရွယ်အလိုက် ဂရုပြုရမယ့် သွားပြသနာများအကြောင်းမျှဝေပေးမှာမို့ ဖေဖေမေမေတို့ ဒီpageကို like & followလုပ်ထားဖို့မမေ့ပါနဲ့နော် ❤️❤️❤️
