မိန်ဟွေး -Mei Hway

17/04/2026

စိတ်ဖိစီးမှုတွေ များနေရင် Mindfulness Workshop လေးကို join ကြည့်ဖို့ တိုက်တွန်းပါရစေ။

🌿 သတိတရားနှင့်စိတ်ခွန်အားဖြည့်တင်းခြင်း အလုပ်ရုံဆွေးနွေးပွဲ 🌿

ခဏလောက် နားလိုက်ပါ။ အသက်ဝဝရှူပါ။ ပစ္စုပ္ပန်တည့်တည့်မှာ ရှိနေပါစေ။

"အနာဂတ်အတွက် စိုးရိမ်တာတွေ၊ အတိတ်အတွက် နောင်တရတာတွေထက်... လက်ရှိ ပစ္စုပ္ပန်တည့်တည့်မှာ အသက်ရှူနေရတာက ပိုပြီး အဓိပ္ပာယ်ရှိပါတယ်။"

ကိုယ့်စိတ်ကလေးကို ပြန်ပြီး ဂရုစိုက်ဖို့ ကျွန်ုပ်တို့ရဲ့ Workshop လေးက အဆင်သင့်ရှိနေပါပြီ။ စိတ်ဖိစီးမှုတွေကို ခဏဘေးဖယ်ပြီး အေးချမ်းတဲ့ မိနစ်အနည်းငယ်ကို အတူတူ ဖြတ်သန်းကြရအောင်။

📍 အသေးစိတ်အချက်အလက်များ:

နေ့ရက် - [18 April 2026 / Saturady]

အချိန် - [7pm - 9Pm / Myanmar Time]

နေရာ - [Zoom Online]

ဒီWorkshop လေးမှာ ပါဝင်ချင်တယ်ဆိုရင်တော့ Messenger ကို Hiပေးပါ ခင်ဗျာ။

20/02/2026

Happy Chinese New Year

မိန်ဟွေး-Mei Hway Counselling Centre, Myeik ရဲ့ နေရာလေးဆီ အလည်ရောက်လာတဲ့ မီးနဂါးနဲ့အတူ
တရုတ်နှစ်သစ်လေး အစပြုခဲ့ပါပြီ ရှေ့ဆက်ပြီး စိတ်ပိုင်းဆိုင်ရာ ကျန်းမာရေးအတွက် အကူအညီလိုအပ်နေသူများကို ကိုယ်တတ်စွမ်းသလောက် ကိုယ်တတ်နိုင်သလောက် ဆက်လက်ပြီး အများကြီးထပ်ပြီး ကူညီနိုင်ပါစေလို့ ကိုယ့်ကိုယ်ကို ဆုတောင်းပေးပါတယ်။

#မိန်ဟွေးMeiHway
Centre

#ရင်ဖွင့်တိုင်ပင်ဆွေးနွေးခြင်းဝန်ဆောင်မှု

23/01/2026

Addiction (အရက်/လောင်းကစား/အပြာကား/မူးယစ်ဆေး စသဖြင့် တခုခုကို မလုပ်ရ မနေနိုင်ဖြစ်ပြီး ကိုယ့်ကိုယ်ကို ရပ်တန့်ဖို့ ဘယ်လိုကြိုးစားပါစေ မရပ်တန့်နိုင်ဖြစ်နေသူများအတွက်

"ဆရာ အောင်မင်းသိန်း"

ကိုယ်တိုင်ဦးဆောင်လုပ်ပေးမယ့် ဒီ အဖွဲ့လိုက်ဆွေးနွေးခြင်းဟာ အရမ်းကို ရခဲတဲ့ အရမ်းကောင်းတဲ့ ရင်ဖွင့်ဆွေးနွေးခြင်း အစီအစဉ်လေးပါ။

တခုခုအစွဲအလမ်းဖြစ်နေတာကို အဖြေရှာချင် ဖြေရှင်းချင်သူများအနေနဲ့ တကယ် ပါဝင်သင့်ပါတယ်လို့ အကြံပြုပါရစေ။

Online ကနေ join ရမှာဖြစ်ပြီး

( ၁ )လပိုင်း (၃၀) ရက်နေ့ နောက်ဆုံးစာရင်း ပေးသွင်းရမှာ ဖြစ်ပါတယ်။

ကိုယ့်ရဲ့ နေ့စဉ်ဘဝကို စွဲလမ်းမှုတစ်ခုခုက ထိန်းချုပ်ထားသလို ခံစားနေရလို့ စိတ်ပျက်နေပြီလား? ဘယ်သူ့ကိုမှ ဖွင့်ဟလို့မရတဲ့ ဒီဝန်ထုပ်ဝန်ပိုးကြီးကို တစ်ယောက်တည်း ထမ်းထားရတာ တော်တော်လေး လေးလံနေမှာပါ။
ဒီလိုအခက်အခဲရှိ​နေသူများအတွက် ရည်ရွယ်ပြီး Psychotherapist ကိုအောင်မင်းသိန်း ကိုယ်တိုင် ဦးဆောင်မယ့် 8-Week Group Counselling အစီအစဉ်လေးကို စတင်လိုက်ပါပြီ။
ဒီ Group Counselling ထဲမှာ မိမိကိုယ်ကို ပြစ်တင်ဝေဖန်တာတွေ ခဏဘေးဖယ်ထားပြီး... အကြောင်းရင်းခံတွေကို ကိုယ်ချင်းစာတရားနဲ့ အတူတူရှာဖွေသွားကြမှာပါ။
ဒီ ၈ ပတ်တာ ခရီးစဉ်မှာ ဘာတွေ ရရှိမှာလဲ?
💡စွဲလမ်းမှုနောက်ကွယ်က စိတ်ဒဏ်ရာနဲ့ အကြောင်းရင်းခံတွေကို အတူတူနားလည်အောင် လုပ်ဆောင်မယ်။
💡 ဆိုးကျိုးတွေကို လက်တွေ့ကျကျ ဘယ်လိုလျှော့ချမလဲဆိုတာ တိုင်ပင်မယ်။
💡 ဘယ်သူဘယ်ဝါဆိုတာ ပြောစရာမလိုဘဲ လုံခြုံစိတ်ချရတဲ့ အစုအဖွဲ့လေးထဲမှာ အပြန်အလှန် ဖေးမကူညီမယ်။
💡 ထပ်မဖြစ်အောင် ကိုယ့်ကိုယ်ကိုယ် ဘယ်လိုထိန်းကျောင်းမလဲဆိုတဲ့ နည်းလမ်းကောင်းတွေ မျှဝေပေးမယ်။
အစီအစဉ် အသေးစိတ်
📅 ရက်စွဲ - 1st Feb, 22nd Feb,
1st Mar, 8th Mar, 15th Mar, 22nd Mar, 29th Mar, 5 Apr (8 weeks)
⏰ အချိန် - 1 PM - 3 PM
📍 နေရာ - Zoom (Online)
💰 ကုန်ကျစရိတ် - 120,000 MMK

⚠️ သတိပြုရန် - လူဉီးရေ ကန့်သတ်ထားပြီး ဇန်နဝါရီ ၃၀ ရက်နေ့ နောက်ဆုံးထား စာရင်းပေးသွင်းရမှာ ဖြစ်ပါတယ်။
🔗 စာရင်းပေးသွင်းရန် Link: https://docs.google.com/forms/d/e/1FAIpQLSeNg90rsvbUN-MxJDe24nJAkgszg0Rc9r5_iKS6WLjZGuqMuw/viewform?usp=dialog

09/01/2026

#မိန်ဟွေးmeihway
#ရင်ဖွင့်တိုင်ပင်ဆွေးနွေးခြင်း
#စိတ်ကျန်းမာရေး

09/01/2026

ဘေးနားမှာ ဘယ်သူမှကူညီမဲ့သူမရှိဘဲ တစ်ယောက်ထဲပင်ပန်းကြီးစွာ ကြိတ်မှိတ်ရုန်းကန်လာရတဲ့အချိန်တွေ များလာတဲ့အခါမျိုးမှာ ခံစားရတဲ့ ရင်ထဲက
❤️‍🔥 ဒီဒေါသ၊
💔 အူလိုက်သည်းလိုက် ဝမ်းနည်းမှု၊
❤️‍🩹 တစ်ယောက်ထဲဖြစ်နေတဲ့ အားငယ် အထီးကျန်မှု၊
💘 ဘာလို့ ငါတစ်ယောက်ထဲပဲ ဒီဒုက္ခတွေကို ခံစားနေရတာလဲ ဆိုတဲ့အပြစ်တင်မှုတွေနဲ့
ရင်ထဲမှာ ဆို့နစ်မွန်းကြပ်လာတော့တယ်။

🚨🚨 ဒါဟာ စိတ်ဖိစီးမှု ဖြစ်နေပြီ ၊
🧨🧨 ကိုယ့်ရဲ့ခန္ဓာကိုယ်က ကိုယ်အရမ်းပင်ပန်းနေပြီဆိုတာကို ပြနေတာပါ။
🦺⛑️ ဒီအခြေအနေကို လျစ်လျူမရှူဘဲ လိုအပ်တဲ့ အကူအညီကို ရယူဖို့လိုပါတယ်။

မိန်ဟွေး - Mei Hway (9.1.26) 4:37 pm

Counselling Centre, Myeik.

ရုံးလိပ်စာ-အိမ်အမှတ် ( က - ၁၀ )၊ ဒဂုံလမ်း၊
မြို့သစ်( ၃ )ရပ်ကွက်၊
အောင်ခန်းမ အနောက်ဘက် ၊
မြိတ်မြို့။

☎️ 09792766602

#မိန်ဟွေးMeiHway





#ရင်ဖွင့်တိုင်ပင်ဆွေးနွေးခြင်း

#စိတ်ကျန်းမာရေး

04/01/2026

Grief for Losing Relationship or Trust

လူဘဝရဲ့အခိုက်အတန့်တခုမှာ ကိုယ့်ဘေးမှာရှိတဲ့လူတွေကို အမှန်အတိုင်းမြင်လာတဲ့အချိန်တွေရှိလာတတ်တယ်။ ကိုယ့်ဘေးမှာရှိနေခဲ့တဲ့သူတွေဆိုတာ တခါတလေမှာကိုယ်ကတော့သူတို့အဆင်ပြေအောင် ကိုယ်ကူညီပေးနေတာလို့ထင်နေခဲ့ပေမဲ့ သူတို့က သူတို့အတွက်ပဲတွေးပြီး ကိုယ့်တဘဝလုံးကိုဆွဲချနေခဲ့တဲ့သူတွေဖြစ်နေတတ်တယ်။ တခါတလေမှာသူတို့ရဲ့ကိုယ်ကျိုးအတွက် မျှော်လင့်ချက်တွေကြောင့်ကိုယ့်ကိုယ်ကိုပါပျောက်ဆုံးနေမှန်းမသိလောက်အောင်၊နောက်ဆုံးကိုယ်တိုင်အသက်မရှုနိုင်တော့လောက်အောင်အထိမွန်းကြပ်ပိတ်လှောင်ခံရသလို ကိုယ့်ကို ခံစားရစေသူတွေဖြစ်နေတတ်တယ်။ တခါတလေမှာကိုယ်ကသူတို့အတွက်အသုံးဝင်နေလို့သာ အပေါ်ယံမျက်နှာဖုံးတွေနဲ့ဆက်ဆံနေသူတွေ ဖြစ်နေတတ်တယ်။

အဲ့လိုလူတွေဟာ ကိုယ့်ဘ၀ရဲ့ အယုံကြည်ရဆုံးလို့ထင်ခဲ့မိတဲ့ အရင်းနှီးဆုံးလူတွေလည်း ဖြစ်နေတတ်ပြန်တယ်။ကိုယ်လုံးဝမထင်ထားတဲ့ ကိုယ့်မိသားစုဝင်တွေ၊ နှစ်ပေါင်းများစွာပေါင်းသင်းလာတဲ့ ကိုယ့်အရင်းနှီးဆုံး သူငယ်ချင်းတွေလည်းဖြစ်နေနိုင်သလို ကိုယ်အချစ်ရဆုံးလို့ထင်မှတ်ခဲ့တဲ့ ကိုယ့်လက်တွဲဖော်လည်း ဖြစ်နေနိုင်တယ်။

အဲ့လိုလူတွေကိုအမှန်အတိုင်းမြင်လိုက်ရတဲ့အခိုက်အတန့်ဟာ အဲ့လူတွေကို ကိုယ်ဆုံးရှုံးရတာတင်မဟုတ်ဘဲ သူတို့အပေါ် ကိုယ်ထားမိတဲ့ (Trust) ဆိုတဲ့လူတွေအပေါ်ထားတဲ့ ယုံကြည်မှုကိုပါ ဆုံးရှုံးလိုက်ရတာဖြစ်တယ်။ အဲ့ဒီလိုရင်ဆိုင်ကြုံတွေ့ခဲ့ဖူးတဲ့သူတွေဟာ နောက်ထပ်လူတွေအပေါ် ယုံကြည်မှုထပ်ထားပေးဖို့အရမ်းကြောက်သွားတတ်ကြတယ်။

ဒီလိုယုံကြည်မှုကို အလွှဲသုံးစား လုပ်ခံရတာ၊ ချိုးဖောက်ခံလိုက်ရမှုဟာလည်း ဘဝမှာ (Grief) ဆိုတဲ့ ပူဆွေးသောကကို ခံစားရသလို (Self-Blaming) ဆိုတဲ့ ကိုယ့်ကိုယ်ကို အပြစ်တင်မိတတ်ပြီး (Depression) ဆိုတဲ့ စိတ်ဓာတ်ကျခြင်းဆီကိုပါ ဦးတည်သွားစေတတ်တယ်။ ပူဆွေးမှု (Grief) က ဘာကြောင့်ငါ့အပေါ်ဒီလိုလုပ်ရက်နိုင်ရတာလဲဆိုတဲ့ ဆုံးရှုံးတဲ့ခံစားချက်နဲ့အတူ ကိုယ့်ရင်ထဲမှာဖော်ပြလို့တောင်မရနိုင်တဲ့ဝမ်းနည်းမှုတွေပါ ကပ်ပြီးပါလာတတ်ကြတယ်။အဲ့ဒီနောက်မှာတော့ ငါဘာလို့ဒါကို မသိခဲ့ရတာလဲ၊ဒါကို မမြင်နိုင်ခဲ့ရလောက်အောင် ငါဟာ ဒီလောက်ညံ့ဖျင်းနေလားဆိုတဲ့ ကိုယ့်ကိုယ်ကို အပြစ်တင်တတ်ခြင်း(Self-Blaming) တွေ ဖြစ်လာတယ်။

ဒီအဖြစ်အပျက်ကနေ ဝမ်းနည်းမှု၊ ယူကြုံးမရဖြစ်မှု၊ ဆုံးရှုံးမှု၊ စိတ်ဓာတ်ကျမှုတွေဟာ တောက်လျှောက်ဖြစ်သွားခဲ့ပေမဲ့ လူတွေဟာ ဒါကို သတိမထားမိတတ်ကြတာများတယ်။ ဒီအတိုင်းလေးပဲ ဪ သူကငါထင်ထားသလိုမဟုတ်ဘူးလို့ပဲတွေးမိလိုက်ရုံ၊ သိလိုက်ရုံပေါ့လို့ ထင်တတ်ကြတယ်။

တကယ်တော့ကိုယ့်စိတ်ရဲ့အနက်ရှိုင်းဆုံးတနေရာမှာ ဒါကို ကြီးမားတဲ့ဆုံးရှုံးမှုအဖြစ်ခံစားလိုက်ရတယ်ဆိုတာ သတိမထားမိခဲ့ကြဘဲ ရင်ထဲမှာ ဘယ်ကလာမှန်းမသိတဲ့ ဝမ်းနည်းမှုကိုပဲ ခံစားမိတတ်ကြတယ်။ ခံစားလိုက်ရတဲ့ဆုံးရှုံးမှုက ကြီးရင်ကြီးတဲ့အလျောက် တခါတလေကိုယ်တောင်မသိလိုက်ဘဲ ဘဝက အဲ့နေရာလေးမှာပဲ ရပ်တန့်နေတော့တယ်။ ဘဝရပ်တန့်သွားတယ်ဆိုတာက စိတ်ပိုင်းဆိုင်ရာအရ ရှေ့ဆက်ဖို့ ကိုယ့်ဘဝက အဓိပ္ပါယ်မရှိတော့သလို ခံစားရတာမျိုး၊ ဘဝမှာ ပန်းတိုင်ပျောက်ဆုံးသွားတာမျိုး၊ ကိုယ့်ဘေးနားမှာ လူတွေအများကြီးရှိနေပေမဲ့ တလောကလုံးမှာ ကိုယ်တစ်ယောက်ထဲလို ခံစားရတာမျိုးတွေကို ဆိုလိုတာပါ။

တကယ်တော့ ကိုယ်ဟာ လူတွေအပေါ် ကောင်းတဲ့ဖက်ကသာ မြင်ကြည့်ချင်တဲ့ ကိုယ့်ရဲ့မျှော်လင့်ချက်ကြောင့်လည်း ဒါကို မမြင်ခဲ့တာဖြစ်သလို ကိုယ့်ဘေးနားကလူတွေအားလုံးကို ကျေနပ်မှုရစေချင်မိတဲ့ ကိုယ့်စိတ်ကြောင့်လည်း ဒါကို မမြင်နိုင်ခဲ့တာဖြစ်တတ်တယ်။ ဒါကိုမြင်လာတဲ့တနေ့မှာတော့ ကိုယ့်အတွက် မျှတမှုမရှိတဲ့ပတ်ဝန်းကျင်ကနေ ထွက်ခွာလာနိုင်မှာဖြစ်တယ်။ ကိုယ့်ကိုယ်ကိုလည်း အပြစ်မတင်တော့သလို လူတွေကို အမှန်အတိုင်း မြင်ကြည့်တတ်ဖို့လည်း နားလည်လာမှာဖြစ်တယ်။

တခါတလေမှာ ဒီဆုံးရှုံးမှုနဲ့အတူ ကိုယ့်ရဲ့တစိတ်တပိုင်းဟာလည်း သေဆုံးသွားတတ်ကြတယ်။ ဘယ်တော့မှ ပြန်အစားထိုးလို့မရနိုင်တဲ့ ဆုံးရှုံးမှုလည်း ဖြစ်နေနိုင်တယ်။ အချိန်တခု​ကြာတဲ့အခါ ကိုယ့်စိတ်ထဲတနေရာမှာခံစားနေရတဲ့ ဒီဆုံးရှုံးမှုအပေါ် ပူဆွေးသောကရောက်နေမှုကို အသိအမှတ်ပြုလက်ခံပေးခြင်းဖြင့် ဒီဆုံးရှုံးမှုနဲ့အတူ ကိုယ့်ဘဝကို ရှေ့ဆက်လျှောက်လာနိုင်ပါလိမ့်မယ်။

Mei Hway (4.1.2026) 2:53pm

မိန်ဟွေး - Mei Hway Counselling Centre, Myeik.
ရုံးလိပ်စာ-အိမ်အမှတ် (က - ၁၀)၊ဒဂုံလမ်း၊
မြို့သစ်၃ရပ်ကွက်၊အောင်ခန်းမ အနောက်ဘက် ၊မြိတ်မြို့။
☎️ 09792766602

(၁)လပိုင်းအတွင်း လူ (၁၀)ဦးအတွက် အခမဲ့ဆွေးနွေးပေးမဲ့ အစီအစဉ်လေးရှိလို့ ဖုန်း သို့မဟုတ် Viber သို့ ဆက်သွယ်စုံစမ်းနိုင်ပါတယ်နော်။

#မိန်ဟွေးMeiHway


#ရင်ဖွင့်တိုင်ပင်ဆွေးနွေးခြင်း
#စိတ်ကျန်းမာရေး

22/12/2025

Dead Plant

ကိုယ်ဟာအပင်စိုက်ပြီး ကိုယ်စိုက်ပျိုးပြုစုထားတဲ့အပင်လေး ကြီးထွားရှင်သန်လာတာကို ကြည့်ရတာကျေနပ်တတ်သူ၊ ရွက်သစ်လေးတရွက်ထွက်လာတိုင်း အကိုင်းလေးတခက်အသစ်ထွက်လာတိုင်း ပျော်ရွှင်တတ်သူ။ အကြောင်းကြောင်းကြောင့် အပင်လေးတပင် ညိုးနွမ်းလာပြီဆိုရင် အချိန်တိုင်းဂရုတစိုက် စောင့်တကြည့်ကြည့်နဲ့ နေတတ်သူ။

ကိုယ်ဘယ်လောက်ဂရုစိုက်စောင့်ကြည့်ပြီးပြုစုနေပါစေ လုံးဝပြန်ပြီးနလန်ထူမလာနိုင်တဲ့အပင်လေးဟာ တဖြည်းဖြည်းချင်း အရွက်တွေကြွေ ပင်စည်တွေပါ ခြောက်ပြီး အရိုးသာ ကျန်တော့တဲ့အခြေအနေရောက်လာတော့တယ်။ ဒါပေမဲ့လည်း ကိုယ်ဟာဒီအပင်လေး တချိန်ချိန်မှာ ရွက်သစ်လေးတွေပြန်ထွက်လာမလားဆိုတဲ့မျှော်လင့်ချက်နဲ့ အရိုးသာ ကျန်နေတော့တဲ့ ဒီအပင်လေးကို လှပတဲ့ပန်းအိုးလေးထဲက ဆွဲမထုတ်ရက်ခဲ့ဘူး။

အဲ့ဒီလိုပဲ လူတွေဟာလည်း တခါတလေ ကိုယ့်ဘဝထဲမှာ လုံးဝနလန်ပြန်မထူနိုင်တော့တဲ့ ဆက်ဆံရေးတွေကို လွှတ်မချနိုင်ဘဲ မျှော်လင့်တကြီးဖမ်းဆုပ်ထားတတ်ကြတယ်။ ကိုယ်တိုင်အပင်ပန်းခံပြီး မမောနိုင်မပန်းနိုင် ဂရုစိုက်ရင်း တချိန်ချိန်မှာ အဆင်ပြေလာလေမလားဆိုတဲ့မျှော်လင့်ချက်နဲ့ စောင့်စားနေမိတတ်ကြတယ်။

ကိုယ်တွေသတိမထားမိတာက တနည်းအားဖြင့် သတိထားမိရင်တောင် လက်မခံချင်သေးတာက ဒီအပင်လေးဟာလုံးဝသေသွားခဲ့ပြီဆိုတာပဲ။ သေသွားပြီဖြစ်တဲ့အပင်ကို ဘယ်လောက် ရေလောင်း ပေါင်းသင် မြေဩဇာတွေထည့်နေပါစေ ပြန်ရှင်သန်မလာနိုင်တော့သလို ပြီးဆုံးသွားပြီးတဲ့ဆက်ဆံရေးတွေကိုဘယ်လောက်ပေးဆပ်ပြီးချစ်နေပါစေ ဒီဆက်ဆံရေးဟာပြန်ပြီးအသက်ဝင်မလာနိုင်တော့ဘူးဆိုတာကိုယ်တိုင်လက်မခံနိုင်သေးသရွေ့ လှပတဲ့ကိုယ့်ဘဝပန်းအိုးထဲမှာ အရိုးခြောက်သာကျန်တော့တဲ့ အပင်လေးကို လက်ခံနေအုံးမှာသာဖြစ်တယ်။

မိန်ဟွေး- Mei Hway (22.12.25) 5:39pm
Counselling Centre, Myeik.
Phone & Viber: 09 792 766 602

#မိန်ဟွေးMeiHway


#ရင်ဖွင့်တိုင်ပင်ဆွေးနွေးခြင်း
#စိတ်ကျန်းမာရေး

24/11/2025

စိတ်နေမကောင်းဖြစ်တာဟာ ရှက်စရာမဟုတ်ပါဘူး ။ လိုအပ်တဲ့ စိတ်ပိုင်းဆိုင်ရာ အကူအညီတွေ ရယူခြင်းဟာလည်း ရှက်စရာ မဟုတ်ပါဘူးနော်။

22/11/2025

Counselor မိန်ဟွေး ( Mei Hway)

at မိန်ဟွေး- Mei Hway Counselling Centre, Myeik.

20/11/2025

ကိုယ်ချစ်တဲ့သူတွေနဲ့ ဝေးနေရချိန်တွေမှာ လွမ်းတဲ့စိတ် ၊သတိရတဲ့စိတ်တွေကြောင့်ဖြစ်တဲ့ စိတ်ပင်ပန်းမှုတွေကို ဘယ်လို ဖြေဖျောက်လို့ရနိုင်မလဲ/ အဆင်​ပြေအောင် ဘယ်လို ကိုင်တွယ်လို့ရနိုင်မလဲ ??? ဆိုတဲ့မေးခွန်းအပေါ် Counselor Ko Aung Thu Ko ရဲ့ ဖြေကြားမှု 📨📨။

နေရာ။ ။
မိန်ဟွေး- Mei Hway Counselling Centre, Myeik.

Mei Hway (20.11.25) 4:10pm

28/10/2025

💝 သင့်ရဲ့ စိတ်သောက ဖိစီးမှုများကို ဖြေလျော့အောင် ကူညီပေးနိုင်ဖို့သာ ကျွန်ုပ်ရဲ့ ဦးစားပေးအရာပါ။ 💝

Counselling Service (ရင်ဖွင့် ဆွေးနွေးခြင်းဝန်ဆောင်မှု) ရယူချင်သူများ (ပထမဆုံးအကြိမ်)အတွက် ဝန်ဆောင်ခ Free (အခမဲ့) ဆွေးနွေးနိုင်မဲ့အစီအစဥ်လေးနဲ့ မိတ်ဆက်ပေးချင်ပါတယ်။

💖 အပတ်စဥ် ေသာကြာနေ့တိုင်း - ဝန်ဆောင်ခ အခမဲ့ဖြင့် Counselling ရယူနိုင်ပါပြီ။

အခမဲ့အစီအစဥ်ကိုဖြစ်စေ၊ ဆွေးနွေးမှုနဲ့ပတ်သက်ပြီး ဖြစ်စေ အသေးစိတ်သိချင်သူများအနေဖြင့်

☎ 09 792 766 602 သို့ ဆက်သွယ်စုံစမ်းနိုင်ပါတယ်

Viber နဲ့ Messenger မှလည်း မေးမြန်းစုံစမ်းနိုင်ပါတယ်နော်။

မိန်ဟွေး - Mei Hway (28.10.25) 1:13 pm

18/10/2025

မိန်ဟွေး- Mei Hway Counselling Centre (ရင်ဖွင့်တိုင်ပင်ဆွေးနွေးခြင်း ဝန်ဆောင်မှု) တွင် Counselling နဲ့ ပတ်သက်တဲ့ ဗဟုသုတမျှဝေတဲ့မိတ်ဆက်ပွဲလေးကို 21.9.25 မှာ ကျင်းပခဲ့ပါတယ်။

အဲ့ဒီမိတ်ဆက်ပွဲမှာ Counselor (ကောင်ဆယ်လာ) မိန်ဟွေးနှင့်အတူ Counselor Aung Thu Ko, Counselor Nick, Counselor Thant Sin, Counselor Jace တို့က Online မှတဆင့် ပူးပေါင်းပါဝင်ပြီး ဆွေးနွေးပေးခဲ့ပါတယ်။

Counselor Nick ရဲ့ Counselling ဆိုတာ ဘယ်လိုပုံစံမျိုးလဲဆိုတာကို မြင်သာအောင် မျှဝေဆွေးနွေးပေးခဲ့တဲ့ Short Video လေးကို တင်ဆက်ပေးလိုက်ပါတယ်။ 🥰🥰

မိန်ဟွေး- Mei Hway (18.10.25) 4:40pm