https://www.facebook.com/106396002340168/

The Nutri Guide - Naypyitaw, No 286, Kan Hla Kwat Thit, Pobbathiri, Naypyidaw (2025)

24/01/2025

#သွေးတိုးရောဂါ အကြောင်းသိကောင်းစရာ
# တနေ့တာ ဆားပမာဏ
modification
# The Nutri Guide

01/01/2025

Happy New Year to all

12/11/2024

Hello!!! ဒီနေ့ပြောပြသွားမယ့် အကြောင်းအရာလေးကတော့ အမျှင်ဓာတ်ကြွယ်ဝစေမယ့် အသီးအနှံအကြောင်းလေးပဲ ဖြစ်ပါတယ်....

အမျှင်ဓာတ်သည် လူ့ခန္ဓာကိုယ်အတွက် အရေးကြီးသော အာဟာရဓာတ်တစ်မျိုးဟု ဆိုလျှင် မမှားနိုင်ပါ။ အမျှင်ဓာတ်သည် အစာအိမ်အူလမ်းကြောင်းကို အကျိုးပြုခြင်း၊ သွေးတွင်းသကြားဓာတ်ကို ထိန်းပေးနိုင်ခြင်း စတဲ့ အကျိုးကျေးဇူးများ ရရှိစေနိုင်သောကြောင့် အမျှင်ဓာတ်ကို နေ့စဉ် စားသုံးပေးသင့်ပါတယ်။

အမျှင်ဓာတ်ဟာ ကိုယ်အလေးချိန် ကျစေခြင်း၊ ကိုလက်စထရောနှင့် သွေးတွင်းသကြားဓာတ်ကို ကျစေခြင်း၊ လေဖြတ်ခြင်း၊ နှလုံးရောဂါဖြစ်နိုင်ချေများကို လျှော့ချပေးခြင်း၊ ဆီးချိုကို ကာကွယ်ပေးခြင်း၊ အစာအိမ်အူလမ်းကြောင်း လှုပ်ရှားမှုကို ကောင်းမွန်စေခြင်း နှင့် အစာအိမ်အူလမ်းကြောင်းမှ အကျိုးပြုသော ဘက်တီးရီးယားများကို အားပေးခြင်း စသည့် အကျိုးများကို ရရှိစေပါတယ်။

အမျှင်ဓာတ်သည် ကာဗွန်ဟိုက်ဒရိတ် အမျိုးအစားတစ်မျိုး ဖြစ်ပြီး အဓိက ပုံစံ (၃) မျိုး ရှိပါတယ်။ ပျော်ဝင်နိုင်သော အမျိုးအစား၊ မပျော်ဝင်နိုင်သော အမျိုးအစားနဲ့ အချဉ်ဖောက်ထားသော အမျိုးအစားတို့ ဖြစ်ပါတယ်။
🔸ရေတွင်ပျော်ဝင်နိုင်တဲ့အမျှင်ဓာတ်သည် အစာချေဖျက်နှုန်းကို လျော့ကျစေပါတယ်။ ကိုလက်စထရောနှင့် သွေးတွင်းသကြားဓာတ်ကို လျော့နည်းစေပါတယ်။
🔸ရေတွင် မပျော်ဝင်နိုင်တဲ့ အမျှင်ဓာတ်သည် အစာဟောင်းများကို စုဝေးစေပြီး မြန်ဆန်စွာ ရွေ့လျားနိုင်အောင် ကူညီပေးပါတယ်။ ဝမ်းချုပ်ခြင်းမှလည်း ကာကွယ်ပေးပါတယ်။
🔸အချဉ်ပေါက်တဲ့ အမျှင်ဓာတ်များသည် အထက်ပါ အမျိုးအစားနှစ်ခုလုံးက ဖြစ်ပြီး အူမကြီးထဲက အကျိုးပြုဘက်တီးရီးယား ပမာဏကို မြင့်တက်စေပါတယ်။

အမျှင်ဓာတ်ကြွယ်ဝစေသော အစားအစာများမှာ ပဲအမျိုးမျိုး၊ ထောပတ်သီး၊ သစ်တော်သီး၊ ကိုက်လန်ရွက်၊ ကီဝီသီး၊ အာလူး၊ ငှက်ပျောသီး၊ လိမ္မော်သီး၊ စတော်ဘယ်ရီသီး၊ သရက်သီး၊ မုန်လာဥ၊ ပင်မှည့်သီး၊ မာလကာသီး၊ ပဲစိမ်းစေ့၊ ပန်းဂေါ်ဖီ၊ ရက်စ်ဘယ်ရီသီး၊ သရက်သီး စသည်တို့ ဖြစ်ပါ‌တယ်...

အမျှင်ဓာတ်များလွန်းရင်လည်း ပြသနာတစ်ချို့ ရှိနိုင်ပါတယ်။ ဥပမာအားဖြင့် တစ်ရက်ကို အမျှင်ဓာတ် 70 g ကျော် စားမိပါက လေပွခြင်း၊ ဗိုက်ကယ်ခြင်း၊ ဝမ်းချုပ်ခြင်း၊ ဗိုက်အောင့်ခြင်း စသည့် လက္ခဏာများ ဖြစ်ပေါ်တတ်ပါတယ်။

အစာအိမ်အူလမ်းကြောင်းရောဂါမရှိဘဲ အထက်ပါ လက္ခဏာရပ်များ ပေါ်ပေါက်လာလျှင် အမျှင်ဓာတ်စားသုံးမှုကို လျှော့ချသင့်ပါတယ်။ ဒါ့အပြင် အမျှင်ဓာတ် စားသုံးမှု များလွန်းလျှင် အရေးကြီးတဲ့ သတ္တုဓာတ်များဖြစ်သည့် ကယ်လ်တီယမ်၊ သံဓာတ်၊ ဇင့် စတဲ့ သတ္တုဓာတ်များကို စုပ်ယူမှု နည်းသွားစေပါတယ်။

နောက်ပို့စ်တွေမှာလည်း ဒီလို အစာအာဟာရဆိုင်ရာ ဗဟုသုတတွေကို ဝေမျှပေးသွားမှာဖြစ်လို့ Like & Follow လုပ်ထားနိုင်ပါတယ်ရှင်...

08/11/2024

မျိုးရိုးဗီဇကြောင့်သော်လည်းကောင်း၊ Pancreas (ခေါ်) မုန့်ချိုအိတ်သည် ကောင်းမွန်စွာ အလုပ်မလုပ်တော့လျှင်သော်လည်းကောင်း၊ အချိုကဲသော အစားအသောက်များ အလွန်အကျွံ စားသုံးမိခြင်းကြောင့်လည်းကောင်း ဆီးချို၊ သွေးချို ရောဂါဖြစ်နိုင်ပါတယ်....

ဆီးချို ၊ သွေးချို ရောဂါကို ရှောင်ရှားရန်အတွက် ဆောင်ရန် ရှောင်ရန်များကို The Nutri Guide ကနေ မျှဝေပေးသွားမှာပဲ ဖြစ်ပါတယ်ရှင်.....❗️❗️❗️

➡️ဆီးချိုရောဂါဖြစ်လျှင် ဖြစ်ပေါ်လေ့ရှိသော လက္ခဏာများမှာ
(၁) နှလုံးနှင့် သွေးတိုး ရောဂါ ဖြစ်ခြင်း
(၂) လေဖြတ်ခြင်း
(၃) အာရုံကြောများ ထိခိုက်ခြင်းကြောင့် ခြေပုပ်-လက်ပုပ် ရောဂါများဖြစ်ခြင်း၊
(၄) မျက်စိကွယ်ခြင်း
(၅) ကျောက်ကပ်ပျက်စီးခြင်း
(၆) အသက်သေဆုံးခြင်းများ အထိ ဖြစ်နိုင်ပါတယ်....

➡️ဆီးချိုရောဂါကို ကာကွယ်နိုင်ရန် အရက်အမျိုးမျိုးနှင့် ဘီယာသောက်ခြင်းများကို မပြုလုပ်ရပါ။ အချိုမှုန့်၊ ငါးပိ၊ ငါးခြောက်၊ ငံပြာရည်၊ စားအုန်းဆီနှင့် တိရစ္ဆာန်မှ ရသော အဆီများကို ရှောင်ကျဉ်ပါ။ ထန်းလျက်၊ ပျားရည်၊ ဂလူးကို့စ်၊ သကြား၊ ကြံသကာများနှင့် ၎င်းတို့ဖြင့် ပြုလုပ်ထားသော မြန်မာမုန့်များ၊ ရေခဲမုန့်၊ ဂျယ်လီ၊ သကြားလုံးနှင့် ချောကလက်များကို လုံးဝရှောင်ကြဉ်ရပါမည်။

ကျောက်ကပ်ပျက်စီးမှုကို သိနိုင်ရန် ကျောက်ကပ်အဆိပ်ဓာတ် တက်မတက်ကို စစ်ဆေးသင့်သည်။ သို့မှသာ နောက်ဆက်တွဲရောဂါများ မဝင်နိုင်အောင် ကာကွယ်နိုင်မည် ဖြစ်ပါသည်။ မိမိဘဝတွင် အသက်ရှင် နေထိုင်ရန် အကြောင်းအရင်း ရှိသူများသည် သေချာစွာ လိုက်နာ သင်ကြားကြဖို့ အကြုံပြုအပ်ပါတယ်ရှင်....

နောက်ပို့စ်တွေမှာလည်း ဒီလို အစာအာဟာရဆိုင်ရာ ဗဟုသုတတွေကို ဝေမျှပေးသွားမှာဖြစ်လို့ Like & Follow လုပ်ထားနိုင်ပါတယ်ရှင်..

06/11/2024

ခန္ဓာကိုယ်အတွက် မရှိမဖြစ် လိုအပ်တဲ့ ဓာတ်တွေထဲက Vitamin B3 အကြောင်းကို The Nutri Guide ကနေ မျှဝေပေးသွားပါမယ်ရှင့်...

Vitamin B3 ကို Niacin လို့လည်း ခေါ်ဆိုကြပါတယ်... Vitamin B3 ကို ထိုဓာတ်ချို့တဲ့ခြင်းကို ကာကွယ်ရန်နှင့် ကုသရန် သောက်သုံးကြပါတယ်....
နေ့စဉ် မိမိတို့ စားသောက်‌နေတဲ့ အစားအစာများတွင်လည်း Vitamin B3 ဓာတ်ကို ရရှိနိုင်ပါတယ်....

Vitamin B 3 ကြွယ်ဝတဲ့အစားအစာတွေကတော့...

တူနာငါး၊ အသည်း၊ ကြက်သား၊ ကြက်ဆင်သား၊ ဆယ်လ်မွန်ငါး၊ ဝက်သား၊ အမဲသား၊ မြေပဲ၊ ထောပတ်သီး၊ Brown Rice ၊ ဂျုံ၊ မှို ၊ ပဲ၊ အာလူး တို့မှာ Vitamin B 3 များစွာပါဝင်ပါတယ်..

ဗီတာမင်ဘီ ၃ (Niacin) Tablet ကို သောက်သုံးတော့မည် ဆိုလျှင် မသောက်သုံးမီ အောက်ပါအချက်များကို သတိပြုရပါမယ်...
မိမိတွင်ကိုယ်ဝန်ရှိလျှင် သို့မဟုတ် နို့တိုက်သောမိခင်ဖြစ်လျှင်
သင်သောက်နေသော ဆေးများ (ဆေးညွှန်းပါ/မပါသောဆေးများ၊တိုင်းရင်းဆေးများ) ရှိလျှင်
မိမိတွင်ဓါတ်မတည့်ခြင်းများရှိလျှင်
အခြားရောဂါများရှိလျှင် ဆရာဝန်နှင့် ပြသ၍ သေချာဆွေးနေွးတိုင်ပင်ပြီးမှ သာ မှီဝဲ သောက်သုံးသင့်ပါတယ်ရှင်....

နောက်ပို့စ်တွေမှာလည်း ဒီလို အစာအာဟာရဆိုင်ရာ ဗဟုသုတတွေကို ဝေမျှပေးသွားမှာဖြစ်လို့ Like & Follow လုပ်ထားနိုင်ပါတယ်ရှင်...

05/11/2024

အရေပြားရောဂါ တစ်မျိုးဖြစ်သော Pellagra ရောဂါ အကြောင်း

ကလေး၊ လူကြီး မရွေး အဖြစ်များကြတဲ့ ဗီတာမင် B 3 or Niacin ဓာတ်ချို့တဲ့လျှင် ဖြစ်ပွားတတ်သော Pellagra ရောဂါအကြောင်းကို The Nutri Guide ကနေ ပြောပြပေးသွားပါမယ်ရှင်...

ဗီတာမင် B3 ချို့တဲ့လျှင် Pellagra ဟုခေါ်သော သေစေနိုင်လောက်တဲ့ ရောဂါ ဖြစ်ပွားတတ်ပါတယ်...

ထိုရောဂါ ဖြစ်လျှင် ဖြစ်လေ့ရှိသော လက္ခဏာများမှာ
1.အရေပြား ရောဂါတမျိုးမျိုးဖြစ်ခြင်း၊
2.ဝမ်းပျက်၊ ဝမ်းလျှောခြင်း၊
3.မေ့လျော့တတ်လာခြင်း (သို့မဟုတ်) သူငယ်ပြန်လာခြင်း စသည့် လက္ခဏာရပ်များ ဦးစွာ ပေါ်ထွက်လာလေ့ရှိပါတယ်..

Pellagra ရောဂါကို မကုသပဲနေရင် သေစေနိုင်ပါတယ်...

Pellagra ရောဂါ‌တွင် အမျိုးအစား ၂ခု ရှိပါတယ်။

Primary Pellagra - နေ့စဥ်စားနေသော အစားအသောက်များတွင် Vit‌amin B3 နဲ့ B6 များ လျော့နည်းလျှင် Primary pellagra ဖြစ်ပွားတတ်ပါတယ်....

Secondary Pellagra - ခန္ဓာကိုယ်သည် လိုအပ်သော Vitamin B3 ကို ကောင်းမွန်စွာ မစုပ်နိုင်တော့လျှင် secondary pellagra ဟု ခေါ်သော ရောဂါ အမျိုးအစား ဖြစ်တတ်ပါတယ်။

အထက်ပါ ရောဂါကို ဖြစ်ပွားလေ့ရှိသူများမှာ
1.အရက် အများအပြားသောက်သူ
2.အူလမ်းကြောင်းတွင် ရောဂါရှိသူ
3.အသည်းခြောက်လူနာ
4.ကင်ဆာ အလုံးအကြိတ်ရှိသူ
5.အတက်ရောဂါဆေးသောက်နေရသူ
6.Immunosupressive သောက်နေရသူ များတွင် ရောဂါ ဖြစ်ပေါ်နှုန်း ပိုမိုများပြားသည်ကို တွေ့ရပါတယ်...

ရောဂါ ဖြစ်သည်ကို သိရှိနိုင်မည့် လက္ခဏာများမှာ-
1.မျက်နှာ၊ နှုတ်ခမ်း၊ လက် ၊ ခြေထောက်၊ နှင့်လည်ပင်း ရှိ အရေပြားများ အရောင်ပြောင်းခြင်း၊(အနီ သို့ အညို ဖြစ်လာခြင်း)၊
2.ထိုနေရာမျာ ကြမ်းလာ၊ ထူလာခြင်း၊ 3.ကြာလာလျှင် တချို့နေရာများ ကွာကျလာခြင်း၊
4.ခေါင်းကိုက်လာခြင်း၊
5.စိတ်ဓာတ်ကျလာခြင်း၊
6.အလုံးစုံမေ့လျော့လာခြင်း
7.လက်၊ ခြေများ တုန်ရီလာခြင်း၊ ထုံကျင်ခြင်း စသည့် လက္ခဏာရပ်များ ဖြစ်ပေါ်လာနိုင်ပါတယ်...

ထို့‌ကြောင့် ထိုရောဂါကို ရှောင်ရှားနိုင်အောင် Vitamin B 3 ကြွယ်ဝတဲ့အစားအစာတွေ နေ့စဥ်မှန်မှန်စားပေးဖို့ လိုအပ်ပါတယ်...

ပုံမှန်အားဖြင့် B3 ဓာတ်ချို့တဲ့သူများသည် လူဦးရေ၏ 1% လောက်သာ တွေ့ရတတ်ပါတယ်...
ထို 1% အနက် အရက်သောက်သူအများစု အဖြစ်များသည်ကို တွေ့ရပါတယ်...

နောက်ပို့စ်တွေမှာလည်း ဒီလို အစာအာဟာရဆိုင်ရာ ဗဟုသုတတွေကို ဝေမျှပေးသွားမှာဖြစ်လို့ Like & Follow လုပ်ထားနိုင်ပါတယ်ရှင်....

24/09/2024

#သွေးတိုးရောဂါရှိသူများတစ်နေ့တာအိမ်သုံးဆားသုံးရမည့်ပမာဏ
content in table salt
page - The Nutri Guide Nay Pyi Taw
Viber 09 43008853
သွေးတိုးရောဂါရှိသူများ သွေးပေါင်ချိန်ပုံမှန်
ထိန်းသိမ်းနိုင်ရန်အာဟာရအထူးကုဆရာဝန်နှင့် တိုင်ပင်ဆွေးနွေးနိုင်ပါသည်။

24/09/2024

drinking
For men and
#ဂေါက်ရောဂါရှိသူများ တစ်နေ့အရက်ဘယ်လောက်သောက်သင့်သလဲ
page - The Nutri Guide Nay Pyi Taw
Viber 09- 43008853
ဂေါက်ရောဂါနှင့်ဝိတ်ချချင်သူများ ပုံမှန်ကိုယ်အလေးချိန်ရှိသူများအစာအာဟာရနှင့်ပက်
သက်၍အာဟာရအထူးကုဆရာဝန်နှင့်တိုင်ပင်ဆွေးနွေးနိုင်ပါသည်။

10/03/2024

ပူလာတော့မယ့်နွေမှာ ရေဓာတ်လည်းပြည့်ဝ ကျန်းမာရေးနဲ့လည်းညီညွတ် လုပ်စားဖို့ လွယ်လည်းလွယ်ကူ စေမယ့် မီနူး (၃) မျိုးလေးကိုပြောပြပေးချင်ပါတယ်။

(၁) အသီးအနှံတွေဆိုတာ နွေရာသီမှာ မပါမဖြစ်ပဲမို့ သီးစုံ စမုသီ အေးအေးလေး ဖျော်သောက်ကြမယ်။

ပါဝင်ပစ္စည်းတွေကတော့ ~ ငှက်ပျောသီး တစ်လုံး၊ နာနတ်သီး၊ သင်္ဘောသီး၊ သရက်သီး အစရှိတဲ့ အသီးနှံအစုံကိုခွက်တစ်ခွက်စာ‌ အေးခဲထားပါ။ အုန်းရည် (သို့) အုန်းနို့ ခွက်တစ်ဝက်၊ အလှဆင်ဖို့အတွက် မိမိနှစ်သက်ရာ အသီးနှံများနဲ့ အစေ့အဆံလေးတွေ ဖြစ်ပါတယ်။

အေးခဲထားတဲ့ ငှက်ပျောသီးနဲ့ အသီးနှံများ၊ အုန်းရည် (သို့) အုန်းနို့တို့ကို Blender ထဲမှာ ရောမွှေပေးပါ။ အရည်အပျစ်အကျဲကို မိမိလိုသလို ချိန်ဆပြီး လိုအပ်ရင် ရေထပ်ထည့်ပေးနိုင်ပါတယ်။ ပြီးရင် ခွက်ထဲသို့ ပြောင်းထည့်ပြီး အသီးနှံများနဲ့ အစေ့အဆံများကို တင်ကာ သုံးဆောင်နိုင်ပါပြီ။
--------------------

(၂) အားလုံးသိတဲ့ သရက်သီးသုပ်ကို ဆန်းဆန်းလေးသုပ်စားမယ်။

ပါဝင်ပစ္စည်းတွေကတော့ ~အခွံခွာပြီး အချောင်းသေးလေးများ လှီးဖြတ်ထားတဲ့ သရက်သီးစိမ်း (၁)လုံးနဲ့ သခွားသီး(၁)လုံး၊ ပါးပါးလှီးထားတဲ့ ငရုတ်သီး (၁)တောင့်၊ ကြက်သွန်နီ (၁)လုံး၊ နံနံပင်၊ သံပုရာရည်၊ ဆားနဲ့ ငရုတ်ကောင်းတို့ပဲဖြစ်ပါတယ်။

ပန်းကန်တစ်ခုထဲမှာ လှီးဖြတ်ထားတဲ့ သရက်သီးစိမ်း၊ သခွားသီး၊ ကြက်သွန်နီတို့ကို ထည့်ပြီး သံပုရာရည်၊ ဆားနဲ့ငရုတ်ကောင်းတို့ကို မိမိလိုသလို ချိန်ဆထည့်ကာ နယ်ပေးပါ။ လှီးဖြတ်ထားတဲ့ နံနံပင်များကို အပေါ်မှ တင်ကာ အလှဆင်ပြီးရင် သုံးဆောင်နိုင်ပါပြီ။
--------------------

(၃) နွေရာသီ ဓာတ်စာ ဖရဲသီးအေးအေးလေး
ကို အုန်းရည်ချိုချိုလေးနဲ့ ဖျော်သောက်ကြမယ်

ပါဝင်ပစ္စည်းတွေကတော့ ~ အတုံးလေးတွေ လှီးဖြတ်ထားတဲ့ ဖရဲသီး (၂)ခွက်၊ အုန်းရည် (၁)ခွက် ၊ သံပုရာရည်၊ ရေခဲတုံးတို့ ဖြစ်ပါတယ်။

ဖရဲသီးအတုံးလေးတွေကို အရည်ဖြစ်သည်အထိ ကြေညက်အောင် Blender နဲ့မွှေပေးပါ။ ပြီးရင် ဖရဲသီးအရည်များကို အုန်းရည် ဖြင့်ရောပြီး ရေခဲတုံးလေးများထည့်ကာ သုံးဆောင်နိုင်ပါပြီ။

ဒီ Menu လေးတွေအတိုင်း သင့်တင့်မျှတစွာ ချက်ပြုတ်စားသုံးပြီး နွေရာသီမှာလည်း ပိုမို ကျန်းမာကြံ့ခိုင်တဲ့ ဘဝလေးကို ဖန်တီးနိုင်မယ်လို့ မျှော်လင့်ပါတယ်ရှင်။ ရေများများသောက်ဖို့ ရေဓာတ်ဖြည့်တင်းဖို့လည်း မမေ့ပါနဲ့နော်။

နောက်ပို့စ်တွေမှာလည်း ဒီလို အစာအာဟာရဆိုင်ရာ ဗဟုသုတတွေကို ဝေမျှပေးသွားမှာဖြစ်လို့ Like & Follow လုပ်ထားနိုင်ပါတယ်ရှင်။

05/03/2024

အစာအိမ်မကောင်းတဲ့သူတွေ၊ ဗိုက်အောင့် ဗိုက်နာတတ်တဲ့သူတွေအတွက် အဆင်ပြေစေမယ့် အာဟာရပြည့်ဝတဲ့ Menu လေး (၄)မျိုးကို 𝗧𝗵𝗲 𝗡𝘂𝘁𝗿𝗶 𝗚𝘂𝗶𝗱𝗲 ကနေ Sharing လုပ်ပေးလိုက်ပါတယ်ရှင် ⤵️

ကြက်စွပ်ပြုတ် 🍲

ပါဝင်ပစ္စည်း : အရိုးနဲ့ အရေခွံမပါတဲ့ ကြက်ရင်ပုံ (၂)ခု၊ ကြက်ပြုတ်ရည် (၆)ခွက်၊ (၁)လက်မစာ ပါးပါးလှီးထားတဲ့ ချင်း၊ ဆားတို့ လိုအပ်ပါတယ်။

ပြုလုပ်နည်း : အိုးထဲသို့ ကြက်ပြုတ်ရည်ကို ထည့်ပြီး တည်ပါ။ ကြက်ရင်ပုံ၊ ချင်းတို့ကို ထည့်ပြီး အပူလျှော့ပါ။ ကြက်သား ကျက်သည်အထိ မီးအေးအေးဖြင့် (၁၅)-(၂၀) မိနစ်လောက် တည်ထားပေးပါ။ ပြီးလျှင် ကြက်သားကို ဆယ်ယူပြီး ခက်ရင်းဖြင့် အပေါက်လေးတွေဖြစ်အောင်
ထိုးပေးပြီး အိုးထဲ ပြန်ထည့်ပါ။ ဆားကို ချိန်ဆထည့်ပြီး မွှေပေးပါ။ အပူပေးပြီးလျှင် သုံးဆောင်နိုင်ပါပြီ။

---------------------
ငါးဆန်ပြုတ် 🐟

ပါဝင်ပစ္စည်း : ဆန်(၁)ခွက်၊ ငါးပြုတ်ရည်(သို့)ရေ၊ တစ်ကိုက်စာ အတုံးလေးတွေ ပိုင်းဖြတ်ထားတဲ့ နှစ်သက်ရာ ငါး(၂၀၀)ဂရမ်၊ ဂျင်းလက်နှစ်ဆစ်စာ၊ ကြိတ်ချေထားတဲ့ ကြက်သွန်ဖြူ (၂)မွှာ၊ ပဲငံပြာရည် စားပွဲတင်ဇွန်း(၁)ဇွန်း၊ ဆား။

ပြုလုပ်နည်း : အိုးထဲသို့ ဆန်၊ ငါးပြုတ်ရည်(သို့)ရေ၊ ချင်း၊ ကြက်သွန်ဖြူတို့ကို ထည့်ပြီး တည်ပါ။ ပြီးလျှင် အပူကို လျှော့ပြီး (၃၀)-(၄၀) မိနစ်ထိ မီးအေးအေးဖြင့် တည်ပြီး တစ်ခါတစ်ရံ မွှေပေးပါ။ ဆန်များ နူးညံ့ပျော့ပျောင်းလာလျှင် ငါးအတုံးများကို ထည့်ပြီး ငါးများ နူးပြီး ကျက်သည်အထိ (၅)-(၇)မိနစ်ခန့် တည်ပေးပါ။ ကျက်သွားလျှင် ပဲငံပြာရည်၊ ဆားတို့ကို ထည့်ပြီး သုံးဆောင်နိုင်ပါပြီ။

---------------------
ပဲပြား အသီးရွက်ကြော် 🥗

ပါဝင်ပစ္စည်း : ပဲပြား၊ ရွှေပဲသီး၊ မုန်လာဥနီ၊ ဘရိုကိုလီ(ပန်းပွင့်စိမ်း)၊ ဆိုဒီယမ်ပမာဏ နည်းတဲ့ ပဲငံပြာရည် စားပွဲတင်ဇွန်း (၂)ဇွန်း၊ ရှာလကာရည် စားပွဲတင်ဇွန်း (၁)ဇွန်း၊ ကြိတ်‌ထားတဲ့ ကြက်သွန်ဖြူ လက်ဖက်ရည်ဇွန်း (၁)ဇွန်း၊ ခြစ်ထားတဲ့ ချင်း လက်ဖက်ရည်ဇွန်း (၁)ဇွန်း၊ နှမ်းဆီ စားပွဲတင်ဇွန်း (၁)ဇွန်းတို့လိုအပ်ပါတယ်။

ပြုလုပ်နည်း : နှမ်းဆီကို ဒယ်အိုးထဲ ထည့်ပြီး အပူပေးပါ။ ပဲပြားအတုံးလေးတွေကို အညိုရောင် အနည်းငယ် သန်းလာသည်အထိ (၅)-(၇) မိနစ်ခန့် ကြော်ပေးပြီး အိုးထဲမှ ခဏ ဖယ်ထားပေးပါ။ အဲ့ဒီ အိုးထဲသို့ နှမ်းဆီ လိုသလောက် ထပ်ထည့်ပေးပြီး ကြက်သွန်ဖြူ၊ ချင်းတို့ကို ထည့်ကာ အနံ့မွှေးလာသည်အထိ (၁)မိနစ်ခန့် ကြော်ပေးပါ။ လှီးဖြတ်ထားသော အသီးရွက်များကို ထည့်ကာ (၃)-(၅)မိနစ်ခန့် ကြော်ပေးပါ။ ပြီးလျှင် ဖယ်ထားသော ပဲပြားကြော်များကို အိုးထဲ ပြန်ထည့်ပြီး ပဲငံပြာရည်၊ ရှာလကာရည်တို့ကို ထည့်ပြီး ရောမွှေပေးပါ။ ထမင်းပူပူလေးပေါ်တင်ပြီး သုံးဆောင်နိုင်ပါပြီ။

---------------------
သီးစုံဂျယ်လီပူတင်း 🍮

ပါဝင်ပစ္စည်း : မိမိနှစ်သက်ရာ (ပန်းသီး၊ စပျစ်သီး အစရှိသည့်) Fruit Juice (၂)ခွက်၊ Gelatin Powder စားပွဲတင်ဇွန်း (၂)ဇွန်း၊ ပျားရည် (သို့) သကြား စားပွဲတင်ဇွန်း (၂)ဇွန်း၊ အလှဆင်ဖို့အတွက် လတ်ဆတ်သန့်ရှင်းတဲ့ စတော်ဘယ်ရီ၊ ဘလူးဘယ်ရီ၊ ကီဝီသီး အစရှိတာတွေ လိုအပ်ပါတယ်။

ပြုလုပ်နည်း : အိုးထဲတွင် Fruit Juice တစ်ဝက်ကို လောင်းထည့်ပေးပြီး Gelatin Powder ကို အပေါ်မှ ဖြူးပေးကာ (၅)မိနစ်ခန့်ထားပေးပါ။ (၅)မိနစ်ကြာပြီးလျှင် မီးအေးအေးဖြင့် အိုးကို အပူပေးပါ။ Gelatin Powder တွေ ပျော်ဝင်သွားသည်အထိ အဆက်မပြတ်မွှေပေးပါ။အိုးကို မီးဖိုပေါ်မှ ဖယ်ပြီး ကျန်ရှိနေသည့် Fruit Juice, သကြား (သို့) ပျားရည်တို့ကို အိုးထဲသို့ ထပ်ထည့်ကာ ပါဝင်ပစ္စည်းများ နှံစပ်ပျော်ဝင်သည်အထိ မွှေပေးပါ။ ပြီးလျှင် ရောမွှေထားသော အရည်ကို မိမိနှစ်သက်ရာ ပုံစံခွက်လေးတွေထဲကို လောင်းထည့်ကာ ရေခဲသေတ္တာထဲတွင် အနည်းဆုံး (၂)နာရီခန့်ကြာအောင် အအေးခံထားပါ။ ပူတင်းများ ခဲသွားပါက အပေါ်တွင် မိမိနှစ်သက်ရာ အသီးစိတ်လေးများ တင်ကာ အလှဆင်ပြီးလျှင် သုံးဆောင်နိုင်ပါပြီ။

ဒီလို အစာအိမ်အတွက် အစာချေဖျက်ရ လွယ်ကူစေတဲ့ Menu လေးတွေအတိုင်း သင့်တင့်မျှတစွာ ချက်ပြုတ်စားသုံးပြီး ပိုမို ကျန်းမာကြံ့ခိုင်တဲ့ ဘဝလေးကို ဖန်တီးနိုင်မယ်လို့ မျှော်လင့်ပါတယ်ရှင်။

နောက်ပို့စ်တွေမှာလည်း ဒီလို အစာအာဟာရဆိုင်ရာ ဗဟုသုတတွေကို ဝေမျှပေးသွားမှာဖြစ်လို့ Like & Follow လုပ်ထားနိုင်ပါတယ်ရှင်။

14/02/2024

နှလုံးသားလေးအတွက် အာဟာရဓာတ်စာ 🫀🍫

နှလုံးကျန်းမာစေဖို့ဆိုရင် စိတ်ချမ်းသာအောင်နေဖို့ လိုသလို နှလုံးကျန်းမာရေးအတွက် သင့်လျော်တဲ့ အစားအစာတွေကိုလည်း စားသုံးပေးဖို့ အရေးကြီးပါတယ်။

ဒါကြောင့် Valentine's Day မှာ နှလုံးကျန်းမာရေးအတွက် ကောင်းမွန်တဲ့ အစာအာဟာရတွေကို 𝗧𝗵𝗲 𝗡𝘂𝘁𝗿𝗶 𝗚𝘂𝗶𝗱𝗲 ကနေ Sharing လုပ်ပေးလိုက်ပါတယ်ရှင် ⤵️

Dark Chocolate

Dark Chocolate မှာ Antioxidant တွေ ကြွယ်ဝစွာ ပါဝင်ပြီး Flavonoids တွေက သွေးဖိအားကို လျော့နည်းစေပြီး ‌နှလုံးကျန်းမာရေးအတွက် အထောက်ကူဖြစ်စေပါတယ်

ဘယ်ရီသီး

စတော်ဘယ်ရီ၊ ရက်စ်ဘယ်ရီ၊ ဘလူးဘယ်ရီ အစရှိတဲ့ ဘယ်ရီသီးတွေက ဗီတာမင်၊ အန်တီအောက်ဆီးဒန့်နဲ့ အမျှင်ဓာတ်တွေပါဝင်လို့ နှလုံးကို ကျန်းမာစေပါတယ်။

ဆယ်လ်မွန်ငါး

ဆယ်လ်မွန်ငါးကတော့ Omega-3 fatty acid တွေပါဝင်လို့ နှလုံးကျန်းမာရေးအတွက် ကောင်းမွန်စေပါတယ်။

ထောပတ်သီး

ထောပတ်သီးမှာတော့ နှလုံးကျန်းမာရေးအတွက် ကောင်းမွန်တဲ့ Manounsaturated Fats, ပိုတက်ဆီယံနဲ့ အမျှင်ဓာတ်တွေ ပါဝင်ပါတယ်။

အစိမ်းရောင် ဟင်းသီးဟင်းရွက်

ဟင်းနုနွယ်၊ ကိုက်လန်၊ မုန်ညင်းတို့လို ဟင်းသီးဟင်းရွက်တွေမှာ အန်တီအောက်ဆီးဒန့်၊ ဗီတာမင်နဲ့ သတ္တုဓာတ်တွေပါဝင်တာကြောင့် နှလုံးကျန်းမာရေးအတွက် ပံ့ပိုးကူညီပေးမှာပါ။

ဒါဆိုရင်တော့ Valentine's Day မှာ နှလုံးသားလေး ကျန်းမာစေဖို့ အာဟာရပြည့်ဝတဲ့ အစားအစာတွေကို ရွေးချယ်စားသုံးပြီး ကျန်းမာကြံ့ခိုင်တဲ့ ဘဝလေးကို ဖန်တီးနိုင်မယ်လို့ မျှော်လင့်ပါတယ်ရှင်။

နောက်ပို့စ်တွေမှာလည်း ဒီလို အစာအာဟာရဆိုင်ရာ ဗဟုသုတတွေကို ဝေမျှပေးသွားမှာဖြစ်လို့ Like & Follow လုပ်ထားနိုင်ပါတယ်ရှင်။

The Nutri Guide - Naypyitaw

24/01/2025

01/01/2025

12/11/2024

08/11/2024

06/11/2024

05/11/2024

24/09/2024

24/09/2024

10/03/2024

05/03/2024

14/02/2024

Address

Website

Alerts

Shortcuts

Share

Category