Dr. မီ မီ ဟန္

20/02/2026

စိတ် နဲ့ အပြုအမူ ချိတ်ဆက်ဖို့ ဒီနေရာလေးကလဲ တခုခု ပဲ လို့ ရင်ထဲ က ဆန္ဒ ပေါ်လာရင် လာခဲ့နော် ....

ဒီည 7:00 pm

Click https://us06web.zoom.us/j/6928215216?pwd=zHitjjP8SO6NXXNBFA49xzpMqWwm9l.1 to start or join a scheduled Zoom meeting.

https://www.facebook.com/share/p/1GjtiiMSBY/?mibextid=P5sS7T

ငယ်ရွယ်တဲ့ ကလေးငယ်လေးတွေဟာ သူတို့ရဲ့ စိတ်ခံစားချက်တွေကို နည်းလမ်းမျိုးစုံနဲ့ ဖော်ပြလေ့ ရှိပါတယ်။ ကလေးငယ်လေးတွေရဲ့ စိတ်ခံစားချက် ဖော်ပြမှုဟာ တခါတလေ လူကြီးမိဘတွေအတွက် နားလည်မှု လွဲမှားတာလေးတွေ ကြုံတွေ့ရတတ်ပါတယ်။ ကလေးငယ်လေးတွေရဲ့ စိတ်ကို သိရှိ နားလည်မှသာ ဖွံ့ဖြိုးတိုးတက်မှု stepတခုချင်းစီမှာ ပိုမိုကောင်းမွန်တဲ့ အထောက်အပံ့တွေ ပေးနိုင်မှာ ဖြစ်ပါတယ်။
ဒါကြောင့် Understanding Little Mindsဆိုတဲ့ ခေါင်းစဉ်နဲ့ Pumpkin မှာ လက်ရှိ တက်ရောက်နေတဲ့ ကျောင်းသား/ကျောင်းသူများ၊ ကျောင်းသား/ကျောင်းသူဟောင်းများသာမက အခြား စိတ်ပါဝင်စားသူများ ပါဝင် တက်ရောက်နိုင်တဲ့ Webinar တစ်ခုကို စီစဉ်ထားပါတယ်။
Life Saving Hands Medical Team မှ Mental health practitioner and Therapist Dr. Mie Mie Han မှ ဆွေးနွေးပါဝင်ပေးသွားမှာ ဖြစ်တဲ့ အတွက်ကြောင့် စိတ်ပါဝင်စားပြီး တက်ရောက်လိုပါက page messenger မှာ register လုပ်၍ ပါဝင် တက်ရောက်နိုင်ပါသည်။

🗓 Date – 20.2.2026 (Friday)
⏰ Time – 7:00 PM
💻 Platform – Online (Zoom)

17/02/2026

Happy Chinese New Year 2026!

နှစ်သစ်မှ စတင်ပြီး ကျန်းမာခြင်း၊ ပြည့်စုံကြွယ်ဝခြင်း၊ ကောင်းသောအရာများ တရှိန်ထိုး တိုးတက်အောင်မြင်ခြင်းတို့ ဖြင့် ပြီးပြည့်စုံကြပါစေ။

14/02/2026

The Art of Hugging Emotions Workshop

14th February 2026

Valentine Day အမှတ်တရ ….

ကျင်းပနေပါတယ် 🍾💐🌻

09/02/2026

ပန်းကလေးတွေ စုစည်းနေတာက အလကားမဟုတ်ဘူး။

သစ်ပင် တစ်ပင်စီရဲ့ ဖြစ်လာမှု

လုပ်ဆောင်မှု၊ ကြုံတွေ့လာမှု အားလုံး

အားလုံးက တိုက်ဆိုင်မှု ဆိုတာ တခုမှ မရှိဘူး။

ကိုယ်ဖြစ်ချင်တာတွေ မဖြစ်သေးတာ၊
မဖြစ်ချင်တာတွေ ဖြစ်နေတာ

ကိုယ့်မှာ ဖြစ်သမျှ အားလုံး က
အကြောင်းအကျိုးတွေ နဲ့ မလွတ်ဘူးနော်။

အရာအားလုံး ကြုံတွေ့ရတာက အလကားမဟုတ်တာမို့
ကြုံလာတဲ့အရာတိုင်း သတိရှိစေချင်တယ်။

ဒီဖြစ်ရပ်က ငါ့ကို ဘာပြောချင်တာလဲ။
ငါလုပ်ရပ်လား။
ငါ့ယူဆချက်လား။
ငါ့ အပြုအမူတခုခုလား။

တခုခုကို သတိထားမိရင် အဲ့အပေါ်မှာ ဉာဏ်ဖြစ်တယ်ဆိုရင်
ကိုယ်ခဏခဏ ကြုံရတဲ့သံသရာက လွတ်မြောက်စေတာပဲ။

သတိမရှိဘဲ အကြိမ်ကြိမ် လည်မယ့်အစား
သတိလေး နဲ့ ရပ်တန့်စေမယ်ဆိုရင်ရော .....

29/01/2026

🎯♝ ကိုယ့်ရင်ထဲက ကွက်လပ်ကို ကိုယ်တိုင်ဖြည့်မလား၊ သူများဖြည့်ပေးဖို့ပဲ စောင့်မလား။ 💜🐺

ကျွန်မတို့ရဲ့ လူမှုဆက်ဆံရေးတွေ၊ မိသားစုအရေးတွေ၊ အချစ်ရေးတွေကို ကြည့်လိုက်ရင် မကျေနပ်မှုတွေ၊ သည်းမခံနိုင်မှုတွေ၊ အမုန်းအငြိုးတွေကို မကြာခဏ တွေ့ရတတ်ပါတယ်။ ပြန်မဖြေရှင်းနိုင်တဲ့ အခက်အခဲတွေကလည်း ထပ်ခါတလဲလဲ ဖြစ်နေတတ်ပါတယ်။

အထူးသဖြင့် Relationship တွေမှာ “ဒီလိုလုပ်ပေးမှ ငါ့ကိုချစ်တာ”၊ “ဒီလောက်တော့နား လည်ပေးရမှာပေါ့” ဆိုတဲ့ conditional love ကို အခြေခံပြီး ကိုယ့်ရင်ထဲက မပြည့်ခဲ့တဲ့ ကိုယ့်ရဲ့ အတွင်းပိုင်းအပေါက် ကို သူများဆီက ဖြည့်ဆည်းဖို့ မသိမသာ တောင်းဆိုနေတတ်ကြပါတယ်။

ဒီ ကွက်လပ် ဆိုတာဟာ ကိုယ်ငယ်စဉ်တုန်းက မရခဲ့တဲ့ လုံခြုံမှု၊ နားလည်ခံစားပေးမှု၊ အလေးထားမှုတွေကနေ ဖြစ်ပေါ်လာတဲ့ အတွင်းပိုင်းလိုအပ်ချက်တစ်ခုပါ။ ဒီလိုအတွင်း ပိုင်းကွက်လပ်ဟာ ဘဝတစ်လျှောက်လုံး ကိုယ့်နဲ့အတူ ပါလာပြီး ကိုယ်တွေ့တဲ့ လူတိုင်းဆီမှာ သိသိသာသာဖြစ်ဖြစ်၊ မသိမသာဖြစ်ဖြစ် “ဖြည့်ပေးပါ” ဆိုတဲ့ ပုံစံနဲ့ ပေါ်လာတတ်ပါတယ်။

တစ်ဖက်လူက မဖြည့်ပေးနိုင်တဲ့အခါ အပြစ်တင်မိတယ်၊ မတရားခံစားမိတယ်၊ ဆက်ဆံရေးတွေ ပျက်စီးသွားတတ်ပါတယ်။ ဖြည့်ပေးနိုင်တဲ့အခါမှာလည်း ကျေးဇူးတရား မဖြစ်တော့ဘဲ “မဖြစ်မနေ ဖြည့်ပေးရမယ့် တာဝန်” တစ်ခုလို ဖြစ်သွားတတ်ပါတယ်။

ဒီအခြေအနေကို လူမှုရေးအယူအဆတွေဖြစ်တဲ့ “လူကြီးဆို နားလည်ပေးရမယ်”၊ “မိဘဆိုတာ အမြဲမှန်တယ်” ဆိုတာတွေနဲ့ ပေါင်းလိုက်တဲ့အခါ အင်အားကြီးသူက အင်အားငယ်သူကို စကားလုံး၊ အမူအရာ၊ အာဏာနဲ့ ဖိနှိပ်မိသွားတဲ့ အခြေအနေတွေပါ မကြာခဏ ဖြစ်လာတတ်ပါတယ်။

အရေးကြီးတာက— ဒီအရာအားလုံးဟာ ကိုယ့်ကွက်လပ်ကို ကိုယ်မကြည့်နိုင်သေးတာ၊ “ငါတကယ်လိုချင်နေတာ ဘာလဲ” ကို မသိသေးတာ ကနေ စတင်လာတာပါ။

ဒါကြောင့် ကိုယ့်ကိုယ်ကို ပိုပြီးနားလည်ဖို့အစား တစ်ဖက်လူတွေကို demand တွေ ပိုများလာပြီး အဲ့ဒီ demand ကို “လုပ်ကိုလုပ်ပေးရမယ့်အရာ” လို့ သတ်မှတ်လိုက်တဲ့အခါ ကိုယ့်ကိုယ်ကိုရော၊ တစ်ဖက်လူကိုရော အတူတူ ပိတ်မိသွားတဲ့ ထောင်ချောက်ထဲကို မသိမသာ ရောက်သွားတတ်ပါတယ်။

ဒါပေမယ့် ဒီအရာတွေဟာ တစ်ဖက်တည်းကြောင့် ဖြစ်တာမဟုတ်ပါဘူး။ နှစ်ဦးနှစ်ဖက်လုံးက ကိုယ့်ကိုယ်ကို ပြန်လည်ကြည့်ရှုဖို့ လိုအပ်တဲ့ အပြန်အလှန် လုပ်ငန်းစဉ်တွေပါ။

🧠 Psychoanalysis ရှုထောင့်က ကြည့်မယ်ဆိုရင် ဒီဖြစ်စဉ်ကို Unmet childhood emotional needs, Repetition compulsion, Projection of inner emptiness လို့ ခေါ်နိုင်ပါတယ်။ အနာကိုမမြင်နိုင်တဲ့ အတွင်းပိုင်းကွက်လပ်ကို Relationship တွေကနေ ထပ်ခါထပ်ခါ ပြန်ဖြည့်ချင်နေခြင်းပါ။

ဒါကြောင့် ဒီမေးခွန်းလေးတွေကို ကိုယ့်ကိုယ်ကို မေးကြည့်စေချင်ပါတယ်—
❓ ငါ့ကွက်လပ်က ဘာလဲ
❓ ငါတကယ်လိုချင်နေတာ ဘာလဲ
❓ ဒါကို သူများဆီကပဲ မဖြစ်မနေ ရဖို့လိုသလား

ဒီလို သတိထားမိခြင်းက ကိုယ့်ဘဝကို ပိုပြီး လွတ်လပ်စေတဲ့ ပထမဆုံး ခြေလှမ်းတစ်လှမ်း ဖြစ်နိုင်ပါတယ် 🌱





#ကိုယ်ပိုင်ဘဝ

21/01/2026

"ကျွန်မက မာနကြီးတာ မဟုတ်ပါဘူး၊ ကိုယ့်ကိုယ်ကို ကာကွယ်နေရုံပါ" လို့ ထင်နေမိလား?

မနေ့က Online မှာ သီချင်းဆိုနေတဲ့ Artist တစ်ယောက်ရဲ့ မျက်နှာကို ငေးကြည့်ရင်း အတွေးတစ်ခု ဝင်လာတယ်။ "ဒီ Artist လေးရဲ့ မျက်နှာက ဘာလို့ ဒီလောက် အေးချမ်းနေရတာလဲ..."

ကျွန်မဆီကို ရောက်လာကြတဲ့ Client တော်တော်များများ (အထူးသဖြင့် မိသားစုပြဿနာ ရှိသူတွေ) မှာ တူညီတဲ့ အချက်တစ်ခုရှိတယ်။ အဲဒါကတော့ အပြင်ပန်းမှာ "မာန" လို့ ထင်ရလောက်အောင် တင်းမာနေတတ်ကြတာပါပဲ။

ဒါပေမဲ့ Therapist တစ်ယောက်အနေနဲ့ ကျွန်မ မြင်တာကတော့... ဒါဟာ "မာန" (Arrogance) မဟုတ်ပါဘူး။ ဒါဟာ နှစ်ရှည်လများ ခံစားခဲ့ရတဲ့ စိတ်ဒဏ်ရာတွေကြောင့် မသိစိတ်က တည်ဆောက်လိုက်တဲ့ "အကာအကွယ်" (Defense Mechanism) တစ်ခုသာ ဖြစ်ပါတယ်။

"ငါ မာကျောမှ ငါခံနိုင်ရည်ရှိမယ်..." "ငါ ခပ်တင်းတင်းနေမှ ငါ့ကို ဘယ်သူမှ လာမထိရဲမှာ..." ဒီလို အတွေးတွေနဲ့ နေခဲ့ရပေမဲ့၊ တကယ်တမ်းကျတော့ အဲဒီ အကာအကွယ်ကြီးကပဲ ကိုယ့်ရဲ့ စိတ်အေးချမ်းမှုကို ပိတ်လှောင်ထားတဲ့ ထောင်ချောက် ဖြစ်နေတတ်ပါတယ်။

သီချင်းနားထောင်တာ၊ ခရီးသွားတာတွေက စိတ်ကို ခဏတာ ထုံဆေးထည့်ပေးသလိုပါပဲ။ ဒါပေမဲ့ "အမြစ်" တွယ်နေတဲ့ မိသားစုပြဿနာတွေနဲ့ စိတ်ဒဏ်ရာတွေကို ကုစားဖို့ဆိုရင်တော့... ကိုယ့်ရဲ့ မာနအကာအကွယ်ကို စနစ်တကျ ဖယ်ရှားပြီး၊ အတွင်းစိတ်ကို ကုသပေးမယ့် Professional Support လိုအပ်ပါတယ်။

အေးချမ်းမှုဆိုတာ ရွေးချယ်မှု တစ်ခုပါ။ ခင်ဗျားရဲ့ ပခုံးပေါ်က လေးလံနေတဲ့ ဝန်ထုပ်ဝန်ပိုးတွေကို ချထားခဲ့ပြီး၊ ပေါ့ပါးတဲ့ စိတ်အသစ်တစ်ခုနဲ့ ပြန်စချင်တယ်ဆိုရင်...

ကျွန်မနဲ့ သီးသန့်ဆွေးနွေးဖို့ (Private Session) အတွက် ရက်ချိန်းယူနိုင်ပါတယ်။ အသေးစိတ် သိရှိလိုပါက Chat Box မှာ "Appointment" လို့ ရေးပြီး ဆက်သွယ်ပေးပါရှင်။

10/01/2026

“အဆင်ပြေပါတယ်” ဆိုတဲ့ စကားလုံးအောက်မှာ... သင် တကယ်ရောအသက်ရှူချောင်ရဲ့လား?

လူတွေရှေ့မှာ အမြဲအားကိုးရပြီး တည်ငြိမ်နေရတဲ့ "သန်မာမှု" ကပဲ သင့်ကို တဖြည်းဖြည်း အသက်ရှူ ကျပ်လာစေသလား။ အောင်မြင်မှုတွေ၊ အားလပ်ရက်တွေနဲ့ ကုစားလို့မရတဲ့ ဒီပင်ပန်းမှုဟာ... ကိုယ့်ခံစားချက်ထက် တခြားသူတွေရဲ့ လိုအပ်ချက်ကို ဦးစားပေးခဲ့မိလို့၊ ဒါမှမဟုတ် ပတ်ဝန်းကျင်သစ်ကြားမှာ ကိုယ့်ကိုယ်ကိုယ် ခဏခဏ ချန်ထားခဲ့မိလို့ ဖြစ်နိုင်ပါတယ်။

သန်မာခြင်းဆိုတာ အရာအားလုံးကို အံကြိတ်ခံနေဖို့ မဟုတ်ပါဘူး။

ကိုယ့်ရဲ့ မောပန်းမှုကို အသိအမှတ်ပြုပြီး စောင့်ရှောက်မှု ခံယူတာဟာ ရှုံးနိမ့်ခြင်း မဟုတ်သလို၊ လဲပြိုသွားတာလည်း မဟုတ်ပါဘူး။ ဒါဟာ မိမိကိုယ်ကိုယ် ပြန်လည်တန်ဖိုးထားခြင်းရဲ့ အစပထမခြေလှမ်းပါ။

စကားလုံးတွေနဲ့ ဖော်ပြဖို့ လေးလံလွန်းနေတဲ့အခါ Art (အနုပညာ) ဟာ ဘေးကင်းပြီး နူးညံ့တဲ့ ထွက်ပေါက်တစ်ခု ဖြစ်လာပါတယ်။

၂၀၂၆ နှစ်သစ်မှာ အနာဟောင်းတွေကို ဖုံးကွယ်မထားဘဲ၊ အားအင်အသစ်နဲ့ ရှေ့ဆက်နိုင်ဖို့ The Art of Hugging Emotions Workshop က သင့်ကို ကြိုဆိုနေပါတယ်။

ဒီ Workshop လေးဟာ -

• "သန်မာသူ" အဖြစ် အမြဲနေထိုင်ရလို့ မောပန်းနေသူများ

• ပတ်ဝန်းကျင်သစ်မှာ လမ်းပျောက်သလို ခံစားနေရသူများ

• စိတ်ဖိစီးမှုကို ဘေးကင်းတဲ့နေရာမှာ ထုတ်ဖော်ချင်သူများ

• မိမိကိုယ်ကို အပြစ်တင်ခြင်း (Guilt) ကင်းစွာနဲ့ နားခိုချင်သူများအတွက်ပါ။

ဒါဟာ သင်တန်းတစ်ခုထက် ပိုပါတယ်။ သင့်စိတ်နှလုံးကို ပြစ်တင်ဝေဖန်ခြင်းမရှိဘဲ လုံခြုံစွာ နားထောင်ပေးမယ့် Safe Space တစ်ခုပါ။



ဒီ workshop လေးကို စိတ်ဝင်စားတယ်ဆိုရင်တော့ အောက်ပါ registration form ကနေတဆင့် ဝင်ရောက် လျှောက်ထားနိုင်ပါတယ်။ Art နဲ့ပက်သက်ပြီး ကျွမ်းကျင်မှုနှင့်၊ အတွေ့အကြုံများမလိုအပ်ပါ။

နေ့ရက် - ဖေဖော်ဝါရီ ၇ ရက် (သို့မဟုတ်) ၈ရက်

အချိန် - မနက် ၉:၀၀နာရီ မှ ၁၂:၀၀နာရီထိ

နေရာ - ရွှေမော်ကွန်း ကွန်ဒို၊ တောင်ဥက္ကလာပမြို့နယ်။

စိတ်ရော၊ကိုယ်ပါ လုံခြုံစိတ်ချရပြီး ခံစားချက်တွေ ကောင်းမွန်စွာထုတ်ဖော်နိုင်ဖို့အတွက်
တက်ရောက်ချင်တယ်ဆိုရင်တော့ လူဦးရေ ကန့်သတ်ထားတာကြောင့် အောက်က Form ကို အမြန်ဆုံး ဖြည့်စွက်ပေးပါ။ Form ဖြည့်ပြီးသူများကိုရွေးခြယ်ပြီး workshop ရက်နီးပါက email or phone ကနေတဆင့် အကြောင်းကြား ပေးသွားမှာ ဖြစ်ပါတယ်။

ဒီLinkကိုနှိပ်ပြီး Form ဖြည့်ပါ။
https://forms.gle/NMjTdaZ7vuxkm1rS9

31/12/2025

“အရာရာကို ခံနိုင်ရည်ရှိအောင် ကြိုးစားရင်း... ကိုယ့်ကိုယ်ကို မေ့လျော့နေခဲ့ပြီလား"

မကြာခင်မှာ 2026 ကို ကူးပြောင်းတော့မယ််…..

အပြင်ပန်းမှာတော့ကိုယ်က အရာရာကို နိုင်နင်းသူပါ။ အလုပ်မှာလည်း ခေါင်းဆောင်၊ အိမ်မှာလည်း အားကိုးရာ၊ သူငယ်ချင်းတွေကြားမှာလည်း အကြံပေးပုဂ္ဂိုလ်။ လူတိုင်းက "Strong ဖြစ်တယ်" လို့ ပြောကြတယ်။

ဒါပေမဲ့ တံခါးပိတ်ပြီး တစ်ယောက်တည်း ကျန်ခဲ့တဲ့အချိန်တွေမှာ... ရင်ထဲက ဟာတာတာ ခံစားချက်ကြီးကို ဘယ်သူမှ မမြင်ကြဘူးနော်။

စိတ်ပညာမှာ "နစ်နာခြင်းကို လက်မခံနိုင်ခြင်း" (Loss Aversion) ဆိုတဲ့ သဘောတရားတစ်ခု ရှိပါတယ်။ ဒါက ငွေကြေးဆုံးရှုံးမှာကို ကြောက်တာမျိုး သက်သက် မဟုတ်ပါဘူး။

ကျွန်မတို့လို အမျိုးသမီးတွေအတွက်တော့ အဲ့ဒါက... "ငါ အခု လွှတ်ချလိုက်ရင်၊ ငါ အခု နားလိုက်ရင်... ဒီလောက်ထိ ကြိုးစား တည်ဆောက်ခဲ့ရတာတွေ အလဟဿ ဖြစ်သွားမလား" ဆိုတဲ့ ကြောက်စိတ်ပါပဲ။

ပင်ပန်းနေတာကို ဝန်ခံလိုက်ရင်ပဲ ရှုံးနိမ့်သွားသလိုလို၊ အားနည်းချက်ကို ပြလိုက်မိရင်ပဲ ကိုယ်ကာထားတဲ့ တံတိုင်းကြီး ပြိုကျသွားတော့မလိုလို၊ "ငါမလုပ်ရင် ဘယ်သူလုပ်မလဲ" ဆိုတဲ့ အတွေးနဲ့ ကိုယ့်ဒဏ်ရာကို ကိုယ်တိုင် မသိချင်ယောင်ဆောင်ပြီး ရှေ့ဆက်တိုးနေမိတတ်ကြတယ်။

တကယ်တော့ ဆက်ပြီး ဟန်မဆောင်ထားလည်း ရပါတယ်ရှင်။

အနားယူတယ်ဆိုတာ လက်လျှော့လိုက်တာ မဟုတ်ပါဘူး။

ကိုယ့်ခံစားချက်ကို ဦးစားပေးတယ်ဆိုတာ အတ္တကြီးတာ မဟုတ်ပါဘူး။

မောတယ်လို့ ဖွင့်ပြောလိုက်တာဟာ အရည်အချင်းတွေ လျော့နည်းသွားတာ မဟုတ်ပါဘူး။

အတင်းကာထားတဲ့ တံတိုင်းတွေ၊ တင်းခံထားတဲ့ စိတ်တွေကို ခဏလောက် လျှော့ချလိုက်ဖို့ လုံခြုံတဲ့ နေရာတစ်ခု လိုအပ်နေပြီဆိုရင်...
ပင်ပန်းမှုတွေကို စကားလုံးတွေနဲ့ ဖွဲ့နွဲ့စရာမလိုဘဲ ကုစားနိုင်ဖို့ Rapid Transformational Therapy နေရာလေးတစ်ခု အမြဲရှိနေပါတယ်။

လဲကျသွားမှ ပြန်ထူပေးမယ့်သူမျိုး မဟုတ်ဘဲ၊ မလဲကျခင်ကတည်းက "မောနေပြီမလား၊ ခဏနားလိုက်ပါဦး" လို့ ပြောပေးမယ့် မိတ်ဆွေစစ်တွေအဖြစ် ကျွန်မတို့ ရှိနေပေးချင်ပါတယ်။

အဝေးကြီးကနေ လှမ်းကြည့်ရင်တောင် တည်ငြိမ်ပြီး လှပနေတဲ့ ပန်းချီကားတစ်ချပ်လိုပါပဲ။ ဒါပေမဲ့ အနီးကပ်ကြည့်မှ မြင်ရတဲ့ အက်ရာလေးတွေကိုပါ တန်ဖိုးထားပြီး ပြန်လည်မွမ်းမံဖို့ ဖိတ်ခေါ်ပါရစေ။

Happy New YYear 🎊🎈 🎉🎉🎉

28/12/2025

27/12/2025

"ညနေခင်း လမ်းလျှောက်ခြင်းဆိုတာ ကျန်းမာရေးအတွက် သက်သက်မဟုတ်ပါဘူး။ တစ်နေ့တာလုံး သယ်ပိုးလာတဲ့ စိတ်အမှိုက်တွေကို ရှင်းထုတ်ချိန် (Mental Detox Time) ပါ" 🌇

တစ်နေ့တာ အလုပ်တွေပြီးလို့ ညနေခင်း လမ်းလျှောက်ထွက်တဲ့အခါ ကျွန်မ အမြဲလုပ်ဖြစ်တဲ့ အလေ့အကျင့်တစ်ခု ရှိတယ်။ ဒါကတော့ ကိုယ်နဲ့အတူ အိမ်ပြန်ပါလာတဲ့ အတွေးတွေကို "ဧည့်သည်" တစ်ယောက်လို စောင့်ကြည့်လိုက်တာပါပဲ။

🧠 ၁။ ဝန်တွေကို စစ်ဆေးခြင်း (Observe & Audit) ဒီနေ့ တစ်နေ့လုံး ငါ ဘာတွေ တွေ့ကြုံခဲ့လဲ? ရုံးက ကိစ္စတွေ၊ မပြီးပြတ်သေးတဲ့ ပြဿနာတွေ၊ လူမှုရေး အဖုအထစ်တွေကို ငါ့ခေါင်းပေါ် ရွက်ပြီး အိမ်ပြန်သယ်လာနေမိသလား? လမ်းလျှောက်နေရင်း ကိုယ့်စိတ်ကို လေးလံစေတဲ့အရာတွေကို သတိပြု (Be Aware) လိုက်တဲ့အခါ မသိစိတ်ထဲက ဖိအားတွေကို စပြီး မြင်လာရတယ်။

🛑 ၂။ အဆိပ်သင့်စေမယ့် စက်ဝန်းကို ရပ်တန့်ခြင်း (Stop Negative Manifesting) ညနေစောင်းလို့ လူက ပင်ပန်းနေချိန်မှာ စိတ်က အားနည်းတတ်ပါတယ်။ အဲ့ဒီအချိန်မှာ "မနက်ဖြန် ဘာဖြစ်မလဲ၊ ဟိုကိစ္စ အဆင်မပြေရင် ဒုက္ခပဲ" ဆိုပြီး ထပ်ခါထပ်ခါ တွေးနေမိရင် သတိထားပါ။ ဒါဟာ အနားယူရမယ့်အချိန်ကို ဖျက်ဆီးပစ်ရုံသာမက၊ မဖြစ်လာသေးတဲ့ ပြဿနာတွေကို "Manifest" လုပ်ပြီး မနက်ဖြန်ဆီ လှမ်းခေါ်နေသလို ဖြစ်တတ်လို့ပါ။ ညဘက် ပူပန်ခြင်းက အဖြေမထွက်စေပါဘူး၊ စွမ်းအင်ကုန်ခမ်းခြင်းကိုသာ ဖြစ်စေပါတယ်။

✅ ၃။ ရွေးချယ်မှု ပြုလုပ်ခြင်း (The Power of Choice) ကျွန်မကတော့ ညနေခင်း လေကို ရှူရှိုက်ရင်း ကိုယ့်ကိုယ်ကိုယ် မေးတယ်။ "ဒီနေ့အတွက် ငါ့ဘက်က အကောင်းဆုံး လုပ်ခဲ့ပြီးပြီလား?" လုပ်ခဲ့ပြီးပြီဆိုရင်... ကျွန်မမှာ Choice (ရွေးချယ်ခွင့်) ရှိသွားပြီ။ မနက်ဖြန်အတွက် ကြိုပူပြီး ဒီညရဲ့ ငြိမ်းချမ်းမှုကို အဆုံးရှုံးခံမလား... ဒါမှမဟုတ် "ဒီနေ့တော့ တာဝန်ပြီးပြီ" ဆိုပြီး ဝန်ချလိုက်မလား?

ကျွန်မကတော့ "လွှတ်ချခြင်း (Letting Go)" ကိုပဲ ရွေးချယ်လိုက်ပါတယ်။ အလုပ်ကိစ္စတွေကို လမ်းပေါ်မှာတင် ထားခဲ့ပြီး၊ ပေါ့ပါးတဲ့ စိတ်၊ ယုံကြည်တဲ့ စိတ်နဲ့သာ အိမ်ပြန်ဝင်ပါတယ်။ ဒါဟာ ညဘက်တွေမှာ နှစ်ခြိုက်စွာ အိပ်ပျော်စေပြီး မနက်ဖြန်ကို အားအင်အပြည့်နဲ့ ကြိုဆိုနိုင်ဖို့ ကျွန်မရဲ့ လျှို့ဝှက်ချက်ပါပဲ။ 🌙

မိတ်ဆွေရော... ဒီနေ့ညနေ အိမ်ပြန်ချိန်မှာ အလုပ်ဝန်တွေကို ပွေ့ပိုက်ပြီး ပြန်လာမှာလား၊ လမ်းမှာ ချထားခဲ့မှာလား?

အလုပ်နဲ့ အိမ်၊ တာဝန်နဲ့ အနားယူခြင်းကို ခွဲခြားဖို့ ခက်ခဲနေပြီး စိတ်တွေ ရှုပ်ထွေးနေမယ်ဆိုရင် ကျွန်မနဲ့ ဆွေးနွေးနိုင်ပါတယ်နော်။ RTT Session လေးတွေက သင့်ရဲ့ မသိစိတ်ကို ကုစားပြီး စိတ်ငြိမ်းချမ်းမှု ပြန်ရဖို့ ကူညီပေးနိုင်ပါတယ်။ 👇

26/12/2025

မနက်ခင်း လေနုအေးလေးနဲ့အတူ လမ်းလျှောက်ထွက်လိုက်တဲ့အခါ... 🌬️ ကျွန်မခြေလှမ်းတွေက လမ်းမပေါ်မှာ ရှိနေပေမယ့်၊ စိတ်ကတော့ အတွေးတွေဆီ ရောက်နေတတ်တယ်။

အရင်ကဆို ပူပန်မှုတစ်ခုဝင်လာရင် အဲ့ဒီအထဲမှာ နစ်မွန်းပြီး ရုန်းမထွက်နိုင်ဘူး။ "ဖြစ်လာရင် ဒုက္ခပဲ" ဆိုတဲ့ အတွေးက မသိစိတ်ထဲထိ စွဲပြီး မလိုချင်တဲ့ အခြေအနေတွေကိုတောင် လက်ယပ်ခေါ်သလို (Negative Manifestation) ဖြစ်ခဲ့ဖူးတယ်။

ဒါပေမဲ့ အခုတော့... မနက်ခင်းလမ်းလျှောက်ချိန်ဟာ ကျွန်မအတွက် "သန့်ရှင်းရေးလုပ်ချိန်" ဖြစ်လာတယ်။ 🧹✨

လမ်းလျှောက်ရင်း အတွေးတွေကို စစ်ဆေးတယ်။ "ဩော်... ငါ ပူနေပါလား။ ဒါဆို လုပ်စရာရှိတာ ဘာကျန်သေးလဲ?" စီမံစရာရှိတာ စီမံလိုက်တယ်။ ပြင်ဆင်စရာရှိတာ ပြင်ဆင်လိုက်တယ်။ အကုန်လုပ်ပြီးလို့မှ စိတ်က ပူနေတုန်းဆိုရင်တော့... ဒါဟာ အလုပ်ကိစ္စ မဟုတ်တော့ဘူး၊ စိတ်ကိစ္စ ဖြစ်သွားပြီ။

အဲ့ဒီအချိန်မှာ ကျွန်မ "Choice" ဆိုတဲ့ ခလုတ်လေးကို နှိပ်လိုက်တယ်။
"ငါ့ဘက်က အကောင်းဆုံး လုပ်ပြီးပြီ။ ကျန်တာကိုတော့ ယုံကြည်စွာ လွှတ်ချလိုက်မယ်" ဆိုပြီးပေါ့။ 🕊️

ဒီလို ရှင်းလင်းပြတ်သားတဲ့ စိတ်ထားနဲ့ စတင်လိုက်တဲ့ နေ့တစ်နေ့ဟာ ဘယ်လောက် အေးချမ်းပြီး စွမ်းအားပြည့်စုံလိုက်သလဲရှင်။

မလိုလားအပ်တဲ့ အတွေးတွေနဲ့ ကိုယ့်ဘဝကို Manifest မလုပ်မိပါစေနဲ့။
အတွေးတွေကို ဘယ်လိုထိန်းချုပ်မလဲ၊ ကိုယ့်စိတ်ကို ဘယ်လို ပြန်လည် ဦးဆောင်မလဲဆိုတာ သိချင်ရင် Chat Box မှာ "RTT" လို့ မေးမြန်းနိုင်ပါတယ်။ 📩

25/12/2025

𝐌𝐢𝐝𝐥𝐢𝐟𝐞 ကိုရောက်လာတဲ့အချိန်…
ဘာကြောင့် စိတ်က ပိုပင်ပန်းလာရတာလဲ?

တစ်နေ့တစ်နေ့
အလုပ်မှာလည်း မပျော်တော့ဘူး
မိသားစု၊ သူငယ်ချင်းတွေနဲ့
မိဘ နဲ့ သားသမီးကြား 𝐡𝐚𝐧𝐝𝐥𝐞 လုပ်ရတဲ့နေရာတွေမှာပင်ပန်းတာ
နေလို့မကောင်းတာ
ကိုယ့်စိတ်က အရင်ထက် ပိုပြီး 𝐬𝐞𝐧𝐬𝐢𝐭𝐢𝐯𝐞 ဖြစ်လာတယ်ဆိုတာ
သတိထားမိလာပါသလား။

ဒါတွေကို သက်သာအောင်
– ကိုယ့်ဘာသာ 𝐌𝐞𝐝𝐢𝐭𝐚𝐭𝐢𝐨𝐧 လုပ်ကြည့်တယ်
– စာဖတ်တယ်
– စိတ်ကို ထိန်းဖို့ ကြိုးစားတယ်

ဒါပေမယ့်ဖြေဖျောက်လေလေ ပိုပင်ပန်းလာလေလေ ဖြစ်နေတယ်။

𝐂𝐨𝐮𝐧𝐬𝐞𝐥𝐢𝐧𝐠 / 𝐓𝐡𝐞𝐫𝐚𝐩𝐲 က ကူညီနိုင်တယ်ဆိုတာ သိပေမယ့်
အပတ်တိုင်း အချိန်ပေးဖို့လည်း မလွယ်ဘူး
ကိုယ့်ကိုယ်ကိုယ်လည်း ပြန်မြင်ချင်တယ်
ဒါကို ဘယ်လိုကိုင်တွယ်ရမှန်း မသိတော့ဘူး…

အဲ့ဒီလိုနဲ့စိတ်ပျက် → စိတ်အားငယ် → စိတ်ပင်ပန်း ဆိုတာနဲ့ သံသရာလည်နေပြီလား။
ဒီသံသရာထဲမှာ လူရော စိတ်ပါ နူံးခွေသွားနေတာ မဟုတ်ပါလား။

✨ 𝐑𝐚𝐩𝐢𝐝 𝐓𝐫𝐚𝐧𝐬𝐟𝐨𝐫𝐦𝐚𝐭𝐢𝐨𝐧𝐚𝐥 𝐓𝐡𝐞𝐫𝐚𝐩𝐲 (𝐑𝐓𝐓) ဆိုတာဘာလဲ?

𝐑𝐓𝐓 က ကိုယ့်ရဲ့ 𝐏𝐚𝐢𝐧 𝐏𝐨𝐢𝐧𝐭 တွေကို
အပေါ်ယံမဟုတ်ပဲအရင်းအမြစ် (𝐑𝐨𝐨𝐭 𝐂𝐚𝐮𝐬𝐞) ထိ သွားရှာပေးတဲ့ 𝐓𝐡𝐞𝐫𝐚𝐩𝐲 ဖြစ်ပါတယ်။

“ဒီလောက်မြန်မြန် ပြောင်းလဲနိုင်လား?” ဆိုပြီး မေးကြတဲ့သူတွေ အများကြီးရှိပါတယ်။

ပြောင်းလဲဖို့ အဆင်သင့်ဖြစ်နေတဲ့သူတွေအတွက်တော့
𝐑𝐓𝐓 က တကယ့်ကို လက်တွေ့ရလဒ်တွေ ပေးနိုင်ပါတယ်။

🔑 𝐑𝐓𝐓 က ဘယ်လို ပြောင်းလဲမှုတွေ ပေးနိုင်လဲ?

1️⃣𝐔𝐧𝐝𝐞𝐫𝐬𝐭𝐚𝐧𝐝𝐢𝐧𝐠 – အသိဉာဏ်ဖြင့် နားလည်သဘောပေါက်ခြင်း

𝐑𝐓𝐓 ရဲ့ အဓိကက"𝐔𝐧𝐝𝐞𝐫𝐬𝐭𝐚𝐧𝐝𝐢𝐧𝐠 𝐢𝐬 𝐏𝐨𝐰𝐞𝐫”ပါ။

𝐇𝐲𝐩𝐧𝐨𝐬𝐢𝐬 အခြေအနေမှာ
✅ကြောက်စိတ်၊ အောင်မြင်မှုကို ကြောက်ခြင်း၊
✅𝐀𝐭𝐭𝐚𝐜𝐡𝐦𝐞𝐧𝐭 ပြသနာတွေ၊
✅စိုးရိမ့်ထိတ်လန့်မှု 𝐀𝐧𝐱𝐢𝐞𝐭𝐲
✅စိတ်ဓါတ်ကျပြီး လမ်းပျောက်နေတဲ့အခါ
✅ကျန်းမာရေးပြသနာ အမျိုးမျိုး
✅အစားအသောက်စွဲလမ်းခြင်း စတဲ့ ပြဿနာတွေ
ဘယ်နေရာက စခဲ့လဲ ဆိုတာကို ပြန်တွေ့ရပါတယ်။

အဲ့ဒီအချိန်“ဪ… ငါ ဒီလိုဖြစ်နေတာ ဒါကြောင့်ကိုး”ဆိုတဲ့
𝐀𝐡𝐚 𝐌𝐨𝐦𝐞𝐧𝐭 ရလာတာပါ။
ဒီအသိဉာဏ်ပွင့်သွားတာဟာ
ပြောင်းလဲမှုရဲ့ တစ်ဝက်ကျော်ပြီးသွားပြီ လို့ ပြောလို့ရပါတယ်။

2️⃣𝐄𝐥𝐢𝐦𝐢𝐧𝐚𝐭𝐢𝐨𝐧 / 𝐈𝐧𝐭𝐞𝐫𝐫𝐮𝐩𝐭𝐢𝐨𝐧 – ဟောင်းနွမ်းတဲ့ ပုံစံတွေကို ဖြုတ်ချခြင်း

အကြောင်းရင်းကို သိပြီးတာနဲ့
အဲ့ဒီအတိတ်ဖြစ်ရပ်အပေါ်
ကိုယ်ပေးထားတဲ့ အဓိပ္ပာယ်၊ ခံစားချက်ကို𝐑𝐞𝐟𝐫𝐚𝐦𝐞 လုပ်ပစ်ပါတယ်။
အဆိပ်အတောက်ဖြစ်စေတဲ့ ခံစားချက်ကို
အင်အားဖြစ်စေတဲ့ ခံစားချက်အဖြစ်ပြောင်းလဲပစ်တာပါ။

👉 စိတ်ရဲ့ ဟိုးအနက်ဆုံးမှာ နှစ်ရှည်လများ သယ်ပိုးထားတဲ့ ဝန်တွေကို
တစ်ကြိမ်တည်းနဲ့ လွှတ်ချနိုင်ပါတယ်။

3️⃣ 𝐈𝐧𝐬𝐭𝐚𝐥𝐥𝐚𝐭𝐢𝐨𝐧 / 𝐑𝐞𝐰𝐢𝐫𝐢𝐧𝐠 – ကိုယ်ဖြစ်ချင်တဲ့ “𝐍𝐞𝐰 𝐕𝐞𝐫𝐬𝐢𝐨𝐧” ကို သွင်းခြင်း

နောက်ဆုံးအဆင့်မှာ
ကိုယ်ဖြစ်ချင်တဲ့ ယုံကြည်ချက်အသစ်၊ ကိုယ့်ကိုယ်ကိုယ် မြင်တဲ့ ပုံစံသစ်တွေကို
စိတ်ရဲ့ အတွင်းထဲကို 𝐈𝐧𝐬𝐭𝐚𝐥𝐥 လုပ်ပါတယ်။

𝐑𝐓𝐓 𝐒𝐞𝐬𝐬𝐢𝐨𝐧 အပြီး
ကိုယ်ပိုင် 𝐓𝐫𝐚𝐧𝐬𝐟𝐨𝐫𝐦𝐚𝐭𝐢𝐨𝐧𝐚𝐥 𝐀𝐮𝐝𝐢𝐨 𝐑𝐞𝐜𝐨𝐫𝐝𝐢𝐧𝐠 ကို
၂၁ ရက် (သို့) တစ်လ ဆက်တိုက် နားထောင်ရင်း
ဦးနှောက်ထဲမှာ 𝐍𝐞𝐮𝐫𝐚𝐥 𝐏𝐚𝐭𝐡𝐰𝐚𝐲𝐬 အသစ်တွေခိုင်မာလာအောင် တည်ဆောက်သွားပါတယ်။

🌱 𝐂𝐥𝐢𝐞𝐧𝐭 တွေရဲ့ ပြောင်းလဲမှုတွေကို ဒီလိုပုံစံမျိုးနဲ့ မြင်ရပါတယ်။

✔️ 𝐈𝐦𝐦𝐞𝐝𝐢𝐚𝐭𝐞 – 𝐒𝐞𝐬𝐬𝐢𝐨𝐧 ပြီးတာနဲ့ ပေါ့ပါးသွားတာ၊ ချက်ချင်းပြောင်းလဲတဲ့ရလဒ်တခု
✔️ 𝐈𝐧𝐜𝐫𝐞𝐦𝐞𝐧𝐭𝐚𝐥 – 𝐑𝐞𝐜𝐨𝐫𝐝𝐢𝐧𝐠 နားထောင်ရင်း တဖြည်းဖြည်း ပြောင်းလဲလာတာ
✔️ 𝐑𝐞𝐭𝐫𝐨𝐚𝐜𝐭𝐢𝐯𝐞 – အချိန်ကြာမှ “အရင်ကလို မဟုတ်တော့ပါလား” လို့ သတိထားမိတာ
ဒီလိုပုံစံမျိုးလေးတွေနဲ့ သတိထားမိတတ်ကြပါတယ်။

မိတ်ဆွေ လည်းအချိန်အများကြီး မကုန်ဘဲ
ကိုယ့်ကိုယ်ကိုယ် အရင်းအမြစ်ကနေ ပြောင်းလဲချင်နေတယ်ဆိုရင်
𝐑𝐓𝐓 က သင့်အတွက် ဖြစ်နိုင်ပါတယ်။

📩 𝐌𝐞𝐬𝐬𝐚𝐠𝐞 𝐦𝐞 “𝐑𝐓𝐓”

မိတ်ဆွေရဲ့ အခြေအနေကို ကြည့်ပြီး
သင့်တော်မယ့် 𝐓𝐡𝐞𝐫𝐚𝐩𝐲 ကို မေတ္တာနဲ့ လမ်းညွှန်ပေးပါမယ် 💛