What are the opening hours?

Monday 08:00 - 20:00 Tuesday 08:00 - 20:00 Wednesday 08:00 - 20:00 Thursday 08:00 - 20:00 Friday 08:00 - 20:00 Saturday 08:00 - 20:00 Sunday 08:00 - 20:00

PadaukOo Pharmacy, Pazundaung (2025)

20/07/2025

✨ဆီးချိုနဲ့အတူ ကျန်းမာစွာယှဉ်တွဲနေထိုင်ဖို့ ...💊

ဆီးချိုရောဂါရှိသူများအတွက် ကျန်းမာရေးစောင့်ရှောက်မှုဟာ အထူးအရေးကြီးပါတယ်။ နေ့စဉ်ဘဝမှာ ဆီးချိုကိုထိန်းချုပ်ပြီး ကျန်းမာပျော်ရွှင်စွာ ဖြတ်သန်းနိုင်ဖို့အတွက် မရှိမဖြစ်လိုအပ်တဲ့ဆေးဝါးနှင့် အာဟာရဖြည့်စွက်စာများကို ပိတောက်ဦဆေးဆိုင်ခွဲများတွင် အလွယ်တကူဝယ်ယူနိုင်ပါတယ်ရှင်

Thada Blood Glucose Monitor (TD 4267) - ၈,၂၀၀ကျပ်
Yuwell Blood Glucose Meter Accusure (582) - ၄၄,၅၀၀ကျပ်
Diacare NM 25g (Vanilla) - ၄,၇၀၀ကျပ်
Glucerna 380g (Vanilla) - ၉၅,၅၀၀ကျပ်
Diabetasol 360g (Vanilla) - ၅၂,၅၀၀ကျပ်
Diabetasol 180g (Vanilla) - ၂၉,၉၀၀ကျပ်
Diabecare 200g (Vanilla) - ၁၈,၃၀၀ကျပ်
Fame Stevia 300g - ၁၂,၈၀၀ကျပ်
Timo Bird's Nest with No Sugar 42ml - ၁၂,၈၀၀ကျပ်
Timo Bird's Nest with No Sugar 75ml - ၁၆,၂၀၀ကျပ်
Bwell Bird's Nest Xylitol 250 ml - ၂၂,၅၀၀ကျပ်
Bwell Bird's Nest Xylitol 75 ml - ၁၉,၅၀၀ကျပ်
Equal Classic Sweetener (1x120's) - ၃၀,၀၀၀ကျပ်
Equal Classic Sweetener (1x50's) - ၁၇,၅၀၀ကျပ်

မှတ်ချက်။ ။ တင်သွင်းဖြန့်ဖြူးသော Company များမှစျေးနှုန်းအပြောင်းအလဲရှိပါကစျေးနှုန်းအပြောင်းအလဲလေးရှိနိုင်ပါတယ်ရှင့်

အထက်ဖော်ပြပါဆေးဝါးပစ္စည်းများအပြင် ဆီးချိုနဲ့ပတ်သက်တဲ့ တခြားလိုအပ်တဲ့ ဆေးဝါးပစ္စည်းများကိုလည်း ပိတောက်ဦးဆေးဆိုင်ခွဲတိုင်းမှာ မေးမြန်းဝယ်ယူနိုင်ပါတယ်။

ချစ်ရတဲ့ Customer များအတွက်အကောင်းဆုံးရွေးချယ်မှုတွေပြုလုပ်နိုင်ဖို့ ယုံကြည်စိတ်ချရတဲ့ ပိတောက်ဦးဆေးဆိုင်များကို လာရောက်ဝယ်ယူဖို့နွေးထွေးစွာဖိတ်ခေါ်လိုက်ရပါတယ်ရှင့်

📍 PadaukOo Pharmacy မှ အရည်အသွေးမီ ဆေးဝါးများနဲ့ ကျန်းမာရေးအကြံပြုချက်များကို ရယူလိုပါက ဆက်သွယ်မေးမြန်းနိုင်ပါတယ်။

ပိတောက်ဦးဆေးဆိုင်ခွဲလိပ်စာ၊ ဖုန်းနံပါတ်နှင့် Google Map Locationများ - https://www.facebook.com/share/p/16QKvuMGLk/?mibextid=wwXIfr

အပြင်ထွက်ပြီး လာရောက်မဝယ်ယူနိုင်ရင်လည်း မစိုးရိမ်ပါနဲ့! ပိတောက်ဦး Page Messenger က ဖြစ်စေ၊ Phone: 09400666073 နှင့် Viber/ Telegram တို့မှတစ်ဆင့် လိုချင်တဲ့ဆေးဝါးများကိုမှာယူရုံနှင့် အိမ်အရောက်ပို့ပေးမည့် Delivery Service ရှိပါတယ်ရှင့်🤩

"ကျန်းမာအောင်နေပါ၊ ဆေးလိုရင် ပိတောက်ဦးကိုသတိရပါ"

#ပိတောက်ဦးဆေးဆိုင် #ဆီးချို

19/07/2025

🇲🇲 အာဇာနည်နေ့ ဒို့မမေ့ 🇲🇲
(၇၈) ကြိမ်မြောက်အာဇာနည်နေ့ 🇲🇲

၁၉၄၇ ခုနှစ်၊ ဇူလိုင်လ၊ (၁၉) ရက်နေ့၊ နံနက် (၁၀) နာရီ (၃၇) မိနစ် အချိန်တွင် ကျဆုံးသွားသော လွတ်လပ်ရေးဖခင်ကြီး ဗိုလ်ချုပ်အောင်ဆန်းနှင့်တကွ ကြွေလွင့်သွားသော အာဇာနည်ခေါင်းဆောင်ကြီးများနှင့် ရဲဘော်များအား ပိတောက်ဦးဆေးဆိုင် မိသားစုမှ ရိုသေလေးစားစွာ ဂါရဝပြုအပ်ပါတယ်ရှင့် ...

"ကျန်းမာအောင်နေပါ၊ ဆေးလိုရင်ပိတောက်ဦးကိုသတိရပါ"

#ပိတောက်ဦးဆေးဆိုင်
#အာဇာနည်နေ့ '_Day

18/07/2025

ဂျူလိုင်လ ၁၄ရက်နေ့ကနေ ၂၀ ရက်နေအထိဟာဆိုရင် National Diabetes Week ပဲဖြစ်ပါတယ်။ ဒါကြောင့် ဒီတစ်ပတ်မှာတော့ ပိတောက်ဦးရဲ့ စာဖတ်ပရိသတ်များအတွက် ဒေါက်တာသဉ္ဇာ (ဆေး ၁) ရေးသားထားတဲ့ "ဆီးချိုရောဂါအကြောင်း" ပြန်လည်မျှဝေပေးလိုက်ပါတယ်ရှင့်

ကမ္ဘာပေါ်မှာ ဆီးချိုရောဂါဖြစ်ပွားနှုန်းဟာမြင့်တက်လာတာ ခုဆိုရင် လူသန်းပေါင်းများစွာဟာဆီးချိုရောဂါကိုခံစားနေရပြီး ဆီးချိုအပါအဝင် ဆီးချိုနဲ့နောက်ဆက်တွဲရောဂါများကြောင့် တစ်စက္ကန့်မှာ တစ်ယောက်နှုန်းသေဆုံးကြရတယ်လို့ dataများအရလည်းသိရှိရပါတယ်။ ဒီလိုအဖြစ်များလာတဲ့ ဆီးချိုရောဂါမှာအမျိုးအစားတွေရှိပါတယ်။ အကြမ်းဖျင်းအားဖြင့်
➡️ အမျိုးအစား ၁ Type1 DM ဆိုတာကတော့ Genetic အရဖြစ်တဲ့အတွက် ခုထိကာကွယ်ဖို့နည်းလမ်းမရှိသေးပါဘူး
➡️ အမျိုးအစား၂ Type2DM ကတော့
- ဆီးချိုမျိုးရိုးရှိခြင်း
- ကိုယ်အလေးချိန်များခြင်း
- ကျန်းမာရေးနှင့်မညီညွတ်သော အစားအစာများစားခြင်းနဲ့
- ကိုယ်လက်လှုပ်ရှားမှုနည်းပါးခြင်း စသည်တို့ကြောင့် နောက်ဆက်တွဲဆိုးကျိုးပေါင်းများစွာနဲ့ ကျွန်မတို့ခန္ဓာကိုယ်ထဲရောက်လာတတ်ပါတယ်။

မျိုးရိုးလိုက်ခြင်း၊မွေးရာပါgeneပျက်နေခြင်းစသည်တို့ကို ကျွန်မတို့ပြုပြင်လို့မရပါဘူး။ အဲ့ဒီတော့ ဒီနေ့မှာ အထူးပြုပြောချင်တာကတော့ ကိုယ်တိုင် ပြုပြင်ခြင်းဖြင့် ကာကွယ်နိုင်မယ့် အချက်တွေဖြစ်တဲ့
၁။ကျန်းမာရေးနဲ့ညီညွတ်အောင် ဘယ်လိုစားသောက်နေထိုင်မလဲ
၂။လွယ်ကူသော ကိုယ်လက်လေ့ကျင့်ခန်း အချို့ကိုဘယ်လိုပြုလုပ်ကြမလဲဆိုတဲ့ အချက် ၂ချက်ကို အတိုချုံးရှင်းပြပါလိုပါတယ်

၁။ကျန်းမာရေးနဲ့ညီညွတ်အောင် ဘယ်လိုစားသောက်နေထိုင်မလဲ
American Diabetes Association (ADA) ကဆီးချိုရောဂါသမားတွေအတွက် စားသုံးရန် အာဟာရအချိုးအစားကို ကစီဓာတ်မပါသော ဟင်းသီးဟင်းရွက်များ ၅၀%၊ အဆီဓာတ်မပါသော အသားနှင့်အပင်မှရသော အသားဓာတ်များကို ၂၅%နဲ့ ကစီဓာတ် ကာဗိုဟိုက်ဒရိတ်ပါသော အစားအစာများကို၂၅% သာ စားသုံးသင့်ကြောင်းဆိုပါတယ်။ ကစီဓာတ်မပါသော ဟင်းသီးဟင်းရွက်များဆိုသည်မှာ မုန်လာဥနီ၊ခရမ်းသီး၊ဘရိုကိုလီ၊ပန်းဂေါ်ဖီ၊မုန်ညင်းရွက်၊ကန်စွန်းရွက် စသည်တို့ဖြစ်ပါတယ်။ ၂၅%ကိုတော့ အဆီမပါသော အသားများဖြစ်တဲ့ ကြက်သား၊ဆိတ်သား၊အမဲသား၊တူနာငါး စတာတွေကို ဆီသိပ်မများစေဘဲ ပြုတ် ကြော် ချက်စသဖြင့်စားနိုင်ပါတယ်။ အသားဓာတ်ရသောဟင်းသီးဟင်းရွက်ထဲမှာ အဓိကကတော့ ပဲအမျိုးမျိုးဖြစ်ပါတယ်။ ပဲသီးသုပ်၊ပဲကြာဇံသုပ်၊ပဲပြုတ်၊ပဲပိစပ်စသည်တို့အပြင် အစေ့အဆံတွေကလည်း အသားဓာတ်ရပြီး အားဖြစ်စေပါတယ်။

အထက်မှာ ဖော်ပြခဲ့တဲ့အစားအစာတွေကို များများနဲ့ဗိုက်ပြည့်အောင်စားရပါမယ်။ ဒါမှသာ ကျန်တဲ့၂၅%ဖြစ်တဲ့ ကစီဓာတ်ပိုသော အစားအစာများကိုလျော့စားမိမှာဖြစ်ပါတယ်။ ကျွန်မတို့မြန်မာတွေသိပ်ကြိုက်တဲ့ အဓိက ဗိုက်ပြည့်အောင် စားတဲ့ ထမင်းဟာ သွေးတွင်းအချိုတက်စေပါတယ်။ဘယ်လိုဆီးချိုဆန်ကိုစားပါစေ ပမာဏလျှော့မစားရင် မရပါဘူး။ပမာဏကိုလျှော့ပြီး စားမှကိုဆီးချိုထိန်းနိုင်ပါမယ်။

၂။လွယ်ကူရိုးရှင်းသော ကိုယ်လက်လေ့ကျင့်ခန်း အချို့ကိုဘယ်လိုပြုလုပ်ကြမလဲ။ လေ့ကျင့်ခန်းလုပ်တယ်ဆိုရာမှာ ပြင်းထန်သော လေ့ကျင့်ခန်းတွေကို အချိန်အများကြီးပေးလုပ်စရာမလိုပါဘူး။ အဓိကကတော့ နေ့စဉ် ပုံမှန် ၃၀မိနစ်ကနေ၄၅မိနစ်လောက်ထိကို ပုံမှန်လေးလုပ်ပေးဖို့ပါ။ မိမိကအင်မတန်အလုပ်များသူဖြစ်လို့ အိမ်မှာမလုပ်နိုင်ဘူးဆိုရင်လည်း မိမိအလုပ်ထဲမှာ လွယ်ကူရိုးရှင်းသော လေ့ကျင့်ခန်းတချို့ကို ပြုလုပ်လို့ရပါသေးတယ်။

ကိုယ်လက်လှုပ်ရှားမှု တခုခုကို ပြုလုပ်နေဖို့ကတော့အရေးကြီးပါတယ်။ ဥပမာ မိမိရုံးမှာ ဓာတ်လှေကားသုံးမယ့်အစား ရိုးရိုးလှေကားထစ်များအသုံးပြုလိုက်တာမျိုးဖြစ်စေ၊မနီးမဝေးနေရာများကိုသွားလျှင် ကားနှင့်သွားမည့်အစား စက်ဘီးနှင့်သွားလိုက်တာမျိုးဖြစ်စေ စသဖြင့်ပြုလုပ်နိုင်ပါသေးတယ်။ အခြားလေ့ကျင့်ခန်းများအနေနှင့် ကြိုးခုန်ခြင်း၊အိပ်၊ထ၊မ တင်လေ့ကျင့်ခန်းကိုဒူးကွေးပြီးတစ်ဝက်ပြုလုပ်ခြင်း ၊ဒူးမကွေးပဲခါးရှေ့ကုန်းအကြောလျှော့ခြင်း၊လက်များကို တံတောင်မကွေးဘဲ ပုခုံးရိုးမှစ ရှေ့ဆန့်ခြင်း ၊ဘေးကားခြင်း ၊နှင့်ဒူးတစ်ဝက်ထိုင်ခြင်း စသောလေ့ကျင့်ခန်းများပြုလုပ်နိုင်ပါတယ်။

ဒီလိုပေါ့ပါးသောလေ့ကျင့်ခန်းတွေပုံမှန်ပြုလုပ်ခြင်းဟာ သွေးတွင်း အချိုဓာတ်ကိုထိန်းသလို ကိုယ်အလေးချိန်ကိုလည်းလျော့ကျစေပြီး နှလုံးရောဂါဖြစ်နိုင်ချေကိုလည်းလျှော့ချပေးပါတယ်။ ဆီးချိုသမားများဟာ ရောဂါစဖြစ်ချိန်ကစလို့ ဘဝရဲ့နောက်ဆုံးအချိန်ထိ ဆီးချိုနဲ့အတူယှဉ်တွဲနေထိုင်ရတော့မှာပါ။ ဒါကြောင့် ဆီးချိုရဲ့နောက်ဆက်တွဲဆိုးကျိုးများ မဖြစ်အောင်တတ်စွမ်းသမျှ ကာကွယ်ကြရမှာပါ။ လူနေမှုဘဝပုံစံ ပြောင်းလဲခြင်းဟာ ဆီးချိုမျိုးရိုးရှိပြီး မဖြစ်သေးသူတွေကိုဆီးချိုမဖြစ်လာအောင် တားဆီးပေးနိုင်သလို ဆီးချိုရှိပြီးသားသူတွေကိုလည်း နောက်ဆက်တွဲဆိုးကျိုးများမလာအောင် တားဆီးပေးပါလိမ့်မယ်ဆိုတာသေချာပါတယ်။

ဒါကြောင့်အပေါ်မှာမျှဝေထားတဲ့ စားသောက်နေထိုင်မှုပုံစံလေးတွေကို ကြိုးစားနေထိုင်ကြည့်စေဖို့ တိုက်တွန်းရင်းနိဂုံးချုပ်ပါရစေ။

လူတိုင်း ခန္ဓာကျန်းမာလို့ စိတ်နှလုံးကြည်ရွှင်နိုင်ကြပါစေ.....
သဉ္ဇာ (ဆေး-၁)

"ကျန်းမာအောင်နေပါ ၊ ဆေးလိုရင် ပိတောက်ဦးကို သတိရပါ"

#ပိတောက်ဦးဆေးဆိုင်

17/07/2025

🧴 ဝက်ခြံဖြစ်ရခြင်း အကြောင်းအရင်းနှင့် ဘယ်လိုကာကွယ်ရမလဲ?🤔

ဝက်ခြံဆိုတာ အရွယ်မရွေး၊ လူမျိုးမရွေး ကြုံတွေ့ရနိုင်တဲ့ အရေပြားပြဿနာတစ်ခုပါ။ အထူးသဖြင့် ဆယ်ကျော်သက်အရွယ်တွေမှာ အဖြစ်များပေမယ့် လူကြီးတွေမှာလည်း ဖြစ်နိုင်ပါတယ်။

ဒီတစ်ခေါက်မှာတော့ ပိတောက်ဦးရဲ့ ချစ်ရတဲ့ Customer များအတွက် ဝက်ခြံဖြစ်ရတဲ့ အကြောင်းရင်းတွေနဲ့ ကာကွယ်နိုင်မယ့် နည်းလမ်းတွေကို မျှဝေပေးသွားမှာဖြစ်ပါတယ်။

📌 ဝက်ခြံဖြစ်ရခြင်း အကြောင်းအရင်းများ
🔹 ဟော်မုန်းအပြောင်းအလဲ
အထူးသဖြင့် ဆယ်ကျော်သက်အရွယ်မှာ ဟော်မုန်းမညီမျှမှုကြောင့် အဆီဂလင်းတွေ အလုပ်လုပ်တာများပြီး ဝက်ခြံဖြစ်စေနိုင်ပါတယ်။
ရာသီလာချိန်၊ ကိုယ်ဝန်ဆောင်ချိန်နဲ့ PCOS (Polycystic O***y Syndrome) ရှိသူတွေမှာလည်း ဖြစ်နိုင်ပါတယ်။

🔹 အဆီပြန်လွန်းသော အရေပြား
အရေပြားမှာ သဘာဝအဆီ (Sebum) ထွက်လွန်းရင် ဆဲလ်သေတွေနဲ့ ပိတ်မိပြီး ဝက်ခြံဖြစ်စေနိုင်ပါတယ်။

🔹 ဘက်တီးရီးယားပိုးမွှားများ
P. acnes ဘက်တီးရီးယားပိုးတွေ ပေါက်ဖွားလာရင် အရေပြားရောင်ရမ်းပြီး ဝက်ခြံ၊ အနီဖုနဲ့ ပြည်တည်နာတွေ ဖြစ်စေနိုင်ပါတယ်။

🔹 မျိုးရိုးဗီဇ
မိသားစုထဲမှာ ဝက်ခြံဖြစ်တတ်သူရှိရင် သင့်မှာလည်း ဖြစ်နိုင်ခြေများပါတယ်။

🔹 အစားအသောက်နှင့် နေထိုင်မှုပုံစံ
သကြားဓာတ်များတဲ့ အစားအစာ (ဥပမာ - အချိုရည်၊ မုန့်ပဲသရေစာ)၊ နို့ထွက်ပစ္စည်းတွေက ဝက်ခြံကို ပိုဆိုးစေနိုင်ပါတယ်။
စိတ်ဖိစီးမှုများခြင်းနဲ့ အိပ်ရေးပျက်ခြင်းတို့ကလည်း အရေပြားကို ထိခိုက်စေနိုင်ပါတယ်။

✅ဝက်ခြံကာကွယ်ရန် နည်းလမ်းများ
✨မျက်နှာကို သန့်ရှင်းအောင်ထားပါ။
တစ်နေ့ကို ၂ ကြိမ် (မနက်၊ ည) ဆပ်ပြာနုနုနဲ့ သန့်စင်ပေးပါ။
အဆီပြန်လွန်းရင် Salicylic Acid ပါတဲ့ Face Wash သုံးပါ။

✨ ရေများများသောက်ပါ၊ ကျန်းမာရေးနဲ့ညီညွတ်အောင်စားပါ
ဟင်းသီးဟင်းရွက်၊ သစ်သီးနဲ့ Omega-3 ပါတဲ့ အစား (ငါး၊ အခွံမာသီး) တွေ စားပေးပါ။
အဆီနဲ့ အချိုလျှော့စားပါ။

✨မျက်နှာကို အလွန်အကျွံမထိပါနဲ့
မျက်နှာကိုလက်နဲ့ မကြာခဏထိတွေ့ခြင်းဟာဘက်တီးရီးယားတွေ ပျံ့နှံ့စေနိုင်ပါတယ်။

✨မိတ်ကပ်နဲ့ Skincare ရွေးချယ်ရာမှာ သတိထားပါ
"Non-comedogenic" (ဝက်ခြံမပိတ်စေသော) လို့ပါတဲ့ ပစ္စည်းတွေကို ရွေးဝယ်ပါ။

✨စိတ်ဖိစီးမှုကို ထိန်းချုပ်ပါ
- ယောဂကျင့်တာ၊ တရားထိုင်တာ၊ အိပ်ရေးဝဝအိပ်တာတွေက အရေပြားအတွက် အထောက်အကူဖြစ်စေပါတယ်။

✨နေလောင်ကာသုံးပါ
UV ရောင်ခြည်က ဝက်ခြံအမာရွတ်တွေကို ပိုမည်းစေနိုင်တာကြောင့် SPF 30+ နေလောင်ကာခရင်မ် လိမ်းပေးပါ။

ဝက်ခြံကို ညှစ်တာ၊ ခြစ်တာတွေ မလုပ်ပါနဲ့! ဒါက အမာရွတ်နဲ့ ပိုးဝင်နိုင်ခြေကို မြင့်တက်စေပါတယ်။ ဝက်ခြံပြင်းထန်ရင် Dermatologist (အရေပြားဆရာဝန်) နဲ့ ပြသပြီး ကုသမှုခံယူဖို့ အကြံပြုလိုပါတယ်။

ဒီနည်းလမ်းလေးတွေက ပိတောက်ဦးရဲ့ Customer များအတွက် အထောက်အကူဖြစ်စေပြီး ဝက်ခြံအန္တရာယ်မှ ကင်းဝေကြပါစေရှင့် 🥰

ကျန်းမာလှပသော အသားအရေအတွက် ပိတောက်ဦးက နေ့စဉ်ဂရုစိုက်ပေးပါရစေ 💛

"ကျန်းမာအောင်နေပါ၊ ဆေးလိုရင် ပိတောက်ဦးကိုသတိရပါ"

#ပိတောက်ဦးဆေးဆိုင်

16/07/2025

ဖေဖေမေမေတို့အတွက် အထူးသတင်းကောင်းလေးလာပါပြီရှင့်✨ 📣

ဇူလိုင်လတစ်လလုံး ပိတောက်ဦးဆေးဆိုင်ခွဲတိုင်းမှာ
🧊Baby Ken ရေခဲဒိုက်ဘာ🧊 ဝယ်ယူရုံ ဖြင့် ဇလုံတစ်လုံးလက်ဆောင်ပြန်ပေးသွားမယ့် Promotion လေးရှိပါတယ်ရှင့် 🥰

အရေအတွက်အကန့်အသတ်နဲ့မို့ ဖေဖေမေမေတို့ အမြန်ဆုံးဝယ်ယူအားပေးဖို့အတွက်ဖိတ်ခေါ်လိုက်ပါတယ်ရှင်.... 😍

"ကျန်းမာအောင်နေပါ၊ ဆေးလိုရင် ပိတောက်ဦးကိုသတိရပါ"

#ပိတောက်ဦးဆေးဆိုင်
#ရေခဲဒိုက်ပါဂျယ်ဒိုက်ပါ

15/07/2025

ဈေးဝယ်တိုင်းမှာ Point ရမယ့် ပွိုင့် ၁၀၀ ကို ၁၀၀ကျပ် ပြန်လည်ရရှိမယ့် ပိတောက်ဦးရဲ့ Member Card 🪪

ပိတောက်ဦးမှာ ဈေးဝယ်ယူတိုင်း ပွိုင့် (၁၀၀)ကို ငွေကျပ် (၁၀၀) ပြန်လည်ရရှိမှာဖြစ်ပြီး များများဝယ်လေ ပိုတန်လေဖြစ်တဲ့ ပိတောက်ဦးရဲ့ Member Card လေးနဲ့မိတ်ဆက်ပေးချင်ပါတယ်ရှင့်

ပိတောက်ဦးရဲ့ Member Card ပိုင်ဆိုင်ထားသူများအနေနဲ့...
✨လစဉ်လတိုင်း ကျင်းပပြုလုပ်တဲ့ Promotion/Discount များရရှိခြင်း
✨Gift လက်ဆောင်များရရှိခြင်း
✨ဈေးဝယ်တိုင်းမှာ ပွိုင့်များပြန်လည်ရရှိခြင်း
✨နှလုံး၊ သွေးတိုး၊ ဆီးချိုသမားများ အတွက် Double/ Triple Point အစီအစဉ်
✨Customer of the month အစီအစဉ်တွင် ပါဝင်ခွင့်ရခြင်း စတဲ့ ခံစားခွင့်တွေရရှိမှာပဲဖြစ်ပါတယ်

ဒါကြောင့် ပိတောက်ဦး Member Card နဲ့ စျေးဝယ်ရင်း ပိုမိုသက်သာစွာ ဝယ်ယူနိုင်ဖို့ ပိတောက်ဦးဆေးဆိုင်ကိုလာတိုင်း လူကြီးမင်းတို့ရဲ့ Member Card ကို မမေ့မလျော့ယူဆောင်လာဖို့လည်း သတိပေးလိုက်ရပါတယ်ရှင်။

Member Card မရှိသေးတဲ့ Customer များအတွက်လည်း ယခု July လမှာဆို ငွေကျပ် ၅ သောင်းဖိုး ဝယ်ယူလိုက်တာနဲ့ Member Card လက်ဆောင်ပြုလုပ်ပေးသွားမှာပဲဖြစ်ပါတယ် 💁‍♀️❤️

“ကျန်းမာအောင်နေပါ၊ ‌ဆေးလိုရင် ပိတောက်ဦးကို သတိရပါ။”

#ပိတောက်ဦးဆေးဆိုင်

14/07/2025

We are Hiring!📣

💁‍♀️Myanmar Padauk Health Co., Ltd တွင် တာဝန်ထမ်းဆောင်ရန် Pharmacy Assistant Position များခေါ်ယူနေပါတယ်ရှင့်။

📍မရမ်းကုန်းမြို့နယ် (မင်းဓမ္မလမ်း - ရွှေကမ္ဘာအိမ်ရာအနီး)
📍ဗဟန်းမြို့နယ် (SSC ဆေးရုံအနီး)
📍သင်္ဃန်းကျွန်းမြို့နယ် (စံပြဆေးရုံအနီး)
📍သင်္ဃန်းကျွန်းမြို့နယ် (အောင်ရတနာဆေးရုံအနီး) ရှိ ပိတောက်ဦးဆေးဆိုင် (PadaukOo Pharmacy) များတွင် တာဝန်ထမ်းဆောင်ရန် အောက်ပါအရည်အချင်းများ နှင့် ကိုက်ညီသော ဝန်ထမ်းခေါ်ယူနေပါသည်။

Pharmacy Assistant – Male / Female (10) Posts
✅ တက္ကသိုလ်တစ်ခုခုမှဘွဲ့ရရှိပြီးသူ (သို့) တက္ကသိုလ်ဝင်တန်းအောင်မြင်ပြီးသူဖြစ်ရမည်။
✅ ဆေးဝါးကျွမ်းကျင်လက်မှတ်ရှိသူဖြစ်ရမည်။
✅ ဆေး နှင့် ဆေးပစ္စည်းအရောင်း လုပ်ငန်းအတွေ့အကြုံ အနည်းဆုံး(၁)နှစ်ရှိရမည်။
✅ ကွန်ပျူတာအခြေခံတတ်ကျွမ်းသူဖြစ်ရမည်။
✅ စကားပြောယဉ်ကျေးချိုသာ၍ သွက်လက်ချက်ချာပြီး စိတ်ရှည်သူဖြစ်ရမည်။
✅ အကျင့်စာရိတ္တကောင်းမွန်ရမည်။
✅ အလုပ်လုပ်ရာတွင်စနစ်တကျရှိပြီး အဖွဲအစည်းမှသတ်မှတ်ထားသောစည်းမျဉ်းစည်ကမ်းများကို လိုက်နာဆောင်ရွက်နိုင်ပြီး ရေရှည်လက်တွဲလုပ်နိုင်သူဖြစ်ရမည်။
✅ မနက်ဆိုင်း၊ ညဆိုင်း အလုပ်ချိန် (၂) ဆိုင်းအား အလှည့်ကျဆင်းနိုင်ရမည်။
✅ နီးစပ်ရာမြို့နယ်အတွင်းလျှောက်ထားသူဦးစားပေးမည်။

Salary - Base on Experience (Negotiate) + OT + Incentive + Other Allowances
Working Hours - Morning Shift (08:00 AM to 05:00 PM)
- Evening Shift (11:00 AM to 08:00 PM)
Off Day - One day a week
Send your resume to - recruitment@padaukoo.com (or) recruitment@mphealth.com.mm
Viber (or) Telegram - 09 43069739

14/07/2025

Gold Power ဆန်ပြုတ်လေးတွေဝယ်ယူရင်း 20% Discount ရယူမယ် 📣✨

ဘေဘီလေးကနေလူကြီးတွေအထိ စားသုံးလို့ရတဲ့အာဟာရပြည့်ဝပြီး လွယ်ကူကောင်းမွန်တဲ့ Gold Power အားဖြည့်ဆန်ပြုတ်လေးရဲ့ Promotion လေးလာပါပြီ

Promotion လေးကတော့ ဇူလိုင်လ 15ရက်နေ့ကနေ ဩဂုတ်လ 13 ရက်နေ့ အတွင်း Gold Power 30g အားဖြည့်ဆန်ပြုတ်အထုပ်လေးတစ်ထုပ်ဝယ်ယူတိုင်း 20% Discount ရရှိမှာပဲဖြစ်ပါတယ်။

✨ကျိုချက်စရာမလိုဘဲ ရေနွေးဆူဆူနဲ့ ၃မိနစ်ထဲနဲ့စားလို့ရ
✨ကြက်သား၊ငါး၊နို့အရသာသုံးမျိုးစိတ်ကြိုက်ရွေးချယ်လို့ရ
✨တစ်နှစ်အထိအထားခံလို့အလေအလွင့်ဖြစ်မှာလည်းစိတ်ပူစရာမလို

ဒီလို အာဟာရပြည့်ဝပြီး စားသုံးရလွယ်ကူကောင်းမွန်တဲ့ Gold Power အသင့်စား အားဖြည့်ဆန်ပြုတ်များကို ပိတောက်ဦးဆေးဆိုင်ခွဲတိုင်း ဝယ်ယူရရှိနိုင်ပါပြီရှင့်

📍ပိတောက်ဦးဆေးဆိုင်ခွဲလိပ်စာ၊ ဖုန်းနံပါတ်နှင့် Google Map Locationများ - https://www.facebook.com/share/p/16QKvuMGLk/?mibextid=wwXIfr (https://www.facebook.com/share/p/16QKvuMGLk/?mibextid=wwXIfr)

အပြင်ထွက်ပြီး လာရောက်မဝယ်ယူနိုင်ရင်လည်း မစိုးရိမ်ပါနဲ့! ပိတောက်ဦး Page Messenger က ဖြစ်စေ၊ Phone: 09400666073 နှင့် Viber/ Telegram တို့မှတစ်ဆင့်အိမ်အရောက်ပို့ပေးမည့် Delivery Service ကနေမှာယူပြီး Promotion ရယူနိုင်ပါတယ်ရှင့်🤩

"ကျန်းမာအောင်နေပါ။ ဆေးလိုရင်ပိတောက်ဦးကိုသတိရပါ။"

#ပိတောက်ဦးဆေးဆိုင်
#ဆန်ပြုတ်

12/07/2025

ပိတောက်ဦးရဲ့ စာဖတ်ပရိသတ်များ
အားလုံးပဲ မင်္ဂလာပါ။

ဒီနေ့မှာတော့ "National Hemochromatosis Awareness Month" ဖြစ်တဲ့ ဇူလိုင်လ အတွက် Hemochromatosis လို့ခေါ်တဲ့ သံဓာတ်စုပုံခြင်းကြောင့်ဖြစ်ပေါ်လာတဲ့ရောဂါ အစုအဝေး အကြောင်းကို ဗဟုသုတ ရရှိစေရန် ရည်ရွယ်ပြီး မျှဝေးပေးလိုက်ပါတယ်ရှင့် 🥰

🎗️
သံဓာတ် Iron ဆိုတာ ဟာ သွေးအတွင်းမှာရှိတဲ့ သွေးနီဥ Hemoglobin ဖွဲ့စည်းဖို့အတွက် လိုအပ်တဲ့ သတ္တုဓာတ်တစ်ခုပဲဖြစ်ပါတယ်။
ဒီလို အရေးကြီးလှတဲ့ သံဓာတ်ဟာ ခန္ဓာကိုယ်အတွင်း လိုအပ်တဲ့ ပမာဏထက်ပိုများပြီးစုပုံလာတဲ့အခါ ခန္ဓာကိုယ်ရဲ့အရေးကြီးတဲ့အင်္ဂါများကို ဖြည်းဖြည်းချင်း ပျက်စီးစေနိုင်ပါတယ်။

“Hemochromatosis” လို့ခေါ်တဲ့ ဒီရောဂါမှာ ခန္ဓာကိုယ်မှ မိမိစားသုံးသမျှ အစာအာဟာရကနေသံဓာတ်ကို အလွန်အကျွံစုပ်ယူနေတာကြောင့် စွန့်ထုတ်ပစ်ဖို့ ပိုလျှံလာတဲ့ သံဓာတ်ပမာဏဟာ အသည်း၊ နှလုံး၊ ဟော်မုန်းထုတ်သော ကိုယ်အင်္ဂါ အစိတ်အပိုင်းတို့မှာ စုဆောင်းသွားပြီး အဆိပ်အတောက်ဖြစ်စေနိုင်ပါတယ်။

🧬 Haemochromatosis ရောဂါရဲ့အမျိုးအစားကတော့ နှစ်မျိုးရှိပါတယ်။
မွေးရာပါ Hereditary Hemochromatosis နှင့် အခြားရောဂါအခံတစ်ခုခုကြောင့် ဖြစ်ပေါ်တတ်တဲ့ Secondary Haemochromatosis ရယ်လို့ရှိပါတယ်။

Hereditary Hemochromatosis ဟာ မျိုးရိုးဗီဇကနေ ဆက်ခံရတဲ့အမျိုးအစားဖြစ်ပြီး HFE လို့ခေါ်တဲ့ gene ရဲ့အပြောင်းအလဲကြောင့်ဖြစ်တတ်ပါတယ်။အများအားဖြင့် လူနာမှာ မိဘဆွေမျိုးရင်းချာတွေမှာ အလားတူဖြစ်တတ်တဲ့ရောဂါလက္ခဏာမျိုးရှိတတ်ပါတယ်။
Secondary Haemochromatosis ကတော့ သံဓာတ် များစေသော ရောဂါအခံတစ်ခု ဥပမာ သွေးရောဂါThalassemia လိုမျိုးမှာသွေးသွင်းရခြင်း မကြာခဏပြုလုပ်ရသူတွေမှာ ဖြစ်တတ်ပါတယ်။

📍 Hemochromatosis ရဲ့ လက္ခဏာများကဘာတွေဖြစ်ပါမလဲ။

အသည်းကြီးခြင်း၊ အသည်းခြောက်ခြင်း၊ အသည်းရဲ့လုပ်ဆောင်စွမ်းရည်များပျက်စီးခြင်း၊ဆီးချိုဖြစ်ခြင်း၊ အသည်းရောင်ဝါဖြစ်ခြင်:၊အသားအရောင်ညိုမည်းခြင်း၊ အဆစ်များကိုက်ခဲခြင်း၊မောပန်းလွယ်ပြီး နှလုံးကြွက်သား ကောင်းစွာ မညှစ်နိုင်သော ရောဂါဖြစ်ခြင်းစသည့်လက္ခဏာများ ဖြစ်တတ်ပါတယ်။

🩸 Hemochromatosis ရဲ့ကုသမှု က ဘာတွေရှိပါမလဲ။

ပထမဆုံးအနေနဲ့ Phlebotomy လို့ခေါ်တဲ့ venesection နည်းလမ်းပါ။ သွေးလှူသကဲ့သို့ သွေးများကို ထုတ်ရပါတယ်။ပိုလျှံနေသော သံဓာတ်များကိုလျှော့ချဖို့ တစ်ပတ်လျှင် တစ်ကြိမ်ခန့် သွေး ထုတ်ရတာမျိုး ရှိနိုင်ပါတယ်။သွေးထုတ်ရတဲ့ အကြိမ်အရေအတွက်ကတော့လူနာရဲ့ရောဂါအခြေအနေနဲ့ သွေးပျစ်နှုန်းပေါ်မူတည်တာမို့ဆရာဝန်က ဆုံးဖြတ်ပေးပါလိမ့်မယ်။

နောက်တစ်ခုကတော့ Iron Chelation Therapy လို့ခေါ်တဲ့ သံချွတ်ဆေးများကို သောက်နိုင်ပါတယ်။
သံဓာတ်များတဲ့အစားအစာတွေ ဖြစ်တဲ့ နီရဲသော အသားများ ဟင်းနုနွယ်လို အရွက်များကို ရှောင်ဖို့လည်းလိုပါတယ်ရှင်။

🎯 July Awareness လကမိမိတို့ကို ဘာတွေသတိပြုမိစေပါသလဲ။

မိသားစုဝင်တွေ သိကျွမ်းတဲ့မိတ်ဆွေတွေမှာ ဒီလို Haemochromatosis ရောဂါရာဇဝင်ရှိသူများကို သံဓာတ်များနေနိုင်တဲ့အခြေအနေ ရှိ/မရှိစမ်းသပ်စစ်ဆေးဖို့အကြံပြုပေးကြပါ။

ရောဂါလက္ခဏာမရှိသူများကိုလည်း မိသားစုဝင်များတွင်ထိုရောဂါရှိနေခြင်း နှင့် Thalassaemia ကဲ့သို့သွေးရောဂါများ ရှိနေခြင်း ဖြစ်ပါက Haemochromatosis အကြောင်း အသိပညာပေးဖို့ ကြိုးစားကြဖို့ပဲဖြစ်ပါတယ်။

📣 သံဓာတ်များခြင်းဆိုတာက မမြင်ရတဲ့ တိတ်ဆိတ်သော ရန်သူတစ်ဦးလိုပါပဲ။ သွေးစစ် စမ်းသပ်ခြင်းကသာ လူတစ်ဦးချင်းစီအတွက်ရောဂါကိုသတ်မှတ်ပေးနိုင်ပြီး ထိရောက်တဲ့ကုသမှုယူပါက ဝေဒနာများ သက်သာနိုင်ပါတယ်။ဒါကြောင့် ဒီလရဲ့ July Hemochromatosis Awareness Month မှာ Haemochromatosis ရောဂါအကြောင်းကိုပိုမိုသတိပြုမိပြီး ကျန်းမာရေးစစ်ဆေးမှု များပြုလုပ်ဖို့အထောက်အကူပြုနိုင်ကြပါစေလို့ ဆုတောင်းရင်း နိဂုံးချုပ်ပါရစေရှင်။

လူတိုင်းခန္ဓာကျန်းမာစိတ်ချမ်းသာနိုင်ကြပါစေ။

သဉ္ဇာ ဆေး၁

"ကျန်းမာအောင်နေပါ၊ ဆေးလိုရင် ပိတောက်ဦးကိုသတိရပါ"

#ပိတောက်ဦးဆေးဆိုင်

11/07/2025

✨Oramin-F ချစ်သူများအတွက် သတင်းကောင်း 📣

ပိတောက်ဦးမှာ Oramin-F ကဒ်ခွံ (၅) ခုနဲ့တကွ လာဝယ်ရင်း (၃) ထောင်ကျပ် လျှော့ဈေးရမယ့် အစီအစဉ်လေး ရယူဖို့ သတင်းကောင်းလေးပေးချင်ပါတယ်ရှင့် ... 🤩

ကဒ်ခွံစုထားတတ်တဲ့ Customer များအတွက်တော့ တကယ်ကို ကံကောင်းတဲ့နေ့လေးပါပဲ။

နီးစပ်ရာ ပိတောက်ဦးဆေးဆိုင်ခွဲတိုင်းမှာ
Oramin-F ကဒ်ခွံ
(၅) ခုပြတာနဲ့ Oramin-F ဆေးဗူးတစ်ဗူးကို
(၃) ထောင် ကျပ်လျှော့ဈေးနဲ့ ဝယ်ယူနိုင်မှာပါနော်..🥰

Promotion ကာလလေးကတော့ ဇူလိုင်လ 1 ရက်နေ့မှ ဩဂုတ်လ 31ရက်နေ့အထိ ဖြစ်ပါတယ်ရှင်။

(၃) ထောင်ကျပ်လျှော့ဈေးနဲ့ ရဖို့ အခုပဲ နီးစပ်ရာပိတောက်ဦးဆေးဆိုင်ခွဲတွေမှာ Oramin-F ကဒ်ခွံပြပြီး အမြန်ဆုံး သွားဝယ်လိုက်တော့နော်..

📍ပိတောက်ဦးဆေးဆိုင်ခွဲလိပ်စာ၊ ဖုန်းနံပါတ်နှင့် Google Map Locationများ - https://www.facebook.com/share/p/16QKvuMGLk/?mibextid=wwXIfr

"ကျန်းမာအောင်နေပါ၊ ဆေးလိုရင် ပိတောက်ဦးကိုသတိရပါ"

#ပိတောက်ဦးဆေးဆိုင်
#အော်ရာမင်အက်ဖ် #လျှော့ဈေး

11/07/2025

We are Hiring!📣

💁‍♀️Myanmar Padauk Health Co., Ltd တွင် တာဝန်ထမ်းဆောင်ရန် Assistant(Business Development) တစ်ဦးခေါ်ယူနေပါတယ်ရှင့်။

Position : Assistant – Male/ Female (1) Post

Department: Business Development

Requirement
• တက္ကသိုလ် တစ်ခုခုမှ ဘွဲ့ရရှိပြီးသူ (သို့) တက္ကသိုလ်ဝင်တန်းအောင်မြင် ပြီးသူဖြစ်ရမည်။
• ဆေးဝါးကျွမ်းကျင်လက်မှတ်ရှိသူဖြစ်ရမည်။
• ကွန်ပျူတာအခြေခံတတ်ကျွမ်းပြီး Typing ကျွမ်းကျင်ရမည်။
• Computer ဖြင့် စာရင်း၊ ဇယားအချက်အလက်များကိုလုပ်ဆောင်ခြင်း စိတ်ပါဝင်စားသူ ဖြစ်ရမည်။
• စကားပြောယဉ်ကျေးချိုသာ၍ သွက်လက်ချက်ချာပြီး စိတ်ရှည်သူဖြစ်ရမည်။
• Team Work ဖြင့် အလုပ်လုပ်ကိုင်နိုင်သူဖြစ်ရမည်။
• အလုပ်မှချမှတ်သော စည်းမျဉ်းစည်းကမ်းများအား တိကျစွာလိုက်နာနိုင်ရမည်။
• အကျင့်စာရိတ္တကောင်းမွန်ရမည်။
• အလုပ်လုပ်ရာတွင်စနစ်တကျရှိပြီး အဖွဲအစည်းမှသတ်မှတ်ထားသောစည်းမျဉ်းစည်ကမ်းများကို လိုက်နာဆောင်ရွက်နိုင်ပြီး ရေရှည်လက်တွဲလုပ်နိုင်သူဖြစ်ရမည်။
• ဆေး နှင့် ဆေးပစ္စည်းပိုင်းလုပ်ငန်းလုပ်ဆောင်ဖူးသူများအား ဦးစားပေးပါမည်။
• လုပ်ငန်းလိုအပ်ချက်အရ သက်ဆိုင်ရာဌာန မှ ချမှတ်ပေးသောလုပ်ငန်းများအား အချိန်နှင့်တပြေးညီလုပ်ဆောင်ပေးရပါမည်။

Salary - Base on Experience (Negotiate) + Other Allowances
Working Hours - 9:00 AM to 5:00 PM (Monday to Friday)
9:00 AM to 12:00 PM (Saturday)
Off Day - Sunday and Public Holiday
Location - 519/521, Lower Pazundaung Road, Pazundaung Township, Yangon.
Send your resume to - recruitment@padaukoo.com (or) recruitment@mphealth.com.mm
Viber, Telegram - 09 43069739

10/07/2025

မိုးရာသီမှာ ကလေးငယ်တွေ ကျန်းမာဖို့ ဂရုစိုက်နည်းများ 🌧️👶

မိုးရာသီရောက်ပြီဆိုတာနဲ့ ကလေးငယ်တွေရဲ့ ကျန်းမာရေးကို ပိုပြီး ဂရုစိုက်ဖို့ လိုအပ်လာပါတယ်။ ရာသီဥတု အပြောင်းအလဲနဲ့အတူ ဖြစ်ပွားတတ်တဲ့ ရောဂါတွေကနေ သားသားမီးမီးလေးတွေ ကင်းဝေးစေဖို့ အောက်ပါအချက်တွေကို လိုက်နာပေးသင့်ပါတယ်နော်။

၁။ ပတ်ဝန်းကျင် သန့်ရှင်းရေးကို အလေးထားပါ ✨
မိုးတွင်းမှာ ခြင်၊ ယင်ကောင်တွေ ပေါက်ပွားမှု များပြားတာကြောင့် အိမ်တွင်း၊ အိမ်ပတ်ဝန်းကျင်ကို သန့်ရှင်းသပ်ရပ်အောင်ထားပါ။ ရေဝပ်နိုင်တဲ့နေရာတွေကို ဖယ်ရှားရှင်းလင်းပြီး ရေဆိုးမြောင်းတွေကို ပုံမှန်ဆေးကြောသန့်စင်ပေးပါ။ ဒါမှ ခြင်ကြောင့်ဖြစ်တဲ့ ဖျားနာမှုတွေ (ဥပမာ- သွေးလွန်တုပ်ကွေး) ကနေ ကာကွယ်နိုင်မှာပါ။

၂။ ခြင်အန္တရာယ်မှ ကာကွယ်ပါ 🦟
ကလေးငယ်တွေကို ခြင်ကိုက်ခံရခြင်းမှ ကာကွယ်ဖို့ ခြင်ဆေးလိမ်းဆေး လိမ်းပေးတာ၊ ခြင်ထောင်နဲ့ အိပ်စေတာ၊ ခြင်လုံဇကာ တပ်ဆင်ထားတဲ့ အခန်းတွေမှာ နေစေတာ စတာတွေ လုပ်ဆောင်ပေးသင့်ပါတယ်။ မိုးအကုန် နေဝင်ချိန်တွေမှာ ခြင်အန္တရာယ် ပိုများတာကြောင့် အထူးဂရုပြုပါ။

၃။ အဝတ်အစားများကို ခြောက်သွေ့အောင်ထားပါ 🩳
မိုးရာသီမှာ အဝတ်အစားတွေ လွယ်လွယ်နဲ့ မခြောက်တတ်တာကြောင့် ကလေးငယ်တွေရဲ့ အဝတ်အစားတွေကို လုံးဝခြောက်သွေ့အောင်ထားဖို့ အရေးကြီးပါတယ်။ စိုစွတ်နေတဲ့ အဝတ်အစားတွေက အအေးမိခြင်း၊ မှိုစွဲခြင်းနဲ့ အရေပြားယားယံခြင်းတို့ကို ဖြစ်စေနိုင်ပါတယ်။ ကလေးလေးတွေအတွက် အပိုအဝတ်အစားတွေကို အသင့်ဆောင်ထားပြီး စိုတာနဲ့ ချက်ချင်းလဲလှယ်ပေးပါ။

၄။ ကာကွယ်ဆေးများ အချိန်မှန် ထိုးနှံပါ 💉
ကလေးငယ်တွေရဲ့ ကာကွယ်ဆေးထိုးဇယားကို ပုံမှန်လိုက်နာပြီး သတ်မှတ်ထားတဲ့ ကာကွယ်ဆေးတွေကို အချိန်မှန် ထိုးနှံပေးဖို့ မမေ့ပါနဲ့။ ကာကွယ်ဆေးတွေဟာ မိုးတွင်းမှာ ဖြစ်ပွားတတ်တဲ့ ရောဂါမျိုးစုံ (ဥပမာ- တုပ်ကွေး၊ ဝမ်းရောဂါ) ကနေ ကာကွယ်ပေးနိုင်တဲ့ အထိရောက်ဆုံး နည်းလမ်းတစ်ခု ဖြစ်ပါတယ်။

ဒီအချက်လေးတွေကို လိုက်နာခြင်းအားဖြင့် မိုးရာသီမှာ သင့်ကလေးငယ်တွေ ကျန်းမာပျော်ရွှင်စွာ ဖြတ်သန်းနိုင်မှာပါရှင်။

ပိတောက်ဦးမှာလည်း သားသားမီးမီးတွေအတွက် လိုအပ်တဲ့ ဆေးဝါးပစ္စည်းများစုံစုံလင်လင်ရှိတာမို့ သင့်ကလေးရဲ့ ကျန်းမာရေးအတွက် အမြဲအသင့်ရှိနေပါတယ်ရှင့် 🥰

"ကျန်းမာအောင်နေပါ၊ ဆေးလိုရင် ပိတောက်ဦးကိုသတိရပါ"

#ပိတောက်ဦးဆေးဆိုင်
#ကလေးကျန်းမာရေး

PadaukOo Pharmacy

20/07/2025

19/07/2025

18/07/2025

17/07/2025

16/07/2025

15/07/2025

14/07/2025

14/07/2025

12/07/2025

11/07/2025

11/07/2025

10/07/2025

Address

Opening Hours

Telephone

Website

Alerts

Contact The Practice

Shortcuts

Share

Category

Monday	08:00 - 20:00
Tuesday	08:00 - 20:00
Wednesday	08:00 - 20:00
Thursday	08:00 - 20:00
Friday	08:00 - 20:00
Saturday	08:00 - 20:00
Sunday	08:00 - 20:00