မင်းခန့်ဆေးဆိုင် - ပြည်

26/07/2024

———အသိပေးခြင်း———

စဖွင့်တဲ့အချိန်မှစပြီး အမြဲအားပေးနေတဲ့ Customer များအား ဝမ်းနည်းစွာဖြင့်

မင်းခန့်ဆေးဆိုင်အား July 2024 မှစပြီး ( အပြီး ) ပိတ်လိုက်ပြီဲဖြစ်ကြောင်း အသိပေးပါရစေ

အားပေးခဲ့ကြသော တစ်ဦးတစ်ယောက်ခြင်းစီတိုင်းအား

အထူးကျေးဇူးတင်ရှိကြောင်းပြောကြားရင်း

ဒီကနေပဲ နှုတ်ဆက်ပါရစေ

မင်းခန်းဆေးဆိုင် - ပြည်

19/09/2023

❗❗ နှလုံး​​ရောဂါများ❗❗ အပေါ် အာနိသင်ရှိ၍ အစွမ်းထက် သဘာဝဆေးပင်များဖြင့် ဖော်စပ်ထားသော -

" ရွှေကယန်း " အမှတ်တံဆိပ် " နှလုံးသည်းခြေဆေး "

ဤဆေးသည် တိုင်းရင်းဆေး သမားတော်​ကြီး ကိုယ်တိုင် နစ်ပေါင်းများစွာ နှလုံးရောဂါရှိ လူနာများကို တိုက်ကျွေးကုသခြင်းဖြင့် ရောဂါများ သက်သာပျောက်ကင်း​စ​ေခဲ့သည်။ ဤဆေးကို နှလုံး သည်းခြေ ရောဂါ လက္ခဏာများ ဖြစ်သော -

••••••••••••••••••••••••••••••••••

🔯 စိတ်ဖိစီးမှူများပြီး အိပ်မပျော်ဖြစ်ခြင်း

🔯 ခံတွင်းပျက်၍ အစားအသောက် မစားလိုခြင်း

🔯 နှလုံးခုန်မြန်ခြင်း ၊ ရင်ဘတ်အောင့်ခြင်း ၊ အသက်ရှူမဝ
ခြင်း ၊ ရင်တုန်ခြင်း

🔯 နှလုံးအားနည်း၍ မူးဝေခြင်း ၊ မောပန်းခြင်း

🔯 နှလုံးကြီးခြင်း

🔯 သွေးအတွင်း အဆီများ၍ နှလုံးသွေးကြောကျဥ်းခြင်း

🔯 သွေးပေါင်ကျ၍ နှလုံးအားနည်းကာ မူးဝေခြင်း

🔯 သွေးအားနည်း၍ ခန္ဓာကိုယ် ဖြူဖတ်ဖြူရော် ဖြစ်ခြင်း၊
မောနေတတ်ခြင်း

🔯 သွေးလည်ပတ်မှု.အားနည်း၍ ခန္ဓာကိုယ်
လေးလံထိုင်းမှိုင်းနေခြင်း

🔯 နှလုံး အားနည်း၍ ​ခြေဖျား လက်ဖျားများ အေးစက်ခြင်း

🔯 နှလုံးရောဂါ ကြောင့် အာရုံကြောများ အားနည်းခြင်း ၊
ထုံကျင်ခြင်း ၊ မူးဝေတတ်ခြင်း

🔯 သည်းခြေ အားနည်း၍ အရာရာကိုထိန့်လန့်နေတတ်ခြင်း
၊ အလိုလိုနေရင်း အားငယ်နေတတ်ခြင်း

🔯 အမျိုးသမီးများ လစဥ် ဓမ္မတာကြောင့်ဖြစ်တတ်သော
သွေးအားနည်းခြင်း ၊ ဓမ္မတာ မမှန်ခြင်း ၊ ဓမ္မတာ
လာနေစဥ်အတွင်း ထိတ်လန့်တတ်ခြင်း ၊ အားငယ်တတ်
ခြင်း

🔯 အိမ်ထောင်ရေး သုခ မပြည့်စုံကြသူများ ( ပန်းမလန်း
သူများ ၊ အချိန်မတန်မှီသုတ်လွှတ်မြန်သူများ) နှင်.

🔯 နှလုံးရောဂါ အမျိုးမျိုးအတွက်

✴ ပုံမှန် မှီဝဲသင့်သော အစွမ်းထက် ဆေးစွမ်းကောင်း
တစ်လက်ဖြစ်ပါသည်။

✴ တိုင်းရင်းဆေး တက္ကသိုလ်ဆင်း သမားတော် ကိုယ်တိုင်
ဖော်စပ်ထားသည်ဖြစ်၍ ယုံကြည် စိတ်ချစွာ သုံးစွဲ
နိုင်ပါသည် ။

👨‍🔬 မြန်မာ. တိုင်းရင်းဆေး သမားတော် ဦးကျော်သူရဟိန်း
တိုင်းရင်းဆေး ပညာဘွဲ. ( Bachelor Of Myanmar
Traditional Medicine { B.M.T.M } )
တဆ - { ၇၃၈၁ }

💊 ဆေးသုံးစွဲရန် အညွှန်း

လူကြီး တစ်နေ့ { ၃ } ကြိမ် - တစ်ခါသောက် (၅) လုံး

ကလေး အသက် ( ၅ ) နှစ်မှ (၁၂ ) နှစ် အထိ
တစ်နေ့ { ၂ } ကြိမ် - တစ်ခါသောက် (၃) လုံး

အစာစားပီး တိုင်း ရေနွေးဖြင့် သောက်သုံးနိုင်ပါသည် ။

💊 ဆေးတစ်ဗူးတွင် ဆေးအလုံး ( ၁၅၀) ပါပါသည် ။

➡ တစ်ခါသောက် ( ၅ ) လုံး တစ်နေ့ ( ၃ ) သောက်လျှင်
တစ်လစာ ဆေး ( ၃ ) ဗူး ပါရှင့် ။

➡ တစ်ခါသောက် ( ၅ ) လုံး တစ်နေ့ ( ၂ ) သောက်လျှင်
တစ်လစာ ဆေး ( ၂ ) ဗူး ပါရှင့် ။

💵 ဆေးတစ်ဗူး လျှင် ➡ ( ၅၀၀၀ ) ကျပ်

မင်းခန့်ဆေးဆိုင်

အမှတ် ၆၇ ၊ ရတနာမာန်အောင်ကျောင်းလမ်းပေါက် ၊ ရတနာသစ်ခွခြံဘေး ၊ ပိုင်ထက်ပိုင်ရှေ့ ၊ မူယာပင်ရပ် ၊ ရွာဘဲနယ်မြေ ၊ ပြည်မြို့

( ဗိုလ်ချုပ်လမ်းမှလာပါက ရတနာမာန်အောင်မုဒ်ဦးပေါက် အဝင်ဝမှ ဝင်လာပါက လမ်းတစ်ဖြတ်ဆို ရောက်ပါပြီ )

၀၉၉၇၂၀၅၁၅၂၉

19/09/2023

မြတ်ဆွမ်းအုပ်ကနေထုတ်တဲ့

💟ပန်းသီးရှာလကာရည် ( ဘူးသေး ၇၅၀၀ )
💟နနွင်းနက် သောက်ဆေး ( ၁၅၀၀၀ )
💟နနွငနက်လိမ်းဆေး တွေ ( ၇၅၀၀ )

မင်းခန့်ဆေးဆိုင်မှာ ဝယ်လို့ရပါပြီ

မင်းခန့်ဆေးဆိုင်

အမှတ် ၆၇ ၊ ရတနာမာန်အောင်ကျောင်းလမ်းပေါက် ၊ ရတနာသစ်ခွခြံဘေး ၊ ပိုင်ထက်ပိုင်ရှေ့ ၊ မူယာပင်ရပ် ၊ ရွာဘဲနယ်မြေ ၊ ပြည်မြို့

( ဗိုလ်ချုပ်လမ်းမှလာပါက ရတနာမာန်အောင်မုဒ်ဦးပေါက် အဝင်ဝမှ ဝင်လာပါက လမ်းတစ်ဖြတ်ဆို ရောက်ပါပြီ )

၀၉၉၇၂၀၅၁၅၂၉

22/05/2023

အကြောင်းရာ ။ ။ online အမှာ ပို့ဆောင်ခြင်းများ ရပ်နားခြင်း

09/05/2023

မြန်မာနိုင်ငံ အပါအဝင် ကမ္ဘာတစ်ဝန်းလုံး၌ ဆီးချိုရောဂါ ဖြစ်ပွားသည့်သူဦးရေမှာ တစ်နှစ်ထက်တစ်နှစ် ပို၍ပို၍ များပြားလို့လာနေပါသည်။ အဓိကအချက်မှာ စားပုံသောက်ပုံပုံစံ ပြောင်းလဲလာခြင်းနှင့် လူနေမှုဘဝနေထိုင်သည့်ပုံစံ ပြောင်းလဲလာမှုတို့ကြောင့်ဖြစ်ကြောင်း ပညာရှင်များက သုံးသပ်ကြပါသည်။ ကျွန်တော်တို့ ဆရာဝန်ဖြစ်စက ဆီးချိုရောဂါလူနာ အနည်းငယ်သာ ကြည့်ရသော်လည်း ယနေ့အခါတွင် နေ့စဉ်ကြည့်ရှုသည့် လူနာ ၅ ယောက်လျှင် ၁ ယောက်မှာ ဆီးချိုလူနာ ဖြစ်လို့နေပါပြီ။

ရောဂါတစ်ခုကို ကုသရာတွင် ဖြစ်ပွားရသည့် အကြောင်းအရင်းကို မူတည်ပြီး ကုသရသည်ဟု ကျွန်တော်တို့၏ ဆရာသမားကြီးများက အမြဲလိုလို ပြောဆိုသင်ကြားပေးလေ့ ရှိပါသည်။ ဆီးချိုရောဂါတွင် ဖြစ်ပွားရသော အကြောင်းအရင်းမှာ တစ်ခုတည်း လက်ဆုပ်လက်ကိုင် မပြနိုင်၍ ကုသရန် ခက်ခဲနေရခြင်း ဖြစ်ပါသည်။ လူနာတစ်ဦးနှင့် တစ်ဦးတွင်လည်း ဆီးချိုရောဂါ အမျိုးအစား၊ ရောဂါ အနုအရင့်ပေါ် မူတည်ပြီး ဖြစ်ပွားရသော အကြောင်းအရင်းမှာလည်း ကွဲပြားခြားနားနေလေ့ရှိသည်။

မြန်မာနိုင်ငံ၌ ဖြစ်ပွားလျက်ရှိသော ဆီးချိုရောဂါမှာ များသောအားဖြင့် ကာဘိုဟိုက်ဒြိတ် စားသုံးမှု လွန်ကဲသောကြောင့် အများဆုံးဖြစ်ကြောင်း တွေ့ရပါသည်။ ထို့ကြောင့် ကာဘိုဟိုက်ဒြိတ် အစားများသူများ ဖြစ်ပါက ထမင်းစားလျှင် ထမင်းကိုလျှော့စားပြီး အသား၊ ငါး၊ ပုစွန် နှင့် ဟင်းသီးဟင်းရွက်များ ပိုစားပေးခြင်းဖြင့် ဆီးချိုရောဂါ ထိန်းသိမ်းရေး၌ များစွာသက်သာစေပါလိမ့်မည်။

ယနေ့အခါတွင် ကမ္ဘာပေါ်ရှိ လူတို့သေဆုံးရခြင်း အကြောင်းအရင်း ထိပ်ဆုံး (၁၀) ခု စာရင်းတွင် ဆီးချိုရောဂါမှာ နံပါတ် (၇) နေရာ၌ ရှိနေပါသည်။ ဆီးချိုရောဂါ ကာကွယ်ဆေးဟူ၍ သီးခြားမရှိသော်လည်း အနေအထိုင် အစားအသောက် မှန်ကန်အောင် ပြုမူနေထိုင်ခြင်း၊ လေ့ကျင့်ခန်း မှန်မှန်ပြုလုပ်ခြင်း၊ ခန္ဓာကိုယ်အလေးချိန် ထိန်းသိမ်းခြင်း၊ စိတ်ကို တည်ငြိမ်အေးချမ်းအောင် နေထိုင်ခြင်းတို့ကိုသာ ပြုမူနေထိုင်ပါက ဆီးချိုရောဂါဖြစ်ရန် အလားအလာ အလွန့်အလွန် နည်းပါးသွားပါလိမ့်မည်။ ရောဂါဖြစ်ပါကလည်း သက်ဆိုင်ရာဆရာဝန်နှင့် ပြသတိုင်ပင်၍ လိုအပ်သောကုသမှုကို ခံယူခြင်းဖြင့် ဆီးချိုရောဂါရှိသော်လည်း ဘဝအရည်အသွေး ပြည့်ဝစွာဖြင့် သက်တမ်းစေ့ နေနိုင်ပါလိမ့်မည်။

ဒေါက်တာခင်မောင်လွင် (FAME)

ကိုးကားချက် - "ဆီးချိုရောဂါ" စာအုပ်မှ ထုတ်နုတ်ဖော်ပြသည်။

07/05/2023

ဖျားနေတဲ့အချိန် ရေချိုးလို့ရလားဆရာ?
…………………………………………………….

“ဖျားနေရင် လေတိုက်မခံနဲ့”
“ဖျားနေရင် ရေမချိုးနဲ့၊ ခေါင်းမလျှော်နဲ့၊ အအေးမိမယ်”
ဆိုတာမျိုးတွေ ကြားဖူးကြမှာပါ။

#အမှန်တကယ်ကဖျားနေရင်ရေချိုးလို့ရပါတယ်။

ရေချိုးတာက ခန္ဓာကိုယ်ရဲ့ အပူချိန်ကို ကျစေတဲ့အပြင် လူကို လန်းဆန်းသွားစေပါတယ်။

အထူးသဖြင့် ခုလို နွေရာသီမှာ ဖျားကြတဲ့အခါ ရေမချိုးရင် ကိုယ်ပူ ပိုကြီးတတ်ပါတယ်။

❌ ရေလဲမချိုးဘူး၊

❌ လေတိုက်မှာစိုးလို့ တံခါးတွေပိတ်ထားတယ်၊

❌ ချွေးထွက်အောင် ရေနွေးတွေသောက်တယ်၊

❌ အင်္ကျီ ထူထူတွေ ဝတ်ထားတယ်

❗️အထက်ပါ အပြုအမူတွေက တကယ်တော့ အရမ်းကို အန္တရာယ်များပါတယ်။

ကိုယ်ပူချိန်တအားကြီးလာရင် ခုလိုနွေရာသီမှာ Heat Exhaustion နဲ့ Heat stroke လို့ခေါ်တဲ့ အပူဒဏ်ကြောင့် ပင်ပန်းနွမ်းနယ်တာ၊ အပူကြောင့် သတိလစ်တာတွေ ဖြစ်ခဲ့ရင် အသက်အန္တရာယ် စိုးရိမ်ရပါတယ်။

ချွေးထွက်လွန်ရင် ရေနဲ့ ဓာတ်ဆားတွေ ဆုံးရှုံးပြီး ခေါင်းမူးတာ၊ နုံးတာ၊ ကြွက်တတ်တာ၊ အားမရှိတာမျိုးတွေ ဖြစ်တတ်ပါတယ်။

👉 ဒါကြောင့် #ဘာကြောင့်ပဲဖျားဖျား

✅ ရေချိုး ခေါင်းလျှော်လို့ရပါတယ်။ မပူလွန်း မအေးလွန်းတဲ့ ရေ ဆို အဆင်ပြေပါတယ်။

✅ ရေပတ်တိုက်လို့ရပါတယ်။

✅ ရေခဲဝတ်၊ ရေအေးဝတ် ကပ်မယ်ဆိုရင် သွေးကြောအကြီးတွေရှိတဲ့ ချိုင်း၊ ပေါင်ခြံ မှာ ကပ်ထားပေးရပါမယ်။

✅ လေဝင်လေထွက်ကောင်းအောင် အခန်းပြတင်းပေါက်တွေ ဖွင့်ထားရပါမယ်။

✅ ရေနွေးသောက်မယ့်အစား ရေအေးသောက်ပါ။ အရည်များများသောက်ပါ။

✅ ပေါ့ပေါ့ပါးပါး လေဝင်လေထွက်ကောင်းတဲ့ အဝတ်အစားတွေ ဝတ်ဆင်ရပါမယ်။

#ကိုယ့်ကိုယ်ကိုချစ်ပါ
#ဂရုစိုက်ပါ
#ကျန်းမာအောင်နေပါ
#သင်ကျန်းမာဖို့သင့်မှာတာဝန်ရှိပါတယ်

ဒေါက်တာအေရွန်

#ကျန်းမာရေး #ဖျား #ကိုယ်ပူ #ရေချိုး

21/04/2023

အာဗြဲလေးကတော့ ကြက်ပေါင်းရည်သောက်ဖို့ပြောနေပြီ

ဆိုင်မှာ လာဝယ်လို့ရတယ်နော်

နှစ်ကဒ်ဝယ်တာနဲ့ 3500 အလျော့လည်းရဦးမယ်ဗျား

Stock ရှိသလောက်ပေါ့နော်

20/04/2023

19/04/2023

🚨🚨မန္တလေး - စစ်ကိုင်း -မကွေး
အပူချိန် 45°C ထိ တိုးလာတော့မည်။
အရမ်းပူလာပါတော့မည်။
ခဏခဏ ရေမချိုးပါနှင့်။
ပန်ကာတောက်လျှောက် ဖွင့်မထားပါနှင့်။
နေ့ခင်းနေ့လည် ယမကာ မှီဝဲတတ်သူများ
အထူးသတိထားပါ။
အပြင်သွားလျှင် ဦးထုပ် ထီး ဆောင်းပါ။
အဝတ်ရေစို ဆွတ်၍ ခင်းမအိပ်ပါနှင့်။
ရေ များများသောက်ပါ
ဖြစ်နိုင်လျှင် ရေခဲရေမသောက်ပါနှင့်
ရေခဲမုန့် ဂျယ်လီ မစားပါနှင့်။
ဝတ် စလစ်ဖြင့် ကြာရှည်စွာ မနေပါနှင့်။
ကြမ်းပြင်ပေါ် ကြာရှည် မလှဲလျောင်းပါနှင့်။
အိမ် နံရံများအား ရေနိုင်နိုင် ပက်ဖြန်းပါ။
ပတ်ပတ်လည် ရေနိုင်နိုင်ဖြန်းပါ။
Gym ကစားသူများ ပြင်းထန်စွာ မကစားပါနှင့်။
အားကစားလုပ်သူများ ပြင်းထန်သော အားကစား
မလုပ်ပါနှင့်
အက ကသူများ ပြင်းထန်စွာ မကပါနှင့်
နေ့စားလုပ်သားများ ပြင်းထန်စွာ အလုပ်မလုပ်ပါနှင့်
နား၍ နား၍ လုပပှါ။

မိတ်တွေ ပေါက်
အပူတွေကန်
အဖျားတွေကြီး
သွေးပေါင် ဆောင့်တက်
ဝမ်းကိိုက် ဝမ်းပျက်
အစရှိသည်တို့ ဖြစ်တတ်သည်။

အပင်အောင် အရိပ်အောက်မှာ ခိုနားနေထိုင်ပါ။

စေတနာဖြင့်

မင်းစျာန်ဖြိုး(နက္ခတ်သိပ္ပံ)
crd

09/04/2023

" မွေးရာပါ သွေးအားနည်းရောဂါနဲ့ ကလေးငယ်"

"G6PD Deficiency" (ဒေါက်ကလေးသုတ)

သွေးပုလင်းထဲမှ နီရဲနေသောသွေးများ တစ်စက်ချင်းစီ မောင်ဝလုံးလေး၏ သွေးပြန်ကြောမှတဆင့် ခန္တာကိုယ်ထဲ စီးဆင်းနေသည်။ ဖြူဖျော့နေသော ကလေးငယ်ကတော့ လူနာကုတင်ပေါ်ထက်တွင် နှစ်နှစ်ခြိုက်ခြိုက် အိပ်ပျော်နေပြီ ဖြစ်သည်။ တာဝန်ကျဆရာဝန်မှာသာ ချွေးပြန်နေသော မျက်နှာကို လက်ကိုင်ပုဝါဖြင့် အသာသုတ်၍ သက်ပြင်းတစ်ချက် ခိုးရှိုက်လိုက်သည်။

"သားလေးအခြေအနေက စိုးရိမ်ရသေးလားဆရာ၊ ကျွန်မတို့ ဘာလုပ်ပေးရဦးမလဲ ပြောပါနော် ဆရာ"
ကလေးအမေ၏ စိုးရိမ်သောကရောက်နေသည့် မျက်ဝန်းတွေကို ကြည့်ရင်း စိတ်မပူဖို့ပြောရသည်။

" အရမ်းလည်း စိုးရိမ်မနေပါနဲ့တော့ မေမေရယ်၊ ခုသွေးလည်းသွင်းထားပြီဆိုတော့ ကလေးကပုံမှန်အတိုင်း ပြန်ကောင်းသွားမှာပါ။ သွေးစစ်ထားတဲ့အဖြေအရလည်း မွေးရာပါသွေးအားနည်းရောဂါ G6PD Deficiency ပဲဆိုတော့ သတိထားရမယ့်အရာလေးတွေတော့ရှိတာပေါ့၊ အရမ်းကြီးစိုးရိမ်မနေပါနဲ့တော့"

" G6PD Deficiency ဆိုတာ ဘယ်လိုရောဂါမျိုးလဲ ဆရာ"

" အင်း.. လွယ်လွယ်ပြောရရင် မွေးရာပါသွေးအားနည်းရောဂါလို့ခေါ်တာပေါ့၊ သွေးထဲမှာ သွေးနီဥလေးတွေ ပေါက်ကွဲပျက်စီးမှုမရှိအောင် ထိန်းထားပေးတဲ့ ဓါတ် (အင်ဇိုင်း) တစ်မျိုးရှိတယ် G6PD( Glucose 6 Phosphate Dehydrogenase) လို့ခေါ်တယ်၊ အဲသည်အင်ဇိုင်း ချို့တဲ့ တဲ့ရောဂါတစ်မျိုးပဲ။ G6PD အင်ဇိုင်းမွေးရာပါချို့တဲ့မှုပါလာတဲ့ ကလေးတွေမှာ တချို့သော အောက်ဆီးဒန့် (Oxidant) လို့ခေါ်တဲ့ ဓါတ်တိုးဆန့်ကျင်ပစ္စည်းတွေနဲ့ ထိတွေ့မိတဲ့အချိန်မျိုးမှာ သွေးနီဥတွေပေါက်ကွဲပျက်စီးသွားတတ်တယ်။ အဲလိုပျက်စီးတာကြောင့် ခုမောင်ဝလုံးလေးခံစားရသလိုမျိုး ရုတ်တရက်သွေးအားနည်းသွားတဲ့ လက္ခဏာတွေ ပေါ်လာတော့တာပဲ"

" Oxidant တွေဆိုတာက ဘာတွေလဲဆရာ"

"ဆေးရုံရောက်စက ကျွန်တော်မေးခွန်းတွေမေးခဲ့တုန်းက မှတ်မိမလားမသိဘူး၊ မွေးကင်းစတုန်းက အသားဝါဖူးလား၊ ကလေးအဝတ်အစားတွေကို ပရုတ်လုံးနဲ့ထိတွေ့ထားတာမျိုးရှိလား၊ ခုလိုမဖြစ်ခင် နှာစေးချောင်းဆိုးဖျားနာတာမျိုး ရှိသေးလား၊ စပ်ဆေးတွေ ပိုးသတ်ဆေးတွေ ကိုယ့်ဘာသာဝယ်တိုက်ထားသေးလား လို့မေးခဲ့တာလေ"

"ဪ ဟုတ်တယ်ဆရာ ကျွန်မကလေးဝမ်းနည်းနည်းပျက်တယ်ဆိုပြီး ဆေးဆိုင်မှာ ဆေးဝယ်တိုက်ခဲ့တယ်။ ပိုးသတ်ဆေးတစ်မျိုး ဆေးဆိုင်ကပေးလို့ တိုက်လိုက်တာသိပ်မကြာဘူး ကလေးကခုလိုဖြူဖျော့သွားတော့တာပဲ"

"အင်း Oxidant တွေဆိုတာ အဲ့လိုဆေးပစ္စည်းတွေမှာ ပါတဲ့ ဓါတ်တစ်မျိုးပဲ။ ထူးခြားတာက G6PD အင်ဇိုင်းချို့တဲ့ တဲ့ကလေးက Oxidantတွေနဲ့ ထိတွေ့မှုမရှိခင်အထိတော့ ဘာလက္ခဏာမှ မပြကြဘူး၊ ပုံမှန်ကလေးတွေလိုပဲ ကျန်းမာနေကြတာပါပဲ။ Oxidant တခုခုနဲ့ထိတွေ့မိမှသာ ရုတ်တရက်သွေးနီဥလေးတွေပေါက်ကွဲပြီး သွေးအားနည်းရောဂါကို ခံစားရတော့တာပဲ"

"ရောဂါလက္ခဏာတွေကရောဘာတွေလဲ ရှင်းပြပါဦးဆရာ"

"ဒီရောဂါကတော့ ယောင်္ကျားလေးတွေမှာ အဖြစ်များတယ်ဗျ၊ ကလေးအမေက ရောဂါဖြစ်စေတဲ့မျိုးရိုးဗီဇ (Gene)ကို သယ်ဆောင်သူ (Carrier) အနေနဲ့ပဲရှိတာများတယ်။ ရောဂါမခံစားရဘူး။ ဒါပေမယ့်အမေရဲ့ အစ်ကို၊မောင် တွေမှာတော့ ခုလိုသွေးအားနည်းရောဂါ ပါလာတတ်တယ်။ လွယ်လွယ်ပြောရရင် မိခင်သာ ဒီမျိုးရိုးဗီဇကိုသယ်ဆောင်ထားတဲ့သူဆိုရင် မွေးလာမယ့်မိန်းကလေးတိုင်းရဲ့ တစ်ဝက်က အမေလိုပဲမျိုးရိုးဗီဇ သယ်ဆောင်သူဖြစ်နိုင်တယ် ကျန်တဲ့တစ်ဝက်ကတော့ ပုံမှန်ပဲ။ ယောင်္ကျားလေးမွေးရင်တော့ မွေးလာတဲ့ယောင်္ကျားလေးတိုင်းရဲ့ တစ်ဝက်ကရောဂါဖြစ်နိုင်ပြီး ကျန်တဲ့တစ်ဝက်ကတော့ ပုံမှန်ပဲ၊ သား၂ယောက်မှာ ၁ယောက်က ရောဂါပါမယ် နောက် ၁ယောက်မှာ ရောဂါမပါဘူး အဲသည်လိုမျိုး"

" မွေးကင်းစအရွယ်မှာ အသားဝါတတ်တယ်၊အဝါဓါတ်အရမ်းဆိုးရင် ဦးနှောက်ထိပြီး သူငယ်နာဖြစ်သွားတတ်တယ်၊ဒါကြောင့် မွေးကင်းစကလေးအသားဝါရင် G6PD အင်ဇိုင်းချို့တဲ့မှုရှိမရှိသွေးဖေါက်စစ်ပြီး ကြပ်ကြပ်မတ်မတ် မီးပြကုသကြရတယ်၊ လိုအပ်ရင် သွေးလဲပြီးကုသရနိုင်တယ်။ တဖြည်းဖြည်းလူကြီးဖြစ်လာရင်တော့ သွေးကြောထဲက သွေးနီဥတွေ ရုတ်တရက်ပေါက်ကွဲတဲ့ လက္ခဏာတွေဖြစ်တဲ့ ဆီးအရောင်ရင့်ရင့်သွားတာ၊ ရုတ်တရက်ဖြူဖျော့သွားတာ၊ အရမ်းမောလာတာ၊ ချမ်းတုန်ဖျားတာ၊ မျက်လုံးတွေ နည်းနည်းဝါလာတာတွေခံစားရတတ်တယ်။ အဲသည်လိုဖြစ်လာတယ်ဆိုရင် ချက်ချင်း နီးစပ်ရာဆေးရုံကိုမြန်မြန်လာဖို့လိုမယ်၊ နောက်ကျသွားရင် အသက်အန္တရာယ် စိုးရိမ်ရတဲ့အထိဖြစ်သွားနိုင်တယ်"

" သတိပြုပြီး ရှောင်ရှားရမယ့်အရာတွေရှိတယ်၊ ကလေးအနှီး၊ အဝတ်အစား အသုံးအဆောင်တွေမှာ ပရုတ်လုံး မသုံးရဘူး။ တောင်ကြီးပဲကြား( ရခိုင်အခေါ် ဒိုးကြီးပဲကြော်) လုံးဝမကျွေးရဘူး။ ငှက်ဖျားဆေး၊ ပိုးသတ်ဆေးတချို့၊ အကိုက်အခဲပျောက်ဆေး စပ်ဆေးတွေ ကိုယ့်သဘောနဲ့ကိုယ် မတိုက်ရဘူး။ ဒါတွေကတသက်လုံးရှောင်ရမှာနော်၊ နေမကောင်းဖြစ်လို့ဆေးရုံ ဆေးခန်းသွားပြရင်လည်း ကလေးမှာ G6PD Deficiency ရှိတဲ့အကြောင်း သေချာပြောပြရမယ်၊ ဒါမှ ဆရာဝန်ကဆေးညွှန်းတဲ့အခါ ချင့်ချိန်ပြီးပေးလို့ရမယ် နားလည်ပါတယ်နော် မေမေ၊ တခြားရော ဘာများသိချင်တာရှိသေးလဲ"

" ဟုတ်ကဲ့ ကာကွယ်ဆေးထိုးရင်ရော မတည့်တဲ့ဆေးတွေရှိလားဆရာ"

"ကောင်းလိုက်တဲ့ မေးခွန်းပဲမေမေရေ။ G6PD ဓါတ် ချို့တဲ့လို့ မတည့်တဲ့ကာကွယ်ဆေး မရှိပါဘူး၊ စိတ်ချလက်ချ ထိုးလို့ရပါတယ်။ ကာကွယ် ဆေးမထိုးရင် ရလာမယ့်ရောဂါတွေက အရမ်းကြောက်ဖို့ကောင်းတာ မေမေလည်း သိမှာပါ"

"ဟုတ်ကဲ့ ခုလိုပြည့်ပြည့်စုံစုံ ရှင်းပြပေးလို့ ကျေးဇူးတင်ပါတယ်နော် ဆရာ"

"ရပါတယ်ဗျာ ရှင်းပြရမှာ ကျွန်တော်တို့ဆရာဝန်တွေရဲ့တာဝန်ပဲလေ၊ တစ်ခုပဲ မိဘတွေကတော့ ခုကျွန်တော်ပြောပြခဲ့တဲ့ ဆောင်ရန်ရှောင်ရန်တွေကို သေသေချချာ မှတ်ထားပြီး လိုက်နာဖို့ လိုမယ်ဗျ"

" ဟုတ်ကဲ့ဆရာ တသက်လုံးအတွက် လေးလေးစားစားမှတ်သားထားပါ့မယ်"

"ကောင်းပါပြီဗျာ ဒါဆို ကျွန်တော်သွားလိုက်ပါဦးမယ်။ ဪဆရာမရေ သွေးတစ်ဝက်ရောက်ရင် Laxis(ဆီးဆေး) ထိုးဖို့ မမေ့နဲ့နော်"

"ဟုတ်ကဲ့ဆရာ စိတ်ချပါ၊ သေသေချာချာ ဂရုစိုက်ပြီး ထိုးပေးပါ့မယ်နော်"

"ကျေးဇူးပါဆရာမ"

မောင်ဝလုံးလေးကတော့ ကုတင်ပေါ်တွင် အိပ်ပျော်နေဆဲ....

ဒေါက်ကလေးသုတ

08/04/2023

လူအများသိလိုသည့် ဆေးဝါးတို့အကြောင်း
(၉၃) ဒိုင်ယာဇီပန် Diazepam
---၊ ဇွန်ခိုင်ဦး (ဆေးဝါးတက္ကသိုလ်) ၊---
Diazepamက benzodiazepine ဆေးအုပ်စုအနွှယ်ဝင်ဖြစ်ပြီး ဦးနှောက်ထဲက တချို့နူရိုထရန်စမစ္စတာတွေရဲ့ လုပ်ငန်းဆောင်တာကို ကောင်းစေတဲ့နည်းနဲ့ အလုပ်လုပ်ပါတယ်။

ဒိုင်ယာဇီပန်ကို ဘာအတွက် အသုံးပြုနိုင်သလဲ
----------------------------------------
▶ စိုးရိမ်သောကများခြင်း၊ ထိတ်လန့်ခြောက်ခြားဖွယ်ရာ အိပ်မက်ဆိုးမက်ခြင်း၊ စိုးရိမ်စိတ်ကြောင့် အိပ်မပျော်ခြင်း၊ အရက်ဖြတ်တဲ့အခါ ဝေဒနာလက္ခဏာတွေ ခံစားရခြင်း စတာတွေ ကုသရာမှာ ဒိုင်ယာဇီပန်ကို အသုံးပြုနိုင်ပါတယ်။
▶ ကြွက်သားကျုံ့ဆန့်ခြင်း၊ ကြွက်သားတောင့်တင်းခြင်း၊ တက်ခြင်း စတာတွေ ကုသရာမှာလည်း တခြားဆေးတွေနဲ့ တွဲသုံးလေ့ရှိတတ်ပါတယ်။

ဘယ်လိုသောက်သင့်သလဲ
-------------------------
✅ ဒိုင်ယာဇီပန်ကို တလွဲသုံးခြင်းက ဆေးစွဲခြင်း၊ ဆေးပမာဏများခြင်းနဲ့ အသက်အန္တရာယ်ထိခိုက်ခြင်းတို့ကို ဖြစ်စေနိုင်တာကြောင့် ဆရာဝန်ညွှန်ကြားချက်နဲ့ပဲ သုံးသင့်တဲ့ ဆေးဝါးဖြစ်ပါတယ်။
✅ ဆရာဝန်ညွှန်ကြားတဲ့အတိုင်း အတိအကျ သောက်သင့်ပြီး ဆေးပမာဏ အတိုးအလျှော့ လုပ်ခြင်း၊ ကြာရှည်သောက်နေရာမှ ရုတ်တရက်ရပ်ခြင်းတို့ကို မိမိသဘောနဲ့ မလုပ်သင့်ပါ။
✅ အိမ်မှာ ဒိုင်ယာဇီပန်သောက်သုံးနေရသူရှိပါက အထူးသဖြင့် ကလေးတွေအလွယ်တကူမယူနိုင်အောင် ဆေးတွေကို လုံခြုံစွာ သိမ်းဆည်းထားရပါမယ်။

ဘယ်သူတွေ မသောက်သင့်ဘူးလဲ
--------------------------------
◾ ဒိုင်ယာဇီပန်နဲ့ ဓာတ်မတည့်ရင်
◾ ကြွက်သားအားနည်းရောဂါ (myasthenia gravis) ရှိရင်
◾ ပြင်းထန်တဲ့ အသည်းရောဂါရှိရင်
◾ ထောင့်ကျဉ်းရေတိမ်ရောဂါရှိရင်
◾ အသက်ရှူရခက်ခဲတဲ့ ဝေဒနာရှိရင်
◾ အိပ်ရင်း ခေတ္တအသက်ရှူရပ်တဲ့ ရောဂါ sleep apneaရှိရင် မသောက်သင့်ပါ။
◾ ကိုယ်ဝန်ဆောင်နေရင်၊ မိခင်နို့တိုက်နေရင် မသောက်ရပါ။

ဘယ်လို ဘေးထွက်ဆိုးကျိုးရှိသလဲ
----------------------------------
▶ အလွန်အမင်း အိပ်ငိုက်ခြင်း၊ မူးဝေခြင်း
▶ ကြွက်သားအားနည်းခြင်း
▶ ပင်ပန်းခြင်း
▶ ကြွက်သားလှုပ်ရှားမှုဆိုင်ရာ ပြဿနာရှိခြင်းတို့ ဖြစ်တတ်ပါတယ်။

ဘာဆေးတွေနဲ့ တွဲမသောက်သင့်ဘူးလဲ
-------------------------------------
🔺 Opioid ပါတဲ့ အိပ်ဆေး၊ ကြွက်သားပြေလျော့စေတဲ့ဆေး၊ စိုးရိမ်စိတ်လျော့ပါးစေတဲ့ ဆေးနဲ့ အတက်ရောဂါကုသဆေးတွေ သောက်နေရင် ဆရာဝန်နဲ့ တိုင်ပင်ရပါမယ်။
🔺အသက်ရှူနှုန်းနှေးစေတဲ့ ဆေးဝါးတွေ၊ အရက်၊ အကိုက်အခဲပျောက်ဆေးအပြင်းစားတွေကို လတ်တလောသောက်ထားရင် ဒိုင်ယာဇီပန်က အသက်ရှူ နှုန်းပိုနှေးစေလို့ အထူးသတိပြုရပါမယ်။

အကြံပြုချက်
-------------
▶ ဒိုင်ယာဇီပန်ကို ဘယ်လောက်ကြာကြာ သောက်ထားသလဲဆိုတာပေါ်မှာ မူတည်ပြီး ဆေးစွဲစေတဲ့အတွက် ဆေးဖြတ်မယ်ဆိုရင် စိတ်ကျန်းမာရေးအထူးကုဆရာဝန်နဲ့ တိုင်ပင်ပြီး ဖြတ်သင့်ပါတယ်။
▶ နေ့တိုင်း ရေရှည် စွဲသောက်နေရင် ဆေးအာနိသင်ကောင်းကောင်း မပြတော့ဘဲ လျော့ကျလာတတ်ပါတယ်။
(Ref;(1)www.drugs.com/diazepam
(2) medlineplus.gov/druginfo/meds/a682047.html)
(လွတ်လပ်စွာ Share နိုင်ပါသည်။
စာများကို ကူးယူဖော်ပြခွင့် မပြုပါ)

05/04/2023

✔️✔️✔️သွေးမပျစ်အောင် ဘာတွေလုပ်ရမလဲ ဆိုရင်👇👇👇

✳️ ရေများများသောက်ရပါမယ် (ရေဓာတ်ပြည့်ဝနေမှ ပျစ်နေတာက ကျဲသွားမှာပါ)

✳️ သွေးနီဥတရားလွန်များစေတဲ့၊ ရောင်ရမ်းမှုတွေကို ဆိုးစေတဲ့ ဆေးလိပ် လုံးဝ လုံးဝ ဖြတ်ရပါမယ်

✳️ အဝ လွန်ခြင်းက ရောင်ရမ်းမှုတွေကို အားပေးတဲ့အတွက် ကိုယ်အလေးချိန်လျှော့ရပါမယ်

(ကိုဗစ်မှာ ဆုံးပါးသွားတဲ့ လူနာအများစုဟာ အသက်ကြီးကြီးငယ်ငယ် ဝ ဝ တုတ် တုတ် ချစ်စရာကြီးတွေ ဆိုတာ သတိပြုမိကြမယ် ထင်ပါတယ်)

✳️ လှုပ်ရှားမှုလေ့ကျင့်ခန်း၊ အသက်ရှူလေ့ကျင့်ခန်းတွေ လုပ်ပါ

✳️ Anti-oxidant တွေဆိုပြီး စျေးအလွန်ခေါင်ခိုက်နေတဲ့ ဆေးတွေ သောက်နိုင်တဲ့လူတွေက သောက်ကြသလို အဲ့ဒီ Anti-oxidant တွေက ဟင်းသီးဟင်းရွက်၊ အသီးအနှံတွေက ထုတ်ထားတာဖြစ်လို့ ဟင်းသီးဟင်းရွက်၊ အသီးအနှံတွေ များများစားပါ

✳️ စိတ်ဖိစီးမှု Stress က ဓာတ်တိုးမှု(Oxidation) တြွေဖစ်စေလို့ ရောင်ရမ်းမှုတွေ၊ အိုမင်းရင့်ရော်မှုတွေ ဖြစ်စေတဲ့အတွက် တတ်နိုင်သလောက် ပျော်ပျော်ရွှင်ရွှင် နေဖို့ကြိုးစားပါ။

✳️ အိပ်ရေးဝ ဝ (အိပ်ချိန်မှန်မှန်) အိပ်ပါ

Credit Dr ဘုန်းစည်သူလွင်

Photo:Google မှ ပြန်လည်စုစည်းသည် ။

Share by Nilar Htun