Sagaing Public Health

Sagaing Public Health Public Health

ကျန်းမာရေးဝန်ကြီးဌာန၊ ကုသရေးဦးစီးဌာနနှင့် အစားအသောက်နှင့်ဆေးဝါးကွပ်ကဲရေးဦးစီးဌာနတို့တွင် လစ်လပ်လျက်ရှိသော အောက်ဖော်ပြပါရ...
30/05/2026

ကျန်းမာရေးဝန်ကြီးဌာန၊ ကုသရေးဦးစီးဌာနနှင့် အစားအသောက်နှင့်ဆေးဝါးကွပ်ကဲရေးဦးစီးဌာနတို့တွင် လစ်လပ်လျက်ရှိသော အောက်ဖော်ပြပါရာထူးနေရာများအတွက် ပြည်ထောင်စုရာထူးဝန်အဖွဲ့၊ ရုံးအမှတ် (၁၇)၊ နေပြည်တော်နှင့်ပြည်ထောင်စုရာထူးဝန်အဖွဲ့ (ရန်ကုန်ရုံးခွဲ)၊ အမှတ်(၆၅)၊ အဝေရာလမ်း၊ မေတ္တာညွန့်ရပ်ကွက်၊ တာမွေမြို့နယ်(သို့မဟုတ်) တိုင်းဒေသကြီးနှင့် ပြည်နယ်အစိုးရအဖွဲ့ရုံးများ၌ လျှောက်လွှာဝယ်ယူ၍ ၂၉-၆-၂၀၂၆ ရက်နေ့နောက်ဆုံးထားပြီး ပြည်ထောင်စုရာထူးဝန်အဖွဲ့၊ ရုံးအမှတ်(၁၇)၊ နေပြည်တော်သို့ လူကိုယ်တိုင်(သို့မဟုတ်) စာတိုက်မှတစ်ဆင့် ပေးပို့လျှောက်ထားနိုင်ပါကြောင်းအသိပေးအပ်ပါသည်။

21/05/2026

♦️(၂၀-၅-၂၆ )နေ့မှစ၍ စစ်ကိုင်းပြည်သူ့ဆေးရုံကြီးတွင် အသက် (၃၅) နှစ်နှင့် (၄၉) နှစ်ကြား အမျိုးသမီးများ
သားအိမ်ခေါင်းကင်ဆာ အခမဲ့ လာရောက်စစ်ဆေးနိုင်ပါသည်။
♦️ရောဂါတွေ့ရှိပါက (ခွဲစိတ်ရန် မလိုသေးပါက) ချက်ချင်းပျောက်ကင်းအောင် ကုသပေ:မည်ဖြစ်ပါသည်။
♦️နီးစပ်ရာ အသိပေး ဖြန့်ဝေပေးကြပါရန်ပန်ကြားအပ်ပါသည်။

🔺တောင်ကြာပန်းအပါအဝင်အမျိုးသားအားတိုးဆေးများအား သုံးစွဲရန်မသင့်ကြောင်းကြေငြာ။ ရောင်းချပါက ဥပဒေအရအရေးယူခံရမည်။🔺အနောက်တိုင်...
17/05/2026

🔺တောင်ကြာပန်းအပါအဝင်အမျိုးသားအားတိုးဆေးများအား သုံးစွဲရန်မသင့်ကြောင်းကြေငြာ။ ရောင်းချပါက ဥပဒေအရအရေးယူခံရမည်။
🔺အနောက်တိုင်းဆေးဝါးများရောနှောထားသဖြင့် အလွန်အကျွံသုံးစွဲပါက (အထူးသဖြင့် သွေးတိုး၊နှလုံးရောဂါရှိသူများ)နှလုံးရပ်သေဆုံးနိုင်ပါသည်။

🏴‍☠️☠️အပျော်စီးသင်္ဘောကြီးပေါ်က သေမင်းတမန်(သို့)ကြွက်မှတစ်ဆင့်ကူးစက်တတ်သည့် ဟန်းတာဗိုင်းရပ်စ် (Hantavirus)ရောဂါရေးသားသူ-...
16/05/2026

🏴‍☠️☠️အပျော်စီးသင်္ဘောကြီးပေါ်က သေမင်းတမန်(သို့)
ကြွက်မှတစ်ဆင့်ကူးစက်တတ်သည့် ဟန်းတာဗိုင်းရပ်စ် (Hantavirus)ရောဂါ

ရေးသားသူ-ဒေါက်တာသန်းနိုင်စိုး၊
ဒေါက်တာတိုးသီရိအောင်(ကျန်းမာရေးဝန်ကြီးဌာန)
အာဂျင်တီးနားနိုင်ငံ၊ အူဆွားရာ (Ushuaia) ဆိပ်ကမ်းမှ (၁-၄-၂၀၂၆) ရက်နေ့တွင် ထွက်ခွာခဲ့ သည့် နယ်သာလန်နိုင်ငံ အလံလွှင့်ထူထားသော အမ်ဗွီ ဟွန်ဒီယက်ဇ် (MV Hondius) အပျော်စီး သင်္ဘောခရီးစဉ်တွင် လိုက်ပါလာသည့်ခရီးသည်အချို့၌ ဖျားနာခြင်း၊ အသက်ရှူရခက်ခဲခြင်းနှင့် အဆုတ်ရောင်လက္ခဏာများပေါ်ပေါက်ခံစားရလာခဲ့သည်ကိုတွေ့ရှိခဲ့ရကြောင်းနှင့် အဆိုပါရောဂါ လက္ခဏာများသည် ဟန်းတာဗိုင်းရပ်စ် အဆုတ်ရောင်ရောဂါ လက္ခဏာစု (Hantavirus Pulmonary Syndrome-HPS) နှင့် ဆင်တူသဖြင့် ဓာတ်ခွဲစစ်ဆေး ကြည့်ရာ ဟန်းတာဗိုင်းရပ်စ်ပိုး ကူးစက်ခံ ထားရသည်ကို တွေ့ရှိရကြောင်း ကမ္ဘာ့ကျန်းမာရေးအဖွဲ့၏ ထုတ်ပြန်ချက်များအရ သိရှိရပါသည်။ အဆိုပါသင်္ဘောပေါ်တွင် (၈-၅-၂ဝ၂၆) ရက်နေ့ အထိ ဟန်းတာဗိုင်းရပ်စ်ရောဂါကူးစက်ဖြစ်ပွားသူ (၈)ဦးရှိခဲ့ပြီး ၎င်းတို့အနက် အသက် (၇၀) အရွယ် ဒတ်ခ်ျလူမျိုး အမျိုးသားတစ်ဦး၊ ၎င်း၏ဇနီးနှင့် ဂျာမန်လူမျိုး အမျိုးသမီးတစ်ဦး စုစုပေါင်း(၃) ဦးသည် ရောဂါကြောင့်သေဆုံးခဲ့ကြောင်း သိရှိရပါသည်။

ဟန်းတာဗိုင်းရပ်စ်ပိုးသည် ကြွက်မှတစ်ဆင့် လူတို့ထံကူးစက်တတ်သော ရောဂါပိုးဖြစ်ပြီး သာမန်အားဖြင့် လူမှလူသို့ ကူးစက်လေ့မရှိသော်လည်း ယခုတွေ့ရှိရသည့် ဗိုင်းရပ်စ်ပိုးသည် ဟန်းတာ ဗိုင်းရပ်စ်ပိုး၏ လူအချင်းချင်းကူးစက်နိုင်သည့်ရှားပါးမျိုးစိတ် Andes virus (ANDV) ဖြစ်ကြောင်း သိရှိရ၍ ကမ္ဘာ့ကျန်းမာရေးအဖွဲ့အပါအဝင် ကမ္ဘာတစ်ဝှမ်းရှိ ပြည်သူ့ကျန်းမာရေးပညာရှင်များက ရောဂါကူးစက်မှုများနှင့်ပတ်သက်၍စောင့်ကြပ်ကြည့်ရှုလျက်ရှိသည်ကို တွေ့ရှိရပါသည်။

သို့ဖြစ်ပါ၍ ဟန်းတာဗိုင်းရပ်စ်ရောဂါနှင့်ပတ်သက်၍ မိဘပြည်သူများ သိရှိသတိပြုနိုင်ကြ စေရန် အောက်ဖော်ပြပါမေးခွန်းနှင့်အဖြေများကို တင်ပြလိုက်ရပါသည် –

အမေး ။ ဟန်းတာဗိုင်းရပ်စ်ရောဂါ ဆိုတာဘာလဲ။

ဖြေ ။ ဟန်းတာဗိုင်းရပ်စ်ရောဂါသည် ဟန်းတာဗိုင်းရပ်စ်ရောဂါပိုးကြောင့်ဖြစ်ပွားပြီး အဆိုပါ ဗိုင်းရပ်စ်သည် ကြွက်များ (rodents)တွင် သဘာဝအလျောက်ရှိနေနိုင်ပြီး ကြွက်မှတစ်ဆင့် လူသို့ကူး စက်စေ၍ ပြင်းထန်သော အဆုတ်ရောင်ရောဂါ သို့မဟုတ် ကျောက်ကပ်ပျက်စီးသည့်ရောဂါများ ဖြစ်ပွားစေနိုင်ပါသည်။ ဟန်းတာဗိုင်းရပ်စ်သည်ပုံမှန်အားဖြင့် လူအချင်းချင်း ကူးစက်လေ့မရှိဘဲ ၎င်း၏ ရှားပါးမျိုးစိတ် Andes virus (ANDV)အနေဖြင့် လူအချင်းချင်းကူးစက်နိုင်သည်ကို တွေ့ရှိရပါသည်။

အမေး ။ ဟန်းတာဗိုင်းရပ်စ်သည် လူကို ဘယ်လိုကူးစက်နိုင်သလဲ။

ဖြေ ။ ဟန်းတာဗိုင်းရပ်စ်ရောဂါပိုးရှိသော ကြွက်များ၏ မစင်၊ ဆီး သို့မဟုတ် တံတွေးများ ကပ်ငြိ နေသည့် အစက်အမှုန်များအား ရှူရှိုက်မိခြင်းနှင့် ထိတွေ့မိခြင်း၊ ဗိုင်းရပ်စ်ပိုးပါရှိသည့် မသန့်ရှင်းသော အစားအစာများကို စားသောက်မိခြင်း၊ ရောဂါပိုးကူးစက်ခံရသူနှင့် အလွန်နီးကပ်ပြီး အချိန်ကြာမြင့်စွာ ထိတွေ့မှုရှိခြင်းနှင့် ရောဂါပိုးရှိသော အရာဝတ္ထုများကို ကိုင်တွယ်ပြီး ပါးစပ် သို့မဟုတ် နှာခေါင်းကို ကိုင်တွယ်မိခြင်းတို့မှတစ်ဆင့် ကူးစက်နိုင်ပါသည်။

ဟန်းတာဗိုင်းရပ်စ်သည် ပုံမှန်အားဖြင့် လူအချင်းချင်းကူးစက်လေ့မရှိသော်လည်း ယခု အမ်ဗွီ ဟွန်ဒီယက်ဇ် (MV Hondius) အပျော်စီးသင်္ဘောပေါ်တွင် တွေ့ရှိရသည့် Andes virus (ANDV) မျိုးစိတ်သည် လူအချင်းချင်းကူးစက်နိုင်သည့် ရှားပါးမျိုးစိတ်ဖြစ်ကြောင်းသိရသည်။ အဆိုပါ Andes virus (ANDV) မျိုးစိတ်သည် တောင်အမေရိကတွင် အဓိကတွေ့ရသောမျိုးကွဲဖြစ်ပြီး လူတစ်ဦးမှ တစ်ဦးသို့ ကူးစက်သည့်ဖြစ်စဉ်အနည်းငယ် ရှိခဲ့ဖူးပါသည်။ သို့ရာတွင် လူအချင်းချင်းကူးစက်မှု ဖြစ်ပွား ရန် ရောဂါလက္ခဏာပြနေသောလူနာနှင့် အချိန်ကြာမြင့်စွာ အနီးကပ်ထိတွေ့မှုရှိရန်လိုအပ်ကြောင်း သိရပါသည်။

မေး ။ ဟန်းတာဗိုင်းရပ်စ်ကူးစက်ခံရပါကမည်သည့်ရောဂါလက္ခဏာများကိုခံစားရပါသလဲ။

ဖြေ ။ ဟန်းတာဗိုင်းရပ်စ်နှင့်ထိတွေ့ပြီးနောက် ရောဂါပျိုးရက်အနေဖြင့် အများအားဖြင့် ရက်သတ္တ ပတ် (၁) ပတ်မှ (၆) ပတ်အတွင်းတွင် ရောဂါလက္ခဏာများ စတင်ပေါ်ပေါက်လာတတ် ပါသည်။

အစောပိုင်း လက္ခဏာများ အနေဖြင့် တုပ်ကွေးရောဂါလက္ခဏာများကဲ့သို့ ဖျားခြင်း၊ မောပန်း နွမ်းနယ်ခြင်း၊ ကြွက်သားများ ပြင်းထန်စွာ ကိုက်ခဲခြင်း၊ ခေါင်းကိုက်ခြင်း၊ မူးဝေခြင်း၊ ချမ်းတုန်ခြင်းနှင့် ပျို့အန်ခြင်း၊ ဝမ်းလျှောခြင်း သို့မဟုတ် ဗိုက်နာခြင်း စသည့် အစာအိမ်နှင့် အူလမ်းကြောင်းဆိုင်ရာ လက္ခဏာများ ဖြစ်ပေါ်တတ်ပါသည်။

၎င်းနောက် ဆက်လက်၍ ၄ ရက်မှ ၁၀ ရက်ခန့်အကြာတွင် ရောဂါလက္ခဏာများလျင်မြန်စွာ ဆိုးရွားလာတတ်ပြီး အဆုတ်ရောင်ရောဂါလက္ခဏာများနှင့် ပြင်းထန်အသက်ရှူလမ်းကြောင်း ဆိုင်ရာ ရောဂါလက္ခဏာများဖြစ်သည့် ချောင်းဆိုးခြင်း၊ အသက်ရှူရခက်ခဲလာခြင်းနှင့် အဆုတ်ရောင်၍ ရင်ဘတ်အောင့်ခြင်းတို့ ဖြစ်ပွားလာနိုင်ပါသည်။ ထို့ပြင် ကျောက်ကပ်ထိခိုက်ခြင်းနှင့် သွေးလန့်ခြင်း လက္ခဏာများဖြစ်သည့် သွေးပေါင်ကျခြင်း၊ သွေးယိုစိမ့်ခြင်း၊ သွေးလန့်ခြင်း၊ ဆီးနည်းခြင်း၊ ‌ကျောက်ကပ်အလုပ်မလုပ်တော့၍ ဆီးမထွက်တော့ခြင်း အစရှိသည့် ပြင်းထန်ရောဂါလက္ခဏာများ ကို ခံစားရနိုင်ပြီး ရောဂါပြင်းထန်စွာခံစားရပါက ရောဂါကြောင့်သေဆုံးမှုနှုန်းမှာ (၃၀) မှ (၅၀) ရာခိုင်နှုန်းအထိ ရှိနိုင်ပါသည်။

မေး ။ ဟန်းတာဗိုင်းရပ်စ်ကူးစက်ခံရပါက ကုသပျောက်ကင်းနိုင်ပါသလား။

ဖြေ ။ လက်ရှိအချိန်အထိ ဟန်းတာဗိုင်းရပ်စ်ရောဂါအတွက် ခွင့်ပြုထားသော သီးသန့်ကုသဆေး၊ ကာကွယ်ဆေး သို့မဟုတ် ဗိုင်းရပ်စ်သတ်ဆေး (antiviral) မရှိသေးသော်လည်း စောစီးစွာ အချိန်မီ ကုသမှုခံယူခြင်းဖြင့် ရောဂါပြင်းထန်စွာ ခံစားရမှုနှင့် သေဆုံးမှုတို့ကို လျှော့ချပေးနိုင်ပါသည်။

မေး ။ ဟန်းတာဗိုင်းရပ်စ် ကူးစက်မှုကို ဘယ်လိုကာကွယ်နိုင်မလဲ။

ဖြေ ။ ဟန်းတာဗိုင်းရပ်စ်ကို ကာကွယ်ရန် အကောင်းဆုံးနည်းလမ်းမှာ ကြွက်များ၊ ၎င်းတို့၏ အညစ် အကြေးများနှင့်ထိတွေ့မှုကို အတတ်နိုင်ဆုံး ရှောင်ရှားရန်ဖြစ်ပါသည်။ မိမိနေထိုင်ရာ ပတ်ဝန်းကျင် တွင် ကြွက်များနေထိုင်ခြင်းနှင့် ပေါက်ပွားခြင်းမပြုနိုင်ရန်နှင့် မိမိနေထိုင်ရာအိမ်အတွင်း ကြွက်များ မဝင်ရောက်နိုင်ရန် အဓိကအလေးထား ဆောင်ရွက်ရမည်ဖြစ်ပြီး အောက်ဖော်ပြပါအချက် တို့ကို သတိပြုဆောင်ရွက်ရမည်ဖြစ်ပါသည် –

(က) ပတ်ဝန်းကျင်သန့်ရှင်းရေးသတိပြုဆောင်ရွက်ပါ – အမှိုက်များကို စနစ်တကျစွန့်ပစ်ပါ၊ အစား အစာအကြွင်းအကျန်များ စနစ်တကျစွန့်ပစ်ခြင်း၊ သန့်ရှင်းစွာနေထိုင်ခြင်းတို့ဖြင့် အိမ်နှင့် ပတ်ဝန်းကျင်ကို သန့်ရှင်းစွာထားရှိပါ၊ အစားအစာနှင့် ရေများကို လုံခြုံစွာဖုံးအုပ်ထားပါ။

(ခ) ကြွက်ဝင်ပေါက်များကိုပိတ်ဆို့ထားပါ – အိမ်၊ ကားဂိုဒေါင်၊ စပါးကျီနှင့် သိုလှောင်ရုံများ သို့မဟုတ် လုပ်ငန်းခွင်နေရာများသို့ကြွက်များဝင်ရောက်နိုင်သည့်အပေါက်များကို လုံခြုံအောင် ပိတ်ဆို့ထားပါ။

(ဂ) လုံခြုံစွာ သန့်ရှင်းရေးဆောင်ရွက်ပါ – ကြွက်ချေး၊ ဆီး စသည့်ကြွက်၏ အညစ်အကြေးများ သို့မဟုတ် ကြွက်သိုက်များကို ရှင်းလင်းခြင်းနှင့် တံမြက်စည်းလှဲခြင်းတို့ ပြုလုပ်ရာတွင် ဗိုင်းရပ်စ်ပိုးများကို လေထဲသို့ လွင့်ပျံမသွားစေရန် စိုစွတ်စေသည့် နည်းလမ်းဖြင့် ဆောင်ရွက်ရ ပါမည်။ အညစ်အကြေးများရှိသည့်နေရာကို ပိုးသတ်ဆေး (ဥပမာ – ကလိုရင်းအရည်/ ချွတ် ဆေးရည်နှင့် ရေ ရောစပ်ထားသောအရည်) သို့မဟုတ် အရက်ပြန်ဖြင့် သေချာစွာစိုရွှဲနေအောင် ဖြန်းပြီးမှ သတိပြု၍သုတ်သင်ဖယ်ရှားပါ။ ကြွက်များရှိနေနိုင်သည့် နေရာများကို သန့်ရှင်းရေး လုပ်ရာတွင် ရော်ဘာလက်အိတ်များနှင့် မျက်နှာနှင့် အံဝင်ခွင်ကျဖြစ်သော ပါးစပ်နှင့်နှာခေါင်း စည်း (ဥပမာ – N95 Mask) ကို စနစ်တကျတပ်ဆင်ပါ၊ သန့်ရှင်းရေးလုပ်ပြီးတိုင်း လက်ကို ဆပ်ပြာနှင့်ရေ သိုမဟုတ် ရေမလိုလက်သန့်စင်ဆေးရည် အသုံးပြု၍ စင်ကြယ်စွာ စနစ်တကျ ဆေးကြောပါ။

အမေး ။ မြန်မာနိုင်ငံတွင် ဟန်းတာဗိုင်းရပ်စ်ရောဂါ ဖြစ်ပွားနိုင်ခြေနဲ့ ပတ်သက်ပြီး စိုးရိမ်စရာ ရှိသလား။

အဖြေ ။ ဟန်းတာဗိုင်းရပ်စ်သည် ကိုဗစ်-၁၉ ရောဂါနှင့်မတူဘဲ လူမှလူသို့ တိုက်ရိုက်အလွယ်တကူ မကူးစက်နိုင်ခြင်း၊ အချိန်ကြာကြာ နီးကပ်စွာထိတွေ့မှုရှိမှသာ ကူးစက်နိုင်ကြောင်း အထောက်အထား များရှိခြင်းတို့ကြောင့် ကိုဗစ်-၁၉ ရောဂါကဲ့သို့ ပြည်သူလူထုအတွင်း ဆက်လက်ကူးစက်ပျံ့နှံ့နိုင်ခြေ နည်းပါးကြောင်းတွေ့ရှိရပါသည်။

ကမ္ဘာတစ်ဝှမ်းတွင် ဟန်းတာဗိုင်းရပ်စ် ကူးစက်မှုနှင့် ရောဂါဖြစ်ပွားမှုနှုန်း နည်းပါးပြီး (၂၀၂၅) ခုနှစ် အတွင်း အမေရိကတိုက်ရှိ နိုင်ငံ (၈) နိုင်ငံစုစုပေါင်းတွင် လူနာ (၂၂၉) ဦးနှင့် သေဆုံးသူ (၅၉) ဦး ရှိခဲ့ကြောင်းသိရပြီး အရှေ့အာရှဒေသတွင်မူ လွန်ခဲ့သည့်နှစ်များအတွင်း ရောဂါဖြစ်ပွားမှုနှုန်းမှာ လျော့ကျလာခဲ့ကြောင်းသိရပါသည်။

ကမ္ဘာ့ကျန်းမာရေးအဖွဲ့၏ထုတ်ပြန်ချက်များအရ လက်ရှိအချိန်အထိ ဟန်းတာဗိုင်းရပ်စ် ရောဂါသည် မြန်မာနိုင်ငံအပါအဝင် ကမ္ဘာ့နိုင်ငံများတွင် လူတစ်ဦးမှ လူတစ်ဦးသို့ ကူးစက်နိုင်ခြေ နည်းပါးသည့်အဆင့် (low risk) အဖြစ်သာ သတ်မှတ်ထားပါသည်။

ကျန်းမာရေးဝန်ကြီးဌာနအနေဖြင့် ဟန်းတာဗိုင်းရပ်စ်ရောဂါ စောင့်ကြပ်ကြည့်ရှုရေးလုပ်ငန်း များနှင့် အသိပညာပေးလုပ်ငန်းများကို အထူးအလေးထားဆောင်ရွက်လျက်ရှိပါသည်။ ကမ္ဘာ့ ကျန်းမာရေးအဖွဲ့နှင့် ချိတ်ဆက်၍ လတ်တလောရောဂါကူးစက်ဖြစ်ပွားမှုအခြေအနေများကို စောင့် ကြည့်လျက်ရှိပြီး နိုင်ငံဖြတ် ကျော်ဝင်၊ ထွက်ပေါက်များဖြစ်သော လေဆိပ်၊ ဆိပ်ကမ်းနှင့် နယ်စပ် ဂိတ်များတွင် ရောဂါစောင့်ကြပ်ကြည့်ရှုခြင်းနှင့် ကာကွယ်ထိန်းချုပ်ရေးဆိုင်ရာ လုပ်ငန်းများကို စဉ်ဆက် မပြတ်ဆောင်ရွက်လျက်ရှိပါသည်။

နိုင်ငံတကာသင်္ဘောများ ဝင်/ထွက်မှု ရှိသော ရန်ကုန်ဆိပ်ကမ်းတွင်လည်း ပြည်ပပင်လယ်ကူး သင်္ဘောများအား ကူးစက်ရောဂါ စောင့်ကြပ်ကြည့်ရှုခြင်း၊ ကမ္ဘာ့ကျန်းမာရေးအဖွဲ့၏ အသိအမှတ်ပြု ပင်လယ်ကူး သင်္ဘောများ ကူးစက်ရောဂါ ကင်းရှင်းကြောင်းနှင့် သန့်ရှင်းမှုရှိကြောင်း စစ်ဆေးခြင်း လက်မှတ်ထုတ်ပေးခြင်းများကို ပုံမှန်ဆောင် ရွက်လျက်ရှိပါသည်။

လတ်တလောအနေဖြင့် နိုင်ငံတကာ အပျော်စီးသင်္ဘောပေါ်တွင် ဟန်းတာဗိုင်းရပ်စ်ရောဂါ ကူးစက်ဖြစ်ပွားမှု‌နှင့်ပတ်သက်၍ မြန်မာနိုင်ငံသို့ ဝင်ရောက်ကူးစက်မှုမရှိစေရေးအတွက် တိုင်းဒေသ ကြီး/ပြည်နယ်ပြည်သူ့ကျန်းမာရေးဦးစီးဌာနများ၊ အပြည်ပြည်ဆိုင်ရာ လေဆိပ်နှင့် ဆိပ်ကမ်းများတွင် ရောဂါစောင့်ကြပ်ကြည့်ရှုခြင်းအား တိုးမြှင့်ဆောင်ရွက်ခြင်း၊ အထူးသဖြင့် အပြည်ပြည်ဆိုင်ရာ လေဆိပ် များတွင် ကိုယ်အပူချိန်နှင့် ကူးစက်ရောဂါလက္ခဏာစောင့်ကြပ်ကြည့်ရှုခြင်း၊ အပြည်ပြည်ဆိုင်ရာ ဆိပ်ကမ်းများတွင် ကမ္ဘာ့ကျန်းမာရေးအဖွဲ့မှ ထုတ်ပြန်ချက်နှင့်အညီ ရောဂါရှာဖွေစစ်ဆေးခြင်း၊ စုံစမ်း စစ်ဆေးခြင်း၊ သတင်းပို့ခြင်း၊ ကုသမှုပေးခြင်း၊ ကူးစက်ရောဂါကာကွယ် ထိန်းချုပ်ခြင်းနှင့် သင်္ဘော ပေါ်တွင် ပြည်သူ့ကျန်းမာရေးစီမံခန့်ခွဲခြင်းလုပ်ငန်းများကို သင်္ဘောလုပ်ငန်း ဆောင်ရွက်သူများနှင့် နီးကပ်စွာပူးပေါင်း၍ ဆောင်ရွက်ရမည့်လုပ်ငန်းများ အားဖြည့်ဆောင်ရွက်လျက်ရှိပါသည်။

ရောဂါသံသယရှိသူများ ပေါ်ပေါက်လာပါကလည်း ဆေးကုသရေး လုပ်ငန်းများကို အချိန်နှင့် တစ်ပြေးညီဆောင်ရွက်နိုင်ရန် ပြည်သူ့ဆေးရုံများတွင်ကြိုတင်ပြင်ဆင်ခြင်းလုပ်ငန်းများကို ဆောင် ရွက်ထားရှိပြီးဖြစ်ပါသည်။ သို့ဖြစ်၍ လက်ရှိအချိန်တွင် ဟန်းတာဗိုင်းရပ်စ်ရောဂါဖြစ်ပွားမှုနှင့် ပတ်သက်၍ မိဘပြည်သူများအနေဖြင့် ကြွက်မှတစ်ဆင့်ကူးစက်တတ်သောရောဂါများကို ကာကွယ် နိုင်ရန်အတွက် ပတ်ဝန်းကျင်သန့်ရှင်းရေးလုပ်ငန်းများနှင့် ကြွက်နှိမ်နင်းရေးလုပ်ငန်းများကို အလေး ထားဆောင်ရွက်ရန် လိုအပ်ပြီး ဟန်းတာဗိုင်းရပ်စ်ရောဂါကူးစက်ဖြစ်ပွားမှုများနှင့် ပတ်သက်၍ အထူး စိုးရိမ်ကြောင့်ကြရန် မလိုအပ်ပါကြောင်း တင်ပြလိုက်ရပါသည်။

15/05/2026

သွေးတိုးနှင့်ဆီးချိုရောဂါရှိသူများ၊စစ်ဆေးလိုသူများ အနေဖြင့် ကျန်းမာရေးဌာများတွင် အခမဲ့ စစ်ဆေးကုသမှုခံယူနိုင်ပါသည်။
🔺ခရိုင်ပြည်သူ့ကျန်းမာ(ထူပါရုံလမ်း)-ဗုဒ္ဓဟူးနေ့တိုင်း
🔺တောင်ရိုးကျန်းမာရေးဌာန- တနင်္လာ/ဗုဒ္ဓဟူးနေ့တိုင်း
🔺ရွှေမင်းဝံဒေသန္တရ- တနင်္လာ/ဗုဒ္ဓဟူးနေ့တိုင်း။

01/05/2026

စစ်ကိုင်းမြို့ရပ်ကွက်များရှိ အောက်ပါစုရပ်များတွင် လစဉ် ၁(သို့)၂ရက်နေ့များတွင် အသက်(၅)နှစ်အောက်ကလေးများအား ကာကွယ်ဆေးထိုးနှံခြင်း၊ ကိုယ်အလေးချိန်ခြင်း၊သန်ချဆေးတိုက်ကျွေးခြင်း၊ဗီတာမင်အေတိုက်ကျွေးခြင်း၊အာဟာရစောင့်ရှောက်ခြင်း၊ကိုယ်ဝန်ဆောင်မိခင်များအား အာဟာရစောင့်ရှောက်ခြင်း၊ ကိုယ်ဝန်ဆောင်စောင့်ရှောက်ခြင်း၊မေးခိုင်ကာကွယ်ဆေးထိုးနှံခြင်း၊အမျိုးသမီးများအား သားဆက်ခြားခြင်း၊အားဆေးများထောက်ပံ့ခြင်းများအား အခမဲ့ ဆောင်ရွက်ပေးလျှက်ရှိပါကြောင်း အသိပေးအပ်ပါသည်။

-ပန်းဘဲတန်းရပ်ကွက်(ဆင်နှစ်ကောင်ကျောင်းတိုက်)
-မိုးဇာရပ်ကွက်(မိုးဇာဓမ္မာရုံ)
-ဧမြဝတီရပ်ကွက်(ဧမြဥယျာဉ်ကျောင်းတိုက်)
-ရွာထောင်ရပ်ကွက်(ဓာတ်ပေါင်းစုဘုရား)
-မီးရထားရပ်ကွက်(မီးရထားဓမ္မာရုံ)
-ဇေယျာရပ်ကွက်(ဇေယျာဓမ္မာရုံ)
-ထွဋ်ခေါင်ရပ်ကွက်(ထွဋ်ခေါင်ဓမ္မာရုံ)
-ဝါးချက်ရွာ(အုပ်ချုပ်ရေးမှူးရုံး)
-ပါရမီရပ်ကွက်(စည်းခုံကြီးဘုရား)
-စိန်ကုန်းရပ်ကွက်(အုပ်ချုပ်ရေးမှူးရုံး)
-မြို့သစ်ရပ်ကွက်(ရန်အောင်မြေဘုရားဓမ္မာရုံ)
-တကောင်းရပ်ကွက်(ရွှေဆည်းလည်းဘုရား)
-မြရတနာရပ်ကွက်(အုပ်ချုပ်ရေးမှူးရုံး)
-နီလာရပ်ကွက်(မြင့်မြတ်သူလူမှုကူညီရေးအသင်းရုံး)

-သစ္စာရှင်၊မေတ္တာရှင် စတဲ့ နိုင်ငံခြားအကိုက်အခဲပျောက်ဆေးရောနှောထားသောတိုင်းရင်းဆေးများ။-အဆိုပါဆေးများသောက်လျှင် အစာအိမ်သ...
29/04/2026

-သစ္စာရှင်၊မေတ္တာရှင် စတဲ့ နိုင်ငံခြားအကိုက်အခဲပျောက်ဆေးရောနှောထားသောတိုင်းရင်းဆေးများ။
-အဆိုပါဆေးများသောက်လျှင် အစာအိမ်သွေးကြောပေါက်မယ်၊အစာအိမ်သွေးယိုမယ်။
🔺ရောင်းချလျှင်ဥပဒေနဲ့အညီ အရေးယူပါမည်။

25/04/2026

မျိုးဆက်တိုင်းကိုကာကွယ်ထား၊ကာကွယ်ဆေး၏စွမ်းပကား
World Immunization Week

24/04/2026

🔺လက်ရှိတွင် နေ့အပူချိန်များမြင့်တက်နေပါသဖြင့် စစ်ကိုင်းမြို့၊မြို့တော်ခန်းမတွင် သက်ကြီးရွယ်အိုများနားနေနိုင်ရန် (၂၅.၄.၂၆)ရက်နေ့(စနေနေ့)မှစ၍ အပူရှောင်စခန်းစတင်ဖွင့်လှစ်သွားမည်ဖြစ်ပါသည်။
🔺နေ့စဉ်နံနက်(၉)နာရီမှ ညနေ(၅)နာရီထိဖွင့်လှစ်ပေးသွားမည်ဖြစ်ပြီး (၂၄)နာရီမီးပြတ်တောက်မှုမရှိပဲ Air-coolerများ၊ပန်ကာများဖြင့် အေးဆေးစွာအနားယူနိုင်ရန်ရည်ရွယ်ပါသည်။
🔺ခရိုင်ပြည်သူ့ကျန်မာရေးဌာနမှ ကျန်းမာရေးဝန်ထမ်းများမှ အပူကြောင့်ဖြစ်တတ်သောကျန်းမာရေးပြဿနာများအပြင်အခြားကျန်းမာရေးအခြေအနေများအတွက် ဓာတ်ဆား၊ဆေးဝါးအစုံအလင်ဖြင့် အချိန်ပြည့်ဆေးအဖွဲ့ထားရှိ၍ကျန်းမာရေးစောင့်ရှောက်မှုပေးသွားမည်ဖြစ်ပါသည်။ အရေးပေါ်ကျန်းမာရေးအခြေအနေများအတွက် လူနာတင်ယာဉ် အဆင်သင့်ပြင်ဆင်ထားရှိပါသည်။
🔺လာရောက်အပူရှောင်သူများအေးဆေးစွာအနားယူနိုင်ရန် ဖျာ/ခေါင်းအုံးများ၊သောက်သုံးရေ၊အိမ်သာ၊အပျင်းပြေဖတ်ရှုရန် စာအုပါစာပေများစီစဉ်ထားရှိပါသဖြင့် မည်သူမဆို လာရောက်အနားယူနိုင်ပါကြောင်းအသိပေးအပ်ပါသည်။

🔺ဆက်လက်ပြီးရွာထောင်ရပ်ကွက်ရှိ ရွာထောင်ကျောင်းတိုက်နှင့် စစ်ကိုင်းမြို့ကမ်းနားလမ်းတွင်လည်း အပူရှောင်စခန်းများ ဆက်လက်ဖွင့်လှစ်သွားမည်ဖြစ်ပါသည်။

နေ့အပူချိန်များ မြင့်တက်နေပါသဖြင့် အပူဒဏ်အန္တရာယ် သတိပြုကာကွယ်ကြပါရန်။
23/04/2026

နေ့အပူချိန်များ မြင့်တက်နေပါသဖြင့် အပူဒဏ်အန္တရာယ် သတိပြုကာကွယ်ကြပါရန်။

အပူဒဏ်သတိပြုပါရန်
19/04/2026

အပူဒဏ်သတိပြုပါရန်

Address

Htuparyone Street
Sagaing

Opening Hours

Monday 09:00 - 16:00
Tuesday 09:00 - 16:00
Wednesday 09:00 - 16:00
Thursday 09:00 - 16:00
Friday 09:00 - 16:00

Telephone

+957221186

Website

Alerts

Be the first to know and let us send you an email when Sagaing Public Health posts news and promotions. Your email address will not be used for any other purpose, and you can unsubscribe at any time.

Shortcuts

Share

Category