06/12/2023
ချွဲကြပ် ခြင်း
➡️ရာသီဥတုအေးလာတဲ့အခါ လည်ချောင်းထဲက နာသလိုလို၊ ချောင်းဆိုးချင်သလိုလို၊ ချွဲကြပ် ချင်သလိုလိုဖြစ်တတ်ပါတယ်။ အေးမြတဲ့ အနေအထားမှာ ရောဂါပိုးတွေက ပိုမိုရှင်သန်ပေါက်ဖွားလွယ်တာက ချောင်းဆိုးချွဲကြပ်တာနဲ့ လည်ချောင်းနာတာမျိုးတွေကို အလွယ်တကူဖြစ်စေနိုင်ပါတယ်။ ဆောင်းရာသီမှာ အဖြစ်အများဆုံးနဲ့ ခံစားရတော်တော်လေးခက်တာက ချွဲကြပ်တာပါ။
➡️ချွဲကြပ်တာ အရမ်းပြင်းထန်တဲ့အခါ ရင်ဘတ်ထဲမှာနေရခက်ပြီး အသက်ရှူရကြပ်တာမျိုး ခံစားရနိုင်ပါတယ်။ ချွဲကြပ်တာက တစ်ခါတလေမှာ ပန်းနာရင်ကျပ်ရောဂါ၊ နာတာရှည်လေပြွန်ရောင်ရမ်းမှုဝေဒနာနဲ့ နှလုံးရောဂါတွေရဲ့ ရှေ့ပြေးလက္ခဏာတွေ ဖြစ်နေတတ်ပါသေးတယ်။ သင့်အနေနဲ့ ချောင်းဆိုးတာက အချိန်တော်တော်ကြာတဲ့အထိ မသက်သာဘဲဖြစ်နေမယ်ဆိုရင်တော့ ဆရာဝန်နဲ့ သွားရောက်ပြသပေးတာ အကောင်းဆုံးဖြစ်မှာပါ။
➡️ချွဲကြပ် ခြင်း
ချောင်းဆိုးတာက ပုံမှန်အားဖြင့်ကတော့ အဆုတ်နဲ့ လေပြွန်ထဲမှာရှိနေတဲ့ ချွဲသလိပ်တွေကို ခန္ဓာကိုယ် အပြင်ဘက်ကို ထုတ်ပေးတာပါ။ ချွဲကြပ်တဲ့အခါမှာတော့ ချွဲတွေက ပိုထူပြီး ခန္ဓာကိုယ်ပြင်ပကို ထွက်ရှိဖို့ ပုံမှန်ထက် ပိုမိုခက်ခဲတာမျိုးရှိနိုင်ပါတယ်။ ဒီလိုဖြစ်တဲ့အခါ အသက်ရှူရခက်တာ၊ အသက်ရှူကြပ်တာမျိုးဖြစ်နိုင်ပါတယ်။
➡️လက္ခဏာများ-
ချွဲကြပ်တဲ့အခါ ထွက်လာတဲ့ ချွဲအရောင်က တစ်ခုနဲ့တစ်ခု မတူတာမျိုးတော့ ရှိနိုင်ပါတယ်။ ချွဲကြပ်တဲ့အခါ ချွဲအရောင်က အကြည်ထွက်တာမျိုးရှိနိုင်သလို အဖြူရောင်၊ အစိမ်းရောင် ၊အဝါရောင်ဆိုပြီး အမျိုးမျိုးဖြစ်နိုင်ပြီး ချောင်းဆိုးတဲ့အခါ ချွဲထွက်ခြင်း၊
အသက်ရှူတဲ့အခါ တရွှီရွှီနဲ့ချွဲသံကြားနေရခြင်း၊
အသက်ရှူရတာ ပြတ်တောင်းပြတ်တောင်းဖြစ်ခြင်း၊
ရင်ဘတ်ထဲမှာ တင်းတင်းကျပ်ကျပ်ကြီးခံစားရခြင်း၊
အဖျားတက်ခြင်းမျိုးတွေ ခံစားရနိုင်ပါတယ်။
➡️တကယ်လို့ ချွဲတွေက အဝါရောင်ဖြစ်နေမယ် ဒါမှမဟုတ် အစိမ်းရောင်ဖြစ်နေမယ်၊ ချွဲနဲ့အတူ သွေးပါလာမယ်ဆိုရင်တော့ ဆရာဝန်နဲ့ သွားရောက်ပြသရန်လိုအပ်ပါတယ်။
➡️သက်သာအောင်ဘယ်လို လုပ်မလဲ❓
နွေးနွေးထွေးထွေး နေပါ။
အနားယူပေးပါ။
ရေများများ သောက်ပါ။
ဆားရည်နဲ့ ပလုတ်ကျင်းပါ။
ရေနွေးငွေ့ ခံပေးပါ။
လိုအပ်တဲ့ ကုသမှုခံယူပါ။
🏥 အောင်ဆေးခန်း၊ ရွှေညောင်မြို့။
⏲️ ဆေးခန်းဖွင့်ချိန်
🕗 နံနက် 8:00 နာရီမှ ညနေ 6:00ထိ (ပိတ်ရက်မရှိ)
☎️ဆက်သွယ်ရန် ဖုန်းနံပါတ်
09 457 623 846
09 693 018 965
#အောင်ဆေးခန်း #ချွဲကြပ်ခြင်း
