https://royal-tachileik-hospital.business.site/

Royal Tachileik Hospital-တော်ဝင်တာချီလိတ် အထူးကုဆေးရုံ, FV3P+PGC Tachileik, Tachileik (2026)

01/01/2026

၂၀၂၆ ခုနှစ်ရဲ့ နှစ်သစ်ပထမဆုံးရက်မှ အစပြု၍ မိဘပြည်သူအပေါင်း ကိုယ်ရောစိတ်ပါ ကျန်းမာပြီး ပျော်ရွှင်ပြည့်စုံတဲ့ နှစ်တစ်နှစ်ကို ပိုင်ဆိုင်နိုင်ကြပါစေလို့ တော်ဝင်တာချီလိတ်မိသားစုမှ ဆုမွန်ကောင်းတောင်းလိုက်ပါတယ်ခင်ဗျာ 🙏

နှစ်သစ်မှာလည်း တော်ဝင်တာချီလိတ်အထူးကုဆေးရုံကြီးအနေနဲ့ မိဘပြည်သူများ ယုံကြည်အားထားရတဲ့ ပိုမိုကောင်းမွန်တဲ့ ကျန်းမာရေးစောင့်ရှောက်မှု၊ ဝန်ဆောင်မှုတွေပေးနိုင်ဖို့ ကြိုးစားသွားမယ်ဆိုတာကို ကတိပြုလိုက်ပါတယ် ⚕️

မိဘပြည်သူများကလည်း နှစ်သစ်အတွက် အကောင်းဆုံးရည်ရွယ်ချက်တွေ၊ ဆုံးဖြတ်ချက်တွေကို ချမှတ်ပြီး ကျန်းမာရေးကို ဂရုစိုက်ကာ ပိုမိုကောင်းမွန်တဲ့ အောင်မြင်မှုတွေကို ရယူကြဖို့တိုက်တွန်းရင်း နှစ်သစ်အတွက် ကိုယ့်ရဲ့ ရည်ရွယ်ချက်တစ်ခုခုဖြစ်စေ ဆုတောင်းစကားလေးဖြစ်စေ Comment မှာ ပြန်လည်မျှဝေပေးကြဖို့ တောင်းဆိုလိုက်ပါရစေခင်ဗျာ။

ပျူငှာဖော်ရွေ နှုန်းထားမျှစေ
ဝန်ဆောင်မှုမှာထိပ် တော်ဝင်တာချီလိတ်✨🏥

#2026

25/12/2025

ကျန်းမာခြင်း၊ ချမ်းသာခြင်း၊ လုံခြုံနွေးထွေးခြင်းများနဲ့ပြည့်စုံပြီး မိသားစုတိုင်းက်ု ကောင်းခြင်းမင်္ဂလာတွေရောက်ရှိမယ့် ခရစ္စမတ်အချိန်အခါလေးဖြစ်ပါစေလို့ တော်ဝင်တာချီလိတ်မိသားစုမှ ဆုမွန်ကောင်းတောင်းလိုက်ပါတယ်နော် 🙏

Merry Christmas🎄❄️

ပျူငှာဖော်ရွေ နှုန်းထားမျှစေ
ဝန်ဆောင်မှုမှာထိပ် တော်ဝင်တာချီလိတ်✨🏥

06/12/2025

အရေးပေါ်အခြေအနေကြုံတိုင်း တော်ဝင်တာချီလိတ်ကို သတိရပါ 🚨

တော်ဝင်တာချီလိတ်ဆေးရုံရဲ့ အရေးပေါ်ကုသဆောင် Emergency department တွင် ရောဂါရှာဖွေစမ်းသပ်နိုင်တဲ့ ခေတ်မီတိကျသော စက်ပစ္စည်းများကို အသုံးပြု၍ ပညာနှင့်အတွေ့အကြုံရင့်ကျက်သော ဆရာဝန်များက ဦးဆောင်ပြီး 24/7 နေ့ညမရွေး ကုသမှုခံယူနိုင်ဖို့ ဖွင့်လှစ်ဝန်ဆောင်ပေးနေတဲ့အပြင် လိုအပ်တဲ့နေရာတွေကိုပါ လွှဲပြောင်းကုသမှုခံယူနိုင်ဖို့ကိုလည်း တစ်ပါတည်း ဝန်ဆောင်မှုပေးနေပါတယ်။

ဒါကြောင့် အရေးပေါ်ကိစ္စတစ်ခုခု ကြုံတွေ့လာခဲ့ရင် တုံ့ဆိုင်းမနေပဲ တော်ဝင်တာချီလိတ်ဆေးရုံရဲ့ အရေးပေါ်ဌာနဖုန်းနံပါတ်များကို ဆက်သွယ်အကြောင်းကြားပြီး အချိန်မီကုသစောင့်ရှောက်မှုခံယူကြဖို့ အကြံပြုလိုက်ပါရစေခင်ဗျာ ⚕️💯

Emergency Hotline: 09 450 322 999 / 09 750 322 999 / 09 956 963 866

ပျူငှာဖော်ရွေ နှုန်းထားမျှစေ
ဝန်ဆောင်မှုမှာထိပ် တော်ဝင်တာချီလိတ်✨🏥

03/12/2025

အမျိုးသားတွေရဲ့ ကျန်းမာရေးအတွက် အရေးကြီးတဲ့ Circumcision ♂️✨

Circumcision ဆိုတာဟာ အမျိုးသားတွေရဲ့ လိင်တံထိပ်ဖျားကို ဖုံးအုပ်ထားတဲ့ အရေပြားကို ခွဲစိတ်ဖယ်ရှားတဲ့ ကျန်းမာရေးလုပ်ငန်းစဉ်တစ်ခုပဲဖြစ်ပါတယ်။ လိင်တံထိပ်အရေပြားခွဲစိတ်ဖြတ်တောက်ခြင်းဟာ ဘာသာရေးနှင့် ယဉ်ကျေးမှုအရ လုပ်ဆောင်ခြင်းများရှိကြပြီး အဓိကအားဖြင့်တော့ ကျန်းမာရေးဆိုင်ရာ အကျိုးကျေးဇူးရရှိခြင်းကြောင့် လုပ်ဆောင်ကြတဲ့အရာတစ်ခုပါပဲ။

လိင်တံထိပ်အရေပြားဖြတ်ခြင်းကို များသောအားဖြင့် ကလေးငယ်ဘဝ ၊ မွေးပြီး ရက်သတ္တပတ်အနည်းငယ်အတွင်းမှာပဲ အများဆုံး ပြုလုပ်တတ်ကြပြီး ဆယ်ကျော်သက် သို့မဟုတ် လူကြီးဘဝမှာလည်း ပြုလုပ်နိုင်ပါတယ်။ ဒါဟာ ရှက်စရာကိစ္စရပ်တစ်ခုမဟုတ်ပဲ ကျန်းမာရေးအတွက် အရေးပါတဲ့ လုပ်ဆောင်မှုတစ်ခုဆိုတာကို မိသားစုတိုင်း သိရှိနားလည်ပြီး ကလေးနှင့်လူငယ်တွေကို လမ်းပြလုပ်ဆောင်ပေးသင့်ပါတယ်။

Circumcision ဟာ လိင်တံသန့်ရှင်းရေးနှင့် လိင်ပိုင်းဆိုင်ရာ ကျန်းမာရေးအတွက် များစွာအကျိုးရှိပါတယ်။
အရေပြားဖြတ်ထားခြင်းကြောင့်
✨လိင်တံထိပ်ကို သန့်ရှင်းရေးလုပ်ရ ပိုမိုလွယ်ကူစေခြင်း
✨ဆီးလမ်းကြောင်းပိုးဝင်မှု (UTI) လျော့ကျစေခြင်း
✨HIV နှင့် လိင်တံကင်ဆာ၊ HPV ကူးစက်မှုများကို သိသိသာသာလျော့ကျစေခြင်း (WHO မှ အတည်ပြုထားသည်)
✨လိင်တံထိပ် ရောင်ရမ်းခြင်း ဖြစ်ပွားမှုနှုန်းကို လျော့ကျစေခြင်း
✨Phimosis နှင့် Paraphimosis ကဲ့သို့ လိင်တံကျန်းမာရေးပြဿနာများမဖြစ်ပွားစေတော့ခြင်း
✨ လိင်မှုရေးရာစွမ်းဆောင်ရည်အတွက်အထောက်အကူဖြစ်ခြင်း စတဲ့ အကျိုးရလဒ်ကောင်းတွေရရှိစေပါတယ်။

တော်ဝင်တာချီလိတ်အထူးကုဆေးရုံကြီးမှာ ကျွမ်းကျင်တဲ့ အထူးကုဆရာဝန်ကြီးများမှ ကာယကံရှင်၊ အုပ်ထိန်းသူ ၊ မိသားစုများနှင့် နွေးထွေးစွာဆွေးနွေးတိုင်ပင်ပြီး Circumcision ကို ဝန်ဆောင်ပေးလျက်ရှိပါတယ်။ ခေတ်မီစက်ပစ္စည်းကိရိယာများအသုံးပြုကာ ကူးစက်မှုဘေးတစ်စုံတရာမဖြစ်ပေါ်အောင် ခွဲစိတ်ပေးနေတဲ့အပြင် ကာယကံရှင်အတွက် စိတ်ပူပန်စရာမရှိပဲ အပြည့်အဝလုံခြုံစိတ်ချနိုင်တဲ့ အခြေအနေကိုလည်း ဖန်တီးပေးထားတာကြောင့် Circumcision ကို ရှက်စရာလို့မထင်မှတ်ပဲ အမျိုးသားတွေရဲ့ အချက်အချာ ကျန်းမာရေးအတွက် လုပ်ဆောင်သင့်ကြောင်းတိုက်တွန်းလိုက်ပါရစေခင်ဗျာ ✅⚕️

ပျူငှာဖော်ရွေ နှုန်းထားမျှစေ
ဝန်ဆောင်မှုမှာထိပ် တော်ဝင်တာချီလိတ်✨🏥

01/12/2025

နှစ်စဉ် ဒီဇင်ဘာလ ၁ ရက်နေ့ကို World AIDS Day အဖြစ် WHO က သတ်မှတ်ကျင်းပလျက်ရှိပါတယ် ✨

ဒါကြောင့် ဒီနေ့မှာ HIV/AIDS ရောဂါကာကွယ်ရေးနှင့် ထိန်းချုပ်ရန်နည်းလမ်းများကို မျှဝေအသိပေးကြပြီး သတိပြုဆင်ခြင်စရာများကို လိုက်နာကျင့်သုံးကာ အရေးကြီးဆုံးဖြစ်တဲ့ သွေးစစ်ဆေးခြင်းကို လုပ်ဆောင်ထားသင့်ပါတယ်။ ဒါ့အပြင် ပတ်ဝန်းကျင်မှာရှိတဲ့ ရောဂါခံစားနေကြသူများကိုလည်း ခွဲခြားဆက်ဆံခြင်းမပြုပဲ ထောက်ပံ့ကူညီကာ အတူလက်တွဲပြီး ကျန်းမာတဲ့လူမှုအဖွဲ့အစည်းကို ဖန်တီးကြဖို့ တော်ဝင်တာချီလိတ်ဆေးရုံမှ တိုက်တွန်းနှိုးဆော်လိုက်ရပါတယ်ခင်ဗျာ ⚕️

ပျူငှာဖော်ရွေ နှုန်းထားမျှစေ
ဝန်ဆောင်မှုမှာထိပ် တော်ဝင်တာချီလိတ်✨🏥

25/11/2025

Spondylosis လို့ခေါ်တဲ့ ကျီးပေါင်းရောဂါဟာ အသက်အရွယ်နှင့် နေထိုင်မှုပုံစံမမှန်တာကြောင့် ဖြစ်ပေါ်လာတဲ့ ကျောရိုးဆစ်၊ အရိုးနုပြာတွေ ယိုယွင်းပျက်စီးတဲ့ ရောဂါအခြေအနေပဲဖြစ်ပါတယ်။

ကျောရိုးဆစ်တွေကြားရှိ ကူရှင်သဖွယ်လုပ်ဆောင်ပေးနေတဲ့ အရိုးနုပြားတွေဟာ ရေဓာတ်ခန်းခြောက်ပြီး ကျုံ့ဝင်ကာ အရိုးအချင်းချင်း ပိုမိုပွတ်တိုက်မှုကြောင့်ပျက်စီးလာပြီး အရိုးအတက်ထွက်ခြင်း၊ အဆစ်ပြားကျွံထွက်ခြင်း၊ အရွတ်များတောင့်တင်းမာကျောခြင်းတို့ဖြစ်ပေါ်ကာ အာရုံကြောမကြီးနှင့် အာရုံကြောအမြစ်တွေကို ဖိနှိပ်မိခြင်းကြောင့် ကျီးပေါင်းရောဂါဖြစ်ပေါ်တတ်ပြီး လည်ပင်းကျီးပေါင်းနှင့်ခါးကျီးပေါင်းတွေက အဖြစ်များတဲ့ကျီးပေါင်းရောဂါတွေပဲဖြစ်ပါတယ်။

⚠️ ရောဂါလက္ခဏာများ
💢လည်ပင်း သို့မဟုတ် ခါး နာကျင်ခြင်း၊ တောင့်တင်းခြင်း၊ လှုပ်ရှားလိုက်ရင် နာကျင်ခြင်း
💢လှုပ်ရှားတဲ့အခါ ကလစ် ကလစ် ကဲ့သို့ ကြိတ်သံလိုမျိုး ကြားရခြင်း
💢 နာကျင်မှုဟာ လည်ပင်းမှ လက်မောင်း၊ လက်တွေဆီသို့၊ ခါးကနေ ခြေထောက်တွေဆီသို့ ဖြာထွက်နာကျင်လာခြင်း
💢 ခေါင်းကိုက်ခြင်း
💢 ခြေလက်များ ထုံကျဉ်ခြင်း၊ အားမရှိသလို ခံစားရခြင်း
💢 လမ်းလျှောက်ရ ခက်ခဲခြင်း၊ ဟန်ချက်မညီခြင်း
💢 အခြေအနေဆိုးလာပါက ဆီး/ဝမ်း မထိန်းနိုင်ခြင်းများအထိ ခံစားရတတ်ပါတယ်။

🔬ကျီးပေါင်းရောဂါကို ဓာတ်မှန် ၊ CT Scan ၊ MRI ရိုက်ခြင်းတို့ဖြင့် စမ်းသပ်စစ်ဆေးနိုင်ပြီး အာရုံကြောများရဲ့ လုပ်ဆောင်ချက်ကို စစ်ဆေးဖို့အတွက် EMG သို့မဟုတ် Nerve Conduction Study ပြုလုပ်ခြင်းဖြင့်လည်း စစ်ဆေးနိုင်ပါတယ်။

ကုသမှုနည်းလမ်းတွေကတော့ ရောဂါလက္ခဏာပြင်းထန်မှုပေါ်မူတည်ပြီး ကွဲပြားနိုင်ပြီး..
✅ ဆေးဝါးကုသမှုအနေနဲ့ အကိုက်အခဲပျောက်ဆေးများ၊ ကြွက်သားဖြေလျှော့ဆေးများ၊ အာရုံကြောဆေးဝါးများ ၊ ရောင်ရမ်းမှုသက်သာစေသည့် ဆေးဝါးများဖြင့်ကုသနိုင်ပြီး
✅ လေ့ကျင့်ခန်းကုထုံးအနေနဲ့ကတော့ လည်ပင်း၊ ခါး ကြွက်သားတွေကို သန်မာစေမယ့် လေ့ကျင့်ခန်းများ၊
လည်ပင်းဆွဲခြင်း (Traction) ကဲ့သို့သော ကုထုံးများ၊နေထိုင်မှုပုံစံ ပြောင်းလဲပြီး ပုံမှန်လေ့ကျင့်ခန်းလုပ်ခြင်း၊ ရေနွေးအိတ် သို့ ရေခဲကပ်ခြင်းစတဲ့ အိမ်တွင်းကုထုံးများဖြင့်လည်း ကုသနိုင်ကာ
✅အခြားကုသမှုတွေနဲ့ မသက်သာဘဲ နာကျင်မှု အရမ်းပြင်းထန်ပြီး အာရုံကြောများ ပြင်းပြင်းထန်ထန်ထိခိုက်လာရင်တော့ ခွဲစိတ်ကုသဖို့လိုအပ်နိုင်ပါတယ်။

ကျီးပေါင်းမဖြစ်ဖို့အတွက် သတိပြုဆင်ခြင်ရမှာကတော့
⚠️ လည်ပင်း၊ခါးကို ဖိအားများစေတဲ့ ကိုယ်ဟန်အနေအထားများကိုဆင်ခြင်ရပါမယ်။
⚠️ ဖုန်း၊ တက်ဘလတ်၊ ကွန်ပျူတာများကို အချိန်ကြာမြင့်စွာ အသုံးပြုခြင်း၊ ငုံ့ကြည့်ခြင်းများကို ရှောင်ကြဉ်သင့်ပါတယ်။
⚠️ အထိုင်များခြင်းမဖြစ်ဖို့ သတိပြုရပါမယ်။
⚠️ အိပ်စက်တဲ့အခါ ခေါင်းအုံးပါးပါး အသုံးပြုခြင်ပြီး ကုတ်ပိုးကို ကျောရိုးနဲ့တစ်ဖြာင့်တည်းအိပ်စက်သင့်ပါတယ်။ ဖြစ်နိုင်ရင် အထူးထုတ်လုပ်ထားတဲ့ကျီးပေါင်းခေါင်းအုံးများကို အသုံးပြုနိုင်ပါတယ်။
ကျီးပေါင်းရောဂါဟာ အများအားဖြင့် အသက်အရွယ်ကြီးလာမှ ဖြစ်တတ်ပေမယ့် ယနေ့ခေတ်မှာတော့ အသက်ငယ်သူတွေမှာပါ ဖြစ်ပွားလာတဲ့အပြင် လက္ခဏာမပြပဲ ကျီးပေါင်းဖြစ်နေတတ်တာကိုလည်း သတိပြုထားရပါမယ်။ တကယ်လို့ ကိုယ့်မှာ ကျီးပေါင်းလက္ခဏာတွေ ခံစားနေရလို့ဖြစ်စေ၊ ကျီးပေါင်းဖြစ်စေနိုင်တဲ့ အမူအကျင့် အနေအထိုင်တွေရှိနေလို့ဖြစ်စေ တော်ဝင်တာချီလိတ်ကဲ့သို့ စိတ်ချရတဲ့ ဆေးရုံတွေမှာ ကျွမ်းကျင်တဲ့ဆရာဝန်များနဲ့ တိုင်ပင်ဆွေးနွေးပြီး စနစ်တကျ စစ်ဆေးကုသမှု ခံယူဖို့ အကြံပြုလိုပါတယ်ခင်ဗျာ ✅🏥

ပျူငှာဖော်ရွေ နှုန်းထားမျှစေ
ဝန်ဆောင်မှုမှာထိပ် တော်ဝင်တာချီလိတ်✨🏥

24/11/2025

💢𝐕𝐚𝐜𝐚𝐧𝐜𝐲 𝐀𝐧𝐧𝐨𝐮𝐧𝐜𝐞𝐦𝐞𝐧𝐭💢

“Cashier & Receptionist Position”

💫အလုပ်လျှောက်ထားလိုသူများသည် အောက်ဖော်ပြပါ အချက်အလက်များနှင့်တကွ အာတော်ဝင်တာချီလိတ်အထူးကုဆေးရုံတွင် လူကိုယ်တိုင်လာရောက်၍လည်းကောင်း၊ Email တိုက်ရိုက်ပေးပို့၍လည်းကောင်း လျှောက်ထားနိုင်ပါသည်။

1. Application form
2. Passport size ဓာတ်ပုံ (1)
3. မှတ်ပုံတင်မိတ္တူ
4. အိမ်ထောင်စုစာရင်းမိတ္တူ
5. ဘွဲ့လက်မှတ်မိတ္တူ
6. အခြားပညာအရည်အချင်းနှင့်ပတ်သက်သည့်အောင်လက်မှတ်မိတ္တူ

📩𝗘𝗺𝗮𝗶𝗹 𝗮𝗱𝗱𝗿𝗲𝘀𝘀: royaltachileikhospital@gmail.com

24/11/2025

💢𝐕𝐚𝐜𝐚𝐧𝐜𝐲 𝐀𝐧𝐧𝐨𝐮𝐧𝐜𝐞𝐦𝐞𝐧𝐭💢

Medical Officer- 3 Posts
Staff Nurse/ Ward Nurse / Mid-wife - 5 posts

💫အလုပ်လျှောက်ထားလိုသူများသည် အောက်ဖော်ပြပါ အချက်အလက်များနှင့်တကွ အာတော်ဝင်တာချီလိတ်အထူးကုဆေးရုံတွင် လူကိုယ်တိုင်လာရောက်၍လည်းကောင်း၊ Email တိုက်ရိုက်ပေးပို့၍လည်းကောင်း လျှောက်ထားနိုင်ပါသည်။

1. Application form
2. Passport size ဓာတ်ပုံ (1)
3. မှတ်ပုံတင်မိတ္တူ
4. အိမ်ထောင်စုစာရင်းမိတ္တူ
5. ဘွဲ့လက်မှတ်မိတ္တူ
6. အခြားပညာအရည်အချင်းနှင့်ပတ်သက်သည့်အောင်လက်မှတ်မိတ္တူ

📩𝗘𝗺𝗮𝗶𝗹 𝗮𝗱𝗱𝗿𝗲𝘀𝘀: royaltachileikhospital@gmail.com

#

22/11/2025

"ဆောင်းဝင်လာပြီ ကိုယ့်ကိုယ်ကို ဂရုစိုက်ပါ" ဆိုတဲ့ ကဗျာစာသားလေးလိုပဲ.. တာချီလိတ်မြို့လိုတောင်ပေါ်ဒေသတွေမှာတော့ အခုလို မိုးအကုန်ဆောင်းအကူး ဆောင်းဦးရာသီအချိန်ဟာ ကျန်းမာရေးကို အထူးဂရုစိုက်ရမယ့်အချိန်အခါမျိုးပါပဲ✨

ရာသီအကူးအပြောင်းကာလဖြစ်တဲ့အပြင် သိသိသာသာတိုးမြင့်လာတဲ့ အအေးဓာတ်ကြောင့် အခန့်မသင့်ရင် နေထိုင်မကောင်းဖြစ်စေနိုင်ပြီး အအေးမိခြင်း၊ အာသီးရောင်ခြင်း၊ အသားအရေပျက်စီခြင်းတို့အပြင် ရာသီတုပ်ကွေးတွေလည်းဖြစ်ပွားနိုင်တာမလို့ သတိပြုဆင်ခြင်ထားဖို့အရေးကြီးပါတယ်နော်။

✅ အအေးပိုတဲ့ မနက်စောစောနှင့် ညအချိန်တွေမှာ ရေချိုးဆင်ခြင်ပါ။
✅ နွေးထွေးလုံခြုံစွာ ဝတ်ဆင်နေထိုင်ပါ။
✅ ရေဓာတ်ပြည့်ဝနေဖို့ တစ်ရက်ကို အနည်းဆုံး ရေ(၂)လီတာ သောက်ပါ။
✅ အပြင်စာတွေထက် လတ်ဆတ်ပြီး ဗိုက်တာမင်နဲ့ အာဟာရပြည့်ဝတဲ့ အစားအစာများကို ပူပူနွေးနွေး စားသောက်ပါ။
✅ အိပ်ရေးဝဝအိပ်ပြီး ကောင်းမွန်စွာ အနားယူပါ။
✅ ကိုယ်ခံအားကောင်းမွန်အောင် ဂရုစိုက်ပါ။
✅ အသားအရေကျန်းမာရေးအတွက် တစ်ကိုယ်ရေသန့်ရှင်းမှုကို ဂရုစိုက်ပြီး အလှဆီ၊ Lotion များအသုံးပြုပေးပါ။
✅ လူနေထူထပ်သည့်နေရာများတွင် Mask ကို စနစ်တကျ တပ်ဆင်ပါ။
✅ လမ်းလျှောက်ခြင်းနှင့် ကိုယ်လက်လှုပ်ရှား လေ့ကျင့်ခန်းများ ပုံမှန်လုပ်ဆောင်ပါ။

ဒီလိုမျိုး ဂရုစိုက်နေထိုင်နေတဲ့ကြားထဲက အကြောင်းကြောင်းကြောင့် နေထိုင်မကောင်းဖြစ်ခဲ့တယ်ဆိုရင် တုံ့ဆိုင်းမနေပဲ တော်ဝင်တာချီလိတ်ကဲ့သို့ စိတ်ချရတဲ့ ဆေးရုံဆေးခန်း‌တွေကို သွားရောက်ပြသပြီး လိုအပ်တဲ့ စောင့်ရှောက်ကုသမှုကိုခံယူခြင်းဖြင့် ဆောင်းဦးရာသီကို ကျန်းမာရွှင်လန်းစွာနဲ့ ဖြတ်သန်းလိုက်ရအောင်နော် ❄️✅

ပျူငှာဖော်ရွေ နှုန်းထားမျှစေ
ဝန်ဆောင်မှုမှာထိပ် တော်ဝင်တာချီလိတ် ✨🏥

20/11/2025

တော်ဝင်တာချီလိတ်မှာ အတန်ဆုံးနှုန်းထားနဲ့ ကျန်းမာရေးစစ်ဆေးနိုင်ဖို့ အချိန်သိပ်မကျန်တော့ဘူးနော် ‼️

ပညာပြည့်ဝတဲ့ အထူးကုဆရာဝန်ကြီးတွေကိုယ်တိုင် ကြပ်မတ်စစ်ဆေးပေးပြီး နောက်ဆုံးပေါ်နည်းပညာမြင့်စက်သစ်ကြီးတွေနဲ့ စမ်းသပ်ပေးမယ့် တော်ဝင်တာချီလိတ်ရဲ့ ကျန်းမာရေးစစ်ဆေးမှုတွေကို Package အမျိုးအစား(၄)မျိုးနဲ့ နှစ်သက်ရာကို ရွေးချယ်စစ်ဆေးနိုင်ပါတယ်။

⚕️ Basic package ကို ပုံမှန်ဈေးနှုန်း 2600 Baht မှ 10% လျှော့ဈေးနဲ့ "2340 Baht"
⚕️ Regular package ကို ပုံမှန်ဈေးနှုန်းနဲ့ 3200 Baht မှ 10% လျှော့ဈေးနဲ့ "2880 Baht"
⚕️ Advanced package ကို ပုံမှန်ဈေးနှုန်း 8200 Baht (Male) /10800 Baht (Female) မှ 10% လျှော့ဈေးနဲ့ "7380 Baht"(Male) / "9720 Baht"(Female)
⚕️ Premium package - ကို ပုံမှန်ဈေးနှုန်း ကို 9800 Baht (Male) /12300 Baht (Female) မှ 10% လျှော့ဈေးနဲ့ "8820 Baht"(Male) / "11070 Baht"(Female) တို့ဖြင့် သက်သာစွာ စမ်းသပ်စစ်ဆေးနိုင်ပါတယ်။

ဒီလိုမျိုး 10%Off အထူးလျှော့ဈေးတွေနဲ့ ကိုယ့်ရဲ့ ကျန်းမာရေးကို စစ်ဆေးစောင့်ရှောက်နိုင်ဖို့ အခွင့်အရေးလေးက နိုဝင်ဘာလကုန်အထိပဲဆိုတော့ ကျန်ရှိနေတဲ့အချိန်လေးမှာ ဒီအခွင့်အရေးကို အမိအရ ရယူပြီး တော်ဝင်တာချီလိတ်မှာ Medical Check-up လုပ်ရင်း ကိုယ့်ကျန်းမာရေးကို ထိုက်ထန်စွာစောင့်ရှောက်လိုက်ရအောင်နော် ✅

ပျူငှာဖော်ရွေ နှုန်းထားမျှစေ
ဝန်ဆောင်မှုမှာထိပ် တော်ဝင်တာချီလိတ် ✨🏥

19/11/2025

ဆီးလမ်းကြောင်းနှင့် ကျောက်ကပ်ဆိုင်ရာရောဂါဝေဒနာခံစားနေရသောသူများအတွက် 📢

ဆီးလမ်းကြောင်းနှင့်ကျောက်ကပ်ဆိုင်ရာ အထူးကုဆရာဝန်ကြီးမှ

နိုဝင်ဘာလ
၂၁ရက်နေ့ နေ့လည် ၁၁နာရီမှ ညနေ၆နာရီအထိ

တော်ဝင်တာချီလိတ်အထူးကုဆေးရုံကြီးတွင် ဆေးခန်းထိုင်မည်ဖြစ်ပါသောကြောင့် အထူးကုဆရာဝန်ကြီးနှင့် လာရောက်တိုင်ပင်ဆွေးနွေးကာ ကုသလို့ရနိုင်မည်ဖြစ်ပါကြောင်း သတင်းကောင်းပါးအပ်ပါတယ်ခင်ဗျာ ✨💫

ဆရာဝန်ကြီးနှင့်ပြသနိုင်ရန်အတွက်

09 450 322 999
09 750 322 999
09 956 963 866 သို့ဆက်သွယ်ပြီး ဘိုကင်များကြိုတင်ယူနိုင်ပါပြီခင်ဗျာ

#ကျောက်ကပ် #ဆီးလမ်းကြောင်း

14/11/2025

တော်ဝင်တာချီလိတ်မှာ ကြိုတင်စစ်ဆေး၊ ကာကွယ် ၊ ဆီးချိုကိုထိန်းကြမယ် ✅

ကိုယ်ချစ်ခင်အလေးထားရတဲ့ မိသားစုအတွက် အတူတူသာဂရုစိုက်ကြမယ်ဆိုရင် ဆီချိုရောဂါကို ကြောက်စရာမလိုပဲ ပိုမိုကျန်းမာတဲ့အနာဂတ်ကို ဖန်တီးနိုင်မှာပါ။ ဒီနေ့ကျရောက်လာတဲ့ World Diabetes Day ရဲ့ဆောင်ပုဒ်‌လေးအတိုင်းဆိုရရင် ဆီးချိုရောဂါနဲ့ အကောင်းဆုံးယှဉ်တွဲနေထိုင်နိုင်ဖို့ အဓိကအကျဆုံးကတော့ အသက်အရွယ်မရွေး ကြိုတင်ပြီး စစ်ဆေး၊ ကာကွယ်၊ ထိန်းသိမ်းထားဖို့ပဲဖြစ်ပါတယ်။

✨ ကြိုတင်စစ်ဆေးပါ ✅
ဆီးချိုရောဂါဟာ တဖြည်းဖြည်းချင်း ဖြစ်ပေါ်တတ်တာကြောင့် ရောဂါလက္ခဏာတွေပြသတဲ့အချိန်အထိ စောင့်မနေသင့်ပဲ စိတ်ချရတဲ့ ဆေးရုံဆေးခန်းများမှာ ကြိုတင်ပြသပြီး ဆီးချိုစစ်ဆေးထားသင့်ပါတယ်။ ဒါမှသာ ရေဂါရှိမရှိကြိုတင်သိရှိပြီး ဆီးချိုရှိနေခဲ့ရင်လည်း စောလျင်စောစွာသိရှိထားတာကြောင့် ရောဂါကြီးထွားမှုကို တားဆီးနိုင်မှာပါ။

✨ကြိုတင်ကာကွယ်ပါ ✅
အသက်ကြီးလာတာကို ဟန့်တားလို့ မရနိုင်သလို မျိုးရိုးဗီဇကိုလည်း ပြောင်းလဲပစ်လို့မရနိုင်ပေမယ့် မိမိရဲ့ နေထိုင်စားသောက်မှုပုံစံကိုတော့ ပြောင်းလဲနိုင်ပါတယ်။ နေ့စဉ်စားသောက်တဲ့အစားအစာတွေမှာ သကြားဓာတ်ကို လိုအပ်တာထက်မပိုစေပဲ ကျန်းမာရေးနဲ့သင့်တင့်မျှတအောင် စားသောက်ပေးရပါမယ်။ ခန္ဓာကိုယ်ကိုလည်း အဝမလွန်စေဖို့သတိပြုဆင်ခြင်ပြီး ကိုယ်လက်လေ့ကျင့်ခန်းများကို ပုံမှန်လုပ်ဆောင်ပေးသင့်ပါတယ်။ အရက်၊ ဆေးလိပ်တွေကို ရှောင်ကျဉ်ဖို့ကလည်း အရေးအကြီးဆုံးပါပဲ။

✨ထိန်းသိမ်းကုသပါ ✅
ဆီးချိုရောဂါဟာ ပျောက်ကင်းကုသနိုင်တဲ့ရောဂါမဟုတ်ပဲ ပုံမှန်ဖြစ်အောင်ထိန်းသိမ်းရမယ့်ရောဂါဖြစ်တာကြောင့် ကိုယ့်မှာ ဆီးချိုရောဂါရှိနေပြီဆိုရင်တော့ နေထိုင်စားသောက်မှုပုံစံတွေကို ပြုပြင်ပြောင်းလဲပြီး လိုအပ်တဲ့ ကုသမှုများကိုရယူကာ ဆီးချိုကိုထိန်းရပါမယ်။ နေ့စဉ်စားသောက်မယ့် အစားအသောက်တွေရဲ့ ဘေးကင်းတဲ့ ပမာဏကို သိရှိလိုက်နာခြင်း၊ ကိုယ့်ရဲ့ သွေးတွင်း သကြားဓာတ်ပမာဏကို အိမ်တွင် အမြဲတမ်း ကိုယ်တိုင်စစ်ဆေးခြင်း၊ (၄)လ သို့ (၆)လတစ်ကြိမ် ဆရာဝန်နဲ့ ပြသစစ်ဆေးပြီး နောက်ဆက်တွဲရောဂါတွေကို ရှောင်ရှားကာကွယ်ခြင်းတို့ဟာ ဆီးချိုကို ထိန်းသိမ်းဖို့အကောင်းဆုံးနည်းလမ်းတွေပါပဲ။ ဆီးချိုရှိနေပြီဆိုရင် စိတ်ဓာတ်ကျပြီး အဆိုးမြင်လေ့ရှိတာကြောင့် အတွေးအမြင်ပြောင်းလဲနိုင်ဖို့ ကိုယ်တိုင်ရော၊ မိသားစု သူငယ်ချင်းတွေကပါ အားပေးကူညီဖို့ လိုအပ်ပါတယ် ။

ဆီးချိုရဲ့ သဘောသဘာဝကို သေသေချာချာ နားလည်သဘောပေါက်ပြီး မှန်ကန်စွာ စားသောက်နေထိုင်ကာ လိုအပ်တဲ့ ကုသမှုတွေကို ရယူနိုင်မယ်ဆိုရင် ချစ်ခင်ရသူတွေနဲ့အတူ ဘဝကို သက်တမ်းစေ့ နေထိုင်ဖြတ်သန်းနိုင်မှာပဲဖြစ်ပါတယ်။ ဒါကြောင့် ဒီနေ့ပဲ တော်ဝင်တာချီလိတ်မှာ အကောင်းဆုံးဝန်ဆောင်မှုတွေကိုရယူပြီး ဆီးချိုစစ်ဆေးကာ ပိုမိုကျန်းမာတဲ့ အနာဂတ်ကို စတင်လျှောက်လှမ်းလိုက်ကြရအောင်နော်✅⚕️

ပျူငှာဖော်ရွေ နှုန်းထားမျှစေ
ဝန်ဆောင်မှုမှာထိပ် တော်ဝင်တာချီလိတ်✨🏥

Royal Tachileik Hospital-တော်ဝင်တာချီလိတ် အထူးကုဆေးရုံ

01/01/2026

25/12/2025

06/12/2025

03/12/2025

01/12/2025

25/11/2025

24/11/2025

24/11/2025

22/11/2025

20/11/2025

19/11/2025

14/11/2025

Address

Telephone

Website

Alerts

Contact The Practice

Shortcuts

Share

Category