19/05/2023
#အိပ်နေရင်းနဲ့_ကြွက်တက်တာ_လန့်ပါနိုးတယ်
#ဒူးခေါင်းကျော်ရင်သေတတ်တယ်ဆိုလို့_အတင်းဖိချထားရတယ်
#ကြွက်တက်တယ် (ကြွက်သားအစုကြီးဖောင်းတတ်လာတာပါ)
အဖြစ်များတာက ခြေသလုံးကြွက်သားဖြစ်ပါတယ်
ပေါင်အရှေ့ကကြွက်သားတွေလည်း ကြွက်တက်တတ်သလို ပေါင်အနောက်ကကြွက်သားတွေလည်း ကြွက်တက်တတ်ပါတယ်။
#ဘာလို့ဖြစ်ရတာလဲ ⁉️
ကြွက်သားတွေကို ထိန်းချုပ်ထားတဲ့ အာရုံကြောက ရုတ်တရက်ထပြီး ကြွက်သားကိုညှစ်ခိုင်းလိုက်လို့ပါ။
ဖြစ်ရတဲ့အကြောင်းရင်းတွေက
- ကြွက်သားကို အလွန်အကျွံအသုံးပြုထားတယ်
ဥပမာ - Leg day (Gym မှာ ခြေထောက်ဆော့ထားတဲ့နေ့၊ ဘောလုံးကန်တယ်၊ ပြေးတယ်၊ တောင်တက်ထားတယ်)
- ရေဓာတ်ခမ်းခြောက်လို့ (Dehydration)
ချွေးထွက်များတဲ့ နွေရာသီမှာချွေးထွက်လွန်ရင်ကြွက်တက် တတ်သလို ၊ 😢 အခုဆောင်းတွင်းမှာလည်း အေးတဲ့အတွက် ရေသောက်ဖို့မေ့နေတတ်ပါတယ် နှုတ်ခမ်းတွေအရမ်းခြောက်နေတာဟာ (လေထုရဲ့ စိုထိုင်းစ နည်းနေတာအပြင်) ရေဓာတ်ခမ်းခြောက်လို့လည်းပါ ပါတယ်
- တချို့ဓာတ်တွေချို့တဲ့လို့
Calcium, Potassium, Magnesium, Vitamin B12
- ကိုယ်ဝန်ဆောင်တွေမှာလည်း မကြာခဏ ကြွက်တက်တတ်ပါတယ်
- ကြွက်သားကို သွေးအသွားအလာနည်းလို့
( တချို့က ဒူးခေါင်းကိုကျော်ပြီးကြွက်တက်ရင် သေတတ်တယ်ဆိုလို့ ကြိုးနဲ့စည်းထားတတ်ပါတယ် ၊ ကြိုးစည်းထားလို့ သွေး အသွားအလာနည်းတာကလည်း ကြွက်တက်စေတဲ့အကြောင်းရင်းပါ)
- ခါးအာရုံကြောတွေညပ်နေတာကလည်း ကြွက်တက်သလို ကြွက်သားတွေ နာတတ်ပါတယ်။
👉👉👉
ကြွက်တက်တာက ကြွက်သားအစုအဝေး အနည်းငယ်ပဲ ရုတ်တရက် အရမ်းညှစ်လိုက်တာဖြစ်လို့ မခံမရပ်နိုင်အောင်နာပေမယ့် အသက်အန္တရာယ်မရှိပါဘူး
ခြေသလုံးကြွက်သားဟာ ဖနောက်ရိုးနဲ့ကို ဖနောက်ကြော(လူရဲ့တစ်ကိုယ်လုံးမှာအကြီးဆုံးအရွတ်) နဲ့ဆက်ထားတဲ့အတွက် အပေါ်တက်လာနိုင်စရာ (လုံးဝ) မရှိပါဘူး။
အဲ့ဒါကြောင့် ကြွက်တက်တာ ဒူးခေါင်းကျော်ရင် သေတတ်တယ်ဆိုတာ လုံးဝ (လုံးဝ) မဟုတ်ပါဘူး
👉👉👉
#ကြွက်မတက်အောင်_ဘာလုပ်ရမလဲ ⁉️
1. လေ့ကျင့်ခန်းလုပ်တိုင်း ကြွက်မတက်ပါဘူး၊ အကြောသေချာမလျှော့ မှ ဖြစ်တာမို့လို့
လေ့ကျင့်ခန်း လုပ်ပြီးတိုင်း အကြောလျှော့တာကို အချိန်ပေးပြီး သေသေချာချာလုပ်ပါ
2. သတိထားပြီး ရေသောက်ပါ တစ်နေ့ (၂-၃) လီတာသောက်ပါ၊ ရေသောက်တာဟာ ဝမ်းမှန်စေသလို၊ အသားအရေစိုပြေချောမွေ့စေပါတယ်
3. ဓာတ်တွေချို့တဲ့လို့ဆိုပြီး ဆေးတွေလျှောက်မသောက်ကြပါနဲ့
ကျွန်တော့ကို Chat Box က လာမေးကြတဲ့ လူတွေမှာ တစ်နေ့ကို အားဆေး (၆) မျိုးလောက် သောက်နေကြတာ အရမ်းအံ့ဩဖို့ကောင်းပါတယ်။
- အားဆေး ဆိုတာ အားရှိစေတဲ့ဆေးမဟုတ်ပါဘူး Multivitamins တွေပါ
- ပိုသောက်လို့ ပိုကောင်းမလာပါဘူး ၊ Daily requirements ထက်ပိုတာမှန်သမျှ ခန္ဓာကိုယ်က စွန့်ထုတ်ပစ်ပါတယ်
- တချို့ fat-soluble vitamins (Vitamin - A,D,E,K) တွေက လိုတာထက်ပိုရင် Overdose ဖြစ်ရင် အန္တရာယ်တောင်ရှိပါတယ်
- လက်တွေ့ မကောင်းကျိုးကတော့ ပိုက်ဆံတွေသမျောစရာကြီးဗျာ (တစ်နေ့ဆေးဖိုး ၃-၄ ထောင်လောက်ရှိတယ်) ဆီးထဲဝမ်းထဲပါသွားမယ့်ဟာတွေအတွက် ဖြုန်းနေကြတာ။
#ကြွက်မတက်အောင် စားရမှာတွေက
Potassium က ဖီးကြမ်းငှက်ပျောသီးမှာပါဝင်ပါတယ်။
Calcium က နို့နဲ့နို့ထွက်ပစ္စည်း
Magnesium ကနို့နဲ့နို့ထွက်ပစ္စည်း၊ အစေ့အဆန်တွေမှာပါဝင်ပါတယ်
Vitamin B12 က အသားစားရင်ရပါတယ်
နေ့တိုင်းစားနေစရာမလိုပါဘူး၊ တစ်ပတ် (၃-၄) ရက်လောက်စားရင် ရပါပြီ။
👉👉👉
#ကြွက်တက်ပြီ_ဘာလုပ်ရမလဲ ⁉️
ခြေသလုံးကြွက်တက်ရင် #ဒူးခေါင်းအထက် ရောက်မှာစိုးလို့ ဒူးအတင်းကွေးကြပါတယ် ❌ မဟုတ်ပါဘူး
- #ခြေထောက်ဆန့်ထားပါ
အတင်းဖိချကြပါတယ် ❌ မလုပ်ပါနဲ့
- ဖြည်းဖြည်းပဲ ဖိနှိပ်ပေးပါ
အချိန်ခဏနဲ့ပဲ ကြွက်သားတင်းနေတာ လျော့သွားပါလိမ့်မယ်
နာပြီးကျန်ခဲ့တာအတွက်က
- ရေစိုဝတ်ကပ်ပေးပါ
- ခပ်ဖွဖွ နှိပ်နယ်ပေးပါ
ခြေထောက်ကြီးကွေးလိုက်ရင် ကြွက်တက်တဲ့အချိန်ကြာနိုင်သလို၊ အတင်းဖိပြီးအောက်ကိုတွန်းချကြရင် 😰 လမ်းမလျှောက်နိုင်လောက်အောင် နာပြီး ကျန်ခဲ့ နိုင်ပါတယ်။
***ကိုယ်ဝန်ဆောင်များအတွက်ကတော့
- ရေများများသောက်ပါ
- အဟာရပြည့်ဝအောင်စားပါ
- OG ဆရာဝန်ညွှန်းတဲ့ ကိုယ်ဝန်ဆောင်အားဆေး တွေမှန်မှန်သောက်ပါ
- အကြောတွေတင်းမနေအောင် လှုပ်လှုပ်ရှားရှားနေပါ
- ကြွက်ခဏခဏတက်ရင်တော့ ကိုယ်ဝန်အပ်ထားတဲ့ OG ဆရာဝန် နဲ့ တိုင်ပင်ပါ
***အကြောင်းရင်းမရှိပဲ ခဏခဏ ကြွက်တက်နေပြီး ၊ ထုံကျဉ်တာ၊ ခါးနာတာပါ ရှိရင်တော့ #အရိုးခွဲစိတ်အထူးကုဆရာဝန် နဲ့ပြသပါ။
(Photo credit ; jbyrdyoga)
(Original post ; Dec ,2020 👉 https://www.facebook.com/104993831383029/posts/154443399771405/ )
ကျန်းမာရေးဗဟုသုတတိုးပြီး
သက်ရှည်ကျန်းမာ စိတ်ချမ်းသာကြပါစေ
Dr. ဘုန်းစည်သူလွင်
(ကျန်းမာရေးဆောင်းပါးများ နေ့စဉ်တင်ပေးနေသောကြောင့် #ကျွန်တော့_Pageကို_Like လုပ်ထားခြင်းဖြင့် ကျန်းမာရေးဗဟုသုတတိုးပွား လာပါလိမ့်မယ် 💕💕💕 )
