https://www.facebook.com/105811822041652/

ABM:Herbs For Self Wellness, Taunggyi, Taunggyi (2025)

12/08/2025

#ဂေါက်အဆစ်ရောင် ဆီးနှင့်ကျောက်ကပ် အသည်းသမားများအတွက် ဘူးပင် အစွမ်း အံမခန်းပါ

#ရေဓာတ်ပါဝင်မှုများပြီး အအေးစာဖြစ်သောကြောင့် ဆီးမကောင်းသူများနှင့် ယူရစ်အက်စစ်များ၍ ဆီးပူသော သူများသည် ဘူးသီးကိုဖျော်ရည်လုပ်ပြီး သံပရာရည်ဖြင့်ရောကာ သောက်သုံးပေးသင့်သည်။

#ကျောက်ကပ်ရောင် ခြင်းကိုလည်း ကုသပေးနိုင်စွမ်းရှိသည်။

#ဆီးချိုရောဂါသည်များအတွက် အထူးသင့်လျော်သည်။.

#ဝမ်းလျှောခြင်းကြောင့် ရေငတ်နေသူများ၊ အဆီဓာတ်များသောအစားအစာ သို့မဟုတ် ဆီကြော်မုန့်စားသုံးပြီး နောက် ရင်ပူနေသူများသည် ဘူးသီးကိုဖျော်ရည်လုပ်ကာ ဆားအနည်းငယ်ရော၍သောက်သုံးပေးသင့်သည်။

#ပူပြင်းသောနွေရာသီတွင် ဆုံးရှုံးသွားသောချွေးများအတွက် အထက်ပါအတိုင်းသောက်သုံးပေးပါက လူကိုပြန်လည် လန်းဆန်းစေသည်။ အပူလျှပ်ခြင်းမှလည်း ကာကွယ်ပေးသည်။

#သွေးတိုးရောဂါသမားများနှင့် နှလုံးရောဂါဝေဒနာရှင်များကို များစွာအကျိုးပြုသည်။

#ဘူးညွန့်(ဘူးရွက်)သည် အသည်းရောင်အသားဝါရောဂါကို ဟန့်တားကာကွယ်ပေးသည်။

#ဆံပင်ဖြူခြင်းကို သက်သာလျော့ပါးစေသည်။

#အဆီဓာတ်ပါဝင်မှုနည်းပြီး အမျှင်ဓာတ်ပေါများသောကြောင့် အစာကြေလွယ်ပြီး ဝမ်းချုပ်ခြင်းမှ ကာကွယ်ပေး သည်။

#အာရုံကြောများကို အားကောင်းစေကာ မှတ်ဉာဏ်ကို ဖွံ့ဖြိုးတိုးတက်စေသည်။(စိတ်ဖောက်ပြန်သူများအတွက် ကောင်းကျိုးပြုပါသည်)

#ဆံပင်မရှိ၍ ထိပ်ပြောင်သူများသည် ဘူးညွန့် (ဘူးရွက်)အရည်ကို လိမ်းပေးသင့်သည်။

#သွားကိုက်ခြင်းကို သက်သာပျောက်ကင်းစေသည်။ သွားများမပျက်စီးရအောင် ကြိုတင်ကာကွယ်သည့်အနေဖြင့် ဘူးညွန့်အရည်ဖြင့် ပလုတ်ကျင်းပေးသင့်ပါသည်။

#ဖက်ခွက်နာ(ပြည်တည်နာများ)၊ ဝက်ရူးပြန်ခြင်းနှင့် အစာမကြေခြင်းဝေဒနာများကို သက်သာ ပျောက်ကင်း စေသည်။

#နံနက်စာမစားမီ ဘူးသီးကိုဖျော်ရည်လုပ်ပြီး နေ့စဉ်တစ်နေ့လျှင် တစ်ခွက်ပုံမှန်သောက်သုံးပေးပါက အရွယ်တင် နုပျိုစေသည်။

#မိတ်၊ အင်ပျဉ်ကဲ့သို့ အရေပြားပေါ်တွင် အဖုအပိမ့်အနီကွက်ထပါက ဘူးသီးကိုကြိတ်ချေ၍ ၎င်းအနှစ်များဖြင့် လိမ်းပေးခြင်းဖြင့် ချက်ချင်းသက်သာပျောက်ကင်းစေသည်။

#ဘူးသီးကို မှန်မှန်စားပေးခြင်းဖြင့် အပြစ်အနာအဆာမရှိသော လင်းလက်စိုပြည်လှပသည့် အသားအရေကို ပိုင်ဆိုင်နိုင်သည်။

ဘူးသီးသည် အသည်းပုံမှန်အလုပ်မလုပ်နိုင်သူများကို ကောင်းစွာအကျိုးပြုသည်။

#နာတာရှည်အိပ်မပျော်နိုင်ဘဲ မျက်စိကြောင်နေသူများသည် ဘူးသီးကိုဖျော်ရည်လုပ်ပြီး နှမ်းဆီနှင့်ရော၍ ဦးခေါင်းခွံ (ဦးရေပြား)ကို ညစဉ်နှိပ်ပေးခြင်းဖြင့် ထိရောက်စွာအကျိုးရှိစေသည်။

#အစာအိမ်အက်စစ် အထွက်လွန်သူများအတွက် သက်သာပျောက်ကင်းသည်။

နှလုံးကိုအားကောင်းစေသည်။

အဆိပ်ပြေစေသည်။

#ချောင်းဆိုးခြင်းကြောင့် အသက်ရှူလေပြွန်ရောင်နေသူများ၊ လည်ချောင်းနာသူများနှင့် ပန်းနာရင်ကျပ်ရောဂါများကို ကုသပေးနိုင်စွမ်းရှိသည်။

#ဗီတာမင်အီးက မျက်လုံးသွေးကြောမျှင်များကို ကောင်းကျိုးပြုသည်။
အစိမ်းရင့်ရောင် ဟင်းသီးဟင်းရွက်တစ်မျိုး ဖြစ်သည့် ဘူးညွန့်ဟင်းလျာတစ်ခွက်တွင် ဗီတာမင်အီးကိုလုံလောက်စွာ ရရှိနိုင်သည်။ ထို့ကြောင့် ဘူးညွန့်စားခြင်း က မျက်စိကျန်းမာရေးကို အထောက်အကူဖြစ်စေသည်။

#မှတ်သားရန်

✅ဘူးသီးသည် အပူပေးချက်ပြုတ်ပြီးမှသာ စားသုံးရသည့် ဟင်းသီးဟင်းရွက်တစ်မျိုးဖြစ်သည်။

#ဆီးရောဂါရှိသူများအနေဖြင့် ဖျော်ရည်လုပ်၍ သောက်သုံးနိုင်သော်လည်း ၎င်းရောဂါမရှိဘဲ ရက်လတာရှည်အစိမ်းစားပါက အစာအိမ်နှင့်အူမများအတွက် အန္တရာယ်ဖြစ်စေနိုင်သည်။

✅အချုပ်အားဖြင့်ဆိုသော် ဘူးသီးသည် ကိုယ်ခန္ဓာအတွင်းရှိ အင်္ဂါအစိတ်အပိုင်းများကို အကျိုးပြုရုံသာမက အသားအရေကို ကျန်းမာလှပစေခြင်း၊ ဆံပင်ဖြူခြင်းကို လျော့နည်းစေခြင်းတို့အပြင် ကိုယ်အလေးချိန်ထိန်းလိုသူများအတွက် ထိထိရောက်ရောက် အကျိုးပြုစေသည့် အစွမ်းသတ္တိများနှင့်ပြည့်စုံသော အစိမ်းရောင် ဟင်းသီးဟင်းရွက်တစ်မျိုးဖြစ်သည်။

✅ရေဓာတ်ပါဝင်မှုများပြားသဖြင့် အချိန်ကြာမြင့်စွာချက်ပြုတ်ပေးရန် မလိုဘဲ အချိန်ကုန်သက်သာစေသည်။ ထို့ကြောင့်ဆေးဖက်ဝင်ဟင်းရွက်နွယ်ပင်တစ်မျိုးဖြစ်သည့် ဘူးသီးကို စားသောက်နိုင်ကြပါစေကြောင်း သတင်းကောင်းပါးအပ်ပါသည်။ ။

CRD.............ပေါက်ပေါက်
#ကျန်းမာရေးဗဟုသုတရကြပါေ

07/08/2025

အိပ်မပျော်သူများအတွက် ပူစီနံရွက်
အိပ်မပျော်တဲ့ မိတ်ဆွေများအတွက် ကျွန်မလုပ်နေကျဆေးနည်းလေး ပေးပါရစေ။

အိပ်ဆေးသောက်အိပ်ခြင်းဟာ ရေရှည်မှာ မကောင်းပါဘူး။ ဒီနိုင်ငံမှာဆို အိပ်ဆေး လုံးဝ မပေးပါဘူး။ အရင်ကတော့ နွားနို့ပူပူလေးကို မအိပ်ခင် နာရီဝက်လောက်အလိုမှာ သောက်လိုက်ပြီးမှ အိပ်ရင် အိပ်ပျော်တယ်ဆိုလို့ သောက်ကြည့်ပါတယ်။ မဆိုးပါဘူး။ ဒါပေမယ့် နွားနို့သိပ်မကြိုက်တတ်တဲ့ ကျွန်မအတွက် သိပ်အဆင်မပြေပါဘူး။

ဒါနဲ့ အညာမှာနေတဲ့ မွေးသမိခင်ကို မေးရတော့တာပေါ့။ သမီးရေ အိပ်မပျော်ရင် ရေနွေးထဲကို ပူတီနာအရွက် ၅ ရွက် ၆ ရွက်ကို ထည့်ပြီး ခပ်နွေးနွေးလေး အနေအထားရောက်ရင် သောက်ပြီး အိပ်ယာထဲ ဝင်လိုက်ပါတဲ့။ ခဏနေရင် အိပ်ပျော်သွားလိုက်မယ်တဲ့။

တကယ်ကို အဟုတ် အိပ်ဆေးကောင်းလေးပါ။ အခုတော့အိမ်မှာ ပူတီနာကို အခင်းဖြစ်အောင်စိုက်ထား လိုက်ပါတော့တယ်။ သြော် နောက်တစ်ခုက ပူတီနာ အရည်ကို သောက်ခြင်းဟာ နှစ်နှစ်ခြိုက်ခြိုက် အိပ်ပျော်စေသလို အဆီလည်းကျစေပါတယ်တဲ့။

🥰 ပူစီနံအရည်ကို သောက်ခြင်းဟာ နှစ်နှစ်ခြိုက်ခြိုက် အိပ်ပျော်စေသလို အဆီလည်း ကျစေပါတယ်တဲ့။

မိတ်ဆွေများ လိုသလို အသုံးပြုနိုင်ကြပါစေ.....

အိန္ဒိယ အစားအစာတွေထဲမှာရော အတို့အမြုပ် အနေနဲ့ပါ စားနိုင်တဲ့ ပူစီနံ စားရုံနဲ့ လေ့ကျင့်ခန်းတွေ ထူးထူး ထွေထွေ သိပ်လုပ်စရာ မလိုပဲ ကိုယ်အလေးချိန် ကောင်းကောင်း လျော့ချနိင်ပါတယ်။ ပူစီနံက သင့်ကို ဘယ်လို ကျန်းမာရေး ကောင်းကျိုးတွေ ဖြစ်စေပါသလဲ။

(၁) အစာကြေစေတယ်
- ခံတွင်းကိုလည်း ရှင်းစေတယ်၊ အစာကိုလည်း ကြေစေတယ်၊ အစာမာ စားတာ များရင်၊ ဒါမှမဟုတ် အစာမကြေ ဖြစ်နေရင် ပူစီနံ နည်းနည်းလောက် စားပေးရုံနဲ့ အစောကြေ အဆင်ပြေစေပါလိမ့်မယ်။

(၂) အာရုံကြော အားကောင်းစေတယ်၊ ခေါင်းကိုက်ပျောက်ကင်းစေတယ်
- ပူစီနံကို ပုံမှန် စားသုံးပေးခြင်းက အာရုံကြော အားကောင်းစေတာ တွေ့ရသလို ခေါင်းကိုက်နေချိန်မှာလည်း စားသုံးပေးမယ် ဆိုရင် ပူစီနံရဲ့ အနံ့ကြောင့် ခေါင်းကိုက်ပျေက်ကင်းစေတာ တွေ့ရပါတယ်။

(၃) ချွဲကျစေတယ်၊ ချောင်းဆိုးပျောက်စေတယ်
- ချောင်းဆိုးပျောက်ဆေး အများစုမှာ ပူစီနံရဲ့ ဓါတ်ကို ထည့်သွင်း ထုတ်လုပ်ထားတာ တွေ့နိုင်သလို အနည်းငယ် ပူရှိန်တဲ့ ဓါတ်ကြောင့် ချွဲကျစေသလို ချောင်းဆိုလည်း ပျောက်ကင်းစေတာ တွေ့ရပါတယ်။

(၄) ပန်းနာရင်ကျပ်လည်း သက်သာစေနိုင်တယ်
- အများဆုံးသော ပန်းနာရင်ကျပ် သမားတွေရဲ့ လက်စွဲတော် အစားအစာလည်းဖြစ်၊ အကောင်းဆုံး စားသုံးသင့်တဲ့ အရွက်က ပူစီနံပါ၊ လည်ချောင်းရှင်းပြီး အသက်ရှုလမ်းကြောင်း ကောင်းမွန်စေတာ တွေ့ရပါတယ်။

(၅) မိခင်များ နို့ထွက်ကောင်းစေတယ်
- နို့တိုက်မိခင်တွေ နို့ထွက်ကောင်းစေချင်တယ် ဆိုရင်လည်း ပူစီနံ အနည်းငယ် ပုံမှန် စားသုံးပေးသင့်ပါတယ်။ နို့ထွက်အားကောင်းလာစေနိုင်ပါတယ်။

(၆) အ၀လွန်ခြင်းကို ကာကွယ်ပေးနိုင်တယ်
- ပူစီနံရွက်ထဲမှာ ပါရှိတဲ့ ပူရှိန်တဲ့ ဓါတ်ဟာ သွေးထဲက အဆီခဲတွေကို ဖယ်ရှားပေးနိုင်ပြီး အ၀လွန်ခြင်းကို ကာကွယ်ပေးနိုင်တာ တွေ့ရပါတယ်။

(၇) အသားရေစိုပြေစေတယ်
- အရွယ်ကို ပုံမှန် စားသုံးပေးခြင်းက အရေပြားကို စိုစွတ် အေးမြစေတယ်၊ စိုပြေစေတယ်၊ နေပူဒဏ် ခံနိုင်စေတယ်၊ ပူစီနံနဲ့ ဖော်စပ်ထားတဲ့ အရေပြား လိမ်းဆေးတွေက အရေပြား ကူးစက်ရောဂါတွေကိုပါ ကာကွယ်ပေးနိုင်တာ တွေ့ရပါတယ်။

(၈) သတိမေ့ခြင်းကို သက်သာစေနိုင်တယ်
- အသက်အရွယ် ကြီးမားလာခြင်း အတွက်ရော စိတ်ဖိစီးမှု များခြင်းကြောင့် သတိမေ့ခြင်းကို ပူစီနံက ကာကွယ်ပေးနိုင်တာ၊ သက်သာစေနိုင်တာ တွေ့ရပါတယ်။

(၉) ကိုယ်အလေးချိန် မှန်စေတယ်
- အ၀လွန်ခြင်းကို ကာကွယ်ပေးနိုင်သလို ကိုယ်အလေးချိန် များနေသူတွေ၊ အ၀လွန်နေသူတွေကိုလည်း သွေးထဲက အဆီတွေဖယ်ပေးနိုင်တာကြောင့် ကိုယ်အလေးချိန် မှန်ပြီး ပိန်စေနိုင်တာလည်း တွေ့ရပါတယ်။

(၁၀) ကင်ဆာကိုလည်း ကာကွယ်ပေးနိုင်တယ်
- အထိရောက်ဆုံး ကာကွယ်မှု ပေးနိုင်တာ မဟုတ်ပေမယ့် နောက်ဆုံး လေ့လာတွေ့ရှိချက်တွေ အရတော့ ကင်ဆာဖြစ်စေမယ့် ဆဲလ်တွေ ဖြစ်တည်မှုနဲ့ ကင်ဆာဆဲလ်တွေ သေစေနိုင်မှုကို ပူစီနံဓါတ်က ကူညီ တိုက်ဖျက်ပေးနိုင်တာတွေ့ရပါတယ်🥰🥰 #ဗဟုသုတ

05/08/2025

>> " ဗိုက်" ဘယ်နေရာက ***
>> ဘာကြောင့်နာ အောင့်တာလဲ ***

[ဝမ်းဗိုက်နဲ့ ပတ်သက်ပြီးတော့
အပိုင်း (၉) ပိုင်းရှိတယ်။ ပုံပါအတိုင်း။]

အပိုင်း (၁)

ဒီအပိုင်းမှာ ဆိုရင်တော့ အသဲ၊ သဲခြေအိတ် နဲ့ အသဲနှင့်ကပ်လျက်
အူမအကွေးပိုင်း ၊ ညာဘက် အဆုတ် အောက်ခြေအနား တို့ရှိပါတယ်။

ဒီပိုင်းနဲ့ ပတ်သက်ပြီး အောင့်တယ် ၊ နာတယ်ဆိုရင် တော့ (Virus) ပိုးအသဲထဲဝင်တာ ကြောင့် အသဲရောင်ခြင်း ၊ ဝမ်းကိုက်ပိုး အသဲထဲရောက်ခြင်း ၊ သည်းခြေအိတ်ရောင်ခြင်း ၊ သည်းခြေလမ်းကြောင်း ရောင်ရမ်းခြင်း ၊ အရက်ကြောင့် အသည်းရောင်ခြင်း ၊ အူမကြီးရောင်ခြင်း ၊ အူပိတ်ခြင်း ၊ အသည်းကင်ဆာ စတဲ့ လက္ခဏာတွေ ကြောင့်ဖြစ်နိုင်ပါတယ်။

အပိုင်း (၂)

ဒီအပိုင်းမှာ ဆိုရင်တော့ အစာအိမ် ၊ မုန့်ချိုအိတ် ၊ ကန့်လန့်ဖြတ်အူမ ၊ အသဲရဲ့အမွှာနုအပိုင်း တို့ရှိပါတယ်။

ဒီပိုင်းနဲ့ ပတ်သက်ပြီး အောင့်တယ် ၊ နာတယ်ဆိုရင်တော့ အစာအိမ် ရောင်ခြင်း ၊ အစာအိမ်အနာ နှင့်အတူ သွေးအန်ခြင်း ၊ သွေးဝမ်းသွားခြင်း ၊ အစာအိမ်ပေါက်ထွက်ခြင်း ၊ အူသိမ်ဦး ပေါက်ထွက်ခြင်း ၊ အစာအိမ်ကင်ဆာဖြစ်ခြင်း ၊ အူသိမ်ပိတ်ခြင်း စတဲ့ လက္ခဏာတွေ ကြောင့်ဖြစ်နိုင်ပါတယ်။

အပိုင်း (၃)

ဒီအပိုင်းမှာ ဆိုရင် သရက်ရွက် (ဝါ) ဘယ်လုံးလုံး ၊ သရက်ရွက်နှင့်ကပ်လျက်အူမ အကွေးပိုင်း ၊ ဘယ်ဘက် အဆုတ် အောက်ခြေအနား တို့ရှိပါတယ်။

ဒီပိုင်းနဲ့ ပတ်သက်ပြီး အောင့်တယ် ၊ နာတယ်ဆိုရင် သရက်ရွက် (ဝါ) ဘယ်လုံးလုံး စုတ်ပြတ်ဒဏ်ရာ ၊ အူရောင်ခြင်း ၊ အူမကြီးပိတ်ခြင်း ၊ အူမကင်ဆာ ၊ အူမကြီးပေါက်ထွက်ခြင်း ၊ ဓါးထိုး ဒဏ်ရာ စတဲ့ တွေ ကြောင့်ဖြစ်နိုင်ပါတယ်။

အပိုင်း (၄)

ဒီအပိုင်းမှာ ဆိုရင် ညာဘက် ကျောက်ကပ် ၊ အပေါ်သို့တက်သော
အူမ အပိုင်း တို့ရှိပါတယ်။

ဒီအပိုင်းမှာဆိုရင် အူရောင်ခြင်း ၊ ကျောက်ကပ်ရောင်ခြင်း ၊ ကျောက်ကပ်ကွဲထပ်ခြင်း ၊ ကျောက်ကပ် ကင်ဆာ ၊ ကျောက်ကပ်ထဲသို့ ရေဝင်ခြင်း စတဲ့ တွေ ကြောင့် အောင့်တာ ၊ နာတာတွေ ဖြစ်တက်ပါတယ်။

အပိုင်း (၅)

ဒီအပိုင်းမှာ ဆိုရင် အူသိမ် (ဝါ) အူသေး ရှိပါတယ်။ ဒီအပိုင်းမှာဆိုရင် သန်းထိုးခြင်း ၊ လေထိုးခြင်း ၊ အူသိမ် (ပိတ်ခြင်း ၊ ပေါက်ခြင်း) ၊ အူတစ်ခု နှင့် တစ်ခု ထပ်ခြင်း ၊ အူလိမ့်ခြင်း ၊ အူခေါက်သွားခြင်း ၊
သန်ကောင်ပိတ်ခြင်း ၊ ပြင်ပ ပစ္စည်းတစ်ခုခုပိတ်ဆို့နေခြင်း
(ဥပမာ - ဂေါ်လီ) စတာတွေ ကြောင့် ဗိုက်နာခြင်း ၊
အောင့်ခြင်း ဖြစ်တက်ပါတယ်။

အပိုင်း (၆)

ဒီအပိုင်းမှာ ဆိုရင် ဘယ်ဘက် ကျောက်ကပ် ၊ အောက်သိုဆင်းသော အူမအပိုင်း တို့ရှိပါတယ်။ လက္ခဏာတွေကတော့ အထက်ဖော်ပြပါ အပိုင်း (၄) အတိုင်း ဖြစ်ပါတယ်။

အပိုင်း (၇)

ဒီအပိုင်းမှာ ဆိုရင် အူအတက်ပိုင်း ၊ အူမရဲ့ အစပိုင်း ၊ ညာဘက်မျိုးဥအိမ် နဲ့ ညာဘက် သားဥပြွန် တို့ရှိပါတယ်။

ဒီအပိုင်းမှာ ဖြစ်တက်တာတွေက အူအတက်ရောင်ခြင်း ၊ အူတက်လုံးခဲခြင်း ၊ အူတက်ပြည်တည်ခြင်း ၊ အူအတက်အဖုံးမြှေးရောင်ခြင်း ၊ အူတက်ပေါက်ခြင်း ၊ အူမ ကင်ဆာ ၊ အူမကြီးပိတ်ခြင်း ၊ အူသိမ်ပိန်ခြင်း ၊ အူမ ရောင်ရမ်းခြင်း ၊ ဆီကမ် ပိုးဝင်ခြင်း ၊ မျိုးဥအကြိတ် ၊ မျိုးဥအိမ် ရောင်ရမ်းခြင်းတွေ ကြောင့် အောင့်ခြင်း ၊ နာခြင်း တွေ ဖြစ်တက်ပါတယ်။

အပိုင်း (၈)

ဒီအပိုင်းမှာ ဆိုရင်တော့ ဆီးအိမ် ၊ သားအိမ် ၊ အစင်အိမ် တို့ရှိပါတယ်။

ဒီအပိုင်းမှာ ဘာတွေဖြစ်တက်လဲဆိုရင် ကိုယ်ဝန်ပျက်ချခြင်း ၊ အရိုးကွင်းတွင် ကျောက်တည်ခြင်း ၊ ဆီးအိမ်ကင်ဆာ ၊ ဆီးကြိတ် ကင်ဆာ ၊ ဆီးအိမ် မူမမှန်ခြင်း ၊ ဆီပြွန် မှာ ကျောက်တည်ခြင်း ၊ သားအိမ်ပေါက်ထွက်ခြင်း ၊ ဆီပြွန်ပေါက်ခြင်း ၊ ဆီးအိမ်ပေါက်ခြင်း ၊ ဆီးအိမ်ရောင်ခြင်း ၊ သားအိမ်ရောင်ခြင်း ၊ မစင်အိမ်ရောင်ခြင်း ၊ သားအိမ်မှာ အကြိတ်ဖြစ်ခြင်း ၊ ဆီးအိမ်တင်ခြင်း ၊ ကိုယ်ဝန်ရှိခြင်း စတာတွေ ကြောင့် ဖြစ်တက်ပါတယ်။

အပိုင်း (၉)

ဒီအပိုင်းကတော့ ဝမ်းပိုက်ရဲ့ နောက်ဆုံး အပိုင်းလဲ ဖြစ်ပါတယ်။ ဒီအပိုင်းမှာဆိုရင် အူမအဆုံးပိုင်း ၊ မျိုးဥအိမ် ၊ ဘယ်ဘက် သားဥပြွန် တို့ရှိပါတယ်။

ဒီအပိုင်းမှာ အူမကင်ဆာ အူမရောင်ရမ်းခြင်း ဂရင်ဂျီနာ ၊ သားဥအိမ်ကင်ဆာ ၊သားဥပြွန်ရောင်ရမ်းခြင်း ၊ ဆီးခုန်ရောင်ရမ်းခြင်း တို့ကြောင့် ဗိုက်နာ ၊ ဗိုက်အောင့်ခြင်းကို ဖြစ်စေတက်ပါတယ်။

ကျန်းမာချမ်းသာလို့ပျော်ရွှင်ကြပါစေခင်ဗျာ🙏

သင့်မိတ်ဆွေတွေလည်းသိစေရန်ပြန်လည်မျှဝေခြင်းဖြင့်ကျန်းမာရေး ကုသိုလ်ယူပေးပါ။

ကျန်းမာရေးဗဟုသုတများကိုနေ့စဉ်နှင့်အမျှတင်ဆက်ပေးနေတာကြောင့် page ကိုfollowလုပ်ထားပါ။

#ကျန်းမာရေး #ဗဟုသုတ #စာပေ
#နွယ်မြက်သစ်ပင်ဆေးဖက်ဝင်
#မေတ္တာဖြင့်ပြန်လည်မျှဝေပါသည်
#လေးစားစွာဖြင့်မူရင်းရေးသားသူကို
ေးပ

05/08/2025

#သွေးတိုးသမားများလေစာလေး သတိထားနိုင်အောင်ပါ။

#အခါးဟူသမျှ လေဓါတ်ကြွ၊
မူလပျက်စီးရာ ခွေးတောက်တမာ၊
ကြောင်လျှာကြက်ဟင်းခါး
ဝက်သားလက်ဖက်
မတွဲဖက်၊ တစ်ချက်မှတ်ကြပါ ဟူသော

#လင်္ကာနှင့်အညီ လေစာကို တစ်နေ့တည်း နှစ်မျိုးစားမိခြင်း၊ တစ်ကြိမ်တည်း နှစ်မျိုးရောစားမိခြင်းတို့ကြောင့် လေဖြတ်နိုင်သည်ဟုဆိုထားသည်။

#ဝက်သားသည် လေစာဖြစ်သည်။ သွေးတိုးနိုင်သည်။ ဝက်သား စားသည့်နေ့တွင် ကြက်ဟင်းခါးသီး ချက်မစားရ။

#ခွေးတောက်ရွက်ဟင်းချို မသောက်ရ။ ကြောင်လျှာသီးချက်မစားရ။ လက်ဖက် (အခါးမညှစ်ပဲ) မစားရ။ တမာရွက်မစားရပါ။

#စားမိလျှင်တစ်နေ့တည်း လေစာနှစ်မျိုး ထပ်မိပြီး သွေးတိုး (လေတိုး) တက်ပြီး လေဖြတ်ခြင်း၊ ဦးနှောက် သွေးကြောပြတ်ခြင်း ဖြစ်နိုင်ပါသည်။

#ဆီးချိုရောဂါ ရှိသူများသည် အခါးစားမီလျှင် ဆီးချိုသက်သာမည် ထင်ပြီး တစ်နေ့တည်း အခါးနှစ်မျိုးစားမိလျှင် သွေးတိုးပြီး လေဖြတ်နိုင်ပါသည်။

#ဆီးချိုထိန်းဆေးများကို ကျွမ်းကျင်သည့် ဆရာဝန်၏ ညွှန်ကြားချက်အတိုင်းသာ စားသင့်သည်။ အခါး စားလွန်းလျှင် လေစာဖြစ်ပြီး သွေးတိုးရောဂါပါ ထပ်တိုးလာနိုင်ပါသည်။

#ဆေးကျမ်းတခုတွင် ယားယံခြင်းကား လေကင်းမှတ်ရာ ဟု မိန့်ဆိုချက်ရှိသဖြင့် ယားနာရောဂါ၊ အရေပြား ရောဂါရှိသူများလည်း လေစာ၊ အခါးဓါတ်များ မစားသင့်ပါ။

#အရသာခါးလျှင် လျှော့စား၊ ရှောင်စားသင့်ပါသည်။ သွေးယားရောဂါ Alergic ရှိသူများလည်း လေစာစားလျှင် ရောဂါပြန်ထလေ့ရှိကြောင်း တွေ့ရပါသည်။

#ဖုန်၊ ကြက်မွှေး၊ ငှက်မွှေး၊ စူးရှသောအနံ့၊ ဓါတ်ဆီ၊ ဒီဇယ်အနံ့များကြောင့် Alergic ထသည်ကို သိကြသော်လည်း လေစာကြောင့် သွေးယားရောဂါ ထသည်ကို သိသူနည်းသဖြင့် တင်ပြရခြင်း ဖြစ်ပါသည်။

#သွေးတိုးရောဂါ၊ ဆီးချိုရောဂါ ရှိသူအားလုံး လေစာကို သတိထားစားရန်၊ တတ်နိုင်သမျှ ရှောင်စားရန်၊ လျှော့စားရန်နှင့် အထူး သတိပြုရန်မှာ တစ်နေ့တည်း၊ တစ်ကြိမ်တည်းမှာ လေစာနှစ်မျိုးဆင့်၍ မစားမိကြရန် သတိပြုကြဖို့ အသိပေးပါရစေ။

( ကိုယ်စားခဲ့ဖူးတဲ့ ထမင်းကြော်မတပွဲမှာ အရသာကထူးကဲနေတာကြောင့် လက်တို့ပြီးမေးလိုက်တော့ ထမင်းကြော်လေးတပွဲမှာထဲ့တာက သကြား၊ အချိုမှုန့် နှင့် ကြက်သားမှုန့် သုံးမျိုးလုံးထည့်ကြော်တာတဲ့ တို့ မြန်မာလူမျိုးတွေရဲ့ ခံတွင်းကလဲ အရသာကထူးကဲနေမှ သွေးတိုး ဆီးချိုမဖြစ်ပဲနေမလား။)

မြန်မာဆိုရိုးစကားအတိုင်း တန်ဆေး လွန်ဘေး ပါ။

#ကျန်းမာရေးဗဟုသုတရကြပါစေ

19/07/2025

>> ခြေဖနောင့်နာခြင်း ကုသနည်း > ကုသနည်းများ > သဘာဝနည်းလမ်းများ

18/07/2025

ရေနွေးဖြူကို သောက်ရင်
ဒါတွေ ဖြစ်လာလိမ့်မယ်

ရေကို ကြိုချက် အအေးခံပြီး ရေနွေးဖြူ အဖြစ်ပြန်သောက်
တခါသောက်ရင် ငါးကြင်းဖန်အလတ်စား ၅ခွက်
ဝင်အောင်သောက်
သင်တို့ခန္ဓာကိုယ်က
ရောဂါအားလုံးနီးနီး
သွေးတိုး ဆီးချို
ရင်တုန် အမောလွယ် အမြင်မှုန် ရက်ပိုင်း
လပိုင်းအတွင်းကို ပျောက်တယ် နောက်ဆုံး
ကင်ဆာ ရောဂါပါပျောက်တယ် အစွဲတော့
သောက်ရပါ့မည်။

ရေနွေးအဖြူ၏ ကောင်းကျိုး

မနက်စောစော အိပ်ယာထချိန် ဗိုက်ဗလာဖြစ်ချိန်
ကြိုထားသည့်ရေနွေး 600ml ငါးကြင်းဖန်ခွက် ၂ခွက် နီးပါး သောက်သုံးသင့်ပါသည်။အကျင့််မရ
သေးခင် မသောက်နိုင်ပေမယ့် ကျင့်သားရသွား
လျှင်သောက်နိုင် သွားပါလိမ့်မည်။

အထူးသတိပြုရန်

ရေနွေးသောက်ပြီးချိန်{ 30~ 45 }မိနစ်အတွင်း
မည်သည့်အစားအစာမှ မစားပါနှင့်။

ပျောက်ကင်းသည့်ဝေဒနာများ

၁။ ဝက်ရူးပြန်ရောဂါ
၂။ စိတ်ဖိစီးမှုများခြင်း
၃။ သွေးကြောပိတ်ခြင်း
၄။ အစာအိမ်ပြဿနာများ
၅။ အမျိုးသမီးဓမ္မတာများ
၆။ ခေါင်းတခြမ်းကိုက်ခြင်း
၇။ သွေးပေါင် တိုး/တက် ခြင်း
၈။ အဆစ်အမြစ်ကိုက်ခဲခြင်း
၉။ နှလုံးခုန်ရုတ်တရက်မြန်ခြင်း
၁၀။ ကိုလက်စထရောများခြင်း
၁၁။ ချောင်းဆိုးပန်းနာကြပ်ခြင်း
၁၂။ နား/လည်ချောင်းရောဂါများ
၁၃။ မျက်လုံးမကြည်အားနည်းခြင်း
၁၄။ အစာစားချင်စိတ်ပျောက်ဆုံးခြင်း
၁၅။သာအိမ်ခေါင်းနှင့်သားအိမ်ရောဂါများ

အာမခံထားသည်ရက်စွဲများ

၁။ ဆီးချို/သွေးတိုး ၃၀-ရက် အတွင်း
၂။ အစာအိမ်ပြဿနာ ၁၀-ရက် ။
၃။ ကင်ဆာမှန်သမျှ ၉-လ ။
၄။ သွေးကြောပိတ်ခြင်း ၆-လ ။
၅။ အစာစားချင်စိတ်မရှိ ၁၀-ရက် ။
၆။ သားအိမ်ရောဂါများ ၁၀-ရက် ။
၇။ အမျိုးသမီးဓမ္မတာ ၁၅-ရက် ။
၈။ နား/လည်ချောင်း ၁၀-ရက် ။
၉။ နှလုံးရောဂါ ၃၀-ရက် ။
၁၀။ခေါင်းတခြမ်းကိုက် ၃-ရက် ။
၁၁။ကိုလက္စထေရာက် ၄-လ ။
၁၂။ဝက်ရူး/သွပ်ချာပါဒ ၉-လ ။
၁၃။ပန်းနာရင်ကြပ် ၄-လ ။

ရေအေးရဲ့ဆိုးကျိုးများ

ရေအေးသည် နုငယ်ရွယ်စဉ်မှာ သင့်ကိုမထိခိုက်စေပေမယ့် အသက်ကြီးလာတဲ့အခါ သင့်ကိုဘေး
ဒုက္ခကောင်းကောင်းပေးပါလိမ့်မည်။ ရေအေး
သည် နှလုံးသွေးပြန်ကြော (၄)ခုကို ပိတ်စေပြီး
နှလုံးအမောဖောက်ခြင်းကို ဖြစ်စေသည်။ ရေအေးသောက်ခြင်း နှလုံးရောဂါဖြစ်စေသော အဓိကအကြောင်းရင်းဖြစ်သည်။ ရေအေးသည် အသည်းပြဿနာများကို ဖြစ်စေသည့်အပြင် အသည်းထဲမှာ
အဆီတွေစုစေသည်။အသည်းအစားထိုးကုသမှုခံယူရန် စောင့်ဆိုင်းနေသူအများစုသည် "ရေအေးသောက်ခြင်းကြောင့် အစာအိမ်အတွင်းပိုင်းနံရံများ
ကို ထိခိုက်စေသည်။ ရေအေးသည် အူမကြီးကိုထိခိုက်စေသည့်အပြင် ကင်ဆာကိုဖြစ်စေသည်။ OIIIIIIA အဖွဲ့မှ ဂျပန်ဆရာဝန်များက ရေနွေးအဖြူသည် 100% ထိရောက်မှုရှိကြောင်း အတည်ပြုခဲ့သည်။

မူရင်းရေးသားသူအား လေးစားစွာဖြင့် Credit ပေးပါသည်။ | Photo - Internet

15/07/2025

#၀မ်းဗိုက်ချက်စေမည့် အူရှင်းနည်း

(၁) မနက်အိပ်ယာထချိန် သောက်ရေထဲကို သံပုရာသီး ၂ စိပ် ညှစ်ထည့်ပြီး သောက်ပါ။ ပြီးမှ မနက်စာကို စားပါ။

(၂) နေ့လည်စာမစားခင် ပူစီနံ၂ရွက်ကို ဝါးစားပြီး ရေ၂ခွက် သောက်ထားပါ။ တစ်နာရီလောက်ကြာမှ ထမင်းစားပါ။ ကြိုက်တဲ့ဟင်းစားပါ။ ဒါပေမယ့် တရုတ်နံနံပင် ၄၊ ၅ ပင်ခန့်ကိုတော့ ပါအောင် စားပေးပါ။ စားသမျှတွေထဲက အဆီအဆိမ့်မျာကို ခြေဖျက်ပေးလိမ့်မယ်။

(၃) ညနေစာကို အထူးသတိထားရပါမယ်။ အဆီအဆိမ့်မပါတဲ့ အသားပြုတ်၊ ငါးပြုတ်၊ အသီးအရွက်သုပ်နဲ့ ဟင်းသီးဟင်းရွက်များကိုသာ စားပေးပါ။

(၄) ညစာစားပြီးတာနဲ့ မတ်ခွက်ထဲကို သခွါးသီး ၄ကွင်း၊ သံပုယိုသီး ၂ကွင်း၊ ဂျင်းလက်တစ်ဆစ်၊ ဇီယာ သို့ ပူစီနံ ၂ရွက်တို့ကို ထည့်ပြီး ရေနွေးပူပူလောင်းထည့်ကာ အဖုံးအုပ်ထားပါ။

(၅) သောက်ခါနီး ခပ်နွေးနွေးအနေအထားရောက်မှ ပျားရည်စစ်စစ် ၂ဇွန်းလောက်ထည့်ပြီး အားလုံးကိုရောမွေကာ ၄င်းသစ်သီးစိမ်ရည်ကို သောက်ပါ။

❌သတိပြုရန်❌

ကိုယ်၀န်ဆောင်မိခင်များ၊ နို့တိုက်မိခင်များ၊ အစာအိမ်ရောဂါသမားများ၊ သွေးပေါင်ကျနေသူများ မသောက်သင့်ပါ။

ဒီနည်းကို တစ်ပတ် ၃ရက်ခန့် လုပ်ပါ။ လမ်းများများလျှောက်ပါ။ ရေများများ သောက်ပါ။ အညောင်းမမိစေပဲ ခန္ဓာကိုယ်ကို လှုပ်ရှားအောင် နေပါ။ တစ်လအတွင်းမှာ အူရှင်းပြီး ဝမ်းဗိုက်အဆီများကျ၍ အသားအရေလည်း လှပလာစေပါမည်။

#ကျန်းမာရေးဗဟုသုတရကြပါစေ

13/07/2025

တစ်ပတ်သုံးကြိမ်၊ ဆားရည်စိမ်၊
ဇိမ်နဲ့အိပ်ရသည်။

ရိုးရိုးရေတွင်၊ ဆားထည့်စဥ်၊
ပျော်ဝင်နေရမည်။

ဆားလက်သုံးဆုပ်၊ တစ်ကြိမ်လုပ်၊
အဟုတ်သင့်လှသည်။

ခြေမျက်စိနား၊ ရေထိထား၊
မှတ်သားလိုက်နာပါ။

ညဘက်သာစိမ်၊ သူ့အချိန်၊
အိပ်ချိန်နီးရမည်။

အကြောတက်တာ၊ လွန်သက်သာ၊
ကျန်းမာစေပါသည်။

တအားမအေး၊ ဘုရားဆေး၊
ဖြေပေးလိုက်ပါသည်။

တစ်ခါစိမ်ချက်၊ နာရီဝက်၊
မပျက်ရှိရမည်။

နာရီဝက်ပြီး၊ ခြေသုပ်ပြီး၊
အိပ်ပြီးနှပ်နေပါ။

တောင့်တင်းအကြော၊ စျာန်ကိုလျှော၊
သူမောသွားရပြီ။

အခိုးလည်းပွင့်၊ သွေးလေသင့်၊
လုပ်သင့်ကောင်းလှသည်။

ဆင်အော်မနိုး၊ စည်းစိမ်တိုး၊
အားတိုးကျန်းမာမည်။

မျက်စိအမြင်၊ လွန်ကြည်လင်၊
စိတ်တွင်ချမ်းသာမည်။

ရွှေလအသွင်၊ ရုပ်ဆင်းအင်၊
ကြည်လင်လှပမည်။။

"ကျန်းမာချမ်းသာကြပါစေ"

Poto Credit
ပြန်လည်မျှဝေပါသည်။

11/07/2025

👉 ယောင်္ကျား ဖြစ်ဖြစ် မိန်းမ ဖြစ်ဖြစ်အသက် ၄၀ ကျော်သူများအတွက် ရိုးတွင်း ချဉ်ဆီအားဖြည့်ဆေး

အသက် ၄၀ ကျော် လာတာနဲ့ယောင်္ကျား ဖြစ်ဖြစ် မိန်းမ ဖြစ်ဖြစ် ရိုးတွင်း ချဉ်ဆီ ခမ်းလာ တတ်ပါတယ် ။အိမ်ထောင်သည်တွေ ပိုဆိုး ပါတယ် ။
ရိုးတွင်း ချဉ်ဆီ ခမ်းလာရင်အရွယ်ရင့်မြန်လာခြင်း မလှုပ်ချင် မကိုင်ချင် မကြာခဏ ဖြစ်ခြင်း ယောင်္ကျား ဆိုလျှင် ဒူလာဖြစ်ခြင်း ပြင်ပ ရောဂါ ဝင်လွယ်ခြင်းများ ဖြစ်တတ်ပါတယ် ။ယခု တင်ပြ မှာက မြန်မာ့တိုင်းရင်းနည်း ဖြင့် ရိုးတွင်း ချဉ်ဆီ အားကောင်း နည်းလေးပါ ။
ဆေးနည်း
ဖီးကြမ်း ဌက်ပျောသီးကို မီးဖုတ်ပါ ။ပြီးလျှင် ခွက် တစ်ခုထဲ ထည့်ပါ ။နှမ်းဆီ စစ်စစ် ထည့်ပါ ။ သမအောင် ချေမွှပါ ။
ပြီးလျှင် စားသုံး နိုင်ပါပြီ ။ တစ်လ တစ်ကြိမ်နှစ်ကြိမ်ခန့်စားပေးခြင်း ဖြင့် ကျန်းမာ လန်းဆန်း လာပါလိမ့်မည်
ပြန်လည်မျှဝေခြင်းဖြစ်ပါသည်

Credit original writter
#ကျန်းမာရေးဗဟုသုတ #ဗဟုသုတ

05/07/2025

ခေါင်းတစ်ခြမ်းကိုက် ရောဂါလက္ခဏာများ က သတိပေးတဲ့ လက္ခဏာတွေဖြစ်တဲ့ ပြိုးပြိုးပြက်ပြက် အလင်းရောင်၊ ခြေလက်ထုံကျဉ်ခြင်း၊ ပျို့အန်ခြင်းနဲ့ အလင်းနဲ့ အသံကို မခံနိုင်ခြင်း စတဲ့ အချက်တွေ အရင်ဖြစ်ပြီးနောက် (သို့) အတူတွဲ ဖြစ်သော ခေါင်းကိုက်မှုတစ်ခု ဖြစ်ပါတယ်။ နာကျင်မှုဟာ ပြင်းထန်ပြီးတော့ နာရီများစွာ (သို့) ရက်ပေါင်းများစွာ ကြာမြင့်တတ်ပါတယ်။ ဒါတွေ ကြိုမဖြစ်ဘဲ တန်းပြီး ခေါင်းတစ်ခြမ်းကိုက်တာမျိုးလည်း ရှိပါတယ်။

ခေါင်းတစ်ခြမ်းကိုက်ခြင်းဟာ ဦးနှောက်သွေးကြောဖောင်းလာတာနဲ့ ဒီသွေးကြောတွေကို ရစ်ပတ်ထားတဲ့ အာရုံကြောမျှင်တွေကနေ ဓာတုပစ္စည်း ထုတ်လုပ်မှုတို့ကြောင့် ပေါင်းစပ်ဖြစ်ပေါ်ပါတယ်။ ခေါင်းကိုက်နေစဉ်မှာ သွေးကြောဟာ ကျယ်လာပါတယ်။ ဒါဟာ ရောင်ရမ်းခြင်းနဲ့ နာကျင်ခြင်းကို ဖြစ်စေတဲ့ ဓာတုပစ္စည်းတစ်မျိုးကို ထုတ်လုပ်ပေးပြီးတော့ သွေးကြော ကျယ်လာခြင်းကို ထပ်မံဖြစ်စေပါတယ်။
ခေါင်းတစ်ခြမ်းကိုက်ခြင်းဟာ sympathetic အာရုံကြောစနစ်ကို တုံ့ပြန်ခြင်းကိုဖြစ်စေကာ ပျို့အန်ခြင်း၊ ဝမ်းလျှောခြင်းတို့ ဖြစ်စေပါတယ်။ ဒါ့ပြင် အလင်းနဲ့ အသံတွေကို အာရုံခံမှုကိုလည်း မြင့်မားစေပါတယ်။

ခေါင်းတစ်ခြမ်းကိုက်ခြင်းကို ဘယ်အရာတွေက ဖြစ်စေပါသလဲ။
အချို့လူတွေဟာ သူတို့ကို ခေါင်းကိုက်စေတဲ့အရာတွေကို သေချာစွာ ပြောပြနိုင်ပေမယ့် လူအတော်များများကတော့ မပြောပြနိုင်ပါဘူး။ ဖြစ်နိုင်ခြေရှိတဲ့ အရာတွေကတော့

* ဓာတ်မတည့်မှုများ
* စူးရှတဲ့အလင်းရောင်၊ ဆူညံတဲ့အသံ၊ အချို့သောရေမွှေး (သို့) အနံ့
* စိတ်ပိုင်းဆိုင်ရာ (သို့) ရုပ်ပိုင်းဆိုင်ရာ ဖိစီးခြင်း
* ဆေးလိပ်သောက်ခြင်း (သို့) ဆေးလိပ်ငွေ့ ရှူရှိုက်မိခြင်း
* အစာ မစားခြင်း
* အရက်
* ရာသီစက်ဝန်း၊ ကိုယ်ဝန်တားဆေး၊ သွေးဆုံးစဉ် ဟော်မုန်းပြောင်းလဲမှုများ
* Tyramine ပါဝင်တဲ့ အစားအစာများ (ဝိုင်အနီ၊ ချီးစ်၊ ငါးကြပ်တိုက်၊ ကြက်အသည်း၊ သဖန်းသီး၊ ပဲအချို့)၊ အချိုမှုန့်၊ နိုက်ထရိတ် (ဝက်ပေါင်ခြောက်၊ ဟော့ဒေါ့၊ အမဲအူချောင်း)
* အခြားအစားအစာတွေဖြစ်တဲ့ ချောကလက်၊ အခွံမာသီး၊ ပဲထောပတ်၊ ထောပတ်သီး၊ ငှက်ပျောသီး၊ ရှောက်သီး၊ ကြက်သွန်နီ၊ နို့ထွက်ပစ္စည်းများ၊ သနပ်များ

ဒီအရာတွေဟာ ခေါင်းတစ်ခြမ်းကိုက်ခြင်းကို အမြဲ မဖြစ်စေနိုင်သလို ဒီအရာတွေကို ရှောင်ကြဉ်ခြင်းကလည်း ခေါင်းတစ်ခြမ်းကိုက်ခြင်းကို အမြဲမကာကွယ်နိုင်ပါဘူး။ ဒါပေမယ့် ကိုယ်က ဒါတွေကြောင့် ခေါင်းကိုက်တတ်ရင် ရှောင်တာက အကောင်းဆုံးပါ။

ခေါင်းတစ်ခြမ်းကိုက် ရောဂါလက္ခဏာများ က ဘာတွေလဲ။
ခေါင်းတစ်ခြမ်းကိုက်ခြင်းရဲ့ လက္ခဏာတွေကို ခေါင်းမကိုက်ခင် (သို့) ခေါင်းကိုက်နေစဉ်အတွင်း (သို့) ခေါင်းကိုက်ပြီးနောက်ဆိုပြီး ခွဲနိုင်ပါတယ်။ ခေါင်းကိုက်ခြင်းအမျိုးမျိုး ရှိတတ်ပေမယ့် အတွေ့များတဲ့ လက္ခဏာတွေကတော့

* အသင့်အတင့်ကနေ ပြင်းထန်တဲ့ နာကျင်မှု (ခေါင်းတစ်ခြမ်း ကနေ ဆက်တိုက်ကိုက်ခြင်း)
* သွေးတိုးနေသလို တဒိန်းဒိန်း ကိုက်ခဲခြင်း
* ကိုယ်လက် လှုပ်ရှားမှုလုပ်စဉ် ခေါင်းကိုက်ခြင်း
* ခေါင်းကိုက်တာကြောင့် ပုံမှန် လှုပ်ရှားမှု မလုပ်နိုင်ခြင်း
* ပျို့ခြင်း
* အန်ခြင်း
* အလင်းနဲ့ အသံကို အာရုံခံမှု မြင့်မားခြင်း

လူအတော်များများဟာ ခေါင်းတစ်ခြမ်း ကိုက်တော့မယ် ဆိုတာကို ခေါင်းမကိုက်ခင်မှာ အချက်ပြလက္ခဏာတွေကြောင့် သိတတ်ကြပေမယ့် လူအချို့ကတော့ မသိကြပါဘူး။ စိတ်ရှုပ်ထွေးဖွယ် အတွေးတွေ၊ အတွေ့အကြုံတွေ၊ ထူးဆန်းတဲ့အလင်းရောင်တွေ မသာယာတဲ့ အနံ့တွေ ရတတ်ကြပါတယ်။
သုတေသီတွေက ဒီလိုတွေ မြင်ပြီး ခေါင်းကိုက်တတ်တဲ့ အမျိုးသမီးတွေမှာ နှလုံးရပ်မှုဖြစ်နိုင်ခြေပိုများတယ်လို့ ဆိုပါတယ်။ ဒီလို အမျိုးသမီးတွေက ပေါင်းစပ်ကိုယ်ဝန်တားဆေးသုံးမယ်ဆိုရင် သွေးခဲဖြစ်နှုန်း ပိုမိုမြင့်မားတယ်လို့ ဖော်ပြခဲ့ပါတယ်။
ခေါင်းတစ်ခြမ်းကိုက်တတ်တဲ့ အမျိုးသမီးတွေက နာရီပေါင်းများစွာ မတိုင်ခင် (သို့) တစ်ရက်လောက်ကြိုပြီးတော့ သိနေလေ့ရှိပါတယ်။ ဒီလက္ခဏာတွေကတော့ အားအင်ပြင်းထန်ခြင်း၊ အချိုစားချင်ခြင်း၊ ရေဆာခြင်း၊ နုန်းခြင်း၊ စိတ်တိုခြင်းနဲ့ စိတ်ကျခြင်းတို့ပဲ ဖြစ်ပါတယ်။
ပြန်လည်မျှဝေချင်းသာ
ကျန်းမာရေးဗဟုသုတ
ရေးသားသူ- Dr Phyu Mon Latt အား
Crd ပေးပါတယ်ရှင်

13/06/2025

ဒုတိယမြောက် နှလုံး _ ခြေသလုံး ကို ဂရုစိုက်ပါ။

ကျွန်တော်တို့ရဲ့ ခြေသလုံး ကြွက်သား တွေဟာ နှလုံးကျန်းမာရေး အတွက် များစွာ အထောက်အကူ ပြုတယ်
ဆိုတာ သိပါသလား?

နှလုံးရဲ့ သွေးလွှတ်ကြောကနေ ခန္ဓာကိုယ် အနှံ့ကို ညှစ်ပို့လိုက် တဲ့ သွေးတွေကို ခြေသလုံး ကြွက်သား များက သွေးပြန်ကြောမှတစ်ဆင့် နှလုံးဆီကို ကောင်းကောင်း ပြန်ရောက် အောင် ပို့ပေးတဲ့ အခန်းကဏ္ဍမှာ ပါ၀င် နေပါတယ်။

သူ့တို့ရဲ့ အရေးပါမှုကြောင့် ဒုတိယနှလုံးလို့တောင် တင်စား ခေါ်ကြပါတယ်။

ဒုတိယ နှလုံးက ဘယ်လို အလုပ် လုပ်သလဲ

ကျွန်တော်တို့တွေ လမ်းလျှောက်တဲ့အခါ ပြေးတဲ့အခါ မှာ ခြေသလုံး ကြွက်သား တွေကို ညှစ်ကြရပါတယ်။
ဒီလို ညှစ်လိုက်တဲ့အခါမှာ ခန္ဓာကိုယ် အောက်ပိုင်းမှာ ရှိတဲ့ သွေးတွေ ကို သွေးပြန်ကြော ကနေ တဆင့် နှလုံး ကို ရောက်အောင် ပို့ပေး လိုက်ကြပါတယ်။
(မြင်သာအောင် ဥပမာ ပေးရရင် သွေးတွေကို ခြေသလုံးက နေ pumpနဲ့ နှလုံးဆီ ရောက်အောင် သွေးပြန်ကြောတွေက နေ တွန်းပို့ လိုက်သလိုပါပဲ)

နှလုံးနှင့်ဝေးရာ အောက်ပိုင်းတွင် ရှိသော သွေးများက နှလုံး ထဲကို ကောင်းစွာ ပြန်လည်၀င်ရောက် ခြင်း သည် သွေးလည် ပတ်မှု ကို ကောင်းမွန် စေပြီး သွေးပြန်ကြောပိတ် သောရောဂါ၊ သွေးပြန်ကြောထုံးသော ရောဂါများကိုပါ ကြိုတင် ကာကွယ်ပေးရာ ရောက်ပါသည်။

နှလုံးကျန်းမာရေး အတွက် ခြေသလုံးကြွက်သား တွေ ကို ဘယ်လို လေ့ကျင့်ကြမလဲ

-လမ်းလျှောက်ခြင်း
-ပြေးခြင်း
-စက်ဘီးနင်းခြင်း
-ကြိုးခုန်ခြင်း
-ခြေထောက် အကြောလျှော့ခြင်း(Stretching)
-နှိပ်နယ် ပေးခြင်း
-ခြေဖျား ထောက်၍ နိမ့်ချည် မြင့်ချည် လုပ်ပေးခြင်း(Calf raise exercise)

ခန္ဓာကိုယ် မှာ သွေးလည်ပတ်မှု မကောင်းဘူး ဆိုရင်...

အထိုင်များပြီး ကိုယ်လက် လှုပ်ရှားမှု နည်းတဲ့အခါမှာ
ကမ္ဘာဆွဲအား အရ သွေးတွေဟာ ခန္ဓာ ကိုယ်ရဲ့ အောက်ပိုင်းနေရာ ဖြစ်တဲ့ ခြေထောက်မှာ လာရောက် စုအိုင် တတ်ကြပါတယ်

အကြာကြီး ခြေထောက် မလှုပ်ရှားပဲနေခြင်းက အန္တရာယ်ရှိပါတယ်၊

တရားထိုင်တာတောင်
ပုံစံတမျိုးထဲအကြာကြီးမထိုင်သင့်ပါ၊
လျောင်း ထိုင် ရပ် သွား မျှတသင့်ပါတယ်🙏

ကိုယ်လက် ခြေ လှုပ်ရှားမှုလုပ်ပြီး
သွေးလှည့်ပတ်မှုကောင်းပါစေ😌

နှလုံးက အရေးကြီးသလို
ဒုတိယနှလုံးဖြစ်တဲ့ ခြေထောက်ကိုလည်း ဂရုစိုက်ကြပါ😌

( ဆောင့်ကြောင့်ထိုင်အိမ်သာတက်ပြီး ရုတ်တရက်ထလိုက်တဲ့အချိန် သွေးတွေဆောင့်တက်သွားတတ်လို့ သတိထားကြပါ၊
ဘိုထိုင်အိမ်သာမရှိရင် အိမ်သာအကြာကြီး မထိုင်ပါနဲ့
ထိုင်မိလို့ အထမှာ ရုတ်တရက်မထပါနဲ့ ဖြေးဖြေးထပါ
အထူးသဖြင့် သွေးတိုးသမားများဂရုစိုက်ပါ)

09/06/2025

နံရံပေါ်တွင် လှဲလျောင်းခြင်း၏ အကျိုးကျေးဇူးများ

၁။ အထူးသဖြင့် ခြေထောက်မှ သွေးများ နှလုံးသို့ ပြန်စီးဆင်းရန် ကူညီပေးပြီး ခြေထောက်ရောင်ရမ်းခြင်းကို လျှော့ချပေးသည်၊
အချိန်အကြာကြီး မတ်တပ်ရပ် သို့မဟုတ် ထိုင်ပြီးနောက် အလွန်သင့်လျော်ပါသည်။

၂။ အာရုံကြောစနစ်ကို ပြေလျော့စေတယ်၊ စိတ်ဖိစီးမှု၊ စိုးရိမ်ပူပန်မှုတွေကို လျော့ချပေးပြီး ကောင်းကောင်းအိပ်ပျော်ဖို့ ကူညီပေးတယ်။

၃။ ကျောအောက်ပိုင်းနှင့် တံကောက်ကြောများ တင်းမာမှုကို လျှော့ချပေးသည်။
၄။ အစာခြေစနစ်ကို အားကောင်းစေပြီး သွေးဖိအားကို လျှော့ချပေးသည်။

၅။ ပင်ပန်းသောနေ့ပြီးနောက် လေ့ကျင့်ရန် အလွန်သင့်လျော်သော စွမ်းအင်ကို ပြန်လည်ရရှိစေသည်။

✅ နောက်ထပ် အကြံဥာဏ်များ
• သင့်တင်ပါးကို ခေါင်းအုံး (သို့) စောင်ခေါက်ပေါ်တွင် တင်ပါက၊
၎င်းသည် သင့်အား ပိုမိုသက်တောင့်သက်သာဖြစ်စေပြီး သွေးလည်ပတ်မှုကောင်းမွန်စေမည်ဖြစ်သည်။

• သင်သည် ဤအနေအထားတွင် 5-15 မိနစ်ခန့်နေပြီးနောက် ဖြည်းဖြည်းချင်း ပြန်လှည့်သင့်သည်။

• သင့်တွင် သင့်မျက်လုံးများ သို့မဟုတ် သင့်ခေါင်းတွင် ဖိအားများရှိနေပါက၊ သင်မလေ့ကျင့်မီ သင့်ဆရာနှင့် တိုင်ပင်သင့်သည်။

#အများသိအောင်လဲနည်းမျိုးစုံနဲ့sharingလုပ်ပေးကြပါ

ABM:Herbs For Self Wellness

12/08/2025

07/08/2025

05/08/2025

05/08/2025

19/07/2025

18/07/2025

15/07/2025

13/07/2025

11/07/2025

05/07/2025

13/06/2025

09/06/2025

Address

Telephone

Website

Alerts

Shortcuts

Share

Category