Yin Nyein Group - Health Equipments

14/03/2025

သွေးလေးဖက်နာ Rheumatoid arthritis

သွေးလေးဖက်နာရောဂါက နာတာရှည်ရောင်ရမ်းခြင်းရောဂါတစ်မျိုးဖြစ်တယ်။ အဆစ်တွေကိုထိခိုက်တဲ့ရောဂါဖြစ်တယ်။ တချို့ဝေဒနာရှင်တွေမှာ အရေပြား၊ မျက်လုံး၊ အဆုတ်၊ နှလုံးနဲ့ သွေးကြောတွေ စတဲ့ ခန္ဓာကိုယ်စနစ်တွေကို ပျက်စီးစေနိုင်တယ်။

ခန္ဓာကိုယ်ရဲ့ ကိုယ်ခံအားစနစ်က ခန္ဓာကိုယ်ရဲ့ကိုယ်ပိုင်တစ်ရှူးတွေကို မှားယွင်းပြီးတိုက်ခိုက်တဲ့အခါ autoimmune disorder တစ်ခုဖြစ်တဲ့ သွေးလေးဖက်နာဖြစ်လာတယ်။ သွေးလေးဖက်နာက အဆစ်ရဲ့အတွင်းမျက်နှာပြင်ကို ထိခိုက်စေတယ်။ နာကျင်ခြင်း၊ ရောင်ရမ်းခြင်းတွေဖြစ်စေနိုင်ပြီး နောက်ဆုံးမှာ အရိုးတိုက်စားခြင်း၊ အဆစ်ပုံပျက်ခြင်းတို့ ဖြစ်စေနိုင်တယ်။

သွေးလေးဖက်နာနဲ့ယှဉ်တွဲဖြစ်ပေါ်လာတဲ့ရောင်ရမ်းခြင်းက ခန္ဓာကိုယ်ရဲ့ တခြားအစိတ်အပိုင်းတွေကိုပါ ထိခိုက်ပျက်စီးစေနိုင်တယ်။ ရောဂါကိုမကုသပါက ပြင်းထန်တဲ့သွေးလေးဖက်နာရောဂါကိုခံစားရပြီး လှုပ်ရှားသွားလာရခက်ခဲသည်အထိ ဖြစ်စေနိုင်ပါတယ်။

_____________

ရောဂါလ‌က္ခဏာများ

🚨 အဆစ်များတင်းခြင်း၊ ပူခြင်း၊ ယောင်ခြင်း

🚨 အဆစ်တောင့်တင်းခြင်း၊ခိုင်ခြင်းက မနက်ပိုင်းမှာပိုဆိုးပြီး လှုပ်လှုပ်ရှားရှားလုပ်ပြီးနောက် သက်သာသွားခြင်း

🚨 မောပန်းနွမ်းနယ်ခြင်း

🚨 ဖျားခြင်း

🚨 ခံတွင်းပျက်ခြင်း

_____________

သွေးလေးဖက်နာဖြစ်စမှာဆိုရင် အရင်ဦးဆုံး သေးငယ်တဲ့အဆစ်လေးတွေက စဖြစ်လေ့ရှိတယ်။ အဖြစ်အများဆုံးက လက်ချောင်းဆစ်၊ ခြေချောင်းဆစ်‌များဖြစ်တယ်။ ရောဂါအဆင့်ပိုတိုးလာတဲ့အခါ လက္ခဏာတွေက လက်ကောက်ဝတ်အဆစ်၊ ဒူးဆစ်၊ ခြေကျင်းဝတ်အဆစ်၊ တံတောင်ဆစ်၊ ပေါင်ဆစ်၊ ပုခုံးဆစ်တို့ထိ ပျံ့နှံ့သွားတယ်။ သွေးလေးဖက်နာက ခန္ဓာကိုယ်ရဲ့နှစ်ဖက်လုံးကတူညီတဲ့အဆစ်တွေမှာ လက္ခဏာတွေဖြစ်တာကိုတွေ့ရတယ်။ ဥပမာ-လက်ကောက်ဝတ်ဆစ်နှစ်ဖက်လုံးမှာ ရောဂါလက္ခဏာဖြစ်ခြင်းဖြစ်တယ်။

သွေးလေးဖက်နာရောဂါခံစားရတဲ့ဝေဒနာရှင်တွေထဲက ၄၀%ခန့်ဟာ အဆစ်တွေမှာ လက္ခဏာမပြပဲ ခန္ဓာကိုယ်ရဲ့တခြားနေရာတွေမှာ လက္ခဏာပြတတ်ပါတယ်။ လက္ခဏာပြတဲ့ ထိခိုက်ပျက်စီးနိုင်တဲ့နေရာတွေက

📌 အရေပြား

📌 မျက်လုံး

📌 အဆုတ်

📌 နှလုံး

📌 ကျောက်ကပ်

📌 တံတွေးဂလင်း

📌 အာရုံကြောတစ်ရှူး

📌 ရိုးတွင်းချဉ်ဆီ

📌 သွေးကြောများ စသည်တို့ဖြစ်တယ်။

သွေးလေးဖက်နာရဲ့ရောဂါလက္ခဏာတွေက ကွဲပြားနိုင်ပြီး ဖြစ်လိုက်ပျောက်လိုက်နဲ့ ဖြစ်တတ်ပါတယ်။ ရောဂါကိုမကုသပဲအချိန်ကြာလာတာနဲ့အမျှ အဆစ်တွေကိုပုံပျက်စေနိုင်ပါတယ်။

______________

ရောဂါဖြစ်စေသောအကြောင်း

သွေးလေးဖက်နာက autoimmune disease ဖြစ်တယ်။ ပုံမှန်အားဖြင့် ကိုယ်ခံစွမ်းအားစနစ်က ခန္ဓာကိုယ်ကို ပိုးဝင်ခြင်းနဲ့ ရောဂါတွေမဖြစ်အောင် ကာကွယ်ရတာဖြစ်တယ်။ သွေးလေးဖက်နာမှာ ခန္ဓာကိုယ်ရဲ့ကိုယ်ခံအားစနစ်က အဆစ်တွေမှာရှိတဲ့ ကျန်းမာတဲ့တစ်ရှူးတွေကို တိုက်ခိုက်ကြတယ်။ ဒါက နှလုံး၊ အဆုတ်၊ အာရုံကြော၊ မျက်လုံး၊ အရေပြားတို့နဲ့ပတ်သက်တဲ့ ကျန်းမာရေးပြဿနာများကိုပါဖြစ်စေတယ်။ ဒီရောဂါဖြစ်စဉ်ဟာ ဘယ်ကစဖြစ်တယ်ဆိုတာကို မသိနိုင်သေးပေမယ့် မျိုးရိုးဗီဇကြောင့်ဖြစ်နိုင်သလို ပတ်ဝန်းကျင်အကြောင်းများကြောင့်လည်းဖြစ်နိုင်တယ်။ ဥပမာ- မကြာခဏ virus, bacteria ပိုးဝင်ခြင်း။

____________

ရောဂါဖြစ်နိုင်ချေမြင့်မားစေသောအချက်များ

✅ ကျား/မ - အမျိုးသမီးတွေက သွေးလေးဖက်နာ ပိုဖြစ်နိုင်တယ်။

✅ အသက်အရွယ်- ဘယ်အသက်အရွယ်မှာမဆို ဖြစ်နိုင်ပေမယ့် သက်လတ်ပိုင်းမှာ စဖြစ်လေ့ရှိတယ်။

✅ မိသားစုမျိုးရိုးတွင် သွေးလေးဖက်နာဖြစ်ဖူးခြင်း။

✅ ဆေးလိပ်သောက်ခြင်း။

✅ အဝလွန်ခြင်း။

____________

နောက်ဆက်တွဲဖြစ်စေနိုင်သောပြဿနာများ

📍 အရိုးပွခြင်း

📍 အဖုအကျိတ်များထွက်ခြင်း၊ တံတောင်ဆစ်ကဲ့သို့ pressure joints အနီးတွင်အကျိတ်များဖြစ်ခြင်း၊ အဆုတ်၊နှလုံးတို့အပါအဝင် ခန္ဓာကိုယ်ရဲ့ အခြားအစိတ်အပိုင်းတွေမှာ အဖုအကျိတ်ဖြစ်ခြင်း။

📍 မျက်လုံးခြောက်ခြင်း၊ ပါးစပ်ခြောက်ခြင်း။

📍 ပိုးဝင်ခြင်းများ

📍 ခန္ဓာကိုယ်ဖွဲ့စည်းပုံ ပုံစံမမှန်ခြင်း- BMI ပုံမှန်ဖြစ်နေရင်တောင် ခန္ဓာကိုယ်မှာ အဆီနဲ့အသားအချိုးအစားမမျှခြင်း။

📍 Carpal tunnel syndrome

📍နှလုံးနှင့်ပတ်သက်သောပြဿနာများဖြစ်ခြင်း

📍 အဆုတ်နှင့်ပတ်သက်သောပြဿနာများဖြစ်ခြင်း

📍 Lymph များတွင်အကျိတ်ဖြစ်ခြင်း

_______

ရောဂါစစ်ဆေးခြင်း

☑️ Blood tests

☑️ X-ray

☑️ MRI

ရောဂါကုသခြင်း

✔️ သောက်ဆေးဖြင့်ကုသခြင်း

✔️ ကုထုံးများဖြင့်ကုသခြင်း

✔️ ခွဲစိပ်ကုသခြင်း

____________

ဆောင်ရန်

✅ လေ့ကျင့်ခန်းပုံမှန်ပြုလုပ်ပါ။ ‌လမ်းလျှောက်ခြင်း၊ စက်ဘီးစီးခြင်း၊ ရေကူးခြင်းတို့လုပ်နိုင်ပါတယ်။

✅ အာဟာရစုံလင်စွာစားပါ။ Vit Cပေါကြွယ်ဝသောအစာများ များများစားပါ။

✅ စိတ်ဖိစီးမှုကိုလျှော့ချပါ။

✅ ရေနွေးအိတ်ကပ်ခြင်း၊ ရေခဲကပ်ခြင်းတို့ပြုလုပ်ပါ။ အပူကနာကျင်ခြင်းနှင့် တင်းခြင်းကိုသက်သာစေပါတယ်။ အအေးက အယောင်ကျစေပြီး နာကျင်မှုကိုထုံသွားစေပါတယ်။

✅ ဆရာဝန်ညွှန်ကြား‌ထားသောဆေးဝါးများ မှန်မှန်သောက်ပါ။

✅ အိပ်ရေးဝဝအိပ်ပါ။

✅ ဆရာဝန်နှင့်ပုံမှန်ပြသပါ။

ရှောင်ရန်

❎ ဆေးပုံမှန်မသောက်ခြင်း

❎ အရက်အလွန်အကျွံသောက်ခြင်း

❎ အဝလွန်ခြင်း

❎ ဆေးလိပ်သောက်ခြင်း

❎ လေ့ကျင့်ခန်းအပြင်းအထန်ပြုလုပ်ခြင်း

❎ ရောင်ရမ်းမှုကိုပိုဆိုးစေသောအစားအသောက်များစားခြင်း ဥပမာ- ကစီများသော၊ တာရှည်ခံအောင်ပြုလုပ်ထားသော၊ အနံ့အရသာတိုးမြှင့်အောင် monosodium glutamate ကဲ့သို့ပါဝင်ပစ္စည်းဖြင့်ပြုလုပ်ဖန်တီးထားသော အစားအစာများရှောင်ပါ။

Ref ; https://www.mayoclinic.org/diseases-conditions/rheumatoid-arthritis/symptoms-causes/syc-20353648

Photos from Pinterest
Credits Original Uploader

This chronic inflammatory disorder can affect more than just your joints. It can also damage your skin, eyes, lungs, heart and blood vessels.

25/10/2023

Ultrasonic Therapeutic Mechine (portable)

Available now!

(one year warranty)

📲📲📲📲
Please contact us
09-403702332

Yin Nyein

25/10/2023

Portable Ultrasonic Yherapeutic Mechine

Available now !

Please contact us
09-403402332

Yin Nyein

13/03/2023

#အသံတိတ်ဒုက္ခပေးနိုင်သည့် နာတာရှည်ကျောက်ကပ်ရောဂါနှင့် တိုးတက်လာသည့် အသက်ကူနည်းပညာများ
++++++++++++++++++++++++++
Published 13 March 2023
ကမ္ဘာ့လူဦးရေရဲ့ ၁၆ ရာခိုင်နှုန်းခန့်ဟာ နာတာရှည်ကျောက်ကပ်ရောဂါ ခံစားနေရနိုင်ကြောင်း လေ့လာချက်တွေမှာ သတိပေးထားပါတယ်။
ဒါဟာ လွန်ခဲ့တဲ့နှစ် ၃၀ အတွင်း ရောဂါဖြစ်နိုင်ချေ ၄၀ ရာခိုင်နှုန်းမြင့်တက်လာပါတယ်။

ဒီအခြေအနေက အထူးသဖြင့် တရုတ်နိုင်ငံမှာ အတော်လေးမြင့်တက်လာပါတယ်။

ရောဂါဖြစ်တဲ့သူတွေက အရမ်းနောက်မကျခင်အထိ သူတို့ကျောက်ကပ်တွေ အန္တရာယ်နေတာကို မသိရှိကြပါဘူး။

ရောဂါလက္ခဏာတွေ မခံစားရခင်ကတည်းက ကျောက်ကပ်လုပ်ဆောင်ချက် ၉၀ ရာခိုင်နှုန်းလောက်အထိ ထိခိုက်နေတတ်ပါတယ်။

ရောဂါအရမ်းကြီးမခံစားရခင်အထိ ဝေဒနာမပေါ်ဘဲ ရှိနေတတ်တာကြောင့် အလွန်အန္တရာယ်များတယ်လို့ ဆိုရမှာဖြစ်ပါတယ်။

နက်ဖရွန်လို့ခေါ်တဲ့ ဇကာပေါက်ပစ္စည်းလေးတွေက ကျောက်ကပ်ထဲမှာ သန်းနဲ့ချီရှိကာ ပျက်စီးသွားတဲ့အခါ ကျောက်ကပ်ရောဂါဖြစ်လာပါတယ်။

နောက်ဆုံးမထိန်းချုပ်နိုင်တော့တဲ့အခါ ကျောက်ကပ်ပျက်စီးပြီး အသက်အန္တရာယ်ရှိလာပါတယ်။

ကုသနည်းလမ်းမရှိသေးဘဲ ကျောက်ကပ်ဆေးခြင်းဖြင့် ရောဂါဆိုးရွားမှုကို နှောင်းနှေးစေနိုင်မယ့် ပျက်စီးပြီးသားကိုတော့ ပြန်ပြင်လို့မရတော့ပါဘူး။

အသက် ၄၀ ကျော်အရွယ်ကစလို့ ကျောက်ကပ်လုပ်ဆောင်ချက်ဟာ တစ်နှစ်ကို တစ်ရာခိုင်နှုန်းခန့် ကျဆင်းလာပေမယ့် ကျောက်ကပ်ရောဂါမဖြစ်အောင် ကာကွယ်နိုင်ပါတယ်။

အမေရိကန်မှာ နာတာရှည်ကျောက်ကပ်ရောဂါကြောင့် တစ်နှစ်ကို ဒေါ်လာ ၅၀ ဘီလီယံခန့်ကုန်ကျလျက်ရှိပြီး တရုတ်မှာတော့ ထိုရောဂါကြောင့် နောက်ထပ်ဆယ်စုနှစ်အတွင်း ဒေါ်လာ ၅၀၀ ဘီလီယံဆုံးရှုံးရဖွယ်ရှိနေပါတယ်။

ကျောက်ကပ်လုပ်ဆောင်ချက်တွေ အရမ်းကြီးမဆိုးရွားခင် ရောဂါကိုစောစီးစွာသိရှိကုသဖို့ အရေးကြီးကြောင်း ဟောင်ကောင်ကျောက်ကပ်အဖွဲ့အစည်းမှ ဥက္ကဌ'ချောင်ကိုင်မင်'က ပြောပြခဲ့ပါတယ်။

ကျောက်ကပ်ရောဂါကာကွယ်ဖို့အတွက် တစ်နေ့ကို ခြေလှမ်း ၁ သောင်းလမ်းလျှောက်၊ တစ်ပတ်ကို အနည်းဆုံး ၁၅၀ မိနစ် သာမန်လေ့ကျင့်ခန်းပြုလုပ်ကာ အငန်နဲ့ အဆီတို့လျှော့ချစားသုံးသင့်ကြောင်း 'ချောင်ကိုင်မင်'က ဆိုပါတယ်။

ကျောက်ကပ်အစားထိုးခြင်းအတွက် လှူဒါန်းထားတဲ့ကျောက်ကပ်များ အလွန်ရှားပါးလျက်ရှိပါတယ်။

ကျောက်ကပ်စောင့်ဆိုင်းနေတဲ့ လူနာပေါင်း ၉ သောင်းခန့်မှာ အများအပြားက ကျောက်ကပ်မရခင်သေဆုံးသွားခဲ့ပြီး ၂၅,၀၀၀ ခန့်သာ ကျောက်ကပ်လက်ခံရရှိခဲ့ပါတယ်။

ကျောက်ကပ်အစားထိုးခွဲစိတ်ရတဲ့လူတွေက သာမန်လူနာတွေထက် ၂ ဆပိုမိုအသက်ရှည်နေထိုင်နိုင်တာကြောင့် အနာဂတ်မှာ ဝက်တွေဆီက ကျောက်ကပ်၊ နှလုံး၊ အဆုတ်၊ အသည်းတို့အစားထိုးနိုင်မယ်လို့ မျှော်မှန်းရပါတယ်။

Source: South China Morning Post #ကျောက်ကပ်ရောဂါ #အသက်ကူနည

18/02/2023

#လေးဘက်နာရောဂါရှင်များစားသောက်သင့်သောအစားအစာများနှင့်ရှောင်ရှားသင့်သောအစားအစာများ

(၁) အနီရောင်အသားများ

အနီရောင်အသားများတွင် အဆစ်ရောင်ခြင်းကို ပိုဆိုးစေသော၊ ဝစေသော ပြည့်ဝဆီပါဝင်သောကြောင့် လေးဘက်နာရောဂါကို ပိုဆိုးစေနိုင်သည်။

(၂) သကြားနှင့် ဂျုံ

သကြားနှင့်ဂျံုပါဝင်သော အစားအစာများ ဥပမာ - သရေစာမုန့်များ၊ ပေါင်မုန့်၊ ပါစတာ စသည့် အစားအသောက်များသည် ကိုယ်အလေးချိန်များကို တိုးစေပြီး အရိုးအပေါ် ဖိအားပိုများစေပြီး အရိုးရောင်ခြင်းကို တိုးစေသောကြောင့် မစားသင့်ပါ။

(၃) ဆီးကြော်အစားအသောက်များ

ဆီကြော်အစားအသောက်များသည် အဆီများတိုးစေသောကြောင့် အရိုးအပေါ်ဖိအားတိုးစေပြီး လေးဘက်နာကို ပိုဆိုးစေသည်။

(၄) ဂလူတန်ပါဝင်သော အစားအစာများ

ဂလူတန်ပါဝင်သော အစားအစာများ ဥပမာ အာလူး၊ ပြောင်း၊ ဂျံု၊ ဘာလီ စသည့် ကောက်ပဲသီးနှံများသည် လေးဘက်နာကို ပိုဆိုးစေသည်။

(၅) အရက်

အရက်ကို အလွန်အကျူးသောက်သုံးခြင်းသည် လေးဘက်နာရောဂါကို ပိုဆိုးစေနိုင်သည်။

(၆) အဆင်သင့်ပြုလုပ်ထားသော အစားအစာများ

(ဥပမာ - ခေါက်ဆွဲခြောက်များ)

(၇) လမ်းဘေးအစားအစာများ

ဥပမာ - သရက်သီးသုပ်၊ ရှောက်သီးသုပ်၊ ဝက်သားဒုတ်ထိုး၊ ယင်နားစာများ၊

လေးဘက်နာရောဂါသည်များ စားသင့်သောအစားအစာများ

(၁) Omega 3 ပါဝင်သော အစားအစာများ ဥပမာ - ငါးကထွက်တဲ့အဆီ၊ ငါးမြင်းဗိုက်အသားအဆီ၊ ငါးကြီးဆီ။

(၂) ဗီတာမင်ဒီကြွယ်ဝသော အစားအစာများ၊ ဥပမာ - အဝါရောင်အသီးအနှံ မုန်လာဥဝါ၊

ရွှေဖရုံသီး၊ သရက်သီး၊ သင်္ဘောသီး။

(၃) နံနံပင်

(၄) နနွင်း

(၅) ဂျင်း

(၆) နာနတ်သီး

(၇) လက်ဖက်စိမ်း

(၈) ချဉ်သော ချယ်ရီသီးနှင့်သလဲသီး

(၉) မုန်လာဖြူ

(၁၀) ငရုတ်ကောင်း တို့ဖြစ်ပါသည်။

Credit to original owner

" ရင်ငြိမ်း " ကျန်းမာရေးပစ္စည်းအမျိုးမျိုးရောင်းဝယ်ရေး

☎
09403702332
09794100607
ကိုဆက်သွယ်စုံစမ်းဝယ်ယူအားပေး
နိုင်ပါပြီရှင်။

#လက်လီလက်ကား
#ရင်ငြိမ်း

#ကျန်းမာရေး

25/01/2023

#ပိုးလေးဘက်နာနှင့်နှလုံးလေးဘက်နာရောဂါရှင်များအတွက်ဆောင်ရန်ရှောင်ရန်များ

လေးဘက်နာရောဂါတွေထဲမှ အဖြစ်များတဲ့ ပိုးလေးဘက်နာ (Rheumatic Fever) သို့မဟုတ် နှလုံးလေးဘက်နာ (Rheumatic Heart Disease) ရောဂါအတွက် ဆောင်ရန်၊ ရှောင်ရန်နဲ့ ဘဝနေထိုင်မှုပုံံစံတွေကို ပြောပြပေးပါမယ်။

ဒီရောဂါက စနစ်တကျ ကုသမှုမခံယူရင် အဆစ်တွေနာတာ၊ ရောင်တာအပြင် ရေရှည်မှာ နှလုံးအဆို့ရှင်တွေ ပျက်စီးပြီးတော့ ဒုက္ခရောက်သွားနိုင်တဲ့ ရောဂါတစ်ခု ဖြစ်ပါတယ်။ ဒါကြောင့် လိုအပ်တဲ့ ဆေးဝါးကုသမှုအပြင် အစားအသောက် အနေအထိုင်ကိုပါ ဆင်ခြင်မှသာ ရောဂါမတိုးအောင်၊ ပိုမဆိုးအောင် ကာကွယ်နိုင်မှာပါဖြစ်ပါတယ်။

ပိုးလေးဘက်နာဆိုတာက အာသီးရောင်တာကို ဖြစ်စေတဲ့ Streptococcus ဘက်တီးရီးယားပိုးကို အမြစ်ပြတ်အောင် ပိုးသတ်ဆေးတွေသောက်ပြီး မသတ်မိတဲ့အတွက် နောက်ဆက်တွဲအနေနဲ့ ဖြစ်လာတဲ့ ရောဂါတစ်ခုပါ။ အဲ့ဒီ Streptococcus ဘက်တီးရီးယားပိုးကထုတ်တဲ့ အဆိပ်ပရိုတင်းဓာတ်တစ်မျိုး Streptolysin O ကို ကိုယ့်ရဲ့ကိုယ်ခံအားဆဲလ်တွေက တိုက်ထုတ်ကြပါတယ်။ အဲ့ဒီအခါမှာ အဲ့ဒီပရိုတင်းဓာတ်ကို ဆန့်ကျင်တိုက်ခိုက်တဲ့ A*O (Anti Streptolysin O) လို့ခေါ်တဲ့ ကိုယ်ခံအားဆဲလ်တွေ ထွက်လာပါတယ်။ အဲ့ဒီ A*O ကိုယ်ခံအားဆဲလ်တွေက ဘက်တီးရီးယားပိုးတွေ သေသွားရင်တောင်မှ ဆက်ရှိနေနိုင်ပါသေးတယ်။ အဲ့ဒီ ကိုယ်ခံအားဆဲလ်တွေက အဆိပ်ပရိုတင်း Streptolysin O ရဲ့ ဖွဲ့စည်းပုံနဲ့ ဆင်တူတဲ့ ကိုယ့်ရဲ့နှလုံးအဆို့ရှင်တွေကိုပါ မှားယွင်းရောထွေးပြီး တိုက်မိတာကြောင့် အဆို့ရှင်တွေ ရောင်ရမ်းပျက်စီးတဲ့အခါမှာ နှလုံးလေးဘက်နာဆိုတာ ဖြစ်လာပါတယ်။ ပိုးကြောင့်ဖြစ်တာမို့ ပိုးလေးဘက်နာလို့လည်း ခေါ်ကြပါတယ်။

လူတွေက A*O တက်ရင် ပိုးလေးဘက်နာရှိတယ်။ နှလုံးလေးဘက်နာ ဖြစ်နေတယ်လို့ အထင်ရောက်ကြပါတယ်။ အမှန်တော့ A*O တက်တိုင်း ပိုးလေးဘက်နာရောဂါ မဟုတ်ပါဘူး။ ဒီအကြောင်းတွေကိုတော့ ကျွန်တော်ရေးခဲ့တဲ့ “လေးဘက်နာဆိုတာ သေချာပြီလား” ဆိုတဲ့ ဆောင်းပါးမှာတော့ ဒီရောဂါအတွက် ရှောင်ကြဉ်သင့်တဲ့ အစားအစာ၊ အပြုအမူတွေနဲ့ လိုက်နာဆောင်ရွက်သင်တဲ့ အစားအစာ၊ အပြုအမူအနေအထိုင်တွေကို ပြောပြပေးပါမယ်။
ဒီပိုးလေးဘက်နာ ရောဂါရှိတယ်ဆိုတာ သေချာတာနဲ့ နားလည်တတ်ကျွမ်းတဲ့ဆရာဝန်နဲ့ ပုံမှန်ပြသ စစ်ဆေးသင့်တဲ့အပြင် လိုအပ်တဲ့ သွေးကျဲဆေးတွေ၊ ပင်နီဆီလင်လို ဆေးမျိုးတွေကို နေ့စဉ်သောက်တာ၊ လစဉ် ဆေးထိုးတာမျိုး လုပ်သင့်ပါတယ်။ ဒါ့အပြင် နှလုံးပျက်စီးမှုကို စစ်ဆေးနိုင်ဖို့အတွက် နှလုံးလျှပ်စီးတိုင်းတာမှု ECG (Electrocardiogram) ကို ၆ လ တစ်ခါ၊ ဒါမှမဟုတ် ၈ လ တစ်ခါ တိုင်းတာပြီး စစ်ဆေးသင့်ပါတယ်။ သွေးဖိအား (သွေးပေါင်ချိန်) ကိုလည်း ပုံမှန်အနေအထားမှာ အတတ်နိုင်ဆုံးငြိမ်နေအောင် ထိန်းထားသင့်ပါတယ်။

👉ဒါ့အပြင် ရောဂါပိုးတွေ မကူးစက်ခံရအောင် သတိထားပြီး ကာကွယ်သင့်ပါတယ်။ ကိုယ်ခံအား မကျအောင် အိပ်ရေးဝအောင်အိပ်တာ၊ အာဟာရပြည့်အောင်စားတာမျိုးတွေ လုပ်ရပါမယ်။ အိပ်တဲ့အခါမှာလည်း ညဘက်အပြင်နေ့ခင်း နေ့လည်ဘက်မှာ အိပ်တာကောင်းတယ်ဆိုပေမယ့် အလွန်ဆုံး နာရီဝက်လောက်ပဲ အိပ်သင့်ပါတယ်။ နာရီဝက်ထက်ကျော်အောင် မအိပ်သင့်ပါဘူး။ ဒါ့အပြင် စိတ်ဓာတ်မကျအောင် ဂရုစိုက်တာ၊ စိတ်လှုပ်ရှားမှုပြင်းပြင်းထန်ထန်မဖြစ်အောင် သတိထားတာ၊ တရားမှတ်၊ တရားထိုင်တာမျိုးတွေ လုပ်ရပါမယ်။ သီချင်းနားထောင်တာ၊ သီချင်းဆိုတာမျိုးလည်း လုပ်ပေးနိုင်ပါတယ်။ မပြင်းထန်တဲ့ ကိုယ်လက်လှုပ်ရှားမှုကိုလည်း နာရီဝက်လောက် နေ့စဉ်လုပ်သင့်ပါတယ်။ အထိုင်များတဲ့ လူနေမှုပုံစံကို ရှောင်ကြဉ်ရပါမယ်။ အဝလွန်တာမျိုးမဖြစ်အောင် ဝိတ်လျှော့ချရပါမယ်။ ပုံမှန်ကိုယ်အလေးချိန် မှာပဲရှိနေအောင် ထိန်းထားရပါမယ်။ ဒါပေမယ့် နံနက်စာမစားတာမျိုးကိုတော့ ရှောင်ကြဉ်ရပါမယ်။

စားသုံးသင့်တဲ့ အစားအစာတွေကတော့ လတ်ဆတ်တဲ့ သဘာဝသစ်သီး သစ်ဥ၊ အသီးအနှံတွေ၊ ခရမ်းချဉ်သီး၊ ဆန်၊ ဂျုံ၊ အာလူး၊ ပဲတောင့်ရှည်၊ ပဲပိစပ်၊ ပဲအမျိုးမျိုး၊ ကြက်သွန်နီ၊ ကြက်သွန်ဖြူ၊ မုန်လာဥနီ၊ ဘရိုကိုလီ၊ ပန်းဂေါ်ဖီ၊ ပဲနို့၊ အစေ့အဆံတွေ၊ အမျှင်ဓာတ်များပြီး အစိမ်းရင့်ရောင်ရှိတဲ့ အရွက်တွေ၊ ကန်စွန်းရွက်၊ ဒန့်သလွန်ရွက်၊ ဟင်းနုနွယ်ရွက်၊ ဓာတ်တိုးဆန့်ကျင်ပစ္စည်းကြွယ်ဝတဲ့ ပန်းသီး၊ စပျစ်သီး၊ ထောပတ်သီး၊ သလဲသီးတွေ၊ ဗီတာမင်စီဓာတ်ကြွယ်တဲ့ ဇီးဖြူသီး၊ သရက်သီးအစိမ်း၊ ဗီတာမင်အီးဓာတ် ကြွယ်ဝသော အစားအစာ၊ အသီးအနှံများ၊ ဘီတာကယ်ရိုတင်း၊ ဆီလီနီယမ် ဓာတ်ကြွယ်ဝသော အစားအစာများ၊ ကျန်းမာရေးနဲ့ ညီညွတ်တဲ့ ငါးကြီးဆီ၊ သံလွင်ဆီတွေ၊ ငါးအမျိုးမျိုး (ငါးသလောက်၊ ငါးပူတင်းမပါ) ကြက်ဥ၊ အသည်း စတာတွေကို စားသုံးပေးသင့်ပါတယ်။ ဒါ့အပြင် နေ့စဉ် ရေ နှစ်လီတာ (၂၅၀ မီလီလီတာဆန့် ရေ ၈ ခွက်) အနည်းဆုံးသောက်သင့်ပါတယ်။

လျှော့စားရမယ့် အစားအသောက်တွေကတော့ အရက်၊ ဘီယာ၊ ကွမ်း၊ အဆီ၊ ခရင်မ်ပါသာ အစားအစာများ (ရေခဲမုန့်၊ ကိတ်မုန့်၊ ဒိုးနပ်စ်မုန့်) စသည်၊ အဖြူရောင်ပေါင်မုန့်တွေ၊ အဆီများတဲ့ အစားအစာတွေ၊ ကော်ဖီ၊ လက်ဖက်ရည်တို့ပဲ ဖြစ်ပါတယ်။ နေ့စဉ်စားသုံးသင့်တဲ့ ဆီပမာဏက တစ်နေ့ကို လက်ဖက်ရည်ဇွန်း ၄ ဇွန်းကနေ ၆ ဇွန်းအထိပဲ စားသုံးသင့်ပါတယ်။ အဲ့ဒီပမာဏထက်မကျော်လွန်သင့်ပါဘူး။ တစ်နေ့အတွက် အလွန်ဆုံးစားသင့်တဲ့ ဆားပမာဏကတော့ လက်ဖက်ရည်ဇွန်းတစ်ဇွန်းထက် မကျော်လွန်သင့်ပါဘူး။

💁‍♀️ရှောင်ကြဉ်ရမည့် အစားအသောက်တွေကတော့ တိရစ္ဆာန်အဆီ (ဝက်ဆီ)၊ စားအုန်းဆီ၊ ပြန်ကြော်ဆီ၊ မကောင်းတဲ့ ဓာတုပြန်သန့်ဆီ၊ ပုဇွန်ဆီ၊ သကြား၊ ထောပတ်၊ ဒိန်ခဲ၊ အမြန်စာ(ဟမ်ဘာဂါ)၊ ပင်လယ်စာများ၊ ငုံးဥ၊ မီးကင်ထားသော အစားအစာများ၊ အနီရောင်အသားတွေ၊ ကြော်ထားသော အစားအစာတွေ၊ တာရှည်ခံအစားအစာတွေ (ခေါက်ဆွဲခြောက်ထုပ်၊ အသားခြောက်၊ ဝက်အူချောင်း၊ ကြက်အူချောင်း စသည်)၊ ငန်လွန်းတဲ့ အစားအစာတွေ၊ အရက် အလွန်အကျွံသောက်တာတွေ၊ ဆေးလိပ်သောက်တာ၊ အအေးဘူး၊ အချိုရည်ဘူးတွေသောက်တာ၊ ပူစပ်လွန်းတဲ့ အစားအစာတွေကို ရှောင်ကြဉ်ရပါမယ်။

နိဂုံးချုပ်အနေနဲ့ပြောရရင် ဒီပိုးလေးဘက်နာရောဂါဟာ ကိုယ်ခံအားတိုက်ခိုက်တာကြောင့်ဖြစ်တဲ့ တခြားလေးဘက်နာရောဂါတွေ အားလုံးထဲမှာ အသက်သာဆုံးဖြစ်ပြီး ပျောက်ကင်းနိုင်တဲ့ ရောဂါတစ်ခုလည်း ဖြစ်ပါတယ်။ ဒါပေမယ့် အစားအသောက် အနေအထိုင်၊ ဆေးဝါးကုသမှု မမှန်ခဲ့လို့ရှိရင် နှလုံးလေးဘက်နာ အဆင့်အထိဖြစ်သွားတတ်ပြီး အဲ့ဒီနှလုံးအဆို့ရှင်တွေက ပြန်မကောင်းနိုင်တာကြောင့် သတိထားရမယ့် ရောဂါတစ်ခုဖြစ်ပါတယ်။ ကျနော်အခုပြောခဲ့တဲ့ ပိုးလေးဘက်နာရောဂါအတွက် ဆောင်ရန်၊ ရှောင်ရန်နဲ့ ဘဝနေထိုင်မှုပုံစံတွေကို သိရှိလိုက်နာကျင့်သုံးမယ်။ ဆေးဝါးကုသမှု ပုံမှန်ခံယူမယ်ဆိုရင် နှလုံးထိခိုက်မယ့်ဘေးက လွတ်မြောက်ပြီး အမြစ်ပြတ်ပျောက်ကင်း ချမ်းသာနိုင်ကြပါစေ
Original Uploader

" ရင်ငြိမ်း " ကျန်းမာရေးပစ္စည်းအမျိုးမျိုးရောင်းဝယ်ရေး

☎
09403702332
09794100607
ကိုဆက်သွယ်စုံစမ်းဝယ်ယူအားပေး
နိုင်ပါပြီရှင်။

#လက်လီလက်ကား
#ရင်ငြိမ်း

#ကျန်းမာရေး

19/01/2023

ရရှိနိုင်သော ဒူးစွပ်အမျိုးမျိုး

ဒူးစွပ်တစ်ခုချင်းစီ၏အသေးစိတ်ကို ပုံအောက်တွင်တွဲ၍ရေးသား​ပေးထားပါသည်။

မှာယူလိုပါက

☎️ 09403702332
09794100607 ကိုဆက်သွယ်နိုင်ပါသည်။

19/01/2023

#အဆုတ်ကင်ဆာရဲ့မသိမသာလက္ခဏာများအကြောင်း🫁

အဆုတ်ကင်ဆာဟာစဖြစ်ဖြစ်ချင်းကာလတွေမှာလက္ခဏာရယ်လို့မပြသလောက်ကိုရှားပါတယ်နောက်ပိုင်းမှာတော့ချောင်းဆိုးတာ အသက်ရှုကြပ်တာ ရင်ဘတ်အောင့်တာတွေ စဖြစ်လာပါတယ်။

#အဆုတ်ကင်ဆာရယ်လို့ ရောဂါအမည်တပ်လိုက်နိုင်ချိန်မှာတော့ ရောဂါကကျွမ်းသလောက် ဖြစ်နေတတ်ပါတယ်။ ဒါပေမဲ့ တစ်ခါတစ်လေ မထင်ထားတဲ့နေရာမျိုး တွေမှာ မသိမသာ သူ့ရဲ့ လက္ခဏာတွေကို ပြတတ်ပါတယ်။

တခုသိထားဖို့က ခုပြောပြမယ့်လက္ခဏာတွေဟာ အဆုတ်ကင်ဆာတခုထဲကြောင့် ဖြစ်နိုင်တာတော့ မဟုတ်ဘူးဆိုတာကိုပါ။ ဒါပေမယ့် အဆုတ်ကင်ဆာဟာ ကြောက်မက်ဖွယ်ရာရောဂါတခုဖြစ်ပြီး သေဆုံးနှုန်းလည်း မြင့်မားတာကြောင့် တချို့လက္ခဏာတွေကို သိရှိထားတာဟာ မမှားတဲ့အပြင် အကူအညီတောင်ဖြစ်နိုင်တဲ့အတွက် ဒီဆောင်းပါးကို ဖော်ပြပေးလိုက်ရပါတယ်။

[ ၁]🖐လက်ချောင်းထိပ်များ ပြည့်ဖောင်းလာခြင်း

တချို့ အဆုတ်ကင်ဆာတွေဟာ ဟော်မုန်းပုံစံဓာတုဗေဒပစ္စည်းအချို့ ကို ထွက်စေပြီး အဲ့ဒီပစ္စည်းတွေက လက်ချောင်းထိပ်တွေကို သွေးနဲ့အရည်တွေ ပိုပြီးရောက်ရှိစေပါတယ်။ ဒီအခါမှာ လက်ထိပ်တွေဟာ နဂိုထက်ပိုပြီး ဖောင်းဖောင်းတုတ်တုတ်တွေဖြစ်လာပါတယ်။ လက်သည်းခွံနဲ့ကပ်ရက်က အရေပြားဟာ သိသိသာသာအရောင်တောက်နေတတ်တယ်။ လက်ချောင်းတွေကို ဘေးတိုက်ကြည့်ရင် မူလထက်ပိုပြီး ခုံးနေတာမျိုးတွေ တွေ့ရနိုင်ပါတယ်။ အင်္ဂလိပ်လို finger clubbing လို့ ခေါ်ပါတယ်။ ဖြစ်ခဲတယ်ဆိုပေမယ့် ဖြစ်ခဲ့ပြီဆိုရင်တော့ ၈၀ % လောက်ဟာ အဆုတ်ကင်ဆာနဲ့တွဲလေ့ရှိပါတယ်။

[ ၂] 🤷ဝမ်းဗိုက် မကြာခဏ မအီမသာဖြစ်ခြင်း

ကင်ဆာဖြစ်တဲ့လူဆယ်ယောက်အနက် တစ်ယောက် ဒါမှမဟုတ် နှစ်ယောက်မှာ သွေးတွင်း ကယ်လ်ဆီယမ်ပမာဏ မြင့်မားနေတာတွေ့ရတတ်ပါတယ်။ သွေးထဲမှာ ကယ်လ်ဆီယမ်များနေတာဟာ ဗိုက်ကို မကြာခဏအောင့်စေပြီး ဗိုက်ရစ်တာ ဝမ်းချုပ်တာတွေလည်း ဖြစ်စေပါတယ်။ စားချင်သောက်ချင်စိတ်မရှိပဲ ရေခဏခဏ ငတ်နေတတ်ပါတယ်။

[ ၃]🫨စိတ်ပိုင်းဆိုင်ရာအပြောင်းအလဲများ

ကင်ဆာကြောင့် သွေးထဲမှာ ကယ်လ်ဆီယမ်တက်နေတဲ့အခါ စိတ်မငြိမ်တာ ပူပန်သောကရောက်နေတာ စိတ်ဓာတ်ကျဆင်းနေတာ အစရှိတာတွေ ခံစားရတတ်ပါတယ်။ မကြာမကြာဆိုသလို ဖြစ်နေရင် ရှင်းရှင်းလင်းလင်းသိရအောင် စိတ်ရောဂါကုဆရာဝန်နဲ့ ပြသဖို့လိုပါမယ်။

[ ၄]🤦 ပခုံးနှင့်နောက်ကျော မကြာခဏ အောင့်ခြင်း

Pancoast tumour လို့ခေါ်တဲ့ အဆုတ်ကင်ဆာတစ်မျိုးဟာ အဆုတ်ရဲ့ အပေါ်ဘက်အပိုင်းမှာ ဖြစ်ပြီး နံရိုးတွေ ကျောရိုးတွေ အာရုံကြောတွေနဲ့ သွေးကြောတွေဆီ ပျံ့နှံ့တတ်ပါတယ်။ ဒီကင်ဆာဟာ အသက်ရှုလမ်းကြောင်းဆိုင်ရာ လက္ခဏာတွေ သိပ်မပြတတ်ပဲ ပခုံး လက်မောင်း နဲ့ နောက်ကျောတွေသာ မကြာခဏ ကိုက်ခဲနာကျင်စေတတ်ပါတယ်။

[၅] မောပန်းလွယ်ခြင်း

အဆုတ်ကင်ဆာရဲ့ အဖြစ်များတဲ့သက်ရောက်မှုတစ်ခုက သွေးနီဥ ပမာဏကို သိသိသာသာနည်းသွားစေတာပါ။ ဒါကြောင့် သွေးအားနည်းလာပြီး မလှုပ်ချင်မရှားချင် တစ်စုံတစ်ခုက ဆွဲထားသလို ခံစားရတတ်ပါတယ်။ အလွယ်တကူ မောပန်းလာတတ်ပါတယ်။

[၆]အထိုင်အထမလွယ်ခြင်း

အဆုတ်ကင်ဆာဟာ အာရုံကြောအဖွဲ့အစည်းကိုလည်း ထိခိုက်စေပါတယ်။ ဒါကြောင့် ကြွက်သားတွေအလုပ်လုပ်တဲ့ပုံစံ မမှန်ဖြစ်လာပါတယ်။ ထိုင်ရာကနေ အလွယ်တကူ မထနိုင်တာမျိုး မတ်တပ်ရပ်နေရင်း ယိုင်ယိုင်သွားတာမျိုးတွေ ဖြစ်တတ်ပါတယ်။

[ ၇]ကိုယ်အလေးချိန်အပြောင်းအလဲ

အချို့အဆုတ်ကင်ဆာသမားတွေမှာ Cushion’s syndrome ဆိုတဲ့အခြေအနေတမျိုး ဖြစ်တတ်ပါတယ်။ အဲ့အခါ ခန္ဓာကိုယ်မှာ Cortisol ဟော်မုန်းပမာဏများလာပြီး ဖောလာတာ အလေးချိန်တွေတက်လာတာတွေ ဖြစ်စေပါတယ်။ အလွယ်တကူ သွေးခြေဥတတ်သလို အမြဲငိုက်မြည်းနေတတ်တာမျိုးလည်း တွေ့ရတတ်ပါတယ်။ နောက်တခုကတော့ ကယ်လ်ဆီယမ်များလာတာကြောင့် ကျောက်ကပ်ထိခိုက်လာပါတယ်။ ဒါကကျတော့ စားချင်သောက်ချင်စိတ်လျော့လာပြီး အလိုလိုနေရင်း ပိန်လာတတ်ပါတယ်။

[၈]အမျိုးသားတွေမှာ ရင်သားအရမ်းကြီးလာခြင်း

ရှားတော့ရှားပေမယ့် ဖြစ်နိုင်ပါတယ်။ရင်သားတွေကြီးလာပြီး ထိလိုက်ရင်တောင် နာနေတတ်ပါတယ်။

[၉]ခေါင်းမကြာခဏ ကိုက်တတ်ခြင်း

အဆုတ်ညာဘက်ခြမ်းမှာ အကျိတ်ဖြစ်တဲ့အခါ ခေါင်းပေါ်ကဆင်းလာတဲ့ သွေးပြန်ကြောမကြီးတစ်ချောင်းကို ဖိထားမိသလိုဖြစ်ပြီး သွေးမစီးဆင်းနိုင်ဖြစ်စေပါတယ်။ အဲဒီသွေးတွေအပေါ်ပြန်တက်တဲ့အခါ ခေါင်းအရမ်းကိုက်တော့တာပါပဲ။ ကယ်လ်ဆီယမ်ပမာဏများနေတာကလည်း ခေါင်းကိုက်စေပါသတဲ့။

💁‍♀️အခုပြောခဲ့တဲ့အချက်တွေရှိနေရင် အဆုတ်ကင်ဆာဖြစ်ပြီလို့ ပြောလို့မရပေမယ့် အဆုတ်ကင်ဆာရောဂါသည်တွေစောစောပိုင်းမှာ ခံစားတတ်ကြရတဲ့လက္ခဏာတွေထဲမှာ ဒါတွေ ပါဝင်နေတာမို့ မကြာခဏဖြစ်နေပြီဆိုရင်တော့ ဆရာဝန်နဲ့တိုင်ပင်ဖို့ အကြံပေးလိုက်ပါရစေ။

Credit Original Uploader On Doctor

" ရင်ငြိမ်း " ကျန်းမာရေးပစ္စည်းအမျိုးမျိုးရောင်းဝယ်ရေး

☎
09403702332
09794100607
ကိုဆက်သွယ်စုံစမ်းဝယ်ယူအားပေး
နိုင်ပါပြီရှင်။

#လက်လီလက်ကား
#ရင်ငြိမ်း

#ကျန်းမာရေး
#အဆုတ်ကင်ဆာ

17/01/2023

သွေးတိုးရောဂါသည်များလိုက်နာရန်
*********************************
၁- ဆားလျှော့စားပါ။
၂- အခြားအငံဓါတ်ပါသောအစာများ ( ငါးပိ, ငါးခြောက် , ငံပြာရည်, ပုစွန်ခြောက်, အချိုမှုန့်, ဆော်ဒါပါသောမုန့်များ ) ရှောင်ပါ။
၃- လူရောစိတ်ပါ အပင်ပန်းမခံပါနှင့်။
၄- စိတ်အေးအေးထားပါ။
၅- သွေးကျဆေးကို ဆရာဝန်ညွှန်ကြားထားသည့်အတိုင်း
မှန်မှန်သောက်ပါ။ အမြဲသောက်ပါ။
၆- သင့်တင့်သော ကိုယ်လက်လှုပ်ရှားမှု့ကို မှန်မှန်လုပ်ပါ။
၇- သွေးတိုး , သွေးကျခြင်းတို့ကို သွေးပေါင်ချိန်ခြင်းမှတပါး မသိနိုင်ပါ။
ခေါင်းမူး ခေါင်းကိုက်မှ သွေးတက်သည် မဟုတ်ပါ။
၈- နီးရာဆေးခန်း , ဆေးပေးခန်းတို့တွင် တစ်ပတ်တစ်ကြိမ် သွေးပေါင်ချိန်ပါ။
၉- ချိုသော , အဆီများသော အစာများ လျှော့စားပြီး အသီးအရွက်များများစားပါ။ ပိန်အောင်လုပ်ပါ။
၁၀- ဆေးလိပ်ဖြတ်ပါ။
၁၁- အရက်အလွန်အကျွံ မသောက်ပါနှင့်။
၁၂- သွေးတိုးရောဂါကို စနစ်တကျ မကုသလျှင် လေဖြတ်ခြင်း , နှလုံးသွေးကြောပိတ်ခြင်း , ဦးနှောက်သွေးကြောပြတ်ခြင်းတို့ကြောင့် အသက်ဆုံးရှုံးခြင်းသော် လည်းကောင်း , တသက်လုံး လူစဉ်မမီဘဲ မိသားစုအတွက် ဝန်ထုပ်ဝန်ပိုး ဖြစ်သော်လည်းကောင်း ဖြစ်တတ်ပါ၍ ဆေးကုသမှု မှန်မှန်ခံယူပါ။

ဒေါက်တာ ဒေါ်ဝင်းဝင်းမြင့်
သမားတော်ကြီး

16/01/2023

ပျောက်ကင်းအောင် ကုသလို့ မရနိုင်လို့ သတိထားရမယ့် အသည်းခြောက်ခြင်း
*********************************************

ဒီနေ့မှာတော့ ကုသရခက်ခဲတဲ့ အသည်းခြောက်ခြင်း အကြောင်းကို ပြောပြဖို့ ရွေးချယ်ထားပါတယ်။

အသည်းခြောက်ရောဂါဆိုတာ အသည်းရောင်အသားဝါ နှင့် နာတာရှည်အရက်စွဲခြင်းကဲ့သို့သော အသည်းရောဂါအမျိုးမျိုးနှင့် အခြေအနေအမျိုးမျိုးကြောင့် ဖြစ်ပွားရသည့် အသည်း၏နှောင်းပိုင်းအဆင့်တစ်မျိုးဖြစ်ပါတယ်။

ရောဂါကြောင့်ဖြစ်စေ၊ အရက်အလွန်အကျွံသောက်ခြင်း သို့မဟုတ် အခြားအကြောင်းကြောင့်ဖြစ်စေ ကိုယ့်ရဲ့ အသည်းမှာ ဒဏ်ဖြစ်သည့်အခါတိုင်း အသည်းသည် သူ့ကိုယ်သူ ပြန်လည်ပြုပြင်ရန် ကြိုးစားလေ့ရှိပါတယ်။ ဒီလို ပြန်လည်ပြုပြင်ရာကနေ အမာရွတ်တစ်သျှူးများ များပြားလာပါတယ်။ အမာရွတ်တစ်သျှူးများ တိုးပွား လာသည်နှင့်အမျှ အသည်း၏ ပုံမှန်အလုပ်များ လုပ်ဆောင်ရန်ခက်ခဲလာပြီး အသည်းခြောက်ခြင်း ဖြစ်ပေါ်လာပါတော့တယ်။ အသည်းခြောက်တာက အသည်းရဲ့ အလုပ်လုပ်နိုင်စွမ်း ကျဆင်းလာတာကြောင့် အသက်အန္တရာယ်ရှိပါတယ်။

အသည်းခြောက်ခြင်းကြောင့် ဖြစ်ပေါ်လာတဲ့ အသည်းပျက်စီးမှုကို ယေဘုယျအားဖြင့် နဂိုပကတိ အကောင်းအတိုင်း အခြေအနေထိ ပြန်ကုသလို့ရနိုင်ပါဘူး။ ဒါပေမယ့် အသည်းခြောက်ခြင်းကို စောစီးစွာသိရှိပြီး အကြောင်းရင်းကို ကုသမှုခံယူပါက နောက်ထပ်ပျက်စီးမှုများကို ကန့်သတ်နိုင်ပါတယ်။

အသည်းခြောက်ခြင်း၏ အဖြစ်အများဆုံး အကြောင်းရင်းများမှာ-

နှစ်ပေါင်းများစွာ အရက်အလွန်အကျွံသောက်ခြင်း

အသည်းရောင်အသားဝါရောဂါ B ပိုး သို့မဟုတ် အထူးသဖြင့် အသည်းရောင်အသားဝါ ရောဂါ C ပိုး ကြာရှည်စွာ ကူးစက်ခံနေရခြင်း

အရက်ကြောင့် မဟုတ်သော အဆီများ အသည်းတွင် စုပုံလာသည့် အသည်းအဆီဖုံးရောဂါမှ အသည်းယောင်လာပြီး အသည်းခြောက်ခြင်း

တို့ဖြစ်ပါတယ်။

အရက်၊ B ပိုး၊ C ပိုးတို့ကြောင့် အသည်းခြောက်တာ ပိုအဖြစ်များပေမယ့် အသည်းခြောက်ရတဲ့ အခြားအကြောင်းအရင်းတွေလဲရှိပါသေးတယ်။

သည်းခြေရည်လမ်းကြောင်းတွင် ရောဂါ ဖြစ်ခြင်း

မိမိ ကိုယ်ခံအားစနစ် ဖောက်ပြန်တိုက်ခိုက်ခြင်းကြောင့် အသည်းယောင်ခြင်း (autoimmune disorders)

အချို့သော မျိုးရိုးလိုက်သော အခြေအနေ ရောဂါများ နှင့် အချို့သော ဆေးဝါးများကို ရေရှည်သုံးစွဲခြင်းကြောင့်လည်း အသည်းခြောက်ခြင်း ဖြစ်နိုင်ပါတယ်။

ဒီလောက်ဆိုရင် အသည်းခြောက်ရတဲ့ အကြောင်းအရင်းတွေကို နားလည်ကြမယ်လို့ မျှော်လင့်ပါတယ်ခင်ဗျ။ အသည်းခြောက်ပြီဆိုရင် အသည်းအစားထိုးတာကလွဲလို့ အခြားနည်းနဲ့ ပျောက်ကင်းအောင်ကုသဖို့ ခဲယဉ်းပါတယ်။

ဒါ့ကြောင့် အသည်းခြောက်ရတဲ့ အဓိက အကြောင်းရင်းတွေဖြစ်တဲ့ အရက်အလွန်အကျွံသောက်တာ၊ B ပိုး၊ C ပိုး ကူးနိုင်မယ့် အလေ့အထတွေကို သတိထားပြီး ရှောင်ကျဉ်ကြဖို့ တိုက်တွန်းလိုက်ရပါတယ် ခင်ဗျ။

Credit to Dr Shein Thu

13/01/2023

သွေးလေးဖက်နာရောဂါ ရှိသူများ အနေနဲ့

အနေအထိုင်၊ အစားအသောက်ကို

မှန်ကန်အောင် ပြုမူ နေထိုင် စားသောက်ရင်

ရောဂါ သက်သာ ပျောက်ကင်းဖို့ အများကြီး အထောက်အကူပြုပါတယ်။

(၁) ဆေးလိပ် သောက်ရင် ဆေးလိပ် ဖြတ်ရပါမယ်။ ဆေးလိပ်ဟာ ရောဂါကို ပိုဆိုးစေတဲ့အပြင် နောက်ဆက်တွဲ ပြဿနာတွေ ဖြစ်တဲ့ နှလုံးသွေးကြောကျဉ်းရောဂါတွေ၊ ခြေလက်များကို သွေးမလျှောက်လို့ ပုပ်သွားတာတွေကို ဖြစ်စေဖို့ အားပေးပါတယ်။

(၂) အဆစ်အမြစ်တွေ ရောင်နေတဲ့ အချိန်မှာ ရောင်နေတဲ့ အဆစ်တွေကို အနားပေးရပါမယ်။ ဥပမာ လက်ဆစ်တွေ ရောင်နေတဲ့ အချိန်မှာ ပစ္စည်းတွေကို လက်နဲ့ မတာမျိုး၊ လက်ကို များစွာ အသုံးပြုတာမျိုးတွေ ရှောင်ရပါမယ်။ လိုအပ်ရင် အရောင်ကျဆေးတွေ၊ အကိုက်အခဲပျောက်ဆေးတွေ သုံးပြီး သက်သာအောင် ကုသရပါမယ်။ တစ်ကိုယ်လုံးမှာ ရှိတဲ့ အဆစ်တွေ ရောင်ရင်တော့ အိပ်ရာပေါ်မှာ အနားယူဖို့လိုပါလိမ့်မယ်။

(၃) နားတာနဲ့ တစ်ဆက်တည်း လုပ်ရမှာက လေ့ကျင့်ခန်း ဖြစ်ပါတယ်။ နားလို့ သက်သာလာပြီ ဆိုတာနဲ့ ခုနက နားထားတဲ့ အဆစ်တွေကို လေ့ကျင့်ခန်း တဖြည်းဖြည်းချင်း လုပ်ပေးရပါမယ်။ ဒါမှ မဟုတ်ရင် အဆစ်တွေဟာ ခိုင်သွားပြီး နောက်ပိုင်းမှာ လှုပ်ရှားလို့မရ ဖြစ်တတ်ပါတယ်။ ဒါ့ကြောင့် လိုအပ်ရင် နားလည် တတ်ကျွမ်းတဲ့ ပညာရှင် (Physiotherapist) နဲ့ တိုင်ပင်ပြီး ပြုလုပ်ရပါမယ်။

(၄) အစားအစာအနေနဲ့ အာဟာရ ပြည့်ဝအောင် စားရပါမယ်။

အထူးသဖြင့် အရိုးအဆစ်တွေ အတွက် လိုအပ်တဲ့ ကယ်လ်စီယမ် နဲ့ ဗီတာမင်ဒီ ပါဝင်တဲ့ အစားအစာတွေ စားပေးဖို့ လိုပါတယ်။ ဥပမာအားဖြင့် နွားနို့၊ ကြက်ဥ၊ ဟင်းရွက်စိမ်းတွေ စားပေးရပါမယ်။

အရောင်ကျစေတဲ့ အစားအစာတွေကို ပိုစားပေးရပါမယ်။ ဥပမာ နာနတ်သီး၊ ဘယ်ရီသီး၊ နနွင်း၊ လက်ဖက်စိမ်း တို့ဖြစ်ပါတယ်။

အိုမီဂါ-၃ ကြွယ်ဝတဲ့ အစားအစာတွေ ပိုစားရ ပါမယ်။ ဥပမာ အဆီပါတဲ့ ငါးတွေ၊ အခွံမာတဲ့ သစ်စေ့တွေ ဖြစ်ပါတယ်။

ပရိုဘိုင်အိုတစ် ကြွယ်ဝတဲ့ အစားအစာတွေ ဖြစ်တဲ့ ဒိန်ချဉ်လိုမျိုးတွေ မကြာခဏ စားပေးသင့်ပါတယ်။

ရှောင်သင့်တဲ့ အစားအစာတွေ ကတော့ ဆီကြော်မုန့်တွေ၊ ဓာတုပစ္စည်းတွေ ထည့်ထားတဲ့ အစားအစာတွေ၊ ကြာရှည်ခံအောင် ပြုပြင်ထားတဲ့ အစားအစာတွေ၊ အချိုမှုန့် စတာတွေကို ရှောင်ရပါမယ်။
Original Uploader

13/01/2023

ကျွန်တော်တို့ရဲ့ Yin Nyein Health equipments မှရရှ်ိနိုင်သော Nebulizer များ။

( 1 ) Portable Nebulizer

( 2 ) Mesh Nebulizer ( Portable Ultrasonic Nebulizer )

Nebulizer ဆိုသည်မှာ ဆေးရည်ကို အငွေ့ အဖြစ်သို့ပြောင်းလဲပေးပြီး ပန်းနာရင်ကြပ်၊ နာတာရှည်အဆုတ်ပွ၊ လေပြွန်ကျဉ်းရောဂါ၊ နမိုးနီးယားစတဲ့ အဆုတ် နှင့်အသက်ရှုလမ်းကြောင်း ရောဂါများတွင် လျင်မြန်စွာသက်သာစေရန် ရှူရှိုက်နိုင်ရန်အတွက်ပြင်ဆင်ပေး၍ အသက်ရှူရလွယ်ကူအောင်သုံးရလေ့ရှိတဲ့ ဆေးငွေ့ရှုစက်တစ်မျိုးဖြစ်ပါသည်။

အဆုတ်နှင့် အသက်ရှုလမ်းကြောင်းဆိုင်ရာရောဂါရှိသူများအနေနှင့်လည်း ကိုယ်ပိုင် Nebulizer စက်လေးတွေဆောင်ထားသင့်ပါတယ်။

Available for purchase

အိမ်သုံးဖြစ်စေ ဆေးရုံဆေးခန်းသုံးဖြစ်စေ အသုံးပြုလိုပါက စျေးနှုန်းရောအရည်အသွေးရောပါမှန်ကန်သည့် YN Health equipments မှာအချိန်မရွေးမှာယူနိုင်ပါကြောင်းပြောကြားလိုပါတယ်ဗျာ။

ဝယ်ယူလိုပါက ☎️ 09403702332 ကိုဖုန်းဆက်ပြောကြားနိုင်ပြီး Chat box သို့လည်းလာရောက်ပြောကြားနိုင်ပါသည်။