06/10/2025
နောက် ရှက်ကီကြောင် တစ်ယောက်ရှိသေး…
ကိုယ့်ကို လာခေါ်တဲ့ အချိန်မှာ သူ ကြောင်နေတာ ၃ ရက်လောက်ရှိပြီ
ပထမတစ်ရက် ငြိမ်အောင် လုပ်ပေးတယ်
မရဘူး မျက်လုံးကို ပြူးပြီး ကို ကြောင်နေတာ တစ်ပွေတည်း
မအိပ်တာ လည်း ၃ ရက်
😂😂😂
နောက်တစ်ရက်ကျ ည မိုးချုပ်ကြီး လာပင့်တယ်
အတော် ထိန်းမရလို့တဲ့
ကိုယ် ရောက်သွားချိန် သကောင့်သားက ဓာတ်မီး တစ်လက်နဲ့ အိမ်အောက်ထဲ ဘာတွေ ဝင်ရှာနေလဲ မသိဘူး ကုန်းကုန်းကွကွ နဲ့
အိမ်က လူတွေ ကိုလည်း တစ်ယောက်မှ အနား ပေးမကပ်ဘူး ရန်ရှာနေတာ
😊😊😊
ကိုယ်ကတော့ ခပ်တင်းတင်းပဲ
“ဟေ့လူ ဘာတွေ လုပ်နေတာလဲ”
အံမယ် ကိုယ့် ကို အိမ်အောက်ကနေ ဓာတ်မီးနဲ့ ထိုးကြည့်ပြီး ပြုံးပြတယ် ပြီးတော့ ဘက်ဆုတ်ပြီး ထွက်လာတယ်
“လာ ဗိုလ်ကြီး…ထိုင်”
“ငင်”
ကိုယ်တောင် ကြောင်ပြီး နောက်လှည်ကြည့်လိုက်သေး
နောက်မှာ ဘာ ဗိုလ်ကြီးမှ မရှိဘူး
အိမ်က လူတွေ ကလည်း အနားကပ်မရတော့ ၂ ခါ ပြေးစာ မှာ ရပ်နေကြတာ
😂😂😂
ကဲ ထားတော့…
ဟေ့လူ ဘလာ ဘလာ ဆိုပြီး တော်ကီ ခဏဖုတ်ပြီး ဆေးထိုးဖို့ ဖြောင်းဖြ ရတယ်
ထိုးပြီးရင် တစ်ခါတည်း အိပ်ပျော်မှာမို့ ခြင်ထောင်ထဲ ဝင်ခိုင်းရသေး
ကိုယ်လည်းဝင် ရတယ်လေ သူ့ ခြင်ထောင်ထဲ
ခြင်ထောင်ထဲ သူနဲ့ကိုယ်နဲ့ ရောက်ပြီ ဆိုမှ ဆေးထိုးခံတယ်
အဲ့ချိန်ထိ ကိုယ်က သူ့ရဲ့ ဗိုလ်ကြီး ပဲ သူ က တပ်သား
😂😂😂
အဲ့ည ဆေးထိုးပြီးတော့ အဲ့ဘဲ အတော်ဟန် သွားတယ်
ကိုယ်လည်း ကံကောင်းသွားတယ်
နောက်တစ်ရက်သာ သွားထိုးရရင် ကိုယ်က ဗိုလ်ချုပ် သူက ဗိုလ်မှူးကြီး လောက် ဖြစ်နေလောက်ပြီ
😂😂😂
(ရှက်ကီကြောင် တွေ ချစ်တဲ့ ဒေါက်တင်)
ဒေါက်တာ တင်ထွန်းနိုင်
အထွေထွေရောဂါကု ဆရာဝန်
၆ အောက်တိုဘာ ၂၀၂၂ ရေးသည်။
