GCC Centre, No. 155/D, ZawTiKa 1st street, Let Yet San village, Near Phayar Ngar Su Bus stop, Thanlyin-Kyauktan Road, Thanlyin, Thanlyin (2026)

Q: What is the address?

No. 155/D, ZawTiKa 1st Street, Let Yet San Village, Near Phayar Ngar Su Bus Stop, Thanlyin-Kyauktan Road, Thanlyin

24/02/2026

Geriatric Care-Serie 5

သက်ကြီးကျန်းမာရေးနှင့် စဥ်ဆက်မပြတ် ပြုစုစောင့်ရှောက်မှုနှင့် စပ်လျဥ်းပြီး Prof: ဒေါက်တာ မြင့်ဟန်၊ Prof: ဒေါက်တာ သန်းဝင်းညွှန့် နှင့် ဒေါက်တာ သန်းထွန်းအောင် တို့မှ CME Program - ဟောပြောပွဲ အစီအစဥ်ကို Wisdom Win Co; Ltd. နှင့် Z-waka တို့ အတူပူးပေါင်းပြီး ကျွန်တော်တို့ GCC Centre တွင် ဖေဖော်ဝါရီလ (၂၂) ရက်နေ့၌ ကျင်းပ ပို့ချ ပေးခဲ့သည့် မှတ်တမ်းပုံရိပ်များအား မျှဝေပေးလိုက်ပါတယ် ခင်ဗျာ့။

➡️လူကိုယ်တိုင် တက်ရောက် အားပေးကြသော ဆရာ ဆရာမကြီးများနှင့်တကွ ဧည့်ပရိတ်သတ် အားလုံးအား လည်းကောင်း .....၊

➡️Online Webinar မှ တက်ရောက် ကြသော ဆရာဝန် ဆရာမ အားလုံးအား လည်းကောင်း၊

➡️အထူးအားဖြင့် ကူညီအားပေး ဟောပြော ပို့ချပေးပါသော ဆရာကြီး Prof: Dr.Than Win Nyunt အားလည်းကောင်း၊

➡️ပွဲဖြစ်မြောက်ရေးအတွက် အဖက်ဖက်မှ ကူညီပံ့ပိုးပေးပါသော Wisdom Win Co; Ltd အား လည်းကောင်း၊

➡️Online Webinar အတွက် အမြဲကူညီပေးပါသော Z- Waka Heathcare Professionals Groups အားလုံးအား လည်းကောင်း၊

❤️အထူးကျေးဇူးတင် ဂုဏ်ပြုအပ်ပါတယ် ခင်ဗျာ့။

GCC Centre နှင့် ပတ်သက်၍ အသေးစိတ်သိရှိလိုပါက Page Messenger မှတဆင့် (သို့) Hotline number - +95 9789 298 111, +95 9789 298 222, +95 9789 298 333 သို့ ရုံးချိန်အတွင်း ဆက်သွယ်မေးမြန်းနိုင်ပါသည်။

GCC Centre (Geriatric & Continuing Care Centre),
သက်ကြီးကျန်းမာရေးနှင့် စဉ်ဆက်မပြတ်‌ ပြုစုစောင့်ရှောက်မှုစင်တာ၊ Green Garden Villa၊ ဇောတိက (၁)လမ်း၊ သန်လျင်-ကျောက်တန်းလမ်းမ၊ သန်လျင်မြို့။

#သက်ကြီးကျန်းမာရေးနှင့်စဉ်ဆက်မပြတ်‌ပြုစုစောင့်ရှောက်မှုစင်တာ

22/02/2026

“လင်းအရုဏ် နဲ့ ဖွားလေးမှုံ”

ခေါင်းရင်းအိမ်က ဖွားလေးမှုံ
အသံတုန် ဇရာပုံ ပြပေမဲ့
များသတ္တာ ကြားစေဖို့၊
လုံးစုံဆိတ် လင်းအရုဏ်မှာ
သူ့ခမျာ ရှိရာအားနဲ့ ဝတ်ပြုကာ မေတ္တာတွေပို့။

မဘုတ်ဆုံ သူ့သမီး
အပျိုကြီးက မကြိုက်ပါ ပြောလေ့ရှိရှာ၊
များသူငါ အိပ်နေသေးသမို့
အားနာဖို့ ကောင်းလိုက်တာ။

သို့ပြောလာ သမီးကို
သူကဆို “စဉ်းစားကွယ် သမီးရယ်
နင်သို့နှယ် နှစ်ကိုယ်ကြား၊
ဘုရားဝတ်ပြု အမျှဝေတာ
ဝေနေယျာ ဘုံစုံကလေ ကြားမယ်တဲ့လား”။

ဇွဲကောင်းတဲ့ ဖွားလေးမှုံဟာ
မပြတ်ပါ နေ့စဉ်ပြု
ကုသိုလ်မှုနဲ့ အရုဏ်ကိုနိုးထစေ
ကြေးစည်ထု အမျှဝေ၊
ကောင်းရာပြုနေ ဘုတ်ဆုံအမေ
ဖွားလေးမှုံကိုတော့
စိတ်ကောင်းကာ သက်ဝါကြီး
သီလစောင့်စည်းသူမို့
ဗွေမယူ သိသူတိုင်းက လေးစားကြပေ။

တစ်နေ့တာ အစမှာလေ
မင်္ဂလာ ကျက်သရေတက်စေဖို့
မေတ္တာဓာတ်ဖြန့် ဖွားလေးမှုံ
ကံဇာတာကုန် ဘဝပြောင်းရှာပေါ့
အော်…သူမရှိပါတော့တဲ့ လင်းအရုဏ်၊
ခုခါတုံ ဖွားလေးမှုံကို
နေ့တိုင်းလို လွမ်းစရာနဲ့ တိတ်ဆိတ်ကာသုန်။

(သန်းထွန်းအောင်)

20/02/2026

GCC Centre တွင် လာရောက်နေထိုင်လျက်ရှိသော ဘိုးဘိုး ဦးစောမြင့်နှင့် ဖေဖော်ဝါရီလ မွေးနေ့ရှင်များ အတွက် မွေးနေ့ပွဲကို မွေးနေ့ရှင်များနှင့် အတူ ပျော်ရွှင်စွာ ပြုလုပ်ကျင်းပပေးခဲ့ပါသည်။

မွေးနေ့ရှင်ဘိုးဘိုး ဦးစောမြင့် အတွက် GCC Centre မိသားစုမှ မွေးနေ့ဆုမွန်ကောင်း တောင်းပေးလိုက်ပါတယ် ခင်ဗျာ့။

"Happy birthday ပါ ဘိုးဘိုးရေ … မွေးနေ့မှစ၍ ကျန်းမာပျော်ရွှင်စွာ သက်ရာကျော်နေထိုင်ရပြီး ရွှေလာဘ်တံခါးကြီး ဖွင့်ပေးနိုင်ပါစေ ဘိုးဘိုး …။"

ဖေဖော်ဝါရီလ မွေးနေ့ရှင်များအတွက်လည်း အခုလို ပျော်ရွှင်စရာမွေးနေ့မှ စပြီး စိတ်၏ချမ်းသာခြင်း၊ ကိုယ်၏ကျန်းမာခြင်းများနှင့် ပြည့်စုံပါစေကြောင်း "GCC Centre မိသားစု" မှ ဆုမွန်ကောင်း တောင်းပေးလိုက်ပါတယ် ခင်ဗျာ့။

GCC Centre နှင့် ပတ်သက်၍ အသေးစိတ်သိရှိလိုပါက Page Messenger မှတဆင့် (သို့) Hotline number - +95 9789 298 111, +95 9789 298 222, +95 9789 298 333 သို့ ရုံးချိန်အတွင်း ဆက်သွယ်မေးမြန်းနိုင်ပါသည်။

GCC Centre (Geriatric & Continuing Care Centre),
သက်ကြီးကျန်းမာရေးနှင့် စဉ်ဆက်မပြတ်‌ ပြုစုစောင့်ရှောက်မှုစင်တာ၊ Green Garden Villa၊ ဇောတိက (၁)လမ်း၊ သန်လျင်-ကျောက်တန်းလမ်းမ၊ သန်လျင်မြို့။

#သက်ကြီးကျန်းမာရေးနှင့်စဉ်ဆက်မပြတ်‌ပြုစုစောင့်ရှောက်မှုစင်တာ

17/02/2026

တရုတ်ရိုးရာ မင်္ဂလာနှစ်သစ်မှာ မိဘပြည်သူအပေါင်းတို့ စိတ်၏ ချမ်းသာခြင်း၊
ကိုယ်၏ ကျန်းမာခြင်းနှင့် ပြည့်စုံနိုင်ကြပါစေလို့ ကျွန်တော်တို့ GCC Centre
မိသားစုမှနေ၍ ဆုတောင်းမေတ္တာ ပို့သအပ်ပါသည် ခင်ဗျာ့ ...။

GONG XI FA CAI to YOU & YOUR FAMILY.

#သက်ကြီးကျန်းမာရေးနှင့်စဉ်ဆက်မပြတ်‌ပြုစုစောင့်ရှောက်မှုစင်တာ

13/02/2026

Geriatric Care-Serie 5

‎အားလုံးပဲ မင်္ဂလာ ခင်ဗျာ့ ...။
‎
‎ကျွန်တော်တို့ GCC Centre မှာ လာမည့် တနင်္ဂနွေနေ့ (၂၂.၂.၂၀၂၆) ရက်နေ့တွင် Prof: ဒေါက်တာ မြင့်ဟန်၊
Prof: ဒေါက်တာသန်းဝင်းညွန့်နှင့် ဒေါက်တာ သန်းထွန်းအောင် တို့မှ သက်ကြီးကျန်းမာရေးနှင့် ပတ်သက်သည့် အကြောင်းအရာများကို ဟောပြောပို့ချသွားမည့် CME Program - ဟောပြောပွဲလေး ရှိပါတယ် ခင်ဗျာ့။
‎
‎
‎
‎Date - 22.2.2026 (Sunday)
‎Time - 12:00 - 3:30 PM
‎Venue - GCC Centre ( Green Garden Villa, ဇောတိက (၁) လမ်း၊ သန်လျင် - ကျောက်တန်း လမ်းမကြီး၊ သန်လျင်မြို့)
‎
‎Online မှတက်ရောက်လိုပါက-
‎Zoom Webinar ID: 82238575452
‎Passcode : SynflexM
‎မှတဆင့် နားထောင်နိုင်ပါတယ်ခင်ဗျာ့။
‎
‎ #သက်ကြီးကျန်းမာရေးနှင့်စဉ်ဆက်မပြတ်‌ပြုစုစောင့်ရှောက်မှုစင်တာ

12/02/2026

🇲🇲 (၇၉) ကြိမ်မြောက် ပြည်ထောင်စုနေ့ ဂုဏ်ပြုအမှတ်တရ 🇲🇲

ဖေဖော်ဝါရီလ (၁၂) ရက် ပြည်ထောင်စုနေ့အခါသမယတွင် တိုင်ရင်းသားအားလုံး စည်းလုံးညီညွတ်မှု၊ အချင်းချင်းလေးစားမှုနှင့် ချစ်ခင်စောင့်ရှောက်မှုများ ပိုမို တိုးပွားလာပါစေကြောင်း GCC Centre မှ ဆုမွန်ကောင်းတောင်းအပ်ပါသည်။

စည်းလုံးမှုက အင်အားပါ ✨

ပြည်ထောင်စုစိတ်ဓာတ်နဲ့ အနာဂတ်ကောင်းတွေကို အတူတကွ လက်တွဲဖန်တီးကြပါစို့ 🤝

GCC Centre နှင့် ပတ်သက်၍ အသေးစိတ်သိရှိလိုပါက Page Messenger မှတဆင့် (သို့) Hotline number - +95 9789 298 111, +95 9789 298 222, +95 9789 298 333 သို့ ရုံးချိန်အတွင်း ဆက်သွယ်မေးမြန်းနိုင်ပါသည်။

GCC Centre (Geriatric & Continuing Care Centre),
သက်ကြီးကျန်းမာရေးနှင့် စဉ်ဆက်မပြတ်‌ ပြုစုစောင့်ရှောက်မှုစင်တာ၊ Green Garden Villa၊ ဇောတိက (၁)လမ်း၊ သန်လျင်-ကျောက်တန်းလမ်းမ၊ သန်လျင်မြို့။

#သက်ကြီးကျန်းမာရေးနှင့်စဉ်ဆက်မပြတ်‌ပြုစုစောင့်ရှောက်မှုစင်တာ

10/02/2026

ဒီမင်းရှား (Dementia) ဝေဒနာရှင်များကို ဆေးတိုက်ရ ခက်ခဲလာသည့်အခါ…

(ဒေါက်တာသန်းထွန်းအောင်)

ဒီမင်းရှား (Dementia) ခေါ် သိမှတ်ဉာဏ်ချို့ယွင်းအားနည်းမှုကြောင့် အမေ့လွန်လာသည့်ရောဂါ ခံစားနေရသူများကို ဆေးတိုက်ရခက်ခဲလာခြင်း၊ သူတို့သည် ဆေးသောက်ရန် ငြင်းဆန်လာခြင်းတို့ ဖြစ်လာသည့်အခါ ပြုစုစောင့်ရှောက်သူများအတွက် အလွန်စိတ်ပင်ပန်းကြရသော အခြေအနေတစ်ခု ဖြစ်လာရသည်။ အတော်ပင် စိတ်ရှည်သည်းခံစွာဖြင့် ခက်ခက်ခဲခဲ ကိုင်တွယ်ဖြေရှင်းကြရသည့် အနေအထားလည်း ဖြစ်သည်။ ဤဆောင်းပါးတွင် ထိုအခြေအနေကို လက်တွေ့ ကြိုးစားလုပ်ဆောင်ဖြေရှင်းကြည့်သင့်သည့်နည်းများကိုအကြံပြု တင်ပြ ပေးပါမည်။

ဒီမင်းရှား ဝေဒနာရှင်များကို ပြုစုစောင့်ရှောက်ရာတွင် ပြုစုကြသူ မိသားစုဝင်များသည် တစ်နေ့တာအတွက် မိမိတို့လုပ်ဆောင်လိုသည်များကို အချိန်ဇယားချ ပုံမှန်လုပ်ပေးခြင်းဖြင့် အလေ့ အကျင့်ဖြစ်သွားအောင် ပြုလုပ်ထားပါက ပြုစုခြင်းကို လွယ်ကူစွာ ပြီးမြောက်နိုင်သည်။ ဆေးတိုက် ရမည့်အချိန်ရောက်လျှင် ဆေးသောက်ရန်အကျွမ်းတဝင်ဖြစ်လာသည်။ ဆေးတိုက်ချိန်တွင် ပတ်ဝန်းကျင်သည် အေးဆေးတည်ငြိမ်နေသင့်သည်။ ဆူညံနေလျှင် ဆူညံသံ (ဥပမာ- TV အသံ၊ လူအများ စကားပြောသံ) ကိုလျော့ချရန်လိုသည်။ ဆေးသောက်မည့် ဒီမင်းရှား ဝေဒနာရှင်၏ အာရုံကို ဆေးသောက်ခြင်းကိစ္စတွင် ရောက်နေရန် သူတို့ရှေ့၌ မလိုအပ်သော လှုပ်ရှားသွားလာလုပ်ကိုင်နေမှုများ မလုပ်ကြရန်လိုသည်။ ဝေဒနာရှင်၏ စိတ်နေသဘောနှင့် အကြိုက် (အထာ) တို့ကို သိထားပါက ဆေးတိုက်ရပိုလွယ်တတ်သည်။ အကယ်၍ လူနာသည် ဆေးသောက်ရန် ငြင်းဆန်နေသည့်အခါ အာရုံပြောင်းပေးသည့်နည်းသည်လည်း အလုပ်ဖြစ်တတ်သည်။ ဆေးတိုက်နေချိန်မှာ လူနာ နှစ်သက်သည့် သီချင်းဖွင့်ပေးထားခြင်း သို့မဟုတ် သူစိတ်ဝင်စားသည့် အကြောင်းအရာ တစ်ခုခုကို စကားစမြည်ပြောရင်း မသိမသာ ဆေးတိုက်လိုက်လျှင် ဆေးဝင်သွားသည်ကိုလည်း တွေ့ရသည်။

ဆေးတိုက်စဉ် ဆေးသောက်ရန်ပြောဆိုသည့်အခါ ပြောတတ်ရန်လည်းလိုသည်။ ချော့မော့ သည့်လေသံနှင့်ပြောပါ။ "ကဲ... ဒီဆေးလေးသောက် လိုက်ရအောင်" ဆိုပြီး ဖိတ်ခေါ်သည့်ပုံစံမျိုးကို တိုတိုနှင့် ရှင်းရှင်း ညင်သာစွာ ပြောသင့်သည်။ ဆေးတိုက်သည့် အခါတွင်လည်း ကိုယ်တိုင်ရွေးချယ် ဆုံးဖြတ်ခွင့်ပေးသည့် သဘောဖြင့် "ဆေးကို ရေနဲ့သောက်မလား၊ ဖျော်ရည်နဲ့သောက်မလား"၊ “ကော်ဖီ နဲ့ သောက်မလား၊ လဖက်ရည် နဲ့ သောက်မလား” စသည်ဖြင့် ရွေးချယ်နိုင်မှုနှစ်မျိုးပေးကာ မေးသင့်သည်။ ဆေးမသောက်ချင်သည့် အကြောင်းရင်းကိုလည်းသိရန်လိုသည်။ ဆေးလုံးဆေးပြား အရွယ်အစားကြီးခြင်းကြောင့် ဆေးမျို ချရခက်နေခြင်းဖြစ်လျှင် အရွယ်ငယ်သွားစေရန် ဆေးကိုခြမ်းသောက်နိုင်သည်။

အချို့သောဆေးများမှာ ထိုသို့ ခွဲခြမ်းခြင်း၊ အမှုန့်ကြိတ်ခြင်း မပြုလုပ်သင့်သည့်ဆေးများ (ဥပမာ- Extended Release ဆေးပြားများ) ဖြစ်နေတတ်သည်။ ထိုဆေးမျိုးကိုခွဲခြမ်း ကြိတ်ချေ လိုက်ပါက လိုအပ်သော အာနိသင်ပျက်ပြယ်သွားတတ်သည်။ သို့အတွက် ဆေးကို ခွဲခြမ်းခြင်း၊ ကြိတ်ခြင်း လုပ်ရန်သင့် မသင့်ကို ဆေးကိုညွန်ကြားထားသည့် ဆရာဝန်နှင့် မေးထားရမည်။ တချို့ မှာ ဆေးတောင့် (Capsule) ဖြစ်နေ၍ မသောက်လိုလျှင် ဆေးဓာတ်ချင်း တူသော်လည်း ထုတ်လုပ် ထားသည့်ပုံစံမတူသော ဆေးပြား၊ ဆေးလုံးများကို ပြောင်းသုံးကြည့်ပါ။ ဆေးအများစုမှာ အမှုန့် ကြိတ်ပြီးရေနှင့်ရောဖျော်ပြီးတိုက်ကြသည့်အခါ အလွန်ခါးသက်သည့် အရသာကြောင့် ဆေး သောက်ရခက်ကြသည်။ သို့ဖြစ်လျှင် ချိုသောအရည်တစ်ခုခု (ဥပမာ … ပျားရည်) ဖြင့်ရောတိုက် လျှင် ဆေးခါးခြင်းလျော့နည်းသွားမည်ဖြစ်သည်။ ဆေးကို အမှုန့်ကြိတ်ပြီး ယို၊ ဒိန်ချဉ် (သို့မဟုတ်) ပျော့ပျောင်းသောအစာတစ်ခုခုထဲ ထည့်ကျွေးခြင်းဖြင့်လည်း ဆေးဝင်ရန် ကြိုးစားကြည့်နိုင်သည်။

တချို့သောဆေးများမှာ ပါးစပ်မှ တိုက်ကျွေးခြင်းအပြင် စအိုဝမှ ထည့်သွင်းခြင်း၊ အသား တွင်ကပ်သည့် ပလာစတာ ကပ်ခွာ (Patch) ကို ပြောင်းသုံးခြင်းတို့ ပြုလုပ်၍ရနိုင်သည်။ ဝါးစား၍ရနိုင်‌သော ‌‌ ဆေးပြား(Chewable tablet) နှင့် ခံတွင်းထဲတွင်အရည်ပျော်သွားစေနိုင်သော ဆေးပြား (Orally dissolvable tablet) များအသွင်ဖြင့်ထုတ်လုပ်ထားသော ဆေးတို့မှာဆေးတိုက်ရခက်သူ များ အတွက် အဆင်ပြေသည်။ တချို့သော ဆေးများအတွက် သောက်ဆေးပုံစံအပြင် အသားဆေး၊ အကြောဆေး၊ အရေပြားအောက်ထိုးဆေး၊ လိမ်းဆေး စသည်ဖြင့် ရနိုင်ကြသည်။ ရောဂါနှင့် လူနာ၏ အခြေအနေလိုအပ်ချက်အရ ထိုဆေးများကို ဆရာဝန်က ညွန်ကြားနိုင်ပါသည်။ ဆေးထိုး အပ်ကြောက်သူများ၊ ဆေးမထိုးလိုသူများအတွက် ဆေးထိုးရခြင်းမှာ အခက်အခဲ ရှိနိုင်သည်။ အရေပြားအောက်ထိုးဆေး (Subcutaneous injection) များဖြစ်သော အင်ဆူလင် (Insulin) ၊ သွေခဲပျော်ဆေး (Enoxaparin)၊ ကျောက်ကပ်မကောင်း၍ဖြစ်ရသည့်သွေးအားနည်းခြင်းတို့ အတွက် ထိုးရသည့် ကျောက်ကပ်ဟော်မုန်းဆေး (Erythropoietin) များထိုးနေရခြင်း ဖြစ်လျှင် ထိုဆေးများမှာ အချိန်မှန်အောင် မထိုးမဖြစ် ထိုးရမည့်ဆေးမျိုးဖြစ်သဖြင့် ဒီမင်ရှားဝေဒနာရှင်များ ကို ပြုစုနေကြသူများအတွက် ဆေးထိုးရန်အလွန်ခက်ခဲလျှင်၊ ဆေးထိုး၍မရနိုင်လျှင် ဆရာဝန် အား အသိပေး ပြောပြရန် အထူးလိုအပ်သည်။ ဆရာဝန်မသိဘဲ ဆေးထိုးရခက်သည် ဆိုကာ မိမိ သဘော ဖြင့် ထိုဆေးများကိုမရပ်လိုက်သင့်ပါ။ ဆရာဝန်ကသိမှသာ ဆေးအမျိုးအစားပြောင်းပေးခြင်း၊ ဆေး ပမာဏ သို့မဟုတ် ဆေးအကြိမ် လျှော့ချပေးခြင်း၊ ဆေးပုံစံ [(Syrup/Suspension (အရည်)၊ နှာခေါင်းထဲသို့ ဖြန်း သည့်ဆေး (Nasal spray)၊ လျှာအောက်ငုံဆေး (Sublingual tablet) သို့မဟုတ် Drops (အစက်ချဆေး)] ကိုပြောင်းပေးခြင်း၊ ဆေးတိုက်ပုံ တိုက်နည်းတို့ကို သင်ကြားပေးခြင်း စသည်ဖြင့် လိုအပ်သလို ကုသမှုပုံစံကို ပြောင်းပေးနိုင်မည် ဖြစ်ပါသည်။

ဒီမင်းရှားဝေဒနာရှင်များသည် မကြာခင်ကမှပြောထားသည်များကို မမှတ်မိတော့ခြင်း (Short term memory loss) ရှိကြသဖြင့် သူတို့ဆေးသောက်ရန်ငြင်းနေလျှင် အတင်းအကျပ် မတိုက်ပါနှင့်။ သူတို့စိတ်ချမ်းသာသွားအောင် ခဏလွှတ်ထားပေးလိုက်ပါ။ ၁၀ မိနစ် သို့မဟုတ် ၁၅ မိနစ်ခန့် ကြာမှ နောက်တစ်ကြိမ် ပြန်ကြိုးစားကြည့်ပါ။ ထိုအခါ ပထမအကြိမ်သူတို့ငြင်းဆိုခဲ့သည်ကို မမှတ်မိတော့ဘဲ သဘောတူလက်ခံကာ ဆေးသောက်လိုက်ကြသည်လည်း ရှိသည်။ သူတို့ ငြင်းနေလျက် အတင်းတိုက်ပါက ဆေးသီးခြင်း သို့မဟုတ် လူနာနှင့်ရုန်းကန် ချုပ်ကိုင်ရခြင်း၊ ရန် ဖြစ်ရခြင်း၊ အင်အားသုံးပြုလုပ်လိုက်ရခြင်းကြောင့် ဆေးသောက်ရမည်ကို ပိုကြောက်သွားစေခြင်း နှင့် ပြုစုသူကိုလက်မခံတော့ခြင်းများ ဖြစ်သွားနိုင်ပါသည်။

တချို့သောဒီမင်းရှားဝေဒနာရှင်များသည် ပြုစုသူများအပေါ်တွင် သူ့ပစ္စည်းများကို ခိုးယူထား သည်၊ သူ့ကျွေးသည့်အစာကိုအဆိပ်ခပ်ထားသည်စသည်ဖြင့် သံသယစိတ်များနှင့် ထင်ယောင် ထင်မှား (Paranoia) ဖြစ်တတ်သကဲ့သို့ သူတို့ကိုတိုက်သည့် ဆေးများပေါ်တွင်လည်း သံသယ ရှိလာတတ်သည်။ ဆေး၏ဘေးထွက်ဆိုးကျိုးများ (Side effects) ခံစားရလျှင် ပိုဖြစ်သည်။ ပြုစုသူတိုက်သည့် ဆေးကြောင့်သူ့မှာ ဒုက္ခရောက်ရသည်၊ ဝေဒနာခံစားရသည်ဟု စွပ်စွဲတတ်ကြသည်။ အသက်ကြီးလာသဖြင့် မျက်လုံးခြောက်ခြင်း (Dry eyes) ကြောင့် အနေရခက်ခြင်း၊ မျက်ရည်ယိုခြင်းတို့ သက်သာစေရန် မျက်ရည်တု မျက်စဉ်း (Artificial tear eye drop) ကြောင့် သူ့မျက်လုံးမမြင်ရတော့၊ ကန်းသွားပြီ စသည်ဖြင့် သံသယ စိတ်နှင့် တွဲလျက် အကြောက်လွန်ကာ ယိုးစွပ်ခြင်းလည်းတွေ့ရဖူးသည်။ တိုက်သည့်ဆေးအပေါ် သံသယရှိနေသူများအတွက် ဝေဒနာရှင်နှင့်အတူတူ ဆေးသောက်ပြခြင်းနည်းကိုလည်း စမ်းကြည့် နိုင်သည်။ မိမိသောက်နေသည့် ဆေးများကို ဒီမင်းရှားလူနာ၏ရှေ့တွင် သောက်ပြခြင်း၊ သို့မဟုတ် သူတို့သောက်နေသည့် ဆေးထဲမှ မိမိပါ သောက်၍ရနိုင်သည့်ဆေးတစ်မျိုးမျိုး( ဥပမာ ..အားဆေး) ကို ယူသောက်ပြခြင်းဖြင့်ဆေးအပေါ် သံသယကင်းရန်၊ ယုံကြည်မှုရှိသွားစေရန် ကြိုးစားကြည့်နိုင်ပေသည်။ ထိုနည်းသည် လူနာ၏ စိတ်လုံခြုံမှုကိုလည်း ပေးရာရောက်ပါသည်။

တချို့မှာဆေးများနှင့် ပတ်သက်ပြီး အလွန်သတိထားကြသည်။ အထူးသဖြင့် ပညာတတ်သူ (Educated persons) များတွင် တွေ့ရသည်။ ဆေးနှင့်ရောဂါကို တွဲဖက်ကာ ဒီဆေးက ဘာဆေး၊ ဘယ်လောက်အား၊ တစ်နေ့ဘယ်နှစ်ကြိမ် စသည်ဖြင့် မှတ်ထားကြသည်။ တစ်ဦးချင်းစီ၏ ဆေးပညာ ဗဟုသုတ၊ စေ့စပ်သေချာတတ်သည့်ပင်ကိုယ်စရိုက်၊ ဒီမင်းရှားရောဂါအဆင့် စသည်တို့ ပေါ်မူတည် ၍ ပုံစံအမျိုးမျိုးကြုံတွေ့ရနိုင်သည်။ သောက်နေကျဆေးပုံစံ၊ အရောင်၊ ထုတ်လုပ်သည့်နိုင်ငံ၊ အမှတ်တံဆိပ်အားဖြင့် အသေးစိတ် မှတ်ထားသူလည်းရှိသည်။ တစ်ခါ သောက်ရသည့်ဆေးလုံး အရေ အတွက်ကိုမှတ်ထားသူများ၊ ဆေးအသစ်တိုးလာခြင်း စသည်တို့ကို သတိထားကြသူများကိုလည်း တွေ့ရတတ်သည်။ အများအားဖြင့်ဒီမင်းရှားဖြစ်စအချိန်များတွင် ကြုံရသည်။ ထိုသူများအတွက် သူတို့၏စိုးရိမ်မှုကို နားလည်စွာဖြင့် ရှင်းပြလိုက်လျှင် အဆင်ပြေသွားတတ်သည်။ အချို့မှာ ဆေး အပြောင်းအလဲ၊ အတိုးအလျော့နှင့်ပတ်သက်၍ ဆရာဝန်ငယ်များ ပြောဆို ရှင်းပြခြင်းကို လက်မခံဘဲ ဆရာဝန်ကြီးကိုယ်တိုင် ပြောဆိုရှင်းပြမှ လက်ခံသွားကြသူများ လည်းရှိသည်။

နာတာရှည်ရောဂါများအတွက် ဆေးသောက်ရခြင်းကြာလာသည့်အခါ ဆေးမသောက်ချင်ကြတော့သူလည်း ရှိသည်။ အသက်ကြီးလာလေ၊ ရောဂါစုံလာလေဖြစ်သဖြင့် တစ်နေ့ တစ်နေ့ သောက်နေရသည့်ဆေးများမှာ ပိုတိုးလာကြသည်။ ဆေးသောက်ရန်အခက်အခဲရှိသူ၊ ဆေးကြောက်သူများအတွက်ကြီးမားသည့်အခက်အခဲ တာဝန်ကြီးတစ်ရပ်ဖြစ်လာသည်။ ထိုအခါ ဆရာဝန်နှင့် ဆက်မပြချင်တော့၊ ဆေးခန်းသွားရန်ငြင်းဆန်လာသည်၊ ဘာမှမဖြစ်တော့ဘူးဆိုကာ ကိုယ့်သဘောနှင့်ကိုယ် ဆေးဖြတ်လိုက်ခြင်းတို့ ဖြစ်လာသည်။ ထိုလူနာများအား ဆေးတိုက်ရာတွင် ပိုစိတ်ရှည်ရသည်၊ ချော့ရသည်၊ ရှင်းပြရသည်။ တချို့မှာ ရောဂါအတွက်ဆေးမဟုတ်ဘဲ အားဆေးဟု ပြောမှ ဆေးသောက်ရန်သဘောတူသွားကြသူလည်း ရှိသည်။ တချို့မှာဆေးဆိုသည်နှင့် လုံးဝ မသောက်လို တော့ဘဲ ငြင်းဆန်နေသည့်အခါ ဆေးမှန်းမသိစေရန် သူတို့ကြိုက်နှစ်သက်သည့် အစားအသောက် တစ်ခုခုထဲတွင်ထည့်ပြီး တိုက်ကြရသည်လည်း ရှိသည်။ ထိုသို့ရောတိုက်သည့်အခါ ဆေးအလဟဿ မဖြစ်စေရန်နှင့် ဆေးဝင်ကြောင်းသေချာစေရန် မိမိတိုက်လိုသည့်ဆေးကို အစားအစာ အနည်းငယ်နှင့်သာ ရောနှောကြရန် ဖြစ်သည်။ အစားအစာအများကြီးထဲသို့ ထည့်မရော ရပေ။

အအေးစာများသည် လျှာပေါ်ရှိ အရသာခံဖုများကို ခဏမျှ ထုံသွားစေခြင်းကြောင့် ဆေး၏ ခါးသက်သော အရသာကို ဖုံးကွယ်ပေးနိုင်သည်။ ထို့ကြောင့် ပျော့ပျောင်းပြီး အေးမြသောအစားအစာ များဖြစ်သည့် ဒိန်ချဉ် (Yogurt)၊ ရေခဲမုန့် (Ice cream) သို့မဟုတ် ပူတင်း (Pudding) များသည် ထို အစာကြိုက်သူများ အတွက် အဆင်ပြေကြသည်။ ငှက်ပျောသီးမှည့် နှင့် အာလူးထောင်း (Mashed Potato) များမှာလည်း ဆေးလုံးငယ်လေးများကို ထည့်ကျွေးရန် ကောင်းသည်။ ကြိတ်ချေထားသည့် ခါးသော ဆေးမှုန့်များအတွက် ချိုသောအရာများဖြစ်သည့် ပျားရည် (Honey)၊ မိုင်လို (Milo) ၊ အိုဗာတင်း (Ovaltine)၊ ယို (Jam) အမျိုးမျိုးတို့ကို သုံးနိုင်သည်။ သစ်သီးဖျော်ရည်များတွင် လိမ္မော်ရည် (orange juice) သို့မဟုတ် ပန်းသီးရည် (Apple juice) တို့မှာ အသုံးများကြသည်။ ထမင်းစားချိန်တွင် ဆေးကို ရောတိုက်လိုလျှင် ဆေးကို ထမင်းလုပ်ထဲတွင်မြုပ်၍ လည်းကောင်း၊ ဟင်းချိုရည် စွပ်ပြုတ်ရည် တစ်ဇွန်းစာထဲတွင် ဆေးကို အရည်ဖျော်၍လည်းကောင်း တိုက်နိုင်ပါသည်။ သတိပြု ရန်မှာ ဆေးကိုအစားအသောက်ထဲရောထည့်ခြင်းကို လူနာရှေ့တွင်မပြုလုပ်ရန် လိုသည်။ လူနာမြင် သွား သိသွားပါက ကျွေးသည့်အစားအစာများကိုပါ ငြင်းဆန်သွားနိုင်သည်။ ရှင်းပြပြောဆို နားလည် နိုင်သေးသည့် ဒီမင်းရှားလူနာများအတွက် ဒီဆေးကနဲနဲလေးခါးတယ်၊ ပျားရည်လေးနဲ့ ရောသောက် ကြရအောင်စသည်ဖြင့် အသိပေးသဘောတူညီချက်ရယူကာ ဆေးတိုက်ခြင်းကပိုကောင်းသည်။ ထို့ကြောင့် မိမိလူနာ၏ ရောဂါအခြေအနေပေါ်မူတည်ပြီး ချင့်ချိန် ပြုစု ပြောဆိုတတ်ရန် လိုသည်။

တခါတရံ လူနာကို ပြုစုနေကြသည့် မိသားစုဝင်များသည် ဆေးသောက်စေလိုသည့်ဆန္ဒဇော ဆေးဝင်စေလိုသည့်စေတနာတို့ကြောင့် ဆေးမသောက်လျှင် ကုသပေးနေသည့်ဆရာဝန်က စိတ်ဆိုး သွားလိမ့်မည်၊ ဆေးဆက်မကုပေးဘဲနေလိမ့်မည်စသည်ဖြင့် ဆရာဝန်၏ ဩဇာကိုသုံးပြီး တိုက်တွန်းခြင်း" (Leveraging Authority) နည်းကို သုံးတတ်ကြသည်ကို တွေ့ရသည်။ လူနာအချို့၏ သဘောသဘာဝမှာလည်း မိသားစုဝင်များထက် အပြင်လူ၊ အထူးသဖြင့် ဆရာဝန်၏ စကားကို ပိုနားထောင်တတ်ကြပါသည်။ အကယ်၍ လူနာသည် ပြသနေသည့်ဆရာဝန်နှင့် အချိန်ကြာမြင့်စွာ ပြသနေပြီး ဆရာဝန်ကို ရိုသေလေးစားသူ ဖြစ်ခဲ့လျှင် "ဒါက ဆရာဝန်ကြီး ပေးလိုက်သည့် ဆေးပဲ၊ သောက်မှ ရောဂါသက်သာသွားပြီး ဆရာဝန်ကြီးက ဝမ်းသာမှာ" ဆိုတာမျိုး ပြောခြင်းက အောင်မြင်နိုင်ခြေ ရှိပါသည်။ ဆရာဝန်၏နာမည် ဩဇာအရှိန်အဝါကိုသုံးကာ လူနာကို ခြိမ်းခြောက်သည့်ပုံစံမျိုး ပြောခြင်းကား မဖြစ်သင့်ပါ။ မဖြစ်ရန်လည်း ရှောင်ကြဉ်သင့်ပါသည်။ ဒီမင်းရှားလူနာများသည် ကြောက်ရွံ့ စိုးရိမ်စိတ် (Anxiety) အလွယ်တကူ ဖြစ်တတ်ပါသည်။ ထိုအခါ စိတ်မလုံခြုံဖြစ်စေပြီး ရန်လိုမှု (Aggression) ပါ ဖြစ်လာစေနိုင် ပါသည်။ ဆရာဝန်က သူ့အား အတင်းဖိအားပေးနေသည့် ပုံစံမျိုး အထင်မှား အမြင်စောင်းသွားပါက နောက်တစ်ခါဆေးခန်းသွားပြရန် ငြင်းဆန်လာနိုင်သည်။

ဒီမင်းရှားရောဂါတိုးလာခြင်းကြောင့် အလယ်အလတ်ရောဂါအဆင့် (Moderate stage) နှင့် ပြင်းထန်သည့်အဆင့် ( Severe stage) သို့ ရောက်လာသူ အများစုမှာ မူမှန်မဟုတ်သည့်အမူအရာများ ပေါ်လာကာ အစာကျွေးရခြင်း ဆေးတိုက်ရခြင်းတို့မှာ ပိုခက်လာသည်။ ဆေးတိုက်မည်ပြုလျှင် ပါးစပ်ကို ပိတ်ထားလာသည်။ လက်ဖြင့်ကာသည်။ တွန်းထုတ်သည်။ မျက်နှာတစ်ဖက်သို့လှည့်ထားသည် စသည်ဖြင့် ပြုလုပ်လာတတ်သည်။ ထိုအခါ ပြုစုသူတို့သည် တိုက်ရမည့် ဆေးများကိုကြိတ်ကာ ရေနှင့်ဖျော်ပြီး ဆေးထိုးအပ်မတတ်ထားသည့်ဆေးထိုးပြွန် (Syringe) ဖြင့်စုပ်ယူကာ လူနာ၏ နှုတ်ခမ်းထောင့်မှ ပါးစောင်ထဲသို့ ဆေးကို ထိုးထည့်သည့်နည်းဖြင့် ဆေးဝင်အောင် ကြိုးစားတိုက်ကြ တတ်သည်။ ထိုသို့ အတင်းတိုက်သည့်အခါ လူနာအနေဖြင့် မကြိုက်နှစ်သက်သည့် အပြုအမူမျိုးဖြင့် တုန့်ပြန်တတ်ကြသည်။

ထိုအခါ ဒီမင်းရှားလူနာကို ပြုစုနေရသည့် မိသားစုဝင်များအနေဖြင့် မိမိတို့ချစ်ကြသည့် ဝေဒနာခံစားနေရသူတစ်ယောက်ကို ကောင်းစေချင်၊ သက်သာစေလိုချင်သည့် သဘောဖြင့် အတင်းအကျပ် လုပ်လိုက်ရခြင်းအတွက် စိတ်မကောင်း ဖြစ်ရခြင်း၊ လူနာကို ဆေးမှန်းမသိစေဘဲ အစာထဲခိုးဝှက်ပြီး တိုက်ခြင်းသည် အပြစ်တစ်ခုကို ကျူးလွန်နေသလိုများ ဖြစ်နေသလားဟု အတွေးရောက်ကြခြင်းတို့ ဖြစ်တတ်ကြသည်။ ဤဖြစ်ရပ်မှာ လက်တွေ့ ရင်ဆိုင်ကြရသည့် အလွန်နက်နဲပြီး စိတ်မကောင်းဖြစ်စရာကောင်းသည့် ကိုယ်ကျင့်တရား ဆိုင်ရာ အခက်အခဲ (Ethical dilemma) တစ်ခုဖြစ်သည်။ စဉ်းစားကြည့်လျှင် မိမိတို့ ချစ်ရသောသူ ဝေဒနာရှင်ကို နာကျင်စေရန်၊ ဒုက္ခပေးရန်၊ မိမိအကျိုးအတွက် လိမ်ညာလှည့်စားရန် လုပ်နေခြင်းမဟုတ်ပါ။ အတင်းအကျပ် ဆေးတိုက်ခြင်းကြောင့် လူနာမှာပိုပြီး ထိတ်လန့်သွားနိုင်စေသဖြင့် အစာထဲထည့်တိုက်ခြင်းက လူနာကို စိတ်ပိုင်းဆိုင်ရာအရ ပိုပြီး သက်သာငြိမ်းချမ်းစေသည်ဟုလည်း မြင်ကြည့်ပေး၍ ရပါသည်။ ပြုစုနေကြသူများမှာ လူနာ၏ကျန်းမာရေး ပိုမိုကောင်းမွန်လာရန် ဝေဒနာ သက်သာစေရန်ဆိုသည့် စေတနာအရင်းခံ နှင့် လုပ်နေခြင်းသာ ဖြစ်ပါသည်။ လူနာ၏ ရောဂါကြောင့် ဆင်ခြင်တုံတရား နှင့် ဆုံးဖြတ်နိုင်စွမ်း မရှိတော့ သည့်အချိန်မှာ သူ့အတွက် အကောင်းဆုံး ဖြစ်မည့်အရာကို စဉ်းစားရွေးချယ်ကာ မိသားစုများက တာဝန်ယူပြုစုပေးနေကြခြင်းသာ ဖြစ်ပါသည်။ ဆေးမဝင်သဖြင့် လူနာခံစားရမည့် ဝေဒနာနှင့် ဘေးဒုက္ခတို့မှ သက်သာစေရန် ဆေးဝင်အောင် တိုက်ရမည့် အဓိကတာဝန်တစ်ခုကို ကြိုးစားလုပ်ဆောင်ခြင်းသာ ဖြစ်ပါသည်။ ထို့အတူ ဒီမင်းရှားဝေဒနာရှင်များသည် ရောဂါပြင်းထန်လာမှုကြောင့် အစာ မစားနိုင် မမျိုနိုင် ဖြစ်လာကြသည့်အခါမျိုးတွင် နှာခေါင်းမှ ပိုက်သွင်းကာ အစာကျွေးခြင်း၊ ဝမ်းဗိုက်ဖောက်ကာ အစာအိမ်သို့တိုက်ရိုက်ပိုက်ထည့်ကာ အစာကျွေးခြင်းတို့ပြုလုပ်မှ ဆေးတိုက်ရနိုင်မည်၊ အစာကျွေးနိုင်မည်ဆိုသည့် အနေအထားမျိုးတွင် ပိုက်ဖြင့်အစာကျွေးခြင်း (Tube feeding) ၏ အကျိုး အပြစ်များကို ဆရာဝန်နှင့်ဆွေးနွေးပြီး ချိန်ဆဆုံးဖြတ်ကြရာတွင် မိသားစုများအနေဖြင့် အခက်အခဲ ကြုံရတတ်ပါသည်။ လူနာ၏ အနေအထားအရ "သက်သောင့် သက်သာ ရှိမှု (Comfort)" ကို အဓိကထားပြီး စဉ်းစားဆောင်ရွက်သင့်သည့် အခြေအနေတွင်မူ သောက်နေကျ ဆေးများထဲမှ သက်သောင့်သက်သာ ဖြစ်စေရန် အရေးအကြီးဆုံး ဆေး ၁ မျိုး သို့မဟုတ် ၂ မျိုးကို ဆရာဝန်က ရွေးချယ်ပေးပါလိမ့်မည်။ အရေးမကြီးတော့သော ဆေးများကို ရပ်ပေးပါလိမ့်မည်။

ယခုဆောင်းပါးသည် ဒီမင်းရှား ဝေဒနာရှင်များကို ပြုစုစောင့်ရှောက်နေကြသူများနှင့် မိသားစုဝင်များအတွက် တစ်စုံတစ်ခုသော အတိုင်းအတာအထိအကျိုးရှိလိမ့်မည်ဟု ယုံကြည်မိပါသည်။

(ဒေါက်တာသန်းထွန်းအောင်)

03/02/2026

ဓမ္မာရုံက ဖိုးလေး

ရပ်ကွက်လမ်းဆုံ ဓမ္မာရုံမှာ
အမြဲလာကာ ရပ်ရေးသာရေး
ဘာသာရေးတွက် ဝိုင်းဖေးကူမ
လုပ်ရသူပျော် ရှစ်ဆယ်ကျော်ပြီ
ခုသော်ခါးနာ ဆင်ခြင်ကာနေ
ဇရာကိုထောက် စိတ်နောက်ကိုယ်ပါ
လုပ်မိမှာရှောင် သတိဆောင်ပေ
မလိုနေရာ ဝင်မပါလည်း
ဓမ္မာရုံတွင် ပတ်စဉ်ဆွမ်းချက်
မနက်စောထ ကျင့်သားရပြီး
တံမြက်စည်းလှဲ သန့်ရှင်းရေးလုပ်
ဥပုသ်ဝတ်ပြု မြဲမှုသီလ
ကြီးထပညာ ဉာဏ်အရာနှင့်
များပါတွေ့ကြုံ တွေးမြင်ပုံကောင်း
ခေတ်အကြောင်းရာ လေ့လာသိထား
သူ့အားအများချစ်ကြ၏။

လူငယ်ဖြစ်က ပုံမကျမူ
မိဖအလား မေတ္တာထားကာ
မှားရာပြုပြင် ခေတ်ဂွင်ကျစေ အထာကြေ၏
သက်ပေကြီးငြား လူငယ်များနှင့် ပျော်ကားနုပျို
ကိုယ်လက်လှုပ်ရှား ခြင်းကစားသေး
ပိုင်းခြားချိန်ပေး နောင်ရေးပြင်ထား
တရားအသိ မြဲရှိကျင့်မှန်
လက်ကျန်ဘဝ ကုသိုလ်ရမှု
ဘက်စုံပြုကာ ဘာဝနာလုပ်
အားထုတ်ကိုယ်ကျင့် မြဲခိုင်မြင့်လျက်
သေမင်းလက်အပ် ဖြစ်လတ်အသင့်
ရဲရင့်မတုန် ကိုယ့်ကိုယုံလတ် ပြောနေတတ်သေး
အသက်ခန္ဓာ
ဘယ်ခါဘယ်သို့ ယွင်းချို့ဖောက်လွဲ
ကွဲချင်သလိုကွဲပါစေ။

(သန်းထွန်းအောင်)

30/01/2026

Nursing Home ကို ရွေးချယ်မည်ဆိုလျှင် (အပိုင်း - ၁)

မိမိချစ်ခင်ရသော မိဘများ၊ လူကြီးမိဘများကဲ့သို့ချစ်ရသူတစ်ဦး အတွက် သက်ကြီးစောင့်ရှောက်မှုနေရာ (Nursing Home) ကို ရွေးချယ်ခြင်းသည် မိသားစုတိုင်းအတွက် စိတ်ပူပန်စရာ၊ စဉ်းစားစရာများစွာ ပါဝင်သော အရေးကြီးသည့် ဆုံးဖြတ်ချက်တစ်ခု ဖြစ်ပါသည်။

သင်သည် မိမိချစ်ရသူအတွက်
✔️ ဘေးကင်းလုံခြုံမှုရှိသော
✔️ သက်တောင့်သက်သာ နေရပ်ဖြစ်သော
✔️ စိတ်နွေးထွေးစွာ ဂရုစိုက်ပေးနိုင်သော
နေရာတစ်ခုကို ရွေးချယ်လိုခြင်းမှာ ၁၀၀% သေချာပါသည်။

ဤလမ်းညွှန်ချက်သည် မိသားစုများအား မိမိချစ်ရသူအတွက် မိမိအိမ်ကဲ့သို့ ခံစားနိုင်မည့် အကောင်းဆုံး “ဒုတိယအိမ် (Second Home)” ကိုရွေးချယ်ရာတွင် မည်သည့်အချက်များကို စစ်ဆေးသင့်သည်၊ သတိထားသင့်သည် ဆိုသည်ကို သိရှိနိုင်ရန် ကူညီပေးရန် ရည်ရွယ်ထားပါသည်။

မိမိချစ်ရသူကို Nursing Home တစ်ခုတွင် အပ်နှံရန် စဉ်းစားနေပါက အောက်ပါအချက်များနှင့် ပြည့်စုံမှုရှိ/မရှိ ကို သေချာစွာ စုံစမ်းမေးမြန်းခြင်း၊ ကိုယ်တိုင်ကြည့်ရှုစစ်ဆေးခြင်း ပြုလုပ်ရန် လိုအပ်ပါသည်။

Nursing Home ကို ရွေးချယ်ရာတွင် အထူးအရေးကြီးသော ကဏ္ဌများမှာ
🔹 ဘေးကင်းမှုနှင့် သန့်ရှင်းမှု
🔹 အရည်အချင်းပြည့်မီပြီး ဂရုစိုက်တတ်သော ဝန်ထမ်းများ
🔹 ကျန်းမာရေးနှင့် ဆေးဘက်ဆိုင်ရာ စောင့်ရှောက်မှု
တို့ကို မဖြစ်မနေ ထည့်သွင်းစဉ်းစားရပါမည်။

👉 အပိုင်း (၂) တွင် Nursing Home ရွေးချယ်ရာတွင်
ပိုမိုအသေးစိတ် စစ်ဆေးသင့်သော အချက်များကို ဆက်လက်ဖော်ပြသွားပါမည်။

Crd SN Aye Myat Thaw

GCC Centre နှင့် ပတ်သက်၍ အသေးစိတ်သိရှိလိုပါက Page Messenger မှတဆင့် (သို့) Hotline number - +95 9789 298 111, +95 9789 298 222, +95 9789 298 333 သို့ ရုံးချိန်အတွင်း ဆက်သွယ်မေးမြန်းနိုင်ပါသည်။

GCC Centre (Geriatric & Continuing Care Centre),
သက်ကြီးကျန်းမာရေးနှင့် စဉ်ဆက်မပြတ်‌ ပြုစုစောင့်ရှောက်မှုစင်တာ၊ Green Garden Villa၊ ဇောတိက (၁)လမ်း၊ သန်လျင်-ကျောက်တန်းလမ်းမ၊ သန်လျင်မြို့။

#သက်ကြီးကျန်းမာရေးနှင့်စဉ်ဆက်မပြတ်‌ပြုစုစောင့်ရှောက်မှုစင်တာ

27/01/2026

အဘိုးအဘွားတို့အား လက်မှုပညာဖြင့် လေ့ကျင့်ပေးခြင်း

ကျွန်တော်တို့ GCC Centre မှာ လာရောက်နေထိုင်လျက်ရှိသော ဘိုးဘွားများအတွက် နေ့စဉ်ပြုလုပ်ပေးမြဲဖြစ်သော လှုပ်ရှားမှုများနှင့်အတူ အကြောအဆစ်နှင့် ပြန်လည်သန်စွမ်းရေးပညာရှင်မှ ဦးစီးကြီးကြပ်၍ Table Top Activity အဖြစ် လက်မှုပညာများပြုလုပ်စေကာ လေ့ကျင့်စောင့်ရှောက်မှုပေးနေသည့် ပုံရိပ်များကို မျှဝေပေးလိုက်ပါသည် ခင်ဗျာ့။

GCC Centre နှင့် ပတ်သက်၍ အသေးစိတ်သိရှိလိုပါက Page Messenger မှတဆင့် (သို့) Hotline number - +95 9789 298 111, +95 9789 298 222, +95 9789 298 333 သို့ ရုံးချိန်အတွင်း ဆက်သွယ်မေးမြန်းနိုင်ပါသည်။

GCC Centre (Geriatric & Continuing Care Centre),
သက်ကြီးကျန်းမာရေးနှင့် စဉ်ဆက်မပြတ်‌ ပြုစုစောင့်ရှောက်မှုစင်တာ၊ Green Garden Villa၊ ဇောတိက (၁)လမ်း၊ သန်လျင်-ကျောက်တန်းလမ်းမ၊ သန်လျင်မြို့။

TikTok Link - https://www.tiktok.com/

#သက်ကြီးကျန်းမာရေးနှင့်စဉ်ဆက်မပြတ်‌ပြုစုစောင့်ရှောက်မှုစင်တာ

25/01/2026

ကျွန်တော်တို့ GCC Centre သို့ Funtoco Myanmar မှ လာရောက်လေ့လာခဲ့သည့် ပုံရိပ်များကို ဝေမျှပေးလိုက်ပါတယ် ခင်ဗျာ့။

GCC Centre နှင့် ပတ်သက်၍ အသေးစိတ်သိရှိလိုပါက Page Messenger မှတဆင့် (သို့) Hotline number - +95 9789 298 111, +95 9789 298 222, +95 9789 298 333 သို့ ရုံးချိန်အတွင်း ဆက်သွယ်မေးမြန်းနိုင်ပါသည်။
GCC Centre (Geriatric & Continuing Care Centre),

သက်ကြီးကျန်းမာရေးနှင့် စဉ်ဆက်မပြတ်‌ ပြုစုစောင့်ရှောက်မှုစင်တာ၊ Green Garden Villa၊ ဇောတိက (၁)လမ်း၊ သန်လျင်-ကျောက်တန်းလမ်းမ၊ သန်လျင်မြို့။

#သက်ကြီးကျန်းမာရေးနှင့်စဉ်ဆက်မပြတ်‌ပြုစုစောင့်ရှောက်မှုစင်တာ

24/01/2026

🌸 ပန်းလေးတွေကြားက စိတ်ငြိမ်ရာနေရာ 🌸

GCC Centre ရဲ့ ရှုခင်းအလှနဲ့ ပတ်ဝန်းကျင်အလှပုံလေးများကို မျှဝ ပေးလိုက်ပါတယ် ခင်ဗျာ့။

ရှုခင်းအလှနဲ့ ပတ်ဝန်းကျင်အလှက စိတ်ကို အေးချမ်းစေပါတယ် ခင်ဗျာ့။

သဘာဝအလှတွေကြားမှာ အဖိုးအဖွားများအတွက် အေးချမ်းပြီး လုံခြုံတဲ့နေရာတစ်ခုဖြစ်အောင် အမြဲတမ်း ကြိုးစားနေပါတယ် ခင်ဗျာ့ 💚

GCC Centre နှင့် ပတ်သက်၍ အသေးစိတ်သိရှိလိုပါက Page Messenger မှတဆင့် (သို့) Hotline number - +95 9789 298 111, +95 9789 298 222, +95 9789 298 333 သို့ ရုံးချိန်အတွင်း ဆက်သွယ်မေးမြန်းနိုင်ပါသည်။

GCC Centre (Geriatric & Continuing Care Centre),
သက်ကြီးကျန်းမာရေးနှင့် စဉ်ဆက်မပြတ်‌ ပြုစုစောင့်ရှောက်မှုစင်တာ၊ Green Garden Villa၊ ဇောတိက (၁)လမ်း၊ သန်လျင်-ကျောက်တန်းလမ်းမ၊ သန်လျင်မြို့။

#သက်ကြီးကျန်းမာရေးနှင့်စဉ်ဆက်မပြတ်‌ပြုစုစောင့်ရှောက်မှုစင်တာ #အေးချမ်းတဲ့နေရာ
#သဘာဝအလှ #အဖိုးအဖွားအတွက်

GCC Centre

24/02/2026

22/02/2026

20/02/2026

17/02/2026

13/02/2026

12/02/2026

10/02/2026

03/02/2026

30/01/2026

27/01/2026

25/01/2026

24/01/2026

Address

Telephone

Website

Alerts

Contact The Practice

Shortcuts

Share

Category