GCC Centre, No. 155/D, ZawTiKa 1st street, Let Yet San village, Near Phayar Ngar Su Bus stop, Thanlyin-Kyauktan Road, Thanlyin, Thanlyin (2025)

Q: What is the address?

No. 155/D, ZawTiKa 1st Street, Let Yet San Village, Near Phayar Ngar Su Bus Stop, Thanlyin-Kyauktan Road, Thanlyin

25/10/2025

ကျွန်တော်တို့ GCC Centre မှ အောက်တိုဘာလ မွေးနေ့ရှင်များအတွက် မွေးနေ့ပွဲကို မွေးနေ့ရှင်များနှင့်အတူ ပျော်ရွှင်စွာ ပြုလုပ်ကျင်းပပေးခဲ့ပါသည်။

အခုလို ပျော်ရွှင်စရာ မွေးနေ့မှ စပြီး စိတ်၏ချမ်းသာခြင်း၊ ကိုယ်၏ကျန်းမာခြင်းများနှင့် ပြည့်စုံပါစေကြောင်း "GCC Centre မိသားစု" မှ ဆုမွန်ကောင်းတောင်းပေးလိုက်ပါတယ် ခင်ဗျာ့။

#သက်ကြီးကျန်းမာရေးနှင့်စဉ်ဆက်မပြတ်‌ပြုစုစောင့်ရှောက်မှုစင်တာ

24/10/2025

GCC Centre တွင် လာရောက်နေထိုင်လျက်ရှိသော ဘွားဘွား ဒေါ်မနီရဲ့ မွေးနေ့မင်္ဂလာနေ့ရက်လေးကို GCC Centre ဝန်ထမ်းများမှ ပျော်ရွှင်စွာ ကျင်းပ‌‌ပေးခဲ့ပါတယ်။

မွေးနေ့ရှင် ဘွားဘွား ဒေါ်မနီအတွက် GCC Centre မိသားစုမှ မွေးနေ့ဆုမွန်ကောင်းတောင်းပေးလိုက်ပါတယ် ခင်ဗျာ့။

"Happy birthday ပါ ဘွားဘွားရေ … မွေးနေ့မှစ၍ ကျန်းမာပျော်ရွှင်စွာ သက်ရာကျော်နေထိုင်ရပြီး ရွှေလာဘ်တံခါးကြီး ဖွင့်ပေးနိုင်ပါစေ ဘွားဘွား…။" 🙏🏻🎂
GCC Centre နှင့် ပတ်သက်၍ အသေးစိတ်သိရှိလိုပါက Page Messenger မှတဆင့် (သို့) Hotline number - +95 9789 298 111, +95 9789 298 222, +95 9789 298 333 သို့ ရုံးချိန်အတွင်း ဆက်သွယ်မေးမြန်းနိုင်ပါသည်။

GCC Centre (Geriatric & Continuing Care Centre),
သက်ကြီးကျန်းမာရေးနှင့် စဉ်ဆက်မပြတ်‌ ပြုစုစောင့်ရှောက်မှုစင်တာ၊ Green Garden Villa၊ ဇောတိက (၁)လမ်း၊ သန်လျင်-ကျောက်တန်းလမ်းမ၊ သန်လျင်မြို့။

#သက်ကြီးကျန်းမာရေးနှင့်စဉ်ဆက်မပြတ်‌ပြုစုစောင့်ရှောက်မှုစင်တာ

23/10/2025

သက်ကြီးကျန်းမာရေးနှင့် စဥ်ဆက်မပြတ် ပြုစုစောင့်ရှောက်မှုနှင့် စပ်လျဥ်းပြီး Prof: ဒေါက်တာ ချစ်စိုး၊ Prof: ဒေါက်တာ မြင့်ဟန်နှင့် ဒေါက်တာ ခင်သူဇာဝင်းတို့မှ CME Program - ဟောပြောပွဲ အစီအစဥ်ကို Moe Thitsar Myay Co; Ltd. နှင့် Z-waka တို့နှင့်အတူ ပူးပေါင်းပြီး ကျွန်တော်တို့ GCC Centre တွင် အောက်တိုဘာလ (၁၉) ရက်နေ့၌ ကျင်းပ ပို့ချ ပေးခဲ့သည့် မှတ်တမ်းပုံရိပ်များအား မျှဝေပေးလိုက်ပါသည်။

#သက်ကြီးကျန်းမာရေးနှင့်စဉ်ဆက်မပြတ်‌ပြုစုစောင့်ရှောက်မှုစင်တာ

21/10/2025

သက်ကြီးကဗျာကဏ္ဍ (၂) - အိုဇာတာ

အတိတ်ပြန်ကြည့် ချမ်းမြေ့စံအိမ် ပျော်ခဲ့ချိန်တို့ မှိန်မဲ့ကာရံ
ထီးကျန်တိတ်ဆိတ် ပုံရိပ်ဝါးမျို အိမ်အိုယိုင်ကာ မင်္ဂလာပျောက်
ဇရာထောက်ငါ ရှိနေရာသည် အိမ်မှာလေးသို့ မလေးသို့။

သမီးနှင့်သား မြေးမြစ်များတို့ ရှိငြားဆိုရာ သူတို့မှာလည်း
ဖြစ်လာအိမ်ထောင် များမြောင်ကိစ္စ လုပ်ရမဆုံး ပတ်ချာလုံးထွေး
အတွေးသာပေါက် လူမရောက်နိုင်
ထောက်နိုင်သမျှ အဝေးကလျှင် ပေးကြမေးကြ ကူကြရှာသည်
ကြည့်ပါသည်သို့ မကြည့်သို့။

ရှိစုမဲ့စု ထောင်းထုကာစား နီးရာများသာ ဆွေမျိုးရာထား
သူတို့များလည်း ငါ့အားကြည့်ရှု လိုမှုဖြည့်ပြု စောင်မမှုကား
သွေးသားရင်းသို့ မရင်းသို့။

ငါသို့လားတူ မှတ်ကာယူထား
ဆိုင်သူရှိငြား ငါ့နားမှာကပ် ငါစားသမျှ ဖဲ့ငှကျွေးကာ
ရောက်လာဝင်စား ခွေးကြောင်များနှင့် ငါကားပျော်သို့ မပျော်သို့။

ဒေါက်တာသန်းထွန်းအောင်

မှတ်ချက်။ ဤကဗျာသည် မြန်မာနိုင်ငံဆရာဝန်များအသင်း၏ SGED Newsletter / July, 2024 တွင် ရေးသားဖော်ပြခဲ့သော ကဗျာ ဖြစ်ပါသည်။

#သက်ကြီးကျန်းမာရေးနှင့်စဉ်ဆက်မပြတ်‌ပြုစုစောင့်ရှောက်မှုစင်တာ

20/10/2025

ယနေ့ အောက်တိုဘာလ (၂၀) ရက်နေ့မှာ ကျရောက်တဲ့ ဒေပါဝါလီနေ့မှာ စိတ်ချမ်းသာ ကိုယ်ကျန်းမာ ရှိပါစေကြောင်း GCC Centre မိသားစုမှ ဆုတောင်းမေတ္တာ ပို့သလိုက်ပါတယ် ခင်ဗျာ့။

GCC Centre နှင့် ပတ်သက်၍ အသေးစိတ်သိရှိလိုပါက Page Messenger မှတဆင့် (သို့) Hotline number - +95 9789 298 111, +95 9789 298 222, +95 9789 298 333 သို့ ရုံးချိန်အတွင်း ဆက်သွယ်မေးမြန်းနိုင်ပါသည်။

GCC Centre (Geriatric & Continuing Care Centre),
သက်ကြီးကျန်းမာရေးနှင့် စဉ်ဆက်မပြတ်‌ ပြုစုစောင့်ရှောက်မှုစင်တာ၊ Green Garden Villa၊ ဇောတိက (၁)လမ်း၊ သန်လျင်-ကျောက်တန်းလမ်းမ၊ သန်လျင်မြို့။

#သက်ကြီးကျန်းမာရေးနှင့်စဉ်ဆက်မပြတ်‌ပြုစုစောင့်ရှောက်မှုစင်တာ

15/10/2025

ကျွန်တော်တို့ GCC Centre တွင် လာရောက်နေထိုင်လျက်ရှိသော အဘွား ဒေါ်မြင့်မြင့်သန်းရဲ့ မွေးနေ့ဆွမ်းကပ်အလှူနှင့်အတူ ကျွန်တော်တို့ GCC Centre ရဲ့ ဒုတိယအလွှာ စတင်ဖွင့်လှစ်သောအားဖြင့် ဆွမ်းကျွေးတရားတော်နာခဲ့သော ပုံရိပ်များကို ဝေမျှပေးလိုက်ပါသည် ခင်ဗျာ့။

#သက်ကြီးကျန်းမာရေးနှင့်စဉ်ဆက်မပြတ်‌ပြုစုစောင့်ရှောက်မှုစင်တာ

14/10/2025

ကျွန်တော်တို့ GCC Centre နှင့် Azami Training Centre တို့ ပူးပေါင်းပြီး Geriatric Healthcare Assistant Training Course (for Japan Nursing Home) သင်တန်းအား ဖွင့်လှစ်သင်ကြားပေးလျက်ရှိသော ပုံရိပ်များကို မျှဝေပေးလိုက်ပါသည်။

#သက်ကြီးကျန်းမာရေးနှင့်စဉ်ဆက်မပြတ်‌ပြုစုစောင့်ရှောက်မှုစင်တာ

13/10/2025

GCC Centre မှ အဘိုးအဘွားများ တစ်နေ့တာလှုပ်ရှားမှု

ကျွန်တော်တို့ GCC Centre မှာ လာရောက်နေထိုင်လျက်ရှိသော ဘိုးဘွားများအတွက် အကြောအဆစ်နှင့် ပြန်လည်သန်စွမ်းရေးပညာရှင်မှ ဦးစီးကြီးကြပ်၍ အရိပ်အောက်တွင် အဖိုးအဖွားများ ဝိုင်းဖွဲ့ပြီး အပြန်အလှန် စာအုပ်ဖတ်ပြသည့် ပုံရိပ်များကို မျှဝေပေးလိုက်ပါတယ် ခင်ဗျာ့။

#သက်ကြီးကျန်းမာရေးနှင့်စဉ်ဆက်မပြတ်‌ပြုစုစောင့်ရှောက်မှုစင်တာ

12/10/2025

အားလုံးပဲ မင်္ဂလာ ခင်ဗျာ့ ...။

ကျွန်တော်တို့ GCC Centre မှာ လာမည့် တနင်္ဂနွေနေ့ (၁၉.၁၀.၂၀၂၅) ရက်နေ့တွင် Prof: ဒေါက်တာ ချစ်စိုး၊ Prof: ဒေါက်တာ မြင့်ဟန်နှင့် ဒေါက်တာ ခင်သူဇာဝင်း တို့မှ သက်ကြီးကျန်းမာရေးနှင့် ပတ်သက်သည့် အကြောင်းအရာများကို ဟောပြောပို့ချသွားမည့် CME Program - ဟောပြောပွဲလေး ရှိပါတယ် ခင်ဗျာ့။

ကျန်းမာရေးဝန်ထမ်းများအပြင် သက်ကြီးကျန်းမာရေးနှင့် ပတ်သက်၍ စိတ်ပါဝင်စားသည့် မိဘပြည်သူများပါ လာရောက်နားထောင်နိုင်သော ဟောပြောပွဲလေးမို့ လေးစားစွာ ဖိတ်ကြားအပ်ပါတယ် ခင်ဗျာ့။

Date - 19.10.2025 (Sunday)
Time - 12:00 - 3:45 PM
Venue - GCC Centre ( Green Garden Villa, ဇောတိက (၁) လမ်း၊ သန်လျင် - ကျောက်တန်း လမ်းမကြီး၊ သန်လျင်မြို့)

#သက်ကြီးကျန်းမာရေးနှင့်စဉ်ဆက်မပြတ်‌ပြုစုစောင့်ရှောက်မှုစင်တာ

09/10/2025

အသက်ကြီးလာသူများ ညဖက်ကောင်းစွာ မအိပ်ကြခြင်း ပြဿနာ

အသက်အရွယ်ရလာသည့်အခါ ဇရာကြောင့် ပြောင်းလဲခြင်းတစ်ရပ်အနေဖြင့် အအိပ်အနေ ပြောင်းလဲလာခြင်းကိုလည်း ကြုံတွေ့ရတတ်သည်။ အမှန်တကယ် အနားယူအိပ်စက်ကြရမည့် ညဖက်တွင် နှစ်ခြိုက်စွာမအိပ်တော့ခြင်း၊ တော်ရုံနှင့် အိပ်မပျော်ခြင်း၊ ညတွင် ခဏခဏ နိုးထခြင်း၊ ညဖက်အိပ်ချိန်နည်းလာပြီး နေ့ဖက်တွင် ပိုအိပ်လာခြင်းမျိုး ဖြစ်လာတတ်သည်။ ဤသို့ ညဖက် ကောင်းစွာမအိပ်ကြခြင်း ကြာလာသည့်အခါ ထိုသူသာမက သူနှင့် အတူနေကြသော မိသားစုဝင်များ၊ ပြုစုစောင့်ရှောက်မှုပေးနေသူများအတွက်လည်း ကျန်းမာရေးကို ထိခိုက်လာစေသည် သာမက ညဖက်ကောင်းစွာ မအိပ်ခြင်းနှင့် ဆက်စပ်နေသည့် နောက်ဆက်တွဲဆိုးကျိုး ပြဿနာများလည်း တစ်စီတစ်တန်း ပါလာတော့သည်။

အသက်ကြီးလာသူများ ညဖက်ကောင်းစွာ မအိပ်ကြခြင်းမှာ အတွေ့ရများသည့် ပြဿနာတစ်ခု ဖြစ်ပါသည်။ အထူးသဖြင့် သိမှတ်ဥာဏ် အားနည်းချို့ယွင်းလာခြင်းဖြစ်သည့် ဒီမင်းရှား (Dementia) ရောဂါတွဲပါလာသည့်အခါ မအိပ်ခြင်းအပြင် မူမှန်မဟုတ်သည့် ကိုယ်အမူအရာများ (Abnormal Behaviors) ပါရှိလာသဖြင့် မိသားစုများမှာ ပိုပြီး အခက်အခဲတွေ့ရသည်။ တစ်ရက်နှစ်ရက်ကိစ္စမဟုတ်သည့်အတွက် စိတ်ညစ်ကြရသည်။ Dementia ရောဂါမှာလည်း ကောင်းစွာကုသမှုမခံယူလျှင် ရောဂါအဆင့်မြင့်ခြင်း မြန်လာပြီး ကြာလာသည်နှင့်အမျှ မူမှန်မဟုတ်သည့် ကိုယ်အမူအရာများ ပိုဖြစ်လာကြကာ နောက်ဆုံးတွင် မိသားစုများမှာ အိမ်တွင် ဆက်လက်ထားကာ ပြုစုမှုပေးရန် မဖြစ်နိုင်ကြတော့ဘဲ ထိုသို့သောသူများကို လက်ခံပြုစုပေးနိုင်မည့် စောင့်ရှောက်ရေးဂေဟာရိပ်သာများသို့ ပို့ထားကြရန် ဆုံးဖြတ်လိုက်ကြရသည်။ ယခုဆောင်းပါးတွင် သာမန်သက်ကြီးများအပြင် Dementia ဖြစ်နေသူ သက်ကြီးများအတွက်ပါ ညဖက်ကောင်းစွာ မအိပ်ကြခြင်းအကြောင်းကို ထည့်သွင်းရေးသားဖော်ပြသွားပါမည်။

ပထမဆုံးအချက်အနေဖြင့် သက်ကြီးများ ညဖက်အိပ်မပျော်ခြင်းအတွက် အိပ်ဆေးများကို အလွယ်တကူ ပထမဦးစားပေးပုံစံဖြင့် မသုံးသင့်ပါ။ ဆရာဝန်များနှင့် ပြသပြီး အိပ်မပျော်ကြခြင်းဖြစ်ရသည့် အကြောင်းရင်းကို လိုက်ရှာပြီး ကုသရမည် ဖြစ်ပါသည်။ ဖိုးဖိုးဖွားဖွားများ၏ အိပ်စက်ကြခြင်းပုံစံ (Sleep History & Pattern) ကိုသိရန် လိုပါသည်။ အချို့သော သက်ကြီးများအတွက် နောက်ခံအကြောင်းရင်းများကို ပြုပြင်ပြောင်းလဲမှု (Modify) လုပ်ပေးလိုက်လျှင် နောက်ထပ်ဆေးအသစ်ပေးစရာ မလိုဘဲနှင့် ပြဿနာပြေလည်သွားနိုင်ပါသည်။ အသက်အရွယ်ရလာသည်နှင့်အမျှ ရောဂါမှာ များလာ စုံလာကြသဖြင့် သောက်ကြရသည့် ဆေးများမှာလည်း များတတ်ကြပါသည်။ ဆေးအမျိုးအစား ငါးမျိုးနှင့်အထက် မှီဝဲနေရခြင်း (Polypharmacy) မှာ သက်ကြီးများအတွက် ကောင်းသော အရာ မဟုတ်ပါ။ သောက်ရမည့်တေး နည်းနိုင်လေ ကောင်းလေ ဖြစ်ပါသည်။ ထို့ကြောင့် တတ်နိုင်သမျှ ဆေးဝါးမသုံးဘဲ ကုသမှု (Non-drug treatment) ကို ဦးစားပေး စဉ်းစားကြရပါမည်။

သက်ကြီးများ၏ နာတာရှည်ခံစားနေကြရသည့် ရောဂါများ (chronic medical conditions) နှင့် လက်ရှိသောက်သုံး မှီဝဲနေကြသည့် ဆေးများကို ပြန်လည်ဆန်းစစ်ခြင်း (medication review) လုပ်ရပါမည်။ ဥပမာအနေဖြင့် ဒူးနာ၊ ခါးနာခြင်းကြောင့် အိပ်မပျော်ခြင်းဖြစ်လျှင် ထိုသူတို့အတွက် အိပ်ဆေးထက် နာကျင်ကိုက်ခဲမှုသက်သာဆေး (pain killer) မှာ အဓိကဖြစ်ပါသည်။ ထို့အတူ ဆီးရောဂါကြောင့် ညဖက် ဆီးမကြာခဏ ထသွားရခြင်းကြောင့် အိပ်ရေးပျက်ခြင်း ဖြစ်ပါက ဆီးရောဂါကို ဦးစားပေးကုသရန် လိုပါသည်။ အသက်ရှူလမ်းကြောင်းဆိုင်ရာရောဂါ တစ်ခုခုကြောင့် အိပ်မရခြင်းဖြစ်လျှင် ထိုဆိုင်ရာရောဂါကို သက်သာပျောက်ကင်းအောင် ကုသမှုခံယူပါမှ အိပ်၍ရနိုင်မည် ဖြစ်သည်။ သက်ကြီးများတွင် ခြေထောက်ကြွက်သားများ တောင့်တင်းခြင်း (leg cramps) နှင့် ခြေထောက်များ မလှုပ်ရှားပဲ မနေနိုင်၊ လှုပ်ရှားလိုက်မှ သက်သာရာရသည့်ရောဂါ (Restless Leg Syndrome) များကြောင့်လည်း ညအိပ်မရနိုင်ခြင်းတို့ ဖြစ်တတ်သေးသည်။

တစ်ခါတစ်ရံ ဆေးကြောင့်လည်း အိပ်မပျော်ခြင်း ဖြစ်နိုင်သည်။ တစ်ချို့သောဆေးများတွင် နှစ်ခြိုက်စွာအိပ်ပျော်ခြင်းကို ထိခိုက်စေနိုင်သည့် မလိုလားအိပ်သော ဆေးအာနိသင်များ တွဲပါနေတတ်ရာ မိမိသောက်နေသည့်ဆေးများကို သို့မဟုတ် ဆေးအညွှန်းစာ၊ ဆေးမှတ်တမ်းတို့ကို ဆေးခန်းသွားသည့်အခါ ယူသွားပြီး ဆရာဝန်ကို ပြသကြရပါမည်။ ထိုသို့ ပြသခြင်းဖြင့် ဆေးကို လိုအပ်သလို ညှိပေးနိုင်မည်ဖြစ်သည့်အပြင် ဆေးအမျိုးအစားတူကို ထပ်ပေးမိခြင်းမှလည်း ရှောင်ရှားနိုင်ပါလိမ့်မည်။

တစ်ခါတစ်ရံ မအိပ်နိုင်ခြင်းသည် စိတ်လှုပ်ရှားမှုနှင့် စိုးရိမ်မှု (emotion & anxiety) များခြင်း၊ စိတ်ဖိစီးမှု (stress) များခြင်းကြောင့်ဖြစ်လျှင် စိတ်ငြိမ်ဆေး (Anxiolytics) ကို ပေးရန် လိုအပ်ပါသည်။ နေထိုင်မှုပုံစံနှင့် အကျင့် (lifestyle & habit) တို့ကိုလည်း မေးမြန်းပြီး လိုအပ်သလို အကြံပေးပြုပြင်ရပါမည်။ ဥပမာ - စိတ်တက်ကြွလန်းဆန်းမှုကို အားပေးသည့် ဖျော်ရည်ယမကာ၊ ကော်ဖီ၊ အရက် စသည်တို့ကို ရှောင်ကြရမည်။ ကိုယ်လက်လှုပ်ရှားမှု လေ့ကျင့်ခန်းများ ပုံမှန်လုပ်ကြရမည်။ အိပ်ရာပေါ်တွင် ကွန်ပျူတာ၊ ဖုန်း စသည်တို့ အသုံးပြုခြင်း၊ အိပ်ရာထဲအိပ်လျက် တီဗွီကြည့်ရှူခြင်း စသည်တို့ကို မလုပ်သင့်ပါ။ အိပ်ရာမဝင်မီ ၂ နာရီခန့်ထိ အိပ်ခန်းသည် အလင်းရောင်တောက်ထိန် (bright light) နေရန် မသင့်ပါ။ အကြောင်းမှာ ညဖက်အိပ်ချိန်ရောက်လျှင် ပုံမှန်အိပ်ပျော်စေရန် ခန္ဓာကိုယ်မှ ထွက်လာသည့် မယ်လာတိုနင်ဟော်မုန်း (melatonin hormone) ကို bright light က မထွက်စေရန် ဟန့်တားတတ်၍ဖြစ်ပါသည်။ အိပ်ခန်းအတွက် မီးရောင်ခပ်မှိန်မှိန် dim light သာ သင့်တော်ပါသည်။ အိပ်ချိန် နာရီ ပုံစံ ကမောက်ကမ ဖြစ်နေသူများအတွက် Melatonin ဆေးပြားကို သုံးကြည့်နိုင်ပါသည်။ တစ်ဆက်တည်းမှာပင် အိပ်ခန်းအနေအထား ပတ်ဝန်းကျင်လည်း ဆိတ်ငြိမ် တိတ်ဆိတ်ရမည် ဖြစ်ပါသည်။ အသံမဆူညံရ။ အနီးနားဝယ် အသွားအလာ လှုပ်ရှားမှု မများစေရ။ အိပ်စက်မည့် ခေါင်းအုံး၊ မွေ့ရာတို့မှာ သက်တောင့်သက်သာ ဖြစ်ကြရမည်။ မပူလွန်း မအေးလွန်းဘဲ သင့်တော်သည့် အခန်းအပူချိန် ရှိရမည်။ အိပ်ရာမဝင်မီ နို့အေးအေး တစ်ခွက်သောက်ခြင်း၊ ရေနွေးဖြင့် ရေချိုးခြင်း၊ ညင်သာစွာ နှိပ်နယ်ပေးခြင်း၊ ကိုယ် စိတ် ပြေလျော့စေမည့် ဂီတတီးလုံး (relaxation music) နားထောင်ခြင်း၊ ဝင်လေ ထွက်လေ ရှူမှတ် ဆင်ခြင်ခြင်း၊ မေတ္တာဘဝနာ ပွါးများခြင်း စသည်တို့မှာ ကောင်းစွာ အိပ်စက်နိုင်စေခြင်းအတွက် အထောက်အကူ ဖြစ်စေသည်။ ဆီလျော်မည့်နည်းလမ်းကို ရွေးချယ်ခြင်းမှာ တစ်ဦးချင်းစီ၏ ဝါသနာအကျင့်စရိုက် အကြိုက်နှင့် ရောဂါအနေအထား စသည်တို့ပေါ်တွင် မူတည်သည်။

အိပ်ရေးဝခြင်းသည် သိမှတ်ဥာဏ်ကို ကောင်းစေသည်။ အချိန်မှန်မှန် ကောင်းစွာအိပ်စက်နိုင်ခြင်းသည် Dementia မဖြစ်ရန် ကာကွယ်နည်းတစ်ခုပင် ဖြစ်သည်။ နှစ်ခြိုက်စွာ မအိပ်နိုင်ခြင်း၊ အိပ်မပျော်ခြင်းတို့သည် ဦးနှောက်ထဲတွင် Dementia ဖြစ်စေနိုင်သည့် ပုံမှန်မဟုတ်သော အမိုင်လွိုက်ပရိုတင်းဖြစ်တည်ခြင်း (Amyloid deposition) ကို များပြားစေသည်။ Dementia ဖြစ်သူများသည် ညဖက် ကောင်းစွာမအိပ်ခြင်းပုံစံဖြင့်လည်း လက္ခဏာ စတင်ပြနိုင်သည်။ တစ်ချို့မှာ ညနှင့်နေ့ ပြောင်းပြန် (sleep awake reversal) ဖြစ်လာကာ နေ့ဖက်တွင် အိပ်ပြီး ညဖက်မအိပ်တော့။ အိပ်ရာထဲ ဝင်သွားသော်လည်း တော်ရုံနှင့် မအိပ်ပဲ နိုးနေတတ်သည်။ တစ်ချို့မှာ ထလိုက် ပြန်အိပ်လိုက်နှင့် တစ်ညလုံး တစ်ယောက်တည်း အလုပ်ရှုပ်နေတတ်သည်။ ပစ္စည်းတစ်ခုခု ပျောက်သွားသဖြင့် လိုက်ရှာသလို လုပ်နေတတ်သည်။ တစ်စုံတစ်ခု သို့မဟုတ် တစ်ဦးတစ်ယောက်ပေါ်တွင် ယုံမှားသံသယစိတ် ဖြစ်နေခြင်း၊ တကယ်မရှိသည့်အရာကို အရှိထင်မှတ်နေခြင်း စသည့် စိတ်ရောဂါဆန်သည့် လက္ခဏာ (Psychiatric symptoms) များကြောင့်လည်း မအိပ်နိုင်ခြင်း ဖြစ်တတ်သည်။ Dementia ရောဂါ ရင့်လာသူများတွင် အချိန်၊ နေရာ၊ လူ (မျက်နှာ) တို့ကို မသိနိုင် မမှတ်မိနိုင်ခြင်း (time, place and person disoriented) ဖြစ်ကာ အချိန်မတော် အိမ်ပြင်ထွက်ရန်၊ အလုပ်ဆင်းရန်၊ စျေးသွားရန် စသည်တို့ကို လုပ်ရန် ကြိုးစားလာတတ်သည်။ မိမိအိမ်မှာနေလျက် အခြားတစ်နေရာရောက်နေသည်ဟု ထင်မှားတတ်ကြသည်။ ထိုအခါမျိုးတွင် ကိုင်တွယ်ပြောဆို ဆက်ဆံတတ်ရန် အရေးကြီးသည်။ သူတို့ ပြောနေသည်၊ လုပ်ရန်ကြိုးစားနေသည်တို့ကို ချက်ချင်း ဆန့်ကျင် ပြောဆို တားမြစ် ဟန့်တား၍ ရချင်မှ ရမည်။ အကြောင်းသင့် အကျိုးသင့် နားလည်အောင် ရှင်းပြခြင်းမှာလည်း မအောင်မြင်သည်က များတတ်သည်။ ခုပြော ခဏကြာ မေ့သွားပြီဖြစ်ခြင်း၊ ဆင်ခြင်ဆုံးဖြတ်နိုင်စွမ်း မရှိကြတော့ခြင်းတို့ကြောင့် ထိုသို့ ဖြစ်ကြခြင်းဖြစ်သည်။ အစပိုင်းတွင် သူပြောသည့်အတိုင်း သဘောတူ ကူညီရန် ပြသကာ တဖြည်းဖြည်းစိတ်ပြောင်းသွားရန် ဆက်စပ်ပြီး စိတ်ဝင်စားမည့် အကြောင်းအရာသို့ ပြောင်းပြီး ပြောဆိုဆွဲဆောင်လိုက်ခြင်းက အလုပ်ဖြစ်တတ်သည်။ အတွေ့အကြုံ၊ ဖြတ်ထိုးဥာဏ်၊ လိမ္မာပါးနပ်မှုတို့ ရှိဖို့ လိုသည်။ နည်းတစ်နည်းသည် အမြဲတမ်း အသုံးတည့်ချင်မှ တည့်မည်။ နောက်ပိုင်းတွင် လက်တွေ့က သင်ပေးသွားတတ်သည်။ တစ်ချို့အတွက်မူ ဆေးဝါးကူမှရသည်။ ဤနေရာတွင် ဆေးဝင်အောင် တိုက်ရမည့် အခက်အခဲ တွေ့နိုင်သည်။ ကြမ်းသည့် ထိန်းရခက်သည့် အမူအရာ အခြေအနေရှိလျှင် ထိုးဆေးပင် သုံးရန် လိုလာတတ်သည်။ ထိုသို့သော သူများကို ပြုစုစောင့်ရှောက်နေရသူများ၊ မိသားစုများအနေဖြင့် ပြောဆိုဆက်ဆံ ဖြေရှင်းပုံ နည်းလမ်းများကို ကျွမ်းကျင်သည့် ဆရာဝန်များထံမှ လေ့လာသင်ယူထားရန် လိုအပ်သည်။ လိုအပ်လျှင်တိုက်ရန် ဆောင်ထားရမည့် ဆေးများကိုလည်း သိထားဖို့ လိုလာနိုင်သည်။ တစ်ချို့နိုင်ငံများတွင် နေ့ပိုင်း ပြုစုစောင့်ရှောက်ရေးစင်တာ (Day care centre) များသာမက ညပိုင်း ပြုစုစောင့်ရှေုက်ရေးစင်တာ (Night care centre / Overnight care service) များပါ ရှိကြသည်။

ညပိုင်း Behavior & sleep problem ရှိသူများအတွက် တစ်နေ့တာ ပုံမှန် လုပ်ဆောင်ရန် အစီအစဉ် Regular schedule ကို ဆွဲထားရန် လိုသည်။ နေ့ခင်းတွင် မအိပ်စေရန် တစ်ဦးချင်းစီနှင့် သင့်တော်ရာ လေ့ကျင့်ခန်း၊ လှုပ်ရှားမှု၊ ပေါ့ပေါ့ပါးပါး လုပ်ရန်အလုပ် (activity) တစ်ခုခု ပေးထားရမည်။ ထမင်းစားပြီး တစ်မှေးအိပ်တတ်သူများအတွက် နာရီဝက်ခန့်သာ မှေးအိပ်ခွင့် ပြသင့်သည်။ နေ့ပိုင်းအိပ်ထားလျှင် ညပိုင်းတွင် ကောင်းစွာ အိပ်တော့မည် မဟုတ်ပါ။ တစ်ချို့ Behavior များမှာ တစ်ယောက်တည်းနေရခြင်း၊ ပြောဆိုဆက်ဆံမည့်သူ မရှိဘဲ အထီးကျန် ဖြစ်နေခြင်း၊ နေထိုင်ရသည်မှာ ဟာတာတာ ပျင်းစရာ ငြီးငွေ့ဖွယ် ဖြစ်နေခြင်းတို့နှင့် ဆက်စပ်နေတတ်သည်။ ထိုသူများအတွက် စကားပြောဖော်ရှာပေးခြင်း၊ သူတို့ ပြောပြသည်ကို အချိန်ပေးနားထောင်ပေးခြင်းတို့ လိုအပ်သည်။ အိမ်အပြင်ထွက်ပြီး အခါအားလျော်စွာ သွားချင်သည့်နေရာ ယခင် ကြိုက်နှစ်သက် လည်ပတ်ခဲ့သည့်နေရာ (ဥပမာ- ဘုရား၊ ကျောင်းကန်) တို့သို့ ပို့ပေးသင့်သည်။ သည်အသက်အရွယ်တွင် ဘာမှ လုပ်စရာမရှိလျှင် တစ်နေ့လုံး အိပ်နေတော့မည်မှာ မဆန်းပါ။ သူများက နေ့ပိုင်း အလုပ်လုပ်ပြီး ညပိုင်း အိပ်စက်အနားယူကြချိန်တွင် သူတို့က နေ့ပိုင်း အိပ်ထားကြပြီး ညပိုင်း မအိပ်သူများ ဖြစ်လာတော့သည်။ သူတို့အတွက် ညဖက်အိပ်စေမည့် ဆေးများ မကြာခဏ သုံးလာရပါက ဆေး၏ဘေးထွက်ဆိုးကျိုးများ ရလာမည်။ သိမှတ်ဥာဏ်ကိုလည်း ပိုထိခိုက်လာနိုင်ကာ လဲကျဒဏ်ရာရမည့် အခွင့်အလမ်းများ ပိုလာနိုင်သည်။

အချုပ်အားဖြင့် သက်ကြီးများတွင် အတွေ့ရများတတ်သည့် ညဖက်ကောင်းစွာ မအိပ်ကြခြင်း ပြဿနာကို အလေးထား ဂရုပြကုသကြရန် လိုအပ်သည်။ Dementia ဖြစ်ရန် အစပျိုးလက္ခဏာတစ်ခု ဖြစ်နိုင်ကြောင်းကိုလည်း သတိပြုရမည် ဖြစ်သည်။ မတတ်သာမှ အိပ်ဆေးများ သုံးရန်နှင့် ပေးထားလျှင်လည်း ပြန်လည်ကြည့်ရှူကာ လိုအပ်သလို ဆေးကို တိုးခြင်း၊ လျော့ခြင်း၊ ရပ်ခြင်း၊ ဆေးပြောင်းခြင်းတို့ လုပ်ရန် လိုပါသည်။ သက်ကြီးများကို အနီးကပ်ပြုစုနေကြသူနှင့် အတူနေ မိသားစုဝင်များကိုလည်း လိုအပ်သော ဆေးပညာဗဟုသုတ၊ လက်တွေ့ပြောဆိုဆက်ဆံပြုစုနည်းများကိုလည်း သင်ကြားပေးရန် လိုအပ်ကြောင်း တင်ပြလိုက်ရပါသည်။

ဒေါက်တာ သန်းထွန်းအောင်

မှတ်ချက်။ ဤဆောင်းပါးသည် မြန်မာနိုင်ငံဆရာဝန်များအသင်း၏ SGED Newsletter / July, 2025 တွင် ရေးသားဖော်ပြခဲ့သော ဆောင်းပါးဖြစ်ပါသည်။

#သက်ကြီးကျန်းမာရေးနှင့်စဉ်ဆက်မပြတ်‌ပြုစုစောင့်ရှောက်မှုစင်တာ

08/10/2025

သီတင်းကျွတ်လပြည့်ညတွင် GCC Centre မှ အဘိုးအဘွားများ ဘုရားဝတ်ပြုခြင်း၊ ဆီမီးပူဇော်ခြင်းနှင့် အဘိုးအဘွားများကို အနီးကပ် စောင့်ရှောက်ပေးနေသူ ဝန်ထမ်းများမှ ရှိခိုးကန်တော့ခြင်း ကြည်နူးဖွယ်ရာအမှတ်တရများကို ကြည်နူးဝမ်းသာ သာဓုအနုမောဓနာ ခေါ်ဆိုနိုင်ကြရန် ပြန်လည်မျှဝေပေးလိုက်ပါတယ် ခင်ဗျာ။

#သက်ကြီးကျန်းမာရေးနှင့်စဉ်ဆက်မပြတ်‌ပြုစုစောင့်ရှောက်မှုစင်တာ

06/10/2025

အခုလို သီတင်းကျွတ်မီးထွန်းပွဲတော် အချိန်အခါသာမယလေးမှာ မိဘပြည်သူအပေါင်းတို့ စိတ်၏ ချမ်းသာခြင်း၊ ကိုယ်၏ ကျန်းမာခြင်းနှင့် ပြည့်စုံနိုင်ကြပါစေလို့ ကျွန်တော်တို့ GCC Centre မိသားစုမှနေ၍ ဆုတောင်းမေတ္တာ ပို့သအပ်ပါသည် ခင်ဗျာ့ ...။

#သက်ကြီးကျန်းမာရေးနှင့်စဉ်ဆက်မပြတ်‌ပြုစုစောင့်ရှောက်မှုစင်တာ

GCC Centre

25/10/2025

24/10/2025

23/10/2025

21/10/2025

20/10/2025

15/10/2025

14/10/2025

13/10/2025

12/10/2025

09/10/2025

08/10/2025

06/10/2025

Address

Telephone

Website

Alerts

Contact The Practice

Shortcuts

Share

Category