18/05/2022
အကိုက်အခဲပျောက်ဆေးကို ဘယ်သူတွေ သတိထားသောက်သင့်လဲ❓
အကိုက်အခဲပျောက်ဆေးတွေကို ကိုယ့်သဘောနဲ့ကိုယ် ပဲလှော်ဝါးသလို သောက်နေသူတွေ သင့်ပတ်ဝန်းကျင်မှာ တွေ့နိုင်မှာပါ။ ဆေးတိုင်းမှာ ကောင်းကျိုး အာနိသင်တွေရှိသလို ဘေးထွက်ဆိုး ကျိုးနဲ့လည်း မကင်းနိုင်ပါဘူး။ ဒါကြောင့် ဘယ်သူတွေက အကိုက်အခဲပျောက်ဆေးတွေကို သတိထားသောက်သင့်လဲ ဆိုတာသိထားသင့်ပါတယ်။
တချို့ဆရာဝန်ညွှန်ကြားချက်မလိုတဲ့ အကိုက်ခဲပျောက်ဆေးတွေက သွေးပေါင်ကျဆေးတွေနဲ့ မတည့်တာ၊ သွေး ပေါင်တက်လာစေတာတွေ ဖြစ်တတ်ပါတယ်။ သင်ဟာ သွေးတိုးရောဂါကြောင့် သွေးပေါင်ကျဆေး သောက်သုံးနေရသူ ဖြစ်ပါက သွေးပေါင်ချိန်တိုင်းတာဖို့လိုပါတယ်။ ဒါ့အပြင် အကိုက်အခဲပျောက်ဆေးသောက်သုံးမယ်ဆိုရင် ဆရာဝန်ရဲ့ ညွှန်ကြားချက်ကို ရယူဖို့လိုပါတယ်။
အကိုက်အခဲပျောက်ဆေးတွေက အစာအိမ်ကို ထိခိုက်စေတယ်ဆိုတာသိ ကြပါတယ်။ ဟုတ်ပါတယ်။ NSAIDs တချို့ဖြစ်တဲ့ အိုင်ဗျူပရိုဖန်နဲ့ နပရိုဇန် ဆိုဒီယမ်တွေက အစာအိမ်နံရံကို ထိခိုက် စေပြီး အစာအိမ်အနာကို ဖြစ်စေပါတယ်။ ဒါကြောင့် အကိုက်အခဲပျောက်ဆေးတွေ သောက်မယ်ဆိုရင် အစာအိမ်ကိုမထိခိုက်အောင်ရောဂါသက်သာစေမယ့် အနည်းဆုံးပမာဏကိုအစာနဲ့အတူ သောက်သုံးရမှာဖြစ်ပါတယ်။ ကြာရှည်စွဲသောက်တာမျိုးမလုပ်သင့်ပါဘူး။ တစ်ပတ်ထက်ကျော် လွန်ပြီး သောက်သုံးဖို့လိုအပ်ပါက ဆရာ ဝန်ညွှန်ကြားချက်ရယူပါ။
ကျောက်ကပ်နှစ်ခုက ခန္ဓာကိုယ်မှာ အလုပ်အရမ်းလုပ်ရတဲ့ အစိတ်အပိုင်းတွေပါ။ ခန္ဓာကိုယ်ရဲ့ မလိုအပ်တာတွေကို စစ်ထုတ်ရပြီး ခန္ဓာကိုယ်တွင်းမှာ အရည် နဲ့ အီလက်ထရိုလိုက်တွေကို မျှခြေဖြစ် အောင်ထိန်းထားပေးပါတယ်။ NSAIDs တွေက ကျောက်ကပ်ရဲ့ လုပ်ငန်းဆောင်တာကို ဟန့်တားနှောင့်ယှက်ပါတယ်။ NSAIDs တွေကို ရေရှည်စွဲသောက်ပါက ကျောက်ကပ်ရောဂါကို ဆိုးရွားစေပြီး ကျောက်ကပ်စွမ်းဆောင်ရည်ကို ကျဆင်းစေပါတယ်။ ကျောက်ကပ်ရောဂါရှိပါက အကိုက်အခဲပျောက်ဆေးကို ဆရာဝန် ညွှန်ကြားချက်နဲ့သာ သောက်သုံးပါ။
နှလုံးရောဂါရှိသူတွေအတွက် ဆရာဝန်ညွှန်ကြားချက်မလိုတဲ့ အကိုက်အခဲပျောက်ဆေးတွေ သောက်သုံးတာက အန္တရာယ်ရှိပါတယ်။ အက်စပရင်ပမာဏ အနည်းငယ်ကို နေ့စဉ်သောက်သုံးပါက သွေးခဲဖြစ်တာကို လျှော့ချနိုင်ပေမယ့် လေဖြတ်နိုင်ခြေနဲ့ နှလုံးတိုက်ခိုက်ခံရနိုင်ခြေကို များစေပါတယ်။ NSAIDs ပမာဏများများကို ရေရှည်စွဲသောက်ပါက အက်စပရင်ရဲ့သွေးကျဲစေတဲ့ အာနိသင် ကို ဟန့်တားပါတယ်။ သွေးပေါင်တက် စေပြီး နှလုံးရောဂါနဲ့ လေဖြတ်နိုင်ခြေကို များစေပါတယ်။ နှလုံးရောဂါနဲ့ သွေးတိုး ရောဂါရှိသူတွေအနေနဲ့ NSAIDs သုံး စွဲမယ်ဆိုရင် ဆရာဝန်ရဲ့ ညွှန်ကြားချက်ကို ရယူဖို့လိုပါတယ်။
ပါရာစီတမောပါဝင်တဲ့ဆေးတွေနဲ့ တခြားအကိုက်အခဲပျောက်ဆေးတွေက သူချည်းပဲ သောက်သုံးပါက အာနိသင်ရှိပြီး အန္တရာယ်လည်းနည်းပါတယ်။ ဒါပေမဲ့ ဆေးတွေပေါင်းစပ်ပြီး သောက်မယ်ဆို ရင်တော့ အန္တရာယ်အနည်းငယ်ရှိနိုင်ပါတယ်။ ပါရာစီတမောက နာကျင်မှုတွေ ကိုသက်သာစေပေမယ့် အလွန်အကျွံ သောက်သုံးမိပါက အသည်းကိုထိနိုင်ပါတယ်။ ဆေးပမာဏလွန်ကဲစွာ သောက်သုံးမိပါက အသည်းကို ထိခိုက်မှုပိုများနိုင်ပါတယ်။ အသည်းထိခိုက်မှုမရှိရအောင် သတ်မှတ်ထားတဲ့ ဆေးပမာဏထက်ပိုမသောက်မိပါစေနဲ့။ ပါရာစီတမောပါတဲ့ဆေးတွေ သောက်ထားတဲ့အချိန်မှာအရက်မသောက်ပါနဲ့။
ကိုယ်ဝန်ဆောင်ချိန်မှာ သင်သောက်တဲ့ဆေးတွေက သန္ဓေသားဆီကိုလည်း ရောက်ရှိနိုင်ပါတယ်။ NSAIDs ဆေးတွေက ကလေးမွေးဖွားရာမှာ နောက်ဆက်တွဲ ရှုပ်ထွေးမှုတွေဖြစ်နိုင်တာကြောင့် ကိုယ်ဝန်တတိယအပတ်မှာ သောက်သုံးဖို့ ခွင့်မပြုပါဘူး။ သင်ဟာ နာကျင်မှုကိုခံစားနေရတယ်ဆိုရင်တော့ သားဖွားနဲ့မီးယပ်ပါရဂူက နာကျင်ရတဲ့ အကြောင်းကို ရှာဖွေပါလိမ့်မယ်။ ညင်သာစွာ နှိပ်နယ်ပေးတာ၊ ကြက်သီးနွေး ရေနဲ့ ချိုးပေးတာတွေက နာကျင်မှုကို သက်သာစေပြီး ဘေးဥပဒ်ကင်းစေပါတယ်။ အကိုက်အခဲပျောက်ဆေး သောက်မယ်ဆိုရင်တော့ မသောက်ခင်မှာ ဆရာဝန်နဲ့ မေးမြန်းဆွေးနွေးဖို့တော့ လိုပါတယ်။
ဆရာဝန်ညွှန်ကြားချက်မလိုတဲ့ ဆေးတွေကို ပေါင်းသောက်မယ်ဆိုရင် ဆေးပမာဏ လွန်ကဲသွားတာမျိုး မဖြစ်ရအောင် ဆေးညွှန်းစာရွက်ကို ဖတ်ကြည့်ပြီးမှ သောက်ဖို့တော့ လိုပါတယ်။ နှာစေး အအေးမိပျောက်ဆေးတွေ သောက်မယ်ဆိုရင် ဆေးညွှန်းမှာပါဝင်တဲ့ ဆေးတွေကို ဖတ်ကြည့်ပါ။ ဥပမာ သင်သောက်မယ့် အအေးမိနှာစေးပျောက်ဆေးထဲမှာ ပါရာစီတမောပါပြီးသားဆိုရင် နောက်ထပ် ပါရာစီတမောတစ်လုံး ထပ်သောက်ဖို့ မလိုပါဘူး။
crd. owner
