06/09/2025
ဘီယာသောက်ခြင်းရဲ့ ကျန်းမာရေးဆိုင်ရာ ကောင်းကျိုးများ
ဘီယာကို သင့်တင့်မျှတစွာ သောက်သုံးမယ်ဆိုရင် ကျန်းမာရေးအတွက် ကောင်းကျိုးတချို့ ရရှိစေနိုင်ပါတယ်။
၁။နှလုံးကျန်းမာရေးကို ကောင်းမွန်စေတယ်။
ဘီယာထဲမှာပါဝင်တဲ့ antioxidants ဓာတ်တွေနဲ့ flavonoids ဓာတ်တွေက နှလုံးနဲ့ သွေးကြောဆိုင်ရာ ရောဂါဖြစ်နိုင်ခြေကို လျှော့ချပေးနိုင်ပါတယ်။
၂။အရိုးတွေကို သန်မာစေတယ်။
ဘီယာထဲမှာ silicon ဓာတ်ပါဝင်တာကြောင့် အရိုးသိပ်သည်းဆကို တိုးမြှင့်ပေးပြီး အရိုးပွရောဂါလိုမျိုး ရောဂါတွေ မဖြစ်အောင် ကာကွယ်ပေးပါတယ်။
၃။ကျောက်ကပ်ကျောက်တည်ခြင်းကို ကာကွယ်ပေးတယ်။
ဘီယာက ဆီးများများသွားစေတာကြောင့် ကျောက်ကပ်ကျောက်တည်ခြင်းကို လျှော့ချပေးနိုင်ပါတယ်။
၄။ဦးနှောက်ကျန်းမာရေးကို အထောက်အကူပြုတယ်။
အချို့လေ့လာမှုတွေအရ ဘီယာကို သင့်တင့်စွာ သောက်သုံးခြင်းက မှတ်ဉာဏ်ကောင်းမွန်အောင် ကူညီပေးနိုင်ပြီး ဦးနှောက်ကျန်းမာရေးကိုလည်း ကောင်းမွန်စေနိုင်တယ်လို့ သိရပါတယ်။
သတိပြုရန်
ဘီယာကို သင့်တင့်မျှတစွာ သောက်သုံးမှသာလျှင် အထက်ပါကောင်းကျိုးတွေကို ရရှိမှာဖြစ်ပြီး အလွန်အကျွံသောက်သုံးမယ်ဆိုရင်တော့ ကျန်းမာရေးအတွက် ဆိုးကျိုးတွေ ဖြစ်ပေါ်လာနိုင်ပါတယ်။ အထူးသဖြင့်-
-အသည်းရောဂါများ
-ကိုယ်အလေးချိန်တိုးခြင်း
-အချို့သော ကင်ဆာရောဂါများ ဖြစ်ပွားနိုင်ခြေ တိုးလာခြင်း
-အရက်စွဲခြင်း
စတဲ့ ဆိုးကျိုးတွေကို ဖြစ်ပေါ်လာစေနိုင်ပါတယ်။ ဒါကြောင့် ဘီယာသောက်သုံးမယ်ဆိုရင် အလွန်အကျွံမသောက်ဘဲ သင့်တင့်တဲ့ပမာဏကိုသာ သောက်သုံးဖို့ အကြံပြုလိုပါတယ်။
Nyi Pyaeshan
